نوفيلا العزيز ونعش ابوى الفصل الرابع 4 بقلم شيماء طارق حصريه في مدونة قصر الروايات
نوفيلا العزيز ونعش ابوى الفصل الرابع 4 بقلم شيماء طارق حصريه في مدونة قصر الروايات
عزيز عينيه احمرت من الغضب وهو بيفكر هو مين اللي ممكن يكون بيعمل كده معاه خالد بس هو هدده كتير واكيد خالد مش هيكون عنده جراة
ان هو يدخل القصر لان القصر بقى متامن من كل مكان ان حد غريب يدخل القصر هو ماسك الرساله
الجد في اللحظه دي قال:
فيه إيه؟ مالك يا ولد
عزيز بعصبيه :نصيبه يا جدي؟!!!!!
الجد: إيه اللي صار يا ولدي قلقتني؟!
عزيز (بيقف قدامه، بنبرته ناريه قال): انا تعبت قوي يا جدي كل ما الاقي خيط اوصل بيه الحقيقه موت بت ومرتي كل حاجه تتوه من ايدي
الغدر يا جدي حواليا وبيجيلي من اقرب الناس ليا
وكل مره اسال نفسي ليه بيسووا ويايا اكده؟ ملاقيش جواب لاسئلتي يا جدي قل لي اسوي إيه في اللي انا فيه ؟؟؟
الجد ( بيحاول يهديه وبعدم اقتناعه بيقول له): انا خابر يا ولدي ان في عداوة كبيره بينك وبين ولد عمك بس اكيد هو مش هيسوي وياك حاجه كيف اللي انت بتقولها دي يا ولدي
لأ يا عزيز، لأ… مش معقول الدم عمره ما هيبقى ميه يا ولدي ؟؟!
عزيز (بيصرخ ):
بس أنا متأكد ان هو ليه يد في كل حاجه حصلت ! اللي نهى على حياة مرتي وبنتي مش حد غريب يا جدي ده مننا، من العيلة اللي بقوا متفرقين في كل مكان اللي كنا بناكل زمان مع بعض في طبق واحد وكنا كيف الاخوات دلوقت بناكل في بعض وبيتعمل مؤامرات علشان يخلصوا مني وانت خابر اللي ولد ولدك حاولي يموتني قبل اكده كذا مره؟!
الجد (بيسكت شويه وبعد كده بيقوله): خابر يا ولدي ان هو بيكرهك وبيحقد عليك وبيغير منك
أنا خابر لأنك ناجح؟! بس القتل؟ صعب أصدق إن حفيدي يسوي في اللي منه اكده !
عزيز (بيقرب خطوة، وعينه ف عين الجد): انا مش رايدك تصدق بس في حاجه حضرتك خبيرها مليح ان سليم اختفى في نفس الوقت اللي ماتت فيه بنتي ومرتي وسافر بره وبعد اكده عرفنا اللي هو اهنا في البلد ما سافرش وفي كذا شريك لي بعد ما مسكته قالوا على كل حاجه
اعترفوا عليها وقالوا ان هو اللي سوى كل حاجه اجيبلك اثبات ثاني من وين يا جدي؟
الجد (بنبرة ضعيفة): يا ولدي ربنا يعلم احنا ما نعلمش الغيب لو ليك حق عند ولد عمك انا هقف وياك ومش ههملك واصل ؟!
عزيز (بحسم): انا كل ريدو منك يا جدي انك تهملني اكشف المستخبي وكل واحد لازما ياخد نصيبه وياخذ على قد عمله وانا لو عملت حاجه وحشه ما عنديش مشكله انا هتعاقب عليها بس لو لي حق لازما يرجعلي ومش ههمله واصل؟! جه الوقت اللي نفتح الدفاتر ونكشف المستخبي
انت فاهم يا جدي يعني إيه دلوقت بيراقبه مرتي الثانيه وبيعرف يدخل القصر يعني تقى دلوقت حياتها في خطر بسببي ولو النسل ده وسخ يبقى انا اللي هقطعه وبيدي؟؟؟
الجد بحزن: ربنا يا ابني يكشف الحقيقه ويسترها ويطلع ولد ولدي مظلوم مش علشان هو مليح علشان خايف عليك أنت يا ولدي لأنك اقرب واحد ليا واعز واحد لقلبي من احفادي ربنا يستر وتقى اكيد مش هيحصل لها اي مكروة ما تخافش عليها احنا وياها ومش هنهملها واصل ويا ريت ما تخليهاش تخرج من القصر؟!
عزيز وهو بيبص لجد بحزن: ما هو ده اللي هيحصل يا جدي انا مش خابر ليه بيحصل لي اكده البت دي امانه وابوها امني عليها من ولد عمها دلوقت بقى التهديد من ناحيتين استرها يا رب؟!
الجد ان شاء الله ربنا هيسترها يا ولدي ارمي حملك كله على اللي خلقك ما فيش احن منه؟!
اما عند تقى كانت زهقانه جداً وطلعت تتمشى في الجنينه وعزيز في الوقت ده كان في المكتب فجأة ظهر قدامها حد من ورا الشجرة اللي في الجنينه اول ما شافته انزغفت وكانت هتصرخ
وهي ماشية... فجأة حط ايديه على بقها وكان ماسك ايديها وده هو خالد ابن عمها.
خالد وشه مليان بالغل وعنيه ما فيهاش ريحه الرحمه .
خالد (بصوت خشن): فاكره وجودك اهنا امان ليكي يا بت عمي انتي فاجرة وانا لازم اغسل اعار بيدي و كيف ما قلتلك قبل سابق لو ما بقتيش ليا مش هتكوني لحد غيري لاني انا المفروض كنت اولى واحد بيكي مش اي راجل ثاني!
تقى (وقفة ومش قادرة تتحرك، صوتها بيرتجف):
ابعد عني يا خالد... أنا متجوزة، وأبويا هو اللي كان رايد الجوازه دي اتقي الله انا بت عمك اعمل حساب لعضم التربه هملني لحالي بقى انا بقيت في عصمه راجل!
خالد (بيضحك بس بشكل شرير): انتي بتتحدتي على الحوار اللي عمله عليا عزيز انا خابر ان هي لعبه لعبتوها عليا علشان اهملك!
ومش انا اللي يتلعب بيا يا بت حسن!
(بيروح شاددها من دراعها بقوة، وهي بتحاول تفلت منه،بيحذفها في الارض هو بيجرحها بالاله الحادة في ايديها )
تقى بتقع على الارض ، بتصرخ، واثار الجرح نزل من ايديها جرح بسيط بس هو بيروح شديدها تاني وبيحط الاله الحادة على رقبتها .
خالد (بضحكه جنونيه وهو ماسك تقى بعشق وكره في نفس الوقت وبيقول): مفيش حد ينفع ياخد غيري انتي بتاعه خالد وبس!
تقى بتصوت بصوت عالي وهي خايفه مرعوبه من خالد اللي بقى شكله مجنون جداً في الوقت ده
"عزيز" خارج من مكتبه، حاسس إن في حاجة غلط،صوت تقى كان عالي جداً جري اتجاة الصوت واقرب من الجنينه وشاف المنظر قدامه
خالد ماسك تقى من ضهرها وحاطط الاله لحد على رقبتها وبيبتدي يغرسها وتقى دموعها نازله واول ما شافت عزيز انهارت وقالت
تقى: يا عزيزي الحقني خالد هيموتني يا عزيز ما تهمنيش بالله عليك؟!
عزيز (بصرخة رجولة، وهو بيجري):
خالدددددد!! لو اذيتها مش هخلي الناس يلحق ويترحموا عليك هدفنك حي يا ولد مرعي!
خالد اتفاجئ، لكن ما وقفش... بيحاول ينزل بالاله الحادة ناحية وشها، وهي بتصرخ وتقفل عينيها وبتستسلم للأمر الواقع.
عزيز بيزق خالد بكل قوته، ورماه في الارض والاله الحادة وقعت منه.
عزيز اتعور في إيده، لكن ماسابهوش، لحد ما خالد قام من مكانه وكان بيحاول يهرب وبيجري بره القصر بس الحرس مسكوه .
عزيز وهو بيامر الحرس: خد الكلب ده ارموه في المخزن ما تهملهوش واصل وما فيش حد يحط له ولا ميه ولا وكل!
فعلا الحرس خدوه ورموه في المخزن بس عزيز كان في جرح في ايديه وتقى برده كانت متعورة في رقبتها بس جرح كان صغير بس الجرح اللي في ايديها كان باين عليه كبير شويه.
"تقى" قاعدة على الأرض، عينيها مفتوحة ومش مصدقة، ودموعها نازلة، والتعب ظاهر عليها.
عزيز (بينزل جنبها، ماسك إيدها):
انتي مليحه؟ وين اتصبتي ؟فيكي حاجه؟
تقى ( بتبكي بحرقه وبتقوله): كنت هروح فيها يا عزيز…لو ما كنتش جيت دلوقت كنت هروح فيها وكان زمانك بتترحم عليا دلوقت؟!
عزيز (وهو بيبص لها بجنون وخايف عليها وبيقول): انا مش هستحمل فكرة ان انتي تبعد عني لا مش هتروحي مش هخسرك ابدا انا خسرت كتير قبل اكده بس انتي خلاص بقيتي ليا ما ينفعش تبعدي عني؟!
تقى (بصوت واطي واستغراب قالتله): غريبه قوي أنت من ميته وأنت بتقول الحديت ده ليا
يعني… انت خايف عليا؟
عزيز ( وهو بيبص لها بجنون وخوف وحب في نفس الوقت اللي اول مره يحس بيه من بعد موت مراته وبنته حس بحاجه هو ما كانش بيحسها حتى مع مراته): ايوه انا مش رايد ابعد عنك انتي بقيتي ملكي انا لوحدي ما ينفعش حد يجي يمتك او ياذيكي انا هحميكي وما فيش حد هيقدر يقرب منك لانك مرات عزيز الدمنهوري اللي ممكن ياكل اي حد باسنانه لو قرب منك؟؟
تقى (تبص له لأول مرة، لكن بعين مترددة):
أنت كنت دايمًا سايب بيني وبينك مسافة… كنت بتحاول تخلي الأمور رسمية وعمرك ما ظهرت أنك رايدني واصل اشمعنا دلوقت يا ابن الاكابر ؟؟؟؟
عزيز (وهو بيتكلم والحزن مالي قلبه قبل عينيه ): علشان كنت خايف ايوه ما تستغربيش كنت خايف عليكي ليجي الدور عليك زي ما جاء على مراتي وبتي اللي راحوا مني في غمضه عيني ولحد دلوقت حاسس ان انا مقصر وياهم علشان ما جبتش حقهم بس دلوقت مش هقدر اخسر مره ثانيه انا اتظلمت كتير من اقرب الناس ليا ويمكن انا من جوايا خابر ان هم اكيد ليهم يد في كل اللي حصل لي بس مش خابر اوصل لدليل ولا خابر اسوي حاجه لاجلهم ؟!
تقى (بصوت بيترعش):
بس اللي عملته يوم ويا خالد وأما هجمت عليه ما كانش باين عليك انك راجل بتخاف وقلبك كان باين عليه انه كيف الحجر كنت بتسوي كل حاجه بعقلك من يوم ما عرفتك ودخلت دارك؟!
عزيز (بحنان على غير العادة قال): انتي مش فاهمه يا تقى انا شفتك بعينيا وانتي بتنهري قدامي وهو بيحاول يخلص عليكي ما قدرتش استحمل انك تروحي مني انا بقيت وحيد في الدنيا دي وما كنتش رايد حد يدخلها بس خلاص للاسف دخلتيني وبقيتي نقطه ضعف بالنسبه لي ودلوقت الموضوع ما بين ولد عمك وولد عمتي والاثنين اسوا من بعض يعني بقى عندي عدوين انا مش خابر احميكي من مين ولا من مين؟!
تقى (دمعتها تنزل وتتمسحها بسرعة): انا خابره انك تعرف تحميني من كل اللي حواليا انت قدها وانا واثقه فيك من يوم وفاة ابوي وانا رمي الدنيا ورا ظهري لاني كنت متأكدة ان هو سايبني مع حد قد المسؤوليه وانت اكده؟!
عزيز كان شبه عينيها تدمع بس هو راجل قوي جدا ما بيحبش يبين ضعفه قدام اي واحده ست حتى لو كانت مراته رغم ان ايدي متعورة وكان باين عليه ان الجرح بينزف شالها ما بين ايديه وهو بيقولها:
يلا علشان تطلعي جناح بتاعك ومن اهنا ورايح انا هكون وياكي في نفس الجناح؟!
تقى سكتت ودفنت راسها في رقبته وكانت مكسوفه جدآ وكانت باين عليها التعب وبعد كده هو طلع بيها الجناح وحطها على السرير وماسك التليفون واتصل بالدكتورة وخليها جت تكشف على تقى.
بعد دقائق الدكتورة وصلت القصر وكشفت على تقى وقالت لعزيز: الجرح اللي في الرقبه سطح يا عزيز بيه ما فيهوش اي مشكله رايد بس يتغير عليه كل يوم؟! اما اللي في ايديها رايد خياطه بس حاجه بسيطه خمس غرز ؟!
عزيز: تمام يا دكتوره اعمليها لازم واهم حاجه مش رايدها تحس وانتي بتخيطي لها الجرح؟!
الدكتوره وهي بتبص وحست من كلامه ان هو بيحبها ومش قادر يشوفها وهي بتتالم ردت عليه وقالتله:
حاضر من عيني يا عزيز بيه 10 دقائق وكل حاجه هتكون تمام احنا بنرشلها بنج وهي ان شاء الله مش هتحس بحاجه واصل؟!
الدكتوره بدات تطهر الجرح اللي في رقابه تقى وهي بتحط المطهر تقى صرخت وعزيز خاف عليها جداً وقرب منها وقال للدكتورة: في إيه يا دكتورة مالها ليه بتتالم مش قلتلك ما تخليهاش تحس بحاجه انا مش رايدها تتالم واصل؟!
الدكتوره وهي بتبتسم قالت: ما تخافش يا عزيز بيه المطهر لازما يلسع لسعه خفيفه اكده هي ما فيهاش حاجه انا لسه ما بداتش في الخياطه؟!
تقى وهي بتبص لعزيز بحب وفرحانه جداً باهتمامه بيها أول مره حد يهتم بيها بالطريقه دي بس كانت خايفه من جواها ممكن يكون دوت احساسه بالمسؤوليه اتجاهها او ان هو عايش وحيد دلوقتي ومحتاج حد يملا الفراغ اللي في حياته؟!
تقى قالت لعزيز بهدوء :ما تقلقش عليا يا عزيز انا مليحه ما فيش حاجه ما تخافش بس لازما تطهر الجرح اللي في ايدك علشان ما تتعبش ولا يتجرسن؟!
عزيز وهو ملهوف عليها قال :اما اطمن عليكي الأول وبعد اكده ابقى اشوف موضوع الجرح ده ما لكيش صالح بيا انا عندي جروح اغمق من ده بكتير الحاجات السطحيه دي ما بتتعبنيش؟
تقى بخوف وهي بتبص للدكتورة وبتقول يا دكتورة لو سمحتي شوف الجرح اللي في يده ليلتهب او يتلوث؟!
الدكتورة بتبص لها بهدوء وتفاهم قالت: حاضر هخلص وياكي واوعدك اني هنظفله جرحه ما تقلقيش يا حبيبتي؟!
فعلا الدكتورة خلصت لتقى خالص وخيطت لها
ونظفت لعزيز الجرح ولفيت له ايديه ومشيت وعزيز وساب الجناح لتقى علشان ترتاح شويه وراح اوضه المكتب وكان حزين جداً ومتضايق ومش عارف يعمل إيه يا ترى هيعرف هيحمي تقى من أهله ولا من اهلها الموضوع صعب جداً بالنسبه له؟!
بعد دقائق وفريدة خبطت على الباب وهي بتستاذن وبتقول:
يا عزيز بيه ولد عمك سليم بيه بيقول انه رايد يقابل حضرتك علشان امر مهم جداً ؟!
عزيز وهو بيحط صورة مراته وبنته في الدرج وبيقولها باستغراب وصوت حزين: إيه اللي جايبه دلوقت ده
دخّليه… خليني أشوف رايد مني إيه انا خابر ان ما بيجيش من وراه غير النصايب بني ادم غدار ؟؟
فريده بتهز راسها بالموافقه وبعد كده بتدخل سليم اللي كان بيبص لعزيز بعينيه مليانه حقد وغل .
سليم (وهو قاعد قدامه على الكرسي وبيتكلم بتناكه وبكل تكبر قال): أول حاجه مبروك على العروسه الجديدة يا عريس ثاني حاجه جبتلك عرض يا ولد عمي ما كنتش تحلم بيا يلا مش خساره فيك.
المصنع بتاعك؟ أنا أقدر أدخله سوق التصدير في الخليج، وأرجّعله مجده، بس بشرط واحد؟
عزيز (وهو بدا يفهم كل كلمه بيقولها سليم قاله بصوت تقيل ): شرط إيه يا سليم وايه هو اللي يخص المصنع ورايد إيه مني ثاني انت ما بيجيش من وراك غير البلاوي وكمان أنت عرفت من وين إني اتجوزت؟
سليم (ابتسم بتلاعب): ما فيش حد في البلد ما يعرفش انك اتجوزت بت حسن العامل اللي كان شغال عندك في الشركه بس انت اتجوزت جوازه ما تلاقيش بيكي يا ولد عمي البنت دي مش ليك انت ولد عيله وولد ناس ومن الاكابر تتجوز بت عامل بسيط ما يشرفناش ان هي تكون من عيلتنا بعد ما كنت متجوز بت الاكابر وعلى فكرة انا جايه علشان اساعدك تاخد حق مرتك وبتك الله يرحمه عشان بس تعرف الولد عمك جدع؟!
عزيز (يقوم من مكانه، ويقرب منه خطوة خطوة):
مرتي وبتي ايوه اللي ماتوا في حادثه متدبره وانت اختفيت في نفس الوقت اللي ماتت فيها صح يا سليم ومش اكده بس ده كمان كم واحد مين اللي دبره الحادثه جابوا سيرتك بشويه حديت مليح قوي؟!
سليم (بنظرة باردة): انا ما اعرفش حاجه عن موت مرتك ولا بتك ما ليش مصلحه فيهم يا عزيز واي حد بيقولك اي حاجه عايز يوقعنا في بعض لاننا ولاد عم وهم رايدينك ده ان احنا ناكل في بعض
وكمان انا عاوز منك إيه انا ابوي ربنا يخليه ويطول في عمره قسم فلوسه وكله ممتلكاته علي انا و خيتي وهي سافرت عند جوزها ومش رايده ترجع البلد واصل وهو قال هيجي بعد اسبوعين يقضي بقيه عمره مع ابوه لحد ما يموت
رايدك تنسى الماضي انت عندك كل حاجه عندك قصر عندك مصانع واراضي وكل حاجه هم كانوا رايدين يكسروا ظهرك بس بالعكس انت شديت حيلك وبقيت اقوى من الاول وبقيت متجوز دلوقت وتقدر تخلف وتبني عيله من اول وجديد يعني انت ما وقفتش على محطه يا ولد عمي زعلان بقى ليه دلوقت؟؟؟
عزيز (بعين ف تحدي): انت شايف ان بعد موت مرتي وبتي ان انا ممكن ابدا حياتي بطريقه طبيعيه لا طبعا انا مش هستريح غير اما اخذ حقهم والطريق اللي انتم بداتوه بالدم انا هنهيه عند قبوركم واشوف اساميكم على القبر دي الحاجه الوحيده اللي هتريحني وما تحاولش تضحك عليا علشان انا مش معتوق وخابرك ؟!
أنا دفنت مراتي، وبنتي وما تفتكرش يا سليم ان اسكتي ده ضعف بالعكس ده قوة وهتشوفها قريب ان شاء الله بس اللي هيفكر يقرب من تقى هيكون كتب اسمه على قبرة بايديه ؟؟
سليم بيضحك، وقام من الكرسي ومشي اتجاة الباب قال : ما فيش انسان ملهوش نقطه ضعف وكل واحد فاكر نفسه قوي هيجي له يوم وهيوقع فاكر يا ولد عمي وشاركني واخليك وياي ولو فكرت انك تغدر بيا هتشوف وشي التاني وهنسى انك ولد عمي وفي الوقت ده هتعرف ان انا ما بقولش حديت انا بعمل افعال على طول؟؟؟!
وساب الباب وخرج بس كان باين عليها الغدر جداً من لهجته من كلامه وباين عليه ان هو نيته مش سالكه بس عزيز قلبه بقى مليان نار وخوف على تقى اللي بقت جزء كبير جدآ من حياته هو بقى بيخاف عليها اكتر من الاول بس مش علشان ان هي امانه هو كان فاكر كده بس دلوقتي بقى بيخاف عليها لانها مراته
وهو فعلا قلبه حبها زي ما هو حاسس مش قادر يقيم علاقته بيها في الوقت الحالي بس كل اللي هو قادر يعمله انه يحافظ عليهم من اي حد ممكن يقربلها.
وفي اللحظة دي، الباب اتفتح بهدوء وتقى هي اللي كانت داخله لانها زهقت من الاوضه وحبت ان هي تتكلم مع عزيز
تقى: مالك يا عزيز فيك حاجه انت تعبان ولا إيه يدك فيها حاجه ولا لسه تعباك من الجرح بتاع امبارح؟! ليه ما نمتش لحد دلوقت
فريدة قالتلي إنك مش نمت، وإنك واقف اهنا بقالك ساعة الناس كلها نايمه بس انت عينك ما شافتش النوم ؟
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق