رواية فى كفه راجحه الفصل الأول والثاني بقلم برنسيس بلقيس
رواية فى كفه راجحه الفصل الأول والثاني بقلم برنسيس بلقيس
البارت الأول والثاني
**************[ في فيلا حسين المليجي... حيث تقطن أسرته والتي تتكون منه وزوجته رباب امرأه قليله الحيله
وابنه مراد الذي يشاركه أعماله
وابنته ساره الجميله وهكذا تناديها امها لما تتميز به من جمال في الشكل والأخلاق وكانت حديثه التخرج من كليه الطب
كانت تمر بجوار مكتب والدها فتوقفت فجأة علي إثر صوته العالي القائل
أنت اجننت عاوز تورط أختك معانا في الموضوع
ثم سمعت صوت أخيها (مراد )الذي كان معه بالداخل قائلا
وطي صوتك يا بابا وأهدي خليني اشراحلك
كده كده هي مسافرالك ليه مانحطش المخدرات معها في شنطه السفر بتاعتها
محدش هيشك فيها اصلا دي هتبقي عروسه لبسه الفستان وانا هكون معاها ده انسب حل
والده.وقد راقت له الفكره.
طب خلينا نظبطها شويه الموضوع مفهوش تهريج
(كانت ساره مصدومه مما سمعت لتوها
فوضعت يدها ع فمها للتمنع شهقتها من هول ما سمعت وقررت الاستماع لباقي الحديث
في داخل المكتب
مراد:. بابا انت هتقول لساره أمتي علي موضوع العريس
والده... خلاص فاضل أسبوع علي نتيجتها
وبعدين تكلمها وكده كده لسه فاضل شهر علي السفر
كل حاجه هتترتب ماتقلقش
مراد :.يا سلام لو قدرنا نهرب البضاعه في شنطه ساره يبقي اتفتحت لنا طاقه القدر
والده: طيب لم الأوراق ديه علشان نلحق مشوارنا
أسرعت ساره باتجاه السلم ثم إلي غرفتها في خفه حتي لا يراها احد
وما أن دخلت حتي اغلقت الباب واجهشت في بكاء مرير
**************************************************
في المطار كان يمرويكمل إجراءات سفره
الظابط :.الشنطه دي فيها ايه يا بني قال هذا وهو يفتحها
الشخص.... دى يا باشا فضلت خيرك شويه طيور محمره حمام وبط
والده واحد صاحبي بعتتهم معايا لبنها
الضابط(حازم) بعد ان نظر اليهم نظره سريعه:. طيب عدي
وهنا جاء مسرعا ثم أمسك الحقيبة الرائد إياد.. قائلا. . استني يا حازم وفتح الشنطه ثانيا ثم أمسك وواحده من البط وقسمها من منتصفها حتي تبين أنها كانت محشوة بودره وحبوب ترامادول
الشخص مذهولا. ... والله ياباشا فاقطعه اياد بسخريه. ...
طبعا هتقولي مش بتاعتي
الشخص وهو يبكي دي اخره المعروف
والله باشا اقسملك مش بتعتي منها لله أم واحد جارنا اديتهالي اوصلها لبنها
اياد وقد أحس فيه بالصدق فقال له بجديه
.... انا هعرف الحقيقه اتصل بيه قدامي وقوله أنك وصلت المطار وحصلت ظروف ولازم ترجع تاني
ولو مجاش ياخد أكل أمه هترميه في الزبالة عشان هيبوظ
وبالفعل اتصل بالشخص الاخر ماهي إلا ربع ساعه حتي حضر الشخص الآخر وسلم له الأكل وقبض عليه بعد استلامه
حازم مازحا مع زميله اياد ..
يا بن الايه يااياد جبت الراجل علي ملا وشه ههههههه ولبس
اياد:هههههه الحمد لله ربك عالم بالغلبان التاني
حازم :عارف يا بني انا لو بوسامتك دي أروح اشتغل ممثل وسيب الشغلانه المتعبه ده
اياد.... مبتسما انت بتعاكس ولا ايه وبعدين انا بحب ا لشغلانه دى جدا
وبعدين يالا عشان الحاجه عازماك عالبط
ثم أردف مازحا بس مش محشى ترامادول
حازم وهو يستعد للرحيل :ههه ياخساره يلا ياخويا
البارت الثاني*********
في فيلا إياد الحسيني التي تتكون من طابقين وجنينه كبيره واستراحة
ورثها اياد عن والده
. وصل اياد إلي الفيلا ورن الجرس وأنتظر قليلا
في داخل الفيلا كانت والدته تقف في المطبخ مع أخته والخادمه
والدته: روحي يا ولاء استقبلي اخوكي
ولا اقوللك استني ده حازم معاه خليكي
ولاء وهي تساعدها :اه ياختي بدل ما يحمرلي عينه ما انتي عارفه ابنك غيور
والدتها بابتسامه: بيفكرني بابوكي الله يرحمه
طالعله في كل حاجه حتي في هيبته وملامحه
مين بجيب في سيرتي
كان هذا صوت اياد وهو علي يدخل الي المطبخ
ولاء :أهلا ياسياده الرائد في حاجه اسمها السلام عليكم
اياد بمرح:هو انتي لازم تعلقي علي أي حاجه
ثم التفت إلي والدته قائلا : ازيك ياصفاء يا عسل ولا بلاش عشان بنتزعلي ازيك ياامي
إجابته صفاء بابتسامه: الحمد لله ياحبيبي حازم معاك
اياد: ههههه ده ما صدق. انتي عارفه بيعز الأكل
ولاء وهي سعيده بداخلها لوجود حازم فهي تحمل في قلبها
مشاعر له برغم أنها لم تتكلم معه ابدا
إلا أنها عندما تراه تشعر بسعاده و تتمني رؤيته
طيب روح غير هدومك عقبال مانحط الأكل
اياد وهو يغادر ياسلام عليكي يا لؤه يا عسل
في فيلا حسين الميليجي
*
امسكت ساره الهاتف لتحدث والدتها
وما ان سمعت صوتها حتي اجهشت بالبكاء
رباب والدتها ؛ايه ياساره يا حبيبتي مالك
ساره وهي تحاول التماسك :ابدا يا ماما يا حبيبتي أصلك وحشتيني أوي
انت هتيجي أمتي من عند خالتو
رباب:يا حبيبتي يابينتي وأنت كمان ياحبيبتي
أن شاء الله كمان يومين
ساره : وهي خالتو عامله ايه لسه تعبانه
رباب الحمد لله ياحبيبتي بقت كويسه
انا بس مش عايزه أسبها إلا لما تشد حيلها
انت كويسه ياساره
ساره وهي تحاول اضافه المرح إلي صوتها :
زي الفل يا ماما مش ناقصني غيرك
رباب :ياحبيبتي ان شاء الله يومين وهيبقي عندك مع السلامه
وبعد أن اغلقت الهاتف قامت إلي الصلاه
وأخذت تدعوا الله أن يحميها ويلهمهاالصواب
بعد قليل سمعت طرق علي حجرتها فقالت ادخلي ياداده
الداده : البيه الكبير عايزك تحت يابينتي
ساره وقد أخذت دقات قلبها تتسارع في خوف: طيب ياداده انا نازله
طرقت باب المكتب فأذن لها بالدخول :خشي ياساره
دلفت ساره إلي داخل المكتب وهي تشعربالغربه والارتباك
وقالت حضرتك طلبتني
حسين بابتسامه واسعه اه يابينتي اقعدي
جلست ساره محاوله التماسك ثم جلس حسين وقال
ألف مبروك
ساره بستغراب: علي ايه
حسين علي النتيجه انت نجحتي وجبتي امتياز
هبت ساره واقفه بسعادة ده بجد بس النتيجه لسه ماطلعتش
حسين بغرور انا ليا معارفي ف ي كل حته
شعرت ساره بخطب ما فهو لم يهتم يوما بنتيجتها
حسين :بالمناسبه السعيدة دي انا كان في موضوع عايزك فيه ومآجله
ساره بحذر: خير
حسين:بصي ياساره في عريس اتقدملك هو حاليا مسافر
بس هو شافك كذا مره ومعجب بيكي جدا
وهو مهندس ناجح جدا ومن عائله كبيره وانا واثق في والده
وفي بنا شغل كتير يعني عارفهم كويس
هو هيتصل بيكي علي النت وتتعرفوا علي بعض الفتره دي
لان كتب الكتاب بعد تلات اسابيع ومش هيكون هنا
هيكون في الامارات لان انا هكون هناك من قبلها
وهتيجلي انت واخوكي
سأره وهي تنظرإليه بندهاش
ماذا يقول هذا الرجل من التي ستتزوج وممن وأين ومتي
أنه يقذفها بكل المصائب واحده تلو الأخرى
ولا يمهلها كي تستوعب
حسين :ساره ساره
ساره :هه أيوه
حسين مالك انا عارف أن انا فاجاتك بس بكره تعرفي أنها احلي مفاجأة
ساره صامته لا تستطيع الكلام
حسين السكوت علامه الرضا وبعدين ياحبيبتي انا اتفقت مع الراجل خلاص
انت حاولي تجهيزي نفسك واحلي فستان فرح من باريس هيكون عندك
ولما مامتك تيجي انا هبلغها
انا لازم أمشي عشان عندي اجتماع ثم قبلها من جبينها وأخذ حقيبته وغادر
كانت الدموع تجري من عينيها وهي تنظر إلي باب المكتب الذي خرج منه
لا تستطيع الكلام او التفكير من هؤلاء الآباء الذين يضحون بأبنائهم
ومن اجل ماذا دنيا زايله؟
اخذت تشكر الله في بالها علي هدايته اياها
هبت ساره من مكانها متوجها إلي غرفتها
وهي تحدث نفسها بحزن
مش هقدر اتحمل ده لوحدي لازم اكلم حد
حاسه هيجرالي حاجه
ارتدت ملابسها و حجابها ثم اتجهت إلي هدفها
---------------------------------------------------------------------
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق