رواية الاعمى الفصل الرابع عشر والخامس عشر بقلم ليلةعادل
رواية الاعمى الفصل الرابع عشر والخامس عشر بقلم ليلةعادل
بارت الرابع عشر
روايه الاعمى
بقلمي ليلة عادل ✍️🌹
❤️❤️❤️❤️❤️❤️❤️❤️❤️❤️❤️❤️❤️❤️
القسم 9 ص
داخل مكتب ادهم ومعه اميرة
ادهم ... ها فكرتى
اميرة ... اه
ادهم ... طب احكيلى
اميرة ...(بحسم ) اللى حكيتهولك هو اللى حصل
(يخبط على المكتب بايده بغضب )
ادهم ...(بشده) كدبتى ليه لما قولتى خرجتى من النادى العصر
اميرة ... لا كنت ناسيه
ادهم ... ناسيه روحتى فين بعدها
اميره ... اتمشت شويه
ادهم ... اتمشيتى ها طب ماقولتيش ليه كدا من الاول
اميره ... لانه موضوع مش مهم
ادهم ... مش مهم طيب دخلتى الفيلا ازاى
اميره ... من البوابه
ادهم ... انهى بوابه
اميرة ..من بوابه الاماميه
ادهم ... بس دى كانت مقفوله ولا مروان عملك مفتاح
اميره ... لا كانت مفتوحه هى كمان
ادهم ... والاسعاف طبعا دخلت عادى
اميرة ... اه
ادهم ... دخل يابنى بتاع الاسعاف
ادهم ... هى دى اللى فتحتلكم
رجل الاسعاف ... اه
ادهم ... متاكد
رجل الاسعاف ... ايوا يا افندم
ادهم ... اتفضل.انت ... طبعا سكتى .اثبت يا استاذه ان الاسعاف لما جت معرفتش تدخل لان البوابه كانت مقفوله اتصلو بيكى وانتى خارجتى فتحتى البوابه بنفسك , انتى بقا دخلتى ازاى , ردى دخلتى ازاى
تصمت اميره قليلا تفكر على ملامحه الارتباك وبصوت مكسور ثم تقول
اميره ... نطيت من السور بتاع البوابه الخلفيه
ادهم ...مقولتيش من الاول ليه كدا
اميره ... خفت دى جريمه قتل
ادهم ... حلوه طيب نطيتى من السور ليه
اميره ...لما دخلت لقيت البوابه مقفوله وكنت عايزه اطمن علي مروان
ادهم ...(بسخريه ).. اممممم اذا كان كدا ونيتك خير لاء نطى.. روحتى فين بقى بعد ما نطيتى
اميره .. دخلت فيلا على طول
ادهم .. تخلتى فيلا على طول اه اه لحظه كدا معايا
(يفتح ادهم اللاب يطلب منها ان تنظر الى الشاشه..مشهد ليها هى بتنط من الباب الخلفى للفيلا ثم تذهب من ناحيه اخرى)
ادهم ...انتى عارفه الكاميرا الموجوده فى الفيلا اللى قصاد فيلا مروان صورتك يا استاذه ها هتحكى الحقيقه ولاه احول الاورق للمحكمه وخلص
اميره ... حضرتك دى الحقيقه
ادهم ... وانا مصدقك انتى تمام .. انا كدا هحول القضيه لمحكمه لان بشكل ده القضيه اتحلت
اميره ... ازاى
ادهم ... بنت بتحب دكتورها قتلت مراته عشان تخلص منها وتتجوزه غيره نسوان
اميره ... والله ما قتلتها
ادهم ... المحكمه بقى هى اللى تحدد وتقوللهم ليه نطيتى وكنت فين انا كدا خلاص الموضوع خرج من ايدى اكتب يابنى (اثناء حديثه مع الكاتب )
اميرة ... (تبكى بعد صمت قليل وتفكير ) ... الاسطبل
ادهم ... (بستغراب) ايه
اميرة ... كنت فى الاسطبل ممكن اشرب ... (بعد ان تشرب) ... شكرا..من حاولى شهر ونص كدا جاتلى رساله من تليفون مروان انه منتظرنى فى المكتب روحت , اول ما دخلت اتفاجأت بماجى طلبت منى انى ابعد عن جوزها واخوها واتهمتنى فى شرفى وهانتنى جامد . طبعا كان لازم ادافع على نفسى قولتها انى مش هبعد وكل اللى قالو لحضرتك منير
ادهم ... كملى
اميرة ... الاول اضيقت وفعلا ماروحتش يوم كامل بعدين رجعت اروح تانى وقتها هادى كان بيحاول يجور ناعم معايا طلب منى انه يشفنى برا فى مكان رفضت فى الاول بعدين روحت اتفاجأت انه طالب ايدى طبعا رفضت
ادهم ... ليه
اميرة ... لانه مش شبهى و مش بحبه بس وقتها حسيت ان وجودى فى البيت ده هيجبلى المشاكل
ادهم ... مشاكل ايه
اميره ... ان بابا بدا يضايق ان فى بيت مروان كل يوم تقريبا من الصبح لبليل , ومشكله ماجى وحور هادى , طبعا عشان مضيقش د/ مروان كدبت عليه قولته انى مسافره وفعلا سافرت حوالى 10 ايام لما رجعت كان نفسى اشوفه , افتكرت ان د/ مروان مره حكالى عن طريقه كان بيدخل فيها الفيلا وهو صغير ومحدش كان بيشوفه قرارت اعمل كدا واشوفه من بعيد
ادهم ... عملتى كدا كم مره
اميره ... دى كانت المره الثالثه
ادهم ... كملى
اميرة ... كنت فى النادى قاعده مع حمزه انا عارفه ان د/ مروان فى الوقت ده بيحب يشرب القهوه فى الجنينه , سبته ومشيت روحت فضلت قاعده فى الاسطبل اكتب فى المذكراتى بس لحظت حاجه
ادهم ... ايه هى
اميرة ... محدش دخل ولاخرج خالص يعنى مفروض انه فى سايس فى كيلا مروان نفسه ولا دخل ولا خرج , بس انا قولت يمكن ماجى مديهم اجازه هى بتعمل كدا على طول بتدى كل الخدم اجازه وهى مسافره ومروان بيقعد معايا او مع منير
ادهم ... وبعدين
اميره ... كملت قعدتى لحد ما جتلى الرساله جريت على طول لما وصلت على الباب الفيلا لقيته مفتوح طبعا وقتها مكنتش مركزه , لانى عايزه اطمن على مروان انا جريت على الاوضه لان الاوضه بتعت مروان فى الدور الاول اتفاجأت انها على الارض حولت اساعدها لما معرفتش طلبت الاسعاف
هو ده كل اللى حصل والله العظيم
ادهم ... مالمحتيش حد خالص وانتى قاعده
اميرة ... لاء خالص
ادهم ... ولا حتى عند البوابه
اميرة ... لاء . حتى لو حد دخل او خرج مش هقدر اشوفه لان المكان بعيد والناحيه التانيه مستحيل
ادهم ... سمعتى صوت زعيق اى حاجه
اميرة ... لاء
ادهم ... ليه مش حكيتى كدا من الاول
اميرة ... خفت حسيت انى هلبسها اكتر
ادهم ... بصى اللى بتقولى ده فعلا يثبت عليكى اكتر بس انا عايزك تكملى
اميره... مافيش حاجه ممكن اقولها تانى
ادهم ... هادى فين؟
اميرة ... معرفش اخر مره شقته فى الكافيه بعدها بيوم سبت الشغل
ادهم ... كنتى كتبه ايه فى الورق اللى فى المذكرة؟
اميرة ... انا قولتك كلام عادى
ادهم ... اميرة بتخبى ليه
اميرة ... صدقنى مش بخبى
ادهم ... ايه رايك فى سلوك ماجى؟
اميرة ... من ناحيه
ادهم ... يعنى اخلاقها ؟
اميرة ... معرفش مكنتش بحب اتعامل معها بس هى..ربنا يسهلها بقا
ادهم ... كتبتى فى مذكراتك انها ست رخصيه مش كويسه شفتى عليها حاجه؟
اميرة ... غيرة بنات مش اكتر
ادهم ... اللى انتى كاتبه ده يوصلك لحبل المشنقه
اميرة ... والله مقتلتها دى اطول منى اصلا هخنقها ازاى
ادهم ... منطق بردو....اميرة مش ملحظه ان غياب هادى ده شى غريب
اميرة ... طبعا
(يدخل العسكرى يبلغ ادهم ان مروان برا يطلب ان يراه)
ادهم ... خليه يدخل... اتفضل يا دكتور خير فى ايه
مروان ... محتاج افهم
ادهم ... تفهم ايه
مروان ... سبب اسالتك
ادهم ... يا عسكرى طلع اميرة بره
(اثناء سير اميره للخروج تنظره نظره لوم وعتاب لمروان بعد خروج اميره)
ادهم ... ماجى كانت حامل
مروان ... ايه
ادهم ... زى ما سمعت
مروان ... (ساكت مصدوم بيحاول ان يهدى)
ادهم .... انا مقدر موقفك فقد مراتك و ابنك فى نفس اللحظه ولا هو مش ابنك !
مروان ... نعم
ادهم ... على فكره حتى لو قولت منى هنعمل تحليل DNA
مروان ... من غير تحليل مش ابنى انا وماجى علاقتنا منتهية من بعد الحادثه
ادهم ... انت كنت شاكك فى سلوك مراتك عشان كدا كنت هطلقها
مروان ... مش هو ده السبب
ادهم ... مال ايه سبب الطلاق اوعى تقولى مشاكل
مروان ... انا لوكنت عارف انها بتخونى كنت قتلتها وانا مبسوط
ادهم ...وامال ايه السبب اللى يخلى راجل زيك لسه شاب ومراتك حلو يبعد عنها , متقولش الحادثه فقدانك لبصرك ملهوش علاقه بالموضوع ده
مروان ... مابقتش احبها
ادهم ... و ده سبب كافى
مروان ... بنسبه ليه كافى
ادهم .... ليه مطلقتهاش من بدرى
مروان ... كتير اوى كنت بنهى كل شى بس هى كانت بتطلب فرصة , وانا كنت بديها لحد ما اميرة دخلت حياتى بطلت اركز معها , اميرة كانت واخده كل تركيزى
ادهم ... تفتكر بعدك عنها جنسيا وجفاء فى المعامله سبب فى الخيانه
مروان ... هو فى سبب فى الدنيا يخلى ست تخون جوزها هى كانت قابله الوضع ده
ادهم ... يمكن زهقت هى ست وليها حقوقها
مروان ... لو كانت طلبت الطلاق كنت هطلقها من غير مناقشه وهى كانت واثقه من ده
ادهم ... عارفه انك مش متمسك بيها يعنى
مروان ... حاجه زى كدا
ادهم ... طب ايه سبب الخيانه
مروان ... معرفش
ادهم ... تفتكر كانت بتخونك مع مين
مروان ... تفتكر انا ممكن اكون عارف
ادهم ... يعنى ممكن تكون شاكك فى حد ..حد مثلا كانت بتخرج معه كتير شخص معين شخص قريب منها كدا يعنى
مروان ... لامعرفش للاسف
ادهم ... تفتكر اميرة تكون عارفه وعشان كدا قتلتها
مروان ... لالا صدقنى ولا انا ولا اميرة لينا يد فى الحصل
ادهم ... مصدقك بس دلوقتى كل الادله ضدها.. قولى هادى مين كان بيشوفه
مروان ... كلنا
ادهم ... يعنى تقدر توصفه
مروان ... اخر مره شفته فيها كان فى الصوره اللى كانت فى الجاليرى وهو عنده حوالى 14 سنه , كلام ده قبل الحادثه زى ما انت شايف اللى حصلى
ادهم .... انت قولت الصوره كانت فين
مروان ... فى الجالبرى
ادهم ... احنا فتشنا المكان مالقناش اى حاجه
مروان ... يمكن شالتها فى مكان تانى لان الكلام ده كان فى بدايه الجواز .
ادهم ... منير بره
مروان ... اه
ادهم ... يا عسكرى دخل منير والرسام .
(يدخل منير ومعه الرسام )
ادهم ... منير ممكن توصف شكل هادى للرسام
منير ... طبعا هو وشه طويل وشعره اسود وعينه واسعه وسودا وطويل حوالى 180و قمحاوى وبدقن
مروان... (بحاله زهول) ... موصفات مين دى
منير ... موصفات هادى
مروان ... انا دلوقت فهمت
ادهم ... فهمت ايه
مروان ... ممكن تخرج الكل
ادهم ... حاضر , خرجو اتفضل
مروان ... اللى منير وصفه ده مش هادى
ادهم ... ازاى انت قولت انك ما شفتهوش قبل كدا
مروان ... ايوا , شفت صوره ليه كان 14 سنه كانت عينه زرقه ابيض واشقر اعتقد مافيش حد شكله بيتغير اوى كدا
ادهم ... تقصد ان هادى اخوها هو عشقها
مروان ... اسامه اسمه اسامه
ادهم ... لا براحه عليا كدا وفهمنى كل شى من الاول
مروان ... من سنه و10 شهور تقريبا ماجى قالتلى ان اخوها رجع من انجلترا طبعا راحبت بيه وجه البيت , بس بعد شويه بدات احس حاجات كدا لكن مش قادر ااكدها لان زى ما سيتك شايف اعمى , مراتين كنا بره حد قالو اسامه , مره سمعتهم هما سوى لما طلعت قالى انه فيلم , انا كنت متاكد محدش يتوه عن صوت مراته , بس مشلول مش عارف اعمل اى حاجه ولا اتكلم مع حد , كمان اللى اكد شكوكى تغير اميرة انا متاكد انها تعرف حاجه , بس خايفه عليا من معرفه الحقيقه
ادهم .... يعنى انت عايز تقول من الاخر انه مش اخوها
مروان ... ايوا
ادهم ... متاكد
مروان... كل حاجه بتثبت انه مش اخوها شكله اختفائه المفاجئ اللى سمعته
ادهم ... ممكن تكون عايشه علاقه محرمه معه وممكن يكون واحد تانى
مروان ...انا متاكد انا احساسى مايخونيش
ادهم ... تفتكر هوده اللى كانت اميره كتابه فى الورق اللى قطعته
مروان ... اكيد
ادهم ... تفتكر ليه قطعته
مروان ... اكيد خايفه عليا من الحقيقه
ادهم ... انا هجبها واتكلم معها
مروان ... بس ممكن اكلمها انا قبل مادخلها
ادهم ... موافق بس يشرط
مروان ... ايه
ادهم ... ما تمدش ايدك عليها تانى فاهم اتفضل
القسم 3 م
غرفه المكتب استراحه الظباط التى تجلس فيها اميرة يدخل مروان عليها تقف تقرب منه
اميرة ... ها جاى تكمل
مروان ... (يحزن) ... اكمل ايه
اميره ... (بخضه تمسك ايد) ... مالك
مروان ... كنتى عارفه
اميرة ... اعرف ايه
مروان ... انى غبى انى عبيط انى عايش مغفل اكترمن سنه ونص كنتى عارفه
اميره ... (يصدمه ) ... انت عرفت مين قالك
مروان ... مش مهم مين اللى قالى المهم انك سبتيهم يضحكو عليا , سبتيهم يستغفلونى ويطعنونى فى ظهرى ازاى تعملى فيا كدا
اميرة ... (تبكى) ... خفت اقولك خفت عليك من الصدمه الحقيقه كانت هتقتلك
مروان ... وانا دلوقتى ايه , على الاقل لو كنتى قولتلى كنت عرفت اخد حقى منهم بدل ما اعيش مغفل
اميره ... انت مش مغفل انت احسن منهم وانضف منهم يمكن اتصرفت غلط بس انا افتكرت انى بكدا بحميك
مروان ... بتحميهم مش بتحمينى
اميره ... اقسم بالله ابدا , انا فكرت لو قولتك ممكن يجرالك حاجه من الصدمه , كنت عايزنى اقولك ايه ان ماجى بتخونك مع هادى وانه مش اخوها معرفتش الموضوع كان صعب اوى , عشان كدا بعدت مكنتش قادره احط عينى فى عينك
مروان ... طب ما قولتيش الحقيقه ليه لما اتهموكى بقتلها
اميره ... خفت عليك قولت اتسجن اتشنق بس هو ميعرفش الحقيقه اللى ممكن تكسره
مروان ... كنتى ههتودى نفسك فى داهيه عشانى
اميره ... مش مهم المهم انك تكون كويس
مروان ... للدرجه دى
اميره ... انت متعرفش انت عندى ايه انت هنا .. (تمسك ايدو وتضعها عند قلبها) من غيرك ده مايدقش , هو بيدق عشانك انت وبس انت عندى اهم من حياتى
مروان ... (بكسره )انا موجوع اوى
اميرة ... اوعى تزعل هى متستهلش والله .. (تحضنه) .. اهدى مقدرش اشوفك كدا عارف هى اصلا ما تعتبرش مراتك دى كانت واحده عايشه فى البيت كانه فندق متزعلش دموعك انضف واغلى منها اهدى وحياتى
مروان ... (دموع خفيفة وهو فى حضن اميرة) ... للدرجه دى كنت مغفل للدرجه دى انا هنت عليها كانت تطلب الطلاق والله كنت هطلقها واديها كل حقوقها
اميرة ... اهدى وحياتى عندك عشان خاطرى . والله ما تستاهل زعلك دى انسانه رخيصه كل اللى يهمها الفلوس وبس
مروان ... (يبص بوشها يضع ايدو الاتنين على خدها وبحسم ) ...انتى لازم تخرجى من هنا مش هسمح تقعدى يوم واحد هنا قولى كل حاجه تعرفيها متخفيش ها
اميرة ... (تشاور بوجهها ) .. حاضر
(يخرج مروان واميره خارج الغرفه ويدخلو الى مكتب ادهم)
-مكتب ادهم
ادهم ... ها نويا تقولى الحقيقه ولا
اميره ... هقولك كل اللى عرفه بس ممكن لوحدنا
مروان ... اميره متخفيش عليا مش هيطلع اسوئ من اللى سمعته
ادهم ... اتفضلى انا سمعك
اميرة ... مره كنت بعمل قهوة للدكتور , وانا خارجه شفتهم يعنى بيبسو بعض وقتها انصدمت مشيت قولت مش هاجى تانى
ادهم ... ليه
اميره ... ازاى اروح مكان فى القرف ده
ادهم ... ليه مش حكايتى لمروان
اميره ... اقوله ايه شفت مراتك واخوها بيبوسو بعض طبعا مش هيصدق
ادهم ... يعنى مشكتيش انهم مش اخوات
اميره ... كل اللى كان فى بالى انهم كانو بيعيشو علاقه محرمه مع بعض , اصلا كنت على طول بشفهم فى اوضاع غريبه متنفعش بين اخوات بس كنت بكبر دماغى , لحد ما بعتتلى رساله ورحت المركز فضلت تهنى وتغلط فيا بس لحظت ان كان كل تهددها على هادى مش مروان
ادهم ... كملى
اميره ... فى مره كلمنى هادى انى اقابله رفضت فضل يتحايل عليا وفقت وقتها عرفت انه عشيقها وانه كان يعرف ماجى من قبل مروان بسنتين وانها اتجوزت مروان عشان الفلوس والشهره , وان الفكره جتلها بسبب ان مروان بداء يتخانق معها عشان تاخرها المستمر وانه بالشكل ده هيخليها تقعد اكتر فى البيت , لان هادى او اسامه هيبقى جنبها خصوصا ان اخوها مقطعها من سنين مستحيل يرجع اوحتى يكلمها وان محدش يعرف شكله او اى معلومه عنه , زورو الورق
ادهم ... قطعتى الورق ليه من المذكره
اميره ... خفت حد يشفوه قطعته وحرقته , ووقتها اخدت القرار انى لازم ابعد لانى مكنتش عارفه اعمل ايه و مش قادره ابص فى وش د / مروان وانا حاسه انى بكدب عليه , ولا عارفه اقوله اصعب حقيقه يعرفها بشر
مروان ... اعتقد دلوقتى الحقيقه اصبحت واضحه هى وعشيقها اتخنقو سوى وقتلها اميرة بقا تخرج
ادهم ... اللى اميرة بتقوله ده ياكد انها هى اللى قتلت
اميرة ... ليه
ادهم ... لانك عايزه تنتقمى لشرف الدكتور غير كدبك اكتر من مره وانك بتخبى
مروان ... والحل
ادهم ... ان اسامه ده يتجاب..اميرة تعرفى ايه عنه
اميرة ... كل اللى حكاه ان اسمه اسامه وخريج تجاره اه وساكن فى عين شمس
ادهم ... مقلش عرفها ازاى
اميرة ... (تفكر ) ... اه اه افتكرت قال ان واحد اسمه كريم شغال معها هو اللى عرفهم على بعد فى حفله , وهى رفدت كريم ده عشان محدش يكتشفهم
مروان ... سهله كدا يا فندم نشوف كل اللى اسمهم كريم وترفده قبل سنه ونص , وعددهم اكيد قليل ماكنتش فى ناس شغاله معها كتير
ادهم ... ده اللى هيحصل
اميرة ... يعنى هخرج برائه
ادهم ... اكيد بس بشرط
اميرة ... ايه هو
ادهم ... تاكلى
اميرة ... حاضر
- مع نظرات غيره من مروان
ادهم .... يا عسكرى تعال خد اميره
مروان ... هنعمل ايه
ادهم ... انت مش هتعمل حاجه لان انت من دلوقتى اصبحت متهم بعد كل ده
مروان ... انا لوكنت اعرف صدقنى كنت قتلتها من زمان مش بالخنق بالحرق صاحيه .,.وبكل فخر
ادهم ... وانا واثق انك مش القاتل بس ده القانون
مروان ... ارجوك سبنى اساعدك بعدين اعمل اللى انت عايزه
تفتكرو ايه اللى هيحصل
روايه الاعمى
بقلمي ليلة عادل ✍️🌹
الجابرى
داخل مكتب ماجى ادهم يفتش المكان ويبحث فى الاوراق ومعه مروان. .. مروان واقف بجانب الباب
مروان ... لقيت حاجه
ادهم ... لا واضح ان ماجى ست زكيه قطعت اى ورق تثيت ان كريم كان شغال هنا
مروان ... احنا ممكن نسال اى حد من اللى بيشتغله هنا من اكتر من سنتين
ادهم... فعلا هامر باحضرهم للشهاده
القسم 1 م
اليوم التانى داخل المكتب ادهم ..ادهم يجلس على كرسى مكتبه ومعه واحد العاملين عند ماجى يجلس امامه
ادهم ... تعرف حد اسم كريم كان شغال من اكتر من سنتين معاكم
العامل ... مافيش غير اتنين كريم واحد موجود وتانى مشى من سنتين
ادهم ... طب عايزك تقولى كل المعلومات اللى تعرفها عن كريم ده
العامل ... حاضر
عربيه ادهم 2م
- يتصل ادهم بمروان
ادهم ... ايو يا دكتور انا عرفت مكان كريم هروح دلوقتى
مروان ... طب عدى عليا
ادهم ... مالوش داعى
مروان ... من فضلك حابب اسالو شويه اسئله
- شقه كريم العامل 3م
باحد الامكان الشعبيه مروان وادهم يقفون على الباب احد الشقق ثم تفتح لهم زوجه كريم
ادهم ... السلام عليكم
الزوجه ...(بسعاده واستغراب ) عليكم السلام ايه ده دكتور مروان عزت اهلا واسهلا اتفضلو
ادهم ...(بمزح يميل اليه ) لا ده انا اخدك معايا فى كل تحقيق
الزوجه ... اهلا واسهلا والله شرفتنا ان شاء الله ربنا يعترك فى الرجل ربنا ينتقم منه يارب اتفضلو هنا
(يدخلو ويجلسو فى الصاله التى تبدو بسيطه جدا )
مروان ... شكرا جدا هو كريم موجود
الزوجه ... اه بس فوق عند امه لحظه واحده هنادى عليه واد يا محمد اطلع نادى ابوك من عند ستك
الطفل ... طيب
الزوجه ... تشربه ايه
ادهم ... شكرا مش عايزين نتعبك
الزوجه ... تعب ايه انا فرحانه ان دكتور شرفنى فى بيتى تشربو ايه
ادهم ... ممكن شاى
مروان ... وانا كمان
الزوجه ... عنيه.. اهو كريم جه
كريم ... السلام عليكم ... ازيك يا دكتور البقاء الله اهلا يا افندم يجلس
ادهم ... بص يا كريم هما كلمتين وبس
كريم ... اتفضل
ادهم ... تعرف ايه عن اسامه
كريم ... مين اسامه
ادهم ... (بشده ) وله متستعبطش
مروان ...(بهدء ) كريم انا وادهم بيه عايزين نسالك شويه اساله ياريت ترد بكل صراحه
كريم ... حاضر
ادهم ...(بشده نظرات قوه) ايوا خليك ضغرى بدل معملك استدعاء فى النيابه واظبطك هناك , الدكتور هيسالك شويه اسالك ترد من غير متحور فاهم
كريم ... (توتر ) يا باشا فهمنى وانا والله وهرد عليك اسامه ايه انا اعرف كتير اسمهم اسامه
مروان ... لحظه يا ادهم...اسامه يا كريم اللى عرفته على مدام ماجى فى الحفله
كريم ... ايوا اسامه مختار ده كان نفس دفعتى وعزمته هو وكام حد من اصحابى على حفله , و اتعرف على مدام ماجى واشتغل يومين بالظبط ومشى
مروان ... متكلمش معاك عن مدا علاقته بماجى
كريم ... لا والله اصله مش انتيمى عشان يحكيلى حاجات زى دى , احنا نخرج سوى نسافر حاجات من دى بس
مروان ... ماجى مشتك ليه
كريم ... والله معرف بس انا مسمحها مع انها ظلمتنى
ادهم ... تعرف توصلنا لبيت اسامه
كريم ... اه طبعا
ادهم ... طب يلا قوم البس
كريم ... حاضر
ادهم ... (بشهد وقوه ) ولاه لو فكرت تتصل بيه تنبهو مش هرحمك فاهم
- احد شوارع فى احد المناطق الشعبيه 5م
يقف فى الشارع مروان معه ادهم وكريم , ثم يشاور كريم على منزل اسامه
كريم ... هو اللى هناك ده يا باشا
ادهم ... (بقوه)اطلع قوله عايزك فى حوار اوعى تقوله اننا معاك فاهم
كريم ... حاضر
(يذهب كريم)
مروان ... مستحيل يكون فوق
ادهم ... عارف بس عايزاجرب حاجه
(بعد قليل ينزل كريم )
كريم ... مش فوق راجع من السعوديه وقعد يومين وسافرتانى
ادهم ... محدش قالك سافر فين
كريم ... ميعرفوش بس جبتلك الرقم اللى كلمهم منه اخر مره
ادهم ... خلاص روح انت لوعرفت اى حاجه قولى
مروان ... ها اعتقد دلوقتى سهل تجيبه
ادهم ... اكيد رقم التليفون هيبقى تحت مراقبه والبيت , كلها يومين واميرة هتخرج
مروان ... ان شاء الله عايز اسالك سؤال
ادهم ... اتفضل
مروان ... انت بتهتم بكل المتهامين كدا , ولاه اميرة حاله خاصه
ادهم ... انا لو متاكد ان المتهم برئ صدقنى هساعده , من اول لحظه شفت اميرة كنت متاكد انها بريئة , بس كدابه وبتخبى حاجات كانت بتستفزنى جدا .. (يصمت قليلا ) .. بس بصراحه اكتر اول ما شفتها حسيت احساس غريب
مروان ... احساس ايه
ادهم .. مش عارف افهما لحضرتك ازاى بس زى غصه فى القلب حاجه كدا شبه القشعرينه
مروان ...(يشعر بلغيره ) امممم فهمت
ادهم ... فهمت ايه
مروان ... ولا حاجه خلينا نمشى ورانا حاجات نعملها
- القسم 12 م
مكتب ادهم – ادهم يجلس كرسى المكتب يتصفح فى بعض الاورق يدخل عليه احد الظباط
الظابط ... عرفنا مكان اسامه مستخبى فى مرسى مطروح
ادهم ... يقفل الورق ينظر لها باهتمام
ومستنى ايه يا كامل الود ده لازم يتجاب
ظايط ... الصبح هيكون عندك
- مرسى مطروح 7 ص
تذهب الشرطه للقبض على اسامه / هادى فى المكان المختبئ فيه فى احد الشقق بمدينه مرسى مطروح عند وصول الشرطه يتفاجئ اسامه / هادى ويحاول الهروب يجرى مسرعا الى الطابق الاعلى لكن افرد الشرطه تره يجرون خلفه هادى يجرى وهو خائف حتى يصل الى السطح يقوم بنط الى سطح المجاور له ثم ينزل على سلام ويخرج الى الشارع وهو يتلفت حوليه ثم يرهم يجرى مسرعا مره اخره لكن يفشل ويتم القبض عليه ويتم ترحيله الى القاهره
مبنى مديرية امن القاهره6م
منظر عام م للمبنى ثم تصل عربيه الترحلات ينزل اسامه / هادى من العربيه ثم يدخل داخل مبنى مديريه الامن ومنه الى مكتب ادهم
ادهم يجلس على مكتبه يدخل اسامه
ادهم ...(بسخريه ) اتمنى السفر من مطروح كان موريح ليك عشان هنتكلم كتير يا اسامه ولاه تحب اقولك يا هادى
هادى ... (بستغراب) ... اسامه مين حضرتك انا اسمى هادى
ادهم ... اه اسف طب قولى يا هادى انت متعرفش ان ماجى اتقتلت
هادى ...(بصدمه ) ... ايه بتقول ايه ماجى اتقتلت
ادهم ... انت متعرفش
هادى ... (بحزن ) لا اعرف منين انا اقفل التليفون وكل حاجه كنت عايز ابعد
ادهم ... تبعد عن ايه
هادى ... مخنوق شويه
ادهم ... (بتسامه ساخريه ) لا الف سلامه يا عسكرى
العسكرى ... افندم
ادهم ... دخل الرجل اللى برا
(يدخل كريم)
ادهم ... مين ده يا كريم
كريم ... ده اسامه
هادى ... (بنفعال ) ... ده كداب انا معرفهوش والله معرفه بعدين انت معاك البطاقه كل حاجه تثبت انى هادى
ادهم ... اخرج انت يا كريم ... (بسخريه ) لاء انت فظيع لازم ياخدوك تمثل (بشده ) وله انا مش جايبك هنا عشان تقول انت مين انا جيبك عشان تقول قتلتها ازاى وليه
هادى ... اقتل مين انا مقتلتش حد
ادهم ... (بشده ونرفزه ) وله انا خلقى ضيق اعترف احسلك
هادى ... مش هتكلم غير فى وجود المحامى بتاعى
ادهم ... يا عسكرى دخل اهل الاستاذ
هادى ...(باستغراب ) اهلى
ادهم ... اه ابوك وامك واخواتك نقعد كلنا ونحكى كل حاجه
هادى ...(بخوف ) ابوس ايدك اهلى لاء انا هتكلم
ادهم ... اطلع يا عسكرى... احكيلى ازاى عرفتو بعض وازاى جتلكم الفكرة القذره دى احكى كل الفاصيل (ثم يطلع سجاره ويدخنها )
هادى ... انا شاب زى اى شاب فى مصر بيحلم بالعربيه وشقه على النيل وعيشه فوق لانى من منطقه شعبيه واهلى على قد حلهم , مره كريم واحنا على القهوه عزمنى على حفله انا واتنين اصحابى طبعا روحنا هناك اتعرفت على ماجى , يعنى كلمه فى نظره اخدنا ارقام بعض وقتها بصراحه مكنش فى دماغى اى حاجه غير انها تشغلنى او تعرفنى على ناس تقيله , لان علاقتها كتير و بسرعه بدات علاقتنا تتطور لحد موصلت للى حضرتك عارفه
ادهم ... كنت بتحبها
هادى ... اللى بنا سرير وبس
ادهم ... طب عرضت عليها الجواز
هادى ... اه كتير بس كانت بترفض لانى مش قد المقام
ادهم ... وطبعا مروان هو اللى قد المقام. ازاى جتلكم الجرائه تعملو كدا؟
هادى ... لما اتجوزت مروان كان بيعمل مشاكل كتير معها بسبب تاخرها برا , مكنتش بعرف اشوفها وكتير كان هيطلقها بس هى كانت بطلب منه فرص , طبعا لانه راجل محترم كان بيوافق , لحد اخر مره دى كان خلاص مصمم يطلقها اتصلت بيا قالتلى اعمل ايه انا هخسر كل شى كدا , قولتها معرفش تانى يوم مروان عمل حادثه
ادهم ... (نظرات استغراب ثم يترك السجاره) ... هى اللى دبرت للحادثه؟؟؟
هادى ... اه انا معرفش تفاصيل بس هى قالتلى كلمت ناس وهما اللى عملو كدا
ادهم ... ليه
هادى ... عشان لما مروان يموت تورثه لان لوطلقها هتاخد حاجات بسيطه , بالنسبه لباقى الثروه
ادهم ... كمل
هادى ... يشاء القدر ويعيش بس طبعا الحادثه اثارت عليه واتعمى طبعا هى زعلت جدا لان ختطها فشلت , لكن بعد شويه لما لقت ان مروان نسى حوار الطلاق ومشغول فى العمليات قالت خلاص , طبعا طول السنه اللى كانت فيها برا مكناش سوى , لكن لما رجعت لقتها جيالى تقولى على الفكرة خوفت فى الاول بس هى اقنعتنى زورنا الورق بمعرفتها وقعدنا فى البيت
ادهم ... قتلتها ليه
هادى ... مكنش قصدى اقتلها هى اخر فتره اتجننت على الاخر لانى كنت زهقت , مروان كان شاكك فينا بشكل كبير حولت اقولها نتقابل برا رافضت بعدين وفقت , بس جننها زاد لما مروان بداء يقرب من اميره
ادهم ... هى ما بتحبوش غيرانه ليه
ادهم ... حضرتك ماجى دى شيطان , عايزه كل الناس حوليها وتحبها هى وبس , لما عرفت انى بحب اميره بقت حاجه مخيفه كلمت اميرة وهادتها واتهمتها بشرفها , انا بعد قعدتى مع اميرة اخدت قرار انى لازم ابعد
ادهم ... احكيلى عن يوم الجريمه
هادى ... كنت بلم هدومى فضلت تزعق ....
(فلاش باك المشهد)
فيلا مروان 1 م
غرفه هادى - ماجى تدخل على هادى وهو يرتب شنطه هدومه
ماجى ...(باستغراب ) انت بتعمل ايه عندك
هادى ... همشى
ماجى ... مش بمزاجك
هادى ... امال بمزاج مين
ماجى ... بمزاجى انا .. كل ده عشان البت الشمال
هادى(ينظر اليها بغضب)لما تتكلمى عليها بعد كدا تقولى الهانم اميره ثم يضربها بقلم)
ماجى ... انت بتضربنى انا يا ابن الكلب
هادى ...(بغضب شديد ) يمسكها من كتفها الاتنين انا صبرت عليكى كتير شكلك نسيتى نفسك .(ثم يقوم بضربها عدد اقلام ثم يزقعها ) مش عايز لبس خديه
(تجرى وراه على السلم)
ماجى ... اسامه متسبنيش انا بحبك خلاص هنتجوز مروان هيطلقنى ونتجوز زى ما انت عايز
هادى ... اتجوزك انتى ! انتى هبله انا يوم متجوز اتجوز واحده زى اميره تصون شرفى وبيتى مش زيك الرجل اللى انتى معه ده ضفره انضف منك
ماجى ...(بنظرات كره وغل ) لو مشيت من هنا هقتلهالك
هادى ... بتقولى ايه
ماجى ... اللى سمعته هقتلها عشان ولا انت ولا مروان
(تدخل ماجى مسرعه اللى غرفه مروان تمسك التليفون الخاص بها الذى لا يعرفه احد غير هادى - ثم تبداء بكتابه رساله ان مروان مريض)
(يدخل هادى عليها )
هادى ... بتعملى ايه هاتى التليفون ... (يحاول ان يشده منها)
ماجى ... والله لقتلها و تحت رجلك
هادى ... بقولك هاتى التليفون يرمى التليفون
(من ايدها على السرير) ,
ثم يقوم بضربها عدد اقلام ويقوم بخنقها , ثم يقوم وينظرلها ويجرى الى غرفته يلم كل حاجه ويخرج بعد خروج هادى خارج الفيلا يظهر التليفون على السرير فى غرفه مروان يبعت الرساله بعد موتها 15دقيقه تم ارسال الرساله
( نرجع مره اخره للمشهد السابق داخل مكتب وكيل النيابة ادهم)
ادهم ... بس الرساله اتبعتت لاميره فعلا
هادى ... معرفش انا اخدت التليفون منها ورميته وانا بضربها
ادهم .... انت عارف ان اميرة اللى كانت لبسها
هادى ... لو كنت اعرف كنت سلمت نفسى
ادهم ... للدرجه دى بتحبها
هادى ... مش بس عشان بحبها بس , هى الشخص الوحيد اللى دخل حياتى وعملنى كويس من غير مصلحه , انضف واطهر حد قبلته فى حياتى , هى سبب انى ابعد عن ماجى ممكن طلب
ادهم ... عايز تشفها
هادى ... اتمنى
ادهم ... هجبهالك . يا عسكرى هات اميره
(تدخل اميره داخل المكتب )
ادهم ... اميرة اسامه اعترف على نفسه انه اللى قتل ماجى
اميرة ... (بسعاده) ... الحمد الله الحمد الله وشكرا ليك يارب
هادى ... اميرة
اميرة ... نعم
هادى... انا لو كنت اعرف ان انتى اللى متهمه والله كنت سلمت نفسى من بدرى , انتى متعرفيش انتى ايه عندى عارفه لوبايدى ارجع الزمن كنت هارجعه عشانك انتى , انا معرفش هخرج من هنا امتى وايه هو مصيرى , بس تاكدى ان اخر طلب ليا بالحياه انى اشوفك انتى
اميره ... (تبكى) ... ربنا معاك يا اسامه انا مش زعلانه منك
هادى ... ممكن طلب
اميره ... طبعا
هادى ... تمد ايدك وتسلمى عليا لوسمحت
(تمد ايدها وتسلم عليه انظرات اسف وحزن ودموع)
هادى ... سمحينى وخالى دكتور مروان يسمحنى
اميره ... حاضر
ادهم ... يا عسكرى
العسكرى ... افندم
ادهم ... نزل اسامه الحجز
(يخرج هادى مع العسكر )
اميره ... هو هيحصلو ايه
ادهم ... المحكمه بقا اللى تحكم افرحى انتى برائه
اميره ...عارف انى زعلانه عليه صعبان عليا
ادهم ... ليه
اميرة ... لانه واضح انه حد كويس من جوه بس طموحه انه يوصل بسرعه العربيه والفيلا خلته يبع جسمه ونفسه , مش بس هو فى شباب كتير كدا بيضعفو وبستسلمو تحت رغبتهم وطموحهم ., الفقر والجهل هما السبب انهم يبقو كدا , يمكن لوكان اخد فرصه كويسة كان زمانه فى مكان تانى مش هنا
ادهم ... اى حد بيسلم نفسه لشيطان ده مصيره
اميرة ... صح عندك حق - انا بجد مش عارفه اشكرك ازاى من اول لحظه دخلت هنا انت وقفت معايا وتعملت معايا بشكل محترم جدا , ولاالف شكرا توفيك حقك
ادهم ... لا ده واجبى انى اظهر الحقيقه , مع انك كنتى بتستفزينى جدا ببقا نفسى اخبطك على دماغك العنيده دى بس لما فهمت احترمتك جدا , بس برده ده مش لدرجه انك توصلى نفسك للاعدام
اميرة ... الحمد الله هو ايه اللى هيحصل هروح
ادهم ... هنخلص شويه اجراءات مع المحامى وتروحى على طول كلها كم ساعه و فرصه سعيده
اميره... انا اسعد ...
(يسلمو على بعض ثم تجلس ) ... هو الدكتور عرف
ادهم ... اه طبعا وجاى فى الطريق ... (يدخل العسكرى)
العسكرى ... تمام يا باشا المحامى واهل الانسه برا
ادهم ... خليهم يدخلو
(يدخل الاب والام ومعهم المحامى داخل مكتب ادهم يقوم الاب والام بحضن اميره وتقبلها )
الاب ... اميرة هتخرج النهارده يا افندم
ادهم ... طبعا بس شويه اجراءت المحامى هيخلصها ممكن تستنو برا معها
المحامى ... خالد متقلقش ساعه بالظبط واميره هتكون فى البيت
(تخرج اميره ومعها الاب خارج المكتب عند الممر يقابلو مروان ومنير)
منير ... الف مبروك يا ميرو
اميرة ... الله يبارك فيك
الاب ... يلا
اميره ... ثوانى يا بابا.. يا دكتور
مروان ... مبروك انتى كويسه
اميرة ... انا كويسة المهم انت .ايه ده ... (ايده متعوره )
مروان ... عادى متشغليش بالك
الاب ... مش قولتك يلا
(يشدها من ايدها لكنها تنظر للخلف وهى تمشى)
عايزين تعرف ايه اللى هيحصل
عايزين بارت جديد. عشرين ملصق من كل واحد بيقراء محدش ينسى ليك
#الاعمى
#بقلمى_ليلةعادل
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق