رواية ليالي الغول اقتباس من الفصل الأخير بقلم لوجي احمد

 رواية فى كفه راجحه الفصل الثالث والرابع بقلم برنسيس بلقيس

رواية فى كفه راجحه الفصل الثالث والرابع بقلم برنسيس بلقيس

البارت الثالث والرابع 

في المطار بعد انتهاء العمل توجه حازم إلي إياد قائلا بهدوء

اياد كنت عايز اخد رأيك في موضوع يخصني

اجيلك البيت اقعد معاك شويه ماشي

وضع اياد يده علي جبه حازم قائلا بمزاح

مالك يا حازم انت سخن ولا ايه ايه يا بابا الأدب دى كله

حازم بضيق لا ياخويا كويس بس لازم اخد رأيك للأسف

اياد بتهكم :لا جاي علي نفسك الصراحه

علي العموم عشان نخلص انا مستنيك ياله غلبان ووحداني

حازم ضاحكا عمرك ما هتتغير

استأذنت ساره والدتها في الخروج وذهبت إلي صديقتها منى

فهي كانت سببا بعد الله في التزام ساره ارتدائها الحجاب

فكانت نعمه الأخت والصديقة

مني وهي تحتضن ساره وحشتيني أوي ياساره

ساره وهي تجلس وانتي والله يا منى ها أخبار البيبى ايه

مني وهي تتحسس بطنها هانت فاضل شهرين واولد

ساره بابتسامة تقومي بالسلامه يارب

مني باهتمام ها طمنيني النتيجه ظهرت

ساره بابتسامة اه وجبت إمتياز

قالت مني بفرحه كبيره ياشيخه وساكته ألف ألف مبروك

ثم أردف قائله مالك ياساره شكلك مش عاجبني

ساره بنبره حزينه ما هو ده اللي جايه عشانه بس قوليلي في حد هنا

مني باهتمام. لأ محمود جوزي هيجي بالليل انت خوفتيني

سأره . مني انا بثق فيكي جدا علشان كده هحكيلك وشوفيلي حل

حثتها مني علي الكلام فحكت لها ساره كل شئ

كانت مني مصدومه مما سمعت لا تستطيع التصديقولكنها حاولت التماسك من أجل صديقتهابعد أن وجدتها منهارة من البكاء فربتت علي ظهرها قائله

اهدي ياساره ياحبيبتي انا عارفه اللي انت فيه صعب بس لازم نفكر بهدوء

ساره بصوت باكي غصب عني يا منى والله ماقادره

مني بهدوء بصي ياساره انت مش بس هتتجوزي غصب عنكومش بس عرفتي بجريمه ولازم تمنعيها لا ده انت كده هتبقي شريكه معاهم وكمان لو اتمسكتي

هتبقي حياتك ضاعت وفي الأول والآخر غضب ربنا عليكي

ساره وهي تمسك راسها بألم

.عارفه يا مني وأنا استحالة اعمل كده بس ازاي مش عارفه

عقدت مني زراعيها أمام صدرها وقالت بحزم

يبقي تبلغى عنهم ياساره

هبت ساره من مكانها وقالت بدهشه ايه أبلغ عنهم

وقفت مني في مقابلها وقالت بجديه

أهلك في كفه ورضا ربنا ضميرك ومستقبلك في كفه تانيه

وشوفي هترجحى ايه

ساره بدموع يعني مفيش حل تاني

مني للأسف ي اساره علشانك وعلشان تحمي كل الشباب

اللي بيدمروا بسبب والدك واخوكي وعشان تحميهم من نفسهم

في فيلا إياد الحسيني

كان اياد وحازم يجلسون في غرفه إياد بعدما جاء له حازم كما اتفقوا

ايأد بملل يا عم بقالك نص ساعه بتتكلم وتلف ودور مش فاهم منك حاجه

حازم. ده علشان انا مصاحب واحد غبى اقولك ايه تاني

بقولك انا معجب بواحده جدا وبأخلاقها وبيتها

بس مش عارف شعورها من ناحيتي اعمل ايه

إياد أولا انا مش غبي ثانيا ماليش انا في الحوارات دي

روح اتقدملها وأنت ونصيبك بس قولي انت طبيت أمتي

حازم ههه من ساعه ما عرفتك

اياد باستنكار.. ليه وانت حاطط عينك عليا ولا ايه

جري حازم وراءه في الغرفه وسط ضحكات اياد

حازم انا غلطان اني بتكلم معاك

الحمد لله أن أمك بطلت خلف كفايه واحد منك بصراحه

امسكه اياد مبتسما .خلاص والله بهزر معاك وانا قولتلك ادخل البيت من بابه

مفيش احسن من كده

نظر إليه حازم بخبث يعني أن شايف كده

اياد بخبث مماثل.اه

في حجره صفاء والده اياد وكانت تجلس معها ابنتها ولاء

ولاء بخبث ماما هو مين مع اياد جوه

صفاء وهي تصنع مفرش تريكو .ده حازم ياحبيبتي ثم ا ردفت .بقولك ايه روحي اعمللهم حاجه يشربوها عشان سناء روحت

ولاء بسعاده حالا ياماما ثم اسرعت الي المطبخ

تنهدت صفاء وقالت بأمل ربنا ينولك اللي في بالك يابنتى

طرقت باب الغرفه ثم نادت بهدوء إياد إياد

ازدادت ضربات قلب حازم عندما سمع صوتها وتتمني لو رآها

فتح لها اياد الباب فرجعت الي الخلف قليلا قائله

ماما قالتلي اعملكو نسكافيه

فأخذ منها الصنيه قائلا عقبال شرباتك يالولو

فضحكت بخفوت قائله مالك قلبت علي أم أحمد كده ليه

إياد بحنق. ام أحمد ¡طيب امشى يابت من هنا أن شاالله تعنسي

كان صوتهم يصل حازم فظلت علي شفتيه ابتسامه واسعه

وشردبعيدا وهو يتمني ان يجمعهم بيت واحد

ولم يفق من شروده إلا علي صياح اياد وهو يقول

ياعيني يا بني كان عندك عقل وطار

ننهض حازم من مكانه وهو بنظر الي اياد واتجه ناحيته في هدوء

ثم امسكه من كلتا ذراعيه

اياد بتمثيل... أعقل ياحازم هو انت ماعندكش أخوات صبيان ولا ايه

فتركه حازم وانفجر ضاحكا وقال الله يسامحك ياشيخ فصلتني

ثم أردف قائلا بجديه اياد خلينا نتكلم جد بصراحه

انا عايز اتجوز أختك ولاء

أمسكت هاتفها في ارتباك حتي جاءها صوت صديقتها

مني..... السلآم عليكم ورحمه الله

ساره....... وعليكم السلام ورحمه الله وبركاته

ساره مني انا خلاص قررت أبلغ وهعدي عليكي الصبح

عشان تيجي معايا قولتي ايه

مني .. ونعم القرار ياساره تعالي بس ونشوف نبلغ مين مستنياكي

--------------------------------------------------------------------------------------------------------------

البارت الرابع

في بيت مني صديقه ساره

ساره .. اتأخرت عليكي شويه معلش

مني خير يلا بس عشان نلحق معادنا معاكي عربيتك صح

ساره ..اه يلا

في فيلا إياد الحسيني

كمل فطار يا اياد

إياد وهو يتناول قهوته سريعا . معلش ياامي مستعجل جدا

ماما متنسيش تقولي لولاء علي موضوع حازم

أصل حازم زنان وانا عايز أخلص من زنه

ثم أردف مبتسما وعايز أخلص من أختي كمان

صفاء.. حازم ابن حلال ربنا يجعله من نصيبها

في الطريق كانت ساره تقود سيارتهأ

ولكنا شردت قليلا فيما هي مقبله عليه

فاجأت الاشاره حمراء ولكنها لم تتوقف

ويبدو أنها ارتطمت بالسياره التي امامها ارتطام خفيفا

صاحت بها مني... براحه ياختي هتولديني بدري

فاقطعها صوت جهوري.. انتي ياانسه يعني الطريق واقف بردوا بتخبطي فى عربيتي

اتعلمي السواقه الاول وبعدين سوقي

ساره كانت شارده في ملامحه محدثه نفسها... ده هبط علينا من انهي مسلسل تركي ده ع الصبح

فصاح بها إياد ..يانسه مش بكلمك

نزعت ساره نظراتها الشمسيه فقد كانت تعلم أنها مخطئه وقالت

انا اسفه جدا ياافندم لو في أي حاجه انا مستعده اتكفل بتصلحها

صرف اياد نظره بعيدا عن عينيها فلقدجذبه جمالها للحظات وقال بحنق

مش عايز منكو حاجه بس ابقوا فوقوا ع الصبح ثم تركها وغادر

فنظرت لمني بامتعاض ..هما مين دول اللي يفوقوا

فضحكت مني قائله سيبك منه خلينا نلحق مشوارنا

في دوله الامارات

كان بسيوني صديق حسين المليجي وابنه وليد في انتظار حسين في المطار

بسيوني حمدالله ع السلامه يا حسين

حسين وهو يصافحه الله يسلمك يا بسيوني

وليد حمد الله ع السلامه ياعمي يارب يكون في أخبار حلوه

حسين ..طبعا ياوليد يا بني وافقت احنا هتلاقي زيكم فين.

بسيوني ..يلا بينا وبعدين نتكلم لسه الكلام كتير

في فيلا إياد الحسيني

دخلت ولاء علي والدتها حجرتها قائله وهي تفرك عينيها

صباح الخير يالولو من ساعه ما الاجازه جت وأنت بتصحي الضهر ولاء وهي تجلس بجوارها

بعوض يا ماما ايام المرمته بتاعة الكليه انا كان مالي ومال هندسه

صفاء بابتسامه طيب روحي افطري عشان عايزاكي في موضوع مهم

ولاء ضاحكة. لا مانا قبل ما عدي عليكي عديت علي المطبخ الأول

صفاء بخبث ..مش حازم صاحب اخوكي هيخطب

ارتسم علي وجه ولاء الحزن وصممت

ثم قالت بنبره حزينه طيب وانا مالي

فضحكت أمها ولم ترد ان تطل عليها وقالت

مالك ازاي ما انتي العروسه حازم طلب إيدك من اياد امبارح

فهبت ولاء من مكانها بفرح وخجل .....ااااطب اياد قلوا ايه

والدتها... مش لازم رايك انت الاول لو مش موافقه خلاص نبلغه

اسرعت ولاء قائله.... ايه ياصفصف ميبقاش دمك حامي بصي اديني وقت أفكر

فقالت والدتها بحب انا عارفه يابينتي أنك موافقه ده أن أمك حاسه بيكى

بس بردوا لازم تتقلي

فألقت ولاء نفسها في حضن والدتها بسعادة....ربنا يخليكي لينا يا ماما

دخلت مني وساره الي مكتب اللواء عادل الزيني حسب الميعاد التي طلبته مني منه

فهو والد أحد أصدقائها المقربين من عائلتها

اللواء عادل وهو يصافح مني ويشير إليهم بالجلوس

ازيك يا مني يابنتي وازي محمود وبابا وماما عاملين ايه

مني .. الحمد لله ياعمي

عادل وهو ينظر لساره اؤمروا يابنتي

قصت له ساره كل شئ وهي تبكى

فنظر لها عادل قائلا ..أنت متأكده من الكلام ده

ساره........ طبعا

فنهض من مكانه وقال احنا مبدئيا ياساره هتبقي معاهم عادي جدا

وهتوافقي وتتكلمي مع العريس كمان

وهتمشي كل حاجه عادى لغايه معاد الطياره

بس هنبقي علي تواصل طبعا عن طريق مني

ونعرف معاد سفرك وهناك كل شئ هيبان

وهنفتش الشنط

ساره بنظره قلق بس انا مش عايز هم يعرفوا طبعا اني انا اللي بلغت

عادل .....متخافش كل حاجه هتبقي مدروسة

المهم انتي تبقي طبيعيه

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا