رواية اعمي ولكن الفصل الخامس والسادس والسابع والثامن بقلم اسراء محمود
رواية اعمي ولكن الفصل الخامس والسادس والسابع والثامن بقلم اسراء محمود
اعمي ولكن
الفصل من ٥ الي ٦
للكاتبة اسراء محمود
#الفصل_٥
الفصل الخامس
"أشعر بالخوف...والتردد ..أشعر وكأني في دوامه ليس لها نهايه ...خائفه من ان اقع في حبك ..واصاب بالألم والوجع منك ..أصبحت تائهه في مشاعري ...مبعثرة من الداخل ..قلبي يقول لي لا تبتعدي ..وعقلي يقول لي لقد اتخذتي القرار الصائب."
في الصباح الباكر استيقظت ليان علي صوت الهاتف .
ليان ..الو يا ندي .
ندي ..انتي لسه نايمه من امتي الكسل دا .
ليان بتعب ..معلش يا ندي راحت عليا نومه .
ندي..احم مع اني مش مقتنعه بكلامك بس ماشي المهم هنروح انهاردة الجمعيه صح .
ليان ببرود..لا .
ندي بدهشه..لا ...لا ..ليه .
ليان بوجع ..مش لازم اروح يعني كل يوم مش مدرسه هي .
ندي بصدمه ..لا ..انتي كدا فيكي حاجه فعلا ..ديه مش طبيعتك..انتي دايما بتحبي تروحي هناك وتابعي كل حاجه بنفسك .
ليان ببرود..لا خلاص من هنا ورايح مش هروح كتير .
ندي ..بس انهاردة المفروض عندنا معاد مع مدام سما " والدة أدهم "
ليان بتذكر ..اه صح افتكرت ..قابليها انتي .
ندي ..طيب يا ليان هروح انا بس بعد كدا هجيلك واشوف فيكي ايه .
ليان ..اوك .
ندي ..سلام .
ليان ..سلام .
أغلقت ليان الهاتف واتجهت نحو خزانتها وأبدلت ملابسها ونزلت درجات السلم برشاقه .
ليان ..داده .... يا ...داده.
الدادة ..نعم يا ليان .
ليان ..جهزي اكل لبابا وهدوم علشان هروحله كمان شويه .
الدادة..حاضر يا ليان نص ساعه ويكون كل حاجه جهزه.
ليان ..تمام يا داده .
اتجهت ليان الي حديقه المنزل واخذت تحدث نفسها .
ليان ..لحد امتي هيفضل الخوف محوطك لحد امتي هتفضلي خايفه وبتهربي الحب اصعب حاجه ممكن تعدي علي الإنسان لأن مش سهل ان انا اثق في حد واتخذل وفي اول موقف يبعد ويسبني وانا بس اللي اتوجع...
ثم أكملت...مش ممكن يكون بيحبك ..يحبني ازاي واحد ميعرفنيش غير من كام يوم هيحبني ازاي ...بس هو حضني ...هو علشان حضنك يبقا بيحبك ...هو كان علشان يديكي قوة و بس...بلاش تخدعي نفسك ..وكويس اني خدت قرار البعد دا وارجع تاني لحياتي القديمه انا مش قد الحب ولا قد وجعه .
"طبعا يا بنات انا مش مع حل اننا نهرب من اي حاجه لا احنا المفروض نواجهه حتي لو هنتعب بس هنتعلم من غلطنا طول ما احنا بنهرب حتي لو هو كان الشخص الصح هيضيع من ايدينا "
في المشفي عند عاصم والد ليان .
استيقظ علي صوت فتح الباب ودلوف شخص الغرفه اعتقد انها ابنته وجه وجهه نحو الباب ولكن كانت الصدمه الكبيره عندما رأي رجل ملثم يتضح عليه الشر والحقد .
عاصم بخوف ..انت مين وايه اللي جابك هنا .
الشخص..الرئيس بعتني ليك وبيقولك بلاش تفكر كتير ونفذ اللي أطلب منك وإلا المره اللي جايه هيبعتلك صور بنتك وهي مقتوله وسايحه في دمها .
عاصم بخوف ورجاء ..لا كله الا بنتي هي ملهاش ذنب وانا خلاص اتعلمت وهنفذ آخر الشهر زي ما اتفقت معاه .
الشخص ..ايوة كدا برافو عليك طول ما انت بتنفذ كلامنا مش هنيجي جمب القطه .
ابتلع عاصم ريقه بخوف وتركه الرجل الملثم واتجه إلي الخارج .
عاصم بخوف..انا اسف يا بنتي لازم اخون ثقتك فيا علشان اعرف احافظ عليكي مهما كلفني الأمر.
في الجمعيه :
كان يامن يجلس في الحديقه ينتظر ليان بشوق فهو قد اشتاق إليها كثيرا يريد انا يأخذها في احضانه وينسي معادها كل همومه يأخذها في جوله يعلمها أصول العشق وما معناه .
قطع وصلة تفكيره عندما سمع صوت ندي وهي تدلف الي الداخل ويركض نحوها الأطفال.
ادهم ..فين لي لي هي مجاتش معاكي.
ندي ..ايوة مجاتش معلش هي تعبانه شويه هتيجي ان شاء الله المره اللي جايه .
ساره بحزن ..يعني كدا محدش هيحكلنا قصه انهاردة.
ندي ..خلاص انا ممكن احكلكم بس الاول نقعد نذاكر في الكتب اللي لي لي جبتهم ليكم علشان الامتحانات قربت وكمان علشان لي لي متزعلش منكم ولا انتوا عايزنها تزعل .
الأطفال..لا طبعا احنا بنحبها ومش ممكن نزعلها ابدا هنروح نذاكر بسرعه .
وركضوا الي الداخل .
اقترب يامن من ندي وهو حزين فاقد اشتاق الي محبوبته .
يامن ..هي ليان مالها مجاتش ليه ؟؟
ندي ..هتروح تزور باباها انهاردة علشان كدا مجاتش .
يامن بتوتر ..طيب ممكن رقمها ..علشان اتصل اطمن عليها ...قصدي علي باباها .
ندي وهي تحاول ان تكتم ضحكتها ..اه طبعا هات تليفونك علشان اسجله .
اخرج لها الهاتف وكتبت له الرقم واعطته التيليفون مره اخري .
ندي ..بص انا سجلتها ليان علشان لما تيجي تتصل بيها.
يامن ..شكرا جدا .
ندي..العفو يا سيدي احنا دايما في الخدمه .
وتركته ندي واتجهت نحو المكتب والقت التحيه علي سما .
ندي ..اهلا مدام سما .
سما ..ممكن تقوليلي سما بس ايه مدام ديه فرق السن بنا قليل اووي .
ندي وهي تضحك ..طبعا خلاص سما بس .
سما ..بصي انا كونت عايزة اعرف حالة ابني ممكن يسافر امتي يتعالج لان كذا دكتور قالي التأخير مش في مصلحتنا .
ندي ..بصي يا سمسوم اولا ملف أدهم مش مكتمل يعني معرفتش ايه سبب الحادث .
سما بوجع وتأثر..حاضر هحكيلك
تذكرت سما معانتها مع زوجها السابق
سما ..من 8 سنين كونت لسه صغيره كان عندي 19 سنه واقتها كونت لسه ببدأ حياتي وزي زي اي بنت كونت بحلم باليوم اللي ادخل الجامعه واقابل فارس احلامي هناك ونخبط في بعض والكتب تقع وننزل نلمها ونعيش بقا حياه سعيده ومليانه حب وفعلا دخلت الجامعه وحبيت المعيد بتاعي بسبب اهتمامه بيا الزيادة وقربه ليا وجه اتقدم وطبعا انا كونت شيفاه ايه حاجه كدا مفيش منها اتنين معاه عربيه وعنده شقه في مكان كويس ومرتبه كبير وطبعا كان اهم حاجه عندي اني اهرب من تحكمات اهلي واعيش حياتي مكونتش اعرف اني بدخل علي عذاب ملهوش اول من آخر بس اهلي كانوا رافضين لما جه اتقدم وانا وقفت قصادهم وعاندت معاهم وفي الاخر وافقوا اجوزنا بسرعه جدا من غير ما نتعرف علي بعض كويس بعد الجواز عشت اسود ايامي من اول ما اتقفل علينا باب واحد يومها مفكرش اني معرفهوش كويس واني لسه صغيره وان دماغي مش متفتحه اووي ولما لقا مني رفض واني مش قبله انه يلمسني اتهجم عليا وخد كل اللي هو عايزة غصب حصلي نزيف ساعتها وجري بيا علي المستشفي لما روحت معاه فضل يشتم فيا ويقولي انتي كدا هتفضحيني وبعدين اكتشفت انه سادي كان دايما بيمد ايدوا عليا وكل حاجه بالعنف كأني جاريه عندوا ....مفيش شهرين وعرفت اني حامل ساعتها الدكتوره قالت ان الحمل ضعيف وان انا صغيره وصحتي مش كويسه والمفروض ارتاح فامنعت ان يحصل علاقه زوجيه بنا ...في الاول حاول معايا انه يطنش كلام الدكتوره بس لما مسكت السكينه وهددته اني هموت نفسي لو قرب مني سابني بس قالي متجيش تندمي بعد كدا ... بقا يجيب كل يوم واحده ست البيت وبقيت بشوف مناظر قذرة واصوات وكلام مش كويس ....أكملت بنهيار ..بعدها خلفت ادهم افتكرت هيفرح بيه ويبطل اللي كان بيعملوا فيا بس لا دا حتي مرضاش ياخده في حضنه مقاليش غير كلمه واحده..مبروك عليكي انتي وهو العذاب اللي جي
مع مرور الوقت وادهم بيكبر وانا كل يوم بعاني من ضرب وشتيمه وعنف ولما ادهم بدا يفهم بقا بيضربه علي اقل حاجه يحرمه من اي وسيله من وسائل الترفيه واخد كل الألعاب بتاعت ادهم ورمها....واول ما ادهم تم الاربع سنين قالنا تعالوا اخرجكم كونت مستغربه من امتي وهو حنين كدا خرجنا معاه وركبنا العربيه بعدها بشويه قالي ..جاهزه انتي وابنك للموت اصل انا زهقت منكم وقررت اني اخلص منكم علشان اجيب غيركم بقا
اتصدمت من الكلام وكل اللي جه في دماغي اني امسك ايديه هو كمان قبل ما ينط من العربيه ويسبنا فيها وبقيت بقوله زي المجنونه ..لو هنموت تموت معانا مش هسمح ليك انك تعمل كدا في حد تاني مش هسمحلك ...العربيه اتقلبت وكلنا اتنقلنا للمستشفي ادهم كان ازاز العربيه دخل في عنيه سببله العماء دا وجوزى مات انما انا فضلت فتره كبيره عندي كسور في جسمي اقعدت سنه بتعالج منها ومع العلاج الطبيعي بقيت احسن ومن ساعتها وانا عايشه اربي ابني وبس .
ندي بحزن ودموع ..ممكن تهدي يا سمسمه دا واحد معندهوش قلب ولا رحمه كل الرجاله كدا .
سما ..بلاش تظلمي الرجاله كلهم دا اسمه عدم اختيار صح انا مفكرتش ولا اتعرفت عليه لو كونت خدت فتره تعارف او كونت فكرت بعقلي كويس مكانش حصلي كدا بس في الاخر الحمد لله اهو ربنا اداني اكتر واحسن نعمه وهو ادهم .
ندي..ربنا يخليه ليكي عموما انا هكلم ليان علي الموضوع وهي أن شاء الله هتسافروا قريب .
سما بفرحه ..مش عارفة اشكركم ازاي .
ندي ..عايزة تشكريني بجد تكوني الصديقه التالته لينا .
سما ..دا انا ليا الشرف .
ندي..خلاص هاتي رقمك بقا وهكلمك بليل نرغي بقا يا اوختشي .
سما وهي بتضحك..شكلك مسخره .
ندي .. جدا جدا انتي لسه شوفتي حاجه .
سما ..انا بحب كدا جدا .
اعطتها سما رقم الهاتف والقت عليها التحيه وذهبت .
بعد فتره قصيره اتجهت ندي الي غرفه الأطفال.
ندي بحماس..يلا جاهزين للحدوته.
الأطفال بحماس ..ايوة جاهزين .
في نفس الوقت وصل جاسم هو وصديقه مازن الي الجمعيه .
جاسم ..بقولك ايه يامن اقاعد هناك اهو روح اقعد معاه عقبال ما اروح اشوف أمنا الغوله فين .
مازن وهو بيضحك ..أمنا الغوله مين .
جاسم ..ملكش فيه انت بس .
مازن..طيب ارحم شويه علشان صحتك .
جاسم..ملكش دعوه انا لسه شباب روح انت للكئيب اللي هناك دا انتوا الاتنين شبه بعض اصلا .
مازن ..طيب يا اخويا تشكر .
واتجهه مازن وجلس بجوار يامن وأخذوا يتحدثون بينما اتجه جاسم الي غرفه الأطفال واستمع إلي حديث ندي وهي تروي لهم الحدوته.
ندي ..كان ياما كان يا ساده يا كرام ما يحلاء الكلام الا بذكر النبي عليه افضل الصلاه والسلام .
الأطفال..عليه افضل الصلاه والسلام .
ندي..كان في زمان راجل طيب اسمه عبد الله الراجل دا كان فقير جدا معندهوش حتي اكل يأكله كان كل يوم يقعد يدعي ربنا انه يرزقه بحتة رقاق.
ادهم ..رقاق بس يا ميس .
ندي ..ايوة رقاق بس لانه كان راجل فقير ومش طماع.
سارة ..وبعدين يا ميس .
ندي..وبعدين ربنا كان بيبعتله كل يوم حد يديلوا الرقاق دا كان بياكله وبيشكر ربنا علي نعمته عدت الايام وكل يوم ربنا بيبعتله اللي يديلوا الرقاق دا ولما ربنا لقاه رجل صابر وبيشكره علي اقل حاجه رزقه بشغل كويس وفلوس كتير ساعتها الراجل اول حاجه فكر فيها انه يسافر يعمل عمره بالفلوس ديه .
ساره ..الله يا ميس وبعدين .
ندي ..عبد الله خد الفلوس وراح علشان يديها لصحابوا علشان يسافر معاهم وهو في الطريق لقا ست كبيره وشكلها مبهدل شويه وبدور في الزباله وبتاخد منها الحيوانات والطيور الميته عبد الله اتصدم ووقف يسألها بتاخدي الحاجات ديه ليه قالتلوا ملكش دعوه وسبني في حالي قالها يعني ايه مليش دعوه هتاخدي الحيوانات ديه ليه قالتلوا علشان اكل عيالي عبد الله اتصدم قالها هتاكلي عيالك طيور ميته دا ربنا قال حرام قالتلوا يعني اسرق علشان اكلهم انا بجري علي اربع أيتام هعمل ايه ساعتها وقف يفكر شويه يديها الفلوس بتاعت العمره تجيب بيهم اكل لعيالها ولا يسافر يزور بيت ربنا .
ادهم ..وهو اختار ايه يا ميس .
ندي ..تفتكر اختار ايه .
صمت ادهم ليفكر ولكن قطعه صوت جاسم وهو يقول ..هيختار يدي الفلوس لست الغلبانه لانه اتحط في الموقف دا قبل كدا واكيد حاسس بشعورهم.
ندي توترت بعض الشئ ..صح اكمل ولا مش حلوة .
الأطفال بحماس ..لا حلوة اووي كملي .
ندي ..فعلا عبد الله ادي لست الفلوس وراح لصحابوا وقالهم انه مش هيسافر معاهم ولو ربنا كاتبله يسافر السنه اللي جايه يبقا يسافر وروح البيت وهو زعلان انه مراحش زار بيت ربنا ونام عبد الله يعدي الايام ويرجع صحاب عبد الله من السفر راح علشان يهنيهم ويقعد معاهم لقا صحابوا كلهم مش بيكلموه ومش عايزين يقعدوا معاه هو استغرب اووي ليه بيتعاملوا معاه كدا فسألهم ايه اللي حصل قالولوا احنا مش هنكلمك تاني علشان انت شكلك مستعر مننا قالهم انا ليه قالولوا قول لينا تفسير انك تقولنا مش هسافر معاكم ونروح هناك ونلاقيك بتخطب خطبه الجمعه هناك وبتصلي بناس هناك
قالهم انا قالولوا اه كونت واقف هناك بتصلي بينا كونت انت الإمام عبد الله بقا مندهش ويحلف ليهم انه مسافرش وان اكيد دا شخص شبه بس صحابوا كانوا متاكدين انه هو روح عبد الله وهو مستغرب ونام شاف ملاك جي بيكلمه وبيقولوا انت اكتبلك 100 عمره وان روحوا هي اللي كانت هناك مش جسمه صحي عبد الله وهو فرحان وبكاء من كتر رحمه ربنا بعباده وتوته توته خلصت الحدوته حلوة ولا وحشه بقا .
الأطفال كلهم بتأثر ..حلوة اووي يا ميس .
ادهم..انا بعد كدا هساعد اي فقير وهقول لماما تعمل كدا علشان ربنا يحبني ويكرمني زي عبد الله .
ساره ..وانا كمان هعمل كدا .
ندي وهي بتبوسهم... وانا هديكم بوسه كبيره علشان انتوا حلوين اووي .
اقترب جاسم من ندي ..حلوة اووي مكونتش اعرف انك بتعرفي تقولي حواديت حلوة كدا .
ندي باستفزاز..مخدتش رايك علي فكره .
جاسم ..مستفزة .
ندي..بارد ومغرور.
جاسم ..بت اتلمي بدل ما اضربك رصاصه تخلص عليكي ونخلص منك .
ندي ..وانت اسكت بدل ما اديك بوكس تروح فيها وخاف مني علشان بضرب كويس .
جاسم بتحدي..طيب تيجي نلعب بوكسينج ضدد بعض ونشوف مين اللي هيكسب واللي هيكسب هيعزم التاني علي خروجه.
ندي ..اشطا موافقه .
جاسم ..يلا علي النادي .
ندي ..يلا .
ارسلت ندي لليان بانها سوف تتأخر عليها اليوم.
عند ليان كانت تركب السياره متجهها الي المشفي سمعت صوت الرساله وبدأت في قرأتها بملل بعد قليل توقفت ليان ونزلت من السياره واتجهت الي الطبيب المعالج لحالة والدها .
ليان ..حالة بابا عامله ايه انهاردة .
الدكتور ..كل حاجه كانت كويسه لكن من ساعه جالوا ضيق تنفس مفاجأه وعلقنا ليه جلسه اوكسجين بس الحمد لله لحقنا الموضوع وهو دلوقتي كويس.
ليان ..ليه هو في حد زعله أو جالوا تليفون من الشغل .
الدكتور ..الصراحه معرفش بس الممرضه قالت محدش زاره انهاردة .
ليان ..تمام شكرا لحضرتك.
واتجهت ليان الي غرفه والدها .
ليان بقلق ..بابا مالك عرفت انك تعبت انهاردة .
عاصم..لا متخافيش ابوكي بسبع أرواح بس انا زهقت من هنا وعايز اخرج بقا .
ليان..بس انت لسه تعبان.
عاصم ..هبقا كويس لما اخرج .
ليان..هاخد إذن من الدكتور بكرا ونخرج.
عاصم ..تمام ...مالك يا ليان حاسك مش كويسه وعنيكي وارمه كأنك كونتي بتعيطي طول الليل .
ليان ..متشغلش بالك انت يا حبيبي انا كويسه بس علشان انت بعيد عني مش بنام كويس .
عاصم بشك ..متأكده ان دا بس اللي مزعلك .
ليان ..ايوة بس .
عاصم ..لو عايزة فلوس يا ليان للجمعيه يا بنتي قوليلي .
ليان في سرها..ياريت كانت المسأله مسألة فلوس كانت اتحلت.
ليان ..لا يا حبيبي انت عارف اني لو احتاجت اكيد هقولك ربنا يخليك ليا .
عاصم وهو ياخذها في احضانه..ويخليكي ليا يا حبيبتي.
بعد قليل ذهبت ليان الي المنزل وجلست تفكر في يامن حتي غفت.
عند يامن ومازن كانا يجلسان يتحدثان في أمور مختلفه حتي توقف مازن فجأه عن الحديث وهو يري حوريه جميله ترتدي بنطال اسود وبلوزة من اللون الابيض وتترك لشعرها العنان ثم اقتربت من طفل صغير كفيف واخذته في احضانها .
يامن ..انت ياض روحت فين ايه سبتني ومشيت .
مازن ..لا متخافش موجود بس انت مش شايف اللي انا شايفه احمد ربنا انك اعمي .
يامن ..شايف ايه .
مازن بهيام ..شايف واحده من الحور العين هييييييييييييح .
يامن ..هي وصلت لهيييييح كمان .
مازن ..بس ديه جايه علينا ادعيلي اعرف اظبطها.
يامن ..حسبي الله ونعمه الوكيل فيك يا جاسم عديت الواد تعالا هنا ياض هتبوظ الدنيا وهنطرد كلنا من هنا .
ولكن لا حياه لمن تنادي فلقد اتجهه مازن نحو سما .
مازن ببلاهه..ممكن نتعرف يا قمر.
سما بصدمه ..نعم .
مازن ..مش مرتبط علي فكره .
سما بدهشه..وانا مالي .
مازن ..لا مالك ونص انتي اللي زيك المفروض يتنقب.
سما ..نعم وانت مالك انت يا أخ هي ناقصه قرف علي الصبح .
مازن ..بس بذمتك وحياة عيالك مش احلي قرف .
سما ..لا شكلك مجنون يا استاذ وجاي تطلعهم عليا .
قطع كلامهم اقتراب ادهم من والدته .
ادهم ..مامي ممكن اقعد شويه .
مازن بصدمه ..مامي مامي ايه العنوان غلط يا حبيبي .
سما ..بس اسكت انت لا يا دومي مش هينفع لازم نروح انا تعبانه انهاردة .
مازن ..استني بس مامي ايه انتي متجوزه.
سما بعصبيه ..وانت مالك يا زفت .
مازن..تصدقي عيونك بتتحول لما بتتعصبي بس بتبقا احلي .
سما ..اللهم طولك يا روح .
مازن ..بس خلاص بصي حتي لو مجوزه مفيش اي مشكله اني اطلقك منه واجوزك انا .
سما بعصبيه ..لا انت كدا عايز مستشفي المجانين علي طول يلا يا ادهم.....واخذت ابنها ومشيت وهي تلعنه.
مازن بصوت عالي ..بردو هطلقك منه واجوزك انا .
يامن .. انت يا حيوان تعالا هنا .
مازن ..حرام عليك خرجتني من المود.
يامن ..الحمد لله بقيت مجنون رسمي خلاص .
عند ندي وجاسم كانوا يترجلون من السياره ودخلوا الي النادي واتجهوا الي صاله البوكسينج .
جاسم..يخربيت لبسك بردو زي الولاد .
خلعت ندي نظراتها النظر والتفت له وكانت الصدمه الكبره له عندما لاحظ عينيها الخضراء التي سحبت أنفاسه.
ندي وهي تضربه اول بوكس ..لبس الولاد دا علشان أحمي نفسي من عيون الذئاب البشريه اللي زيك .
جاسم وهو يقترب منها ويحاول انا يضربها ولكن كانت هي أسرع منه وامسكت يده ولفته وراء ظهره وضغطت عليها اكثر .
جاسم وهو يتألم..اللي زي ميبصوش ليكي اصلا .
ضغط جاسم علي قدمها مما جعلها تتألم وتتركه
ندي وهي تمد رجلها في حركه سريعه لتعرقله مما جعله يقع علي ظهره .
جاسم بالم..اه يا بنت المجنونه.
ندي وهي تضحك ..احسن علشان متلعبش تاني معايا يا شاطر
واستدارت ندي لكي تخرج ولكن جذبها جاسم من رجلها مما جعلها تقع فوقه .
شهقت ندي بصوت مرتفع واخذت تبادله النظرات ولكن فاقت علي اثر لمسته الي ظهرها بجرأه
جاسم بهيام .. ناعمه اووي وحلوة جدا.
ركلته ندي بطريقه مفاجأه بين رجليه واخذت توجه له الضربات في مختلف أنحاء جسمه حتي فقد الوعي .
ندي بصدمه ..مات دا ولا ايه يا زفت انت قوم بلاش توديني في داهيه .
نتعرف علي الابطال اللي جداد
سما ..فتاه في أواخر العشرينات تمتلك عيون فيروزيه لا مثيل لها وشعر بني يميل الي الأشقر وجسد رشيق ولا يتضح عليها انها متزوجه من قبل
مازن ..شاب يمتلك الكثير من الوسامه يمتلك عيون عسليه وشعر اسود ناعم وبشره بيضاء وجسد رشيق ويعمل ظابط شرطه في جاهز امني حساس ويكون الصديق المقرب لجاسم ويامن .
#الفصل_٦
الفصل السادس
" يقال انا الحب ما هو إلا للحبيب الاول ولكني أري ان الحب لمن يعرف معني كلمة رجل "
في المشفي
جاسم وهو يتاوه..اااااااه يا جسمي ....اااااه يا شبابي ياللي راح .....ياعيني عليك يا جسوم اخرك مرمي زي الفرخه الدايخه علي السرير.
ندي وهي تحاول ان تتمالك نفسها ..بس خلاص كفايه ندب وانت عامل زي الستات الندابه بتوع زمان دول.
جاسم ..ما كلوا بسببك روحي يا شيخه اللهي وانتي ركبه العربيه تتقلب بيكي من علي جبل وتفضل تتقلب بيكي كذا مره كدا لحد ما تحرمي.
ندي ..لا كدا مش هحرم كدا هموت خالص انت بتدعي عليا شكلك عايز علقه كمان زي اللي خدتها.
جاسم ..لا خلاص يا وحش انا مش قدك .
ندي ..ايوة كدا اتعدل صحيح الرجاله ماتوا في الحرب .
كان يهم ان يرد عليها ولكن قطعه صوت طرقات علي الباب ثم دلوف مازن ويامن.
مازن ..ايه يا حلوة يا بيضه بت علمت عليكي وجابتك الارض...اخييييه علي الرجاله ...وقال اسمك ظابط وفي جهاز حساس ...انت بعد اللي حصلك دا اخرك بتاع البوفيه.
جاسم وهو يتاوه..بس يا حيوان هي اللي خدتني علي خوانه .
ندي ..مين ديه قول اني مرمتك وبلاش تكدب منظرك باين اصلا .
جاسم ..لا علي فكره انا كان ممكن امسكك اكسرك بس علشان انتي بنت مرضتش اعمل فيكي كدا .
ندي..يا راااجل انا قولتلك تعالا نلعب راجل لراجل...وصحيح من امتي وانت شايفني بنت هااا من امتي ولا في الحاجات ديه بتشوفني بنت.
جاسم وهو يغازلها..من ناحيه انك بنت فأنا اكتشفت انك بنت جدا .
ندي وهي تحاول ان تداري خجلها..اتلم بدل وحياه ربنا اجي اكمل عليك ومخليش فيك حته سليمه والدكاتره متعرفش تصلح فيك حته .
مازن ..الله جه اللي يلمك.
جاسم..انت صاحب انت بدل ما تقوم تدافع عن صاحبك المريض بتشجعها عليا.
مازن ..ايوة معلش يا صاحبي في الحاجات ديه مفيهاش صحاب ولا انت ايه رايك يا يامن .
كان يامن في عالم آخر يفكر في محبوبته وماذا فعل لها لكي لا تأتي الي الجمعيه وتدعي انها مريضه ام انها كانت تعامله بشفقه وليس معامله خاصه مثل ما كان يدور في ذهنه فاق يامن علي صوت صديقه مازن .
يامن..كونت بتكلمني يا مازن .
مازن ..لا انت مش معانا خالص ايه اللي واخد عقلك .
يامن ..مفيش يا صاحبي .
جاسم..شوفت اللي جرا لصاحبك.
يامن ..كله من أعمالك السوداء.
جاسم ..امشي ياض انت وهو من هنا انا مليش صحاب اصلا .
يامن ..طيب يلا يا مازن نمشي ونشوف مين اللي هيروحوا.
جاسم ..لا خلاص يا كوتش ايه بتاخد علي كلام واحد مريض ليه انا كونت بضحك معاك .
يامن ..بضحك وكوتش..لا شكل العلقه اثرت علي مخك.
جاسم ..جدا جدا ربنا قادر علي الظالم والمفتري.
ندي ..طيب استاذن انا بقا لانه مش هيبطل ندب وانا مش فايقه ليه .
يامن..هتعرفي تروحي لوحدك ولا اخلي مازن يوصلك.
ندي ..لا هعرف ..يلا سلاموا عليكم .
الجميع ..وعليكم السلام .
مازن ..يلا ياللي فضحتنا علي البيت.
جاسم ..طيب ساعدني طيب .
مازن ..ساعد نفسك بقا يا اخويا يلا يا يامن اوصلك.
وذهب الجميع من المشفي .
ذهبت ندي الي ليان بعد فتره قليله .
ندي ..داده ليان فين .
الداده..ليان جت تعبانه من المستشفي دخلت نامت علي طول ولسه مصحيتش ومكالتش من الصبح معرفش مالها يا بنتي ايه اللي حصلها وايه اللي غيرها كدا وشقلب حالها .
ندي ..والله يا دادة انا كمان معرفش ايه اللي غيرها بشكل دا بس عموما انا هطلع اصحيها وافهم منها وانزل اطمنك.
داده ..تمام يا بنتي.
اتجهت ندي نحو دراجات السلم واتجهت نحو غرفه ليان .
دخلت ونظرت إلي الغرفه المظلمه وليان التي يتضح علي وجهها التعب والبكاء.
اقتربت منها ندي واخذت تربط علي شعرها بحنيه.
ندي ..لي لي يلا قومي يا كسوله .
استيقظت ليان وفتحت عيونها الحمراء من كثرة البكاء ..جيتي يا نودي.
ندي ..معلش يا قلب نودي اتأخرت عليكي بس هبقا احكيلك اللي حصلي المهم دلوقتي القمر بتاعي معيط ومبهدل الدنيا كدا ليه .
ليان بدموع ..مفيش يا ندي افتكرت ماما بس .
ندي..ربنا يرحمها يا حبيبتي بس مش دا السبب احكيلي في ايه .
ليان بدموع ..بحبه يا ندي ..هقولك ايه بحبه ...بحب اعمي...عارفة يعني ايه تحبي واحد مشافكيش ...عارفة يعني ايه تحبي واحد وانتي مش عارفة اذا كان بيبادلك نفس الشعور ولا لا ...عارفه يعني ايه خايفه تواجهي العالم بيه ...نظرتهم ليكي هتكون ايه ...هتكون يا شفقه ...يا كلمه يا عيني ملقتيش غيروا ... وكلام من دا كتير ...انا أضعف من كدا يا ندي أضعف من اني اواجه العالم بيه ...أضعف من اني اقف قدام بابا واقولوا بحبه بس هو عنده ظروف خاصه ..أضعف انه لما يفتح ويشوفني ينصدم اني مكونش زي ما هو اتوقع ...ندي انا تعبت من التفكير وتعبت من البعد تعبت من عجزي ...هعمل ايه يا ندي ...قوليلي اعمل ايه .
ندي..بصي يا ليان لو بتحبيه اقفي قدام العالم كله علشانوا اوعي تضيعي راجل كويس وشاريكي علشان بتفكري الناس هتبصلك ازاي الناس دول مش هيعيشوا معاكي لما يتقفل عليكم باب واحد...بصي يا ليان في نوعين من الرجاله..نوع لما يتقفل عليكم باب واحد يحسسك انك ملكه ويعرف ازاي يحتويكي وياخد باله منك
نوع تاني بقا ودا اللي بيظهر علي حقيقته من اول يوم عصبيه وزعيق ومد ايد ويعملك كأنك خدامه عنده ساعتها مش هينفعك الناس بحاجه فكري يا ليان ومن ناحيه انك خايفه انه ميبدلكيش نفس المشاعر فانتي اديلوا فرصه الاول قربي منه الاول بس من ناحيتي انا حاسه انه معجب بيكي بلاش تضيعي واحد زي يامن من ايدك الرجاله دلوقتي اغلبهم كدابين وبيخدعوا بنات الناس إلا من رحم ربي بقا .
ليان ..صعب يا ندي ان ادي لنفسي فرصه واتعلق بحاجه وتكون في الاخر مش بتاعتي او مش ليا يبقا علقت نفسي بيها ليه من الاول .
ندي ..لو مش ليكي هتكوني علي الاقل اتعلمتي درس كويس من التجربه ديه وهتكوني نضجتي اكتر من الاول.
ليان ..طيب انتي احكيلي عن مقابله سما .
سردت لها ندي قصه سما وماذا حل بها بسبب زوجها المريض النفسي اشفقت عليها ليان كثيرا وبدأت دموعها تهبط بهدوء .
ندى..بس يا ستى فاعرضت عليها اننا نكون صحابها انتى ايه رايك.
ليان ..طبعا تكون صاحبتنا ديه تعبت كتير اووى .
ندى ..ربنا هيجزيها خير على قد تعبها ربنا مابينساش حد ابدا يا ليان .
ليان..عارفة .
ندي ..استنى نسيت احكيلك عملت ايه فى جاسم .
ليان ..اكيد عملتى مصيبه من مصايبك قولي يا اخرة صبري قولي .
بدأت ندى بالسرد لما فعلته في جاسم.
ليان بشهقه ..يخربيتك ايه إللى عملتيه في الواد دا مفيش في قلبك رحمه .
ندى..حد قالوا يستغل انى وقعت فوقيه يروح يحسس علي جسمى دا ايه الهم دا .
ليان وهى تضحك..دا انتى فظيعه ..بس امتى عقدتك ديه هتتفك.
شردت ندى فى ذكرياتها الحزينه... مش هتتفك يا ليان لان فى كتير حصلهم إللى حصلي ممكن مع الايام انسي بس مش بسهوله سبيها على ربنا المهم انا ماشيه.
ليان ..انا اسفه يا ندى متزعليش بجد.
ندى ..مش زعلانه منك انتى ملكيش ذنب عموما انا هروح علشان ارتاح ..يلا سلام .
ليان ..سلام
ذهبت ندي الي منزلها وظلت ليان تفكر ...هل هي عندها القدره انها تكمل ما بدأته...ام ان شوقها وحبها ليه هيخليها ترجع ...قطع تفكيرها صوت الهاتف وهو يرن برقم غريب .
ليان ..الو .
يامن ..ياااه مكونتش اعرف ان صوتك وحشني كدا من يوم واحد.
ليان ..يامن.
يامن ..ايوة يامن يا ست ليان هربتي انهاردة ومجتيش واتحججتي انك تعبانه مالك يا ليان في ايه .
ليان بدموع ..مفيش فعلا شويه تعب .
يامن ..طيب هتيجي بكرا .
ليان ..لا يا يامن .
يامن ..ليه هو انا ضايقيتك في حاجه زعلتك مني .
ليان ..لا انت معملتش حاجه..انا اسفه انا لازم اقفل .
يامن ..ليان استني.
لكن كانت أغلقت ليان الهاتف وارتمت علي السرير وظلت تبكي بضعف وانهيار .
اما يامن فاكانت حالته ليست باقل منها فاكان يشعر انها تنفر منه او انها أدركت الوضع فقررت الهرب قبل فوات الأوان اخذ يدور في عقله الكثير من الأفكار .
سمع صوت طرقات علي باب غرفته ثم دلفت والدته.
كوثر بقلق ..ممكن نكلم شويه يا حبيبي .
يامن بجمود..انا مليش كلام معاكي ومش عايز اكلم مع حد.
كوثر ..يامن ارجوك اسمعني .
يامن.. في ايه ...مش انا سمعتك ...سمعت المبررات بتاعتك ...عايزة ايه ...قولتلك صعب اسامح ..هو مش زرار هدوس عليه هسامحك...ولا حتي ممكن انسي ...انتي عارفه انتي بتطلبي ايه بتتطلبي اني انسي 30 سنه من عمري...ودا طلب صعب ..صعب انسي يا كوثر هانم.
كوثر بدموع ..طيب اديني فرصه اقرب منك وانسيك.
يامن ..حتي ديه صعبه ارجوكي سبيني في حالي انا مش ناقص اللي فيا مكفيني وزيادة .
كوثر ..طيب شاركني همومك ممكن اقدر اساعدك .
يامن ..لا ويلا لو سمحت برا مش عايز حد يقعد معايا .
كوثر ..حاضر .
وخرجت كوثر ودموعها تتساقط واتجهت نحو غرفتها.
جاسم ..انت اللي قلبك طيب الاشكال ديه مينفعش معاهم الطيبه ركز وفوق واحنا هنفتح عنينا كويس وهنتابع الموبيلات بتاعته بردو .
م ..طيب ماشي اهم حاجه عايز عنيك تبقا في وسط رأسك وتحاول توصل علي معلومات مين وراه ومين بيساعده هو ميقدرش يعمل كدا لوحده وخلي بالك الشحنه قربت كل اللي فاضل هو 15 يوم .
جاسم..عارف وعلشان كدا حاطط قوات كتير وبيراقبوا كويس متخافش .
م ..تمام انا مش خايف ربنا معاكم.
جاسم..يارب .
وخرج جاسم من اوضه الاجتماعات .
مر اسبوع دون أحداث تذكر ليان دائما في غرفتها في عزله تامه
والد ليان خرج من المشفي ولكن حزين علي حالة ابنته .
اما ندي فلم تري جاسم من وقت البوكسينج.
في صباح اليوم التالي استيقظت ليان علي صوت الهاتف وكان المتصل يامن فاهو اعتاد ان يتصل بها كل يوم ولكن هي لا تجيب علي إتصالاته
يامن وهو يكلم جاسم ..اوووف مش عارف انا عملت ايه علشان متردش علي مكالماتي.
جاسم ..انت غشيم يا يامن مش زي بتعرف تدلع البنت اللي قدامك .
يامن ..ومش عايز اكون زيك انت بتتعامل مع البنات كاجسم بس ودا حرام انت بتتغزل في جسمهم والبنت اللي تقبل كدا متكونش غير عاهره وانت ذنبك مش اقل منها دول بنات ناس وحتي لو هما عاهرات انت ليه ترتكب ذنب كبير زي دا دا من أعظم الكبائر عند ربنا وحسابها كبير إلا طبعا من تاب وآمن .
جاسم ..اوووف انت كل شويه تقول نفس الجملتين دول قولتلك هبقا اتوب يعني الموت مش هيسيب كل الناس ويجيلي انا.
يامن ..الموت ...الموت محاوط الكل وانت بذات انت ممكن تستشهد في اي وقت عارف كدا طبعا ...يعني مش ضامن هتلحق تتوب قبل ما تموت ولا لا .
جاسم ..انا زهقت منك يا يامن انت معقد اووي .
يامن ..ربنا يهديك يا صاحبي .
جاسم ..ليه هو انا مجنون .
يامن ..الهدايه مش للمجنون الهدايه لينا كلنا ربنا يهدينا كلنا يا سيدي .
جاسم ..يارب .
وذهب جاسم وهو لا يقتنع بكلام يامن .
جاسم ..الو يا نانسي .
نانسي ..الو يا جسومي وحشتني .
جاسم ..انتي اكتر يا قلبي .
نانسي ..مش هتيجي بقا .
جاسم ..جايلك هو انا اقدر مجلكيش يا قلبي.
نانسي ..طيب يلا مستنياك يا حبيبي .
جاسم..حاضر يا روحي مسافه السكه.
وأغلق معاها وقاد سيارته نحو بيتها .
استوب:
نانسي..بنت في العشرينات من عمرها تعرف عليها جاسم من الديسكو وعجبته وأصبح يذهب لها كثيرا اما نانسي فاكانت معجبه به وبفلوسه.
في مكان آخر ذهبت ندي وسما الي منزل ليان لكي يتكلموا معاها ويخرجوها مما هي فيه .
فتح عاصم الباب ورحب بهم .
ندي ..عامل ايه يا عمو.
عاصم ..الحمد لله يا بنتي بخير .
ندي ..وليان .
عاصم ..ليان حابسه نفسها في اوضتها و معرفش ايه السبب بتطلع وقت الاكل علشان مكولش لوحدي وكمان مش بتاكل اصلا بتقعد تلعب في الاكل وتقوم وبسألها مالها بتقول تعبانه من الشغل بس ومش عارف فيها ايه .
ندي ..متخافش يا عمو هطلع انا وسما ونحاول نفهم ونخرجها من حالتها ديه .
عاصم ..تمام يا بنتي حاولوا معاها ربنا يهديها .
ندي وسما..يارب يا عمو.
اتجهت ندي وسما نحو الدرج وذهبوا إلي غرفه ليان وطرقوا الباب ولكن وقفوا مصدومين عندما رأوا ليان التي نزلت ضعف وزنها ووجهها الشاحب وعينها المنتفخه من البكاء.
ندي..ايه المنظر دا كل دا ليه علشان بتحبي واحد انتي متعرفيش هو بيحبك ولا لا .
ليان بنهيار ..بس يا ندي بس محدش فيكم حاسس بيا محدش حاسس بالصراع اللي جوايا ...محدش حاسس من تعب التفكير في موضوع حساس زي دا ...بحبه لكن مينفعش مينفعش احب حاله عندى ...مينفعش احول شغلى لاطار تانى وهو إطار الحب ..مينفعش احب اعمى علشان نظرة الناس ليا والشفقه إللى هشوفها في عيون كل واحد..والكلمه إللى هسمعها دفنت نفسها بالحياه ...او ايه اللي جبرك تجوزي واحد زي دا انتي احلي...نظره ابويا ليا واني اكون سبب في اني اضغط عليه ...بفكر في شعور يامن وهو بيسمع الكلام دا ...قوليلي اعمل ايه يا ندي عايزة حالتي توصل لايه..انتي مش حاسه بيا ولا هتحسي لأنك مجربتيش .
ندي..لا جربت يا ليان ...جربت وتعبت وانتي عارفة كدا مش علشان بضحك وعلشان بخرج وعلشان بنسي شويه الماضي يبقا انا مجربتش انا اكتر واحده تعبت وانتي عارفة ايه اللي حصلي متجيش علشان انتي متعصبه تقولي كلام فارغ .
سما ..بس انتوا الاتنين احنا مش هنتخانق مع بعض وانتي يا لي لي واجههي وخليكي قويه كلام الناس مش مهم المهم هو حبك المهم هو انتي انتي عايزة ايه ..لو الراجل دا محترم اديلوا فرصه وادي لنفسك فرصه ..كلمي يامن واقعدوا وشوفوا هتدوا للعلاقه ديه اي مسماء وقويه كوني انتي سبب قوته واوعي تكوني نقطه ضعف..الهرب وعدم المواجهة مش حل وطول ما احنا حابسين نفسنا كدا مش هنتعلم وهنكون ساذجين ومش عارفين اي حاجه في الحياه...لازم ننزل ونجرب ونتعلم دروس من تجاربنا علشان منكررش غلطنا ...ومنحطش اهم حاجه كلام الناس في دماغنا لانه مبيجيبش غير وجع دماغ ...ردي علي يامن واديلوا فرصه يشرح هو عايز ايه ..ادي لنفسك وليه فرصه وعيشوا مع بعض وسيبوا كلمه بكرا ديه لبكرا عيشوا اليوم بيومه وبلاش نشيل هم اللي جي فهماني يا ليان .
ليان وقد اقتنعت بكلام سما ..فهماكي.
سما وهي تنظر لندي..وانتي يا ندي اي ان كان تجربتك واي ان كان تعبك فادا ليه وقت وبينتهي وبنرجع ننسي ونعيش حياتنا اديكي مش زي بعضها واكيد اللي حصلك كان بسبب راجل والرجاله كلهم مش زي بعض المهم انك متوقفيش حياتك ومش كل حاجه البس البس مش سبب ومش هو اللي هيحميكي انتي بتقولي بلبس كدا علشان احمي نفسي من عيون الذئاب البشريه اللي في الشارع ...طيب ما في منقابات ومحاجابات وبيحصل ليهم تحرش وبيتعرضوا لنظرات قذرة وكلام اقذر المتحرش او الذئب البشري دا بيبقا عيب في التربيه اهلوا مش بيصلحوا غلطوا صح لا بيصلحوا الغلط بغلط أكبر بانهم يداروا علي عملته وبردو بسبب المجتمع اللي أداء الشباب كل حقوقهم وتحت مسماء دا ولد يعمل اللي هو عايزة انما البنت اي حاجه بتعملها تبقا غلط ومينفعش تتقارن بالولد لان احنا عايشين في جهل وعادات وتقاليد غلط ...ندي عيشي سنك وحياتك وفي دلوقتي ناس بتجبلك حقوقك صوتك هيسمعه أكبر حد في البلد وحقك وحق اي بنت هيحصل فيها حاجه مش كويسه صوتك هيتسمع وحقك هيرجع والبلد هتنضف من الأشكال ديه فاهمه يا ندي .
ندي ..فاهمه بس صعب اني اغير طريقه لبسي دلوقتي وفجاه انا اتعودت اكون كدا ومرتاحه كدا .
سما ..لا انتي مش مرتاحه انتي بتقنعي نفسك انك مرتاحه جربي تخرجي شويه بلبس غير لبسك دا ويحسسك انك بنت مش ولد هترتاحي اكتر .
ندي ..هحاول يا سما بس موعدكيش.
سما.. طيب يلا نمشي ونسيب ليان تفكر في الكلام اللي قولتهولها .
ندي ..يلا .
ليان..ماشي هفكر ولو حصل جديد هقولكم.
سما وندي..تمام .
تركوها وذهبوا كل واحده منهم الي المنزل أخذت ليان تفكر حتي اتخذت القرار واتصلت بيامن.
ليان..الو يا يامن .
يامن..انتي لسه فاكره.
ليان ..ايوة طبعا لسه فاكره انا اسفه اني اختفيت فجأه.
يامن ..طيب وايه اللي خلاكي تظهري تاني .
ليان..علشان انت وحشتني .
اعمي ولكن
الفصل من ٧ الي ٨
للكاتبة اسراء محمود
#الفصل_٧
الفصل السابع
يامن ..طيب وايه اللي خلاكي تظهري تاني .
ليان ..علشان وحشتني .
يامن بصدمه ..نعم قولتي ايه .
ليان بخجل..مقولتش حاجه .
يامن..لا قولتي.
ليان ..لا علي فكره انت اللي سمعت غلط .
يامن ..هعديها بمزاجي بس قوليلي ايه اللي خلاكي تختفي .
ليان ..ممكن منتكلمش في الموضوع دا اكيد هقولك بس في الوقت المناسب .
يامن ..تمام عايز اشوفك.
ليان ..بكرا نتقابل في الجمعيه .
يامن ..لا عايز نتقابل لوحدنا مش عايز حد يشاركني فيكي ولو ثانيه.
ليان ..خلاص في الكافيه بتاعنا اللي بنتقابل فيه .
يامن ..تمام .
وأغلق يامن وليان وهما متحمسون الي الغد فاقد اشتاقوا الي بعضهم كثيرا .
في منزل والد سما .
دخلت سما المنزل وادهم ممسك بيديها اقتربت من والدها وقبلت يديه .
سما ..ازيك يا بابا.
والد سما وهو رجل كبير في السن قاسي الطبع عقله من العقول القديمه التي يرمي اي خطاء علي البنت .
والد سما ..كويس ايه اللي جابك .
سما ..جيت اشوفك انت وماما .
والد سما ..وانتي فكره اني عايز اشوفك انتي جبتيلي العار خلتيني مش عارف ابص في وش الناس ياريتك كونتي موتي مع جوزك ولا كل يومين تلاته اسمع كلام من الناس.
سما بعصبيه ..بس كفايه ....الناس ..الناس هيكلموا ... الناس هيتريقوا ....الناس بيقولي عنك انك عار ...كل حاجه الناس شايفين ايه ..ليه بنفكر في الناس ليه مش بنفكر في نفسنا ...نعمل اللي يريحنا احنا مش اللي يريح الناس ..الناس مش عايشين معانا ...مش شايفين الاهانه اللي بنتعرضلها ...استفدت انا ايه من الناس وانا جوزي كل يوم يمد ايدوا عليا ...استفدت ايه من الناس وانا جوزي بيخوني كل يوم قدامي ...استفدت انا ايه من الناس غير معلش استحملي اصل لو اطلقتي المجتمع هيبص ليكي بنظره مش كويسه ...لو عشت في بيت لوحدي يبقا اكيد بعمل حاجه غلط ...مش مثلا علشان اربي ابني كويس ...او مثلا يفكروا ان ابني ليه ظروف خاصه وانا بحاول اوفر ليه مكان يكون أمن ليه ...لا المهم انهم شايفين اني عار ..من امتي والبنات عار .. عارف يا بابا ايه اللي عار...اللي عار اننا نخلي كلام الناس اول حاجه في حياتنا..اللي عار الرجاله اللي مبقتش تستاهل كلمه راجل لانهم مش رجاله بمعني اصح فيهم اللي بيتحرش..وفيهم اللي بيشرب مخدرات..وفيهم اللي شايف اي حاجه البنت بتعملها تبقا عار حتي لو اشتغلت تبقا عار ...فانا تعبت حضرتك شايفني عار قولي وانا مجيش هنا تاني ولو مش عايز تشوفني تمام انا مش هتقل علي حضرتك انا كونت جايه اطمن عليكم وامشي ...سلام يا بابا .
وخرجت سما وهي غاضبه هي في نظر والدها عار عليه .
والدة سما ..ايه اللي عملتوا دا البنت عملت ايه علشان تقولها انها عار..دا كله علشان عايشه لوحدها ..ولا علشان بقت ارمله طيب ديه حاجه مش بايدينا ارحم ..وبطل قسوه ديه بنتك .
والد سما ..ملكيش دعوه انتي عارف اتصرف معاها ازاي .
والدة سما . .عمري ما هسامحك علي اللي انت بتعملوا في البنت دا .
والد سما ..مش عايزك تسامحيني.
ودخل الغرفه وأغلق الباب في واجهها .
وصلت سما الي بيتها وهي تبكي بشده من قسوه والدها عليها .
اقترب ادهم منها واخذها في احضانه .
ادهم..متزعليش يا مامي انا جمبك ومش هسمح لحد تاني انه يزعلك.
قبلته سما بحب ..ولا انا هسمح يا حبيبي ان حد يجي علينا وبذات عليك انت دا انت اللي نورت دنيتي ...يلا بقا ننام علشان مامي تعبانه اووي .
ادهم..يلا يا مامي .
دخلت سما هي وابنها الغرفه واخذته في احضانها واخذت تتذكر زوجها ووالدها الذي يراها عار وعبء عليه أخذت تشجع نفسها لكي تواجه هذا العالم القاسي .
في اليوم التالي استيقظت ليان وهي متحمسه لمقابلة يامن ولكن يوجد بعض التوتر فكيف ستقول له سبب ذهابها واختفاها عن الوسط دون ادني سبب ، لكن فاقت وركضت نحو الخزانه وأخرجت بنطال جينز وتشيرت بينك وتركت لشعرها العنان ثم نزلت درجات السلم برشاقه واقتربت من غرفه السفره .
ليان ..صباح الفل على احلى واجمل بابا فى الدنيا.
ابتسم عاصم عندما رأى ابنته تبتسم من جديد ..صباح النور يا قلب بابا اخيرا رجعتي ليان إللى الضحكه مبتفرقش وشها .
ليان وهى تاكل ...انا والحزن اعداء مش بيدوم معايا كتير.
عاصم ..يارب دايما مبسوطه ومشوفش دموعك ديه تاني ابدا .
ليان ..هبقا دايما مبسوطه طول ما انت جمبي واقف في ضهري .
ابتسم عاصم ابتسامه مكسوره وهو يسمع كلام ابنته.
ليان وهي تقبله من جبينه ..انا همشي اروح الجمعيه بقا وحشتني اووي .
عاصم ..تمام يا حبيبتي متتاخريش.
ليان ..تمام يا حبيبي سلام.
عاصم ..في رعايه الله يا لي لي .
ذهبت ليان من المنزل وركبت سيارتها وساقتها بجنون نحو الكافيه وهي تتشوق الي مقابله حبيبها فاهي تشتاق الي النظر إليه.
عند يامن ذهب الي الكافيه قبل الموعد بنصف ساعه وأخذ ينتظر محبوبته .
وصلت ليان الي الكافيه وترجلت من السياره وذهبت نحو يامن واخذت تنظر له نظرات تبث عن الشوق الشديد له .
ليان ..احم ..ازيك يا يامن.
قام يامن من مكانه ومد يده إليها..الحمد لله ..انتي عامله ايه .
اخذت ليان يده وربطت عليها بحب ..الحمد لله.
ساد الصمت لفتره بدا يامن الحديث...هربتي ليه يا ليان .
ليان ..انا مهربتش.
يامن ..اومال تسمي انك تختفي فجأه بدون اي مبرر دا ايه انك مترديش علي مكالماتي دا ايه لو انا خدت مكان المفروض مكونتش اخده قوليلي لو وجودي في حياتي بيضايقك قوليلي.
ليان ..لا يا يامن العيب مش فيك العيب فيا انا وخلاص الموضوع انتهي واتحل .
يامن ..يعني مش هتقولي ايه سبب اختفائك.
ليان ..مش واقته تعالا نكلم في حاجه تانيه .
يامن ..زي ايه .
ليان ..زي مامتك .
يامن ..اقفلي علي السيره يا ليان .
ليان ..لا يا يامن مهما كان ديه مامتك عملت اللي عملته اسمها مامتك ..عارف يا يامن مش هتعرف قيمه الأم غير لما تموت بلاش تعيش بتانيب الضمير دا هتفضل تانب نفسك علي كل دقيقه بعدت فيها عنها هي فاقت وندمت يبقا سامح روح ارمي نفسك في حضنها وانسي كل اللي هي عملته سامحها يا يامن ربنا بيسامح احنا ياللي اتخلقنا لنعبده مش هنسامح.
يامن ..صعب يا ليان صعب عارفه لما تعيشي من غير ام طول حياتك عارفه لما تترمي في حضن الدادة وانتي امك لسه عايشه عارفه لما هي تنسي ان عندها ابن وكل اللي بتعمله انها عايزة تنتقم صعب اتعود واسامح.
ليان ..اديها فرصه فرصه واحده بس اسمحلها تقرب منك وبعد كدا هتلاقي نفسك بتسامحها لوحدك.
يامن ..هحاول .
ابتسمت ليان بحب .
في هذا الوقت قطع عليهم صوت هاتف يامن وكان المتصل جاسم .
يامن ..ايه يا زفت عايز ايه .
جاسم ..عايز اخرج يا شيخ زهقت.
يامن ..ما انت علي طول بتخرج عايز ايه مني انا بقا .
جاسم ..نخرج بليل .
يامن ..لا انا اقاعد انهاردة مع ليان .
جاسم..خلاص نخرج احنا والبنات في مكان .
يامن ..ماشي هقول لليان وهرد عليك.
جاسم ..ماشي تمام .
أغلق يامن مع جاسم .
ليان ..في ايه .
يامن ..جاسم بيقول نخرج كلنا انهاردة وهاتي معاكي صحابك .
ليان ..فكره حلوة خلاص هكلم ندي واقولها وهجيب سما معانا .
يامن ..تمام وانا هكلم جاسم أكد عليه .
ليان ..اشطا جدا ويلا نروح علشان الحق أجهز.
يامن ..تمام يلا.
خرج يامن وليان من الكافيه وركب يامن مع ليان السياره اوصلته ليان الي المنزل ومن ثم عادت الي منزلها واتصلت بندي وسما فيديو كول .
ليان ..يا بنات بصوا يامن عزمنا كلنا برا انهاردة.
سما ..طيب enjoy انتوا بقا .
ليان..ايه اللي enjoy انتوا بقا انتي هتيجي دا شئ أساسي.
سما ..وادهم اوديه فين .
ليان ..هاتيه هنا يقعد مع بابا والداده.
سما ..اخاف يزعجهم.
ليان..لا متخافيش بابا بيحب الأطفال اووي والدادة هتشيلوا في عنيها.
سما ..تمام.
ليان ..وانتي يا ندي هانم .
ندي ..لا مش جايه .
ليان ..ليه ان شاء الله.
ندي ..مليش نفس.
ليان ..لا هتيجي وبعدين اوعي تلبسي لبس الولاد دا البسي لبس بناتي يا ندي عيشي سنك بقا .
ندي ..لا مش هلبس ومش هنزل .
سما ..بلاش قمصة العيال الصغيره ديه يلا مفيش نقاش كلنا هنخرج و انتي يا ندي انا هجيلك واختارلك لبسك ومفيش اعتراض انا اكبر واحده فيكم وتسمعوا كلامي بس ها .
ليان ..خلاص يا باشا نسمع كلامك اومال ايه يعني .
ندي ..تعالي يا اختي وبعدين نتنقاش هبعتلك العنوان في ماسج .
سما ..اشطا يلا سلاموززز بقا علشان نجهز.
ليان وندي ..سلاموززز.
أغلقوا سوا وفتحت ليان الخزانه وأخرجت فستان من الون الاسود يصل الي بعد الركبه وبحملات عريضه ووضعت علي وجهها القليل من الميكيب مما زادها جمالا وتركت لشعرها العنان .
ام عند يامن فاخرجت له الدادة بدله سوداء وقميص ابيض وأخذ يامن يرتدي ملابسه وترك اول زرارين من قميصه ووضع القليل من عطره الرجولي .
عند جاسم كان يرتدي هو ومازن في جو ملئ بالمرح ارتدي جاسم قميص اسود وبنطال اسود وارتداء ساعه شيك وكان مثل ابطال التلفاز .
ام مازن فارتدي بدله زرقاء اللون وقميص ابيض ووضع القليل من عطره الرجولي.
جاسم ..يلا يا مازن علشان نجيب يامن .
مازن ..خلاص اهو خلصت بس خلي بالك امي برا ومستحلفه ليا .
جاسم ..ليه .
مازن ..علشان امبارح مردتش اروح اشوف العروسه اللي هي جايبها ومن ساعتها وهي مش طايقه وشي .
جاسم .. والله انت تستاهل بس يلا لما نشوف هنعمل معاها ايه .
مازن ..ربنا يستر.
خرج جاسم ومازن ولكن استوقفتهم والدة مازن الغاضبه.
هدي..رايح فين منك ليه .
جاسم..خرجين يا دودو .
هدي..خرجين بردو ...قولوا رايحين تصيعوا .
جاسم..لا والله خرجين.
هدي..بس يا واد انت انا اصلا مش مستريحالك.
جاسم وهو ياخذها تحت ذراعه..ليه بس دا انا واد قمور وغلبان وطيب.
هدي ..انت غلبان وطيب .
جاسم ..اه والله .
هدي وهي تبعده عنها ..طيب غور يلا منك ليه بس عارف لو اتخارتوا هطلع ليكم ابو وردة .
جاسم ..لا خلاص احنا مش قد خبطه منه خلاص مش هنتاخر يلا يا واد يا مازن .
مازن ..يلا .
ونزل جاسم ومازن وركبوا السياره وأخذوا يامن معهم في طريقهم ثم ذهبوا إلي بيت ليان .
عند ندي وسما .
ندي ..لا دا قصير اووي هنزل بيه كدا ازاي.
سما ..لا مش قصير دا بعد الركبه يلا يا ندي بطلي افوره.
ندي ..طيب مش هحط ميكيب.
سما ..تمام بس هنشيل النضاره ديه ملهاش لازمه وسيبي شعرك بلاش كحكه ديه عيشي سنك .
ندي ...اوف مالها الكحكه ما هي حلوة اهي.
سما ..ندي انتي غلبتيني وهتأخرينا يلا اللي هقول عليه يتنفذ.
ندي ..اوك .
ارتدت ندي فستان من الون الوردي وتركت لشعرها العنان ولم تضع اي من المساحيق التجميل مما ابرظ جملها الطبيعي .
ارتدت سما فستان طويل من الون الازرق وطرحه بيضاء ووضعت بعض من المساحيق التجميل مما زادها جمال .
ذهبت ندي وسما الي منزل ليان وتركت سما ادهم في الفيلا مع عاصم والداده.
سمعوا البنات صوت السياره نزلوا الي خارج الفيلا وكانت الصدمه الكبري لسما عندما رأت هذا الوقح يقف مع ليان وشاب آخر.
سما ..لا انا هروح يا جماعه .
ليان ..في ايه يا بنتي .
سما ..الوقح اللي لابس ازرق دا ضايقني قبل كدا .
ندي ..عمل ايه وانا هموته مع ان مازن دا سكر ودمه خفيف .
سما ..قال ******** وحكت سما لهم بالتفصيل اخذت ليان وندي يضحكون بشده .
ليان ..والله سكر يا ستي طنشي.
ندي ..اه والله دمه خفيف مش زي الحيطه اللي هناك دا معندهوش قلب ولا مشاعر .
ليان ..بس منك ليها خلاص هما جايين علينا .
ندي وسما ..تمام.
يامن ..ازيكم يا بنات.
البنات ..الحمد لله .
جاسم ..اومال فين البودي جارد بتاعكم.
ليان ..مين قصدك .
جاسم ..هو في غيرها ندي .
ليان وهي تشاور علي ندي..ما ندي اهي.
جاسم بصدمه ..نعم....بطلوا هزار ههههه ...هزاركم بايخ ايه اللي جايب المززه ديه لندي البودي جارد .
ليان ..كان نفسي اقولك اننا بنهزر بس ديه ندي فعلا .
جاسم بصدمه ..ديه ....لا يا جماعه انتوا بتكدبوا.
مازن بمرح..يا عيني دا اتصدم.
اقترب جاسم من ندي الغاضبه..احلفي انك ندي .
ندي بعصبيه..شكلك عايز تضرب تاني .
جاسم ..ايه الصوت دا دا صوت ندي بس في جسم باربي .
ندي..يلا نمشي من هنا بدل ما ارتكب فيه جريمه.
يامن ..طيب يلا .
تحركوا الجميع ومعاهم جاسم المصدوم.
اقترب مازن من سما .
مازن ..انا اسف علي الموقف اللي حصل في الجمعية بس يعني انتي المفروض تعذوريني مشوفتش واحده بالجمال دا قبل كدة .
سما بغضب..تاني بتعاكس .
مازن ..والله مش قصدي اقول انك جميله قصدي انك قمر اووي وخطفتيني من اول نظره.
سما ..والله انت مجنون ومكانك مش هنا مكانك في مستشفي المجانين .
مازن ..معنديش مانع اروح المهم نكون سوا .
سما ..صبرني يارب يا بني انا لو اجوزت بدري شويه كونت جبت قدك.
مازن ..ليه عندك كام سنه .
سما ..ملكش دعوه .
مازن ..صح انتوا البنات مبتحبوش تقولوا سنكم طيب هو فين جوزك .
سما ..وانت مالك .
مازن..لا مالي ونص هو انا هيجيلي نوم غير لما اجوزك وتبقي في حضني .
ضربته سما في كتفه وركضت نحو ليان وندي وركبت معاهم السياره.
ظل ينظر لها مازن حتي فاق علي قفه خماسي من جاسم ..يلا ياض بقالي ساعه بنده عليك .
مازن ..ما براحه يا عم .
جاسم ..ما انت عامل زي الهبل .
مازن ..يعني وانت اللي عاقل اووي .
جاسم ..ايوة طبعا .
كان يهم مازن برد لكن فاقوا علي صوت يامن الغاضب .
يامن ..ايه شويه عيال في كي جي وان ما يلا ياض انت وهو اتحركوا .
جاسم ..خلاص يا يامن اهو هنتحرك.
ركب الجميع وقاد جاسم السياره ووراه سياره البنات وصلوا الي مطعم شيك وفخم ونزل الثلاث رجال واخذ كل واحد منهم يد محبوبته .
ندي وهي تحاول اتخلص من يد جاسم ..ابعد ايدك ديه عني .
جاسم ..عيبه في حقي ديه .
ندي ...اوف انسان بارد .
ابتسم جاسم علي تذمرها.
عند مازن وسما .
سما..سيب ايدي .
مازن ..لا .
سما ..يعني ايه لا .
مازن ..يعني لا حد يبقا في ايده نعمه ويسبها حرام دا حتي ميرضيش ربنا دا .
سما ..والله لوريك.
مازن ..ماشي .
ام عند يامن فاجلسته ليان علي المقعد وجلست بجانبه علي المقعد الاخر .
جاسم ..هتاكلوا ايه .
ليان بحماس ..مكرونه وبانيه.
جاسم ..تمام والباقي .
البنات ..واحنا زيها .
جاسم ..وانتوا يا يامن .
يامن ..هاكل زي ليان.
مازن ..وانا اكيد زيهم.
طلب جاسم للجميع مكرونه وبانيه.
أراد يامن انا يشرب فاخذ يتحسس الطاوله لكي يصل الي الماء ولكن امسكت ليان بالكوب وقربته من فمه ووضعت يديها تحت فمه أخذ الجميع ينظر عليهم ببتسامه مشرقه .
يامن..شكرا جدا يا ليان.
خجلت ليان من نظرات الجميع إليها فاحولت الهرب ..هستأذن انا هروح الحمام واجي .
سما وندي..استني هنيجي معاكي .
قاموا البنات وانطلقوا نحو الحمام .
جاسم ..ايه مش هتحكلنا.
يامن ..علي ايه .
جاسم ..متحورش .
يامن ..مش بحور بس مش فاهم علي ايه .
مازن..قصده علي ليان .
يامن ..وانتوا مالكم .
جاسم ..مش لازم نطمن علي أخونا.
يامن ..يا شيخ قلبك عليا اووي .
جاسم ..جدا ...احكي بقا .
بدا يامن الحديث ولكن كانت ليان تقترب من الطاوله ولكن وقفت مندهشه عندما سمعت الي حديث يامن .
يامن ..عارف يا جاسم لما النور بيقطع والواحد يقوم يدور علي شمعه او اي حاجه تنور الضلمه ديه ليان بقا كانت هي الشمعه اللي نورت ليا كل حياتي معرفش ايه الاحساس دا اول مره احسه اول مره احس اني محتاج لحد اووي كدا في حياتي والشعور دا مخليني خايف من بكرا .
أدمعت اعين ليان ولكن اخفتهم بسرعه ومن ثم اقتربت من الطاوله .
ليان ..ايه اتأخرت ولا حاجه .
ابتسم يامن ..لا خالص .
ليان وهي بتهرب من الموضوع ..الله في بيانو .
يامن ..بتحبيه.
ليان ..جدا ايه رايك تيجي نعزف سوا .
يامن ..بس انا بمعرفش .
ليان ..تعالي وانا هعلمك .
واخذته ليان من يده واخذت تعلمه العزف حتي استطاع أن يعزف وببراعه أخذ جاسم ندي من يديها واقترب من ساحه الرقص لكي يرقصوا وكذلك مازن وسما .
اقترب جاسم من إذن ندي وهمس ..شكلك حلو اووي انهاردة .
ندي..طبعا مش علشان شكلي بنت .
جاسم ..لا علشان علي طبيعيتك.
ابتسمت ندي بتوتر .
ام عند سما ومازن.
مازن ..انا بقول اصورك بقا واروح اقول لجوزك علشان يطلقك ونجوز احنا .
سما ..ههههه ضحكتني روح اعمل كدا.
مازن . مش خايفه .
سما ..لا خالص.
مازن ..ليه .
سما..قولتلك ملكش دعوه.
مازن ..ساعه زمن واعرف عنك كل حاجه .
سما ..هنشوف .
مر الوقت سريعا وذهب كلا من الابطال الي المنزل وفي قلب كل منهم إشراق وحب جديد فهل سيستمر هذا الحب ام سيتوقف ويتنهي بفراق للجميع .
#الفصل_٨
الفصل الثامن
في الصباح الباكر استيقظت ندي علي صوت هاتفها.
ندي بنعاس..الو .
جاسم ..احلي الو ديه ولا ايه .
ندي بصدمه ..جاسم ..انت جبت رقمي منين.
جاسم..انتي نسيتي اني ظابط شرطه ولا ايه لا كدا انتي بتقللي من قدراتي.
ندي ..لا بس استغربت.
جاسم ..وانا زيك بظبط مستغرب من امبارح ان الصاروخ اللي شوفته امبارح دا كان انتي .
ندي بغضب..قصدك ايه يعني اني كونت وحشه .
جاسم ..لا خالص يا بوص قطع لسان اللي يقول عنك وحشه .
ندي ..ايوة كدا اتعدل .
جاسم..بقولك ايه .
ندي ..ايه .
جاسم ..عايز اشوفك.
ندي بسخريه ..ليه ان شاء الله ميكونش وحشتك مثلا .
جاسم ..مثلا.
ندي ..احنا هنستعبط.
جاسم ..وايه يعني ديه فتره الاستعباط بعد كدا ندخل في الجد بقا .
خجلت ندي من تلميح جاسم ..جاسم انت بتعمل كدا ليه علشان غيرت طريقه لبسي وبقيت البنت اللي انت عايزاها .
جاسم..مش شرط علشان غيرتي لبسك يا ندي انتي مختلفه ممكن دا اللي شددني ليكي انا مقدرش حاليا اقولك انا بعمل كدا ليه لان انا نفسي مش فاهم انا بعمل كدا ليه كل اللي فاهمه اننا نكمل كدا بدون شكل للعلاقه نعرف بعض ونشوف ساعتها ايه مسمي العلاقه ديه .
ندي ..نعم مش فاهمه قصدك يعني انت تشوف اذا كونت هعجبك ولا لا ولو لا فاخلاص انت مش واعدني بحاجه.
جاسم ..ندي افهمي انا لو شايفك رخيصه زي ما انتي مفكره كونت لعبت عليكي يومين لحد ما اوصل اللي انا عايزه وخلاص خلصنا لكن انا شايفك غاليه وانك صعب حد يوصلك ودا اللي استفزني وخلاني عايز اوصلك بأي شكل ومع الوقت بقيت بحس بشعور غريب ومش عايز افهمه دلوقتي علشان ميكونش تسرع عايز كل حاجه تمشي بهدوء اعتبريني صديق زميل لحد ما نفهم بعض .
ندي بتردد ..ماشي يا جاسم.
جاسم..طيب هعدي عليكي انهاردة نروح مكان حلو نقعد فيه ونكلم بس قبل اي حاجه لازم اطلع استأذن من والدتك.
ندي ..تمام هستناك .
جاسم ..اه صح .
ندي ..ايه تاني .
جاسم ..البسي لبس عادي يعني بنطلون وتيشرت تمام .
ندي ..اشمعنا .
جاسم..هتعرفي بعدين يلا سلام يا مزه.
ندي ..بيئة سلام .
استيقظت ليان علي صوت هاتفها فأجابت بنعاس .
ليان ..الو .
يامن ..شكل الجميل لسه نايم .
ليان..ايوة ومش قادره حتي اقوم من السرير عايزة انام اووي انا طول الفتره اللي فاتت مكونتش بنام .
يامن ..ليه يا ليان ممكن تقوليلي ليه عملتي كدا .
ليان ..ما قولتلك كانت شويه مشاكل عندنا في البيت وخلاص .
يامن ..مع اني مش مقتنع بس ماشي هفضل ازن عليكي لحد ما تقولي .
ليان..طيب .
يامن ..هتيجي الجمعيه انهاردة.
ليان ..والله لسه مش عارفه بس مكسله اووي.
يامن ..طيب احسن تعالي نخرج.
ليان ..نروح فين .
يامن..معرفش بس تعالي نتقابل وبعدين نفكر.
ليان ..اشطا هقوم البس اهو .
يامن ..تمام وانا هاجيلك تحت البيت .
ليان..اشطا .
اتجهت ليان سريعا نحو الحمام واغتسلت ومن ثم ارتدت ثيابها المكونه من فستان طويل بكُم وتركت لشعرها العنان ثم نزلت من غرفتها متجهة الي الصالون لكي تري والدها وعندما دخلت غرفه الصالون لم تجده سألت عنه الداده وقالت لها انه في المكتب اتجهت نحو غرفه المكتب وفتحت الباب دون استئذان وجدت والدها ارتبك وأغلق الهاتف سريعا .
ليان بغمزه..ايه دا بتكلم مين يا شقي .
عاصم ..يا بت اتلمي هكون بكلم مين يعني.
ليان ..واحده كدا او كدا ممكن تكون عرفتها.
عاصم ..هو انا فاضي اجري يا بت من هنا شكلك فايقه انهاردة ونزله تطلعيهم عليا .
ليان ..فايقه جدا.
عاصم ..اكيد يامن صح.
ليان بخجل ..ايوة .
عاصم ..ودلوقتي خارجه معاه صح.
اومأت ليان دون ان تتكلم .
اقترب عاصم من ابنته ..بصي يا ليان انا عمري ما أكره انك تحبي وتتحبي بس خايف عليكي تنجرحي او تنكسري يامن راجل عنده ظروف خاصه و ...
قطعته ليان ..انا عارفه كل دا وحافظه كل الكلام دا ومش عايزة اسمعه يامن انا بحبه عنده ظروف معندهوش ظروف انا بحبه كدا بكل حاجه فيه ممكن ظروفه ديه اللي شداني ليه اكتر ودا مش مجرد اعجاب يا بابا والله ..انا عارفه مشاعري ..انا بحبه وعايزة افضل معاه و بس.
عاصم ..تمام يا حبيبتي المهم خلي بالك مفيش حب من غير وجع.
ليان ..وانا حبي هيتغلب علي اي وجع ممكن يقابلني ومش هسمح ان الوجع ينتصر علي الحب .
عاصم ..هو دا المهم.
سمعت ليان صوت الهاتف يعلن عن وصول يامن ..يلا يامن وصل باي باي يا عصوم.
عاصم ..باي..باي ..يا مجنونه.
ركضت ليان الي الخارج لكي تقابل محبوبها كما أطلقت عليه .
وقف يامن امام الفيلا وهو ينتظر ليان بشوق .
خرجت ليان واقتربت منه ببطئ ورفعت يديها لكي تسلم عليه ام يامن فاجذبها من ذراعها واخذها في احضانه.
يامن وهو يضمها اليه اكثر ..خليكي كدا ومن غير ما تسألي ليه بعمل كدا ممكن .
احتضنته ليان ..ممكن .
أبتعد عنها بعد فتره .
يامن ..هاا نروح فين .
ليان ..عند مامتك .
يامن ..نعم .
ليان ..ايوة عايزة اتعرف عليها مش ممكن اقدر اساعدكم.
يامن ..ليان متضغطيش عليا .
ليان ..لا هضغط ديه مامتك وانت متعرفش قيمه الأم أو انك تعيش من غير ام يامن انت ممكن تكون اتحرمت منها 20 سنه او اكتر بس لسه عندك فرصه انك تقرب منها وتفضل جمبها ارجوك اديها فرصه تقرب منك وادي لنفسك فرصه انك تسامحها.
يامن..أوقات بحس اني سامحتها وان ملهاش ذنب هي كمان كانت ضحيه زي بظبط بس بردو بفتكر انها رفضت ابنها رمته لداده بتاعته كل ما افتكر انها متعرفش عني حاجه بتضايق المفروض ديه امي يعني عارفه عني اقل تفاصيل حياتي مش بيبقى بايدي لما بتعصب عليها او بزعق في وشها انا ببقا محتاج لحضنها بس بفوق نفسي وبفكر نفسي انها اكيد هترفضني زي زمان صعب يا ليان انك تبقي عايزة تحضني امك وتبقي مستنيه الاذن منها .
جففت ليان دموعه ..انسي كل دا يا يامن وسيب نفسك انهاردة لاحساسك سيب نفسك لقلبك هاا ايه رايك.
يامن ..موافق..خلاص هتصل بالداده اعرفها علشان تقول لماما .
ليان ..اشطا .
ابتعد يامن قليلا واتصل بالداده وحكي لها من ليان وأنهم سوف يأتون بعد نصف ساعه ثم أغلق معها وعاد الي ليان المتحمسه بأن تساعد يامن ، ركب يامن سياره ليان وبدأت ليان تقود السياره باحتراف وهي تتحدث مع يامن لكي تقلل من هذا التوتر الواضح عليه .
عند سما
استيقظت سما علي صوت ادهم .
ادهم ..مامي ..يا ..مامي .
سما ..في ايه يا ادهم.
ادهم..في عمو برا بيسأل عنك انا سمعت صوته قبل كدا يا مامي بس مش فاكر فين .
سما ..طيب يا ادهومي روح انت اقعد معاه برا علشان عيب نسيب الضيف كدا ومامي هتغير هدومها وتخرج حالا .
ادهم وهو يقبل والدته..اوكي مامي .
خرج ادهم الي الخارج اما سما فاتجهت نحو الحمام سريعا وغسلت وجهها وخرجت وارتدت عبائة استقبال وارتدت حجبها وخرجت وكانت الصدمه الكبري عندما رأت مازن يجلس بجانب ادهم ويلعبون.
سما ..مازن ايه إللى جابك هنا ..وجيت هنا ازاى.
مازن ..طيب قولى الاول ازيك يا مازن ..تشرب ايه..اي حاجه.
سما ..لا أعرف الاول جبت عنوانى منين وبعدين نسأل الأسئلة ديه.
مازن ..شكلك نسيتى انى ظابط شرطه واقدر اعرف كل حاجه عنك من مكالمه واحده زى ما عرفت من مكالمه واحده انك ارمله .
سما ..ادهم حبيبي ادخل أوضتك.
ادهم ..ماشي يا مامي.
دخل ادهم غرفته اما سما فكانت غاضبه وبشده .
سما ..انت مين انت علشان تسأل عنى مين علشان تسأل اذا كونت متجوزه او لا بصفتك ايه تيجي لحد هنا بتعمل ليه كل دا .
مازن ..علشان حبيتك يا سما..ومتقوليش ايه السرعه ديه الحب مالهوش وقت او معاد ..اكيد خايفه من كلام الناس من وجودى هنا بس انا جيت علشان عايز اعرف عنك كل حاجه عايز تديني فرصه وتدي لنفسك فرصه يا سما .
سما..وانا مش موافقه يا مازن ..انا خلاص جربت الجواز وانتهى ومش عايزة اجرب دا تانى اتفضل ومن غير مطرود انا مش عايزة راجل تانى فى حياتى.
مازن ..طيب فكري يا سما قبل ما تاخدي قرار .
سما ..انا متاكده من قراري ومش هرجع فيه .
مازن ..طيب يا سما انتى حره.
خرج مازن وهو حزين ومكسور نعم أحبها ولم يحب قبلها ولن يحب بعدها أحبها برغم ظروف حياتها ..
اما سما فاخذت تبكي فهى معجبه بشخصيته ودائما تشعر بإنجذاب نحوه لكن تجربتها المأساوية تمنعها من إعادة نفس الشئ مره اخري .
خرج ادهم من غرفته واحتضن سما اخذت سما تبكي في حضنه .
عند جاسم
وصل جاسم أمام منزل ندي ترجل من السياره ثم اتجه نحو المنزل وطرق الباب فتحت له والده ندي
والده ندي..انت جاسم صح .
جاسم..ايوة حضرتك تعرفيني.
والدة ندي ..اه ندي حكيالي عليك.
جاسم ..وحكت ايه بقا .
والده ندي ..كل خير.
جاسم ..يا خوفي من كل خير ديه .
والده ندي ..لا اطمن اتفضل ادخل ندي بتلبس بس وخارجه.
جاسم ..تمام براحتها.
جلس جاسم في الصالون واتجهت والده ندي الي المطبخ لتحضر له عصير أخذ جاسم يتطلع إلي صور ندي وهي طفله جذب انتباه صوره عائليه ويتضح عليهم الفرح ولكن يوجد أحد مقصوص من الصوره مما أدهشه ولكن قطع وصله تفكيره دخول ندي الي غرفه الصالون .
ولكن ما ادهشه أكثر عندما رأي ندي كانت ندي ترتدي شميز زيتي مثله فاكان جاسم يرتدي قميص زيتي وبنطال اسود وهي مثله ولكن المختلف هي عيون ندي الخضراء والميكيب البسيط وشعرها المسدول خلفها .
جاسم بصفير..واووو.
ندي..ديه اقل حاجه عندي يا جاسم بيه .
جاسم ..اكتر من كدا هتعملي فيا ايه .
ندي ..ناويه اجننك.
جاسم ..لا انا مش قدك .
ندي ..هنشوف .
دخلت عليهم والدة ندي ...يلا يا ندي انتي وجاسم انا حضرت الفطار وعملتلك يا جاسم شويه عصير انما ايه يستاهل بوقك.
اقترب جاسم منها وقبل يديها ..تسلم ايديكي الحلوين دول .
والدة ندي ..تسلم يا حبيبي ...يلا علي السفره.
ذهبت ندي وجاسم الي السفره وجالسوا يأكلون...اخذ جاسم يشاكس ندي ويلعب في شعرها.
ندي ..بس بدل ما اقطعلك ايدك .
جاسم..هدي اعصابك يا بوص.
ندي ..والله لو ماما مش اقعده كونت علمت عليك .
جاسم ..تعلمي علي مين يا ماما دا انا جاسم علي سن ورمح .
ضحكت ندي بسخريه واكملت فطارها.
جاسم..يلا بقا يا ندي ..هستأذن منك يا امي اخدها ساعتين كدا واجيبها ..
والدة ندي ..ماشي يا حبيبي متتاخروش.
جاسم ..ماشي ..يلا يا ندي .
قبلت ندي والدتها ونزلت مع جاسم الي السياره .
ندي ..هنروح فين.
جاسم ..اصبري علي رزقك وهتشوفي .
ندي..طيب لما نشوف اخرتها معاك .
جاسم ..اخرتها فل .
ام عند ليان ويامن وصلوا الي الفيلا التي يسكن بها يامن مع والدته .
ليان ..دا بيتك .
يامن ..ايوة مالك مستغربه ليه .
ليان ..اصلي متوقعتش انك غني كدا .
يامن ..البركه في امي بقا عملت كل دا لما اتحدت اللي المفروض يكون ابويا .
ليان ..تمام يلا ننزل استنى هاجي اساعدك .
نزلت ليان مسرعه واتجهت نحو باب السياره خاصته وفتحته له ومسكت يده واخرجته من السياره كانت كوثر تتابع كل هذا من شرفتها.
نزلت كوثر درجات الفيلا وذهبت نحو الداده .
كوثر بلهفه ..افتحي الباب يا داده يامن وليان جم .
الدادة..حاضر يا كوثر هانم .
ذهبت الدادة نحو الباب وفتحت الي يامن.
امسك يامن يد الداده وقبلها ثم امسك يد ليان .
يامن ..احب اعرفك يا ليان ديه امي اللي ربتني واللي شالت همي من وانا صغير يعتبر هي كل اهلي ..وديه يا داده ليان صاحبه الجمعيه اللي بروح ليها.
الداده ..صاحبه الجمعيه بس .
نغزها يامن مما اخجل ليان ..قبلت ليان يد الداده..شكرا جدا لتربيتك ليامن ونعمه التربيه .
الداده..دا ابني حته مني مقدرش اني اهمل فيه .
ليان ..ربنا يخليكم لبعض .
الدادة..اتفضلوا كوثر هانم مستنياكم.
اقتربت ليان وامسكت يد يامن ودخلوا الي الصالون اقتربت كوثر منها.
كوثر بحب ..ازيك يا حبيبتي انا والدة يامن .
ليان ببتسامه ..وانا ليان صاحبه الجمعيه وصديقه يامن .
كوثر ..اتشرفت بيكي يا حبيبتي.
ليان ..انا اكتر .
كوثر ..ازيك يا بني .
يامن بصعوبه..الحمد لله .
اقتربت كوثر وقبلة رأسه..يارب دايما كويس .
احس يامن بشعور غريب يريد أن يحتضنها يريد أن يقول له عما في داخله يريد أن يسامحها لكن ذكريات الماضي تسيطر عليه.
فاق علي يد ليان وهي تجلسه.
كوثر ..قوليلي يا حبيبتي مش بتلاقي صعوبه في اداره الجمعيه.
ليان ..لا خالص يا طنط لاني حبه الجمعيه جدا فابعمل دا كله بحب وعمري ما ازهق منها .
كوثر ..في حد بيساعدك اكيد .
ليان ..ايوة صاحبتي ندي دايما معايا وفي مديره ماسكه الجمعيه.
كوثر ..ربنا يديكي علي قد الخير اللي بتعمليه.
ليان ..يارب .
كوثر ..مامتك بتساعدك اكيد في اداره الجمعيه.
ليان بحزن .. مامتي متوفيه من زمان بابا بيديني الدعم دا .
كوثر بشفقه..ربنا يرحمها يا حبيبتي .
ليان ..اللهم امين .
كوثر.. يامن دايما بيروح الجمعيه ودلوقتي عرفت ليه.
ليان بخجل ..يامن كمان بيساعدني كتير في شغل الجمعيه .
امسك يامن يد ليان وقبلها..انتي اللي دايما بتساعديني دايما بتخرجيني من الضلمه اللي انا فيها غيرتيلي حياتي يا ليان حياتي قبلك مكانش ليها معني دلوقتي في سبب كبير يخليني اعيش واكمل حياتي وهو انتي .
أدمعت اعين ليان ..انت اللي غيرتني يا يامن ..انا كونت شايفه ان الدنيا دايما بتاخد مني كل حاجه حلوة ومبتديش غير الوحش بس انت كونت اول حاجه حلوة الدنيا تدهاني.
اما كوثر فاعلمت ان ابنها وقع في الحب تمنت أن يدوم حبهم .
كوثر ..طيب ايه مفيش خبر حلو .
ليان ..خبر ايه .
كوثر..يعني خطوبه فرح اي حاجه نفرح بيكم بقا .
خجلت ليان كثيرا..عن اذنك يا طنط هروح الحمام .
اتجهت ليان سريعا الي الخارج من الخجل اقتربت كوثر من يامن .
كوثر..بتحبها .
يامن ..معرفش .
كوثر ..يعني ايه متعرفش اومال الكلام دا كله لمين.
يامن ..خايف.
كوثر ..من ايه .
يامن ..خايف تسبني خايف تحس بالعجز معايا انتي مش شايفه حالتي عامله ازاي هي ليه تحب واحد عاجز زي وهي ممكن تحب واحد احسن مني مليون مره ...
قطعه صوت ليان ..بس انا حبيتك انت يا يامن ..وانت مش عاجز ..انا حباك كدا من غير أسباب حبه ظروفك حبه اني اكون جنبك علي طول مش مهم الناس مش مهم اي حاجه المهم انت ...انت وبس .
صدم يامن من كلام ليان الجمت لسانه ولم يستطيع الرد عليها .
ام عند جاسم وندي دخلوا cairo festival.
ندي ..واو كان نفسي اجي هنا اوي .
جاسم ..اي خدمه يا ستي .
ندي ..يلا نلعب.
جاسم.. طيب نقعد شويه نتكلم وبعدين نلعب ايه رايك .
ندي ..اشطا .
جلسوا في كافيه...وطلبوا عصير .
جاسم ..ابدأ انا بقا يا ستي ..انا جاسم الشافعي ظابط شرطه ماسك جهاز حساس جدا في الداخليه حياتي كلها كانت بنات وبار وارجع في نص الليل كدا كدا محدش هيسأل انا كونت فين لان والدي ووالدتي ماتوا في حادثه بقيت كل يوم بقضي وقت مع بنت شكل ابقى كداب لو قولتلك اني مبسوط كدا عمري ما حسيت اني مرتاح بس اهو فراغ وبضيع وقتي فيه .
ندي ..انت مجربتش تقرب من ربنا احنا كلنا بشر وكلنا خطائين .
جاسم ..صعب يا ندي ارجع بعد كل الأخطاء ديه .
ندي ..لا مش صعب ربنا فاتح بابه دايما حاول واسعي وهتلاقي ربنا واقف معاك وبيفتحلك بابه ليك عمر ما ربنا هيقفل بابه في وش حد ربنا تواب رحيم يا جاسم .
جاسم..هحاول يا ندي ...انتي بقا .
ندي ..انا بقا ندي محمد القاضي ..عايشه مع مامتي دايما من ساعة ما والدي سافر ومرجعش..خريجة طب نفسي بس مكملتش شغل في المستشفي لاني حسيت ان انا عايزة اللي يعالجني الاول وبعدين ابدا اساعد الناس واعلاجهم..اتخطبت من سنتين لدكتور زميلي في المستشفي ودا كان سبب أكبر اني مكملش في الطب ومكملش في أي حاجه .
جاسم ..ليه ..هو عمل ايه .
ندي ..عمل ايه قول معملش ايه ...البيه كان فاكرني من البنات اللي يعرفهم لما لقا إنه صعب يوصلي خاطبني وفي يوم كان عندي شغل زيادة في المستشفي و ...
فلاش باك .
كانت ندي تجلس في المشفي تفكر في حل لإخراج هؤلاء المرضى منن ما هم فيه .سمعت دقات علي باب الغرفه اندهشت لان الوقت متاخر ولم يتبقي احد في المشفي سمحت للطارق بالدخول.
دخل سليم وهو خطيب ندي واغلق الباب .
ندي ..سليم انت لسه هنا مروحتش.
اقترب سليم وجلس بجانبها..ايوة يا حبيبتي قولت استناكي.
ندي ..طيب كويس ..انا خلاص خلصت هاخد حاجتي ونمشي.
عندما حاولت ندي الوقوف امسك يدها بقوه وارجعها مره اخري الي الكنبه.
ندي ..في ايه يا سليم سيب ايدي علشان اخد حاجتي ونمشي .
اقترب سليم منها ونظر الي شفتيها بشهوه ..مش قادر يا ندي اصبر حتي اخد اي تصبيره.
حاولت ندي إبعاده ولكن فشلت ..ابعد يا سليم ..مينفعش كدة.
قبلها سليم بقوه حتي نزفت شفتاها بقوه .
ندي بصريخ..ابعد عني ارجوك .
مزق سليم ملابسها بقوه وبدأ يقبلها بشراسه.
ندي بصريخ ..حد يلحقني ابعد عني يا حيوان .
ولكن لا حياه لمن تنادي ..في هذه اللحظه كان يوجد عامل النظافه في هذا الدور وسمع صوت الصريخ ذهب مسرعا الي غرفه ندي وصدم من المشهد .
ابتعد سليم عن ندي عندما فتح عامل النظافه الباب.
سليم ..انت ازاي تفتح الباب من غير ما تخبط .
عامل النظافه وهو رجل مسن..انت اللي بتعمل ايه حرام عليك بنات الناس دول.
ندي بصوت ضعيف ..الحقني ارجوك .
اقترب عامل النظافه منها وخلع الجاكيت ولف به ندي اما سليم فهرب من الغرفه سريعا.
عامل النظافه ..انتي كويسه يا بنتي عملك حاجه .
اخذت ندي تبكي بانهيار حتي فقدت الوعي .
وعندما فاقت رأت والدها الغاضب .
ندي ..بابا شوفت سليم ....
ولكن اخرستها صفعه من والدها وبقوة.
محمد القاضي ..انا شكلي معرفتش اربيكي.. ازاي تعملي كدا يا ندي تخوني ثقتي فيكي وتخلي وشي في الطين وتسمحي ولواحد زي دا يبعتلي صورك وانتي معاه ويطلب فلوس بدل ما يفضحك..يا خساره تربيتي فيكي ..يا خساره .
وخرج والدها وهو منكس الرأس.
اما والدتها فاخذت تبكي بصمت .
ندي ..يا ماما والله انا معملتش كدا هو اللي اتهجم عليا حتي عامل النظافه شاهد.
والدتها ..عامل نظافة مين مفيش حد شافكم غير الممرضه الصبح لقتك مغمي عليكي في أوضتك.
ندي بصدمه ..ازاي ..لا في حد انقذني..لا انا متاكده .
والدتها ..ادي اخره دلعي فيكي يا ندي .
ندي ببكاء ..ابوس ايدك يا ماما صدقيني ارجوكي صدقيني .
انتهي الفلاش باك .
ندي..وبعدها بابا سافر وقال مش عايز يشوف وشي تاني اما ماما فأنا حكتلها كل اللي حصل وهي صدقتني اما سليم بعد ما خد الفلوس من بابا هرب وعامل النظافه مشوفتهوش تاني اختفي ومن ساعتها وانا بلبس لبس محتشم .
جاسم ..دا حيوان وخساره فيه كلمه راجل .
ندي..حسبي الله ونعمه الوكيل انا الحمد لله راضيه ودا كان اختبار من ربنا .
امسك جاسم يديها..متزعليش نفسك يا ندي بكرا باباكي يعرف الحقيقه ويرجع تاني ليكم .
ندي..يارب يا جاسم.
جاسم ..يلا تعالي نلعب .
ندي ..يلا .
ذهب جاسم وندي بدأوا اللعب بحماس لعبوا الكثير من الالعاب ومن ثم اشتري لها جاسم عروسه .
ندي ..ميرسي جدا يا جاسم علي اليوم دا .
جاسم ..انا اللي اول مره احس بالشعور دا بجد.
خجلت ندي ونزلت من السياره واتجهت مسرعه نحو المنزل .
اما جاسم فكان يبتسم علي عفويتها.
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق