رواية انا عارف ان مراتى بتخونى الفصل الاول 1بقلم اسماعيل موسي حصريه في مدونة قصر الروايات
رواية انا عارف ان مراتى بتخونى الفصل الاول 1بقلم اسماعيل موسي حصريه في مدونة قصر الروايات
انا عارف ان مراتي بتخوني مع حد تاني،اتأكدت من كده أكتر من مره، لما برجع من الشغل بالليل بلاقيها في اوضتها
الباب مقفول، بسمع صوت همس، كلام بصوت واطى
المشكله كل ما ادخل عليها وامسك التليفون بتاعها،مش بلاقي حاجه لا مكالمه فائته ولا جاريه ولا فيه مره اتصلت لقيتها انتظار...
هتجنن مش عارف اعمل ايه، شكيت ان معاها تليفون تانى بتتكلم منه
بعتها بيت أهلها زياره وتأكدت لما فتشت شنطة الكتف بتاعتها انها خارجة بتليفون واحد.
بعدها فتشت البيت كله حته حته ملقيتش حاجه
حاولت اطمن نفسي،الحريم مجنونه، جايز بتكلم نفسها؟
لحد ما جه يوم قامت من جنبي في نص الليل، اتسحبت زي القطه ودخلت أوضة الأطفال،رحت وراها من غير ما تحس
سمعتها بتكلم حد تاني غيري، ايوه شخص تاني، راجل، بتقوله بحبك،مش ممكن اتخلى عنك او اسيبك!
الدم غلى في عروقي،سحبت سكينه ورزعت الباب ودخلت
لقيتها قاعده على السرير شبه نايمه، مفيش حد في الاوضه غيرها، دي كمان ما كنتش حاسه بدخولى ،الغرفه كانت بارده جدا وفيها ريحت حطب محروق ،قومتها وخدتها على اوضتنا وهى نايمه
قعدت فى الصاله ألوم نفسي، انا بسيبها لوحدها طول النهار
مش برجع غير آخر الليل، الوحده هتجننها!
تاني يوم قلتلها احنا لازم نخلف عيل، هو ده الي هيملي علينا البيت،كانت رافضه في الأول، بعد كده وافقت
مع الايام ظهرت مشكله تانيه،مفيش حمل بيثبت في بطن مراتى كل مره تنزل الحمل،لفينا كتير علي دكاتره كتير مفيش سبب واضح،تلت مرات لحد ما فقدت الأمل
كنت بشوفها في البيت تايهه وشارده لوقت طويل،كأنها مش معايا، الحزن كان بيقتلني عليها.
الشك، رجعلي تاني،بقيت برجع الاقيها قفله الباب علي نفسها
بتكلم حد جوه، نفس الكلام كل مره، وكل مره ادخل ملقيش حد معاها ،كنت هتجنن بس مفيش في أيدي حاجه اقدر اعملها بدخل الاقيها نايمه ومش حاسه،بحاجه
_________
مرت الايام لحد ما في ليله رجعت متأخر
سمعت صوتها جوه الاوضه بس كان صوت مختلف
صوتها وهي معايا في العلاقه، فتحت الباب بالعافيه ودخلت
لقيتها نايمه علي السرير كأنها بتحلم، بس مفيش حد معاها
لكن جسمها كان بيتحرك اول ما دخلت كل حاجه وقفت.
سيبتها ورجعت على الصاله ،قعدت احرق سجاير وعقلى مش موقف تفكير لحد ما الصبح وصل، روحت الشغل وانا مطبق
لما رجعت لقيتها بتبصلي جامد،قالتلي كلمه واحده لما اكون في اوضتي متدخلش عليه مرة تانيه.
انفعلت، زعقت، قلتلها انتي اجننتي خالص يا ست انتى
انتى مراتى ادخل براحتى وقت ما احب، استنتها تبرر، تناقش ،تتعصب ،تقول اي حاجه، لكنها التزمت الصمت ورفضت ترد عليه،عشت اسبوع طويل اعصابى فيه محروقه
بروح الشغل وارجع كأنى مش عايش، ومراتى عايشه فى عالمها الخاص ولا كأن فيه حاجه حصلت.
بعد اسبوع حصل نفس الموقف، مقدرش امسك نفسي
فتحت الباب ودخلت، كانت نايمه لكن المره دى فتحت لما دخلت عليها بصتلي وقالت __قلتلك ما تدخلش عليه تاني
حذرتك لكنك مسمعتش،قولتلها اقسم بالله انتي اتجننتي؟
ورفعت ايدى اضربها ،لقيت نفسي فجأه مرزوع في الحيطه
عضمى كان هيتكسر من الضربه،حاولت اتحرك مفيش فايده
فجأه اتطوحت في الهوا ونزلت على الأرض
حسيت عضمى كله اتكسر،نايم ملتصق علي الأرض مش قادر احرك جسمى، شفت دخان بيتشكل من تحت السرير بيزحف ناحيتي، بعدها تشكل على هيئة كيان
مراتى كانت قاعده على السرير حاضنه ركبها بأديها وشها ثابت الملامح ،صرخت حنان الحقينى، ايه إلى بيحصل
حنان ؟ لكن حنان عنيها ثابته كأنها صنم ،فتحت لسانى اقراء قرأن مفيش ولا حرف طلع، كل إلى انا حافظه طار من دماغى، شايف كل حاجه بتحصل بالتصوير البسيط
وسمعت همس مراتى قلتلك بلاش تدخل، حذرتك
لكنك عصيت أمره انا اسفه مش هقدر اساعدك حتى لو حاولت، الكيان وصل عندى وشه لزق بوشى وطلع دخان كثيف من فمه دخل جوه بقى
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق