سكريبت حب غير متوقع الفصل الثامن 8 الأخير بقلم أية موسي حصريه في مدونة قصر الروايات
سكريبت حب غير متوقع الفصل الثامن 8 الأخير بقلم أية موسي حصريه في مدونة قصر الروايات
كنت ببص للكل .. ماما بتعيط ومحمد حاضنها .. ويوسف باصص للورق الي كان على سريري .. وسيف كان بيبص ليا
بصيت لبابا .. كنت ماسكة نفسي اني اعيط .. بصيت ليه وقلت
ـ مسمحاك
ونزلت اجري مش عارفة فين حروح .. بس عاوزة اطلع من هنا
رحت على الأرض الي دائما بنجري فيها أنا وسيف .. الأرض بتاعت بابا بس مفتوحة .. مليانة عشب .. الدنيا المغرب
قعدت وحطيت ايدي في وشي .. وقعدت اعيط
لقيت ايد اتحطت على كتفي
ـ معلش .. كله حيهون
رفعت راسي
كان سيف
قعد قدامي ومسك ايدي
ـ انت قوية يا ليلياس.. قوية انك سامحتي شخص أنا مستحيل اسامحه لو كنت بمكانك .. لأن عذره كان مش معقول ولا مقبول .. بس واضح كان شايف ان حياتك حتكون احسن بالمدينة ..أو كان بيحب اخوه اكتر .. أو الاتنين .. انتي قوية انك استحملتي كل الي حصلك .. قسوة عمي .. كره مروان .. جوازك من جاسر .. وآخرهم معرفتك للحقيقة ..
سكتنا احنا الاتنين ..بس بعدها اتكلم
ـ أنا بقولك علشان انتي قوية ..قوية انك استحملتي الي فات .. وحتستحملي الي جاي
بصيت ليه وهو ابتسم ومسح دموعي
ـ لالا أنا اختي عيونها ما تعرفهاش الدموع ابدا
ـ اختك طول عمرها الدموع صاحبها الوحيد
قلتها بسخرية
ـ ليه سامحتيه ؟!
بصيت لسيف باستغراب
ـ ليه يا سامحتيه وهو ما يستهلش .. المعاناة الي عشتيها طول حياتك هو سببها .. ليه .. أنا مش فاهمك
ـ أنا مش عارفة ليه .. بس عاوزة ابدا بداية جديدة .. مع أهل جداد
وبصيت ليه وابتسمت
ـ واخوات جداد
ـ احلى اخت يا ناس
حضاني وانا ضحكت
ـ قومي يلا علشان الدنيا بقت ليل .. وامي دلوقتي مموتة نفسها من العياط .. يلا
قاومني ومشينا للبيت ..وكان مصر البس الجاكيت بتاعه مع أن المسافة قصيرة و الجو مش برد اووي
دخلت وفعلا لقيتها بتعيط واولادها قاعدين حولها
ابتسمت ولقيت سيف بيزقني ناحيتها وبهمس بوداني : ملهاش ذنب
ابتسمت بثقة .. ورحت قدامها .. نزلت لعند وشها ومسحت دموعها
ـ أنا هنا .. وحفضل هنا
حضنتها ولقيت سيف بيصرخ
ـ ما ينفعش حضن من غيررري
لقيته نط علينا وكان يوسف بيضحك ومحمد صورنا
ـ ابعد لتختنق ليلياس
ـ يا حبيبي على الاخ الحنين .. اموت انا
قالها سيف بضحك
ـ ربنا يخليكم لبعض يا حبايبي
قالها بابا الي نزل من الطابق الي فوق
مقدرتش ابتسمله.. أنا سماحته ..بس مش قادرة انسى
اتعشينا وقمت بدري انام
رميت نفسي على السرير وانا بفكر
عمي الي طول عمري بحبه اكتر من ابويا .. بقا هو ابويا
ومرات عمي ..امي
والاحلى أن اولاد عمي هما اخواتي
هههه .. حاجة غير متوقعة اصلا
نمت بعد يوم طويل
صحيت على ايد حد بيخبط على خدي
فتحت عنيا لقيته سيف .. قمت اجري ادور باوضة
ـ مالك يا هبلة
ـ حجابي ..فين حجابي
ـ ليلياس انتي مش فايقة صح
بصيت ليه واستوعبت .. رميت نفسي تاني على السرير
ـ اطلع برا واقفل الستائر ..عاوز انام
لقيته مساكني من ايديا وقومني
ـ لا مفيش عاوزة انام .. ابوكي تحت مش مخلي حد فينا يأكل إلا لما الأميرة تنزل ..وانا حموت الجوع
ابتسمت .. جه الزمن الي ابويا ما يقبلش ياكل إلا وأنا موجودة .. أنا فاكرة عمي كان ما يصدق يلاقيني نايمة
ـ تمام ..حسرح شعري وانزل
ـ لا انتي قمر بكل حلاتك ..عاوز اكل قومي
تقريبا سيف الي كرفتني كرفتة ووصلت السفرة
ـ صباح الخير
ـ صباح النور والسرور يا حبيبتي.. تعالي اقعدي جنبي
ـ لا حتقعد جمب ابوها
ـ لا جمب اخوها الصغير .. صح يا ليلو
ـ لا جنبنا احنا
ابتسمت وقعدت بين ماما ..وسيف
مرت ايام واحنا على كدا .. سيف ملزق فيا بطريقة لطيفة وانا حبتها جدا .. ماما مغرقني حنان .. مش قادرة اتعامل مع بابا زي ما بعامل الكل .. محمد ويوسف زي اي خوات ..بيخافوا عليا ..حنيتهم طاغية .... ومريم وادهم كل يوم بيكلموني فيديو كول وطبعا سيف لازم يكون موجود
لبنى وكريم ابن خالو كرم وهو خطيبها بيجوا علينا وما حبيتش اقول لحد على الموضوع .. اعتبرت سر صغير احتفظت فيه أنا وعيلتي
... وجاسر
في يوم كنا أنا وسيف قاعدين الجنينة .. بناكل شوكلاتة الصلح بتاعت زمان وبنقرا رواية مع بعض
ـ البطل مريض نفسي
ـ اه محتاج دكتور .. والبطلة كمان
ـ لالا البطلة مضغوطة
ـ لا يا شيخ !! كانت حتقتل ابنها علشانها مضغوطة
ـ ده اسمه اكتئاب ما بعد الولادة
ـ بس بس .. اسكتي والنبي
ـ سكتت اهو
قفل الكتاب
ـ طب بصي بما انك رايقة وفايقة .. عاوز اسالك سؤال
ـ اتفضل
ـ انتي قلتي انك احتاجتي مساعدة جاسر في موضوع Dna .. ليه ؟
ـ ليه ايه ؟
ـ ليه سبتيني كل الي حواليك واختارتي الإنسان ده !
بصيت لقدام وابتسامة على وشي
ـ مش عارفة .. كنت بحس أن بين كل القسوة الي جواء في ذرة حنية .. ذرة رجولة .. ذرة شهامة .. كنت بحس أنه بدأ يتغير .. للأحسن ... بعدين بتقول كل الي حواليا هما مين حواليا يا سيف !!!... مروان ولا عمي .. محمد ابن خالتي ولا كريم ابن خالي .. مكانش في حد غيره أقوله واطلب مساعدته
لقيته بيطبطب على كتفي
ـ بس احنا دلوقتي جمبك ..وحواليكي
ابتسمت ولقيته بيفتح الكتاب
ـ طيب ..يلا نرجع لرواية المرضى النفسيين دول
ضحكت ورجعت إقراء معاه
***
بدأت جامعة وكنت سعيدة فيها .. خصوصا أن يوسف في نفس الجامعة .. و بحفظ قران في المسجد ..ويساعد ماما .. وبقعد معاهم .. فريد وسمر جه مرة واحدة عندنا .. كنت مش عارفه افهم نظراتهم .. بس اكيد ما فيهاش حنية زي الي عند ماما وبابا
كنت مرة طالعة من الجامعة وأيدي في ايد يوسف .. دائما بيقولي اني قاطعة بنصيبه لما بمسك أيده كدا .. احسن ..هههه
لقيته واقف قدام الجامعة .. ساند نفسه على عربيته وبيقلب بالموبايل ..مرينا من جانبه .. رفع دماغه .. كأنه حس
ـ ليلياس
لف له يوسف
ـ نعم .. انت تعرف اختي !
ابتسمله
ـ عز المعرفة
لقيته لف يوسف عليا أنا
ـمين ده يا ليلياس
ـده ..ده جاسر
ـوعاوز ايه يا استاذ
رفعله الكيس الي بايده
ـ عاوز تاخد ده
ـ وايه ده
ـما يخصكاش
بصيت لجاسر .. ايه ده فعلا
ـ دي حاجة من امي و اختي ..عندك اعتراض تاخدها
ـ لا طبعا
اخدها منه واعطها ليا
كان نفسي اسال جاسر كام حفظ
ـ١٧ جزء ..حفظت
ابتسمت .. كأنه قراء أفكاري
ـ عقبال كله
ـ يارب
ـ طب عن اذنك يا استاذ جاسر ... يلا يا ليلياس
مسك ايدي و مشى
فتحتها .. ايه ده
دي اللوحة الي كنت برسمها لعمو فؤاد .. بابا حاليا
بديت ارسمها بعد ما شوفت خوفه عليا وإصراره أنه ياخدني من جاسر
مسكتها جامد وضحكت
ازاي نسيتها
لقيت معها هدية .. الوان اكرليك وفرشة وحاجات احتاجها علشان ارسم
ـ الجميل بيضحك ليه
ـ تعال شوف
مسكها ...
ـ ليه مش راسمة عيون ابويا .. مش عاجبك يا بت
ـ لا طبعا ... بس مش عارفة ارسم نظرة حب مع خوف
ـبصي في عيوني
رميت عليه الازارة الي كانت جنبي وانا بضحك
ـاه واضح انك بتخاف عليا جامد
وقعدنا نتكلم ونضحك
***
بعد اسبوع
كنت بكلم اسيل بنت خالو كرم .. محمد دق الباب ودخل
ـ ليلو ..ممكن تقومي تلبسي .. علشان في ضيف تحت وعاوز يشوفك
ـ مين
ـ خليها سر .. يلا الناس مصرين جدا يشوفيكي
ـ حاضر ... شوية ونازلة
لبست لبس شرعي بيبي بلو ونزلت
اول ما وصلت صالة الضيوف .. لقيت بنت جاية تجري عليا وحضنتني .. عرفتها على طول .. مريم
ـ وحشتينا يا ليلياس
كان ادهم .. قبل ما ارد لقيت سيف بيرد
ـمحدش قالك يا شاطر انك ما تقوله لبنات الناس وحشتيني.. احترم نفسك
ابتسمت وانا شايفة سيف قلب وشه ازاي
ـ ازيك يا ادهم
ـ الحمد الله
قعدت جمب ماما وطنط
بصيت لجاسر الي انكشفت أقوله قدام بابا ازيك
ـ بص يا فؤاد بيه.. أنا طالب ايد ليلياس .. على سنة الله ورسوله .. و قبل ما ترفض أنا عاوز فرصة .. عاوز قبل كتب الكتاب نقعد مرة .. مرتين ..تلاتة .. وهي تحدد .. موافق ؟
بابا قعد ساكت فترة فاتكلم جاسر
ـ أنا موضوع النار شلته من بالي ..وانتو اصلا ما لكوش دعوة بيه ..وانا بجد بحبها ونفسي تسامحني ..... ونعيش حياة سعيدة
حاجة جوايا ابتسمت .. اعترف بحبه ابن الشرقاوي
اتنهد بابا وتتكلم
ـ الرأي رأيها هي
بصلي الكل وانا مش عارفة ارد ايه .. بصيت ليه هو وابتسمت لما شفت نظرته .. بس نزلت راسي
قالت الست مريم بحماس
ـ السكوت علامة الرضا
قال محمد
ـ يمكن اختي موافقة ..بس احنا عندنا شروط
ـ شروط ؟؟ .. وايه هي
ـ اولا .. اختي حتتخطب سنة
ـ وكمان حتسكن هنا بالبلد
قالها سيف بابتسامة خبيثة
ـ وايه كمان يا ولاد البنهاوي
ـ انت تقدر تعمل كل شغلك بالمدينة .. بس بالوقت ده اختنا عندنا
اخيرا اتكلم بابا
ـ لو بنتي جات زعلانة يا ابن الشرقاوي لاندمك انت وعائلتك كلها .. أنا مش فريد
ـ ما تخافيش بنتك بعيني .. نقرا الفاتحة
بصوا لبعض وهما كانوا مستنينه يرفض .. بس قرروا الفاتحة
اتخطبنا سنة وكان حرفيا سيف مجنن جاسر .. وجاسر حفظ القران وكنت مبسوطة اووي
**
يوم الفرح
كنت واقفة مبسوطة ونا بشوف نفسي على المراية.. كانت ماما جنبي . ولبنى ومريم .. بقوا صحاب اووي التنين .. قررت اعمل فرحي مش مختلط
دخل بابا وسيف وجاسر .. الي اول ما شافني ابتسم وباس راسي
ـ قمر يا حبيبتي.. قمر
ـ ما تعكسش اختي وانا موجود
ـ قمر يا حبيبتي... قمرر
بصيت لبابا الي كان واقف جمب ماما وعينه مدمعة
قربت منه وحضنته بقوة
ـ مسمحاك .. وبحبك اوووي .. يا بابا
أنا قبل كدا ما قولتلوش يا بابا .. كنت لما بكلمه حضرتك ..ممكن.. أنا اصلا ما كنتش اتكلم معاه
لقيته مسك فيا وفضلنا ساكتين فترة انا طبعا عيطت
مديت ايدي واعطاني مريم الكيس الي كان بيدها .. بعدت عن بابا .. وشلت الكانفس من الكيس .. رسمت بابا وماما .. الرسمة ديك خربت .. فقررت اعمل وحدة جديدة .. لبابا .. وماما
***
بعد ٧ سنين
كنت قاعدة بالجنينة وحواليا ولادي ( أسر و ادم وسيف ) وفي ايدي بنتي سهير الي سمتها على اسم ماما .. ولو سالتوني ازاي جاسر وافق أنه يسمي سيف فهما بقوا صحاب جامد ..بس سيف بيحب يغلس على جاسر جامد
دق الباب وراحوا يفتحوا
ـ خالو ...خالو
ابتسمت لما عرفت أن سيف جه
كالعادة وزع علينا الشوكلاتة الخاصة بينا
قال وهو بياكلها
ـانتو عارفين يا ولاد أني كنت بأكلها وانا في عمركم ... وامك الي كانت تجيبها ليا
قعدنا واتكلمنا وقعد يلعب مع العيال وبعدها رنت ماما واستذن
*جاسر *
دخلت على البيت وانا تعبان وعاوز اكل .. لقيتها قاعدة بالجنينة وواضح عليها التعب
قعدت جنبها على المرجيحة الي بالجنينة
ـحبيبتي عاملة ايه
ـ تمام ... جعان ؟؟
ـجدا .. بس قبل ما تعملي الاكل عاوز اوريكي دي
طلعت علبة فيها انسيال خفيف وحلو وهي ابتسمت وفرحت زي كل مرة .. وانا ابتسمت على حبيبتي الي فرحانة بهديتي
ـالعيال ناموا
ـ اه ..فضلوا طول النهار يلعبوا بما أن النهاردة إجازة وناموا من التعب .. حقوم احضرلك الاكل
ـ بحبك
ـ مش قدي
فجاء ضحكنا أنا وهي .. لأننا افتكرنا حاجة مشابهة للموقف ده .. انتو افتكرتوها ؟؟
تمت بحمد الله 🩷
"٨"
حب غير متوقع
أنا بجد مبسوطة جدا اني خلصت رواية كان نفسي من زمان اخلصها
وزعلانة أنه مش هيبقى في ليلياس وجاسر.... وسيف
قولولي رايكم يا سكاكر
وياريت الي عندها صحة شوية تكتب رأيها بشكل مفصل
ايــــة موســـى
بحبكممم 🤎
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق