رواية ليالي الغول اقتباس من الفصل الأخير بقلم لوجي احمد

 

رواية خفایا القلوب ( الجزء الثاني) الفصل العشرون  20الاخير بقلم نور محمد حصريه في مدونة قصر الروايات 

رواية خفایا القلوب ( الجزء الثاني) الفصل العشرون  20الاخير بقلم نور محمد حصريه في مدونة قصر الروايات 

#البارت_العشرون_والاخير

وبعد منتصف اللیل فی غرفه عزیز **

فتح عزیز عنیه وبص علی ایوب ببسمه خبیثه وشر 

عزیز بخبث وهمس: بتحب اخوك اوی وعاوز یفضل معاك للابد تمام.. غالی والطلب رخیص انا هبعتلك لیه فورا 

قال کده وهو بیخرج سکینه کان مخبیها جنبه ورفعها بتجاه قلب ایوب وهو علی وجهه ابتسامه مش طبیعیه وعنیه قلبت للون الاسود وقبل ماینزل بیها علی قلب ایوب 

سمع صرخه یاسمین وهی واقفه قدام باب الغرفه  بتقول برعب کبیر: لاااا أیوووب حاااسب 

عزیز بصلها بغضب رهیب ویاسمین تراجعت برعب کبیر من شکله المرعب بس فجأه ايوب فتح عنيه  بصدمه وزهول

ايوب بصدمه وزهول: ياسمين انتي بتصرخي كده ليه و

سكت وارتعب بشده لما عزيز وجه نظره تجاهه وكمل ايوب وهو بيبعد عنه بخوف ورعب: عز.. عزيز مالك انت كويس ليه عيونك قلب لونها اسود كده؟! 

ابتسم عزيز وقرب منه: مفضلش غيرك ياايوب اللعنه قتـ*ـلت الكل وانت اخر واحد فيهم والدور عليك

ايوب سمعه ومكنش صوت عزيز طبيعي وقتها فعيون ايوب وسعت بصدمه ورعب وياسمين صرخت بقلق وخوف كبير على جوزها ايوب

ياسمين بصراخ وخوف: ايوب ابعد عنه انت مش شايف شكله تحول ازاي ده مش اخوك عزيز والا بشر اصلا؟! 

ايوب بصدمه: لا لا مستحيل اكيد عزيز بيهزر زي زمان ازاي يعني مش اخويا ده مقلب منه خلاص ياعزيز كفايه هزار سخيف بقى انت عارف اني مش بحبه 

عزيز ضحك ضحكه قويه رنت في البيت كله ومكنتش ضحكه عاديه ابدا وبعدها قال: هههه اخوك ماات ياايوب عزيز ماات من قبل 15 سنه انتوا كلكم فكرتوا ان عزيز بعد اللي عمله فيه حسن ابوه فضل عايش بس هو في الحقيقه مات وقتها.. وكان التمن جسده الدجال ضحك على ابوك وفهمه ان المكان ده فيه مقبره مليانه دهب علشان متأكد ان حسن طماع اوي.. بس في الحقيقه ان المكان ده ملعون والدجال كان محتاج يقدم قر*بان طفل صغير في عمر الخمس سنين في مقابل انه يقدر يستعمل السحر الاسو*د والقربان كان اخوك عزيز روحه ملكناها وجسده سيطرنا عليه عزيز بقى لعنه وكل اللي شافه بعد الحادث ده عايش لازم يموت 

ايوب بلع ريقه برعب وهو بيتراجع من قدامه: اهربي يا ياسمين اهربي من البيت كله بسرعه

ياسمين بخوف: لا مش ههرب واسيبك لوحده هنا معاه ده عاوز يقتـ*ـلك ياايوب 

ايوب بخوف ورعب: ياسمين اسمعي الكلام اهربي وانا هتصرف معاه 

نزل دموع ياسمين بعجز ورعب وعزيز قرب من ايوب اكتر وقال: مش هتقدر تهرب مني ياايوب الموت هو مصيرك اللعنه مستحيل تسيبك ابدا

ايوب بلع ريقه برعب بس حكم عقله وقلبه بزكر الله وقعد مكانه وقال: لو هتقدر تقرب مني تعال انا في حمايه الواحد الأحد تعال لو تقدر 

عزيز بصله بغضب وصرخ فيه: متقولش كده تاني قدامي انت ضعيف ومستحيل تغلبنا احنا اقوى منك 

ابتسم ايوب بثقه وثبات: ده كلام بتضحكوا بيه على نفسكم وبتحاولوا تضعفوا ايماننا بيه لكن انا ايماني في الله كبير وعمري ماهخاف من مخلق وانا في حمايته

عزيز اول ماسمعه تراجع للخلف بغضب وضيق: مش هنسيبك ياايوب ولو مر مليون سنه مش هنسيبك 

ايوب فضل مكانه وهو بيرتل زكر الله في سره علشان يفضل ثابت قدامه وقال: ربنا هو الوحيد صاحب القرار ده هو اللي خلقنا وساعه موتنا بأيده هو وحده 

صرخ عزيز قدامه بغضب وجنون: بس بس كفايه

ياسمين في الوقت ده كانت موجوده في الصالون اتصلت على عمر اللي كان قريب من البيت وفي اسرع وقت كان قدامها

ياسمين بخوف ورعب: عمر عمر الحق ايوب هناك في الاوضه دي عزيز اخوه عاوز يقتله

عمر: انتي بتقولي ايه انا عرفت انه لقاه بعد موت معتز وحسن بس ازاي عزيز عاوز يقتل ايوب يعني؟! 

ياسمين بصراخ وخوف: مش وقته تعال بسرعه ساعده 

قالت كده وسحبته معاها بقوه تجاه الغرفه الموجود فيها ايوب وعزيز

وعند ايوب وعزيز **

عزيز بغضب وجنون: اللعنه مش هتسيبك ياايوب والاحسن لك تستسلم لقدرك الموت هو قدرك ومصيرك

ايوب ابتسم وقال بثقه وتحدي: قدري ومصيري في ايد رب العالمين وحده ولو تقدر تقرب مني تعال انا اتحداك 

عزيز الغضب سيطر عليه ورفع السكينه قدامه وجرى تجاهه علشان يقتله بس فجأه عم السكون في المكان بعد صوت الرصاصه اللي اخترقت ضهر عزيز من الخلف 

اللتفت عزيز خلفه لقى عمر قدامه موجه المسدس عليه فقرب منه وعمر ضربه رصاصه تاني في قلبه بس عزيز موقفش لغايه ماضربه عمر باأخر رصاصه اخترقت دماغه وهنا عزيز وقع على الارض في الحال

عمر بصدمه وزهول: هو عزيز اخوك كان بيحاول يقتلك بجد والا ايه؟! 

ابتسم ايوب بوجع: اخويا الله يرحمه كان طفل بريئ ومات طفل بدون زنب منه لله اللي كان السبب

ياسمين جرت وحضنت ايوب بدموع ورعب: انا كنت هموت من خوفي عليك ياايوب الحمد لله اننا خلصنا منه

ايوب ببسمه وحب: اللي معاه رب العالمين عمره مايخاف من شر عباده والا من شر الشيطان الرجيم

عمر بعده فهم: ممكن افهم اللي بيحصل هنا انا حاسس نفسي زي الاطرش في الزفه 

ضحك ايوب واخده لخارج الغرفه وقال: تعال انا هحكيلك الحكايه من اولها 

وبعد الحادث ده كل شئ انتهى وعم السلام اخير وبعد خمس شهور في حفل زفاف عمر ومريم **

عمر بغيظ: يابت افردي وشك احسن الناس تقول غاصبك على الجواز مني

مريم بشماته: حسن خليهم يقولوا كده اصل انت اخدتني على خوانه وانا اللي قولت هتخطب سنتين كده نحب بعض فيهم الاول

عمر ببسمه وخبث: يعني الخمس شهور مش كفايه عندك يامريم دنتي كل يوم واكله دماغه بجمله امتي بقى نبقى في بيت واحد مع بعض ياعموري اما لو عليا فانا بحبك من الطفوله يابت قلبي 

مريم بخجل وكسوف: متكلش بعقلي حلاوه ياسياده المقدم والا انت نسيت عملت ايه زمان

عمر بتوتر وارتباك:ماقولتلك كنت في مهمه وطلبوا مني اجوزها لانهم شاكين فيها والله انا ماحبيت غيرك يامريم اصل قلبي معاكي من الطفوله ياكريم كارميل

ابتسمت مريم: وانا قلبي معاك من اول يوم شوفتك فيه يابن عمتي 

عمر ببسمه وفرحه: ايوه بقى هو ده الكلام مبروك علينا 

ضحكت مريم بقوه عليه وعلى الجانب الاخر **

جنه بضيق: امتي بقى البس فستان ابيض زيها كده واقعد جنبك في فرحنا ياكريم 

كريم بحب: قريب ياقلبي احنا اتخطبنا وكمان سنه هخلص الجامعه وايوب يشغلني معاه مش ده شرط ابوكي برضو

جنه بغيظ: يعني هستني سنه كمان ياكريم ليه كده بقى؟! 

ضحك كريم: فيه ايه يابت مستعجله على ايه والا كل ده علشان الفستان يعني طب ايه رأيك اجبلك واحد مخصوص وكل يوم ابقى البسيه براحتك ولا تزعل نفسك ياجميل

ضربته جنه ببسمه وغيظ: متتريقش عليا كل بنت في الدنيا بتتمني اليوم ده وخلي الفستان بعدين احسن ماما تفتكر اني اجننت خلاص

مسك كريم ايدها وقال بحب كبير: بحبك وهفضل العمر كله احبك يا كيكه بالفروله 

جنه بخجل وكسوف: وانا كمان بحبك اوي ياكريم 

وعلى الناحيه الاخرى عند ايوب وياسمين **

ايوب بقلق وحرص: اقعدي ياياسمين مش كل شويه هقولك اقعدي ارتاحي 

ياسمين ببسمه: والله انا كويسه بس انت خف قلقك ده شويع عليا وانا هبقى تمام 

ايوب بقلق وخوف: ماانتي في الشهر السادس ومش فاضل غير تلت شهور والدكتوره قالت دول هيبقوا صعبين عليكي بسبب العلاج الزفت ده علشان كده لازم اخد بالي منك كويس 

قعدت ياسمين على الكرسي وقالت: حاضر ياقلبي بس اهدى علشان انت بقيت تتعب الفتره دي من كتر توترك وقلقك ده عليا

ايوب قعد جنبها بقلق: مش هرتاح قبل ماتولدي ياياسمين واطمن عليكي انا القلق بقى مسيطر عليا من خوفي ومش قادر اتجاهله 

ياسمين ببسمه واطمينان: متقولش كده قل لن يصيبنا الا ماكتبه الله لنا ياايوب 

ايوب ببسمه وحب: عندك حق ياقلب ايوب.. بقلم نوى محظد

وبعد مرور خمسه سنوات في بيت ايوب **

طلع ايوب من غرفه مراته بضيق وهو يتوجه لغرفه ابنه عزيز صاحب عمر الخمس سنوات 

ايوب بضيق وغيره: كل مااقعد معاها شويه لوحدنا تقولي قوم اطمن على عزيز ياايوب اصل بنسيبه في الاوضه لوحده طب وانا ايه مبقتش جوزها حبيبها زي زمان والا ايه و

سكت ايوب فجأه وهو وقف قدام غرفه ابنه بصدمه لما سمعه بيتكلم مع شخص تاني وهو بيضحك معاه مع ان ابنه عزيز حاليا قاعد في الاوضه لوحده

فدخل ايوب بقلق وخوف على الغرفه وهنا انصدم لما لقي عزيز الصغير قاعد لوحده على الارض بيلعب زي العاده

ايوب بصدمه وزهول: عزيز ياحبيب بابا انت كنت بتتكلم وتضحك مع مين هنا؟! 

عزيز ابنه ببرائه: كنت بلعب مع عمو عزيز يابابا بس هو تعب من كتر اللعب معايا فدخل دولابي يرتاح شويه 

قرب منه ايوب بصدمه ورعب: انت بتقول ايه ياحبيبي عمو عزيز مات من زمان اوي ووقتها كان طفل صغير في عمرك كده؟! 

عزيز الصغير برفض: لا يابابا عمو عزيز ممتش هو بياجي يلعب معايا كل يوم لما انت وماما تسبوني العب في الاوضه لوحدي وكمان بينام في دولابي علشان يطلع يلعب معايا تاني انت مش مصدقني طيب تعال شوفه في الدولاب بنفسك علشان تصدق كلامي

ايوب سمعه وبلع ريقه بخوف ورعب كبير: طيب ياحبيبي اهدي.. انا مصدقك بس

عزيز ضرب برجله الارض بغضب وقال: انت بتضحك عليا ومش مصدقني طيب تعال معايا ياله شوفه في الدولاب بتاعي يابابا ياله

عزيز الصغير قال كده وسحب ايد ايوب خلفه ووقف قدام الدولاب بتاعه وايوب كان وقتها حاسس بقلق وخوف غريب بس لما عزيز ابنه فتح له الدولاب كانت المفاجأه.. 

النهايه.. بقلم نور محمد

#البارت_العشرون_والاخير

لمتابعة الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا