سكريبت ما تخطبي لي ابنك يا خالتي؟ كامل بقلم الاء محمد حجازي
سكريبت ما تخطبي لي ابنك يا خالتي؟ كامل بقلم الاء محمد حجازي
_ ما تخطبي لي ابنك يا خالتي؟
_ نعم يا أختي؟ إنتي بتقولي إيه؟
_ بقولك ما تخطبي لي ابنك، خلينا نخلص بقى من الكلام ده.
_ استغفري ربنا يا بنتي، هو الجواز عندك هزار كده؟
_ أهو هزار بس بنية صافية يا خالتي.
_ يا بنت، ما تتقالي شوية.
_ اتقل إيه بس؟ مش كفاية ابنك تقيل، هبقا أنا وهو؟
_ ده مش تقيل؟ ده محترم ومؤدب.
_ محترم أيوه، بس تقيل يا خالتي، ده لو الواحد نده له يرد بعد موسم.
_ هو كده بطبعه، ما بيجريش ورا حد.
_ لا وما شاء الله، ده لو شارك في سباق سلحفاة هيكسبها بالراحة.
_ انتي دمك خفيف النهارده، ليه كده؟
_ أصل الصراحة راحة، وأنا زهقت من تقله. قولت أخلص الموضوع وأجيلك رسمي.
_ وانتي شايفه إنك كده رسمي؟ دي فضيحة يا بنت!
_ ليه؟ ما كل الناس بتتجوز. قولت نختصر المقدمات دي وخلاص.
_ طب افترضي هو ما وافقش؟
_ أهو الخسارة عليه، العروسة جاهزة وهي اللي بتطلب.
_ لا ده شكلها مصيبة.
_ مصيبة؟ لا خالتي، دي نعمة!
_ يا لهوي، قومِي روّحي قبل ما ابنّي يدخل ويسمع الكلام ده.
_ يسمع إيه يا خالتي؟ خلي يسمع، يمكن يتحرك شوية.
صوت من وراهم بهدوء
_ أنا سامع… وموافق.
حنين تجمدت في مكانها وابتدت تتلعثم وهي تحاول تتهرب
_ إيه؟! إنت كنت… كنت هنا؟!
_ أيوه، وسمعت كل حاجة… من أول ما اتكلمتي.
حنين حاولت تدور على حيله وضحكت بخفة
_ لا… مش أنا… ده انا كنت بهزر… صح يا خالتي؟
الخالة تبص لها بجدية
_ لا… بتتكلمي جد.
_ آهو شوفت … أصل… ده هزار… ما أقصدش حاجة…
نادر ابتسم بخفة وقرب منها
_ آه… هزار؟ طيب… رأيك دلوقتي إيه؟
نخليها جد.
حنين خدت نفس طويل، عيونها تدور هنا وهناك، وضحكت لنفسها
_ رأيي… على إيه بالظبط؟ ده كله هزار أصلاً…
_ على اللي سمعته… على الكلام كله…
حنين ضحكت بعصبية وحاولت تهرب، تلفت هنا وهناك
_ آه… والله… كنت بهزر… مش قصدي… مش قصدي حاجة…
نادر قرب شويه وهزر:
_ بهزر؟ طيب… مش شايفة إنك مضطرة تقولّي رأيك دلوقتي؟
حنين خدت نفس طويل، حاولت تتهرب بالضحك والهمس
_ آه… ماشي… بس… آه… غصب عني شويه…
نادر ضحك وقال
_ أخيرًا!
حنين دفعت عليه بخفة وهي تضحك
_ آه… مش مصدقه… غصب عني والله!
-------------------------
مساء الخير عزيزي القارئ العسول✨♥️
الحدوتة المرادي خفيفة ولذلذة وأتمنى تهون عليك تعب اليوم الصعب✨
محدش يعدي البوست من غير ما يشاركني رأيه لأنه بيفرق معايا أوي واعملوا شيرر كتيرر ♥️
لولو ممتنة لوجودكم وبتحبكم جدًا ♥️
بقلميّ /آلَاء محٍمدِ حٍجٍازْي
تعليقات
إرسال تعليق