رواية ليالي الغول اقتباس من الفصل الأخير بقلم لوجي احمد

 

رواية الاعمى (الجزء الثاني)الفصل الاول  والثاني والثالث  بقلم ليلةعادل

رواية الاعمى (الجزء الثاني)الفصل الاول  والثاني والثالث  بقلم ليلةعادل

الحلقه الاولى

                           الاعمى2

تبدأ احداث الجزء الثاني بظهور اميرة وهي تجلس على احد الكراسي قرب النافذة المطلة على الشارع ، و تتناول فنجان قهوة ساخن يتناسب مع الأجواء الممطرة والباردة ، في هذه اللحظة نرى الشارع من النافذة وهو مبلل بماء المطر، تضع اميرة الفنجان بطبق على الطاولة و تبدأ اميرة بالتحدث بصوت داخلى :  نعلم جيدا ان الحياه صعبه وانانيه تأخذ منا اكثر مما تعطينا ، وكل شى له ثمن ،  وثمن غالى جدا ،  وتمر السنين بنا  وننتظر من هذه الحياه القاسيه ان تعطينا بعض من السعادة  وراحه البال  ، بعد سنين من العذاب والاحزان ،  وانا بكل سذاجه كنت فاكره  بعد الحرمان والامال الكذابة ، والعشم المسموم ، بعد ما مروان اعترف لي بحبه إن الدنيا هتضحك ليا، وبدا العد التصاعدى للفرح والسعادة ، طلعت غلطانة  ، فى الحقيقة ، هي كانت البداية ، بدايه  لحياة بائسة عمري مافكرت اني ممكن أعشها، مكنتش متوقعة إن الحياة مخبيالى كل دا !!!

  ( فلاش باك سريع جدا لكل احداث الجزء الاول )

        (الاحداث حاليه)    

- احد المستشفيات الخاصه داخل مصر 11م

- ظهور احدى ممر ات المستشفي من الداخل ، ثم داخل احد الغرف - يظهر مروان هو يرتدى بدله سوادء اللون ، يبدو انه كان فى مناسبة ما ، ولكن يظهر على وجهه الخوف والقلق  والتوتر وعيونه بها دموع  ! ، يقف بجانب السرير ويمسك يد شخص ما ؟ بعد قليل  تظهر اميره ، وهى نايمه على السرير ومركبة جهاز اكسجين ، ويقوم مروان بملامسة شعرها ،ويطرق الباب يدخل منير وهو يحمل اكياس...

منير : بصوت منخفض ... عامله ايه دلوقتى ؟

مروان : بحزن يتحدث معه وهو ينظر لاميره ... زى ما هى

منير : الدكتور قالك هتفوق امتى ؟؟

مروان : بيأس  .. والله معارف ، انا خايف اوى يا منير لو حصلها حاجه مش هسامح نفسى

منير : ان شاء الله هتكون بخير بس انت لازم تراوح  ترتاح، انت بقالك تلات ايام مانمتش

مروان : مش هرتاح غير وهى كويسه

منير : طب روح غير هدومك وانا قاعد معها

مروان : بحسم ينظر له.. منير انا مش هطلع من الاوضه غير لما اميره تفوق

منير : اعمل ايه فى عندك ده طب امسك ... يعطيه سندوتش 

مروان : لا ماليش نفس

منير : بعدم رضا ... مروان مينفعش اللى بتعمله فى نفسك ده

مروان : عشان خاطرى سبنى انا كويس

منير : لا اله الا الله  ، طيب انا بره لو عوزت حاجه اندهلى

مروان : ماشى

- يخرج منير خارج الغرفه ، و يجلس مروان على الكرسى المجاور للسرير ، ينظر لاميره بحزن ، بعد قليل تبدأ اميره بفتح عينها ، وتقوم بنزع جهاز الاكسجين من على فمها، ينظر مروان لها ، ويقوم من على كرسيه سريعا، ويقف بجانبها ويمسك بيدها

اميره : بالم ..  ااااه

مروان: بلهفه .. انتى كويسة

اميره : الحمد الله

مروان : حمد الله على سلمتك ......  يقبلها من يدها

اميره : الله يسلمك

مروان : ثوانى هنادى على الدكتور

اميره : عايزه امشى من هنا

مروان : بستغراب .. تمشى!

اميره : ايوا انا كويسة 

مروان : الدكتور اللى يحدد مش انتى

اميره: انا اللى احدد مش هو  ، انا كويسة

مروان : بطلى عناد

اميره : بطل انت عند وسبنى امشى من فضلك

مروان : انتى لسه تعبانه

اميره : بحده تقوم وتجلس.. قولتلك انا كويس تحب اقوم ارقصلك عشان تصدق

مروان : انا هروح  انادى الدكتور

- يخرج مروان من باب الغرفه ، فتقوم اميره من على السرير لكن واضح عليها أثار التعب والاجهاد ، تمسك راسها ثم تحركها يمين ويسار ، وتقترب من  الدولاب  فتقوم بفتحه و تنظر الى ما بداخله بابتسامة رقيقة ، بعد قليل تتحول الابتسامه الى دموع ونظرات خيبة الامل ، تمد ايدها بيداخل الدولاب   ...... وفجأه !!

( فلاش باك قبل سنه ونص)

      (فى السابق)

- داخل مطار انجلترا الدولى    6م

- يقف كل من مروان ومنير واميره  فى صاله الانتظار.

اميره : حمد الله على السلامه

مروان : الله يسلمك

منير : هروح انا اشوف الشنط واخلص الاوراق

مروان : تمام

اميره  : تعال نقعد فى الكافى اللى هناك ده نشرب حاجه لحد ما منير يجى

مروان : ماشى

اميره : هات ايدك

- كافية بداخل المطار  6م

- تقوم اميره بمساعده مروان  للجلوس على كرسى ، و تجلس على الكرسى المقابل له  ، وتنظر له بحب.

اميره : انت كويس

مروان : الحمد الله  اول مره تيجى انجلترا؟

اميره : اه

مروان : هتعجبك

اميره : عشان انت فيها بس

مروان : بمزح ..  ايه ده انتى مش قولتى جايه عشان تغيرى جو ، وان الدكتور نصحك انك تسافرى خصوصا انجلترا !

اميره : ايوا ،  بس لانك فيها هتعجبنى اكتر

- يدخل عليهم الجرسون يتحدث معهم بلانجليزيه..

الجرسون : تطلبو ايه

اميره : تنظر لمروان ..تشرب ايه

مروان : قهوة مظبوطه

اميره  : قهوة ايه .. لاء..تنظر الى الجرسون ..اتنين برتقال فرش لو سمحت

الجرسون : حاجه تانيه يا فندم

اميره : تنظر لمروان ... مممممم ايه رأيك نطلب انجلش كيك كمان

مروان : اللى تحبيه

اميره : هطلب  .. تنظر للجرسون مره اخرى ..ممكن اتنين إنجلش كيك وإلغى العصير وخليه اتنين شاى اسود سكر خارجى

الجرسون : حاجه تانى يا فندم

اميره : شكرا

  - يرحل الجرسون ثم تنظر اميره لمروان باستغراب 

اميره : مالك

مروان : مافيش

اميره : انت مضايق عشان طلبت على زوقى ، تحب اغيرلك ، انا بس كنت حبه تاخد حاجه  احسن من القهوة ، اللى هتجبلك فقر دم دى .......وايتر

مروان : ماتندهيش عليه ، انا بيعجبنى اى حاجه منك

اميره : بابتسامه:..لا والله

مروان : اه والله

اميره  : أومال بتبصلى كدا ليه!!

مروان : ازاى يعنى

اميره  : كدا

مروان بمزح : لا والله طب ايه رأيك ابص  كدا  ... يميل راسه 

اميره : هههه مقصدش اقصد انك بتبصلى مش عجبك اللى عملته بصه رخمه يعنى

مروان : هههه مش هتتغيرى مالكيش حل بتيجى تكحليها بتعميها ههههه

- يدخل عليهم الجرسون ومعه الطلبات ، يضع الطلبات على الترابيزه ويغادر

اميره :امممم يعنى مش عجبك

مروان  برومانسية :..والله عجبنى ، اى حاجه منك بتعجبنى

اميره :بابتسامة  خجل .. طب يلا افتح بوقك .. تاكله قطعه من الكيك ..  ايه رايك حلوه 

مروان : حلوه اوى

اميره : طب يلا دورك

مروان : اعمل ايه

اميره : اكلنى بايدك

مروان : بطلى جنان

اميره .. جنان ليه ..تقوم اميره  من على كرسيها وتقف بجانب مروان، وتقترب منه ، ثم تاخذ قطعه كيك بشوكه .. هات ايدك ..تمسك ايد مروان و تمسكه الشوكه ، وتقرب الشوكه من فمها ، وتاكلها مع نظرات حب ، و تنظر له  ،  وتبدأ بالتحدث معه

اميره : الموضوع سهل اهو

مروان : انتى مجنونه

اميره : لأ انا بحبك

مروان : اوى

اميره : اكتر مما تتخيل وانت

مروان : انا

اميره : امم

مروان : يمسك ايدها برومانسية  ونظرات عشق ..انتى روحى اللى مقدرش اعيش من غيرها ، انتى الانسانه اللى فعلا من غيرها كل شئ بيتوقف ، مش كنت بقول فى محاضراتى ان الحياه لا تتوقف على شخص مهما كان ، واننا لازم نستمر ، وان حياتنا  ماينفعش تنتهى عليه

اميره : اه

مروان :طلعت غلطان

اميره : ليه

مروان : لانى  فعليا حياتى متوقفه  على وجودك جنبى ، من غيرك انا منتهى... يقبلها من ايدها ... بحبك

اميره : تنظر له برومانسية   ... وانا والله بموت فيك .. ثم ترجع الى كرسيها وتجلس وبمزاح .. ما انت بتعرف تقول كلام حلو اهو ، امال كنت ساكت ليه كل ده  ، وليه عملت كل ده

مروان : بحزن..كنت خايف ومازلت خايف

اميره : بستغراب ...خايف ! خايف من ايه؟

مروان : باحباط ...خايف تندمى خايف اظلمك

اميره : بستغراب..اندم!

مروان : خايف بعد كم سنة اشوف فى عينكى نظره كلها ندم

اميره : برومانسية  ... انا اندم !  اندم انى معاك ، ده انا بتمنى اليوم اللى هنبقى  فيه سوى، انت مش متصور انا إحساسى دلوقتى ايه ، انا قلبى طاير من الفرحه ، كأنه العصفور كان مسجون بقالو سنين واخيرا اتحرر، مهما اوصفلك انا فرحانه قد ايه مش هعرف ،انا مش مصدقه ، مش مصدقه، انى قاعده معاك وبكلمك كدا من غير اى تكليف ، وانك اخيرا قولتلى بحبك  ، فرحانه اوى اوى ، انا اسعد مخلوق على وجه الارض

مروان :بتأثر عيونه بها دموع ... صدقيني من اول مره جيتيلى فيها حسيت احساس غريب ، كنت بهرب منه بانى ارفض اقابلك او اتعامل معاكى بقسوة ، لكن بعد كدا مقدرتش استسلمت، اليوم اللى كنتى بتغيبى فيه عنى ، كان بيعدى عليا كأنه سنه ،عارفه كل مره كنتى بتقوليلى فيها بحبك ، ببقى متاكد انك تقصدى تقوليلى بحبك ، مش اغنيه زى ما كنتى بتقولى، ببقى نفسى اخدك فى حضنى واقولك انا كمان بحبك اوى ، ولما كنتى بتروحى وتسبينى  ، ببقى نفسى اقولك متسبنيش خليكى جنبى ، كنت بنام بدرى عشان يجي تانى يوم بسرعه عشان اشوفك وابتدى يومى بيكى ، بس انا خايف ، خايف عليكى منى ، خايف مقدرش اسعدك ، ولااكون الانسان اللى فضلتى طول عمرك تتمنيه

تمسك اميره ايد مروان  بايدها الاتنين ، وتنظر له بحب وعيونها بها دموع 

اميره : انا مش خايفه منك انا بثق فيك اكتر ما بثق فى نفسى ، انا سعادتى جنبك، لوندمت هندم انى مش جنبك ، مروان انا حياتى مالهاش قيمه غير بيك ، انت الانسان اللى عايزه اكمل حياتى معاه ،  بعدين  خايف ليه ، ان شاء الله هتعمل العمليه وهتنجح وكل شئ هيبقى تمام ، بمزح ..ههههه  والبنات ترجع تعاكسك تانى ، مع انك كنت بتتعاكس من غير حاجه

مروان: بابتسامة  ونظرات حب..ربنا يخليكى ليا  .. يمسك ايدها ويقبلها من كفها

اميره : بابتسامة  خجوله ... ويخليك ليا يا حلم عمرى واصبح حقيقه، اضحك بقى  يالهوى ايه الضحكه الحلوه دى ، ونبى قمر ياناس

مروان : هههههه بتعاكسينى

اميره : بمزح ... لو مروان عزت متعاكيسش مين اللى يتعاكس برايك ، منير مثلا هههههه

مروان :اه لو سمعك  هههههه

اميره :  عارف انا لو ماتجوزتكش هيبقى لسبب واحد بس

مروان : باستغراب.. ايه ده فى سبب فى دنيا يرجعك على اللى فى دماغك!!! ، لاء لازم اعرف بقى

اميره : بمزاح..انك هتبقى احلى منى فى صورالفرح ، والبنات يفضلو يقوله شيفين العريس عامل ازى ، خساره فيها ههههههه

مروان :ههههه شكلك كنتى بتعملى كدا

اميره : بصراحه اه  كنا بندخل الفرح من هنا انا واصحابى ونديها تريقه للصبح

مروان :  كما تدين تدان  ههههه

اميره : هههههه يدخل عليهم منير ويقف جنبهم 

منير : ضحكونى معاكم

اميره : تدفع كام

منير : اللى انتى عايزاه

مروان : ايه يا حبيبى خلصت

منير :اه كله تمام لو خلصتو يلا

مروان : يلا لانى محتاج انام جدا

يقف مروان واميره و تنظر له

اميره : بقلق ... تعبان من ايه

مروان : بمزاح ... اصل كان راكب جنبى فى الطياره واحده رغايه رغي ، من اول ماركبت لحد مانزلنا وهى نازله رغى  رغى ، اكلت ودانى  ، تحسيها بلعه نجوم اف ام

اميره : بسخرية.. لا راديو 9090  هاها

مروان : لاوالله

اميره  : اه والله .. بعدين يعنى انا ولا منير

منير : ينظر لمروان ..يلا جاوب ؟؟

مروان : ينظر الى منير.. مالو قمر اهو

منير : حبيبى

اميره : بسخريه ... اجبلكم اتنين ليمون

مروان : هههه لاء ممكن برتقال

اميره : والله

مروان :يقرصها من خدها بدلع ...يلا بلاش شقاوة

اميره : ههههه يلا هات ايدك   تمسك ايده ويغادرو

- فندق انجلترا   9م

- داخل الفندق ، يقف مروان واميره امام مكتب الاستقبال  يتحدثون، لكن بعيد قليلا ، ويقف منير عند موظف الاستقبال يتحدث معه

اميره :تنظر حولها .. حلو الفندق ده

مروان :جدا انا لما كنت باجى هنا ، كنت على طول بحجز فيه

اميره : اممم جيت هنا كتير ؟

مروان : للشغل تقدرى تقولى 5 مرات ، للسياحه 3، عمليات اول مره

اميره : ان شاء الله  وشها  هيكون حلو عليك

مروان : هو هيبقى وشك انتى اللى حلو عليا

اميره: ان شاء الله، لأ  بس انت طلعت رومانسى اوى وانا معرفش

مروان :امال كنتى فاكره ايه هههه بعدين لسه التقيل جاى ورا

اميره : اتقل يعنى

مروان :  بالظبط

يضحكون سوى و يدخل عليهم منير ويقف بجانبهم وهو يحمل المفاتيح

منير : مارو امسك مفتاح السويت بتاعك

اميره : باستغراب .. ايه ده انتم مش مع بعض فى نفس الاوضه !!

منير : لأ

اميره : ازاى يعنى

منير : فين المشكله 

اميره :وهى تتحدث مع منير  تشاورعلى عينها ... اعتقد لازم تكون عارف ايه المشكله ولا ايه

منير : هو اللى قالى احجز اتنين

اميره : وانت بتمشى وراء كلامة عادى كدا .. تنظر اميره الى مروان ، هات المفتاح  ده ، و تنظر الى منير وانت كمان هات     ( و تتركهم وتغادر)

مروان :ههههههه لما ترجع متعلقش على كلامها

منير : هى هتعمل ايه اصلا

مروان  : هتعرف دلوقت

بعد قليل ترجع اميره وتقف معهم 

اميره :تعطى مفتاح ...اتفضل يا استاذ منير انا حجزتلكم غرفه اتنين سرير الفيو على بحر، معرفش من غيرى كنتم هتعملو ايه

منير : كنا هنضيع ،على فكره انا مكنتش هسيبه غير على النوم

اميره : افرض صحى باليل افرض اى حاجه حصلت انت ليه محسسنى ان الدكتور مولود هنا

منير : انتى صح انا اسف

مروان  : هههه ممكن تبطلو خناق سوى ونطلع الاوض عشان انا تعبت

اميره  : ماشى هو انتم هتروحوا امتى المستشفى

منير : 10ميعادنا هناك

اميره : اوك هكون هنا على 8 ونص كدا يلا سلام انا

مروان : باستغراب .. رايحه فين

اميره  : مروحه

مروان : مش وقت هزار

اميره : انا مابهزرش انا فعلا مروحه

مروان : باستغراب... انتى مش قاعده معانا فى الفندق

اميره : لأ

مروان :بسخرية ... ليه هو الاستاذ اللى عرف يحجزلك فى الطياره معرفش يحجزلك فى الفندق معانا

اميره :انا مطلبتش منه اصلا

مروان : بشده ... طب من غير مناقشه اتفضلى اتصلى و الغى حجزك فى الفندق اللى حجزتى فيه ينظر لمنير  ... و انت اتفضل احجزلها هنا جناح خاص

اميره : ههههه اهدى بس انا مش حجزه فى فندق اصلا

مروان : ازاى يعنى

اميره : هفهمك  انا حجزه شقة

مروان : باستغراب ..  شقة

اميره : اه

مروان : يعنى هتقعدى فى شقة لوحدك ؟

اميره : اه

مروان : طب انا مش هتعصب وهعتبر نفسى مسمعتش حاجه ، منير روح اعمل اللى قولتك عليه

اميره :تمسكه من ايده ..استنى يا استاذ منير .. يا دكتور بجد مش هينفع انا لازم اقعد بشقة

مروان :ليه لازم

اميره : لان بابا اللى حجزهالى ،هو انت متخيل أن د / خالد  ، يسمح انى اسافر من غير مايبقى عارف انا هقعد فين ومع مين

مروان :  وانا مش هبقى مطمن عليكى وانتى قعده لوحدك

اميره : ليه بس مش اول مره اسافر

مروان : ايوا  بس مكنتيش بتسافرى لوحدك

اميره : وانا بقولك متخفش بابا مظبط كل حاجه خلاص بقى

مروان : لأ لازم اقلق بصراحه انا مش مقتنع ازاى بنت تقعد فى شقه لوحدها ، فى بلد اول مره تروحها ، اسف مش موافق

اميره : ماتخفش المكان فى كاميرات واجهزة انذار كمان ،  بعدين انا هبقى معاك طول اليوم هروح على النوم بس

مروان : بردو مش موافق

اميره  : لازم توافق

مروان : بشده  ..  ليه لازم ماتسمعى الكلام وتقولى حاضر، وبطلى عند بقى

اميره : انا مش بعندك ، بس فعلا الموضوع مش محتاج كل المناقشه دى ، قولتك متخفش المكان متأمن

مروان : مش مقتنع

اميره : لازم تقتنع لان ده اللى هيحصل ، عشان بابا مايعملش مشكله

مروان : انتى من الاساس محجزتيش فى فندق ليه

اميره :بابا اللى عمل كدا، بعدين الشقة قريبه من الفندق بعدين تعال هنا ، يعنى الفندق هو اللى امان اوى

مروان :لاء  بس كنتى هتبقى جنبى بينى وبينك  باب مش مسافه

اميره : خلاص بقى

منير : مروان  ياريت نخلى المناقشه دى بعدين ، لان الوقت اتاخر ، واميره لازم تروح ، عشان تظبط حالها

مروان : ماشى هسيبك تمشى بس كلامنا منتهاش

اميره  : ماشى

مروان : ممكن اجى اوصلك واعرف المكان اللى هتبقى فيه عامل ازاى

اميره  : اكيد بس انت تعبان

مروان : لاء  منا هبقى تعبان اكتر لو مطمنتش عليكى

اميره  : اعمل ايه فى عندك ده موافقه يلا بينا.....

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

لحد هنا واستوب

ياترى مروان هيعمل ايه؟

وهيسيب اميره تنام لوحدها ؟

طب ايه اللى حصل وخلى اميره تروح المستشفى ؟

*الأعمى

حلقات خاصة

بقلمي ليلة عادل ✍️🌹❤️*_'''~~*

الحلقة الأولى 

فيلا مروان واميرة ص

مظهر خارجي لحديقة الفيلا  فجرا سكون يعم المكان  ثم ندخل داخل الفيلا. في الهول نجد بعض الصور لمروان و اميرة وأولادهم  

ثم نصعد الدور الثاني الى غرفة مروان وأميرة

نجد مروان واميرة نائمين على على السرير ثم نستمع الى صوت آذان الفجر تبدأ أميرة بالاستيقاظ  وتفتح عينيها ببطئ تقوم وتذهب إلى المرحاض و تتوضئ ثم تخرج من المرحاض و تقوم بأيقاظ مروان فنرى أن ملامحهما لم تتغير كثيرا. فهما مازالا يحتفظان بجمالهما رغم مرور العمر لم يغيرهما

اميرة : حبيبي يلا قوم الفجر أذن. 

يفتح مروان عينيه ويقوم....صباح الخير

أميرة ؛ صباح الورد أنا هروح أصحي الولاد

تخرج خارج الغرفة وتذهب  الى غرفة الأولاد. تقوم بأيقاظهم 

ثم  نرى

اميرة و تالا مرتديان اسدال الصلاة ويقفان بالخلف

وادم  وزياد     ويونس امامهم

ومروان يقف امامهم و يصلي بهم 

وهنا نرى ان الأولاد اصبحو شباب 

فالآن أصبح زياد و آدم بعمر ال20 عام

وتالا 18عاما ويونس 15عاما

وبعد الانتهاء من أداء صلاة  يجلسون جميعا و يقرأون ورد من القرآن الكريم  و بعد الانتهاء يذهب كل منهم إلى غرفته لينامو ساعتين قبل بدأ يومهم و الذهاب الى عملهم و الاولاد إلى دراساتهم

*_~بقلمي ليلة عادل ♥️🌹✍️~_*

فيلا مروان و أميرة ٨ص

السفرة

نرى مروان يجلس على كرسي فى  مقدمة السفرة. وأميرة بالكرسي المجاور له  على ترابيزه  الفطار ... وبعد قليل تقترب منهم  تالا 

تالا : صباح الخير.  تقبل اميرة 

مروان : أمال فين بوسة بابا

تالا : أحلى بوسة تقبله من خديه وتضمه  

تجلس بالكرسي المجاور له

أميرة : صاحيتي اخواتك

تالا : زياد صحي وصحى يونس

يدخل يونس وزياد

يونس وزياد. صباح الخير 

اميرة : مصحتش آدم ليه

زياد : يجلس ..  مارضيش يصحى

أميرة  تقف .. أنا هروح اصحيه 

غرفة نوم آدم 

نرى غرفة  تعكس. شخصية آدم المجنونة نرى  بوستر كبير بصور له ، و بوسترات أخرى لمطربين أجانب

ثم نرى آدم نايم عاري الصدر  على بطنه تفتح أميرة الباب وتنظر له بضيق ثم تقوم بفتح الستائر... ينزعج آدم ويفتح   عينيه

آدم : أنت يابو هزة اقفل الستارة دي

تقترب أميرة منه وتقوم بقرصه فى فخده وعضه من خده معا

آدم : ااااه ايه ده  فى ايه    ماما  يووو.  خلاص صحيت صحيت والمصحف

  تبتعد عنه وهى تبتسم ثم يقف آدم وعلى وجهه الانزعاج ويمسح وجهه ويتنفخ

اميرة  .. يلا قوم   تعطيه تيشرت. يلا خمس دقائق تكون لبست.. ( بشدة)  متنفخش. يلا 

يدخل المرحاض ويغسل وجهه تقوم أميرة بإخراج ملابس له يخرج من المرحاض ويبتسم ويقترب من أميرة 

آدم : صباح الفل.. مش هتبطلي يا أميرة العادة دي  أروح الجامعة ازاي دلوقت  أقولهم أمي عضتني... يبتسم لها. بس ايه الجمال ده يقبلها من خدها. والنبي أنا محظوظ

أميرة : ليه

آدم : لأنك أمي 

أميرة :   يلا. هنتأخر عليهم  يا بكاش 

يلااا 

آدم : ما أنا ابنك يا بكاشه  هههه

السفرة

آدم : صباح الخير

تالا : تسلم سنانك يا أحلى ميرو

آدم :  متخفي...  يضع يده على خده .. باينه أوى

يونس : دي منحوته يسطا

أميرة : بشده  يونس مش قولت الكلمة دي متقولهاش تاني 

آدم : بيئة أوي 

يونس  : على الاقل أنا بقول يسطا  مش حاجات تانية. يشده من ايده خف بدل مقول لأبوك على الشتايم اللى شتمتها بالخناقه

آدم : والمصحف يا يونس أعلقك فى شباك العربية 

مروان : آدم  يونس كلوا يلا بطلوا كلام

آدم : أنت تؤمر يا حجوجا

وبعد الانتهاء من  تناول الفطار

آدم : أنا هشد عندي محاضرة الساعه ١٠

مروان : خد تالا معاك

آدم :  يلا ياختي 

تالا : لسه هآكل

آدم : أهو. هتأخرني هاتها أنت 

مروان : الساعة لسه ٨ 

تالا : أكيد هيصيع

آدم : متنزلي عن المسرح بقى يشدها من دراعها يلا وهجبلك سندوتشات انجزي 

أميرة : اللي يشوفك كدا يقول. إنك بتحضر محاضرات

آدم : لا  كارما مستنياني مش هينفع اتأخر عليها

تالا : تمسح فمها .. يالا يا عم.  بابا امووووواه.   .. تقبله على الهوا

مروان :  سلام يا حبايبى... آدم ماتسوقش بسرعه أختك معاك

آدم : أنا عارف اني هتكدر  

زياد  : يقف  .. أنا كمان همشى  عايزين حاجة 

أميرة :  هتتأخر زي امبارح

زياد  : لا يا حبيبتى. هخلص محاضرات بدري. يقترب منها ويقبلها من رأسها وخدها.. سلام ينظر للأب  سلام يا بابا

بعد خروج الجميع

يونس:  أنا هطلع  ألبس عشان التمرين

بعد ذهاب يونس وصعوده السلم ينظر مروان لاميرة

مروان : عندك محاضرات النهارده

أميرة  : على الواحدة لسه بدري 

مروان يقرب وجهه منها .. قربي كده 

تقرب أميرة وجهها. فى إيه 

مروان : بطلتي تعضيني وبقيتي تعضي آدم 

أميرة : غيران

مروان : كنت فاكره خاص ليا أنا  لوحدي 

تقوم وتجلس على قدمه 

أميرة : أنا قولت اخليك تروح الجامعة وأنت راجل كباره كدا بعد ما بقيت العميد شكلك هيبقى. ييييى خالص وأنت بعضة، بس أنا معنديش مانع خالص .. تمسك ايده  وتضع يده بين أسنانها أعض ولا امم  تبتسم وتقبله من خده سماح المرة دي

يقبلها مروان من خدها  ..  بحبك يا أحلى حاجة في حياتي

أميرة :  أوعى بقى لحسن يونس  ينزل  ويشوفنا كدا

تجلس على كرسي. وتطعمه بايدها  قطعة جبنة

مروان :  تسلم ايدك يا حبيبي 

أميرة : اموووووواه تقبله على الهوا بذمتك مش بوستي أنا أحلى 

مروان : طبعا 

*_~بقلمي ليلة عادل ♥️🌹✍️~_*

سيارة آدم 

سيارة اسبور آخر موديل يبدو من مظهرها أنها غالية الثمن. نرى آدم يسوق وكانت تالا بجانبه

تالا : يابني بالراحة هنموت

آدم : بقولك ايه ماتقرفنيش هنزلك وأطلبلك أوبر

تالا : أنا هاقنع بابا  يجبلي عربية... ماما كانت أصغر مني وعندها عربية 

آدم : جدو ده دماغه كبيرة ، لكن أبوكي ده معرفش بيفكر ازاى دماغه صعبه  كانهم شالو دماغه وحطه قلقاسه 

تالا : احترم نفسك متقولش كدا عن بابا.... بابا بيخاف عليا

آدم :طب يا بنت ابوكي 

تالا : وليا الشرف بعدين ما أنكل أدهم مجبش لكارما عربية 

آدم : هو أنكل زي ابوكي...  بابا يقدر يشتري أسطول عربيات ، بعدين اسكتي شوية .. يقوم بعمل اتصال  ايه يا حبيبي أنا داخل على الشارع انزلي 

تالا : هتقعدها فين 

آدم : اقعدو جنب بعض

كارما : صباح الخير

  ينظر آدم لأعلى كان أدهم ينظر من البلكونه.... يشاور آدم بايده لأدهم ليلقي عليه التحية

*_~بقلمي ليلة عادل ♥️🌹✍️~_*

الجامعة الأمريكية ٩ص

يدخل آدم بسيارته  ثم يقف فى الجراج الخاص بالجامعة وينزل منها 

تالا : أنا هروح المحاضرة 

آدم : ماشى  يسند ظهره على السيارة وكارما بجانبه وحشتيني

كارما  : وأنت كمان  هتعمل ايه النهارده

آدم : يوم فاكس محاضرتين أرخم من بعض 

كارما : أنت لازم تنجح عشان ماما توافق على الخطوبة 

آدم : أنا لازم أنجح عشان مروان ميرجمنيش هو أصلا مش طايقني

كارما : ده أنكل ده عسل بحبه جداً 

آدم : وأنا بحبك انتي جداً 

كارما : طب أنا لازم أمشي عشان المحاضرة.. باي

آدم : لما  تخلصي كلميني 

*_~بقلمي ليلة عادل ♥️🌹✍️~_*

كلية الطب ١٠م 

نرى زياد يجلس فى المدرج ويقوم بالكتابه خلف دكتوره وبعد انتهاء المحاضرة وأثناء حركة خروج الطلبة  تقترب منه فرح صديقته 

فرح : محضرتش المحاضرة بتعت  دكتور عدنان ليه ولا عشان باباك يبقى دكتور مروان عزت لازم تحضر معه

زياد  : بالظبط بابا. يبقى أستاذ دكتور عدنان أروح أحضر للطالب واسيب الاستاذ ينفع  

فرح  : ماشي تعال بقى نطلع المكتبة. عشان لقتلك رسالة ماجستير عن زنى ممتاز ،  عرفت كمان إن الجلسات دي كان اللي بيشرف عليها دكتور تميم الله يرحمه ، وطبعا دكتور تميم هو أستاذ دكتور مروان  يبقى باباك هيظبطك 

زياد : بابا مش هيساعدني ممكن ماما 

فرح :  تعال نشوف بس

أثناء خروجهم..

فرح :  انت ليه مختار موضوع زي كدا 

زياد : عشان نفسى اغير من طريقه تفكير المجتمع

فرح : تقف وتنظر له كان غيرك اشطر

زياد : انا متأكد أني هقدر حتى لو فشلت يبقى يكفينى شرف انى رفضت تجريم البنت وشالها لوحدها مسؤوليه ، وان الولد يعيش حياته عادى زى ما مجتمع بيرفض ان الست تعمل علاقه قبل الزوج كمان يرفض للرجل ده 

فرح : اتكلم باستدلالات بأحاديث شريفه وصحيحه عن النبي. وآيات من القران ده سلاحك اللى هيخليك تعرف تواجه المجتمع

زياد : بالظبط هو ده اللي هعمله 

فرح : بس أنت طلعت بتحترم الست اوي 

زياد : طبعا  أنا بحترم الست جداً ، لان الست هي كل المجتمع ، مش  جزء منه زي ما بيقول البعض  ،   وعلى فكرة ماما مشجعاني جداً  على البحث ده

فرح : هتعرفني عليها امتى

زياد : تيجى النهارده   

فرح : موافقة. هتيجي عيد ميلاد بيرى

زياد : اممم

فرح : هتجيب آدم 

زياد : آدم هتلقيه هناك من دلوقت

فرح : مع إنكم اخوات بس. سبحان الله. مختلفين 

*_~بقلمي ليلة عادل ♥️🌹✍️~_*

مركز د مروان  عزت ١م

مكتب مروان

تدخل أميرة مكتب مروان وتقف امام مكتب السكرتيره وهنا نرى أميرة انها قد قامت برتداء الحجاب واصبحت أجمل من قبل فحجابها زاد من جملها  أنوثتها

أميرة : صباح الخير يا هبوش. مروان جوه

هبة : اه بس دكتورة مهيتاب معه

أميرة : بضيق ماشي 

تدخل أميرة دون أن تطرق الباب

كانت تجلس مهيتاب على الكرسي الامامى للمكتب. ومروان على كرسي مكتبه ويضحكان

أميرة... مساء الخير. ازيك يا ماهي

مهيتاب. أهلا يا دكتورة.. تقف لتصافحها لكن أميرة تنظر لها بضيق لسه كنت بجيب بسيرتك. 

أميرة : تجلس وتضع رجل على رجل بجد  خير

مروان. كانت بتحكيلى على المناقشة واللي حصل فيها بتقولي إنك من أشرس الدكاتره بتدفعي على الطلبه.  وناس كتير نفسهم إنك تشرفي عليهم

أميرة ميرسي. انتي مش عندك جلسة دلوقت

مهيتاب. اسلام الخشاب أخدها. ها يادكتور نكمل كلامنا

ينظر مروان لأميرة التي يبدو عليها الضيق  وإنها تشتعل  من نار الغيرة

مروان خليها مرة تانية لأني كنت مواعد دكتورة أميرة بميعاد

مهيتاب... اوكي عن اذنكم

تخرج مهيتاب. تنظر أميرة له بضيق وتهز برجليها يقف مروان ويلف ويقف امامها  و ينظر لها بحب

مروان : قد بنتي 

أميرة : وده يمنع. ده انتم بتكبرو و بتتهبلو

مروان : هههههههه مجنونة 

أميرة : تقف امامه  عندي استعداد اوريك الجنان على حق انا مش قولتلك مليون مرة متقعدش مع البت دي... مالك ماتهدى على نفسك   راجل مستفز صحيح  انا ماشية أحسن 

مروان :  يمسك أيدها تعالي بس رايحة فين يا أميرة قلبي 

أميرة : بسخريه أميرة قلبك

مروان : وروحي وحياتي 

أميرة : بشدة .. مروان البت دي  مش كويسه بتبصلك نظرات كلها إعجاب فا تلم مش عايزة أحرجك قصدها.. انقلها  ماشي عشان بجد هبدأ اتضايق

مروان : خلاص  اهدي يا حبيبي. . حاضر اللي انتي عايزاه.. اعتبريه حصل اضحكي بقى 

أميرة : لا

مروان : وحياتي 

أميرة : لا

مروان:  عشان مارو حبيبك الدك

أميرة : الدك عايز عضة والله لعضك تمسك ايده وتعضه بقوة

مروان : ااااه يا مفتريه. ارتحتي كدا

أميرة : يس.. اسألني لماذا أتيت لمكتبك المتواضع

مروان : بابتسامة يجلس على مكتبه  ويمسك أيدها  ممكن أعرف سبب تشريفك لمكتبي المتواضع

أميرة : زياد كلمني هيجيب فرح على الغدا فالغي أي شغل بقى

مروان : مين فرح

أميرة :  الجيرل فرند بتعت زياد

مروان : ما بحبش المصطلح ده  لأنه حرام وعيب ايه صحبتى دي... اسمها البنت اللي بيحبها وناوي يخطبها وتبقى حلاله

أميرة :  المهم النية مش المسمى 

مروان : لا بردو والمسمى مهم

أميرة  : ما علينا. ماشي فضي نفسك البنت عايزه تتعرف علينا

مروان :  معرفش ان زياد بيحب 

أميرة : من سنة أولى وهما مع بعض

مروان : قالك هيخطبها امتى

أميرة  لا ده بعدين... مروان دول لسه عشرين سنة 

مروان عايزاه يفضل راكن البنت جنبه ، مدام ارتبط يخطب يبقى فى حاجة رسمي أنا ماليش بالعوج ده. أنا عندي بنت

أميرة... هو مفتحش معايا حوار قالي هعرفكم عليها بس

مروان : قالك بيحبها

أميرة : لا بس   هيعرفنا على دي بالأخص ليه ما أنت عارف زياد مبيحبش يتكلم كتير 

مروان :  أنا هتكلم معه وأفهم  ، ييياااا الولاد كبرو أوي وكمان كلها  كام سنة وأبقى جد 

أميرة : اممم تخيل 

مروان : أنا لسه فاكر اليوم اللي دخلتي فيه لابسة عروسة قولتيلى بقولك ايه كام سنة اللي فاتو. انساهم احنا اتجوزنا النهارده فاكره

أميرة :  طبعا

*_~بقلمي ليلة عادل ♥️🌹✍️~_*

فلاش باك.... قبل ١٩سنة 

فيلا مروان وأميرة ٨م

نرى أجواء احتفالية جميلة جدا فانر الهول مزين بشموع والبالونات ومع الاستماع لموسيقى هادئة 

ثم يدخل مروان من بابا الفيلا وهو يرتدي بدلة انيقة وببيونه يبدو من مظهره الأناقة والجمال  الساحر. يخرج هاتفه من جيبه ثم يقوم بالاتصال بأميرة

مروان : حبيبي أنا تحت. أوك هقف وأغمض  عيني 

يذهب ويقف أمام السلم وهو مغمض عينيه ثم تنزل أميرة بعد دقايق ويفتح عينيه يرى مروان أميرة تنزل ببطئ من على السلم وهي ترتدي فستان زفاف بسيط لكنه جميل جدا ويبدو من مظهرها الجمال الساحر والمثير جدا تقترب منه  يبتسم مروان ثم يرفع لها الطرحة ويقبلها من جبينها يقوم بانجكتها ثم  تشغل أميرة اغنية زفاف  ثم تقف بوسط الهول. ترقص معه سلو على احدى الاغاني الرومنسية 

ويقضيان الليل وهما يستمتعان  بحفل زفافهم الخاص الذي قامت أميرة بإعدادها

غرفة النوم

نرى البدلة التي كان يرتديها مروان على الأرض. وفستان أميرة أيضا..... ثم نرى أميرة تنام على صدر مروان  ويقوم باللعب بشعرها والتحدث معها

مروان : حبيت أوي المفاجأه 

أميرة : أصل حسه إننا متجوزناش مع إنه مر علينا أوقات جميلة بس الأوقات الوحشه أكتر فقولت لازم أبدأ صفحة جديدة وكأننا لسه متجوزين والسنتين اللي فاتو دول كإنهم معدوش

مروان : أنا كل يوم ليا معاكي كانه أول يوم. محضره برنامج للرحلة  ولا... 

أميرة :  طبعا بكره  بما إنها صبحيتنا مش هنروح فى حتة بس بعدها هنروح المالديف بعدين نطلع على  هوليود. بعدين  نروح دهب بعدين نرجع بقى الولاد وحشوني 

مروان : أنا ملك ايديك يقبلها من كفها بحبك 

أميرة : وأنا بموت فيك  يييا نفسي أمسح الفترة اللي فاتت من حياتي وانساها

مروان : هنسيكى كل حاجة مش هخليكى تفتكرى غير الحلو وحبنا وبس 

أميرة : بحبك أوي 

يقرب مروان وجهه من وجهها يقبلو بعضهم. بحب وعشق وووو

*_~بقلمي ليلة عادل ♥️🌹✍️~_*

المشهد الحالي

مروان : تيجى نعيد اليوم ده تاني 

أميرة. :  اعقل وقتها كان زياد و آدم مكملوش سنة 

مروان : تؤ بجد تعالي نروح نقضي يوم مع بعض تلبسي عروسة وأنا عريس نعيد ذكرى اليوم ده ولا شيفاني كبرت

أميرة :  فاشر. ده أنت قمر زي ماأنت  تقبله من خده وتضمه. يضمها مروان ويقبلها من جبينها.  يطرق الباب

مروان : منير اللي ديما بييجى بوقت غلط

أميرة.. هههههههه  تبتعد قليلا وتجلس على الكرسي اتفضل  يذهب مروان ويجلس على كرسى مكتبه

منير :ميرو انتي هنا بدور عليكي 

أميرة : عامل ايه يا أستاذ منير ومدام لبنى

منير  : يجلس الحمد الله. امسكي امضي على الورق ده

أميرة : ماشي 

منير :   ليان قلتلكم

مروان : لا فى حاجة 

منير... يونس اتخاق مع ليان

مروان : متشرد زي آدم 

أميرة : اه صح فكرتني بطل طريقتك مع آدم  هشتكيك لصحبك. ينفع يا استاذ منير اللي مروان بيعمله مع آدم ، اول إمبارح ادم اتأخر جه على الوحدة  عمل معه مشكلة قد كدا وأخد منه العربية.. افهم بقى إبنك كبر بقى بالجامعة... كلها سنتين يبقى مهندس

منير : هو بيشد على آدم لأن آدم  شقي بزيادة

أميرة : أنت هتعمل زيه

منير : أنا مع الحق

مروان : قولها. عشان بتقولي بتفرق فى المعاملة 

أميرة : ايوة أنت بتفرق في المعاملة. أنا غلطانه أصلا  إني بتكلم معاكم فى حاجة ، اتنين طلعين من فيلم محروق  .. تخرج وتسبهم

منير : هههههه  أنا بتشتم

مروان : منا اتشتمت معاك اسكت بقى

منير : على فكرة هي صح أنت بتشد على آدم أوي 

مروان: هو فى حد غيره عملي قلق في دماغي اسكت يا منير لو مشدتش عليه توقع منه أي غلط

منير : بكرة يعقل  منا كنت زيه 

مروان : وهو واخد الفشل منك 

منير :  لسه بيغير عليها منك

مروان : طبعا  ولسه بيخليها تنام جنبه هي فهمه وبتفرح أوي.  وعجبها أوي الوضع 

منير : يعنى أنت اللي عاقل أوي... ما أنت كمان بتغير عليها منهم ، لما واحد فيهم بيبوسها ولا يحضنها ولا يدلعها

مروان : ااااه يا منير والثلاثه بيموتو فيها ، ميقدروش على زعلها وأنا أولع عادي  ، لكن ماما ابدا ، بس زياد بيسكت ، نظراته بتفضحه ، إلا أستاذ آدم  لسه من يومين شفها لابسه وهي طبعاً لازم تدخل تبوسهم وتغطيهم  ولادي الأول يا مارو.... دخلت مطلعتش ، البيه شافها. فهم عمل نفسه عنده مغص  فضلت جنبه،  ولما دخلت قالتلي أسيب ابني يعني قولتلها لا ازاي  أولع أنا 

منير : ههههههههههههه خالد الصغير 

مروان : بتقول فيها  ، عارف آدم واخد  كل حاجة وحشة من كل واحد فينا ، شقاوة أمه ولسانها الطويل وعندها ، وغيرتي ، وجنون جده واستفزازه. وقلة أدبك تشكيلة إجرام  هههههه

منير :  برغم كل ده بس أنا بحبه عن زياد. أصل آدم. أهبل كدا مش بيعرف يخبي لكن زياد زيك جواني صامت

مرون : أنا بحب الاتنين زي بعض ، كلهم ولادى الأربعه نور عيني ، بس أنا خايف على آدم  أنا مش هعيشلهم  كتير يا منير. أنت عارف أنا دلوقتي ٦٣ وهما لسه ٢٠ سنة ، مش هلحق أقعد معاهم وأوجههم لو حد وقع بغلط أقف معاه

منير : أولا التربية والتوجيه من الصغير وان شاء الله مش هيحصل حاجة...  تانيا بطل يابنى كلامك ده محدش عارف مين قبل مين صلي على النبي كدا. بقيت كئيب

مروان : كل ما أبص إني أخيرا حققت حلمي وبقى عندي عائلة اللى حلمت بيها ، أقول يارتني كونتها وأنا صغير ، وكبرنا سوى  ،زي ما أنت عملت ، برجع أقول بس أنا كنت عايزها مع أميرة  ،كنت هعمل ايه، ارجع و أقول ياريتها أكبر بعشر سنين وإلا حاجة وعرفتها بالجامعة وتجوزنا كان زمان ولادنا دلوقتي حاجة و تلاتين مش عشرين

منير : مروان صلي على النبي واهدى بلاش الافكار دي هتتعبك

مروان : غصب عني بقولك ايه خلينا نشتغل أحسن لأني  هروح بدري 

منير : فى حاجة 

مروان : لا يا حبيبي زياد هيعرفنا على بنت  صديقته

منير:  ايوة هتبقى جد يا مارو. بشكلك ده والمصحف  ما مصدق ده لو شفونى جنبك يقولو أبوك مش صحبك

مروان : الله أكبر 

منير :. أميرة. بهتت عليك

مروان : لازم بقالي ٢٥ سنة عرفها

منير : ربنا يخليكم لبعض

*_~بقلمي ليلة عادل ♥️🌹✍️~_*

فيلا مروان  واميرة ٤

يدخل زياد ومعه صديقته فرح   هول الفيلا كان يجلس آدم يلعب بهاتفه وعندما يراهم يقف

زياد : جيت بدرى يعني 

آدم : أنت ناسي أنى لسه متعاقب مش عايز وجع دماغ

فرح :  تستاهل

آدم :  بس يا ظريفة

تدخل أميرة عليهم  وهى تبتسم

أميرة  : اهلا ازيك يتصافحان وتقبلها من خدها  اخيرا شفناكي

فرح :  واضح أن زياد بيجيب سيرتى كتير

أميرة :  على طول. اتفضلى اقعدي واقفه ليه

يجلس زياد على سن الكرسي بجانب ادم وتجلس فرح على كنبه

زياد : أمال فين بابا

أميرة : بيلبس هروح أستعجله  اوزتى خلي أمل تعملكم  حاجة تشربوها

آدم : يقف احنا مش هناكل  الأول 

أميرة:  تقترب منه وبصوت منخفض اتلم  عندنا ضيوف 

آدم : بصوت منخفض يقترب منها .. انا اتكلمت  دلوقت  بعدين اقعدي هروح أنا أندهله مش يمكن في وضع مينفعش تشوفيه فيه وانتي ، ست عيب تشوفيه كدا ، ولا ايه  يقبلها من خدها استعجلي الأكل والنبي. أنا جعان

أميرة : حاضر 

يصعد آدم السلم ويذهب لغرفة نوم مروان وأميرة ويطرق الباب يفتح له مروان

آدم  : زياد جه

مروان : ماشي أمال أميرة مطلعتش ليه

ادم : هو لازم أميرة منا أهو عايز تزرر القميص ازررهولك انا ... 

يقترب منه ويقوم بغلق ازرر قميص لمروان وينظر مروان له ويبتسم

آدم : حاجة تاني عايزها ياحجوجا

مروان : حجوجا

آدم : طبعا ما بالشياكه دي لازم تبقى حجوجا والنبي شكلك أخويا الكبير مش بابا أبدا ، وكمان مخلفنى على كبر  ،  إلا يا مارو لما أوصل لسنك كدا هابقى لسه مزمز زيك

مروان : مزمز  مش عارف بصراحة يا آدم 

آدم : ان شاء الله و إلا هزعل أوي 

مروان : طب  يلا قدامي يا آخرة صبري 

آدم : اتفضل يا حجوجا يقبله من خده

الهول

ينزل مروان ومعه آدم من على السلم. عندما يرى زياد وفرح يقفان لاستقباله

فرح : دكتور مروان ازاي حضرتك

مروان : طول ما احنا بره الجامعة انكل مروان

فرح.. تمام

مروان : ينظر مروان لأميرة على فكرة يا أميرة فرح من أشطر الطالبات عندي  بطب نفسي عملت بحث عن مرض اضطراب ما بعد الصدمة. عن وفاه الأم وكيف تقبل الواقع  من بعدها

أميرة : ولقيتي حل

فرح : لا كتبت بآخر البحث لم  أجد حلول  لتقبل وفاة الأم 

أميرة : بأسف دي حقيقة 

فرح : بس الايمان بالله والصلاة ودعوه بتصبر

اميره :بتاثر  مافيش شيء بدنيا يعوض غياب الأم او الأب 

مروان : يغير الكلام ..  أمال فين تالا ويونس

أميرة : تالا عندها محاضرات لحد٧ ويونس عنده درس كيميا دلوقت  مع ليان

آدم : طب يلا ناكل احنا

أميرة : فضحنا ديما

آدم : ماما دي فرح أو تقدري تقولي. محمود زي ما أنا مسميها 

أميرة : بس عيب   اتفضلوا على السفرة

السفرة

نرى على السفرة طعام  ديك رومي  ومكرونه بشاميل وسلاطات   والجميع يجلس وبدأو بتناول الطعام

أميرة : واضح ان الكل يعرفك إلا أنا 

فرح : والله يا طنط كل ما أقول لزياد عايزة أشوفك يقولي حضرتك مشغولة او مسافرة

ولكن عندما قالت فرح كلمة طنط ضحك آدم بهسترية وابتسم مروان لكن كان يحاول اخفاء ابتسامته  وايضا زياد .. لكن نظرت أميرة له برفعت حاجب وبشده خفيفه

أميرة : طنط  لا يا حبيبتى انا مش طنط ممكن تقوليلى أميرة لو عايزه تكليف ممكن دكتورة انا ما بحبش اطنطن.. انكليه هو. وهو متصالح مع نفسه بيحب يتأنكل أنا. لسه متصلحتش

آدم : بذمتك دي يتقالها طنط دى أصغر منك وأحلى يا محمود

فرح : أنا آسفة بس يعني 

أميرة : ولا يهمك

أميرة : مكنتش عارفة إنك تعرف فرح يا مروان

مروان : أعرفها لكن مجاش بدماغي ان هي دي اللي كلمتينى عنها

أميرة : تمام 

*_~بقلمي ليلة عادل ♥️🌹✍️~_*

بعد الانتهاء من تناول الطعام يجلس الجميع فى 

حديقة الفيلا وكان على ملامح الجميع السعادة  وبعد مرور الوقت ترحل فرح ومازال يجلس الجميع بالحديقة

آدم : وهو ياكل الفيشار  بقولك إيه هتلبس إيه 

زياد : لسه مش عارف

آدم : تعال نلبس زي بعض

أميرة : هتروحو فين

زياد : عيد ميلاد بيري

مروان : آدم متعاقب

آدم: ماخلاص يا حجوجا. اهدى بقى مش هتاخر تاني 

أميرة : قول لبابا أنا آسف 

آدم : أنا آسف يا بابا مش هتأخر تاني 

مروان ماشي يا آدم بس لو الغلط ده تكرر تاني مرة جاي العقاب هيبقى اكبر بكتير

تقوم أميرة وتجلس بسن الكرسي وتضع يدها على ظهره

أميرة : حبيبي  دومي مش هيعمل كدا تاني هو تعلم من غلطته صح 

آدم : بضيق ينظر امممم.. آه 

زياد : ماما تعالي اقعدي هنا ممكن تقعي كدا

مروان : متخفش أنا سندها بايدى

زياد : احمم امم ماشي أنا  هطلع أعمل تليفون.قوم البس  آدم يلا

آدم : لا أنا قاعد شويه معاهم   ميرو اقعدي جنبى اوريكي الريس  اللي. عايز اشتريه

أميرة : عايز تشترى موتوسيكل

آدم : و أول واحدة هتركب انتي يا قلبي تعالي 

تجلس أميرة بجانبها يضع آدم يده على كتفها. ينظر لمروان بنصف عينه من هاتفه ينظر مروان بابتسامه

مروان : حبيبي أنا  هروح المكتب شوية. 

أميرة : ماشي. بص حلو ده  الأسود اشد  

مروان : بصي الأزرق  أجمل 

أميرة : الأسود أحلى. بص ....

بعد مرور وقت

*_~بقلمي ليلة عادل ♥️🌹✍️~_*

حديقة الفيلا ١١م

تجلس أميرة على الأرجوحة وهي تقرأ كتاب، بعد قليل يقترب منها مروان. وهو يبتسم

ثم يقوم  بأرجحتها   تلتفت أميرة له وتبتسم

مروان: قطتي الحلوة بتعمل ايه

اميرة  : بقرأ كتاب 

مروان :امال ضرتي فين كنت شايفه قاعد معاكي

اميرة بيعمل لي لبن واحنا بنتكلم فجأة  بصلى ماما انتي وشك اصفر هروح اعمل لك لبن 

يجلس مروان بجانبها .. اهو جاي

يقترب آدم منهما  

ينظر  بضيق. معلش يا حج مكاني

مروان : عايز أقعد جنب مراتي

آدم : وانا عايز أقعد جنب امي

أميرة بس. خلاص هتتخانقوا  تعالى أقعد الناحية التانية 

آدم : ماشي

ينظر ادم لمروان بضيق ثم يضع رأسه على كتفها ويمسك أيدها ويقبلها. من كفها وخدها ينظر مروان له ويبتسم على ما يقوم به آدم 

*_```~بقلمي ليلة عادل ♥️🌹✍️~```_*

شقة أدهم وحنين ٧م

غرفة نوم كارما  

نرى كارما تقف أمام المرايا تضع روج  وتسرح شعرها  كانت ميرا اختها التى تصغرها بثلاث سنوات  تجلس على السرير

ميرا : عايزه اجي معاكي بس عندي امتحان بكرة.  خففي الروج... مامي مش هتسيبك تنزلي كدا

كارما : بابا بره

ميرا : اه  بقولك هو عمر جاي

كارما :ابن طنط ياسمين

ميرا : اممم

كارما : طبعا ما انتي عارف هو و آدم انتيم  

ميرا : ربنا ياخد الامتحانات امتى أدخل الجامعة بقى

كارما : احدفي الشنطة يلا

تخرج كارما الراسبشن فهى فتاة قى غايه الجمال وصاحبة العيون الخضراء والشعر الاصفر 

الراسبشن كان يجلس ادهمّ 

كارما : بابي 

أدهم : حبيبتى خلاص نزله

كارما : اه آدم هيعدي  عليا

تخرج حنين من الغرفة 

حنين : متتأخريش 

كارما : حاضر. أهو بيرن سلام 

تخرج وتغلق الباب خلفها

حنين : معرفش آخرتها مع كارما ايه

ادهم : آدم. بيحبها  من زمان وهو قايل  بس مستني حضرتك توافقي بالخطوبه

حنين : عايزني أجوز بنتي وهي  لسه بالمدرسة 

أدهم : وأهي دخلت الجامعه أنا مش هسيب الموضوع أكتر من كدا فى الصيف هنعمل الخطوبه لما تتخرج يتجوزه

حنين : اللي تشوفه. هتروح بكرة عزومة نور

أدهم : هو أنا قد نور  ، طبعا هروح

*_~بقلمي ليلة عادل ♥️🌹✍️~_*

فيلا مروان واميرة ٧م

غرفة تالا

تقف تالا أمام التسريحه وهي ترتدي فستان شنل كاط وتضع القليل من المكياج فهي جميلة جدا تشبه والدتها جدا  بشعرها الناعم مثل الحرير الأسود والعيون الغزلاني تقف وترش برفان. يطرق الباب 

تالا : أدخل 

أميرة : جهزتي

تالا : تلتفت لها  امم  إيه رأيك 

أميرة : تقترب منها  زي القمر رغد هتيجي معاكم

تالا :  آه تقريبا ماما ألم شعري ولا أسيبه

أميرة : تعالي أعملك تسريحة حلوة 

تقف أمامها وأثناء قيام أميرة يتصفيف  شعرها  تتحدث

أميرة : أحلى حاجة فيكي انك طالعه اوزعه ليا مش طويلة زي اخواتك طلعين طوال زي مروان 

تالا  : ماما أنا لسه هأطول وبعدين أنا أطول منك أنا لسه مالبستش الهلز و

أميرة  : تخبطها أميرة على كتفها اتلمي  وبعدين  انا فخورة كوني قصيرة. لانهم بينحنولى. عشان يسلم عليا زى ما بينحنو للوردة عشان يشمها 

تالا : ده أكيد بابا اللي اقنعك بالكلام ده

أميرة :  لا ده أنا اللي. بتفشخر بالمقولة دي قصاده

يضحكان بصوت عالي. 

أميرة : بعد الانتهاء  ها بصي كدا جميل. 

تالا : الله حلو أوي تسلم ايدك يا أحلى ماما بالدنيا تقبلها من ايدها

أميرة :  البسي بقى اكسسوارز جولد

تالا : ماشي 

أميرة : توتا هي فرح إيه نظامها

تالا : محترمة

أميرة : مقصدش كدا هى وزياد إيه النظام

تالا : مش متصاحبين أصحاب عادي 

أميرة : اشمعنا هى دونا عن كل البنات عرفنا عليها

تالا : لأنها الانتيم زيك انتي وخالو حمزة على فكرة زياد مش مصاحب

أميرة : اممم متأكدة

تالا : عيب عليكي. لو مصاحب كنت عرفت  فكك من محاولاتك بارتباطه برغد مش بيحبها وبحس إنها كمان  بتميل لعمر عماد 

أميرة : ابن ياسمين

تالا : اه 

أميرة : كان نفسي أجوز حد من عيالي لبنت نور 

تالا ؛ اشتغلى على يونس

أميرة : أكبر منه الفرق كبير مش سنة ولا اتنين 

تالا : هى لو كان فرق سنة أو سنتين كنتي عادي 

أميرة : طبعا الحب مبيعرفش سن

تالا : هههههههه والله يا ماما انتي. عسل

أميرة : البسي چاكيت الأسود الجلد 

تالا : ماما عايزة أنزل كدا

أميرة : ازاي يعني 

تالا : ياماما الفستان أجمل كدا 

أميرة : يعني تفتكري أنا ممكن أنزلك بحاجة وحشة 

تالا : لا بس أنا اشتريت الفستان كدا عايزة أنزل بيه كدا والنبي يا ماما النهارده بس

أميرة :  أنا لو قبلت انزلك كدا ، بابا مش هيوافق ولو نزلت من ورا بابا ، الاتنين اللي رايحة معهم  هيعلقوكي

تالا : أووف بقى

اميره : توتا لازم تفهمى ان جمال الست مش بنها تظهر مافتنها وتلبس عريان  عشان تكون جذابه ، بلعكس ، انتي ممكن تكوني لابسة مقفلة مايبنش منك غير كف ايدك ، وجنبك واحدة لابسة فوق ركبه ، وانتي تلفتي النظر أكتر ،   لبس العريان مش حاجة حلوة خالص ،تحسى كدا ان كل ناس بتبص عليكى بطريق مش حلوه وان كل ناس عارفه شكل جسمك  غير ان حرام تلبسي عريان وجسمك يبان 

تالا :   ماما. سوري يعنى ما الحجاب فرد وحرام ان المرأة تبين شعرها  وأنا مش محجبة وحضرتك كمان اتحجبتى من كام سنة 

أميرة :  احممم. مظبوط الحمد لله ربنا هداني ولبست الحجاب يمكن متأخرّ لكن الحمد لله أنعم عليا وتحجبت وقومت بفريضته.    أنا بتمنى انك  تتحجبي لكن مقدرش اغصب عليكي 

  توتا  : يارب يهدينى

أميرة بعدين انتي  عمرك شفتينى لابسة عريان قدام حد من ولاد خالاتك أنا حتى وأنا مش محجبة كنت بالبس مقفل

تالا : لأن بابا غيور أوي  ، ده بيغير عليكي لو قعدتي قصاد اخواتى بعريان ، بيقعد يزعقلك بصراحة دي أوحش حاجة في بابا. يعنى من الأغراب ماشي، لكن ولادك أو اخواتك  ابوكي  أوفر

أميرة : تؤ أنا مقتنعة  ، وبكرة لما تتجوزي واحد زي بابا ، إن شاء الله ، هتحبيها اوى ،لو بطل يغيرها بيوم تتجنني ، عارفة أوقات بلبس عريان قصاد خالك كريم أو حد من اخواتك  قصد عشان أشوفه لسه مجنون بيا ولا لا هيغير ولا بطل ، بفرح أوي لما ألاقيه غار نفس الغيرة المجنونة ، بشوف  نفس النظرة ، نفس نبحه الصوت والعروق النفره وهزة ايده  إحساس حلو أوي ، يارب يا حبيبتى ربنا يبعتلك بزوج زي مروان يا يارب

تالا : هو بابا ده فى زيه 

أميرة : اكيد فيه  يلا البسي الچكيت قبل ما أدم ييجي ويفضحنا 

تالا : اثناء ارتداء.ملابسها . أهو ابنك ده كوبي بيست من   بابا فى الغيرة ، ياريت آخد منه حاجة تانية 

أميرة : واخد يابت واخد نظرة عينيه وشفايفه وعصبيته

تالا :ههههههههه اه صح وطوله 

اثناء خروجهم 

أميرة : توتا مقتنعة ولا عملتي كدا  إرضاء ليا

تالا : لا مقتنعه والله يا ماما بس أوقات ببقى نفسي البس زي اصحابى. 

أميرة : الأجمل إنك  تبقي مختلفه مش زي حد ، ابقى نفسك ، شخصيتك انتي ، متخليش حد يفرض ثقافته وشخصيته عليكى ، بالأخص لو غلط 

تالا : طب لو صح

أميرة : من وجهة نظر مين

تالا : يعنى ايه

أميرة : يعنى ممكن تكون صحبتك مثلا اللي بتلبس عريان هى شايفة ده عادي ، لأنها اتربت بأوروبا مثلا ، ثقافتها كدا هى صح ، لأن مجتمعها وثقفتها هي كدا ، مقدرش أغلطها ، وبردو مقدرش أقول انها صح ، لكن لو مثلا صحبتك محجبه وانتي حبيتى تتحجبى لأنك مقتنعه بده  ، وقتها هقولك صح مش غلط ، إنك تشوفي العيوب اللي فيكي وتصلحيها 

تالا : فهمت لما أحب اقلد أصحابي اقلدهم بالصح باللي يناسب ديني اولآ والقيم والمبادئ والثقافة اللي أنا منها ثانيا

أميرة : وأهم حاجة كوني مقتنعه مش تقليدى  وخلاص ، وفكري كويس بالايجابيات والسلبيات

*_~بقلمي ليلة عادل ♥️🌹✍️~_*

يقترب منهما زياد 

زياد : أخيرا خلصتي عشان كدا مبحبش أخرج مع بنات

أميرة : طب لو قولتلك انها خلصت من بدري وكنا بندردش شوية 

يدخل آدم ويضع يده على كتفها.  بابتسامة

آدم : انتي تعملي اللي. انتي عايزاه يا ميرو  اتأخري براحتك يا ست الكل يقبلها من رأسها 

أميرة : بكاش زيي

آدم : وليا الشرف

أميرة : يلا لما توصلو كلموني طمنونى انكم وصلتوا زياد سوق أنت متخليش المجنون ده يسوق

زياد : حاضر

آدم : الله يسامحك

زياد : يقترب منها يقبلها من خدها. مش عايزة حاجة يا حبيبتى

أميرة : خدو بالكم من نفسكم

زياد : حاضر سلام

اثناء نزولهم من السلم تنظر لهم 

أميرة :سوق بالراحة يا زياد. خدو بالكم من تالا محدش يزعلها 

آدم : انتي عايزة جوزك يجري ورانا بالمسدس دى الحته الشمال عنده

أميرة : اسمه  بابا. يا عديم التربية  ، لا اله الا الله

يخرجوا من باب  الفيلا ثم يظهر  يونس وهو يقف جانب أميرة ويسند  على تربزين  السلم وكانت اميرة غير منتبهة لوجوده ، تنظر أميرة بجانبها بخضه

أميرة  أنت هنا من امتى

يونس : بسخريه مقلد لها .. خدو بالكم من نفسكم سوق بالراحة يا زياد  لا اله الا الله. هما رايحين يحررو  القدس ، فى ايه ، دول رايحين عيد ميلاد بلاش أوفر ياما

أميرة : ياما. والله انا ما عرفت أربي ، انت ايه اللى مصحيك يا عديم التربية لحد دلوقت

يونس : الساعه ٨ اكيد مش هنام دلوقت مش فرخه انا ، بقولك ايه تعالى نعمل فيشار  ونتفرج على فيلم ولا نلعب بلاى ستشين ولو كسبتك  تودينى بكره الملاهي 

أميرة : لو أنا اللي كسبتك

يونس لا ما انتى هتخسرى نفسك  لاني أنا ابنك، ينفع  تكسبى ابنك يا ست الحبايب

أميرة : آه عادي 

يونس : فعلا  ست الحبايب والحنان  كنت متأكد 

أميرة : بص لو أنت كسبت  نخلي  گالملاهى بعد بكره لان بكره  معزمين عند خالتك نور 

يونس : ماشي. 

أميرة : خلصت الهوم وورك 

يونس : اه و بابا راجع معايا.  

أميرة : يلا

أثناء نزولهم من السلم

يونس:  ماما خسري نفسك لاني نفسي أروح الملاهي 

أميرة : اممممم أفكر

يونس : هديكي من الشكولاته بتعتي 

أميرة : وكيس الشيتوس اللي بالشطه

يونس : لا اللي بالجبنه

أميرة : لا بالشطه

يونس : طب خدى حبة وحبة

أميرة : اتفقنا  هو بابا فين

يونس : معرفش خلصت مذاكرة وجيتلكم. فكك منه بقا خليكي معايا

أميرة.. تعال ساعدني 

*_~بقلمي ليلة عادل ♥️🌹✍️~_*

أحد الكافيهات  ٨م

نرى أجواء احتفالية جميلة جداً وموسيقى صاخبة حركة خروج ودخول البعض يجلس والبعض يرقص  ثم يدخل آدم وزياد وتالا وكارما  عندما تراهم بيري تقترب منهم  فهى صديقة زياد و آدم  من ثانوي  

بيري : هاي ازيكم 

تقترب من تالا وتقبلها وتقبل كارما

آدم : كل سنة وانتي طيبة امسكي 

بيري : جبتلي إيه 

آدم : افتحي وشوفي

تفتح العلبة تجد ساعة غالية 

بيري طول عمرك ذوقك في العالي يابن مروان   ينادى أحد  الأصدقاء عليها.. عن اذنكم 

تالا : زياد تعال ارقص معي

زياد : يلا 

آدم : ترقصي

كارما : تعال نتكلم الأول 

آدم : فى حاجة 

كارما : اممم 

آدم : تعالي 

يقفان على إحدى الترابيزات

كارما : أنا اقنعت بابا اننا نتخطب فى الصيف ونتجوز  بعد التخرج

آدم : بعد التخرج عايزه تركنيني جنبك ٣سنين

كارما : أركنك

آدم : آه تركنينى. لا احنا نتخطب فى نص السنة ونتجوز فى الاجازة أنا  هشتغل أول الأسبوع الجاي. 

كارما : أنت لسه مصمم على حوار الشغل

آدم : اه مش هخلى مروان يفضل متحكم فيا وفي مصروفي 

كارما : انكل بيعلمك لازم تتعاقب

آدم : أنا ما بقتش صغير. عشان يحرمني من المصروف ومن الخروج أنا راجل أنا بقى هشتغل وهاعتمد على نفسي 

كارما : اعتمد على نفسك واشتغل لكن بلاش يبقى هدف  نزولك الشغل  انك تعرف انكل إنك مش محتاجله أنت بتفكر غلط يا آدم. انكل بيحبك وبيخاف عليك 

آدم :  بيخاف غلط وبيربي غلط بقولك ايه  المهم انتي موافقة ولا ايه

كارما : لا طبعا احنا لسه صغيرين منقدرش نشيل مسؤولية الجواز

آدم : ايه هي مسؤولية الجواز أنا هشتغل وهصرف عليكي. هنقعد بالفيلا هناخد الدور الثالث مقفول  

كارما : بابا هيرفض

آدم : هيوافق لو ماما كلمته

كارما : يخربيت دماغك

آدم : تعالي نرقص  ينظر بتركيز أمامه يجد  زياد  يتحدث بهاتفه ينادي عليه زياد.  يا أبو هزه.  

زياد : عايز  إيه  يالا

آدم : فين أختك

زياد : جوه  جالي تليفون

آدم : هروح الحمام وآجي نرقص  

زياد : ياريتك  تعقليه  الواد ده ، معرفش ايه مشكلته مع بابا عيل مفتري اوعي تصدقي إن بابا بيفرق بنا

كارما : عارفة والله إن انكل بيخاف عليه بس بصراحة السياسة اللي متبعها  انكل ما تنفعش خالص مع آدم 

زياد : صدقينى هى دي الطريقة لأن آدم. سهل أوي  يمشي بالطريق الغلط

كارما  : بقولك تعال ندخل جوه نشرب حاجة حاسة اني عطشانة

زياد. : ادخلي انتي هعمل مكالمة 

كارما : مكالماتك كترت

زياد : أنا مش بدماغي كل الحجات دي دلوقت

كارما : خلص وتعال

......

على إحدى الترابيزات الأخرى نرى تالا تقف مع احدى صديقاتها 

تالا...بس بابا مش هيوافق أطلع لوحدي لازم حد من اخواتي يجي معايا 

نادين...قولي لميرو و هي هتقنعه 

تقترب منهم كارما ومعها كوب عصير

كارما  : عاملة ايه يا دودو

نادين : تمام

تالا : فين اخواتي 

كارما : آدم فى الحمام وزياد بيتكلم فى الفون

تالا : اوكى أنا هروح الحمام  

كارما : استني اجي معاكي 

تذهب  تالا و كارما الى الحمام  و خلال سيرهما يوقفهما أحد الشباب

هاي..أنا يحيى  ينظر لتالا انتي صاحبة بيري؟ 

تالا بجدية ..اه 

يحيى.....ما كنتش أعرف أن بيري ليها أصحاب حلوين كدة 

تنظر له تالا  باستياء  يلا يا كارما

و تتركه  و تسير قليلا 

ثم تتفاجأ به يمسكها من يدها

يحيى : استني بس أنا عايز أتعرف عليكي يا قمر

و فجأة يمسكه آدم من يده.... و ماله يا حبيبي نتعرف أنا آدم ثم يعطيه لكمة في وجهه ومن شدتها يقع يحيى 

آدم : يلا يا بابا من هنا 

يقوم يحيى من على الأرض و يقول له... أنت عبيط و يرد اللكمة لآدم

و لكن آدم بسرعة يمسك يده و يتفادها و يسدد له لكمة أخرى و أقوى من الأولى و يأتي أحد أصدقاء يحيى و يحاول أن يضرب آدم و لكن آدم يدفعه بقوة  ثم يقوم يحيى بضرب ادم و لكن آدم يوقعه أرضا و ينهال عليه بالضرب ثم يأتي صديق آخر ليحيى يحاول أن يبعد آدم عن يحيى و يضربه من ظهره و في تلك اللحظة يدخل زياد و يدافع عن أخيه و يقوم بضرب هذا الشخص و يستطيع  يحيى ابعاد آدم عنه و يحاول أن يضربه و لكن آدم يمسك أحد الاكواب و يضربه بها على رأسه 

*_~بقلمي ليلة عادل ♥️🌹✍️~_*

القسم ١٠ م

نرى آدم و زياد وثلاث شباب اخرون وتالا ونادين وكارما يقفون أمام. مكتب الضابط نرى  كدمة على وجه آدم. وخدوش على جبين زياد و جرح فى شفتيه

و نرى يحيى ينزف دما من رأسه إثر ضربة آدم له بالكوب بالإضافة إلى الكدمات و الخدوش التي تملأ وجهه و ووجوه أصدقائه أيضا

الضابط  مش عيب  ولاد ناس محترمين زيكم يعملوا.  كدة في بعض. كل واحد فيكم ابن حد  مايستاهلش ان اسمه يجي هنا

آدم. عاكس اختي

يدخل  عليهم ......

استووووووب

اتمنى تكون الحلقة عجبتكم النهارده 🥰

الى اللقاء في الحلقة القادمة من الحلقات الخاصة من  رواية الأعمى

#بقلمى_ليلةعادل

#الأعمى

#الأعمى2

#تأليف_ليلةعادل♥️✍️🌹

الحلقه الثانيه

من الجزء التانى

♥️✍️ 

♥️♥️♥️♥️♥️♥️♥️❤️❤️❤️❤️❤️❤️❤️❤️❤️

- شقه اميره انجلترا  10م

- يجلس مروان على  كرسى السفرة  مع مدير العماره التى تسكن بها اميره ،  ويجلس منير واميره معا على كنبه الانتريه ، ينظرون الى مروان ويضحكون .

اميره : هموت وعرف بيقوله ايه كل ده  ، ما تروح تتصنت كدا

منير : ليه انا مستغنى عن نفسى ، روحى انتى

اميره :  من اول مره شفتك  فيها وانت بتبعنى ، مش ناوى تتغير

منير : هههه لاء

اميره  : ههههههه اهو خلص، ادب بقى

تقوم اميره هى ومنير من على كنبه يقفوا

مروان  :يتحدث بالانجليزيه ..   شكرا   (ثانكس )

مدير العماره : مافيش مشكله   (يو ولكم )

مروان : منير وصله لو سمحت

منير : حاضر  اتفضل

اميره : هههه سالته المية سؤال واطمنت

مروان : لاء  بردو

اميره : ليه بس

مروان : خايف عليكى ازاى تقعدى لوحدك ، يعنى عايزه تقنعينى انك مش هتخافى وانتى نايمه لوحدك

يدخل عليهم منير 

منير :بمزاح ... ماتخافش دى اميره تخوف بلد

اميره  : اهو قالك بعدين ما انت اهواتاكدت ، ان المكان مؤمن وفى كاميرات فى كل دور وفى ترابيس على الباب، وكمان محدش بيدخل العمارة إلا اذا حد  من اللى جوا  فتحلوا

مروان :مش عارف مش مقتنع

اميره : والحل

مروان : تعالى معايا ربنا يهديكى

اميره : ههههههه لاء

مروان :  هو ابتلاء من عند ربنا اعترض  ، اكيد لاء ,  الحمد الله  ، يلا يا منير عشان ايدى بتاكلنى

اميره :سلامتك يا دك ههههه خد بالك من نفسك

مروان : ماتفتحيش لحد

اميره : حاضر

مروان : تليفونك ميتقفلش

اميره : حاضر

مروان :  ولاتعمليه صامت وانتى نايمه

اميره : حاضر

مروان  : ولو كلمتك تردى حتى لو نايمه ، تصحى تردى , وتقوليلى انا  نايمه يا مروان ، وهقفل على طول فهمه

اميره : فهمه

مروان :عارفه لو مسمعتيش الكلام

اميره : هسمع والله

مروان : يلا تصبحى على خير

اميره :بدلع ... وانت بخير يا حبيبى هاتوحشنى اوى

مروان :برومانسية ... وانتى كمان

منير  : طب ايه هنبات

مروان : ايه ده انت هنا من امتى

منير : من اول الحوار

مروان : اذا كان كدا السلام عليكم  يلا يا منير

منير : يلا يا حبيبى .. سلام يا مرمر متتاخريش بكره

اميره : حاضر

-شقة  د /خالد القاهره  10م

-,غرفه الاب والام 

- تجلس الام على السرير ويدخل عليها الاب ، فتقوم فريده ، من على السرير وتقف لاستقبال الاب.

فريده : حمد الله على سلمتك

خالد : الله يسلمك ، اميره كلمتك

وهى تقوم  بمساعدته  لتغير ملابسه

فريده : اه من بدرى اول ما وصلت ، هى ما تصلتش بيك

خالد :  اتصلت اول ماوصلت بردو ، وقالتلى هتروح على الشقة

فريده : استنى هتصل بيها .. تمسك هاتفها  تتصل باميره  وتفتح المكرفون

اميره : ست الكل  كنت لسه هكلمك

الام  : عامله ايه

اميره : الحمد الله وحشتونى اوى بابا فين

الاب : عامله ايه يا بكاشه

اميره : والله وحشتنى يا خالود  ومفتقداك

الاب : يا بكاشه ايه كله تمام

اميره : الحمد الله

الام : استلمتى الشقة

اميره  : اه وظبط كل حاجه

الاب  : الامور كلها تمام مش نقصك حاجه

اميره  : لا كله تمام لا تقلق

الام  : طب خدى بالك من نفسك

اميره : حاضر

الاب  : لو عوزتى حاجه كلمينى على طول انا حولتلك عشرة الف دولار ولايجار مدفوع

اميره : شكرا يا  يا احلى اب فى الدنيا

الاب : اكلتى

اميره : لسه هطلب اهو

الاب : طيب كلى كويس وخدى بالك من نفسك وقفلى الباب عليكى بالمفتاح

اميره : حاضر

الاب : يلا روحى اتعشى و نامى ورتاحى وبكره هكلمك كتير

اميره : ماشى سلمولى على ياسمين وكريم كتير

الام  : حاضر  لا اله الا الله

اميره : محمد رسول الله

بعد غلق  الام الهاتف 

خالد : بقلق ينظر لفريده ...  معرفش انا ازاى وفقت على سفرها لوحدها

فريدة : متخفش عليها بعدين انت مش اطمنت على المكان

خالد : اه

فريده : خلاص هى كلها  3 شهور وترجع بسلامه

خالد : لكن بلد غريبه ولوحدها حتى معهاش اصحبها

فريده : طب ما انا سافرت وانا صغيره مش كام شهر سنتين وعادى ، مش عايز بنتك تكبر وتبقى دكتوره قد الدنيا

خالد : اكيد طبعا بس بنتك دى بخاف عليها هبله كدا ماشيه بعواطفها

فريده : متخفش كلها 3 شهور وترجع توجعلنا دماغنا تانى ومتبطلش رغى

خالد : هههه ترجع وتعمل اللى هى عايزه على قلبى زى العسل

الام  : اشمعنا اميره اللى بتخاف عليها كدا

الاب : انا بخاف عليهم كلهم بس بنتك دى طيبه وهبله ، يلا روحى حضرى العشاه انا ميت من الجوع

فريده :حاضر

- سيارة مروان  إنجلترا 10 م

- يجلس مروان  فى الكنبه الخلفية فى السيارة الخاصه به ومنير بجانب السواق .

منير : ينظر له .. ايه يا مارو ساكت ليه

مروان : والله قلقان عليها

منير : ما تقلقش بعدين ما انت اطمنت على كل حاجه

مروان: مش عارف  مش مرتاح لقعدتها لوحدها بصراحه ، يعنى لو حصلها حاجه عازت حاجه، هتعمل ايه ، دى اول مره تيجى هنا

منير : اميره ما يتخفش عليها ، احنا على طول هنبقى معاها

مروان : منير دى بنت وفى بلد غريبه ، ازاى تقعد لوحدها فى شقه طب تقعد فى فندق ، مش شقه

منير:عادى يا حبيبى ،  كتير دلوقتى بيسافرو عيالهم برا يدرسوا وبيعيشوا لوحدهم  ، انت بس خايف عليها بزياده

مروان : انا فعلا بخاف عليها اوى عايزها على طول قصادى وجنبى عشان اطمن عليها

منير : طب كلمها حاول تقنعها تيجى

مروان : طبعا انا بس سبتها عشان الوقت اتاخر ، لكن مش هسبها لوحدها

منير :انا قولتلهم يحضرولنا العشاه  لحد  مانوصل

مروان : فعلا انا جعان جدا .. (يسرح  قليلا) .. تصدق احنا نسينا حاجه مهمه جدا

منير : ايه

مروان : نجيب لاميره اكل ، الشقه اكيد فاضيه ، من فضلك يا منير اطلب من السواق يقف عند سوبر ماركت قريب

منير : حاضر

- شقة اميره انجلترا      11م

- تتمدد اميره على الكنبه وتمسك هاتفها تتصفح  الانستغرام ثم يرن هاتفها  المتصل  مروان .

اميره : ايه وحشتك

مروان : طبعا بس افتحى الباب يلا

اميره : ليه

مروان : يلا

اميره : حاضر ثوانى .. تقوم من الكنبه وتفتح  باب البوابة بريموت الكنترول.. الو  فتحته اهو

مروان: طب انا طالع

اميره : ايه ده بجد

مروان : ما تفتحيش الباب الشقة غير لما اطلع ، خليكى معايا على التليفون

اميره :عيونى (بعد قليل)

مروان :يلا افتحى

تفتح اميره الباب ، تتفاجى بمروان هو يحمل اكياس هو ومنير

اميره : باستغراب .. ايه ده

منير : بسخريه .. دخلينا الاول بعدين استغربى برحتك

اميره : اه اتفضلوا

- يدخلون ويضعوا الاكياس على ترابيزه السفره  تقف اميره  وخلال فتحها  للاكياس تتحدث.

اميره : ايه ده كله

مروان : معلش اصل موضوع قعودك لوحدك ده شغل دماغى ، نسيت انى مافيش فى الشقة اى حاجه

اميره : كلفت نفسك ليه كنت هجيب بكره

مروان : لاء  كدا احسن امسكى   ... يعطيها علبة بيتزا

اميره : ايه ده

مروان : بيتزا بتركى زى ما بتحبى وسبايسى كمان

اميره : كمان كل ده دلع

مروان : لو مش انا اللى ادلعك مين يدلعك

منير : طب انا هستناك بره ، عشان بدات احس انى قلقاسه

اميره : بمزاح ههههههههههه انا لو منك اخد اول طياره نزله مصر ورجع

منير : انا بقول كدا بردو

مروان : استنى احنا هنمشى

اميره : طب متخليكم  معايا ، وناكل كلنا انت جايب واحده كبيره

مروان : بزح ..على اساس انك مش هتكليها كلها

اميره  : وحياتك والكرتون  كمان  ، خليكم بجد

مروان : بلاش جنان يلا تصبحى على خير

اميره :وانت بالف خير .. تنظر لمنير ..تصبح على خير يا استاذنا

منير : كتر خيرك انك افتكرتينى باى حاجه  ههههه سلام

 توصلهم اميره عند الباب ثم يلف مروان وجه لاميره 

مروان : متنسيش

اميره : بمزاح .. التليفون ما يتعملش صامت ، ولا يتقفل ، ولو  اتصلت وانا نايمه ارد عليك ،  بعدين اكمل نومى

مروان : ببتسامه ... ايوا كدا ، شاطره خليكى حفظة

اميره : حاضر

مروان : نامى بدرى واكلى ها

اميره : حاضر

منير : بسخريه .. يييا رب نروح

مروان :ههههه يلا

- يغادرو ... تقفل اميره الباب  وتذهب عند ترابيزه السفرا ، وتبدا  باخراج الاشياء التى بداخل الاكياس ، تجد ان مروان جيبلها معلبات ومجمادات  وشكولاتات كتير من اللى بتحبها، واكياس شبسى وكنزات تفرح بيهم جدا  ، وتاخذ  علبه البيتزا وكيس شبسى وكنز بيبسى  وتجلس على الكنبه امام التليفزيون ، وتضعهم على ترابيزه وتبدا  تتناولهم .

شقة نوروحمزه مصر 11م

- غرفه النوم .. تجلس نور على السرير فى غرفتها وتاخذ الدواء ثم يدخل عليها حمزه

حمزه : ايه يا حبيبى  اخدتى الدوه ..   يجلس بجنبها ويتمدد

نور : اه لسه واخده .. ثم تنام بجانب حمزه ، وتضع راسها على كتفه .. كان نفسى اروح مع مرمر

حمزه : طب ومرمر اللى جايه فى السكه دى ، نعمل فيها ايه

نور : هو ده اللى مسكتنى ومصبرنى والله، عايزه اكلمها المعفنه دى متصلتش بيا

حمزه : بمزاح .. هى من امتى بتفتكرنا لما بتبقى مع توم كروز بتاعها

نور : بتفتكرك ها  ! ، اتكلم عن نفسك  يا بابا ، مرمر ما تقدرش تنسانى

حمزه : بسخرية ... ههههههه ماهو معبرتكيش

نور : لاء  ، كلمتنى اول ما نزلت من طياره ، وقالتلى ان مروان اعترفلها بحبه ، قالتى هتحكيلى كل حاجه بالليل و متصلتش الكلبه

حمزه : وانا اخر من يعلم  طب احكيلى

نور : هو بس كدا قالتلى قالها بحبك وهما فى الطياره

حمزه : اخيرا

نور : انا لحد دلوقتى مش مصدقه ههههه

حمزه : بكره نكلمها ونفهم اكتر

نور : اكيد انا هنام ..تبوسه من خده  .. تصبح على خير يا نور عينى

حمزه : يقبلها من ايدها وخدها .. وانتى بخير يا حبيبى

- غرفه مروان  / وغرفه اميره

 انجلترا  12ص

- يظهر مروان وهوينام على سريره على جانبه فى غرفته يمسك تليفونه و يتصل باميره وتظهر اميره وهى تتمدد على السرير وتسند راسها على مخده .

مرروان : نمتى

اميره : تو لسه هنام

مروان : حبيبت اسمع صوتك قبل ما انام

اميره : وحشتك

مروان : انتى بتوحشينى وانتى معايا اتعشيتى

اميره : اه انا كان فاضل اكل الكرتونه طعمها حلو اوى انت اتعشيت

مروان : هههههههه بالهنا وشفاه ، اه الحمد الله

اميره : منير نام

مروان .. بس لانى مش مسامحك

اميره : ليه انا عملت حاجه !!

مروان : عملتى حاجه !، هسمعك ..يعدل نفسه يقرب التليفون بايده عند سرير منير  هو بيشخر

اميره : هههههههه ايه ده هو منير بيشخر

مروان :بمزح ... لاء  ده مركب سنفونيا

اميره : هههه معلش كنت هعرف منين الحق عليك انت اللى مش حكيتلى

مروان : انام ازاى انا دلوقتى

اميره : ركب سداده

مروان : سداده انتى مش سمعه

اميره : ههههه هههههههه

مروان : اضحكى اضحكى

اميره : يلا روح نام عشان تريح عينك

مروان : اوعى تنسى تقفلى الباب على نفسك

اميره : والله قفلته  اطمن

مروان :طول ما انتى بعيد عنى مش هكون  مطمن ، بس اعمل ايه فى عندك ده ،

اميره : انت عارف ان البنت عنيده رزق

مرون : احلى رزق تصبحى على خير

اميره : وانت بخير

اميره :  يا دك

مروان : يا عيون الدك

اميره : بحبك

يبتسيمان ويغلقو التليفون، فتأخذ اميره تليفونها فى حضنها وتقبله،و تاخذه مره ثانيه فى حضنها وتغمض عينها

-فندق انجلترا        8 ص

- يجلس داخل المطعم  الفندق مروان،على احد الترابيزات ومعه منير وعلى الترابيزه فطار فتدخل عليهم اميره  وهى مسكه فى ايدها ورده حمرا .

اميره : صباح الورد

مروان : صباح الفل

منير :عامله ايه

اميره : الحمد الله

مروان  : تعالى اقعدى جنبى

اميره :عيونى.. تجلس بكرسى المجاور له ..اتفضل ( تعطى ورد )

مروان :جميلة

اميره : اصل بعشق الورد الاحمر ، وانا نزله من العماره لقيت وحده بتبعهم ، قولت لازم اجبلك ، وكل يوم هجبلك ورده حلوه  شبهك

مروان : انت اللى الورد يخجل من جمالك

اميره :  تبتسم بخجل دون تحدث

مروان : فطرتى

اميره : انت عارف ما بفطرش

مروان : كان زمان

اميره : ازاى يعنى

مروان : من النهارده كل يوم هستناكى تفطرى معايا

اميره : بتهزر

مروان :يمسك احد السندوتشات ويمد ايده ... يلا افتحى بوقك

اميره : لا مش هقدر بجد

مروان : اسمعى الكلام

اميره : والله ما بقدر بتعب

مروان :بحسم  ... يلا

اميره :تنظر لمنير ... استاذ منير الحقنى

منير : ماليش دعوة

اميره : كنت متوقعه انك هتعمل كدا , على طول بتسلمنى

منير :  بظبط

مروان : يلا عشان خاطرى كدا بتكسفى ايدى

اميره : انت بتعمل كدا عشان اضعف صح

مروان: بالظبط

اميره : ياربى، اهو   ... تفتح بوقها وتاكل حته ... خلاص كفايه

مروان : يلا كملى  الباقى  افتحى بوقك يلا

اميره  : اهو  طب كل انت بقى

مروان : بعد ماتخلصى  هاكل .(يمسك العصير بايده ) يلا

اميره : كمان عصير

مروان : بطلى دلع يلا

اميره : اهو طب  كل معايا

مروان : انتى بس افطرى بعدين انا هفطر

اميره : والله هاكل السندوتش كله بس افطر انت

مروان : لاء هتعملى نفسك بتاكلى وتستعمينى

اميره  : والله العظيم هاكله مش للدرجه دى خليك واثق فيا شويه

مروان : ماشى

اميره :يلا افتح بقك (تاكل قطعه من السندوتش )

مروان : يلا كملى فطارك  انا هاكل لوحدى

اميره : حاضر

مروان : منور يا منير

منير : انا قولتلكم امبارح انا حاسس انى قلقاسه

اميره  : هههههههههههه

مروان :باستغراب .يعنى ايه اصلا قلقاسه

اميره : استاذ منير متنساش ان د / مروان جاى من المريخ مايفهمش الكلام ده

مروان : والله

اميره : والله

مروان : علمينى طيب

اميره : تو

مروان : ليه مش عايزانى اتكلم زيكم

اميره :لاء

مروان : ليه

اميره  : عشان انت دكتور مروان  ، احنا اللى نكون زيك مش العكس

منير : لو خلصتوا فطار خلينا نمشى

مروان : اكلتى السندواتش كله ؟

اميره  : اه  والله ، اسال استاذ منير

مروان : انا مصدقك  يلا ...يقف ...  هاتى ايدك

اميره : بنظرات استغراب وسعاده ..اول مره تقولها

مروان : ومش اخر مره

- تمسك ايده بنظرات حب وسعاده ، ترفع راسها وتقترب من اذنه وتقوله. بحبك  ثم يغادروا

-احد المستشفيات فى انجلترا    10ص

-يقف امام الاسانسير اميره وهى تمسك ايد مروان  ، ويقف بجورهم  منير ثم يركبوا ، الاسانسير فا تبدء اميره بتحدث مع مروان .

اميره : مالك

مروان : قلقان

منير : يابنى متقلقش بقولك دكتور شاطر جدا

 يخرجو من الاسانسير 

مروان : خير خير

اميره  : تطبطب على ظهره  ... ما تقلقش بقى

- داخل مكتب سكرتيره الدكتور

- يقف منير ويتحدث مع السكرتيره وتقف اميره مع مروان بعيد قليلا يرجع لهم منير

منير: يلا يا مروان الدكتور جوا مستنينا

مروان : يلا ، اميره خليكى انتى هنا

اميره : بصدمه.. ماشى

- تقف اميره مصدومه من موقف مروان ، ويبدو على وجهها الضيق

اثناء سيرمروان ومنير لدخول للدكتور 

منير : ايه اللى عملته ده البنت كان دمعتها هتنزل

مروان : مش عايزها تكون معايا قبل متاكد بنفسى

منير : تتاكد من ايه

مروان : خايف الدكتور يقول صعب العمليه تنجح وانفعل  ، وانا عاهدت نفسى انى مش هزعلها تانى.

منير : بس انت زعلتها

مروان : تزعل من ده احسن ، ما انفعل جوا والزعل هيبقى اكبر

منير : اميره عاقله هتتفهم رد فعلك ، لكن اللى عملته غلط بس هقولك ايه , انت افكارك غريبه ، معرفش بتحبك على ايه يلا خلينا ندخل

- امام باب مكتب الدكتور ، تقف اميره تنتظر خروج مروان ، وعند خروجه هو ومنير تجرى  اميره عليهم

اميره : بلهفه .. ها طمنونى

مروان : الحمد الله

اميره :  بسعاده ..انا كنت متاكده انا قرات عن الدكتور ده ، وعرفت انه احسن دكتور بيعمل النوع ده من العمليات ، انا معرفش  انت كنت قلقان ليه

مروان : من حقى اقلق

اميره : تمسك ايده بايدها الاتنين ... انا حاسه بيك بس صدقنى مافيش  حاجه تقلق اطمن ، المهم قالك ايه ، ايه الخطوات اللى هنعملها

مروان : ولاحاجه ، كاتبلى شويه قطرات ، وطلب شويه تحاليل واشاعات وهعرضها عليه ،بعدين نحدد ميعاد العمليه

اميره : طب ماشى  يلا نعملهم دلوقتى

منير : بكره هنعملهم

اميره  : ليه مش دلوقتى

منير : الدكتور اللى قال كدا

اميره : تمام المهم مبروك مقدما

مروان : خليها لحد معملها

اميره : لا يا كئيب من دلوقتى ، استاذ منير انت اللى جبت الدكتور ده مظبوط

منير : اه

اميره : انت عظيم اعظم صديق ومدير اعمال فى دنيا  اا مووووه (تقبله على الهوا)

منير : ههههه متشكر يا ميرو

مروان : يشعر بالغيره  .. يلا بينا

اميره : يلا تمسك ايد مروان ، لكن مروان يمسك ايدها جامد يشدها ويقربها منه .. اااه فى ايه

مروان :بصوت منخفض  يجز على سنانه.. ايه اللى عملتيه ده

اميره : كانت على الهوا والله

مروان :عارف بس متحصلش تانى

اميره : هههه انت بتغير من منير

مروان : انا بغير عليكى من الهوا اللى حواليكى

اميره : هههه  هههههه

مروان : اضحكى اضحكى لما نوصل الفندق بس

اميره :  هههههههههههههه

- فندق انجلترا  2م

- مظهر خارجى  لشارع  والبحر ثم مبنى الفندق الذى ينزل فيه مروان مع حركه السيارات  ، ثم وصول سيارة مروان امام مبنى الفندق وتوقف عندها

 - عند وصول اميره ومروان ومنير عند الفندق ، تنزل اميره من سيارة من الباب الخلفى ، و تساعد مروان للنزول ، ومنير من الباب الامامى و تبدء بالتحديث معهم .

اميره : ها هنعمل ايه بعد كدا

منير : بنسبه ليا هطلع انام ، وبنسبه لمروان ، اهو اللى عايزه تعمليه فيه اعمليه

اميره : صحبك ده كدا من زمان !

مروان : للاسف

منير : ههههه يقبل مروان ...عايز حاجه يا حبيبى

مروان : شكرا ما تقفلش تليفونك

منير : حاضر ، سلام ، باى يا ميرو

اميره : باى  تنظر لمروان وبمزاح ...انت وقعت ومحدش سم عليك

مروان : لو كل الوقعات كدا انا موافق

اميره : ههههههه  هتفسحنى فين انا اول مره اجى هنا

مروان : هخطفك

اميره : واللى يرجع

مروان : ما بتصدقى انتى

اميره  :تقترب منه بدلع ... متجاوب واللى يرجع

مروان :ههههههههه يلا يا لمضة تعالى

♥️♥️♥️♥️♥️♥️♥️♥️❤️❤️❤️❤️❤️❤️

            استوب لحد هنا

ياترى مروان واميره هيعملو.؟؟ ايه وهيخطفها  فين ؟!

وايه اللى هيحصل بعد كدا؟؟

هستنى رأيكم

#رواية_الاعمي

#بقلم_ليله_عادل

''_*الأعمى

حلقات خاصة

بقلمي ليلة عادل ✍️🌹❤️*_'''~~*

الحلقه الثانية

القسم ١٠ م

نرى آدم و زياد وثلاث شباب اخرون وتالا ونادين وكارما يقفون أمام. مكتب الضابط نرى كدمة على وجه آدم. وخدوش على جبين زياد و جرح فى شفتيه

و نرى يحيى ينزف دما من رأسه اثر ضربة آدم له بالكوب بالإضافة إلى الكدمات و خدوش التي تملأ وجهه و وجوه أصدقائه أيضا

الظابط : مش عيب ولاد ناس محترمين زيكم يعملوا كدة فى بعض. كل واحد فيكم ابن حد مايستاهلش ان اسمه يجي هنا

آدم : عاكس اختي

يدخل عليهم أدهم

ادهم : مساء الخير

الظابط يقف بابتسامة : سيادة المستشار ادهم عمران اهلا بيك يتصافحان

يجلس ادهم : خير يا فندم

الضابط : مافيش خناقة شباب وضربو بعض وكسرو الكافيه

ينظر ادهم لهم

ادهم : ايه اللي حصل

آدم : الافندي عاكس تالا وكان عايز يمسك أيدها

الضابط : وده يخليك تعمل فيه كدة وتفتح دماغه

زياد : آسف يا فندم أمال حضرتك عايزنا نعمل ايه نقول له ماتعملش كدة تاني عيب

ادهم : زياد آدم خلاص .. ينظر ادهم للضاابط ... حضرتك عارف دي حمقة شباب على أختهم 

وأعتقد كلنا، واحنا صغيرين وقعنا في نفس المشكلة ، مش محتاجة نفتح محضر ونكبر الموضوع

الضابط: المهم يحيى يتنازل لأن آدم. فتح دماغه زى ما سعادتك شايف وحضرتك عارف انها هتحتاج أكتر من ٢١ يوم علاج

ادهم : اعتقد يحيى برضو رأيه كدة ، ان الموضوع يتلم ولا ايه

يحيى يفكر قليلا : ماشي يا انكل

ادهم : و الشباب برضو متنازلين ولا ايه

الشباب ينظرون لبعضهم. يشاورون برأسهم بالموافقة 

ادهم : اظن كدة الموضوع انتهى 

الضابط : صاحب الكافيه لازم يسحب شكوته لان فى تلفيات في الكافيه

ادهم : الموضوع اتحل أنا اتصلت بيه ، وهيعمل حسبته وهنتحمل احنا التكاليف

الضابط : يبقى كدة خلاص أتمنى ما اشوفكمش هنا تاني أنا همشيكم علشان خاطر ادهم باشا

ادهم : شكرا يتصفحان عن اذنك اتفضلوا قدامي

فى الخارج .. أمام القسم

ادهم : بغضب ايه اللي انتو عملتوه ده

أدم : كنت عايزنا نعمل ايه يعني 

ادهم : مش لدرجة فتح الدماغ

زياد : اونكل آدم ما كانش هيعمل كدة غير لما اللي اسمه يحيى كان هيضربه من ظهره ، كان بيدافع عن نفسه

ادهم : زياد لازم تعرفو انكم كبرتو الموضوع أكتر من اللازم ، يحيى كان ممكن يكون

آدم بمقاطعة : بقول لك ايه يا أنكل اسمع الحوار ما تبقاش عامل زى بابا وبتزعق بس من غير ماتفهم

ادهم : اتفضل سمعني

ادم : الحيوان ده عاكس تالا، وكان هيمسكها من كتفها، لما شوفته اديتو بوكس وسيبته ومشيت، كدة أنا غلطان

ادهم : لا

آدم : حلو جيت امشي جه يضربنى، روحت مناوله واحدة تانية ، جه صاحبه اديتهم اللي فيه القسمه جه واحد ثالث مسك ايدى من ورا ومسكوني الاتنين علشان صاحبهم يضربني على دخلة زياد بس بقى 

،اديناهم اللي فيه القسمة احنا غلطنا بايه 

ادهم : اولا ماينفعش تتخانق ومعاك بنات ، لأن ممكن حد يعمل لهم حاجة ، ثانيا الموضوع كان ممكن يتحل بطرق تانية، مش بالطريقة دي، انتم خرشمتوا العيال ، أنا متأكد ان كل واحد فيهم هياخد أكتر من٢١يوم علاج ، يعني قضية، (ينظر لزياد) بعدين آدم عصبي ومتهور أنت إيه يا زياد مش تهديه

زياد : ده يثبت لحضرتك إن العيال دي تستهال اللي حصل لها واكتر 

ادهم. : ماشي يا زياد بس لو سمحتم اهدو شوية

زياد : المهم دلوقتي هنعمل ايه

آدم : مش عارف بابا لو شافنا كدة هيعلقنا

تالا : تعالو احطلكم ميك اب ما يبينش الضرب

ادهم : مااعتقدش مروان هيعمل معاكم مشكلة لانكم دافعتوا عن اختكم ، آخره هيفهكم إنكم اتصرفتوا غلط زي ما أنت اتكلمت

آدم : أنت ماتعرفش حاجة

ادهم : لو حصل حاجة كلموني يلا الساعة بقت١٢

~_'''*بقلمى ليلةعادل ♥️🌹✍️*'''_~

سيارة ادهم ١٢ص

تجلس كارما بجانب والدها

ادهم : بلاش حنين تعرف أنا قولت لها انكم شديتوا سوى وحلفتي أنه مايوصلكيش

كارما : اه كنت هقول لك كده مع اني مش مغلطة ادم

ادهم : ولا أنا، بس ماينفعش اشجعهم واقول لهم انتم صح ، علشان مايحصلش كدة تاني ، القوة مش بالدراع القوة بالعقل ، و آدم واخدها عافية وده ممكن يوقعه في مصايب 

كارما : عندك حق ، بس صدقني العيال دي هما اللي بدأو وكبرو الموضوع وضربو آدم 

يبتسم ادهم

كارما : بتضحك كدة ليه

ادهم : افتكرت موضوع كدة زمان اصلي انا عندى حتة كدة مجنونة زي آدم، مرة واحد عاكس حنين روحت مرفعه

كارما : رفعت عليه المسدس يا ادهم ده أنت طلعت شراني اوي ، لا تحكيلي بالتفاصيل 

Flashback 

أحد شوارع القاهرة ٦م

نرى حنين تقف أمام احدى العمارات تنظر بساعتها ثم تقوم بعمل اتصال 

حنين : ايه يا حبيبي فينك ... طيب أنا مستنياك اهو... سلام

يقترب منها شاب

الشاب : ايه يا قمر واقفة لوحدك ليه 

تنظر حنين له بأستياء و تبتعد عنه ولكنه يقترب منها مرة ثانية محاول مضايقتها

الشاب : عيب عليه يخليكى واقفة مستنية كل ده، لو منك اسيبه 

تبتعد حنين عنه مرة اخرى لكنه يقترب مرة اخرى

الشاب : استني بس يا عسل تعالي نروح سينما سوى واعزمك على الغدا

وفجأة يظهر ادهم بضيق .. وماله نروح مانروحش ليه ، بس انا هجبلك المطعم لحد عندك

يقوم ادهم بضربه بقوة ولكن يدفعه الشاب يوقع ادهم على الأرض و يمسك الشاب حجر كبير بعض الشيء ليضرب ادهم ، لكن ادهم يخرج مسدسه بسرعة وعندما تراه حنين تركض مسرعة نحوه

حنين : لا يا ادهم

تضمه وتمسك المسدس و يركض الشاب بسرعة و خوف وأثناء وجودهم على الأرض 

ادهم  بابتسامة ومزح : لولا اللي حصل ده كان زماني معلقك على وقوفك لوحدك مش قولتلگ استنيني في مدخل العمارة

تنظر حنين له بخجل

حنين : اتجننت بطلع مسدسك

ادهم : اللي يقرب منك انسفه تبتسم حنين و تحمر حدودها من الخجل 

Back 

كارما : ده قبل الجواز 

ادهم : اممم

كارما : أنا علشان كدة بحب آدم واخد من طبعك كتير

ادهم : بس أنا أحلى ولا إيه 

كارما : طبعا يا أحلى بابا في العالم تقبله من يده

~_'''*بقلمى ليلةعادل ♥️🌹✍️*'''_~

فيلا مروان واميرة ١ص

يدخل آدم وزياد وتالا من باب الفيلا

آدم : يارب ابوك يكون نام

زياد :ما هيشوفنا الصبح

آدم : اتكلم عن نفسك انا هخبي نفسي منه

تخرج اميره على صوتهم من غرفه El T V 

اميرة : اخيرا جيتو ...تتسع عينيها من الصدمة ... ايه ده 

يركض زياد نحوها و آدم. ويضع آدم يده على فمها

آدم : ماما أبوس ايدك وطي صوتك بابا هيصحى (يشيل يده) ، اهدي من فضلك

اميرة: ايه اللي حصل

زياد : اهدى بس علشان بابا مايصحاش

أميرة : قدامي على الاوضة يلا

ينظرون لبعضهم بخوف

غرفة ،El T V

اميرة : ايه اللي حصل

زياد : واحد عاكس تالا 

اميرة : وبعدين

ادم : حاول يمسك أيدها اديتو بالبونية في وشه مش يسكت ويغور. لا اتهجم عليا اسيبه

اميرة : لا ازاي لازم تتخانق وتبقى بطلجي طيب آدم متهور ، وأنت يا عاقل

زياد : اسيبهم يضربو اخويا

تالا :ماما الشباب هما الي غلطانين

يفتح مروان بابا الغرفة عليهم ينظرون جميعا لبعضهم البعض يبتلع آدم ريقه

مروان : ايه ده

أميرة : مافيش اتخانقو اصل واحد عاكس تالا

مروان : واحد عاكس تالا يوصل للي أنا شايفه ده فهموني ايه اللي حصل بالظبط

آدم : واحد عاكس تالا ومسك ايدها، ضربته بونية جيت امشي اتهجم عليا هو أصحابه 

مروان : وانتم اللى كسبتو ولا هما

آدم : عيب عليك يا حجوجا أمال أنا بلعب بوكس ليه

مروان : جدع 

اميرة : ده اللي ربنا قدرك عليه 

مروان : واحد بيعاكس اختهم ، وحط ايده عليها عايزاهم يعملوا ايه ، ايوه هما كدة رجالة وبيدافعو عن عرضهم

اميرة : بس مش للدرجة دي ، بعدين أنا بكلم مين ، ده أنت استاذ في المواضيع دي ، اطلعوا اوضكم بكرة لينا كلام تاني

زياد : تصبحوا على خير

آدم : تصبحي على خير يا ميرو ... يقبلها من خدها

تالا : تصبحوا على خير ...تقبل الأب ثم الأم 

بعد خروجهم تنظر اميرة لمروان ثم تذهب وتغلق الباب ثم تقترب منه وتنظر له بضيق

اميرة : بدل ماتزعقلهم و تعاقبهم بتشجعهم

مروان : هما ماغلطوش

اميرة : افرض الموضوع كبر ووصل للبوليس ، ولا العيال التانية معاهم سلاح هتفرح لما حد فيهم يجراله حاجة

مروان : أمال عايزاني أقول لهم ايه، أقول لهم لما حد يعاكس أختكم وكمان يتطاول عليها بمد الايد قولو له الله يسامحك 

اميرة : مش كدة بس في حلول تانية العنف مش في كل شيء

مروان : أنا متأكد ان ده كان رد الفعل الطبيعى وقتها ، ولادك مش بتوع مشاكل وخصوصا زياد

اميرة : طيب و تالا كانت معاهم ما خوفتش عليها

مروان : أنا هتكلم معاهم في الموضوع ده، لان ماينفعش أختهم تبقى معاهم و يتخانقو ، يعني يروحوها على الأقل 

اميرة : بسخرية .. اه معلش وهما في عز الخناقة يقولو استنو بس نركب اختنا تاكسي و هنرجع نكمل الخناقه تاني 

مروان : ههههههههه

اميره : بتضحك و الله آدم ده كله أنت،مش زياد... نفس اندفاعك وجنانك لما كان حد بيعكسني، أول حاجة بتعملها تديه بوكس من غير تفاهم ، فاكر

مروان: يجلس على الاريكة ... اممم فاكر يشير لها بيده ان تقترب و تجلس بجواره يمسك مروان يدها ... ومازال لو حد فكر يبصلك بس هكسر رأسه 

اميرة : ده شئ معروف هههههه ، وأنا اللي فاكرة هتزعقلهم اتاريك مشجعهم، انا بقى هعاقبهم و ما تدخلش فاهم

مروان : ولادك وانتي حرة فيهم

اميرة : ايوة أنا حرة أنت ايه اللي صحاك

مروان : قلقت لما مالقتكيش جنبي 

اميرة : اممم وراك ايه بكرة بعد عزومة نور

مروان : اجتماع

اميرة :ينفع تلغيه

مروان : امممم على حسب

اميرة : نروح نقضى باقى اليوم في اليخت بتاعك

مروان : تؤمري أمر 

تقبله أميرة من خده و تضع راسها على صدره يلف مروان ذراعيه حول رقبتها يقبلها من رأسها 

~_'''*بقلمى ليلةعادل ♥️🌹✍️*'''_~

شقة نور وحمزة ٤م

نرى الجميع يجلسون فى الراسبشن أميرة ومروان واولادهم ، وادهم وحنين واولادهم وياسمين واولادها والاولاد كريم ، وفريده ، لكن يبدو على فريده كبر السن فهى الآن بعمر٧٧عام لكنه مازالت بعقلها و واعية 

نور : بس أنا زعلانه من كريم لأنه مجاش

سيف ابن كريم : انتي عايزة يسيب جونه ويقضى اليوم ده معانا 

حمزة : لأن اليوم ده مش بيتكرر كتير أنتم على طول مشغولين

مروان : وبكره مش هنشوفكم خلاص كل واحد هيتجوز ويبقى ليه حياته ولما نحب نتجمع كدا هيبقى صعب

آدم : مستحيل أنا هفضل معاكم أنا هسكن معاكم أصلا أنا لازق فيكم 

أميرة : أنت حبيب ماما .. تقبله من خده 

يونس : أنا كمان هقعد معاكم مش هسيبكم

مروان : أنا هجبلكم فيلا جنبنا وتقعدو فيها

آدم : لا أنا حجزت الدور الثالث أمال أنا ابن بار جداً بأهله بعدين ميرو انتي تقدر تستغني عني 

أميرة : مستحيل يا حبيبي 

آدم : ان شاء الله كلها سنة وأخليك جدو يا حجوجا

حنين : أنا مش متخيله أميرة تيتا أنا كفايه، أني بدأت استوعب انها بقت ماما رجاله كبيرة وكمان تيتا متخيله يا مرمر

أميرة : وأنا هبقى تيتا لوحدي ما انتي كمان هتبقى تيتا معايا

آدم : يسلم بوقك يا ميرو

ادهم : أميرة.. كلك أميرة نفس اللماضه وخفة الدم

مروان : تقصد ماسبش حاجة إلا واخدها حتى تالا شبها

أميرة : اه اه مالكم. يعنى لما ولادي يبقوا شبهي

مروان : ده دليل على الحب

أميرة : دليل على الحب

ياسمين : مروان يقصد ، أنه من كتر ما بيحبك الولاد طلعه شبهك

أميرة : اذا كان المعنى رومانسي كدا مش هنيمك على الكنبه النهارده

يضحك الجميع

فى البلكونة

يقف زياد في البلكونة كان يتحدث بالهاتف بعد قليل تدخل عليه رغد ابنة نور الصغرى وهي تحمل بيدها فنجان قهوة

رغد : جبتلك القهوة بتاعتك

يلتفت لها زياد بابتسامة

زياد : ميرسي يا رغد 

رغد : كنت بتكلم مين

زياد : فرح أصل عندنا مشروع مهم اوي، شغالين عليه واخد كل وقتنا

رغد : ربنا معاكم ، عرفت من ماما انك عرفتها على أميرة

زياد : اه 

رغد : تصور أميرة كانت فاكرة ان فرح حبيبتك

زياد : كنت متوقع مش عارف ليه كل اللي يشوفنا يقول مرتبطين 

رغد :عشان بنشوفكم مع بعض معظم الوقت

زياد : بسبب الأبحاث ، واللي دكاتره بتطلبو مننا ، لو كنتي دخلتي طب نفسي ، كنتي عرفتي حجم المعاناة اللي احنا فيها ، احنا كل المقابلات بتاعتنا فى مستشفى العباسية و مستشفيات الأمراض النفسية ، مع مرضى إنفصام والهوس والاكتئاب و الفصام ،وثنائي القطب ، وحاجات تانية كتيرة أوي 

رغد : ايه الفرق بين انفصام وفصام

زياد : سؤال حلو 

مريض الانفصام (schizophrenia) هو اضطرابات ذهنية ، الانفصال عن الواقع ، وعدم التمييز بينه وبين الهلاوس اللي بتجي له بتسببله هلاوس سمعيه وبصريه 

أما إنفصام الشخصية ، (Dissociative Identity Disorder DID)، هو اضطراب يعاني منها المريض من تصرفه بنائا على شخصيات مختلفة، بتظهر على أفعاله وسلوكه، وبسببها بيعاني من فقدان مؤقت للذاكرة، والهوية والعنوان وبعض المعلومات الشخصية. 

رغد : مافهمتش

زياد : فاكرة فيلم احمد حلمي آسف على الازعاج لما كان بيشوف منه شلبى وهى مش موجوده ده فصام ، (.schizophrenia) ،

فيلم سعاد حسنى بتاع بئر الحرمان لما كانت بتدخل في شخصيه تانية وبتنسى ده إنفصام 

يعني. بالبلدي بتاع الهلاوس السمعية والبصرية إنفصام ، لما تدخلي في شخصية تانية فصام

رغد : اممم مالها التجارة English جميلة ايه التعقيدات دي 

زياد : واحيانا بيكون اعراضهم واحدة ، يعني مريض الإنفصام ممكن يشوف هلاوس برضو ،   صح عملتي ايه في العريس اللي متقدم لك 

رغد :رفضته

زياد : ليه أنا سمعت انه حد كويس اوي

رغد : اه بس ماأرتحتش

تقوم تالا بالنداء عليهم 

تالا : زياد رغد يلا تعالي علشان هنبدا اللعبة 

زياد :حاضر يلا 

رغد : هعمل مكالمة وهاجي وراك

تقترب منها تالا

تالا : ايه ماجتيش ليه

رغد : مش عارفة أعمل إيه  في اخوكي ده

تالا: رغد فكك من زياد ، انتي مش في دماغه، انا بحس إن عمر ابن خالتو ياسمين معجب بيكي، وعمر قمر اوي

رغد : انتي مش كنتي معجبة بيه 

تالا : لا أنا دلوقتي معجبة بأمير 

رغد : يخرب بيتك هوائية اوي ، ارسي على حد هتلفي عليهم كلهم ، اميرة ما كانتش شقية زيك كدة ولا ياسمين 

تالا : يابنتي أصله قمر اوي. بيقول لي يابونبونايتي، خلينا في المهم سيبك من زياد بصي بصي عمر بيبصلك ازاي 

رغد : مش عارفة أعمل ايه مش بايدي و الله

تالا : طيب تعالي نلعب معاهم ونتكلم بعدين مش هتباتي معايا ولا

رغد :اه هبات

تالا : خلاص بالليل هقنعك بيه ده ظابط وسكس بكس تعالي تعالي تشدها من كتفها ...

ثم نرى مشاهد سريعة وهم يلعبون مع بعضهم واهتمام رغد بزياد ، لكن كان يتعامل معها بحدود جداً ، فهو لا يبادلها مشاعرها رغم محاولاتها الشديدة معه، ومحاولات أميرة أيضا فى تقريبهما من بعضهم ، كما نرى مشاهد لهم سريعة خلال اليوم وهم يتناولون الطعام ، واخرى. وهم يضحكون ، واخرى للأبناء وهم يلعبون مع بعضهم لعبة الازاز والعاب اخرى ، ونشاهد على وجوههم السعادة

فهو جو عائلي جميل ، ممتع مليء بالحب والدفء،

نرى مدى قوة الترابط العائلي والصداقة بين الأبناء

~_'''*بقلمى ليلةعادل ♥️🌹✍️*'''_~

البلكونه ٦م

نرى فريدة تجلس فى البلكونه بمفردها تدخل عليها أميرة وهي تحمل بايدها كوب من الينسون

أميرة : ماما عملتك كوبايه ينسون

فريدة : تسلم ايدك يا حييبتى

أميرة : تجلس بجانبها بابتسامه ثم تقبل ايدها .. حبيبتى ايه رأيك تيجى معايا كفايه قعدتك مع ياسمين انتي وحشتيني ووحشتي الولاد

فريدة : أنا عايزة أرجع بيتي 

أميرة : ماما احنا اتفقنا على ايه مافيش قعود لوحدك تاني 

فريدة : خايفة عليا أموت وأنا لوحدي 

أميرة : بضيق .. ييو بقى ، ماما بطلي كلامك ده عشان خاطري ، متوجعيش قلبي 

فريدة : بقيتى بتقوليها زى جوزك

أميرة : جوزى يا بخته ، يابخت مروان عنده حاجة وحدة إللي بتوجع قلبه أنا ، أنا بس ، لكن انا عندى كتير يتوجع قلبي عليهم 

فريده : ،إنت كسرت ظهر مروان ، فى وجع واحد يكسر ألف مرة عن اوجاع كتير يا أميرة ، وجع واحد كفيل يقتلك وانتي عايشة، مجرد جسد من غير روح 

أميرة : عندك حق (بابتسامه ) هتيجى معايا ولا اجبلك الغلباوي يقنعك

فريدة : أنا بحبه عشان كان حبيب خالد، كان على طول يتكلم عنه ويقول شبهى بشبابى، كان بيحبوا أوي دونا عن كل أحفاده

تغلل الدموع فى عينيهم تمسح أميرة دموعها بسرعة وطبطب على قدم فريدة 

أميرة : انتي تروحى مع الولاد وانا هروح مع ياسمين نجيب هدومك

~_'''*بقلمى ليلةعادل ♥️🌹✍️*'''_~

اليخت ٨ م

سطح اليخت 

تجلس أميرة بجانب مروان على الأريكة امام سور اليخت ويبتسمان لبعضهم ثم يمسك مروان أيدها 

مروان :  النهارده كان جميل 

أميرة : امممم أوي أنا نفسي نكرر الموضوع ده كل جمعة 

مروان : كل جمعة ، اتمنى تدووم فكرة اننا نتجمع كل شهر حتى ، لأن بمجرد ما الأولاد يكبرو ، هيبقى صعب وقتها نتجمع ،كل واحد هيبقى عنده مشاغله وحياته حتى اولادنا

أميرة : انا مش معاك ، عارف ليه، لأننا من وهما بيبى مربينهم ومعودنهم على كدا على الجو العائلي، على الترابط الأسرى وان العائلة هى رقم واحد مافيش شئ أهم منها ، صدقني هيفضلوا كدا معانا ومع بعض 

مروان : يارب

أميرة : وبعدين افرض أنهم فعلا انشغلو فى شغلهم وحياتهم مش أنا كفاية عليك ولا ايه مش أنا عائلتك وكل حياتك 

مروان : انتي نور عينية اللي. بشوف بيها عينية إللي بتعرفنى عدوي من حبيبي انتي عائلتي الوحيدة إللي ماليش غيرها فى الدنيا والآخرة

أميرة : والآخرة كمان

مروان : انتي بتفكري تغيريني فوق ولا أيه 

أميرة : بمزح بمحاولة إغاظته .. بقول كفاية عليك كدا

مروان : على فكرة أنا لسه مجنون وبغير ومعقلتش 

أميرة : لا منا عارفة ده أنت بقيت لاڤيل الوحش فى الغيرة تنظر بساعتها

مروان : بتبصي بالساعة ليه لسة مقعدناش

أميرة : معلش يا قلبى بس لازم نمشي بدرى عشان ماما 

مروان : الولاد معها خلينا شوية بقالنا كتير مقعدناش قعدة حلوة سوا 

أميرة : وحشتك

مروان : وحشتينى أوي أوي حياتي انتي 

يضع يده على خدها ويمرر أصابعه عليه ويقوم بفك حجابها و يزيل ربطة شعرها لينسدل شعرها الناعم على خديها فمازالت اميرة تحتفظ بذلك الشعر الناعم الثقيل البني الذي يشبه كل شيء جميل كالشيكولاتة و القهوة ، و غرتها التي تنسدل على جبينها وتتميز بها ، ثم يقوم مروان بملامسة شعرها وتمرير أصابع يده و مسك بعض خصلات شعرها ، وشم رائحتهم ، ثم لمس باصابع يده شفتيها ، واقترب منها وقبلها بعشق واشتياق ، و بادلته أميرة  القبلة بعشق واشتياق ، وضع مروان يديه على خديها ،ونظروا لبعضهما بحب ، بنظرات تحبس لها الأنفاس ، مع الاستماع لدقات قلبيهما التي تتسارع مع بعضهما ، فهما مازالا ذلك العاشقان اللذان يعشقان بعضهما حد الموت ، اللذان تتفادى أرواحهما لبعضهما ، مازالو ينظران لبعضهما تلك النظرة التي تهتز لها القلوب ،   فكبر أعمارهما لم يغيرهما ، بل ازدادو حبآوعشقآ لبعضهما أكتر ، وزاد أيضا من تمسكهما ببعضهما .. تضع أميرة اصابع يدها على خد مروان وتمررها عليه وتنظر له بأبتسامة ساحره

أميرة : لحد امتى هتفضل نفس النظرة دي في عينيك 

مروان : بابتسامة ونظرات كلها حب وعشق .. لحد ما أموت مستحيل أتغير .. يقبلها من خدها .. بحبك

أميرة : تقترب منه و تهمس له في أذنه وأنا بموت فيك 

ينظران لبعضهما بحب وعشق ويبتسمان لبعضهما ثم يتبادلان القبلات بحب ثم يلف مروان ذراعيه حول خصرها وأثناء تقبيله لها يسير بها الى غرفة باليخت حيث يأخذها الى عالمها الخاص للتعبير عن مدى اشتياقهما وعشقهما لبعضهما بكل الحب والحنان ..

~_'''*بقلمى ليلةعادل ♥️🌹✍️*'''_~

فيلا مروان واميرة ١٠م

يدخل مروان بسيارته من بوابة الفيلا و يركن السيارة وينزل منها و يذهب للجهة الاخرى ويفتح باب السيارة لأميرة

مروان : اتفضلى يا مليكتي

أميرة : ميرسي

يمد مروان لها يده تنظر له بابتسامة وتمد يديها له ويشبكان يدهم ببعضهما. ويدخلان لداخل الفيلا يفتح مروان باب الفيلا لكن كان الصمت يعم أجواء المكان 

اميرة هما فين

مروان : يمكن نامو

اميرة : الساعة لسه 10 وبكرة السبت اجازة

مروان : تعالي نشوفهم في الجنينة 

يذهبان الى حديقة الفيلا و عند دخولهم يشاهدان الأبناء وهما يجلسون ويستمعون الى أغاني شعبية ، ومعهم فريدة ، وكان آدم يرقص مع فريدة مع الإستماع إلى ضحكاتهم وعلى الطاولة مسليات (لب والفول سودانى ومكسرات ومياه غازية)

أميرة : بتعمل ايه فى أمي ، يا عديم التربية

آدم : حمد لله على السلامة ، ده لو بتجيبي لبس لتيتا من اسكندرية كنتي جيتي بدري

أميرة : خليك في حالك 

يقترب منها ويزغزها بجنبها 

آدم : لو ماخلتنيش فى حالي هتعملي ايه يا ميرو 

أميرة: هخلي باباك يضربك

آدم: قلبك أبيض يا ميرو

تجلس أميرة على الأريكة تاخذ بضعة مكسرات ها ياماما عملوا معاكي ايه العيال دول

زياد : عشيناها

تالا : شربناها شاي

يونس : قعدناها فى نسيم الهوى

و آدم : وأنا رقصتها 

فريدة : ولادك دول شياطين ، خصوصا ، البلوتين دول ... و تشير إلى آدم و يونس 

آدم : كدة يا فريدة ده أنا لسة مرقصك على مهرجان ، ستات ناكرة للجميل صحيح ، أنت كنت معاها يا حجوجا ولا اتقابلتو صدفة على البوابة

مروان : كنت معاها 

آدم : امممم اممممم ماشي

فريدة : أنا هطلع أنام ..تشاور على آدم .. الولد ده غلبني

آدم : تيتا نامي جنبي النهارده

تالا : لا تيتا هتنام جنبي أنا 

يونس : لا يا حبيبي أنت وهي، تيتا موعداني من المرة اللي فاتت ، هتنام في الاوضة بتاعتي ، صح يا تيتا يضمها

أميرة : خلاص أنا اللي هنام جنبها بلاش خناق

زياد : هو بابا هيوافق يسيبك 

مروان : اه عادي مش فارق 

أميرة : و الله 

فريدة : بس كفاية انا في الأوضة بتاعتي اتفقوا واللي عايز يجي يجي

أميرة : توتا وصلي تيتا

تالا : تعالي يا ديدة

تسندها ، وتذهبان 

أميرة : ايه بقى عادي مش فارق دي

مروان : في ايه أنا بقول مش هزعل إنك تنامي مع مامتك

أميرة : بمزاجي على فكرة ماشي و شوف لك بقى مكان نام فيه النهارده 

تتركه وتدخل الفيلا ، يقترب زياد من مروان 

زياد : هي. كدة من زمان

مروان بضيق وبأسف : طول عمرها

آدم : ده أنت شايل في قلبك كتير يا مروان ده أنت يتعملك تمثال ، أنا لو مكانك ما استحملش والله 

يقف زياد من الجهة الاخرى ويضع يده على كتف مروان 

زياد : أنا لو مرتبط ومعايا نفس الدماغ دي كان زمانه جاليي السكر 

آدم : أنا لو كارما بتعمل كدة وبتزعل على أتفه الأسباب ارميها فى حمام السباحة اللي وراك ده، و أشوفها بتبقلل واشفي غليلي فيها

مروان : أميرة بتعرف تعوم

زياد : بس بتخاف من الصراصير

آدم : هاتلها صرصار وسيبه عليها في الأوضة لوحدها

زياد : يا لو بقا صرصار بيطير

آدم : هياخد لك حقك لمدة 100 سنة فاتو و 100 سنة قدام 

مروان : بجد

زياد : اممم

مروان : واجيبه منين ده

زياد : كلية الزراعة 

مروان: كلية الزراعة

آدم و زياد معا : كلية الزراعة

مروان : اااه يا سلام ..يسرح قليلا ...اه يا كلاب، امشي يلا أنت وهو بتسخنوني على امكم ، والله تنيمنا احنا التلاتة فى الحمام أنتم متعرفوهاش

زياد : قول إنك بتخاف منها

مروان : ولد عيب أنا باحترم ماما مش بخاف منها

آدم : بتخاف ، بتخاف يا حجوجا عموما الأوضة بتاعتي تحت أمرك يا حجوجا 

زياد : وأنا كمان يا مارو

مروان : مش هتاخر عليكم 

آدم :ههههههه لا واضح السيطرة 

مروان : بمزح عندك شك أبوك جامد يلا تصبحوا على خير

يتركهم ويرحل

زياد : بقول لك هي ماما زعلت ليه بما إنك صايع وفاهم بالمسائل دي

آدم : يعني أصلها كانت متوقعة يرفع صوته ويقولها أنا ماقدرش استغنى عنك يا حبيبتي بس علشان خاطر ماما فريدة موافق 

زياد : منك نستفيد يا خبرة، بقول لك ايه تعال نلعب بلايستيشن 

آدم : قشطة

~_'''*بقلمى ليلةعادل ♥️🌹✍️*'''_~

غرفة مروان واميرة 10:30م

يدخل مروان الغرفة وهو يبتسم لا يجد أميرة بالغرفة يضع المفاتيح على الكومودينو وينادي عليها

مروان : اميرتي 

يقترب من المرحاض 

مروان : روحي 

يفتح الباب ويدخل كانت أميرة تقف فى البانيو تحت الدوش ،و لكن عندما رأت مروان تنظر له بضيق، وتغلق الدوش وتمسك البشكير بسرعة وتلفه حول جسدها

أميرة : عايز ايه

مروان : من امتى ده... مش اتخطينا الموضوع ده من 18 سنة كدة

أميرة : عايز ايه مش أنت مش فارق معاك اني،أنام مع ماما، ها طبعا ما أنت خلاص اخذت غرضك مني 

مروان : ههههههههه اخدت غرضي مش هتعقلي أبداً هتفضل دماغك صغيرة 

أميرة : اذا كان عاجبك

مروان : عاجبني من زمان ... تسير أميرة قليلا يمسكها من يدها ... رايحة فين انا لسة ما اخدتش حمامي

أميرة : وأنا أعمل لك ايه 

مروان : تساعديني

اميرة : ما تستاهلش اوعى كدة

تحاول أن تخرج مرة اخرى لكن يمسكها مروان من كتفها ويقف أمامها

مروان : استني 

أميرة : عايز ايه تاني

مروان : يلف ذراعيه حول خصرها اصلي عايز آخد غرضي تاني ... يرفعها من خصرها ويضعها بالبانيو وهو معها ثم يفتح الدوش وهو ينظر بعينيها بلوعة حب وعشق ينزع الفوطه من علي جسدها

أميرة : مافيش فايدة. فيك

مروان : تؤ 

يقترب أكثر منها ووووو

~_'''*بقلمى ليلةعادل ♥️🌹✍️*'''_~

اليوم التالي

غرفه زياد ٦م

نرى زياد يقف أمام مراية الخزانة ، ويقوم بتصفيف شعره وظبط كم قميصه الأسود ثم رش عطره المفضل ثم يدخل عليه آدم وهو يرتدي ملابس بيت

آدم : وزه عايز الكاميرا بتعتك (ينظر له بانبهار) اووو رايح فين بالشياكه دي

زياد : فرح 

ادم : فرح مين

زياد : محمد أخو هشام

آدم : طب ما تستنى ألبس و اجي معاك

زياد : ماشي واستعجل توتا

آدم : هي جاية 

زياد : اممم شبطت فيا والحج أمر أخدها معايا

آدم : امممم ماشي 

~_'''*بقلمى ليلةعادل ♥️🌹✍️*'''_~

احدى قاعات الأفراح ٨م

يدخل زياد و آدم وتالا القاعة فا نرى حركة دخول وخروج مع الإستماع الى اغاني و رقص ، البعض يجلس والبعض يرقص حول العروسين ، ثم يقترب منهما هشام 

هشام صديق زياد بالكلية فهو من أقرب اصدقاءه فاهشام كان من أوائل الثانوية العامة ودخل الجامعة الامريكية بمنحة تفوق فهو من الطبقة المتوسطة لكن يكبر هشام بعامين 

هشام : كنت خايف متجيش

زياد : ازاي يعني. مبروك عقبالك

هشام : اتأخرت ليه

زياد : شايف الجوز دول هو ده ردي 

هشام : عامل ايه يا آدم ازيك يا تالا

آدم : تمام

تالا : الحمد الله

آدم : بقولك ايه يا اتش الحمام منين

هشام : من هنا يشاور بايده

آدم : توتا مش عايزة تدخلي الحمام

تالا : تؤ

يذهب آدم الى المرحاض 

تالا : مش هتعرفني على ليلة يا اتش

هشام : اه ثوانى أنادي عليها

تالا : زياد عمر بيرن هروح أرد عليه

زياد : ماتروحيش بعيد الخرابيش لسه ما رحتش

تالا : هههه حاضر

تقترب من زياد فتاة ( ليلة) هي الأخت الصغرى لهشام ، تتمتع بالجمال والجاذبية فعيونها مثل عيون الغزلان بلونها البندقى شديد الجاذبية ، وجسدها منحوت متوسطة الطول ، فهى فتاة فى غاية الجمال ، تقترب من زياد ومعها هشام. 

ليلة : بمشاورة بايدها بغضب .. أهو. هو ده السافل إللي عاكسني

زياد : انا عاكستك 

هشام : متاكده

ليلة : ايوة ، قليل الأدب صحيح ، ايه مالك يا راجل مش من دقيقة قولتلي. اندهى أخوكي أنا مستني ومخوفتش 

زياد : أنا أول مرة أشوفك مين دي

ليلة : خلاص يا هشام أهو جاب ورا.. عملي دكر أوي وأنت ااا 

زياد : بقوة وحدة.. بقولك إيه أنا عملك احترام عشان اللي واقفة معه ، لكن لو سمحتي متتعديش حدودك

هشام : بس أنتم الاتنين متأكدة يا ليلة ده اللي عاكسك

زياد : والله ماعكستها لو عكستها مش هخاف

ليلة : كداب وبجح

زياد : يصمت قليلا يبدأ ان يفهم ثواني ثواني ، إنتى متأكدة إنك شفتيني أنا اللي بعاكسك 

ليلة : قولتلك ايوة 

ينظر زياد وهشام لبعضهما ويضحكآن

زياد : ثانية وجيلك

يذهب زياد وبعد ثوانى يرجع مره اخرى ولكن معه آدم ويشده من كتفه

آدم : فى ايه يا ابو هزة بتشد كدة ليه.

زياد : أعتقد ده اللي عاكسك مش كدة

آدم : ايوة ايوة أنا اللي عكستها فى حاجة 

زياد :انت تخرس 

هشام : ايه يا آدم هتحوط على اختي 

آدم : اوببببا. حقك عليا يا معلم ، مكنتش أعرف ان عندك اخوات حلوين ، بس لا متربية أنا بس قولتها الساعه كام يا قمرايا سمعت قصيدة ردح بعدها طلعتي شرسة يا لولو

تنظر ليلة له من فوق لتحت

آدم : ما خلاص يا لولا بعدين دي حاجه تفرحك 

ليلة : ليه ان شاء الله

آدم : بتتعاكسي من مز زيي يعنى حلوة ، ودي حاجة بتفرح البنات

زياد : ما تتلم يا بني. أنا آسف يا ليلة. آسف يا هشام

ليلة : انا اللي آسفة على سوء التفاهم ده ، بس شبه بعض أوي كإنكم واحد

آدم : ما ده اللي اسمه توأم يا لولا

تدخل تالا عليهم بابتسامة تنظر لى ليلة وتشاور بايديها 

تالا : انتي ليلة

ليلة : امممم

تالا : من زمان عايزة أتعرف عليكي عاملة إيه 

تنظر ليلة بستغراب : انا تمام وانتي 

تالا : تمام طلعت أحلى من هشام بكتير

آدم : ده من ستر ربنا على الكوكب انها مش شبهه، تخيلي الخلقه دى (يمسك هشام من دقنه) على بت أعوذ بالله

زياد : ده واحد متخلف مايتردش عليه 

هشام : عارف

آدم : الله يسامحك ياأبو هزه

هشام : هههه ليلة ده زياد مروان ، و آدم توأمه ودي تالا اختهم الصغيرة ماجبتوش يونس ليه

آدم : يونس قاعد مع. تيتا

ليلة : أنت بقى زياد. هشام مش بيبطل كلام عنك

يرن هاتف آدم 

آدم : طب أنا بره

تالا : لولا هاتي رقمك عشان نبقى نتواصل

ليلة... اوكي اكتبي 10 .....

~_'''*بقلمى ليلةعادل ♥️🌹✍️*'''_~

اليوم التالى

فيلا مروان وأميرة 4 م

حديقة الفيلا

تجلس أميرة على المرجيحه أمام النيل تسمع إحدى أغاني محمد فوزى وتقرأ إحدى الروايات... يقترب منها زياد

زياد : ماما فاضية

تنظر أميرة له بابتسامة طبعا. تعال جنبي تغلق أميرة الأغنيه يجلس زياد بجانبها على المرجيحه

زياد : فاكره البحث ده يعطيها الملف

تنظر أميرة له امم طب لقيت حالات

زياد : انكل أدهم ساعدني وعمر ابن خالتو بس أنا مش مقتنع فى نقطه هنا

أميرة : مش مقتنع بايه 

زياد : بالقانون أنا شايف إن الاتنين لازم يتحسبو نفس الحساب 

أميرة : ودي وجهة نظري ، الاتنين عند ربنا زنو ، بس للأسف المجتمع بيجرم الست مافيش قانون إنساني حتى بيجرم الراجل ، لما بيعمل علاقة ، وبيتجوز عادي ويكمل حياته جداً وكأنه معملش أى حاجة ، والست بس اللي بتدفع الثمن ، حاول يا زياد بجد تغير وجهة النظر دي ، وتخلي المجتمع يحاسب الأتنين أشد حساب

زياد : أنا عايز رأي بابا 

أميرة : بلاش مروان لأنه متحيز جداً فى الموضوع ده

زياد : بالعكس بابا مش كدا حضرتك اللي العاطفة بتغلبك 

أميرة : جرب بس أنا عارفة هيقولك ايه

زياد : من رأيك أكمل ولا أغير الموضوع

أميرة : لا كمل لأن الموضوع صعب وجميل بس أوعى تتحيز لجانب واحد الاتنين أجرموا

زياد : طبعا عشان كدا ، أنا نفسيتى تعبت، كل الحالات البنات بس اللى دفعوا الثمن ، اللي اتقتلت ، واللى انتحرت ، واللي انحرفت ، والرجالة عاشوا حياتهم عادي جداً ، يقف آسف لو عطلتك. عن إذنك

اميرة : حبيبى. متقولش كدا مافيش حاجة بالدنيا تشغلني عنكم 

زياد : عن إذنك يقبلها من رأسها ويتركها

خلال سير زياد كان يبدو عليه الضيق عند دخوله الفيلا يجد نور مكتب مروان مضئ يقترب من الباب يطرق الباب ويدخل المكتب

مكتب مروان

مروان : بابتسامة زياد تعال يا حبيبي 

زياد : هعطل حضرتك

مروان : لا تعال يغلق اللاب الخاص به

زياد : يجلس اتفضل ده بحث بعمله 

ينظر مروان للأوراق.. الزنا عنوان جرئ جدا... يفتح الأوراق يبدأ بالقراءة.. بعد قليل ينظر له

مروان : هايل يا زياد واللغة عندك سليمة جداً عايز أساعدك بأيه 

زياد : ليه مافيش قانون بيجرم الراجل زي الست

مروان : لأننا بمجتمع شرقي ، أنا هكلمك في الأول من الناحية الدينية ، لأن الدين بيحاسب الاتنين نفس الحساب بالظبط ،لو قرأت الآيات الأولى من سورة النور اللي بتحرم الزنا سواء للراجل أو الست  بسم الله الرحمن الرحيم (الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين) صدق الله العظيم

 والنبي عليه أفضل الصلاة والسلام بيقول الزنا من أكبر الكبائر ، من ناحية تانية

أنا هكلمك من ناحية التقاليد البنت في مجتمعنا لما بيحصل معها علاقه سهل تتكشف جدا، لكن الراجل لا ، هي بس اللي بتتحمل النتيجة ، ويبان عليها أثر العلاقة ، غير الراجل ، فاتتفضح ، فصارت هي دلوقتي قصاد المجتمع اللي عملت خطأ ، لكن صدقني لو الموضوع مكنش بيتكشف كان هيبقى عادة ، ده من ستر ربنا علينا أنه بيبان وأكيد له أسبابه 

زياد : لما أب بيعرف ان ابنه مارس العلاقة مع وحدة ، بيعمل ميعرفش ، أو بيفتخر ان إبنه بقى راجل ولو محترم وصاحب دين ومبادئ ، ممكن يضربه قلم يزعل شويه وخلاص ، إنما البنت بقى حضرتك عارف بيحصلها ايه ، البيت كله بيضربها وتبقى منبوذه ، من الكل ، ده لو مقتلوهاش ، غير المجتمع بقى ، يقول دي شمال دي سافلة منحلة ، لكن الرجل ده راجل عادى إيه المشكلة لما ينام مع وحدة ولا إتنين هما اللي مش محترمين إنما هو محترم وراجل. منتهى السخافة والجهل وعدم الوعي والدين والأخلاق

مروان : لأن للاسف محدش فاهم الدين صح ، مجتمعا بيدي حق للراجل بحاجات كتير ، مع إنها كلها غلط ، وفاهم أنه كدا حلال مع أنه حرام 

زياد : فى بنت من ضمن الحالات انتحرت ، عملت علاقة مع حبيبها أهلها عرفو وحصل مشاكل ، لأنه رفض يعترف ، غير ضربهم وعملولها عاهة، والإهانة بأبشع الشتايم والألفاظ كانت بتتقالها ، ونظرة الناس ليها ،وهو عايش عادي ، واتجوز ، تصور اتجوز وخلف وعايش حياته مبسوط وكأنه ما أجرمش بحق نفسه وبحق إنسان تاني ، وهي ماتت ، انتحرت ، مقدرتش تتحمل ، ودفعت الثمن لوحدها. ، وأهلها ، سابو المكان اللي عاشوا فيه ، ومشيوا ، لأن الجيران كانوا مستلمنهم ، الجيران اللي النبي وصى عليهم ، كانو هما الجلاد اللي نازل جلد فيهم ، بدل مايقفوا جنبهم ، تصور محدش اتكلم مع الولد ده ، ولا حتى جيرانه عملوا ربع اللي حصل مع البنت و أهلها ، ايه المجتمع ده ، ازاي يحاسب بنت على غلطة، وميحسبش الرجل على نفس الغلطة ، مجتمع قاسي عنصري

مروان : ماتتعاطفش كدا ، الست تقدر تتحكم فى شهوتها عن الراجل ، أنا بشوف إن الست يعنى عقابها ممكن يبقى أشد ، لأنها قوية ، تحكمها أقوى ،هي ممكن ترفض وهى فى عز العلاقة ، هما عندهم القدرة دي ، غيرنا ، عشان كدا ممكن أكون بقسى على الست أكتر، في الموضوع ده ، الرجل شهوته اللي بتقوده مش عاطفته عكس الست

زياد : والحب

مروان : الحب ده كلمة بنبرر بيها اللي بنعمله لكن الحب برئ من ده

زياد : يعنى آسف حضرتك الفترة اللي كنت بتحب ماما فيها عمرك ما يعنى فكرت يعني ..

مروان : أكيد كان بيجى عليا أوقات كتيرة بضعف فيها ، لكن بتحكم في نفسي ، لأني بحبها و بحترمها ، وبحترم ثقتها فيا ، احنا مش ملايكة ، والشهوة والحب مربطين ببعض ، لكن اللي بسيب شهوته تتحكم في حبه يبقى محبش من الأساس 

زياد : مش فاهم

مروان : يعنى أنا كنت بشوف اميرة كتير ، وكان بيجمعنا ،أماكن لوحدنا كتير ، فى أوقات كتيرة مختلفة ، سواء الفترة اللي كنت تعبان فيها ، أو لما ارتبطنا ، هل كل ما كنت بشوفها بأبقى عندي رغبة فيها 

زياد : أكيد أحيانا 

مروان : بالظبط أحيانا ، لأن ده إحساس طبيعي ، لا يعيبك ولا يعيبها ، وكل ما تتحكم في رغباتك أكتر ، ده بيبين قد إيه بتحبها ، وقد إيه قوتك ، لأنك عايز تحافظ عليها ، حتى من نفسك ، و من أي شئ حرام أو غلط ، لكن لو كل ما تشوفها كل اللي بيجى بدماغك رغبتك فيها بس ، ده مش حب دي شهوة، أنت عايز تطولها ، وصدقني مجرد ما بتحصل العلاقة دي ، خلاص ، بتبدأ تزهق ، وتمشي لأنك من البداية محبتش ، أنت اشتهيت الجسم الجميل يبقى ملكك بس

زياد : صح ، أنا مش عايز أكمل فى البحث 

مروان : خايف من مواجهة المجتمع

زياد : لا ، المجتمع عارف أنه غلط ، بس بيكدب على نفسه ، واللي مقتنع أنه صح وإن الست بس اللي غلطت ، وهى بس اللي تدفع الثمن ، من غير انصاف ، اعتقد ، مضيعة للوقت إنك تناقشهم أو تصحح مفهوم مستحيل يتغير ، لأن الأشخاص اللي بتفكر بالطريقة دي ، غير أسوياء ، محتاجين يتعالجو مش يتناقشوا ،( يتنهد ) بس أنا مش قادر أقابل حالات ، حقيقي قلبي وجعني ، مافيش انصاف يا بابا ، مش بس بالموضوع ده ، بكل شئ. حتى فى الطلاق الست بردو بتدفع الثمن نفس نظرة المجتمع المهينة

مروان : بص انت لو هتبدأ تركز بحقوق المرأة ، ومعاناتها فى المجتمع العربى ، هتتجنن ، للأسف الست فى مجتمعنا حقوقها على الهامش ، نسيوا. وصية الرسول ، عليه أفضل الصلاه والسلام ، أوصيكم بالنساء خيراً ، بيتعملوا مع الست كأنها عبدة ، مش الكل طبعا ، فى ناس محترمة جداً ، ولسه بيتقوا الله فى الست . أنت أهو أكبر مثال

زياد : بس هما أكتر 

مروان : بس احنا اللي على حق واللي على حق مابيخفش وبيفضل يحارب لحد مايكسب معركته

زياد : بقوه وحماس .. أنا هكمل وهحارب وهثبت وجه نظري

مروان : صح هو ده ابني 

زياد : شكراً يا بابا حقيقي ربنا يخليك ليا أنا فخور ان حضرتك والدي

مروان : وأنا كمان فخور إن ربنا رزقني بابن زيك تعال قرب يقترب منه ويقبله ويضمه. 

زياد : أنا هروح أكمل 

مروان : عايز أشوفه لما تخلص

زياد : حاضر. عن إذنك

~_'''*بقلمى ليلةعادل ♥️🌹✍️*'''_~

شقة هشام ٣ م

شقة فى احدى المناطق الشعبية ( العباسية) شقة من ثلاث غرف وصالة كبيرة أثاثها بسيط لكنه جميل 

نرى هشام يجلس على الأريكه وهو يرتدى ملابس خروج فى الصالة وبعد ثوانى تخرج ليلة خارج الغرفة وهى ترتدي ملابس خروج 

هشام : ها خلصتي 

ليلة : أنا مش عارفة ليه مصمم اجي معاك

هشام : منا قولتلك اني معجب بتالا ولما تبقوا أصحاب هعرف أخبارها.. مرتبطة معجبة بحد رأيها فيا لأن أكيد مش هسأل أخوها

ليلة : وتفتكر تالا مروان عزت وأميرة خالد تحبك أنت 

هشام : ايه المشكلة 

ليلة : لازم تبقى عارف

هشام : منا ان شاء الله هتخرج وأبقى دكتور كبير. بعدين أنا عرفهم من ٣سنين عمري ماحسيت انهم بيتعاملوا معايا بتعالي بالعكس محترمين جداً كلهم... العائلة كلها حتى اولاد أصحابهم

ليلة : الصداقة حاجه والجواز حاجة تانية متزعلش مني أنا خايفة عليك بس. عموما هي شكلها بنوته لذيذة وأنا حابه أني أصاحبها من غير حاجة يلا عشان منتأخرش عليهم

~_'''*بقلمى ليلةعادل ♥️🌹✍️*'''_~

نادي الجزيرة ٥م

نرى زياد وتالا وعمر وفرح وميمي (اميرة) ورغد بنات نور وكارما و آدم ويونس وسيف ابن كريم يجلسون على إحدى الترابيزات ثم يقترب منهم هشام وليلة يقف زياد لاستقبالهما

هشام : معلش اتأخرنا عليكم عامل إيه يصافحه

زياد : تمام الحمد لله و أنت عامل ايه 

هشام : الحمد لله 

زياد: إزيك يا ليلة

ليلة : الحمد لله 

تقف تالا وتصافحهما

تالا : الدريس بتاعك جميل ولفة الطرحة كمان حلوة أوي ماشاء الله 

ليلة : شكرا أنتي أجمل 

زياد : تفضلو اقعدو

تالا : انتي. طبعا ماتعرفيش الشلة احنا ناقصين كتير أوي ، طبعا فرح أنتي عارفاها دي بقى كارما بنت اونكل أدهم الاكس بتاع ماما ،لا ما تبصيليش كدة حوار هبقى افهمهولك بعدين، وده سيف ابن خالو كريم وعمر ابن خالتو ياسمين و دي أميرة و بنقول لها ميمي و دي اختها رغد بنات خالتو نور وخالو حمزة الانتيم بتوع ماما، ويونس أخونا الصغير ،و طبعا الأخ ده ..تشير إلى آدم مش محتاجة اعرفك عليه 

ليلة : طبعا

تالا : كارما مش بس بنت انكل أدهم كمان خطيبة آدم 

ليلة : ربنا يتمم لهم على خير 

كارما: تعرفو بعض منين 

آدم: بسرعة و قليل من التوتر من فرح محمد اخوهم ما أنا حكيت لك إني رحت مع زياد فرح اخو صاحبه 

كارما : امم تمام 

ميمي : ها هنعمل ايه دلوقتي

سيف : مافيش حد تاني جاي

تالا : لا خلاص

يونس : ايه رأيكم نطلع على اسكندرية ناكل سمك

آدم : اشطا عليك معاك جداً يخبطوا آدم ويونس كف على كف 

ليلة : اسكندرية دلوقتي عادي كدة

آدم : ايه مشكلتك يا لولو. ما انتي معاكي اخوكي وبعدين كلنا معانا عربيات

تالا : بحزن إلا أنا 

كارما : وأنا 

ميمي : انا هركب مع سيف ماعنديش استعداد أسوق

زياد : احنا مش هناخد كل العربيات معاناهنقسم نفسنا على ٣عربيات اتش وليلة وفرح معايا

تالا : أنا كمان هركب مع سيف لأني بخاف من سواقة آدم 

زياد : تمام يبقى عمر وميمي و رغد و تالا يركبو مع سيف ويونس يركب مع ادم لأنهم مجانين زي بعض و كارما معاهم حد ناقص

سيف كدة لا يلا بينا

زياد : يلا

وبالفعل نراهم وهم يركبون السيارات و نرى أيضا علامات الضيق على وجه رغد لأنها كانت تريد أن تركب مع زياد ويذهبون الى مدينة الاسكندرية 

نرى مشاهد سريعة خلال وجودهم هناك ، وهم يسيرون على الكورنيش و يلتقطون صور لهم ، وهم يتناولون السمك فى أحد المطاعم الشهيرة بالإسكندرية ، كما نرى عمر يحاول ان يقترب من رغد و هي كانت تتجاهله و تحاول الاقتراب من زياد و كانت تهتم به و لكنه يعاملها كأخته و نرى أيضا انجذاب زياد إلى ليلة فكان ينظر لها بابتسامة ساحرة بين حين و اخر

و بعد انتهاء اليوم تذهب رغد مسرعة إلى سيارة زياد و تركب بها و تجلس بالمقعد الأمامي قبل الجميع ثم يركب زياد و يجدها 

زياد :ايه ده انتي اتلخبطي ولا ايه عربية سيف اللي قدامي

رغد: عارفة أنا هركب معاك

زياد: تمام بس ارجعي ورا مع البنات علشان من باب الذوق هشام يقعد قدام جنبي 

رغد : و فيها ايه لما يقعد ورا ليلة اخته وفرح صاحبته و زي أخته 

يجز زياد على أسنانه : رغد سمعتي أنا قولت ايه مش هكرر كلامي تاني 

تنزل رغد من السيارة وهي تشعر بالضيق من زياد و تصعد السيارة مرة أخرى و تجلس في المقعد الخلفي وبعد ثواني يأتي هشام وفرح وليلةو يصعدون السيارة ثم يقوم زياد بتشغيل المحرك و يقوم بالسواقة باتجاه القاهرة 

وخلال كم شهر

نرى الصداقة القوية التي نشأت بين ليلة و تالا ، و جلوسهما معا في النادي والكافيهات برغم أن ليلة تكبر تالا بعامين و لكنهما اصبحتا صديقتين مقربتين جداً و أصبحت ليلة مقربة من باقي الشلة أيضا ، كماترى ليلة بعينها كم أنهم عائلة بسيطة جداً و يتعاملون مع الجميع بحب و بساطة و لا يتعاملون مع الأقل منهم بتعالي و تكبر كأغلب العائلات الثرية

~_'''*بقلمى ليلةعادل ♥️🌹✍️*'''_~

فيلا مروان وأميرة ١٠ص

غرفة نوم مروان و أميرة

نجد مروان نائما على السرير بمفرده ،وبعد قليل يبدأ بالاستيقاظ... ينظر لا يجد أميرة بجانبه يقوم بالنداء عليها

حبيبى أميرتي

يقوم ويرتدى شبشبه وينظر بالمرحاض لا يجدها واثناء سيره بممر الغرفة يلتقي بتالا

تالا : صباح الخير يا بابا

مروان : صباح الورد يا توتا شفتي ماما

تالا : لا 

مروان : ماشي 

وأثناء سيره بالقرب من غرفة آدم. يجد الباب مفتوح موارب يستمع لحديث  هامس من الغرفة يقترب 

استووووووب

الى اللقاء بالحلقة القادمة من روايه الأعمى (حلقات خاصة   )   

أتمنى تكون حلقة النهاردة عجبتكم ❤️

#الأعمى

#ليلةعادل

الحلقه الثالثه

الجزء الثاني من  رواية الأعمى٢

للكاتبه ليلة عادل

سياره مروان انجلترا 3م

- يركب مروان واميره مره اخرى السيارة ، يطلب مروان من السواق الخاص به ان يوصلهم لأحدى الإماكن الشهيره هناك ، فيتجولوا فى شوارع لندن ، اميرة تجرى وهى سعيدة جدا ، ثم توقف احد الباعين البلونات , وتشترى بلونات ، وتظل مسكها بايدها ، وبعد ساعات من اللف يقفا على احد الكبار الشهيره هناك وتنظر اميره له برومانسية تبداء بتحديث 

اميره : بسعاده... عارف انا سافرت كتير جدا ، روحت دول كتير بس اول مره اكون بالسعادة دى ، حاسه بختلاف فظيع

مروان : بابتسامة رقيقه ...انا كمان اعتقد مافيش دوله مازرتهاش، بس معاكى اى مكان بيكون مختلف ، حتى لو فى بيتى فى مصر

اميره : ماتقرصنى كدا

مروان : رجعنا للجنان تانى

اميره : بجد اقرصنى قولى انتى صاحيه مش بتحلمى مجالكيش انفصام هههه

مروان : ههههههه انفصام 

اميره : بتتريق انا فعلا كنت بتخيلك ، وافضل اتكلم معاك واتخانق معاك ، يالهوووى ده احنا جبنا عيال

مروان : هههههههه عارفهم زياد وادم

اميره : ايوه واسيل و تالا

مروان : اسيل وتالا ، لاء دول جداد

اميره : ايوه لما رجعتلك جبناهم

مرواه : ههههههههههه طب بنسبه لباباهم ، مش المفروض يسميهم معاكى ولا ايه

اميره : وتسميهم ليه انت بتشلهم فى بطنك 9شهور، بتتعب فى خلفتهم ، جسمك بيبوظ ، بيجيلك طلق ، بتعمل ايه انت عشانهم ها ، ولا حاجه ولا بتبذل اى مجهود اصلا

مروان : مين قالك كدا ، وانا بردو ببذل مجهود فى خلفتهم

اميره : باستغراب ... مجهود مجهود ايه

مروان : بعدين هقولك

اميره : لاء دلوقتى

مروان : ههه بعدين ، بس انا عايزاسمى جودى

اميره: برفعت حاجب .. جودى

مروان : اه بحبه

اميره : بشده حبك برص

مروان : نعم ؟ ؟

اميره :حبك برص سمعك تقيل بص يا مروان، من الاخر كدا ، شيل من دماغك ومخيلتك انك تسمى البنات

مروان : ههههه هموت وقصلك من لسانك الطويل ده حته

اميره : بدلع ...وهون عليك يا مارو

مروان : لاء متهونيش طبعا

اميره : بجديه... مين بقى جودى

مروان : بتقلبى فى لحظه

اميره : ماتغيرش الكلام

مروان : مابغيرش والله اسم بحبه عادى

اميره : متاكد

مروان : اه والله

اميره : هحاول اصدقك

مروان :والله اكون متشكر جدا لحضرتك

اميره : كله بثوابه

مروان : هههه مش عايزك تكونى زعلانه منى

اميره : ازعل ليه

مروان : بسبب موقف الدكتور

اميره : بص انا مش هكدب عليك ، انا فى الاول اضايقت ، بس فكرت و قولت اكيد هو عايز يسمع بودنه ، من الدكتور ان الامور كلها تمام

مروان : كنت متاكد انك فهمه

اميره : انا بقيت بفهمك اكتر من نفسى ، حبيبى انت ....تمسك ايده ... والله ما مصدقه ، انا واقفه كدا مع دكتور مروان عزت ، عادى وبحب فيه ، يالهوى هتجنن اكتر منا مجنونه

مروان : ههههه ، ده انا والله اللى مش مصدق ان اخيرا لقيت حلم حياتى

اميره : حلم حياتك قصدك من 12 سنه ، بس انت اللى اعمى ، سورى يعنى

مروان : ههههههههههه ، خلاص بقى ، اسف ، حقك على راسى يا ست الناس وست البنات ، لازم تقتنعى انى مكنتش بقصد

اميره : خلاص عفوت عنك

مروان : يا سلام تكرمى والله

اميره : بتكبر ... لا ما تشكرنيش

مروان: يا سلام على التواضع

اميره : امال هههههه

مروان : يقبلها من ايدها ربنا يخليكى ليا

اميره : طب يلا بينا نروح لانى بدات اشعر انى اتجمد

مروان :طب قربى منى شويه

اميره : حاضر ، كدا حلو

يخلع مروان الجاكت ويقوم بالباسه لها مع نظرات حب ، واثناء ارتداءها له يتحدث معها اتصلى طيب بسواق عشان ييجي

اميره:طب انت هتبرد كدا (تيجى تقلعه يمسك ايدها )

مروان : خليكي لابسه انا مش بردان

اميره:لاء الجو برد عليك

مروان :بحسم .... اسمعى الكلام خليكى لابسه

اميره : طيب متقلبش وشك طيب

- سيارة مروان انجلترا 10م

-يجلس مروان بجانب اميره فى الكنبه الخلفيه فى السيارة، وتمسك اميره يد مروان وتسند راسها على كتفه و تطلب اميره من السواق ان يوصلهم للفندق

مروان : ايه هتعقلى وتقعدى معايا فى الفندق

اميره : بمزاح تنظر له ... انت فاكرنى ايه ، لاء هو عشان سمحتلك تبوسنى فى ايدى ومسكه ايدك كدا ونايمه على كتفك كدا يبقى انا موافقه جدا انى ابات معاك ، فى الفندق بس انت تقول اه ، اكيد لاء

مروان : هههههههههه بس اقول اه !

اميره : اه، انا بقولك هقولك لاء

مروان : متاكده

اميره :اممم

مروان :انا بجد مش حابب انك تباتى لوحدك فى الشقه

اميره : خلاص تعال معايا فى اوضه فاضيه

مروان : مش هتخافى

اميره : انت تانى

مروان : ازاى

اميره : اصلك بتقول جمله دى كتير ، وبيجمعنا أماكن كتير لوحدنا ، ما بشفكش بتتهور

مروان : اتهور ، اتهور ازاى يعنى !!

اميره : يعنى اصحى القى نفسى خايفه من شى ما

مروان :هههه انا قولتك قبل كدا انى فاقد الامل فيكى من زمان

اميره : بمزح ... روحى اللى بتتكسف يا ناس بهزر معاكى يا بيضه ..... تقرصه من خده

مروان :لاء ما بتكشفس يا روحى ، بس غصب عنى ، ماسك نفسى بالعافيه

اميره :برتباك ... ماسك نفسك عن ايه

مروان : يقرصها من خدها .. من الهزار معاكى يا بيضه

اميره : لاوالله

مروان : بسخريه ...اه والله ، بجديه ... بطلى هزار بقى ، ..باهتمام... اميره انا خايف عليكى بجد ، امبارح مكنتش عارف انام من القلق عليكى ، بيجيلى افكار وحشه

اميره : بسخريه ... بلاش تتفرج على افلام رعب كتيرههههه

مروان : بجديه .. مابهزرش

اميره :حبيبى والله ماتخاف انا كويسه بعدين انا هوصلك الفندق وهروح انام

مروان : طب اقنعينى ليه مش عايزه تحجزى فى الفندق

اميره : هقول لبابا ايه

مروان : قوليلو خوفت انام لوحدى احجزلى فى الفندق ، اى حاجه اخلقى اى حجه ، انتى مابتغلبيش فى الكدب

اميره : والله ما هينفع ، لو قولته كدا هيرجعنى ، متخفش بقى

مروان : بضيق ... اففففف

اميره : مروان خلاص بقى

مروان :مش عارف اعمل ايه فى عندك ده

اميره : بمزح ...ما انت عارف البنت العنيده رزق ههههههههه خلاص بقى اضحك

مروان : لاء

اميره : وحياتى

مروان : لاء

اميره :بجنان.. مروان .. مروان .. روره .. مارو

مروان : اممم

اميره : تقترب منه ثم تقترب من اذته بحبك

مروان :بابتسامة ساحره تعرفى انى بحب اوى الحركه دى

اميره : انهى حركه

مروان : انك تقربى منى ، بعدين تقربى من ودنى ، تقوليلى بحبك

اميره :انا بقى بحبك كلك على بعضك ، بكل حركاتك ، بكل محتاجاتك ، بسلاطاتك بى بابا غنوجك بحبك بحبك تعلى صوتها جامد .... بحبببببببك

مروان : وانا بموت فيكى يا مجنونه

- شقة ادهم مصر 10م

- داخل شقه ادهم ، يجلس ادهم على كرسى المكتب فى غرفه النوم الخاص به ، و يمسك دبله و تدخل عليه الام

الام : ايه يا حبيبى مانمتش ليه ؟

ادهم : وهو ينظر الى الدبلة .. شويه بس

الام : تنظر الى ما بيده .. اميره تانى خالص انساها بتحب غيرك

ادهم : مش قادر

الام : لازم تقدر

ادهم : ينظر لها وبحسم .. اميره هتبقى ليايا امى

الام : ما تضحكش على نفسك ، اميره عمرها مكانت ليك من البدايه ، انساها يا ادهم زى ما هى نسيتك وعايشه حياتها ، دور على اللى بتحبك حرام عليك البنت مش عارفه تعمل ايه تانى معاك

ادهم : بحده ...انا مقولتلهاش تحبنى ، وعمرى ماحسستها انى بحبها ، هى اللى عايشه الوهم ، انا مالى

الام :لا اله الا الله ، كل ده عشان خاطر اميره ، لحد امتى

ادهم :يقوم ادهم ويذهب الى السرير ...امى انا هنام

الام : ماشى يا ادهم تصبح على خير

- تخرج الام خارج الغرف ، و ياخذ ادهم الهاتف الخاص به ، ويفتح صوره هو واميره ، ويقول لنفسه انتى بتاعتى انا ومش هتكونى لغيرى انا مهما حصل

- سياره مروان بانجلترا 11م

- عند وصولهم عند عماره اميره

اميره : بحزن تنظر الى مروان .. وصلنا

مروان : كان نفسى الطريق يطول

اميره : ما تطلع تقعد معايا شويه

مروان : ماينفعش

اميره : ليه انت عندت واصريت إن السواق يوصلنى الاول ، يبقى تطلع معايا بقى شويه

مروان : عشان لازم اطمن عليكى الاول ولا انتى شايفه ايه

اميره : طب يلا تعال

مروان : بكره بعد مانخلص هاجى اقعد معاكى

اميره : ليه مش دلوقتى ، انت ولا انا هنام دلوقتى ، يبقى نقعد سوى ، واعملك قهوه من ايدى اشربها وامشى

مروان : اسمعى الكلام

اميره : طب اقنعنى

مروان : بمزاح ... هههه عشان متهورش

اميره : بطل رخامه بقى

مروان : عشان خاطرى اسمعى الكلام

اميره : مش عايز تقعد معايا زهقت منى

مروان : انتى عارفه انى نفسى اشوفك فى كل لحظه وافضل جنبك بس عشان خاطرى سبينى امشى

اميره: بقمصه ... براحتك سلام .... تفتح باب السيارة وتنتظر ثوانى ثم تقفله الباب وتنظر له ....ايه ده

مروان : ايه

اميره : مامستكش ايدى ليه ، وقولتلى متزعليش وتخضيت وكدا

مروان : قديم اوى الكلام ده

اميره :بسخريه...وايه الجديد سيادتك

مروان : يشخط فيها بمزاح ...يلا يا بت اطلعى فوق بلاش شقاوة

اميره : والله

مروان : اصلى عارف انك تافهة وبتهزرى ههههه

اميره : تصدق انا فعلا كنت بهزر ، بس بعد الكلمه دى انا زعلت ومقموصه ، يلا صالحنى

مروان : اصالحك يعنى

اميره : اه

مروان : طب انا مش مسئول

اميره : متهزرش

مروان : مابهزرش طب ممكن تقربى شويه راعى انى راجل اعمى قربى

اميره :اهو

مروان: قربى وشك اكتر

اميره : بارتباك ...ليه ما كدا حلو

مروان : قربى

اميره: كدا

- يضع مروان ايدو على شعرها ويمرره ، ثم على وجهها برومانسية وحنان وعشق ، مع نظرات خجل من اميره واستغراب وارتباك ، يمسك وجهها بايد الاتنين ، فايقرب وجهه لوجهها كأنه هيقبلها، بصوره تلقائيا تضع اميره كفها على شفيفها وتغمض عنيها ، يبتسم مروان، وينزل راسه ، ويماسك ايدها التانيه ويقبلها.

مروان : متزعليش منى

اميره : تفتح عينها وتضحك ... ههههه انت رخم على فكره

مروان : انتى لسه شفتى رخامه اتقلى

اميره :ههههه يلا سلام تصبح على خير

مروان : وانتى بالف خير

- مستشفى انجلترا 9ص

- يقوم مروان بعمل الاشاعات والفحوصات قبل العمليه ، وكانت اميره دائما معه .

- معمل التحليل / يقوم مروان بعمل تحليل دم تقوم اميره بمساعده فى رفع كم القميص .

اميره : اوعه تكون بتخاف

مروان : اوى

اميره : بتتكلم جد

مروان : بسخرية ... جدا

اميره : رخم بجد

مروان : ميرسى

بعد سحب عينه الدم من مروان تنظر اميره له بخوف

اميره : وجعتك

مروان : جدا

اميره : معلش ..تضع ايدها مكان الابرة تقوم بتدليكها ..ها احسن

مروان : تؤ وجعانى اوى

اميره : .تنفخ فيها .... ها احسن

مروان :ايدها تقيله اوى

اميره :.تنفخ فيها مره ثانيه وتقوم بتدليكها مره ثانيه .... ها

مروان : لاء

اميره :.تنظر له بجديه ورفعت حاجب ... انت بتهزز تصدق انا غلطان ..تقوم ضربه مكان الابره

مروان : ااااه ايه الافترا ده

اميره : عشان تهزر وتتريق حلو

مروان : طب يلا عشان منتاخرش على منير

اميره : يلا

مروان : هاتى ايدك

اميره : لاء

مروان : يعض على شفايفه .. انتى بقيتى شقيه اوى على فكرة

اميره : تقترب منه بدلع .. اوى على فكرة

مروان : طب يلا

اميره : يلا

- كان يقف فى الخارج منير امام الباب عندما يراهم خارجين يذهب اليهم .

منير : ها خلصتو

مروان : اه

اميره : بدلع انا جعان ممكن تغدينى يا مينو

مروان : باستغرب ... مينو مين

اميره : منير اصل قرارت ادلعه

مروان : والله

اميره .. والله

منير : ينظر لمروان ... هى متقصدش ينظر لاميره اتلمى انا اللى بنام معه بليل هيصحى يخنفنى

اميره : ههههههههههههههه لاءميقدرش انت فى حمايتى

مروان : يمسكها من ايدها وينظر لها ...لا والله

اميره : ... بسخرية ... اه والله

مروان : يعض فى شفايفه ويجز على سنانه ومستفز منها طب يلا عشان ايدى هتتمد على على حد كدا

اميره : يلا يا مينو

- سياره مروان 12م

- يركبون السياره منير يجلس فى الامام واميره بجانب مروان فى الخلف وهى تنظر لمروان وتضحك من تحت لتحت بخبث .

اميره : تقوم بيغازت مروان ... يا نيمو هتغدينا فين يا نيمو

مروان : ما ترد يا نيمو

منير :لحظه وحده ....يطلب من السواق ان ينزله 

اميره :رايح فين

منير :لا منا مش عايز اخسر صحبى بعد كل العشره دى

اميره: ههههههه تخسر مين بس خليك بهزر معاك

مروان : اقعد بلاش هبل انت كمان كفايه الطفله اللى قعده جنبى

اميره : انا طفله

مروان : بسخريه ... بفيونكات

اميره : والله

مروان : والله

اميره : ماشى يا مروان ...تنظر يده ثم تقوم بمسكها وتعض منها بقوه 

مروان : بالم اااااه ..... يشد ايده ...ايه جنان ده

اميره : منا بفيونكات بقا وجعتك احسن مره جاى هتبقا بخدك 

مروان : والله مفتريه

- احد مطاعم انجلترا 5م

- تجلس اميره هى ومروان ومنير على احد الترابيزات يضحكون

منير : انا معرفش ايه اللى جبنى معاكم

اميره :هى الخروجه تحلى من غيرك

منير : بتثبتينى

اميره: ليه انت مسمار

منير : باستغراب ... ايه

اميره :براوز انت عشان اثبتك

منير : ينظر لمروان ... انت فاهم حاجه

مروان : هو اللى قادر افهمه انها بتالش عليك

اميره: بالظبط

منير : انا قولت انا جاى غلط

اميره : متكلم مدام لبنى تيجى تقعد معاك يومين

مروان : خليها تودى الاولاد عند ولدتها وتيجى تقضى يومين حلوين وترحمنى نفسى انام

منير : تقصد ايه ؟

مروان : ولا حاجه يا حبيبى

اميره : هههههههههه بيحبك اوى

منير : شكله قالك

اميره :ههههههه وحياتك وسمعنى كمان

منير : كدا لعلمك بقى مش بينام لابس شراب فى رجله وبيمشى حافى فى الشقه

اميره : قديمة

منير : ما بيعرفش ينام هو لابس حاجه من فوق صيف او شتا

اميره: اقدم

منير : نومه وحشه هتجيبي ايده من جوا بوقك

اميره :ههههههه بردو قديمة بعدين براحته

مروان : ههههههههه يا حبيبى دى عامله دكتوره فيا

منير: طب نطلب الاكل عشان شكلى بقى وحش اوى

اميره : هههههه بقول كدا بردو

مروان : هطلبلكم انا

اميره : ماشى

- و فى خلال الاسبوعين كانت اميره ومروان ومنير يتنزهون فى شوارع لندن فى سعاده فهى قد وصلت الى حلم حياتها فقد اقتربت مروان لكن هل تدوم هذه السعاده؟

(قبل العمليه بيوم )

- فندق انجلترا 11م

- عند وصولهم للفندق تقف اميره مع مروان ومنير فى اللوبى

منير : انا هسبكم بقى هطلع انام

اميره : ماشى تصبح على خير

منير : وانتى من اهلو ...عايز حاجه يا حبيبى

مروان: لا يا حبيبى تصبح على خير

منير : وانت بخير سلام

يرحل منير

اميره : تنظر اميره الى الساعه .. قصادك ساعه بس ومشى

مروان : ليه احنا مش فى مصر

اميره : بمزح .... انا صاحبه مبدأ اللى يسرى على مصر يسرى فى اى مكان

مروان :عشان كدا سهرتى للفجر فى الديسكو مع اصحابك

اميره : يالهوى على الذاكره الحديديه كان معايا نور

مروان: محرم يعنى

اميره : يعنى

مروان : طب مجبتهاش معاكى ليه طيب

اميره : هو انا مقولتلكش

مروان: ايه

اميره : نور حامل فى الشهرالتانى

مروان :بجد

اميره :اه فرحانه اوى ..ايه ده مافيش عقبالنا

مروان :لسه بدرى اوى

اميره :بدرى مين اعمل حسابك انا هخلف على طول ، مش هعمل زى البنات ، اقولك لا نستنى شويه والحركات دي

مروان :ههههههه

اميره :ها هنعمل ايه بقت ساعه إلا ربع

مروان: ممكن تخليكى معايا ماتروحيش

اميره: ازاى

مروان : هحجزلك هنا اليوم بس

اميره : اشمعنا

مروان : متوتر محتاجك جنبى اوى

اميره : تمسك ايده ... متقلقش صدقنى كله هيبقى تمام

مروان: موافقه

اميره :مقدرش اقولك لاء

مروان :طب تعالى، تعالى نحجز اوضه

اميره : ماشى بس بشرط

مروان : اشرطى

اميره : تقعد معايا لحد النوم بعدين ترجع اوضتك

مروان : ممم موافق

اميره : يلا

- يقفون عند مؤظف الاستقبال يطلب منهم فيزا ، تقوم اميره باخراج الفيزا وهى مروان بنفس الوقت .

اميره / مروان .. اتفضل

اميره : لاء انا معايا فلوس

مروان : شيليها

اميره : لاء

- مروان يمسك الفيزا الخاص بها من ايدها ويعطى الفيزا الخاص به للمؤظف.

اميره : مروان لو سمحت مش هينفع

مروان : بحسم .. شششششششش بس (يمسك ايدها ) .. يلا

- يدخلون داخل الاسانسير تقف اميره بجانبه وتنظر له بضيق و تتحدث معه .

اميره : هو هو ايه اللى انت عملته ده

مروان : عملت ايه

اميره : مابحبش حد غريب يصرف عليا

مروان : باستغراب ... حد غريب !!

اميره : مقصدش غريب يعنى اقصد ان حضرتك مينفعش تصرف عليا

مروان :حضرتك

اميره :يعنى قبل ان تكمل كلمها 

مروان: بس بس انتى متتكلميش لحد ما نطلع

اميره : ده ليه بقى على فكره انا هسحب الفلوس وديهملك

مروان : قولت بس قولى حاضر

اميره : ما هو

مروان : قولى حاضر

اميره :ها

مروان : قولى حاضر

اميره : حاضر هديهملك بردو

مروان : يلا

لحد هنا واستوب

تابع

يلا عرفونى رايكم فى. الحلقه النهارده

وايه اللى تتوقعه بلحلقات الجايه

ياترى ايه اللى هيحصل لما مروان يطلع مع أميره الاوضه🙈🙊

ياترى ادهم هيعمل ايه 🤔

ياترى مروان عمليه هتنجح ويشوف مجنونته أميره

ولا هتفشل زى كل مره☹️

اللى عايز يعرف 😘

يتابع

#تاليف_ليلةعادل

*~~'''_*الأعمى

حلقات خاصة

بقلمي ليلة عادل ✍️🌹❤️*_'''~~*

الحلقه الثالثة

فيلا مروان و أميرة ٩ص

غرفة نوم مروان و أميرة

نرى مروان نائماً على السرير بمفرده ،وبعد قليل يبدأ بالاستيقاظ و لا يجد أميرة بجانبه فينادي عليها ..حبيبي ... أميرتي

يقوم من على السرير وينظر بالمرحاض و لكنه لا يجدها يخرج من الغرفة و اثناء سيره في ممر الغرف يلتقي بتالا

تالا : صباح الخير يا بابا

مروان : صباح الورد توتا شوفتي ماما

تالا : لا 

مروان : ماشي 

وأثناء سيره يقترب من غرفة آدم ، يجد الباب مفتوح قليلا يستمع لحديث هامس من الغرفة يقترب ويدخل كان آدم يتحدث على الهاتف

مروان : آدم ما شوفتش ماما

آدم بمزح : هي مش كانت نايمة جنبك يا حجوجا 

ينظر مروان له باستياء دون تحدث ويتركه ويخرج وينزل السلالم يلتقي بأمل دادة الولاد 

مروان : امل شوفتي دكتورة أميرة

أمل : لا يا دكتور أحضر لحضرتك الفطار

مروان : ماشي وصحي يونس وزياد

يزداد قلق مروان يصعد السلالم مرة اخرى ويدخل لغرفته ويقوم بالاتصال بأميرة لكن هاتفها مغلق يزداد قلقه وتوتره يتصل بنور و لكنها تجيبه بأنها لا تعلم اين هي 

يدخل آدم الغرفة

آدم : حضرتك وصلت لماما

مروان : لا

آدم : يعني ممكن تكون فين

مروان : يصمت قليلا .. أكيد فى مشوار مهم 

آدم : البس و انزل ادور عليها

مروان : لا اقعد هي اكيد في مشوار لو اتأخرت نبدأ ندور عليها 

الهول

نرى تالا تلعب مع قطتها و نرى أيضا زياد ينزل على السلالم و يقترب منها ويجلس بجانبها

زياد :صباح الخير 

تالا : صباح النور زياد ما تعرفش ماما فين 

زياد : ماما لا ليه 

تالا: مش لايقينها بابا صحي ما لقهاش

زياد : أكيد راحت الجامعة أو في مشوار بصراحة بابا اوفر اوي 

تالا: أنت مش قلقان 

زياد: يعني هي مختفية بقالها يومين ، دول هما أكيد ما يطلعوش ساعتين على بعض بطلوا افورة

تالا :معاك حق بس ماتقولش كدة قدام بابا و آدم أنت عارفهم باى شيء يخص ماما بيعملوا إيه 

ينظر لها زياد بصمت

*بقلمى ليلةعادل ♥️🌹✍️*_~

فى أحد المقابر القاهره 10ص

مظهر خارجى للمقابر مع الاستماع لصوت قران ،ثم نتقرب من احد المقابر الخاصه لعائلة الشريف العلايلى , نرى أميرة وهى ترتدى فستان اسود طويل وطرحة سوده وترفع نظارة شمسية على طرحتها 

تقف أمام أحد القبور تقرأ سورة الفاتحة و تبكي ثم نرى اسم المتوفي خالد الشريف حسين العلايلي 2/1/ 2018

أميرة ببكاء : الله يرحمك يا بابا ، انت وحشتني اوي يا حبيبي ، لحد دلوقتي مش قادرة اتخيل إنك مشيت و سبتنا ،مستحيل أنسى اللحظة اللي عرفت فيها إنك خلاص مش هتكون موجود معانا تاني

Flashback 

فيلا مروان واميره 3م

نرى مروان و أميرة يجلسان أمام التلفاز يشاهدان فيلم الفانوس السحري و هما يضحكان ثم يرن هاتف أميرة المتصل كريم 

اميرة : كيمو حبيبي عامل ايه أميرة بصدمة ايه مستشفى ايه 

*بقلمى ليلةعادل ♥️🌹✍️*_~

احد مستشفيات القاهره4م

نرى فريدة و كريم وأمنية زوجته و ياسمين و عماد زوجها يقفون أمام إحدى غرف المستشفى و يبدو عليهم التوتر و القلق الشديد نرى أميرة و مروان يركضان نحوهم بسرعة

أميرة ببكاء : و قلق بابا ماله جراله إيه 

كريم : كنا قاعدين مع بعض فجأة تعب و مابقاش قادر ياخد نفسه ، طلبنا له الإسعاف و جبناه على هنا ،و الدكتور معاه جوة ، اهدي أن شاءالله بابا هيبقى كويس

يخرج الطبيب من الغرفة و يبدو على ملامحه الحزن 

يركضو جميعهم نحوه

فريدة : خير يا دكتور طمنا 

الطبيب بأسف : أزمة قلبية ماقدرناش نلحقه البقاء لله 

تصرخ أميرة و ياسمين و تبكيان بشدة و تقع فريدة مغشيا عليها من الصدمة 

كريم و أميرة و ياسمين بصوتا واحدا و صدمة : ماما

و في اليوم التالي 

مشاهد سريعة لصلاة الجنازة ومراسم الدفن وملامح الحزن والبكاء على ملامح الجميع و بعد انتهاء مراسم الدفن

*بقلمى ليلةعادل ♥️🌹✍️*_~ 

فيلا مروان و اميرة 1ص 

يدخل مروان الفيلا يجد زياد و تالا و يونس و عمر ابن ياسمين يجلسون و على وجوههم الحزن على وفاة جدهم

مروان : ازيكم يا حبايبي 

الاولاد ; الحمد لله 

زياد : بابا ماما و تيتا و خالو و خالتو عاملين ايه 

مروان : الحمد لله آدم فين 

تالا : ما خرجش من أوضته من امبارح 

مروان : هطلع أشوفه اتعشيتو 

زياد :لا يا بابا ماحدش له نفس ياكل 

مروان لا يا حبايبي لازم تاكلو علشان خاطري أنا هخلي أمل تحضر لكم العشاء و مافيش نقاش

و بالفعل يقوم مروان وينادي على أمل 

أمل: نعم يا دكتور 

مروان حضري العشاء للولاد و اعملي حساب آدم 

أمل: حاضر 

ثم يصعد مروان السلم و يذهب إلى غرفة آدم 

*بقلمى ليلةعادل ♥️🌹✍️*_~

غرفة آدم 11م

يطرق الباب ثم يفتح الباب ، يجد آدم جالسا على السرير حزينا و يبكي يذهب مروان و يجلس بجانبه و يضع يده على كتفه 

مروان: آدم حبيبي أنا عارف إنك أكتر واحد متعلق بجدك ،و عارف قد إيه أنت تعبان و حزين على وفاته ، بس دي إرادة ربنا وسنة الحياة ، هو في مكان أحسن من هنا 

آدم ببكاء : مش قادر استوعب أن جدو مات .. و يبكي بشدة

يحتضنه مروان و يقول : حبيبي أنت لازم تكون قوي و تتماسك علشان خاطر ماماو تيتا، الفترة دي لازم كلنا نكون جنبهم و نحاول نهون عليهم الفترة الصعبة دي.. بالذات أنت 

آدم يمسح دموعه :هي ماما عاملة إيه ،أنا هقوم اروح لها 

مروان : دلوقتي مش هينفع بكرة الصبح هنروح لهم كلنا       و هي دلوقتي كويسة  مستحيل كنت اسبها لو في حاجة

تطرق أمل الباب 

أمل : دكتور مروان العشاء جاهز 

مروان: ماشي شكرا  ،آدم يلا علشان تتعشا مع اخواتك 

آدم :ماليش نفس 

مروان : لازم تاكل علشان صحتك ، و ماما لو عرفت إنك ما اكلتش هتزعل اكتر ، و احنا مش عايزينها تزعل كفاية عليها زعل وفاة باباها

آدم: خلاص حاضر طيب حضرتك مش هتاكل معانا 

مروان :لا أنا شبعان أكلت مع ماما عشان ترضى تاكل

آدم : معلش يا بابا تعالى كل معانا أنت كمان تلاقيك ما أكلتش كويس

مروان : حاضر

ينزل مروان إلى غرفة السفرة و يجلس مع الأولاد على طاولة الطعام و يبدأون بتناول الطعام و على وجوههم الحزن و كان مروان شاردا بأميرة فكان خائف و قلقا عليها بشدة و بعد مرور دقائق قليلة انتهى الجميع من تناول الطعام و صعدو على غرفهم 

و بعد دخول مروان غرفته قامة بالاتصال باميرة ليطمئن عليها

غرفة مروان وأميرة

اميرة: الو 

مروان : ايه يا حبيبي عاملة ايه 

اميرة بصوت متحشرج من البكاء : الحمد لله احسن والاولاد كويسن

مروان : اطمني يا حبيبتي هما كويسين الحمد لله 

أميرة : خد بالك منهم 

مروان : حاضر بس نامي انتي و ارتاحي شوية علشان خاطري 

أميرة : حاضر تصبح على خير 

مروان : و انتي من أهله ياحياتي 

*بقلمى ليلةعادل ♥️🌹✍️*_~

و في  اليوم التالي 

شقة خالد.  ٣م

الراسبشن

نرى أميرة تجلس في الراسبشن و تبكي و يدخل عليها مروان و يجلس بجانبها و يعانقها و يواسيها

اميرة ببكاء : مش قادرة اتخيل اني هعيش حياتي من غير بابا 

مروان : اهدي يا حبيبتي دي إرادة ربنا و سنة الحياة أنا معاكي و جنبك ، عارف إن مافيش حد في الدنيا يعوض الأب لكن هكون ابوكي و سندك و هفضل واقف في ضهرك 

اميرة: انت ازاي اتخطيت موت باباك ومامتك

مروان: الأيام هي اللي خلتني اتعود ، خلتني أكمل، الشيء الوحيد اللي بيتولد كبير وبيصغر مع الأيام ، هو الحزن،  كل فترة بيصغر ، صدقيني الأيام كفيلة تداوي جرحك ، وأنا معاكي وهنتخطى الوجع سوا 

أميرة : أنا عايزة اعمل لبابا صدقة جارية ممكن تساعدني ، لاني مش بفهم في المواضيع دي

مروان : أكيد يا حبيبتي .. يقبلها من يدها ويضمها 

يدخل عليهم الأولاد 

آدم : يلا يا ميرو علشان هتاكلي 

اميرة :لا مش جعانه

تالا: احنا قدرنا على تيتا خليناها تاكل مش هنقدر عليكي 

أميرة : صدقوني مش قادرة آكل 

زياد : مستحيل مش هنسيبك غير لما تأكلي

مروان : اميرتي لازم تاكلي علشان صحتك حتى لو هتجبري نفسك على الأكل 

أميرة: حاضر 

يونس : هروح انادي خالتو ياسمين و عمر علشان ياكلو معانا

back

المقابر ١١

كانت مازالت أميرة تقف أمام قبر والدها ووجهها مليئا بالدموع.. وضعت باقة الورد  

تنظر اميرة بحزن ، ثم قالت .. كان نفسي تكون معايا  دلوقتي وتشوفني وأنا كدة ،و تشوف ولادي ، وتشوف ان مروان ما اتغيرش، و أنه لسه زي ما هو ،  ده يمكن حبه ليا بيكبر يوم عن يوم ، وتمسكه بيا زاد أكتر و أكتر  ، أنا عارفة ان علاقتكم اتحسنت كتير قبل ما حضرتك تسبني ، بس كان نفسي تشوف مروان بعد الستين أنه لسة زي ما هو متغيرش ، عارف  آدم عايز يخطب كارما بنت ادهم  تصور كلها سنتين ثلاثة و أبقى تيتا أنا همشي دلوقتي بس هجيلك تانية ونتكلم كتير وحكيلك كل حاجة

فيلا مروان واميرة 12ظهرا

نرى مروان و آدم  و يونس في حالة توتر و قلق على أميرة بينما زياد و تالا هاديين قليلا 

يونس : طيب ما يمكن في الجامعة 

آدم : أنت يا ابني ما بتفهمش ما قولنا أننا اتصلنا و سألنا عليها هناك قالو ما جاتش 

زياد : أنا مش عارف انتو قلقانين كدة ليه تلاقيها راحت مشوار عادي 

تالا : زياد معاه حق يمكن احنا قلقانين  كلنا عشان اول مرة تروح مكان من غير ما تقول 

زياد : لا بتعملها  كتير انتو بس اللي اوفر 

آدم : أنت يا ابني ما عندكش دم ولا إحساس معدوم الإحساس للدرجة دي

زياد بغضب : احترم نفسك 

آدم بغضب : احترم نفسي ايه ، بنقول لك ماما مختفية من الصبح ، و مش عارفين هي فين ، تقول انتو اوفر 

مروان : بعصبية زياد آدم بس خلاص 

و في تلك اللحظة تدخل أميرة زي عليهم 

اميرة : مالكم في ايه 

و عندما يراها مروان بتلك الملابس يعرف اين كانت فلا يسألها عن شيء

مروان : مافيش يا حبيبتي احنا بس قلقلنا عليكي لما ما لقيتكيش موجودة و مش سايبة خبر انتي فين  

أميرة : هتخطف يعني بعدين هما ساعتين مش شهرين بطلو افورة

زياد : ياريت تقولي لابنك عشان بيقولي إني عديم الإحساس

آدم بقليل من الغضب :  ما تبطلي تخرجي فجأة كدة وعرفينا انتي هتروحي  فين علشان  منتخضش كدة

مروان بغضب : آدم ازاي تكلم مامتك بالطريقة دي 

آدم  : أصلها زعلانه اننا خايفين عليها وبنعاتبها

مروان بشدة : اعتذر لمامتك اعتذر بقولك

آدم : أنا آسف بس كنت خايف عليكي

مروان : إياك أسمعك بتكلم ماما بالطريقة دى تانى إنت فاهم

تنظر أميرة لهم دون أن تتحدث وتصعد السلم وتدخل غرفتها ، و يصعد مروان خلفها  مباشرة.

ويغلق الباب  خلفه 

غرفة نوم مروان وأميرة

مروان بشده : كم مرة كم مرة أقول لك ماتخرجيش من غير ما تقولي لي 

تخلع أميرة حجابها ترميه على الأرض بضيق و انفعال ... وأنا كم مرة ، أقول لك  بطل توتر بطل خوفك الزايد ده ، اعقل بقى انت بقيت فوق ٦٠سنة ،هتفضل تتصرف زي المراهقين لحد امتى ، وتوتر نفسك ووترت الولاد معاك ، فى ايه انا مش طفلة انا كبيرة ، انا بقيت ٤٨سنة فاهم يعنى ايه ، أنا كبرت خلاص ، ما بقتش الطفلة الصغيرة بتاعت زمان ، بطل بقى خوفك المريض ده ، وحتى لو خوفت ، يبقى بينك وبين نفسك ، مش كمان توصله للولاد وتخليهم يبقو متوترين معاك 

يقترب مروان منها وبحدة : انتي كبرتي سنا بس دماغك لسة طفلة ، متهورة وطاشية ، قولت لك مليون مرة ، روحي اي مكان زى ما انتي عايزة ، بس عرفيني انتي هتروحي فين ، علشان ابقى مطمن عليكي، علشان لو حصل اي حاجة ابقى عارف مكانك ،واعرف اوصلك ، انتي يابنتي. بتحبي تقلقيني عليكي ليه

أميرة : أنا برضو مش فاهمة  ايه كل الاڤورة دي   

مروان : مش عارف أقول لك إيه بصراحة

أميرة : ماتقولش حاجة

يتنهد مروان  : أنا عارف إن ده هيحصل تاني للمرة الألف انتي ما بتتغيرش ولا هتتغيري انا يئست

أميرة : يبقى تهدى تبطل تخاف كدة 

مروان : ازاي أبطل أخاف على روحي 

تقترب أميرة منه  وتتنهد ..أنا آسفة لو انفعلت شوية ، بس أنت عارف لما برجع من المقابر بكون متضايقه برجع 4  سنين لورا و اني لسه ما اتخطتش حزني على  وفاة بابا  

مروان : ياستي لو مش هتنفعلي عليا هتنفعلي على مين ، اعملي فيا كل اللي انتي عايزاه، المهم اشوف ضحكتك اللي بتجنني و إلا انتي عارفة هعمل ايه

أميرة :ههههه لا قلبك ابيض ، فطرت

مروان : لا كنت مستنيكي 

أميرة : هغير هدومي وننزل نفطر سوا 

مروان : ماشي يا حبيبي

بقلمى ليلةعادل ♥️🌹✍️*_

شقة ادهم 3 عصرا 

السفرة

نرى آدم وهو يجلس على طاولة الطعام مع ادهم وحنين وكارما وأمير وميرا 

آدم : الحمد الله 

حنين : كمل أكلك 

آدم : والله شبعت يا طنط

يقف ادهم : تعالى يا آدم  معايا  نقف في البلكونة شوية... حنين لما تخلصي أكل اعملي شاي 

آدم : أنا نسكافيه

حنين :حاضر

البلكونه

يقف ادهم مع آدم. ثم يخرج سيجارة. ويقوم بتدخينها

ادهم : ها ايه الموضوع

آدم : أنا عايز اخطب كارما في نص السنة ونتجوز على. الصيف

ادهم : صيف لا مافيش جواز غير بعد ما أنت تخلص دراستك

آدم : أنا نزلت الشغل

ادهم : عارف بس مش ده السبب

آدم : أمال إيه هو السبب ماتقولش انتو لسه صغيرين

ادهم : لا انتو مش قد مسؤولية الجواز دلوقتي ، الجواز فيه حاجات مهمة،  هتقابلكم مشاكل كتير مش هتقدرو تواجهوها وتعدوها ،لازم تكبرو شوية لازم تفهمو الدنيا أكتر 

آدم : اممم بقيت بتتكلم زي بابا بالعقل والمنطق، اللي ينفع و اللي ما ينفعش 

ادهم : أنت لازم تصلح علاقتك بباباك لأن اللي أنت فيه ده ما ينفعش ماحدش هيحبك ويخاف عليك زي والدك

ينظر آدم بساعته معلش يا اونكل لازم امشي علشان الشغل فكر في كلامي ها ، بدل ما اسيب ميرو عليك 

ادهم : ههههههه مافيش فايدة

آدم : ايوة أقبل لوحدك  أحسن  سلام

أحد مولات القاهرة  ٥ م

نرى هشام يقف على السلم الكهربائي ويتحدث على الهاتف

هشام:  متأكدة في الدور ده ماشي. انا  بمشي  أهو في الممر  ، المحل إسمه  ، ايه ، فيكتوريا ، لحظة. يسأل أحد الشباب ، لو سمحت فى محل عطور هنا اسمه فيكتوريا ، تمام شكرا يسير قليلا ثم يرى تالا تقف أمام أحد الفتارين، اقفلي اقفلي شوفتها يقترب منها ويبتلع ريقه

هشام : تالا ازيك

تلتفت تالا له

تالا :اتش ايه الصدفة الحلوة دي

هشام : عاملة ايه

تالا : تمام وأنت ولولي 

هشام : تمام لوحدك ولا في حد معاكي 

تالا : ما قولتيش لحد يجي  معايا كنت ببدل حاجة وأنت 

هشام : كنت هقابل واحد زميلي لو خلصتي ممكن نشرب حاجة مع بعض لحد ما صاحبي ييجي

تالا : معنديش مانع يلا

أحد الكافيهات

نرى تالا وهشام يجلسان على احد الطاولات ثم يقترب الجرسون ويضع الطلبات 

تالا : تعرف ان وشك فوچتونيك يعني هيبقى يجنن في الرسم لأن وشك منحوت 

هشام : يعني  هتتكرمي عليا وترسميني

تالا : وحالا كمان

تخرج من حقيبة ظهرها اسكتش وقلم رصاص و تبدأ برسمه و أثناء رسمها له كانت تركز جدا وتبتسم و كانت تظهر السعادة على ملامح هشام ، السعادة  التي في قلبه كانت أكبر رغم محاولاته إخفائها لكنه كان لا يعرف إخفاء حبه و دقات قلبه التي كانت تخفق كلما تنظر إليه بتلك العيون التي خطفته منذ  أن رآها أول  مرة  وتلك الابتسامة التي سحرته 

وبعد الانتهاء

تالا : ها ايه رأيك 

هشام :جميلة أوي و أجمل من الحقيقة  أنا عمر ماحد رسمني قبل كدة تسلم ايدك  

تالا : اوعدك انها مش هتكون آخر مرة

هشام : انتي مش جعانة

تالا : مش أوي 

هشام : بصراحة انا جعان. ممكن نتغدا سوى

تالا : اوك مافيش مانع طب وصاحبك

هشام : شكله مش جاي

تالا : اوك. اطلب الحساب

يأتي الجرسون ومعه شيك تخرج تالا و هشام الفلوس في وقت واحد

هشام : لا عيب ماينفعش

تالا : لا عادي مافيش بيننا الكلام ده 

هشام : تالا بعد إذنك شيلي فلوسك

تالا : اوك بس انا اللي هعزمك على الغدا

هشام : بصي النهارده انا هعزمك و انتي ابقي اعزميني في يوم تاني 

تالا : وعد؟ 

هشام : امم  

تالا : هههههههه هعتبرها ماشي

وبالفعل يدخلان أحد محلات البيتزا و يبدأو بتناول الطعام و هما. يتحدثان ويضحكان سويا 

هشام : أنا اكتشفت فيكي حاجات كتير النهارده  يا تالا 

تالا : وأنا كمان أنت طلعت دمك خفيف، بصراحة كنت فاكراك رخم لما كنت بتيجي تذاكر مع زياد كنت بتفضل ساكت عكس يوسف وفرح وهنا 

هشام : بتكسف شوية

تالا : لالا ما تتكسفش تاني.. يرن هاتفها لحظة هرد دي ماما .. الو. ايه  يا حبيبتى تمام اه رجعتها لا مجتش معايا عندها كورس. أنا قابلت هشام صاحب زياد اه. لسة معايا. بنتغدا سوا. الله يسلمك لا مش هتأخر. حاضر باي .. بتسلم عليك

هشام : الله يسلمها انا بحبها اوى هي ودكتور مروان واكتر شيء بيعجبني في علاقتهم إنه برغم فرق السن لكن علاقتهم جميلة جدا ماشاء الله 

تالا : ولو عرفت قصتهم هتحبها أكتر بس هحكي لك مرة تانية علشان لازم أروح عندي مذاكرة كتير

هشام : تمام 

أمام المول من الخارج يقف هشام وتالا ينتظران إحدى سيارات الاوبر 

تالا : اوبر وصل يلا سلام شكرا على البيتزا

هشام بتردد شديد : تالا ممكن رقمك يعني علشان اطمن إنك وصلتي

تالا : اه ماشي هات تليفونك. تاخذ هاتفه وتسجل رقمها. ابقى ابعتلي مسيدج علشان أسجل رقمك

هشام : تمام 

بقلمى ليلةعادل ♥️🌹✍️*

فيلا مروان وأميرة ٨م

تدخل تالا الفيلا كان في الهول منة المربية

تالا : داد ازيك. بابا وماما فين

منة : بغرفة tv 

تالا تمام هدخلهم

غرفةtv

تدخل تالا الغرفة كانت مروان وأميرة ويونس يجلسون على الأريكة بشاهدون أحد الأفلام الأجنبية وعلى الطاولة مسليات

تالا : مساء الخير

مروان : قلبي تعالي جنبي

تجلس تالا بجانبة وتقبله من خده

أميرة بغيرة : بقالكم سنة مشفتوش بعض

تالا : اشمعنا انتي وأبنك اللي يشوفكم بحسبكم مخطوبين 

مروان : فعلا وأنا ضرته

أميرة : دومي ده نور عيني

مروان : أمال أنا إيه 

أميرة : حياتي وروحي

يونس : استاذة جوليت استاذ روميو ممكن تسكتوا عايز اركز في الفيلم

مروان : إحنا آسفين يا يونس باشا

أميرة : ها عملتي إيه وايه ودا هشام المول

تالا:  رجعته وجبت ده . تطلع  البرفن من حقيبة ظهرها وتعطيه لأميرة

أميرة : اه أحلى فعلاً 

تالا: هشام كان مواعد صاحبه وصاحبه خلع

مروان : مين ده

يونس : ييو الصوت عايز أركز

مروان : يونس روح اتفرج فى اوضتك  ، ماما واختك بيتكلمو

يونس : طيب هآخد فيشار معايا

أميرة : خدو وقول لماريا تعمل تاني 

يونس : حاضر

مروان : بتتكلمو عن ايه 

أميرة : أصلها شافت هشام صدفة بالمول وقعدت معه

مروان : وتقعد معه ليه

تالا  : عادي 

مروان لا مش عادي لأنه  حد منعرفهوش هو مجرد صاحب اخوكي عيب تقعدي معه 

تالا : منا بقعد مع أمير 

مروان:  أمير يعتبر ابن عمك لكن هشام غريب

أميرة تغمز لها : هى مش هتعمل كدا تاني. هي حصلت صدفة والولد محترم يا مروان وبقالنا  ٣ سنين نعرفه

مروان : عارف أنه محترم بس هو صديق أخوها مينفعش تقعد معه لوحدهم 

أميرة : صدفة صدفة مش. هتتكرر

تالا : أنا هطلع اوضتي عندي مذاكرة كتير  بون نوي

مروان : تالا ياريت ده مايتكررش تاني عشان مزعلش وانتي عارفه زعلي  

تالا :  حاضر

بعد خروج تالا برة الغرفة تنظر أميرة لمروان

أميرة  : لية عملت كدا 

مروان:أميرة أنتي عارفة أنا ما بفهمش بحوار صحوبية بنت بولد  

  أميرة : هى مش مصاحبه بس حصل ده صدفة... وهشام إنسان محترم ونعرفه كويس شافته صدفة وسلمت عليه 

مروان بشدة و بمقاطعة : تسلم عليه وتمشي لكن أكتر من كدا لا 

أميرة :ما هي بتخرج مع اصحابها بالجامعة

مروان : ما بتخرجش لوحدها بيبقو مجموعة كبيرة وبتستأذن الأول ، وأنا عارفهم كلهم  ،وصحاب بنتك كلهم بنات ، أميرة الزمن ده غير زمنك ، الدنيا اتغيرت لازم ناخد بالنا لازم نشد عليها عشان ميحصلش شيء غلط

أميرة : أنا فهماك والله وحتى البنات والله بقوا زفت

مروان : أديكي قولتيها لازم ناخد بالنا منهم أكتر من كدة

أميرة : حاضر

بقلمى ليلةعادل ♥️🌹✍️*_

غرفه نوم تالا

نرى تالا تجلس بسرير ثم تسرح قليلا وتتذكر مقابلتها مع هشام وتبتسم ثم تخرج من حقيبة ظهرها الاسكتش وتنظر بالرسمة فهى معها نسخة اخرى من الرسمة تنظر وتبتسم يرن هاتفها رقم

تالا : الو 

هشام : وصلتي

تالا :اتش اه من بدري وأنت 

هشام : اه

تالا : حمد الله على السلامة أنا هسجل رقمك

هشام : تمام. سلام

تالا : سلام

هشام : تالا

تالا : نعم

هشام : شكرا علي الرسمة وشكرا لأنك قبلتي تقعدي معايا وناكل عيش وملح سوا..... سلام

تالا : سلام

شقة هشام ٩م

غرفة النوم

يغلق هشام هاتفه ويضعه على كومودينة كانت تجلس أمامه ليلة

ليلة : انا خايفة

هشام : ليه

ليلة:  مش شبهنا خلاص أنا روحت الفيلا دي أوضتها بس قد شقتنا

هشام : بلاش مبالغة

ليلة : الناس دي مش شبهنا، ولا كنا نحلم إننا نتعرف على حد زيهم ، ولولا ان ربنا كرمك بالمنحة دي مكنتش اتعرفت على أخوها 

هشام : بتحبطيني ليه 

ليلة : انا بفوقك ، تالا بنوتة جميلة جدا وطيبة ، أنا لما تقربت منها عرفتها كويس ، بس مستحيل دكتور مروان عزت ، يقبل إنك تتجوز بنته ، لأنك مش هتقدر توفرلها ربع الحياة اللي عيشاها متوجعش قلبك

هشام : قلبي اتوجع خلاص، خليكي بس واقفة جنبي 

ليلة : حاضر

فيلا مروان وأميرة ١٠م

غرفة نوم مروان وأميرة

تتمدد أميرة على السرير بجانب مروان وتضع رأسها على صدره و يحيط مروان ذراعيه حول رقبتها

ويلعب بشعرها 

أميرة :  النهارده كان مرهق أوي يوم كله محاضرات ضهري مكسر

مروان : انا عارف علاج حلو لتكسير الضهر

أميرة : ايه هو

مروان : هقول لك حالا

يعدل نفسه ويقترب منها ويقبلها و تبادله أميرة القبلة ثم يطرق الباب

اميرة : الباب بيخبط

مروان : سبيه سبيه

اميرة : ازاي يعني اوعى

تقوم أميرة لكي تفتح الباب كانت ترتدي قميص نوم أبيض 

مروان : البسي الروب

أميرة : اوففف يخرب بيت الغيرة المريضة دي

مروان : خليكي هفتح أنا 

يقوم مروان ويفتح الباب يجد آدم 

آدم : ماما فين

مروان : عايز إيه 

تقترب أميرة وهي تغلق الروب

اميرة : إيه يا آدم 

آدم : مافيش عايزك في كلمتين ينظر لها و يمسك أحد أكمام  الروب حلو الريش اللي لابساه ده وأبيض كمان 

مروان : اتأدب يا ولد

يقترب  آدم من أذنه ..أنا برضو اللي اتأدب ، مش كبرت أنت على إلحاجات دي ، وبقيت عظمة كبيرة ،اللي زيك يا حجوجا دلوقتي بيحجو

مروان : أنا مستعد اثبتلك اني مش عظمة كبيرة ، و اجيبلك أخ يربيك علشان أنا فشلت في تربيتك

آدم : لا اهدى يا مارو اوعى تتهور أنا مش هغير بمبرز على آخر الزمن

اميرة : انتو بتتودودو بتقولو إيه 

آدم : خليكي في حالك  بريشك ده. واحد و أبوه بيتكلمو.. ينظر لمروان ممكن اخدها شوية هرجعهالك ما تخافش أنا عارف إن النهارده الخميس .. يغمز له

مروان بشدة : أميرة خدي الواد ده وشوفي عايز إيه بدل ما أضربه

يقبله آدم من خده .. اهدى يا حجوجا ماتتعصبش العصبية غلط على اللي في سنك 

ينظر مروان له بضيق ويتركه ويدخل الغرفة

تنظر اميرة له. 

أميرة : يلا قدامي يا مروان يا صغير يلا 

اثناء سيرهم

أميرة : سبت كل حاجة من بابا وأخدت أوحش حاجة فيه

آدم : بصراحة عاذره أنا ابنك وبغير عليكي منه ههه يلا يا بطة... قدامي بريشك ده 

اميرة : يلا يا عديم التربية لما نشوف عايز إيه 

بقلمي ليلةعادل ♥️🌹✍️*_

غرفة آدم 

تجلس اميرة على السرير ويقف آدم  أمامها

أميرة : ها عايز إيه 

آدم : كل خير ماما أنا عايز اتجوز

أميرة :بذهول... تتت إيه 

آدم : يجلس بجانبها اتجوز. اتجوز يا ميرو وأجبلك حفيد ها إيه رأيك

أميرة :لا طبعا مش موافقة

آدم : ليه بس 

أميرة : لانكم لسه صغيرين جدا اخطب دلوقتي و بعد ما تتخرج نشوف

آدم : ده انتي كنتي  هتموتي وتتجوزي  بابا وانتي١٥سنة 

أميرة : وهو كان ٣٠سنة  يعني راجل ودكتور كبير  مش عيل

آدم : ماما أنا مش عيل وأقدر اتحمل المسئولية

أميرة : آدم صدقني الجواز حياة تانية خالص غير الارتباط والخطوبة و بعدين الفترة دي متقلبة ممكن بعد شوية تحس إنه مش هي دي البنت اللي تقدر تكمل معاها باقي عمرك  السن ده سن الاستكشاف .. استكشاف نفسك وتحقيق أحلامك  

آدم : ده في حالة اني كنت معجب لكن أنا بحبها بحبها يا ماما وعايز أحقق احلامي معاها واكتشف الدنيا و اتعلم معاها بعدين احنا دلوقتي هنعمل خطوبة والفرح في الصيف 

أميرة : طب سيبني أفكر و اتكلم مع بابا. أنت اتكلمت مع أدهم

آدم : ما أنا  سايب لك الطلعة دي انتي ونور وحمزة مع إنك لوحدك كفاية يا ميرو

أميرة : ههههه  ماشي تصبح على خير

غرفة نوم مروان وأميرة

تدخل أميرة الغرفة وهي تضحك  كان يجلس مروان على الاريكة ويشاهد التلفزيون وعندما يرى أميرة ينظر لها بابتسامة تجلس أميرة بجانبه وتانجكه وتنام على كتفه

اميرة بمزح : مبروك هتبقى جدو، جدو المز ههههههههه وأنا تيتا اللمضة

مروان. مش فاهم

أميرة :آدم عايز يتجوز

مروان  :كنت متوقع حاجة زي كدة

أميرة : شكلك موافق

مروان : اه ايه المشكلة بعدين إللي زي ابنك ده لازم يتجوز بسرعة لأنه شقي 

أميرة : أنا واثقة بتريبتي كويس  مستحيل آدم يعمل حاجة حرام ، بس عارفة أنا مش متخيله إن الولاد كبرو كدا. أنا لسه فاكرة شكلك وأنت هتموت وتسمع منهم كلمة  بابا و أول يوم مدرسة ليهم ييا السنين جريت بسرعة

فلاش باك قبل ١٩سنة 

غرفة  الأطفال 

نرى أميرة و أمل ومنه يجلسون  على الأرض يلعبون مع الأولاد  وأثناء لعبهم ينطق آدم بكلمة بابا

آدم : بابا

أميرة بتساع عينيها :آدم قولت ايه. تاني آدم 

آدم : بابا

تمسك أميرة  هاتفها بسرعة وتقوم بالاتصال بمروان 

كان مروان فى الجامعة يقوم بالقاء محاضرة

مروان : إيه يا حبيبي إيه احلفي أنا جاي لا جاي حالا

ينظر مروان للطلبة أنا آسف بس لازم أمشي إن شاء الله نكمل المحاضرة المرة الجاية

يدخل مروان الغرفة وهو يبدو على ملامحه وجهه السعادة والحماس  تلتفت له

أميرة : تعال يا مارو .تنظر إلى أدم..  آدم ده مين .. (لا يجيب ) أنت قولت ايه من شوية بابا ،( لا يجيب) آدم قول بابا

آدم : ماما  ينظر مروان بحزن ويتنفخ

أميرة: استنى. هيقولها دلوقت تاني. آدم  بابا   قول با با ..لا يجيب كادت الدموع تنزل من وجه مروان لكن فجأة ينطق  ادم

آدم : بابا

مروان بسعاده كادت ان تخرج من قلبه أنت قولت ايه تاني

آدم : بابا  

يحمله مروان ويقبله مرة أخرى ..تاني قول تاني أنا مين بابا قول أنا مين بابا

آدم : بابا ويقبل آدم  مروان من خديه يسعد مروان كثيرا ويضمة بقوة فهو لأول مرة يسمع تلك الكلمة،  من أبنائه ، فهو شعور جميل يتمناه كل إنسان أن يستمع لتلك الكلمة التي يهتز لها  القلب ينزل مروان آدم على الأرض و  ينظر لأميرة. هو زياد ما قلش حاجة

اميرة : تعال نجرب تحمل أميرة زياد. زياد قول بابا بابا

زياد : ماما 

مروان : بابا  يا حبيبي ، ب ب با بابا 

زياد : ماما

أميرة : ههه خلاص بلاش طمع

مروان : لا مصمم بقى ، قول مروان  م ر وان

زياد : مون

مروان : مون مون أي حاجة أنا موافق يضمه إلى قلبه

بقلمى ليلةعادل ♥️🌹✍️*_~

بعد مرور ٣ أعوام

أنجبت أميرة تالا   وأصبح زياد و آدم بعمر أربع أعوام وبلغت تالا عامها الأول

غرفه مروان وأميرة ١٠م

تجلس أميرة  على كرسي التسريحه وتقوم بتسريح شعرها المنسدل وهى ترتدي قميص نوم موف وفوقه  روب كان مروان يتمدد على السرير. ترش أميرة البرفن على جسدها ثم تقوم وتقترب من مروان وهى تبتسم

مروان : تعالي يا قطتي ، انتي وحشتيني أوي 

تفك أميرة رابط الروب وتقترب منه وتضمه يقوم مروان  بضمها وتقبيلها فى وجهها بأكمله ثم من شفتيها ويتبادلان القبلات بحب وعشق ، لكن نسمع  صوت أحد الأطفال يبكي

أميرة : أنا سمعه صوت عياط

مروان: هيسكت دلوقت 

يقبلها مرة أخرى لكن نسمع مرة أخرى صرخات. تدفعه أميرة برقه عنها استنى  بس  هسكته وأرجع. تقف وأثناء ارتدائها الروب

مروان بزهق وضيق : اوفف إيه الزهق ده أنا هجيب. بيبى ستر تاني عشان الأيام اللي هتبقى منه و أمل اجازة تقعد بيهم

أميرة : اهدى مش هتأخر

مروان : أنا جاي معاكي

يدخلان غرفة الاطفال 

يجدان  زياد يبكي و آدم مستيقظ

تحمل أميرة زياد ايه يا روحي بتعيط ليه

زياد : آدم آدم أخد  بوبو مني      (يقصدالدبوب)

أميرة :  أخذت بوبو منه ليه يا آدم 

آدم : أنا قولتله إني هلعب شوية وهدهوله تاني هو عيوطة

مروان : هو بردو اللي عيوطه ولا أنت اللي ضربته

آدم : زياد أنا ضربتك

زياد : لا أخد بوبو مني بس

مروان : العيال علمو عليا

أميرة : أنتم ايه إللي صحاكم نامو يلا 

آدم : احكيلي حدوده

مروان : أنا هحكيلكم حدوته ، يلا نامو

يحمل آدم وينيمو على سريره ثم ينام مروان وتضع أميرة زياد بجانبه  ويأخذهم بحضنه

أميرة : هستناك بالأوضة

مروان : متنميش عشان  مطلقيش

أميرة : هههههه هى وصلت للطلاق  قلبك أبيض يا دوك متتأخرش  

بعد مرور أكثر من ساعتين 

تخرج أميرة من الغرفة وتذهب الى غرفة الأولاد تجد مروان غلبه النوم و آدم وزياد  مازالو مستيقظين تضحك أميرة ويغمز لها زياد  تقترب من مروان وتقوم بإيقاظه .. مارو. حبيبى. ، يفتح مروان عينيه. ينظر لها

مروان : إيه ده أنا نمت

آدم : أنت روحت فى النوم  وعملت كدا  (ويقلد مروان)

مروان : أنت لسه صاحي

زياد :  وأنا كمان

مروان : ينظر مروان لاميرة هنقفلهم الشهر صح

أميرة : صح هههه تسمع صوت بكاء تالا..... والبرنسيس تالا صحيت 

مروان : طب عيشي مع ولادك وأنا هنام. وهكلم منير

مروان:  منير أنا جاي ولاغيت  الاجازة 

أميرة : صدقني هاعوضك هاعوضك كل اللي فات

مروان :  بقالي شهر بسمع الجملة  دي والله من بكره لجيب اتنين مساعدين مش واحدة 

أميرة : ههههههههه براحتك تصبح على خير

يقبلها مروان من جبينها قبلة طويلة  وانتي بخير يا حبيبي

يخرج مروان من الغرفة تقترب أميرة من سرير تالا وتحملها وتقبلها

بقلمى ليلةعادل ♥️🌹✍️*_~

ومرت السنوات سعيدة هانئة كنسمة عطرة في ليلة مقمرة حلا فيها السهر

في تلك السنوات نرى أحداث كثيرة و جميلة في ذات الوقت 

نرى علاقة مروان و أميرة التي تطورت بشكل رائع، فأصبح حبهما أقوى من قبل و وازداد تمسكهما ببعضهما ، ليس كما ظن خالد ، بأن هذا الحب سينتهي مع مرور السنوات ، و ستندم أميرة على زواجها منه بسبب فارق العمر ، بل حدث العكس ،فأميرة أصبحت أسعد إنسانة على وجه الأرض ، بوجود مروان في حياتها ، فهو دائما يعبر لها عن حبه  بكل الطرق الممكنة التى يعبر بها العاشق عن عشقه لحبيبته ، و كان يقف بجانبها و يدعمها دائما في حياتها العملية و الشخصية ، و كان يشاركها في كل شيء و يساعدهاا في تربية أطفالهما  و يدرس لهم ، وبرغم انشغالهم فى اعمالهم وتربية اطفالهم وزحمة الحياة التى تسرق مننا أجمل أيام العمر ، كان لابد ان يسرق مروان بعض الأوقات من الزمن يقضيها مع حبيبة روحه ، وبرغم كل ذلك ، كانت حياتهما  لا تخلو من بعض المناوشات بينهما منها الحادة بعض الشيء ، و منها الطريفة و منها التي كانت لا تستدعي الخناق ، و لكن جميعها كانت تمر مرور الكرام ، فحبهما لبعضهما قوي  جدا  أقوى من أي شيء يقضي عليه و كان يتغلب على كل شيء  .

ومن ناحية أخرى نرى شيء يصعب تصديقه

من كان يصدق أن مروان و خالد أصبحا قريبين من بعضهما لدرجة أن مروان يناديه بابا  وأصبح خالد يحب مروان وكان نادما على كل شيء قام به معه وطلب السماح من مروان وكان مروان كريمآ جدا معه فتقبل اعتذاره ونسي كل شيء حدث 

، ومن كان يصدق أيضاً بأن مروان وأميرة و أدهم و حنين  سيصبحون أصدقاء مقربين جدا في تلك السنوات  هذا بالإضافة إلى نور و حمزة اللذان كانا أصدقاء للطرفين منذ البداية ،عندما كان كل طرف بعيدا عن الطرف الآخر  ،كذلك أبنائهم أيضا  أصدقاء مقربين  يدرسون و يلعبون و يقضون وقتا طويلا سويا 

كمانرى أدهم أحب حنين فعلا و تناسى حبه لأميرة التي يحبها الآن حب أخوي  فحنين استطاعت أن تمتلك قلبه بحبها له و طيبتها و رقتها  و روحها الجميلة

فكم كانت تلك السنوات التي مرت جميلة وممتعة لكل شخصية في هذة الرواية ، فهم تخلصو من الشر و البذرة السامة التي كانت تغذيهم بسمها ، فاخيرٱ عاشت بطلتنا المجنونة تلك الحياة التي تمنتها وحلمت بها مع عشيقها ، الذى كانت تعشقه منذ نعومة أظفارها ، وتعلمت من عشقها له ماهو الحب 

كما عشق بطلنا  تلك الفتاة الشقية المتهورة العنيدة التي خطفت قلبه منذ رؤيته لها و تحديها له ، عشقها وأصبح متيم بها ، وأصبحت هي روحه وكل ما يمتكله في هذا العالم الكبير .

Back

غرفة نوم  مروان وأميرة 

مازالت أميرة تجلس على الأريكة وتسند رأسها على كتف مروان

مروان : ييا السنين عدت بسرعة يا ميرو ،لسه حاسس اننا يادوب بقالنا سنة متجوزين ، مشبعتش منك ،                 (يضع يده على خدها )نفسي أعيش معاكي ميت عمر فوق عمري تاني و بردو مش هيكفيني  لسة فاكر يوم ما دخلتي عليا الڤيلا وتحديتيني، بأنك هتقدري تغيريني ، وتخرجيني بره الصندوق إللي كنت حابس نفسي فيه ، وأنا مصدقتش ، بس انتي هزمتيني ، مش بس خليتني أتقبل وجودك في بيتي،  تؤ تؤ.. خلتيني أحبك ، خلتيني أندم على سنين عمري إللي ضاعت مني وأنتي مش ملكي 

تمسك اميرة يده وتنظر لعيونه بعيون مليئة بالدموع  تقبله من كفه 

أميرة : أنا بحبك أوي أوي وبموت فيك وبعشقك   تقبله من خده وتضمه يضمها مروان بشدة ويمرر يده  على شعرها ويقبلها من  رأسها بحب

أحد الكافيهات على النيل ٤ م

يجلس منير ومروان على إحدى الترابيزات بالقرب من النيل 

مروان : أنا مستني لما ييجي يفاتحني هو بالموضوع الأول 

منير : مروان  آدم شقي ، مش زي زياد معتقدش أنه يقدر يتحمل مسؤلية زي دي دلوقتي 

مروان : أنا عايز أفهمه إني مش على طول بأعترض على كل شيء بيختاره، لأنه فكرني بكرهه ، كمان  نفسي أفرح بالأولاد وهما متجوزين وأشوفهم كدا وأفرح بيهم قبل ما أموت 

منير : أنت بقيت نكدي أوي أنت محتاج تدلع أميرة سيباك كدة إزاي

مروان : ماأنا مش بتكلم قصدها كدة ، لإنها بتزعل  ، دي مرة فضلت يومين بحالهم متردش عليا، وتنام بآخر السرير ، كنت هتجنن عشان ترد عليا وتنام  بحضني  ، مكنتش عايزة تصلحني ، فين وفين لما حنت عليا وكلمتني ، من وقتها وأنا عهدت نفسي مش هكلمها تاني بموضوع الموت ده

منير : ربنا يديك الصحة وطولت العمر يا حبيبي ،وإن شاءالله هتفرح بيهم  وبأولادهم كمان ، بس بلاش جواز دلوقت ممكن بعد تخرجه على طول

مروان :  سبحان الله اللي بيتكلم ده كان متجوز وهو برابعة كلية

منير : وندمت  حسيت إني استعجلت. وأبنك شقي ، أنا معنديش اعتراض أنه يتجوز ، الجواز عفة ليه ولأي شاب، من أي شيء حرام ، لكن آدم شقي مش طلعلك عاقل وبيتحمل مسؤولية ، خايف يندم ويبقى مضطر يكمل عشان الولاد بس 

مروان : بس آدم. بيحب كارما بجد هو شقي بس بسكة البنات لأ

منير : المشاعر بالعمر ده متقلبة 

مروان : وأنا بأكدلك أنه بيحبها بجد

منير : بص خليه يخطب دلوقت ، ووصله انك معندكش اعتراض، عشان تصلح علاقتك بيه بعد مشكلة السجائر ، وكلم أدهم يخلي الاعتراض من عنده ، وخلال فترة الخطوبة، تشوف علاقتهم  وتحللها ،ولو تمام ، ممكن على سنة التخرج تجوزه

مروان :طول عمرك. البوصلة بتعتي إللي بتعرفني وتنور ليا  طريقي 

منير : مروان  أنت مش صحبي أنت أخويا وعشرة عمري أنا عشت معاك أكتر من أهلي ومن مراتي وولادي

مروان : ربنا يخليك ليا يا حبيبي 

يرن هاتف مروان المتصل يونس .. الفاقد التاني بيتصل

منير معرفش طلعين لمين  ينظر مروان لمنير ويبتسم كأنه يقول له يعني مش عارف لمين يضحك منير 

الو ايه يا حبيبي آه  مع عمك منير فى حاجة آه معلش متزعلش. حاضر هاجي  خلاص متتعصبش هي ماما فين  طيب حاضر. حاضر سلام

يغلق مروان هاتفه ويعد 

١٢٣٤٥٦٧٨٩١٠ يرن  هاتفه

مروان : الو إيه يا حبيبتي. ايه اهدي بس مش فاهم حاجة آدم ويونس آه  آه طيب أنا جاي لا مترمهمش من الشباك أنا جاي حاضر.... سلام

منير : هههههه إيه اللي حصل

مروان : آدم العاقل عامل عقله بعقل أخوه أخد بلايستشن من يونس ومش عايز يدهوله عشان يونس أخد تليفون الباشا وخلصله شحنه على لعبة  وتخنقوا سوى وخربيت الدنيا أميرة مش قادرة عليهم

منير :  يونس بردو مجنن ليان بتمرين التنس

مروان : أنا مش عايز أتكلم بنتك ضربته و وراني الضربة

منير : هههههه تربيتي طب بقولك إيه  هتيجي امتى معايا  لأن حبيبة  جاية النهاردة

مروان : بس بقى يا منير عشان أنا متضايق ، كل متقولها سلمي على جدو تقولك لا ده صغير  ده قد بابا  ،  وشكلى بيبقي وحش

منير : اصبغ شعرك أبيض منه تكبر.. ومنه وقار بردو ، بدل ما أنت متقمص أحمد عز وعمرو دياب فى نفسك كده وآخرك ٤٥سنة كدة يابني دول بيفتكروني أبوك أو أخوك الكبير أوي وهي حتة سنة يتيمة اللي فرق 

مروان : تفتكر لو. صبغت شعري أبيض هاقنع 

منير بمزح : والله أنا خايف البنات تحبك أكتر،  ويقوله. عشقت ذلك الشايب الذي خطف قلبي عندما رأيت تلك الذقن البيضاء وذلك الشعر الأبيض الذي سحرني 

مروان : ههههههههههه لو سمحت أنا محدش يغازلني إلا أميرتي 

منير : طب يلا بينا يا دك

يضحكان بصوت عالى

بقلمى ليلةعادل ♥️🌹✍️*

نادي  الجزيرة ٤م

نرى تالا ورغد وعمر. و أمير يجلسون على إحدى الطاولات وكان عليها عصير

أمير : احنا مستنين مين

تالا : ليلة واتش

عمر : رغد ما تيجي نتمشى شوية سوا لحد ما ييجو

رغد : اوك. 

يرحلان  سويا ،وأثناء سيرهم في النادي  يتحدث عمر معها

عمر : ليه مش عايزة تديني فرصة 

رغد : تقف وتنظر له.مش حابة أخسرك يا عمر

عمر : في حد تاني

رغد : تبتلع ريقها يعني

عمر : اممم فهمت عموما أنا مستني عندي أمل إنك ليا مش ليه

رغد تبتسم  : أكتر شيء بحبه فيك ثقتك في نفسك

يسيران إلى الطاولة

نرى هشام وليلة يقتربان من الطاولة  وكانت تالا تضحك مع أمير وأثناء اقتراب ليلة وهشام من الطاوله.... يتحدثان

ليلة : أنت تعرف أمير 

هشام : اممم عارفه انا نفسي أفهم عجبها فيه إيه ، ده أصغر منها

ليلة : بسنة

هشام : طفل... بقولك هو في حاجة من نحيته

ليلة : تؤ معجب في واحدة معه بالمدرسة ، بقولك أنا فهمتك تالا هوائية جداً... أنت حاول تحتويها لو عايز تفوز بيها

هشام : ماشي

يصلان  الطاولة تقف تالا وأمير لاستقبالهم... تضم تالا ليلة

تالا : لولي عاملة ايه

ليلة : تمام يا توتا

أمير : ازيك يا هشام

هشام : تمام وأنت 

أمير.. تمام

ليلة : أمال فين ميرا

أمير : عندها درس 

هشام : عامله إيه يا توتا

تالا : تمام خلعت أنت هشكيك لأختك.... بصي يا بنتي قولتله تعال مع زياد أرسمك  لأن ملامح اخوكي دي حلوة جداً بالرسم كنت هرسمه   على جنيه  مجاش

هشام : ما أنا فهمتك على الوتس اني عندى أبحاث 

تالا : عموما. احنا عندنا نفس التقفيل بتاعك... فرسمت  مصطفى

ليلة : معلش لأنكم كتير مصطفى ده ابن ياسمين الصغير

تالا : صح

اقعدو 

هشام : عمر فين 

تالا :  بيتمشى هو رغد

أمير:  بنبونيتي 

تالا : نعم

امير : هامشي أنا عشان عندي مذاكره مش عايز وجع دماغ من حنين

تالا : ماشي

هشام : أيوه خد بالك من دروسك

أمير :دعواتك لأني نفسي أدخل طب قولي لرغد اني مشيت  سلام 

ليلة : هعمل فون وأرجع  تغمز لهشام

هشام : بتحبيه عشان بيقولك بنبونيتى

تالا : ليلة حكتلك

هشام : آسف. يعني اني بدخل بس استغرب

 تالا بضحك : لا عادي أنا بدأت اتراجع اصلا

هشام : أيوه تراجعي تراجعي  رايحة تحبي واحد في المدرسة 

تالا : على فكرة أنا أكبر بسنة واحده  مش كتير

هشام : مستعجلة على الارتباط ليه 

تالا : كل أصحابي بيحبو وبيتحبو حتى اخواتي ده يونس الصغير بيحب ليان بنت انكل منير وأنا محدش حبني قبل كدة ولا أعجب بيا حتى بالجامعة  هو أنا وحشة

هشام : قولتلك قبل كدة إنك زي القمر

تالا : اه صح  وبرنسيس

هشام : لأنك فعلا برنسيس

ينظر  لها بابتسامة... تخجل تالا وتنظر في الارض

هشام : هو كدة خلاص  هتحرميني من شرف رسمك ليا

تالا : اه لأني زعلانة 

هشام : أصالحك ازاي

تشاور تالا باصبعها على راسها كي يفكر  :  فكر 

هشام : ممم  أجبلك ايس كريم

تالا : مابتصلحش أنا  بالكلام ده اعزمني على بيتزا

هشام : أحلى بيتزا بجد.... أنا حاليا فاضي ها

تالا:  خلاص تعال بكرة الكلية و أرسمك

هشام : اتفقنا

تالا : اممم  كلم عمر بقى ييجي عشان نمشي 

اليوم التالي

الجامعة الأمريكية ١٠ص

كلية الفنون الجميلة

نرى  تالا تجلس مع مجموعة من أصدقائها وتضحك معهم و عند اقتراب هشام كانت تالا تضرب كف على كف مع أحد أصدقائها لكن هذا الشيء أثار غيرة هشام وأثار حفيظته  حتى ظهر هذا على ملامحه ،نرى تالا تركض عليه بابتسامة 

تالا : اتش  

هشام : مين ده اللي كنتي قاعدة جنبه

تالا : ده حسين

هشام : مين حسين 

تال : زميلي أنت بتسأل ليه

هشام ؛ شكلكم واخدين على بعض أوي 

تالا : لا خالص

هشام : أمال لو واخدين كنتي عملتي ايه

تالا : أنت بتتكلم معايا كدة ليه 

هشام : ازاي 

تالا بشدة  : هشام 

يصمت هشام قليلا و يبدأ بتمالك نفسه و يبتلع ريقه

هشام : آسف... آسف جداً أصل عندي مشكلة مش قادر أفصل

تالا : خير ، تعال نقعد بالكافيتريا واحكيلي

هشام : لا هامشي

تالا : لا خليك

هشام  :دمي هيبقى تقيل متزعليش هنظبط يوم تاني

تالا  : اوك  سلام

هشام : سلام

يرحل هشام وهو منزعج من نفسه بشكل شديد فهو أصبح لا يقدر على امتلاك نفسه ومشاعره وغيرته بعد الآن فأصبح حبه خارج عن السيطرة 

فيلا مروان وأميرة ٨م 

الحديقة

نرى ليلة تجلس كانت أمامها تالا وتقوم برسمها فى لوحة

تالا.. خلصت. تسير ليلة وتقترب منها وتنظر فى اللوحة 

ليلة.  تصفر تحفة

تالا :المرة الجاية هرسمك بألوان مائية

ليلة : طب أنا لازم أمشي الوقت أتأخر

تالا : ما تباتي معايا ماما بايتة عند خالتو  نور وبابا أخد انكل منير وسافرو   

ليلة : مرة تانية مش هقدر عشان يزل

تالا : آه صحيح نسيت هاتيه معاكي نفسي أشوفه

ليلة : حاضر

تالا : استني هكلم السواق يوصلك

يدخل  زياد عليهم

زياد : مساء الخير. ازيك يا ليلة

ليلة : تمام

تالا : كويس إنك جيت عشان  توصل ليلة

ليلة : مش عايزة أتعبه 

زياد : مافيش تعب اتفضلي

وبالفعل يركبان السيارة  ولكن اثناء  سير السيارة .....

استوووب

الى اللقاء في الحلقة القادمة من الحلقات الخاصة من رواية الأعمى

أتمنى تكون حلقة النهارده عجبتكم  🥰🥰

#الأعمى

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا