سكريبت عشق تحت ظل اسود الفصل الثالث والرابع بقلم جيجي حصريه
سكريبت عشق تحت ظل اسود الفصل الثالث والرابع بقلم جيجي حصريه
٣... بهيه.. لا انتى ما قعداش عشانى انتى ما سبتيش الدار عشان اهلك ما رضيوش يرجعوكى وقالو المره لما بتتجوز ما بتطلعش من دار جوزها غير وهي على حسنيه الموت ولا انتى فكرانى عبيطه وما عارفاش اياك
يونس... ما لوش لزمه الكلام ده دلوك يا مرت عمى
بهيه... انا استنيت عدتك تخلص عشان احنا ناس نعرف الاصول وما هنقعدوش اخو جوزك معاكى كده فى نفس الدار هتتجوزى ورجلك على رقبتك ونفض المرقعه دى انتى اصلا عاوزه تمشى على حل شعرك
ندى... لا ما عوزاش امشى على حل شعرى انتى بس اللى لو عليكى وينفع تعمليها كنتى تدفنينى جار ولدك ولا مطرحو انا عارفه وانا ما هتجوزش اخو جوزى وعم بتى وهقول لاه لو السكين على رقبتى
وسابتها وطلعت على اوضتها
يونس...... يا مرات عمي الحكايه لسه جديده البنت لسه ما اتخطتش حكايه موت جوزها جواز ايه عاد اللي بتتكلمى فيه دلوكتي استهدي بالله
بهيه.... هتتجوز انا اللي بقوله ما بيتقليش عليه لاه واصل وبيتعمل بالحرف انا بهيه السيد مش حيا الله واحده ما اتخلقش اللي يقولي لاه ولا يوقف ضد حاجه انا عايزاها بكره تشوف هتتجوز ولدى كيف ورجلها فوق رقبتها وما هتقولش تلت التلاته كام
يونس...... على فكره بت ولدك هي اللي جاتنى كانت خايفه وبتبكي لولا كده ما كنتش هتدخل ولا ليا صالح من اساسه يعني عشان الكلام اللي انتى قولتيه دلوك بتاع ايه جابك
بهيه.... ما تقولش كده انت كيف صالح ولدي بس كنت عايزه اضربها وانت ما خلتنيش
يونس... كنتى عايزه تضربيها ده انتى شلفطتيها دي كان فاضلها شويه وتموت في يدك بالهداوه مش كده خديها بالمسايسه عشان خاطري عشان تفضلي معانا خليها تحب القعده معاكم حد يعمل كده دي مهما كان بنت عمنا التاني ويتيمه برضك احنا كلنا عيال عم في بعض واللى انتى بتعمليه ده ما يرضيش حد
بهيه... خالها سابها هنه عشان الفلوس قالوا لها لو جيتي ما هيدوش بتك حاجه واخو جوزك هياخد كل حاجه عشان انتى ما خلفتيش رجاله واصلا البنات هنه ما بنديهاش فلوس الحل ان هي تتجوز ولدى وتخلف منه واد وتكوش على الكل وتاخدلها حبه هي واهلها فاكراني ما دارياش بس انا هجوزها لولدى وما هخليهاش تحمل منو
يونس.... حتى لو اهلها اللي عايزين كده هي ما عايزاش خفيها حبه عليها
جات بنت فى العشرين وقالت... كيفك يا يونس
يونس... كيفك يا بنت العم الحمد لله يلا سلام عاد
وطلع من البيت
نورهان... شوفتى طلع كيف ياما مستعبرنيش
بهيه.... هيستعبرك كيف اشتغلى عليه اكتر حاولي تاكلي عقلو بكلمتين امو بتزن عليه عشان يوافق يتجوز لوشاغلتيه هتبقي انتى اول اختيار لو فكر انتى طالعه خايبه لمين ما عرفاش
عند يونس رجع بيته
ساره... عملت ايه جدتى كلتها
يونس... لا خلاص فضيناها امك طلعت هي ما كانتش بتعمل حاجه يعني كانوا بيهزرو سوا
ساره... يعنى شعر امي قاعد ما بقتش قرعه
يونس... قاعد فيها شعرها روحي على بيتكم يلا
ساره... شكرا بجد شكرا قوي
يونس... مش انا قلتلك انا مكان ابوكي واي حاجه تعوزيها تجي على طول تقوليلي
ساره.... طب بقولك ايه عايزه اروح المولد بكره عاملين احتفال بمولد النبي هناك ما تقوليش حرام حجيب عروسه واجى عايزه اروح اتمرجح واجيب الحلاوه كيف اصحابى.........
يونس... احلى عروسه تجيكي
ساره.... لا انا اروح
يونس.... حاضر هعدي عليكى اخدك بكره بالليل ان شاء الله
ساره... شكرا يا عمى يا رب يخليك
ومشيت وراح اوضته دخل شاب
وقال..ايه اللي حصل شلفطتها جامد امك قالتلى
يونس... من ساعه متنقبت ما خلتش حد يشوف وشفها ف انا اخدت العبايه بتاعتى حطيتها عليها علشان ما اشوفهاش ف حجزت منيها بس يعني ما شفتش وشها
مهران... انا اول مره اشوف عشق من غير ما تشوفها
يونس... اسكت ايه الكلام اللي انت بتقولو ده يودي في داهيه بيودي اللومان مرت عمك قالت كلام زي السم اصلا
مهران... ما امك قالتلك ملناش صالح تروح بيت الناس تحجز من الحب باي صفه امك قاعده عما تهري فوق
يونس...يعني اعرف انها بتتضرب كده واسكت ما قدرتش ما قدرتش يا مهران
مهران... بقولك ايه ما تنتهز الفرصه وتتجوزها ولد عمك اللي كان واقف في طريقك اتكل
يونس... مرت عمي مصره اتجوزها لولدها التاني انا لو رحت هعمل مشاكل كتيره قوي
مهران... فقرك دكر يعني انت لما قلت انك عايز تتجوزها في الاول مع حظك النحس جيه ابوك قالك ان ولد عمك اتقدم لبنت عمك قلت الواحد ما ينفعش يخطب على خطبه واحد رحنا جوزناك واحده تانيه وشليت امك عشان تتجوز ولما ريقنا نشف معاك وروحت اتجوزت الوليه ميته فيك وعايزاك رحت انت طلقتها انا مش عارف ليه
يونس.... هظلمها معايا ما قدرش احبها ما قادرش اخليها مرتي حاولت معاها شهرين تلاته مش حاسسها حرام اخليها معلقه يمكن لما تروح تلاقي حد يحبها اصلا اتجوزتها قولت يمكن تنسينى ندى بس نسيت انى عايز انسها
مهران... يا اخي الجواز مش حب مين اللي حابب مرته نص الشعب متجوز صالونات والنص التاني متجوز تخليص حق
يونس... انت متشاكل مع مرتك وجاي تصب عليا
مهران... ايوه شتمنا بعض بالام قالت لامك مكرهاني في عيشتي قلتلها امك مكرهانا في عيشتين قالتلي امك بتعمل وبتسوي قلتلها امك ما فيش حاجه ما بتعملهاش قالت بتسمعي كلام امك قلتلها انتى بتسمعي كلام امك واخواتك وعيلتك كلها
يونس...... ايه الهيافه دي ليه مالكم ومال الامات انتم اشتموا بعض انت وهي بتدخلو الامهات ليه
مهران..... كل المشاكل على امي قال ايه امي قال مفتريه وما بتعملهاش حلو
يونس.... لا الصراحه امي ما عليهاش غباره ما حدش يقدر يشتكي منها مراتك كدابه يا غبى روح قولها عارف امى غلطانه بس امي ما اقدرش اعملها حاجه وحب على راسها بلاش تروح تقولها امك واخواتك
مهران... يا غبي انا لو قلتلها ان هي معاها حق بس هي امي ما اقدرش اعمل حاجه هتركب وتدلدل رجليها وما حدش يعرف يلمها
يونس... والنبي اسكت اسكت بلاش هبل
مهران... هروح انا جوه وانت اقعد بقى بس صح قبل ما امشي بس روحت حطيت عليها الملايه وجيت ما حصلش حاجه
يونس... كانت عماله تبكي عنيها كانت مليانه دموع وجعت قلبي قلت حيلتها
مهران... سلامه قلبك والله انا قلبي هيعزف سنفونيه حزينه عليك ممكن ولد عمك وهو جاي كمان يعمل حادثه ويحصل اخوه ساعتها هتفضاالك
يونس... والله انت رايق....
مهران... ان شاء الله تروق روقتي وتفوق فوقتي
يونس... مش ده اللي يزعل اللى يزعل ان مرت عمي قالت انها هتتجوز يعني هتتجوز وهي ما بيتقلهاش لا وواثقه قوي من كلامها يبقى هتعملوا حتى امك مش صاحبتها كنت زقيتها عليها تعرفلي منها
مهران.. امك دي بهيه يعني بص تطيق العمى وما بتطيقش امك وامك كمان نفس الحال القلوب عند بعضها طب ما كنت سالت نورهان كانت جابتها لك
يونس... نورهان مين انت كمان
مهران... ومالو بت عمك وبتموت فيك واقعه عليك وهتجيب لك الخلاصه بس اسألها في المداري ما تروحش تبطها في وشها كده عشان انا عارفك
يونس... اه نلعب بمشاعر البنت وروح اتكلم وياها وتتكلم ويايا استغفر الله العظيم اعزبل طب يمكن تتصرف يعنى
مهران.... خلاص خليك ما تبقاش تاجي تبكيلي...
ومشى... يونس اتنهد وقال.... يا ترى في راسك ايها مرت عمي ..........
عند ندى كانت قاعده مع بنتها وقالت.... حبيبتي انتى ما كانش ينفع تروحي تندهي الناس تحجز مننا جدتك ما تخوفش هى بتزعق بس ما بتعملش حاجه
ساره... اه بس دي كانت هتقصلك شعرك ياما وانتى بتحبيه يطول انا عاجبنى
ندى.... لا هي بتقول هتعمل بس ما بتعملش ما تخافيش
ساره..... طب انتى جد يا اما هتتجوزى عمي عزيز يعنى
ندى... لا انا ما هتجوزش حد بعد ابوكي الله يرحمه يلا تعالي نامي
ساره... يونس عمي مش غريب ما تتكسفيش منو عشان شافك هو قالى اصلا ان هو مكان ابويا قالى اى حاجه تعوزيها من ابوكي تعالي قوليهالي وانا لو ابويا عايش كنت هروح اقولو عشان ياجي يساعدك عشان كده روحت لعمى يونس
ندى بدموع.... بس هو مش ابوكى يا ساره ده ولد عم ابوكى بس
ساره... ما انا عارفه بس هو قالي انه هيبقى مكانه عندي قالي هياخدني المولد بكره يجيبلي العروسه بتاعت المولد مع انو مش بيحب يروح بس لما قولتلو قال ماشى انا قولتلو عشان انتى مش هتعرفي توديني عشان المره مش بتطلع من دارها لما جوزها يموت واصل انا عايزه اطلع زي اصحابي واجيب عروسه واتمرجح ومش عارفه اجيب لوحدي ومحتاجه عمي يونس معايا
ندى دموعها نزلت بحسره بس مسحتها بكفوفها وضحكت وسط وجعها وحضنت ساره وقالت.... طب تعالي نامى يا فارتى الصغيره يلا ...... وبقت تفكر لحد ما راحت في النوم..... في صباح يوم جديد قامت من النوم على شد شعرها فتحت عنيها لقت بهيه بتشدها من شعرها
تفاعل يا غوالى 🥰
٤.. . قامت من النوم على شد شعرها فتحت عنيها لقت بهيه بتشدها من شعرها ندى قعدت
وقالت.. في ايه يا مرت عمى بسم الله الرحمن الرحيم
بهيه... فى زفت على راسك يا هانم صحى النوم الساعه داخله على 7:00 الصبح وانتى لساتك نايمه
ندى... اه معلش راحت عليا نومه ما جاليش نوم عيني غفلت ونومت قدام الفجر مجاليش نوم واصل امبارح اهه قايمه طوالى
بهيه.... وايه اللي قالق نومك وشاغل فكرك ليكون عشق يا بنت عدويه
ندى..... انتى ليه محسساني ان انا كنت عاشقه واحد من قبل ما ولدك يموت واول ما مات دلوك هروحلو او فاكره ان انا جوزي لما مات خلاص كده هروح اعشق دلوك واحد غيره انا من قعدتي معاكي السنين دى كلها انتى سمعتي عني حاجه زي كده جوزي في يوم اشتكالك. انا ليا رب وعمرى ما اعمل حاجه تغضبو لو متجوزه او لا مش خايفه منكم يعنى انا اصون نفسى عشان ربنا مش عشانكم بعدين ليه انا لازم اتجوز اخو جوزى الله يرحمو عشان اقعد ها ليه... ليه ما ينفعش اقعد معاكي انا والبنت نربي البنت انا وانت من غير ما اتجوز تاني من غير ما اتجوز اخو صالح ليه لازم ابقى متجوزه يعنى انا لو ما اتجوزتش هنحرف ما ينفعش اقعد عادي عاقله كده من غير جواز في بيتي
بهيه.... انتى بتقولى كده بس عشان الموضوع فى اولو وحموتو بعد مده هتاجي تقوليلي انا عايزه اتجوز انا عارفه انا بقولك ايه عايزه الحقلك من دلوك قبل ما تجيلى بجوز ام لبت ولدى
ندى.... طيب يا ستي لما ابقى اتجوز او اجى اتجوز جوزينى ولدك ها
بهيه.... ساعتها تقولي ما اتجوزش على ضرو وتعملى نفسك مره
ندى.... ودلوك عامله نفسي مره وما هتجوزش على ضره لان اصلا ولدك متجوز
بهيه... انتى ارمله فاكره نفسك هتتجوزي واحد ماوسابقلوش جواز قبلك ولا فاكره تخبطي في واحد ويخبط فيكى وتنزلو تلمو الحاجات من على الارض وتتجوزيه وانتى ارمله وهو لسه ما سابقلوش سابق معرفه بحريم ده في الحكايات والتلفزيون ما ماشيش هنا على ارضنا وخصوصي في الصعيد ماشي تنزلي باحلامك دي على الارض سامعه على الارض بدل ما انا اعرف انفضها لك زين
ندى... انتو بتقفلوها فى وشنا عشان نرضى نتجوز اخو الجوز بس لا انا لا
ببهيه... هنشوف يا مرت ولدى يلا اعملى الوكل وفطرينا وبعد كده انزلي عشان الزريبه عايزاكى تخلصيها وتخلصى الغسيل والحاجات اللي انا قلتلك امبارح عليها يلا عشان بنتي رايحه السوق وانا رايحه معاها وعلى الله اجي الاقيكي فتحتى باب ولا شباك ولا اقولك انا هقفل عليكى من بره
ندى... طب دلوك انتى بتطلعي وتقفلى الباب من بره افرض مسكت نار في البيت اطلع كيف انا يعنى
بهيه... ان شاء الله عنك ما طلعتى خليها تاكلك تريح وانا اربى بت ولدي ونرتاح منك
ندى.... ربنا ما حطش الاعمار في يد الخلق عشان يرتاحوا خلاها في يدو هو لحكمته بس
وسابتها ومشيت بعد شويه بهيه اخدت بنتها وراحوا على السوق وندى كانت قاعده بتنضف سمعت صوت يونس بيخبط على الباب
بيقول.... يا مرت عمي.... ام عزيز
ندى وقفت ورى الباب وقالت.... السلام عليكم مرت عمي مش هنا راحت السوق يا يونس
يونس.... وعليكم السلام طب انا معايا حاجه جبتها لساره انا هحطها على العتبه وامشى وخليها تطلع تاخدها
ندى... لا ما هي ساره راحت معاهم والصراحه كده مرت عمى قفلت عليا الباب من بره واخدت المفتاح معاها خليها انت عندك وانا لما تاجي ساره هخليها تاجي تاخدها من عنديك
يونس بضيق... تمام يلا مع السلامه..... ولسه هيمشى بس وقف لما
ندى قالت... اه صح يا يونس شكرا
يونس... لاه العفو على ايه يعني ما عملتش حاجه هى بس ساره اللى جاتلي البيت وكانت خايفه انا عشان كده اتدخلت بس اسف لو...... ندى قالت بمقاطعه
ندى.... لاه مش على كده شكرا مش علشان جيت امبارح يعني هو شكرا عشان انت جيت امبارح بس انا كنت اقصد انه يعني علشان انت قلت لساره ان انت مطرح ابوها وانها لو عايزه حاجه تقولك هى فرحت قوى بيها
يونس.... العفو انى ما عملتش حاجه ده واجبي انا هخلي الحاجه عندي في البيت لما تاجي ساره ابقى ابعتيها تاخدها
ندى.... حاضر......... يونس مشى على بيتو وندى دخلت وبقت تكمل بعد وقت جات بهيه
وقالت.... يلا يا بنات خدو حاجتكم يلا
ساره.... عارفه ياما لقيت حته عبايه في السوق كنت هموت واجيبها لك بس جدتي ما رضيتش تجيبها قالت المره لما جوزها يموت مش بتلبس جديد
ندى... لا حبيبتي انا اصلا عندي عبايات كتيره ومش عايزه حاجه اه يونس قال انه جابلك حاجه روحي خديها من عنده
ساره.... جرى اشوف جابلي ايه....... وطلعت
بهيه.... وانتى شوفتى يونس فين قابلتيه ازاى
ندى... هو جيه خبط على الباب كلمتو من ورا الباب لما لقيكى قافله الباب خد الحاجه تانى ومشى
بهيه... وهو يخبط على الباب ليه اصلا
ندى....... عادي هو ما كنش يعرف ان انتو مش هنا وانا اصلا ما فتحتش الباب ولا الشباك كلمته من ورا الباب يمين بالله
بهيه.... نص ساعه ويوصل عريسك ويلمك هانت
ندى..... انتى ليه مش عايزه تسمعيني ليه انا بقولك ده ما هيحصلش ما هتجوزش عزيز افهمى عاد قرفتينى
بهيه... نستنى لحد بكره بس يمكن تغيري رايك الدنيا دي ما بتفضلش على حالها كل ساعه في حال وسبحانه مغير الاحوال
ندى... ناويه على ايه يا مرت... عمى
تفاعل بقى عشان اللى جاى ددمار 🙉
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق