رواية ليالي الغول اقتباس من الفصل الأخير بقلم لوجي احمد

 رواية الديزل الفصل الخامس 5بقلم بيرى الصياد حصريه في مدونة قصر الروايات

رواية الديزل الفصل الخامس 5بقلم بيرى الصياد حصريه في مدونة قصر الروايات

البارت الخامس من 

الديزل😎 

بقلم بيرى الصياد ✍🏻⚡

..................................................................................................................... 

ينصدم صفوت من حديثه وينظر إليه بصدمه ويقول. انت بتقول ايه 

يلوح بحر بيده ويقول:انت اللي بتقول عايزها معايا وكلامك ميدلش غير لكده

ينظر إليه صفوت ويبتسم ويقول: يعني انت عايز تتجوز ياسمينا بجد يا ديزل

بحر بصوت عالي: اتجوز مين بس يا عمنا اهدى شويه علي نفسك دي بنتك مش بعيد تبلعني من قبل ما أدخل حتى

صفوت بغيظ شديد: انت بترجع في كلامك ليه دلوقتي يالا انت مش طلبتها بلسانك ولا حد جبرك عليها

ببتسم بحر بخبث ويقول: قولي انك عايزني اتجوز بنتك علشان اربيها يا مدير يا راجل متتكفسش ده انا زي ابنك برضو

ينفخ صفوت بقوه ويقول: لا عايزك تربيها بس مش عايزك تزعلها ياسمينا بتشيل في قلبها بسرعه وهي مهما تظاهرت انها قويه مش هتكون قدك يا بحر اتلم شويه ولم لسانك بعيد عنها 

يركب بحر السياره ويقول: ماشي هبقي اشوف الموضوع ده بعدين بقى يلا همشي أنا وعلي تلفونات سلام يا مدير

ويقود سيارته ويختفي من أمام صفوت الذي نظر خلفه وتنهد بقوه كبيره وذهب إلى الداخل و منه إلى الاعلى يدخل غرفة ياسمينا 

ينظر إليها يراها غاضبه من ما حدث ورقيه تحاول ان تهديها وتنظر ياسمينا إليه وتقول بغضب شديد: أنا مالي ومال ده كله يا بابا 

صفوت بهدوء شديد:مالك ان ده مالك ومال ابوكي يا ياسمينا وانتي المفروض اكتر واحده هتخاف عليه وانا عايزك تكبري وتعقلي شويه و تبدأي تفكري بشكل صح انا مش هخليكي تفضلي كده طول عمرك

ياسمينا بغضب أشد:انا مليش دعوه بكل ده يا بابا انا مش هشتغل مع الشئ اللي كان هنا من شويه ده انا مش طايقه اشوف وشه تقولي اشتغل معاه 

صفوت بغضب: اتلمي يا ياسمينا ومش علشان ساكتلك تتمادي اكتر وصوتك يعلى عليا بشكل ده اوعي تنسي اني ابوكي فاهمه

تنفخ ياسمينا بقوه وتقول: سوري يا بابا بس انا مش هشتغل مع البني ادم ده انت مش عايزنى اشتغل تمام هروح الشركه بس اشتغل بطريقتي انا مش بطريقة حد تاني

صفوت بحزم شديد: انا قولت كلمتي يا ياسمينا واعملي حسابك من بكره هتنزلي مع بحر علشان تفهمي الشغل هيمشي ازاي وعلي الله الكلام ده ميتنفذش وانتي حره انا مش هتكلم تاني

انهى حديثه وذهب من امام ياسمينا الذي نظرت خلفه بغضب شديد وتنظر الي رقيه التي قالت: خلاص بقي واهدي يا سو مفيش حاجه تستاهل كل ده ثم إن بحر شكله لطيف خالص ودمه عسل اوي 

ياسمينا بصوت عالي: والله ولا شاف لطف في حياته ده شخص مستفز اوي وانا لو قعدت معاه خمس دقايق والله لا أقتله وانتوا حرين بقى

وتذهب ياسمينا إلى الخارج وتقول رقيه بغيظ شديد: وهو ذنبه ايه بحر ده انتي ظالمه صحيح حرام والله الشب اللي زي الورد ده يتقتل علي ايدك يا مفتريه

أنهت حديثها وهي تشفق علي بحر فهي تشعر بأنه شخص لطيف ولا يوجد به شيء سيئ كما تواصفه ياسمينا وتفكر ماذا سوف يحدث بين ياسمينا وبحر فهل سوف تقتله ياسمينا كما تقول او سوف يسيطر عليها الديزل 🙂

تدخل هناء منزلها ترى زوجها يجلس علي الاريكه وينظر إليها ويقول بغضب شديد: انتي كنتي فين يا هانم كل ده

هناء وهي تنزع هذه (العبايه): كنت بشوف خالتي وفاء يا حسين

ينهض حسين ويقول بصراخ عالي: اه روحتي عند خالتك من غير ما تقولي للراجل اللي عايش معاكي رايحه فين وبعدين انا ايه اللي ضمني انك كنتي عندها بجد

هناء بغضب: انا مش هقول كنت عندها وانا مروحتش يا حسين ولو مش مصدقني روح اسالها 

حسين باشمئزاز:غوري اعمليلي لقمه بوشك ده يا بومه انتي مش ناقص هم علي الصبح 

ويذهب حسين إلى الحمام وتنظر هناء خلفه وتبلع غصتها وتغلق عينيها بقوه وهي تحاول ان تكتم دموعها وتسمعه يصرخ بصوت عالي وهو يقول: اخلصي يا ست الحسن عايز اغور من وشك الفقر ده 

هناء بصوت عالي: عايز تغور غور من غير اكل يا حسين ايه إللي مخليك تصبر لحد ما تاكل من اكل البومه

يخرج حسين من الحمام وينظر إليها باشمئزاز:مجبور اطفح من ايدك هروح اغير هدومي وهطلع تكوني خلصتي ومش عايز لت كتير مش فاضيلك 

هناء وهي تذهب إلى المطبخ: اه صح حقك ياخويا وراك شوية الشمامين صحابك ملكش غيرهم كل يوم تطلع ومشوفش وشك الا وش الفجر 

لا يعطي حسين لحديثها أهمية ويذهب إلى الغرفه لكي يبدل ملابسه وتنظر هناء امامها وتغلق عينيها لكي لا تبكي لكن تخونها دموعها غصب عنها وهي لا تحتمل كل ما يحدث بها مع هذا الرجل فماذا يحدث بحياة هذه الفتاة

خالو خالو خالو خالو خالو خالو خالو: كان هذا صوت عبدالله الذي يقف أمام بحر الذي يجلس علي هذا الكرسي ولم يتحمل بحر صوته ليقول بصوت عالي: يحرقك ويحرق خالك في ساعه واحده يا جدع في ايييييييييييه يالا عايز ايه

يمسك عبدالله الكرسي ويجلس عليه بالعكس امامه ويقول: يا عم يحرقني بس ميحرقش خالي حبيبي انا مقدرش استغنى عنك يا خالو

بحر بغضب: اخلص يالا ارغي وقول عايز ايه

عبدالله ببالها: مزنوق

يعود بحر بظهره إلى الخلف ويقول: ما تغور الحمام ولا صرف نفسك جنب اي حيطه انا مال امي 

عبدالله بغيظ شديد: لا لمؤاخذه يا ديزل شغل دماغك معايا مش كده انا مزنوق مادياً الحالة ضنك اوي ومحتاج قرشين يفكوا زنقتي

بحر بغضب: قرشين يبلعوك  و يريحوني منك يا بعيد هو انا يالا خلفتك ونسيتك ما تروح لابوك ولا حد من عمامك اقربلك متجليش انا

عبدالله بتمثيل: هو انا عندي اقرب منك يا خالو برضو يعني كلهم بيعرضوا عليا فلوس كل شويه وانا اقولهم لا مش محتاج طب انت عارف انك الوحيد اللي باخد منه فلوس لا وكمان بطلب منه كل ده علشان صلة الرحم بينا متتقطعش أبداً ويفضل بينا الود طول العمر

يرفع بحر حاجبه ويقول: ود ايه اللي بينا يالا يعني انا لا طايقك ولا طايق نفسي بسببك

عبدالله بغيظ شديد: يا عم سيبني اكمل علشان نخلص من ام الليله دي

بحر بغضب شديد: قوم يا عجل من قدامي مش عايز اشوف وشك تاني

عبدالله بغضب: اديني الفلوس ومش هتشوف وشي تاني يا عم

ينهض بحر ويصفعه خلف رأسه ويقول بصوت عالي: انت  مديني يالا ليه محسسني اني كل يوم قدام بيتك باخد منك

ينهض عبدالله ويقول بغيظ شديد: مش انت اللي عايزني امشي يا خالو ما تديني و الا هفضل قاعد لك هنا وهلم عليك الناس اديني بقولك

كاد بحر أن يتحدث لكن يسمعون من يقول: يا عم ما تدي اللي هو عايزو احسن ما يفضحك وانتوا عيلة مفضوحه  اصلاً

ينظر اليه عبدالله ويقول بخبث: ما بلاش انت تتكلم يا عصفوره انا ممكن افرش لك هنا ومحدش هيقدر يلمني

يذهب يوسف ويضع يده علي كتفه وينظر الي بحر الذي نظر إليهم برفعة حاجب وقال: في ايه بينك وبين العجل ده يا يوسف 

ينظر إليه يوسف ويبتسم ويقول: ده عيل يا ديزل احنا من امتى واحنا بناخد بكلام العيال

عبدالله بغضب:عيل يا جو مش كده طب اقولك يا ديزل انا شوفت اخ

قاطعه يوسف الذي وضع يده علي فمه بسرعة وقال: خلاص يا عبده تعالى يا حبيبي معايا هجيبلك اللي انت عايزو بس سيب الديزل في حاله علشان يشوف اللي واره تعالى يا حبيبي تعالى

انهى حديثه وهو يسحب معه عبدالله معه سريعاً قبل ان ينطق بشئ اخر امام بحر الذي نظر خلفهم وهو يتقن بان يوسف يفعل شيء دون علمه لكنه الآن يفكر بحديث صفوت إليه اليوم وينظر امامه وهو يريد ان يفكر جيداً ويفكر ايضا ماذا يفعل مع ياسمينا 

يبتسم ببرود شديد ويعود بظهره إلى الخلف ويقول بداخله: وحيات امك لا اربيكي يا بقرتي هخليكي تكرهي اليوم اللي شوفتيني في اكتر 

قال هذا وهو لم ينوى بالخير لياسمينا هو أحب مشاجرته معها واحب ان يغضبها وايضا طريقتها مع صفوت كانت سيئه لذلك اخذ قرار ان يربيها من البدايه فمن الذي يربي الآخر يا ترى أيها الديزل 

بقولك عايزني اشتغل معاه يا مي افهمي شويه انا من أمتى بشتغل ولا بعمل الكلام ده: كان هذا صوت ياسمينا الغاضب وهي تتحدث عبر الهاتف مع مي التي قالت: يا حبيبتي اهدي انتي متقدريش تهربي من الموضوع ده كده ابوكي قرر وانتي مش هتقدري تخلي يرجع في كلامه بس هتقدري تخلي اللي اسمه بحر ده هو اللي يرجع في كلامه مع ابوكي ويسيبك تعملي اللي انتي عايزه

أنهت حديثها بخبث شديد وتغضب ياسمينا اكثر وتقول:يعني انا قولتلك إللي عمله من ساعت ما دخل لحد ما طلع وانتي جايه تقوليلي يسيبني اعمل اللي انا عايزه يا مي ده شخص بارد ومستحيل اقدر اعمل حاجه منه 

مي بخبث شديد: مين ما كان عمره ما هيستحمل انك تعملي وحش يا يا سو انتي عارفه كويس اوي هتعملي معاه ايه وخلي هو بنفسه يروح لابوكي ويقوله مش عايز يشتغل معاكي

تنظر ياسمينا أمامها وهي تفكر بحديثها وتبتسم بخبث وهي تنوي ان تجعل بحر يندم انه اتا وفعل كل هذا بالفعل 

وتمر هذه الليله بثقل كبير علي ياسمينا فبرغم انها تعلم ماذا تفعل إلى انها تخاف من رد فعل والدها وايضا لا تريد ان ترى هذا بحر مرة أخرى تتمنى أن يموت ولا تراه

 تنزل علي الدرج وهي ترتدي 

بعد أن دق إليها والدها وقال إليها أنها تنزل لأنه ينتظرها في الاسفل تنظر اليه ياسمينا وتقول: خير يا بابا في حاجه 

ينظر إليها صفوت ويترك (فنجان) القهوه  الخاصة به ويقول: هنروح الشركه علشان افهمكم طبيعية الشغل و أسلم بحر كل حاجه علشان مش هروح الشركه تاني يا ياسمينا وبحر هيستلم مكاني ولو في حاجه هيكلمني

ياسمينا بغضب مكتوم: ليه هو اللي يمسك كل حاجه انا اللي المفروض امسك وهو يشتغل عندي زيه زي الغريب 

صفوت بصرامة وصوت قوي: ياسمينا بحر مش غريب بحر ابني وانا مش عايزك تتعاملي معاه كده علشان مزعلش منك انا 

ياسمينا وهي تحاول ان تخفي غضبها: حضرتك يا بابا اللي مدخله بينا انا معرفش مين  ده أصلا ولا عايزه اعرفه واكيد مش هقدر اشتغل معاه سيبني اشتغل لوحدي احسن

صفوت وهو يذهب إلى الخارج: يلا علشان نمشي يا ياسمينا ربنا يهديكي عليا يا بنتي

تنفخ ياسمينا بغضب شديد وهي لا تطيق ان تكن مع هذا ما يسمى بحر بمكان لكنها تتذكر حديث مي لتبتسم وتقول: والله لا اطفشك واخلي بابا يكرهك ياللي اسمك بحر اصبر عليا 

وتذهب ياسمينا الي الخارج وتركب السيارة مع والدها الذي قاد إلى شركته وبعد مدة قصيره يصل وينزلون من السياره ويرون بحر يقف بسيارته لتهمس ياسمينا لحالها:ايه الارف ده بقى علي الصبح 

ينظر إليها صفوت وينظر إلى بحر الذي نزل من السياره فنظر إليهم وقال وهو ينظر الي ياسمينا: ايه الاخبار يا بقرتي ليكي وحشه عليا الطلاق 

ياسمينا بغضب شديد: انا مش بقره اوعى تقولها تاني 

ينظر اليها بحر من الاسفل للأعلى ويقول: يعني اكدب يا بقره انا شايف انك محتاجه تخسي في الميت خالص 15 كيلو ابقي تعاليلي وانا هعملك احلي رجيم في الدنيا و هخليكي تنبسطي علي الاخر

أنهى حديثه بغمزه وقحه ليقول صفوت بغضب شديد: اتلم شويه يا بحر واحترم وجودي شويه

تنظر إليه ياسمينا بغضب شديد وتقول: اتفضل الأستاذ اللي انت جيبه شوفوا بيقولي ايه يا بابا انا غلطانه اني بسمع كلامك بجد 

وتذهب ياسمينا إلى داخل الشركه ينظر صفوت إلى بحر ويقول بغضب: ايه الكلام ده يالا ما تلم نفسك شويه

بحر بغيظ شديد: هو انا قولتلها تديني بوسه مشبك يا مدير ده انا بقولها تخس شويه وكانت نيتي سليمه كنت هخليها تدرب معايا ومش هاجي عليها دايماً ظلمني كده معرفش ليه

ينظر اليه صفوت ويقول بسخرية: لا والله

يميل بحر برأسه ويقول: علشان تعرف انك ظالمني يا مدير معرفش مالك انت وبنتك عليا 

صفوت وهو يذهب داخل الشركه: طب تعالى يا بحر واخلص علشان نشوف هنعمل ايه في اليوم ده

ينظر خلفه بحر ويمسح علي شفتيه ويقول بداخله: هنعمل حاجات كتير يا مدير اتك علي الصبر انت بس

أنهى حديثه وهو يفكر ماذا سوف يفعل بهذه الفتاه اليوم فهو يتوعد إليها من الامس ويذهب بحر إلى الداخل ولا يرى صفوت ليعلم أنه صعد بالمصعد وكان أن يصعد هو الآخر لكن ينتبه لشيء 

يلف وبسرعه كبيره كان يسحب هذه الفتاة من يدها وتصرخ ياسمينا بأعلى صوتها وهي تفزع من حركته فهي كانت تسير علي أطرف أصابعها لكي تهرب ولا تجلس معه ويحصرها بحر علي الحائط وينظر اليها ويقول: رايحه فين يا بت انتي

تنظر اليه ياسمينا وتتوتر قليلا لكن تقول: بابا قالي اجيب حاجه من العربية هاجبها وجايه

بحر برفعة حاجب: وحيات طنط

ياسمينا بغضب شديد وهي تحاول ان تفلت منه: اوعى ياللي اسمك بحر انت انا مش عايزه اشوفك ولا اقعد معاك سيبني امشي من هنا

يقترب منها بحر يجعلها تتوتر بشده ويقول: وانا اللي كنت مفكر اول ما هتشوفيني هتحضنيني حضن مطارات من الفرحه يا شيخه كسرتي بخاطر مسلم عاجبك كده

تتوتر ياسمينا اكتر وتقول: ابعد عني يا اخ انت و الا هقول لبابا وشوفوا هو هيعمل معاك ايه بعد كده

ينظر بحر الي شفتيها ويقول: هبقى اقوله حقي ادوق لو عاجبني هشيل معجبنيش هخلع لا من شاف ولا من دري

تنتبه ياسمينا الي نظراته وكادت ان تصرخ به لكن ...

....................... 🌿........................ 🌿........ .......... 

كفايه كده بقي ونشوف بحر و ياسمينا هيعملوا ايه في البارت الجاي متنسوش تقولولي توقعتكم في الجاي وعايزه اشوف جمهور الديزل يفجروا التفاعلات 

بقلمي: بًيِّريِّ أّلَصّـيِّأّدٍ

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا