رواية ليالي الغول اقتباس من الفصل الأخير بقلم لوجي احمد

روايه بناتى حياتى الفصل الرابع عشر 14بقلم ولا يحيى

روايه بناتى حياتى الفصل الرابع عشر 14بقلم ولا يحيى

روايه بناتي حياتي 

الحلقه (١٤)

في الفرح 

لين وسليم فرحتهم كانت وصله لكل الموجودين وظهره في نظرت عيونهم لبعض 

سليم بفرحه : انا مش مصدق انك بقيتي بتعتي وبين ايدي ( ويغمز ليها) ومافيش تاني عيب يا سليم خليك مؤدب متمسكش ايدي من اليله ننسي الادب خالص 

لين بكثوف : عيب كده يا سليم احنا قدم الناس خليك مؤدب

سليم بضحك : الناس دي كلها عرفت انك بقيتي حلالي بقيتي بتعتي وليه انا وبس بقولي ايه ما تيجي نطلع بقي كفايه كده 

لين بضحك : نطلع فين وكفايه ايه بس هو الفرح لسه بداء

سليم : كفايه عليهم طب تعرفي بقي اني من ساعه ما شوفتك جيه عليه وانا ندمت اني عملت فرح 

لين بزعل : ليه وحشه 

سليم ببتسامه ونظرت حب : وحشه مين دا انتي اميره حوريه من حور الجنه انا زعلت من كل العيون العمله تبص عليك انا مش عاوز حد يشوفك غيري انا وبس دا انا كان نفسي اضرب كل الموجودين ال عملين يبصه عليكي وقولهم غمضه عنيكم دي بتعتي حبيبتي انا

لين ببتسامه : يااااا انت بتحبني لدرجه دي يا سليم 

سليم بفرحه : انا النهارده بس يا لين حسيت اني املك كل حاجه حلوه في الدنيا و مش عاوز حاجه تاني منها انا مش عاوز غيرك انتي يا حبيبتي 

عواطف وهي قعده مع سلوي علي تربيزه واحده ومعهم بعض قريبهم 

عواطف بصوة واطي وغيظ : شوفتي الواد حضنها ازي زي ما يكون خايف تهرب منه 

سلوي بهدوء : معلش اصبري هانت سبيه يتبسط يومين دول وهنرجعه قريب تاني لحضنك 

عواطف بغضب : دا وخدها ومسافر ياختي هيبعد عني شهر بحاله لا و جي يقولي امبارح بليل عشان معرفش اكلم ولا متسافرش شهر يا سلوي سليم المكنش بيرضي يسافر مع اصحابه يومين ويبعد عني دلوقتي عاوز يبعد شهر 

سلوي بخبث : وهو احنا هنسيبها تتهني شهر برده 

عواطف : هنعمل ايه ياختي في ايدي ايه اعمله

سلوي بضحكه شر : دا انتي في ايدك كتير اوي بس سبيه يتبسطله يومين وانا هرجعه جري لحضنك

تعالو نبعد عن التربيزه الشريره دي ونروح لمني وفؤاد 

مني وعينها فيها دموع فرح : شايفه يا ماما لين حلوه ازي النهارده والفرحه باينه في عينها 

الجده ببتسامه : سمي الله يا مني احسن تحسديها يا حبيبتي ربنا يحميها ويحرسها ويسعدها ويكملها علي خير 

ايمان : ماشاء الله عليها زي القمر يا ابله مني وسليم كمان الاتنين شكلهم حلو اوي وليقين علي بعض 

مني : فعلا يا ايمان الاتنين حلوين اوي مع بعض 

سناء: ربنا يتم عليهم يخير يارب ويكمل فرحتهم 

مني: يارب يا سناء وعقبال رامي ورشا يا حبيبتي 

سناء : يارب يا مني

فؤاد ساكت وعينه مش سيبه لين وعمل يبص ليها وفيه لمحه حزن فيهم 

فريد : مالك يا فؤاد سكت ليه كده 

فؤاد: مش عارف يا فريد هروح البيت ازي ولين مش هناك فيه 

فريد ببتسامه : دي سنه الحياه يا فواد وانت جوزت سيلا قبل كده وجربت بعدها 

فؤاد : ما وجود لين هو الصبرني علي بعد سيلا لكن الاتنين هيروحه مع اجوزهم والبيت فضي عليه انا ومني 

فريد : متزعلش انت خد راحه السنه دي وجدد شبابك مع مني قبل ما احفادك ما يجي ويملي البيت وساعتها هتنس بناتك لما تشوفهم طيب عارف انا ريهام كانت وحشاني اوي ويوم ما جيت ومعها يوسف ابنها والله نسيت اسلم عليها ودلوقتي هو الوحشني اكتر منها وعاوزهم ينزله عشانه هو ان شاله يسبيه معايه ويسافره هم برحتهم 

فؤاد يبتسم : عقبال لما تشوف احفاد رامي ورشا

فريد : نفسي يا فؤاد والله نفسي اجوز رامي وطمن عليه 

فؤاد : ان شاء الله ربنا يبعتله بنت الحلال التسعده 

فاروق يقرب علي فايز وبصوة واطي : فايز هي مراتك قعده مع ام سليم من ساعه ما جينا وبيقوله ايه 

فايز : مش عارف يا فاروق يا خويه بس كل الاقدر اقوله ان في مصيبه اكيد ربنا يستر

فاروق يضحك : يعجيبني فيك انك عارف حقيقه مراتك 

فايز بتنهيده : دي مش حقيقه دي كابوس يا خويه وعايش فيه بعيد عنك

ويضحك فاروق بكل صوته 

ويفضل الفرح ل نص اليل وكله رقص وغنا وينتهي ويسلم سليم ولين علي اهلهم و منير انقذ سليم من ايد عواطف ال مكنتش عاوزه تسيبه 😂 وعاوزه تطلع معه عشان تطمن عليه بس اخير قدره ياخدها ويمشو 

سليم ولين يطلعه جناحهم وتدخل لين وهي خايفه جدا وعمله تفرك في ايدها 

سليم يقرب منها وهي حطه وشها في الارض ويمسك ايدها الاتنين ويرفعها ويبوسهم وهو باصص لعينها بس لين تشدهم بسرعه منه وتبعد عنه 

لين بكثوف : انا عاوزه ادخل غير هدومي 

سليم يبتسم علي كثوفها : طيب يا حبيبتي ادخلي وتؤضي كمان عشان اصلي بيكي 

فتدخل لين بسرعه وتقفل عليها وتقد علي السرير وقلبها عمل يدق وشويه وسليم خبط الباب 

لين بخضه : ايوه 

سليم : خلصتي حبيبتي عاوز اغير انا كمان 

لين : هاااا غير عندك انا مخلصتش

سليم يضحك : مهي هدومي عندك يا قلبي 

لين تبص جمبها تلقي بيجامه سليم فتاخده وتفتح الباب شويه صغيره وتمد ايدها بل بيجامه بس سليم يشد ايدها وتلقي نفسها في حضنه 

سليم يرفع وشها بايده : امممم انتي خايفه مني

لين تهز راسها بلا بس من جوها مرعبه وهو حاسس بيه 

سليم ببتسامه : امل مغيرتيش ليه لحد دلوقتي 

لين : كنت هغير بس انت خبطت 

سليم بصص لشفيفها وهي بيتكلم فيقرب منها عشان يبوسها بس لين خبت وشها في صدره واتكثفت 

لين : عاوزه اغير الفستان عشان نصلي 

سليم يضحك : طيب هسيبك بس غيري بسرعه عشان نصلي وناكل لاني جعان اوي 

فتهز راسها بلموفقه من غير وال كلمه واول ما يسبها تدخل بسرعه وتقفل عليها تاني وتدخل تاخد شور وتخرج تلقي القميص ال سيلا حضرته وال مفروض تلبسه كان قميص ابيض خفيف اوي و قصير جدا وفتحت صدر كبيره 

لين بغيظ : ماشي يا سيلا بقي دا لبس تحضريه عاوزه يقول عليه مش مؤدبه 

فمرديتش تلبسه وحاولت تلبس حاجه تانيه بس ملقيتش غير قميص واحد كمان فقررت تلبسه هو كان قميص طويل ومجسم علي جسمها حمالات رفيعه وبفتح كبيره بس لبست عليه روب حرير وخدد اشارب كبير معها عشان تصلي 

واول خرجت سليم اخد ايدها من غير ما يتكلم ووقفها ووقف قدمها وصلي بيها و بعد ماخلص صلي حط ايده علي جبينه و قال الحديث (للهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه)

وبعض ما خلص الدعاء رفع راسها بايده وباسها من جبينها وقرب منها و شال الاشارب من علي شعرها فيتفرد كله علي وشها وظهرها فيمد ايده ويبعد شعرها عن عنيها بنظره كلها شوق ولهفه ويقرب عشان يبوسها بس قبل ما يلمس شفايفها تقوم لين وقف بسرعه 

لين بارتبك :انا جعانه اوي 

سليم يتنهد ويبتسم : اهربي يا لين اهربي بس هتروحي مني فين ( ويمسك ايدها) تعالي ناكل 

واخده من ايدها ورح مكان الاكل ولسه بتقعد رح شدها ومقعدها علي رجله 

سليم ببتسامه : مسكتك مافيش هروب تاني 

لين بكثوف : سليم عاوزه اكل الله 

سليم بضحك : ما هناكل يا قلبي حاضر 

لين تحاول تقوم بس مسكها كويس 

لين : جعانه يا سليم سيبني بقي 

سليم : لا يا قلبي مش هسيبك ابدا وبعدين انا هاكلك بايدي وانت في حضني كده 

وياخد معلقه رز وياكلها بس في رز يفضل علي شفيفها فترفع ايدها عشان تمسحه بس يسباقها هو ويروح بايسها وياكل الرز من علي شفيفها وكانت بوسه رقيه وهاديه 

فوشها يحمر اوي وتبص في الارض 

سليم ببتسامه ولهفه وحب : الله تصدقي الاكل كده طعمه حلو اوي انا مش هاكل غير بطريقه دي بعد كده ويفضل سليم ياكلها وياكل هو بطريقته الخاصه  🙈 وبعد فتره وبانفاس متقطعه رح رفعها بين ايده ودخل بيها لاوضتهم الخاصه ليبده حياتهم الجديده بحب ولهفه وهنا تسكت شهرزاد عن الكلام المباح ويبداء سليم ولين دنيتهم 

و الصبح

تصحي لين تلقي نفسها نايمه في حضن سليم ف تبتسم وتقوم بشويش ومن غير ما يحس تخرج من بين ايده وتتسحب وتدخل تاخد شور وتخلص وتلبس البرنص وتخرج بس تلقي ال بيشلها بين ايده وبيرفعها من علي الارض 

لين بخضه : سليم هقع نزلني 

سليم : لا مش هنزلك عقاب ليكي 

لين بستغرب : عقاب ليه بقي انا عملت ايه 

سليم : عشان قومتي من حضني وتسبيني لوحدي نايم 

لين تبتسم : قمت اخد شور 

سليم : ودي جريمه اكبر ازي تاخدي شور من غيري 

لين تكثف وتخبي وشها في حضنه وتضربه علي كتفه : قليل الادب

سليم بضحك عال : بقي كده طب تعالي ابقي 

ونسيبهم برحتهم شويه 😂 ونرح المنصوره 

في بيت سليم قعده عواطف وربطه راسها زي الست المطلقه وعمله تعيط وسلوي قعده معها 

عواطف بعيط : اول مره مش انا الهصحيه وافطره

سلوي : يام سليم بطلي عياط و سبيه شويه بس يتبسط وهيرجعلك تاني

عواطف : مش هقدر يا ام سالم دا انا مش قادره ابعد عنه يوم واحد هبعد عنه شهر دا انا هموت فيها ياختي 

سلوي : اصبري بس انتي الاسبوع دا يكون ابو البت وامها سافرو ونتصل عليه نقوله انك عيانه وهو هيحي يجري 

عواطف بضيق : وانا مالي ومال ابوه وامها انا عاوزه ابني دلوقتي 

سلوي : يام سليم متبوظيش كل حاجه بنعمله كده لو رجعت دلوقتي هتصعب علي الكل واولهم ابنك وهتبان هي الكويس الرجعت من اول يوم عشان امه تعبانه لكن لو بعد اسبوع يبقي تعبتي فجاه ولازم يرجعو وتبقي هي اتفسحت يومين 

عواطف : الهي ما تلحق تتفسح ولا تفرح بق انا ربي وكبر وتيجي هي تاخده كده من حضني

سلوي : هيرجع يا حبيبتي بس اصبري انتي 

وفي بيت الجده والكل قعد علي الغدا 

الجده : مالك يا فؤاد مبتاكلش ليه 

فؤاد : باكل يا ماما تسلم ايدك

مني : هي سلوي فين مشفتهاش النهارده 

الجده بضيق : ال رحت تطمن علي ام سليم مش عارفه ايه الحب ال مابنهم دا كله 

ايمان : والله انا كمان مستغربه اوي طول اليوم امبارح في الفرح قعدين سوا وبيتكلمه 

الجده : ربنا يهدي اقول ايه بس

فؤاد : اخبار الشركه ايه يا امير 

امير : الحمد الله يا عمي بس محتاج حضرتك تيجي تشوف شويه حاجات وتقولي رائيك 

فؤاد : انا ناوي اجي معك بكرا ان شاء الله وكمان عاوزك تشوفلي حتت ارض تكون مساحتها كويس في ال مناطق الجديده 

امير : حضرتك عاوز تعملها فيها حاجه معينه يا عمي 

فؤاد : ايوه عاوز ابني فيلا تلات ادور ليه وللبنات

امير : طيب ما نشوف حاجه جهزه في التجمع الجديد 

فؤاد : لا انا حبب ابنيها علي مزاجي 

امير ببتسامه : حاضر يا عمي هشوف لحضرتك 

فاروق : انت هتسافر امتي يا فؤاد

فؤاد : كمان اربع ايام عندي شغل كتير وبقالي فتره غايب وسيب الحمل علي حامد و طلال ابنه 

مني : والله انا ما جيلي قلبي امشي وسيب سيلا وهي حامل ولين تيجي ومتلقينيش 

سناء : طيب ما تخليكي انتي يا مني

فؤاد ببتسامه : كده برده يا سناء بقي تيجي منك انتي يعني يرضيكي تسيبني لوحدي 

سناء بضحك : لا ميرضنيش يا فؤاد معلش بقي فاتتني دي 

مني ببتسامه : مش هوصكي علي البنات يا سناء وانتي يا ايمان اساله عليهم علي طول وخلي بالكم من سيلا وموعيد الدكتور واكلها 

ايمان : متقلقيش يا مني سافري وطمني عليهم

و بعد اسبوع في تركيا ولين وسليم كانو في منتهي السعاده والحب لحد ما جي اتصال لسليم ان مامته تعبانه اوي ولازم ينزل وفعلا يحجز بسرعه عشان ينزلو ويستقبلهم امير في المطار بعد ما لين كلمته وطلبت منه يقبلهم ويروح علي المنصوره 

و اول ما يوصل ينزل سليم من العربيه بسرعه ويسيب لين ويدخل بيتهم ولين تقف قدم البيت متعرفش تعمل ايه حست ان قلبها انقبض وخافت وامير حس بيها رح مقرب منها وحطط ايده علي كتفها 

امير : مالك يا حبيبتي 

لين بخوف : مش عارفه يا امير خوفت كده مره واحده 

امير ببتسامه : طبيعي يا لين عشان حياه جديده بيبقي ليها رهبه في الاول لكن بعد شويه هتاخدي عليها ومش هتقدري تستغني عنها ابدا 

لين تبتسم : طيب انا عاوزه ادخل اسلم علي ناناه وعمامي والبنات 

امير ببتسامه وهدوء : انا من رائي تدخلي تطمني علي حماتك الاول وبعدين روحي لناناه 

لين بضيق : عندك حق بس مكثوفه ادخل لوحدي وسليم دخل وسيبني 

امير بضيق يحاول يدريه : معلش يا لين سليم قلقان علي مامته شكلها تعبان اوي وبعدين خايفه من ايه دا بقي بيتك خالص يا حبيبتي ( ويحضن وشها بايده الاتنين) بس اقولك تعالي ادخلك انا واطمن عليها معكي

لين تبتسم ليه بحب ويمشه عشان يدخله البيت وامير حطط ايده علي كتفها ويضحك 

لين بستغراب : بتضحك ليه 

امير بضحك : اصلي افتكرتك اول يوم في المدرسه كنتي برده خايفه كده وبتعيطي ومسكتيش غير وانا برده مدخلك الكلاس بتعك بنفسي ومردتيش حد يدخلك غيري 

لين تبتسم وتحط راسها علي كتفه : دايما انت اماني لما بكون خايفه ربنا يخليك ليه يا ميرو 

ويدخله البيت و تستقبلهم شروق وطبعا تحضن لين اوي 

شروق بفرحه : حمدالله علي سلامتك يا عروسه نورتي البيت

لين : الله يسلامك يا روقه

شروق ببتسامه : اهلا ازيك يا بشمهندس امير اتفضل 

امير : متشكر اوي الولده عمله ايه 

شروق متعرفش ترد فهي عارفه انها لعبه من مامتها وانها مش تعبانه ولا حاجه 

شروق ببتسامه : الحمد الله الضغط بس كان عالي شويه بس دلوقتي احسن بكتير 

لين بخوف : هو انا ممكن ادخل اطمن عليها يا شروق 

شروق بضحك : ايه يا بنتي الادب دا ادخلي طبعا مكان ما تحبي دا بقي بيتك خالص 

امير ببتسامه : طيب يا لين انا همشي انا وهبقي اتصل اطمن عليكي 

لين تمسك في ايده زي الاطفال وعنيها تدمع فيضحك ويضمها لحضنه اوي اوي 

امير ببتسامه وهو ماسك ايدها : خد يا انسه شروق استلمي لين وتسلميها لسليم يدا بيد 

فيضحكه و تسلم لين علي امير ويمشي بس اول ما يديها ظهره معلم الضيق من سليم تظهر عليه 

شروق : مالك يا لين خايفه ليه كده 

لين : مش عارفه يا شروق خوفت مره واحده 

شروق تمسك ايدها : طيب تعالي يا حبيبتي سلمي وطلعي ارتاحي شكلك تعبانه من السفر

ويدخله الاوضه عند عواطف ولين مسكه في ايد شروق وسليم كان قعد في حضن مامته ال عمله تكلمه وتضحك بس اول ما شاف لين وحس بخوفها قام بسرعه رحلها

سليم ببتسامه : تعالي يا حبيبتي معلش دخلت وسبتك كنت قلقان علي ماما اوي 

لين وهي بتبص ليه وتبتسم : وال يهمك يا حبيبي

وتبص لعواطف وهي خايفه تقرب منها 

لين : ازي حضرتك يا طنط الف سلامه

عواطف بضيق بتحاول تدريه : الله يسلامك يا لين معلش قطعنا عليكي شهر العسل متزعليش

لين تبتسم وتروح تبوسها من راسها : المهم صحتك يا طنط

وتبص لمروه الوقفه ومربعه ايدها ومكشره 

لين : ازيك يا مروه 

مروه بضيق ورخمه : كويسه 

وطبعا الرد داكثف لين بس ابتسمت وبصت في الارض و سليم وشروق اضايقه وبصه لمروه بغيظ وضيق 

عواطف : تعالي يا حبيبتي اقعدي وقفه ليه 

وياخدها سليم ويقعدها علي الكرسي ويقعد علي ايد الكرسي جمبها وايده علي كتفها وحضنها ودا يضايق عواطف جدا

عواطف بغيظ : ايه يا سليم مالك كاتم علي نفسها كده تعال اقعد جمبي هنا وسيبها تعقد برحتها علي الكرسي 

سليم يبصلها ويضحك ويقوم يقعد جمب مامته بس شروق تروح تعقد مكانه علي ايد الكرسي جمبها ويفضله يكلمه ولين كان كل كلامها مع شروق ال بتحاول تخفف عنها وتحسسه بلاهتمام لان سليم كان قعد يسمع مامته ال بتكلم بصوة واطي هي ومروه عشان متسمعهمش لين وهو قعد يضحك معهم بس وبعد اكتر من ساعه 

لين ببتسامه : سليم لو سمحت كنت عاوزه اطلع اغير هدومي واتوضا وصلي 

سليم : حاضر يا حبيبتي يلا نطلع 

عواطف تمس ايده بسرعه : استني يا سليم كنت عاوزه اقولك حاجه مهمه( وتبص للين برخمه) معلش يا لين خمسه كده وهيطلعلك اطلعي انتي ارتاحي وبعدين متكثفيش بقي كده دا بقي بيتك اتحركي برحتك فيه وطلعي معها يا شروق لحد ما تبطل كثوف

وطبعا شروق اضيقت جدا من مامتها وسليم ولين قامت وقفت وابتسمت و حاولت تتعامل عادي هي عارفه انها محتاجه وقت ل تعرف تكسب عواطف ودا كان تفكير لين

وتطلع هي و شروق لشقته ال تدخلها لاول مره بعد جوزها بس لوحدها 

شروق ببتسامه : معلش يا لينو متزعليش انتي عارفه ان سليم وحشها واكيد هيطمن عليها ويطلع علي طول 

لين بهدوء : مش زعلانه يا روقه ولا حاجه وبعدين ما انتي معايه اهو

ويدخله الاوضه بتعتها ويفضله يتكلمه وهم بيفضي الشنط ولين بتحكلها علي الايام ال قضها في تركيا وقد ايه كانت جميله 

شروق : يا بختك يا لينو ومشفتيش مهند وانتي هناك 

لين بضحك : هو لو كنت شوفته كنت رجعت مع اخوكي 

ويضحكه الاتنين وشويه والباب يخبط 

شروق : دا اكيد سليم خليكي انتي وانا هفتح وانزل 

لين : لا خليكي قعده معنا 

شروق ببتسامه : لا يا ستي ارتاحو شويه ونسهر بليل واشوف كل الصور بتعتكم في تركيا 

وتخرج شروق وتفتح لسليم واول ما تفتحه تاخد سليم علي الباب من بره عشان لين متسمعش 

شروق بضيق : ايه يا سليم العملته دا 

سليم بستغرب : في ايه يا شروق عملت ايه 

شروق : انت بتسأل يا سليم يعني تسيب لين وقفه في الشارع وتدخل تجري واخوها امير اليدخلها وكمان تسيبها تطلع وتدخل شقتها لاول مره لوحدها من غيرك 

سليم حس بغلطه : فعلا عندك حق انا غلطان بس والله غصب عني مروه خوفتني وقالت ماما تعبانه والدكتور قال هينقلها المستشفي وكلام كتير قلقني 

شروق بغيظ : هو انت يعني مفهمتش ان دا كله لعبه وتمثيل عشان ترجع وينكده علي البت الغلبانه الجوه دي 

سليم : لا طبعا وانا اعرف منين انهم بيمثله بس يا شروق انا قلقت عليها دي اول مره ابعد عنكم فكل الافكار والوحشه جت في دماغي

شروق : سليم لين بتحبك اوعي تخسر الحب دا واوعي تيجي عليها عشان ترضي ماما انت لو خسرت حب لين 

وقبل ما تكمل سليم يقطع كلامها 

سليم بضيق : مافيش لو يا شروق لين بقيت مراتي ومستحيل نبعد عن بعض ويلا وانزلي بقي و سبيني ادخل اصالحها

ويدخل سليم للين ويلقيها وقفها ورا الشباك وبتبص علي بيت جددتها فيجي من ورها ويضمها من وسطها ويحط راسه جمب راسها ويشوشها في ودانها 

سليم : بتبصي علي ايه 

لين : علي بيتنا اصل ناناه وحشتني اوي 

سليم وهو بيبصها من رقبتها : وانتي وحشتيني انا اووووي 

لين : يا سلام دا انت نسيتني من اول ما وصلنا 

سليم يلفها ليه وهو ضممها لحضنه اوي 

سليم : ايه دا دي حبيبتي زعلانه مني بقي

لين وهي تحط راسها علي صدره : كنت خايفه ومحتاجك تطمني وتكون معايه وانا بدخل البيت لاول مره 

سليم ببتسامه : تصدقي دا انا طلعت وحش اووي ولازم اصالحك حالا 

( ويقرب منها عشان يبوسها بس هي تبعد عنه) 

لين بكثوف : عاوز تصالحني ننزل نسلم علي ناناه 

فيقرب منها تاني ويضمها ويرفع راسها ليه ويبوسها بشويش

سليم : طيب يا حبيبتي نرتاح شويه وننزل ونسهر معها اصل انتي وحشتيني اوي 

ويبوسها بوسه طويله يقطعها جرس الباب 

سليم ينفخ : هو احنا ايه الرجعنا 

لين تضحك : انت يا حبيبي يلا روح افتح

سليم وهو بيقرب تاني منها : سيبك هيقولي نايمين ولسه هيبوسها تاني رح الباب مخبط اكتر 

سليم بضيق : اوووف مافيش فايضه لازم افتح بس استني رجعلك علي طول 

ويخرج سليم يفتح يلقي مروه 

سليم بغيظ : خير يا ازعاج عاوزه ايه 

مروه بضيق : ازعاج متشكره اوي انا غلطانه اني طلعت ماما بتقولك انزل اتغدا 

سليم : مش جعانين متشكرين ياختي هنام ولما نصحي هنبقي ناكل 

مروه برخمه : ماما لازم تاخد الدواء ومينفعش تاخده من غير اكل 

لين تخرج في الوقت دا وتسمع مروه 

سليم بغيظ : ما تتغدو انتم وماما تاخد الدواء انا مش جعان 

مروه تبص للين برخمه : اصل ماما حلفت مش هتاكل غير معك انت يعني لازم تنزل حالا وال انت عاوزها متاكلش ومتاخدش الدواء (وتمشي خطوتين وترجع تبص ليهم تاني) اقولها انك نازل يا سليم ولا انك مش جعان 

سليم يبصلها بضيق : غوري نزل وركي اهو 

مروه تبصله وتضحك بنتصر و لين تبص لسليم و تسكت وهو يروح عندها 

سليم : انا اسف يا حبيبتي انتي عارفه انها تعبانه بصي احنا ننزل نتغدا معهم عشان ماما تاخد الدواء وبعد الغدا نروح لناناه نسلم عليها زي ما وعدتك اتفقنا 

لين تبتسم وتهز راسها بلموافقه ويدخله يغيره هدومهم وينزله 

ويدخل سليم وهو مسك لين من وسطها ولين كانت لبسه برموده بيضه و بدي احمر كب عليه ومسك جاكت جينز في ايدها وشعرها نزل علي ظهرها وحطه ميكب رقيق فكنت جميله اوي وعواطف اول ما تشوفه وتشوف لبسها ومسكت سليم ليها تضايق وتقوم رحه لعنده 

عواطف ببتسامه : تعال يا حبيبي دا انت وحشتني اوي 

وتشده من ايده فيبعد عن لين بس يمسك ايدها و عواطف بتشده ويشدها معها 

سليم : قومتي ليه من علي السرير يا ماما هتتعبي كده 

عواطف : انا روحي رجعتلي لما رجعت يا حبيبي اوعي تبعد عني تاني 

ويعقده علي السفره بس لين تفضل وقفها ومش عارفه تعقد فين. فسليم قام خدها وقعدها جمبه 

وبعد الغدا ال لين مكالتش فيه اي حاجه وعواطف قعده تكلم وتاكل سليم بايدها في بؤه زي الاطفال وشروق هي ال كل شويه تكلم لين وتحاول تاكلها

شروق كانت مضايقه من سليم جدا لانه مهتمش بلين علي الاكل وهي مكلتش و حست انه سلبي وسايب لين وبيساعد لعواطف في حركاتها عشان تضايقها 

وبعد الغدا قعده كتير وسليم عمل يرغي مع مامته ويضحك والوقت بداء يتاخر ولين مستنيه سليم ياخدها لبيت جددتها بس لقيته قعد وناسي

لين : سليم مش هنروح نسلم علي ناناه زي ما قولتلي 

سليم ببتسامه : ايوه يا حبيبي هنروح يلا بينا 

ويقوم يقف بس عواطف تقف بسرعه جمبه 

عواطف وهي مسكه في ايده : هتروح فين لا انت لسه رجع من السفر و انامشبعتش منك انت مش هتخرج النهارده خليك معايه هنا 

سليم يبص لمامته ويبص لين ال وقفه وبتص لعينه 

تفتكره سليم هيتصرف ازي وهو شايف امه مسكه ايده ولين وقفه وشايف الحزن في عينها لو انتم مكان سليم هتتصرفه ازاي وايه بناتي حياتي 

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا