رواية ليالي الغول اقتباس من الفصل الأخير بقلم لوجي احمد

 

رواية الديزل الفصل الأول 1بقلم بيرى الصياد حصريه في مدونة قصر الروايات 

رواية الديزل الفصل الأول 1بقلم بيرى الصياد حصريه في مدونة قصر الروايات 

شخصيات الديزل

.................................................................

بحر الرفاعي

شاب في عمر الرابعه والثلاثون يأخذ كل صفات البحر هادئ من الخارج لكن من يدخل الي أعماقه ينصدم من ما بداخله رجل لا يتراجع لا يعتذر ولا يمنح فرصة اخري وقح ولا يري كبير ولاصغير لا يفرق معه من أمامه ويقول ما يريده دون حذر أو تردد لا يستطيع احد ان يلعب معه لا يتحدث كثير وإذا تحدث يوجع الذي أمامه دون رحمه وبرغم ذلك يحمي من يحبهم بقلب لا يعرف التراجع ويواجه أعداءه بثبات يشبه صخور الشاطئ التي لا تكسرها العواصف فهو الديزل ومن اطلق عليه هذا اللقب هم أهل هذه الحاره بعد أن رأو قوته وثباته شاب يمتلك قدرة عاليه من الوسامه  



ياسمينا صفوت المحمدي (بطلتنا)

فتاه في عمر الاربعه والعشرون فتاه مدلله طائشة ولا تفكر بشئ سوا سعادتها ورغبتها جمالها الفائق كان درعها وسلاحها ذلك السلاح الذي جعلها مغروره حتى باتت تظن أن الدنيا خلقت لتدور حول خطواتها وحدها تكره ان يقول أحد اليها (لا) فلا احد يتجرأ أن يقف بطريق شئ تريده وبرغم كل ذلك الي أنها طفله هشه من الداخل تحزن من اقل شئ لكنها لم تظهر هذا وتخفي دائما بداخل قلبها فهي لم تتعود علي الاهتمام لذلك لم تتحدث مع احد علي شئ تمتلك ياسمينا ملامح جريئه 



رقيه صفوت المحمدي 

شقيقة ياسمينا فتاه في عمر العشرون فتاه بريئه ومرحه لا يفرق معها شئ سوا ضحكتها التي ليست مجرد صوت بل طاقة تكسر الحزن وتزرع الفرح وبراءتها تمنحها قوة خفية تجعل كل من حولها ينجذب إليها بلا وعي فتاه جميله تمتلك ملامح بريئه 



صفوت المحمدي

والد ياسمينا ورقيه رجل اعمال ذكي ويعرف الصفقه المربحه والخاسره حنون بشده لكنه دائما مشغول في أعماله ويحاول ان يعطي بناته حب علي قدر المستطاع وهو رجل متواضع بشده 



نجلاء محمد

والدة ياسمينا امرأة لا يفرق معها سوا جمالها وان تحافظ عليه لا تفكر سوا بالخروج مع أصدقائها وان تحافظ علي مكانتها الاجتماعيه مغروره بشده وتعشق فقط حالها



هناء الرفاعي

شقيقة بحر اكبر منه  بثلاث سنوات تقريبا فهي بعمر السابعه والثلاثون تتعذب بحياتها مع زوجها ودائما تخفي معاناتها علي شقيقها وتحاول ان تدبر حالها ولا تلجأ إليه لديها صبي في عمر السابع عشر 



يوسف ابراهيم

شاب في عمر التاسعه والعشرون شاب وقح تربي مع بحر ويعشقه ويعشق ان يغضبه بشده يعيش مع والدته التي لايوجد بعائلته سواها ويعشق مُشاكستها شاب لطيف لكن عند غضبه لا تتمني ان تراه فهو يتغير مية وثمانين درجه بغضبه لدرجة أن يجعلك تشعر بأن هذا لم يكن يوسف الذي يعرفونه الجميع يلقبونه بلقب عصفوره 



وفاء 

والدة يوسف تعشق بحر وهناء كولدها ودائما تساعد هناء وتخفي معها الكثير من الأشياء علي بحر لكي لا يغضب عليهم فهم يخافون منه بشده  



مي العطار

فتاه في عمر الثالثه والعشرون صديقة ياسمينا فتاه حقوده وتغار من ياسمينا وتشعر بأنها لا تستحق كل ما به تتعامل معها بطيبه مزيفه وتجعلها تشعر دائما بأنها تريد مصلحتها فقط

 ............. 🌿........... 🌿............. 🌿..... 

كده الشخصيات خلصت قولولى رايكم ومتنسوش التفاعل 🤍

البارت الاول من

الديزل😎 

بقلم: بيرى الصياد ✍🏻✨

.............................................................. 

نبدأ الآن حكايه من نوع خاص حكاية لا تشبه سواها ولا تعرف لين ولا ضعفاً كل خطوة فيها تغير قدر وكل كلمه تفتح لنا باباً جديدا من المصير

نبدأ على سطح منزل قديم يطل على الحارة يظهر شاب جسده مشدود وعضلاته بارزة تحت ضوء الصباح يقف بثبات فوق سطح هذا المنزل يرفع جسده في تمارين قاسية وكأنها معركة بينه وبين نفسه

العرق يتساقط على الأرض كأنه يحكي عن تعب السنين وعينيه نظرة صقر لا يعلم الاستسلام كان يتمرن هذا الشاب وهو لم يكن بهذه الدنيا فهو غارق بتفكيره ولا يشعر بشيء حوله كان صوت أنفاسه يتصاعد يقطع تفكيره وتمارينه هذا الهاتف الذي دق لينظر الشاب إليه وينزل ويأخذ هاتفه وينظر إليه ويبتسم 

يرد ويفتح مكبر الصوت ويقول:طب تصدق ليك وحشه يا مدير 

يضحك هذا الرجل بخفه ويقول:وعلشان كده بتتصل تكلمني كل يوم مش كده

يجلس هذا الشاب علي الأرض ويقول: اشغال والله يا مدير المهم ايه اخبارك انت

ويبدأ هذا الشاب يفعل تمارين الضغط ويقول الرجل:تمام والله لقيتك مبتسالش قولت اكون انا احسن منك و اسأل يا بحر 

يبتسم الشاب و الذي يدعي بحر ويقول:والله فيك الخير يا عمنا ايه مش ناوي تيجي أغلبك عشرتين ولا ايه دنيتك وحشني اللعب معاك اوي

الرجل بغيظ:هاجيلك بالليل يا بحر ونشوف هتغلب مين انا جاي ومش هرجع غير وانا غلبك يا ديزل

يضحك بحر بسخرية ويقول:يبقي الحق اشوفلك شقه هنا يا مدير

يغتاظ الرجل أكثر ليقول بتحدي شديد:هنشوف يا بحر انا هاجي من الشركه عليك وهنشوف مين اللي هينام مغلوب انهارده 

يزيد بحر من حركته وهو يفعل التمرين بسرعة اكثر ويقول:في انتظارك يا مدير اقفل من عندك ايدي مش فاضيه

الرجل بسخريه:وانت من امتى ايدك كانت فاضيه ياخويا يلا سلام

انهي حديثه ويغلق الهاتف يبتسم بحر ببرود شديد ويستكمل تمارينه وبعد وقت طويل يذهب الي الحمام الذي يوجد بهذا السطح ويستحم سريعاً ويخرج وهو يرتدي



ويمشط شعره ويضع عطره ويأخذ اشياءه ويذهب الى الأسفل وينظر إلى هذه الحارة التي ينتمي إليها وكاد أن يسير بطريقه لكن يسمع بمن تقول:خد يالا يا بحر يالا 

يلف بحر وينظر الي هذه السيده التي تجلس اسفل هذه النافذه وهي تنظر الي الخارج ليذهب اليها ويقول:والله ما حد مقلل مني غيرك يا فوفه انتي يا وليه ماسكة عليا ذلة ولا ايه

وفاء بغيظ شديد:وهو انا كلمتك ده انت اللي ماشي من غير ما تعبرني ولا ترمي السلام حتى وبعدين لا تكون فاكر نفسك كبرت علي فوفه يالا انت نسيت لما كنت اغيرلك ولا لما كنت تيجي من المدرسه وانت عاملها ع

قطع حديثها بحر الذي وضع يده سريعاً علي فمها ويقول:ايييييييه يا وليه الفضايح دي كفايه هيبتي هتروح بسببك وبسبب فضايحك دي

تنزع وفاء يده وتقول:يبقى تلم نفسك احسن ما اسيحلك هنا ياخويا 

بحر بغيظ شديد:هو انا جيت جمبك يا ست انتي علي الصبح 

وفاء بغيظ أشد: ولما تمشي كده من غير ما تصبح عليا ده اسمه ايه ياخويا فاكر نفسك علشان كبرت وربيت عضلات هتكبر علي فوفا يالا ولا ايه

ينفخ بحر بقوه كبيره ويمسح علي دقنه ويقول:معلش أنا ابن كلب ممكن بقي ترحميني وتسبيني اشوف اللي ورايا يا فوفه علي الصبح 

تميل وفاء برأسها وتقول:روح ياخويا

وكاد بحر أن يذهب لكن تمسكه وفاء وتقول:بقولك ايه يا قلب فوفه تعرف بت سماح 

ينظر إليها بحر برفعة حاجب ويقول:بت سماح مين دي يا وليه

تبتسم وفاء ببلاها وتقول:سماح بت جمال بت محترمه وجميله وأخلاقها تحلف بيها الحاره كلها ما تيجي نشوفها كده البت حلوه وباين عليها عينيها منك وسماح بتيجي تقعد معايا بتلمحلي تعالى ندخل البيت من بابه وتقعد مع البت وتشوفها وتتخطبوا وتت

قطع حديثها بحر الذي قال بصوت عالي:اييييييييه يا حجه ناقص تخليني اخلف وانا واقف

وفاء بغيظ شديد:الحق عليا بخطط لمستقبلك يا بحر 

يضغط بحر علي شفتيه ويقول:هو حد كان قالك تخططي يا وليه انتي بلاش تتعبي نفسك في التفكير في مستقبلي يا فوفه وشيليني من دماغك يا حجه

وكاد ان يذهب لكن تمسك وفاء يده وتقول: خد بس يا بحر ده انا بفكر في مصلحتك يا ابني نفسي اشوفك عريس واشوف عيالك قبل ما اموت يا بحر معقول تهون عليك فوفه متنفذش أمنيتها الوحيده قبل ما تموت

ينفخ بحر ويقول:ما بلاش السيرة دي يا وليه هو انتي غاويه غم علي الصبح 

وفاء بحزن مصتنع لكي يسمع حديثها:اسمع مني يا بحر يا بني انا مش عايزه غير مصلحتك وسعادتك في الدنيا عايزه لما اروح لامك اقولها اني وفيت بوعدي وحفظت عليكم و

قطع حديثها بحر الذي سحب يده منها وذهب من أمامها 

تنظر خلفه وفاء بغيظ شديد وتقول:منك لله يا بحر يا ابن صباح يحصلك حاجه لو مهربتش مني كده

طب ما ترحمي انتي وتخفي عليه شويه يا فوفه انتي عارفه انه مش هيسمع غير للي هو عايزه يبقي ليه من الاول

كان هذا صوت ولدها لتنظر وفاء خلفها وتقول:عايزه افرح بيه يا يوسف نفسي اشوفه عريس هو حرام افرح يا خلق

انهت حديثها وتضرب يديها علي قدميها بحزن حقيقي ليذهب يوسف ويجلس بجانبها ويضع يده علي كتفها ويقول:ما تهدي يا فوفه في ايه وبعدين انتي عارفه بحر مش هيقتنع بكلامك ده يبقى سيبيه يعمل اللي هو عايزه هو مرتاح كده بلاش تعكنني علي نفسك وعليه كل يوم كده

وفاء بغضب شديد:انت عارف لو مقومتش من جمبي دلوقتي انا هعمل فيك ايه يا يوسف

ينهض يوسف ويقول وهو يذهب بالفعل:هو كده مش قادره علي الحمار هتتشطري علي البردعه يا وفاء انا ماشي و سيبهالك مخضره

ويذهب يوسف الي الخارج بالفعل تنظر خلفه وفاء باشمئزاز وتقول:داهيه في شكلكم ما فيكم كلب مفرحني معرفش هرقص وازغرط امتي يا ولاد الكلب 

انهت حديثها بغيظ شديد منهم فهم لا يجعلونها تسعد بزواج أحد بينهم وهذا يجعلها تغضب ولا تريد أن تراهم أمامها إلى أن يتزوجون 

وفي مكان آخر عكس هذا المكان تماماً في أحد الأماكن الراقية كانت هناك فتاه تنام بهدوء تدخل عليها هذه الفتاة كالعاصفة وتقول بصراخ عالي:ياسمييييييييييييييينا

تنفزع هذه الفتاة وتنهض بفزع وخوف وتقول بخضه شديده:في ايه ايه اللي حصل 

تمسكها شقيقتها وتقول:اهدي بس يا سو انا كويسه الحمدلله متقلقيش

تنظر اليها ياسمينا وتنزع يديها من عليها بعنف وتقول بغضب شديد: كويسه ولا تغوري في داهيه ايه اللي بتعمليه ده يا رقيه في حد يدخل بطريقه دي

رقيه بغيظ شديد:تصدقي الحق عليا بفكر فيكي وحسيت انك موتي قولت اطمن عليكي يا سو انا غلطانه

ياسمينا بغضب وصوت عالي:انا قولتلك تيجي اوضتي يا رقيه انتي ليه مصره تعصبيني كل مره كده يا شيخه حرام عليكي

تمسكها رقيه وتقول:تعالي اقعدي بس يا قلب روقه اهدي كده لا يحصلك حاجه يا قطتي انتي لسه صغيره برضو

تنظر إليها ياسمينا بغضب ولا تتحدث لتقول رقيه بغيظ:ما خلاص بقي يا سو هو انتي لسه عارفاني انهارده ولا ايه ده انا روقه حبيبتيك العسل الله

تنفخ ياسمينا بقوه كبيره وتقول:طب ممكن روقه العسل تطلللللللللللع بررررررررررره وتسبيني اتخمد شويه

قالت حديثها بصوت عالي لتضربها رقيه علي كتفها وتقول:اخرسي يا جذمه انتي تقدري تعيشي يوم واحد من غيري برضو ده انتي بتموتي فيا ومتقدريش تاخدي نفسك من غير ما ترجعيلي 

ياسمينا بغضب وصراخ عالي:هو انا كنت اشتكتلك ولا قولتلك الكلام ده يا رقيه

تضع رقيه يديها علي أذنها وتقول:اهدي يا بقره صوتك عالي اوي وبابا لو سمعك مش بعيد يتبرا  منك ومنشفكيش تاني 

تنظر اليها ياسمينا وتذهب تتسطح وتسحب هذه البطانيه عليها وتقول:اطلعي بره يا رقيه انا عايزه انام 

تسحب رقيه البطانيه عنها وتقول:لا قومي يا ياسمينا بجد انا عايزه افطر ونوجا طلعت من بدري ومش عايزه افطر لوحدي تعالي نفطر سوا 

ياسمينا بغضب وهي تنظر اليها:وانا من امتى وانا بفطر اصلا يا رقيه ما تسبيني اناااااااااااااام دلوقتتتتتتتتتتتي 

تنظر إليها رقيه بحزن وتقول:خلاص نامي يا حبيبتي انا هروح اشوف مذكرتي انا كمان

وكادت أن تذهب لكن تقول ياسمينا:خدي خلاص انا جعانه انزلي انتي وانا هاخد شاور وهاجي علي طول 

تقبلها رقيه بفرحه وتقول:هو ده الكلام انا هستناكي تحت متتاخريش عليا علشان بتوحشيني يا سو

تبتسم ياسمينا عليها وتركض رقيه بطفوليه الي الأسفل بالفعل وتنهض ياسمينا وتستحم وتخرج بعد قليل وترتدي



وتنزل إلى الأسفل لكي ترى رقيه وترى ماذا تفعل بيومها و إلى أين تذهب فهي لا تجلس بمكان كثير وتكره هذا

بعد عدة ساعات كان بحر يقف وهو يمسك هذه الاله ويقص من هذا اللوح الذي علي هذه الحديديه أمامه فهو يفتح (ورشة نجاره) ويعمل بها منذ زمن وهو يعشقها بشده وينظر الي يوسف الذي يجلس ويقول بصوت عالي:ايه يا روح امك هتفضل قاعد لحد ما ننام هنا ما تقوم خلينا نخلص ونروح يا عم

ينظر إليه بلال ويقول باستفزاز:اهدى علي نفسك بس يا ديزل مش كده يا راجل مفيش حاجه مستاهله تتعصب عليها بشكل ده

بحر بغضب شديد:اخلللللللللللللص ياااااا يووووسف 

يخاف يوسف وينهض بالفعل وكاد ان يتحدث لكن يسمعون من يقول:صوتك العالي ده وحش اوي يا بحر خد كل حاجه بهدوء 

يلف بحر وينظر الي هذا الرجل ويبتسم ابتسامة لا تظهر سوى القليل ويقول:اللي تأمر بيه يا مدير 

.............. 🌿................ 🌿............... 🌿............. 

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا