سكريبت دكتور الجامعه كامل وحصري بقلم فريدة مصطفى
سكريبت دكتور الجامعه كامل وحصري بقلم فريدة مصطفى
ـ الانسة الي قاعدة بترغي ورا دي
كان صوت الدكتور الجديد الي شافني و انا بكلم مريم صحبتي
بصيت له بتوتر وقومت وقفت و نزلت عيني ف الأرض اغض بصري
ـ بترغي ف أية يا استاذة
= انا بس كنت بسألها لو كانت كاتبة المحاضرة الي فاتت عشان انا محضرتهاش
زعق بعصبية: وانتي جاية تسأليها ف المحاضرة بتاعتي
انكمشت ف نفسي لأني بخاف من الصوت العالي: انا اسفة
خبط أيده على البنش بعصبية: اتفضلي اطلعي برا
= بس يا دكتور انا..
قاطعني بزعيق وهو بيشاور على الباب: برااا
دمعت لاني بطبعي حساسة اوي و اتجهت ناحية الباب وانا سامعة صوت ضحك الطلبة و شايفة مريم الي كانت بتبصلي بحزن
سمعت زعيقه: لو سمعت كلب بيضحك هيشوف مني وش تاني خالص!!
خرجت برا المدرج و انا بعيط و روحت الكافتيريا و وقعدت و حطيت ايدي على وشي وانا بعيط
(تعالوا اعرفكم على نفسي..انا ليلى عندي 21 سنة ف كلية تجارة أنجلش و دة دكتور حازم دكتور جديد ف الكلية عرفت أنه عنده 27 سنة الي خدته عنه أنه جد جدا وعصبي جوا المحاضرة بس برا المحاضرة بيبقا مرح اوي و بيحب الهزار)
قعدت ف الكافتيريا مدة معرفش هي قد اية لحد لما لقيت مريم صحبتي بتشد الكرسي الي قصادي وقعدت عليه
• معلش يا ليلى، ده انتي متعرفيش هو عمل أية فينا بعد م خرجتي من المدرج، ده خلانا نشوف النجوم في عز الضهر
= انا معملتش حاجة يا مريم عشان يطردني من المحاضرة ويخلي الطلبة تضحك عليا
مريم قامت و قعدت جنبي و حضنتني
• خلاص متعيطيش يا حبيبتي
= يلا نروح البيت
- يلا
اخدتها و ركبنا تاكسي و كل واحدة راحت بيتها
وصلت البيت
ـ السلام عليكم يا أهل البيت
= وعليكم السلام يا حبيبتي
ـ عملالنا اكل أية انهاردة ياست الحبايب عشان انا جعانة اوي
زين اخويا طلع من اوضته: انتي دايماً كدا اول حاجه بتسألي عليا الأكل
ـ يبني بقولك جعانة عايزني اموت من الجوع يعني
= بعد الشر عليكي ياحبيبتي
• انتو دايماً كدا مدلعينها و ناسيين فرحتكوا الاولى
ـ انا كنت فاكرة الصورم دة عند الستات بس ، ده طلع عند الرجالة كمان
= بنت! عيب كدا ده اخوكي الكبير
ـ م انت كنتي حلوة دلوقتي أية الي حصل
= طب خشي يلا غيري هدومك وتعالي عشان ناكل
ـ ايوا بردو انتي مقولتيش عاملة اكل اية؟
قلعت الشبشب و رفعته ف وشي= انا مبحبش السؤال دة
ـ خلاص يا حجة هدخل اهو
دخلت اوضتي وانا شايفة اخويا ميت ضحك وانا هموت واجيبه من شعره
غيرت هدومي ولبست بجامة مريحة و رفعت شعري وخرجت لهم تاني و لقيت ماما حاطة الأكل على السفرة و كانت اكلتي المفضله
وهنا أدركت أن امي عايزة مصلحة
قعدت على الكرسي و بصتلها بشك: خشي ف الموضوع على طول يا سهيلة
= بصي يا حبيبتي انا خلاص مش قعدالك كتير في الدنيا و نفسي افرح بيكي و..
قاطعها دخول اخويا: من الآخر كدا يا لولي امك جيبالك عريس
قومت من مكاني بردح: اااااه قولوا كدا بقا، عايزة تطفشيني يا سوسو؟ مبتطفش يا قلبي
و جريت على اوضتي و قفلت الباب
سمعت صوت ضحك اخويا: قولتلك يا حجة دي مش وش جواز اصلا دي قاعدة ف ارابيزنا طول حياتها
فتحت بابا اوضتي و بصتله بغيظ: قال يعني انتي الي كملت نص دينك و ماشي ف الشقة بعيالك
قالي بضحك: حلوة يا لولو رضتيها بإحتراف
غمزلته: عيب عليك تربيتك يا صاحبي
بصلي بفخر: الله يخليكي
ـ الله يحفظك
• الله يسترك
ـ طلع البدر علينا
• قااامروووونن
بصينا لماما الي بتضرب كف في كف: عليا النعمة انا خلفتي هبلة
ضحكنا انا وهو وانا دخلت اوضتي و مسكت موبايلي اشوف جروب الدفعة أو بمعنى أصح جروب الملزقين
(تعالو بقا اعرفكم على اخويا و ماما: زين اخويا عنده 25 سنة مرح اوي بس بيغير اوي بردو و عصبي اكتر بس حنين و اول واحد بجري علية لما ابقا عاملة مصيبة ونسيت اقولكم أنه ظابط مخابرات
سهيلة(امي) عندها 55 سنة حنينة اوي بس لو افقدتها أعصابها هتلعب معاك لعبة الحبار بس بالشبشب)
قفلت التليفون و رزعته على السرير من الاستفزاز بتاع بنات الدفعة و خرجت من اوضتي و اتكلمت بصوت عالي
ـ سوسو انا جاية اكل عشان جعانة و مبعرفش ازعل وانا جعانة و يارب م يكون خلص حلة المحشي
سمعت صوته من اوضته: لا يعسل مكلتش حاجة
طلعت الصالة و قعدت على السفرة و كلت
= العريس جاي بكرة بعد صلاة الجمعة
ـ مش هتجوز يا سوسو فكك
= قابليه لو معاجبكيش ارفضيه
ـ حاضر
= حضرلك الخير يا حبيبتي
ابتسمت و خلصت اكل و دخلت اوضتي و ذاكرت شوية و بعدين نمت
و.......
يتبع...
2
صحيت تاني يوم على صوت خبط جامد على باب اوضتي
ـ أية في أية!! البيت بيقع ولا اية!!
= قومي ي شيخة منك لله، أية غيبوبة نايمة !!
ـ أية يا عم في حد يصحي حد كدا ؟
= قومي يا زفته هتتأخري على الكلية، بدل م اكسر الاوضة على نفوخك
ـ لا و على أية يا زيزو انا قايمة هو(كملت بصوت واطي) حسبي الله ونعم الوكيل
= سمعتك على فكرة، و هطربقلك وشك
كنت لسة هرد علية بس سمعت صوت ست الحبايب و هي بتزعق
ـ م تسكت بقا انت وهي بدل م اجيلكوا بالشبشب
خرجت من الاوضة وانا ببرطم ف اتجاهي لل حمام
خدت دش و خرجت لبست بنطلون جينز و تيشرت ابيض علية چاكيت جينز و طرحة نبيتي و صليت
ـ استني يا ليلى
= نعم يا ماما
ـ لما تخلصي كلية اتصلي عليا هبعتلك زين يجي ياخدك
= اشمعنا ؟
ـ عشان تروحوا تجيبوا طقمين حلوين كدا عشان الناس الي جاية انهاردة
= مش لازم ي ماما انا كدا كدا هرفضه ف لية اصرف فلوس على الفاضي
ـ يابت بطلي نشفان دماغ و عِند ، يمكن يعجبك مين عارف
اخدت الفلوس عشان اريحها ، واهو بردو اكون جيت بمصلحة من الموضوع
سلمت عليها و نزلت ركبت تاكسي و روحت الكلية
وصلت الكلية و كانت أول محاضرة بتاعت دكتور حازم، محاضرة عسل و جميلة ما شاء الله ، من كتر الجمال انا عايزة اسيب الكلية بصراحة يعني
دخلت المحاضرة و نفخت بارتياح اني وصلت قبل م يجي عشان ميسمعنيش الاسطوانة المشروخة بتاعت كل يوم " ياريت تتظبطي ف مواعيدك يا استاذة احنا مش فتحينها زريبة بعد.كدا مش هدخلك من بعدي"
يلا بقا هعمل أية ، حسبي الله ونعم الوكيل
دخلت قعدت جنب مريم
ـ عاملة أية
بصتلي بصدمة و استغراب و بعدين حطيت اديها على راسي
= انتي تعبانة يابت؟، تعالي نروح المستشفى بسرعة
ـ انتي مجنونة ولا اية ؟
= مالك يا ليلى، تعبانة ولا اية؟
ـ انتي عبيطة ؟، انا كويسة قدامك اهو
= اصلك اول مرة تسلمي عليا بإحترام، دايما بتسلمي على قفايا
ضحكت بقلة حيلة
دخل بكل هيبة و بصلي بنظرة غامضة مفهمتهاش
تجاهلته عشان المحاضرة تعدي على خير
كان بيشرح بس قاطعته البت الباردة الي قاعدة ف اول بنش
بدلع:
ـ لو سمحت يا دكتور ، انا مش فاهمة الجزء ده، طبعا حضرتك عارف اني مينفعش اعدي جزء مش فهماه
انا مسكت لساني بس نسيت نظراتي، الدكتور لاحظ نظراتي ليها و حاول يكتم ضحكته، معرفش بيضحك على أية!
اتكلم بجمود:
ـ ممكن متقاطعنيش تاني، انا شرحتها ثلاث مرات ، مش مشكلتي انك مكنتيش مركزة
الله بجد، أحييك على هذا الرد، البت وشها جاب ألوان
بصتله بضيق و سكتت
مريم ميلت على ودني و اتكلمت بصوت واطي
ـ بوووووم جابها ف منتصف الجبهة
= انا لو كان عليا كنت قومت صقفتله على الرد دة
خلصنا المحاضرة و خرجت انا ومريم قعدنا ف الكافتيريا
ـ مش هنحضر باقي المحاضرات ؟
= لا مش قادرة انا هروح، لو عايزة تكملي كملي انتي
اتكلمت بخبث:
ـ اشمعنا حضرتي محاضرة دكتور حازم ؟!!
= ها... عشان هو بيزعق لما بيلاقي غياب و انا مش ناقصة يعني
ـ عليا انا بردو يا ليلو؟
= اسكتي بقا، انا هقوم اروح
ـ طب استني خديني معاكي
خدتها و ركبنا تاكسي و انا مضايقة بسبب موضوع العريس دة
ـ مالك يا ليلى ؟
= م تيجي معايا البيت
ـ لية ؟
= مش عايزة ابقا لوحدي انهاردة
ـ حاضر هاجي معاكي
ابتسمت و بعدين افتكرت أنه كان لازم ارن على زين
ـ ينهار اسوح عليا و على سنيني
= في اية؟
ـ نسيت ارن على زين
طلعت الموبايل و رنيت عليه
ـ الو يزفتة الطين انتي فين، بقالي ساعة واقف قدام الكلية
= اص...اص..اصل انا م..مشيت
ـ بتقولي أية مش فاهم
= انا مشيت
ـ مشيتي روحتي فين
= راكبة تاكسي و هروح و معايا مريم
ـ يابنتلللل
يتبع....
3 والأخير
ـ الو يزفتة الطين انتي فين، بقالي ساعة واقف قدام الكلية
= اص...اص...اصل انا م..مشيت
ـ بتقولي أية مش فاهم
= انا مشيت
ـ مشيتي روحتي فين
= راكبة تاكسي و هروح و معايا مريم
ـ يابنتلللل
= والله نسيت انك جاي تاخدني
ـ ده انا هنفخك بس اصبري عليا ، قابليني عند (******)
= طيب سلام
مردش السلام و قفل ف وشي ، اخويا ده محترم اوي بجد....!!
ـ قالك أية
= هزقني و قالي أقابله عند (*****)، بس هو عنده حق يعني هو لو طربق وشي انا مش هقول لأ عادي
ضحكت وبعدين اتكلمت بهدوء= تصدقي انا عمري م شوفت اخوكي دة
سكت ثواني وبعدين اتكلمت بخبث= تحبي اوريكي صورة ليه؟
ـ ماشي
طلعت موبايلي و طلعت صورة لشخص غير اخويا عملتها بال Ai كانت صورة لشخص منتن بصراحة يعني
اديتها الموبايل لقيتها صوتت بخضة
ـ اعااا، سلاما قولا من رب رحيم ، ده مش إنسان ده عفريت والله
سواق التاكسي بصلنا ف المرايا بمعني " أية العالم المجنونة دي"
حاولت اكتم ضحكتي عشان أبين اني مضايقة انها بتتريق على اخويا إلي هو الشخص المنتن الي ف الصورة
اتكلمت بضيق مصطنع:
ـ انتي بتتريقي على اخويا يا مريم!! ، على فكرة اخويا دة قمر
= مش قصدي والله ي ليلى ، انا بس اتخضيت والله
بصتلها بضيق و سكت طول الطريق لحد م وصلنا للمكان الي قالي عليه زين
نزلنا انا وهي وحاسبنا التاكسي
ـ ليلى بصي الواد الحليوة الي هناك دة، قمر بجد يخربيت حلاوته
ضحكت لما شوفتها بتشاور على زين واتكلمت:
ـ اه شكله جميل
اخدتها واتجهنا ناحيته وهي فضلت تخبطني ف دراعي
ـ انتي بتعملي أية الله يخربيتك
= استني بس
زين شافني و بصلي بغيظ واتجه ناحيتي
ـ اهلا بالأستاذة الي مسوحاني، ليكي روقة
= قلبك ابيض يا ابو رحاب
مريم بصتلي بمعنى "مين دة"
ضحكت= دة زين... اخويا
بصتلي بصدمة= اخوكييي!!!، امال مين الي كان ف الصورة
ضحكت و حكتلها
ضربتني ف دراعي= ده انتي علية رخمة
ـ زين دي مريم صحبتي معايا ف الكلية يعني وكدا، وده زين اخويا
ـ تشرفنا
= انا اشرف
ـ مش اسمك مريم ؟
اتكلمت بحمحمة: احم يلا ي مريم
مريم همستلي: اخوكي دمه تقيل اوي، بس قمر
= افضلي عاكسي فيه بقا و نسيب المصيبة الي انا فيها
ـ ربنا يرزقني بمصايبك دي، بس يكون اخوكي فيها
ضربت كف كف بغيظ، اخدتها و زين ماشي ورانا و روحنا محل ملابس حلو اوي
احترت بين كام فستان بس ف الآخر اختارت فستان لونه اسود
وجبت طرحة سودة و هيلز سودة
زين اتكلم بمرح:
ـ راحة تسوديها على الراجل يا ليلى!!
= هسودها على الي جابوه، حد قاله يجي يتقدم
اتكلمت مريم بسخرية:
ـ فعلا، هو مترباش ي حبيبتي
= طب يلا بقا انتي وهي عشان نروح البيت
زين اخدنا وركبنا عربيته وروحنا البيت
وصلنا البيت
ـ خشي يا ام اسود خشي خشي
= ده على اساس انك جايب الوان فواتشح
ـ فواتشح !!، عوضنا على الله
مريم دخلت سلمت على ماما و احنا كذلك و دخلت اوضتي اجهز
مريم اتكلمت بدهشة
ـ يالهوي انا نسيت اجيب فستان من البيت
= ي شيخة خضتيني ، هديكي فستان من عندي
ـ طب اوعي كدا هبص على حاجة حلوة ف الدولاب
= يخربيت البجاحة
ـ بجاحة أية ياحبيبتي ده انا مقيمة عندكم 24 ساعة ده انا بروح بيتنا زيارات
= طب اخلصي يلا
لبست الفستان و الطرحة و الهيلز و حطيت ميكب خفيف ، يخربيت حلاوتي بجد...!
مريم لبست فستان بيبي بلو و عليه طرحه بيضه و هيلز بيضه و حطيت ميكب من عندي
ماما دخلت علينا دخلة ولا اجدعها ظابط مخابرات
اتنفضنا
ـ بسم الله الرحمن الرحيم في أية !!!
= خلصتوا ، العريس جه برا
ـ خلصنا اهو
= طب يلا ورايا انتي وهي
خرجنا وراها وانا ماسكة صينية القهوة بس كانت هتقع مني من الصدمة الي انا فيها
ـ دكتور حازم !!
= خليها حازم الفترة دي
ـ انت بتعمل اية هنا
= جاي اطلع بطاقة
زين اتكلم بهدوء
ـ حازم صحبي ي ليلى جاي يتقدم بس واضح انكم تعرفوا بعض
مريم بصتلوا وهي فاتحة بوقها من الصدمة
= حازم الدكتور بتاعنا ف الكلية
ـ الدكتور بتاعكوا !!
= انت عبيط يبني منا قايلك
ـ بس مقولتش أن اختي بتاخد معاك
= انا لسه عارف حالا انها اختك
ماما اتكلمت بنفاذ صبر
ـ خلاااااااص، يلا نقرأ الفاتحه
= ثواني انا لسه موافقتش أية الكروته دي
ـ لا بقولك أية انا اتقدمت 75 مرة وكل مرة يقولوا لما تشد حيلها ف الدراسة ، ف رأيك نبقا نسمعوا ف بيتنا إنشاءالله
= بس..
ـ كلمة كمان و هرميكي من الشباك
قرأوا الفاتحة وانا ومريم واقفين زي اللوح من الصدمة
ــــــــــــــــــــــــــــــــــــــــــــــــــ
ـ ليلى
= خير
ـ كان في حضن كدا بيقولوا عليه حضن كتب الكتاب انا عايزوا
= روح يالا العب بعيد
ـ ده انتي غلسة
= بتقول أية ؟
ـ بقول ده انتي سكر
= بحسب، انا اطرد من المحاضرة!!، والله ي حازم لأعلمك ازاي تحترم المرأة من اول و جديد
ـ بت احنا هنظيط فيها ولا اية
= اوعي يالا خوفت
هوشني بإيده كأنه هيضربني بس انكمشت ف نفسي
اتكلم بنفاذ صبر
ـ كتك داهية ف حلاوتك
ابتسمت
= حازم
ـ خير
حضنته
ـ خد اهو ميتعزش عليك
"تمت"
كنت لي زوج وأب و اخ فسأكون لك زوجة و ام و اخت♥️✨
تعليقات
إرسال تعليق