رواية ليالي الغول اقتباس من الفصل الأخير بقلم لوجي احمد

رواية حورية في عالم الوحوش البارت الثالث والرابع 3_4بقلم يوستينا سامي 

رواية حورية في عالم الوحوش البارت الثالث والرابع 3_4بقلم يوستينا سامي 

#حورية_في_عالم_الوحوش

3

اسد دخل اوضة حور لقاها بتعيط جامد قرب منها وهو متعصب اوي 

اسد بعصبية / انتي يا بت ..

اتفاجاه بحور حضنته جامد و خبت وشها في حضنه 

و هو في اللحظة دي اتصدم من اللي عملته ده

 و بقي مش عارف يعمل يتصرف معاها ازاي .. 

اسد حاول يهدي نفسه / احم ..انت كويسة مش كدة 

حور بعدت عنه واتكلمت بخوف/ لا مش كويسة خالص انا تعبانة اوي و خايفة ..هو انت جوزي صح .

اسد اتوتر اوي من قربها منه و كان بيرد عليها وهو بيحاول مايبصش في عينيها 

اسد بخنقة / أيوة صح يا ستي ..انا اسد جوزك  .

حور فرحت اوي باسمه و مسكت أيده بحب 

حور / اسمك حلو اوي وحضنك كمان دافئ اوي ..بس هو 

 انا اسمي ايه  .واي جبنا هنا في المستشفي واي عمل فيا كدة 

انا حاسة اني تايه ومش فاكرة اي حاجة .

اسد اتخنقت اوي من اسالتها الكتيرة اوي فز*ق ايديها بعيد عنه واتكلم بعصبية 

اسد / ايه الرغي ده كله .ما واحدة واحدة ..افف 

عموما احنا كنا راجعين و في حبة شباب حاولوا يرخموا عليكي .فأنا انقذ*تك منهم و جبتك هنا لان في واحد ضر*بك بطو*بة في دماغك ... هااااا يارب يكون التحقيق خلص يا استاذة .

حور انكمشت في نفسها لأنها خافت منه اوي .

حور / طب ممكن سؤال يا اسدي ..هو انا اسمي ايه .

اسد بشمئزاز/ اسدك انتي هتصاحبيني يا بت انتي ولا ايه  عموما اسمك ايه .... اسمك جميلة .. خلاص كدة اديني جاوبتك علي كل الأسئلة التافه بتاعتك ممكن امشي بقي .

حور خافت اوي ليسيبها .فقامت من السرير وحضنته جامد

حور بدموع  / لامتسبنيش يا اسدي انا خايفة اوي ..

ارجوك متبعدشي عني لو بتحبني اوعي تمشي

اسد حس بخوفها ولقه نفسه تلقائي بيحضنها / خلاص اهدي مش هتنيل أخرج و مش هسيبك لوحدك ..بس ممكن بقي ترتاحي شوية لانك تعبانة 

حور / حاضر 

وفعلا رجعت السرير تاني بدأت تغمض عينيها و تنام ..... واسد اول ما اتاكد انها نامت خرج من الاوضة للضابط ..

___________________________________________ 

برا الاوضة 

الضابط / خير يا استاذ اسد ..طمني المدام افتكرت اي حاجة عن الحادثة 

اسد بحدة / لا يا حضرة الظابط ..مراتي جميلة مش فاكرة اي حاجة سواء عن الحا*دثة أو غير الحا*دثة  ..لو حضرتك حابب تاخد اي اقوال خدها مني انااا ....

الضابط /  عموما الف سلامة علي المدام .انا كنت محتاج افهم اي اللي حصل بالضبط . وفين ما يثبت انها مراتك 

اسد اتوتر اوي ومكنشي عارف يرد عليه 

الضابط بشك / خير يا استاذ اسد .. حضرتك سكت يعني 

اسد بحدة / أنا وجميلة متجوزين من شهر واحد تقريبا وكانت معايا برا مصر و للاسف كل حاجة اتسر*قت مننا اول ما رجعنا 

الضابط / واللي حصلها ده كان بسبب ايه 

اسد /  محاولة اعتد*اء للاسف وانا اتصرفت معاهم .وبعد اذنك انا مضطر استاذن علشان مراتي تعبانة اوي ..ولازم ابقي جنبها 

وفعلا اسد ساب الضابط واقف و دخل لحور ..

بس الضابط كان شاكك في اسد و كان متاكد أن وراه مصيبة 

_____________________________________________

في الصعيد  ..

نعمة : .. ايه اللي عم  بتجوله  ده يا عبدالرحيم ..دوروا عليها في كل شبر في البلد ..انت لازم تلاجوها سواء حية أو مي*تة .. دي جابتلنا العا"ر 

عبدالرحيم بغيظ: يا عمتي ..انا مش هيهدالي بال غير لما الاجيها واشرب من د*مها ..يلا بينا يا رجالة 

عيشة .واقعة بتعيط  قربت من عمتها ومسكت ايديها

عيشة  / ابوس ايديك يا عمتي ..حور غلبانة هي عملت اكدة بس من غلبها ..ابوس ايدك ما تخليهوومش  يجتلو*ها دي يت*يمة . .

نعمة ز*قتها علي الارض/ .  اخرسي يا بت ..بقي ته*رب من الدوار و تقولي ماعملتشي حاجة .. ده انا لو اطول اشرب من د*مها هعمل اكدة ..اخفي من وشي ..اخفي ..قطيعة تقطع خلف البنات و قرفها 

عيشة قامت ودخلت أوضتها وفضلت تعيط و كانت بتكلم نفسها بحرقة / يارب ما يعطروش فيكي يا حور ..يارب اسندها واقف معاها. .. دول لو لقوها هيمو*توها .

______________________________________________

تاني يوم في القصر

عند حسن .. كان نايم في سريره بس اتفاجاه بأن الباب بيخبط جامد اوي.  

حسن قام بفزع واتكلم بسعادة /  ..تلاقيه هو ابن المجانين وصل بالسلامة مافيش غيره ه*مجي كدة في كل حاجة  ...ايه ده بس لو اسد كان فتح الباب  علطووول ...

وفاجاه باب خبط اكتر ..

حسن بتركيز/  أيوة حااضر .

.وقام فتح الباب ولقه  نور واقفة قدامه ومتعصبة ..

حسن بستغراب / اي يا ماما في حد يصحي حد كدة برضووو ..هو احنا فين هنا يا نور 

نور بخوف / تقدر تقولي فين اسد... وليه اتاخر اوي كدة .انت قولتلي أنه جاي في الطريق ودلوقتي الصبح طلع واسد لسه موصلشي حتي .. 

حسن بغيره/ معرفشي يا نور ... معرفشي فين اسد وبعدين هو مش عيل صغير علشان حد  يخاف عليه أو يتوووه  مثلا ... واتفضلي بقي برا علشان عايز اكمل نومي 

نور بستغراب / في ايه يا حسن .وبعدين انت من أمته بتكلمني كدة اصلا  . لعلمك بقي لما اسد يجي انا هقوله عليك وعلي طريقتك دي واخليه يربيك 

حسن بعصبية / يربيني .ما تركزي في كلامك قبل ما تقوليه

وبعدين اطمني اسد عمره ما هيعملي حاجة يا نور مش بس علشان هو اخويا وصاحب عمري لا  لأنه اصلا مش شايفك وبيعاملك زي اخته افهمي بقي ... 

نور بغرور / ايه الكلام العبيط اللي انت بتقوله ده .أنا وهو بنحب بعض .و اطمن قريب اوي هيبقي حرم اسد العقاد 

حسن فصل يضحك بستهزاء/ حر*مه مرة واحدة .شكلك مش بتسمعي كويس بقولك اسد مش بيحبك انت بالنسبة ليه بنت عمه وبس وبكرة هتعرفي كلامي ده كويس اوي ... واطلعي برا بقي ...

نور بصتله بصدمة .خرجت من الاوضة وهي مضايقة اوي وقررت تدخل اوضتها تقعد لوحدهااا تفكر في كلام حسن..

__________________________ بقلم✍️ / يوستينا سامي 

في المستشفي.  ..

في أوضة حوور (جميلة ) 

حور قامت من النوم وشافت اسد نايم علي الكرسي 

حور بتعب / اسد يلا قووم بقي انا عايزة امشي من هنااا ..انا مش عارفة انام ..انا عمالة احلم بكواليس كتيرة اوي  

.( بدأ تزعق جامد )

يا اسد قوووووم بقي 

وفضلت تضر*ب في رجليه بس هو كان عالم تاني من التعب وكان نايم بهدوء 

حور يغضب / طب بلاش نروح . قوم نام جمبي خدني في حضنك انا خايفة اوي .

. بس وبرضو مردش عليها خالص وكان نايم ..

حور استفزت اوي  / بقي كدة يا اسد طيب انا بقي هتصرف معاك بس متبقاش تزعل.

وفاجاه قامت من علي السرير وبعزم قوتها ضر*بته بالقلم جامد اوي علي وشه  .. 

#حورية_في_عالم_الوحوش

4

في المستشفي.  ..

في أوضة حوور (جميلة ) 

وفاجاه قامت من علي السرير وبعزم قوتها ضر*بته بالقلم جامد اوي علي وشه  .. واسد قام مصدوم من القلم

 و مخضو*ض 

اسد في سره /معقول مدت ايديها عليا انا 

اسد بصلها بصدمة ومسك ايديها جامد / ..هو انتي مديتي ايديكي عليا وانا نايم   مش كدة

انا مش بحلم !!!  .. 

( وفاجاه زعق جامد )..انت ضر*بتيني بالقلم ؟ 

حور بستغراب من عيونه اللي كلها ش*ر و بدأت تخاف جامد و قالتله بخو*ف ./  انا كنت بصحيك بس  ..

اسد بعصبية و صوت عالي سمع المستشفي كلها ./.بتصحيني تضر*بيني بالقلم علي وشي ..انت اتجننتي ..

ده لا عاش ولا كان اللي يضر*ب اسد العقاد بالقلم  هو انت فاكرة نفسك مين يا بت انتي  . 

وشدها من ايديها جامد اوي  لدرجة أن ملامح الو*جع اترسمت  علي وشها واتكلم بحدة خو*فتها / واضح انك مش متربية ولا شوفتي رباية وانا اللي هربيكي يا بنت الك*لب

حور خافت اوي وبدأت تدمع تلقائي / انا اسفة والله .انا كنت  زهقانة وقولت العب  معاك ، حقك عليا والله مش هعمل كدة يا اسد 

اسد بحدة /. تعملي كدة تاني ..ده انا كنت ق*تل...

وملحقشي يكمل ولقه حور في حضنه ومتشبثه فيه جامد وماسكه قميصه بخوف وحاطة رأسها في رقبته وبدأ تتكلم بصوت متقطع / انا اسفة والله ..اسفة ..اسفة يا  اسدي والله ما هعمل كدة تاني ..طب بص ممكن تضر*بني نفس القلم بس اوعي تزعل مني 

ده انا حاسة بالامان اوي في حضنك و مقدرشي علي زعلك ده ... حق .. حقك عليااا 😭😭

اسد في اللحظة دي حس بخوفها منه واخد باله من نفسها اللي مش قادرة تاخده من العياط ور*عشة جسمها اللي عماله تزيد ولكنه مكنشي طايقها فز*هقها بعيد عنه 

اسد  بحدة  / طيب انا لما اشوف اخرتها معاكي ايه .. وبعدين بقولك ايه مش كل ما تشوفيني متعصب تقربي و تحضنيني سامعة ولا لاااء 

وخرج من الأوضة وهو متعصب اوي و سابها بتعيط

حور قعدت علي السرير و ضمن رجلها بخوف / انا كنت بهزر معاه والله 

_______________________________________________

في الصعيد ..

في اوضة عيشة .. 

حياه / ما خلاص بجي يا عيشة . هيفيد بايه يعني العياط .

عيشة/ امال اعمل ايه يعني يا حياه ..بت عمي هتضيع و لو لجوها هيجتلو*ها ..وانتي عارفة حور بالنسبة ليا ايه 

حياه بدموع / وبالنسبة ليا أنا كمان ..انت عارفة اني سمعت عبدالرحيم بيجول لعلي أن فرحي مش هيتاجل و هيبقي اخر الشهر ده 

عيشة / يا وجعة طين علي دماغنا كلتناااا .يعني يا ربي هي ناجصة ما كفاية موضوع حور ..

حياه / والله يا عيشة فكرت اهروب .بس بعد اللي حصل لحور ..فكرت اني امو*ت نفسي ارحم مني اتجوز واحد مصراوي و ظالم جت*ل عمي بد*م بارد 

عيشة بعصبية  / اوعاكي تعملي اكدة انتي بهيمة ولا ايه  ..واوعاكي تفكري أكده تاني  انتي سامعة يا بت .. واكيد هنلاقيلها حل .. بس يارب تكون حور في امان لاول 

________________________________________________

في اوضة حور في المستشفي .. 

حور كانت قاعدة تعيط جامد و خايفة من اسد و بتفكر ازاي تهرب من المستشفى .. وفاجاه دخل اسد الأوضة 

اسد بحدة / ايه لسه صاحية .متخمدتيش ليه يا هانم 

وقرب وقعد جمبها علي السرير بس لاحظ دموعها و خوفها 

اسد باستغراب / ما كفاية عياط بقي  .. وبعدين هو انت بتتر*عشي كدة ليه ؟ هو انا جيت جمبك يا بنتي ولا هو عب*ط وخلاص ..

حور بعياط / لا انت هتتضر*ني ..وشك كله عصبية وانا خايفة منك و مش عايزة اروح معاك ..😭😭😭

اسد بملل/ اهدي طيب  

وبدأ يضمها لحضنه  / اهدي يا جميلة واتنفسي براحة خالص انا مش هعملك حاجة خالص ..بس بطلي عياط 

وفعلا بعدها بشوية هديت خالص ونامت في حضنه واسد استغرب ازاي هي عبيطة كدة و بكلمتين منه هديت و كمان نامت في حضنه 

اسد بزهووول /  هو انتي اي حكايتك بقي ..شكلي كدة داخل في حوار اكبر مني بكتييير يا ست جميلة 

بس  أنا مش هينفع اقعد معاكي ولا هينفع تيجي معايا البيت ..أنتي لازم تختفي .. 

يا ترا اسد بيفكر في ايه و هل ممكن يعمل حاجة في حور ؟؟ 

________________________________________________

في الصعيد 

نعمة دخلت اوضة عيشة و حياه 

نعمة بعصبية مسكت عيشة من شعرها / اتكلمي يا بت فين حور .محدش غيرك يعرف مطرحها . انطقي بدل ما اد*فنك تحت رجلي هنااا 

عيشة بدموع / والله يا عمتي معرفشي حاجة خالص صدقيني حور ماقولتليش حاجة ..

حياه/  أيوة والله احنا مانعرفشي مطرحها 

نعمة بحدة / اخرسي انت يا بت 

وبصت لعيشة / كان علي عيني يا بنت اخوي اصدقك  كان نفسي اصدقك بس انتوا الاتنين من نفس الطينة اتفوو عليكو .. يا عبدالرحيم خدها احب*سها في المخزن تحت لحد ما تقررر  بكل حاجة ..

عيشة بصر*يخ / .يا عمتي حرام عليكي والله ما اعرف حاااااجة .. 

وفعلا عبد الرحيم اخدها وح*بسها في المخزن 

علي واقف حزين / ..يا امااا حرام عليكي عيشة اكيد متعرفشي اي حاجة عن حور . هي ملهاش صالح بيها ..اعتجيها لوجه الله بجي 

نعمة بعصبية / أيوة يا حبيبي ..تلاقيك حنيت يا سي علي .بس بعينك والله ما هسيبها غير لما اعرف فين حور و اجبها كدة تحت ر*جلي واشفي غليلي منها ... غور من وشي .  .غووووووور 

_______________________________________________ 

في اوضة حسن .. 

مراد بص لاخوه بقلق / نفسي اعرف انت ناوي علي ايه . 

انت فعلا ناوي تق*تله 

حسن / كلمة مو*ت دي قليلة اوي على واحد زيه . 

استوووووووب 

بقلم ✍️ يوستينا سامي