رواية قتلني ورحل الفصل الحادي وعشرون 21بقلم ميفو السلطان حصريه في مدونة قصر الروايات
رواية قتلني ورحل الفصل الحادي وعشرون 21بقلم ميفو السلطان حصريه في مدونة قصر الروايات
#قتلني_ورحل
#حكايات_mevo
البارت الواحد وعشرين...
دخل قاسم قاعه الاجتماعات ليسلم علي المهندسين سمع شريف يقول ...المهندسه ليال..
كانت تعطيه ظهرها نظر اليها كانت تلبس جيب قصير اسود بفتحه وقميص قصير من الحرير الاحمر يظهر ثنايا جسدها من الخلف اقترب وابتسم ...مدام ليال. . قاسم الحديدي. الا انه لم يكمل فقد انشل تماما عندما استدارت له وعلي وجهها ابتسامه بارده وعيون ليس فيهم اي مشاعر لترفع يدها وتسلم عليه.
ببرود تحسد عليه.. ..اتشرفت بمعرفتك يا قاسم بيه كانت تنظر اليه بقوه ولا تحيد عينها عن عينيه كانت تستغرب من نفسها ولكنها وضعت وجع السنين في تلك المقابله.
مد يده لا اراديا يمسك يدها شعر بصعقه في قلبه لتسحبها بهدوء وتنظر له برسميه شديده فاحس ان روحه ستنقبض فامامه حبيبته ولكنها ليست هيا.. تأملها ليجد امامه انثي طاغيه فقد اختفت تلك الطفله وزاد وزنها لتصبح بارعه الجمال .تلبس جيب قصير اسود ضيق يبرز مفاتنها وقميص حريري احمر ذو فتحه صدر عاليه يلهب القلب وكان يظهر مفاتنها لدرجه مهلكه كان منصعقا من هيئتها..
مين دي ولابسه كده ليه وعامله ايه في نفسها.. وفين عيونها اللي مليانه براءه مين دي..
لم يتحمل قاسم رؤيتها ليستاذن ويخرج دون كلمه ..اعتذر شريف وخرح وراءه.. هرب قاسم ياخذ نفسه كان كأن الشياطين تجري وراءه خرج مسرعا الي مكتبه.
لتبتسم هيا بانتصار انها تماسكت ولم تبين ضعفها فهيا علي مر السنين تخيلت ماذا سيحدث لو قابلته لتحس انها سعدت بنفسها رغم تجدد الوجع الذي يمزقها من الداخل ولكنها بذلت مجهودا كان سيوقف قلبها..
اما هو فاحس بانشقاق قلبه وانه سيصاب بالجلطه دخل وراءه شريف ايه يا قاسم حد يسيب حد ويمشي كده..
رفع قاسم وجهه ولمعت الدموع في عينه.. مين اللي جوا دي.
شريف باستغراب.. دي المهندسه ليال اللي كلمتك عنها فيه ايه مالك انت تعبان...🌿 استغفروااااا 🌿
.
قاسم... ليال.. دي ليال .. لا دي مش ليال..
شريف.. مالك يا قاسم دي مدام ليال المهندسه اللي مضينا مع شركتهَا.
قطب جبينه ترن في اذنه كلمه.. مدام.. نظر الي شريف برعب.. هيا مدام..
شريف... اه دي مرات فريد الشرقاوي صاحب الشركه..
احس قاسم بان انفاسه انقطعت ومسك قلبه ..هجم علي شريف يقول بفحيح.. انت كداب ليال ماتتجوزش تاني.. ليال ماتنفعش تتجوز حد تاني.
شريف بعد ان ادرك حالته.... انت عايز تقولي ان دي ليال بتاعتك..
دمع قاسم وجلس كانه اصيب بالشلل.. بتاعتي.هه... .بتاعتي انا.. ليال بتاعتي راحت.. مين اللي بره دي. انا ماعرفهاش.فين حبيبتي الرقيقه فين حنيتها اللي بتخرج من عيونها. دي واحده ماعرفهاش وايه اللي لابساه ده. دا جسم حد تاني حبيبتي كانت بتتكسف حتي تلبس اي حاجه. انما مين دي ولابسه كده ليه هيا مجنونه والا اتجننت. لا وقابلتني عادي كده دا عنيها في عيني ولا اكنها تعرفني مين دي انا هتجنن. للدرجادي اتغيرت. لا اتغيرت ايه دي راحت. يا قلبك اللي انقسم يا قاسم راجع تمني نفسك بعد تمن سنين تلاقي حبيبتك اتقلبت.
قطب فجاه... انت قولت ايه استني انت قولت انها مرات فريد الشرقاوي. نهار اسود ومطين بطين البت اللي حيلتي اتجوزت وسابتني. ليال اتجوزت يا شريف .
اقترب شريف وهو يشعر بالاسي علي صديقه.. ايوه يا قاسم متجوزه من سنين كمان ..
احس ان قلبه سيقف.. ليال اتجوزت من سنين. ليال اتجوزت. اتجوزت وسابتني. ليال بتاعتي. كان كالثور الهائج يدور ويدور.
اقترب شريف وخبطه علي صدره... ماتهدا بقه انت هتموت نفسك واحده وراحت خلاص فكك وشوف حالك.
نظر قاسم اليه .... هيا مين اللي واحده وراحت انت مجنون يا شريف ليال بتاعتي تمن سنين وانا بحلم بيها في حضني. ليال بتاعتي اتجوزت...دانا قلبي هيقف حد لمس حبيبي غيري ليال.. ليال بتاعتي ايوه بتاعتي مش ممكن تسيب نفسها لحد تاني دي.. دي وعدتني تبقي ليا اه بحلم بيها كل يوم بتوعدني وحاسس بيها.. ليال ماتتجوزش
صرخ بحرقه ...ليال ماتتجوزش. قلبي... يا رب اروح فين عملت ايه عشان قلبي يجراله كده. هو الفاجر اروح اقتله.. تهالك بقهر ...حبيبي اتجوز حبيبي اللي عشت سنين احلم بيه اخده في حضني بقت لراجل تاني يا نهارك اسود وايامك الطين يا قاسم.
شريف... ماتهدا بقه.. هو صحيح راجل عجوز بس جوزها.
نظر اليه قاسم.... ليال متجوزه راجل عجوز. تتجوز راجل عجوز ليه ليال َماتعملش كده.. ليال من بعدي ماتتجوزش اصلا.
شريف... اعقل يا قاسم دي ست متجوزه بلاش تتهور.
صر*خ.. ماتقولش متزفته ليال بيها حاجه ليال بتاعتي ماتسيبنيش انا طبعت نفسي عليها ماتقدرش والله ماتقدر ومتاكد اني انا بتاعها زي ماهيا بتاعتي.. ليال انا اللي دخلتها دنيا وخليتها بتاعه قاسم عن حق.. مش ليال لا اللي بره دي مش هيا ولو كانت هيا يبقي فيه غلط ولازم يتعدل.
شريف.. هتعدلها ازاي هتطلقها من جوزها وترجعها العيله الصغيره ازاي.. انت ماتعرفش هيا عامله ازاي دي وحش بتاكل اللي قدامها وماحدش بيقدر عليها..
وقف قاسم بوعيد.. كل الكلام ده عندي ولا يسوي.. ان كانت بقت وحش انا بقه غول وجبروت وان كانت فاكره انها كبرت وماحدش هيقدر عليها انا بقه اللي علمتها تكبر مانا الاستاذ وهيا هتفضل بنوتي اللي بتاخد مني من سكات.. اما بقه موضوع الجواز ده فده هجيب قراره..
صر*خ في الحارس لياتي.. اسمع المهندسه ليال.. تسافر اسكندريه وتجبلي كل حاجه عنها وبالذات قصه جوازها ويمين بالله لو اتهاونت في حرف لاكون شقك نصين.. يكون عندي في اسرع وقت انت فاهم..
شريف.. هتستفاد ايه يابني بتعذب نفسك ليه واحده وشافت حالها.
صر*خ قاسم... اخرس ليال ماتشفش حالها بعيد عني ليال بتاعتي وهتشوف وتعرف ان ليال مش زي مانت شايف...
ليقوم .. اجمد يا قاسم وقوم شوف اخرها ايه واعرف بقت ايه وبس اتاكد من اللي في بالي يمين بالله لاكون مرجعها تاني تتمني قربي وتموت عليا زي زمان.. مانا مش هنقهر واكل نفسي واقعد اندب علي قلبي اللي بيروح.انا ماعشتش يبقي يوم مالاقيها عايزني اسيبها.. امال هعيش امتي . لا ليال ما راحتش ورغم المسخره اللي هيا فيها دي ما راحتش ليال بتدافع عن نفسها من اللي جرالها. بس لا هترجعي يا قلبي هترجعي ليا وهاخدك من عين الطخين بس اتاكد من اللي في دماغي.. ليال ماتتجوزش لابعدي ولا تتجوز واحد اد ابوها الا لسبب.. وهعرفه وهتشوفي يا قلب قاسم قاسم هيعمل ايه. يلا يا شريف ماينفعش نسيبها كده.
**********
كانت هيا تجلس تتناقش مع المهندسين.. كانت محط انظار الكل بكلامها وثقتها بنفسها دخل قاسم فرجف قلبها وضغطت علي يدها لمح قاسم ذلك ليبتسم ويدخل.. اسف يا جماعه والله اقترب وجلس بجوارها لتحس بقلبها سيقفز من مكانه..
ليقول يلا بقه نشوف التصور اللي عملتوه للشركه.. وقف احد المهندسين الكبار يتكلم فقال قاسم بنبره ساخره واقترب منها ... هو مش انت برضه الريسه هنا.🌿اللهم صل وسلم وبارك على سيدنا محمد 🌿
لتنتفض وتقطب جبينها فاكمل... يعني المفروض اسمع رؤيتك.
شعرت بالغضب من سخريته لتتجلد وتبتسم وتقول.... اه طبعا اللي تؤمر بيه يا قاسم بيه. عن اذنك يا بشمهندس هتصرف انا.. لتقوم وهو مشتعل من تلك الملابس التي تبرز مفاتنها بقوه فارجع كرسيه الي الوراء وبدات هيا تشرح منظورها وخطتها للمشروع .
اما هو كان في عالم اخر لا يسمع شئ نهائيا كان يتامل كيف اصبحت جميله وقويه كيف انقلبت هكذا كانت تثيره واعجب بهيئتها الجديده انثي قويه ذو بأس ذات جسد رائع ولكنه كان يريد ان ينقض عليها يبرحها ضربا من تلك الملابس.. كان يتخيلها في حضنه وعلي وجهه ابتسامه بلهاء.. ويهمس لنفسه.. ليال.. قلبي قدامي.
كانت تتكلم َعيونه علي شفتيها وتاه وتاه وقلبه يدق حتي احس انه سيخرج من مكانه رفع يده يتلمس دبلته بحنان همس حبيبي والله حبيبي .. كانت قد انهت تعليقها وهو صامت.
تدخل شريف بارتباك فقاسم ليس هنا من الاساس.. دا مشروع ممتاز يا مدام.
لترفع حاجبها وتنظر لقاسم بتحدي.. الباشمهندس ماعلقش ايه مش عاجبك....
نظر اليها وابتسم بخبث.. لا مش عاجبني ازاي دا كله عجبني مفيش فتفوته والله دا حاجه معديه الخيال. خبطه شريف في قدمه .. فضحك.. بس هحتاجك نتناقش في كام حاجه هستاذنك نصايه كده ونجتمع انا وانت وتركها دون ان يعطي فرصه للكلام. ...🌿سبحان الله وبحمده سبحان الله العظيم 🌿
ذهب وراءه شريف ودخل عليه.... انت هتطينها انا عارف احنا ماضين عقد ومش عشان البت مزه تقعد تسهم كده انت اتهبلت هنتفضح.
ليقوم قاسم ويمسكه من رقبته.... اسمع عشان انا علي اخري لسانك هيقول عليها حاجه انت حر وعينك تبصلها واسمع الكلام اللي قولته قبل كده هشقك نصين.
نظر شريف بذهول..... احنا في ايه وانت في ايه وبص ايه وز*فت ايه انت اتهبلت. اسمع يا قاسم الشغل حاجه وحياتك الشخصيه حاجه تانيه.
جلس قاسم مبتسما.. انت عبيط يا شريف انا عاد ليا حياه تانيه من ساعه ماشفتها. دا روحي اللي رجعتلي وقعدتي َمعاها دي هتبينلي كل حاجه روح وهاتهالي يلا انجز.
هز شريف راسه باستنكار.... حاضر هزفت اما اشوف اخرتها.
ليقوم قاسم ويجلس علي الكنبه ويضع اللاب الخاص به ويحضر كل مستلزمات القاعده كي جلس بجواره فقلبه مشتعل بما فيه الكفايه ولن يتركها تبتعد ولابد ان يعرف مكنونها فهو متاكد ان بها شئ وليست من تدعي ان تكون.
اخبرها شريف ان قاسم ينتظرها لتتجلد رغم رعبها الداخلي.. فحبها له لم يخرج من قلبها فهو الرجل الوحيد في حياتها ومازال فهو علمها كيف تحب وغرز حبه غرزا لا يستطيع احد ان يخرجه ولكنها لم تعد تلك البسيطه فالزمن هرس وداس عليها لتدخل مطحنه الحياه وتخرج بذلك الشكل.
سمع هو طرقات خفيفه لياذن لها دخلت مبتسمه ابتسامه جامده لا تصل لعينيها
اشار اليها ... اتفضلي يا مدام وكان يشدد علي تلك الكلمه لتبهت قليلا بينما كان هو يتفرس في كل شارده تخرج منها.
اقتربت بهدوء وكان جالسا ليقف احتراما لها يشير ان تجلس بجواره احمر وجهها فاحس بقلبه يرفرف فهو يؤثر عليها رغم برودها لتجلس بجواره بهيئتها التي اشعلته
بدا في القول..... ممكن معلش تعيدي اللي قولتيه في الاجتماع.
لتستغرب فقال ضاحكا... معلش والله ماركزت في ولا كلمه كنت مركز في حاجه تانيه خاااالص ...كانت عينيه تشع حبا.
ارتبكت بشده وخفق قلبه ان اخيرا حصل علي رده فعل بدل الجمود الذي تضعه علي وجهها
قالت بحنق.... حضرتك قومتني اشرح وماركزتش اظن مايصحش كده انا مش صغيره.
لتتسع ابتسامته .. لا من جه ماعتيش صغيره تؤ تو تو خالص ماعتيش نهائي.
كانت تفرك من كلامه وتلميحاته ونظراته التي تلتهمها وتلتهم تفاصيلها واعصابها لم تعد تحتمل فهو خرج واخذ فرصته في الانهيار واعاد رباطه جاشه اما هيا ما زالت تتجلد وتصمد ولا تعلم الي متي فقربه يدمي قلبها لتتماسك وتبدا في شرح منظورها وهو مقترب منها ويتاملها عن قرب واصبح مشتعلا تمام.
كانت يتامل شفتيها وهيا تتكلم وتاه فيهم وتذكر كيف كانت لمستهَ كانت ابتسامته حالمه.. حبيبي قدامي قمر وكله قمر بقيتي تهبلي يا لولي. تفرس في جسدها ليشتعل.... لا استحاله حد يكون لمس حبيبي دي حاجتي بتاعتي. لولي مش لحد غيري مش كده يا قلبي بحبه يا ناس وهو عامل وحش كده بس قمر قلبي بيدق هينط من مكانه نفسي اخدك واتوه فيكي بقيتي تجنني ماكنتش اتخيل اني هرجع الاقي قلبي ياخد العقل كده كان يمنع نفسه ان يمد يده ويلمسها باعجوبه.. بحبك وهموت عليكي طب ايه ههجم عليكي افرتكك وربنا اهدي يا زفت هتجنن هنجلط يا ربي .
لتستدير بعد ان انهت رات نظرات قاسم اليها احمرت بشده وابعدت وجهها سعد باحمرارها لتقول وهيا تحس بان هناك من يجري ورائها وصدرها يعلو ويهبط....... اظن كده شرحت كل حاجه حضرتك فهمت المخططات.
قال ببلاهه... لا مافهمتش والله.
نظرت اليه بغضب وقامت... هو فيه ايه حضرتك انا تعبت.
اقترب منها ونظراته تاكلها.. . تعبتي من ايه.. هو انا عملت حاجه لسه.
قالت بارتباك...... عملت.. اه حضرتك لو مش عاجبك شغلي نفضها عادي.
اما هو فكان سعيدا باشتعالها واقترب منها ليهتف.. مش عاجبني .. لا دا حاجه فوق الخيال دا عاجبني اوي دا بقي حاجه تانيه والله.
ردت غاضبه... اسمع يا قاسم بيه.
ليقول بابتسامه كلها وله وحب.. عيوني سامعك يا ليال خرجي اللي في قلبك كله.
انصعقت من كلامه.. .. لو سمحت اسمي باشمهندسه ليال او مدام ليال انا مابحبش كده.
اقترب منها بشده ينظر ليدها.. اه معلش نسيت انك مدام فريد الشرقاوي.راجل كباره وطيب وبركه السوق سبعيني مش كده.
اشتعلت غضبا من كلامه ولم تعرف ماذا تقول لتهتف.. حضرتك دلوقتي ناوي علي ايه.
قال بحب.. لا ما اقولكيش دانا ناوي علي حاجات كتير هقولهالك حته حته بس اوصل بس لحاجه كده وبعدها هدوس واكمل. والتصميمات هناقشها كتير فاعملي حسابك تبقي معايا في اي وقت.
قالت ببرود.... حضرتك ساعات ببقي مشغوله هبعتلك كبير المهندسين يقع...
قاطعها.. ليال بهدوء كده ونخلينا حلوين وتسمعي الكلام من سكات واللي اقوله يتنفذ.
اشتعلت غضبها من جملته ماذا يظن نفسه فلم تعد تحتمل اكثر من ذلك لتقترب منه مندفعه في الكلام وتقول بغضب.. هو ايه اللي نبقي حلوين واسمع الكلام من سكات انت فاكرني ايه لسه العيله بتاعه زمان اللي بتقولك حاضر وطيب لا يا استاذ فوق انا ماعتش كده.. كانت تنهج بشده.
اما هو فصدحت ضحكته.. فصر*خت... انت بتضحك علي ايه.
هدا وابتسم ونظر اليها بعشق صارخ وهيا لم تعد تحتمل نظراته .. .. بضحك علي غلبي واللي هشوفه ... مانا عارف انك ماعتيش الكتكوت الصغير اللي بيقول حاضر بس صدقيني كل اللي قدامي ده هوا.. ليال انت تقريبا دخلتي حته مش بتعتك َمش لايقه عليكي.. ودا انا هتصرف فيه.
قالت بغضب.. اسمع بقه يا قاسم.
اغمض عينه واقترب.. قلبه يا ناس احلي قاسم دي والا ايه.
نظرت اليه بذهول.. انت ايه ده.. انت ازاي تكلمني كده .. تقريبا انت ماتعرفش انا مين بس احب اعرفك انا المهندسه ليال حرم فريد الشرقاوي واي تجاوز مش هسمح بيه عن اذنك.
قاسم.... لا انا عارف انت مين كويس اوي وحافظ لاني اللي علمت انما حرم فريد الشرقاوي دي هنعرفها بعدين.ليقترب منها ويظل يقترب لتتراجع وتبتلع ريقها لتخبط في الحائط شتعل ..نظرت اليه بغضب ابتسم بحب ونظراته تصرخ بعشقه .. قاسم مابيتجاوزش مع حاجه تخصه يا ليال.
قالت غاضبه رفعت يدها ...بقولك ايه انا ماسمحلكش.
اقترب ولمس يدها بشفتيه.. ايه... لولي ماتسمحش بايه.
لتبهت وقلبها سينفلق ... لتدفعه وتهتف ببرود... لحد هنا وتقف عندك انت فاكر ايه انا ست متجوزه تتجاوز حدودك هفض العقد لا يهمني شركاتك ولا يهمني هيلمانك.. كل ده علي نفسك يا قاسم يا حديدي.. ليال ماعادتش لا بتخاف ولا بتكش لا منك ولا من اللي يتشددلك انا المهندسه ليال حرم فريد الشرقاوي جوزي فاهم بتقولك حدودك تلزمها وتيجي عندي تقف كده خط احمر انا مش اي حد. كانت تتكلم بشراسه..
وهو يبتسم والسعاده ستفلق صدره من عنفوانها..نظر اليها بهيام وضع يده حولها فرجف قلبها وظل صامتا فتره يتاملها لتحس انها ستنهار فهو يلعب باعصابها .
همس بلين.....طول عمرك خط احمر ليشير الي قلبه طول عمرك مش زي اي حد يا لولي.. لتتجاهل كلامه وتدفعه فلم تعد تحتمل وتخرج وهيا تهمهم وتلعنه بشده.
جلس هو سعيدا.. حبيبي بيحمر من نظرتي قلبي يا ناس.. اخيرا قلبك ارتاح والبت بتاعتك انت لسه راشق جواها.. بس ايه فريد الشرقاوي قصته ايه دا راجل اد جدي متجوزاه ازاي اهدي يا قاسم اهدي واتصرف بعقل واحمد ربنا انك عرفتلها طريق.اغمض عينه يتذكر تفاصيلها ليبتسم حبيبي بيحمر وانا ببصله . انا هموت عليكي يا هبله حبيبي موجوع مني هداويكي يا واخده قلبي. يا رب اهدهالي.
🌿 صلوا على الحبيب المصطفى 🌿
خرجت هيا مشتعله من عنده وذهبت الي مكتبها وقفلت علي نفسها وظلت تنهج تحاول ان تستجمع نفسها.
....ايه ايه انت عامله كده ليه وقلبك هيقف.. الله يخربيتك يا بعيد طلعتلي منين. وايه قله ادبك دي يا مصيبتك يا ليال هتقعدي معاه شهر ازاي دا من قاعده هتموتي. عايز ايه مني يابن الحديدي وبتعاملني كده ليه.مش رمتني ودبحت قلبي بتكلمني كده ليه. وبتبصلي كده ليه الله يخرب بيتك استحمل انا ازاي.. لا دانا بكرهك اه بكرهك ومابكرهش ادك ولو فاكر اني لسه الهبله بتاعه زمان انسي دانا هقفلك واعرفك انا مين.. لتهدا قليلا وتجلس تفرك في يدها.. ايه مالك عامله كده ليه مش علي بعضك من ساعه مابصلك.. الهي كانت عينك تتخزق يا اخي ايه قله ادبك دي هو بيبصلي كده ليه انا خايفه.. لتنتفض من َمكانها.... انت اتهبلتي خايفه من ايه هو مين اصلا دا واحد مايسواش ودستي عليه من زمان اعقلي انت كبيره وعاقله وقدامه متجوزه.. ... متجوزه هو كان بيقول ايه لتبقي مصيبه لو عرف اصل الجوازه. نهرت نفسها. اتلمي واجمدي مش ده علي اخر الزمن اللي يلخبطلك حياتك هو شهر استحَمليه بالطول والعرض فاهَمه.. يا رب اقف جنبي.
عادت كارما الي الشركه وبدات في وضع مخطط وجدول زمني لانهاء اعمالها وبينما تجلس بمكتبها تعمل منهمكه لم تحس بذلك الذي تسلل يقف بجوارها احست بوجع في رقبتها .بدات في دعك رقبتها لتحس بيد علي رقبتها ففزعت التفتت لتجد ايان يقف ورائها يهمس في اذنها....
اهدي هشيلك الوجع لتنتفض كي تقوم رمي بثقله عليها ... اهمدي بدل ما صوتنا يطلع وانا واحد ما بيهمنيش.
صر*خت..... شيل ايدك لاقطعهالك.
ضحك.... بصي لو عايزاني اشيل ايدي اهدي. تنهدت وعلمت انه لن يبتعد لتصمت مجبره بدأ في تدليك رقبتها لتحس براحه وخدر يتسلل اليها فكانت مرهقه ومتعبه بشده لترتخي لبعض الوقت ويده ترسل اشارات لقلبها لتستكين احست بيده تمتد الي بلوزتها لتنتفض.. فضحك .. انا قولت انت نمتي قولت اصحيكي يا قمري.
هبت مره واحده تبتعد ووجهها احمر قالت منفعله.. نعم خير مش دلكت واتبسط افندم اومر.
ضحك... انا اه دلكت بس لسه مانبسطش ونفسي حبيبي يحن عليا ساعتها هاخده في حضني وننبسط سوا...
صر*خت... ماتحترم نفسك بقه.. ايه ده.. مش حاسس انك كبير شويه واللي بتعمله شغل عيال.
اقترب منها.. الحب مفيش فيه كبير وصغير يا قلب ايان.. يا بت اتربيت وهموت عليكي وحشتيني شويه وههجم عليكي اهريكي بوس وانت بقيتي جامده وطايحه كده.. بس علي مين طيح براحتك يا وحش ...🌿 استغفروااااا 🌿
قالت بغضب .... لا دانت مجنون يلا من هنا بقله ادبك دي وشوفلك عرسه ترضي بيك دانت حالتك صعبه.
نظر اليها بخبث.. اشوفلي عرسه.. لا والله دانا شايف صاروخ جامد هيخلص عليا.. وحالتي صعبه.. اه وربنا هموت علي الوحش اللي قدامي وهو مقوي قلبه ليقترب بهدوء.
صر*خت به.... ماتقربش بقلك.
ضحك وشدها اليه.. لا دانا هقرب براحتي وانت كيفي روحك القمر بتاعي واحشني .شدها اليه لتحاول ان تدفعه فضحك.. انت ما بتزهقيش يا قلبي. همس بحب وعيونه تلهبها. والله هموت عليكي والله ما نمت يوم الا وعيونك قدامي. وحشتيني وعارف اني وجعتك. بس اعمل ايه.. انت بس اشري وانا هتلاقيني تحت رجليكي والله.. كل حاجه وحشتني فيكي يا قلبي والله سنين بعدك قهروني وربوني بجد وكسرو جبروتي وعرفت انك اللي ليا. جدي الله يسامحه رباني غلط انت وقاسم فلتو بس الزمن رباني وخد حقك مني وعايش موجوع.
كانت تنظر اليه غير مصدقه ان هذا ايان صاحب الجبروت والعنفوان اقترب منها يقبلها بشده يعتصرها بين يديه لتستكين لثواني معدوده انتفضت وعادت نفسها فدفعته وصر*خت..
بس بقه انت ايه ما بتحسش ماعندكش دم ابعد عني بقه. 🌿صلوا على الحبيب 🌿
نظر اليها بحب.. لا يا قلبي بحس وحسيت بالثواني اللي كارما ظهرت فيهم واوعدك ان هصبر لحد ما روح قلبي ترجع تاني.. اسيبك بقه يا قمري بعد ما قلبي برد وحبيبي شفايفه ارتاحت بين شفايفي لثواني.. قمر يا بنت الايه واقترب منها ومسكها مره اخري وهيا تضربه ليقول.. ايان هيرجع كارما لو اخر نفس في حياته.. سلام يا قطتي ليقبل اصابعه ويضعها علي شفتيها لتبعدهم بعنف وخرج وهو يدندن بسعاده..
جلست هيا وقلبها ينبض بشده.. يخربيته دا اتجنن هو بقي عامل كده ليه.. وايه هيرجع كارما دي هو اتجنن.. دا واقف يحب علي روحه انا عمري ما شفته كده.وايه يا زفته مالك لما باسك انبسطي عبوشكلك بت واقعه. ايه هيبسبسلك ترجعيله ماعندكيش كرامه. طيب يا زفت انت اما اشوف اخرتها.. ايه حرقه الدم دي.. يا رب بقه انا تعبت ريح قلبي.
عند قاسم ...مر اليوم بقيته علي شده اعصاب كل من قاسم وليال فهو ينتظر معلومات الحارس علي احر من الجمر وكلمه اكثر من مره ليطلق يده في فعل اي شئ ويصرف ما بداله وينهي الموضوع.
اما هيا فاكملت يومها باعجوبه وانصرفت لتريح نفسها بعد ان كانت علي شفا الانهيار.. فسنينها قد عادت اليها من جديد تذكرها وتنغص عليها افكارها..
،،،راجع ليه يا قاسم راجع تكلمني كده ليه وبتخطط لايه. انت ماعتش قاسم اللي اعرفه انت واحد تاني قادر وجبروت.. هتعوز مني ايه وكلامك وتلميحاتك دي ليه.. راجع ليه مش القصه خلصت واندعك كل اللي بينا في الارض.. بس لا ان كنت ناوي علي حاجه انا ماعتش هبله وهقفلك وادب صوابعي في عينك انا كبرت يا بيه وقتلك ليا هتاخده غل وحقد وهتحس انك ازبل من الزباله عندي.انت دخلت قلبي وشرطته بابشع طريقه وخرجتني جثه وانا ماعملتش حاجه ذنبي اني حبيتك عيله صغيره خدتها تحت جناحك وزرعت فيها حبك اللي مش راضي يخرج والله ما راضي حاولت اموته بس مش عارفه.. .
يا رب عيني عليه يا رب خفف وجعي اللي بيموتني.. دا كأننا كنا امبارح مع بعض كأن السنين هوا.. رجعت كل وجعي كنت فاكره اني نسيت.. تنسي ايه يا ليال انت هبله انت عمرك مانسيتي قاسم.. قاسم مزروع جواكي وغارز وراشق وانت عارفه كويس ماتضحكيش علي نفسك.. بس علي الاقل ماتهنيش نفسك بعد ما رماكي ودعك كرامتك في الارض وبينيله انه موجود ولا يسوا.. اجمدي كلها شهر وتغوري من وشه ولا يشوفك تاني قصه وتكمل دفن.. كانت تمني نفسها ولكن قلبها سيكون له راي اخر وقاسم سيكون له باع اخر عندها..❤️
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق