رواية اليتمتان الفصل الخامس عشر والسادس عشر بقلم ولاء يحيي حصريه في مدونة قصر الروايات
رواية اليتمتان الفصل الخامس عشر والسادس عشر بقلم ولاء يحيي حصريه في مدونة قصر الروايات
💗💗 (اليتمتان)💗💗 #بقلم_ولاءيحيي
البارت الخامس عشر
أليف قعد يظبط في المكتب... وبعد ما خلص قعد على الكنبه بتعب
أليف : يخربيت اللي بهزر معاكي يا شيخه... هديتي حيلي... البت قلبت المكتب في ثواني وانا بقالي ساعتين بعدله تاني... (وقعد يتنهد بتعب... بس قام اتعدل بستغراب)... هي راحت فين بقالها ساعتين مظهرتش
#بقلم_ولاءيحيي
وقام وخرج من المكتب يدور عليها... وفضل يلف عليها في القسم كله... وبعدين رح للسنتر كول عشان ينادو عليها... وكانت نانسي وقفه
أليف : اعمل نداء للدكتورة أميرة
دكتورة نانسي بابتسامة :بس أميرة مش هنا... روحت يا دكتور
أليف بستغراب :روحت ازي يعني
نانسي بدلع :استأذنت ورحت... شوفتها خرجه مع الدكتورة نهى من المستشفى ... بعد ما كانت خرجه من مكتبك بتعيط... لو حضرتك عاوز مساعد انا ممكن اساعدك
أليف بغيظ وغضب: تساعدين انا ليه... فين الدكتور اللي المفروض بتدربي معه
نانسي : انا بدرب مع الدكتور عماد...وهو مش موجود مشي
أليف بغضب : هو عماد كمان مشي... ايه يا ربي المستشفى... اللي مالهاش صاحب وكل واحد بيمشي بمزاجه... هو مش فيه ساعات عمل... ووقت انصراف... ازي يمشو دلوقتي
نانسي بخوف : مش عارفه يا دكتور (أليف ينفخ بضيق... ويمشي خطوتين) على فين يا دكتور
أليف بص ليها بغضب: مروح...(ولف ومشى) مستشفى سايبه مافيش نظام كل اللي عاوز يمشي يمشي
وعند ندا في الكليه... كانت قعده في ركن بعيد في حديقة الكليه عشان تهرب مع عمران... اللي بيلف عليها الكليه وهيتجنن... عاوز يشوفها
ندا بارتباك :دكتور عمران
عمران بنظرة عتاب : بتهربي مني ليه يا ندا
ندا تقوم تقف بارتباك وتديه ظهرها :ههرب من حضرتك ليه يا دكتور... انا مبهربش واللي حاجه
عمران مسكها ولفها ليه وبص لعينها: بتهربي يا ندا... بتهربي مني بعنيكي... بتهربي كل ما حاول أقرب منك... بتهربي وتعذبيني وتعذيبي نفسك .... ليه عاوزه تعذبينا يا حبيبتي
ندا بدموع :حبيبتك!!
عمران بابتسامة : حبيبتي وعمري ودنيتي كلها.....ومتقوليش انك مش حسه بيا... انت حسه بيا من اول يوم شفتك فيه
ندا تبعد عنه :مافيش حد بيحب واحده من اول يوم... مافيش واحد بيحب واحده وهو مايعرفش حاجة عنها
عمران بابتسامة يقف قدمها :لا فيه وكتير... وحتى لو مافيش... فانا قدمك اهو ... بحبك من اول يوم شفتك...
ندا تبعد بدموع :عن ازنك انا عندي محاضرة
عمران بضيق يقف قدمها : استنى هنا... فاهمين بتهربي ليه.. ندا انتي. في حد تاني في حياتك...
ندا سكتت مرددتش وهو فضل واقف مستني ردها..
عمران بضيق : الظاهر اني بفرض نفسي عليكي... انا اسف
ويمشي بسرعه وهو مضايق وهي تعقد مكانها تعيط... فضلت نص ساعة قعده.. وفي الاخر قامت وقفت ومسحت دموعها ومشيت بسرعه
عمران لما مش رح مكتبه... قعد وهو مضيق ومخنوقه... مره واحده لقى الباب بيتفتح وندا دخله...فبص ليها بستغراب
#بقلم_ولاءيحيي
ندا بضيق :انا مافيش حد في حياتي... واللي عمره كان فيه لحد لما انت جيت... وزي ما انا حسيت بمشاعرك انت كمان حسيت بمشاعري...
عمران يقف بغضب : امال بتبعدي ليه... بترفضي اني أقرب منك ليه يا ندا ليه
ندا بضيق وعصبيه فكت الطرح و وظهرت رقبتها
ندا بدموع وغضب :عشان دا (عمران وقف مصدوم.. وهي بقيت تكلم بدموع) عشان جسمي مشوة... عرفت ليه... هو دا السبب... أظن كده الموضوع انتهى...
ولفت وخرجه بسرعه وبتفتح الباب بس ايد عمران كانت أسرع وقفل الباب.. وشدها لحضنه... وهي اتصدمت لما لقيته بيحضنها... لكن حست احساس غريب حسة بأمان... وأنها عاوزه تعيط وترمي كل حزنها عليه... فضلت تعيط وهو حضنها... لحد ما هديت... فمسك وشها بايدها ورفعو عشان تبص ليه
عمران بابتسامة : هديتي حبيبي(ندا كانت بتبص جوه عنيه.. مستنيه تشوف النظرة اللي متعوده عليها من الناس.. لكن ملقتهاش في عين عمران ... لقيت نفس نظرت حكمت وأميرة وفاطمة... بس لقيت معها حاجه اكبر لقيت نظرت عشق.. نظرت حماية..)
عمران بابتسامه ويمسح دموعها : هو دا السبب اللي بتبعد عني عشانه... حد قالك قبل كده انك غبيه يا حبيبتي
ندا بضحك : ايوه أميرة
عمران بضحك : يعني أميرة قالت انك غبيه
ندا بضحك :لا.. قالت يا حبيبتي
عمران يضحك اوي ويضمها تاني... وهي اتنهدت براحه... بس فاقت وأخذت بالها انها في حضنه.. فكسفت وبعدت بسرعه
عمران بستغراب : بتبعدي ليه
ندا بكسوف : هو ايه اللي ليه دا... انت اصلا ازي تحضني.. عيب
عمران ضحك اوي : بقالك ربع ساعة بتعيطي في حضني وجي دلوقتي تفتكري انه عيب... دا انتي ما صدقتي اصلا
ندا تجز على سنانها.. وتخبطه في كتفه بهزر ...
عمران يمثل :ااااه...قلبي
ندا بقلق : مالك..
عمران :بيوجعني الحقيني بسرعه عاوزه ... حضن بسرعه حضن بسرعه... ولو بوسه هخف على طول
ندا تشهق بكسوف... وهو يضحك فتفضل تضرب فيه بغيظ.. لحد ما قعد على كرسي
ندا بابتسامة وغيظ : انا هروح محاضرتي... اللي حضن وبوسه اللي
وتمشي
عمران بضحك يبص عليها: قريب يا حبيبتي... اعمل كل اللي اناعاوزه.. خلصي انتي امتحانات الترم وهتجوزك.. وبوس واحض براحتي
ندا تشهق و تبرق وتمسك قلم تحدفه بيه.. وهو صوة ضحكتها يعلى اكتر... ولسه ندا هتفتح الباب وخرجه
عمران بغضب :استنى هنا
ندا بصت ليه لقيته مقرب عليها بغيظ استغربت تغيره
عمران بغيظ : هنبدا استعبط بقى...بصي يا ندا انا بقولك اهو من اولها ... انا بغير جدا
ندا بستغراب :تغير من ايه
عمران بغيظ وهو بيرفع الطرحة على رأسها ويغطي شعرها
عمران بغيظ :من أي حد يشوف شعرك يا هانم... انتي بتستعبطي
ندا بضحك :ياااخبر دا انا نسيت خالص (ومسكت الطرح لفتها)
عمران بغيظ : نسيتي :عالله تتنسي تاني
ندا بابتسامة وفرحه :حاضر
عمران بحب وابتسامة : بحبك يا ندا
ندا وشها احمر وفتحت الباب وخرجت بسرعه وهو فضل يبتسم بفرحه
ندا روحت البيت وهي فرحانه جدا... لقيت الكل موجود.. ولقيت الدكتورة نهى كمان موجودة ومستنيها
وعرفت بفرح نهى... بركت ليها... وأخذت مقاساتها.. واول مره ندا تقلع الطرحه قدم حد... كان حب عمران ونظرت عنيها ادوها ثقه كبيره جدا.. الكل بقى مستغرب... بس لقها هي فرحانه . وسعيدة..والكل فرح لفرحها وسعادتها... وحكمت حست أن ندا بتحب... فرحت ليها
#بقلم_ولاءيحيي
تاني يوم في المستشفى.. أليف في مكتبه رايح جي... هيتجنن أن أميرة مشيت إمبارح...وحاسس انها واحشه... ومش قادر يصبر على غيابها ... وهو وقف الباب خبط.. فجري قعد على مكتبه.. وعمل نفسه مشغول
أليف بيرسم الجديه :ادخل
الباب اتفتح... واليف مستنيه تقرب وتكلم.. عشان يبصلها
إياد :صباح الخير يا دكتور
أليف أستغرب الصوتووو... رفع رأسه وبص لقى إياد اللي قدامه
أليف بضيق:صباح النور...
إياد :تحت امرك يا دكتور... تعليمات حضرتك ايه
أليف بستغراب :تعليمات ايه... انتي مين يابني
إياد :انا إياد يا دكتور مساعد حضرتك
أليف يبرق عنيه ويقوم يقف :إياد مين... ومساعد مين... فين اميرة
إياد :أميرة اتنقل تدريبها.. مع الدكتور عوني.. ووو
ولسه هيكمل لقى إليف مشي بسرعه وخرج من المكتب وسابه
أليف بغضب يوصل لعيادة عوني... ميلقيش حد.. فوقف واحده من التمريض
أليف بغضب؛ :دكتور عوني فين
النيرس :في قسم الحروق
أليف مشي بغضب شديد... لدرجة انه خبط في عماد من غير ما ياخد باله
عماد بستغراب :أليف... مالك متعصب وواخد في وشك كده في ايه
أليف بغضب وزعيق :في استعباط... يعني ايه ياخد المساعدة بتاعتي من غير اذن... ومين سمح ليه اصلا... أميرة بتعتي انا
عماد بستغراب :بتعتك!!!
أليف بارتباك : قصدي المساعدة بتاعتي... (ويرجع يكلم بغضب) ازي يسمح لنفسه انه يغير فريق التدريب من غير ما يقولي
عماد :طب اهدي اهدي... انا اللي غيرته مش عوني
أليف بزعيق :غيرته ليه (وخد باله انه بيزعق لعماد فاتنهد) انا اسف يا دكتور عماد... بس ممكن اعرف حضرتك ليه غيرتها
عماد : هي اللي طلبت نقلها... البنت جت معيطه من اللي عملته فيها
أليف بغضب: يا سلام... واللي هي عملته فيا.. دي ضحكة عليا المستشفى كله... انا كنت برد ليها عملته بس
عماد بضحك :احنا في حضانه واللي مستشفى.. (ويتكلم بجديه يحاول يرسمها) أليف على شغلك... والمدربين مسؤوليتي انا... وانا اللي بقول كل واحد منهم يدرب فين
أليف بضيق أطفال : بس يا دكتور... انا مرتاح مع أميرة... ومش عاوز مساعد غيرها... رجعها وانا اووعدك هنلعب من غير صوة... قصدي هنشتغل
عماد يضحك اوي :مجانين والله مجانين
(ويمشي خطواتين وبعدين يبصلها )... هرجعها بس بعد فرحي... الفتره دي ملكش دعوى بيها... هي اللي بتنظيم الفرح...اوعي تضايفها احسن دي مجنونه وممكن تبوظ الفرح..
أليف بابتسامة :يعني هترجعها (و ياخد باله من الكلام)
بتقول فرح مين #بقلم_ولاءيحيي
كمال بابتسامة :فرحي انا والدكتورة نهى كمان اسبوعين واميره اللي بتنظمه
أليف بابتسامه يقرب ويبوسه :الف مبروك يا دك.. ايه المفاجأة دي... هتجوز كمان اسبوعين وانا اخر من يعلم... ينفع أميرة تعرف قبلي
كمال بضحك : أميرة هي السبب في الفرح .. قعدت معنا خمس دقايق امبارح.. حددت الميعاد والمكان.. والفستان كمان... (ورح غمز ليه) يابخت اللي هيتجوزها
ويمشي ويسبب أليف.. واقف بيبتسم ويتنهد بحب ورح على مكتبه... ورفض أن إياد يساعده وبعته لدكتور تاني .. وحاول أليف يشغل نفسه..وفي الاخر مقدرش.. ورح خارج من مكتبه وطالع على قسم الحروق... أول ما وصل لقى اميره واقف بتكلم واحده من التمريض وشكلها متعصب فمسك ملف من مكتب جمبه وقرب منهم وهو عمل نفسه بقرا
أميرة بغضب: لو مش قادره تشتغل هنا... يبقى تطلبي ناقلك لأي قسم تاني...
النيرس : انا عملت ايه بس يا دكتورة
أميرة بغضب : نظرت عينكي اللي بتبصي بيها لأطفال واهليهم.... كلها قرف واشمئزاز...متخيله احساس الطفل أو الأم وانتي بتص ليه كده
النيرس : غصب عني يا دكتورة... شكلهم صعب
أميرة بغضب :يبقى دا مش مكانك... اتفضلي بره القسم.. ومشفكيش هنا تاني
النيرس تخرج وأميرة تدخل اوضة... أليف ابتسم.. ورح ورها يشوف راحت فين... لقها قعده في اوضة الألعاب.. وأطفال كتير من المحجوزين في قسم الحروق ... قاعدين يلعبو معها وهي عمله تضحك وتحض وتبوس فيهم بكل حب. .. أليف ابتسم ومقدرش يمنع نفسه... ودخل الاوضه... وقعد معهم... هي شافته... قلبها دق.. واتبسطت بس دارت فرحتها..
أليف بابتسامه : ازيك يا دكتوره ( أميرة مرديتش عليه..) أن اسف على اللي حصل مني امبارح
أميرة بصت ليه اوي بستغراب... ورحت لفه وشها من غير ما ترد عليه.. وتفضل تلعب مع ولد صغير عمره 3 سنين ..كان عمل يجري بعيد ويرجع جرى ويروح لحضنها ويبوسها ويرجع يجري تاني... ويرجع لحضنها ويبوسه... الطفل كان عمل يلعب ويضحك وهي كمان بتضحك
أليف يغير اوي ان الولد بيحضنها ويبوسها... الولد جي بيجري على أميرة رحى أليف مسكه وقاعده على رجله.. فاميرة بصتله
أليف بغيظ : ايه يا عم انت... مافيش أدب كده خالص... نزل بوس فيها وانا قاعد.. مش تحترم وجودي(أليف بيتكلم وهو عمل يزغز الولاد و الولاد عمل يضحك... وأميرة كتمه ابتسامتها وعمله نفسها مشغوله مع طفل تاني ) ... تعال اقعد كده يااخي اقعد.. قولي انت اسمك ايه
الولد : ثميير
أليف بستغراب :ثميير... اااه سمير... ماش يا سمير... ممكن يا سمير تقول ليها تصالحني (سمير حرك راسه بلا) ليه كده يا سمير... مش احنا أصحاب...
سمير يضحك اوي.. و يروح ضرب أليف بلقلم... ف أميرة ضحكت جامد اوي
أليف بغيظ :ياااا بن...، ليه كده يا ثميير.. (ويبص لاميرة بغيظ) عجبك اوي وبتضحك
أميرة بصتله ومرديتش عليه.. وقامت تمشي.. رح حطط سمير على الأرض.. وقام يجري وراها.. ورح وقف قدمها قبل ما تخرج
أليف بابتسامه : انا اسف.. والله ما كان قصدي ازعلك.. دا انا بنغشك يا ميرا
أميرة بصدمه واستغراب :ميرا
أليف يتنهد :يااااا اخير... سمعت صوتك... صوتك كان وحشني اوي... كلك وحشني
أميرة بصدمة:هااااااا
أليف يبتسم :ويقرب من ودانها... بقولك وحشتيني (ورح بيسها في خدها) وهي مصدومه وفتحه بؤها.. ومش مستوعبه اللي حصل... ومره واحده فاقت ورحت شهقه و رحت رفعت أيدها و ضربه بلقلم...
أليف :ااااه (أميرة ضربته وخرجت تجرى) أليف يابنت المجنونه... والله ما سيبك... خرج يجري وراها.. كنت اميره رحت الاسانسير.. ودخلت... وقبل ما الباب يقفل أليف حط ايده.. ورح داخل.. حاولت تخرج بس بقى يقف قدمها وهو مبتسم وبيمنعها تخرج... لحد ما الباب قفل .. ورح أليف موقفه الاسانسير
أليف يقرب بابتسامة :والله ووقعتي تحت ايدي...
ندا بخوف : انت عاوز ايه ابعد عني...
أليف قرب.. وندا رفعت أيدها تضربه... رح مسكها رفعت.. أيدها التانيه.. رح مسكهم الاتنين.. ومرجعها لورا سندها على الحيطه ... ورفع أيدها لفوق رأسها ومقرب منها وعينه في عينها... وهي سرحت وتاهت.. وهو ابتسم
اليف وهو سرحان في عينها : ايدك دي متترفعش قدمي تاني.. فهمه
أميرة بسرحان:فهمه
أليف : اياكي لسانك يطول عليا تاني.. مفهوم
أميرة :مفهوم
أليف بابتسامة : ترجعي تدريب معايا.. ممنوع.. تكوني مع حد غيري... سامعه
أميرة بصوت تايه :سامعه
أليف ابتسم بخبث : قولي بحبك
أميرة بابتسامه :بحبك
أليف بفرحه وحب : وانا كمان بموت فيكي حبيبتي
وساب أيدها.. بس لسه ايده على الحيطه وهي في النص وسرح وقرب منها ولسه هيبوسها.. رحت موطيه.. هو خبط في الحيطه .. وهي ضغط على الزرار الاسانسير اتفتح.. وخرجت تجري
#بقلم_ولاءيحيي
أليف :اااه.. يامجنونه... (ويخرج يجري ورها بس هي كانت اختفت.. وهو فضل يتلفت حاوليه ورح مبتسم) مجنونه...(حط ايده على راسه اللي اتخبطت) اااه يا راسي.. البت دي على ما اتجوز ها... هكون محتاج قطع غيار
ومشى أليف.. وفضل طول اليوم يدور عليها في المستشفى بس هي روحت... كانت مبسوطه جدا... وتاني يوم مرحتش المستشفى... وفضلت تفكر تعمل ايه.. .. واليف لما مجتش تاني يوم كان مخنوق .. وبقي متعصب على الكل..
.
وتلات يوم أميرة رحت للمستشفي .. واليف كان قاعد في مكتبه... لقى الباب بيخبط...
أليف :ادخل
أميرة دخلت بابتسامه ومعها القهوة.. أليف اول ما شافها قام وقف قدمها بفرحه
أليف بلهفه : أميرة
أميرة بابتسامة : صباح الخير يا دكتور
أليف بابتسامه وحب :صباح النور يا قلب الدكتور
أميرة بكسوف : اتفضل القهوة
أليف مد ايده بابتسامة.. ولسه هياخد القهوة بس افتكر المقلب.. فبصلها اوي... رحت مبتسمه.. ورفعه القهوه وشربت منها... فابتسم بحب... واخد منها القهوه..وهو باصص لعيونها ولف الكوبايه في ايده... عشان يشرب من نفس المكان اللي شربت منه 🙈🙈 أميرة اتكسفت اوي.. وخرجت بسرعه.. بس هو خرج وراها.. ومشى جمبها وهو بيبصلها.. وهي بتبص ليها... وابتسامتهم على وشهم... ومش حاسين بلا حاوليهم... وفضله يتكلمه ويضحكو.. ونسيت الدنيا... وهم ماشين عدي من جمب عماد .. من غير ما ياخدو بالهم.. فضل باصص عليهم... وابتسم وخرج تلفونه.. واتصل بحبيته
الأربع شباب فضله في سعاده وفرحه... والدنيا مش سيعهم... وحكمت وفاطمة كانوا حسين بيهم... وحكمت فرحانه لفرحتهم وبتدعلهم رينا يسعدهم وما يفرقهم..
قرب الفرح والكل بقى بيجهز.
أميرة واليف هم الاتنين كانوا بيجهزو قاعه الاجتماعات.. وخلها احسن من أي قاعه أفراح ..ندا وعمران.. كانوا كل يوم يتقابلو.. وتحكي ليه على المشغل.. ومشرعها... ويشوف تصممها.. و كان بيشجعها...
وجي اليوم الموعود
يوم الفرح... الكل كان مبسوط وفرحان... نهى كانت مع البنات وحكمت في اوضه.من الاوضه بتجهز ... وعماد كان وقف في القاعه مع أليف وعمران..... وشويه ودخلت اميره بفستان موف رائع.. أليف اول ما شافها.. عينه طلعت قلوب.. وعماد فضل يضحك.. وعمران بقى مستغرب..
ندا بابتسامة : الكل في مكانه..(وتبص لاليف بحب) شغل الموسيقى يا دكتور أليف
أليف غمزلها.. والكل خد باله وهي اتكسفت وخرجت بسرعه... #بقلم_ولاءيحيي
عمران قرب من عماد:هو اليف ماله
عماد مكنش سامع.. عينه متعلقه بالباب.. مستني يفتح... قلبه عمل يدق جامد... عمران ابتسم.. واتمنى لو ندا معه ويشوفها... وهنا اتفتح الباب.. ودخلت نهى... وعينها متعلقه بعين عماد... عينهم اتملت دموع.. دموع فرح وحب... عمران بيرفع عينه... اتفاجأ ب ندا.. جمب العروسه... هي قالت ليه راحه فرح بس مقالتش فين.. وندا اول ما شافته قلبها دق.. هي كمان كانت بتتمني تشوفه... عماد قرب اخد نهى... ومسك وشها بايده الاتنين.. وباسها من جبينه بحب... عمران قرب من ندا اللي كانت جمب حكمت .. ورح مسك أيدها من غير ما حد ياخد باله...فترعشت.. حكمت بصت ليها بستغراب.. وبصت لايدها لقيتها في ايد عمران... وشافت عمران بيتكلم بصوة واطي.. بس حكمت قدرت تقرى شفايفه
عمران بفرحه : وحشتيني.. احلى مفاجأة اني اشوفك... عقبلنا حبيبتي
ندا اتكسفت ووشها احمر وسحبت أيدها.. حكمت ابتسمت.. وبصت لعمران اوي.. شافت الحب في عينه.. اتنهدت براحه وابتسمت.. بتبص على أميرة .. لقيتها.. وقفه قدم أليف.. وبيتكلمو ويبتسمو...وسرحانين في عيون بعض. واليف.. رفع ايده بيبعد شعرها عن عنيها.. وعينه كلها حب وفرحه.. حكمت عنيها.. دمعت.. فرح للبنتين .. وشوق لحبيب غايب
أميرة اخدت بالها أن حكمت شافتها... فقربت منها ووقفت قدمها هي وندا.... عمران اول ما شاف أليف بيقرب من ندا رح وقف جمبه
أميرة بابتسامه :أليف دي تبقي
أليف بابتسامه يسلم عليها :ماما حكمت... مع ان ماما دي تكبر حضرتك اوي.. انا مبسوط اني شوفتك..واحب استذنك اني اجي ازوركم قريب .. اتعرف على حضرتك وعلى تيته فاطمه.. (ويبص لندا وبيمد ايده عشان يسلم ) واكيد انتي
عمران بسرعه مسك ايد أليف :ندا... اخت أميرة... (ويبص لحكمت) انا عمران و جاي مع أليف... في نفس الزياره..
حكمت ضحكت اوي بصت للولادين : اهلا بيكم
أميرة وندا يبصه لبعض بستغراب... هم الاتنين ميعرفوش أن أليف وعمران يعرفو بعض .. الأسبوعين اللي فاتو عاشو السعادة والحب وبس .. خافو يسأل أن أي تفصيل ممكن تقف في طريق حبهم.. كل واحده فيهم.. عاشت الحب مع حبيبها.. ونسيو يسأل بعض عن أي تفصيل لحياتهم .. واليف وعمران.. شافوا أن مافيش حاجه مهمه غير انهم سوا... مافيش حاجه مسموح ليها تكون سبب انها تفرقهم.. أو تزعلهم... ماكنش حد فيهم شايف ان فيه شي مهم لازم يعرفوه عن بعض غير حبهم .. الحب اللي بينهم..كان اهم من اي شيء.. تأتي
عماد ونهى يقربو منهم
عماد بابتسامه : مدام حكمت انا مش عارف اشكرك ازي انتي واللي بنات على تعبكم معنا
حكمت تقرب من نهى وتحضنها : تشكرني على ايه بس.. نهى اختي.. وفرحه فرحان
نهى بابتسامة : انا لو ليا اخت مكنتش هتعمل اكتر من اللي عملتيه معايا
حكمت بابتسامه :ربنا يسعدكم يارب
أميرة تبص لاليف بستغراب : انتم تعرفو بعض
عماد بابتسامه :يعرفوا بعض بس ... دول اخوات (ولسه هيكمل كلامه)
أليف بصدمه :اللي بوووب
وجرى أليف وعمران لحضن الضيف اللي وصل.. وعماد رح معهم.. وقفه يسلمو عليه.. ومحدش شايف هو مين
#بقلم_ولاءيحيي
أميرة وندا يبصه لبعض بستغراب وبيتكلمو
ندا :هو قال بابا
أميرة بستغراب :ايوه.. بس أليف مقالش أن باباه جي..
نهى بابتسامه :اكيد جي يشوف العروسه... والله وكبرتي نفسك يا حكمت.. كان لازم تحلفى البنات انهم بعرفكي لناس ب ماما
حكمت بابتسامة : من خوفي عليهم... خفت الناس تفتكر أن ملهمش حد.. وفريسه سهله... ويجو عليهم ويضيقهم.. كان لازم الكل يعرف ان وراهم ام..مش هتسمح لحد يجي عليهم.. واللي يجرحهم..
أميرة وندا يقربه من حكمت يحضنها
البنتين :ربنا يخليكي لينا يا ماما
حكمت والبنات كان ظهورهم لشباب .. ولحد لما سامعو صوت عماد ورهم
عماد : حبيبتي تعالى اعرفك... (يلف الكل.. وتلف حكمت وتلقى.. كمال.. تقف مصدومه.. وهو صدمته مش اقل من صدمتها) كمال صديقي...و ويبقى
وفي نفس الوقت.. اتكلمو الاتنين
كمال بصدمه :حكمت... حكمت بصدمه :كمال
الكل وقف مستغرب... نظرتهم.. أميرة وندا بصو لبعض بصدمه
البنتين : دكتور كمال
عمران وقف جمب كمال واليف وقف من الجمب التاني..
عمران بستغراب : انتم تعرفو الدك الكبير بتاعنا
حكمت عنيها اتملت دموع... الشريط كله مر قدم عنيها.. وآخر حاجه كانت صورة كمال وهو مبتسم... وماسك ايد عروسه.. بلفستان الأبيض.. وطرحه على وشها.. وافتكرته.. لما قرب.من العروسه .. وهيرفع الطرحه عشان يبوسها.. غمضت عنيها.. وبعد عن الفيلا قبل ما تشوفه مع غيرها .. وفاطمة خدتها ومشيت....
حكمت افتكرت وعنيه اتملت دموع ماقدرتش تمنعها.. كمال اول ما شاف دموعها يقرب منها بحزن
كمال بحزن .:حكمت
حكمت بصت ليه.. وهو بيقرب.. ورحت رجعه لورا.. وجريت.. بدموعها... والبنين ونهى جرى وراها
البنات بخوف :ماما
كمال لسه هيجري.. عماد مسكه
عماد :مش دلوقتى يا كمال... سيبها تستوعب الصدمه.. وانك رجعت.. ووقف قدمها
كمال بصله : دي حكمت يا عماد... هي اللي كانت قدمي.. انا مبحلمش صح
عماد بابتسامه حزن : هي يا كمال
كمال بصدمه :كنت عارف مكانها
عماد بسرعة : لا يا صاحبي.. معرفتهاش... انا شبهت عليها من الصورة اللي في جيبك دايما... بس معرفتهاش.. الصوره قديمه ومش واضحة.. لو عرفتها..كنت بعتلك..
عمران واليف يبصه لبعض بصدمه :حكمت
#بقلم_ولاءيحيي
ونعرف بكرا ايه اللي هيحصل... اسفه الحلقه اللي كانت مكتوبه على الفيس وهو اتقفل... الحلقه دي كتبتها بسرعه.. عشانكم.. سامحني لو مش مظبوطه..
💗💗 (اليتمتان)💗💗 #بقلم_ولاءيحيي
البارت السادس عشر
حكمت خرجت من القاعه وهي بتجري.. و راح وارها البنات ونهى.. دخلت الاوضه... اللي نهى كانت بتجهز فيها... وعيطت.... عيطت بوجع وألم سنين.. عيطت بشوق وجرح .. دخلت نهى والبنات جرى
نهى بقلق :حكمت.. مالك حبيبتي
أميرة وندا بحزن وخوف:ابله حكمت
حكمت بدموع وزعيق :ماما.. ماما حكمت... اوعو تقولي غير ماما.. (وتبص لنهي وهي منهارة) هو اتجوز وخلف وولاده جمبه... .. وانا... انا يا نهى خلاص نسيني.. طب ليه انا مانستوش.. ليه مقدرتش اجوز غيره.. اشمعنا هو نسيني و قدر يتجوز ويعيش ويخلف.. صادق صادق اني خاينه ... .. قدر ازي يصدقهم ... مشي وسبني لوحدي... (وتبص للبنات وتبتسم بحزن ) لا انا مش لوحدي انتم معايا ... انا ماما.. فاهمين .. انتم بناتي... وانا عشيه بيكم... هو عنده ولاده.. وانا عندي انتم... انا مش لوحدي.. مش لوحدي..(وتشد البنات في حضنها) مش لوحدي يا نهى
البنات حضنوها بدموع... مش قادرين يشوفه دموع حكمت وحزنها....(بصلها.. ورفعوا الاتنين ايدهم يمسحو دموعها بحب)
أميرة بدموع : احنا معاكي يا ماما.. عمرك ما هتبقي لوحدك
ندا بدموع : احنا مالناش غيرك يا ماما... انتي ربنا بعتك لينا.. احنا اللى من غيرك كنا هنضيع... احنا مانقدرش نعيش من غيرك ابدا يا ماما
نهى بدموع وابتسامه : وانا كمان يا حكمت... ماليش غيرك.. انتي والبنات.... انا لما جيت افرح انتم اللي فرحتوني وشاركتوني فرحتي. حسستوني اني ليا أهل... انتي اختي يا حكمت.. والبنات بقى بناتي
حكمت افتكرت أن النهاردة فرح نهى اليوم اللي بتستانه من سنين طويلة..
حكمت بابتسامة وسط دموعها: لا معلش دول بناتي انا...انتي روحي لجوزك هاتي لنفسك بنات وولاد. .وبعدين .انتي ايه اللي جابك هنا .. قومي روحي فرحك... زمانهم بيقوله العروسه هربت
(البنات ونهى ضحكوا حكمت وقفت وشدت نهى )
حكمت بابتسامة :قومي حبيبتي روحي لجوزك ولفرحك... عيشي سعادتك وافرحي بليلتك .. (وتمسح دموعها) انا اسفه يا نهى اني زعلتك يوم فرحك.. قومي روحي لعريسك... ارجعي فرحك حبيبتي
نهى بابتسامة :هنرجع سوا.. مش هرجع من غيركم
حكمت بحزن :انا اسفه يا نهى بس انا مش هقدر.. انا هروح وهسيب معاكي البنات.. لكن انا مش هقدر أرجع
أميرة وندا : احنا هنروح معاكي يا ماما
حكمت بابتسامة وحب تحط أيدها على وشهم :لا حابيبي.. خليكم جمب نهى هي محتاجكم انتم تقفه مع اختي بدالي .. ومتخافوش عليا انا كويسة.. (وتبص ليهم كلهم بجديه ) بس لازم توعدوني أن محدش يعرف عني حاجة.. نهى ارجوكي.. محدش يعرف أي حاجة عني حتى عماد لو بتحبيني بجد يا نهى .. وانتم يا بنات نفس الكلام.. .. انا مش بطلب منكم تاَكدبو.. كل اللي بطلبه انكم متردوش على أي اسألها تخصني.(وتبص لهم) اوعدني
نهى واللي بنات :نوعدك
#بقلم_ولاءيحيي
في القاعة كمال وقف هيتجنن عينه على الباب.. مستني حكمت ترجع مع العروسة.. بس لقى نهى دخله هي والبنات وبس.. ميل على عماد بقلق
كمال بقلق وخوف انها تضيع منها تاني :فين حكمت مرجعتش معاهم ليه..
عماد بابتسامه :اهدي يا كمال...اكيد روحت
كمال بخوف : روحت فين.. ازي تروح.. مش هلقيها تاني... هتختفي ...انا لازم الحقها
عماد مسكه : يا كمال... اصبر بس... هي هتختفي هتروح فين .. وبعدين ما بناتها قدمك أهم.. مش معقول هتختفي وتسبهم
كمال بص مكان ما شاور عماد وشاف ندا وأميرة
كمال : دول بنتها
عماد ايوه اللي لبسه موف دي أميرة.. في سنه اولى كليه طب وبتتدرب معنا هنا في المستشفى.. واللي لبسه احمر... ندا... سنه اولى فنون جميله
كمال بابتسامة وهو متخيل أن دول بناته :توائم..حلوين اوي مع انهم مش شكل بعض.. بس كل واحده فيهم فيها حاجه من حكمت.. (ويبص ليه) عندها ولاد غيرهم
عماد :لا معتقدش.. جوزها مات (ولسه هيكمل)
كمال بلهفه :مات
عماد :ايوه لما كنت بعمل لاميرة انترفيو.. سألتها عن ابوها... قالت مات لما كان عندها 5سنين
كمال ابتسم وقال لنفسه : يعني حكمت ارمله ...و ممكن نرجع لبعض... وبناتها يبقى بناتي
بص كمال للبنات بحب... .. وابتسم... بس لفت نظره أن أليف قرب عشان يكلم أميرة.... رحت بعده عنه.. ورفضت تكلمه .. ووقفت جمب نهى.. ولقي عنيها حزينه.. وكلها دموع ... واليف متعصب.. غضبان وكمال عينه ..َ رحت لندا.. لقى عمران متعصب وبيحاول يوفقها ويتكلم معها .. وهي رفضه تقف وبتحاول تمشي .. وهو بيمنعها ووقف قدمها .. بس نهى وأميرة راحو ليها وأخدوها بعيد عنه.. عمران راح لاليف.. وقفه الاتنين وهم متعصبين جدا وهيتجننو
كمال بص لعماد بستغراب :هم الولاد والبنات..في حاجه بنهم
(عماد اتنهد وهز راسه بايوه.. كمال ابتسم) ربنا يجمعهم على خير
#بقلم_ولاءيحيي
حكمت فضلت ماشية وعينها كلها دموع.. بتفتكر زمان وحبهم.. كانت بتبتسم وسط دموعها.. وهي بتفتكر كمال ووعده وكلامه.. روحت بيتها ودخلت.. كانت فاطمة قعده استغربت رجوع حكمت بدري.. ومن غير البنات.. وشكلها ودموعها
فاطمة بقلق :ايه اللي رجعك بدري يا حكمت... وفين البنات
حكمت تقعد جمبه :البنات مع نهى في الفرح.. شويه وهيرجعو
فاطمة: وانتي ايه اللي رجعك مفضلتيش معهم ليه..
حكمت تقف :تعبت شويه.. مقدرتش.. قعد... (وتبص لها) انا هدخل ارتاح ونام تصبحي على خير ياتيته ...
#بقلم_ولاءيحيي
مشيت حكمت وفاطمة عنيها عليها وحسه بخوف وقلق.. هي شافت حكمت بالحال دا قبل كده... ايام زمان..
فاطمة لنفسها بقلق :ياترى ايه اللي رجعك للحال دا يا حكمت.. انا قولت نسيتي... ايه اللي حصل.. استرها يارب
البنات بعد كتب الكتاب خرجو بسرعه.. كانوا قلقانين على حكمت.. فتسحبو من غير ما حد يحس.. وهم على باب المستشفى.. كان سالم زميل أميرة بيكلم في التلفون... لقهم خارجين
سالم :على فين يا أميرة
أميرة :هنروح يا سالم
سالم : طيب تعالوا اوصلكم... ماينفعش تمشي لوحدكم الوقت اتأخر
أميرة :شكرا يا سالم.. احنا هناخد تاكسي على طول
سالم بابتسامه :تاخذي تاكسي وانا موجود.. مينفعش والله انا بعتبرك اختي الصغيره يا أميرة... طب اركبو واهاخد منكم حق التاكسي
أميرة وندا يبتسو.. ويبصه لبعض.. ويوافق يروحه مع سالم...
اليف وعمران خده بالهم من اختفاء.. أميرة وندا.. ولما أليف سأل واحده من البنات قالت ليه انهم مشيو... فخرج هو وعمران.. يجرو عشان يلحقهم...بس اول ما وصله لباب المستشفى... شافهم بيركبو مع سالم العربية... خرجو يجرو بس سالم كان بيتحرك
أليف بغضب :أميرة... عمران بغضب شديد :ندااااا
سالم كان هيقف بس البنات الاتنين صرخو
البنات :اوعي تقف...
سالم بخضه :ليه... دا الدكتور أليف.. شوفي عاوز ابه
أميرة : لو وقفت والله ليضربك..
ندا : واللي معه دا مش هيضربك بس .. دا هيموتك
سالم بلع ريقه بخوف... وداس على البنزين... وجرى بالعربيه
عمران بغضب :مين دا... انت تعرفو
أليف بغيظ وغضب : الزفت سالم... والله لربيه... أم أميرة بقى... انا هكسر دماغها
عمران بغضب :ماشى يا ندا... ماشي (ويبص ل أليف) انا عاوز افهم... هم اتقلبو علينا ليه... كمال كان بيحب امهم زمان وسابو بعض... احنا يبعدو عنا ليه
أليف بص لعمران : تفتكر الموضوع دا... يخليهم يبعدو عنا... اكيد مامتهم هتخاف عليهم...بعد الحصل ليها زمان
عمران بصله بغضب :انا مش هبعد عن ندا...ومش هسييها لأي سبب (وسكت شويه وبص ل أليف) هو كمال ممكن يزعل... هو لسه بيحبها...و وجود البنات قدمه... هيفكرو.. انا مقدرش اكون سبب في تعب كمال.. كفاية اللي حصل ليه زمان
أليف يتنهد بحزن : مش عارف... كل اللي اعرفه اني مش هسيب ندا... (ويبص له) وكمان مقدرش اجرح كمال.. اللي كمال
#بقلم_ولاءيحيي
كمال كان وقف وراهم وسامعهم فابتسم.. وقرب منهم
كمال بابتسامه : ومين اللي هيسمح ليكم انكم تسبوهم.. (الاتنين بصو وراهم) انا عمري ما هسمح انكم تضحو بحبكم عشان اي حاجه او حد.. ودلوقتي بعض ما عرفت انتم بتحبو مين... فأنا ممكن اموتكم لو فكرتم تبعدو عنهم أو تجرحهم... دول مش بنات حكمت لوحدها ... دول بناتي... اللي حلمت بيهم طول عمري... هم اللي حلم اللي حلمت احققه مع حكمت.... يمكن هم مش مني... بس يكفي أن امهم هي حكمت... اوعي تفكرو تسيبوهم.. أو تبعدو عنهم فاهمين
أليف وكمال يحضنه بفرحه... وياخدهم ويركبو عربية عمران ويمش... وكمال يعقد يفكر ازي هيقابل.. حكمت... ازي هيعتذر منها عن اللي حصل زمان... وزي هيقولها.. انه غصب عنه مقدرش يرجعلها.... رجع بذاكرته يفتكر زمان... لما ناديه ومدحت ومحمد رحو المستشفى
#فلاش_بك
محمود بغضب : اشترت نصيب كمال.... ازي وامتي... العقد دا مزور
محمد: العقد سليم... عملوا كمال بنفسه... ومعك صورة.. ممكن تروح تطعن فيه بس بعد ما ... تسلمنا المستشفى
سلوي بغضب :مستشفى ايه اللي تاخدوها ... امشو اطلعوا بره
الظابط : لو سمحتي يا هانم... بلاش مشاكل... ياريت تنفذو حكم المحكمة.. واللي هنفذه بالقوة
محمود بغضب :قوة!!! انا مش خارج من المستشفى... دي بتعتي... وحتى لو ملك ناديه... فهي بنتي.. وانا الوصي عليها
ناديه بستهزاء : وصى... صحي النوم يا دكتور محمود... انا سني بقى 21سنه.. يعني مش قاصر... (وبصت ليه بكره) دلوقتى جي تفتكر انك وصى... عشان الفلوس... لكن زمان وانا في وصايتك بجد... رمتني... كنت بتقعد بسنه متعرفش عني حاجه... (وتبص له بكره) اطلع بره... خده الحربايه اللي جمبك وطلع بره
محمود قرب بغضب وكان هيضربها بلقلم.. بس مدحت وقف قدمه ومسك ايده
مدحت يغضب : مش هسمحلك تقرب منها... واللي تمد ايدك عليها
محمود بغضب : انت مين انت عشان تسمحلي... دي بنتي
مدحت بغضب :ومراتي... وانا مش هسمح لأي حد يقرب لمراتي
سلوي بغضب :مراتك... انتم رسمتها سوا بقى... وعاوزين تستولو على المستشفى
محمد بغضب : الرسم دا انتم اللي تعرفوه.... والمستشفى ملك لناديه (ويبص لظابط) حضرت الظابط لوسمحت شوف شغلك
الظابط يشاور للعساكر.. اللي يقربو من محمود وسلوي.. ويشدهم.. وسط صريخ وغضب سلوي ومحمود.. وتهديدهم لي الكل انهم هينتقموا منهم... بعد ما خرجوا.
محمد ومدحت وناديه جمعوا مدير المستشفى ورئساء الاقسام
#بقلم_ولاءيحيي
محمد بغضب :دكتور كمال فين الكل بيبص لبعضهم.. وهم مش فاهمين.. واللي عارفين هم بيتكلموا عن ايه...
مدحت بغضب : لو مقولتش الدكتور كمال فين هنبلغ البوليس... وهم يجو بنفسهم.. يعملو تفتيش وجرد.. وساعتها كلكم هتروح في داهية... لكم المخلافات والعمليات المشبها اللي في المستشفى
الكل: احنا مانعرفش حاجه... ملناش دعوى... احنا بتشتغل هنا بس
مدحت :البوليس هو اللي هيقول ليكم دعوى.. واللي لا
ولسه بيقرب وهيرفع السامعه..
مدير المستشفى :دكتور كمال.. محجوز في المبنى اللي فوق... لأنه تعبان... والدكتور علاء... هو اللي بيعالجه
محمد يقرب منه بغضب : قدمي... ورينا مكانه..
#بقلم_ولاءيحيي
المدير يمشي.. وناديه ومدحت ومحمد.. راحو معه... طلعوا المبنى.. اللي اتفاجاة انه مش مجهز ومهجور... وقرب من اوضه بعيده جدا عن باقي المستشفى.. وفتحها.. ودخلت ناديه تجري ومعها مدحت ومحمد جريو على سرير اللي كمال نايم عليه ... مبيتحركش... دقنه طويله.. ووشه اسود ومرهق وتعبان
ناديه بصريخ : كمال.. كمال... حبيبي.. عملوا فيك ايه
مدحت بغضب يقرب من الدكتور ويمسكه بغضب : عملتوا فيه ايه... انطق
علاء بخوف : انا معملتش حاجه... انا كنت بنفذ أوامر الدكتور محمود.. ومدام سلوي
مدحت ضربه بلبوكس : والله لوديكم كلكم في داهية... واولكم محمود وسلوي
#بقلم_ولاءيحيي
ناديه بصريخ : مدحت هات دكتور... بسرعه يا مدحت
مدحت طلع التلفون.. واتصل ب عماد وطلب منه يجي بسرعه... وبعد ساعة عماد كان بيكشف على كمال....اللى مبيتحركش.. وبعد ما خلص.. بص لدكتور اللي واقف مرعب.. وقرب منه
عماد بغضب : اديته ايه بظبط.. ولمدة قد ايه
الدكتور بخوف : انا مليش دعوى... دكتور محمود هو اللي امر.. انا كنت بنفذ بس
عماد بغضب وزعيق : اديتها ايه انطق
الدكتور بخوق: بياخد..........
عماد وشه احمر من الغضب.. وقرب منه ونزل ضرب فيه... بس مدحت ومحمد مسكوه وبعده عنه
عماد بغضب : يا ولاد...... انتم دكاترة... والله لوديكم كلكم في داهية
محمد : فهمني يا دكتور في ايه... ايه الأدوية دي
عماد بغضب : مهدء... مدرج تحت قائمة المخدرات...
مدحت يبرق : يعني ايه الكلام دا
عماد يبص ليه بحزن : كمال بقى مدمن مخدرات...
#بقلم_ولاءيحيي
ناديه صرخت.. ومدحت ومحمد وقفه مصدمين... آخر شي كان يتوقعه.. ان شرهم يوصل لكدا
#بك
رجع كمال للواقع على صوت أليف
أليف :كمال... كمال
كمال :هاااا... بتقول ايه يا أليف
أليف :بقولك.. وصلنا البيت
كمال يبتسم.. وينزل مع الشباب ويطلع البيت
البنات كانوا وصله للبيت.. وفاطمة كانت مستنيهم.. واول ما وصله سألو على حكمت.. عرفوا انها نايمه وقفله عليها.. وفاطمة سألتهم على اللي حصل.. وهم قالوا ليها عن رجوع كمال.. وانها شافته مع ولاده
حكمت بحزن :يااااااا بعد العمر دا كله... يرجع يقف قدمها... ومعه ولاده... ياعيني يا حكمت... الدنيا لسه بتيجي عليكي يا بنتي... دا انا حمدت ربنا انها رجعت تاني للحياة.. لما دخلتم حياتها... ترجع تاني تكسرها.. تشوف ولاده... (وتبتسم بحزن) الدكاترة... ربنا يحميهم...
ندا بدموع :لدرجة دي ياتيته صعب على ابله تشوف ولاد كمال
فاطمة بحزن : حكمت عاشت حياتها على ذكرى حب كمال.. معرفتش تنساه.. واللي تدخل حد غيره حياتهم... تشوفه هو نسياه.. واتجوز... وخلف.. (تتنهد) ربنا يصبرها.. ويطيب قلبها... قوموا يا بنات ارتاحو.. والصبح محدش عارف ربنا مخبي ايه... ربنا يجعله خير يا رب
يقوم البنات وكل واحده فيهم.. قلبها مكسور.. ودموعها. مليا عنيهم.. قعدوا على السرير ودموعهم نازله.. وكل واحده بتقول لنفسها... إنها عمرها ما هتكون سبب لجراح حكمت... ولازم يبعدو عن الشباب
#بقلم_ولاءيحيي
فاطمة كانت قعده تفكر.. وتفتكر حاجات كتير
فاطمة اتنهدت بحزن : الله يرحمك يا على... يمكن لو ماكنتش قولت ليهم انها اتجوزت... كان استنها.. خوفت من تهدتهم ليموتها... اهي عاشت.. بس قلبها هو اللي مات... يارب اقولها على اللي حصل .. واللي أفضل ساكته.. وحافظ على وعدي لابني... يارب الحمل تقل... 19 سنه شيله... وكل يوم بدعي انها تنسى .(وتسكت وتفكر) 19سنه... طب ازي دول ولاده... البنات بيقوله.. انهم دكاترة... يعني 26 تقريبا... طب ازي... ايه الحيره دي يا رب..
وفضلت فاطمة سهرانه تسأل نفسها... وتدعي ربنا.. يدلها على الطريق.. ويريح قلب حكمت
الصباح طلع.. والبنات قرروا انهم مش هيخرجو.. وفضلو قاعدين مستنين حكمت تخرج من الاوضه... وبعد شويه... خرجت حكمت وكانت لبسه هدمها
حكمت بترسم ابتسامة : صباح الخير
الكل :صباح النور
حكمت : انا همشي احسن اتأخرت اوي النهارده.. (وتبص للبنات بستغراب ) انتم ليه ملبستوش ونزلتو..
#بقلم_ولاءيحيي
أميرة :مش هنخرج النهارده
حكمت تبص ليهم بعصبيه :كل واحده فيكم... تشوف وراها ايه... مافيش حاجه في حياتكم هتتغير.. اتفضلو البسو بسرعه.. عشان تنزلو معايا (البنات لسه هيعترضو.. حكمت بزعيق ) بسرعه قولت
البنات دخلوا اوضتهم بسرعه
فاطمة تبص ليها : حكمت في موضع عاوزه اتكلم فيه معاكي
حكمته بابتسامة : معلش يا تيته.. انا عارفه انك قلقانه عليا... بس انا كويسه اوي... متخافيش عليا.. ولما ارجع هنقعد نتكلم..ممكن
فاطمة تتنهد :حاضر يا حكمت... بس لازم نتكلم
حكمت قربت منها بابتسامة.. وباسته... شويه والبنات خرجوا.. وحكمت اخدتهم ونزلت...
في المستشفى أليف وصل المستشفى وهو متعصب.. وغضبان.. ودخل وهو عمل يدور عليها.. بس لقى سالم.. قاعد بيفطر مع زميله ويضحك... رح ريح ليه بغضب... ومره واحده سالم لقي حد بيرفعه من قفاة.. فبيبص لقى أليف اللي وقف كله غضب.. والكل قام وقف بخوف.. ويبص عليه.. أليف زق سالم ل الحيطة.. ومسكه بغضب
أليف بغضب وزعيق :لو شوفتك بتقرب من أميرة تاني هموتك... لو فكرت بس تكلمها نص كلمه هموتك... لو شوفتك وقف في مكان أميرة فيه هموتك... فاااااهم
صوة أليف الغاضب جمع كل المستشفى.. والكل بقى بيتفرج
سالم بخوف : فاااااهم
أليف سابه بغضب.. وبيلف.. لقى أميرة وقفه.. وهي مبرقه ومصدَمه من اللي سمعتوا.. أليف بص ليها بغضب.. ورح مقرب منها.. أميرة اترعبت.. فطلعت تجري... بس مره واحده.. لقيت نفسها.. بتتشال من على الأرض.. وحطها على كتفه.. ولقيت الكل بببص عليهم
أميرة بصريخ وبتضرب فيه ظهره : نززلني... سبني
أليف بغضب وصوت ملي المستشفى : آخرسي مسمعش صوتك...
أميرة سكت وهي مصدومه وحطت أيدها بغضب على خدها.. .. ومش عارف أليف هيعمل فيها ايه
كمال خرج من مكتبه على الصوة... لقى أليف جي وشايل أميرة على كتفه.. واول ما قرب منه.. رح غمزله.. وكمل مشي
كمال ابتسم.. وفكر شويه.. ودخل مكتبه... واتصل بتلفون
#بقلم_ولاءيحيي
عند ندا وصلت الكليه.. ودخلت المحاضرة.. والدكتور بيشرح... وهي مش مركزه... بس لقيت الصوة سكت مره واحده.. رفعت رأسها تشوف في ايه.. لقيت عمران وقف بغضب....
عمران بغضب : قومي قدمي
ندا تبص حواليها بكسوف وتوطيَ صوتها : عندي محاضرة مش هقوم
عمران بغضب وزعيق : نداااا قومي قدمي
ندا اتخضت وخافت.. ورحت قايمه.. وهي بتص لعينه اللي كلها غضب... واول ما خرجت.. رح مسك أيدها.. وشدها وخرج بيها قدم الكل
ندا تبص حواليها تلقى الكل بيبص عليهم
ندا بغيظ :عمران سيبني
عمران وقف قدمها : مسمعش صوتك... حسابك كبير اوي
ورجع مشي وهو بيشدها..وهي ساكته ومش عارفة عمران هيعمل ايه
#بقلم_ولاءيحيي
ونعرف بكرا ايه اللي هيحصل.... النت وحش ومش راضي يفتح فيس... حد فودافون عمل معه النهاردة
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق