رواية ليالي الغول اقتباس من الفصل الأخير بقلم لوجي احمد

روايه بناتى حياتى الفصل الثالث عشر 13بقلم ولا يحيى

روايه بناتى حياتى الفصل الثالث عشر 13بقلم ولا يحيى

روايه بناتي حياتي 

الحلقه (13)

اخر يوم امتحانات ولين رحت الكافتريا تعقد مع داليا و امنيه بعد ما فضلو يتحيله عليها كتير تقعد معهم شويه ويشربه حاجه لحد ما وافقت ووهم قعدين وبيضحكه جي عليهم كريم 

كريم ببتسامه : صباح الخير 

داليا وهي مبسوطه اوي : صباح النور يا كيمو تعال قعد

لين تبرق ليها وبعصبيه : يعقد فين انتي اتجننتي 

كريم ببتسامه : ايه بس يا انسه لين انتي لسه زعلانه مني 

لين بغضب : وانا هزعل منك بتاع ايه انت مين اصلا عشان ازعل منه 

داليا تضحك : طيب اهدي اهدي بس هفهمك 

فلين تبصلها وهي مستغربه ضحكها وهدوءها ومش عارفه هي تقصد ايه بهفهمك 

داليا ببتسامه : تعالو اعرفكم علي بعض الاول 

لين بضيق : تعرفي مين انتي شكلك اتجننتي بجد انا هقوم

وتقوم تقف بس امنيه تمسك ايدها و تشدها وتعقدها تاني وهي بتبتسم ليها 

امنيه : استني بس سبيها تكمل وهتفهي

لين تستغرب وتحس ان في حاجه هي مش عرفها 

داليا ببتسامه : اعرفك يا كريم دي لين صديقتي وحبيبتي هي مجنونه شويه وحماقيه شويتين ولولي انها مخطوبه وفرحها قرب وبتحب خطيبها جدا كنت قولت عندها معقده من الرجاله ( وتضحك هي وامنيه من نظرة لين ال بتلع نار وغيظ من كلامها) عارف مافيش واحد من زميلنا في الكليه عرف يكلمه نص كلمه ولا حتي عشان ياخو منها الملخصات كانو بيخدها منا احنا بعد موفقتها طبعا والملخصاتي دي بقي هتكون ان شاء الله ليها الفضل بعد ربنت في ناجح الدفعه كلها السنه دي

داليا وهي بتكمل : ودا يا ستي كريم في اخر سنه ان شاء الله عنيه زيغه حبتين وبيحب يعاكس البنات بس الحمد الله في خلال سنه اتربي علي ايدي ( وتبصله بنظرة حب وتبتسم) و كلم بابا وخطبني عشان يكفر عن ذنوبه 

لين بفرح وضحك : بجد الف مبروك يا دودو بس كده متقوليش ولا اعرف حاجه 

داليا : مهو لسه امبارح واخد معاد بعد ما اصابه اليؤس مني 

ويضحكه كلهم ولين تبارك لكريم ويعقد معهم ويفضله يكلمه 

ولين تعرف ان كريم بيدور علي شركه يدرب فيها اخر سنه 

لين : انا ممكن اساعدك 

كريم : بجد داليا قالتي كده بس متوقعتش انك هتوفقي 

لين : ليه بس انت خطيب اختي دلوقتي وبعدين انا بابي فتح فرع لشركه في القاهره ودخله فيها قسم الديكور جديد وهيحتاجه مهندسين ديكور جدد انا هكلم امير اخويه وانت خد رقمه وحدد معاد معهم 

كريم : بجد والله انا متشكر اوي يا لين انت متعرفيش ها تساعديني ازي

لين : بتشكر علي ايه بس وبعدين يا سيدي كله لعيون دودو 

داليا : ربنا يخليكي يا لينو ايوه كده خليه يكون نفسه بسرعه عشان اتجوز علي طول ومخللش جمبه

ويضحكه كلهم ووهم قعدين تلفون لين رن 

لين : ايوه يا روقه 

شروق : انتي فين يا لينو انا قدم الكليه ومش شايفكي 

لين : تعالي انا في الكافتريا بتعت الكليه 

شروق : طيب تمام انا جيه اهو 

وتوصل شروق ولين تعرفها بكريم وتبارك ل داليا ويعقده شويه ويمشو ويوصله عند البيت وتطلع كل واحده لبيتها وشروق تدخل تلقي سليم في البيت وقعد مع مامته ومروه 

شروق : سلام عليكم 

الكل : عليكم السلام ورحمة الله وبركاته 

شروق : سليم في البيت ايه الهنا دا انت ايه الجابك بدري كده 

سليم بهزر : انا حر يا بت انتي اجي وقت ما انا عاوز انتي هتحققي معايه وبعدين انا الاسأل مش انتي انت ايه الجابك متاخر مش امتحانك خلص من ساعه 

شروق بضحك : ايوه يا سي السيد يوووه لمؤاخذه قصدي يا سي سليم مخلصه من ساعه 

سليم بضحك : وكنتي فين دا كله يا امينه 

شروق : كنت قعده مع خطيبتك وصحباتها في الكافتريا بتاعت كليتهم

سليم يسمع ان لين قعدت في الكافتريا مع انه منعها انها تروح الكافتريا يقوم ينط من مكانه

سليم بغضب : كنت قعدين فين بتقولي 

شروق بستغراب : في الكافتريا مالك فيه ايه 

سليم بضيق : وكنتم قعدين انتم ومين بقي ان شاء الله 

شروق: انا ولين وامنيه وداليا وكريم خطيبها 

سليم بغضب شديد اول ما سمع اسم كريم لدرجه انه مخدتش باله من كلمة خطيبها 

سليم : وانتي ازي تسمحي لنفسك ولا ليها تعقدي مع شاب غريب يا هانم 

عواطف مستغله الموقف : انتي من امتي يا بت بتعقدي مع رجاله علي كافتريات طيب خطيبت اخوكي ومتربيه بره وشكل دا عادي عندهم لكن انتي ترضي ازي تعقدي معهم دا بدل ما تفهميها غلطها وتعقليها 

مروه بتريقه : شكل لين هي الهتعودك علي حاجات متربناش عليها 

شروق بستغراب : ليه دا كله احنا عملنا ايه ما انا طول عمري بقعد مع سالم ورامي واحمد وقريبنا كتير وعمر ما حد فيكم اعترض

سليم : كنت ببقي معكي يا محترمه مش قعده معهم لوحدك

شروق بستغراب : انا مش عارفه ايه الحصل ل دا كله 

سليم بغيظ وغضب : وكمان مش عارفه ايه الحصل الظاهر انك عاوزه تتربي من اول وجديد

ورح ضربها بلقلم ودي كانت اول مره سليم يضرب حد من اخواته او يقسي عليه وطبعا هو مكنش مضايق ان شروق قعده مع كريم هو الغيره عمت عنيه وخصوصا انه افتكر كريم لما عكس لين

شروق انصدمت وسليم محسش بنفسه غير بعد ما ضربها بس خرج من قدمها بسرعه وركبه 100عفريت

وعند لين وبعد ما سلمت علي جددتها ودخلت اوضتها وكانت لسه هتاخد شور لقيت تلفونها بيرن باسم سليم 

لين ببتسامه وفرحه : حبيبي وحياتي 

سليم بعصبيه : انزلي قدم البيت حالا انا تحت مستنيكي 

لين بستغراب :فيه ايه مالك صوتك مضايق ليه كده 

سليم بضيق : لين انا مش عاوز اعلي صوتي وحد يسمع اتفضلي انزلي حالا هنا قدمي 

ويقفل السكه من غير ما يسمع ردها ولين تستغرب طريقته وانه قفل السكه في وشها ف نزلت تشوف ماله 

لين خرجت لقيت سليم وقف قدم البيت وشكله مضايق اوي 

لين : خير يا سليم مالك حصل ايه 

سليم بعصبيه يمسك ايدها ويشدها بعيد عن بيتهم عشان محدش يشوفهم

سليم بغضب شديد : هو مش انا قولت مافيش قعده في الكافتريا وكمان قعده ما كريم الكان بيعكسك وعاوز يتعرف ياتري اتعرفتم علي بعض امتي بقي يا هانم 

لين تشد ايدها ال كان مسكها وبيطغط عليها بغضب وضيق وتفدر تفك ايدها منه بغضب وهي مصدومه من البيقوله 

لين بصدمه : انتي ايه البتقوله دا انت سامع نفسك بتقول ايه وبعدبن وازي اصلا تسمح لنفسك تمسك ايدي كده 

سليم بغضب : ايه بقول حاجه غلط حاجه معملتهاش بتبلي عليكي مش انتي كسرتي كلمتي وكنتي قعده ما كريم بيه في الكافتريا 

لين بصدمه وغضب شديده : انا مش هرد عليك يا سليم لاني لو رديت عليك ابقي بقبل المعني الورا كلامك ودا معنه ان انا اخترت غلط وان انت للاسف معرفتش مين هي لين وساعتها يبقي انا اخترت غلط كل واحد يروح لحاله 

ومشيت ودخلت بيتهم وسابته وقف وهو مصدوم من كلمتها ومش مصدق ان لين ممكن تفكر تسيبه وتبعد عنه ويفضل بصص عليها لحد ما دخلت بيتهم وهي اول ما دخلت مقدرتش تمنع دمعها وجريت علي اوضتها قبل ما حد من اهلها يشوفها 

ورجع سليم البيت وهو غضبان ومضايق ودخل علي اوضته من غير ما يكلم حد

عواطف ببتسامه : يا فرحت قلبي شكل الجوازه باظت يا بت يا مروه 

مروه : انتي فكره البت دي هتسيبه كده بسهله دي هتتسهوكله ياختي لحد ما هترجعه تاني ليها وابنك هيرجع زي العبيط

ويلقي سليم خرج من اوضته مره واحده

سليم بضيق : هي شروق فين 

عواطف ببتسامه : دخلت علي اوضتها سيبك منها اكسرلها ضلع يطلع 44 تعال يا حبيبي اقعد معايه 

بس سليم يسيبهم ويدخل لشروق ال كانت عمله تصلي

وتعيط صعبت عليه اخته وزعل من نفسه انه مد ايده عليها واستنها لما خلصت ورح قعد قدمها 

سليم ببتسامه : اوعي تكوني دعيتي عليه انا زي اخوكي برده 

شروق تنزل رسها وتبص للارض وتفضل تعيط ومتردش عليه 

فيمسك سليم راسها ويبوسها 

سليم بهدوء : حقك عليه يا حبيبتي انا بس خايف عليكي وبعدين مين كريم دا عشان تعقده معها اصلا 

شروق بعيط : خطيب داليا صحبتنا وكان 

ولسه هتكمل كلامها بس سليم قطعها 

سليم : خطيب داليا امتي دا وانتي مقولتيش ليه انه خطيب داليا 

شروق وهي بتبص ليه بدموع : لا قولت بس انت التعصبت ومسمعتش حاجه 

سليم بندم : حتي لو خطيبها قعدين معه انتم ليه 

شروق : لان داليا كانت عاوزه لين تساعدهم

سليم بستغراب : تساعدهم في ايه 

شروق : كريم في اخر سنه وظروفه الماديه مش قد كده وكان بيدور علي مكان يدرب فيه عشان يكون نفسه ويعرفه يتجوزه وداليا جابته وكلمت لين عشان تشوفله شغل في شركه بابها فلين كلمتلهم امير عشان يشتغل في فرع الشركه ال في القاهره وخدت ليه معاد عشان يقابله 

سليم انصدم وحس انه غلط في حق لين جدا وظلامها 

سليم بحزن وندم : انا غبي غبي 

شروق بدموع : خالص انا مش زعلانه منك 

سليم وهو بيبصلها : بس لين زعلانه يا شروق انا عكيت الدنيا معها علي الاخر 

شروق بصدمه : يا خبر انت روحت للين كمان واتخانقت معها 

سليم بضيق : رحت وكنت متعصب ولغبطت في الكلام لدرجه انها قالتلي نسيب بعض 

شروق بضيق : يا نهار ابيض ليه كده بس يا سليم حرام عليك دي كانت مبسوطه ومفكره انك هتروح ليها النهارده وتسهر معها عشان خلصت امتحانات وبقالكم فتره مبتتقابلوش 

قام سليم وقف بسرعه ومشي من قدمها من غير ما يتكلم وخرج بسرعه وطلع يجري من البيت عواطف نادت عليه مردش هليها وسيبها وخرج 

عواطف بستغراب : بيجري ليه كده وريح فين 

مروه : انا عارفه تعالي نسال بنتك مهو كان عندها 

ورحه لشروق ال كانت قلعت الاسدال وقعده علي السرير وهتنام 

عواطف : بت يا شروق اخوكي بيجري ليه كده وريح فين 

شروق : ريح يصالح لين 

مروه تتضحك بستهزاء : مش قولتلك 

عواطف : هو ايه الحصل وريح يصالحها ليه فهميني 

شروق قالت ليه ان سليم زعل لين ولين قالتله يسبه بعض ولما عرف الحقيقه رح يصالحها وحكيت ليهم مين كريم وكان قعد معهم ليه وان سليم عرف انه غلطان في حق لين وريح يعتذرلها 

عواطف بغيظ : اشوف فيكي يوم يا شروق يا بنت بطني يعني هم كان هسيبها بعض وانتي ترجعيه تاني اقوم اولع فيكي دلوقتي يا بعيده 

شروق بضيق : ايه يا ماما انتي بتدعي عليه ليه انا عملتلك حاجه 

عواطف هو انا هدعي بس دا انا هاكلك بسناني 

وقامت وفضلت تعض فيها 😭 وتضربها وشروف تعيط وتتألم 

سليم يروح لبيت لين ويخبط الباب علي شقة الجده 

سناء : اهلا ازيك يا سليم يا حبيبي وازي ماما واخواتك 

سليم ببتسامه : الحمد الله بخير يا طنط ممكن اشوف لين بعد ازنك 

سناء : بس هي جت من الكليه ودخلت تنام انت عارف كانت طول اليل بتذاكر وبقالها كتير مبتنامش ولا بترتاح 

سليم ضميره تعبه اكتر لان عارف لين كانت تعبانه ازي الفتره الفاتت من امتحاناتها وتجهيز الشقه ال عملتها كلها علي زؤقها طبعا 

سليم : طيب معلش يا طنط عاوزها ضروري بعد اذنك ممكن حضرتك بس تشفيها لو صحيه تخرج تكلمني 

سناء : حاضر يا حبيبي ثواني هشوفها بس لو نيمه مش هصحيها اتفقنا

سليم هز راسه بلموافقه بس كان متاكد ان لين منامتش وكان خايف من انها ترفض تقابله وتعمل نفسها نايمه فبعت رساله ليها علي الوتساب كاتب فيها 

( طنط سناء هتخبط عليكي دلوقتي وهتقولك اني بره ورحمه ابويه يا لين لو عملتي نفسك نايمه ومرضتيش تخرجي لهطلع علي السور وادخل اوضتك ووقتها بقي شوفي مين هينقذك من تحت ايدي لينو بحبك يا مجنونه اطلعي بقي وحشتيني ) 

وفعلا لين وهي بتقراء الرساله كانت سناء بتخبط 

لين مسحت وشها بسرعه عشان متعرفش انها بتعيط 

لين : ادخل 

سناء ببتسامه : انتي لسه صحيه يا حبيبتي ( وتلاحظ دموعها فتقرب منها) ايه دا مالك يا لين انتي بتعيطي 

لين ببتسامه : لا يا طنط ابدا كنت بنام بس 

سناء تقرب منها وتطبطب عليها : لا دا شكل سليم مزعلك بس هو جيه عشان يصالحك قومي روحي لهو يلا واوعي تخلي في يوم المشاكل تكبر بينكم ولا حد فيكم ينام زعلان من التاني وبعدين هو جيه لعندك يعني حس بغلطه فقومي يا حبيبتي اغسلي وشك وغيري هدومك وتعالي شوفيه

وقامت خرجت وسابت لين تجهز لين غسلت وشها ولبست برموده جينز بيج وشميز سكري ولمت شعرها لفوق وخرجت له في الصالون 

سناء ببتسامه : اهي جت اهو هروح اعملكم حاجه تشربها 

لين : هي ناناه فين يا طنط 

سناء : نايمه يا حبيبتي 

وخرجت وسابتهم ولين وقفه مربعه ومكشره ومش بتبص عليه وسليم وقف عمل يبصلها بحب وعلي وشه ابتسامه جميله وهي لما لقيته كده كانت هتضحك بس نزلت وشها للارض عشان ميشوفهاش وهي بتضحك بس لقيت سليم بيتحرك ووقف ورها فبعدت عنه وبصت ليه 

لين بضيق : انت بتعمل ايه 

سليم ضحك : لفي ومتخافيش

لين بغيظ : انا مش خايفه علي فكره 

سليم بضحك : يا جامد انت طيب لفي لو مش خايفه

لين رحت لفه ومديه ظهرها رح سليم شد التوكه من شعرها وطبعا اول مره ايده تلمس شعرها فبعدت بسرعه بس التوكه كانت وقعت في ايده وشعرها اتفرد ونزل علي وشها فتكثفت ظهرها وهي ووشها احمر اوي 

سليم قرب منها وهو مبتسم ووقف قدمها 

سليم ببتسامه : اولا متلميش شعرك باي توكه تاني انا بحبه مفرود ونزل كده علي ظهرك 

لسه لين هتكلم

سليم : هسسسسس انتي تسكتي خالص انا لسه مخلصتش كلامي ثانيا بقي وثالثا وكل الارقام ال في الدنيا دي لو قولتي كلمة نسيب بعض تاني متعرفيش انا هعمل فيكي ايه 

لين بغيظ : هتعمل ايه يعني 

سليم يقرب منها فهي تبعد فيقرب اكتر وهي تبعد بس تخبط في الكنبه وقعدت عليها فميل هو عليها وهي قعده ترجع بظهرها وترجع 

لين بخوف : سليم انت بتعمل ايه ابعد عني حد يدخل علينا هيقول ايه سليم كده عيب خليك مؤدب 

سليم يضحك بصوة عالي علي طريقه كلمها ال عمله زي الاطفال وشكلها وهي خايفه 

سليم : لا مش هبعد عنك ابدا وبقي انتي تقوليلي نسيب بعض دا انا هقطعك بوس عشان تحرمي تفكري فيها حتي مجرد تفكير ال نسيب بعض ال 

لين : سليم خليك مؤدب والله هصوت ابعد عني يلا 

سليم : مش هبعد ال لو قولتي اسفه مش هقولها عمري تاني

لين بضيق : لا مش هتاسف انا لحد 

فيروح سليم مقرب وكان هيبوسها بس قامت بسرعه قبل ما يلمسها 

لين : اسفه خالص والله اسفه مش هقوله تاني بس خليك بعيد 

سليم يقعد علي الكنبه ويضحك اوي : ايوه كده ناس متجيش غير ببوس الشفايف 

لين تبتسم وتحدفه بمخده الانتريه 

وينتهي الزعل بعد ما سليم قدر يرسم الابتسامه تاني علي وش لين وروح سليم بعد ما قعد معها شويها وقعد يحب فيها ❤ بس لقها عاوزه تنام فسبها ترتاح 

هنمر سريعا كده نعرف اخبار بقي ابطال الروايا 

مني وفؤاد بعد خطوبه لين باسبوع كانو سافره وهينزله عشان فرح لين ال باقي عليه شهر 

رامي بعد ما حضر خطوبه لين وحاول يبان طبيعي بس قلبه مجروح ووجعه جدا فقرر انه يفضل يشتغل طول الوقت ويدرس وتقريبا من وقتها متقابلش هو ولين نهائي لانه تقريبا مش بيرجع البيت او بيرجع متاخر جدا وينزل بدري ولغي فكرة السافر من راسه لما لقي ان فريد زعل منه

امير بعد ما رجع مصر ومسك الشركه اشتري شقه في القاهره جمب الشركه وبيروح المنصوره كل خميس وجمعه وطبعا كل دا عشان يهرب من سلوي ال بتتعمد دايما تضايقه بس علي طول علي اتصال ب اخواته وبلين وكان دايما يساعدها لما بتشتري حاجه من القاهره للبيتها اون لاين ويروح هو يستلمها ويجيبها ليها 

سلوي كل يوم تشحن عواطف ويرتبه في الخطه ال هيفرقه بيها بين لين وسليم ومروه بتساعدهم 

لين كل يوم سبت بتكلم اصحابها ويفضله اليوم كله مع بعض علي النت يضحكه ويهزره وعدي اخو طلال بعد لما عرف ان لين اتخطبت زعل وقرر يخطب هو كمان فخطب الاء ال كانت بتحبه وفرحت جدا انها هتبقي مراته 

سيلا واحمد عيشين في سعاده وطبعا احمد سيلا مش رحمه من مقالبها ال كل يوم تعملها فيه بس كل مره بياخد حقه بطريقته الخاصه  😉

وفات الوقت وفاضل علي فرح لين اسبوع و الكل طبعا كان بيساعد لين في شراء حاجاتها الخاصه والكل ال يشوف حاجه تعجبه يشتريها ليهاو اصحابهم كلهم وصله من الكويت واتعرفه علي امنيه وداليا وكل يوم يتجمعه مع لين ومعهم شروق وبنات عمها طبعا وسيلا ال هي كانت بتشرف علي منع سليم من الوصل للين قبل الفرح باسبوع فسليم بقاله اسبوع مش عارف يكلم لين ولا يشوفها خالص وبيعرف اخبارها من شروق بعد ما بطلع روحه عشان تقوله حاجه عن لين 

وقبل الفرح ب اربع ايام فرحتهم سيلا بخبر حملها ال فرح الكل ولين كانت فرحانه اوي ومني وفؤاد الدموع كانت تعبير عن فرحهم باول حفيد ليهم واحمد من وقت ما عرف وهو مالي البيت كور ومصمم ان سيلا هتخلف ولد وسيلا تقوله بنت واتفقه ميعرفوش نوع الجنين ايه غير لما يوصل بسلامه ولو ولد يبقي سيلا بتحب احمد اكتر ولو بنت يبقي احمد بيحبها اكتر

واليوم هو اليوم المنتظر فرح لين

لين جهزت طبعا ولبست فستانها الابيض وكانت من ارق ما يكون واجمل عروسه ممكن حد يشوفها فستانها ابيض كان رقيق زيها وكان الميكب بتعها جميل وهادي لان وشها جميل ومش محتاج ل اي حاجه زياده عشان يظهر جماله 

ال تعبهم فعلا كان شعرها ال صممه تسيبه ومتلموش ودا كان طلب من سليم ليها برساله واتساب وهي بتجهز وطبعا لطول شعرها كان صعب شويه عشان الطرحه بس كان لازم تنفذ طلبه ف هي كل اليهمها انها تكون جميله النهارده في عيون سليم وبس 

سليم كان غيران وعمل يفكر بقاله فتره وخايف ان فؤاد ينزل لين مع ولاد عمها زي ما عمل مع سيلا مكنش عاوز حد يمسك ايدها او يمسكها غيره 😂 فعمل زفه بشكل خاص للين 

فلين هتدخل القاعه وهي قعده علي عرش زي الملكه و المفروض اربعه يشلوه العرش بتعها من امن الاوتيل ال فيه القاعه بس الشباب الاربعه صممه ان هم ال هيشلها فشالها علي كتافهم وهي قعده علي عرشها 

من اليمن كان شيلها رامي ووراه سالم اخوه ومن الشماا كان وامير ووره احمد جوز سيلا ودخله بيها علي اغنيه طلي بلابيض طلي https://youtu.be/wQNJxod9f2I

ووقفه بيها قبل سليم بشويه ولين جيه عشان تنزل من عرشها وتروح لسليم فكانت بتنزل من ناحيه اليمين فمعرفتش تنزل لوحدها من الفستان فقرب منها رامي ومسك ايدها وساعدها بنزول لان هو ال كان وقف ناحيه اليمين فمسك ايدها وبص ليها وابتسم وهي كمان ابتسمت ليه ومشي بيها والشباب ماشي جمبها ورح بيها لسليم ال كان هيتجنن وغيران بس مش هيقدر يظهر دا ولا يتكلم ورح لعندهم عشان يمسكها هو 

رامي وهو مسك ايدها وبيسلمها لسليم

رامي ببتسامه بس الحزن مالي عنيه : لين امانه عندك يا سليم حافظ عليها انت بتاخد حته من قلوبنا

سليم مقدرش غير انه يبتسم بس لين حست بألمه و ان رامي بيسلم قلبه فعلا لسليم وشافت الدموع جوه عنيه

( انا عارفه ان فيه كتير منكم شايف ان رامي بيحبها اكتر وحبه مش اناني وانها ولازم تجوزه هو مش سليم بس تخيله نفسكم مكان لين اتنين بيحبها بس هي بتحب واحد منهم ومن صغرها وبتحلم بيه شريك لحياتها والتاني اخوها وابن عمها فتختاره مين https://youtu.be/SaCUQL18_sk )

سليم خد لين و بسها من ايدها و جبينها وبداء الفرح برقصه سلو والقاعه كلها ضلمه ولين وسليم كانو في منتهي الجمال ونظرت الحب في عيونهم شايفنها كل الموجودين بلقاعه 

وبره القاعه كان خرج رامي بعد ما ادي لين لسليم فخرج بسرعه لان دموعه خانته وخاف حد يشوفه بس خرج امير وره لانه حس بيه وعارف حبه للين من زمان 

امير بحزن : ليه عذبت نفسك كده حرام عليك نفسك يا رامي 

رامي ببتسامه ودموع : عذاب ايه دا يا امير انا طول عمري بحلم امسك ايدها وهي لبسه الفستان الابيض وحققت حلمي دا النهارده ومسكت ايدها حتي لو كان عشان اسلمها لحد تاني غيري 

بس وهو بيتكلم خانته دموعه ومقدرش يمنعها فاخده امير في حضنه وهو مش عارف ازي ممكن يخفف عنه الم زي الهو فيه

وتنتهي الحلقه النهارده لاني رامي خلاني اعيط  😭😭😭😭روايه بناتي حياتي

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا