سكريبت ثريا وحظابط كامله بقلم سلمى أيمن
سكريبت ثريا وحظابط كامله بقلم سلمى أيمن
_انتي يا انسه يا انسه ياللي قدامي
=اي في اي
_انتي واقفه بالعربيه في نص الطريق مش حطه في حسابك انو في ناس بتسوق غيرك
=كنت هشتري حاجه من سوبر ماركت وهرجع تاني بسرعه
_تروحي موقفه الطريق كله عشان سعدتك تروحي تجيبي حاجه، ما كنتي تركنيها علي جنب، هتخسري حاجه
=ما خلاص حضرتك انت هتعمل حوار علي حاجه مش مستهله، هروح اركنهالك
_انتم اخركم البيت وبالكتير السوق مالكم انتم بالعربيات والحاجات دي طالما مش نافعين فيها
=لااااا.. حضرتك مش عشان سكت مره اعديهالك كل مره والله انسي اللي ورايا كله وافضيلك والم عليك الناس كلهم
_لحظي كلامك كويس معايا لحسن تندمي
=لي يا اخويا تطلع مين ان شاء الله رئيس ايطاليا ولا حد من مشاهير وكلكم في الاخر ولا تحصلو تفتحه كشك
_احتراماً لانك بنت ولأن الدنيا ليلة واهلك اكيد مستنينك انا مش هعمل حاجه واتفضلي حضرتك اركبي عربيتك وروحي
=يا مامي خفت اوي تصدق، والله لولا الناس اللي واقفه وملهاش ذنب اني اعطلها انا مكنتش حليتك انهارده، ماشي
(فتحت باب العربيه وركبت وكان هو شايفها ومستغرب من اللي قلته فقال)
_فعلاً بنات اخر زمن
(العربيه فضلت واقفه زاي ما هيا متحركتش والعربيات بقت تزمر من كتر ما استنو كتير، صبره خلص ونزل من العربيه بنرفزه وراح عندها)
_يعني حضرتك وقفتي من شوية عشان تجيبي حاجه من ام سوبر ماركت واقفه دلوقتي لي هيا لعبه حضرتك
=والله انت اللي معندكش صبر حضرتك ما ناس قعده اهي ومستنيه زاي الفل انت المستعجل اوي
_قدامك 3 دقايق لو متحركتيش بالعربية بتاعتك دي انا...
قاطعته وهيا تقول
= ده انا اللي هخليك متسواش يا حتة راجل ملكش غير في تهزيق النسوان، مش هيكون اسمي ثريا غير لو خليتك فرجه في كل اللي رايح واللي جاي
= امم طب انزليلي من العربيه دي بقا وتعالي معايا
_طب لو راجل جرب تفتح باب العربيه وتنزلني
(فتح باب العربيه بكل برود وقبل ما يستوعب لقه سكينه قدام عينيه بي مسافه بعيده شوية بص ليها وكانت بتبصله بكل تحدي ورغم القلق اللي كان جواها الا انها مابينتش ضعفها أبداً، قال ليها وهو معملش اي ردة فعل)
_انتي متاكده من اللي بتعملي، احسنلك تترجعي علي حاجه انتي مش قدها
=مش هتراجع والخطوه التانيه هتتقسم حتت كده
(وفي لحظه مسك ايديها ولفها وراه ظهرها، وباليد التانيه سحب السكينه وحطها تحت رقبتها وهمس ليها)
_اظاهر انك انتي اللي هتتقطعي حتت قبل ما تستوعبي حته، فا اي رايك يا شاطره تاخدي بعضك بعربيتك اللي شكلها فصلت دي وتشوفي نفسك
بلعت ريقها بقلق، وبصتله وابتسمت
=انا مش عارفه حضرتك انت واخد الموضوع جد لي كده علي فكره بقا انا اجدع انسانه تشوفها في حياتك او اقولك روح عند السوبر ماركت هتلاقي راجل عجوز بي شنب اساله تعرف ثريا المكاوي هيقولك اطيب خلق الله تقابله فا متبقاش قفوش اوي كده
نزل السكينه ورمها علي جنب وقالها
_انا مش فاقي دلوقتي وحرفيا جبتيلي صداع انتي والعربيات اللي عامله تدي صوت صوت لحد ما زمرت في دماغي اتفضلي سوقي العربيه
=استأذنك في حاجه
_اتفضلي حضرتك لما نشوف اخرتها
=ينفع تزق العربيه زقه يعني ربنا يديك الصحه والعافية ويجبر في خاطرك ويفتح طريقك
اتنهد بزهق فقال
_تمام اتفضلي
(ركبت العربيه وقفلت الباب وهو راح وقف وراه العربيه وحطط ايده عليها وقبل ما يزق، العربيه اتحركت بسرعه جداً خليته يقع في الارض وهيا طلعت راسها من الازاز العربيه وقالت)
=ابقي خلي بالك من طريق لأن في ناس بتخطف العيال
وقف في الارض بسرعه وهو باصص ليها بشر وركب عربيته وقال
_ اشوفك بس تاني هخليكي تندمي في اليوم اللي عرفتيني فيه
( رجعت البيت اخيراً دخلت اوضتها وفردت جسمها علي سرير وهيا ماسكه تلفونها، سمعت صوت اللي بيدخل اوضتها وكانت مامتها، قعدت قدمها في سرير فا حضنتها ثريا بحب فا قالت)
_ عامله اي يا ست الكل اخبارك اي
=الحمدلله يا روحي انتي عامله واخبار شغلك اي ماشي تمام
_كله تمام التمام ولا تشغلي دماغك في حاجه
=ربنا يسر امورك دايما يا حبيبتي.. انا جيبلك خبر حلو ممكن يسعدك
_متقوليش خالتي خلفت العيل السادس مش كده
=خالتك مين بس ده حاجه ليكي انتي
_عيد ميلادي لسه فاضل عليه شهرين ناوين تحتفلو بيه بدري ولا اي
= عيد ميلاد اي بس... عارفه جارتنا اللي قدمنا
_ ام فتحي اللي ابنها اتحبس في سجن هو خرج ولا اي وكمان هو ده شئ يخصني في اي
=يابنتي بطلي تقطعيني وسيبيني اكمل كلامي... ام ابراهيم جارتنا فاكره ابنها ابراهيم اللي كان بيجي يلعب معاكي وانتي صغيره ويجبلك..
_لخصي ياما ونبي مالو عم ابراهيم ده
=هو دلوقتي ماشاءلله بقا ظابط قد الدنيا وربنا يوفقه في حياته فا مامته بدوره علي عروسه تناسبه وكده
_عايزاني اساعد مامته يعني اني ادورها علي عروسه طب كنت نفعت نفسي الاول
=بت انتي متحوريش عليا انا عارفه انك فاهمه معني قصدي اي
_والله يا امي حاليا انا ببني نفسي عاوزه اعمل حاجات كتيره نفسي جايه عليها اومال انا جايبه عربيه لي عشان اجوز واركنها ولا هو اللي يستعملها
=طب وفيها اي لو عملتي الاثنين مع بعض
_ والخلفه وصداع العيال وتنظيف البيت 24 ساعه ونبي يا امي انتي عارفه اللي فيها
=والله ينفع وحتي لو مينفعش ليكي مدة خطوبه مش هتقل عن سنه تكوني عملتي فيها كل اللي نفسك فيه بس عشاني وافقي هيجي هو امه ولو مرتحتلهوش خلاص يجي غيرو
_ماشي يا يما بس زاي ما قولتي لو مرتحتش او مستقبلتهوش يبقا خلاص اتفقنا
=اتفقنا
(صباح تاني يوم، نزلت من البيت لشغلها وركبت العربية، وحطت هاند فري في ودنها وشغلت اغاني بصوت عالي وفجاءه وقفت العربيه بسرعه بعد ما شافت انو في قطه مرميه في شارع نزلت من العربيه بسرعه وحاولت تحركها بس سمعت صوت وراها وهو بيقول)
_ يا انسه ياللي حطه العربيه في نص طريق
كانت مش سمعه حاجه بسبب السماعات اللي في ودنها وفضلت بتحاول تقوم القطه، الراجل نزل من العربيه بتاعته بكل عصبيه وراح عندها
_انتي يا انسه بتعملي اي حركي عربيتك من هنا
بصت ليه وشالت سمعه وقالت
=بتقول حاجه حضرتك
_هو حضرتك طرشه ولا اي بقولك حركي عربيتك من هنا الناس مشغوله
= لولا انك راجل كبير قد ابويا كنت هقولك مين طرشه بس تربيتي متسمحليش اصبر ثانيه
_انا مش فاضي لشغل العيال ده ما تخلصي يا ماما، انتي بتعملي اي
=والله حضرتك زاي ما أنت شايف كده قعده بتشمس شوية وهيكون كتر خيرك لو جبتلي عصير ليمون... حضرتك في قطه نايمه في طريق
_اجبلها سرير يعني احطها عليه.. حضرتك والله ولا انا فايق ولا ناس دي فايقه فا بعد ازنك خدي عربيتك وتوكلي علي الله
شخص تاني نزل من عربيته بنرفزه وضغط وراح يشوف اي الخناقه، وعرف انها مع بنت وبمجرد ما شافها وهيا شافته
_هو انتي
=هو انت!!
يتبع..
_هو انتي
=هو انت!!
فضلو مبحلقين لبعض بأستغراب من شوفتهم لبعض تاني ، لحد ما قاطع عليهم صوت الراجل التاني
_انتو هتفضلو مبحلقين لبعض يا اخونه عاوزين نمشي، انت تعرفها يا استاذ
وقبل ما يكلم قاطعته ثريا وهيا لسه مكانها
_انت مالك يا جدع انت طلعلي في البخت ولا اي،
مش كفاية اللي حصل امبارح
=لا والله هموت من غيرك يابت ، ما هو كل ده من مصايبك اللي بتعمليها، انا عاوز اعرف اللي كان بيعلمك السواقه ده كان انسان طبيعي
_لااااا كل العالم الا عم جمعه احسن واحد فيكي يا مصر يعلمك ازاي تسوق العربيه احسن من اي حد فأحسنلك متغلطش فيه لا اقول كلام ميعجبش
=وعلمك تركني العربيه في نص طريق وتعطلي الناس كلها.. ما شاء الله عليه ابقي اديني رقمه اتعلم منه ازاي اركن العربيه في حوش العماره اصل مش بتدخل
_استظراف مووت
= اتفضلي خدي عربيتك وامشي من هنا
_ لا اله الا الله حضرتك زاي ما شايفني كده عجبني الجو هنا اصل اتخنقت جوه العربيه
=هو اي البرود اللي عند حضرتك ده، والله انا مستحملك بالعافيه عشان انتي واحده بنت ومش هيعجبك اللي هعمله
_يعني انا عاوزه افهم حاجه هو حد مسكك ولا مهددك انو تعملي حاجه... زاي ما أنت شايف كده انا فاضيه يعني وريني اللي عندك ميغُركش شكل الأنوثه اللي فيا لان عقلي يجيبكُم كلكم يا شوية رجاله ملهاش غير انها تكلم وبس
=تمام هنشوف دلوقتي
(طلع تلفونه واتكلم مع حد وفي خلال اقل من خمس دقايق صوت عربيه الشرطه جات في المكان والعربيات اتحركت بسرعه والمكان بقا شبه خالي من حد، ثريا اول ما شافت كده قامت بسرعه ولسه رايحه تفتح باب العربيه مسكها هو وقال)
_مش بسرعه كده يا عسوله احنا عندنا اصول الضيافه بردو ولازم نشرب الضيف حاجه بدل ما يكلم علينا بالوحش
بصت ليه وبلعت ريقها بقلق وابتسمت وهو بدلها الابتسامة بسماجه
=والله بهزر انا شخصيتي كده طب اسأل الراجل بتاع الميكروباص اللي لسه ماشي ده قولو تعرف ثريا المكاوي هيقولك اطيب خلق الله بس بتهزر شوية
_معلش اصل عاوز اتعرف عليها بي نفسي لاحسن المره دي ترفع عليا مسدس بدل سكينه المره اللي فاتت
=سكينه لعبه هيا باين عليها حقيقه شوية بس جايبها يابشا للأمان بس مش عشان اذية حد والله
_وترفعيها في وش ظابط ده عادي
=ما هو حضرتك بستأذنك يعني.. حضرتك انت ولا لابس بدله ولا في اي نجمه شايفها ولا طاقيه بدُل انك ظابط بس حضرتك لايقه عليك المهنه اوي بس نقصلك شنب مش بجامل والله.. شفت انا عسل ازاي فا ماشي الدنيا واوعدك مش هتشوف وشي تاني وهخلي
قاطعه بزعيق
_بسس كل ده كلام يا شيخه صدعتيني في وش صبح
=ثانيه معايا برشام
_عشان تقتليني
(شاور لي حد من العساكر اللي في العربيه انها تيجي وبمجرد ما شافت كده عينها دمعت والقلق بان في وشها ولما شافت انو العسكري بيقرب منها ولسه هيمسكها رفعت رجلها بسرعه وضربته في بطنه خلت التاني يفتح عينه بصدمه وقبل ما يستوعب لاقها بتزقه جامد وجريت بأسرع حاجه عندها، بس هو مش هيسمح المرادي انها تهرب وبي سرعة شديده عرف يلحقها ومسكها زاي اللص وقال)
_انتي لو بتطلبي اننا نزود مدة السجن ليكي مكنتيش عملتي كده
=ورحمه امك لا تسبني انا بنت غلبانه بدور علي عيش وملح ولسه بتبني حياتها
_انتي كمان قتلتي امي وكمان تبني حياتك اي عاوزه تبنيها في مشكله تليها مصيبه تليها موت وتتعدمي في الاخر
=طب طب اديك فلوس
_ده في المحاكمه بقا ابقي اتصلي بي عائلتك هناك تجيب المحامي بتاعها ويلا ده السجن هينور بيكي
العسكري راح عندها تاني ولسه هيمسكها منعه وهو بيقول
_سيبها معايا مضمنهاش تبقا معاكو لحسن تطلع منوم تنومكم كلكم وتهرب انا بعرف ازاي اتعامل مع نسوان دي اسبقني انت وانا هحصلك وجبيلي اللي بالي بالك
ردت عليه ثريا
=والله لولا انو مقامك كبير في دماغي يابشا استغفرالله العظيم انا كنت..
_كنتي اي
=كنت همسك النسوان دي اطلع عينهم يكرهو اليوم اللي اتولدو فيه عشان ازاي يضيقو حظا الظابط اي رايك
(شافت العسكري بيجي تاني بس ماسك بي ايديه كلابشات، قالت وعينها لسه بتبحلق في كلابشات)
_اي ده يا باشا
مسك ايدها الاثنين وهو بيحطها جو الكلابشات وبيقول
=دي غوايش بس دي موضه الجديده والاختلاف ما بينها وبين الغوايش القديمه انو دي بتاخد اليدين مع بعض وبتسيب مساحه بسيطه في اليد عشان مضيقش الواحد اما القديمه واحده بس واسعه جدا لدرجه انها ممكن تقع من غير ما تحسي شفتي بنعمل حاجات حلوه ازاي
(وقبل ما تكلم سحبها معاه ودخلها العربيه ودخل هو كمان ولبس النظاره في عينه وبص ليها وقال)
_من هنا لحد مانوصل مش عاوزه اسمع همسه منك والا عادي اتكلمي وكل حرف حسابه يوم سجن بيضاف اختاري انتي
هزت راسه بسرعه وقالت
=بس كده انت تؤمر يابشا اي شئ يقولو حظا الظابط يتعمل علي طول بس انا عندي سؤال ده لو مش هيزعج حضرتك
_قولي
=انا هقعد كام ساعه هناك
_كام ساعه قولي كام يوم كام سنه احنا داخلين الملاهي نتمرجح شوية ونروح وكمان لي بتسألي مش انتي بتقولي انك دايما فاضيه
=لا ما هو عقبال حضرتك يعني انا متقدملي حد انهارده وده تقريباً الثامن وامي من امبارح لحد دلوقتي بتجهز الشقه ده مش بعيد تكون اعادة تصنيعها من جديد فا خليني اروح اقابل ضيوف الشرف اللي جايين عندنا دول وتعاله خدني تاني
_معلش يجي بدالو الف او كلمي قوليلو انا في السجن حبه حلوين وجايلك
=يابن الاي انا ازاي مجتليش الفكره دي معلش هتعبك معايا اديني تلفونك
_لي
= اصلي تلفوني في عربيتي مش معايا دلوقتي فا اديني تلفونك
_اي المقابل
=هديك رقم عم جمعه مش كنت عاوزه
اتنهد وطلع التلفون وقال
_ قولي رقم
=اكتب(........)افتحلي الهوايش دي بقا
_لي
=عشان اكلم
_انتي هتستعبطي يابت هو انا رابط ايدك من وراه
قالت بصوت واطي
=لولا انك حظا الظابط بس
_بتقولي حاجه
=لا والله حاجه هات تلفون
_مين صاحب الرقم ده
=امي.. اسمعك صوتها عشان تتاكد
اداها التلفون وهيا حطته في ودنها لحد ما سمعت صوت والدتها وقالت
_الو ايوه ياما انا ثريا بقولك اي الناس قربت علي الوصول
=الناس مش جايه خلاص
_نعم... لي ده
=ابراهيم طلع عنده مهمه بره مصر ومش فاضي للجواز خالص دلوقتي وامه قلتلي انو في دماغه واحده واحتمال دي اللي يجوزها بعد ما يرجع
_انا مليش دعوه بي كلام ده دلوقتي هو حاليا سافر ولا لسه في مصر
=ده ركب الطيارة زمانها طارت
_لازم دلوقتي يعني ادعي عليه يعني الطيارة تقع بي مش قادر يسافر بكره يعني حبكت انهارده
=لي في حاجه حصلت ولا اي
_مفيش ياما بس بنتك هتبقا المركز التاني في الحاره بعد ابن ام فتحي هتدخل السجن
=سجن؟ سجن اي يابت انتي بتهزري
_ياريته هزار ياريته بقولك اي انا تقريبا وصلت المكان وجنبي حظا الظابط وهياخد تلفون دلوقتي تعالي بسرعه وخدي اي محامي في ايدك وتعاليلي علي طول
=والله قلبي كان حاسس مفيش غيرك مصايب في مصايب لحد ما هنموت منك
_سلام يا ماما دلوقتي اشوفك هناك.. ابقي جيبلي الغدا بتاعي معاكي عشان جعانه.. صحيح هو الغدا اي انهارده
سحب منها التلفون وقفل الخط وقال
_اغرب بنت شوفتها في حياتي فعلاً اي ده... وكمان هو اي حظا الظابط دي اسمها حضرة الظابط
=حضرتك معاك اشطر مختصره في اللغه العربيه يعني لي نقول حضرة.. الظابط مش شايف انها تقيله شوية علي لسان فا نقول حظا الظابط سهل وخفيف علي بق
_خلاص يا ستي ماشي بصي مش عاوزكي تكلمي تاني ماشي
=ما انت اللي حضرتك بتسأل انت كده بتظلمني علي فكره من غير ما معمل حاجه ودي حاجه متنفعش في الشرطه واللي اعرفه انو من صفات الشرطه وهيا العادله في كل حاجه وانك لازم تكون عادل مع مجرم سواء بنت او ولد ما هو احنا بشر علي فكره زيكم وخصوص البنت عشان....
قاطعه بصوت عالي
_الصبر يا رب.. مش عايز اسمع صوتك لحد ما ندخل القسم والا الدور الجاي هيبقا علي عربيتك فاهمه
=كله الا دي يا بشا انت تعرف انا جايبها امته او جايبها بي كام دي بتساوي روحي عارف يا باشا انا لميت فلوسها ازاي اولا ج...
قاطعه وهو بيحط لزق في بوقها منعها من الكلام وهو بيقول
_انتي اي يا ستي ايد وربطنها كلام او تحذيرات معاكي مبتنفعش نعمل اي تاني ده انا مش حاسس بدماغي من كتر صداع
شاورت ليه علي اللزقه اللي في بوقها انها تشيلها
_والله اللزقه دي لو اتشالت من بقك واديني حلفت لهاخد العربيه دي منك
(فتحت عينها بصدمه وشاورت انها مش هتشلها ابدا، نزل من العربيه وراح عندها وفتحلها الباب وشدها من كلابشات لحد مدخلو جوه القسم وهيا فضلت تبص علي مكان حوليها لانها اول مره تدخل المركز شرطه في حياتها لحد ما شافت السجون واللي ناس اللي فيها كان شكلها مرعب شوية والستات اللي كان جسمهم يُضاهي جسم راجل او اكتر بمجرد ما شافتهم وهما شافوها بصُلها بصه خلتها تترعب جداً لحظت انو الظابط بيكلم مع واحد من العساكره فا اتسحبت بي بطئ لحد ما بعدت عنه، وهو فضل واقف من غير ما ياخد باله لحد ما خلص ولف بص حواليه مالقهاش)
_طب اربط رجلها يعني اسحبها زاي الكلاب معايا ولا ينفع معاها اي دي.... رحتي فين يا ام المصايب اللي وقعت عليا
يتبع...
_طب اربط رجلها يعني اسحبها زاي الكلاب معايا ولا ينفع معاها اي دي.... رحتي فين يا ام المصايب اللي وقعت عليا
(القسم كان كبيره شوية فيه اكثر من طابق ده غير الغرف، كانت هيا ماشيه وكل اللي طالع واللي ماشي بيبص عليها بأستغرب في المنظر اللي ماشيه فيه، شكلها مكنش بيبان عليه اي خبث او شر بس الكلابشات واللزقه اللي في بقها يدل انها مجرمه واتقبض عليها، فضلت تطلع سلالم من غير ما تعرف هيا رايحه فين او هيا فين لحد ما لاقت غرفه شافتها من الازاز بتاعها انها خاليه من حد وفيها ترابيزه صغيره وكرسين وستاره وراهم فتحت الباب ودخلت وقفلت عليها وكان في دماغها انها تدي درس لي ظابط في اللي عامله فيها ده)
دخلت وفضلت تبص حوليها في المكان بأستغراب واستكشاف وهيا بتمشي شالت الستاره وقبل ما تستوعب شافت واحد مربوط بالحديده قدمها وجاي عليها بسرعه وهيا من كتر صدمه ورعب معرفتش تصرخ بسبب اللزقه اللي في بوقها ورجعت لوراه بسرعه بس اتكعبلت ووقعت علي الارض وبسبب انو اديها متكبله بالكلابشات معرفتش تزحف لورا والتاني فضل يقرب منها ببطء
(في نحاية التانيه)
كان هو بيجري في كل نحاية ومش لاقيها وسأل بعض اشخاص بس محدش عرفها لحد ما واحد قاله انو شافها وهيا بتمشي من طريق ده ومشي نحاية الاتجاه اللي اتشاور عليه لحد ما سمع صوت واللي تقريباً كان صوتها
في نفس اللحظه
كانت هيا بتبص للشخص ده بنظرات كلها خوف ورعب وبمجرد مقرب منها بس الحديده اللي مربوط بيها مكنتش طويله فا وطي علي الارض ومسك رجليها اللي قريبه منه، شالت اللزقه بسرعه وصوتها سمع القسم كله اتزامن بدخول الظابط عليها وجري عندها ولما المجرم شاف الظابط عليها شد رجل ثريا بسرعه ليه وجابها ناحيته وحط دراعه في رقبتها وقال
_لو عاوز السنيوره دي تعيش فك السلسله دي وخليني امشي من هنا بكل هدوء ولا هقتل البنت دي
بص الظابط لثريا بغضب وتجاهل المجرم
_ انتي اتحركتي من غير متقوليلي ليه انتي في قسم شرطه مش مدينه ملاهي تتحركي فيها و تتمشي فيها زاي ما تحبي
قالت ثريا بقلق بسبب اللي حاطط ايده عليها
=والله.. والله يا حظا الظابط مكنش قصدي.. والله انا مكنتش عارفه انا فين أصلاً
_اومال اتحركتي ليه طالما مش عارفه حاجه هنا ولا هيا اي مصيبه تتحدف علينا اهلا وسهلا
=بالله عليك سيب الرغي علي جنب دلوقتي وخليك في الواقع اللي بيحصل ونبي يابشا عاوزه أبني حياتي
_تبنيها في كوارث انتي اللي زيك ملهوش نزول في حته يترزع في البيت او نركبله سلسله نمسكه بيها قبل ما يعمل حاجه صبرك عليا بس
=ونبي ابقا علقني اعملني طحينه في ايدك كده حُطيني في سجن الستات اللي هناك اعمل فيا كل اللي تحب بس اتصرف المرادي بالله عليك
_احلي شعور ولله اشوفك بتترجيني كده انا مش قاسِ بس من كتر اللي عملتي فيا خلتيني فرحان في اللي بيحصلك بس هنعمل اي بقي
قال المجرم بنفاذ الصبر منهم
_ما تخلص يا حضرة الظابط ابقي اعمل فيها كل اللي تحب والا مش هديك فرصه
بصت ثريا ليه بخوف وبصت لي ظابط برجاء فأبتسم الثاني وقال
_طب لو انا سبتهالك هتعمل فيها لو معجبنيش انا مش هحلك انهارده
المجرم بص لي بتعجب وبص لثريا وقال
=انت بتقول اي يا حضرة الظابط
_زاي ما سمعت كده ناوي تعمل معاها اي، اي نوع التعذيب ولا القتل اللي هتعمله
=انا في اقل من دقيقه اخليهالك ما فيهاش حتي سليمه فا بلاش تهزر معايا انا بحذرك
_بذمتك ده شكل واحد بيهزر طب انا قاعد اهو وهتفرج وعيش فيها انت بس عاوزك تركز اوي وبذات في اللسان لأنه اكبر سلاح
قالت ثريا
=ونبي بالله عليك ساعدني المره دي اطلب مني اي حاجه وانا هعملهالك خد العربيه بتاعتي لو عاوزها ده انا هحرم نفسي من حاجه اسمها عربيات
بص ليها لثواني وقال بتفكير
_اي حاجه
=يا باشا احلم وانا احقق
_قوليلي اسف
=انا بعتذر يا حظا الظابط
_لا قولي اسف كويس
=فرقت يعني
قال المجرم بعصبيه لدرجه انو شال ايده من عليها من غير ما يحس
_ ما تخلصونا بقا ده اي القرف اللي بيحصل ده
ردت ثريا بقلق
=طب خلاص خلاص هقول هقول.... انا اسفه
رد عليها الظابط
_يا حضرة الظابط... قولي انا اسفه يا حضرة الظابط من غير تغيري حرف واحد
=انا اسفه يا حضرة الظابط يا احسن باشا في مصر ياللي الدنيا مش هتلاقي منه اتنين.. لو العالم لف مش هيلاقو زيك ياللي لو زمن اتعاد او اتكرر مش هيعرف يكرر منك تاني ده انت جثتك تتحط في المتحف يابشا.. حلو كده
رفع عينه وضم شفايفه بتفكير
_ اممم ماشي معقول مفضلش غير طلب واحد بس مش دلوقتي
قال مجرم
_اظهار انكم مستقلين من اللي هعمله... شوف يا حضرة ظابط وي قول سلام لي حبيبتك
(الظابط بص لثريا وشاور ليها علي ايديها، مفهمتش هيا حاجه وبصت علي ايديها اللي مربوطه بلكلابشات الحديديه وضمت حواجبها وهيا بتحاول تفهم في اللي بيقولو لحد ما زهق و قال)
_انتي مالك في اي، معايا بتكوني شغلها زاي الفل وسكاكين وضرب وجري جايه تفصلي دلوقتي
(المجرم حس انهم بيخططو لي حاجه ومسك ثريا من رقبتها بسرعه وضغط عليها جامد وهيا الخوف تمكن منها ودموعها نزلت وجسمها بقا يتحرك بسرعه، وبسبب ضغط المجرم علي رقبتها جامد كان مسيطر قلق في عقلها ومش مخليها تعمل حاجه، قال مجرم لظابط)
_انا مش هكررها تاني لو عايزه حبيبتك تعيش وتكمل باقية حياتها فكلي سلسله دي وخدها
(في الوقت ده وهو كان بيكلم مكنتش هيا عارفه تعمل اي عقلها مكنش عنده اي فكره في اللي تعمله بس بصت لكلابشات تاني وحاولت تفكر في اللي قاصده الظابط عليه، حاولت تشدهم من ايدها لحد ما اتفاجئت انو واحد اتفك اتعجبت وبصت لتانيه وفكتها بكل سهوله بصت لظابط فأبتسم ليها)
_اخيراً بعد لحظة ادراك طويله
(وبسرعه مسكت الكلابشات وضربتها في وش المجرم وطرف الحديده منها دخلت في عينه وده خله صوته يطلع جامد وفك ايده من رقبتها وهيا قامت بسرعه وجريت، بس وقبل ما تاخد نفسها حته لقيته مسك رجلها خلها تقع بس المرادي الظابط قام وراح داس برجليه علي ايد المجرم اللي ماسك رجل ثريا بيها ومن كتر الضغط علي ايده ساب رجليها وهيا قامت بسرعه وبعدت عنهم، أما الظابط خرج مسدسه ووجهه نحاية المجرم اللي رجع وراه بخوف منه، وفي نفس الوقت اللي دخلت العساكر المكان بعد ما كانو مستنين بره بي أمر من الظابط منهم لحد ما يحل الامر)
الظابط راح ناحية ثريا اللي قاعده في الكرسي وبتاخُد نفسها وقالها
_انتي كويسه
=لا لا مفيش حاجه مجرد كلب خوفني جري ورايا وعدت بسلام... انت مجنون
علت صوتها في نهاية الكلام وهيا دموعها بتنزل منها وكملت بصوت أعلي
=انت لو مش مجنون يبقا مختل عقلياً انت ازاي تعمل كده.. انت عارف اني كنت ممكن اموت فيها.. انت دماغك مكنتش في مكانها اوانها ولا اي انت بجد انسان حقير ومجنون ومتخلف عقلياً كنت هتقتلني حرفياً
وانتهت كلامها بعياط وهو كان بيبص ليها من غير كلام ومستنيها تخلص من اللي عايزه تقولو، فكملت ووشها بقا احمر من كتر عياط
_طب.. طب مفكرتش امي من غيري هتبقا عمله ازاي ده انا الباقية في حياتها ومن غيري ممكن يحصلها حاجه انت ترضي امك بس يحصلها كده حرام عليك يا خربيت اليوم اللي شفتك في شيخ
قال لها
=عارفه انا شوفت حاجات كنت بقول عنها مستحيل تحصل ومبتحصلش الا حاجه واحده بس عقلي مستوعبهاش وبيقول انو اكيد بيحلم دي عيني ذات نفسها بتكذب اللي بتشوفو، مش معقول ثريا المكاوي تعيط ده انا اتوقعت المجرم هو اللي يعيط وانتي لا
ضحكت بخفه وابتسمت وبصت النحاية التانيه وقالت
_ما يغركش الشجاعة والثقة اللي بظهرها للناس و إني قادرة على كل حاجة فالحقيقة انا أضعف من أي حد تاني الشكل اللي بتشوفه مني معمول عشان محدش يفتكرني سهلة، لكن لو اتحطيت قدام الواقع هتلاقوني مغلوبة وطيبة جدًا بنواياي طريقتي في التعامل مع الناس مش طبيعتي، بس بعمل كده علشان محدش يتعرض لطريقي أو لطريق أمي في يوم.
=بس انتي مش ضعيفه يا ثريا ولو اي شخص اتحط في نفس الموقف مكانك كان عمل نفس اللي عملتي وده مش اسمه ضعف، وكمان انتي عملتي اللي ميعملهوش اي حد
_وسيادتك كنت قاعد بتتفرج ومش كان نقصك غير علبة فشار وتممت القاعده
=انا لو كنت قومت من مكاني كان زمانه قتلك وكنت عارف انو ده هيحصل
_انت مكلفتش نفسك حته انك تديلو تحذير ولا انذار ولا اييي حاجه نسيب كل حاجه للضحيه وهيا اللي هتنقذ روحها والله زاي ما قلت رجاله مالهاش غير في كلام وبس اما الافعال صفر
= التحذيرات والكلام مع ده مكنتش هتفنع فا لي نتعب نفسنا طالما مفيش فايده بس متنكريش اني لحقتك في اخر لحظه كان سحبك تاني ورجعنا من الاول تاني
_يعم اسكت... ولحظه هيا الغوايش اللي كنت لابسها
قاطعها في كلام وقال
=ايوه الكلابشات اللي كنت ملبسهالك كانت اساساً مفكوكه ولو ركزتي انا مقفلتش بالمفتاح عليها فا بقالي ساعه بشورك عليها وانتي بغبائك عماله تشوريلي عليها بي اي حاجه
_شايفني ممتازه في قرأة الافكار اوي كده وياريتك كنت مفهوم أصلاً
(تجاهلها لحد ما دخل الظابط وبلغ بقدوم والدة ثريا بمجرد ما سمعت نزلت جري عليها وخدتها بالحضن جامد، وكانت مشتاقه ليها اوي)
_ياااه يا امي مكنتش متخيله اني كنت هرجع لحضنك تاني بعد اللي حصل انهارده
=قوليلي عملتي اي نيله تاني
_استني شوية بس ونبي والله كنت مشتاقلك اوي بس اي ريحه الاكل دي، انتي جبتيلي شاورما معاكي
=اها عملتلك كام سندوتش شاروما كده بعد ما عرفت اللي حصل كمية دي هتكفي يومين
تجاهلتها ثريا ومسكت علبة الاكل وقعدت في اقرب كرسي قدمها وفتحتها بسرعه وكلت ، في نفس لحظة دخل الظابط عليهم وشافها وهيا بتاكل فا ضحك بطريقتها في الاكل وهيا بصتله بتكبر ومهتمتش وكملت اكلها
قال الظابط لي ام ثريا
_ انتي مش بتأكليها ولا اي
=مين دي اللي مش بأكلها دي بتاكل في اليوم اكل يكفي بلده دي شوية وهتاكلني
ردت عليهم ثريا بتذمر
_بصولي بقا بصولي في اللقمه اللي باكلها هتسدو نفسي
ضحك عليها وجهه كلامه لي امها
=لا مش هنبصلك بالهنا وشفا... عاوزكي ثانيه لوحدينا يا ام ثريا في كلمه كده
بصت ثريا لي بأستغراب وشافت مامتها راحت معاه وبعده عنها، تجاهلت وكملت اكل وقالت
_ اكيد بيتفق علي المدة اللي هقعد فيها في السجن او نوع التعذيب اللي هتعذبه والجرايم اللي عملتها ياااه شكلي هقضي اياام مفيش زايها مثيل
عدت عشر دقايق لحد ما شافت مامتها بتيجي وظابط مجاش معاها، مامتها قعدت قدمها من غير متقول حاجه فقالت ثريا
_قولي ياما متخافيش علي مشاعري مأنا عايشه مع مجرمين في حارتنا فا مش فرقة يعني وانا هقول لي حظا الظابط انو يخليكي تباتي معايا اسبوع في شهر وممكن تقعدي معايا السنين كلها
=هو عايز حاجه تاني صراحه
_لدرجه دي انا تعبته في حياته فا عاوز ينتقم مني اكتر من كده ده الاعدام ارحم قولي
=عاوز يتقدملك
يتبع...
=عاوز يتقدملك
_اها يتقدملي ماشي.... لحظه نعم مين اللي يتقدم لي مين
=حضرة الظابط عاوزه يتقدملك وكمان عاوز يجي في البيت هو والدته و ابوه
_وكمان يجي البيت من غير ما حد يقولو تعالي ده كده هياخد علينا اوي اممم وانتي قُلتيلو اي
=قلتله تعالي هتنور هتيجي امته قالي ممكن انهارده
_ما شاء الله انتو اتفقتو علي كل حاجه من غير متعملو حساب علي البنت اللي هيا مصدر لي كل ده ولا هيا موافقه ولا لا، ولا هاخد رأيها عليه ولا ايييي
دخل ظابط عليهم ورد عليها
_ واحنا نعمل حسابك ليه ما انتي كده كده موافقه و تاخدي رايك فيا بعد كل اللي حصل لينا علي ما أظن انتي عشرتيني بما فيه كفايه
ردت عليه ثريا
= عشرتك ايه دول هما يومين اللي شفتك فيهم ويومين بتمني ميتكراروش في حياتي تاني
_ومتنسيش انك قلتي اني مفيش مني اثنين ده يبرر اي انك خدتي عليا واعجبتي بيا ده المجرم ذات نفسه قال حبيبتك بعد كلام اللي قولتي
=غلطه لسان، وكمان انت بتدخل المواضيع في بعضيها ليه انت لو ناسي انا كنت في ايد مجرم كان ثواني وهيخلص عليا فأستغليت انت الموقف وخلتني اقول كلام انا مكنتش واعيه بيه اصلا
_والله يا انسه ثريا انا مليش دعوه وانتي كده كده من الاول كنتي موافقه بيا فا مفيش تراجع
=انااا ده امته ده لا خلي بالك يا حظا الظابط انا بكون ادره بي كل كلمه انا بقولها من اول اليوم لحد مانام فا متألفش كلام من عندك وفي الاخر تقولي انتي اللي قايلا
قال ظابط وهو بيوجهه حديثه لي ام ثريا
_ونبي يا حماتي بعد ما اجي عندكم ابقي فكريني اقص لسانها لانه محتاج يتقص لو فضل كده هيطول اكتر
ردت عليه ثريا
=وكمان حماتي انت شوية وهتنط وهتقولي انتي مراتي وكمان معلش يعني انا لي اوافق علي شخص ولا اعرف هو مين ولا ساكن فين تقرب لي مين ديانتك اي ده انا معرفش اسمك لحد دلوقتي اي
_مش لازم اقول وانتي عارفه كل حاجه عني
= تاني هتألف تاني بص من نهاية كده انا معرفش غير انك حظا الظابط وبس ده انا شكيت يكون اسمك حظا الظابط في حقيقه، فا اي اللي يخليك تقول اني عارفه كل حاجه عنك
الظابط بص لي ام ثريا وابتسم وقال
_تحبي تقوليلها انتي ولا انا اقولها
ردت عليه ام ثريا
=انا بشوف انك تقولها انت بس واحده واحده
قالت ثريا لهم وهيا بتبصلهم بأستغراب
_في اي حسه انكم مخبين عليا حاجه وتقريباً مش هتعجبني حد يقول بسرعه لأني مبحبش استني كتير
قال الظابط لي ام ثريا
_بفكر انك تقوليلها الحكاية من اولها وسيبيلي انا تكمله
ردت عليه ام ثريا
_اللي تشوفه
ووقفت قدام ثريا اللي بتبتسم ابتسامه بلهاء وهيا مش فاهمه حاجه وقالت
_اي ياما طلعتي مش امي وخدتيني من الميتم وربتيني وجه الوقت انك تقوليلي الحقيقه
ضحكو عليها الاتنين وهيا بتبص ليهم والابتسامه لسه في وشها، فاردت عليها امها
=فاكره امبارح بليل لما دخلت عليكي وقلتلك انو واحده جارتنا اسمها ام ابراهيم وبدور علي عريس لي ابنها وابنها ظابط قد الدنيا وكده
ردت عليها والابتسامه لسه في وشها
_ايوه
=اللي واقف قدمنا ده هو ده بقا ابراهيم بس علي كبر
_حظا الظابط ده طلع ابراهيم
=ايوه
_بس ازاي هو مش قال
قاطعه ابراهيم ووقف قدامها وهو بيقول لي امه ثريا
_سيبيني انا بقا يا حماتي الطلعه دي انتي قولتي تعريف وانا هكشف الخطه
ردت عليه ثريا
=ايوه اديني الصدمه الكبري يا حظا الظابط ولا اقولك يا حظا ابراهيم الظابط اديني مع عندك، مطر عليا بصدمات
ضحك عليها وقال
_ اكيد في شوية افكار بتتسألي ازاي حصلت وكده بصي دي اتفاقيه صغيره كده مابيني وبين مامتك أبتدينها من اول موقف العربيه الصبح لما كنتي بتتخنقي مع راجل كان في الوقت ده مامتك رنت عليا كانت بتسألني هاجي امته بس بعد ما شوفت اللي كنت بتعملي فا حبيت اديكي درس حلو عشان تتعلمي انو تصرفات اللي بتعمليها مينفعش واحده زيك تعملها في شارع والله اي راجل غيري كان ينسي انك بنت وممكن يمد ايده عليكي
قاطعته وقالت
=فا حبيت تعلمني الادب وطلعت من العربيه وعملت فيها سوبر مان واتحدتني وجبت عساكر والغوايش وكل ده عشان كده
_اممم مش بظبط كده الرجاله اللي لابسه لبس عساكر دول صحابي عملو تمثيلية صغيره كده والكلابشات اللي خلينها غوايش دي اساساً كلابشات لعبه الكلابشات الحقيقيه بتاعت الشرطه مكنتيش استحملتيها ثانيه علي ايدك
=ومركز الشرطه اللي احنا فيه ده كان مدرسه وانت قلبته مركز شرطه والمجرم ده تبع بيج رامي جايبه يمثل معانا
_غلط، اكيد مش هعمل كل ده عشان سيادتك المجرم اللي كان فوق ده لو اتفك مكنش حد عرف يربطه تاني والمكان اللي احنا واقفين في ده اكيد ده مركز شرطه
=وانت ناوي علي اي دلوقتي تفتكر بعد اللي عملته ده انا كده اتعلمت درس او اني هوافق عليك
_والله يبقا هتشرفي سجن الستات اللي هناك ده دول من اول ما جيتي عينهم متشالتش من عليكي خالص شكلهم حبوكي
بصتله بتكبر وحطت ايديها في وسطها
= ده اسمه تهديد بقا وهدخلني السجن بصفه اني انا عملت اي
_ بصفه عملتي ايي.. اقول اي ولا اي، انك رفعتي سلاح ضد ظابط ولا انك توقفي عربيه في نص طريق ده بحد ذاته جريمه انك ممكن بسببها الناس تعمل حادث ولا طريقة كلامك كل ده كفيل انو يدخلك سجن
= وانتي رايك اي في كلامك ده ياما
ردت عليها
_والله انا رأي من رأي الظابط هو معاه حق وكمان متنسيش انك كنتي موافقه عليه من الاول
=وقلتلك انو لو معجبنيش مش هوافق
رد عليها ابراهيم
_ انا شايف عينكي بتقول عكس كلام فا مش لازم تعملي فيها دور الست اللي بتفضل تقول لا ومش لا وهفكر وهيا جواها موافقه
=طب يعني اديني مهله اعرفك
_ اومال الخطوبه معموله لي ان شاء الله، ولا انتي عاوزه تتعرفي عليا من جديد هقولك يا ستي اسمي ابراهيم عادل محمد، عمري 32 سنه، اكيد عارفه انا ساكن ايه الشغلانه بردو عارفه اي والديانه مسلم، تحبي تعرفي انا برج اي
=طب..
قاطعه
_مفيش طبطبهات وعشان ارضيكي هاخد رايك معأني ميهمنيش اصلا موافقه ولا لا
=يعني لاز..
_يبقا موافقه.. بعد المغرب هكون عندك
=بعد المغرب ده؟ ده العصر لسه مأذن من شوية ده انا مش هلحق اغير هدومي حته
_مش لازم خليكي زاي ما انتي كده وكمان مش ملاحظه حاجه
=اي
_طريقتك في كلام اتغيرت شوية شكل الدرس عمل معاكي شغل جامد لسه باقية الدروس بعد قراية الفاتحه انهارده
=علي فكره انا زاي مانا بس اللحظه دي بتخلي اي بنت بتبقا يعني عامله كده عشان بتكون.. يعني اا.. سعيده و.. يعني انت فاهم
_افهم من كلامك انك
=لا مش هقولها دلوقتي بس اللي اقدر اقولو دلوقتي امممم.. انا موافقه
_سمعهاني تاني كده
ضحكت بخفه وقالت
=موافقه يا حظا الظابط
اتمني تعجبكم
موافقه يا حظا الظابط
(بعد ساعات قليلا، وهيا قعده في اوضتها قدام المراية وبتظبط شكلها وفي وشها ابتسامه عريضه، لحد ما سمعت حد بيخبط علي اوضتها واللي كانت مامتها قالت)
_اتفضلي يا ماما بس غمضي عينيكي عشان بحط اخر لمسات المكياج وعاوزكي تشوفي النهاية
فتحت والدتها الباب وهيا مغمضه عينيها لحد ما سمعت صوتها
= فتحي
_بسم الله ماشاء الله قمر يا روحي.. بس اي ده يا ثريا
=اي
_اللي في عينيكي الازرق ده
=ده اللي كان اسمه اي ده ااا... اه الفونديشن
_ فونديشن اي قصدك الايشادو بس حطه كتير اوي كده ليه وفي خدودك كمان.. انتي عامله اي في وشك
=هو مش لما نلبس فستان المكياج مفرود يبقا نفس لونه اساساً دي تاني مره في حياتي احط ميكب من بعد فرح خالتي ومكنش قد كده كمان بس دلوقتي اختلاااف
_اسمعي مني وهتقولي ياريتني سمعت كلامك امسحي اللي في وشك ده وخليكي من غير ميكب احلي والله ده لو عمك بره شافه مش بعيد يتف عليكي
=هو عمي موجود.. انتي جبتي ليه
_اومال مين اللي هيقعد مع الضيوف ويتفق معاهم
=ايوه بس مش معني عمي ما انتي عارفه انو هزاره تقيل ويفضل يكلم كتير
_اومال انتي طالعه لي مين ما انتي طلعله هو وسبحان الله نفس شخصيه وكمان اهو احسن ما اجيب خالك وانتي عارفه ده ممكن يسوي اي
=اه صح عمي ارحم والله ده لو خالي اللي هيجي هينسي الناس هيا جايه لي أصلاً ويحكلهم قصة حياته، المهم فكك من كل ده الاكل استوي صح
_والله انا ما هشوف اغبي منك اكل اي اللي نقدمه لناس في قراية الفاتحه دي بتكون في خطوبه
=ياستي انا كلمت كل صُحابي وقالولي لازم تعملي اكل
_تروحي تعملي مائدة الرحمن لثلاث اشخاص هيكلو ده اكل يكفي عماره بحلها
= لا اربعه اخوه الصغير جاي معاه
_اهم حاجه الاكل حلو ولا عملتي زاي المره اللي فاتت
=لاااا من نحاية دي متقلقيش ده انا متعلمه من شيف بوراك اشهر شيف في تركيا
_اما نشوف
سمعو صوت الباب بيخبط فا قلتلها مامتها قبل ما تخرج
=بردو مش ناويه تمسحي الهبل ده من علي وشك الناس جت خلاص
_يا ماما انتي الوحيده اللي عندك اعتراض انا وريت شكلي لكل صحابي مفيش واحده مقلتليش غير اني قمر
=براحتك ما ترجعيش تلومي غير نفسك
(طلعت بره وهيا بي تستقبل الضيوف، وكلهم قعوده واتكلمو ما عدا واحد واللي فضل يبص حواليه مستنيها تظهر في اقرب وقت لحد ما شافها طالعه من الاوضه اللي قدامه وسلمت علي كل موجدين ولما جات تسلم علي اخوه بصلها وهيا بصتله و مفهمتش معني بصته دي وسلمت عادي وقعدت جمب اخوه من غير ما تسلم عليه)
مامتها وهو كان بيبصولها وهيا قاعده ومش واخده بالها لحد ما سمعت صوت ابراهيم وهو بينادي لي اخوه
_بقولك اي يا حوده روح صُبلي ميه من الازازه دي
رد عليه بأستغراب
=طب ماتروح تصب لنفسك دي قريبه من عندك اكتر
_معلش اصل مش قادر اقوم
قالت ثريا وهيا بتقوم
_ وانت تقومه لي ما تقولي وانا اجبلك الميه
ابراهيم ضرب اخوه بذراعه بغضب وتاني مش فاهم حاجه ولا عارف هو قصده اي لحد ما تاني قاله بسرعه
_روح قوم واقعد في الكنبه اللي جمبنا بسرعه قبل ما تيجي
=ليي
قال بعصبيه وهو بيحاول يوطي صوته
=يعم قرفان من شكلك قوم بسرعه
مفهمش حاجه بس عمل اللي قاله عليه وقعد في كنبه تانيه ولما ثريا جات استغربت شوية بس مهتمش وقعدت عادي وفضلت تسمع كلام الناس لحد ما سمعت صوته وهو بيقول
_عامله اي
=الحمدلله كويسه وانت
_كويس بشوفتك
=يعني انت كنت تعبان قبل ما تيجي
_تتخيلي
تجاهلته وبصت لجميع وهو بصلها بنرفزه من اللي بتعملو لحد ما قال
=انتي سلمتي علي اخويا لي
_فيها اي يعني وكمان ده عيل صغير
=اوله جامعه وعيل صغير وكمان هو حلال انك تسلمي علي ابويا واخوي وانا لا
_صُحابي قالولي العريس الوحيد اللي متسلميش عليه
=اي العبط ده
_خلاص متكبرش الموضوع مش هسلم غير علي حمايا وبس
=ولا حماكي كمان غير لما نكتب الكتاب يبقا تسلمي عليه اما اخويا اول واخر مره تمام
_ ماخلاص يا حظا الظابط مكنش مجرد تسليم
=معلش بنسبالي اكتر وكمان اي ده
_اي
=اللي في وشك ده طلعه من قرية السنافر
_احلف بالله انو مش عجبك الميكب
=مين المتخلف اللي قالك انو جميل او حلو ده ملامحك مش باينه منه
_كل صُحابي قالولي تحفه مش جميل بس
=علي طول علي الحمام تمسحي الهباب اللي علي وشك ده فوراً
_طب استني اقول لطنط وعمو رأيهم اي
=طنط وعمو دول من اول القعدة وهما مش قادرين يبصو في وشك ثانيه، ادخلي امسحي اللي في وشك دلوقتي حالاً
عله صوته في نهاية الكلام وكلهم اخدو بالُهم ومامتها بصتلها وابتسمت و بتشورلها انها كانت علي حق في اللي قلته، ابتسمت ثريا لجميع وبصت لتاني بضيق اللي لسه بيشاورلها بعينيه انها تدخل تمسح المكياج اللي في وشها، وقامت ودخلت وبعد دقايق قليلا خرجت وسمعت عمها وهو بيجيب في سيرتها في الكلام وهو بيقول
_بس مقولكش عن ثريا الجداعنه والاصول والاخلاق كلها فيها واطيب بنت في العائله ولا ترضي تزعل حد ولا انو حد يزعل منها
رد ابراهيم بصوت واطي سمعته ثريا وهو بيبصلها وفي وشه ابتسامه
=وانا بشهد بي كده
بصتله بضيق وبعديها بصت لعمها اللي كمل كلام عنها وبيقول
_ثريا وهيا صغيره كانت الناس بتطلق عليها ثريا ام اللسان موازي كانت توازي لسان اجدع اجدعهم راجل في مكان، لو شافت واحد مننا في مصيبه كانت قليل اوي لما كانت تستخدم ايديها فا بتستعين دايماً بلسانها واللي يقع تحت ضحية لسانها يروح البيت وميخرجش منه الا هو متنقب
رد عليه ابو ابراهيم وهو بيبص علي ثريا بتعجب
=ما شاء الله عليها بس شكلها ميبينش انها كده خالص
ضحك عمها وهو بيقول
_شكلها ميبينش افعالها بس اسأل اللي معشرها 25 سنه بحلها، ده اخر مره بتاع روبابيكيا جه فيها حارتنا كان من خمس سنين كده واكبر ندمه عملها في حياته انو دخل فيها الحاره دي و ثريا كانت في سابع نومه و صحيت بسببه وقبل ما حد يستوعب لقينا تلفزيون اترمي من بلكونه ومن حظ الراجل انها مجتش فيه بس قلبه وقع لما شاف انو كل حاجته اتكسرت اللي في عربيته
ابو وام ابراهيم بقو بيبصو لبعض بتعجب وبصو لثريا اللي كانت موطيه راسها و مكسوفه تبصلهم بس بصت لعمها وقالت
=بس علي فكره ياعمي انا مغلطش لأن هو بيقول روبابيكيا يعني عاوز الحاجات القديمه والتلفزيون كان قديم من ايام الهكسوس فا انا صحيت من نوم ورمتهالو
رد عليه عمها بضحك
_ودمرتي الشئ اللي كان بيجبلو عيش
فكمل كلامه وهو بيبص لأبو ابراهيم اللي مازل متعجب من ثريا
_ ده مش حاجه عن اللي حكيتهولك علي ثريا اومال لو حكيتلك في اللي عملته في بتاع كهرباء ولا بتاع نور ولا ميه
ابراهيم قرب من ثريا وهو بي يهمس ليها
= هو عمك جاي يقلل منك في القعده ولا اي واللي هو اللي بيحكي ده، ده انا قلقت منك
ثريا ابتسمت له بسامجه ووجهة كلامها لعمها
_خلاص يا عمي ابقي احكيلُهم باقي الحوادث بعدين وخلينا في المهم دلوقتي
رد عليها عمها
=لااااا مش لما احكي في اللي عملتي في شاب وانتي في جامعه وخليتي الجامعه كلها تزفه ومن ساعتها و الشاب مظهرش تاني
ثريا فتحت عينها بصدمه وهزت راسها بي لا بس ابراهيم ابتسم بحماس وقال لعمها
_ الله شكل الحكاية دي حلوه عايز اسمعها
ثريا وقفت بسرعه وقالت لعمها
=لالا تحكي اي بس انت بتقول اي عمي غير موضوع
ابراهيم رد عليها وقال
_لا انا عاوز اسمعها عاوز اعرف عملتي اي في شاب
=معملتش حاجه كالعاده هزقته شوية ومشيت
عمها رد عليها بضحك
_هزقتي شوية هههه، دي مسكت المقشه وقا..
قاطعته ثريا بزعيق
=ما خلاص يا عمي غيرر الموضوع.
ووجهة كلامها لي مامتها
_ تعالي ياما ساعديني احط الاكل
ابراهيم استغرب وقالها
=اكل اي
_اكل ليكم ولينا اومال نسبكم كده من غير اكل
ابراهيم استغرب وبص حواليه وقرب منها
=اكل اي يا ثريا دي قراءة فاتحه عادي الاكل بيكون في الخطوبه علي ما اعتقد
_ازاي صُحابي قالولي انو واجب انك تأكلي العريس واهله عشان ميكلموش عليكم بالوحش
=هما مين صُحابك دول بيمشو عكس العادات العالم كله ولا اي
_بس انا عملت الاكل خلاص وهو زمانه استوي وجهز من بدري و كمان خلاص لو حد من اهلك استغرب قولهم انها اول مره ومتعرفش
=انتي مش قلتي انو في 8 قبلي اتقدمولك قبلي
_بس ما جوش البيت ده علي تلفون وانا برفض
زفر بزهق وقالها
=روحي حطي الاكل يا ثريا يارب يعدي اليوم علي خير يارب
(خلال دقايق قليلا وكلهم قعدو وقبل ما ابراهيم يقعد ثريا مسكته وسحبته معاها وقعدت في ركن بعيد شوية عن العائله وابراهيم شاف انها حاطه اكل ليهم هما الاتنين وقالها)
_انتي بتعملي اي يا ماما
=اصل صُحابي قالولي لازم في الاكل تقعدي انتي والعريس لوحديكم مع بعض عشان تعرفو تاخدو راحتكم في الكلام
_ما احنا كده كده بعد الاكل كانو هيسبونا شوية مع بعضينا اي اللزوم اللي بنعمله ده
=ما خلاص يا ابراهيم متنكدش في اليوم اللي بتستنا كل بنت في حياتها وكمان انا كلمت ماما وقلتلها تقول لعمو وطنط اننا هنقعد لوحدينا
_استغفر الله العظيم يارب، طب معلش عندي سؤال يابنت الناس في حاجه
= قول
_هو اي كمية الاكل ده كله شايفني سيد قشطه قاعد قدامك عامله محشي مع بانيه و ملوخيه ورز وده ده ديك رومي ولا اي
=اصل صحابي...
قاطعه في كلام
_مينفعش توريني صحابك دول اتاكد انهم من بشر زينا
=والله قالولي عشان تتغذي كلّ بس وانت ممكن تخلص الاكل وانت مش حاسس أصلاً
_انتي اللي عامله الاكل ده كله
=والله يابشا والله تاني وعشان اكون صريحه معاك السلطة بس امي اللي عملها وساعدتني في ديك اما باقي الاصناف اللي قُدامك دي بيدي كلها
_ما شاءلله بس لحقتي ازاي تعملي كل ده في اقل من 3 ساعات
=المحشي كان معمول من امبارح اصلا مش ناقص غير انه يستوي والملوخيه ورز و البانيه عملتهم علي سريع والديك انا وامي عملنا علي طول
_اما نذوق نشوف عروستنا نفسها حلو في الاكل ولا اي
=خلي بالك علي صوابعك بس
(خد صباع من المحشي اللي قدامه وبمجرد ما اكله ملامحه اتقلبت وضم حواجبه و ثريا بمجرد ما شافت كده ابتسمت وقالت)
_لدرجه دي الاكل جميل عشان يقلب ملامحك كده
بصلها بتعجب وهو لسه بيحاول يبلع اللقمه لحد ما وقفت في زوره ومسك كوباية الميه بسرعه و شربها وقالها
=ثريا.. هوا انتي.. انتي عملتي المحشي ده ازاي
_هكون عملته ازاي يعني حطيت رز في الخلطه وحشيته في المحشي وسويته
=بجد.. طب ينفع تذوقي الاكل كده بس
_اكلني
بصلها بتعجب وصوته علّي
=ما تأكلي نفسك ما طبق قدامك
_اصل صُحابي قالولي لازم العريس يأكلك في بوقك او لو هيشرب حاجه يشربك
=انتي بعد الليل دي تقطعي علاقتك بصحابك دول فاهمه، واي اللي يأكلك ويشربك هيا مش كانت الفقره دي في الافراح بس وتقريباً معظم الناس بيلغوها
_خلاص يا حظا الظابط مش عايزه منك حاجه انما انت بصحيح عديم الرومانسيه
شاور لنفسه دون تصديق، وقال
=انا...
مسكت صباع من المحشي وكلته وقبل ماتكمل ثانيتين بحلهُم مسكت المنديل بسرعه ودخلت الحمام وهو ضحك عليها ولما شافها بتخرج وقعدت جمبه قالها
_اي الاكل حلو
= انا مش عارفه ده ازاي ده. انا عملت كل المطلوب
ابراهيم مسك صباع تاني من محشي وفضل يبص عليه لحد ما قال
_انتي سقيتيه بشروبه
=اي
_يانهاري عليا المحشي انتي سقيتيه بشوربة
=تقريبا.... لا انا نسيت اشربه بشوربه اتسرعت اوي
_انا بقيت ضامن مستقبلي معاكي
=والله انا مش عارفه ازاي انسي الخطوه و.. و طنط وعمو ياختي ياااختي
_زمانهُم بيتسابقو علي اللي يدخل الحمام الاول
=حقك عليا يا حظا الظابط والله غصب عني
_ياستي عادي ولا يهمك وكمان في لسه باقية الاصناف
=لااا كل قوم و الملوخيه دي قوم تاني دوق بعد ما تسمي بالله
هز راسه ومسك معلقه وبمجرد ما حطها في بوقه مقدرش يمسك نفسه ودخل الحمام بسرعه في نفس الوقت ثريا استغربت ومسكت الملوخيه وشميتها ولاحظت اختلاف ريحتها المعتاده بتاعتها وشافته وهو بيطلع و بيقعد جامبيها من غير ما يكلم وهيا معرفتش تقولو اي
_انا.. انا صراحه يعني مش عارفه اقولك اي اصل صحابي
رفع ايده منعها من كلام وهو بيقول
=ناوليني طبق السلطه ده
_اجبلك معاه حتة ديك رومي
=ولا اي حاجه هو ده بس مش بعيد ديك يكون حمار هاتي سلطه
مسك السلطه واكلها واتنهد بي ارتياح وهيا بصتله وقلتله
_ابقي سيبلي شوية سلطه
=كلي اكلك ومتبصيش علي اكل غيرك كلي الاكل اللي عملتي بي ايديكي المحشي ولا ملوخيه اللي حساها ورق شجر اطحن بدلها
_انا كنت متلغبطه وكمان كنت بعمل مليون حاجه في الوقت نفسه و متنساش انك السبب في كل ده عشان قلتلك بلاش انهارده
=هو انا يابنت الناس طلبت حاجه او أمرت انك تعملي كل الحاجات دي انتي كان اخرك تعملي كوباية قهوه لكل واحد فينا وبس كده كتر خيرك وعملتي اللي بيعملو كل بيت... اي ذنب الناس اللي بره انها تاكل حاجه غير صالحه اصلاً لي الاكل ده انا هشفق اني اديها لي حيوان
في اللحظه دي والدة ثريا دخلت عليهم وهيا بتقول
_متشلش هم حاجه انا اتصرفت في قصة الاكل وحالياً هما بياكلو ومفيش حاجه
ردت عليها ثريا بأستغراب
=ازاي انتي عملتي اي
_فكراني اني هسيب اليوم يبوظ بسبب خيبتك انا طلبت اكل دليفري لناس بمجرد ما خدتي ابراهيم قمت انا مطلعه الاكل وحطيته
قال ابراهيم ليها
=مفيش بواقي اكل من اللي اكلتو
_يا حبيبي فيه استني هحطلك
وقبل متتحرك ثريا بصت لي ابراهيم بيغيظ وقالت
=لا هو خلاص اكل وشبع الحمدلله وهو عاجبو الاكل بتاعي واحتمال ياخُد منو في البيت و يتعشي بيه
ردت عليها امها
_اهاا باين عشان كده ماسك طبق السلطه اللي عملته بياكل فيه
امها طلعت من الاوضه وهيا قعدت ولفت وشها ومردتش تبصله وهيا مضيقه، فا قالها
_طب انتي هتفضلي قلبلي وشك طول الوقت كده
مردتش عليه فا كمل كلامه
_طب ينفع تعمليلي كوباية قهوه و حاسس انها هطلع جامده منك مش عارف بس احساسي بيقولي كده
بصتله وملامحها مقلوبه ومره واحده ابتسمت ليه فا قالها بسرعه
=بس والله لو حطيتي عليها ملح لهمسح وشك في بلاط الارض تمام
حطت صُبعها في عنيها ثم في عنيها التانيه وقالت
_متقلقش يابشا مش انا اللي بتاعت الحركات دي امسك تلفونك وخمس دقايق و هتلاقيني قُدامك بالفنجان من غير القهوه جوها لان القهوه في عينيك شايفها
=معلش هقاطع السيدة العندليبه ثواني... هو انتي بتقولي اي
_هو مش ده كلام غزل
_روحي يا ثريا اعملي القهوه وبتمني متتأخريش
دخلت وغابت عشر دقايق او اكتر شوية وطلعت وفي وشها الابتسامه
=انا بقلق من الابتسامه دي
قعدت قدامه وبتديلو كوباية قهوه
_اشرب بعد ما تسمي الله وهتشكر الايد اللي عملتها
=اممم معملتيش لناس اللي بره لي
_امي سبقتني وعملتلُهم
قال بصوت واطي
=كويس انو طنط في حياتنا
_بتقول حاجه
=لا ولا حاجه بقولك اي هو انتي بتشتغلي اي
_انا والحمدلله بشتغل في صيدليه كده بعيده عن البيت شوية مع راجل في ستينات كده ربنا يديلو صحه والعافية يارب ومعايا واحده صاحبتي بتيجي ايام وايام
=وراتب كويس يعني مكفيكي
_اها الحمدلله باخد ألفين جنيه وبابوس ايدي من وراه وقدام احنا احسن من غيرنا بردو
=لو عاوزني ادورك علي شُغلانه تاني احسن واقربلك من هنا انا معنديش مانع عادي
_لا انا كده تمام التمام والصراحه انا مش هقدر اسيب عمو هاني بعد كل السنين اللي عشرتها معاه من اول ما عياله اتجوزو وسابو ومراتو الله يرحمه فا بقا يعاملني زاي بنته او اكتر كمان فا ميرضنيش فراقُه ابداً
ابتسم ليها وهو بيقول
=انتي طيبه اوي يا ثريا
بدلته الابتسامه وبصت في الارض لحد ماسمعت صوته تاني وهو بيقول
_بقولك اي
بصتله بي تسأول فا قالها وهو بيبص لي الفنجان
_مش كان نفسك اني اشربك حاجه من ايدي او اكلك حاجه تعالي اشربك من القهوه دي جامده
غمزلته وهيا بتبتسم بكل سماجه
=مش قليله انا بردو مليش في الحركات دي بس بعمل مكانها حركات بديل ليها
_تروحي تعملي بديل الملح تحطي شطه صح
ضحكت بصوت عالي فا بصلها بضيق وهو بيقول
_ صُحابك مش كده بردو
=اومال مين غيرهم يابشا
_اديني تلفونك
=لي
_ادوهُني بس مش هعمل حاجه
=ناوي تعمل حاجه مع صُحابي مش كده
_هخليكي تنسي حاجه اسمها صحاب اصلا ادوهني حالا
=لو جدع جيبه
_انتي بتتحديني يا ثريا
=قول كده
_تمام... هروح اقول لي عمك حكايتك مع مجرم و يحكيها لكل شخص يشوفه وخصوصاً مقطع العياط هيدهشه
زفرت بغيظ منه ومسكت تلفونها وطلعته وقبل ما تديلو مدت ايدها التانيه وبصتله بغرور
_اللي بالي بالك الاول
اتنهد بملل وطلع من الجاكت بتاعه شوكولاته واللي بمجرد ما شافتها شدتها منه وحدفتلو التلفون وقالت
=اصل صحابي قالولي لازم عريسك يجبلك شوكولاته من اول يوم
_من دلوقتي مش هتلاقي اللي يقولك حاجه
مسك التلفون وفضل يدور علي جهات الاتصال واستغرب انه مفيش غير خمسه بس اللي موجودين عندها، وهيا اتكلمت لما شافت ملامحه كده
_انت صدقت انو في حد يقولي كده بس
=انتي خفياهُم مش كده
_في ايدك التلفون تقدر تدور فيه براحتك مش هتلاقي غير امي وعمي وعم هاني الصيدلي وعم جمعه و معلم جمعه السواق واللي بتشتغل معايا في صيدليه بس مليش كلام معاها
=عاوزه تقوليلي انك ملكيش صحاب
_امم قول كده بس عادي مش فرقه معايا اديني عايشه حياتي حلوه زاي ما انت شايف بخرج واتفسح مع نفسي وعايشه حياتي
=مكنش نفسك انو يكون عندك صحبه تكون واقفه وراه ظهرك في اوقات المصاعب او تكون دعم ليكي او رفيقة ليكي بتشاركك كل حاجه في الحلوه والمره
_اكيد كان نفسي بس مش عارفه حسيت اني مش نافعه مش نافعه اني اكون صُحبه مع حد او انا شخصيتي متنفعش انها تصحاب حد حسيت انو محدش هيستحملني ثانيه وحده ولا هيحب انو يقعد مع واحده مختلفه عن اي بنت تانيه، صوتها عالي، لسانها طويل، بتتحده اي حد يقف قدامها وهيا في اقل ضربه ممكن تقع في الارض فا كده انت فاهمني صح
=فاهمك بس انتي تقدري تغيري من نفسك وهتكوني لي الاحسن ان شاء الله
_حاولت بس..
=وانا هساعدك متقلقيش من اللحظه دي اعتبري انو انا اول صديق ليكي وهقف وراكي وفي اشد الحاجه لحد هكون قُدامك علي طول هكون مصدر الامان ليكي وهكون بيرك اللي تحطي فيه سرك، وهكون رفيقك في كل مكان ومؤنسك في الوقت الحاجه لكلام اقولك اعتبريني كل حاجه
_بجد بتكلم جد
= انهارده اعتبري اننا بدأنا اول درس في خطوات لتغير وجعل ثريا افضل مما كانت عليه سابق
_وانا هكون علي حسن ظنك واعتبر انو من اللحظه دي كُل المعلومات اللي هتقولهالي عُلم وينفذ يا حضرة الظابط
=اي حضرة الظابط دي مش متعود عليها ولا وداني هيا اللي سمعت غلط
ضحكت من كلامه وقالت
_تمام يا حظا الظابط ابراهيم باشا
=ايوه كده واحشني حظا الظابط اوي منك.. بقولك اي تيجي ناخد صورة بي مُناسبه الحلوه دي
_مفرود انا اللي اقول الكلام ده
=اصل صُحابي قالولي لازم تعمل عادة جديده غير اي عادة حد عملها قبل كده
ضحكت علي كلامه ومسكت التلفون وخدت صورة ليهم وقالت
_الصوره دي هتبقا اول صورة في البوم الكتاب اللي مابينا و ناويه احُطلها عنوان مُناسب كا بداية اول حياة جديده ليا
بصتله وهو بصلها وابتسم وقال
=اي رايك تختمي الحكاية بي بداية الحكاية
بصتله ثواني وأبتسمت
_(التقيتُ بك فأنرت طريقي الي الامل الجديد)
وبي كده نقدر نقول تمت الحمدلله
نقول وادعاً لي حظا الظابط وثريا و انتظروني في القصه اللي جايه
تعليقات
إرسال تعليق