قصه عمرك تخیلت ان تمن عمرك وتضحیاتك یخلص فی ورقه
قصه عمرك تخیلت ان تمن عمرك وتضحیاتك یخلص فی ورقه
عمرك تخيلت إن تمن عمرك وتضحياتك يتلخص في ورقة صغيرة ملزوقة على باب التلاجة؟ مطلوب منك ٧٠٠٠ جنيه، نصيبك في أكل وشرب وإيجار الشهر ده.. معاكي لآخر الأسبوع وإلا هضطر أغير كالون الباب.
15 سنة ببنيه طوبة طوبة، وفي النهاية بيطردني من حياته بفاتورة حساب، عشان يجبرني أتنازل عن كل حاجة وأخرج من المولد بلا حمص، ويفضي الشقة ل العروسة الجديدة اللي بيبني مستقبلها على أنقاضي!
القصة مابتدأتش بالورقة دي، بدأت قبلها بأسبوعين..
15 سنة. 15 سنة وأنا الممرضة، والمربية، والمحاسبة، والسند. 15 سنة بعت فيهم دهبي وحتة الأرض اللي ورثتها عن أبويا عشان أسس له شركته اللي كبرت وبقت
بتجيب دهب. طفيت نور مستقبلي عشان نوره هو ينور ويبقى الباشمهندس طارق.
وفي يوم، كنت واقفة بكوي قميصه اللي هيحضر بيه أهم اجتماع في شركته.. دخل عليا وهو بيشرب قهوته ببرود، وقالها كأنه بيطلب مني كوباية ماية.
بقولك إيه يا ندى، النظام القديم بتاع إن الراجل بيشيل الليلة لوحده ده انتهى. إحنا من بكرة كل حاجة بينا فيفتي فيفتي.. النص بالنص. أنا مش بنك مفتوح، ولازم تشاركي في مصاريف قعدتك في البيت.
المكوة وقعت من إيدي حړقت السجادة. بصيت له وقولتله وأنا بضحك بۏجع، فاكراه بيهزر نص إيه؟ أنت بتهزر يا طارق؟ أنا بقالي ١٥ سنة بشتغل عندك وعند ولادك ببلاش، ده أنا بعت ورثي عشان أوقفك
على رجلك!
بصلّي من فوق لتحت بابتسامة مستفزة، ومسح على بدلته الغالية وقال ده كان قرارك ومحدش ضړبك على إيدك.. وبعدين أنتي قاعدة في البيت مابتشتغليش ومابتنتجيش حاجة، لازم تحسي بقيمة القرش وتنزلي تشتغلي وتدفعي حق إقامتك هنا.
الجملة نزلت زي مية ڼار على قلبي. حق إقامتك.
البيت اللي دهنته بإيدي. اللي نمت فيه على الأرض أيام ما كنا بنفرشه حتة حتة. العيال اللي كبروا على سهري وتعب أعصابي. كل ده فجأة اتمسح، وبقيت مجرد نزيلة تقيلة عايز يدفّعها تمن الأكسجين اللي بتتنفسه.
حسيت ببرودة بتسري في عروقي. طارق مكنش بيمر بأزمة مالية، شركته بتكسب أكتر من أي وقت فات. طارق كان بيخطط
لحاجة تانية خالص. الغشاوة اللي على عيني وقعت، وبدأت أركز في التفاصيل اللي كنت بتعمد أتجاهلها بحسن نية. باسورد الموبايل اللي اتغير. مكالمات البلكونة بصوت واطي. اهتمامه المبالغ فيه بشكله وجيم ونظام غذائي فجأة.
اتأكدت من إحساسي بعدها بكام يوم. نسي يخرج من ال واتساب ويب على اللابتوب في البيت ونزل شغله. أنا عمري ما فتشت وراه، بس عيني لمحت محادثة مفتوحة مع محاميه.
الكلام كان بيرن في ودني زي جرس إنذار
أنا بدأت أضغط عليها في المصاريف زي ما اتفقنا وأخنقها.. شهر بالكتير ومش هتستحمل، هتطلب هي الطلاق وتتنازل عن كل حاجة وتسيبلنا الشقة عشان تهرب من الديون والمصاريف اللي
هحملها عليها،
وساعتها أقدر أتجوز رانيا فيها براحتي من غير ما أدفع جنيه مؤخر ولا نفقة.
قريت الرسالة ومابكيتش. الدموع كانت نشفت خلاص. قفلت اللابتوب، وبصيت لنفسي في المراية.
هو فاكر إنه بيلعب شطرنج مع واحدة ضعيفة مکسورة الجناح، معندهاش دخل ولا ضهر. فاكر إنه لما يزنقني في الكورنر هرفع الراية البيضا وأمشي أعيط.. بس هو نسي حاجة مهمة أوي. نسي إن الست اللي قدرت تبنيه من الصفر وتعمل منه بني آدم.. تقدر برضه تاخد حقها تالت ومتلت، وتهد المعبد على دماغه وهو جواه.
مسكت تليفوني، وكلمت محامي كان زميلي أيام الجامعة، وقولتله أنا جاهزة.. إحنا مش هنلعب دفاع تاني، إحنا هنبدأ الھجوم.......
الکاتبه_نور_محمد
الجزء الأخير والنهايه
قفلت السكة مع المحامي، وبدل ما أعيط، لقيت نفسي ببتسم. ابتسامة باردة، قاطعة زي حد السکينة. طارق نسي تفصيلة صغيرة أوي في زحمة غروره وخطته الماكرة.. نسي إني لما بعت أرض أبويا عشان أسس له شركته من ١٥ سنة، أنا ما اديتلوش الفلوس في إيده.. أنا عملت تحويل بنكي مباشر من حسابي لحساب الشركة ك رأس مال مؤسس، وورق
البنك وعقود البيع لسة محتفظة بيهم في صندوق مقفول في بيت أمي. هو افتكرني ساذجة، بس أنا كنت أمنته، والأمان مش معناه الغباء.
قررت ألعب معاه نفس اللعبة، بس بقواعدي أنا.
لمدة شهر كامل، مثلت دور الست المکسورة المقهورة. كنت بكح تراب قدامه، وبحسب الجنيه رايح فين وجاي منين. هو كان طاير من الفرحة، شايف خطته بتنجح بالحرف، وبدأ يلمح لي كل يوم لو مش قادرة تدفعي، الباب يفوت جمل.. سيبي الشقة وشوفي حياتك بعيد عني. كان متخيل إني بلم هدومي، بس أنا كنت بلم الأدلة.
سحبت كل رسايله مع المحامي من على اللابتوب وطبعتها. جمعت كشوفات حساباتي القديمة، ووثقت كل مليم دفعته في تأسيس الشركة اللي كبرت على كتافي.
وفي آخر يوم في الشهر، اليوم الموعود اللي كان مستني أرفع فيه الراية البيضا.. دخل البيت بليل، لابس أشيك بدلة عنده، وريحة البيرفيوم بتاعه سابقة خطواته. دخل وهو بيبتسم ابتسامة المنتصر وقال ها يا ندى؟ جهزتي ال ٧٠٠٠ جنيه؟ ولا أكلم بتاع العفش يجي ينزل شنطك؟
كنت قاعدة على نفس الترابيزة اللي اشتريناها سوا زمان، بس المرة دي
ماكنتش لوحدي. كان قاعد معايا أحمد، المحامي بتاعي.
بص طارق بذهول وقال إيه ده؟ مين ده وبيعمل إيه في بيتي؟
وقفت بكل هدوء، ومسكت دوسيه مليان ورق وحطيته قدامه على الترابيزة. قولتله وصوتي ثابت مافيهوش رعشة واحدة
ده مش بيتك لوحدك يا طارق.. والورق ده مش فلوس الإيجار اللي طلبتها.. دي دعوى إثبات شراكة في الشركة بتاعتك بنسبة ٥٠٪ بناءً على التحويلات البنكية الموثقة اللي أسست بيها شغلك. ودي دعوى طلاق للضرر مرفق بيها كل رسايلك مع محاميك اللي بتثبت سوء نيتك
وتخطيطك لطردي عشان تتجوز رانيا ببلاش.
وشه بهت. الألوان اتسحبت منه كأن حد دلق عليه مية تلج. صوته طلع مخڼوق وهو بيبص للورق إنتي.. إنتي بتقولي إيه؟ ورق إيه وشراكة إيه؟ إنتي مچنونة؟
رد المحامي بتاعي بحسم مدام ندى معاها كل الإثباتات يا باشمهندس. وبناءً على الورق ده، تم تقديم طلب للنيابة بالحجز التحفظي على حسابات الشركة لحد ما يتم الفصل في الڼزاع المالي. يعني ببساطة، الشركة اللي بتخطط تتجوز من أرباحها.. بقت متجمدة.
طارق وقع على الكرسي كأنه حتة قماشة دايبة.
كل النفخة الكدابة والغرور اتبخروا في ثانية. الغرور عماه لدرجة إنه نسي إن الست اللي بتبني، بتعرف تهد كويس أوي لو اتغدر بيها.
النهاية
المحكمة حكمت لي بنص الشركة، وبكافة حقوقي الشرعية والقانونية في الطلاق للضرر. الشقة؟ سيبتهاله.. مابقيتش تلزمني بعد ما ريحة الخېانة عشعشت فيها. اشتريت بيت جديد لنفسي، وبدأت مشروعي الخاص بنصيبي اللي أخدته من الشركة.
أما طارق؟ أول ما رانيا عرفت إن نص ثروته طارت، وإن حساباته اتجمدت وبقى غرقان في قضايا.. اختفت من حياته أسرع من ما دخلتها. رجع لنقطة الصفر، قاعد في شقة كبيرة فاضية، بيدفع تمن غروره واستقواءه على الست اللي كانت ضهره.
الدرس اللي اتعلمته وبقوله لكل ست
أوعي تضحي لدرجة إنك تمحي وجودك. الجواز مشاركة، مش استثمار فاشل تطلعي منه مديونة. خليكي دايماً فاكرة إن قيمتك مش في كونك شغالة ببلاش، قيمتك في إنك شريكة.. والشريك الذكي بيكتب عقوده، وبيحفظ حقوقه، والأهم.. مابينامش ويسيب بيبان حياته مفتوحة للي مايصونش الأمانة.
تمت
تعليقات
إرسال تعليق