رواية ليالي الغول اقتباس من الفصل الأخير بقلم لوجي احمد

 

رواية الاعمى (الجزء الثاني)الفصل السابع والاربعون والثامن والاربعون بقلم ليلةعادل

رواية الاعمى (الجزء الثاني)الفصل السابع والاربعون والثامن والاربعون بقلم ليلةعادل

_~*الجزء الثاني

من

روايه الأعمى2

بقلمى ليلةعادل ❤️🌹✍️*~

_

الحلقه السابعه والاربعون

المستشفى ١٠م

غرفه العمليات

نشاهد اميرة نايمة على السرير ومروان بجانبها يمسك ايدها مع الاستماع لصرخات اميرة ودموعها. كان مروان يحاول تهدئتها وعيونه تملأها الدموع فهو متألم على ألمها ووجعها وصرخات الألم التي تخرج منها بعد قليل تلد أول طفل ثم نرى ابتسامة مروان واميرة. يقوم مروان بتقبيلها

ثم تبدأ اميرة ان تلد الطفل الثاني

لكن فور ولادة اميره الطفل التاني فجأة تتوقف أميرة عن الصراخ والبكاء و تغمض عينيها ويرتفع صوت الجهاز ويقل نبض القلب

ينظر مروان بخوف شديد وخضة وباتساع عينيه

مروان : أميرة مالك في ايه ينظر للدكتورة ..ايه اللى حصلها فى ايه...

الدكتورة تقترب منها تحاول ان تفتح عنيها تشاهد الشاشة النبض بينزل

مروان : بخضة فى ايه كانت لسه كويسة و بترد عليا

الدكتورة : طلعوه بره

تحاول الممرضة ان تمسكه وتخرجه

لكن يدفعها مروان بقوة و عصبيه عنه وبخوف. مش هطلع بره فى ايه.

يقترب من اميره وبدموع. وخوف شديد... اميرة مالك يمسك وجهها اميره رد عليا يا حبيبتى مالك تحاول الممرضة مسكه لكنه يدفعها مره تانية بقوة

مروان : مش هاخرج إلا لما أطمن عليها

الدكتورة : مروان مينفعش كدا اطلع بره لو عايز اميرة تبقى كويسه

تمسكه الممرضات وتحاول اخراجه بالقوة لكنهم غير قادرين على لجم جموحه وجنونه وقوته فهو لا يريد ان يترك اميرة بهذا الوضع فهو خائف عليها فقد نسي اولاده والعالم كله. فكان كل مايهمه ان يطمن على حبيبته ان ترجع مرة تانيه الى وعيها ...فهو لا يفهم.

لما غابت اميرة عن الوعي

وأثناء محاولة اخراجه خارج غرفه العمليات ودفعه من قبل الممرضات تبدأ اميرة ان تفتح عينيها ويبدأ النبض ان يرجع الى طبيعته مره اخرى....

ينظر مروان باتساع عينيه وبقوة يدفع الممرضات عنه ويجرى عليها ويمسك ايدها وهو عيونه غارقه بالدموع وبقلق وبصوت يرتجف يرتعش .. وخوفه الشديد الذى اخفى ملامح وجهه خوفه من خسارتها الذى أشعل النار فى قلبه

مروان : بنبرة صوت حزينة و مرتبكة اميرة انتي كويسه. قولي اى حاجة اى حاجه طمني قلبي عليكى عشان خاطري قولي حاجة

تفتح اميرة عينيها وتنظر له وتمسك اصابعه عندما يشعر بها يضمها يقبلها عدة قبل فى وجهها بأكمله واثناء تقبيله لها كان يقول الحمد لله الحمدلله

تقترب الدكتورة منهم وتقوم بفحصها تفحص عينيها ثم تسألها. الدكتورة : كام دول

اميرة : بتعب اتنين

الدكتور : امسكي ايدى واضغطي بأقوى حاجة عندك

تمسك أميرة ايدها لكن ليس بشدة

دكتوره : بابتسامه .. تمام احنا كويسين اهو لازم تخضى مروان عايزه تعرفى غلاوتك عنده هبقى احكيلك بس لما تفوقي حمد لله على السلامة

تنظر اميره لمروان بتعب وارهاق عايز اشوفهم

ينظر مروان لها وهو يهز راسه. حاضر حاضر يقبلها من جبينها ويذهب لاحضارهم. وبعد. دقيقه يرجع وهو يحمل الطفلين بحضنه وهو يبتسم ومازالت عيونه حمرا وتملأها الدموع وياخذ نفسه بسرعة فمازال خائف لكن ليس كما كان من قبل يقترب منها بابتسامة

مروان: بابتسامة وفرحه ..شفى قد ايه حلوين

اميره : حطهملى على صدرى

يضعهم مروان على صدرها. تنظر اميرة لهم بدموع فرحه كادت تخرج من قلبها تقبلهم يضع مروان يده على راسها ويقبلها من جبينها

اميره : مروان لفلي ايدي عليهم

مروان : حاضر

وبالفعل يقوم مروان بلف ايد اميرة على الأطفال تقوم اميرة بضمهم وتقبلهم لكنها تغيب عن الوعي مرة اخرى لكن تتحدث الدكتوره بسرعة

الدكتوره. : مروان ارجوك. اهدى هى تعبانه من الولادة دول توأم واميرة ضعيفة هى نامت النبض زى ما هو اهدى ارجوك ماتخفش

مروان : ياخذ نفسه يمسح دموعه حاضر متقلقيش انا فهمت ينظر للجميع باسف. انا اسف حقيقي اسف غصب عني

الدكتورة : ولا يهمك انا مقدره. انك بتحبها وخايف عليها ممكن بقى تخرج تطمنهم بره. وتشربلك حاجة لان واضح جدا على وشك ان سكرك وطي

مروان : حاضر

دكتور : تنظر لاحد اللممرضات. خدي الولاد وحضريهم

يخرج مروان خارج غرفة

العمليات

ممر أحد الأدوار امام غرفة العمليات

كان فى الخارج جميع اسرة اميرة وصديقه منير. وعند خروج مروان للخارج يحاوط بيه الجميع

فريده : مروان طمني

مروان: الحمد لله.

خالد: يعنى. اميرة بخير

مروان: الحمد لله كله تمام

خالد : بشدة الحمد لله ..ايه انا عايز افهم بنتى فين وجابت ايه

مروان: الحمدلله اميره بخير وهتخرج دلوقت و الأولاد كمان كويسين جابت زياد وادم

الجميع :الحمد لله الحمد.لله

نور : . الدكتور قالولك امتى ممكن نشوفها

مروان :مجرد ما تخرج كلنا نقدر نشفها بس هى تعبت ونامت

فريده : طبيعى حبيبتى متحملتش تعب الولاده. ولدت مرتين

مروان : حقيقى ان شاء الله تقوملنا بالسلامة

يقترب منه منير

منير : الف مبروك يا ابو زياد اخيرا اخيرا. يضمه ويقبله

مروان : الله يبارك فيك يا حبيبى

❤️____ليلةعادل____❤️

غرفه اميرة ١ص

بعد مرور ساعة على الولادة

يجلس الجميع بالغرفه كانت اميره نائمه لكن كان مروان يجلس على كرسى بجانبها ويمسك ايدها وينظر لها بكل حب وشوق

فريده : كريم. خد البنات ومروان وانزلو كلو حاجة واشربو حاجة اميرة مش هتقوم دلوقتى قصادها الفجر ومن رأيي تروحو

نور : لا مش همشى. انا هقعد لحد متقوم بالسلامة

خالد :هما شويه وهيمشونا كلنا. مش هيخلوا غير واحد بس

مروان : انا اللى هقعد معها

فريده : لا روح انت انا هقعد معها

مروان : ماما فريده عشان خاطري سبينى. لاني مستحيل اسبها وامشي

كريم : طب تعال ننزل ناكل حاجه لحسن انت شكلك تعبان

مروان : ماليش نفس

نور : كريم سيبه عشان هو مش هيسيب اميرة غير لما تفوق يلا احنا نبقى نجبله اكل

خالد : روحي يا نور خدها يا حمزه انتم سايبين اميرة من بدري وانتي يا ياسمين روحى خدها يا كريم روحها كفايه سبتي عمر لوحده كتير مع حماتك

ياسمين : بابا عايزة اطمن عليها

خالد : اميره كويس مش هتبقى زيك لانها ولده طبيعى هي نايمه من مجهود الولاده. اسمعو الكلام

فريده : ايوه اسمعو كلام بابا روحو وجودكم مالهوش داعي

حمزه : هنجبلكم بس اكل ونمشى يلا يا جماعه

نور : طنط بليز لو اميره فاقت كلمينى اى وقت

فريده : حاضر

تمر عدة ساعات كان الجميع رحلوا ، لكن تبقت فريده ومروان مع اميره. نرى اميره مازالت نائمه وفريده تجلس على الكنبه لكن قد غلبها النوم وكان مروان مازال يجلس كما هو. ينظر لاميرة وهو يمسك ايدها ينتظرها ان تفوق ان ترجع مره اخرى ، كانه مثل السجين الذى ينتظر حكم البراءة. يتنهد مروان. بصوت داخلى. فوقى بقى لو كنت عارف انك هتتعبى بالشكل ده وتتألمى كدا مكنتش هطلب منك طفل برغم اشتياقى الكبير لطفل منك ، لكن طظ فى اشتياقي قصاد تعبك ووجعك كدا ، يقترب منها ويجلس بجانبها ويقبلها من خدها ورأسها ثم يمسك ايدها ويقبلها عدة قبلات منها ويتحدث بصوت هادىء ، قومى وهجبلك غزل البنات وشكولاتات كتير ومصاص هههه فاكره يا ميرو يا قلبى ، يوم ما أكلتى مصاصه فى كافتيريا المركز وكل كان بيتفرج عليكى ومسكتيش غير لما خلتينى امص معاكى شويه ههههههه يتنهد ويقبلها من ايدها يلا قومي وغلبينى ومش هفتح بوقي والله .. بعد قليل

تبدأ اميرة ان تفوق ينظر مروان لها بسعادة. يمسك ايدها ويقبلها من كفها

اميره : بالل. اااه. تكح. اااه انا فين. مش عارفة حاسة بتعب

مروان : حمد الله على سلمتك يا قلبى

اميرة : اسكت يا مارمورى حلمت انى بولد. وطلع الموضوع متعب. مجرد حلم تعبت. وهو احنا فين

مروان : فى المستشفى

اميره : باستغراب مستشفى

مروان : اممم حقيقه مش حلم انتي ولدتى يا روحي. جبتلنا ولدين زى القمر

ابتساع عينيها تنظر الى بطنها التى انخفضت. ثم تنظر لمروان تحاول ان تقوم وتجلس لكنها لا تقدر يساعدها مروان للجلوس

مروان : بالراحة بالراحة

اميره : عايزه اشوفهم. هما فين

مروان : هجبهملك حالا

تستيقظ فريدة على صوتهم تقترب منهم

فريده : حمدالله على السلامة يا حبيبتى عامله ايه دلوقت

اميره : الحمدلله يا ماما فرحانه اوى عايزه اشوفهم

مروان : هروح اجبهملك وابلغ الدكتورة

يخرج مروان خارج الغرفه وهو سعيد ومرتاح أخيرا ، بعد ان طمن قلبه على حبيبته اميره تجلس فريده مكانه وتمسك ايدها وتاخذ اميره بحضنها وبعد قليل يدخل مروان وهو يحمل الطفلين وكان سعيدٱ جدا

مروان. شوفى انتى جبتيلى ايه. شوفي

تفتح اميرة ذراعيها هاتهم بحضني

يعطى مروان اميرة الطفلين وتاخذهم بحضنها وهى سعيدة جدا ودموع الفرح التى تسكن عيونها هى ومروان وفريده

مروان : انتى عارفه انى مشفتهمش لحد اللحظه دى اول مره اشفهم وانا جيبهم اول مرة المسهم وأحضنهم

اميره : بجد ازاي

الدكتورة تدخل وهى تقترب تتحدث ..

الدكتور نسى انه خلف ، كان كل همه يشوفك بخير تقترب اكثر .. تمسك ايدها لترى النبض .. لا عال بقينا زى الفل ، أحب اهنيكى على جوزك ، انتى لازم تبخريه انتم اختم حسد قد كدا النهارده ، والممرضات والدكاتره عيونهم زاغت عليه ، بسبب اللى عمله وبقت حكايه بالمستشفى كلها ، ... تنظر اميره لها بعدم فهم ...مش فهمه. اصل مروان اول ما اغمى عليكى ، دور فينا كلنا ضرب ، عشان يفضل جنبك مكنش عايز يخرج ، ولا حد فينا قادر عليه ، كل واحد فينا اخدله زقه وضربه حتى انا ، اول لما شافك رجعتى وفتحتي عينكى و بخير هدى ، ولما خرج بره ، كل ما يشوف طفل معدى ، يطلع حولى. ١٠٠ او ٢٠٠ ويقوله والنبي ادعى لاميرة تقوم بالسلامة وتخف وترجعلى بسرعه ،

ونزل اشترى شكولاتات كتير وبنوبونى. و وزعهم على كل الاطفال اللى بالمستشفى ، ده غير بقى خوفه عليكى. اللى كنت بشوفه بعينيه جوه ، عينيه كانت بتقول. انا السبب بوجعك ده ، انا اسف مش هخليكى تحملي تانى ، خلاص مش عايزهم ، مش عايزك تتوجعي كدا ، هو ماقلش بلسانه ، بس عيونه ورعشت قلبه فضحته ، ماشاء الله ربنا يحرسكم يارب ، انا حبيت اقولك عشان الرجل اللى زي ده ، لازم تشليه بين رموش عينكى ، اوعى بيوم اسمع انك زعلتيه ، فهمه ، رضعي الاولاد , وربع ساعه وهطلعلك وجبه تاكليها كلها مفهوم .. تشيل الكنله

اميره : مفهوم

الدكتوره : عن اذنكم

اميره: ههههه ضربتهم

مروان : ارتعبت اول ما شفتك غمضتى عينكى ما كنتش فاهم ايه اللى حصل

اميره : قرب وشك شويه كدا يقترب منها. تقبله من خده ثم تمسك يده وتقبله من ايده ربنا يخليك ليا وميحرمنيش منك ابدا انا بحبك اوي اوي

مروان :وانا والله العظيم بحبك مقدرش استغنى عنك

فريده : ربنا يخليكم لبعض يا حبايبى

اميرة : خد واحد بقى امسك

يحمل مروان واحد منهم يقبله ويضمه الى قلبه بحب و عيون بها دموع ايه الاحساس ده

اميره : مالهوش وصف صح

مروان : بسعاده اممم. اوى. قولي هنسمى مين زياد ومين ادم

اميره :اللى معاك ادم. واللى معايا زياد

فريده : اشمعنا

اميره : مش عارفه. بس هو كدا. يبقى ابو شعر كثيف ادم اتفقنا

مروان : انتى هتعلمى الأولاد بكدا

اميره : امال اعلمهم ازاى

مروان : احساسك هيعلمهم. بس شكله محتاج يتظبط دلوقت

فريده : لسه ما اكلتش. جبلها واحد شورما. عشان يتظبط

مروان : هجبلها المحل كله

اليوم التالى

فيلا مروان واميره ٣م

يدخل مروان واميره البيت كان يسند مروان اميره كانت تحمل نور طفل وفريده طفل ، كان بانتظارهم خالد وكريم وزوجته وحمزه وياسمين وفاطمه وشهد

شهد : بسعادة مبروك يا حبيبتى تقترب منها تقبلها من خدها

اميره : الله يبارك فيكى يا روحي عقبالك

ياسمين : ماما هاتيه. اللى معاكي ده تحمله مين فيهم ده تنظر اميرة لها. ادم

شهد : اكيد بالاحساس صح

اميرة : لا ادم شعره كثيف عن زياد

شهد : بس هما توأم متطابق

اميره : اه

مروان : طب نقعد. ونكمل كلامنا جوه ولا ايه.

يمسك مروان ايد اميرة ثم يساعدها للجلوس على كنبه براسبشن

خالد. : قوليلى يا ميرو عاملة ايه دلوقتى يا حبيبتى

اميره : الحمد الله

خالد : رضعتيهم من صدرك ولا لسه

اميره : اه اول ما فوقت رضعتهم. خلاص

خالد : لازم تتغذى كويس. الرضاعه بتتعب هديكى فتامين كويس جايبه من المانيا ممتاز

مروان : اعتقد من الافضل دكتورة تشوفه الأول

خالد : ابقى ورهولها بس انا متأكد انها هتوافق

نور : بقولكم ايه تعالو نتصور بقى كام صورة يلتقطون الصور وسط سعاده من الجميع وفرحه

❤️____ليلة عادل____ ❤️

غرفه نوم اميره ومروان ٨م

بعد ذهاب الحميع ولكن تبقت نور وفريده وخالد مع اميره فامروان قد رفض ان تجلس اميرة عند والدها فى هذه الفترة وطلب منهم ان يأتو هم معهم

نرى اميره تتمدد على السرير. وكان بجانبها مروان يجلس ويطعمها بايده وكان بالغرفه خالد وفريده ونور

اميره : كفايه بقى انا اكلت صدر بحاله

مروان : يلا مش عايز دلع

اميره : تانى نظرات عادل ادهم تانى. هههه بس بقى اكلت ..والله ما قادره شويه كدا

فريده : مروان خلاص كفايه

مروان : حاضر يحمل مروان الصينيه ويضعها على الكومودينه تحمل اميرة احد الأطفال

اميره : ممكن تطلعوا بره عشان عايزة ارضع اوزتي

نور : مالك

فريدة : لسه ماتعودتش

خالد : انا هدخل اريح شويه ما نمتش من امبارح

اميره : حبيبى. ممكن توري بابا الاوضه بتعتهم

مروان : اه حاضر

خالد : خليه شوفتها وغيرت هدومى فيها متقلقيش. عن اذنكم

فريده : خدنى معاك يا خالد

نور : انا هشوف ميمي ماشي

اميره : انت كمان اطلع بره

مروان : بجد

اميره : اه والله

مروان : هتتكسفي منى انا. ده انا ابوه

اميره : معرفش فى هرمونات كسوف كدا اشتغلت

مروان : ههههههههه طب هقف فى البلكونه لحد متخلصى

اميره : لا متفتحش البلكونه عشان الولاد. اطلع بره يا مروان

مروان : طب بالراحه طب عايزه ادم عشان ترضعيه بعد زياد

اميرة : وى وى

مروان : انا هقف قصاد الباب لحد ما تخلصى ههههه يا مجنونه بس انتى لازم تشفيلك حل ها عشان مش هصحى كل شويه اخرج بره

اميره : طب يلا

مروان : هههه حاضر هاخد التليفون

يخرج مروان وهو يضحك ويضرب كف على كف ثم يقوم بالاتصال بمنير

مروان : ايه يا حبيبى. عامل ايه . الحمد الله. كله تمام بقولك ايه انا عايزك تدبح عجلين ولا اقولك خليهم ٣ وبنفسك يا منير تقف توزعهم ، لالا مالكش دعوه ببتاع السبوع ، دول لسلامة اميرة انها قامت بالسلامة هي والاولاد ، تمام بقولك ايه. حط مع كل كيس ٢٠٠جينه لا مش كتير اسمع الكلام ماشى ، سلام

يطرق الباب ها خلصتى ادخل

اميرة : تعال عارفه مش هخلص منك

يدخل مروان وهو يبتسم. كانت اميره مازالت ترضع الأطفال لكنها تغطى نفسها

مروان : فى حته باينه خدي بالك

اميرة : اتلم. لحسن انيمك على الكنبه.

مروان : اهون عليكي يا ام زياد

اميره : مروان انا خايفة. ادم يزعل ويتعقد

مروان : ليه

اميرة : عشان ام زياد

مروان : معتقدش. بعدين دى بتتقال بنا. محدش هيقولهالك

اميره : بردو

مروان : خلاص انتى ام زياد وانا ابو ادم حلو

اميره : حلو. بس انا فرحانه عينيهم طلعت ملونة يارب متتغيرش

مروان : ان شاء الله

❤️____ليلة عادل____ ❤️

فيلا مروان واميره ٤م

غرفه الاطفال

تقف اميرة بالغرفة امام السرير تنيم اطفالها وبعد قليل يدخل مروان وهو يرتدى ملابس خروج لكن سريعا تلتفت اميرة له و تضع اصابع ايدها على شفايفها هششش ثم يتحدثان بصوت منخفض جدا

مروان : ناموا

اميره : ايوة فى حاجة

مروان : اه عايزك بموضوع

اميره : ماشى يلا. تاخذ جهاز مراقبه الاطفال معها وتخرج

غرفه مروان واميرة

تجلس اميرة على الكنبه ومروان بجانبها ويمسك ايدها وبحنان

مروان : ها تعبوكى وانا بره

اميره : لا ماما معايا قولتلك وياسمين لسه ماشيه

مروان :ياسمين معها عمر

اميرة : بس بردو كبر سنة ونص دلوقت

مروان : طب يا حبيبى. انا خلاص جبت كل الحاجات بتعت الحفلة هما تحت لو تحبي تشفيهم

اميره : بعدين. هنام شويه قبل ما يصحوا تانى

مروان : منا كنت عايز اقولك عن الموضوع ده. احنا لازم نجيب مساعدين

اميره : بيبى ستر

مروان : اه

اميره : مش عارفة اصل مش واخده على الحاجات دي

مروان : بصى انا كلمت فاطمه قالتلى فى بنت اختها وفى واحدة بنت جارتها هى مربياها. والاتنين متعلمين واحدة خريجة تربية والتانيه معهد حاسب آلي

اميره : طب مروان حرام دول نساعدهم يشتغلوا بشركات مش خدامين

مروان : لحظة هما لفترة مؤقته ، لحد مااشوف حد أمين وكويس ، فهمه طبعا ليه. بعدين لازم يبقى مثقفين ومتعلمين تعليم عالى , عشان يعرفه ياخدو بالهم من الأولاد كويس ، بعدين هما بس هياخدو بالهم. وقت متكونى نايمه بتذاكرى. محتاجة ترتاحى. عايزه تخرجى مع اصحابك مش اعتماد كامل وهديهم مرتب ميحلموش بيه. ويقعدو بمكان كويس محدش هيتنك عليهم

اميره : هي كلمتهم

مروان : اه وموافقين

اميره : تمام خليهم ييجو بس انا هحطهم تحت الاختبار

مروان : ده اكيد لازم عينيك عليهم طول منا مش موجود وفاطمة معاكي وماما فريدة ولا هي هتمشي

اميره : لا قعدين قولي هييجوا امتى

مروان : اول الشهر. عايز اخليهم ييجو قبل ماأرجع شغلي عشان أراقب تصرفاتهم

اميره : تمام مارو الدك الجميل

مروان : عيونى

اميره : هو رجاء منك

مروان : عايزه ايه

اميره : اعزم ادهم وحنين

مروان : بالله عليك هو ده ينفع

اميره : بصراحة هو كلمنى من يومين. وباركلي. وطلب مني انه يشوف البيبى اوى. انا بصراحه اتكسفت

مروان : اتكسفتى ولا صعب عليكي

اميره : الاتنين

مروان : لا

اميره : مروان عشان خاطرى

مروان : بشدة .. اميره لأ ، متخلنيش اتعصب قولت لا يعني لا

اميره : بدلع .. يا مارو

مروان : بقوة وشدة هو مش انا قولت لا.. قولي حاضر

اميره : ليه طيب

مروان : انا داخل اخد شور

يتركها مروان ويدخل الحمام وتنظر اميرة له بضيق واستياء وتتنفخ

حفل السبوع ٣م

نرى اجواء احتفال فى منتهى الجمال البلونات التى تزين الحديقه وحمام السباحه جميع الاهل والاصدقاء يشاركون مروان واميره سعادتهم

مع الاستماع اللى الاغانى السبوع الجميله

ثم نرى اميره وهى تحمل الطفلين وترتدى فستان ابيض طويل ورقيق جدا جدا وتحمل احد الاطفال ووالدتها الطفل الاخر ثم قامت باللف مع الاطفال وسط ابتسامه وفرحه ، ثم مارست اميره كل طقوس السبوع الجميله وسط فرحة وسعادة من الجميع و قام مروان ايضا بذبح عجلين اخرين للطفلين

♥️____ليلة عادل____♥️

امام حديقة الفيلا من الخارج

نرى احد الشباب يقف بجانب موتسكله بشارع و يقوم بإصلاحه لكنه ينظر بشكل غريب. الى الفيلا ثم يخرج الفون ويصور يقترب منه احد الجاردات

الجارد. بتعمل ايه

الشاب : الفزبه اتعطلت يا زميلى

الجارد: اخلص طيب

الشاب : سبوع ده

الجارد: وانت مال اهلك اخلص بدل مخلصك انا

الشاب : ياعم أصلى انا كنت بسأل عشان لو فى لحمة اخد كيس شكلهم متريشين

الجارد : شكلك لمض يالا

الشاب : هو عشان غلبان ابقى لمض الله يسامحك ياعم .. ثم ينظر كانها يرى شىء ويبتسم طب خلصت اهو متزعلش. اهو اتصلح مبروك. يركبه موتسكله ويطير لكن قام الجارد بكتب رقم الموتوسكل

لكن اثناء سواقه الشباب الموتوسكل يقف يركب شاب خلفه

الشاب الأول. صورت الفيديو

الشاب التانى : حصل

الشاب الاول : حد شافك

الشاب التانى : هو انا تلميذ

الشاب لاول : فل عليك.

الشاب للتانى : ايه شربها وكتب رقم اللوحة المضروبه

الشاب الأول : حصل. خليهم يدورو بقا

يضحكون بصوت عالى جدا ويذهبون ؟؟؟؟؟

❤️_____ليلةعادل_____❤️

حديقه الفيلا

بعد انتهاء الحفله وذهاب الجميع الى بيوتهم

يقترب أحد الجاردات من مروان

الجارد : دكتور

مروان : ايه يا هشام

الجارد : امين شاف واحد كدا معجبهوش كان واقف قصاد البوابه بيصلح الفزبه بتعته

مروان : وبعدين

جارد : اخد كلمتين. واخدنا رقم اللوحه اتفضل

مروان : تمام روح انت. يمسك مروان الورقه ثم يمسك هاتفه. الو ازيك كان نفسي تاجي.....ان شاء الله ..فى حاجه حصلت النهارده حاسس انها مش بالصدفة ..هقولك

غرفة مروان واميرة ٩م

تجلس اميرة على السرير وتقوم بارضاع ادم يدخل مروان

اميره : تاخرت ليه

مروان : كنت بتكلم بالتليفون. شغل

اميره : ماتنزل المركز ماما وبابا قاعدين معايا ونور وياسمين كل يوم هنا وبيباتو كمان

مروان : بشدة لا انا اللي هعملك كل حاجة انتي مالزومه مني انا ، انا جوزك وابوهم يبقى انا اللى اخدمكم وأراعيكم

اميره : طيب بالراحة عليا

مروان : مين اللى معاكي ده.

اميره : خدو وقول انت

مروان : يحمله انا بعرف افرقهم ده ادم

اميره :هههههههه شاطوره يا بيضه تقرصه من خده نور وياسمين وكريم بيتلغبطو حمزه وبابا وماما شاطرين زيك

مروان : مش هترضعي زياد

اميره : هرضعه هاقوم اجيبه

تقوم وتجلبه من السرير واثناء رجوعها تتحدث ..مروان متعملش كدا هايصحى

مروان : انا عايزه يصحى ، حبيب بابا يقبله من خده

اميره : لو صحيوا هاقعدك بيهم انا عايزة أنام تعبت النهارده فاطمه مخلتش حاجه الا مخلتني اعملها.

مروان : اقعد مقعدش ليه ينظر لادم انت بتضحك لبابا حبيب بابا يقبله

اميره : على فكره زوزي هيطلع شبهك هادي

مروان : الاتنين مجرمين زيك هاتي زياد شويه

أميرة: بدلع ..لا

مروان : ما هو مش عايز يرضع

اميره : لابردو

مروان : هاتي ده وخدي ده

تاخذ اميرة منه ادم وتحمله وتقف بالاتنين

اميرة : مش هدهملك دول بتوعي انا

مروان : يقف جبتيهم لوحدك يعنى منا جيبهم معاكي

اميره : لا انا بس اللى شلتهم ببطنى ولا كنت بقدر امشي ولا أتحرك وشبه الكوره المدوره ومش بعرف انام براحتي

مروان :. طب هاتي واحد بقى العب بيه شوية

اميره : اتحايل عليا

مروان ؛: عشان خاطر مارو حبيبك

اميره : تعال خد زياد

مروان :يحمله روح بابا ...، انت طالع عينيك خضرة لجدك خالد ، عارف لو طلعت شبهه هحبك بردو ههههه

اميرة : بمزح هتطر... احبك بردو. ما انت ابني اعمل ايه

يضحكون سوا بصوت عالي. ويظلون يلعبون سوى مع اولادهم. بفرح وسعاده فهذه هى العائله اللتى تمناها مروان وتمنتها اميرة

❤️____ليلةعادل&____❤️

حديقه الفيلا ٦م

يجلس مروان ومنير. فى الحديقة فيجلس منير على المرجيحه ومروان على كرسي بجواره أمام النيل ويشربون. الشاى ويتحدثون

منير : انت يابنى ليه متصلتش اجاي معاك

مروان : يشرب بوق شاى. معايا فين بقولك طلع مسروق. اللواء صبرى. قاللى الموتوسكل مسروق من اسبوع من كفر الشيخ

منير : يتنفخ. بس مدام مسروق يبقى مش واقف بالصدفه

مروان : بيأس انا كل ما أحس انى قربت الاقي نفس ببعد تانى وبرجع للصفر

منير : الحل

مروان:معايا حاجة معرفش هى مهمة ولا لا بس جوايا احساس ان حل اللغز بدايته فى فكها

منير. : ايه هو

مروان :هقولك....

خلال هذه الفتره كان مروان هو الذى يراعى اميرة ، يقوم بفعل كل شئ لها هو من يخدمها. يطعمها بايده يساعدها بتغيير ملابسها اخذ حمامها وكان أيضا يراعى اولاده بإرضاعهم والتغيير لهم وكان يرفض ان يساعده احد برغم. جلوس فريده وخالد معهم لكن كان يرفض مساعدة فريده له فكان يشعر بسعادة وهو يقوم بفعل هذه الاشياء كان خالد وفريده يلاحظون ما يقوم مروان بفعله لاميره عن قرب، لانهم لاول مرة يكونوا بهذه القرب منهم خصوصٱ خالد ، فقد رأى بأم عينيه كم مروان يعشق اميرة كم يتفنن لارضائها وجعلها سعيدة كم يخاف عليها ويحميها ,فأدرك خالد كم كان مخطئا بكرهه لمروان كم كان مخطئٱ بما فعله مع ابنته وزوجها الذى يعشقها حد الجنون

لكن ماذا سيفعل خالد فهو صامت منذ فترة مستكين لا يتحرك لا يفعل الأفعال التي كان يفعلها منذ زواج اميره من مروان. هل هو هدوء ما قبل العاصفة. هل هى توبة. حقيقية ام يخفى شئ سنعرف

شقه ادهم وحنين ٦م

تقف حنين بالمطبخ تقوم بتحضير الطعام وغسل الصحون وهى تستمع الى القرآن الكريم وفجأة

يختل اتزانها تمسك بسن الحوض. ثم ترجع قليلا وتجلس على الكرسي يبدو عليها انها دايخه وتعبانة

تمسك دماغها فهى تشعر بتعب. بعد ثوانى. تقف وتغسل وجهها وتدخل غرفتها تفتح درج الكومودينه وتاخذ منه علبة الدواء تاخد حبه وتشرب مياه ثم تتمدد على السرير

❤️____ليلةعادل ____❤️

غرفة نوم ادهم وحنين٧م

نرى حنين تنام على السرير وبعد قليل يدخل ادهم الغرفة وهى مظلمه يفتح النور وينظر باستغراب يقترب منها ويقبلها من رأسها ثم يقترب من الدولاب بشويش ويفتح الدرفه لكنها تستيقظ

حنين : بنوم حبيبي انت جيت

ادهم :اسف يا حبيبى أزعجتك

حنين : لا انا كنت بريح بس

ادهم : انتي تعبانة ولا ايه

حنين : لا بس بزهق من القعده لوحدى

ادهم : مش قولتي انك لقيتي مركز كويس

حنين : اممم لسه هشوف كدا. ينظر ادهم يجد علبة الدواء

ادهم : ايه ده

حنين : بخضه. ده. دوه فيتامين

ادهم : امم يفتح يأخد واحدة لكنها تأخذها منه بسرعة ينظر لها باستغراب

حنين: ده ستاتى انت مش قولتلى نفسك تخلف

ادهم : اه

حنين : روحت للدكتورة ادتنى ده

ادهم : روحتى للدكتور من غير معرف

حنين : كنت عايزه اطمن الأول خفت اسمع حاجه تخوف

ادهم : اطمنتى

حنين : الحمد لله. هى عايزة تشوفك بس انا اتفقت معها كاننا اول مرة لانك مفروض متعرفش

ادهم : قوللها عرفت

حنين : ماشى. روح غير هدومك. واطلبلنا غدا عشان ماطبختش

ادهم : ماشى يا حبيبى يقبلها من رأسها

بعد مرور شهر

❤️____ليلة عادل____ ❤️

فيلا مروان واميرة ١٠م

نرى أجواء رومانسية هادئة كانت اميرة محضرة مفاجأة لمروان فازينت السرير بالورد الاحمر والغرفه ايضا ورورد وشموع وكانت ترتدى فستان قصير جدا عاري الأكمام مثير وترفع شعرها لأعلى وتضع مكياج ومحضرةطعام ....بعد قليل يدخل مروان الغرفة ينظر الى الغرفه بابتسامه يقترب منها دون فهم

مروان : النهارده عيد ولا ايه

اميره : اممم عيدنا. ايه رايك

مروان : قمر

أمير ه : تؤ مش انا المفاجأة

مروان : طبعا جميلة زيك يا قلبي.. الولاد فين

اميره : مع ماما

مروان : وماما فين

اميره : فى بيتها

مروان : يعنى الولاد مش هنا

اميره : سربتهملك. مش عجبك خلاص يا حبيبى. تعال نروح نجبهم. متزعلش كدا

مروان : بس اهدى. انا اتخضيت بس اول مرة ينامو بره الاوضة مش الفيلا ، لكن انا مبسوط. يعنى ٧٠يوم من اخر مرة عكستينى ، فاكرة يا بتعت مصلحه ولا مروحة مشفتش هرومانتك غير مرة... هي مرة واحدة

اميره : هههههههه انت تانى بتحسبهم باليوم ازاي

مروان : عشان شوقي ليكى بياكولنى لازم احسبهم بالدقيقة مش باليوم يقترب منها يقبلها من كفها ينظر لها بحب ثم يقترب منها اكثر يقبلها من جبينها يضع جبينه على جبينها يأخذون انفاسهم كانهم يتنفسون من بعضهم ثم يرفع مروان وجه اميرة له من ذقنها ويقبلها برقة ونعومة يتبادلان القبلات بحب وشوق ثم تنظر اميرة له وتضع ايدها على خده وتبتسم ثم تمسك ايده تعال اوريك حاجة

مروان : ايه

يقترب من الدولاب ويقفون امام الدرفه

أميره : مش كان نفسك تعرف مخبيه ايه وانا وعدتك اول مانبقى ثلاثه هقولك اهو ربنا مكسرشى بخاطرى وخلانا مش بس ثلاثه لا أربعه. تفتح الدرفه ينظر مروان لها باستغراب فهو لا يريد ان يشعرها ان قد رآها من قبل.

اميره بسعاده .. تاتاتاططط. ايه رأيك

مروان : بتقلدينى يا قلودة

اميره :مش هنكر اني أخدت الفكرة منك.

مروان ايه اكتر هدية بتحبيها فى دول

اميره : بحب ورومنسيه .... حقيقى كلهم. كل واحدة ليها قصه وليها معنى وذكرى عندي ، بس يمكن الدرس ده اكترهم ، عشان يومها طلبت ايدي للجواز ، عملت الحاجه اللي. فضلت استناها سنين طويلة من عمري ، سنين وانا بحلم وبتمنى نظرة ، نظرة واحدة منك ، فضلت سنين عايشة على كلمة يمكن يبقى ليا ، ابني فى قصور من الرمال ، اللى اقل ريح ممكن تهده ،وفعلا اتهدت مش مره ولا اتنين اكتر ، بس كل مره كنت برجع أبنيها تاني ، كان بيقى اقوى، وتمسكي بيه كان بيبقى اكبر من الاول ، كان جوايا اصرار غريب انك هتبقى ليا ، تتغير نبرة صوتها الى الضعف والانكسارقليلا .. بس أقولك على حاجة انا لو جتلى حالة شبهى شبه حكايتى معاك ، هقولها متجريش ماتعنديش ، أصل ممكن الحظ مايحلفهاش ساعات بقول لو مروان مكنش عمل حادثة ماكنش زمانه بقى ليا ، معرفش بس حقيقي مش هنصحها تكمل

مروان : بحكمة وحب .. بصى يا اميرة هو طبعا غلط حد يحب حد من طرف واحد زي ما انتي عملتي ، ممكن الشخص ده ما يكونش ليها ،وتفضل تحبه وتحلم بيه وتضيع عمرها على وهم ، فى وقت لازم تتوقف طبعا لازم تجرب وتعافر، لكن فى مرحلة معينة لما توصل لازم تتوقف عن المقاومة والمعافره انتي عملتيها وانتي مش واخده بالك

اميره : باستغراب ..انا

مروان : بعد ماتجوزت

اميره : يمكن بطلت اطاردك بكل مكان زى الأول وأحضر كل شيء ليك بس كان جوايا لسه شويه اا قبل ان تكمل كلامها

مروان : شويه اهو يعنى لو كنت استمريت مع ماجي. كنتى بالكتير سنه وهتعيشى عادي اه هتفضلى فاكراني لكن هبقى مجرد ذكرى حلوة عندك

اميرة : ممكن. المهم عجبك سري

مروان : اكيد ينظر للدولاب يجد نوت بوك يمسكها كتبتي حاجة .. يفر بالأورق... لسه متخطيش لا انا هاعلاجك النهارده قدامي

اميره : بطل بواخه تشدها منه

مروان : يشدها ينظر لها بتساع عينيه وبجديه.. انتى بتعملى ايه يا اميره انتى هتزارى معايا ولا ايه

اميره: نعم مروان مالك

مروان : بقوة وجدية مروان اسمي دكتور مروان فهمه

اميره : هههههههههههه طب والمصحف وحشتنى الايام دي اوى انا اصلا بموت فيك وانت جد كدا

مروان : لما ببقى جد تقعدي تتقمصى تقوليلى بطل عادل ادهم. ...بطل تبقى رزل. والحاجات اللى بتعملها زمان

اميره : منا بحبك وانت جد ودكتور مروان عزت الجامد لما تعملها بهزار. مش لما تبقى بجد ، بخاف منك بجد ، والله عليك قلبة ترعب بحس انك هتضربني ، مع ان ببقى متأكدة ان عمرك ما هتعملها بس بخاف ، ولا شخطتك يا ختييي هى حلوة بس تخوف

مروان : كمية تناقض غريب. ازدواجيه انتي يا ميرو

اميره : اول مره تاخد بالك

مروان لا واخد بالى من زمان عشان كدا بلعب معاكى. بشخصه شديدة وشخصية طيبة رومانسيه عشان احتوى الشخصيتين اللى جواكي .

تعالى بقى. يشدها وتجلس على قدمه يفتح نوت بوك نكتب ايه. انتى فى العاده بتكتبى ايه

اميره : بسم الله وتاريخ البداية وخاطرة صغيرة بعدين اى حاجة على حسب

يفتح مروان اول ورقة مروان : امم تمام

يكتب مروان على اول صفحة بسم الله ثم التاريخ

نكتب ايه يفكر بفتح كوس في السابق كانت احلامى لى وحدي ولكن الان اكتب ويشاركنى فى كتابتك من كنت ادون بيكى له ما اتمنى معه وليس فقط بل معنا من أكمل حبنا اطفالنا جزء منه ومني

(جميلة الحياة حين تعطيك كل ما تتمنى فى لحظه ترى كل شيء جميل حينها)

يقلب الصفحة

يمسكها القلم ويجعلها تكتب يلا اكتبى

تفكر اميره قليلا

اميره مروان زياد ادم

بدايه جديدة مشرقة 😃

اميره : حلو

مروان : اممم اعملى حسابك كل يوم هنقعد نكتب مذاكراتنا سوى

اميرة : موافقه تضع ايدها على خده تنظر له بحب. انا بحبك

مروان : وانا بموت فيكى يا حبيبتى ومراتى وام ولادى يضمها

اليوم التالى تظهر اميره وهى تجلس على السرير وترفع رجلها على بطنها وترتدى قميص نوم لكن تغطى نصفها يخرج مروان من الحمام وهو عارى الصدر يرتدى بنطلون بيت وينشف شعره وهو أمام التسريحه يتحدث. وهو ينظر بالمرايا

مروان. ماما فريدة قالتلك جاية امتى

اميرة : بتلبس وهتستنى كريم

يذهب ويجلس جانبها يمسك ايدها

مروان : مكنش ينفع تتاخر شويه

اميره : انا اللى كلمتها تاجى. كفايه اول مره ابعد عنهم كدا انا حاسه اني أم قاسيه

مروان : لا طبعا الكل بيعمل كدا

اميرة : بس مش بعد شهر

مروان : متفرقش

أميره تفرق لانهم لسه بيبي اوي

مروان : انا هبدأ اغير منهم دول كام ساعه بس

اميرة ؛ يعنى ما وحشكاش

مروان : وحشونى بس انتي كنتي وحشانى اكتر بصراحة. انا كنت محتاج لليلة زى امبارح اوى اوى

بس انتى فى حاجه تانى مضايقكى

اميره : امممم

مروان : ايه يا حبيبى مالك

اميره : اصلي نسيت اخد منع حمل

مروان : ههههه ايه المشكله

اميرة: يا سلام ازاي يعني

مروان : اقصد دي مرة... والنهارده اشتري شريط

اميره : لا معايا الدكتورة كتبتلى على واحد بس انا نسيت

مروان : خلاص محصلش حاجه

اميره : اصل بسمع ان الواحدة اللى لسه والده. بيقى قابلية الحمل عندها أسرع

مروان : متقلقيش ...بعدين ده منظر واحدة بعد الليلة القمر بتعت امبارح يا مقطقط ، يقرصها من خدها بدلع ..خلاص يا قطتى اضحكي مافيش حاجة ان شاءالله

اميرة : عارف يا مروان لو حملت هقتلك

مروان : ههههه وانا مالي مش بمزاجك بعدين انا كنت راجع من بره ومش بدماغى حاجة ، لقيت فى بطل قصادي وعملالي جو جامد لازم اضعف والا ما يبقاش عندي دم

اميره : بردو هقتلك هات ايدك عشان متعصبه منك انت اللي ماصبرتش قولتلك اصبر ثواني روحت شدتني ....ايدك بقى تمسكها منه وتعضه

مروان : مبسوطه كدا

اميره : اوي

مروان: المهم عندى انك تبقي مبسوطه اخد حقي انا بقى يقترب منها.

اميره : مروان متهزارش

مروان : انتي اللى جبتيه لنفسك. فين برشامتك بس عشان متقعديش تعيطيلى اخلصي هى ثانيه ومتزعليش بعدها

اميره : فى الدرج

يفتح مروان درج الكومودينه ياخذ الشريط وياخذ حباية ويضعها فى فم اميرة

مروان : أهو مش عايز عياط اخدنا الحبايه تمام .. يقترب منها أكثر ووووو

❤️____ليلة عادل____ ❤️

نادى المعادى ٢م

تجلس نور واميرة مع الطفلين ثم يقترب منهم ادهم

ادهم : اتأخرت

اميرة : شوية

ادهم :اسف. عامله ايه. عاملة ايه يا لمبه

نور : أحسن منك

ادهم : يارب على طول

اميرة : اسفة يا ادهم. عارفة انك زعلان

ادهم : لا انا فكرت كويس وقولت طبيعى طلب زي ده لازم يترفض انا بس عشمي كان بزيادة ومن غير تفكير ، انا لو مكانه هعمل زيو ويمكن اكتر. انتى عارفانى أنا ما بتفهمش ، يمكن مروان أعقل منى بالحتة دى بيتكلم ويسمع.... انا مجرد المناقشة مشكلة عندي

اميرة : عارفة

يبكى أحد الأطفال تحمله اميرة

ادهم : مين فيهم

نور : زياد صح يا ميرو

اميرة : زغرطي صح

ادهم: ممكن أشيله

اميرة: اه طبعا تعطيه له

يضمه أدهم ويقبله ويقربه من قلبه فهو جزء من حبيبته لكن من رجل اخر تغلغلت الدموع بعينين أدهم ...ثم يرجعه لأميرة

نور : مش عايز تشوف التاني

ادهم : لما يصحى حرام ها ايه الحوار

اميرة : عايزك تعرفلي كل حاجة عن الأسماء. دي دول بنتين جم اشتغلو عندى من حوالي عشر ايام

ادهم : بسيطة يومين بس

أميره : قولي وصلت لايه

ادهم : من ١٥ سنه حصلت حادثة كبير بطريق الواحات كل الصحف اتكلمت عنها وقتها مات فيها ناس كتير جدا

نور : وده دخله ايه

ادهم : الارقام دى معمولة باسم ناس ماتت بالحادثة دي

اميرة : ازاي حد يبيع خط بطاقة منتهية

ادهم : كله بيمشى بالفلوس ومش ده المهم المهم ان فى خمس ارقام لنفس العائلة زوج وزوجة واخو الزوج وعمه وابن عمه

اميره : وبعدين

ادهم : هما من الواحات. لما سألت محدش عارف حاجة عنهم بس قالو ان ليهم بنت و ولد ماتوا معهم بالحادثة لكن مالقوش جثثهم لانهم غرقوا

نور : احنا مش فهمين احنا مالنا بالقصة دي

ادهم : مالنا.. اننا عايزين نعرف اللى وصل البطايق دى.. وصل ليها ازاي

نور : اكيد هو مش بالسذاجة دي

ادهم : تؤ. وهو غلط عشان كدا باقى الارقام كلها ال ٢٠ حتى اللى كلم منهم مروان ارقام حديثة اللي بتتباع تحت الكوبرى المهم اسألى مروان عن حد اسمه اسماعيل صفوت اباظة

احفظي اسماعيل صفوت اباظة

المتولي صفوت اباظة

عبد السلام حمدى حسانين

رباب السيد غالي منصف

وعايزك ترمى الاسماء دى قصاد شرين الخادمين. أي حد فى دايره الشك ، خدي بالك هو حد قريب وبيدخل الفيلا بسهولة ،حد من أصحابك البنت اللي اسمها شهد

اميرة : شرين عمرها مادخلت الفيلا

نور : وشهد متعرفش باس وورد ولا تعرف قصة أميرة ومروان ولا الدولاب ولا اللى بيبعت رسايل مش عارف القصة بتفاصيلها

اميرة : اه صح

ادهم :اسمعي الكلام الكل تحت العين حتى نور وحمزة دكتور خالد ياسمين كريم منير. انا أميرة اوعى تأمني لمخلوق اوعي

نور : بصراحة عنده حق الواحد بدأ يشك بصوابع ايده

أدهم : ولازم تحكى لمروان اني بساعدك

اميرة : كنت ناوية احكيله النهارده

أدهم بصوت داخلي ان شاء الله مش هدى ولا هرتاح غير لما اطمن عليكى احرق بنفسى اللى عايز ياذيكى.

❤️____ليلةعادل_____❤️

فيلا مروان واميرة ١م

تجلس اميرة ونور وحمزة فى حديقة يتحدثون

حمزه : من رأيي لازم تاخديها دي لقطة

اميره : معيش تمنها

نور : متاخدى من مروان مش هيقولك حاجة

اميرة : اتكسف.والمبلغ كبير اوي ٢مليون جينه ولسه كمان هدفع اقساط وتجهيزات

نور : تتكسفى:: وما بتتكسفيش تتتى. مش عارفه اقول ايه بصراحة... حمزة قاعد.

اميره : احترمي نفسك

نور : ما انتى بتقولى كلام غريب جوزك تتكسفي ازاي

حمزه: اللي يخليها تتكسف طلب منه، لو عايزه تشترى حاجه لنفسها ومبلغ بسيط ، تقوله عايزة اتنين مليون جنيه

نور: بقولك ايه مش هو حطتلك باسمك نفس الرقم أرباحك

اميره : ٢ونص

نور : حلو. ندفعهم والباقى نجهز بيه على ٢٠٠ اللى معاكي

حمزه : انا من رأي نور

اميرة : لا انا اصلا عايزة ارجعهم وهو حالف عليا. يقول عليا كانت بتمثل

حمزه : انتي هبلة يا بنتي مستحيل... مروان مش كدا الفلوس دي ملكك وليكي حرية التصرف

اميره : انا قررت اخدهم من بابا هو كان وعدني بالشقة

نور : و مروان يعرف ويحصل مشكله كبير

حمزه: ويزعل منك انك بتفرقي فى المعاملة مش معتبراه سندك

نور : ياريتها تاجى على كدا ممكن يطلقها. اصل مروان بالحاجات دي صعب. وهى مجربة

اميرة : خلاص مش هجيب شقة

حمزه : لا جبيها. ده حلمك والشقة فعلا لقطة بمكان زي ده والسعر ده

نور : وابقى رجعي المبلغ لما ربنا يكرمك

حمزه : بالظبط كأنه قسط كل متجمعي مبلغ. حطيه

نور : وانتي شاطرة وعندك حالات بتجيكي بالاسم

أميره : مش عارفة

نور : اسمعى الكلام مافيهاش حاجة مروان عمره ما هايفتكرك طمعانه فيه زى ماجي هو عارف انك شبعانة

اميره: تتنهد. يبدو على ملامح وجهها الاقتناع بس هتيجوا تشتغلوا معايا

نور: طبعا يا قلبي

حمزه : مبروك يا ميرو. يا مشرفنا ديما يقبلها على الهوا.

نور : عارف لو مروان شافك هيعلقك

اميرة : وانا معه

حمزه : ليه يعنى اختي مهما عاش معها مش زيي

اميرة : مروان غيور اوي بيغير عليا من كريم وبابا فتخيل انت بقى

حمزه : المهم تكوني مبسوطة

اميره : بصراحة اوي اوي يا حمزة

حمزه. : ربنا يسعدك يا حبيبتى انتى اتعذبتى كتير لازم ياجي الوقت بقى عشان ترتاحي

نور : امال فين مروان

اميرة : اخيرا. نزل المركز. ده فظيع

نور : بصراحة هى دى الرجالة مش زى ناس

حمزه : منا قعدت ٣ ايام

نور : صح كتير... يلا نصيب

اميرة : حمزة انا هخلى فاطمة تجهزلك الأوضة

حمزه : جهزيها بسرعة

يضحكون بصوت عالى

❤️____ليلة عادل____ ❤️

مركز د/ مروان ٣م

مكتب مروان

يجلس مروان على كرسي مكتبه كان يبدو على ملامح وجهه التفكير العميق وانشغال عقله فهو يفكر بشيء ما بقوة وبكل تركيز وحواسه فكان يكتب بالأوراق يرسم دائرة و دائرة داخلها اسم وبجانبها جمل

فكتب خالد شرين ادهم نور حمزة شهد. فاطمة منير. ياسمين كريم

خالد اتفق مع شرين لكن مجاش الفيلا ولا المركز. شرين اترفدت من فترة لكن رجعت

شرين .. شرين يضع اكثر من دائره عليها يهرش برأسه

أدهم. مستحيل يأذيها ممكن يأذيني أنا لكن اميرة لا

شهد نور حمزه كانوا موجودين وقت حريق الدولاب لكن شهد متعرفش حاجة متعرفش. باس وورد اميرة ولا تفاصيل القصة

نور حمزة مستحيل معندهمش مصلحة

منير مستحيل

فاطمه لالا بردو

ياسمين كريم. يتنهد. اوفففففف

يرمي القلم ويتنفخ بزهق ويتحدث بصوت

مين فيكم. كل واحد فيكم. ليه معزة اكبر من التانى وذكرايات. تبقى كارثة لو حد فيكم. مافيش غير شرين ولو انت وقتها الموت اللى هينجيكي مني يضع ايده على جبينه يتحسس عليه

وبعد قليل يطرق الباب

مروان : اتفضل

هبة: دكتور. دكتور خالد والد دكتورة أميرة بره

مروان : باستغراب. خليه يتفضل. يقوم ويقف امام المكتبه

يدخل خالد

خالد : ازيك يا مروان

مروان : الحمد لله خير فى حاجة

خالد : انا جاي اتكلم معاك شوية

مروان : اتفضل طبعا... تحب نقعد على المكتب ولا على الكنبة

خالد : تعال هنا

يجلس خالد على الكنبه ومروان بجواره على كرسي ثم يطلب من هبة اتنين قهوة مظبوطة

خالد : انا جاي اعتذرلك على اللي حصل زمان ، غيرتي على أميرة وخوفى عليها خلوني زي المدمن اللى عمال يكسر ويخبط عشان يوصل للجرعة اللي هاتهديه من الوجع اللي حاسه ، خفت منك خفت تستغل حبها وضعفها نحيتك، وتكسرها زى مكسرتها زمان وخلتها تنتحر وكنت هخسرها بسببك ، وتموت كافرة ، من وقتها وانا حقيقي بكرهك ، لكن الفترة اللي عشت معاكم فيها خلتني اشوف قد ايه بتحبها قد ايه بتخاف عليها الشهر ونص اللى عشتهم معاكم خلوني اشوف حاجات كنت معمي عنها خلوني أعيد تفكيري بكل شيء، عايزك تسامحني يامرون المرة اللى فاتت طلبت منك تساعدنى اني اخلي أميرة ترجع تحبنى وتحترمني وانت للأمانة ماقصرتش وبنتي رجعت لحضني من تاني ,,,, بس المرة دي بطلب منك انت اللي تسمحنى وتدينى فرصة و تعتبرني زي والدك

مروان : دكتور خالد انا مش زعلان منك بشكل شخصى ، انا زعلي انك كنت بتأذي أميرة، وانت مش واخد بالك.... حكمت علية قبل ما تعاشرني.... لكن بعد اللى انا شفته وسامعه ده انا حقيقي سعيد جدا انك اخيرا اقتنعت انك ظلمتني وانك كنت شيفني بصورة مش بتعتي ابدا

خالد : يعنى مسامحني من قلبك وهنبقى عائلة وحدة

مروان : بابتسامه طبعا. طبعا

خالد ،: انا قالولي اني عند مرض انت نفسك قولتها لما جتلي العيادة. انا عايز اتعالج منه خايف أرجع تانى

مروان : وده رأيي... لكن وصولك للمستوى ده صدقني ده اول علامات الاستشفاء انك تحس بغلطك وتندم وتراجع نفسك

خالد : لكن ده بنا طبعا

مروان : اكيد يا دكتور. حتى اميرة مش هتعرف عنه حاجة

خالد :تمام

مروان : دكتور خالد كنت عايز اسألك على حاجة لكن ترد بكل صراحة

خالد : اسال

مروان : حضرتك اللى كنت بتبعت الرسايل

خالد : رسايل رسايل ايه

مروان : خلاص عرفت انه مش انت

خالد : فهمني

مروان : موضوع كبير. لكن فى حد عايز يأذى اميرة بصراحة كنت فاكره انت لكن واضح ان معندكش علم بالموضوع

خالد :فهمنى

مروان : رسايل كانت بتتعبت لأميرة وليا يعني. انى بخونها انها مع ادهم كلام من ده

خالد : انا اتفاقى مع شرين انها تعرفني ايه اللى بيعصبك وايه اللى يخليك تطلق خصوصا انها قالتلى مروان مش من الرجالة اللى بطلق بسهولة لما بيسيب مستحيل يرجع. ما تدور ورا شرين الست دي مش كويسة ويتخاف منها اوي دماغها صعبة

مروان : صدقنى بعمل كدا. محتاجك تساعدني

خالد : طبعا فهمني عايز ايه

مروان : هقولك

فى احدى الشقق السكنية فى مكان ما فى وقت ما

شقة أثاثها بسيط جدا جدا تتكون من غرفتين وصالة

احدى الغرف

نرى شاشة تشتغل دون صوت. سرير صغير ثلاجه صغيرة ويبدو انها قديمة أوراق تملأ المكان.

البعض متشخبط عليه والبعض مدون بيه أرقام وكلمات ليست واضحة وبعد قليل

نسمع صوت رنة هاتف غريبة لأول مرة نسمعها ثم

يظهر شاب من ظهره يأكل شيء وهو يسير باتجاه الصوت

الشاب : أيوة تمام خلصانه المهم ميكنش حد شافك يغلق الهاتف ويرميه على السرير ويقترب من الحائط وفجأة تظهر صور لأميرة ومروان تملأ هذا الحائط صورهم مع بعض وصور لكل واحد بمفرده ولكن نرى ايضا صورة سيارة اميرة الحديثة التي قام مروان بشرائها لها معمول عليها اكس وايضا الدولاب ورسالة الدكتوراة والسيارة الخاصة بأميرة وفنجان القهوة كل شى حدث معهم توجد صورته وعليها اكس باللون الأحمر عندما يقترب يفتح درج الكومودينه الذي بجانبه ويأخذ صورة شقة ويعلقها ثم يقوم بعمل اكس

لمن هذه الشقة وماذا سيفعل ومن هو هذا المجهول الذي ظهر فجأة ...من هو و ماذا يريد سنعرف

استوووووب

الجزء الثاني

من

روايه الاعمى2

بقلمى ليلةعادل ❤️🌹✍️

الحلقه الثامنه وأربعين

مدينة الجونة

شاطىء البحر الخاص بالشاليه الذى يمتلكه ادهم

نرى حنين تجلس امام البحر وتضع السماعات فى اذنيها وترتدى فستان رقيق وبرنيطه ونظارة شمسيّة بعد قليل تبدأ بمسك دماغها يبدو انها تشعر بصداع شديد تفتح حقيبة ايدها وتاخذ علبة دواء وتاخذ حبايه ثم تشرب قليل من المياه بعد قليل يدخل عليها ادهم وهو يبتسم ويحمل بايده كوبايتين عصير

ادهم : اتفضلى يا حلوة

تلتفت له وتاخذها من يده

حنين : تسلم ايدك تعبتك

ادهم. : تعبك راحة بقيتي تشتكى كتير من الدوخه الايام دى ايه هسمع احلى خبر قريب

حنين :يارب..... بس ايه الجنان ده انت مابتعملش حاجه غير. وانت مخطط ليها

ادهم : بحاول اتغير وابطل طريقتى التقليديه ، فيها ايه لما اعمل حاجه من غير حساب من غير ترتيب. العالم هيتهد ! اكيد لا ، بعدين حسيت انى بقالى فتره مقصر معاكى

حنين : تمسك ايده وتقبلها،انت عارف انى بحبك ولا لا ، عارف انك اهم حاجه فى حياتى ولا لا....انا بحبك يا ادهم بحبك اوى ، انت مش جوزي وبس انت حبيبي واخويا وابويا وصحبي كل حاجة ، مش عايزك تزعل منى ، مهما حصل والله اللى عملته ده عشانك

ادهم : فى ايه يا حبيبي قلقتيني

حنين: مافيش

اهم : امال ايه الكلام ده

حنين : كلام ايه

ادهم : يعنى كلامك معناه انك عملتي حاجة من ورايا و متاكده انها هتزعلني

حنين : لا مش كدا ، اقصد اي حاجه بعملها عشانك يعني روحت للدكتور من وراك عشان نفسى افرحك لما روحت لوعد عشان اعملك مفاجأة

ادهم : وانا فهمتك انى خلاص مش زعلان يضع ايده على خدها بقولك ايه احنا جاين نهيص ونفك ماشى

حنين : انا بحبك

ادهم : وانا كمان بحبك والله بحبك

وبالفعل يقضون ادهم وحنين اسبوع فى منتهى الحب والسعادة

❤️____ليلة عادل____❤️

فيلا مروان واميره ٣م

غرفة السفرة

تجلس اميرة ومروان واسرتها يتناولون الغدا مع الاستماع الى ضحكاتهم كانت أميرة كل شويه تمسك جهاز مراقبه الاطفال

ياسمين : مروان. ميرو شكلها جالها وسواس كل دقيقة تمسك الجهاز تشوفه شغال ولا

مروان : هتجننى والله ينظر لاميره حبيبى. منه وامل فوق معهم متخفيش كدا. كلي افتحي بوقك يطعمها

اميره : ماشى. تبداء ان تاكل

كريم : ها يا ميرو كدا خلاص. الشقه جهزت ولا

تنظر اميرة باتساع عينيها .. تحاول لم الموقف .. اه يعنى شويه... يااذكى اخوانك انت

كريم : انا بوظت الدنيا

ياسمين : برافو يا كريم

مروان : شقة ايه

اميره : بتردد وارتباك ااه. اصل. هو يعنى تبتلع ريقها

فريدة : تلحق الموقف مفاجأة يا مروان. بس كريم بوزعها مش كدا

كريم :انا اسف كنت فاكر مروان عنده علم

اميره : حبيبى هقولك بعدين

مروان : ماشي

بعد ذهاب اهلها

غرفه مروان

كان يجلس مروان على سرير. وهو يرتدى ملابس بيت يبدو على ملامح وجهه انه مضايق ثم تدخل اميرة عليه الغرفة وهى ترتدى بيجاما ستان

اميره : اخيرا نامو تعبونى النهارده تجلس بجانبه مالك

مروان : امممم مش ناوية تحكيلي

اميره : بارتباك ااه تقصد عالشقة

مروان : امممم

اميره : انا كنت عايزه اعملك مفاجأة يعنى بص انا لقيت شقة بالمعادي لقطة ب ٣مليون مفروض الاول مليون ونص والباقى اقساط فانا بعد تفكير عميق واخدت رأى نور وحمزة وماما

انا اسفه جدا اطريت اخد من الفلوس اللى حطتهالى بالبنك بس وعد والله العظيم هرجعهم اول ما يعنى. اجمع مبلغ... انا مكنتش عايزة اخدهم بس هما اقنعونى يشاور بايده وهو يجز على أسنانه ان تكمل. فانا. دفعت جزء والباقى مع ٢٠٠اللى معايا. اللى حوشتهم من قبضي. بجهز بيهم الشقة انا كنت عايزه اعرفك لما تخلص خالص. قولت اقلك شفت انا بقيت دكتورة كبيرة زيك وعندى عيادة باسمي بس كريم. خربلي الدنيا

مروان : خلصتى

اميره : مروان انت اضيقت.. ده انا كنت عايزة اعملهالك مفاجأة والله

مروان : بضيق .. مفاجأة ازاى يعنى مفاجأة ازاي... فهميني

اميره : اهدى بس مضايق ليه افهمني

مروان : يقف. بستغراب وبضيق ونرفزه ..... مضايق ليه ، صح هاضايق ليه ، لما الكل يبقى عارف موضوع الشقة ، و انا اخر من يعلم يبقى اضايق ليه صح مفروض اقعد واحتفل ان مراتي مستغفلانى

اميره : يا مروان انا كنت هقولك والله

مروان : بنرفزه شديدة ... كنت هقولك ، كنت هعمل ، كنت كنت كنت ، وما بتتعلميش من اخطائك نفس الغلطة بتتكرر

اميره : منا بقولك كانت مفاجأة يعنى مستنية الوقت المناسب

مروان : بشده ونرفزه ... مفاجأة.... ليه هو فستان جديد اشترتيه ولا خاتم ، دى شقة يعنى مينفعش ، دى اهداف وطموحات حضرتك حققتيها ومشركتنيش فيها لكن شركتيهم هما ، طب هبقى معاكى للاخر ، ليه معملتيهاش مفاجأة ليهم ، طبعا معندكيش إجابه ..بتاثر ..اميرة قوليلي ايه احساسك لما تبقى قاعدة فى قعده والكل عاملين يتكلمو عن مستشفى اتفتحت وانتي قاعدة مش فهمة حاجة وفي الاخر تعرفي انها بتعت جوزك وانتي مراتي ام ولادي متعرفيش ، شعور وحش مظبوط ، الكل طلع عارف ومافيش حد ميعرفش ، الا انا، انا جوزك ابو اولادك ميعرفش ، اشتريتى. شقه و وضبطيها وانا اخر من يعلم كنت ناوية تحكيلى امتى .بشدة..ما تنطقي

أميرة : انا وآلله نيتى كانت كويسه قولتلهم عشان انا مش بفهم فى أمور الشرا والبيع كان لازم محامي عشان كدا عرفو

مروان : بشدة .. والله هو ده مبررك انتى ناوية تكبرى امتى وتعقلي وتتصرفى بعقل

امبره : بغضب .. انا مش فهمه انت بتزعق ليه ، ايه كل ده بقولك كنت عملالك مفاجأة ده جزاتي

مروان : بشده وقوة وتحذير وحسم .. اوعي تعلي صوتك مره تانية فهمه ، اوعي صوتك يعلى تانى ، وايه بقى اسفه اني اخدت فلوسك. انتى لسه بتعملي فرق بنا

اميره : برتباك .. لا بس دى الحقيقه دي فلوسك مينفعش اخد منها حاجه ، انتى بتدينى مصروفي غير مصروف البيت ، الصراحه اتحرجت اطلب منك اكتر من كدا دى حاجة شخصية مالكش دعوه بيها

مروان : بستغراب ... مش مصدقك ، ...بضحكه استغراب بعدم تصدق ... حقيقى مش مصدقك تتحرجي منى انا جوزك، اللى بتتعرى قصاده وتنامى بحضنه ، بشدة أميرة للمره الف بقولك بطلي تحطى حدود بنا ، انا جوزك ، انا وانتي واحد، فلوسي هى فلوسك ، انا وانتى جسد وروح واحدة ، اللي بينى وبينك اكبر بكتير من شويه ورق ، انا سترك وسندك وظهرك يا اميرة ، انتى لو اتعريتى هتجرى تستخبي فى حضني انا ، انا مش دكتور خالد ولا فريده ولا نور ولاحمزه انا أقربلك من اولادك من اى حد فى الدنيا ، انا زعلان منك اوى ، مش اول مره تعملي فرق بنا ، ولا اول مره تشكى فيا ، فاكره لو طلبتى مني فلوس ولا سحبتى فلوس من الفيزا ، هشوفك طمعانة فيا ، ومش اول مره تخبي عليا حاجة ، كل مره كنت بقول معلش ، عديها غلطه صغيره ، شكلي غلطت ، كل مره لما كنتى بتزعلي منى، كنتى بتعقبينى انك تحرمينى من انك تنامى بحضنى ، انا بقى اللى هحرمك من ده....

❤️____ليلة عادل____❤️

ياجى يمشي تمسكه من ايده

اميره : باسف مروان استنى متكبرش الموضوع والله اسفه حقيقى مكنتش اقصد. متكبرهاش متزعليش بقى مش هعمل كدا تانى

مروان : اوعي يا اميرة لو سمحت

اميره : مش هسيبك وانت زعلان

مروان : مش بالسهولة دي ، احيانا الاسف ما بيكنش كافي. صح مش ده كلامك

يذهب ويتسطح على الكنبه

اميره : ده بجد بقى. انت بتعقبني ، بتعقبنى على ايه عشان بعملك مفاجأة حلوة زى ما انت بتعملي مفاجآت

مروان : انا عايز انام

اميره : دلوقت الساعه مجتش٩

مروان : والله انا حر مش انتي اللى هتقوليلى. نام امتى

تجلس أميرة بجانبه على الكنبه وبدلع

اميره : طب بالراحه طيب ياعم عادل ادهم انت شكلك كنت بتحبه اوي

مروان : اميرة لو سمحتي قومي

اميره : لا

مروان : بشده اميرة قومي

اميره : تؤتؤ. تنام بجانبه تضع راسها على صدره تقبله من خده انا اسفه والله انا كنت هقولك طبعا ، والله كنت عملها مفاجأة بس معرفش انك هتزعل كدا خلاص وعد اخر مره مش هتتكرر، تقبله من رقبته. ثم تقبله من خده ثم شفايفه لكن لا يبادلها مروان اي شئ فهو بارد متحجر زعلانه منها بشكل كبير ،تنظر له أميرة باستغراب . للدرجه دي زعلان. تقف تنظر له بحدة .. الموضوع مش كبير كدا

مروان : يجلس مدام مش كبير كدا بتعتذرى ليه

اميره : لانى محبش تبقى زعلان منى

مروان : يعنى مش مقتنعه انك غلطانه

اميره: غلطت بس مش للدرجة اللى انت عملها دي

مروان : هو محدش عندك قالك ولاعلمك مينفعش تخبي حاجة زى دي على جوزك

اميره : كلهم قالولي لازم يعرف بس انا وقفت قصدهم قولتهم انا عايزة اعمل مفاجأة لمروان مكنتش فهمه انها متنفعش كدا ، مش مقتنعة ولا هقتنع ، انا دماغى كدا بس خلاص مدام انتم شيفنى غلطانه ماشى غلطانه وبعتذر اهو

مروان : طيب لما تقتنعي انك غلطانه وان كلنا صح يبقى وقتها اعتذارك مقبول ، ولو سمحت سبينى انام ، ولا اقولك انا هسبلك الاوضه كلها

يخرج خارج الاوضه يغلق الباب خلفه بشدة

اميره : ايه ده بقى ايه ده بقى ، هو فى ايه، اقسم بالله عيل رخم و اوفر تصمت قليلا ما يمكن غلطانه وانا مش واخدة بالي ، بس لا انا كنت عايزة افرحه والله ، اتنيلى بقى شوفى هتصلحيه ازاي ، لانه قلب بجد ، بطلى تكابري واعترفى بغلطتك ، انتى حسبتيها غلط ، ما الكل قالك لا قوليله فضلتي تقوللهم انتم مالكم انا ومارمورى حرين اهو اتقمص،

بكره هصلحه يكون هدى

❤️____ليلة عادل____❤️

اليوم التالى

غرفة مروان واميرة ٧ص

نرى اميرة تجلس على السرير وبجانبها ادم وزياد بصوت داخلي هو. ماجاش ليه عنده محاضرة الساعة ٨ المفروض يكون جهز ونزل ... ده جاي اعمل نفسى نايمةو إلا لا يفتح مروان الباب وهو يرتدى ملابس خروج تنظر أميرة له

اميره : انت جبت اللبس ده منين. لا يجيبها ينظر لولادهم ويقبلهم ويتركها ويرحل ويغلق الباب بقوة

رخم اقسم بالله يارب كوتشي العربية يتخرم والاربع

تمسك هاتفها تتصل بنور الووو انتى فين تعاليلى. لا حالا ايوو حالا بقولك سلام تنظر لاولادها شوف يا آدم بابي بيعمل ايه فى مامى محدش يكلمه تاني ولا انت يا زياد. محدش فيكم يضحكلوا كلنا نكشىر ماشي ولو هو عادل ادهم احنا نبقى توفيق الدقن ماشي شاطرين ، ... تقبلهم. بدلع وحب

❤️____ليلة عادل____❤️

نادى المعادى

تجلس حنين مع شرين على احد المقاعد

شرين : انبسطي فى الرحلة

حنين : جدا. ادهم بيعمل كل حاجه عشان يخليني مبسوط

شرين : انتي ياساذجة اوى. يا ذكيه اوي

حنين : تقصدي ايه

شرين : ولا حاجه قوليلى ادهم مش واخد باله من حاجة

حنين : اخد باله من خروجي المتكرر. وشاف الدواء

شرين : ياانهار اسود وعمل ايه

حنين : الحمد الله اقنعته انه فتامين

شرين : وصدق

حنين : اه

شرين : انا خايفه ادهم مش سهل من رايي كفاية لازم نوقف انا بدات اخاف

يدخل ادهم عليهم وينظر باستغراب

ادهم : بقوه انتى ايه اللى مقعدك مع الست دي

حنين : تقف .. ادهم عيب دي دكتورة شرين دكتورتي كانت بتدرسلي بالجامعة

ادهم : طبعا يا دكتورة انتي عارفة عربيتك بتتراح ليها ازاي ولا تحبي اوصلك بنفسي

حنين : ادهم ما ينفعش كدا ايه اللى انت بتعمله ده

ادهم : بشدة وحسم. ولا كلمة ينظر لشرين سمعتي

شرين : بس يا حنين انا فهمه هو بيعمل ليه كدا بس المرة دي اشارتك غلط يا حضرة رئيس النيابه

ادهم : يمسك دراعها بقوة وحسم بقولك ايه اتلمي وتظبطي ، بدل ماظبطك ، ولو شفتك بتهوبى. ناحية مراتى تاني ولا حد بيخصني انتي عارفة انا ممكن اعمل ايه

تنظر شرين له بضيق ثم تاخذ شنطتها وترحل ينظر ادهم لحنين ثم يجلس وبجدية وحسم

ادهم : ايه اللى مقعدك مع الست دي

حنين : ايه اللى انت عملته ده طريقتك كانت وحشه اوي معها كانها. مجرمة عندك

ادهم : دى ست قذره ومش محترمة وشمال وبتعت رجالة. ... ايه اللى مقعدك معها

حنين : بقولك دكتورتي شفتها بالصدفة

ادهم : لو شفتك قاعدة معها تاني يا حنين هزعل وانا زعلي وحش بلاش تزعلينى اول واخر مره مفهوم

حنين : حاضر انا اسفة ممكن تفهمني انت ليه بتقول عليها كدا

ادهم : لانها كدا موضوع كبير كلام يتنفذ من سكات

حنين : ماشي ممكن نمشى نروح نتغده لانى جعانة ولا مستني الشلة

ادهم : لا مش مستني حد يلا

❤️____ليلة عادل____❤️

فيلا مروان واميرة ٤م

تجلس اميرة فى غرفه tv تشاهد التلفزيون وكان معها اطفالها واحد البيبي ستر

أميرة : وانتى بقى يا امولة خريجة تربية ايه

امل : فلسفة

امير : وليه مشتغلتيش بيها

امل : هاخد كام يا حسرة الف ونص ويتهد حيلي. هنا احسن باخد ٥ الف مش بعمل حاجة غير باخد بالى من طفل واحد وقاعدة فى بيت حلو وناس فى منتهى الادب. عارفه يافندم لما اشتغلت معاكم. اقتنعت اني صح انتي والدكتور مروان. كلكم ذوق وادب يعنى بصراحة مافيش كدا

أميرة : انا من رأيي لو لقيت حاجة احسن فيها مستقبل ما تتردديش انا اوعدك بس ادم وزياد يشده حيلهم هشفلك انتي ومنه مكان كويس ونفس المرتب ويمكن اكتر. كمان.... الأهم من المرتب الراحة النفسية دى اهم من مرتب

امل : عندك حق.

يدخل مروان عليهم

مروان : مساء الخير عاملين ايه يقترب من ادم. دوما يحمله يقبله ويضمه وحشتني. من فضلك يا امل نولينى زياد

امل : حاضر تحمله اتفضل

مروان : انا فوق هخدهم معايا ماشي.. امل فين منة

اميرة : استاذنت النهارده تروح هتاجى بكره

مروان : احنا مش اتفقنا الاجازة من الخميس للأحد الصبح

اميره : مامتها تعبانة

مروان. : ماشى الف سلامة عليها.... امل شوية تعالى خديهم

امل : حاضر يا فندم

اميره : امل انا هطلع فوق. لو عوزتك هكلمك خليكي. كملي الفيلم عن اذنك

❤️____ليلة عادل____❤️

غرفه مروان واميرة

تطرق اميره الباب ثم تدخل. كان مروان يقوم بتغير ملابسه تقترب أميرة منه تقف امامه

أميرة : مش عايز مساعدة

لكن لا يجيب عليها مروان كانه لا يسمعها

اميره : مش معقول يعنى تكون زعلان اوى كدا من موقف صغير زى ده انا اعتذرتلك على فكرة

مروان : وانا قولتك اعتذراك مش مقبول غير لما تقتنعى

اميره : مقتنعه وبقولك خلاص اسفه مش هعمل كدا تانى ، برود ماشى براحتك اوى على فكره تقفل باب الدولاب. ااااه

مروان باتساع عينيه فى ايه

اميره ايدى ااه قفلت على ايدى اااه وجعاني اوي

يحملها مروان ويقعدها على السرير ويجلس على قدمه وبخضه

مروان : ورينى. افرديها

اميره : بدموع ووجع ..وجعاني اوى يقبلها من ايدها معلش يا حبيبتى استنى هجبلك ثلج مافيش كسر ماتخفيش يذهب لخارج الغرفة. تقف أميرة وتتنطط وترقص فهى خدعة قامت بها من اجل مصلحته يرجع فاتجلس بسرعة اااه يا ايدى يا وجعاني

مروان : اثناء وضعه الثلج ..معلش يا حبيبى مش تاخدي بالك

اميره : ما انا كنت عايزة اصلحك

مروان :خلاص مش زعلان بس ماتعمليش كدا تاني

اميره :وعد خلاص تقبله من خده

مروان : اميرة هو مش كانت ايديكى دي اللى بتوجعك

اميره : وانا قولت فى حاجة غلط. اتارى مسكة الايد الغلط

مروان : والله يقف ينظر بضيق

تقف أميرة امام وتلف ايدها حول خصره وتنظر له وهى تسند رأسها على صدره ...خلاص بقى. عشان اصلحك تقبله من صدره. خلاص بقى يا مارمورى زعلك وحش اوي ده انا ميرو بردو

مروان : ما هو عشان انتى ميرو لازم ازعل لان مينفعش انتي بالذات اللي تعملى كدا وتعملي حاجز بنا كدا

اميره : خلاص بقى اضحك ما يا تضحك يا هعوضك وعضلك عيالك. يا دك خلاص بقا .... يبتسم مروان لها يضمها ويقبلها من راسها

اميره : بحبك اوى انا حقيقى اسفه والله مش بقصد ازعلك انا نيتى انى اعملك حاجة تخليك مبسوط مش انى اخبي واستغفلك او احط حاجز. والله

مروان : خلاص انسي يضع ايده على خدها. ها ناويا تورهالي امتى

اميرة : تاجى دلوقت نلبس ونروح

مروان: موافق

اميره : ممكن بقى تديني بوسة كبيرة

مروان : كبيرة

أميرة : ،اممم كبيرة اوى كمان

يقبلها مروان من خدها قبله طويلة ثم ينظر لها بابتسامه و يقبلها من شفايفها بحب ثم يضمها

شقه أميرة ٨م

يدخل مروان واميره الشقة وهم على ملامح وجوههم السعادة ويمسكون يد بعضهم نرى شقة كبيرة فارغة تماما يقوم مروان واميرة بلف بها ثم تقف أميرة فى منتصف الراسبشن

اميره : ها ايه ريك

مروان : لا حلوة جدا..ب ٣مليون بس

اميره : لا ٥ بس دفعت ٢ دلوقت مليون كمان ٦شهور وباقى على عشر سنين

مروان : اممم كنتى ناويا تجيبى منين باقى المبلغ

اميره :من غير عصبيه. كنت ناويا احوش مرتبى منا كنت هخليك تديلى. عشر بدل ٧ هههه على مصروفى بقا والباقى كنت هاخده من بابا

مروان : مش هتعصب

اميرة : هههههه لا متتعصبش يا مامورى تقبله من خده قلبى يا ناس

مروان : مين جبهالك

اميره : تخيل ههه شرين. هفهمك هى عندى على الواتس فاشوفت الاستورى بتعتها كان منزلة اعلان عنها. دخلت بعتلها وانا عصره على نفسى ليمونة اخد رقمه وبس

مروان : اممم طب انا عايز اقعد مع السمسار

اميره : ماشى

مروان : هاتي الرقم

اميره : ماشى تخرج هاتفها تعطى الرقم انت عايزه ليه

مروان : انتي مش واقفة هتسمعي.. يدخل عليهم

السمسار : اهلا وسهلا دكتور مروان

السمسار : حضرتك غني عن التعريف طبعا

مروان : انا كنت عايز اغير حاجة فى العقد يعنى كنت عايز ندفع المبلغ كله

أميرة : مروان ينظر مروان لها بعينيه

مروان : ها

السمسار : مافيش مشكلة

مروان : خلاص بكره جهز نفسك ... المحامى هيكلمك وتخلصو كل حاجة تمام

السمسار : تمام

يخرج السمسار تقف اميرة امامه تنظر له بابتسامة

اميره :يعنى بجد شكرا عايزة اقولك حاجة

مروان : متقوليش

اميره : مروان

مروان : يضع ايده على شفايفها هششش اميرة انتى مراتي ، لازم تعرفي كدا كويس ، كل ما املكه ملكك انتي ولأولادنا مع ملامسة وجهها بحب .. حبيبتى بطلي تفكرى كدا بعدين مين قالك ان محدش ساعدني وانا لسه صغير اول عياده ليا بابا اللى جبهالى انا اشتغلت بعدها ، وعملت اول مركز بس مكنتش اقدر لوحدى وقتها كان توفى اطريت اخد من فلوسه اللى سبهالي ، مش مره ولا اتنين مش عيب انك فى اول خطواتك تستعينى بحد يساعدك، كلنا عملنا كدا جميل انك نفسك تحققي اسمك بنفسك، لكن مفهاش حاجة لو احتاجتى مساعده فى البداية ، عارفة امتى يبقى عيب لو فضلتي متكلة على المساعدة دي، لكن انا متاكد انك مش هتعملي كدا

اميره : عندك حق

مروان : خلاص مش هنفتح الموضوع ده تانى الموضوع اتحسم ها المره لجايه هزعل بجد وانا زعلي وحش اوي بلاش عشان خاطرى ، ممكن لو احتاجتي اى حاجة تاخدي الفلوس من غير تفكير

اميره : موافقة مع تعديل بسيط. هستاذنك الاول ينظر لها بضيق ويجز على أسنانه. تمسك يده مش هعرف اعمل غير كدا. عشان خاطرى ماتغصبش عليا هاخد منك بس اقولك لاول

مروان : بابتسامه ماشى. لحد فتره مؤقته بس

اميره : تقبله من يده انا بحبك اوى اوى ربنا يخليك ليا يارب تضمه تقبله من خده ثم تقترب من اذنه انا بموت فيك

ينظر مروان لها وانا بعشقك يضمها بشده ويلف بها

❤️____ليلة عادل____❤️

فيلا مروان واميره٦م

غرفه النوم

نرى اجواء رومانسيه شمع وورد وقامت أميرة بتحضير الطعام بنفسها فقامت بعمل

حمام وورق عنب وسلاطات و ازازة خمرا ثم نرى شيشه ثم نرى اميرة ترتدى عبايه سودا وتضع مكياج تقيل وروج احمر فاقع ثم تمسك هاتفها. الو. ممكن تدخل دلوقت بس غمض عينيك يطرق الباب تذهب لتفتح كان مروان يقف مغمض عينيه.. تمسكه أميرة من ايده وتدخل تساعده على الجلوس على شلطه وتجلس بجانبه

مروان : واخرتها معاكي

اميره : ثانيه وهتعرف

تقف أميرة امام مروان مباشرة

اميرة : ممكن دلوقتى تفتح

ينظر مروان لها بستغراب

مروان : ايه ده ثم ينظر حوله ههه ايه ده بجد خمرا

تخلع أميرة العبايه التى كانت ترتدي تحتها بدلة رقص سودا مثيرة جدا ترتدى فى ايدها صجات

اثناء حديثها كانت تلعب بالصجات

اميره : لا ده شكل بس لكن اللى جواها عصير تفاح عشان اعيشك بالجو... ايه يا دك نوع من انوع الفنتازيا لاحياءالمباشرة من الفصل الثالث فى كتابك طريقة السعاده الزوجيه ههههههه ايه رايك

مروان : لا عالي اوى الجو ده كمان صجات لا كدا مش هتحمل دقيقة

اميره : لا اتقل

مروان : يقف يقترب منها .. اتقل ازاى بعد كل ده مينفعش

اميره : اتقل اتقل، اقعد كدا يجلس اعمل نفسك بتشرب الشيشه دى وعيش اللحظه عايز احقق اللي بخيالى بالظبط عيشنى الخيال

مروان : عنيا يا عسل

أميرة : هههههه حلو بدأت تندمج يلا بينا يا عسل

تشغل أميرة الاغاني الشعبيه وتقوم بالرقص لمروان والرقص معه يقضيان وقت جميل سوى بعد مرور. وقت ..

نرى مروان واميرة يتمددون على السرير وهما مغطين انفسهم ويتحدثون وهما يمسكون يد بعضهم

مروان : عايزك تعمليلى كدا كل اسبوعين مرة لا كل اسبوع

أميرة : هههههههه عنيا يا مارمورى شكلك حبيت الموضوع

مروان : لازم احبه بعد اللى حصل مين علمك الرقص

اميره : جزء موهبة وجزء فى الافراح واتعلمت فيديوهات كدا يعنى

مروان : ابقى اشوفك تاني بترقصي بفرح حد

اميرة : من غير متقول عارفه فاكره فى وقت ده كان زمانى بصحيك بقولك مارو عايز بطيخ هههه

مروان : اوعايزه ادخل الحمام او قوم اعدلي المخدة قوم نيمني على جنبي

اميرة : تعبتك انا عارفة

مروان : خالص بالعكس كنتي صعبانة عليا اوى قولت هى ليه متحملة كل ده ، متحملة كل الوجع ده ،متحملة انها مش قادرة تعيش حياتها بشكل طبيعى ، لدرجة انها مش قادره تتقلب على السرير ، عشان تخليك اب

أميرة : عشانك اتحمل اكتر واكتر من كدا ، انا كمان كان نفسي ابقى مامي منك تضع ايدها على خده بحبك يا احلى حلم حلمته

مروان : وانا بموت فيكى يقبلها من ايدها يتبادلون النظرات مع ملامسة وجهها باطراف اصابعه هو انا مقولتلكش

اميره :ايه

مروان : ان عينيك حلوة اوي

اميره : تؤ

مروان : ده انا طلعت وحش اوى

يقترب منها اكثر قبل ان يقبلها تضع أميرة ايدها على شفايفه

اميره : لا

مروان : هو ايه اللى لا

اميره : تؤ عايزه اتكلم معاك شوية

مروان : محنا هنتكلم

يقترب ليقبلها تضع ايدها على شفايفه

اميره : لا بس بقى استنى

مروان : يعض على شفايفه بردو يعتليها ويقرب وجهه لوجهها لو مستنتش هتعملي ايه يا قطتي ها

اميره :بدلع ولا حاجة

يقبلها من خدها يتبادلون النظرات ثم يقبلها من شفايفها يتبادلون القبلات الساخنه وووو

❤️____ليلة عادل____❤️

مركز د / مروان ٣م

مكتب أميرة

تجلس اميرة على مكتبها تتحدث فى هاتفها فيديو مع أحد المربيات وهى تحمل ادم وزياد

اميره: يا عمرى وحشوني اوي عايزه ارجع بسرعه خدي بالك منهم ها. دومى هات بوسه لمامى. امووواه. اوزتى مامي هتاجى على طول يا لوحي ايه الضحكه الحلوه دي .. يطرق الباب .. اتفضل

يدخل شاب فى منتصف العشرينات يبدو على مظهر الاناقه ترفع عينها ثم تتحدث

اميره : فى ميعادك مظبوط تقف تصافحه اتفضل لحظة واحده خلاص يا منة انا ان شاء الله الساعه ٤ هكون عندكم. سلام دلوقت تنظر امامها

اميرة : اهلا وسهلا استاذ مجدى

مجدى : اهلا بحضرتك اخيرا كل ماجي اخد ميعاد يقولولي حضرتك اجازة رشحولى كتير لكن انا كنت مصمم على حضرتك ، بصراحه الكام فيديو اللى شفتهم لحضرتك على النت بتوع الثقة فى النفس والحريةو الدعم النفسى كيف تصبح دكتور نفسى خلتنى شغوف انى اجاى لحضرتك

اميره : ده شى يسعدنى جدا كنت فى اجازه وضع

مجدى : الف مبروك معرفش ان حضرتك متجوزة

اميره : ازاى.... اناا متجوزة دكتور مروان

مجدى : دكتور مروان عزت ماشاء الله مبروك

اميره : ميرسى .. ها قولى بقى ايه اللى خلاك تزور معالج نفسى غير ايمانك بيه

مجدى : انا من سنة اتعرضت لحادثة صديقى مات قصاد عيني فى حادثة وقع من البريمه من وقتها بقيت لما اطلع اماكن عالية بخاف وبيجيلى ضيق تنفس ورعشة يستمر مجدى بالتحدث معها كانت اميرة تستمع له بكل تركيز وبعد انتهاء مجدى من الحديث

اميره : انت عندك حاجه اسمها اضطراب ما بعد الصدمة اضطراب طبيعى بيحصل عند كتير من الناس بعد ما بيتعرضه لموقف مؤلم نفسيا ، حالتك مش صعبه خالص ماتخفش بعد كام جلسة الموضوع هيختفى تمام

مجدى : تمام هنبتدي ازاي

اميره : هنبدأ بالجلسات الجماعيه بتكون دعم كبير فى الحالات المشابهه لحضرتك بعدين. نبدأ بالمواجهه لكن بشكل تدريجى بص متقلقش كل جلسة طبيعى هاديك فكرة على اللى بعدها

مجدي : تمام

اميرة : ان شاء الله هبلغ حضرتك بميعاد الجلسه الجاية هطلب منك بس تملى الاستمارة دى بالبيانات

مجدى : تمام

يجلس مجدى يقوم بالكتابة لكن كانت اميرة تركز معه كانها تحلله اثناء كتابته. بعد الانهاء.

مجدى : حاجه تاني

اميرة : شكرا.... ممكن تتفضل

مجدى : انا مبسوط انى اتعرفت بحضرتك

بعد خروج الحالة تدخل شهد مباشرة وكانت اميره تلم بأوراقها

شهد : ايه ده انتى ماشيه

اميره : امم آدم وزياد وحشوني تعالى معايا بقالك كتير مشفتهش كبرو. بقوا عسل اوي

شهد : ماشاء الله عليهم هما زي القمر شبهكم بقوا كام

أميرة: شهر و٢٦ يوم تعالي بجد دى فاطمة عامله مسقعه وبتعملها احلى من فريده تعالي عايزه احكيلك حاجات كتير

شهد : شكل مروان رضي عنك وصالحك

أميرة : افكارك جابت نتيجة. بس حقيقى مكنتش متوقعة هيزعل كدا

شهد : يابنتى مروان من كلامك واضح انه راجل شرقى التفكير جدا ، واى راجل مكانه هيضايق انتي غلطتى ، انا ونور فضلنا نقولك لازم تقوليله قعدتي تقولي عايزة اعملها مفاجأة وأفرحه بيا ، أميرة اعقلى انتى بقى عندك اولاد ، تصرّفات زمان دى بطليها هو كمان شكله زهق من تصرفاتك الطايشة بتعتك ، انا بحبك وكنت زعلانة عليكى وانتى عمالة تعيطى وعايزه تصلحيه فا بطلى بقى عشان ميزعلش تاني

اميره : والله انا ماحبش ازعله منى يا شهد ، انا بحبه اوي وزعله بيوجعلى قلبي والله ، عارفه يعنى ايه مروان يزعل منى ، كإن روحي اللى زعلت منى. اليوم ده ، مش قادرة اقولك كم الوجع اللى كنت حساه سواء فى قلبي ولا بمعدتي

شهد : نفسي كل ده

اميره : عارف شفتى بقى زعله بيعمل ايه

شهد : انتى متزعلهوش تانى بقى

اميره : والله ما بقصد

شهد : عارف انتى بس خدى. بالك وفكرى بالحاجه قبل متعملها وسمعى كلامنا بطلى يبقى صوتك من دماغك

اميره : حاضر يلا بقى تعالى معايا

شهد : ماشى. مش هنستنى. مروان

أميرة : تؤ مارو فى الجامعة هياجى على٦كدا يلا احنا نلحق المسقعة

شهد : يلا

❤️____ليلة عادل____❤️

فيلا مروان واميرة ٧م

غرفه الاطفال

تجلس أميرة وشهد مع ادم وزياد يقومو باللعب معهم بعد قليل يدخل عليهم مروان ويحمل بايده بوكيه ورد وعلبة ويبتسم عندما تراه تقوم بسرعه وتستقبله وتضمه وتقبله من خديه

اميره : حياتى اتأخرت ليه

مروان : كنت بجبلك دول. يعطيها العلبة والورد.

اميرة : شكرا يا قلبى تقبله مرة تانية

مروان : ازيك يا شهد

شهد : الحمد الله حضرتك

مروان : تمام يقترب من الولاد يجلس على الارض ويقوم بتقبليهم وضمهم لكن يرن هاتف اميرة... المتصل ادهم تنظر اميرة للاسف باتساع عينيها وتبتلع ريقها

اميره انا هطلع بره ارد الشبكة هنا وحشة

اميره : ايه يا أدهم فى حاجة. لا مقصدش اسفة. عامل ايه. كله تمام. اه لا نسيت حصل شوية حاجات كدا هسأله وأقولك بس شويه عشان شهد هنا ماشي. اشمعنا... معرفش انت مش بتحبها ليه. طيب حاضر متتكلمش معايا كدا اهدى على نفسك يلا سلام

تدخل أميرة الغرفة

أميرة : مارو ها ما تروح تلبس الاول

مروان : ماشى

يخرج مروان خارج الغرفة

شهد : والله جوزك ده محترم ماسألش كنتي بتكلمي مين

اميره : مروان عمره مسألنى. ولا بيبص فى تلفوني اصلا

شهد : طب بطلى تكلمي ادهم بقى عيب كدا ده لو عرف هيقتلك

اميرة : ههههه ده هيعمل مني بفتيك

شهد : طب مدام كدا بطلى. لان عيب يبقى فى علاقة بنكم حتى لو صداقة انا همشي ، يابت روحي وراه لابسيه

اميره : انتي تاني هو بيلبس لوحده.. مش ماخد على كدا

شهد: يابت دلعيه ما بتعرفيش. تدلعي

اميره : لا ياختى بعرف ادلعه بس انا ليا طريقتي معه اطلعي منها انتي انتي مش مروحة

شهد : ههههه يلا سلام يا مزة

تخرج شهد واميرة خلفها. تقوم بالنداء على امل ومنة

يصعدو لأميرة

اميره : خليكم مع الولاد وانا في اوضتى ماشى انا خلاص رضعتهم انتم اتغديتوا

منه : اه يا فندم

اميره : ماشى لو عايزين حاجة كلموني... سي يو

❤️____ليلة عادل____❤️

غرفه نوم مروان واميرة

تطرق اميرة الباب وتدخل مروان وهو يزرر زراير البيجاما

مروان : انا قلتلك تدخلي

اميره : برتباك انا اسفة والله خلاص انا بره لحد متخلص

يضحك مروان بصوت عالى جدا. يمسكها من درعها

مروان : مجنونة والمصحف صدقتى ولا ايه قولتلك مليون مره متخبطيش

اميره : بص انا متربيه على كدا. تضع أيدها على بوقه ومتقوليش انا جوزك بابا وماما ييخبطه على بعض انا متربيه على كدا حتى لو جوزى لازم احترم خصوصيتك مدام قافل الباب على نفسك كفايه اني بدخل قبل متقولي اتفضلي

مروان : غلبتينى فى دى يا صغنن

اميره : انت اكلت

مروان : اممم طب انا هنزل الحق الماتش ياجى يخرج

اميره : ممكن نتكلم شوية هسألك على حاجة

مروان : قصادك عشر دقائق ده نهائي انا مأجل محاضرة عشانه

اميره : بما انه النهائى يبقى اضرب التيشرت الاهلاوى و نتفرج سوى

مروان : احكيلى. بجد بهزار معاكى

اميره : موضوع مش مهم. يلا ننزل نتفرج

مروان : متاكده

اميره : يس يس

وبالفعل ينزلان و يشاهدان المباراه كانت اميره تشاهد وهى لا تفهم شى ولا تحب المشاهدة لكنها شاهدت من اجل ان تبقى مع مروان ان تشاركه الاشياء التى يحبها كانت تحتفل معه وتقلده عندما ينفعل

أميره : حكم قابض معلش متزعلش المهم كسبنا فى الاخر مبروك

مروان : انتى عارفه مين كان بيلعب

أميره : مش للدرجة دي الاهلى

مروان : تعرفى انا معرفش انتى اهلاويا ولا زملكويا

اميره : انا مرواتيه

مروان : ايه

اميره: بمزح ... مرواتيه هههه بشجعك ماليش في الكوره خالص ، انا بتفرج عشانك وبسندك. ، بس بابا وكريم اهلاويه وبيحبه النادى اللى بيلعب في صلاح اسمه ليفربول صح

مروان : اممم صح يمسكها من ايدها يجلبها تجلس على قدمه .. شوفى لانك زوجة اصيله وبتسندى جوزك فى مشاهدة الماتش وبتشجعى وبطبلى وانتى مش فهمه ، فانتى طلباتك كلها مجابه من غير تفكير اطلبى يا ست ميرو هانم

اميره : اى حاجة

مروان : اى حاجة

اميره : اممم مش عارفة خليها لوقتها بس افتكر متضحكش عليا

مروان : فاكرة هاكنتى عايزاني بايه

اميره : اه كنت هسألك تعرف حد اسمه... تفكر ... يالهوي نسيت ههههه فين تليفوني تنظر حولها ثم تقف شكلي نسيته فوق تعال. ااقولك فوق لان الاسماء على الفون

اثناء سيرهم وصعودهم على سلم

مروان : اسماء ايه

اميره : اسماء الناس اللى كانو بيبعته الرسائل

مروان : طب منا عارف الاسماء من عائلة اسمها اباظه كلهم قرايب بس ماتو بحادثة

يدخل الغرفه تغلق اميرة الباب خلفها تنظر بستغراب

اميره : ايه ده انت عارف ازاي

مروان : منا قايلك انا مش ساكت معلومة قديمة عرفها من زمان انتى اللى عرفتي ازاي

اميره : من ادهم

مروان : ادهم... وايه اللى فكره انتي مش ساله من قبل الطلاق

أميره : اه

مروان : طب ايه اللى فكره

اميره : برتباك وتقطع بكلام ... معرفش هفهمك اصل ااا يعنى من غير عصبيه انا شفته بالصدفة بالنادى. لقيته بيقولي القصة بتعت الحادثه وبتعت الاسماء دى بس

مروان : امممم يعنى قبلتي ادهم برغم انى قولتلك ميت مره ماتقبلهوش يا أميرة ده لسه من شهر طلبتى مني اعزمه ورفضت كمان رايحه تقبليه

اميره : شفته صدفه

مروان : حتى معندكيش الجراءه تقولى الحقيقة

يصمت ينظر لها دون تحدث سكوت غريب من غير اى رد فعل ثم يخرج خارج الغرفة ودخل الغرفة الاخرى تنظر اميرة له بضيق وتتنفخ وبصوت

اميرة : يييوه بقى احنا لسه متصلحين ياربى تذهب خلفه تطرق الباب ثم تدخل تغلقه خلفها

مروان اطلعي بره

اميره : انا اسفه بس افهمني

مروان : هششش اطلعي بره عشان انا مش عارف هقدر امسك نفسي لحد امتى

اميره : تمسكه من دراعه يا حبيبى افهمني

مروان : بقوة ينزع ايده بقوة .. اطلعي بره قلتلك اطلعي بره

اميره : مروان اسمعنى بس ادينى فرصه اشرحلك

مروان : بشده وقوه .. هشششش ششششش اسكتى مش عايز اسمع نفسك ، نفسك ده مسمعهوش ولا كلمة ولا حرف ، هشششش خلينى اسكت وانام هنا احسن ، ، لانى أقسم بالله انا واصل لدرجة الغليان ، ممكن اعمل حاجة عمرى ما عملتها معاكي .. تنظر اميرة له باستغراب .. اه هي، هى يا اميره وحقي ، بلاش تخلينى اعمل حاجة اندم عليها ، ولو حد عارف اللى بتعمليه كان قالي كنت لازم تعملها من زمان لان مراتك دى مينفعش معها غير الاسلوب السوقى قليل الادب ، لأن المداديه والمسامحة والاحترام ،متنفعش معها ، الظاهر انك نسيتي نفسك ، الظاهر حبي واحترامى ومسمحتى خلاكى تفتكرى انك مهما تعملي عادى , افتكرتى مسمحتى ضعف منى ،لكن مسمحتى ليكي مش ضعف ولا خوف منك، لاني بحبك ، ومش عايز اهد البيت ، انتى افتكرتى دلعي وانى بعدى ومابزعلش انك تدوسى عادي على كرامتي ، انتى ما بتحترمنيش يا اميرة بس انا هوريكى مين هو مروان وقبل متنطقى بكلمة تفكري قبلها وتعملي الف حساب

يمسكها من درعها ويخرجها خارج الغرفة ويغلق الباب بقوة فى وجهها كانت اميرة تبكى لا تصدق ما يقوله مروان لها تظل تطرق الباب لكن لا يجيب مروان عليها

اميرة : مروان افتح انا اسفه والله ما هعمل كدا تانى والله انت فاهم غلط انا مكنتش اقصد والله

مروان : اميره امشى بجد عشان انا على اخرى

لو فتحت الباب ده مش عارف هعمل فيكى ايه سبينى بدل متخلينى اعمل حاجه نندم عليها ..بزعيق امشي امشي

تضع اميره ايدها على بوقها وتبكي بحرقه وتدخل غرفتها ترمي نفسها على السرير وتبكى بشده .. والله ما كان قصدى والله ما كان قصدي بعد قليل تسمع الباب يطرق تمسح دموعها اتفضل

امل : اسفة يا فندم بس ميعاد الراضعة بتعت ادم وزياد

اميره : هاتيهم وروحي نامى انتى ومنه انا هقعد بيهم

تخرج امل وتجلب الاطفال بعد قليل ،تخرج... تقوم اميره بارضاعهم ثم تنظر لهم وتضع اصابع ايدها على خدهم وتنام على المخده وتنظر لهم وتتحدث بنبرة حزن وضيق ودموع

اميره : بابا زعلان مني اوي ،مش عارفه اصلحه ازاى ، ايه بتقول ايه. ، لا انا غلطانه ، انا غلطت غلطه كبيره المرة دى حقه يزعل منى ، انا عارفه بس والله ما قصدي ، انا لما كلمت ادهم عشان عارفه انه الشخص الوحيد اللى هيساعدنى لانه فاهم فى المسائل دى ، كمان بيحبنى عمره ما هياذينى هيعمل كدا من قلبه ايوه ، انا عارفة انى غلطانة انتم عندكم حق ، مش هعمل كدا تاني ، طب قولولي اصلحه ازاى ، لا بابا مابيجيش بالحاجات دي ، بعدين ده رزع الباب بوشى كان هيطيرنى انتم شايفين كدا استنى لبكره اممم دى اول مره بيعملها عمره ما سبلى الاوضة ومشى ،اخره ينام على الكنبه وهى مره إلى عملها ، ماشى هستنى لبكره يلا نامو يا حبايبي سهرتكم معايا تصبحو على خير ادعولي بقى بابا يرضى عنى بسرعه عشان شكله قفل اوى

اليوم التالى

❤️____ليلة عادل____❤️

غرفه نوم اميرة ومروان ١١ص

تقف أميرة امام التسريحة وهي ترتدى قميص نوم فوقه روب باللون الاحمر الذى يحبه مروان وتضع مكياج وتسريحة شعرها وتضع برفان الذى يحبه مروان عليها ثم تخرج خارج الغرفة وتتجه للغرفه التى ينام بها مروان.... تفتح الباب دون طرقه كان مفتوحا كان مروان يقف امام التسريحة يرتدى ملابس خروج تقترب منه أميرة وتضمه من الخلف وتسند راسها على ظهره

اميرة : صباح الخير وحشتنى

ينزل مروان ايدها بجفاء ويلف و ينظر امامه بضيق ييجى يمشي تمسكه من دراعه وبأسف

اميره : انا اسفة ، اول واخر مرة ادينى فرصة وهثبتلك ، اني هتغير تضع ايدها على خده متزعلش بقى تقترب منه لتقبله لكن يبعد وجهه ينزل ايدها بجفاء شديد

مروان : فاكرنى هضعف زى زمان فاكراني هجرى عليكي ، اميره انا ما بجيش بالطريقه دي ، وانتى عارفه ومجربة ، انا لو كنت بسامح زمان فاده عشان بحبك ، عشان ماحبش يعدي عليا يوم وانتى زعلانه، مش عشان انام معاكي خالص...ده اخر همي ..يرفع ليها حمالة القميص... الاسلوب ده مش هيجيب نتيجة ولا اى اسلوب ، انتى محتاجة تراجعي نفسك وتعرفي قيمتى ، وتعرفي مين هو جوزك اللي كل الناس بتعمله الف حساب، عشان انتي دستي على كرامتي مش مره ولا اتنين كتير ..بتاثر.. انا وثقت فيكى ، عمري ما عملت زى الرجاله ومنعتك تخرجي او اشد عليك ،مجرد متقولي رايحه فى مكان كذا اقولك روحي. لانى بثق فيكى واخر ثقتى ايه خلتينى ما بقتش بثق فيكي

اميره: بشدة ...عندك انت فاهم ايه

مروان : فاهم ان مراتى اللي بثق فيها بتقابل واحد للمرة المليون اقولها متشفهوش. ايه انا مش مالي عينيكي شايفه انى مقدرش احميكي رايحة لأدهم باشا يحميكي

اميره : لا والله العظيم ابدا هو عشان ظابط والله وانت دكتور مالكش فى الحوارت دي بس

مروان : اهى الدخلة دي انا عارفها وحفظها

اميره : افهمنى مروان ، انا حسيت ان ادهم الوحيد اللى هيقدر يساعدنى افهمني مروان ادهم بيحبنى مستحيل ياذينى هيعمل كدا من قلبه مصلحة مش اكتر

مروان : يجز على أسنانه بحدة ويقبض على يده وبنرفزه .. اطلعي بره عشان والله هاتهور

اميره : انا اسفة مقصدش بس

مروان : بنرفزه مقصدش انا اسفة كل مرة اسفة مقصدش ما بتفكريش بالكلام قبل متقوليه ، وترجعي تغلطي والمفروض اسكت وأسامح وأطبطب

اميره : خلاص قولي ايه يرضيك وأعمله عايزينى اقطع علاقتي بادهم هقطعها والله العظيم ما هكلمه تانى مروان اول غلطه ليا انا عمالة اتاسفلك من امبارح

مروان : لا هو مش قرار انك متكلميش ادهم لان ده الطبيعي لو معملتيش كدا بمزاجك هتعمليه غصب عنك لان الست المحترمة مينفعش يبقى ليها علاقة باى راجل غير جوزها

اميره : وانا محترمة يا مروان وانت عارف كويس تصمت قليلا طب اعمل ايه عشان تسامحني

مروان : متعمليش حاجة لانه صعب..... لما ابقى اشوف انك تستهلى تتسامحى وقتها افكر

اميره : انا جيت وتاسفتلك وندمانه ليه مش عايز تسامح، ليه مش عايز تنسى وترضى ، وبقولك هعمل اى حاجة ترضيك بس انت قول

مروان : مش بالسهولة دي يا اميرة ، لانها مش اول مره كتير سمحت وتكلمت بهدوء وعاديت وانتى قولتي نفس الكلام مافيش فايدة ، اصل انتى لو عيله و دماغك صغيرة وانا مش فاهم تتربى عجبك منظرك كدا عجبك طريقة الكلام دي انتي السبب

انتى وصلتى طريقه الكلام بنا كدا مكنتش اتمنى كلامي معاكى يبقى بالصورة دي

اميره : بدموع .. ماشى يا مروان انا هسيبك تهدى عشان واضح اوى ان الغضب مسيطر عليك عن اذنك

تخرج أميرة خارج الغرفة وهى تبكى بحرقة وتغلق الباب ينظر مروان لها بضيق يقبض على يده ثم تمتلى عيونه بالدموع ينظر بالتسريحه يبتلع ريقه يأخذ ازازة برفان لكن اثناء رشه على نفسه يتذكر كلامه مع اميرة يجز على أسنانه ثم يحدفها على المرايا بغضب ويكسرها

خلال اسبوع

كانت اميره تحاول مصالحة مروان والاعتذار منه ، لكنه كان يرفض ان يتحدث معها او الرد عليها كان لا ياكل ولا يشرب ولا ينام معها ، كان يجلس بغرفة مكتبه وينام بغرفة نومه اخرى وعندما يراها بغرفة الاطفال يتركها ويرحل مهما حاولت تعتذر منه.... مر اسبوع كامل على فراقهم حتى شعرت أميرة ان مروان يريد ان يطلقها لكن هل يصل الامر الى هذا الحد سنعرف

بعد مرور أسبوع

❤️____ليلة عادل____❤️

فى مكان ما بشقة ما فى احد الشقق السكنية

يظهر نفس الشاب مره اخرى يتحدث فى هاتفه

المجهول : خلصت عايزها تبقى قوم تراب عشان الباشا ميزعلش

يظهر الشاب الأول الذى كان على موتسكل

الشاب : شوف الفيديو اللى بعته وهتعرف ان ماندو مابيتاخرش

المجهول : روح انت

ينظر الى الشاب دون ان يظهر وجهه كان يشاهد شقه أميرة الجديدة وهى تحترق

فيلا مروان واميرة ٨م

غرفه الاطفال

تقف أميرة امام السرير تطبطب على زياد ثم يدخل مروان عندما يشاهدها واقفه يخرج

أميرة : استني هخرج انا انت مشفتهمش من الصبح ويتقابلان امام الباب يقفان امام بعضهم تنظر أميرة له بحزن لكنه يتماسك امامها..... سريعا ما يغير اتجاهه ويقف عند السرير ويحمل ابنه يرن هاتف اميرة

اميره : الو. مين ..عم علي مين . آه البواب ازاي حضرتك فى حاجة ... بتساعة عينيها بعدم تصديق ايه. انت بتقول ايه

ينظر مروان لها باستغراب

مروان : فى ايه

اميره : تضع ايدها على بوقها وبدموع مروان الحقني

شقة اميرة الجديدة ٩م

نشاهد حركة غير عادية حركة دخول وخروج سريعة من رجال المطافي... خوف وقلق على أوجه الجميع جدران سودا من قوة النار التى اشتعلت فيها مكتب محروق كراسي ستائر ثم تدخل اميرة ومعها مروان وعلى وجهها الخوف والقلق والدموع تدخل ببطء تنظر حولها وتضع ايدها على الحائط بدموع. تنظر الى اسمها على اللافتة التى كانت ستقوم بتعليقها محروق وليس فقط بل ومقطعة من عند رقبتها كانه انذار وتهديد مباشر لها تلامس باصبع ايدها وهى تبكى فقد تهدت اخلامها فى لحظه ثم يقترب منها مروان يضع ايده على كتفها تنظر له بدموع تضمه وتتحدث وهي بحضنه وبصوت حزين مكتوم تبكي بشدة

اميرة : كل حاجة راحت خلاص، كل حلم حلمته راح فى ثانية ، فى لحظة تحول لكابوس ، انا كنت بحلم بالعياده دي من وانا بسنة اولى ، بعد ماوصلتله ، فى لحظه كدا أخدوه منى ، انا ماعملتش حاجة فى حد عشان يتعمل فيا كل ده. تنظر له ... مروان ليه بيعملوا فيا كدا ليه .. تضع رأسها على صدره مرة ثانية وتبكى

مروان : هششش حبيبي اهدي متخفيش انا معاكي ينظر لها ويضع ايديه الاتنين على وجهها اميرة انا معاكي اوعي تخافي كدا والله ما هسبهم والله لدفعهم ثمن كل لحظة خوف عشتيها وكل دمعة نزلت منك

اميره : انا عايزة اروح عايزة اطمن على زياد وآدم كلمهم فى البيت طمني عليهم

مروان : حاضر اهدي

يخرج هاتفه ويقوم بالاتصال بالبيت ويطمن على اولاده يقترب احد الظباط

الظباط : انتي صاحبة الشقة

أميرة : بخضة اه.. اه انا..

مروان : يطبطب عليها حبيبي اهدي

الظابط : حضرتك شاكة فى حد معين

مروان : ينفع. نأجل التحقيق لحد بكرة... دكتورة أميرة تعبانة

الظابط : مفهوم ياريت بكره تجيب المدام عشان نستكمل التحقيق

مروان : تمام ممكن نمشي

ظابط : اتفضلوا

فيلا مروان واميرة ١١م

يدخل مروان واميرة الفيلا وهو يمسكها كانت مازالت تبكى تقابلهم فاطمة

فاطمة : فى ايه يا حبيبى

مروان: بعدين يا دادا اعملي لاميرة ليمون لو سمحتي

اميرة :انا عايزه اشوف ادم وزياد

مروان : هنطلع نشوفهم

يصعدو السلم ثم تدخل أميرة غرفة الاطفال وتجرى عليهم وتحملهم الاتنين وتاخذهم الى غرفة نومهم

غرفة نوم مروان واميرة

اميره : انا هنيمهم جنبى بعد كدا مش هخرجهم برة الاوضه

مروان حاضر ممكن تهدي اللى انتى فيه ده مينفعش حطيهم على السرير متخفيش يااميره مافيش حد انا وانتي فى الاوضه والحرس بره انا معاكي هتخافى وانا معاكم يلا حطيهم على السرير

اهدى تضعهم اميرة على السرير وتضع ايدها على فمها وتبكى ياخذها مروان بحضنه ويطبطب عليها

مروان:متخفيش

اميره: مروان انت هتسبنى

مروان مستحيل

اميره : يعنى مش هطلقني

مروان : ايه اللى خلاكى تقولي كدا

اميره : عشان انت زعلان مش بتكلمني من اسبوع

مروان : زعلان لكن مستحيل اطلقك

اميره : بجد

مروان : بجد

تنظر له اميرة وتبتسم تضع ايدها على خده وفجأة

استووووب

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا