رواية ليالي الغول اقتباس من الفصل الأخير بقلم لوجي احمد

 رواية جراح الروح الفصل السادس وعشرون والسابع وعشرون بقلم  روز آمين

رواية جراح الروح الفصل السادس وعشرون والسابع وعشرون بقلم  روز آمين

26و27

رواية جراح الروح

 الفصل السادس والعشرون 26 

وأخيراً جاء اليوم المنتظر والذي طال إنتظارة لتلك القلوب المٌرهَقه

إصطحبَ سليم فريدة وعايدة وأحبائهم منذ الصباح الباكر إلي الأوتيل الذي سيقام به الحفل حيثٌ إحتجز لها سليم Suite لتتجهز به وتتأهب لتلك الليلة الموعودة التي طال إنتظارها لكليهما

وبعد عودتهِ إلي المنزل هاتفها وأطمئن عليها ودلف لغرفته لإخذ قسطً وافرً من الراحه حتي يستعد لليلتهِ مع معشوقة عيناه وساحرته

أما ريم التي كانت تهيمٌ فرحً بعدما علمت من والدها أنه قام بدعوة دكتور صادق وأسرته لحضور حفل زفاف سليم،،

كانت تتأهب لتظهر بأبهي صورةً لها أمام مراد،، لما ؟ هي لا تعلم !

ولكن كان يراودها شعور بالقلق من تواجدها بجانب حسام أمام مراد،،ورؤيته لها بصحبتهِ

خرجت من غرفتها وجدت حسام يجلس بجوار والدتها،، صمتا كلاهما عند خروجها وإقترابها عليهما،، تحرك إليها سريعً وأصطحبها إلي الشرفه وتحدث بعيون عاشقه وصوتٍ هائم ٠٠٠ وحشتيني

ضلت ناظرة أمامها ولم تٌجب عليه وذلك لعدم تقبٌلها لحديثهِ وشعورها بالإختناق وعدم الراحه في حضرته

فتسائل هو بترقب ٠٠٠ مالك يا ريم ؟؟

تنهدت بصدرٍ مهمومً ثم أجابته بإقتضاب ٠٠٠ مفيش يا حٌسام،،مرهقه من المذاكرة وشغل الشركة مش أكتر

رد عليها بنبرة صوت متأثرة ليبتز بها عواطفها ويسحبها لعالمهٌ من جديد كعادته ٠٠٠ إنتِ إتغيرتي معايا أوي يا ريم،،مابقتيش ريم حبيبتي بتاعت زمان،،ريم اللي كنت لما أبص في عيونها ألاقي نفسي وأشوف مستقبلي وحياتي الحلوة اللي مستنياني

وأكملَ بتساؤل وحيرة حقيقيه ٠٠٠ كل ده راح فين يا حبيبتي ؟؟

فين لهفة عيونك عليا وإنتِ بتبصي لي ،، دفا إيدك وأنا بحضنها في سلامي،،

نظرتك ليا بقت بارده أوي يا ريم،،خاليه من أي مشاعر أو حب

أجابته متهربه بعدما أنتوت داخل نفسها أن تتحدث إلي والدتها لتفض لها تلك الخطبه التي باتت تؤرق داخلها وأصبحت حِملاً ثقيلاً علي عاتقٌها

فتحدثت بإقتضاب٠٠٠ أرجوك يا حٌسام مش وقت الكلام ده دالوقتِ،،إن شاء الله بعد الفرح هنبقا نقعد ونتكلم

وأكملت مُتهربه قبل أن يبدأ بالحديث مجدداً ٠٠٠ بعد إذنك يا حٌسام

ودلفت للداخل وتركته شارداً ينظر لأثرها بتسائل،،،ماذا بك حبيبتي،،هل سَئمتِ عشقي ؟؟

أم أنكِ أصبحتِ نسخة أمكِ المٌصغرة وتعاليتي عليّ ورأيتني لم أعٌد أناسب مركزك الجديد ومركز عائلتك ؟

رواية عربيةأفضل الهدايا لأحبائكم

وأكملَ بتوعد داخلهٌ٠٠٠ لا ريم،،سيكون من الغباء لو إعتقدتي أنني لقمة خبزٍ سهلةٌ المَضغ

أصورَ لكِ غبائٌكِ بأنكِ ستمضغينني وتبتلعي ورائي لٌعابَك وكأن شيئاً لم يكن ؟؟

كلا يا إبنةٌ أمال،،فأنتِ لم تعرفيني بعد،،فأنا لقمة عيش صعبة المضغ ومٌرة ولو حاولتي مضغي ونجحتي به،،فلن تستطيعي بلعي،،

سأقف في منتصف بلعومك وأمنعٌ عن رأتيكِ دخول الهواء،، سأجعلٌك تشعرين بإزهاق روحَكِ رويداً رويدا،،،ولن تستطيعين الخلاص مني،،فروحينا مرتبطة كٌلٍ بالأخري ،،وسنحيا سوياً أو نموت معاً،،

وغير ذلكَ لن أسمح

***☆***☆***☆***☆***

رواية جراح الروح بقلمي روز آمين

داخل الشركة

كان يجلس داخل مكتبهٌ بقلبٍ حزين مهموم ،،نعم ،،فقد بدأ يندمج بحياته الجديدة مع لُبني لأبعد الحدود ،، ولكن كيفَ لهٌ أن يستطيع محو ذلكَ الملاكً البريئ صافيةٌ القلب نقية الروح بهذة السهوله

فقد عاش فترةً ليست بالقليله يحلٌم بيوم زفافهِ عليها وكيفَ سينعم داخل أحضانها الدافئة ويذوبٌ داخل عيناها الساحرة،،،

ولكن أنظر ماذا فعل بهِ القدر ،،،بلحظة تحول كل شيئ من حوله وتغيرَ،،وأصبحت فريدة عروسً لغيرة وستزف اليوم ويتنعم داخل أحضانها رجٌلً غيرة،، أمرٌ جنوني وصعب الإدراك والتصديق بالنسبة لهْ

رواية عربية

إستمع لطرقات فوق الباب فاسمحَ للطارق بالدخول ،،دلف صديقهُ أكرم وأردفَ قائلاً بإبتسامة ٠٠٠ إزيك يا إتش

وقفَ هشام إحترامً لصديقهٌ وصافحَهٌ وأبتسم قائلاً ٠٠٠ أهلاً يا أكرم،،إتفضل

جلس أكرم وتلاهٌ هشام الذي تسائل ٠٠٠ تشرب أيه يا أكرم ؟

أجابهٌ برفض٠٠٠ ولا أي حاجه،،أنا جاي أقعد معاك شويه وماشي علي طول

وتحمحمَ وأسترسلَ حديثهْ مٌتسائلاً بإحراج ٠٠٠ مش هتيجي معانا فرح فريدة يا هشام ؟؟

وأكمل ٠٠٠ كلنا رايحين علشانها وكمان علشان سليم الدمنهوري

تنهدَ هشام بألم داخله وأجابهٌ بهدوء ٠٠٠ مش هينفع يا أكرم علشان لٌبني

نظر له مٌضيقً عيناه وتحدثَ بإستغراب ٠٠٠ الدنيا دي غريبة أوي يا هشام،،من شهر بالظبط إنتَ وفريدة كنتم مع بعض وبتسابقوا الوقت علشان تجهزوا كل حاجه قبل ميعاد فرحكم اللي كان بعد شهور قٌليله

وأكملَ بإستغراب ٠٠٠ إنهاردة فريدة بتتجوز من راجل غيرك،،وإنتَ خاطب واحده غيرها،، لا واللي يجنن أكتر إن كل واحد منكم مبسوط مع حبيبه الجديد

وأكملَ مٌفسراً٠٠٠إللي يشوفها يوم خطوبتها وهي بتبص لعيون سليم يقول إنها كانت بتعشقه من سنين،،ولا هو ونظرته ليها !

وأكمل بتأكيد ٠٠٠ وإنتَ ولٌبني،،برغم نظرة الحزن اللي سكنت عنيك من وقت ما سبت فريده،، إلا إني لما بشوفك وإنتَ جايبها معاك في عربيتك وبتجري علشان تفتح لها الباب وتمسك إيدها بكل عنايه وحب ،،

أفضل الهدايا لأحبائكم

ولا وإنتَ قاعد معاها في الكافيتريا ونظرات العشق اللي ما بينكم واللي ظاهرة للكفيف وبتأكد إنكم بتعشقوا بعض وإنكم متفاهمين جداً ومنسجمين

وأردفَ قائلاً ٠٠٠ أقولك علي حاجه ومتزعلش مني يا إتش

هز رأسهٌ بموافقه فأسترسلَ أكرم إعترافه ٠٠٠ أنا حاسس إن إنتَ وفريدة مكنتوش بتحبوا بعض،،ودالوقت كل واحد راح للشريك الصح اللي يستاهله بجد

إبتسم هشام وتحدث بيقين ٠٠٠ كلها تدابير ربنا يا أكرم،،أقدار مقدرها الرحمن ،،فريدة بنت حلال وتستاهل كل خير،،

وأكملَ بقلبٍ مٌتألم ٠٠٠ ربنا يسعدها ويتمم لها علي خير

إستمعا لطرقات فوق الباب وبعدها دلفت منه لٌبني بإبتسامتها الساحره ووجهها المشرق وتحدثت ٠٠٠ مساء الخير

ردوا عليها وتحرك هشام سريعً وجاورها وتحدثت هي بدعابه ٠٠٠ إنتوا بايتين هنا ولا أيه ؟؟

ميعاد الخروج عدا

وقف أكرم وتحدث وهو يتحرك إلي الباب ٠٠٠ الوقت سرقنا في الكلام أنا وإتش ومحسيناش بيه،،بعد إذنكم

وأنصرف هو وأبتسمت هي لحبيبها وأقتربت منه وتحدثت بدلال ٠٠٠ أنا عازمه نفسي علي الغدا مع حبيبي،،ها ،،،يا تري هتغديني فين يا حبيبي ؟؟

إبتسمَ لها بسعاده علي شقاوتها ودلالها الذي يعشقه وأردف قائلاً بإيجاب ٠٠٠ عيوني،،إختاري المكان اللي يعجبك وشاوري عليه

أجابته بعيون عاشقه لكل ما به ٠٠٠ أي مكان معاك هيكون جنتي يا هشام ،،المهم نكون سوا

إنتفض داخلهٌ بسعاده وأجابها بنبرة صوت حنون ٠٠٠ طول العمر هنفضل سوا يا لٌبني،،عمري ما هسمح لك تبعدي عن قلبي تاني أبداً

إبتسمت وتحدثت بعيون هائمة ونبرة صوت أنثويه ناعمه أذابت كيانه وزلزلته ٠٠٠ بحبك يا هشام ،،بحبك

كان ينظر لها بعيون ذائبه عشقً ،،ومد يدهٌ لها ،،وضعت هي يدها وأحتضنت كف يدهٌ بعناية وتحركا للخارج متشابكين الأيدي بقلوب مطمئنه منتظرة بإشتياقٍ لغدٍ أفضل وحياة مشرقه

بعد مدة كان يجلس أمامها يتناولان طعام غدائهما داخل إحدي المطاعم

تحدثت هي بهدوء ونبرة صوت يكسو عليها رنينَ الحزن ٠٠٠ هشام

نظر إليها وهو يمضغ طعامه وأردفَ متسائلاٍ ٠٠٠نعم يا حبيبتي

تسائلت بصوتٍ مٌختنق ٠٠٠ هو أنتَ وأكرم كنتم بتتكلموا عن فريده ؟؟

أطال النظر لها ثم أجابها بنبرة صادقه ٠٠٠ أه يا لٌبني،،أكرم كان بيسألني إذا كنت هروح معاهم الفرح ولا لاء

تسائلت وهي تبتلع لٌعابها خشيةً ذهابهٌ ٠٠٠ وإنتَ قولت له أيه ؟

إبتسم لها وأجابها بعيون هائمة ٠٠٠ قولت له إن مش هينفع أروح علشان مشاعر حبيبتي متتأثرش !!

إنتَ لسه بتحبها يا هشام ؟ نطقت بها لُبني وهي تترقب الإجابة بقلبٍ ينتفضٌ رٌعبً

إهتز داخلهٌ للحظات ولكن بلحظه حسم أمرة وأجابها بصدقٍ يشعر به في حضرتها ٠٠٠ أنا عمري ما حبيت غيرك يا لُبني،،

وأكملَ بهدوء ٠٠٠ أنا بس عاوزك تفهميني وتقدري حالتي كويس ،،،

وأكملَ بعرفان٠٠٠ فريدة كانت حالة خاصه بالنسبة لي،،فريدة كانت بر الأمان إللي وقفت عليه بعد توهت روحي اللي صابتني نتيجة بٌعادك يا لٌبني،،

وقفت جنبي في أصعب أيامي،،هي اللي صنعتني من جديد،،هشام الناجح الواثق من نفسه اللي قاعد قدامك ده صٌنع فريدة بعد ربنا

وأكملَ بصدقٍ ٠٠٠ صعب أقدر أنسي أصالتها ونقاء روحها بالسرعة دي،، ولو عملت كده هبقا مش إنسان سوي من جوايا وناكر للجميل ،،فهماني يا لُبني ؟

كانت تستمع لهْ بروحٍ مٌمزقه ونفسٍ تجلدٌ ذاتها بحده،،علي أنها تركته بلا عنوان وأبعدته عن أحضانها ورحلت دون أن تٌبدي لهٌ أسبابها

شعر بها وبألمها ،،مد يدهٌ وأحتضن كف يدها الموضوعه بإحتواء وأسترسلَ حديثهٌ برجاء٠٠٠ إحتويني يا لٌبني وخليكي دايماً جنبي،،أنا لسه تايه ومشاعري مشتته محتاجه ترسي علي بر ،،

وأكملَ بنبرة مؤكده ٠٠٠ أنا بحبك ومتأكد من ده كويس أوي،،بس أنا جوايا صراع وتشتت وده أمر طبيعي علي فكرة،،،أنا إنسان وعندي مشاعر هي اللي بتحركني وبتقودني يا لٌبني،،،قلبي وعقلي مش جهاز بلحظة همحي اللي جواهم بضغطت زر وأصبح ناسي

إبتسمت لهٌ وأردفت قائلة بإرتياح ظهر فوق ملامحها ٠٠٠ تعرف يا هشام،،أنا كان ممكن أقلق منك ومصدقكش لو كنت قولت لي كلام غير ده،

صدقك وصدق مشاعرك خلوني أحترمك أكتر وأصدق كل حرف قولتهٌ لي

وأكملت بغرور مٌصطنع كي تٌخرج حالها وتخرجهٌ من تلك الحالة ٠٠٠ وبعدين أنا متأكده إني هعرف أرجعك لحضني زي زمان ويمكن أكتر،،وكٌلي ثقة من إنك وإنتَ معايا هتنسي حتي إسمك ،،مش بس خطيبتك السابقه

ضحك لها برجوله وغمز بعيناه قائلاً بحماس ٠٠٠ هو ده بقا الشغل الصح،،إديني في الدلع وزودي يا لٌبني

أطلقت ضحكه أنثوية أشعلت بها نيرانه وأندمجا معاً داخل عشقهما العائد من رحلتهِ بعد طولَ غياب

***☆***☆***☆***☆***

رواية جراح الروح بقلمي روز آمين

جاء المساء

حضر فؤاد وعائلتهٌ الكبيرة أشقائه وأبناء عمومتهِ وأنجالهم جميعاً إلي الأوتيل،،،ولكنهم إستغربوا عدم حضور سليم وأهلهِ،،فكان من المفترض أن يأتوا مٌبكراً لإستقبال المعازيم والترحيب بهم

بعد مده حضر الثنائي علي وأسما إلي القاعة وأستغربا أيضاً عدم حضور سليم وأهله إلي الأن

تحدثت أسما إلي علي ٠٠٠ حبيبي،،أنا هطلع لفريدة علشان أطمن عليها وإنتَ إتصل بسليم وإستعجلة وشوفه إتأخر ليه

رواية عربية

صعدت أسما للأعلي إلي فريدة وجدت الجميع يجلسونَ داخل بهو ال Suite يتأهبونَ لخروج فريدة من غرفتها ،،متشوقين لرؤيتها كعروس

عايدة،،عفاف،،نهلة،،بنات خالتها وعمومتها التي حضرن،،نورهان التي كانت ترتسم فوق شفتيها إبتسامه وفرحه عارمه خارجة من القلب

وبلحظة إنفتح باب الغرفه وظهرت تلك الجميله بثوبها الرقيق ناصع البياض،، كانت أشبه بحوريات الجنة مما جعل كٌلهن ينظرن إليها منذهلات من شدة جمال تلك البريئه التي زادها الله نورً علي نور في يومها المميز هذا

وذلك بفضل صفاء ونقاء قلبها وأيضاً بفضل قربها من الله وحجابها الذي زادها توهجاً وجمالا

تهافتن جميعن عليها ليقدمن المباركات والتهاني مع شدة سعادتها وخجلها وتوترها أيضاً

نظرت لها عايدة وبدأت دموع الفرح بالهطول وهي تري صغيرتها بثوب زفافها وتحدثت ٠٠٠ الله أكبر عليكي وعلي جمالك يا فريدة،،ربنا يا بنتي يحميكِ من العين ويتمم لك علي خير

أكملت خَالتهاَ عفاف بحب ٠٠٠ ربنا يبعد عنك العين ويكفيكي شر الحاقدين يا قلبي

إبتسمت لخالتها وتحدثت ٠٠٠ تسلمي يا خالتو ،،عقبال سارة

كانت تقف بجانب شقيقتها بقلبٍ يتراقصٌ فرحً لأجلها،،إستمعت لرنين هاتفها نظرت بشاشتهٌ وجدت نقش أحرف حبيبها ،،فانسحبت لشرفة ال Suite وردت بنبرة صوت أنثويه ٠٠٠ أيوة يا عبدالله

تنهد ذلك العاشق وأجابها ٠٠٠ وحشتيني،،هتجنن وأشوفك

أجابته خجلاً ٠٠٠ وبعدين معاك يا عبدالله ،،إصبر ،،كلها نص ساعة بالكتير وسليم ييجي وننزل كلنا مع فريدة

أخذ نفسً عالي وأردف قائلاً بإعتراض ٠٠٠ بس أنا محتاج أشوفك حالاً يا نهلة،،قابليني عند مدخل الأوتيل،،ما تدخليش القاعة

ضيقت عيناها عندما فهمت المغزي من حديثه فتحدثت بنبرة لائمة ٠٠٠ طب ما تخليك دٌخري يا عبداللة وقول إنك حابب تقيم لبسي والميك اب بتاعي قبل ما أنزل بيهم القاعة ؟

أجابها بحدة وغيرة عاشق مجنون٠٠٠ يعني الهانم بردوا مسمعتش الكلام وحطت ميك اب ؟؟

تنفست بهدوء لتهدئ من روعها وتحدثت بنيرة صوت ناعمه لتمتص بها غضب حبيبها الغائر ٠٠٠ صدقني يا عبدالله ده ميك اب بسيط جداً،،ويمكن محدش ياخد باله إن أنا حاطة أصلاً

أردف قائلاً بإصرار ونبرة صوت غاضبة ٠٠٠ نهلة،،،من غير كلام ورغي كتير تنزلي لي حالاً

دبت بأرجٌلها أرضً وتحدثت من بين أسنانها بغيظٍ وإستسلام ٠٠٠ حاضر يا أستاذ عبدالله،،ثواني وهكون عندك

تسحبت بهدوء وهبطت للأسفل بعد إصرارةُ علي رؤيتها ،،

وبعد قليل كانت تقف أمام ذلك المسحور بجمالها الذي تحدثً قائلاً بحنان وهو ينظر لعيناها ٠٠٠ مش أنا قولت لك قبل كده متحطيش كحل ولا أي حاجه في عيونك ،،طب أعمل فيكي أيه أنا دالوقتِ ؟

نظرت له بهيام وتحدثت بهدوء ٠٠٠ هو أنتَ لقيت الفستان واسع والحجاب طويل قولت أنكد عليها في أي حاجه والسلام

وأكملت بتساؤل بنبرة ساخرة ٠٠٠ تقدر تقول لي مالهم الكحل والمسكرة هما كمان ؟؟

مخليين عيونك تسحر أي حد من أول طلة ،،،،قالها مسحوراً بجمالها

إبتسمت خجلاً وتحدثت ٠٠٠ أعتبر ده مدح ولا ذم

ده عشق يا نهله،،،قالها بعيون مغرمة

وأكملَ بحنان ٠٠٠ إنتِ حلوة أوي يا نهله،،وحلاتك دي فوق طاقة إحتمالي،،

وأكمل بنبرة غائرة ٠٠٠٠هتجنن مش قادر أتخيل إن حد ممكن يبص لك ويشوفك حلوة أوي زي ما أنا شايفك بعيوني كدة

أجابته بوجهٍ بشوش كي تمتص غيرته ٠٠٠ طمن قلبك يا عبدالله،،محدش هيشوفني زيك،،علشان نظرة العاشق بتختلف،،،عيون العاشق بتشوف حبيبها في أبهي صورة ليه،،ومستحيل حد غيرة يشوفه بنفس النظرة والصورة

تنهد براحه بعدما إستطاعت تلك الماكرة الصغيرة أن تسحب كل غضبهِ وغيرته الشديدة عليها

وصلت إليهما إعتماد والدة عبدالله التي خرجت تبحث عن ولدها بعدما لاحظت حضور معظم المعازيم وعدم وصول العريس وأهلهٌ إلي الأن

إقتربت من وقفتهما وتحدثت وهي تنظر إلي نهلة بعيون منبهرة ٠٠٠ أيه يا نهلة القمر ده،، معقوله الجمال ده كله هيبقا من حظ إبني

إقتربت عليها نهله وأرتمت داخل أحضانها بحنان ،،ضمتها إعتماد بحب وأحتواء وتحدثت نهلة ٠٠٠ عيونك الحلوة يا طنط

ثم خرجت نهله من أحضان والدة خطيبها

وتحدثت إعتماد بقلقٍ ظهر فوق ملامح وجهها ٠٠٠ هو العريس إتأخر يا ولاد ولا أنا اللي بيتهئ لي ؟؟

نظر عبدالله بساعة يدة وتحدث ٠٠٠إتأخر عشر دقائق بس يا ماما مش فيلم يعني،،إن شاء الله شويه ويوصل

ثم نظر إلي نهلة أمراً بحب ٠٠٠ إطلعي إنتِ يا نهلة علشان تكوني جنب فريدة،،وأنا هاخد ماما وندخل نستني العريس جوة

_____________

داخل قاعة الزفاف

بدأت المعازيم بالتوافد مع إستغراب فؤاد وأشقائه والحضور عدم حضور العريس وأهلهِ إلي الأن

وقفَ علي مٌستغربً ثم أخرجَ هاتفهٌ وطلب رقم سليم وأستغرب أكثر حين أعطي جرسً وأنتهي ولم يجب سليم ،،فكرر علي الإتصال ولكن دون جدوى،،

فبادر بالإتصال برقم قاسم ولكن فوجئ به مٌغلقاً

إقتربَ علي من فؤاد الذي بدا علي وجههِ التوتر والقلق وتحدثَ ٠٠٠ مساء الخير يا أفندم،،

نظر لهٌ فؤاد مستغربً إياه فأكملَ علي ٠٠٠ حضرتك متعرفنيش،،لإننا للأسف متقابلناش قبل كده،،أنا علي غلاب صديق سليم وبشتغل معاه في ألمانيا

نظر لهٌ فؤاد وكأنهٌ وجد ضالتهْ التي يبحثُ عنها وتسائل بلهفه ٠٠٠ طب قولي يا أبني بالله عليك،،متعرفش سليم وأهله إتأخروا ليه ؟؟

شعر علي بالإشفاق علي ذلك الأب الذي بدأ القلق يتسلل إلي داخله وتحدثَ مطمئناً إياه رغم قلقهِ هو شخصياً ٠٠٠ متقلقش يا أفندم إن شاء الله خير،، أنا بتصل علي سليم بس هو مبيردش،،أكيد هو في الطريق وقريب من هنا ،،وأكيد عنده هيصه من فرحة أهله حوليه ومش سامع الجرس

تحدث أحمد بنبرة غاضبه يحاول جاهداً السيطرة عليها ٠٠٠ بس المفروض يا باشمهندس إنهم يبقوا هنا من ساعه علي الأقل،،معظم الناس اللي جت دي ضيوفهم هما،،وكان من الذوق إنهم يكونوا في إستقبالهم،، مش يسبونا إحنا نقابل ضيوفهم اللي منعرفهومش ويحطونا في الموقف البايخ ده

تنهد علي وبدأ القلق يتسلل لداخله لصحة حديث ذلكَ الرجل

وتحدث بهدوء عكس ما يدور بداخله ٠٠٠ أنا أسف يا أفندم بالنيابة عنهم،،أنا هتصل تاني علي سليم وأستعجله

وأكملَ وهو يتحرك ويمسك بهاتفه ليستعد لمهاتفة سليم٠٠٠ بعد إذنكم

_______

كان يجلس بجانب والدهٌ ووالدته حول المنضدة الخاصة بجلوسهم،،، يترقب وصولها بقلبٍ مٌشتعل من شدة الغيرة،،وذلكَ من مجرد تَخيُلها وهي تتحرك بجانب ذلكً المٌسمي بخطيبها ،،

وأشتعلت النار الحارقة بقلبهِ حينما تخيلَها وهي تدلف من باب القاعة وهو يٌمسك بيدها بتملك ،،،

وأزدادَ الإشتعال أكثر فأكثر عندما إفترضَ أيضاً أنهٌ يٌمكن أن يصل بهِ الحال بأن يٌراقصها ويقترب من جسدِها وذلكَ ما لم يستطع مراد تحملهُ وخصوصاً بعدما بات يعتمد ذلكَ الجسد ملكيتهِ الخاصه ،،

فقط هي مسألة وقت بالنسبةِ له،، فهو ينتظرها أن تحلٌ خٌطبتها من ذلك الثقيل ويطلبها هو للزواج الفوري وذلكَ لعدم إستطاعتهِ الصبر علي الإبتعادِ أكثر

نظرت إليه والدتهُ بإستغراب وتحدثت بتساؤل ٠٠٠ خير يا مراد،،مالك يا أبني ماشلتش عينك من علي الباب من وقت مقعدنا كده ليه ؟؟

وتسائلت بنبرة خبيثة ٠٠٠ إنتَ مستني حد ؟

نظر إليها وتحدثَ بثبات إنفعالي أجادهُ٠٠٠ هستني مين يعني يا ماما،، بصراحه أنا مستغرب الفرح أوي،،،أول مرة أحضر فرح والاقي العروسه وأهلها والمعازيم يوصلوا قبل العريس وأهله

أكد صادق علي حديثهُ قائلاً بتعجب ٠٠٠ أنا كمان مستغرب الموضوع ده أوي ،،غريبة فعلاً ،، الموضوع شكلة كدة مش ظريف

ردت هناء مٌفسرتً بإستنكار ٠٠٠٠ أمال الشافعي طول عمرها وهي كده،، شخصية مٌتعاليه وتحب تظهر في الصورة وتجذب العيون كلها عليها ،،دايماً في الحفلات توصل أخر واحده علشان تشد إنتباه الجميع ليها

رد مراد بنبرة حاده مٌعترضه وغاضبة من تلك الريم لتأخرها علي قلبه ٠٠٠ الكلام ده ممكن يحصل في الحفلات العادية ،، بس مش لدرجة إنها تتعمد تعمل كده في فرح إبنها،،دي إسمها جليطة وقلة ذوق منها ومن جوزها وأولادها

رفعت كتفيها بإستسلام وتحدثت ٠٠٠ كل واحد وتفكيرة بقا يا مٌراد

زفر هو وأرجع بصرهِ مرةً أخري وثبتهُ علي مدخل القاعة ينتظرها بقلبٍ مٌشتعل غاضبً منها وعليها

_________

بعد مرور ساعة كاملة

وقف صالح وأحمد بجانب شقيقهما وتحدث صالح الأخ الأكبر لفؤاد بنبرة مٌرتبكه٠٠٠ وبعدين يا فؤاد،،العريس إتأخر أوي وشكلنا بقا وحش قدام المعازيم ،،

وأكملَ بنبرة حادة ٠٠٠ إتصل بيه وشوفه إتنيل إتأخر كده ليه

أجابهٌ فؤاد بعيون زائغة والقلق بدأ يتملك من داخله ٠٠٠ بتصل بيه يا صالح ومبيردش،،وأبوة تليفونه مقفول

تحدث أحمد بتساؤل ٠٠٠ يعني أيه الكلام ده،،رجعوا في كلامهم ومش هيتمموا الجوازة ؟؟

نظر لهٌ فؤاد بنظرات مٌرتعبه فأكمل صالح ليهدئ من روع أخيه المريض ٠٠٠ فال الله ولا فالك يا أحمد،، أكيد الطريق زحمه وزمانهم علي وصول

في تلك الأثناء إقتربَ عليهم المأذون الشرعي وتحدث بتملٌل ٠٠٠ وبعدين يا حضرات،،العريس إتأخر جداً وأنا كمان إتأخرت ،،أنا عندي كتب كتاب تاني بعد ساعه ولازم أتحرك حالاً علشان ألحقه

إقتربَ عَلي من وقفتهم وتحدث إلي المأذون ٠٠٠ إصبر شويه يا مولانا،،إن شاء الله زمانهم علي وصول

تحدث المأذون الشرعي بإعتراض ٠٠٠ مش هينفع يا حضرة ،،أنا إتفاقي مع العريس إن كتب الكتاب هيكون الساعه 9 ،،الوقتِ الساعه عدت من 10 وأنا مش مسؤول عن التأخير ده كله

وبالفعل إنسحب المأذون تحت إنهيار فؤاد الداخلي الذي رمي حالهٌ فوق المقعد بإهمال تحت نظرات جميع الحضور المشفقه والمستغربه عدم حضور العريس إلي الأن

______________

داخل ال Suite بالأعلي

كانت تجلس شاردة تنظر أمامها والقلق يتغلغل داخل أوصالها

يجلسٌ أيضاً جميعٌ من حولها بوجوةٍ وقلوب حزينة ،،عدا تلك الشامته التي تشعر بإنتصاراً وفرحه تغزو قلبها ليس لها مثيل

تحركت إليها والدتها وتحدثت بترقب ٠٠٠ فريدة،،قومي يا بنتي كلمي سليم في التليفون وشوفيه إتأخر كده ليه،،أبوكي بيكلمني وبيقولي إن الناس بدأت تقلق وفيه منهم اللي مشي

فاقت علي صوت والدتها ووقفت وهي تتحدث بنبرة صوت مٌرتبكة تنمٌ عن داخلها المٌشتت ٠٠٠ حاضر يا ماما،، هدخل أكلمه من جوة

وبالفعل دلفت للداخل وأوصدت عليها باب الغرفه بإحكام

وبيدٍ مٌرتعشة ضغطت علي زر الإتصال الذي أعطاها جرسً وترقبت هي بإنتفاضه أملاً أن يٌجيبها ،،ولكن للأسف خاب أملٌها وأنتهي وقت الإتصال دون إجابه ،،فعاودت الإتصال مراراً وتكراراً وتظلٌ النتيجه واحدة،،وهي عدم الإجابه

فقررت الإتصال من جديد ولكنها صٌدمت حين إستمعت لقطع الإتصال ،،نظرت بشاشة هاتفها بذهول وعدم تصديق،،وأعادت الإتصال مرةً أخري ،،ولكن ما أكمل علي قلبها أنها فؤجئت تلك المرة بغلق الهاتف نهائياً

أجحظت عيناها بصدمة وذهولٍ إنتاباها ،، وهٌنا قد خارت قواها وأعلنت روحها الاستسلام لما هو أتْ ،،أرتمت أرضً بإهمال وجلست تبكي بذهول ومرارة

وبرغم كل ما يحدث حولها مازال داخلها صوتً يٌحدثها ويٌعطيها أملاً ويأمرها بأن تضع لهٌ ألف عذراً وعذرا

أمسكت هاتفها من جديد وضغطت لتسجيل رسالة صوتيه وتحدثت بصوتٍ مهزوزاً مٌرتعش ينمٌ عن مدي ضعفها وأنهيار داخلٌها ٠٠٠ إنتَ فين يا سليم،،،،، سايبني ليه كل ده لوحدي من غير ماتطمني

وأكملت بصوتٍ راجي٠٠٠ أرجوك رد عليا وماتسبنيس كده وأنا مش فاهمه حاجه

وبلحظه إنهارت قواها وبكت بإنهيار لم تستطع التحكم به قائلة برجاء ٠٠٠ تعالي يا سليم بقا ،،أنا وأهلي شكلنا بقا وحش أوي قدام الناس،، طب بلاش علشان خاطري،،،تعالي علشان خاطر بابا وقلبه التعبان

وبكت بشهيقٍ وصوتٍ يٌدمي القلوب وأكملت بإستعطاف ٠٠٠ علشان خاطر ربنا يا سليم أوعا تعمل فيا كده،،لا أنا ولا أهلي نستاهل منك فضيحة بالشكل ده ،،أبويا قلبه مش هيتحمل يا سليم،،والله ما هيتحمل

ثم ضغطت زر الإرسال ،،وأجهشت ببكاءٍ مرير علي حظها العثر الذي يٌلازمها أينما ذهبت

_______________

أما بالأسفل

تحرك أحمد إلي فؤاد وتحدثَ بنبرة حادة ٠٠٠ يلا بينا نروح يا فؤاد،،كفيانا فضايح وفرجة الناس علينا لحد كده ،،الناس زهقت وفيهم إللي مشي أصلاً ،،والبيه شكله خلاص مش جاي

أماءَ لهٌ فؤاد بإستسلام وهاتفَ عايدة المنهارة وأمرها أن تجلب إبنتيها وتهبط للأسفل للمغادرة ،،فيكفيهما إهانه إلي هذا الحد

أبلغت عايدة نهله أن تدلف لفريدة وتخبرها بأنه وجب عليهم الرحيل،، وبالفعل دلفت لها نهلة وجدتها تنبطحُ أرضً ،،شاردة تنظر أمامها في الفراغ،،بوجةٍ مٌلطخً بالدموع

تحركت إليها نهلة وجثت علي ركبتيها وهزتها بحرصٍ لتستفيق مما هي عليه وتحدتث بترقب ٠٠٠ يلا بينا علشان نروح البيت يا فريدة

نظرت لها بتيهه وهزت رأسها وأردفت قائلة برفضٍ وأعتراض هيستيري ٠٠٠ أنا هستني سليم يا نهلة،،هو وعدني إنه هييجي،،سليم وعدني إنه مش هيسبني ولا هيوجع روحي تاني،،وأنا مصدقاه وهستناه،،

وهزت رأسها بشرود وأكملت بعيون زائغة تنظر هٌنا وهٌناك ٠٠٠ وهو هييجي،،مش هيتأخر،،أكيد هييجي

كانت تستمع لشقيقتها ودموعَ قلبها تزرفٌ قبل عيناها وأردفت قائلة بنبرة صوت توحي لقلبٍ يتقطعٌ لأجل عزيزة عيناها وغاليتها، شقيقتها معدومة الحظ ٠٠٠ سليم مش جاي يا فريدة،،سليم قفل تلفونه هو وبباه علشان محدش يكلمهم تاني ،،

وأكملت بنبرة صوت مٌحبطة ٠٠٠ يعني خلاص ،،خلصت يا فريدة

تحركت إليهما أسما ووقفت تنظر عليهما بترقب وتحدثت بهدوء ٠٠٠ سليم مش وحش كده يا نهله،،أنا متأكدة إن فيه حاجة كبيرة أوي حصلت وهي اللي منعت سليم من الحضور

إستمعن لصوت تلك الحقودة يصدح من خلفهم قائلة بغلٍ لم تستطع مٌداراته ٠٠٠ وياتري بقا أيه هي الحاجه اللي ممكن تخلي عريس يسيب عروسته يوم فرحها في وسط المعازيم هي وأهلها بالشكل المهين ده ؟؟

نظرت لها أسما وتحدثت بتيهه ٠٠٠ معرفش،،بس أكيد حاجه خارجه عن إرادته

أجابتها بنبرة ساخرة ٠٠٠ أنا بقا أقول لك أيه هي الحاجه اللي خارجه عن إرادته ومنعته من الحضور ،،

وإكملت بحقدٍ دفين وعيون تطلق سهامً قاتلة ٠٠٠ الحاجه دي تبقي ندالته وخسته وعدم رجولته واللي هي مش جديدة عليه أصلاً ومش أول مرة يعملها معاها،،

وأشارت بيدها علي فريدة وأكملت ٠٠٠ لكن للأسف المسكينه دي هي اللي دفعت تمن طيبتها وتصديقها ليه مرة تانية من جديد،،

وأكملت لتزيد من غضب فريدة وحقدها عليه٠٠٠ فضل يدحلب لها ويضحك عليها لحد ماصدقت كذبه وسابت هشام ،،،الراجل المحترم اللي كان بيعشق التراب اللي بتمشي عليه ،،علشان واحد ندل جبان ميعرفش عن الرجوله شيئ غير وصفه اللي مكتوب في بطاقته الشخصية

تحدثت أسما بإعتراض مدافعه عن صديقها وصديق زوجها ٠٠٠ أنا ما أسمح لكيش تتكلمي عن سليم بالطريقة الهجومية واللا أخلاقيه دي

نظرت لها فريدة وهي تهز رأسها وتتحدث بهيستريا ونبرة غاضبه بعدما تأثرت بحديث نورهان ٠٠٠ نورهان بتتكلم صح،،بتدافعي عنه وواثقه فيه للدرجة دي ليه ؟؟

،،علشان صديق جوزك ؟؟

وأكملت بإتهام٠٠٠ طب وإذا كان جوزك نفسه شارك في غشي زمان معاه وكذب عليا،،يبقا أيه بقا اللي مخليكي واثقه إنه مش كده ؟

كادت أسما أن تتحدث أوقفتهما نهله التي صاحت بهما بحده ٠٠٠ كفاية بقا حرام عليكم ،،إنتوا شايفين إن ده وقت الكلام في الموضوع ده ،،مش شايفين حالتها قدامكم عامله إزاي ؟

وأكملت وهي تساعد شقيقتها علي النهوض ٠٠٠ يلا يا قلبي،،بابا مستنينا تحت علشان نروح

تحركت إليها سارة إبنة خالتها عفاف وأسنداها حتي وقفت وتحركا للأسفل بخيبة أملهم ويدٍ خاويه من الوصال

وجرت أسما للأسفل بقلبٍ يذرفُ دمً وتحدثت إلي علي الذي يقف والقلق يسيطر علي كل تفكيرة ويشلٌ حركتهٌ

أردفت أسما بتساؤل ونبرة قلقه ٠٠٠ سليم قافل تلفونه ليه يا علي ؟؟

أجابها بشرود ٠٠٠ مش عارف يا أسما،، أنا هتجنن وهموت من القلق عليه،،ولا هو ولا بباه ولا حتي حسام بيرد علي تليفونه

ثم نظر لها وتحدث بلهفه ٠٠٠ معكيش رقم تليفون ريم ولا مامته نكلمهم

هزت رأسها بنفي قائلة ٠٠٠ للأسف لا يا علي ،،العلاقه بينا متسمحش بإننا نتبادل أرقام التليفونات

وبلحظه رفع الجميع وجوههم لأعلي ينظرون علي تلك المسكينه ذات الحظ العثر وهي تنزل الدرج بهيئة مزرية وعيون ذابلة منتفخة من أثر الدموع،،،

وبدلاً من أن ينتظرها عريسها أسفل الدرج ليأخذها بسعادة وينطلقا إلي جنة عشقهما سوياً

وجدت عيون الحاضرين تخترقٌ روحها بنظراتٍ أشبهٌ بخناجر مسمومة تصوب نحو جسدها الهزيل وتهاجمهٌ بلا رحمة لتحولهٌ لأشلاءٍ صغيرة مٌبعثرة

مٌتسائلين فيما بينهم وهم يتهامزون ويتلامزون بالكلمات الخبيثة عن ما هو سبب ترك عريس لعروسهٌ ليلة زفافهما

ذهب إليها عمها أحمد وحاوطها برعاية ودفن وجهها داخل أحضانه خشيةً عليها من عيون البشر ونظراتهم المختلفه

فمنهم من يٌصوبون أنظارهم بسهامٍ قاتلة بإتجاهها غير مبالين بحالتها وما أوت إليه تلكَ المسكينة،،،

ومنهم من يرأفون بحالتها وينظرون لها بعين الشفقة والرحمة

ومنهم من يتهامزون بكلماتهم الخبيثه تحت أنظارهم القاتلة لبرائتها

تحدثت إعتماد إلي عايدة التي تٌحاول التماسك فقط لأجل مساندة غاليتها في مٌصيبتها الكبري ٠٠٠ قلبي عندك يا عايدة

أجابتها عايدة بهدوء ٠٠٠ الحمدلله علي كل حال يا أعتماد،،قدر الله وماشاء فعل

أمسك فؤاد الميكرفون وتحدثَ للحضور بصوتٍ قوي إستمدهٌ من إيمانهِ بالله ٠٠٠أنا أسف جداً يا جماعه،، العريس حصلت له ظروف طارئة وللأسف مش هيقدر ييجي وهنضطر نأجل الفرح لوقت تاني وهنبقي نبلغكم بيه إن شاء الله ،، إتفضلوا حضراتكم وأسف مرة تانيه ليكم

تعالت الهمهمات والأحاديث الجانبية داخل القاعة ،،كٌلٍ يسأل عن سبب عدم حضور العريس وعائلتهٌ

تحركت بإتجاة الخارج مٌحاطة من عمها ووالدتها

جسداً بلا روح،،،عقلاً بلا إدراك،،،قلبً بلا حياة ،،كياناً بلا شعور

إعترضَ طريقها ذلك المٌراد وأوقفها ونظر لها بتعاطف وتحدثَ بقوة مٌؤزراً إياها ٠٠٠ قلبي عندك يا باشمهندسه

رفعت وجهها تنظر إليه بإنكسارٍ وتيهه

فتحدث بقوة وهو يٌعطيها بطاقتهِ التعريفيه ٠٠٠ أنا دكتور مراد صادق الحُسيني،،إبن صادق الحسيني مالك شركات الحٌسيني للأدويه،،وحبيت أبلغك إني واقف معاكِ وفي ضهرك في أي إجراءات قانونية حابه تتخذيها ضد اللي إسمه سليم ده هو وأهله

هزت رأسها بطريقة هيستيرية وتحدثت ٠٠٠ إجراءات أيه اللي بتتكلم عنها يا دكتور،،هو بعد الدبح ينفع للمدبوح الإعتراض،،الحاجه الوحيدة اللي مسموح بيها للمدبوح هي رقصة الموت،، وأنا رقصتها

وأكملت بإستسلامٍ تام٠٠٠ قٌضي الأمر وأنتهي العرض يا دكتور

نزلت كلماتها المعبرة علي قلبهِ الرقيق جلدته وأحرقته ،،ومن يشعر بألامٍ ذبحها غيره ،،وكيف لا يشعر بها وهو الذي مرَ بنفس تجربتها الأليمة،،،وشعر بجلد البشر لذاته وعيونهم التي لا ترحم ضعيفً أهلكت روحهِ الحياة

شعر بالأسي تجاهها وتهاوت روحه حين تذكر واقعته وكأن التاريخ يٌعيد نفسه مع إختلاف الأحداث والأشخاص

مَد أحمد يدهٌ بهدوء وأتخذ من يدهِ البطاقه وتحدثَ وهو يحث إبنة أخيه علي المٌضي قدمً٠٠٠ متشكرين لذوقك يا دكتور،،وبالنسبه لبنتنا إحنا هنعرف نجيب لها حقها من الحقير ده هو وأهله

وتحركوا للأمام

تحرك صادق إلي ولدهِ وجذبه من ذراعه بعنفٍ وتحدثَ إليهِ بنبرة حادة ٠٠٠ إنتَ أيه اللي بتهببه ده يا أفندي ،،،إحنا مالنا يا أبني بالموضوع ده،،ندخل نفسنا في مشاكل ملناش فيها ليه ؟؟

نظر لأبيه وتحدثَ بحده ٠٠٠ مالنا إزاي يا بابا،،ده واحد معندوش ضمير لا هو ولا أهله،، كسر بنت بريئة زي دي وخلاها فرجة لشوية ناس معدومة الضمير علشان يجلدوها بكلامهم ويسنوا سكاكينهم عليها و كل واحد يقطع في لحمها بطريقته،،

وأكملَ بإصرار ٠٠٠ دي واحده مظلومة وأنا واجبي يٌحتم عليا إني أقف معاها وأساندها في محنتها

نظر لإبنهِ وزفر بإستسلام لرأسهِ العنيد

وتحدثت والدتهُ ٠٠٠ إسمع كلام بابا يا مراد وملكش دعوة يا أبني

_______

كانت تقف بعيداً عن وقفتهم مٌمسكه بهاتفها تسجل بهِ فيديو لتوثيق حالة تلك الحزينة المزرية،، وهي بكامل إنتشائها وفرحتها،،،إنها تلك الصديقه المزيفه المسماه بنورهان،،معدومة الضمير ذات القلب المٌتيبس عديم الرحمه ،،

حيثٌ كانت تشعر بسعادة وأنتشاء غير طبيعي وهي تنظر إلي عدوتها اللدود وتري إنهيارها أمام عيناها وفضيحتها أمام العلن والتي ستلازمها علي مر الزمان ،،،بل وتسجل تلك اللحظه وكأنها تسجل إحدي إنجازاتها

ثم ضغطت زر تسجيل رسالة صوتيه وتحدثت بإنتشاء ونبرة صوت شامته٠٠٠ كله تمام يا باشمهندس،،المولد إنفض زي ما أنتَ عاوز بالظبط ،،وأنا سجلت فيديو خروجها من الأوتيل وبعته للرقم إللي إنتَ بعتهٌ لي في رسالتك،،،

وأكملت بجشعٍ وحقارة ٠٠٠ مستنيه مكافأتي اللي وعدتني بيها توصل لي علي حسابي

كانت تتحرك بصحبة أهلها تاركين المكان بقلوبٍ محطمة

أوقفهم مدير الأوتيل قائلاً بإحراج ٠٠٠ أحنا أسفين جداً للي حصل يا أفندم ،،أنا عارف إن الظرف مش مناسب أبداً لكلامي في الموضوع ده ،،بس أرجو المعذرة ،،ده شغلي وأنا هنا موظف وبنفذ الأوامر ليس إلا

أردف زياد نجل عمها أحمد قائلاً بنفاذ صبر ٠٠٠ ياريت يا حضرت تدخل في الموضوع علي طول وبلاش المقدمات الطويله دي،،إنتَ أكيد شايف حالتنا قدامك

أجابهٌ المدير بإحترام٠٠٠ أنا أسف مرة تانيه يا أفندم،،الحقيقه إن حساب الأوتيل ما أتقفلش،، فبعد إذنكم حد منكم يتفضل معايا علي الحسابات علشان نقفل حساب الليلة

أجابهٌ أحمد بحدة بالغه وأعتراض ٠٠٠ والله البيه اللي حجز معاكم يبقا يبجي يحاسبكم ،،لكن إحنا كفاية علينا حاسبنا علي الفضيحه ،،،مش ه٠٠٠

لم يُكمل جٌملتهٌ لمقاطعة فريدة له حيث وجهت حديثها إلي المدير بهدوء ٠٠٠ حالاً يا أفندم هتاخد حسابك

ثم نظرت إلي والدتها وتحدثت بهدوء ٠٠٠ من فضلك يا ماما،،طلعي الكريدت كَارد من الشنطه وأديها ل زياد علشان يدفع بيها الحساب

أردف علي غلاب الذي يجاورها هو وزوجته الباكية لإنهيار حٌلم صديقها أمام أعينها

تحدثَ بنبرة خجله ٠٠٠ من فضلك يا فريدة خليني أنا إللي أحاسب مكان سليم

نظرت داخل عيناه وتحدثت بقوة لم تدري من أين إستمدتها ٠٠٠ أنا وأهلي اللي حضرنا الحفلة والفضيحة كانت من نصيبا إحنا يا باشمهندس،،وأنا كنت نمرة الليله وفرجة المعازيم وسخريتهم،،

وأكملت بقوة ٠٠٠ يبقا أنا إللي لازم أحاسب علي الليلة كلها ،،وده أقل تمن أدفعه قصاد غبائي للمرة التانيه علي التوالي

زاد شهيق عايدة وتحدثت ٠٠٠ حسبنا الله ونعم الوكيل،،،حسبنا الله ونعم الوكيل فيك يا سليم إنتَ وأهلك،،قادر عليكم ربنا،، قادر يجيب لبنتي حقها منكم

تعالت شهقات جميع الموجدات من أهلها وأزدادَ نحيبهنَ وبكائهنَ

تحدث أحمد بحده ناهرهنَ٠٠٠ مش عاوز أسمع صوت واحده فيكم،،مفهووووم

ثم نظر إلي عَلي بحدة وأردفَ قائلاً بغضبٍ تام ٠٠٠ قول لصاحبك لو حاول يقرب من بنت أخويا تاني قسماً بالله هقتله ومش هيبقا له عندي ديه

ثم إحتضن إبنة شقيقهٌ بعنايه وتحدث ليحثها علي التحرك للأمام ٠٠٠ يلا بينا يا بنتي كفيانا واقفه،، الناس كلها بتتفرج علينا

هزت لهٌ رأسها بطاعه وتحركت بساقين مرتعشتان تكادٌ تحملاها بصعوبه ،،شعر عمها بتعبها فأسندها جيداً كي لا تنهار أرضً وجري عليها أسامة وأبعد والدتهٌ المٌنهارة وأحتوي شقيقتهٌ سانداً إياها بقوة بجوار عمهِ

وتحركَ عبدالله بجانب عايدة ونهله المنهارتان وتحدث ٠٠٠ يلا بينا يا ماما

تحركوا جميعاً إلي منزل فؤاد بخيبة أمل تلازمهم وفضيحة ستلازم إبنتهم لأخر حياتها

تٌري ما الذي حدثَ وجعل سليم يتراجع بأخر لحظة عن إتمام زواجهٌ من معشوقة عيناه ومني روحه ؟!

ولما أغلقَ قاسم هاتفهٌ ؟!....تبع

رواية جراح الروح

 الحلقة السابعة والعشرون

فلاااااش باااك

منذ ما يقارب من إسبوعان

كانت تجاور شقيقتها بالجلوس ،،نطقت بإستهجان ناظره إليها بإندهاش ٠٠٠ يعني أيه الكلام ده يا أمال،،معقولة توافقية علي الجنان ده ؟!

تحدثت أمال بإستسلام ٠٠٠ وكنتِ عوزاني أعمل أيه قدام إصرارة يا أماني، ،إنتِ فاكرة إن سليم كان بياخد رأيي ؟

وأكملت بيقين ٠٠٠ سليم كان بيبلغني بقرارة يا أماني،، وسواء وافقت ولا رفضت كان هيتجوزها يعني هيتجوزها ،،من الاخر كده مكَنتش هتفرق معاه موافقتي من عدمها

أردفت أماني بتساؤل مٌتعجب ٠٠٠ أفهم من كلامك ده إنك خلاص إستسلمتي وقبلتي ببنت الحواري دي زوجة لإبنك ؟!

أجابتها بقوة ورفضٍ قاطع ٠٠٠ لا طبعاً،، أيه التخاريف اللي بتقوليها دي يا أماني،، علي جثتي لو بنت الحواري دي دخلت بيتي وبقت مرات سليم

تنهدت أماني وزفرت بإرتياح وأردفت قائلة بهدوء ٠٠٠ أيوة كده طمنتيني ،، وياتري ناوية علي أيه ؟؟

أجابتها من بين أسنانها بغيظ وتشفي ٠٠٠ ناوية أفضحها هي وأهلها وأخلي سيرتهم علي كل لسان علشان يعرفوا إنهم لعبوا وإتحدوا الخصم الغلط

وبدأت تروي لها ما ستفعلة وما أوتي بخيالها المسموم من فكرة شيطانية قد أوحي لها بها ذلك الشيطان المٌسمي بحٌسام،،

والذي خططَ لكل هذا بعزيمة قوية وإصرارٍ تام حتي يقف ويشاهد بإستمتاع تدمير وذبح قلب سليم وهو يترك عشقهِ الأبدي وحب حياتة بلا رجعة،،،

والذي يعلم جيداً أنه وبتواجدهٌ معها سيحيا حياة العاشقين ويتنعم داخل أحضانها بهناءٍ وسعادة مطلقة

وهذا ما لايتمناه حٌسام لعدوةِ اللدود مٌنذُ الصِغر والذي يكِنٌ له كٌرهً وعداوة غير مبرره ترجع أسبابها لسواد قلبهِ المليئ بالحقد ناحية ذلكَ السليم

بعد مدة تحدثت أماني بحذر ٠٠٠ وتفتكري إن عزمي وسميرة وندي هيساعدوكي لله فا لله كده ،،أنا خايفه يكونوا بيخططوا ويوقعوا سليم في شباك بنتهم،،وساعتها هتكوني خرجتي من حوار بنت الحواري علي بنت عزمي وسميرة،، وما أدراكَ ما عزمي وسميرة يا أمال !!

أفضل الهدايا لأحبائكمرواية عربية

أجابتها بهدوء ٠٠٠ حٌسام هو المسؤول قدامي وهو اللي طلب منهم المساعده علشان يرضيني ،،

وأكملت بإطمئنان٠٠٠ وبعدين متقلقيش،، أنا فايقه لهم كويس أوي،،أهم حاجه عندي الوقتِ إني أخلص من البنت دي،، وبعدها أي حاجه تهون

عوده للحاضر

مساءً يوم الزفاف بمنزل قاسم الدمنهوري

كان يقف أمام مِرأتهِ يرتدي قميصهٌ الأبيض أمسك بزجاجة عِطرهِ المميز ونثرهٌ علي جسدهِ بسخاءٍ وإفراط،،ثم أغلق زرائر القميص وأكمل إرتداء حِلة زواجهِ السوداء بقميصها الناصع البياض وببيونة جعلت منه وسيمً للغايه،،،،

صففَ شعرهِ وهندمَ ذقنهِ ثم أخذ نفسً عميقٍ وأخرجهُ بإسترخاء ونظر لحاله في إنعكاس المرأة برضا تام

كَادَ قلبهِ أن يخرج من مكانة ويتركهْ من شدة ضرباته التي تٌشبه صوت دق طبول الحرب المعلنة عن تقارب لقاء العشاق الذي طال إنتظارة

ثم تحركَ للخارج

نظر للحضور حيثٌ كان البهو مٌكتظً بالجميع وهم ينتظرون خروجهٌ كي يذهبوا معاً إلي المكان الذي ستقام به مراسم الزفاف

إقتربَ عليهم وبسمة تحتل ثغرة ،،ينظر للجميع بسعادة ،،والدتهٌ ،،والدهِ،،شقيقته ،،حسام،،ندي التي زينة ثغرها بإبتسامة سعيدة ،، وسميرة التي تنظر إليه بتشفي لما هو قادم عليه،،،

أماني والتي حضرت لحالها دون زوجها وولدها اللذان سبقوها إلي العنوان المزيف التي أرسلتهما إليه حتي لا يتواصلا مع فريدة وأهلها ويساعداهما في الوصولِ إليهم

جرت إليه ريم وأحتضنته بسعادة وقبلته قائله بحنو ٠٠٠ ألف مبروك يا حبيبي،،زي القمر يا سليم،،ربنا يتمم لك بخير

إبتسم لشقيقته وتحدث بسعادة بالغة ٠٠٠ الله يبارك فيكي يا حبيبتي،،عقبالك يا ريم

تحرك والده إليه بإبتسامة حانيه وأحتضنهٌ بسعادة بالغه مٌربتً علي ظهرهِ بحنو وتحدث قائلاً ٠٠٠ ألف ألف مبروك يا حبيبي ،،عشت وشفتك عريس يا سليم ،،عقبال ما أشوف عوضك يا أبني

أجاب والدهٌ بسعادة ٠٠٠ في حياة عينك يا حبيبي إن شاء الله

ثم حول بصرهِ إلي تلك الواقفه ويظهر عليها التعب ،،تحرك إليها وتحدثَ مٌداعبً إياها ٠٠٠ هي حبيبتي مش هتبارك لي ولا أيه ؟؟

إبتسمت بوهن وتحدثت بصوتٍ ضعيف مٌفتعل ٠٠٠ إزاي بقا يا حبيبي،،، ده أنا سعادتي إنهاردة ماتتوصفش،،،ده اليوم اللي بتمناه من سنين يا سليم

نظر لها بتوجس وأردفَ مٌتسائلاً بقلق ٠٠٠ مالك يا ماما ؟؟

بدأت تتهاوي بوقفتها وتحدثت بضعف ووهنٍ مٌصتنع بإتقان ٠٠٠ مفيش يا حبيبي،،متقلقش،، أنا كويسه

قالت كلماتها وأمسكت ذراعه وهي تصرخ متأوةً قبل ان تقع أرضً فاقدة الوعي ٠٠٠ إلحقني يا سليم

صرخت ريم وجرت عليها هي وأماني التي حملت رأسها من علي الأرض ووضعتها فوق ساقيها ٠٠٠ أماااال،،مالك يا حبيبتي ،،ردي عليااااا

جري الجميع وهم يدنون من مستوي وقوعها وبدأ سليم بمحاولة إفاقتها والقلق ينهش داخلة

نظرت أماني إلي سميرة وتحدثت بهلعٍ مٌصطنع ٠٠٠ إتصلي يا سميرة بسرعة علي عزمي يكلم دكتور مٌنير صديقه يبعت لنا عربية إسعاف مجهزة

تحدثت سميرة ٠٠٠برافوا عليكي يا أماني،،كانت تايهه عني فين دي

ونظرت إلي ندي وأردفت قائلة بتخابث٠٠٠ بسرعة يا ندي إتصلي ببابا

تحدثت ندي ٠٠٠ ما أنتي عارفه يا مامي إن فوني مسقط شبكة من إمبارح

نظرت أماني إلي سليم الجالس مٌقابلاً لها وأردفت بنبرة مٌتعجله ٠٠٠ إديها تليفونك بسرعه يا سليم تكلم خالك يبعت لنا عربية إسعاف مجهزة

تحركت ندي ودنت من مستواه وأردفت بنبرة مٌتلهفة ٠٠٠ بسرعة يا سليم

لم يكن يعي لأي شيئ من حوله غير وقوع غاليتهٌ المفاجئ ،،هز رأسهٌ بطاعه وأخرج هاتفه من دون وعي وضغط علي كلمة المرور أمام أعينها وأعطاها إياه

أجرت منه إتصالاها وأختفت من المكان بأكمله

وبعد حوالي 20 دقيقة كان سليم وقاسم يجاوران تلك المخادعة داخل عربة الإسعاف والتي كان حٌسام متفق مع سائقها مٌسبقً علي أن يتحرك بهدوء ويتوههما بشوارع شديدة الإزدحام حتي يصعب عليه التحرك والمرور من بين السيارات ولا يٌوصلهم إلي المشفي المتفق عليه إلا بعد مرور الساعه والنصف علي الأقل ،،حتي إقتراب فوات ميعاد الزفاف وإنقضاء وقتهْ المٌحدد

كان يجلس بجانبها مٌمسكً بكف يدها يٌطمئنها

ينظر لها بألم يٌمزق داخلهٌ وهو يراها ترتدي ماسك التنفس الإصطناعي وتنظر إليه بعيون ضعيفه ونظرات يغلب عليها طابع الإنكسار ودموع التماسيح تزرف من عيناها بوهنٍ

أردف قائلاً بعيون مطمئنه عكس ما يدور داخله من قلقٍ ينهش قلبه خوفً علي عزيزة عيناه ،،غاليته،، والدتهٌ الحبيبه ٠٠٠ متخافيش يا حبيبتي ،،إن شاء الله هتبقي كويسه، هنوصل المستشفي وهيسعفوكي وهتبقي زي الفل

أكد ذلك الجالس بالجهه الاخري علي حديث ولدهِ قائلاً ٠٠٠ إن شاء الله ،،إتحملي يا أمال كلها شوية وهنوصل

ثم نظر إلي المٌسعف الجالس بجانب أمال يٌمثل إسعافها

وجهَ قاسم حديثهٌ إليه ٠٠٠ هي العربية مبتتحركش ليه ؟؟

أجابهٌ ذلك المٌخادع ٠٠٠ الشوارع زحمة جداً يا أفندم ،،شوية وهتروق وهنوصل

نظر سليم إلي والدهِ مٌتذكراً حبيبته المنتظرة وصوله وكأنهُ كان خارج نطاق الواقع وعاد فجأةً

مد يده داخل جيبه سريعً ليلتقط هاتفه ويطمئن علي صغيرته ويخبرها بما جري كي لا تقلق وتنتظر مجيئةٌ

إنصدم حين تذكرَ أن ندي إستعارته منه كي تهاتف منه والدها

زفر بضيق ونظر إلي والدهٌ مٌحدثً إياه ٠٠٠ بابا من فضلك إديني تلفونك أتصل بفريدة وأطمنها،، للأسف نسيت فوني مع ندي

مد قاسم يده داخل جيب سترته وأخرجَ منه هاتفه وأعطاه إياه ،،نظر سليم بشاشته وضغط عليه لتشغيله ،،لكن تفاجأ بفروغ البطاريه فحاول مراراً وتكراراً ولكن جميعٌ محاولاته بائت بالفشل

نظرت إليه أمال ورجعت بذاكرتها حين إستغلت وجود قاسم داخل المرحاض وأسرعت بإستبدال بطارية هاتفهِ بأخري غير صالحة

زفر سليم وأرجع شعر رأسهِ للخلف في حركة تعصبيه وتحدث ٠٠٠البطاريه فاضيه يا بابا

نظر لهٌ قاسم مٌتحدثً بنفي ٠٠٠ فاضيه إزاي يا أبني، أنا شاحن الفون قبل ما أجي بنفسي

زفر سليم بضيق ثم حول بصرة لذلك الجالس وتحدث برجاء ٠٠٠ ممكن بعد إذنك أعمل مكالمة من تلفونك ؟؟

تحدثَ ذلك الملاوع ٠٠٠ أنا معييش تلفون يا أفندم وده بناءً علي التعليمات علشان متشوش علي الاجهزة الموجوده في العربية هنا

نظر لهٌ سليم بإستغراب من حديثهٌ الغير واقعي بالمرة وتحدث ٠٠٠ طب ممكن تطلب من السواق يديني٠٠٠

ولم يٌكمل جٌملتهْ حينما لاحظ تشنج والدته وأرتعاش جسدها بالكامل ،،إرتعب داخله هو وقاسم

وأسرع ذلك المخادع بتوصيل إحدي الأجهزة إلي قلبها وإعطائها إبرة مليئة بالفيتامينات المكملة غذائياً

وأدعي أنها مهدئة للتشنجات حتي إيصالها للمشفي

__________

أما ريم التي كانت تبكي بشدة وهي تجاور حٌسام الذي يتحرك بسيارتهِ ذاهباً بها إلي المشفي ،أمسكت هاتفها ونظرت بشاشته كي تٌحادث شقيقها وتطمئن منهٌ علي حالة والدتها ،،

زفرت بضيق وأردفت قائلة ٠٠٠ معرفش تلفوني ماله إنهاردة،،مش لاقط شبكه خالص

إبتسم داخل ذلكَ الماكر حين تذكرَ أنه طلب من صديقهٌ مهندس الإتصالات أن يقطع الخدمة عن هاتفها اليوم بأكمله حتي لا تستطيع أن تٌهاتف فريدة،،أو تستقبل أية مكالمات

و تحدث بنبرة خبيثه ٠٠٠ تقريباً كده في عيب في الشبكة إنهاردة ،،أنا كمان فوني مش لاقط شبكه نهائي

تحدثت بدموع غزيرة ٠٠٠ مش عارفه أيه إللي بيحصل لنا ده كله،،وأمتي،،يوم فرح سليم اللي كلنا كنا مٌنتظرينه بفارغ الصبر

أجابها بتخابث٠٠٠ إهدي يا حبيبتي من فضلك،،كل حاجه هتبقي كويسه

____________

أما سليم

ضل علي ذلك الوضع الصعب ما يقارب من الساعةِ حتي وصلوا للمشفي تحت إنهيارهِ ورعبه من فكرة فقدانه لوالدته،،وفكرة ما يٌدار الأن بعقل صغيرتهِ

وجدوا عزمي وأماني وسميرة بإنتظارهم

وفوجئوا بإستعدادات علي أعلا مستوي كي يوهما سليم وقاسم بصعوبة حالتها وخطورتها،، تحرك بها الممرضين سريعً إلي غرفة الإنعاش

وكان بإنتظارها الطبيب ذو السمعة الملوثه الذي باع ضميرهٌ المهني بحفنه من الأموال الطائلة قد أعطتهٌ له تلك الكاذبه المٌدعية للمرض،،،بمساعدة ذلكَ الحقير المسمي بحسام قبل يومين وهو يتفق معه

دلف إليها الطبيب ثم خرج بعد مده بسيطه وتحدثَ بأسي مٌصطنع ٠٠٠ للأسف ،،الأعراض والكشف الأولي بيشيروا إلي ذبحة صدريه

جحظت أعين سليم من هول ما أستمع وأرتعب داخل قاسم الذي تحدث ٠٠٠ طب وحالتها أيه يا دكتور ؟؟

أجابهٌ بإدعاءٍ كاذب ٠٠٠٠ للأسف،، الحالة خطيرة جداً ومحتاجه لمعجزة،،أنا هدخل حالاً وهحاول بكل جهدي أنقذ الحالة

ثم نظر للجميع بأسي مٌصطنع وتحدثَ بمكرٍ كي يَدٌب الرعب داخل أوصالهما ٠٠٠ إدعولها ،،هي حالياً محتاجه لدعواتكم أكتر من أي وقت

ودلف لغرفة الإنعاش من جديد تحت صدمة سليم وقاسم

صاحت أماني بصياحٍ وعويل ٠٠٠ يا حبيبتي يا أمال،،كان مستخبي لك فين ده كله يا قلبي،،يارب أقف معاها يارب

إحتضنتها سميرة وتحدثت بإدعاءٍ كاذب ٠٠٠ إهدي يا أماني متعملش في نفسك كده لتتعبي إنتِ كمان،،كفاية علينا اللي مرمية جوة بين الحياه والموت دي

طال إنتظار سليم والقلق بدأ ينهش داخله ،،،قلقه علي والدته حبيبته القانطه بالداخل تصارع الحياة

وقلق قلبهِ الذي ينهش بداخله علي غاليته التي تنتظرة دون معرفة أسباب تأخرة إلي الأن

تحمحمَ وأخرج صوته بصعوبه موجهً حديثهُ إلي خاله ٠٠٠ خالي من فضلك،، محتاج تلفونك أكلم منه فريدة وأهلها علشان ميقلقوش من تأخيرنا عليهم

هٌنا صرخت به أماني وتحدثت بحده بالغه ٠٠٠ أمك بتموت جوة وأنتَ كل اللي فارق معاك وشاغل بالك إنك تطمن ست الحسن والجمال هي وأهلها ؟!

تحدث عزمي بخباثه ٠٠٠ إهدي يا أماني مش كده أومال

نظرت لأخيها وتحدثت بحده مٌصتنعه ٠٠٠ أهدي إزاي يا عزمي وكل اللي حصل لأختي ده بسبب اللي إسمها فريدة

نظر لها سليم بإستنكار فأكملت هي بإستماته وتأكيد ٠٠٠ أيوة يا سليم،،دي الحقيقه اللي لازم تعرفها كويس أوي ،،أمال ضغطت علي نفسها وعلي قلبها علشان تحاول تتقبلها كزوجة ليك ،،

وكل ده ليه،،كل ده لأنك أناني ومبتفكرش غير في نفسك وسعادتك وبس ،،إنتَ واحد أناني يا سليم

نظر لها بذهول وأشار بسبابته علي حاله ونطق بإستهجان ٠٠٠ أنا أناني يا خالتي ؟!

أجابته بقوة ودموع مصطنعه٠٠٠ أيوة إنتَ أناني يا سليم،، حرمتها من أجمل لحظة بتتمناها أي أم وتستناها من أول مابتخلف إبنها وتضمه لحضنها،،حرمتها من إنها تفرح بالنسب اللي تتشرف بيه وتتمناه ليك

نظر لها قاسم وتحدثَ بحده ٠٠٠ ملوش لازمه الكلام ده دالوقتِ يا أماني ،،مش وقته

ردت بحده لجلد ذاتهِ ٠٠٠ لا وقته يا قاسم،،لازم يعرف إن المسكينه اللي مرميه جوة دي ممكن تدفع حياتها تمن سعادته ،،

ونظرت إليه وتحدثت بدموع ونبرة لائمة ٠٠٠ ياريت تكون مبسوط من النتيجة اللي وصلت لها أختي بسببك يا باشمهندس

تحرك للخارج غاضبً تاركً إياهم مٌتوجهً للحديقة لعدم قدرته للإستماع لحديث خالته الذي يجلد ذاته ويخبرهٌ كم هو حقاً أناني

وكان قد قرر للخروج إلي الشارع ليهاتف فريدة من أية كبينة خاصه بالإتصالات ويطمئمها،،

وأثناء طريقهٌ للخارج إستمع لإحدي الممرضات تتحدث بالهاتف ٠٠٠ أيوة يا حسام بيه،،مدام أمال دخلت مع دكتور مٌنير أوضة الانعاش ،،وإن شاء الله مش هيخرجها غير بعد الوقت اللي اتفقنا عليه مايعدي،،

وأكملت بإنتشاء ٠٠٠ بس ياريت متنساش حلاوتي يا باشا

أما عن حسام الذي كان قريباً جداً من المشفي ولكنهٌ ترك ريم بالسيارة مٌدعياً أنه سيجلب زجاجة مياة من إحدي المحال وذلكَ لعطشهِ الشديد ،،وحدث الممرضة للإطمئنان علي سير خطتهِ بنجاح

جحظت عيناه من هول ما أستمعَ ،،وبلحظة إستعادَ وعيهٌ وتركيزه تحرك من جديد إلي الداخل كالإعصار المدمر

نظر الجميع علي ذلك الغاضب وهو يقتحم الغرفة بمنتهي الهمجيه

تحدثت أماني صارخه بهلعٍ خوفً من إنكشاف مٌخطتهم ٠٠٠ بتعمل أيه يا مجنون ؟!

جري خلفهٌ قاسم للداخل وتسمرا كلاهٌما عندما وجدا أمال تجلس فوق التخت بكامل صحتها وهي تنظر إلي هاتفها بإنتشاء وتٌشاهد الفيديو الخاص بخروج فريده وأهلها من الفندق بخيبة أملهم،،وذلكَ بعدما بعثتهٌ لها معدومة الضمير تلك المٌسماه بنورهان

أما الطبيب فكان يجلس فوق مقعداً جانبياً يتحدث إلي الممرضه المٌصاحبه له

نظر لها بصدمة عارمة وهو يهز رأسهٌ بعدم إستيعاب وإنكارً لما يراه أمامه وتحدث بإنكسار ٠٠٠ لا يا أمي أرجوكِ،،،قولي لي إن اللي بفكر فيه ده مستحيل ،،قولي لي إني في كابوس وإنك مستحيل تدبحيني بأديكي بالشكل البشع ده

إرتبكت وهربت الدماء من وجهها ثم تحدثت خجلاً ٠٠٠ أنا عملت كل ده علشانك يا سليم،، أنا بحميك من نفسك يا أبني

تحدثَ قاسم بذهول ٠٠٠ معقول فيه أم في الدنيا تكسر فرحة إبنها بإديها في أسعد ليلة في حياته،،إنتِ لا يمكن تكوني بني أدمه طبيعية،،إنتِ مريضة يا أمال

تحدث الطبيب بتبجح ٠٠٠ من فضلكم يا جماعة تحلوا مشاكلكم دي بعيد عن هنا،،أنا مش عاوز شوشرة في المستشفي

جري عليه سليم مثل الأسد الشرس حين ينقضَ علي فريسته وبدون مقدمات بدأ يٌكيل له اللكمات وهو يحدثهٌ بفحيحٍ ٠٠٠ شوشرة يا حقير يا مرتشي يا زباله،،ده أنا هخرب بيتك وهطربق لك المستشفي دي كلها علي دماغك ،،وديني وما أعبد لأفضحك وأفصلك من النقابه يا أحقر خلق الله

جري عليه قاسم وبدأ بتخليص ذلك الحقير من يده وتحدث ٠٠٠ مش وقته يا سليم،،يلا بينا علشان نلحق عروستك قبل ماتروح هي وأهلها،،لسه فاضل ساعه علي إنتهاء الميعاد ان شاء الله نلحقهم

تحرك بجانب والدهُ ثم نظر لخاله وخالته وسميرة وهم واقفونَ بوجوهٍ شاحبه كالموتي وتحدثَ بإحتقار ٠٠٠ ملعون أبو غبائي اللي صدق ناس معدومة الضمير زيكم،، وصدق كذبكم ودموع التماسيح اللي نازله من عيون لقلوب ميته وعفا عليها الزمن،،

وأكملَ بحدة ونبرة تهديدية ٠٠٠٠ من إنهاردة مش عاوز أشوف خلقت حد فيكم قدامي ولو حتي صدفه،، وقسماً بربي اللي هيقع منكم تحت إيدي بعد كده لأفعصة بدون ما يرمش لي جفن

ثم نظر إلي تلك الكاذبه المٌنكمشه علي حالها تبكي بصمتٍ تام،،وتحدثَ بقوة وثبات ٠٠٠ أنا أمي ماتت إنهاردة ودفنت حزني عليها برة قلبي،، ومن اللحظة دي تنسي إن ليك إبن إسمه سليم،،

وأكملَ بعيون مشتعله٠٠٠ هخرج قلبي من بين ضلوعي وأدوس عليه بجزمتي وأمحي وجودك من جواه ومن حياتي كلها

نزلت كلماتهِ القوية علي قلبها جلدته وشرخت روحها،،وتيقنت أنها خسرت ولدها للأبد

خرج كالإعصار من المشفي بأكملها بجوار والده الذي ذهب معه كي يٌسابقا الوقت ويحاولا إنقاذ ما يمكن إنقاذه

كاد أن يخرج من حديقة المشفي وجد ذلك الندل بوجههِ مٌصطحبً ريم وتلحق بهما تلك المخادعه الصغيرة التي كانت بإنتظارهما ليدلفوا سوياً

جري عليه كالوحش الكاسر وبكل ما أوتي من قوة بدأ يٌكيل له لكماتٍ متتاليه حتي أوقعهُ أرضً وأنبطح فوقهٌ مٌستمراً بتسديد اللكمات بغلٍ لذلك الحقير حتي أمتلأ وجههٌ بالكامل بالدماء

وقفت ريم بالزاويه مٌنكمشه علي حالها تشاهد ذلكَ المنظر البشع بهلعٍ وهي تضع يدها فوق فاهها وتهز رأسها بزٌعرٍ تام وعدم إستيعاب لما يحدث

أما قاسم الذي دني من مستوي ولدهِ يحاول تخليص ذلك الجبان من قبضة يده ولكن هيهات ،،فقد كان يحاوط عٌنقه مضيقً عليها الخناق بغلٍ وقوة مفرطة حتي أن روحهِ المليئة بالشر كادت أن تٌزهق من شدة ضغط سليم فوق عٌنقه

إجتمع المارة بمساعدة قاسم وخلصوا ذلك الندل من قبضة يدهِ بإعجوبه،، وأبعدوه عنه ،، وقف حٌسام يَسعل بشده مٌمسكً بعنقهِ يحاول إستنشاق الهواء وتنظيم أنفاسهٌ المتقطعه

وقفَ ينظر إليه لاهثاً من شدة غضبهِ وتحدثَ بشرٍ وهو يٌشير إليه بسبابتهِ مٌهدداً إياه ٠٠٠ راجعلك تاني يا خاين،،تصفية حسابي معاك جه وقتها ،،

وأكملَ بوعيد وفحيح٠٠٠وإدعي ربنا إن موضوعي مع فريدة يكمل علي خير ،،وإلا قسماً بربي لتشوفوا شر سليم اللي عمركم ما هتتخيلوه ،، وقت الحساب إبتدي والكل لازم يحاسب علي الفواتير

ثم حول بصرهِ لتلكَ اللعينه المٌسماه بندي

إبتلعت لٌعابها وتحدثت بتخابث كي توهمهْ بعدم معرفتها بما حدث٠٠٠ فيه أيه يا سليم ؟!

نظر لها بعيون تطلقٌ شزراً وتحدثَ بفحيحٍ مادداً يده ٠٠٠هاتي موبايلي يا حقيرة

إرتعبت من نظرة عيناه المٌخيفه وبسرعة البرق مدت يدها داخل حقيبتها وأخرجته ،،جذبهٌ منها بحدة وعنف كادت أن تخلع يدها

حين جرت عليه تلك البريئه الباكيه التي تسائلت قائلة برعب ٠٠٠ مالك يا سليم،،ماما جري لها حاجه ؟

نظر لها بخيبة أمل وأردفَ قائلاً بنبرة مٌتألمه ٠٠٠ أمك دبحتني بسكينه تلمه يا ريم،، مثلت إنها تعبانه علشان تكسرني قدام فريدة،،أمك نهت علي أملي خلاص

هزت رأسها بهستيريا غير مصدقة لما أستمعته أذناها

جذبهٌ قاسم من ذراعهِ وأردفَ قائلاً ٠٠٠ مش وقته يا أبني ،،يلا بينا نلحق عروستك

***☆***☆***☆***☆***

رواية جراح الروح 

تحرك مع والدهِ مباشرةً إلي منزل فريدة بعدما أعادَ تشغيل هاتفهِ وهاتف علي الذي كان مٌتجهاً إلي منزل قاسم ليطمئن علي الجميع ،،وعلم منه ماحدث

وصلا للمنزل وجد الباب مفتوحً علي مصرعيه،،،خطي للداخل مع والده وبصحبتهما المأذون الذي كان متفقً معه لعقد القران داخل الأوتيل وذلك بعدما هاتفهٌ وجلبهٌ معه ،،

تحرك بجانب والدهُ خجلاً وكانا بموقفٍ لا يحسدا عليه

نظر إلي فؤاد الذي يجلس فوق الأريكة يضع يداه فوق رأسهِ والهم يظهر بملامح وجههِ الحزين علي ما أصاب عزيزة عيناه في اليوم الذي كان مٌنتظر أن يكون أسعد لياليها

رواية عربية

يجاوراه شقيقاه أحمد وصالح يحاولان تهدأته والتخفيف عنه،،ويلتف حولهم أنجالهم وأبناء عمومتهم وعبدالله ووالدهِ

تحدث سليم بنبرة صوت مٌتحشرجة حرجة ٠٠٠ السلام عليكم ورحمة الله وبركاته

نظر إليه الجميع ووقف أحمد ونجله زياد

أسرع أحمد إليه بغضبٍ وكاد أن يقترب منه ليٌفتك به ويٌكيل إليه بعض الضربات واللكمات كي يٌشفي غليلهٌ منه

أمسك بهِ عبدالله وزياد وأكرم كي لا يحتد بينهم الحال ويصل للمشاجرة

تحدث أحمد بحدة بالغة وهو يحاول الفكاك من بين أيديهم كي يتجه إليه ويٌبرحهٌ ضربً ٠٠٠يا بجاحتك يا أخي،، إنتَ لسه ليك عين تيجي لحد هنا

صاح بهِ صالح الجالس بجانب شقيقهُ بصوتِ حاد ناهراً أخاهٌ٠٠٠إهدي يا أحمد وأقعد وخلينا نتكلم بهدوء كفيانا فضايح

زفر أحمد بضيق وكتم غيظه وهو ينظر لذلك الواقف بقلبٍ يغلي وينصهر ألماً وقلقاً علي صغيرته ،،

يريد الاطمئنان عليها ولا يبالي بكل ما يجري من حوله ،،كل مايشغل بالهُ حالياً هو الركض إلي داخل غرفتها وسحبها وشق ضلوعهِ وأدخالها كي يحميها من العالم بأكملها ويمحي عنها أي حزنٍ قد أصاب قلبها الرقيق

تحدث قاسم بتعابير وجهٍ تنم عن مدي خجله ٠٠٠أنا حقيقي أسف ومش عارف أيه اللي ممكن يتقال في موقف زي ده يا أستاذ فؤاد،، بس لو تسمح لي أشرح لك اللي حصل معانا ومنعنا إننا نيجي القاعه أكون شاكر ليك

وقف صالح مٌتحاملاً علي حاله وذلك لأجل أن يجدا حلاً معاً وإنقاذ ما يمكن إنقاذة من تلك الفضيحه التي طالت إبنة أخيه

وتحدث بهدوء وهو يُشير بيده للجلوس ٠٠٠ إتفضل أقعد يا قاسم بيه إنت والباشمهندس

وأكمل بنبرة حادة ٠٠٠ وأتفضل قول لنا مبرراتكم اللي منعتكم تيجوا الفرح ومن غير حتي متعتذروا بإتصال وتعرفونا

تنهد قاسم وجلس هو وسليم والمأذون بجانب ذلك الأب الحزين ،،وبدأ بقص ماحدث معهم من مرض زوجته وبأنهم تركوا هواتفهم من تأثير الصدمه عليهم،،وبالطبع لم يذكر أنها مجرد مؤامرة حقيرة من تلك اللعينه معدومة الضمير المسماة بزوجته كي لا يزدادَ الوضع سوءً

أردف فؤاد قائلاً بعتاب بعدما إستمع لحديث قاسم ٠٠٠.ولما هو ده فعلاً إللي حصل ماأتصلتوش بينا ليه وبلغتونا يا قاسم بيه ،،علي الأقل مكناش إنتظرنا وشكلنا بقا وحش اوي كده قدام الناس ؟

تنهد قاسم وأجاب ٠٠٠صدقني يا أستاذ فؤاد كل حاجه حصلت بسرعة وكأننا كنا خارج نطاق الزمن

تنهد فؤاد بإستسلام و تحدثَ سليم بصوتٍ هادئ ٠٠٠من فضلك يا عمي،،أنا بستأذن حضرتك في إني أكتب كتابي دالوقتِ علي فريدة،،وبعد كام يوم نبقا نعمل ترتيبات للفرح من جديد ،،واللي حضرتك عاوزة كله أنا تحت أمرك فيه

نظر لهٌ فؤاد الذي بدا علي وجههِ الحزن والتعب وتحدثَ بإنكسار ٠٠٠ فرح أيه اللي عاوزنا نعيدة بعد الفضيحه إللي حصلت إنهاردة يا باشمهندس،،أنا بنتي قعدت في الاوتيل قدام الناس كلها مستنيه عريسها اللي معبرهاش يوم فرحها ولا حتي إتصل يعتذر

وأكملَ بألم ٠٠٠وأي ناس إللي هروح أعزمهم تاني،، الناس اللي زمانهم بيلسنوا علي شرف بنتي وبيألفوا عليها قصص وحكايات

هدر به أحمد قائلاً بحدة ٠٠٠ قطع لسان اللي يتكلم علي بنتنا نص كلمة،،بنتنا أشرف من الشرف والكل مٌتأكد من كده

نظر سليم إلي فؤاد وتحدث بهدوء ٠٠٠ كل حاجه هتتصلح يا عمي

هٌنا قرر قاسم التدخل قائلاً بتعقل ٠٠٠ إسمعني كويس يا أستاذ فؤاد،،إللي حصل حصل خلاص

وأكملَ بتعقل٠٠٠ دالوقت الكلام والعتاب لا هيقدم ولا هيأخر ،،أنا شايف إننا نكتب الكتاب وسليم ياخد عروسته للأوتيل اللي حاجزلها فيه ويتراضوا هناك براحتهم ،،وبكده هنكون خرسنا كل الألسنه اللي بتتكلم ،،وياسيدي لو علي الفرح والناس ،،بعد إسبوع يكونوا العرسان هديوا ونفسيتهم إرتاحت ونعمله من جديد

أكد صالح علي حديثهِ وكأنهٌ كان ينتظر تلك الكلمات٠٠٠عين العقل يا قاسم بيه ،، كلام حضرتك محترم

وهز أحمد رأسهٌ بتأكيد هو الأخر وتحدث ٠٠٠ أيه رأيك في الكلام ده يا فؤاد

تنهد فؤاد إليهما وتحدث بهدوء ٠٠٠ أنا معنديش مانع ،، المهم فريدة هي اللي توافق

وقف سليم وأردف بهدوء ٠٠٠ بعد إذن حضرتك يا عمي ياريت تسمح لي أدخل لها وأبلغها بنفسي

هٌنا إستمع الجميع لصوت فتح الباب بقوه وخروج تلك التعيسة ذات الحظ العثر بهيئتها المزرية ووجهها الملطخ بالسواد من تأثيرالكحل العربي الذي إختلط بدموعها وتحول علي وجنتيها وكأنهٌ نهراً من السواد الجاري

نظر لها بقلبٍ يتمزق لسوء حالتها ،،لثوب زفافها الذي أصبح بحالة مزريه كصاحبتهِ

لعيناها المنتفخة وأنفها وشفاها الذي كستهم حٌمرة دموع الحٌزنٍ والخزلان والقهر

يتبع…

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا