رواية صغيرة في قبضتي الفصل السابع وعشرون 27بقلم إيه عيد حصريه في مدونة قصر الروايات
رواية صغيرة في قبضتي الفصل السابع وعشرون 27بقلم إيه عيد حصريه في مدونة قصر الروايات
#صغيرة_في_قبضتي
#Small_in_my_fist
فجاة تم اطلاق رصا*صة.... لكن ليس من ابن عمها، نظرت خلفه وكان زين وضر*ب الرصا*صة في الاعلي، واعينه حا*دة.
قامت رنا بسرعة وجريت عليه، ووقفت وراه بدموع وخوف.
عمها مسعود بغضب:بتجري عليه يا جليلة الاد*ب.
رفاعي:مش قولتلك يابا... البت دي عايشة معاه في الحر*ام.
قال زين بغضب:اخر*س... اياك تجيب سيرتها بالعاطل.
رفاعي بحف*د:اه، ما الست هانم بتدلعك كل ليلة... وتلاجيها بترجصلك كمان.
نظرت رنا لزين بدموع، وهي ماسكة فيه من الخلف.
زين بغضب:هي عايشة هنا بس... مفيش حاجة من العبط ال بتقوله دا.
مسعود بغضب:يمشي كيف ديه... عايشة معاك من غير جواز.
سكت زين بحده.
قال رفاعي بغل :شوف سكت ازاي... يبقي مش متجوزين، ومقضينها بالحر*ام... دا انا لما حاولت معاكي هناك ضر*بتيني بالشومة وهربتي.
نظر مسعود لرنا بغضب:بقي بتخليه ياخد شرفك يا بنت ال ***
وقرب منها عشان يضر*بها، لكن زين زقه بقوة وغضب قائلا :اياك تلمسهااااا.
مسعود:وسع يا جدع انت... انا هربيها، وانتوا الاتنين هتيجوا معانا الصعيد.
زين بغضب:محدش فينا هروح اي حتة... انتوا هتمشوا ودا هيكون افضل ليكم.
رفاعي بعصبية:وريني هطلعنا ازاي... احنا مش هنمشي غير والبت دي معانا.
زين بحده:بقي كدا... تمام.
رفاعي بسخرية:ايه؟! هتجيب الحكومة، احنا مش بنخاف منهم علي فكرة.
قال زين بجمود:ومين قالك اننا بنلجأ للحكومة.
ونادا بصوت عالي:اطلعوااا يارجاااالة.
رفاعي والكل استغرب حتي رنا.
وفجاة طلع رجال ضخام لابسين اسود، وكانت رجالة ادم.
زين بجمود:شوفوا شغلكم معاهم.
اومأوا له الرجال ودخلوا لداخل الشقة، ومسعود ورفاعي والشخص ال معاهم رجعوا للخلف بخوف.
وخرج زين ومعاه رنا، وقفل الباب.
قالت بخوف:زين... دا عمي.
نظر لها بحده:انتي لسة شايفاه عم بعد ال عمله معاكي... يلا.
ومسك ايدها ونزل للاسفل، وركبها عربيته.
قالت بتوتر:هنروح فين؟!
قال بهدوء:استنيني هنا.
ولقته بيتحرك ناحية المدخل تاني وهو بيتني اكمام قميصُه بحده وبيطلع علي فوق، وواضح انه رايح الشقة.
وهي ظلت تنظر علي المدخل بخوف منتظراه.
@@@@@@@@@@@@@@@@@@@@@@
في قصر السيوفي... في الصالة.
كان الكل قاعد بعد ان تناولو طعامهم.
قام مصطفي:طب احنا هنمشي بقي.
وقف ادم، وبراء وقفت قائلة :خليكم شوية.
ثرية بابتسامة وهي تقترب منها:معلش يا حبيبتي، هنبقي تنيجي تاني... وانتي ابقي تعالي، احنا خلاص هنستقر هنا.
براء بحزن:طب العنوان فين؟!
نظرت ثرية لاد بابتسامة:هو عارف... ابقي خليه يوصلك.
سكتت براء، وقرب منها مصطفي ومسح علي شعرها بهدوء وابتسامة:خلي بالك من نفسك.
ابتسمت بخفة وسكتت.
ثرية قربت منها وبا*ستها علي جبينها، وودعتها وودعت العيلة ومشيت هي ومصطفي.
سهر:انا كمان تعبت، هطلع ارتاح.
سيف:اومال فين جدتي؟!
سهر:تعبا*نة شوية، وتلاقيها نايمة دلوقتي.
رغد:طب انا طالعة انام....سلام.
نظر ادم لبراء بهدوء:مش يلا هانم!
نظرت له من اعلي واسفل بغرور طفولي، واتحركت من جمبه وطلعت علي فوق....وهو واضع يده في جيبه واليد الاخري علي اعلي ذقنه يحرك عليه بأبهامه، مبتسما ابتسامته الجانبية الخفيفة وينظر لها.
اتنهد وصعد ورأها بهدوء.
جنا:انا طالعة ياماما.
سهر :تمام.
ومشي الجميع واتجه لغرفته.
٪٪٪٪٪٪٪٪٪٪٪٪٪٪٪٪٪٪٪٪٪٪٪
في الاعلي.
دخلت الغرفة ،واتجهت للحمام لكنه امسكها من ذراعها وحاصرها عند الحائط.
نظرت له بصدمة وهو نظر لها بأعينه الصقرية قائلا بخبث:مبروك يا عروسة.
بعدت نظرها عنه بضيق، وهو نظر لها قرب وجهه منها.
لفت وشها وبصتله بحده:ابعد يا ادم.
قال بهدوء:ولو مبعدتش؟!
سكتت وهي تنظر له بضيق وصد*رها يعلو ويهبط.
وضع انماله علي خدها ينظر لها بأشتياق، قرب وجهه بجانب اذنها يشتم رائحة شعره.
كانت تحاول الابتعاد ولكنه محاوط خصرها ويشدها لعنده اكثر واكثر.
كان يعيد خصلات شعرها للخلف بيده، وهو غارق بها.
اغمضت عينها غص*ب عنها من لمساته قائلة بصوت متعب:ادم.
قال بصوته الرجولي هامساً:قلبه.
قالت :ا ابعد.
قال:مش قادر... صدقيني مش قادر.
وجدته يضمها اكثر له، وضع يده علي سحاب الدريس من الخلف... فتحت عينها ونظرت له بتوتر.
انزل السحاب للاسفل بهدوء، وهي تتنفس بقوة.
فجاة زقته لكنه مش قوي.
نظرت له بخوف قائلة :لا.
نظرت له وهي تتنفس بسرعة، وهو ينظر لها.
جريت علي الحمام بسرعة وقفلت الباب... وهو اتنهد بضيق وقعد علي الكنبة.
@@@@@@@@@@@@@@@@@@@@@@
في بيت صالح.
دخل سليم وهو مبتسم.
هالة :كنت فين يا سليم؟!
سليم بابتسامة:كنت عند براء.
قامت بسرعة ولهفة:براء!!! براء عايشة.
قال بهدوء:ايوا... عايشة،ومع ادم السيوفي دلوقتي.
قعدت بحزن،فا هي لن تستطيع الذهاب لها هناك.
خرج عزيز من الغرفة، وعمر بيزق الكرسي.
عزيز:انت رجعت يا سليم!!!
سليم بضيق:ايوا.
عزيز:كنت فين؟!
هالة بحزن:كان عند براء... عايشة مع ادم السيوفي.
عزيز بصدمة:ايه!!!هي عايشة، مقت*لهاش.
سليم:كانت لعبة عليك.
عمر اتضايق ونظر للاسفل بحق*د.
عزيز نظر للاسفل بحزن وسكت.
هالة بحون:انا نفسي اشوفها يا عزيز.
عزيز بضيق:هروح بيت عد*وي عشان اشوف بنت كنت فاكرها بنتي.
هالة بدموع:احنا خسرنا كل حاجة خلاص... خليني اشوفها مرة واحدة بس.
اتنهد عزيز وقال:ماشي... هنروح نشوفها بكرا.
سليم:دي حامل.
هالة بصدمة:بجد!!!
عزيز بابتسامة:ربمنا يعوضها، ويفرحها اكتر.
نظر لهم عمر بغل وخبث في نفس الوقت، وهو يخطط بشيء في رأسه.
@@@@@@@@@@@@@@@@@@@@@@@
في قصر السيوفي... وتحديداً في غرفة ادم.
خرجت وهي ترتدي بيجامة واسعة، ولقته واقف في البلكونة بيد*خن.
اتنهدت، وقعدت علي السرير، نظرت للاسفل وبعدها نظرت له... لقته واقف عا*ري الصد*ر، والجو برد.
مسكت ايدها بضيق بتحاول متقومش... اتنهدت بقوة وضيق وقامت وقفت، دخلت غرفة الملابس جابت ليه جاكت اسود.
ونظرت للبلكونة، اخدت نفس واتجهت عنده.
دخلت ووقفت وراه بتوتر قائلة :الجو برد... اتفضل.
التف ونظر لها، وهي انزلت انظارها بتوتر للاسفل.
قال بهدوء:ادخلي انتي.
قالت: ب خد الجاكت.
اخده منها بهدوء ولبسه، وكادت ان تلتف عشان تمشي، لكنه مسك يديها بهدوء.
نظرت له، وهو قربها منه بهدوء قائلا :محتاجين نتكلم.
سكتت، وهو قربها ولفها وضهرها بقا امام سور الشرفة، وهو أمامها ووضع يده علي حواف السور يحاصرها بهدوء... مميلا قليلا وينظر لها.
قالت بحزن:هنتكلم في ايه؟!
قال بهدوء:في كل حاجة... في كل ال حصل، من البداية، اسألي وانا هجاوب.
اتنهدت ونظرت له قائلة :اتجوزتني ليه؟!
قال: عشان مايان.
قالت: عرفت ازاي اني اختها؟!
قال:من المستشفي.
قالت بتردد:ك كل الايام ال عشناها سوا... م محستش انك...
قال بهدوء:حسيت... حسيت بحاجات كتير عمري ما كنت عارف شعورها.
نظرت له قائلة :انا ولا مايان؟!
قال بدون تردد:الاولوية ليكي انتي.
قالت:كانت حبيبتك؟!
قال:صديقة... انا كنت بس متعود عليها في حياتي.
قالت بصوت مبحوح:كنت ههون عليك لما تاخد قلبي.
قال بنظرة حزن وند*م: كنت هقت*ل نفسي... صدقيني مقجرتش في اخر لحظة... عرفت انيمش هقدر اكمل من غيرك.
قالت والدموع تتجمع في عينها:بس انت كنت هتعمل كدا.
مسك ايدها وقال:حقك عليا، عارف اني غلطت ولله... وحابب تخليني اصلح غلطي.
سكتت وهي تنظر له بحزن.
قال وهو يضع يده علي خدها:ولله بحبك... ورحمة ابويا بحبك.
قرب منها قائلا :انا كنت بمو*ت كل ليلة في بعدك عني، كنت ببقي عايز اقت*ل نفسي.
نظرت له، وهو اقترب اكثر:كنت ببقي خايف عليكي انتي وابني، وبقول يا ترا عايشة ازاي.
قرب منها وحضنها بهدوء... لكن المفاجاة بأنها بادلته الحضن، وهو يحاوط خص*رها، وهي تلف يدها حوالين رقب*ته.
قلبه ارتاح،وضمها اكثر ليه.
قالت بصوت مبحوك:متعملش كدا تاني يا ادم... لو عملتها! ساعتها مش هتلاقيني طول حياتك.
قال وهو يضمها اكثر: مش هتتكرر تاني، هحافظ عليكي كويس.
قالت بهدوء:وابننا؟!
قال:وابننا.
اتنهدت، واغمضت عينيها، وهي تفكر هل قرارها صحيح... ام لا.
ضم اكثر في حضنها... قائلا بحب:اكلتي عقلي يابنت الشرقاوي.
ابتسمت غص*ب عنها بخفة.
فجاة شالها ودخل بها للداخل، وضعها علي السرير بهدوء.
قل*ع الجاكت، وقرب منها استلقي علي السرير واخدها في حضنه، وغطاهم كويس.
وضع يده علي معدتها ونظر لها :بحبك.
سكتت، فا هي لا تريد ان تخطيء وتقول هذه الكلمة مجددا.
ضمها اكثر قائلا بهدوء:عارف انك لسة مش واثقة فيا... بس انا هسيب الايام ترجع ال اتكسر.
سكتت ووضعت رأسها علي صد*ره واغمضت عينها.
وهو يمسح علي شعرها بهدوء، ويده الاخري علي معدتها.
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
في الصباح.
كانت براء قاعدة علي كرسي في السفرة وترتدي دريس سلوبتة لونه بيش وتحته قميص ابيض، وجمبها سهر وهي تضع امامها بعض الاطباق الذي بها الطعام الصحي.
براء بحزن:بس انا مش بحب كدا.
سهر:لازم تحبي كدا يا حبيبتي، لازم تاكلي كدا عشان ال في بطنك.
براء:بس انا مكنتش باكل كدا.
سهر: اومال كنتي بتاكلي ايه الفترة ال فاتت دي كلها.
براء بتوتر:بصراحة كدا... مكرونة وشيبسي وايس كريم وشوية اكلات بحبها.
سهر بصدمة:نعم... انتي بتهدري صحتك كدا،بس كفاية بقي انتي من هنا ورايح هتاكلي سلطة.
نظرت لها براء بغي*ظ طفولي وسكتت.
قرب منهم ادم الذي كان يرتدي بدلته الرسمية، وقال بهدوء:في ايه؟!
سهر:الهانم... كانت مقضياها شيبسي، وتسالي في الخمس شهور دول.
نظر لها ادم بابتسامة خفيفة:تاكل ال هي عايزاه... اهم حاجة نفسها.
نظرت له براء وسكتت.
ادم نظر لها: يلا عشان الدكتورة.
قالت باستغراب:دكتورة ايه؟!
قال بهدوء:الدكتورة ال هتابعي معاها.... يلا.
اتنهدت وقامت، وهو مسك ايدها وخرج... ركب العربية وانطلق.
اتت سيارة عزيز في تلك اللحظة، ونزل من العربية ومعاه هالة التي تمسك كرسيه المتحرك.
دخلو بعد ما الحراس اخدوا الاذن من سهر.
سهر بجمود:نعم، عايزين ايه؟!
هالة:عايزين نشوف براء.
سهر ببرود:مش هنا.
خرجت الجدة في تلك اللحظة، واتصدمت عندما رأت عزيز.
عزيز:ارجوكي لو هنا ناديها، عايزين نتطمن عليها.
سهر بعصبية:قولتلك مش هنا، انت مش بتفهم....احمد ربك ان ادم كمان مش هنا، انت اساسا ازاي تيجي هنا، جاي بيت الشخص ال قت*لته.
عزيز بضيق:انا معملتش كدا من فراغ... كامل هو ال كان هيقت*لني.
قال بعصبية:انت كد*اب... دا كان عايز ييجي يصالحك، وتبقوا صحاب.
عزيز بعصبية:لا مش كد*اب، انا عرفت من شخص قبل ما اقابله انه عايز يقت*لني، مكنتش هروح... بس كلامه استفزني، عشان كدا روحت وحصل ال حصل.
سهر بعصبية:دا انت معندكش دم بجد.
فجاة اتصدموا لما نزلت جنا وشافت جددتها بتترعش وهتقع من طولها وصر*خت قائلة :تيتة.... مالك يا تيتة؟!
مسكتها جنا وسهر قربت منها.
فيروز كانت تبكي، وتنظر علي صورة ابنها علي الحائط وترتعش قائلة بدون وعي:ا انا السبب... انا ال قت*لته.
اتصدموا ونظروا لها.
سهر بقلق:هو مين دا؟!
قالت بدموع وهي تجلس علي الارض:ك كامل... ا انا السبب، انا قت*لت ابنييي.
نزلت الصاعقة عليهم كلهم، وسكتوا ومحدش قدر ينطق
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق