روايه بناتى حياتى الجزء الثاني الفصل السادس والسابع بقلم ولاء يحيى
روايه بناتى حياتى الجزء الثاني الفصل السادس والسابع بقلم ولاء يحيى
بناتي حياتي الحلقه (6)
في بيت الجده كانو بيحضره الفطار وسمعه مره واحده صوة اغاني افراح شغاله بصوةعالي اوي في الشارع
ايمان بستغرب : مين ال مشغل الاغاني الصبح بدري كده
سناء : شكله فرح يمكن في حد هيتجوز من الجيران
الجده : ياتري مين الهيتجوز وليه معزموناش
مني : حتي لو فرحه يشغله اغاني عاليه من بدري كده
فريد ببتسامه : دا فيه ناس بيفضله كده بتلات ايام ربنا يستر وميكنوش منهم
فؤاد بضحك : تلات ايام دا انا من خمس دقايق صدعت
وهو بيتكلمه يدخل فاروق وهو مخنوق ومدايق
الجده بستغراب : مالك يافاروق زعلان ليه
فاروق : مافيش يا ماما مصدع بس
فؤاد بضحك : لحقيت دا فريد بيقول ممكن يعقده تلات ايام
ايمان : هو مين ال بيتجوز من الجيران يا فاروق
الكل يبص لفاروق ال قعد سكت وبصص لطبق ومبيتكلمش
الجده بستغراب : واد يا فاروق مبتردش ليه مين الهيتجوز ومشغلين الاغاني دي
فاروق يبلع ريقه ويقول : سليم
الكل بصله بستغراب وصدمه
مني : سليم مين
فاروق يتنهد : سليم يا مني هو فيه غيره هو ال بيتجوز وفي ناس عمله تعلق انور علي بيتهم وحطط بلون كبير قدم البيت وكتب عليه كتب كتاب سليم واميره ومشغل اغاني زي ما انتي سامعه
الجده بضيق : دا قصدها بقي
الكل يعقد ساكت ومش عارفين يقوله ايه وكل واحد قعد علي كرسيه ومبيتكلموش
لين صحيه وصلاة وغيرت لبسها وخرجت لقيت الكل قعد علي الفطار
لين ببتسامه : صباح الخير عليكم جميعا
الكل يبصلها بنظرات غيربه كلها قلق وخوف : صباح النور
لين تستغرب شكلهم ونظرتهم فتعقد علي كورسيها و تلقيهم كلهم سكتين مبيتكلموش زي عوايدهم فتقرب من سها وتشويشها
لين بصوة واطي : هو فيه ايه
سها تبصلها برتباك وترسم ابتسامه : مافيش
لين ترجع تعقد عدل وتبداء تاكل بس مستغربه الصمت ال حاوليها
لين ببتسامه : امل هو فين
سناء : رامي عنده شغال في المستشفي ياحبيبتي
لين ببتسامه : انا مش بسال علي رامي انا عرفه انه في شغله
ايمان : امل بتسالي علي مين
لين بضحك : علي سند الحنك ال اكلتوه
الكل بصلها وضحكه ومره واحده يعالي صوة الاغاني اوي باغنيه يا بتاع النعنع يا منعنع
لين بضحك : منعنع هو مين ال مشغل الاغاني دي علي الصبح كده هو في فرح وال ايه
الكل يبصه لبعضهم ويبصلها ويسكوته فلين تستغرب اكتر
لين : هااااا يا بشر نحن هون مالكم كده
مني ببتسامه : مالنا يا لين ما احنا كويسين اهو
لين : طيب مش بتكلمه ليه ومحدش بيرد عليه فرح مين دا
فؤاد بهدوء : فرح سليم يالين
لين كانت بتاكل فبصتلهم بستغراب : فرح سليم !
فريد : ايوه يا بنتي فرح سليم
لين سكتت شويه وبعدين رفعت حواجبها بستغراب : ربنا يسعده
وترجع تفطر بس كل ما ترفع نظرها تلقي الكل بيبص عليها فضايقت من نظرتهم
لين وهي بتقوم : انا شبعت
مني بخوف : ريحه فين
لين تبصلها بستغراب من الخوف ال شايفه في عينها : ريحه اوضتي هشتغل شويه في حاجه
مني بقلق : لا يا حبيبتي مافيش بطمن عليكي
لين بستغراب : اوكي
وتسيبهم وتدخل اوضتها
وفي بيت سليم
شروق بضيق : شايفه عمايل اخوكي الاغاني ماليا الشارع من الصبح زي ما يكون عاوز يكدها ويغظها
مروه ببتسامه : حتي لو هو عاوز يغظها انت قولتي بعد ما قبلتي لين انها نسيته وبتحب رامي يعني كل تصرفاته دي وال هتفرق معها هو عمل يكيد ويغيظ في نفسه مش فيها
شروق بتنهد : يارب عدي اليوم دا علي خير
سليم وقف في الجنينه وسط العمال ال بيجهزها الجنينه وبيعلقه النور بس هو مش معهم وقف وعنيه علي بلكونه لين وبيتمني تخرج وتقف فيها ويشوفها امجد شافو وحس بيه فقرب منه
امجد ببتسامه : ايه يا عريس مش هنروح نظبطك كده وتجهز
سليم يتنهد ويبصله : ملوش لازوم هبقي البس واظبط نفسي هنا
امجد بتصميمم : لا انا حجزتلنا وهنروح انا وانت نتظبط ( ويغمزله) يلا يا عم عاوز اروق اليله ممكن يكون فيها موززه كده وال كده اصل انا بفكر اتجوز علي اختك
سليم يرفع حجبه ويبصله : بتقول ايه ياض انت
امجد يتصنع الخوف : بقول هتظبط لاختك احسن انا مقصر معها ( ويزقه ويمشي قدمه) قدمي يا عم هتودينا في داهيه
ويروح سليم مع امجد
في المستشفي دينا قعده مع سمر الممرضه في مكتبها
سمر : شكله كده يا دكتوره بيحبها اوي ومش هتعرفي توقعيه
دينا بضيق : مش عارفه اعمل ايه بقالي سنتين بحاول اخليه يشوفني وهو وال هنا
سمر : ما تنغشيه يا دكتوره
دينا : انغشه ازي يعني
سمر تقرب منها : انتم كل كلامك مع بعض شغل كلام رسمي يعني وعلي طول شيفك بل بلطو الابيض فانتي شيلي شويه من الحواجز البينكم واهتمي خديله كل شويه عصير ووقت الغدا خديله اكل واتغدي معه اتكلمي في حاجات غير الشغل معه خليه مروح مره وقوليله يوصلك كده يعني وواحده واحد تجريه لناحيتك
دينا ببتسامه : حلو دا نجرب لما نشوف اخرتها
ونروح دبي لطارق ويدخل عامر مكتبه وطارق كان مشغول في الصفقه ال اورقها قدمه
عامر : مستر طارق
طارق : خير يا عامر
عامر : المهندس سليم هيتحوز النهارده
طارق ساب الورقه ال في ايده وبصله : هيتجوز ازي يعني
عامر : كتب كتايه النهارده بعد المغرب
طارق بغضب وزعيق : ولما هو هيتجوز طلب يشتغل معها ليه ومين دي ال اتجوزها
عامر : الاخبار العندي بتقول انه خطب اخت صاحبه مهندسه ديكور خطبها من يومين وهيكتبه كتابه النهارده وهيجبها معه وهو جي وهتشغل معه هنا طلع ليه عقد النهارده من مكتب ابو صقر بتعينها
طارق يرجع ظهره لورا : الموضوع دا فيه سر بس هيبان لما يجي وهنعرف سليم بيفكر في ايه بس يارب ميبوظ الدنيا بغبائه( ويبص لعامر) والدكتوره ال شغاله مع رامي عرفت عنها حاجه
عامر : حطها عنيها علي دكتور رامي وبتحاول توصله بقالها فتره ومن يوم ما عرفت انه اتجوز وهي هتجنن وبتفضل تكلم مع الممرضه المسؤاله عن مكتب دكتور رامي وبيعقده كتير لوحديهم الجارد ال بعتينه عمل صداقه مع الممرضه وعرف منها ان دينا بتحب رامي وعاوزه تجوزه باي شكل
طارق بتفكير : كويس اوي نسيبها ونشوف هتعمل ايه ولو معرفتش تعمل حاجه نساعدها
في الكويت ام طلال قعده معه وبتشكيله من شوشو وحكيتله علي كل ال حصل بنها هي وغزال
طلال بضيق : متزعليش ياالغاليه انا هتصرف مع شوشو بس كمان غزال غلطانه
ام طلال : غلطانه انا بتنصحهم وخايفه عليهم
طلال يقرب منها ويضمها بايده : ياامي لين طول عمرها وسطنا ومعنا من وهي صغيره واحنا بنعتبرها واحده منا مش معني ان ربنا اختباره بمرض او ظروف صعبه ان احنا نقسي عليها ونظلمها احنا لازم نقف معها
ام طلال : ياابني الله يعلم انا بحب لين بس الحسد مذكور ومش عندي اغلي منكم ومن عيالكم وانا خايفه عليكم وعلي عيالكم وبيتكم ريح قلبي طلال خلي مراتك لو عاوزه تقابلها يبقي بره بعيد عن البيت وعن الولاد ريح قلب امك يابني
طلال يتنهد بحزن : حاضر يا غاليه ال تشوفيه
ويطلع طلال جناحه ويدخل ويقعد فشوشو تعرف انه عرف الحصل ومضايق
شوشو بقلق : مالك طلال
طلال بص ليها بضيق : قعدي عائشه
شوشو لما سمعته بيقول عائشه عرفت انه غضبان جدا عليها
شوشو بخوف : طلال انااسفه والله انا عرفه اني غلطت مكنش المفروض ازعق قدم خالتي بس غزال قالت كلام ضيقني ومستحملتش
طلال يتنهد بضيق : كويس انك اعترفتي بغلطك واعتذارك دا هيكون لامي وهتبوسي راسها وبعد كده لما تسمعي كلام ميعجبكش تطلعي وتقفلي جناحك مش تقفي تتخانقي وتطردي اختي وقدم امي
شوشو : ياطلال انت عارف غزال وطريقتها وبجد النهارده مستحملتش الكلام ال بتقوله علي لين
طلال بضيق : انا عارف انتي بتحبي لين قد ايه وغزال غلطت بس دا ميخلكيش انتي كمان تغلطي ( ويبصلها) الحصل مش هيتكرر تاني شوشو مفهموم
شوشو بضيق : حاضر طلال ( وتقوم تقف) وانا هنزل اعتذر لخالتي دلوقتي
طلال :استني في موضوع تاني عاوزك فيه
شوشو تعقد وتبصله باهتمام فطلال يبصلها وهو مضايق من ال هيقوله
طلال : لما تحبي تتقابلي مع اصحابك اتقابلو بره البيت بلاش يجو هنا
شوشو بصدمه بصتله : طلال انت عاوزني ابعد عن لين انت صدقت كلام غزال وهتمنع لين تدخل البيت
طلال بضيق : لا طبعا ما صدقتش انا عارف لين كويس ولين غاليه عندي زي ما هي غاليه عندك واكتر لين طول عمري بعتبرها اختي الصغيره وصديقتي انا بقولك بلاش تخليها تيجي البيت خوف عليها هي لان للاسف امي مصدقه كلام غزال وهتقبالها وحش ودا هيجرح لين وهيزعلها وفي سبب تاني كمان اهم
شوشو : ايه هو السبب التاني
طلال بغضب : مش عاوزها تيجي هنا و عدي يشوفها لحد ما تجوز هي ورامي
شوشو بستغراب : ليه
طلال يغمض عينه بضيق : لانه بيحبها
شوشو كانت بتسمع كلامه وهي مصدومه ومش مصدقها ال سمعته
ونروح لسليم ال واقف قدم المرايه بيجهز بس كل ملامحه حزن وضيق ودخلت عليه مروه وشروق ال حاوله يضحكه
شروق : بسم الله ماشاء الله قمر يا سليم
سليم ببتسامه : انتي اول مره تعرفي وال ايه طول عمري يا بنتي
شروق بغيظ : ياعم روح دا انا بجملك عشان عريس بس
مروه ببتسامه : ربنا يتملك علي خير ياسليم اميره جميله وطيبه وشكلها بتحبك خالي بالك منها
سليم ينفخ بضيق: ان شاء الله يلا انا هروح اجيبهم مين هيجي معايه
شروق : انا هفضل انا وامجد عشان نستقبل الناس
مروه : وانا هجي معك يا حبيبي
ويخرج سليم ومروه وشروق من الاوضه ويسلام علي عمامه واهله ال كانو وصله ويستقبله بزغريد ويخرج عشان يركب عربيته بس قبل ما يركب وقف يبص علي بيت لين وكله الم وحزن
مروه بحزن لحاله :يلا ياسليم اركب
سليم يتنهد ويركب ويمشي بلعربيه ويروح مركز التجميل ال فيه اميره ويقابل عماد وقف قدمه مع شويه من اهلو فيروح ويسلم عليهم
عماد ببتسامه بس جوها قلق : مبروك يا سليم
سليم : الله يبارك فيك يا عمده عقبال ولادك
وتخرج هبه وتنادي علي سليم وعماد عشان يدخله ياخده اميره يدخل سليم وهو مضيق وخايف وندمان ويوصل لعند اميره ويتنح
اميره كانت فعلا اميره بفستانها الابيض وطرحتها فكانت جميله جدا والسعاده ونظرت الحب ال في عنيها نوره وشها وزوده جمالها
مروه ببتسامه لما شافت نظرت سليم ال اتحولت لاعجاب وانه وقف ساكت وبيبص لاميره
مروه : ايه يا عريس هتفضل ساكت كده يلا خد عروستك
سليم يفوق لنفسه ويرسم ابتسامه علي وشه ويقرب من اميره ال عينها اتعلقت بيه
سليم : مبروك
اميره بكسوف : الله يباركلي فيك
سليم سمع كلمت يباركلي فيك فبصلها اوي وشاف نظرت الحب في عينها بس بسرعه قال لنفسه :(( متوهمش نفسك يا سليم وفوق هي اتجوزتك عشان تسافر وتجيب فلوس وانت اجوزتها عشان ترجع لين ) ويفوق علي صوة عماد
عماد يقرب منه ببتسامه :ايه يا عم هتفضل سرحان كده كتير يلا نمشي الماذون زمانه وصل
ويمشي سليم ويركب عربيته وجمبه اميره ومروه ركبت مع عماد وهبه عشان تسيبهم لوحدهم بس سليم يفضل ساكت مش بيتكلم
اميره بكسوف : ساكت ليه يا سليم
سليم يبصلها : ابدا مركز في الطريق
ويرجع يسكت وبعدين يبصلها : النهارده العقد بتاع شغلك اتمضاء واورق السفر كمان جهزت و هنسافر يوم الاتنين الجاي ان شاء الله
اميره ببتسامه : ان شاء الله
سليم يبصلها بضيق : احلمك ابتدات تتحقق مش كده
طبعا سليم كان يقصد بحلمها السافر و الفلوس و اميره فكره انه بيتكلم علي جوزها منه
اميره بحب : دا اهم واجمل حلم حلمت بيه طول عمري والحمد الله ربنا حققهولي
سليم بستهزاء : يااااااا لدرجاتي
اميره ببتسامه : واكتر كمان انت متعرفشي انا حلمت بليوم دا واتمنيته قد ايه ومكنتش متصوره انه ممكن يتحقق
سليم بصلها بضيق وغيظ وكان هيتكلم بس كانو وصله قدم بيته ووقف بلعربيه والكل اتلم حاوليهم فسكت ونزل واخدها ودخلو للبيت وكان الماذون وصل وبداء كتب الكتاب
سليم كان حزين من جوه وهو بيردد الكلام ورا الماذون وعنيه كانت متعلقه ببلكونت لين وبيتمني انها تخرج منها تمنعه انه يكمل وشروق ومروه وامجد لاحظو نظرتو فامجد قرب منه
امجد في ودان سليم : بص لعروستك يا سليم دي المستقبل
سليم لما سمع امجد نزل عينه وبص لاميره ال كانت لاحظه نظرته وبصيت مكان ما بيبص بس معرفتش هو بيبص علي ايه بس حسيت انه حزين ومش مبسوط
وفي الوقت دا كان وصل رامي قدم البيت واتفاجاة ب الفرح والاغاني وشاف ال بلون ال قدم البيت واتفاجاة باسم سليم وعرف انه بيتجوز
رامي لنفسه بصدمه : يابن المجنونه ياسليم
وجوه بيت الجده الكل قعد ومضايق وخايفين علي لين ال قعده في اوضتها من الصبح بس الكل سكت ومش قادر يتكلم ومني وسناء بيبصه بحيره وخوف رامي دخل البيت لقي الكل متجمع وقاعد
رامي ببتسامه : سلام عليكم
الكل : وعليكم السلام ورحمه الله وبركاته
سناء ببتسامه وقلق علي ابنها : حمدالله علي سلامتك يا حبيبي
رامي وهو بيبوس راسها وراس جددته : الله يسلامك يا ماما
ويعقد ويلقي الكل ساكت وبيبصله ولاحظ ان لين مش موجوده
رامي بستغراب وهو بيدور عليها : هي لين فين
مني بخوف وقلق: في اوضتها يا حبيبي
سناء : اطلع غير وخد شور علي ما نجهز الغدا زمانك جعان وعاوز ترتاح
رامي يقوم يقف : جعان جدا هروح هشوف لين علي ما تجهزو الغدا وجيبها وجاي نتغدا سوا
فريد بقلق : ما تطلع يابني تغير الاول وبعدين انزل
رامي ببتسامه : انا غيرت في المستشفي يا بابا
ويمشي ويروح اوضه لين والكل بيبص عليه وبيدعو ربنا في سرهم
لين كانت قعده مشغوله وعمله ترسم فلباب يخبط ويتفتح فترفع عنيها تلقي رامي
لين تقوم تقف ببتسامه : حياتي حمدالله علي السلامه جيت امتي
رامي بحب ولهفه يروح لعندها ويحضنها : وحشيني اووووووي
لين : وانت اكتر يا حبيبي
رامي وهو بيبصلها : قعده في الاوضه لوحدك ليه يا قمر دا الكلهم قعدين بره
لين بضحك: اصل لقيت كل البره دول عملين يبصولي نظرات غريبه كده فقعدت في اوضتي وقولت فرصه اشتغل
رامي بستغراب : وبيبصلك نظرات غريبه ليه
لين بضحك : اصلهم يا سيدي فكرين ان خبر جواز سليم هيضايقني (وتلف ايدها علي رقبته بحب) شكلهم لسه ميعرفوش انا بحبك قد ايه
رامي بفرحه وحب ياخدها في حضنه اوي ويبوسها بس لين تكسف وتبعد
لين بكسوف : يلا نطلع نتغدا معهم انا جعانه اوي
رامي ببتسامه : مش قبل ما شوف حبيبتي كانت بترسم ايه ( ويقعد علي السرير وهو ماسك الورق ال كانت بترسم فيه وهي تعقد جمبه)
لين ببتسامه : دا يا حبيبي تصميم لبيتنا
رامي يبصلها : انهي بيت فيهم ال هنا وال في فيلا عمي فؤاد
لين بحب : دا تصميم بيتنا السري
رامي يبصلها بستغراب : فين بيتنا السري دا
لين تقوم مربعه علي السرير : هقولك يا قلبي فاكر انا وانت وريهام اختك لما كنا قعدين في الجنينه قبل فرحها باسبوع
#فلاش بك
لين ورامي وريهام قعدين في الجنينه وريهام بتكلم خطيبها في التلفون وفرحانه جدا وبعد ما قفلت
ريهام بصريخ وفرحه : yeas yeas
رامي : مالك يا بنتي
ريهام بفرحه : هنقضي شهر العسل في اروبا زي ما كنت بحلم محمد حجز هنسافر بعد الفرح علي طول هييييييييييييييييي انا فرحانه اوي هروح اقول لماما ( وتجري بسرعه وتسيبهم)
لين بضحك : اخوتك دي مجنونه والله ومش هتكبر ابدا
رامي بضحك :والله انا ما عارف دي هتجوز وتفتح بيت ازي ( ويبصلها) انتي هتفرحي كده زيها لو هتقضي شهر العسل في اروبا
لين : لا عادي مش لازم اسافر اروبا يعني عشان اكون مبسوطه ممكن اي مكان المهم الشخص ال هكون معه يعني انا ممكن اقضيه في مصر بس يبقي مكان حلو وهادي
رامي ببتسامه : حلو ازي
لين بتفكير : يعني نفسي اقضيه في مكان علي البحر
رامي بستغراب : إسكندرية يعني
لين : تؤ اسكندريه زحمه انا نفسي في مكان يكون هادي ويبقي قدمي بحر ومركب ولانشات كتير اممممم زي فين كده هقولك
ويسكته هم الاتنين ويفكره وبعد شويه يقوله في صوة واحد
لين ورامي سوا : ممشي المينا في الغردقه ( ويضحكه الاتنين بصوة عالي)
لين : انا بحب المكان دا اوي هادي وجميل وعلي البحر علي طول
رامي بضحك : انا كمان بحب المكان دا اوي لدرجه اني من ساعة ما شوفته اول مره وانا بحلم لما اشتغل وحوش شويه فلوس كده اشتري شقه هناك عجبتني اوي الشقق ال هناك صغيره كده وجميله ونظامها حلو ( ويبصلها بحب) تنفع بيت سري اهرب ليه انا وحبيبتي لما نتجوز
لين : ايوه بقي يا سي رامي ياسلام علي الرومنسيه طيب و ليه تستني لما تشتغل ما تقول لعمي فريد ويشتري هو شقه هناك
رامي : يا بنتي بقولك بيت سري ليه انا وحبيبتي محدش يعرفه وال يروحه غيرنا لكن لو بابا ال اشتره الكل هيروح هناك ف انا ال لازم اجيبه بفلوسي انا ان شاء الله عشان يبقي خاص بينا احنا وبس
#بك
لين ببتسامه : ساعتها انت قولت يبقي البيت السري الخاص بينا احنا وبس ( تضحك ليه بحب ) بس انا مفهمتش وقتها انك تقصدني انا وانت
رامي ببتسامه : يااااااا انتي فاكره كل كلمه قولتها
لين تكسف وتبصله وتبتسم : انا بقي بقالي فتره بدور علي النت علي مكان هناك والنهارده الحمد الله لقيت واحد عرض شقه ونزل صورها جميله اوي وصغنونه علي قدنا احنا وبس وعجبيتني وكلمته واتفقت معه ومن ساعتها وانا قعده برسم تصميم ليها ( وتفتح ايدها) هات بقي حقها يا حبي
رامي يضحك اوي : من اولها هات كده
لين ببتسامه : الله مش انت ال عاوز تشتريها بفلوسك الخاصه ادفع بقي مليش دعوي انا عاوزها
رامي ببتسامه : حاضر يا حبيبتي انا عنيه ليكي كل الانتي عاوزه هجيبه ( ويبصلها) بس انتي ايه الفكرك بلموضوع دا
لين بحب : مهو انا لما بتغيب عني وتوحشني بلقي نفسي بعقد افتكرك دا انا افتكرت مواقف وحاجات كتير اوي واحلام مشتركه بيني وبينك كنا دايما نتكلم عنها ( وتبصله وتبتسم بحب ) انا مش عارفه انا ازي معرفتش من الاول اني مينفعش احب وال اكون مع غيرك انت نصي التاني احنا الاتنين طول عمرنا بنكمل احلام بعض يا رامي
رامي يبصلها اوي بشوق ولهفه ومره واحده يقوم يقف ولين تبص ليه بستغراب وتقوم تقف قدمه
لين : مالك يا رامي وقفت مره واحده ليه كده
رامي وهو بيفك زرار قميصه : بصي بقي يا بنت عم فواد انا قولتلك انا مش هصبر عليك كتير وبصرحه بقي انا خالص مش قادر
لين برقت واتخضت وهي شايفه بيفتح قميصه : انت بتعمل ايه يا مجنون اعقل يا رامي
رامي وهو بيقرب منها : هو انتي خليتي فيا عقل
ويقرب بس لين تزوقه و تجري وتفتح باب الاوضه وتخرج وهي بتجري وتنادي علي فواد
رامي وهو يقفل قميصه ويجري وراها : يابنت المجنونه والله مانا سيبك يالين
رامي بيجري وراها ويدخله الصلون وهم بيجري والكل فكرهم بيتخانقو وقامو مخضوضين
لين بتجري وتنادي علي فؤاد ال قام مخضوض وهي رحت استخبت وراه
لين : الحقني يا بابي
فؤاد بقلق : في ايه مالك يا لين
رامي يدخل بيجري وراها بس يمسكه سالم ويوقفه
سالم : اهدي يارامي بس وقولنا حصل ايه
فاروق بضيق يقف قدمه : عاوز منها ايه يا رامي يتجري وراها ليه
رامي وهو بيبص للين بغيظ وهي مستخبيه وراء فؤاد وكتمه ضحكتها : تعالي يا لين احسنلك
فؤاد بقلق : في ايه يا رامي
فريد بغضب : والله يا رامي لو فكرت تيجي جمبها ما حد وقفلك غيري
لين بصت لعمها بصت حب وامتنان وحست براحه كبيره
سناء بقلق : ماتقول يابني في ايه
لين وهي بتغيظه : اتفضل بقي قولهم فيه ايه لو تقدر
رامي بتحدي : انتي يتتحديني يعني طب هقولهم
لين تبرق بخوف وكسوف ليقولهم : رامي اعقل وبطل جنان
فريد بغضب : ما تقولو في ايه و تفهمنا
رامي بصوة عالي : فيه اني عاوز اتجوز دلوقتي عاوز مراتي مش قادر يا ناس هتجنني بينت الذينا
لين تشهق بصوة عالي وتكسف والكل يبص لبعض وبعدين يضحكه كلهم بصوة عالي
الجده بضحك : واد يا رامي انتي اتهبلت اختشي يا واد
فؤاد يبص لفريد وهو بيضحك : عجبك عميل ابنك
فريد يضحك اوي : انا لو منك اضربه
مني وسناء يتنهدو براحه ويعقده علي الكنبه ويقوله في نفس ال لحظه : الحمد الله
رامي وهو بيقرب من لين : بصو بقي تضربوني تموتوني هتجوزها النهارده يعني هتجوزها النهارده
لين تصرخ وتطلع تجري وهو بيجري وراها والكل وقف بيضحك وبيتفرجه عليهم وهم بيلفه ويجرو حاولين بعض ولين تخرج من الصلون تجري وهو وراها والكل عمل يضحك
سالم خرج ورهم هو ورشا يتفرجو عليهم
سالم وهو وقف جمب رشا بيبص علي رامي ولين وميت من الضحك فيقرب منها
سالم بضحك : بت يا رشا ما تيجي نجرب
رشا تبصله وهي بتضحك : نجرب ايه
سالم وهو بصص علي رامي ولين : نحب بعض زيهم
رشا بصتله بصدمه وتنحت وفتحت بقها: هااااااا
سالم بصلها لقها فتحه بقها : ايه يا بت هتاكليني وال ايه
فتكسف وتبص للارض وهو يرجع يبص علي رامي ولين ال لسه بيجري وراء بعض وبيضحكو
رشا وهي بتبصله : ماشي
سالم بيضحك و بصص علي رامي ولين : ماشي ايه
رشا ببتسامه : نجرب
سالم بصلها بصدمه وتنح وفتح بقه : هااااااا
رشا بضحك : ايه يا واد هتاكلني وال ايه
ومشيت من جمبه وهي بتبتسم ومكسوفه وهو فضل متنح شويه وبيبص عليها ورح مبتسم : هو البنعمله في الناس هيطلع علينا وال ايه ( ويسكت ويفكر شويه وبعدين يبتسم) بس وماله نجرب
ونروح عند سليم واميره وبعد كتب الكتاب والكل مشي وعماد ساب اميره مع سليم واخواته عشان تتعرف عليهم ان سليم هيوصلها
شروق ببتسامه : مبروك يا عروسه نورتي بيتك
اميره بكسوف : منور بيكم يا شروق
شروق : انا فكره اني شوفتك زمان مرتين تلاته كده لسه فكركي وانتي بنوته صغيره
اميره بضحك : صغيره ايه بس الفرق بنا اربع سنين مش كتير
شروق بضحك : تصدقي صح
الكل قعد يتكلم ومعها ويتعرفو عليها معاد سليم ال قاعد سرحان وساكت واميره كل شويه بتبص عليه فمروه لاحظه نظراتها
مروه : سليم مش تقوم تفرج عروستك علي شقتها
سليم يفوق ويبصلها قوي بستغراب : فين شقتها دي
مروه بضيق وتبريقه : مالك يا سليم الفرحه طيرة عقلك وال ايه شقتك ال فوق خدها وطلعو شفوها
سليم يوقف بعصبيه : الشقه الفوق لا ( الكل يبصله واميره تبصله بستغراب) احنا مش هنعقد في الشقه فوق هنبقي نعقد في الشقه دي وبعدين احنا هنسافر دبي وهنعيش هناك
اميره ببتسامه : فعلا احنا هنسافر وهنعيش هناك ولما ننزل اجازه نبقي نعيش في الشقه هنا كلنا مع بعض مافيش مشكله
شروق بغيظ : سليم اصله بيحب الشقه دي اصلها فيها ريحه ماما الله يرحمها
اميره تبصلها وتبتسم : الله يرحمها
ويرن تلفون سليم وكان عماد
سليم : ايوه يا عمده
عماد : ايه يا عم فين اخوتي انت مستخسر تسيبها تعقد معايه يومين قبل ما تسافر عاوز تاخدها من دلوقتي رجع اختي ياض يلا
سليم ببتسامه : حاضر يا سيدي شويه وهنكون عندك
ويقفل معه ويبص علي اميره
سليم : يلا يا اميره عشان اوصلك عماد بيسال عليكي
اميره ببتسامه وهي بتقف : حاضر
وتسلم علي مروه وشروق وتمشي مع سليم ال يفضل ساكت طول الطريق وهي بتبصله ونفسها يتكلم معها لحد ما وصله قدم بيت عماد
سليم : جهزي نفسك لسفر ولو في حاجه نقصكي كلميني ننزل نجيبه
اميره : حاضر( وتبصله بكسوف) مش هتطلع شويه معايه احنا مقعدناش نتكلم مع بعض لوحدينا خالص
سليم بضيق: معلش بلاش النهارده اصلي تعبان ومنمتش من يومين عشان التجهيزات ال كنت بعملها وعاوز انام هبقي اجي مره تانيه ونعقد
اميره ببتسامه وحب: ابقي طمني عليك لما تروح
سليم يبصلها ويستغراب من نظرتها ليه وكلامها و يهز راسه بحاضر من غير ما يتكلم وهي تنزل وتطلع بيتها ويرجع سليم لبيته
وتاني يوم الصبح في بيت الجده والكل متجمه وقعدين علي الفطار
سالم وهو بياكل و بيبص لرشا: عمي فريد انا طلب منك ايد رشا
الكل بصله بستغراب وصدمه وسابو الاكل
رشا تقوم تقف : لا يا سي سالم احنا متفقناش علي كده
سالم يقف قدمها : ايه يا بت انتي مش وفقتي ان احنا نجرب
رشا تحت ايدها في وسطها : نجرب مش خطوبه كده علي طول ياسي سالم
سالم بغيظ : وحياة امك
سناء بستغراب منهم وضحك : واد يا سالم
سالم وهو بيبص لسناء : لمؤاخذه يا طنط ( ويبص ل رشا) ما نجرب يعني خطوبه ياحلوه وال انتي فكرني عيل سيس هاخد منك معاد وقابلك من ورا اهلك وهاستناكي علي الناصيه لا انسي يا عثل يا نتخطب يا مافيش ( ويرجع يعقد ويحط رجل علي رجل) هااااا قولتي ايه موافقه وال لا
فريد بضحك : والله عالي ياسي سالم ما تيجي تعقد مكاني هو انت ال هتاخد رائيها ياواد وانا قعد
سلم يبص لفريد : اااه لمواخذه يا عمي ( ويقوم يقف تاني وهو بيكلم نفسه بصوة مسموع لكل ) الواحد مش عارف يتكلم مع الموزه بتعته الكل وقفلي علي الكلمه
ويمشي وكل بيضحك عليه وبعد خطوتين يرجع ويبص لرشا
سالم : بت يا رشا هستناكي علي الناصيه الساعه5متتاخريش ( ويمشي تاني من قدمهم)
والكل يضحك بصوة عالي ورامي ولين ميتين من الضحك
وقبل ما يخرج رشا بصوة عالي : سالم (فيرجع ويبصلها)
رشا بتسامه : ابقي هات معك ورد وانت جي علي الناصيه
سالم يبصلها ويبرق وبيتكلم بصوة عالي : ورد من اولها غرامه وطلبات ومصريف (ويرجع ويقف قدمها ) ايه الورد دا يا رشا شكله ايه عرفيني
رشا بضحك : ورد يا سالم من عند الراجل ال وقف علي الناصيه بيبقي لونه احمر كده وخليه يلفهولك في ازرق عشان يبقي لون ال لبس ال هلبسه وانا جيه اقبلك
سالم بهزار وصوة عالي : ازرق دا انتي ال نهارك ازرق يا رشا عاوزني انا سالم ابن فايز اقف و اشتري ورد نقص تقولي هاتلي دبدوب لا يا ماما لست انا هذا الرجل ( ويمشي خطوتين ويرجعلها) قولتي يلفه في ازرق ( رشا تهز راسها باه وهي بتضحك)
سالم : نجيب ورد ومالو ( ويبص لرامي ولين ال ميتين من الضحك) اضحكو اضحكو ما كله منكم انتم الاتنين اشوف فيكم يوم كشفت راسي ودعيت عليك يارامي يابن سناء انت ولين بنت مني ما انا كنت بعقلي وقعد جمب ابويه لازم تحبه بعض قدمي وتحركو مشاعيري اديني ادبست وهجيب ورد
ويمشي ويخرج من البيت والكل عمل يضحك علي كلامه وال بيعمله ورشا جريه بسرعه علي اوضتها وهي مكسوفه
فايز بضحك : العيال بياخده مواعيد قدمنا
فريد بضحك : جيل ما يعلم بيه غير ربنا
الجده : ربنا يسعدهم يارب ويكملكم علي خير
وتعدي الايام علي لين ورامي بسعاده وحب واشترو بيتهم السري ال لين هتجهزه بنفسها ورجع امير ونفين واسلام وسميه وسيلا واحمد لبيت الجده في المنصوره وحضرو خطوبة سالم ورشا ال اتخطبو رغم جنانهم والكل كان فرحان بيهم
سليم لسه عايش في اوهامه وسيب اميره مسالش عنها من يوم كتب كتابهم و رحلها مره واحده قبل سافرهم عشان يعرفها المعاد ال هيفوت عليها فيه عشان ياخدها ويسافرو وقعد يومها مع عماد ال فضل يوصيه علي اميره
وجيه يوم السافر ورامي كان بيوصل لين المطار هي واسلام وسميه ال قررت لين بعد اسرار منهم انها هتعقد عندهم في فيلاتهم الخاصه ال في المنتج طول فترة شغلها في دبي ودا طمن رامي عليها وانها مش هتكون لوحدها
ووهم وقفين في المطار دخل سليم ومعه اميره ومروه وشروق وامجد وابنهم ال مسافرين معهم علي نفس الطياره سليم اول ما شاف لين ورامي وقفين قرب من اميره ومسك ايدها لاول مره وهي اترعشت وبصتله بستغراب بس هو اخدها من ايدها وقرب من لين ورامي ال كانو وقفين يحبه في بعض ويهزره
سليم وهو بصص عليهم بغيره بس رسم ابتسامه علي وشه
سليم : صباح الخير
لين ورامي يبصله بستغراب
رامي بضيق بس يبتسم : صباح النور يا سليم
تقرب منهم شروق بسرعه وتسلم عليهم
شروق : لين ازيك ايه المفاجاة دي
لين ببتسامه : الحمد الله يا روقه انتي مسافره النهارده وال ايه
سليم يرد قبل ما شروق تكلم : ايوه كلنا مسافرين علي طياره رقم.......... اظن نفس الطياره ال مسافره عليها مهي الشركه حجزلنا سوا في نفس المعاد عشان نبداء شغل
لين تبصله بستغراب : شغل ايه ال هنبدائه
سليم ببتسامه خبيثه : فندق دبي يا بشمهندسه هو انتي متعرفيش اني من ضمن فريق المهندسين ال هينفذو معكي الفندق ( ويقرب سليم من اميره ويلف ايده علي وسطها ويبوسها زي رامي ما عمل مع لين يوم ما كانت وقفه مع سليم )
سليم ببتسامه خبيثه :انا واميره مراتي هنبقي من ضمن فريق المهندسين ال هيشتغلو معكي في تجهيز الفندق
الكل بصله بصدمه وضيق حتي اسلام وسميه و مروه وامجد ال وقفين بعيد شويه بس سمعينو ولين بصت لرامي ال بصلها في نفس الوقت
وشروق كانت مصدومه لانها مكنتش تعرف ان المشروع ال سليم طلب نقله دبي عشان يشتغل فيه هو المشروع ال لين هتنفذه فتبص لاخوه بغضب وغيظ
اميره بقي ال فهمت وعرفت ان القدمها دي لين طليقة سليم وان مسكته لايدها وحضنه ليها دلوقتي عشان يغيظهاوبس وعرفت انهم هيشتغلو مع لين في نفس المشروع فكانت صدمتها اكبر من الكل وبدائت تفهم ال بيحصل حاوليها وسبب طلب سليم الجوز منها بسرعه دي
تفتكرو رد فعل رامي ولين هيكون ايه واميره هتعمل ايه بعد ما عرفت السبب الحقيقي ورا جواز سليم منها نعرف الحلقه الجايه
بناتي حياتي الحلقه (7)
سليم ابتسم لما شافه ملامح لين ورامي لما عرفو انه هيشتغل معها في المشروع
سليم ببتسامه وهو بيبص للين ورامي : هنمش احنا بقي نسيبكم تودعه بعض برحتكم
وياخد اميره ويمشي وهي تروح معه وتايها ومصدومه و شروق مشيت وهي مش عارفه تقول ايه وال تتصرف ازي سميه بعد ما مشيو لسه هتروح ليهم اسلام مسكها
اسلام وهوبيبص علي لين ورامي : سبيهم لوحدهم دلوقتي لازم يواجهو لوحديهم ويستقوي ببعض ( ويبصلها ببتسامه) تعالي نعقد علي ما ينادو عل الطياره
وياخدها ويروح يعقده
لين تبص لارمي ال ظاهر علي وشه الضيق والغضب
لين : يلا بينا يا رامي
رامي بستغراب : يلا بينا علي فين
لين بجديه : نمشي هرجع معك المنصوره
رامي : ترجعي ! وشغلك وتصميمك
لين : مش مهم هبعت ليهم اعتذار اني مش هكمل ويجيبه حد تاني ينفذ التصميم
رامي بضيق : انتي عاوزه تتنزل عن حلمك ونجاحك والتصميم ال تعبتي فيه وسهرتي شهور بتنفذيه عشان ايه ( ويبصلها بضيق) عشان سليم هيشتغل فيه معكي
لين بضيق : لا مش عشان سليم هو وجوده ميفرقش معايه باي شيء زيه زي اي مهندس هيشتغل في المشروع
رامي بستغراب: امل عاوزه تتنازلي ليه
لين تقرب منه وتبص لعينه : لاني معنديش استعدادت احس اني سبب انك تكون مضايق او غيران وانا بعيده عنك ومش جمبك
رامي يقرب ويمسك وشها ويبتسم ليها بحب : وانا مش هقبل انك تتنزلي وتسيبي حلمك ونجاحك عشان خاطر اي حد حتي لو كان انا
لين انا وثق فيكي ووثقك من حبك ليه وعارف انك تقدري تواجهي اي حاجه واي حد انا ضيقي دلوقتي خوف عليكي من انه يضايقك وانا مش جمبك
لين تبتسم ليه : متخافش عليه يا حبيبي طول ما انا عارفه انك معايه وبتشجعني وراضي عني مافيش اي حاجه وال حد يقدر يضايقني او يقف قصادي ( وتضحك اوي) انت تخاف عليهم هم مني دول هيشتغله تحت ايدي في مشروعي
رامي يضحك اوي : عاوزك تطلعي عنيهم في الشغل ( ويحضنها اوي ويسكت شويه ) لين انتي عارفه انك لو احتاجتيني في اي وقت هاخد اول طياره وهكون عندك اي حاجه هتتصلي بيه اتفقنا
لين ببتسامه : حاضر يا حبيبي ( وتبوسه في خده) ربنا يخليك ليه يا قلبي
سليم لما مش رح قعد بعيد عنهم بس عينه عليهم وكان فكرهم هيتخانقه هيزعلو سوا بس شافهم وهم بيضحكه و حضنين بعض وان خبر شغله معها وانها شافتو مع اميره ماثرش فيها فكان هيتجنن ومتغاظ وظهر علي ملامحه الغضب
اميره كانت قعده جمبه وهي حسه انها ضايعه حست انها لعبه جيبهم يلعب بيها ويغيظ حبيبته كانت بصه ليه وشايفه نظره الغيره وغيظ وهو بصص عليهم ودموعها ملت عنيها ومكنتش قادره تمنعها من النزول ومروه وشروق كانو شايفنها ومش قادرين يتكلمه او يخففه عنها
اميره قامت وقفت
سليم بعصبيه : انتي ريحه فين
اميره وهي بداري دموعها : هروح التوليت
سليم بضيق : روحي ومتتاخريش هينادو علي الطياره دلوقتي
اميره بصتله بحزن وضيق و دموعها نزلت ولسه هتمشي مروه وقفت
مروه بحزن : استني ياميره هاجي معكي
ومشيت اميره مع مروه ووهم مشين لين شافتهم وشافت اميره وهي بتمسح دموعها لين اضايقت عشانها وافتكرت نفسها زمان
اميره دخلت الحمام ومقدرتش تمنع نفسها انهارت وفضلت تعيط بحزن وحيره وخوف
مروه قربت منها بحزن : اهدي يا ميره
اميره بدموع : لما هو لسه بيحبها اتجوزني ليه اخوكي عمل فيه كده ليه انا عملتله ايه دا هو ال جيه علي بابي وقالي اتجوزيني وانا عشان بحبه وفقت ليه يجرحني كده و يلعب بيه وبمشاعري
مروه تقرب منها بحزن وتمسح دموعها : اميره اسمعيني شويه انا عارفه انتي قد ايه مجروحه دلوقتي وتعبانه بس سليم مريض يا اميره ( اميره تبصلها بستغراب) ايوه مريض ومحتاجك تعالجيه انتي علاج سليم ودواه
اميره سليم فاكر ان محدش حبه وال هيحبه زي لين لانها كانت بتحبه وهو ال ضيع الحب دا وندمان دلوقتي وبيدور علي الحب والمشاعر ال كانت بتدهالو وفاكر انه مش هيلقيهم غير معها
اديله فرصه يلقي الحب دا معكي خليه يشوف ويعرف ان فيه حد ممكن يحبه زيها واكتر منها داويه بحبك ليه وصدقيني اول ما هيحس بحبك وهيحبك ويحافظ عليك وعمره ما هيبعد عنك وهيديكي الحب ال بتتمنيه واكتر صدقيني انا عارفه اخويه
اميره بدموع : طب ازي يا مروه وهي هتفضل قدمه كل يوم وهنشوفها في الشغل دا مش شايفني وال حاسس بيه اصلا
مروه ببتسامه : دا دلوقتي عشان انتي لسه مش معه لكن لما تروحو سوا وتبقي معه وفي بيته وحضنه ويحس بحبك ليه هيشوفك انتي وهينسي هيديكي الحب والاهتمام ال معرفش يديه ليها هيخاف تضيعه منه وهيحافظ عليكي
صدقيني يا اميره واديله فرصه يشوف حبك ليه( وتقرصها في خدها بهزار) مش انتي بتحبيه برده وال ايه
اميره تبتسم من بين دموعها : بحبه اوي يامروه
مروه بضحك وتقلدها : بحبه اوي يامروه ( ويضحكه سوا) ايوه كده اضحكي يلا اغسلي وشك وتعالي نلحق الطياره بدل ما يمشو ويسبونا
وتخرج مروه ومعها اميره بعد ما قدرتت تخفف عنها شويه وتديها امل
ويطلع الكل الطياره ولين تلقي كورسيها جمب كورسي مروه ( و
دا لان الحجز التذاكر للكل هي شركه طارق)
سميه تقرب من لين : لين اقعدي مكاني وانا هعقد مكانك
لين ببتسامه : لا يا حبيبتي مافيش مشكله خليكي جمب جوزك متقلقيش عليه
وتروح لين لكورسيها ومروه تتفاجاة ان لين هي ال هتعقد جمبها فتتوتر وتبص لشروق بسرعه وكانت عاوزه تبدل معها بس لين تعقد قبل ما هي تقوم
لين تبصلها ببتسامه : سلام عليكم ازيك يامروه
مروه بقلق وكسوف من نفسها : وعليكم السلام
الحمد الله ازيك انتي يالين
لين ببتسامه : بخير الحمد الله
وتعقد لين وترجع ظهرها لورا بس حسه بقلق مروه ال قعده مش علي بعضها
لين تبصلها : لو مضايقه اني اقعده جمبك ممكن ابدل الكرسي مع اي حد
مروه تبصلها : لا ابدا مش مضايقه وال حاجه
تبتسم لين وترجع ظهرها تاني ومروه تسكت شويه وتبصلها
مروه بندم ودموع مكتومه : لين انا اسفه ( لين تبصلها باهتمام) اسفه علي كل ال عملته معكي زمان
( ولسه هتكمل فلين قطعتهاا)
لين بهدوء وابتسامه : متعتذريش يا مروه انتي قولتيها الحصل كان زمان وانا نسيت وصدقيني مش زعلانه ولا شيله منك ابدا وبعدين انا شايفه قدمي النهارده مروه تانيه خالص غير ال كنت اعرفها زمان
مروه ببتسامه : متشكره اوي يا لين بجد ريحتيني وشيلتي هم كبير عن قلبي
لين ببتسامه : سلامه قلبك يا قمر صحيح عرفت من شروق انك ريحه تشتغلي
مروه تضحك : ايوه فضلو يقنعوني لحد ما وفقت مع اني حسه اني مش هعرف اشتغل وهعملهم الف مصيبه وممكن يرحلوهم كلهم من البلد بسببي
لين تضحك اوي هي ومروه ويفضله يتكلمه ويضحكه مع نظرات الكل ليهم ال استغربو انهم بيتكلمه ويضحكه زي اي اتنين اصحاب
وصل رامي للمستشفي ودخل مكتبه
شادي ببتسامه : حمدالله علي السلامه يادكتور
رامي : الله يسلامك يا شادي ( ويلبس البلطو الابيض) هااا ايه اخبار
شادي يحط قدمه تقرير : دي تقرير النهارده وفيه مريض جديد في اوضه..... مستني حضرتك تشوفه
ووهم بيتكلمه دخلت دينا ال كانت حطه ميكب كامل ولبسه جيبه ضيقه جدا وقصير وكعب عالي اوي فبصلها رامي وشادي بستغراب
دينا بدلع : صباح الخير يا دكتور
رامي بستغراب : صباح النور يا دكتورة خير حضرتك اجازه النهارده
دينا بستغرب : لا يا دكتور مش اجازه
رامي وهو بيبصلها من فوق لتحت : ولما حضرتك مش اجازه ايه ال عمله في نفسك دا (ويشاور بايده علي شكلها)
دينا وهي بتبص لنفسها باعجاب وابتسامه : مالي يادكتور ما انا عاديه
رامي وهو بيرفع حواجه : عاديه امممممم اوكي هنشوف ( ويقوم يقف ) اجهزو عشان عندنا مرور علي كل الحالات
شادي يكتم ضحكته ودينا تبصله بصدمه
شادي وهو بيبتسم :انا جهز يا دكتور
دينا بصدمه : بس يا دكتور ( ولسه هتكمل هقطعها رامي)
رامي بزعيق : خير يا دكتوره عندك مانع
دينا بخوف : لا يا دكتور تحت امرك
رامي : اتفضلو معايه
ويخرج رامي ويخرج وراه شادي وهو بيبص ل دينا ويضحك وهي تبصله بغضب وضيق ويخرجو ورا رامي ال ماشي بسرعه وشادي حصلو ومش جمبه ودينا بتحاول تحصلهم بس الكعب والجيب مش مساعدينها في الحركه وفضله ساعه بيمرو علي الحالات ودينا كانت هتموت من التعب ومش قادره تمشي وبقيت بتعرج شادي كتم ضحكته
رامي وهو بيصلها : خير يا دكتوره دينا في حاجه
دينا بضيق وغيظ : لا يا دكتور مافيش
ووهم ماشين رن تلفون رامي فبتسم ورد
رامي ببتسامه : حياتي حمدالله علي سلامتك يا حبيبتي مصر ضلمة ودبي نورت
لين ببتسامه : الله يسلامك يا حبيبي وحشتني اووووي
رامي : وانت اكتر يا قمري انتي فين دلوقتي
لين : لسه نزله من الطياره وانت فين
رامي : في المستشفي بمر علي الحالات
لين ببتسامه:اوكي ياقلبي ربنا يقويك هكلمك تاني لما اوصل المنتجع
رامي : اوكي يا قلبي خلي بالك من نفسك
ويفقل رامي وتقرب دينا ال مش قادره تمشي
دينا بتعب : هي المهندسه لين مسافره
رامي بستغراب : ايوه عندها شغل في دبي ( ويبصله )بتسالي ليه
دينا بارتباك : ابدا يا دكتور عادي يعني
رامي يقف قدمها ويكلمها بغضب : لا مش عادي يا دكتوره لما تسالي عن شيء ملوش علاقه بشغل يبقي مش عادي ومش مسموحلك والمنظر ال انتي فيه النهارده دا لو اتكرر تاني يبقي دوري علي مستشفي ودكتور تاني تشتغلي معه مفهوم
دينا بخوف : مفهوم انا اسفه يادكتور
ويمشي رامي ويسبها ويقرب منها شادي ويبتسم بشماته
شادي : ال بتحاولي توصلي ليه صعب اوي يا دكتوره ونصيحه شليه من دماغك وركزي في شغلك بدل ما تخسريه
ويمشي شادي ويسيبها وهي وقفه بغضب وغيظ
دينا بغيظ : هتشوف يا شادي هوصلو ولو غصب عنه
في المطار الكل قف مستني الشنط ولين وقفه تكلم مع شروق ومروه وسميه
شروق بفرحه : بجد مبسوطه اوي انكم اتكلمتم سوا
لين ببتسامه : احنا بقيت اصحاب يا ماما
شروق بضحك : ياعني اطلع منها انا ماشي يا ست لين
سميه : هنستناكم في المنتجع تزرونا هيعجيكم اوي
مروه بتسامه : ان شاء الله هنجيلكم ونشوف المنتجع ال بتكلمه عن جماله دا شكله ايه
وهم وقفين بيتكلمه سليم كان وقف عينه عليهم وكل ما لين تضحك هو يب
تسم وكان مبسوط وهو شايفها مع اخواته وطبعا افتكر انها بتحاول تقرب منه عن طريقهم اميره كانت وقفه تايها وحسه انها غريبه وملهاش مكان معهم بس بصت لسليم وقررت انها هتحاول تخليه يحبها رحت وقفت قدمه
اميره ببتسامه جميله : سليم هو احنا هنسكن مع شروق مروه في نفس البيت
سليم انتبه ليها : انا وامجد وخدين شقتين فوق بعض شروق تحت واحنا فوقها بس مروه هتعقد معايه انا طبعا وال عندك مانع
اميره ببتسامه : لا بلعكس انا حبتها اوي هي وشروق ومتاكده ان احنا هنبقي اصحاب
سليم : ان شاء الله
امجد يقرب منهم : يلا يا جماعه الشنط وصلت
والكل ياخد شنطته يمشو واول ما يخرج من باب المطار
فهد بصوت عالي وفرحه : لييييينو ( ويشاور ليها بايده)
ولين تبتسم بفرحه وتبص لاسلام وسميه : فهد هناك اهو
فهد وهو بيقرب منها ويبتسم : فرجينيا جميله الجميلات وصلت الي ارض دبي الحبيبه
لين بضحك : يابكاش اتعلمت البكاش دا فين
فهد بضحك : في منتجع طبعا
ويقرب يسلم علي اسلام وسميه ويركبه عربيته ولين ركبت جمبه كل دا كان تحت نظر سليم ال كان وقف مضايق وغيران
سليم لنفسه بضيق : ودا مين دا كمان شكلك مش هتحبيها لبر يالين
امجد : مايلا يا سليم وقف ليه
ويركب سليم ويوصله لبيت ووهم طلعين يقفه قدم شقة شروق وامجد يفتح الباب فتدخل مروه ويجي سليم يدخل توقفه شروق وتمنعه.
شروق ببتسامه : علي فين يا عريس خد عروستك وطلعو علي شقتكم من غير مطرود
سليم يبصلها بضيق : ماشي يا شروق ( ويبص لمروه) يلا يا مروه نطلع
مروه ببتسامه : انا هعقد مع شروق هنا اطلعو انتم
سليم بغضب : لا انت هتطلعي فوق معايه
شروق : تطلع فين يا عم انتم عرايس قدمكم شهر علي ما نعبركم يلا مع السلام
وتدخل وتقفل الباب في وشهم وهو وقف مصدوم ومش عارف هيعمل ايه يبص لاميره يلقيها وقفه وبصله
اميره : ممكن نطلع لاني تعبانه وعاوزه ارتح
سليم يشورلها براسه ويشيل الشنط ويطلع ويدخله شقتهم
سليم : اتفضلي
وتدخل اميره وتبص علي الشقه وتبتسم : الله حلوه اوي الشقه يا سليم
سليم : اتفضلي اوضه النوم هناك ايه لو حبه ترتاحي
اميره ببتسامه : ممكن تدخلي الشنطه عشان اغير
سليم : اه طبعا اتفضلي
ويدخل الشنطه وهي تدخل وبتص علي الاوضه باعجاب
اميره : زؤقك حلو اوي ياسليم
سليم يبتسم : متشكر انا هخرج خدي رحتك
ويخرج سليم وهو بيتنهد بضيق ويروح يعقد ويشغل التلفزيون وعمل يقلب بزهق وشويه وخرجت اميره وكانت لبسه قميص ابيض حملات وطويل بفتحه كبيره وحطه ميكب ومسيبه شعرها سليم اول ما شافها تنح وهي ابتسمت وقربت منه
تفتكره سليم هيعمل ايه واميره هتنجح انها تخليه يحبها نعرف الحلقه الجايه
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق