رواية قتلني ورحل الفصل الثامن 8 بقلم ميفو السلطان حصريه في مدونة قصر الروايات
رواية قتلني ورحل الفصل الثامن 8 بقلم ميفو السلطان حصريه في مدونة قصر الروايات
#قتلني_ورحل
#حكايات_mevo
البارت الثامن...
كانت ليال تجلس حزينه تشعر بالقهر سمعت تلفونها يرن لتفتحه .. ايوه مين.
رد عليها شابا .. يا فندم فيه استاذ هنا واقف علي اول شارعكو وتقريبا حد خابطه بحاجه مش عارف ونايم قدامي اهوه ومش قادر يتحرك واخر نمره كانت نمرتك قالي اكلمك او اكلم والدتك ونمره والدتك ما بتردش فقولت اكلمك.
قالت برهبه ... شاب.. شاب مين.
رد الشاب باقتضاب .... اسمه قاسم..
هبت مرعوبه تصرخ ....قاسم.. قاسم حد خبطه طب ايه ماله عامل ايه والنبي قول.
قال الرجل بنبره هادئه ..... نايم دايخ اهوه انا معاه بس تعالو خدوه روحوه بدل ماهو قاعد كده..
اندفعت هيا وقالت مسرعه....طيب جايه جايه..
قفل الخط وقفت هيا مرعوبه... حبيبي مالك يا قلبي والله اموت انا ..
اسرعت تلبس علي الفور ووقفت مرتبكه ... طب اعمل ايه ماما ماتعرفش اننا بنتقابل يا ربي فكري يا زفته..
ذهبت لوالدتها تخبرها انها ستذهب للخياطه لان بنطالها تمزق لتوافق الام نزلت مسرعه تذهب اول الشارع وجدت قاسم يركن علي مقود السياره وبجواره شاب اقتربت هامسه بوجع ... ايه ايه.ماله .
🌿 سبحان الله وبحمده 🌿
قال الشاب مطمئنا..... لا اهوه دايخ بس ماجبتيش حد معاكي ليه.
ارتبكت هيا ..... هاه.. لا ما ماما جايه ورايا.
ابتسم الشاب .. طب عن اذنكو بقه الف سلامه وتركهم ورحل ...
لتستدير هيا وتدخل العربه وتمسك يده بلهفه تخلع القلب .... قاسم حبيبي مالك عامل كده ليه مين عمل فيك ايه والنبي ماتركنش كده طب طب نروح المستشفي والنبي يا قلبي رد عليا..
قبلت يده دموعها تحرقها وهو مغمض مستمتع بلهفتها.. رفعت يدها تلمس وجهه ....قاسم حبيبي رد عليا.
ادار وجهه وابتسم لها بحنان وقبل يدها لتهمس بلين ذاب لها قلبه .. مالك
قال بنبره هادئه..... موجوع قوي وكنت هموت.
اندفعت بلهفه ...... بعد الشر عليك دانا اموت والله
ابتسم ولامس يدها بشفتيه..... خايفه عليا.
ابتسمت بحزن وصدق ..... حد مايخافش علي روحه انت رَوحي يا قاسم.
اخذ يدها يتلمسها بشفتيه لتهمس... انت كويس.
هز راسه ولم يتكلم شعرت بالوجع وهمست بخوف .. لا والنبي طب اعمل ايه .
ابتسم .... مفيش بس تبقي جنبي ....اخذ يدها وضعها علي قلبه بس تبقي هنا.
ملست علي قلبه .... مالك يا حبيبي مين عمل فيك كده .
نظر اليها بهيام.. قلبي اللي عمل فيا ومش عايز يكلمني اهون عليكي ماترديش عليا .
لتهمس بحزن .... قاسم انا انا..
رد يحثها علي الكلام ...... ايه قولي.. كان يتلمس يدها بشفتيه شدتهم بخجل . لتهمس.. بطل مش قادره.
قال معاتبا .... كتي هتسيبيني موجوع كده دانا اموت.
لتندفع وتضع يدها علي شفتيه.. بعد الشر عليك دانا اموت دا انا بعشقك..
ظل ينظر اليها يريد ان يهجم عليها يحضنها بشده الا انه لم يقدر ان يفعل ذلك .هب مره واحده واندفع بالعربه لتشهق وتنظر اليه بغرابه.. قاسم فيه ايه .
قال بنبره حاده مكتومه ...... هقولك بس اما نوصل انا مش هفضل مكتوم كده كتير.
نظرت اليه قاطبه..... قاسم انت كويس انت مش جرالك حاجه...
ابتسم لها فنظرت اليه ساخطه ....انت بتضحَك عليا صح عشان هبله مش كده.. طب رجعني بقه ماعتش ليك دعوه بيا وروح روح للي كت بترقص معاها يا قليل الادب بقولك رجعني.
ضحك وقال مشاكسا.... بس يا ماما ارجع ايه انا ماصدقت اقفشك لتستدير ساخطه لا تكلمه ...وصل بها لمكان هادئ متطرف .
فقالت متذمره ...... انت جايبني هنا ليه .قاسم رجعني انا مش هكلمك تاني.
اقترب منها ينظر اليها بهيام ....واهون عليكي دا حبيبي كان خايف عليا وقلبه بياكله.
قلت بلين معاتبه.... انت وحش ووجعت قلبي حد يعمل كده.
قال بغلب..... مانت مش عايزه تردي وزعلانه زي العيال وانا ما عملتش حاجه.
نظرت اليه غاضبه.. ماعملتش يا كداب والهانم اللي قعدت ساعتين وتلاتاشر دقيقه ترقص معاها.
ضحك وتعالت ضحكته ..... وتلاتاشر لا ماليش حق هيا التلاتاشر دي رقم فقر انا عارف.
نظرت اليه ساخطه.... انت بتهزر يلا رجعني وخلاص ماعتش هعرفك تاني. مش انا عبيطه وما مشيش مع قاسم.. خلاص هات اللي بيرقصو ويتحضنو وامشي براحتك.
قبل يدها .... والله اموت نفسي لو بعدتي.
شدت يدها تقول بطفوليه .... اه هبعد واعمل زيك وهعرف شباب وارقص معاهم كمان انت مش احسن مني.
نظر اليها ورفع حاجبيه.. والله ليه شايفاني مش راجل حد يحط ايده علي حاجتي دانا اموتك ساعتها.
نظرت اليه بغضب.. طب رجعني بقه وانا مش عايزه اعرفك ومن بكره هتلاقيني مع واحد تاني عشان تبقي ترقص كويس.
اقترب منها ينظر اليها بخبث فارتبكت ....... ايه بتقرب ليه عيب كده .
رفع حاجبيه ... بقي قلبي عايز يرقص مع حد غيري هتقدر يا قمر حد يلمسك.
قالت بخجل.. اه هقدر مالك انت.
ضحك.. مالي ازاي انت كلك مالي وحالي انت هبله ليه كده يا قلبي.
نظرت اليه بغضب... تاني هبله وزفته تاني نزلني بقولك.
مسك يدها وقبلها ....طب زعلانه ليه طيب كان غصب عني اجتماع شغل وماقدرتش اتفلفص.
قاطعته غاضبه.. والله والشغل بيرقصو فيه طب ماتاخدني اشتغل هننبسط كلنا.
نظر اليها بخبث..... دانا نفسي اخدك واشتغل احلي شغل ماتيجي اعلمك الشغل بدل مانت هبله كده.
لتخبطه بحده..... احترم نفسك بقه انا مش عبيطه تعلمني ايه بكره اتخرج واشتغل احسن منك.
انفجر ضاحكا.. لا والله مهما عملتي مش هتشتغلي احسن مني دي قدرات.
بعت يدها تقول بتحدي ..... لا يا استاذ الست بقت زي الراجل وانا هكبر واقدر اشتغل واعلمك كمان.
نظر اليها بهيام... حقه دا يوم المني لما حبيبي يشتغل ويعلمني بس اوصل للفل ده وانا اللي هدوخ والله.
نظرت اليه برهبه..... قاسم انت بتخوفني انت مش عايزني اتعلم ودايما بتكسر من مقديفي ودايما تقولي اني مش هعرف.
مسك يدها وقبلها.. لا يا قلب قاسم دا حبيبي نجمه عاليه في السما اعلمه واخده اطير بيه وهيعرف كل حاجه علي ايدي ولا يوم الا ما هيتعلم مني.
لتهمس بخجل.. يعني هتعلمني ومش هتزهق.
ضحك وهمس ازهق.. طب وصليني بس هناك كده وهتشوفي تعليم سنين بس خايف حبيبي ماهيقدرش هيسورق مني.
همست بحب..... لا والله هبقي معاك زي ماتحب.
نظر اليها بهيام... لا كده كتير وانا خفيف ماعتش قادر.
ليشدها اليه ولا يفلتها لتشهق وترتجف ليتوه فيها وهيا ترتجف من افعاله ليزيد من عنفوانه احست بنفسها تتشنج من دقات قلبها لتتوه معه وتستكين بين يديه .
وجدها بلا حركه ليبتعد مرتعبا.... ليال قلبي مالك نهار اسود البت سورقت من بوسه امال بعدين ايه هنروح الانعاش ...تنهد ....دا ايه الغلب ده ..اقترب من وجهها.... قمر حبيبي كيوت وكتكوت صغنن هتتعلم امتي يا عسليتي لا كده كتير مش متحمل.
اقترب وداعب َوجهها بحنان ....ليو قلبي فوقي ظل يفيقها لتفتح عيونها بهدوء كانت تحس بالخدر في جسدها وتعيش حاله من التوهان نظرت لتجد حبيبها يبتسم لها ابتسمت له بحنان لتهمس قاسم.
قبل يديها... روحه اللي ماعتش نافع اعمل ايه هموت كده.. همس ماتفوقي يا قلبي والله خطر عليكي كده ظل يداعبها بحنان لتعود لنفسها رويدا لتدرك ما فعله معها لتشهق وتهب بعيدا وتضع يدها علي شفتيها وتنزوي بعيدا.
تنهد بغلب .. ايه مالك .
قطبت جبينها ليبتسم.. ايه حبيبي ماله بعيد كده.
همست بتلعثم... بطل انت طلعت قليل الادب بطل مش هكلمك تاني.
تنهد بغلب..... قليل الادب هو ده اخرك في قله الادب.. يا رب.. مسك يدها لتشدها شدد عليها.... ليال انا بحبك واحساسي اني ابقي معاكي بيغلي جوايا عارف اني لمستي غلط بس ماقدرتش بس انت صعبه قوي لازم تعرفي اللي بيحبو ويتخطبو ويتجوزو بيعملو ايه.
همست بخجل...... مانا هعرف بعدين ماما قالت..بعدين. وماينفعش عيب خالص تعمل عيب هبقي بنت مش كويسه ..صمتت لبرهه وتفتح عيونها . لتستدير بسعه وتبتسم بحنان.....
قاسم انت عايز تخطبني.
تنهد مبتسما.. امال هيكون اخرنا ايه ما ده اخرنا بس قدامي فتره بس مش متحمل مالمسكيش.
همست بخجل.. عيب يا قاسم.
تنهد كاتما نفسه..... اه عيب عارف بس قلبي بياكلني وانت لازم تتدردحي شويه ماحدش بيبقي مقفل كده.
قالت معاتبه..... كده يا قاسم انا مقفله يعني انا وحشه اه مانت كت بترقص ومبسوط.
ضحك..... لا والله ما مبسوط.
قالت متزمره...... يعني ترقص مع حد غيري اخص عليك ترضي ارقص مع غيرك.
تنهد وقال بصدق.. والله اموت .. حبيبي عايز يرقص معايا لتخجل من كلامه وتهز راسها ...ابتسم وانا هموت وارقص معاكي يا قلب قاسم خرج بره العربه وشدها كان المكان علي اطراف المدينه عاليا فتح الموسيقي وشدها لتهتف بخجل. ايه .
همس بلين ...... هنرقص شدها اليه لتحمر خجلا.. بس يا قاسم احنا في الشارع عيب كده.
ضحك وقال.... لا احنا في الصحرا وماحدش معانا ظل يدور بها هائما هيا سعيده انا حاسس اني طولت الدنيا كلها.
همست هائمه.... بتحبني.
اتسعت ابتسامته عيونه متعلقه بها ........ بعشقك انا عديت مراحل الحب والله عديت.
لتتنهد وتهمس ...وانا كمان والله.
ظل يدور بها بهيام ويهمس لها بكلمات الحب حتي اتي ميعاد رجوعها ليعيدها
كانت ليال سعيده حالمه ولكنها شعرت بالذنب جلست في العربه لتهمس... قسومي كنت عايزه عايزه
مسك يدها .. ايه يا قلب قسومك..
قالت بتلبك....... انا كنت زعلانه منك وعملت حاجه يعني يعني..
قطب جبينه ........ ايه قولي
لتهمس بخوف... خايفه هتزعل بس والله كنت زعلانه.
تنهد وقال بنفاذ صبر ... عملتي ايه يا مصيبه.
نظرت اليه برجاء.... مش هتتخانق والنبي مش كده.
قال منفعلا... ماتخلصي فيه ايه.
ردت مندفعه .. انا انا.. اتصورت بالفستان اللي ماما جايباه ونزلته استوري. ثم انكمشت لاخر العربه خوفا.
قطب جبينه.. نعم ياختي عملتي ايه.
قالت مسرعه.. لا مانا هفتحه وامسحه اهوه لتفتح تليفونها مسرعه فشده منها يفتح الصور شعر بالنار دخلت جسده .. فالفستان ضيق بشكل كبير وبفتحه عنق وهيا اسدلت شعرها لتبدو رائعه رغم الحزن البادي في عيونها جراء وجعها .اغمض عينه ومسك التليفون ومسح الصور وحدفه علي تابلوه العربه وضع يده علي وجهه يهدئ نفسه..
لتظل هيا مرتعبه.. انت زعلت..
ظل صامتا لتقترب منه ... لا والنبي انا فرحانه ماتزعلني.. خلاص والله ماعت هعمل كده قسومي كلمني بصلي ماتعملش كده هموت لو تزعل..
قال بغضب.. ولما انت عارفه اني هزعل عملتي كده ليه.
لتهمس بوجع.. كنت متغاظه يا قسومي والله انك سيبتني ساعه وتلاتاشر دقيقه خلاص بقه والنبي.
تنهد بغلب.. دا فستان يتلبس.
مسكت يده برجاء..... خلاص بقه و َحياتي.
قال محذرا.... ليال انا مابحبش كده وبعد كده لو حصلت ماهعديهاش .
ابتسمت تمسد علي يده .... خلاص بقه ماتزعلش بصيلي طيب اخص عليك.. لتتنهد وتقترب منه بخجل وتحس انها ستموت وتقبل خده وتهمس ....انا اسفه.
اغمض عينه يستجمع نفسه ليدير وجهه بحب ويبتسم لتبتسم له وتهمس.. خلاص والله ماحدش شاف يعني كتير.
هز راسه بياس... اعمل فيكي ايه عيله صغيره.. ولو واحد شاف اموت فيها..
قالت بخفوت .... والله دول اربعه بس طنط ليلي وطنط مني وايات صاحبتي وابيه شادي..
انشل مكانه..... نعم ياختي ابيه مين.
قالت ببراءه..... ايه مالك ابيه شادي.
صرخ بهياج..... وابيه طين بيعمل عندك ايه لسه.. مسك يدها.. انت سايبه الزباله ده عندك ليه.
قالت برغب .... ما هو ما هو..
صرخ بحده ...ماهو ايه..
قالت بخوف ......ماهو دخلي خاص واعتذر وقالي ماما فهمت غلط وطلب نكمل اصحاب قولتله ماشي يا ابيه وقالي هبقي اكلمك اطمن عليكي قولتله طيب يا ابيه.
ظل ينظر اليها غير مصدق.. احس انه سيضربها خرج من العربه ظل يدور من غضبه وهيا تنظر اليه بغلب.. نزلت ورائه تقف لتقترب قال منفعلا.. ماتقربيش عشان هعمل مصيبه .
ظل يدور ويدور ليعود الي العربه ويمسك تليفونها ويخرجه ويبحث عن شادي ويعمل له إزالة ويرمي الفون ويقف يسند عالعربه يحاول يهدا وهيا تقف مرتعبه .
ذهبت تقف بجواره وتمسك يده تنهد لتهمس.. انت ايه اللي يرضيك طيب وانا هعمله.
قال منفعلا.. سي طين ده لسه عندك وتصدقيه انت ازاي هبله كده....
لتقترب منه وتضع يدها علي صدره..... خلاص يا قسومي بقه مش انت قولت هتعلمني بالراحه. انا مش بعرف ماتعملش زي ماما والنبي.. فهمني يا حبيبي. قاسم انت روحي ودنيتي هاخد دنيتي منك انت ادهاني زي ماتحب وانا من ايدك دي لايدك دي.. عارفه انك هتحافظ عليا وانا اهوه تحت امرك والله ماهنطق وهقول حاضر وطيب بس لا تزعل ولا تبعد.
كانت تتلمسه بقرب لاول مره ليلين لها ويتنهد لتهمس.. خلاص والنبي قلبي بيوجعني.. رفعت نفسها تقبل خده هز راسه وشيح بوجهه لتهمس.. هتفضل زعلان كتير.
قال بحده...... كتر خيرك كل يومين تولعي فيا.
لتقترب وتقبله مره اخري.. تجلد وقال... بتضحكي عليا شايفاني اهبل..
لتقترب وتضع يدها علي صدره وتهمس.... خلاص بقه والله ماهعمل كده تاني دانا حبيبتك ماتبقاش وحش..
تنهد وحاوطها بيده ليهمس.... هسامحك بس تبصيلي.. شعرت بالخجل لتهز راسها فاردف بغضب...... طب خلاص مش هسامحك.. لتتجلد فهيا في احضانه لاول مره لترفع عيونها ووجهها يضج بالدماء تنهد بحب.. قلبي انت عامله كده ليه دانا حبيبك مش حابه تكوني في حضني.
لتهمس خجل.. عيب يا قسومي كده.
قال بخبث... مش عايزه تصالحيني.. لتهز راسها ليهمس طب حبيبك عايز حاجه حلوه..
ابتسمت ببراءه..... طب عيوني انا معايا فلوس تعالي اروح اجبلك حاجات كتير.
تنهد بغلب.. لا يا قلبي انا عايز حاجه تانيه ليشير الي شفتيها من هنا.
لتشهق وتبتعد .. قاسم عيب الله.
ركن علي العربه بتسليه.. طب خلاص قاسم ماهيكلمكيش خالص ولا هيبقي حبيبك.
لتندفع وتحتضنه.. لا والنبي اوعي دانا اموت.
احتضنها بحب.. بتحبيني اوي كده.
نظرت اليه بعشق... قاسم انا قلبي بقي انت وبس.
نظر اليها بهيام... وقلبك عايز حاجه حلوه هتقوليله لا..
لتخجل وتطرق رفع وجهها ....هتسيبيني زعلان.
نظرت اليه بحب تقترب وتقبل خده ضحك.... لا انت مش نافعه كده ليشدها ويتوه معها لاول مره وهيا تذوب وتلين بين يديه ولا تفعل شيئا كانت كالهلام بين يديه تشعر بدوار ومشاعر لاول مره تختبرها ...
ابتعد يحتضنها هامسا.. قاسم حاليا طار والله..
ظلت خجوله فضحك..... ايه هتفضلي مكسوفه كده.. عارف اه صعب وعارف انه غلط بس ماقدرش و همحط في الصخر عشان تبقي ليا في الحلال لو الدنيا وقفت قصادي انت هتبقي ليا وبس.. قبل راسها واخذها وعاد بها سعيدا بما حققه معها من قرب لتصعد هيا حالمه بتلك الليله الرومانسيه ويظل هو هائما فيمن اخذت عقله وقلبه..
🌿اللهم صل وسلم وبارك على سيدنا محمد 🌿
عند كارما ظلت ملتصقه بجدها خوفا من ايان فنظراته لم تفارقها و وَجهه لا يبشر بالخير حان ميعاد الرجوع من الحفله لتجلس هيا لا تنطق.
بدر بجديه.... كانت حفله حلوه. ... امال الطور اخوك ساب الحفله وغار فين اعمل ايه فيه عيل بارد وشارد.
.. كارما بلين... مالك بيه يا جدو دا قسومي عسليه َوحنين.
د الحديدي بعنف..... حنين.. ياختي اتنيلي ابن نعيم يبقي حنين دا مرار. عيل قلبه ضعيف خايف عليه لواحده تضحك عليه وتهبله ويمشي وراها.
قالت بلين... تضحك عليه ليه يا جدو مش من حقه يحب الناس ماتقدرش تعيش من غير حب.
رفعت عينيها في المرايه لتجد ايان ينظر اليها بغضب لتشيح بوجهها.
بدر ساخا..... يحب ادي اللي كان ناقص وتركعه وتاخده بعيد عن العيله..قاسم مايحبش ولو حصل هخرج قلبه من مكانه اقطعه واعدله وارجعهوله تاني راجل من غير قلب. قاسم لو انعوج انا هضبطه بطريقتي اللي تخليه جاحد.. لازم ينقرص عشان يعقل. لازم يتجوز واحده ليها مواصفات خاصه ابن نعيم مستقبله كبير لازم ست جامده تشدد عليه وتقف بطوله.
🌿 استغفروااااا 🌿
قالت بحزن..... جامده ايه يا جدو هو حد يعيش مع حد كده قاسم حنين يا ريتني احبه والله دا طيب قوي.
ايان بغضب.. ماتحترمي نفسك بقه انت مالك بجحه كده.
ردت غاضبه.... ايه مالك انت الله.. والله قاسم يتحب واي حد يتمناه واحد بيحس وعنده مشاعر مش زي ناس جبله وحجاره.
اندفع ايان بالعربه مسعا منزغضبه فقال بدر.. ايه يابني اتهبلت فيه ايه فلم يرد
تنهد بدر الا انه قال بخبث.. والله يابني انت اللي فيهم.... واحده من ايام السينما الصامته والحب الافلاطوني وواحده اهبل .انما انت بدر عن حق لا ليك في الحب ولا المسخره وماليكش في النسوان من اساسه بكره اشوفلك واحده كده جامده تتجوزها نعمل شراكه.
كارما بقهر..... اه ما ده اخره.
بدر ضاحكا...... وانت بقه يا كوكو نشوفلك واد جامد كده زي الواد مراد. انهارده ما شالش عينه من عليكي عايزك تبقي كويسه معاه ماتصدهوش مراد تقيل وعاجبني.
ادفع ايان بغضب .. قول كمان يا جدي ماهي ملهاش رجاله واحنا قاعدين ايه تاني نلبسها بدله رقص وتخش عالبيه توقعه.
صرخت بحده..... احترم نفسك الله.
صرخ بهياج.... احترم نفسي انتو خليتو فيها احترام .نازل كلام للهانم كاننا مش لاقين ليها عريس وعايزه توقع عريس. فيه ايه مراد زفت ده دا شكل البرص الاجرب.
بدر بجديه .... مين ده يا واد.. دا مراد شكل بتوع السيما طول بعرض بكاريزما.
اكملت كارما تزيد اشتعاله.... وذوق وحنين قوي..
توقف ايان مره واحده واتد الكل في العربه واستدار لها وصخ.. والله لو مالميتي نفسك لاطين عيشتك.
بدر مبتسما .. يابني انت اهبل.
كارما غاضبه ... انا مش عارفه ماله ده ماتخليه يسكت بقه هو مافيش غيري يقرفها.. جدو جوزو هاتلو واحده تلهيه كده ايه ده.
صرخ بهياج..... انت مالك بجوازي و زفتي الله. .
قالت بغيظ .... خلاص انت مش عايز تتجوز ماتسيبنا نتجوز الله فيه ايه.
رد بقرف .... بالزمه واحده محترمه تتكلم كده ايه واقعه هتنهبلي عالجواز.
صرخت بحده .. انت مش طبيعي.. لا يا بيه انا واحده عايزه حد حنين واحده قاعده في وسط رجاله من غير ام مافيش حنيه خالص.
بدر بلين.... كده يا كوكو انا مش حنين.
لتدمع وتهمس.. لا يا جدو مش قصدي..
قال بحنان... انت طيبه وجميله ونفسي يجيلك احسن واحد ولو حكمت هكلم مراد يجي ياخدك.
انفعل ايان وصرخ لم يعد يتحمل ..... خده ربنا اهو ده اللي كان ناقص عايز تعرض الهانم للبيع .هنبيع بناتنا يا جدي ماترحموني بقه انتو اتاجرتو عليا الليله دي.
بدر مستفهما.... يابني مالك بس ربنا يهديك سوق سوق عدي اليوم انت بس بتشتغل كتير ومابتفهمش في الحاجات دي.
كارما.. اه قوله يخليه في الشغل بومه كده ويسيبنا بقه نعيش نحب و َنتحب.
انطلق ايان وقلبه ينهشه يتمتم بداخله محترقا .... اه ماليش في النحنحه مش كده حجاره .. جاموسه بتشتغل وخلاص عايزيني ابقي ماشي جبله علي طول والهانم تحب وتتحب وانا واقف اكل في خشب الطرابيزه مانا مانفعش بتاع شغل وطين ماشي ماشي يا كارما .
وصل الي البيت ليتركهم ويصعد نظرت اليه بقهر فهو لا يحس. لتتنهد وتصعد حجرتها تغير ملابسها وتقف في شرفتها هائمه لتهمس هحب امتي بس انا تعبت عايزه احب واتحب لتشهق عندما...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق