رواية دمرتني ومازلت احبك الفصل الأول والثاني والثالث والرابع والخامس والسادس للكاتبة مريم غريب
رواية دمرتني ومازلت احبك الفصل الأول والثاني والثالث والرابع والخامس والسادس للكاتبة مريم غريب
#الفصل_١
#الحلقه_الاولى
فى عماره فى احياء مصر تسكن عائلة ال سليم.
مكونه من اسرتين..الاخ الكبير ابراهيم سليم اسرته مكونه من زوجته وبنته و ابنه الكبير يوسف وده بطلنا الوسيم المغرور ومتكبر بجماله..ودى كل صفاته مغرووور.
اما الاخ الصغير احمد سليم اسرته مكونه من زوجته وبنته ساره ودى بطلتنا بنت عمرها 20 سنه وتبقى بنت عم يوسف وصفتها بنت جميله جدا جدا اقرب من الملايكه على الارض.
عيونها زرقاء رموشها طويله شعرها اصفر غامق خدودها ديما بالون الوردى وقومها ممشوق ولكن كل ده بيدريه طبيعتها وشخصيتها اللى اتعودت عليهم من وهى صغيره.
رغم جمالها ده الناس كانت بتنفر منها بسبب حاجات بسيطه بالنسبه لها هى اللى هى مثلا النضاره اللى بتسمى بكعب الكوبايه.
ولبس اشبه بلبس الولاد وطريقتها فى التعامل مع الناس بجديه..وعدم رقتها وعدم اظهار انوثتها.
بس بتيجى لحد يوسف حبيبها اللى بتعشقه وبتموت فى التراب اللى بيمشى عليه وبتحاول نوعا ما تبقى رقيقه.
بس هو ديما بيعاملها بجفاء ومش بيديها اهميه وبيقصر ديما فى كلامه معاها.
وده بيقصر جدا جدا على ساره.
..............................................................................................
فى شقة احمد سليم اول انسان بيبقى فايق اكيد لازم يكون ساره..خرجت الام سميره لما سمعت كركبا فى المطبخ ودخلت لقيت ساره بتحضر فطار وبتنضف وبترتب شوية حاجات.
سميره:ايه ياساره انتى موعوده بالصحيان بدرى يابنتى الساعه لسا سته ونص ايه هتبيعى لبن.
ساره بابتسامه:طيب قولى صباح الخير الاول ياماما.
سميره:صباح الخير ياستى.
ساره:يلا بقى روحى صحى بابا عشان نفطر سوا.
سميره بسخريه:هو انتى فاكره ان ابوكى هيصحى دلوقتى ربنا يهديكى يابنتى ..لسا ميعاد صحيانه الساعه عشره انتى اللى مزوداها شويه افطرى انتى بالهنا والشفا.
ساره:على فكره بقى بابا المفروض يصحى قبلى ويروح شركته دى ولا غلط.
سميره:اومال يوسف بيعمل ايه بيلعب ماهو بسم الله ماشاء الله ممشيها زى الساعه وبعدين عمك وابوكى كبرو على الشغل وكتر خيرو يوسف شايلها صح.
ساره اول ماجت سيرة يوسف جتلها رعشه فى جسمها وسرحت فيه شويه وهى مبتسمه..وفاقت على صوت سميره.
سميره:مالك يابت فى ايه؟؟
ساره:ها..لاابدا مافيش حاجه.
سميره بعدم تصديق:ماشى انا داخله اكمل نوم ابقى نضفى الهول وكده عشان انا تعبانه.
ساره:عنيا ياماما.
سميره:تسلميلى ياحبيبتى.
............................................................................................
فى شقة ابراهيم سليم.
ابراهيم قاعد مع زوجته وبنته بيفطرو.
ابراهيم:روحى ياميرنا صحى اخوكى عشان ميتاخرش على الشركه.
ميرفت:مافيش يوم كده تريح الواد وتروح انت واخوك.
ابراهيم:ياستى اطلعى انتى منها انا حر انا واخويا وابنى وبعدين ابنك مشتكاش.
ميرفت:هيقول ايه ياحبة عينى هو في زيه والله ابنى ده اللى طلعت بيه من الدنيا ربنا يخليهولى يارب.
ميرنا:يسلام ياست ماما انتى ماجبتيش الا يوسف بس ايه انا وقعت من قعر القفه.
ميرفت بحقن:انتى..انتى مطلعه عينى وتعبانى انما هو حبيبى مريحنى حاضر ياماما ونعم ياماما..مش انتى كل اما اقولك حاجه تعمليها بالعافيه.
ميرنا بحزن:كده ياماما.
ابراهيم:خلاص ياميرفت..انتى ياميرنا ياحبيبة بابا قومى صحى اخوكى الساعه بقت تمانيه ونص.
ميرنا بحزن:حاضر يابابا.
وراحت ميرنا تصحي يوسف.
ابراهيم:خفى شويه على البنت مش كده..وخدى بالك من كلامك معاها حتى ياستى لو بتحبى يوسف اكتر منها متبينيش متخليهاش تكرهه بسببك.
ميرفت:ميرنا تكره يوسف لالالا دى بتحبه اكتر منى انا وانت.
ابراهيم:ياستى ربنا يخليهم لبعض بس برده اسمعى الكلام.
ميرنا فى اوضة يوسف وبتصحيه.
ميرنا:يوسف..ياجو قوم بقى ابوك بيستعجلك..يلا يايوسف بقى.
يوسف بنوم:امشى ياميرنا وخدى الباب فى ايدك.
ميرنا:امشى واخد الباب فى ايدى!!!قوم يايوسف بطل دلع.
يوسف بنرفذه:يووووووووه الواحد ميعرفش يرتاح شويه فى البيت ده..عايزه ايييه.
ميرنا بخضه:براحه بس على نفسك..بابا بعتنى اصحيك.
يوسف بشئ من الهدؤ:تصحينى ليه يابنتى ده انا لسا مصلى الفجر و نمت.
ميرنا حطت ايدها على دماغه وبتجسه:سلامتك ياخويا احنا الصبح ياجو الساعه تمانيه ونص.
يوسف نط من مكانه وقالها:يانهار اسود وسبتونى نايم كل ده.
ميرنا:انت نمت امبارح امتى؟؟
يوسف:نمت بعد ماصليت الفجر كنت سهران على شغل مهم.
ميرنا:الفجر يايوسف!!معلش بس انت لازم تاخد كام يوم راحه انت بتتعب برده كفايه انك شايل الشركه لوحدك.
يوسف:ايه لوحدك دى اومال الموظفين دول ايه؟؟وبقولك ايه انتى هترغى اطلعى بره عايز اغير هدومى.
ميرنا:طب بس متزقش طالعه اهو.
وطلعت ميرنا من اوضة يوسف ولسا هتروح اوضتها ميرفت ندهت عليها.
ميرفت:ياميرناااااااااااااا.
ميرنا:ايوه ياماما جايه اهو.
وراحت ميرنا اوضة السفره عند ميرفت وابراهيم.
ميرنا:نعم ياماما.
ميرفت:بسم الله الرحمن الرحيم!!هو انتى ميرنا الحق ياابراهيم بتقولى نعم.
ميرنا:يعنى انتى مش عاجبك حاجه خالص شايف يابابا قولى طيب اعملها ايه؟؟!!
ابراهيم:معلش ياحبيبتى ماما بتهزر..وبعدين ياميرفت.
ميرفت:لاببعدين ولا قابلين..صحيتى اخوكى؟؟
ميرنا:اه وبيلبس.
ميرفت:طب تعالى لمى السفره ودخليها المطبخ..وشوفى انا مطلعه اكل النهارده عندك جوا ظبطيه كده وعلى الساعه 12 الضهر ابتدى فيه.
ميرنا:حاضر حاجه تانى؟؟
ميرفت:لا شكرا يا ياختى.
شالت ميرنا الاكل من على السفره ودخلته المطبخ وابتدت تعمل اللى قالت عليه ميرفت..لكن فى قلبها حزن شديد من معاملة امها ليها.
يوسف خرج من اوضته وراح الليفنج يصبح على والده ووالدته.
يوسف:صباح الخير يابابا.
ابراهيم:صباح النور ياحبيبى.
يوسف قرب على ميرفت وباس راسها.
يوسف:صباح الخير ياماما.
ميرفت بابتسامه:صباح النور يانور عيونى..ايه شكلك منمتش كويس.
يوسف:اه فعلا ياماما انا تعبان اوى وكان نفسى انام بس هعمل ايه الشغل كتير ومحتجنى.
ميرفت:ياحبيبى يابنى..طب ماتريح النهارده.
ابراهيم:ياستى انتى مالك هو على قلبه زى العسل..وبعدين هو مالنا سايب لازم يحط عينه ويحافظ عليه.
ميرفت:ايوه منا كلمتى ديما بتقف فى زورك.
يوسف:ايه ايه ايه خلاص ياجماعه هتتخنقو ولا ايه..معلش ياماما..خلاص يابابا.
ابراهيم:خلاص يابنى يلا روح انت شوف شغلك.
ميرفت:خلى بالك من نفسك ياحبيبى.
يوسف:حاضر ياماما ادعيلى انتى بس.
ميرفت:دعيالك يانور عينى.
.................................................................................................
ونزل يوسف درجات سلم الدور بتاعهم ووصل دور عمه احمد وقابل ساره وهى طالعه على السلم كانت بتشترى حاجات من بره..ساره لما شافته اتجمدت مكانها وبقت بتبصله بس بهيام..انما يوسف نظرته ديما ليها من فوق لتحت شبه مابيطقهاش شكلها مش بيعجبه ابدا خصوصا انها كانت لابسه بنطلون واسع وتونك طويل وايس كاب ونظراتها الكعب كوبايه دى.
ساره بهيام:صباح الخير يايوسف.
يوسف باشمئزاز وفى باله:ايه المناظر دى على الصبح.
يوسف:اهلا ياساره عن اذنك.
ونزل يوسف وساره لسا واقفا مكانها بتشم ريحته وهى مغمضه عينها وفضلت شويه ودخلت الشقه وهى مبتسمه وقابلت مامتها فى الطرقه وباستها فى خدها.
سميره باستغراب:مالك ياساره؟؟
ساره وهى فى حاله من الهذيان العاطفى:انا..انا كويسه خاااااااااااااالص.
سميره:ااااااااه..يبقى اكيد شوفتى يوسف.
ساره بابتسامه:اه شوفته..شوفته بره..بره على السلم.
سميره وهى بتقلدها:طب يلا ياختى..يلا على المطبخ..ورانا طبيخ.
ساره بنفس حالتها:حاضر اهو حالا.
سميره:ربنا يشفيكى يابنتى.
...........................................................................................
يوسف وصل الشركه وبيسلم على اى حد يقابله وهو داخل ولكن عيون الموظفات عليه وهو سامعهم وهما بيتهمسه ويتلمزه عليه فزداد غروره اكتر لحد ماوصل الدور بتاعه وسلم على سكيرتيرته سمر.
يوسف:صباح الخير ياسمر.
سمر:صباح النور يابوص.
يوسف:حد سال عليا؟؟
سمر:اه مستر ماذن يسرى اتصل بحضرتك.
يوسف:ماقلش عاوز ايه؟؟
سمر:لا هو قال لما حضرتك تيجى ياريت تكلمه.
يوسف:طب اطلبهولى وحوليه على مكتبى.
سمر:حاضر يابوص.
ودخل يوسف مكتبه وقعد وبدء يباشر اعماله ورن تليفون المكتب فرد.
يوسف:ايوه ياسمر.
سمر:مستر ماذن يسرى مع حضرتك يابوص.
ماذن:السلام عليكم.
يوسف:وعليكم السلام ورحمة الله وبركاته.
ماذن:اخبارك ايه يا يوسف بيه.
يوسف:تمام ياماذن باشا انت ازى احوالك؟؟
ماذن:الحمد والشكر لله..انا كنت بكلمك بس كنت عايز استفسر عن حاجه.
يوسف:اه طبعا اتفضل.
ماذن:بخصوص الاتفاق اللى بيننا توقيع العقد هيبقا عندى ولا عند حضرتك.
يوسف:اللى يريحك ياماذن بيه عندى عندك مش هتفرق.
ماذن:خلاص هاجى انا بس اخلص شوية شغل واكلم اخويا محمد وانشاء الله نكون عندك بعد ساعتين.
يوسف: في انتظاركو
#الفصل_٢
#الحلقه_التانيه
ساره قاعده مع باباها ومامتها بيتفرجو على التلفزيون..لكن ساره طبعا فى وادى تانى مع نفسها بتقرا كتاب ومندمجا فيه جدا وقطع تركيزها كلام باباها.
احمد:بقولك ياساره.
ساره وهى بتبص فى الكتاب:نعم يابابا.
احمد بعصبيه خفيفه:سيبى الكتاب ده ارحميه شويه.
ساره سابت الكتاب وبصتله:اامرنى يابابا نعم عاوز حاجه؟؟
احمد:يابنتى انتى واخده شهادتك دى على الفاضى؟؟
ساره:مش فاهمه!!
احمد:انتى مش معاكى بكالوريس ادارة اعمال.
ساره:مش فاهمه برده حضرتك تقصد ايه؟؟!!
احمد:قصدى تشتغلى.
ساره:اشتغل!!بس انا عمرى ماجت فى بالى حكاية الشغل دى.
احمد:ليه واخده شهادتك عيائه.
ساره:تؤ..ليه يابابا مش قصدى لكن هشتغل فين بس؟؟
احمد:هتشتغلى فى شركة ابوكى طبعا وانا عاملك مكتب هناك..ها قولتى ايه؟؟
ساره بعد تفكير:خلاص يابابا اللى تشوفه.
احمد:طب قومى يلا البسى وروحى الشركه.
ساره:اروح دلوقتى ازاى يعنى؟؟!!
احمد:ياحبيبتى هتروحى تشوفى مكتبك وتتعرفى على الشركه وبعد كده ابقى روحى بكره بعده او الاسبوع الجاى مش مشكله.
ساره:ايوه يابابا بس انا معرفش السكه لهناك.
احمد:خدى معاكى ميرنا هى راحت قبل كده كتير ليوسف.
ساره:حاضر يابابا هلبس واطلع اقولها..عن اذنك.
.................................................................................................................
ساره بتخبط على باب شقة عمها ابراهيم..ميرفت من جوا اوضه من الاوض بتنادى على ميرنا.
ميرفت:ياميرناااااااااااااااا شوفى مين اللى على الباب.
ميرنا طالعه من المطبخ بتزفر.
ميرنا بضيق:ايوه ياللى على الباب جايه اهو.
وفتحت الباب وشافت ساره.
ميرنا بابتسامه:ساره..تعالى ادخلى ادخلى.
ساره:لاياختى انا جايلك فى امر ضرورى.
ميرنا:خير؟؟
ساره خدت بالها من شكل ميرنا وانفجرت فى الضحك.
ميرنا:ايه فى ايه..ايه المضحك؟؟!!
ميرنا كانت لابسا بلوزه طويله ومبهدله والبنطلون مشمره رجل اه ورجل لا كان شكلها مسخره وربطه ايشرب على راسها وماسكه الكبشه بتاعت الطبخ فى ايدها.
ساره بضحك:ههههههههههه ايه هههههه يامهههه ايه ياميرنا اللى انتى ههههههه عاملاه فى نفسك ده هههههههههههههه.
ميرنا:هيييح حكم القوى انا اللى بقوم بالليله دى كل يوم..وياريت بيعجب..بس بقى ياساره متقلبيش عليا المواجع..كنتى عايزه ايه صحيح؟؟
ساره:استنى بس انتى مالك شايله ومعبيا كده ليه؟؟
ميرنا:زهقت ياساره زهقت من الدنيا كلها..ماما شبه مش طايقانى والله انا ساعات بحس انها لقيتنى على باب جامع.
ساره:يابنتى بطلى هبل ده بيتهيئلك بس تلاقيها عايزه تشيلك المسؤليه بس مش اكتر.
ميرنا:ياريت تكونى صح ماعلينا ايه الامر الضرورى ده اللى انتى عايزانى فيه؟؟
ساره:عايزاكى تودينى الشركه.
ميرنا:شركة مين؟؟
ساره:شركتنا ياميرنا.
وهنا ندهت ميرفت على ميرنا.
ميرفت:ياميرناااااااااا مين على الباب؟؟
ميرنا:البواب..اا قصدى ساره بنت عمى..يابنتى ادخلى هتفضلى واقفه على الباب.
ودخلت ساره مع ميرنا الاوضه.
ميرنا:ها بقى عايزه تروحى الشركه ليه؟؟
ساره:ابدا ياستى بابا عايزنى اشتغل.
ميرنا باستغراب:تشتغلى!!اشمعنى يعنى مع انك مش محتاجه للشغل.
ساره:هستعمل نفس كلمتك حكم القوى..هعمل ايه لبابا ياستى مانتى عارفه مقدرش ازعلو.
ميرنا:ماشى ياستى..وكملت بخبث:بس هيبقالك مصلحه ياجمييل.
ساره بعدم فهم:قصدك ايه؟؟!!
ميرنا:يابت يابت عليا انا منا عارفه الفوله هتبقى جمب جو حبيب القلب.
ساره اضطربت ووشها احمر وقالت بارتباك:ااانا..لللل لا والله اناااا مممش.
ميرنا:يسلاااام عليا انا..عموما ماشى ياستى هقولها بمزاجى المره دى..بس اطلعى بره دلوقتى لحد ما البس هدومى.
ساره:حاضر.
ميرنا:يلا بسرعه عشان منتاخرش على جو.
وغمزتلها.
ساره مسكة مخدة سريرها وضربتها بيها.
ميرنا:ههههه خلاص خلاص خلااااااااااص.
.....................................................................................................................
فى شركة ماذن يسرى قاعد فى مكتبه وخلص شغله وكلم اخوه محمد عشان ميعاد توقيع اندماج الشركتين عند يوسف سليم.
فى بيت ال يسرى فى اوضة محمد رن موبايله وكان نايم على وشه وحاضن المخده..وموبايله جمبه على الكومود ففاق شويه لما سمع صوت الموبايل ورد.
محمد بنوم:الووو.
ماذن:نموسيتك كحلى ياخويا.
محمد:ماذن..فى ايه ع الصبح مالك.
ماذن:طب كويس والله انك عارف اننا الصبح..ماجتش الشركه ليه يااستاذ؟؟ولا انت اتعودت على الصحيان بليل والنوم بالنهار؟؟
محمد:يوووووووه ياماذن لازم تسمعنى الاسطوانه دى كل يوم عايز ايه يااخى؟؟
ماذن:عايزك انت يا استاذ ايه الشغل كله هيبقى عليا انا وانت طلعت من الحسبه.
محمد:لاطلعت ولا مطلعتش انا جاىلك اهو..خلاص مش فوقتنى انا جاى ياماذن سلام.
ماذن:اسمها السلام عليكم.
محمد بنفاذ صبر:السلام عليكم ارتحت.
ماذن:وعليكم السلام ورحمة الله وبركاته..متتاخرش.
محمد بزهق:حاضر.
وقفل السكه..قام محمد قعد على السرير وهو بيفرق فى عينه وبيقول:ربنا يقلك ياماذن زى ماقلقتنى..انا مالى انا بحوارات الشغل دى.
................................................................................................................................
عند يوسف.
يوسف قاعد بيباشر اعماله..خبط باب مكتبه.
يوسف:ادخل.
دخلت سمر..سمر:مستر ماذن يسرى واخوه مستر محمد جم يابوص.
يوسف:خليهم يتفضلو.
طلعت سمر ودخلتهم.
ماذن:السلام عليكم.
يوسف قام من مكانه وراح يسلم على ماذن.
يوسف بابتسامه:وعليكم السلام ورحمة الله وبركاته..اهلا اهلا ياماذن.
ماذن:ازيك يايوسف.
يوسف:تمام الحمدلله..ووجه نظره لمحمد.
يوسف:ازيك يامحمد؟؟
محمد:الحمد لله ازيك انت ايه اخبارك.
يوسف:الحمدلله كويس..اتفضلو اقعدو.
وقعدو كلهم.
يوسف:بس دقليق وهنبتدى الاجتماع وهنمضى العقود.
ماذن:على خير انشاء الله.
وبعد شويه فعلا ابتدو الاجتماع وتم الاندماج ومضو العقود وخلصو وطلعو بره غرفة الاجتماعات ودخلو مكتب يوسف تانى.
يوسف بابتسامه:مبروك ياجماعه.
ماذن:مبروك علينا كلنا.
يوسف:تشربو ايه بقى؟؟
محمد بسرعه:انا قهوه ساده..لانى بجد مش شايف قدامى.
يوسف:تكرم ياسيدى..وانت ياماذن بيه؟؟
ماذن:شاى.
طلب يوسف المشاريب وهنا خبط باب مكتبه واذن بالدخول..دخلت سمر.
يوسف:خير ياسمر فى ايه؟؟
سمر:الانسه ميرنا اخت حضرتك ومعاها واحده بره يابوص.
يوسف:ميرنا!!خليها تدخل.
خرجت سمر..ودخلت ميرنا ومعاها ساره..وميرنا كعادتها مع اخوها دخلت وهزرت.
ميرنا:جو اخويا حبيب قلبى ياغالى وحشتك انا عرفه انى وحشت....
وهنا خدت بالها من الناس اللى قاعده.
ميرنا بكسوف:احم احم..ااا.السلام عليكم.
كلهم:وعليكم السلام ورحمة الله وبركاته.
ماذن بصلها وفى باله:بسم الله ماشاء الله..جميله البنت دى خلق وخالق..ههه ومرحه وكسوف ماشاء الله.
ميرنابصتله لقيته بيبصلها وفى بالها:ماله ده بيبصلى كده ليه..تلاقيه استعبطنى..مانتى غبيه ياميرنا حد يعمل كده.
اما عن محمد ف بص لساره جامد بتفحص وفى باله:ايه البنت دى هى جميله..جميله فعلا..بس جمالها مستخبى ورا البس والنضاره دول..ياربى لو تشيل النضاره وتغير البس ده هتبقى موزه.
وكلهم صحيو على صوت يوسف.
يوسف:ايه ياميرنا كنتى عايزه ايه؟؟
ميرنا:انا...انا مش عايزه حاجه انا جيت بس اوصل ساره هنا عشان ماكنتش هتعرف تيجى لوحدها يعنى.
محمد فى باله:كمان ساره..اسمك جميل زييك.
يوسف بص لساره باشمئزاز:وانتى جايه ليه ياساره؟؟
ساره بكسوف ممزوج بارتباك:ااا..بابا قالى انو عاملى مكتب هنا..احم..وانا قررت انى هشتغل معاك..قصدى هشتغل هنا فى الشركه.
يوسف بتنهيده:طب انا هبعت معاكى سمر توريلك مكتبك.
ساره بتلقائيه:لا انا عايزاك انت اللى توريهولى انا ممكن استن....
يوسف مقاطع بعصبيه:انا مش فاضى للعب العيال ده بطلى تتصرفى بطفوليه..ايه فاكره نفسك طفله هوديكى مكتبك كمان..ماتيجى اشيلك ووديكى هناك بالمره.
ساره اتجمعت الدموع فى عينها ونزلت غصب عنها فقلعت النضاره ومسحت دموعها..وهنا ظهر سحر عيونها الزرقاء الواسعه ورموشها الكثيفه الطويله.
وهنا بصلها محمد جامد وفى باله:يامثبت العقل والدين يارب ايه الجمال الصاااارخ ده؟؟؟؟؟؟؟؟
ساره بصوت مبحوح:انا اسفه عن اذنك.
وجريت ساره على بره وحريت وراها ميرنا.
إغضب كما تشاء
واجرح أحاسيسي كما تشاء
حطم أواني الزهر والمرايا
هدد بحب امرأةٍ سوايا..
فكل ما تفعله سواء..
كل ما تقوله سواء..
فأنت كالأطفال يا حبيبي
نحبهم.. مهما لنا أساؤوا..
إغضب!
فأنت رائعٌ حقاً متى تثور
إغضب!
فلولا الموج ما تكونت بحور..
كن عاصفاً.. كن ممطراً..
فإن قلبي دائماً غفور
إغضب!
فلن أجيب بالتحدي
فأنت طفلٌ عابثٌ..
يملؤه الغرور..
وكيف من صغارها..
تنتقم الطيور!!؟
إذهب..
إذا يوماً مللت مني..
واتهم الأقدار واتهمني..
أما أنا فإني..
سأكتفي بدمعي وحزني..
فالصمت كبرياء
والحزن كبرياء
إذهب..
إذا أتعبك البقاء..
فالأرض فيها العطر والنساء..
والأعين الخضراء والسوداء
وعندما تريد أن تراني
وعندما تحتاج كالطفل إلى حناني..
فعد إلى قلبي متى تشاء..
فأنت في حياتي الهواء..
وأنت.. عندي الأرض والسماء..
إغضب كما تشاء
واذهب كما تشاء
واذهب.. متى تشاء
لا بد أن تعود ذات يومٍ
وقد عرفت ما هو الوفاء...
نزار قبانى
ماذن بتاثر من حالتها:ليه كده يايوسف كسفت البنت ع الاخر.
يوسف بضيق:محستش بنفسى والله انا مضغوط وعصبيتى طلعت فيها غصب عنى خلاص لما اروح هعتذرلها.
محمد قام وقالهم:ااانا..معلش ياجماعه هعمل مكالمه مهمه.
ماذن\يوسف:اتفضل.
وخرج محمد ومد بسرعه ورا ساره وميرنا..لحد ماطلعو قدام الشركه..ساره بتعيط جامد وميرنا بتحاول تهديها.
ميرنا:خلاص ياساره معلش..طيب عشان خاطرى انا خلاص..تؤ طب هاروح اجبلك مايه وجايه على طول.
ساره هزت راسها باه.
وراحت ميرنا سوبر ماركت تجيب مايه لساره.
وهنا جيه صوت من ورا ساره:انسه ساره.
ساره:........
دمرتني ومازلت احبك
الفصل من ٣ الي ٤
للكاتبة مريم غريب
#الفصل_٣
#الحلقه_التالته
محمد:انسه ساره.
ساره لفت لمصدر الصوت وبصتله ودموعها فى عينها وعلى خدها..بصلها محمد وتنح قدام الوجه الملائكى ده وسحر عيونها الزرقاء الجميله والخدود المورده والبشره البيضاء..وفاق محمد على صوت ساره.
ساره بدموع:نعم..حضرتك عاوز حاجه؟؟
محمد بارتباك:اااانا..كنت كنت.
ساره بعصبيه:كنت اييييييه.
محمد:كنت ككنت عايز اطمن عليكى..قصدى يعنى عشان اللى حصل فوق وكده.. متزعليش.
ساره:متشكرا لاهتمام حضرتك انا مش زعلانه.
محمد:وعارفه والله مش لايق عليكى الزعل اسمعى منى..عارفه هقولك وصفه سحريه اتعملى مع الزعل على انه عدو..ساره بتبصله باستغراب من كلامه.
محمد:هبسطهالك..تخيلى انك واقفه على حلبة مصارعه والحزن هو خصمك.اااه بس خلى بالك الحزن خصم مش سهل ابدا.
وكمل بحركات مسرحيه.
محمد:ولما تبدا الجوله الاولى هتتهزمى وفى الجوله التانيه هيسرق منك الفرحه وفى الجوله التالته والرابعه هيديكى احزانه كلها دفعه واحده وفى الجوله الخامسه هياخد منك كل حاجتك الحلوه وفى الجوله السادسه هيقضى عليكى تماما وهيفوز الحزن بس انتى هتضربيه طااااخ طييخ طاااخ طااااااااااااااااخ.
ساره اندمجت معاه وهجمت عليه وكانت هتضربه.
ساره:ااااااااااااااااااااااااه.
محمد بخضه:ااااااااا مالك؟؟
ساره فاقت وقالتله:ااا..انا اسفه.
وبعدين انفجرت فى الضحك وكذلك محمد.
محمد:هههههههه شوفتى بقى لما بتضحكى بتبقى احلى ازاى.
ساره اتكسفت وبصت فى الارض.
ساره بابتسامه:ميرسى اوى لحضرتك خففت من حزنى وخلتنى اضحك.
محمد بمرح:دى شغلتى اساسا.
ساره ضحكة ضحكه صغيره ساحرته.
وقالها بتلقائيه:تعرفى انك جميله اوى.
بصتله ساره بغضب ودارت وشها الناحيه التانيه.
لف محمد وبصلها وقالها وهو بيحاول يخفف من حدة الموقف:والله انا مقصدش اضايقك اقسملك والله بجد متزعليش انا والله ارتحتلك اول ماشوفتك وقلبى اتفتحلك..معلش متزعليش منى بجد انا اصلى اللى فى قلبى على لسانى واعتقد ان دى مش حاجه وحشه ولا ايه؟؟
ساره بصتله وابتسمت.
ساره:خلاص حصل خير.
محمد:هبقى سعيد جدا لو بقينا اصدقاء.
ساره:اه طبعا ليه لا.
محمد طلع من جيبه كارت واداهولها.
محمد:ده كارت فى كل ارقامى لوحبيتى تتكلمى او لو جتلك نوبة الحزن دى تانى انا موجود هنفيهالك فى ثوانى.
ساره:ههههههههه ماشى انشاء الله شكرا.
وخدت منه الكارت..وهنا جت ميرنا واستغربت لما شافت ساره واقفه مع واحد غريب.
ميرنا:ساره..فى حاجه؟؟
ساره:لا ابدا ياميرنا مافيش..اعرفك استاذ ااااا.
محمد بسرعه:محمد..محمد يسرى.
ساره:استاذ محمد يسرى..اللى كان فوق عند يوسف.
ميرنا:اه تشرفنا.
محمد:الشرف ليا.
ميرنا:طب يلا يا ساره.
ساره:اه يلا..عن اذنك.
محمد:اتفضلو اتفضلو.
ومشيت ساره وميرنا بالعربيه وبص عليهم محمد لحد ما اختفو من قدامه وبعدين طلع الشركه تانى..ودخل مكتب يوسف.
ماذن:ايه يامحمد اتاخرت كده ليه؟؟!!
محمد:ما انا قولتلك انى كنت بعمل مكالمه.
ماذن:لازم ناس مهمه.
محمد بصوت منخفض:مهمه جداااا.
ماذن:ايه.
محمد:ها..لالا مافيش.
.........................................................................................................................................................
ساره ميرنا فى العربيه فى طريقهم للعوده الى البيت.
ميرنا:الا قوليلى ياساره..انتى كنتى واقفه مع الاسمه محمد ده ليه؟؟
ساره:عادى بس على فاكره هو اللى جه ووقف معايا مش انا اللى وقفت معاه..بس ده طيب اوى ماسبنيش الا لما ضحكت.
ميرنا:لا والله..طب تمام ياست ساره هتحولى نشاطك من يوسف لمحمد ده؟؟
ساره بغضب:اسكتى ياميرنا اسكتى خالص انتى عارفه كويس انا اد ايه بحب يوسف..بس هو رافضنى.
وكملت بدموع:ليه بس ياميرنا بيعمل كده انا والله بحبه لو طلب عنيه هدهومله..شوفتيه النهارده عمل معايا ايه؟؟
ميرنا بتاثر من كلامها:خلاص ياساره اهدى بقى..والله اخويا ده حمار..حمار كبير كمان..معلش ياحبيبتى بكره هيعرف قمتك وسعتها اتقل براحتك يا جمييل.
وغمزتلها.
ساره بابتسامه:ده وقت هزار بذمتك؟؟
ميرنا:ههههههه ايه ياساره بضحك معاكى ياستى.
ساره:ضحكى ياختى.
ووصلو البيت وطلعت ميرنا شقتها ودخلت ساره شقتها.
احمد كان بيقرا فى الجورنال.
احمد:ها ياساره عملتى ايه؟؟
ساره ملقتش كلام تقوله.
ساره:..............................
احمد:ايه يابنتى فى ايه؟؟
ساره بارتباك:مممافيش...مافيش يابابا.
احمد:طب ايه عملتى ايه شوفتى مكتبك طيب عجبك؟؟
ساره بحزن:لا يابابا ماشوفتش.
احمد:اومال روحتى تعملى ايه؟؟
ساره بكذب:يابابا يوسف كان فى اجتماع والاجتماع طول ف ماعرفتش اشوف حاجه.
احمد:ااااه طب مش مشكله شوفى هتروحى امتى تانى.
ساره:حاضر.
...............................................................................................................................
ومرت ساعات على بيت ال سليم ودقت السادسه ووصل يوسف البيت..ودخل شقته وكانت عيلته قاعده بتشوف التليفزيون.
يوسف:السلام عليكم.
كلهم:وعليكم السلام ورحمة الله وبركاته.
ميرفت بابتسامه:ازيك ياحبيبى.
يوسف:ههههه كويس ياماما.
ميرفت:احضرلك الغدا.
يوسف:لا ياماما اتغديت بره.
ميرفت:طب تشرب عصير فريش؟؟
يوسف بنص عين:مصممه يعنى..مممم ماشى.
ميرفت بجفاء لميرنا:بت ياميرنا قومى هاتى لاخوكى عصير.
ميرنا قامت بحزن ومردتش عليها.
ميرفت:شوفو البت مابتردش عليا ازاى.
يوسف:ياماما هى عملت حاجه.
ابراهيم:لا ازاى متبقاش امك لو مانكدتش على اختك.
ميرفت:اه بقيت انا المحقوقه ماشى ادينى سكت اهو.
يوسف قرب عليها وباس راسها.
يوسف:انتى تتكلمى براحتك ياست الكل بس احنا كان قصدنا انها معملتش حاجه غلط.
ميرفت بابتسامه:والله انت اللى ناصفنى فى البيت ده يابنى.
يوسف:هههههههه كلنا هنا رهن اشارتك يا ماما..يلا بقى عن اذنكو انا داخل اوضتى.
ودخل يوسف اوضته ورما نفسه على السرير واسترخى..وخبط بابا اوضته فاذن بالدخول.
دخلت ميرنا وهى حزينه خالص..بصلها يوسف بحنان وقالها.
يوسف:تعالى ياميرنا..تعالى اقعدى جمبى.
قعدت ميرنا.
يوسف:ايه مالك مقشره كده ليه؟؟
ميرنا:يعنى انت شايف كل اللى بيحصل وبتقولى مقشره ليه!!
يوسف:وهو ايه اللى بيحصل؟؟
ميرنا:لا والله ماتعرفش حاضر انا هقولك.
وقعدت تشكيله عن خلافتها وخنقتها مع والدتها..وفى الوقت ده خبط باب شقة ابراهيم قامت ميرفت تفتح وكانت ساره.
ميرفت بابتسامه:اهلا ياساره..ادخلى ياحبيبتى.
ساره:شكرا ياطنط.
ودخلت ساره وسلمت على عمها.
ابراهيم:ساره عندنا..اهلا اهلا ياحبيبتى تعالى اقعدى تعالى.
ساره:شكرا ياعمو انا كنت جايه لميرنا.
ابراهيم:هى اكبد فى اوضتها ادخوليلها ياحبيبتى.
ساره:ماشى عن اذنكو.
ابراهيم\ميرفت:اتفضلى.
مشيت ساره فى الطرقه اللى بتوصل للاوض وكانت هتخبط على اوضة ميرنا..بس سمعت صوتها فى اوضة يوسف..قربت من الباب عشان تخبط وتكلم ميرنا لكنها وقفت لما سمعتهم بيتكلمو عليها واتصدمت من اللى سمعته.
يوسف:يابنتى ساره دى لازم تودوها تكشفو عليها وتتاكدو اذا كانت ولد ولا بنت.
ميرنا:لا يايوسف انت زودتها اوى متتكلمش عنها كده ولعلمك بقى ساره احلى بنت ممكن اكون شوفتها فى حياتى بس هى اللى مخبيا جمالها ده.
يوسف:والله بقى جميله مش جميله لنفسها مش ليا.
ساره كانت واقفه بتسمع كل ده من ورا الباب وهى مصدومه ودموعها نزلت بغزاره على وشها..مستحملتش اكتر من كده وطلعت تجرى وابراهيم شافها وهى طالعه بالشكل ده بتجرى وبتعيط ف نده عليها هو وميرفت لكن لاحياة لمن تنادى..خرجت ساره من الشقه ونزلت على شقتها.
stop...flash Back.
نرجع كام دقيقه لورا.
يوسف:مالك مقشره كده ليه؟؟
ميرنا:يعنى انت شايف كل اللى بيحصل ده وبتقولى مقشره ليه.
يوسف:وهو ايه اللى بيحصل؟؟
ميرنا بتهكم:لا والله ماتعرفش ايه اللى بيحصل طيب انا هقولك ايه اللى بيحصل..ماما مش طايقانى حسا انها هاين عليها تطردنى من البيت وكل شويه تتخانق معايا بسبب وبدون سبب وبعملها اللى بتطلبه.
ومع ذلك برده مبيعجبهاش وبتقولى كلام بيضيقنى والله انا تعبت خلاص.
وقربت اتعالج بسببها.
وكملت بسخريه:وانت تقولى هو ايه اللى بيحصل لا ياسيدى محصلش حاجه.
يوسف وهو مندمج فى كلامها:ياااااااااااه كل ده معبيا من امك ده انتى قلبك اسود اوى.
ميرنا:مين انا!! الله يسامحك دا انا لوكنت لقيته كانت هتعاملنى احسن من كده.
يوسف:هههههههه يارب يا مونى الحكايه متقلبش بجد والاقى امك فى الاخر قلبت عماد حمدى وتقولك.
وكمل بحركه مسرحيه:انتى مش بنتى وانا مش امك انتى لقيته لقييته لقييييييييييته ههههههههه.
ميرنا مسكة المخده وضربته.
يوسف:خلاص يامجنونه.
ميرنا:وكمان بتهزر الله يسامحك يا اخى.
يوسف:خلاص بقى يا مونى ميبقاش قلبك اسود..خلاص بقى وانتى موزه كده..بكره هاحط مكتب قدام العماره واقعد والاقى العرسان طوابيييييير وانا اكتب بيانتهم واعد اصنف ادى اختى لانهى واحد فيهم.
ميرنا:ايوه ياخويا اضحك عليا بكلمتين.
يوسف:وهل ده ظنك فيا؟؟
ميرنا:لا لاسمح الله ابدا..اه صحيح تعالى هنا.
يوسف:جيت اهو نعم؟؟
ميرنا:ايه اللى انت هببته الصبح ده مع ساره فى الشركه؟؟
يوسف وقد انتابه الضيق:ليه بس السيره دى دلوقتى.
ميرنا:يايوسف انت ماشفتش نفسك كنت بتكلمها ازاى كفايه انك كسفتها قدام الناس.
يوسف بنرفذه:ما انا واحد مش فاضى اسيب شغلى وقال ايه تعالى ورينى مكتبى ده كلام ياناس.
ميرنا:كان ممكن ترفض بشكل مهذب مش تهينها بالشكل ده..بذمتك ماصعبتش عليك لما عيطت جرحت مشاعرها على فكره.
يوسف بسخريه:نعم..مشاعر..انتى فاكره انها بنت زى باقى البنات يابنتى ساره دى لازم تودوها تكشفو عليها وتتاكدو اذا كانت ولد ولا بنت.
#الفصل_٤
#الحلقه_الرابعه
دخلت ساره شقتها وهى منهاره ومفحومه من العياط وجريت على اوضتها وجرى وراها احمد وسميره..ولكنها دخلت وقفلت الباب عليها بالمفتاح.
احمد من بره الاوضه:ساره..افتحى مالك يابنتى بس..بتعيطى ليه طيب؟؟
سميره:ساره ياحبيبتى حد ضايقك..طيب ايه اللى حصل قوليلى؟؟
ساره من جوا بصوت مبحوح ومن بين دموعها:سيبونى ياماما دلوقتى لو سمحتو عايزه انام وهنبقا نتكلم بكره.
احمد:طيب يا بنتى على الاق...
ساره مقاطعا:لو سمحت يابابا انا مش قادره اتكلم سيبونى من فضلكم.
احمد باستسلام:ماشى يابنتى.
..........................................................................................................
اما عند شقة ابراهيم ميرنا ويوسف لما سمعو صوت ابراهيم وميرفت عالى خرجو.
يوسف:فى ايه يابابا؟؟
ابراهيم بغضب موجها كلامه لميرنا:انتى زعلتى ساره بنت عمك يابنت؟؟
ميرنا:انا!!لا والله ابدا مزعلتها..هى قالت انها زعلانه منى؟؟
ميرفت بحده:البنت طلعت من عندك منهاره من العياط ونزلت جرى على شقتهم وبتقولى مزعلتهاش!!
ميرنا:طلعت من عندى!!والله العظي...
وفى بالها:يانهار ابيض دى اكيد سمعت الكلام اللى يوسف قاله..ياخبر اسود..وفاقت من تفكيرها على صوت ابراهيم.
ابراهيم:ماتتكلمى يابنت عملتلها ايه؟؟
ميرنا بارتباك:اا يا بابا اه انا افتكرت..اه اصصل كان فى بينا موضوع كده وانا وانا وانا زعلتها بس انا هصلحها هصلحها بكره انشاء الله.
ابراهيم:وموضوع ايه ده بقى اللى يخليها تجرى وتعيط بالشكل ده؟؟
ميرنا بهرب:موضوع وخلاص بقى يابابا..انا هتصرف معاها بكره مانتو عارفين مبنقدرش نزعل من بعض.
ابراهيم:ماشى بس اول ما الصبح يطلع تنزلى تصلحيها.
ميرنا:حاضر يابابا.
وبصت ليوسف بعتاب..ويوسف استقبل يصتها ببرود ودخل اوضته برده ببرود.
........................................................................................................................
اما عن ساره فهى لسا منهاره من العياط ونايمه على السرير وحضنه مخدتها وافتكرت كلامه.
يوسف:يابنتى ساره دى لازم تودوها تكشفو عليها وتتاكدو اذا كانت ولد ولا بنت.
فانهارت اكتر وقلعت نضارتها ورمتها بعيد ورمت المخده ورمت كل اللى كان يجى فى ايدها وفضلت تكسر فى الحاجه اللى قدمها ومسكت شنطة ايدها ورمتها على الارض.
ف وقفت مكانها فى صمت وعينها وقعت على حاجه..ايوه..ايوه هو الكارت..كارت محمد يسرى.
راحت مسكته وقعدت على السرير ومسكت موبايلها وطلبت الرقم.
................................................................................................................
عند محمد كان قاعد فى اوضته على السرير وفاتح الاب توب وطبعا بيكلم بنات على الفيس بوك.
ورن موبايله وشاف رقم غريب فرد..
محمد:الو.
ساره بتردد:اااالو..اس استاذ محمد؟؟
محمد:ههههه استاذ؟؟ يبقى اكيد انا معرفكيش ايوه ياستى استاذ محمد انتى مين بقى؟؟
ساره بتعثر:انا انا..انا ساره..ساره سليم انا اللى قابلتك الصبح فى شركة يو...
محمد مقاطع بفرحه:ايوه ايوه افتكرتك..اهلا اهلا ازيك ياساره.
ساره بحزن:الحمد لله.
محمد:مال صوتك؟؟صوتك مش عاجبنى اوعى تكونى مضيقه تانى.
ساره ابتدت تعيط تانى بصوت.
محمد:ال ال ال ليه بس كده بتعيطى ليه؟؟
ساره لسا بتعيط.
محمد:لوسمحتى ياساره ماتعيطيش انا بتضايق لما اشوف حد بيعيط..انتى مش فاكره كلامى بتاع الصبح ولا ايه؟؟ ماتسيبيش الحزن يغلبك اضربيه جامد جاامد.
ساره افتكرت منظره وهو بيكلمها الصبح فضحكت.
محمد بفرح:الله اكبر ايوه كده اضحكى..مافيش اى حاجه تستاهل ان البنى ادم ينزل دمعا واحده عليها كله بيفوت وبيعدى ومحدش بيعرف يرجع اللى راح.
ساره بتنهيده:عندك حق.
محمد:ممكن اعرف بقى..لو ممكن يعنى انتى كنتى بتعيطى ليه؟؟
ساره:انا زهقانه زهقانه اوى.
محمد:من ايه بس.
ساره:انا اترددت كتييير قبل ما اكلمك لان دة مش اخلاقى انى اكلم شاب غريب عنى بس مش عرفه ليه لما شوفت رقمك كلمتك على طول منغير تفكير جايز عشان كنت محتاجه اتكلم وخلاص.
محمد:طب بس انسى الكلام ده دلوقتى وقوليلى ايه اللى مضايقك؟؟ وصدقينى قسما بالله انا مش هلعب بيكى زى مانتى فاكره وهاكون اد ثقتك اللى حطتيها فيا لما كلمتينى وبعدين احنا بقينا اصدقاء ولا ايه؟؟
ساره:اه طبعا..بس انا زهقانه من نفسى عايزه اتغير عايزه اغير شكلى عايزه حد يساعدنى على كده.
محمد بثقه:اعتبرينى انا الحد ده.
ساره باستغراب:انت؟؟
محمد:اه انا ولا انتى مستئليا بيا؟؟
ساره:لالالا والله مش كده خالص بس انت فى ايدك ايه تعمله؟؟
محمد بضحك:لااااااا ده انا هعمل حاجات كتييير..ثقى انتى فيا بس وهتدعيلى..بس لو معندكيش مانع نتقابل بكره.
ساره:نتقابل ليه؟؟
محمد:هنعملك شوبينج واختى الكبيره عندها بيوتى سنتر هوديكى هناك وبكره هتبقى واحده تانيه خاااااااااالص.
ساره بفرح وفى بالها:اه يسلام يعنى بكره هبقى واحده تانيه بجد يعنى هعجب يوسف.
ومن بين دموعها:وهيحبنى زى مابحبه..ياه يا يوسف بحبك اوى لاخر يوم فى عمرى.
وصحيت على صوت محمد.
محمد:الو..الو ساره انتى معايا؟؟
ساره:ها اه اه معاك..خلاص اتفقنا بكره الساعه 2 الضهر كويس.
محمد:كويس اوى ممكن تدينى العنوان بقى.
ساره:عنوان ايه؟؟
محمد:عنوان بيتك.
ساره:اه العنوان ....................ها خلاص كده.
محمد:تمام هكون عندك 2 بالضبط.
ساره:متشكره اوى واسفه لو كنت ازعجتك.
محمد:لالالا مافيش ازعاج ولا حاجه انتى تؤمرى.
........................................................................................................................................
اشرقت شمس نهار جديد على بيت ال سليم..فى شقة ابراهيم..صحيو العيله كلها وبيستعدو ليومهم..ميرفت فى المطبخ بتحضر فطار وابراهيم فى الصالون بيقرا الجرنال ويوسف فى اوضته بيحضر نفسه عشان يروح الشركه وميرنا فى اوضتها خدت دوش وطلعت لبست هدومها وخرجت من اوضتها عشان تنزل تصالح ساره وتطيب خاطرها.
وهى خارجه قابلت يوسف.
ميرنا:يوسف.
يوسف:نعم ياميرنا عايزه حاجه؟؟
ميرنا:اه يا يوسف..ينفع اللى حصل امبارح ده.
يوسف بنسيان:وهو ايه اللى حصل امبارح؟؟
ميرنا بانفعال:ساره امبارح سمعت حوارى انا وانت وسمعتك لما اتكلمت عليه كلامك ده.
يوسف بضيق:يووووووه من الاخر كد عايزه ايه؟؟
ميرنا:عايزاك تعتزرلها.
يوسف:ايه؟؟اعتذرلها..ميرنا سلام.
ومشى يوسف وجريت ميرنا وراه.
ميرنا:يا يوسف مايصحش كده يايو...
وهنا خرج بره الشقه وقفل الباب وراه.
ميرنا:غبيييي.
ابراهيم:هو مين اللى غبى يابنت؟؟
ميرنا بارتباك:ها..لاانا بقول على البواب..نسى ياخد شنط الزباله اللى قدام الباب.
ابراهيم:ااااااه بس برده مايصحش تقولى على حد غبى.
ميرنا بخجل:اسفه يابابا..عن اذنك بقى.
ابراهيم:على فين؟؟
ميرنا:نازله لساره عشان اصالحها.
ابراهيم:اه ماشى..متتاخريش عشان تفطرى.
ميرنا:حاضر.
ونزلت ميرنا دور عمها وشافت ساره طالعه من الشقه.
ميرنا:ساره..صباح الخير.
ساره بجفاء:اهلا صباح النور.
ميرنا:مالك ياساره فى حاجه مضيقاكى منى؟؟
ساره:لا ابدا مافيش عن اذنك.
ولسا هتمشى وقفت ميرنا قصادها.
ميرنا:بوصى ياساره انا عارفه ان انتى امبارح سمعتى ال...
ساره مقاطعا:ميرنا مش وقتو بعد اذنك مستعجله..سلام.
ونزلت ساره وسابت ميرنا على السلم.
...................................................................................................................
نزلت ساره قدام العماره ولقيت محمد مستنيها فى العربيه فراحت وركبت معاه.
محمد بابتسامه:صباح الخير.
ساره:صباح النور.
ساره بحماس:ها..هنروح فين؟؟
محمد:بوصى ياستى هنبتدى بالبس هنروح ستى ستارز..وبعد كده هوديكى البيوتى سنتر بتاع اختى دينا.
ساره:تمام.
محمد حط ايده على الدريكسيون وقالها:جاهزه؟؟
ساره خدت نفس عميق وقالتله:ايوه جاهزه.
وطلع محمد بالعربيه ووصل سيتى ستارز وبداءو رحلة انتقاء الملابس وكل شويه ساره تشبط فى حاجات شبه لبس الولاد وحاجات واسعه زى البحر لكن محمد كان بينقلها على ذوقه واشترو هدوم جميله اوى وكلهم احلى من بعض عليها.
وراحو يشترو الشنط والجزم والاكسسورات اللى تليق على الهدوم..ووصلو عند العدسات.
محمد:انا بقول نشترىلك عدسات بدل النضاره دى.
ساره:لالالا مافيش داعى للعدسات على فكره انا نظرى كويس جدا جدا وبشوف كويس منغير النضاره انا بلبسها بس عشان الكتب مابتفرقش ايدى فاتعودت عليها.
محمد:طب اقلعيها.
ساره:لازم؟؟
محمد:اه طبعا واعملى حسابك مش هتلبسيها تانى.
ساره:حاضر.
وقلعت النضاره وحطتها فى شنتطها..وخلصو كل حاجه ومشيو من المول وراحو البيوتى سنتر.
محمد بابتسامه:اختى دينا الجميله ازيك؟؟
دينا:محمد..ازيك يا ولد كده مش بتسال على اختك..طب بلاش اسال على ولاد اختك والله ماذن احسن منك بيسئل عليا وعليهم.
محمد:مشغووووول مشغول وحياتك مشغول ولاخر الاسبوع مشغول.
دينا:هههههههههه ايه هتغنيلى ولا ايه؟؟
وهنا بصت دينا على ساره.
دينا:مين الانسه يامحمد؟؟
محمد بانتباه:اه صحيح نسيت اعرفك..ساره سليم صديقتى.
دينا:اهلا تشرفنا.
ساره بابتسامه:الشرف ليا يافندم.
محمد:بوصى بقى ياستى انا جايبلك ساره عشان تظبتيها ميك اب شعر مش انا اللى هقولك يا دونى.
دينا:اااه..طب اتفضلى معايا..وانت اقعد هنا فى الريسبشن على بال مانخلص.
محمد:ماشى اامرى انتى بس.
دينا:طب اقعد ياغلباوى.
ومشيت دينا وخدت معاها ساره وقالتلها:بوصى ياقمر..انتى ماشاء الله مش محتاجه حاجات كتير يعنى مش هنستعمل اساليب مجهده بسم الله مشاء الله عليكى بشرتك نضره وجميله وعيونك كمان حلوه بس انشاء الله هيعجبك اللى هعملهولك ودلوقتى يلا بقى قدامى هنبتدى.
ساره بحماس:يلا.
خدتها دينا وسلمتها للبنات اللى شغالين فى السنتر ودخلوها السونا وعملولها تقشير فى جسمها عشان ينتقى وينضف اكتر وبعد كده اخدت شاور.
وعملت لشعرها حمام كريم وعملولها مسكات على وشها ومجموعه تانيه بتبردلها دوافرها ومجموعه تانيه بتعملها باديكير ومانيكير وبعد كده استشوارولها شعرها وخلو سايب على ضهرها والمرحله الاخيره كانت الميك اب.
دينا هى اللى اتولت عمل الميك اب وعملتلها ميك اب خفيف وبعد كده لبستها طقم من الاطقم اللى اشترتها مع محمد وبكد خلصت رحلة التجميل وانتهو بالكامل خلاص وكل ده ساره لسه ماشفتش نفسها.
دينا:تعالى بقى شوفى نفسك.
ووقفتها قدام مرايا كبيره مبينا جسمها كله.
دينا بابتسامه:ها..ايه راءيك؟؟
ساره بتبص لنفسها وغمضت عيونها اكتر من مره عشان تتاكد انها هى اللى فى المريا ساره بدموع وفى بالها:يااااااه هى دى انا بجد؟؟يعنى انا اتغيرت خلاص وهعجب يوسف؟؟اه ياحبيبى انا عملت كل ده عشانك ومستعده اعمل اكتر بحبك يا يوسف.
وفاقت ساره على صوت دينا.
دينا:ايه مش عاجبك؟؟
ساره بامتنان:انتى بتقولى ايه بس انا مش عارفه اشكرك ازاى..انتى ساعدتينى اوى بجد شكرا.
دينا بضحك:هههه ليه كل ده..هو انتى عمرك مادخلتى بيوتى سنتر وعملتى كده؟؟
ساره بحزن:لا.
دينا:معلش انتى لسا صغيره والعمر قدامك وهتعملى حاجات تانيه كتير..عموما انتى هاتجيلى هنا كل شهر عشان اظبتك اوكى؟؟
ساره بابتسامه:اوكى.
..........................................................................................................................................................
محمد كان قاعد على كرسى من الكراسى فى الريسبشن وباصص فى موبايله ومندمج اوى..لحد مادينا ندهت عليه.
دينا:محمد.
محمد بص لدينا وبعد كده بص على ساره وفتح عينه على اخرها وفى باله:يانهار اسووود انا قلت جمال صااااااارخ محدش صدقنى.
ساره شايفه محمد بيبصلها ومتنح فاتكسفت وبصت فى الارض.
محمد قرب عليها ووقف قصادها.
محمد:هو انتى ساره؟؟
ساره اتكسفت ووشها احمر خالص.
دينا:ايه راءيك ياولد حلوه صح.
محمد بسهتنه:حلوه..دى الحلويات اللى فى الدنيا كلها.
ساره خلاص خدودها احمرت على الاخر.
ساره:انا اتاخرت اوى على فاكره مش يلا بقى هتروحنى ولا ايه؟؟
محمد وهو بيبصلها:يلا.
وجم يمشو وساره كانت هتدفع الحساب لكن محمد رففض ودينا قالتلها:المره دى كادو عشان انتى اول مره تزورينى.
ساره:شكرا.
ومشيت ساره ومحمد ووصلها بيتها وكان الوقت ده ميعاد وصول يوسف..محمد وقف قدام العماره وقالها:بقيتى جميله اكتر على جمالك ياساره..كنتى اصلا رائعه بس دلوقتى زدتى روعه.
ساره بكسوف:ربنا يخليك.
محمد:انا بقول الحقيقه على فكره..انتى جوهره ياساره ومحتاجه لحارس يحميها.
ساره:ياااه مش للدرجادى يامحمد عموما شكرا.
وهنا رن موبايلها وكانت ميرنا..ردت ساره.
ساره:الو..انا تحت البيت اهو طالعه..حاضر حاضر هطلعلك..معالسلامه.
ساره:شكرا يامحمد اوى بجد شكرا على كل حاجه مش عارفه اشكرك ازاى انت بجد جميل اوى وطيب اوى كمان..ومعلش بقى سلام اتاخرت.
ونزلت ساره من العربيه.
محمد مبرق وقعد يردد كلمتها:انت جميل اوى وطيب اوى..انت جميل اوى وطيب اوى..انت جميل اوى وطيب اوى.
ههههههههههههههه نسيب محمد اللى اتجنن ده ونروح حته تانيه.
................................................................................................................................
دخلت ساره العماره وفى نفس الوقت ده كان يوسف صف عربيته وطالع بس شاف واحده نازله من عربيه وكان معاها واحد ودخلت بيته فاستغرب مين دى لان بيتهم بيت عيله هما بس اللى ساكنين فيه مافيش جيران.
طلعت ساره عند بيت عمها وخبطت على الباب..فتحت ميرنا الباب وشافت واحده قدامها فى منتهى الجمال والشياكه.
ميرنا:ايوه حضرتك مين؟؟
ساره بضحك:ههههههههههه للدرجه دى ماعرفتنيش..هههههههه ليه هو انا كنت بشعه اوى كده.
ميرنا ركزت فى ملامحها وصوتها ف تنحت.
ميرنا بذهول:سسسسسس ساره انتى ساره؟
ساره:هههههه ايوه انا ساره.
وهنا وصل يوسف قدام باب الشقه واسغرب انها نفس البنت اللى شافها واقفه عند شقته فوقف وراها.
يوسف موجها كلامه لميرنا:مين دى؟؟
ميرنا بتوهان:يوسف..دى دى ..دى ساره.
يوسف:ساره مين؟؟
ساره لفتله وقالتله بمنتهى الثقه والغرور:ساره احمد سليم..عرفتنى يابشمهندس؟؟
يوسف:.........
دمرتني ومازلت احبك
الفصل من ٥ الي ٦
للكاتبة مريم غريب
#الفصل_٥
الحلقه_الخامسه
يوسف موجها كلامه لميرنا:مين دى؟؟
ميرنا بتوهان:يوسف دى دى..دى ساره.
يوسف:ساره مين؟؟
ساره لفتله وبمنتهى الثقه والغرور قالتله.
ساره:ساره احمد سليم..عرفتنى يابشمهندس؟؟
يوسف بصلها وفتح عينه على اخرها من هول المنظر ملاك متجسد فى بشرى واقف قصاده وفى باله.
يوسف:معقوله..معقوله دى ساره..لالالامش ممكن..يارب ده حلم ولا علم...ايه اللى حصل ياناس؟؟..معقول دى ساره؟؟
ساره:لسا معرفتنيش ولا ايه؟؟
يوسف اكتفى بالصمت والنظر ليها..ياه كم هى مثيره فى هذه الملابس التى ابرزت مفاتنها الجسم المنحوت المتناسق ومكياجها الخفيف الذى اعطاها بريق خاص والنضاره اللى قلعتها دى خلت منظر عيونها جميل خصوصا الكحل اللى حدد عينها وشعرها الدهبى الطويل المسترسل على ضهرها وخدودها الموردا وشفايفها ال...
وصحى يوسف على صوت ميرنا.
ميرنا:طيب ادخلى ياساره هتفضلى واقفه كده؟؟
ساره:لا انا هنزل وابقى انزلى انتى ماشى..سلام.
ونزلت ساره وراقبها يوسف بعينه لحد ما اختفت من قصاده.
ميرنا بمشاكسه:ايه ياجو بتشاور عقلك ولا ايه؟؟
يوسف باستغراب:ايه اللى انا شوفته ده دى اتقلبت 180 درجه.
ميرنا:هى اساسا جميله بس زى ماقلتلك جمالها كان مستخبى.
يوسف سكت ودخل وهو سرحان وبيفكر فيها ونسى يسلم على ابراهيم وميرفت من كتر تفكيره.
ميرفت:فى ايه يابت اخوكى ماله انتى زعلتيه؟؟
ميرنا:والله ماعملت حاجه.
ابراهيم:اومال ماله كده..مش عوايده يدخل ومايسلمش علينا.
ميرنا بسرحان:اصل اصل اصل.
ميرفت بانفعال:اصل ايه يابت ماتنطقى.
ميرنا بخضه:فزعتينى ياماما..اصل حصلت حاجه كده انا نفسى مش مصدقاها لحد دلوقتى.
ابراهبم:حصل ايه؟؟
ميرنا:اقولك ياولدى.
وحكتلهم ميرنا على التغير المفاجئ اللى حصل لساره.
.................................................................................................................
فى اوضة يوسف.
يوسف دخل اوضته ورمى حاجته باهمال على السرير وقلع جاكت البدله بضيق ورمى نفسه على السرير وسند ضهره على المخده وفى باله.
يوسف:معقوله دى ساره اللى شفتها من شويه؟؟معقول كل ده كان مستخبى على راى ميرنا؟؟وانا اهبل للدرجادى سايبها كل ده وهى موزه كده..تؤ عيب يايوسف دى بنت عمك.
وهنا نفسه ابتدت تكلمه.
يوسف:بس مين اللى كانت معاه فى العربيه ده؟؟
نفسه:وانت مالك مهتم كده ليه؟؟لتكون معجب بيها.
يوسف:لالالا معجب ايه..ساره مش من النوع اللى يعجبنى.
نفسه:لاياشيخ انت اعمى ولا مابتشوفش..البت كانت زى القمر قدامك وانت بنفسك اعترفت بكده.
يوسف:لالا مش ممكن تكون عجبتنى.
نفسه:طيب ليه اضايقت لما شوفتها مع شاب غريب؟؟
يوسف بارتباك:اضايقت لا مضايقتش ولا حاجه..انا بس كله عشان لوحد شافها معاه الموضوع هيبقى فى وشى.
نفسه:لا ياراجل عشان كده بس.
يوسف:اه عشان كده بس.
نفسه:طيب ليه تنحت لما شفتها وفضلت واقف قصادها رغم انك كنت مابتقش وجودها اصلا.
يوسف:لا ابدا متنحتش انا كله بس عشان..عشان عشان..عشان اييييه اسكت بقى جننتنى.
نفسه:ههههههههه شوفت اديك اهو معجب بيها.
يوسف:ايوه اتنيلت اسكت بقى ونقتنى بسكاتك.
...........................................................................................................................................
ساره نزلت شقتها وفتحت بمفتحها ودخلت وسلمت على احمد وسميره ولكنهم ماردوش.
ساره:مالكم ياجماعه فى ايه؟؟
سميره:ايه ياساره ده..ايه اللى عملتيه فى نفسك ده؟؟
ساره:عملت ايه ياماما؟؟مش عاجبك يعنى.
سميره:لا ياحبيبتى حلو..بس بصراحه مش مصدقه انك انتى اللى واقفه قدامى.
ساره:ههههههههه ليه بس كل ده ياناس هو انا كنت وحشه اوى كده.
سميره:لاياحبيبتى مش القصد انتى طول عمرك زى القمر.
ساره:وانت يابابا ايه راءيك؟؟
احمد:بصراحه يابنتى انا حاسس انى بحلم..معقول ساره اللى طول عمرها عامله فيها راجل ومتمسكه بستايل واحد تتغير اوى بالشكل ده يامثبت العقل يارب.
ساره بزعل مصطنع:كده يابابا.
احمد:ياحبيبتى متزعليش انا بهزر معاكى.
سميره بابتسامه:تعالى ورينى ايه اللى فى الشنط دى..جبتى ايه تعالى ورينى.
ساره بفرحه:حاضر.
وراحت ساره تفرج سميره على الهدوم اللى اشترتها.
................................................................................................................................................
فى شقة ابراهيم.
ميرنا:بس يابابا هو ده اللى حصل.
ابراهيم:ههههههههههههههه يعنى اخوكى وقف اتسمر قدام بنت عمك؟؟هههههههه.
ميرنا:هههههههههههه اه شوفت ابنك المغرور ده حصلو ايه.
ميرفت بضجر:يسلام ومالكو مبسوطين اوى كده؟؟
ابراهيم:مافيش بس كنت بفكر يعنييييي.
ميرفت:بتفكر فى ايه؟؟
ابراهيم:بفكر نجوز يوسف وساره..البنت وحيده وبنت اخويا ومتعلمه وجميله وابنك وقف اتسمر قدامها ههههههههه.
ميرفت بجديه:انت بتتكلم بجد؟؟
اابراهيم:اه ليه لا..بوصى انا مش عايز الكلام ده يخرج بره ابدا انتو فهمين..وانتى ياميرنا اياكى اسمع ان ساره عرفت بالموضوع ده.
ميرنا:حاضر يابابا مش هقولها صدقنى.
ابراهيم:طيب انا داخل ليوسف شويه وبعدين لما تحضرو الاكل نادولنا.
ميرفت:حاضر..يلا ياميرنا على المطبخ.
ميرنا باستسلام:حاضر.
............................................................................................................
ابراهيم خبط على يوسف اول مره مردش..تانى مره مردش..ففتح الباب تالت مره..ودخل لقى يوسف قاعد على السرير وسرحااان فقرب عليه وقاله.
ابراهيم:يوسف..يوسف.
يوسف:ايه يابابا فى ايه؟؟
ابراهيم:فى ايه!!انا بكلمك وانت سرحان وخبط عليك كتير وماردتش.
يوسف:معلش يابابا بس كنت بفكر فى حاجه.
ابراهيم بخبث:مش الحاجه دى تبقى ساره برده؟؟
يوسف بارتباك:ها..انت بتقول ايه بس يابابا..ايه اللى انت بتقوله ده؟؟
ابراهيم:يالا..يالا عليا انا..انا مستعد اجوزهالك.
يوسف:ايه يابابا تجوزهالى دى لا طبعا.
ابراهيم:يسلام..وليه لا طبعا؟؟
يوسف بارتباك:عشان..عشان..عشان تؤ انت عايز ايه يابابا.
ابراهيم:هههههههههههه بوص يابنى..البنت حلوه ومتتعيبش تعليم وثقافه وجمال وادب وبنت عمك..وانا فكرت انى اجوزهالك خصوصا انها وحيده ومننا لكن يابنى فى النهايه ده قرارك وانت حر..بس انا هفاتح ابوها فى الموضوع واشوف راءيها وانا عارف انك هتوافق.
يوسف:بس يابابا د.......
وهنا ندهت عليهم ميرفت عشان ياكلو.
ابراهيم:يلا يا استاذ عشان ناكل.
.................................................................................................................................
فى شقة احمد سليم خبط الباب وراحت ساره تفتح..وكان ابراهيم..ولما شافها فعلا لقاها زى ما وصفتها ميرنا بالضيط زادت حمال على جمالها المستخبى.
ابراهيم:هى دى شقة احمد اخويا؟؟
ساره ابتسمت بخجل:ازيك ياعمو.
ابراهيم:ازيك انتى ياساره بس ايه الجمال ده يابت؟؟
ساره بكسوف:شكرا ياعمو.
ابراهيم:ابوكى فين؟؟
ساره:فى الصالون اتفضل ياعمو.
دخل ابراهيم الصالون.
احمد بفرحه:ابراهيم..ازيك ياخويا.
وقام سلم عليه بالاحضان.
احمد:ساره اعملى شاى ليا ولعمك.
ساره:حاضر يابابا.
احمد اقعد اقعد يا ابراهيم.
ابراهيم:ازيك يا احمد؟؟
احمد:اه ياخويا اصلك بتسال عليا اوى.
ابراهيم:معلش سامحنى مشاكل الولاد مابتخلصش..المهم انت ايه اخبارك طمنى عليك.
احمد:انا كويس الحمدلله بس انت لو كنت بتسال كنت عرفت ان انا وسميره رايحين نعمل عمره الاسبوع الجاى.
ابراهيم بفرحه:بجد..مبروك الف مبروك..دعواتكو لينا بقى.
احمد:طبعا طبعا ياخويا..بس مش هوصيك على ساره امانه فى رقبتك خلى بالك منها بالله عليك.
ابراهيم:فى عنيا ياخويا وبعدين كويس انك جبت سيرتها انا كنت عايزك فى موضوع يخصها.
احمد:خير.
....................................................................................................................................
فى بيت ال يسرى..محمد قاعد فى الصالون وممدد على الكنبه وعمال يردد فى كلمت ساره.
محمد بهيام:انت جميل اوى وطيب اوى..انت جميل اوى وطيب اوى..انت جميل اوى وطيب اوى.
وهنا جه عليه ماذن وبيقرب عليه وهو سامعه بيردد الكلمتين دول.
ماذن:بسم الله الرحمن الرحيم الله اكبر..محمد انت اتلبست ياخويا.
محمد:ايه اتلبست دى..هححح حرام لما اتبسط شويا.
ماذن:لا ياخويا مش حرام بس عادتن البنات هى اللى بتستخدم الصيغه المذكره مش الولاد وانت بتقول انت جميل اوى وطيب اوى فانا قلت لتكون جنيه لبستك.
محمد انفجر فى الضحك:هههههههههههههه مش ممكن ياماذن جنيه حته واحده..عموما يمكن يكون معاك حق..هى فعلا مش بنى ادمه زيينا.
ماذن:هى مين دى ياض؟؟
محمد:دى سا...وانت مالك انت..انا طالع اوضتى مش فاضى للرغى والحورات هتبقى ورايا ورايا الصبح فى الشغل وبليل حورات لا ياعم عن اذنك.
وطلع محمد اوضته.
ماذن باندهاش:لاحول ولا قوة الا بالله الواد اتجنن.
ودخل ماذن مكتبه..وبعد شويه خبط بابا الفيلا وفتحت الخدامه وكانت دينا.
الخدامه:مدام دينا اتفضلى ياهانم.
دينا:اهلا ازيك ياعزيزه.
عزيزه:نحمده ياهانم.
دينا:اومال فين ماذن بيه؟؟
عزيزه:هو خلص صلاه ودخل مكتبه ياهانم.
دينا:ومحمد فين فين؟؟
عزيزه:فى اوضته ياهانم.
دينا:طب انا طالعه لمحمد اعمليلى نيسكافيه ودخليهولى عند ماذن بيه لحد ما انزل.
عزيزه:امرك ياهانم.
وطلعت دينا لمحمد ودخلت منغير ماتخبط وهو داخله اكيد كالعاده سمعت محمد بيكلم بنات فى التليفون.
محمد:يابت..يابت ياصايعه بقالك تلات ايام فى شرم مع مين..اجيلك على عنيا ياجميل بس بشرط..تلبسى المايو الاحمر اللى شو....
دينا بصوت عالى خلا محمد يتنطر ويرمى الموبايل.
دينا:والله عال ياسى محمد.
محمد بخضه :سلاما قولا من رب رحيم..دينا.
دينا:ايه شوفت عفريت؟؟
محمد:فى ايه؟؟
دينا:مافيش ياقلب اختك كل ده وبتقول فى ايه..ايه عشتك بقت بنات وصياعه.
محمد بضيق:فى ايه بس يادينا؟؟
دينا:مين يامحمد البت اللى جبتهالى النهارده دى؟؟
محمد:ماقولتلك صديقتى.
دينا:صديقتك هتكولنى ياواد بالكلمتين دول.
محمد:والله العظيم صديقه...بس بصراحه انا معجب بيها على فكره هى محترمه ومن عيله وكويسه من عيلة سليم العسلانى.
دينا بتريقه:محترمه..ومن عيله وكويسه..وتعرفك انت يامحمد؟؟
محمد:والله يادينامحترمه وبنت ناس وبجد انا معجب بيها واقلك كمان انا هتجوزها.
دينا حطت ايدها على راسه.
دينا:انت سخن ياواد ولا ايه عايز تتجوز يامحمد؟؟لاااا ده انت اتقلب حالك ع الاخر.
محمد بهيام:الحب الحب يادينا..انا اول ماشوفتها كانت بشكلها اللى جتلك بيه النهارده وزياده عليه نضاره بكعب كوبايه..وكان اللى يشوفها يستوحشها بس انا بقى بصتلها بتعمق وغيلارتها وبقت ساره فعلا بقت ولا ملكات الجمال.
دينا باستغراب:ياااااه محمد اللى بيتكلم كده..عموما ياخويا انا اتمنالك كل خير ولو هى كويسه ربنا يقسملك بيها.
محمد:يارب يقسملى بيها يادينا.
دينا:ههههههه طب ياخويا انا هنزل ل ماذن بقى لحسن ده وحشنى اوى..وانت كمل كلام مع الموزه.
وغمزتله.
محمد:هههه اوعى تفهمينى صح يادونى.
دينا:ماشى ياخويا سلام.
محمد:سلام.
..........................................................................
عند احمد وابراهيم.
احمد:والله ياخويا انا معنديش مانع يوسف شاب وزى الفل وراجل ومحترم ومتحمل المسؤليه من صغره.
ابراهيم:طيب طمنتنى.
احمد:اه بس لازم اخد راءى ساره.
ابراهيم:اه طبعا خد راءيها.
احمد:ماشى بس لما نرجع من العمره انا وامها هنبقى نفتحها فى الموضوع.
ابراهيم:ماشى باذن الله.
وهنا جت ساره وكانت جايبه الشاى معاها.
ساره:الشاى يابابا اتفضل.
احمد:شكرا ياحبيبتى.
ساره:اتفضل ياعمو.
ابراهيم:تسلمى ياحبيبتى.
وهنا خبط باب الشقه وراحت ساره تفتح
#الفصل_٦
#الحلقه_السادسه
ساره راحت تفتح الباب وكانت ميرنا.
ساره:ميرنا اخيرا نزلتى..ادخلى ادخلى.
ميرنا:انا عايزه افهم ايه اللى حصل بضبط وعملتى كل ده امتى وازاى ومنغير ماتقوليلى؟؟
ساره بضحك:هههههههههههههههه طيب ادخلى بس الاول.
ساره خدت ميرنا ودخلتها الاوضه.
ميرنا:ها قوليلى بقى.
ساره بنسيان مصطنع:اقولك ايه؟؟
ميرنا:ساره..متجنينيش اخلصى.
ساره:هههههه حاضر حاضرهههههه..شوفى ياستى انا روحت ستى ستارز تسوقت هناك شويه وبعديها روحت بيوتى سنتر وعملت كل الحاجات دى ورجعت وبقيت كده.
ميرنا:اااه..وروحتى لوحدك؟؟
ساره بارتباك:ها..اه اه روحت لوحدى.
ميرنا:سااااره..قولى الحقيقه.
ساره:يااه ديما بتقفشينى كده.
ميرنا:طول عمرى ياقلبى..قولى بقى.
ساره:ماشى ياستى شوفى بقى.........وحكتلها ساره على كل اللى حصل واللى عمله معاها محمد وكل حاجه.
ميرنا بغضب مكتوم:ااه..طب ساره انتى ايه علاقتك بمحمد ده؟؟
ساره:مش فاهمه تقصدى ايه؟؟!!
ميرنا:اقصد يعنى انتى ممكن تكونى بتحبيه او معجبه بيه.
ساره بسرعه وتاكيد:لا طبعا انا بحب واحد بس..واظن انتى عارفه كويس هو مين..وبعدين محمد مجرد صديق وطيب وساعدنى عشان اوصل للى انا فيه ده وده مش هنسهولو ابدا.
ميرنا بتنهيده:طمنتينى..اصل باين كده الصناره غمزت ويوسف هياكل طعمك.
ساره بلهفه:ليه ليه..قوليلى ايه اللى حصل.
ميرنا:ايه ياساره هو انتى ماشوفتيهوش كان بيبصلك ازاى على غير عادته.
ساره بهيام:شوفته..اااه ياميرنا بموت فيه.
ميرنا:بعد الشر عليكى ياختى بقولك ايه انا هطلع لحسن انا لسا مغسلتش الاطباق والحاجه اللى فى المطبخ وماما لو شافتهم لسا متغسلوش هتبهدلنى.
ساره:ماشى تصبحى على خير.
ميرنا:وانتى من اهله.
............................................................................................................................................
اشرقت شمس نهار جديد على بيت ال سليم..فى شقة احمد سليم لسا الكل نايم وساره صحيت على صوت رن موبايلها وقامت بضيق جدا لانها كانت بتحلم بيوسف..فردت على الموبايل.
ساره بنوم:الووو.
المتصل بنعومه:صباح الفل.
ساره قامت عدلت نفسها وعدلت صوتها.
ساره:احم صباح الخير..مين حضرتك؟؟
المتصل:معقول نسيتينى وكمان مش حافظه رقمى.
ساره بصت فى الموبايل وشافت الرقم.
ساره:سورى يامحمد والله كنت نايمه ومابصتش فى الموبايل.
محمد:ولا يهمك ياستى..ها طمنينى عليكى عامله ايه؟؟
ساره:الحمدلله كويسه.
محمد:مش هاشوفك ياساره ولا ايه..ولا هو خلصت حاجتى من جارتى.
ساره بضحك:هههههههههههه..لا ازاى تقول كده..بس انت عايز تشوفنى ليه؟؟
محمد:عايز اتعرف عليكى اكتر ياستى.
ساره:عموما ياسيدى انت اكيد هتشوفنى تانى لما اجى اروح لاختك السنتر المره الجايه.
محمد:يااااااااه ده انتى زيارتك بعيده لسا فاضل عليها كتير.
ساره:معلش اصل بابا مش بيرضى يخرجنى ده انا حتى امبارح خرجت وسامحلى بالخروج عشان قلتلو هشترى حاجات تخصنى وكده.
محمد بحزن:طيب ينفع اكلمك فى الموبايل؟؟
ساره:اه طبعا يامحمد بس بعد الساعه 9 لا.
محمد:حاضر.
.........................................................................................................................................
فى شقة ابراهيم سليم.
ميرنا كالعاده دخلت تصحى يوسف عشان الشغل وصحيته وخرجت..صحى يوسف واثناء ماكان بيلبس فضل يفكر فى اللى قاله ابراهيم امبارح.
وفى باله:معقول انا هتجوز دلوقتى..يعنى ايه يعنى..عشان طلعت موزه قصدى حلوه يبقى انحنى واتجوزها.
دا انا بيجرو ورايا بنات مصر كلها وغير مصر كمان..بس ابقى حمار لو طيرت من ايدى الجمال ده..انا مش فاهم بس غيرت روحها كده ليه..بس لا مش هتجوزها برده..ربنا يسهل.
وخلص لبسه وطلع يفطر مع عيلته.
يوسف:صباح الخير جميعا.
كلهم:صباح النور....وقعد معاهم على السفره..وميرفت كعادتها بتدلعه.
ميرفت:نمت كويس ياعيون ماما.
يوسف انفجر ضاحكا من الاسلوب الطفولى ده:هههههههههههههه اه ياماما الحمدلله ههههههه.
ميرنا كانت بتبكى من جواها على قسوة امها عليها وحنيتها على اخوها.
ابراهيم:الشركه عامله يايوسف؟؟
يوسف:كله تمام يابابا ماشيه كويس اوى الحمدلله.
ابراهيم:والراجل ده اللى كان عامل مشاكل فى سوق البرصه عملو معاه ايه.
يوسف:يووووه انت لسا فاكر ده البنك حجز على جميع ممتلكات شلته كلها وعليهم مبلغ كبير كمان بس هو هربان مش عارفين يجبوه..بس هيروح فين مبقاش حيلته حاجه.
ابراهيم:ربنا ينضف البلد من امثاله.
وهنا خبط باب شقتهم وراحت ميرنا تفتح وكانت ساره.
ساره:صباح الخير ياميرنا.
ميرنا:صباح النور ياساره.
ساره:اومال فين عمو؟؟
ميرنا:جوا ياحبيبتى بيفطر..تعالى ادخلى ادخلى.
دخلت ساره ورا ميرنا لحد اوضتة السفره.
ساره بابتسامه:صباح الخير.
الكل بصلها..لكن ميرفت بصتلها وفتحت بؤها وبصتلها باستغراب على التغير المفاجئ بتعها ده..وابراهيم بصلها بابتسامه.
اما يوسف برق على منظرها..كانت لابسا فستان ستان قصير باكمام قصيره ولونه اصفر منقط بابيض وسايبا شعرها الدهبى الطول على ضهرها وكانت حاطه ميك اب خفيف وبيرفيوم يجذب مصر كلها..وكانت فى منتهى الرقه.
يوسف فى باله:يانهار اسووووود ايه ده بس ياناس ايه الجمال ده؟؟
والكل صحى على صوت ابراهيم.
ابراهيم:صباح النور ياحبيبتى تعالى.
قربت ساره عليه وباسته فى خده وقالتله.
ساره:بص بقى ياحلو انت..بابا بيقولك خد اهو لاقالك نضارة جدو الله يرحمه اللى كنت بتسئلو عليها وبيقولك ابقى انزل اشرب معاه الشاى اللهم بلغت اللهم فاشهد.
ابراهيم:هههههههه ايه يابت انتى رايحه تفجرى نفسك فى افغنستان ولا ايه؟؟
ساره:هههههههه لا حاسب انت مش قدى فى الهزار وانا لو اتفتحت مش هتسد.
ابراهيم:ماشى ياغلباويه انا هخلص فطار وهنزل لابوكى.
ساره:ماشى يلا عن اذنكو.
ابراهيم\ميرنا:اتفضلى.
اما ميرفت ويوسف فى عالم تانى ميرفت مستغربه خالص من شكلها..ويوسف سرحااان وهيمان فيها وفى وشها الملائكى.
ابراهيم لتانى مره بيقطع الصمت.
ابراهيم:مالك ياميرفت متنحه كده ليه؟؟
ميرفت بنفس حالتها:هى دى بنت اخوك دى اللى كانت هنا من شويه دى؟؟
ابراهيم:اه شوفتى اتغيرت ازاى.
ميرفت:بس تصدق بقيت زى القمر بسم الله ماشاء الله بقيت جمبله.
ابراهيم:اسكتى ياستى مايحسد المال الا اصحابه.
وغمزلها.... ففهمته وبصت على يوسف وابتسمت.
ابراهيم:شوفت بنت عمك يايوسف؟؟
يوسف بسرحان:ها..بتقول ايه يابابا؟؟
ابراهيم:ها...هههه لا مافيش قوم يلا هتتاخر على شغلك.
يوسف:حاضر عن اذنكو.
...................................................................................................................
ساره نزلت وهى فرحانه وبتجرى زى الاطفال لحد اوضتها ودخلت وسكت صورت يوسف ولفت بيها الاوضه كلها وهى بتضحك لحد ما وقعت على السرير.
وافتكرت منظره وهو بيبصلها باعجاب مش باشمئزاز زى الاول وهنا غنت ساره..ملحوظه ساره صوتها جميل.
ساره:احترت اشكي ولا احكي ولا ابكي من فرحتي
من شوقي ليك يا حبيبي بدعي تكون في يوم من قسمتي
احترت اشكي ولا احكي ولا ابكي من فرحتي
من شوقي ليك يا حبيبي بدعي تكون في يوم من قسمتي
يا احلى دنيا عشتها في الكون بحاله
في عنيك ليالي عشقتها أول ما مالو
يا احلى دنيا عشتها في الكون بحاله
في عنيك ليالي عشقتها أول ما مالو
كلمة يا عمري قلتها لحظة لؤاك
معرفش قلبي لما شافك ايه جرى ..!!
طول عمري خايفة أحب واعشق زي كل الناس
لأني مملكش في حياتي غير حبة الاحساس
طول عمري خايفة أحب واعشق زي كل الناس
لأني مملكش في حياتي غير حبة الاحساس
شوفتك ملكت كل شيء فيا في ثواني
علّمت قلبي ازاي يحب ويعرف الاخلاص
احترت اشكي ولا احكي ولا ابكي من فرحتي
من شوقي ليك يا حبيبي بدعي تكون في يوم من قسمتي
احترت اشكي ولا احكي ولا ابكي من فرحتي
من شوقي ليك يا حبيبي بدعي تكون في يوم من قسمتي
وهنا ندهت عليها سميره..خرجت ساره من الاوضه وقعدت مع احمد وسميره.
احمد:بقولك ايه ياساره.
ساره:نعم يابابا.
احمد:انتى عارفه طبعا ان انا وماما رايحين نعمل عمره.
ساره:ايوه يابابا.
احمد:احنا يابنتى هنقعد هناك عشر ايام ف انا بقول يعنى لو تطلعى تقعدى فوق عند عمك عشان متقعديش هنا لوحدك فى الشقه.
ساره بتذمر:اطلع اقعد ازاى فوق يابابا وعندهم شاب وبعدين لو قعدت هنا لوحدى هتاكل يعنى!!
احمد:مش القصد يابنتى انا بقول يعنى كده عشان اكون مطمن عليكى اكتر.
ساره بابتسامه:لا اطمن يابابا بنتك راجل.
احمد بضحك:اهى دى بقى انا متاكد منها جدا..رغم التغيير اللى حصل برده.
ساره:هههههههه ماشى يابابا.
...................................................................................................................
يوسف قاعد فى مكتبه وسرحاااان سرحان فى ساره وفى باله:وبعدين بقى..حتة بت هتشغل تفكبرى ليه يعنى فيها ايه زياده عن اللى صاحبتهم واللى بيترمو تحت رجلى كل ليله.
انا مش فاهم ايه اللى حصل وبعدين معاكى ياساره انا ماكنتش بطيقك هتيجى دلوقتى تشغلى تفكيرى بالشكل ده.
وهنا دخل عليه اعز اصدقائه معتز.
معتز دخل لقا يوسف قاعد على مكتبه وحاطط ايده على وشه وشكله مهموم.
معتز:يوسف..يوسف..يوسف.
معتز ققرب عليه وبصوت عالى جدا:يوووووووووووووووسف.
يوسف اتنفض من مكانه وقاله بنرفذه:ياض يا ابن ال.....عايز اييييييه؟؟
معتز:ايه ياعم مالك ايه المود اللى انت فيه ده!!
يوسف بضيق:سيبنى فى حالى بالله عليك انا فيا اللى مكفينى.
معتز:ايه ياعم ده كله..انت عمرك ماكنت كده مالك..احكيلى ياصحبى هترتاح.
يوسف بتنهيده:احكيلك ايه بس انا عمرى ماكنت موشوش بالشكل ده.
معتز:ياعم قلقتنى متقول بقى فى ايه.
يوسف:هحكيلك.
.........................................................................................................................................
فى شقة ابراهيم سليم.
ميرنا واقفه فى المطبخ بتغسل مواعين وبتطبخ وخلصت وطلعت تروق الشقه وكالعاده خنقات بينها وبين ميرفت لكن الخناقه دى كانت لرب السما.
ميرفت طالعه من الاوضه تزعق لميرنا.
ميرفت:انتى ياعملى الاسود.
ميرنا بصدمه:انا ياماما؟؟!!
ميرفت:انتى يابت منضفتيش الاوض ليه؟؟
ميرنا:كنت هخلص اللى فى ايدى وهدخل انضفهم.
ميرفت:انتى كمان بتردى عليا ربنا يخدك ويريحنى منك ياتعبانى ياقله راحتى.
ميرنا الدموع اتجمعت فى عيونها ونزلت منها سيول لما سمعت دعوة امها عليها.
ميرنا صرخت فيها وقالة:يارب ياماما..ربنا يخدنى فعلا عشان اريحك واسترييح..انا حاسه انك مش امى اساسا ده انا لوكنت كلبه كنتى هترعينى اكتر من كده..والله لولا ان الانتحار حرام كنت عملتها من زمان بس انا خلاص تعبت تعبت.
وهنا الرؤيه اختفت عن ميرنا نهائى وقعت مغما عليه
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق