رواية قتلني ورحل الفصل الحادي عشر 11 بقلم ميفو السلطان حصريه في مدونة قصر الروايات
رواية قتلني ورحل الفصل الحادي عشر 11 بقلم ميفو السلطان حصريه في مدونة قصر الروايات
البارت الحادي عشر..تطورت علاقه قاسم وليال وكان نهاره معها فكان يأخذها بدري عن جامعتها ويوصلها وهيا من حبها فيه مستسلمه له تذوب بداخله تستجيب له في أي طلب شخصيتها ذابت تحت شخصيته شعر انه ملكها وانها طوع بنانه فكانت انثاه عن حق كان يلهبها عشقا و هيا كالورده في اولها لتتفتح مشاعرها علي يديه تعطيه رحيقها كاملا.. كان ذلك في الصباح ويمكث معها فتره وفي الليل يكلمها ويشرح لها ثم يناما معا علي فائض الحب من كل منهما تجاه الاخر فكان قاسم واثقا معطاءا يعرف كيف يكسب قلبها فهو ليس بالشخصيه الهينه فتمكن منها تماما. حتي النفس لم تكن تتنفسه من غيره.لتسير الحياه وهو يمني نفسه بان يخبر جده وينال حبيبته التي اصبحت عشقا وروحا له.
******
دخلت كارما علي قاسم تجلس حزينه استدار ونظر اليها.. مالك يا بومه.. لتحكي له علي ما فعله ايان في الرحله ضحك هو وقال غامزا ... الطور غيران يا هبله.
تنهدت بقهر .. بس يا قاسم ماتعلقنيش دا جبله وتنح ومابيحسش.
ضحك... اه هو فعلا تنح بس بيحس وبيغلي..
هزت راسها ... انا مش مصدقه يا قاسم والنبي اسكت دا جاحد وانا مقهوره..
ضحك مشاكسا.. انت بت خفيفه اجمدي وانا ممكن اجبهولك علي بوزه.
مطت شفتيها بحزن ... اسكت اسكت انت طيب هتجيب مين.
ضحك وقال بخبث... مش معني اني طيب يبقي ماعنديش خبث الحدايده لا عندي بس مابستعملوش اصله بياذي يا كوكو.
لتنهد وتجلس حزينه فاكمل بثقه ... طب.. سيبيلي الطلعه دي وهولعلك في جته امه بس اصبري عندك فستان جديد فوق مكشوف.
قطبت جبينها... اه عندي ليه.
ضحك.. طب اطلعي البسيه.
شعرت برهبه..... قاسم انت ناوي علي ايه.
ضحك... ناوي ابيتلك اخويا مقهور عشان يتلم بدل طيحته دي يلا بس.
صعدت تلبس وتزينت كملكه جمال ونزلت ما إن رآها حتي أطلق صفيرا.. ايه يا بت ده مزه يخربيتك دا الحلوف اخويا مابيفهمش.
جلست متزمره... ها لبست واتزفت.
تنهد ابتسم .... بصي بقه تجاريني في الكلام مش مراد عيد ميلاد اخته باين وانت خارجه عشانهم. مراد عامل حفله وهتروحيها وانت بتوريني وسيبيني بقه ادوس واهرس.
قالت بخوف.. قاسم اخوك ممكن يمد ايده هروح فيها.
ضحك... عيب عليكي.. سمع صوته فقال مسرعا .. جاي جاي يلا لفي.
لتدور هيا علي الفور تعرض نفسها.. دخل ايان وتسمر مكانه فهيا تدور وتضحك كانت فاتنه خفق قلبه من اول شعرها لجسدها وضحكتها وعفويتها لتتوقف فجاه عندما نظرت الي ايان.. لتخفض عيونها.
الا ان قاسم قال بسعاده .. ايوه كده دا حلو بلاش التاني مقفل قوي انت كده مزه .
دخل ايان وجلس وضع قدما علي قدم وفتح تليفونه كانه لا يبالي ابتسم قاسم بخبث .. هو قالك هيجي يوصلك والا انا اللي هوصلك عشان انا خارج كمان شويه.
هنا رفع ايان وجهه باستفسار.
ابتسمت وقالت.. .. لا يا قسومي قالي هيجي.
رد إيان بنبره حاده ... هو مين اللي يجي هيا الهانم. إنت خارجه والا ايه في ليلتك.
قاسم بلا مبالاه .... اه الواد اللي اسمه مراد اخته عيد ميلادها وكوكو بتوريني تلبس ايه.
اشتعل واحد صوته ونظر اليها ... نعم يا اخويا عيد ميلاد ايه وطين ايه ومين اللي هيجي ياخدها خدها ربنا وايه المسخره دي راحه فين بلبسك ده.
قاسم متصنعا الدهشه.. .. ايه يا ايان مالك ماهي قمر اهيه..
ثم قام وذهب إليها وفرد شعرها مخاطبا.. بصي افرديه كده...
ثم مد يده وانزل حرمله فستانها يظهر مفاتنها وكتفيها العارين ...
آيوه كده مزه تاخدي العقل وترجعي مكلبشه الواد.
إيان صارخا .. انت اتهبلت بتعمل ايه وتكلبش مين كلبشها عفريت..
هب وشد فستانها علي كتفها... غطي زفتك ايه قله ادبك ده.
قاسم بتزمر.. .. انت أهبل اوعي... ثم شد حماله الفستان مره اخري ...بطل تبقي مقفل البنات كلهم بيلبسو كده.
صرخ إيان بحرقه ... فيه ايه يا دكر الحدايده ..من أمتي... انت اتهبلت في عقلك.. ثم شد فستانها مره اخره كانت هيا تقف بغلب تنظر لفستانها بين شد قاسم وايان.
قاسم بعتاب .. بطل يا واد انت بومه احنا الرجاله بنبقي عايزين نشوف حته طريه ...ثم شد حرمله الفستان ...بيني يا كوكو بيني فرجي الواد.
دفعه ايان وشد حرملتها بعنف للاعلي .. يتفرج عليك خلقه اتهبلت.
صرخت هيا ...بطلو بقه ايه انتو فيه ايه نازلين شد في الفستان هتقطعوه.. وانا اتاخرت.
لتستدير بلين .. قسومي كده حلو والنبي هعجب.
صرخ إيان بجنون ... الله يخربيتك تعجبي مين يا سافله.
تنهدت بغلب .. اعجب اللي في الحفله ايه مالك الله.
لتتنهد وتذهب الي احد المرايات.. قسومي احط الروج الاحمر والا النبيتي.
قاسم بنبره يشوبها الحب ..... لا شفايفك مليانه.. الاحمر حلو هيبانو آكتر..
ابتسمت واستدارت تضع روح شديد الحمره.
صرخ ايان.. ماتلبسي بدله رقص احسن.
ضحك قاسم.. بكره يا واد تلبس للواد مراد بدله رقص ابقي هاتيها حمرا يا كوكو انت بيضه ومزه وجامده والواد هيهيص.
اقترب ايان... ورزعه بوكس.
قاسم صرخ حانقا.. انت اتهبلت.
صرخ ايان.... عشان تلم نفسك بقله ادبك وانت اطلعي غوري مفيش مرواح لحد.
نظرت اليه بلا مبالاه .. بس يا بابا انا قايله لجدي انت مالك.
قال بوعيد.. .. اطلعي بدل ماليلتك تبقي مش معديه.
تنهدت فصدح تليفونها.. ... اه دا مراد طب سي يو بقه قسومي هنفذ خطتك كلها انهارده.
صرخ إيان بهياج... انت قولتلها ايه يا زفت انت.
ضحك قاسم غامزا.. كيف تشقطين رجلا عشان البت هبله قولت اعلمها الرجاله بتحب ايه.
صرخ إيان ودفعه بعنف .... انت عيل سافل وزباله والله لاوريك..
اندفع يلحقها عالباب وشدها ....راحه فين بلبسك العريان ده ليه شيفانا مش رجاله شدها وصعد بها
فهتف لقاسم عاليا.. اطلع قوله الهانم عيانه عشان والله هصور قتيل.
قاسم باستفزاز .... استني يا واد خلي البت تشقط الواد دا مز هتبوظ التخطيط.
قذفه ايان باحد الطفايات.. . وصعد بها ووقف قاسم يضحك.. احسن عشان تولع وتحترم نفسك هتموت عالبت وانت جاموسه وطايح كل نفسك بقه
ليستدير ويخرج يعتذر لمراد.
دخل ايان الحجره دفع كارما وصرخ.. لابسه للبيه ومبينه دراعاتك ونص صدرك وراحه فين بيهم..
تنهدت ... انت عايز تتخانق وانا تعبت منك ومن تحكمك َماعرفش بتعمل كده ليه.
صرخ بحده... بعمل عشان تلمي نفسك وتبعدي عن الزفت ده.
صرخت بحرقه.. ليه ابعد عنه ليه..
نظر اليها وهو يغلي.. انا ماعرفش مالك هتتهبلي وتتجوزي.
اقتربت منه .. وفيها ايه يا ايان اما اكون عايزه اتجوز وافرح واحب نفسي احب يا ايان ايه مشكلتك.
صرخ بحده َ... مالقتيش الا ده.
.قالت بنفاذ صبر .. ايه عيبه راجل ومحترم.
اندفع بغضب....و مابتحبهوش اوعي تكدبي.
لتتنهد ... مافيه خطوبه نحب فيها انت متعصب ليه تكرهلي افرح... ليه ليه بتكرهني.
تنهد فلم يعرف ماذا يقول قال بارتباك ... انا مابكرهكيش هكرهك ليه عايز حد ليكي محترم وبس.
اقتربت منه بلين .. نفسي الاقي حد احبه بجد ويقولي بحبك يا كارما..
همس مرددا... بحبك يا كارماااا.... بطلي بقه انت ايه ده.
قالت بوجع.. تكرهلي افرح وانا يتيمه. بس هو يجي وانا ادلعه لتقترب وتنظر اليه بحب... هدلعه اوي واحبه وألبس له واهننه.
لم يحتمل فمسكها بغضب .. اه هتلبسيله بدله حمرا مش كده.
لتغتاظ وتدفعه تستفزه .. كل البنات بيلبسو بدل رقص في جهازهم دا حتي جبت واحده من فتره بس مش حمرا جبتها سوده فكرني اوريهالك عشان تفرحلي. واستدارت تبتعد عنه غاضبه.
اندفع وشد*ها يديرها.. جايبه لمين يا زباله بدله رقص.
نظرت اليه بتحدي.. جايبه للي هيقلي بحبك يا ايان ايه رايك.
هزها بعنف.. انت واحده خلاص فلتي وانا ماهسكتلكيش فين الزفته دي والله اطين عيشتك.
ضحكت ورفعت حاحبيها .. ايان انت بتهري ليه لتكون غيران عليا.
تراجع وقال بارتباك.. نعم نعم.. ايه غي ايه.. اغير عليكي بتاع ايه انت ايه اساسا انت والا حاجه.
رفعت حاحبيها.. .. بقي كده.. ماشي يا ايان كتر خيرك.
واستدارت تقف فرن تليفونها لتتنهد فهو مراد فتحت الخط ... ايوه يا مراد .
اقترب ايان ومسك الفون وفتح الخط لتنظر اليه غا*ضبه سمع مراد.. قاسم قالي انك تعبانه والله قلبي وجعني.. نظر اليها غاضبا قالت بلين سلامه قلبك يا مراد معلش مره تانيه.
سمعه يقول.. انت بقيتي حاجه كبيره اوي عندي.
قالت بلين.. شكرا يا مراد انت حد لطيف ومحترم.
صدح صوت مراد لينا... بس يا كارما.. كارما هو انا يعني بفكر فيكي مش بس كشريكه في الشغل انا بفكر فيكي حاجه تانيه
هنا اشتعل ايان وقفل الخط.
صرخت بانفعال... انت اتجننت.
رفع يده غاضبا ... اللهم صلي عالنبي الواد بيفكر فيكي دا حاجه حلوه واحنا قاعدين هبل والبيه بيسبسب.
قالت بغضب متصنع.. بتقفل ليه كان هيقلي بحبك انت غلس ليه.
نظر بغضب... ولما يقولك بحبك هتعملي ايه في ليلتك السوده.
قالت بدلع.. هقوله بحبك..
هجم عليها ومسك ذراعها يصر*خ انت بتحبيه.
ضحكت .. لا.
هدر منفعلا.... امال هتقوليله ليه.
هزت كتفيها .. عشان عايزه اعيش الحب انا محرومه حب يبقي اقبل باي حاجه.
اقترب متنهدا.. يعني اي يحد يقولك كلمتين هتقبلي انت مجنونه.
قالت بتافف.. اه مجنونه ويلا بقه عشان عايزه اقعد لوحدي.
شدها... عشان تكلميه مش كده ذهب للكنبه... طب ادي قاعده اما اشوف هتكلميه ازاي.
نظرت اليه بغضب.. انت عايز ايه دلوقتي.. صمت ولم ينطق..
سمعا خبطا دخل قاسم.. ايه يابنتي مراد بيطمن مابترديش ليه دا الواد واقع ومتلوع هنجوزك يا كوكو.
صرخ ايان.. اخرج بره بدل ماطبق وش امك.
دخل قاسم.. انت مالك والع كده هتكره للبت..
اقترب ولفها دا كوكو نفرحلها مزه وقمر ادورتي يا كوكو والراجل ساح بصي بكره نقعد اعلمك الرجاله بتحب ايه دروس ببلاش اهوه.
ليقوم ايان ويدفعه للخارج... طب بره بقه وعدي ليلتك السوده.
ضحك قاسم وخرج .. طب اقولها درسين طيب تجيب الواد من قلبه..
ضربه ايان واخرج وهيا تقف تنظر اليه بمكر.
صرخ... انتو متأجرين عليا منكو لله لتستدير وتقف امام المراه وتتنهد وتهتف.. طب ايه هفضل كده لوحدي.
اقترب يقف ورائها كان قلبه ياكله ... مش ينفعك يا كوكو والله.
رجف قلبها من دلعه لها لتستدير وتهمس.. انا كبرت يا ايان وعندي مشاعر نفسي اديها للي احبه هو انا مانفعش اتحب.
نظر اليها ياكلها بعينيه .. ماتنفعيش ازاي بس.. لتقترب وتهتف.. يعني انفع حد يقولي بحبك..
تنهد ... بحبك....اه ينفع.
لتغمض عينها .. ايان ممكن اطلب منك طلب.
... عايزه ايه.
قالت برجاء... انا انهارده كان نفسي افرح وانبسط وانت غمتني ممكن نرقص مع بعض.
.قطب جبينه.. . نعم ياختي..
تنهدت بأسي .. مفيش فايده.. خلاص روح روح هروح ارقص مع قاسم حتي يديني دروس لتستدير.
فشدها الي احضانه وصرخ.. ماتهمدي بقه بلا دروس بلا طين علي دماغك.. تنهد واخرج تليفونه وشغل موسيقي شدها بعنف لتتاوه
..قالت غاضبه... ايه ده بتشد كده ليه.. ايه ده.
... بطلي بقه وعدي ليلتك.. اخذها يدور بها والموسيقي تصدح في الافق وهيا تنظر اليه وهو لا ينظر اليها لتتنهد وتغمض عينها وتتخيله حبيبها.
نظر اليها وجدها مغمضه عينها اقترب لا شعوريا ويضع شفتيه علي جبينها لتحس بلمساته وتنساب مشاعرها شدد عليها فرفعت وجها لتتقابل عيونهم..
همست... ايان .
ظل تائها في نظراتها نزل علي وجهها يحرك وجهه ويتلمسها وهيا قد تاهت و قلبه سيخرج من مكانه وجسده يشتعل احس ان هناك خطا اصابه تشنج ومسكها بقوه لتنظر اليه وجدته يشدد علي وجهه يتحكم في نفسه ابتعد مسرعا لا ينظر اليها حتي لا يهجم عليها يصرعها بقبلاته ليستدير ويهرب مسرعا وقفت هيا مقهوره تتنهد لتهمس.. بتحارب نفسك ليه انت جواك ليا حاجات انا حاساها ثم جلست حزينه تسترجع قربه لها ولا تفهم لماذا يبتعد عنها.
*********
دخلت صديقه فاديه عليها في المكتب لتهتف تعالي يا فاديه عايزاكي.
.. فاديه خير يا صفاء.
.. عارفه انت اخو احمد جوزي سفير وعنده شاب زي الورد مستقبله ايه حكايه فلوس وعز وعايز عروسه.
... طب انا مالي.
... مالك ايه عندك ليالي.
بهتت فاديه... ايه لا دا صغيره يا صفاء. 🌿 سبحان الله وبحمده 🌿
... بطلي بلاش هبل الواد قيمه وسيمه ويشرح القلب. وهيستناها انا بصراحه وريته صورتها وهينهبل عليها.
... فاديه بس بس..
.. صفاء بصي هما يقرو فاتحه نمسكهم وسنه كده ونخطب وسنه تالته تتجوز اوعي يا فاديه الواد مايتعيبش.
... طب استني بس افكر.
... تفكري ليه بطلي خايفه البت ماتوافقش.
.. فاديه لا بنتي هبله وهتوافق انا اللي اقول اه او لا وليال ماتعرفش حاجه من الدنيا هخليها توافق.
.. طب ناديلها بعد الشغل الواد يجي يشوفها في اي كافيه جنب الشركه ايه رايك قبل مايسافر جايله مؤتمر في فرنسا بنتك هتبقي كل شهرين في حته.
فاديه... طيب يا صفاء ولو اني مش مرتاحه. بصي انا خليها بكره عشان اجبلها حاجه تلبسها لبسها عيالي اوي.
صفاء.. لبسيها حاجه تبين جسمها عايزين نلوح الواد.
فاديه.. خلاص بكره بعد الشغل هخرج معاها اجبلها فستان ونستناكو في الكافيه اللي جنب الشركه عالنيل.
**********
مر اليوم واتي اليوم التالي لتاتي ليال الي الشركه قبل ميعاد الانصراف استعجب قاسم اقترب منها.. انت بتعملي ايه هنا ماقولتيش انك جايه.
همست.. ماعرفش ماما من امبارح مش مركزه كده وبتلف حواليا وانا مش فاهمه ورايحين مشوار مهم بعد الشغل.
قطب قاسم... مشوار مشوار ايه.
لتهز راسها.. ماعرفش.
شعر بالقلق .. طب لما توصلي قوليلي رايحين فين.. هزت راسها فهمس.. ماتجيبي بوسه وانت حلوه كده.
احمرت خجلا.. بطل قله ادبك دي..
ضحك.. يا جمالو وهو محمر كده مزه يا بنت الايه.
أتت فاديه.. ايه يا قاسم ليال قرفاك انا عارفه.
تنهد. يا رب دايما اقول ايه.. لا يا مدام فاديه دا ليال ست البنات.
ابتسمت فاديه ... اه كبرت صح والعين عليها خلاص بنوتي كبرت .
قطب جبينه فقالت ... اسيبك بقه رايحين مشوار بس ادعيلنا ربنا يتمم بخير.
بهت وردد.. يتمم بخير هو ايه يا مدام فاديه.
ضحكت ... لما يحصل هقولك يلا سلام لتشد ليال وقاسم يقف قلبه ينهشه يتمم بخير هو ايه قلبي مش مطمن لا مش قادر
نتش مفاتيحه وذهب ورائهم وجدهم دخلو محل ملابس كبير وقف متخفية.. تختار لليال فستان ضيق يبرز مفاتنها .
ليال.... ايه يا ماما ده لا مش هلبسه فيه ايه كانت خائفه من قاسم لا يا ماما مش هلبسه
نهرتها امها.. بت انت بطلي هبل احنا راحين مقابله مهمه.
قالت بخوف.. .. يا ماما ضيق قوي ودراعاتي باينه.
شدتها .. انهارده بس ويلا لتقترب منها وتفرد شعرها فسألت ليال بتعجب ليال ... ايه فيه ايه.
فاديه.. بطلي واسمعي الكلام من سكات وبدات تضع لها مساحيق لتبدو ليال كانثي تاخذ العقل .. قمر يا بنت فاديه يلا بينا..
اخذتها وخرجت كان قاسم القلق ياكله نظر اليهم احس بالنيران تشتعل بداخله ما إن رآها ... نهار اسود هيا عملت فيها ايه مين دي هيا ملبساها ايه وعمله ايه في وشها يا مصيبتك يا قاسم طب اعمل ايه اطولها ازاي البت بتلمع واخداها فين دي طب ارن عليهم والا اعمل ايه قلبي هتجنن. منك لله يا فاديه البت بتبرق يخربيت كده حبيبي الناس بتبص عليه .
ركب العربه وانطلق ورائهم وجدهم دخلو احد الكافيهات الكبري عالنيل دخل وجلس في مكان جانبي وجدهم يجلسون شعر بنار داخله ففاديه كل حين تعدل ابنتها وتفرد شعرها كانها ستعرضها احس بقلبه يهوي عندما جاءت صفاء التي تعمل معهم َو معها شاب ليسلما ويجلسا معهم..
فهم قاسم مايحدث هب محترقا..... نهار اسود دا جايبلها عريس ... حبيبي جايله عريس الواد نازل بص علي حاجتي منك لله يا فاديه اروح فين اعمل ايه دلوقتي انا حاسس اني هموت.. اعمل ايه
وجد صفاء تقوم وتاخذ فاديه اشتعل.. اهدي اهدي هتعمل مصيبه كانت ليال مرتبكه تشعر بالنار كان الشاب يتاملها ويتامل جمالها لتجد تليفونها يرن ارتعبت فقاسم يتصل.. لتهمس معلش اسفه.. فتحت الخط سمعت صوته غاضبا.. تقومي حالا َتسيبي الزباله ده بدل ماجي اعمل فضيحه.
بارتباك.. اعمل ايه مش عارفه.
صرخ.. ماعرفش لو فضلتي قاعده قدامه ثانيه ههجم عليه اقتله..
لتحمر وترتبك ... طب اقفل .
صرخ ....اياك تقفلي سيبيه مفتوح لتضعه برعب.
الشاب.... ايه يا انسه ليال فيه حاجه..
همست .. بخجل وخوف.. لا لا مفيش
الشاب..... انت جميله قوي ورقيقه قوي
بجد انا حاسس اني قدام جوهره..
كان قاسم مشتعلا... الله يخربيتك وياخدك يا حسرتك الواد بيعاين وبيبص عالهبله بتاعتي طب اعمل ايه فكر. ...هب وخرج من المكان كان الكافيه بجوار الشركه اتجه الي الشركه ودخل لاحد فتيات الامن كان يعرفها .. تعالي يا سلوي عايزك.
.. قاسم بيه خير .
.. بصي هقولك علي حاجه تنفذيها وبعدين تاخدي بعضك وماتجيش الشركه تاني وانا هشغلك في المصنع بمرتب اعلي اسمعي بقه هتعملي ايه..
كانت ليال تفرك وتجلس مشتعله ولا تسمع ماذا يقول الشاب وجد الفتاه تدخل عليهَ .. مين دي يا حبيبي اللي قاعد معاها بقي دي اللي تسيبني عشانها.
بهت الشاب.... اسيب ايه انت مين انت.
.. بقي بتنكر انا مين بقي تحب وتخرج وتقابل وجاي تقولي مين لا انت فاكر ايه.
لتقترب فاديه وصفاء.. فيه ايه.
صرخت الفتاه...البيه ماشي معايا وجاي يحب ويمشي مع واحده تانيه .
فاديه.. اخرسي .
هنا اقترب قاسم مسرعا.. فيه ايه .
فاديه... انت جايبالي يا صفاء واحد بيعرف ستات انا بنتي تستاهل كده.
الشاب.. والله ابدا ماعرفهاش.
هجم عليه قاسم... والله هتتبلي عليك تاخد بعضك وتمشي من سكات بدل ماصور قتيل هنا..
صفاء.. اهدي يا قاسم.
اقترب وشد ليال من يدها .. مدام فاديه.. مستنيكي بره وشد ليال للخارج دون ان يترك لهم فرصه كانت ليال مرتعبه شدها ودفعها الي العربه واندفع بها.
لترتعب ليال... ماما.
صرخ بجنون.. .اخرسي ماتنطقيش اخرسي هعمل مصيبه والله
ليقود وهيا ترتعش رن تليفونه.. رفع الخط معلش يا مدام فاديه العربيه اتكلبشت كنت بشتري حاجه والله.. وشدو العربيه لا ليال معايا خفت اسيبها وانت اتاخرتي.. معلش روحي وانا هجيبها البيت انا اسف والله .قفل وقف بالعربه شدها الي احضانه لترتعش .. اكتمي عشان والله هرتكب مصيبه.. ظل محتضنها ليهدا اخيرا.. ليبتعد ويمسك يدها ويقبلها.
.. قاسم ماما هتزعقلي .
تنهد... بطلي بلا تزعق بلا تزفت.. ممكن اعرف الهانم بتقابل من غير ماتقولي ليه ملكيش حاكم.
.. انا ماكتش اعرف والله لقيتها لبستني وخدتني َمن غير ماتقول وماعرفش واخداني فين.
ظل ينظر اليها وقلبه مهتاج.. .. دا عريس العرسه كلت قلبه كت هقوم اقتله..
.. طب زعلان ليه انا مالي.
صرخ... ايه اللي مالك مانت العروسه عايزه تتجوزي وتسيبيني دانا اقتلك.
لتتنهد وتمسك يديه.. اتجوز ايه بس. قاسم انا مكتوبه ليك وبس ليال بتاعتك انت بتقول ايه.
هدا .. يا ليال انا كنت هنجلط ولبسك والبيه بيعاين.
.. والله لو كت اعرف كت رفضت.
... ليال اياكي بعد كده يتكرر والله ماهيحصل طيب.
قالت مشاكسه.. ليه يا قسومي مش بنوته وبيجلها عرسان كبرت يا قسومي.
مسك يدها.. كبرتي ليا انا وبس لقاسم وبس فاهمه ليال اخرها بيت قاسم ودنيته وبس.
لتبتسم... وانا يا قلبي عمري ماهكون غير ليك حتي لو حصل ايه انا استحاله اكون غير ليك اصلا.
تنهد وقبل يدها.. كت هموت يا لولي والله اعمل ايه بس.
... خفت عليا يا قسومي.
.. خفت دانا حسيت اني هتجنن يا ليال انا كنت حاسس اني قاعد علي نار والواد نازل بص منه لله.
لتنظر لنفسها.. شفتني وانا كبيره وحلوه.
نظر اليه.. اه ياختي شفت واتحصرت علي حالي اللي الشعب شافه..
.. ايه مش حلوه.
.. قمر يا لولي بس ماتتكررش حبيبي مايظهرش كده ولا هزعل وماكلمكيش . لتهز راسها. 🌿قبل يدها .... احبك وانت قمر وبتقول حاضر وطيب
... طب روحني بقه .
.. عيوني ولو انك قمر كده والا اقولك لا انا ماهفوتش حاجه كده ليفتح تليفونه ويبدا في تصويرها في اوضاع مختلفه ويصور نفسه معها والسعاده تشع منه كان كانه يعيش حلم جميل لا يخرج منه انتهي وذهب بها الي بيتها لتصعد سعيده ويظل هو يفكر فيما حدث.. لا يا قاسم ليال لو بقت لغيرك تموت احسن ليال ما ينفعش تتساب حتي لو جدك عمل فيك ايه.اتشجع بقه وخطط هتاخدها ازاي لا كده انا جبت اخري انا هكلم جدي .
ليعود الي بيته دخل ليسمع صر*يخ جده.. كت فين يا قاسم بيه وسايب الشركه.
.. هاه.. كت.. كت مخنوق قلت اخرج ارتاح.
الجد.. لا والله تعال يا واد امسح الرياله ال مخنوق.. طب الحمد لله يابن نعيم الخنقه راحت وشميت هوا.
ارتبك قاسم.. ايوه يا جدي.
.. طب هنرحع امتي بقه ونشوف مصلحتنا هتفضل قاعد وسط الجرابيع تحت كتير.
.. انامش قاعد وسط جرابيع يا جدي دول ناس محترمه هو فيه ايه.
الجد بغضب عارم... طبعا مالبيه قاعد وفارد وهئ ومئ ومسخره مع اللي يسوا واللي مايسواش وماشي مع حبه جرابيع ادوسهم برجلي.
.. انت عايز ايه انا بشتغل وبطحن نفسي عايز مني ايه.
.. عايزك تتعدل يابن نعيم الا قرصتي والقبر عايزك تتلم وتلم نفسك وتعرف انت مين انت سيد الناس اللي مرافقهم دول.
صرخ.. انا مش سيد حد ماتبطل بقه.
.. ابطل عايزني ابطل حاضر هبطل بس يكون في معلومك انا جبت اخري منك ولو فاكرني اهبل وبرياله تبقي ماتعرفش بدر الحديدي.. العب براحتك بس ماترجعش تنح زي النسوان.. جدك ماهيتنازلش عن قاسم الحديدي ابن نعيم.. اسمع يا واد انت اتعدل احسنلك وده اخر انذار انا غضبي هيحرق ويشيل الكل وهتبقي جنيت علي نفسك بايدك.
نظر اليه قاسم بقهر.
ليكمل ....اخرك معايا كام اسبوع وتطلع تقعد في المكتب وامور المياعه دي كفايه. بدر كفايه عليه كده ليتركه قاسم غاضبا ليس له حيله في تصلب جده ليقف بدر وعيونه تشع غضبا.. جدك مش اهبل يابن نعيم وهيعرفك ازاي ويعدلك ازاي بس عدلته بقبر يا قاسم قابل بقه. .
كانت ليال تعيش حلم ليس له مثيل و قلبها سيخرج من مكانه فهي لم تختبر تلك المشاعر من قبل...
لياتي يوما بدات فيه السحب السوداء تقترب حتي اصبحت غمامه اماتت الكل.
. كانت ليال وامها يجلسان فاذا بهما يسمعان رزعا علي الباب لتذعرا من هول الرزع لتفتح الام الباب لتجد مجموعه من الرجال يقتحمون المكان ليهجما عليهما لتصرخ ليال وامها و.....
.منك لله يا بدر اشوفك متعلق عالشلحااااات.
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق