سكريبت ست وراجل في زنزانة واحدة!!! كامله
سكريبت ست وراجل في زنزانة واحدة!!! كامله
° يعني انتي عوزاني اسجن ست وراجل في زنزانة واحدة!!!
_ أيوة يفندم أي المشكلة؟
° دا مجرم دارك ويب ، انتي فاهمة يعني أيه؟ دا ممكن يقطعك لو شافك ، اهدي كده وفكري في طريقة تانية
_ يفندم انت عاوز شركائه ، وانا وانت عارفين أنه مش هينطق بحرف ولا هيعترف بحاجة ، ف الخطة ايه؟ الاستدراج
° بصي يمريم أنا منكرش انك من اشطر الظابطات الي موجودين هنا وانك ساهمتي في قضايا كتير واثبتي نفسك في وقت قصير ، بس الي بتطلبيه دا خطر عليكي وانا مينفعش اجازف بيكي
_ متخافش يفندم ، ثق فيا أنا هعرف اتصرف
° وانتي فاكرة انك لما تنزلي معاه الحبس الانفرادي دا مش هيثير شكوكه!
_ نقول مثلا أننا هنترحل سوا ، أي عذر يخليني جوا
افضل أنه ينزل ظابط راجل
° بس الي بتطلبيه دا شبه مستحيل
_ لازم نحاول يفندم ، دي من ابشع الجرايم الي ممكن تحصل ، لو ممسكناش أعوانه فيه اطفال كتير ملهومش ذنب هتتقتل بطريقة بشعة ويتصوروا بس عشان الفلوس ، لازم نحاول ، صدقني مش هنخسر حاجة
بعد إقناع أخيراً وافق ، نزلت مع العسكري وزقني علي جوا ، كان قاعد جنب الحيطة ، بصلي ب استغراب بس رجع بص قدامه تاني
قعدت قدامه _ ازيك؟
=..
_ أنا كنت في انفرادي بردو ، اصل جاية في قضيه قتل ، وانت؟
مكنش بيرد عليا خالص! ، كنت ببصله بتمعن ف رفعت حاجبي _ غريبة!
إلتفتلي = فيه ايه ؟
_ العسكري وهو جايبني علي هنا ، قعد يحظرني ويقولي انك قاتل ، قاتل بدم بارد ، ف كنت متخيلة اني هدخل اشوف اجحد راجل هقابله في حياتي!
رجع لصمته تاني _ يعني كلنا بيجي علينا وقت بنعمل فيها حاجات غصب عننا ، يمكن ظروف ، يمكن الفلوس ؟ ، سمعت إن الدارك ويب بيكسب دولارات
= سبيني في حالي
_ مصعبش عليك وانت بتقتله؟ طفل ملوش اي ذنب غير أنه وثق فيك وجه معاك! صدقك انك هتلعب معاه ، تفتكر ذنبه أنه برئ؟ ولا ذنبه إن قدره وقعه قصاد انسان زيك؟
بصلي ب استغراب = انتي عرفتي كل دا منين ؟
_ قضيتك قضية رأي عام
= الي يسمعك يقول فيلسوفة ، انتي كمان جاية في قضيه قتل!
_ بس شكلك ميديش انك تعرف تقتل نملة
= يمكن
_ اي يخلي واحد زيك يقتل؟ للدرجاتي كنت محتاج الفلوس ؟
= بقولك ايه أنا مش عاوز اتكلم ، يا تسكتي يا تقعديلك في جمب أنا مش ناقص صداع
_ باين عليك اوي انك بتحور وانك مش انت الي قتلت
اتعدل وبصلي بسرعة = أي الكلام الفارغ دا؟ لاء طبعا أنا الي عملتها
_ لو فيه مراية هنا كنت وريتك عنيك الي مفيهاش غير غلب وخوف ، لا فيها ذرة واحدة من الانتقام ولا الطمع ولا حتي الشر
= مهو.. لازم يبان علينا طيبين لأحسن نتكشف ، امال العيل رضي يجي معايا لي؟ عشان آمنلي
_ تعرف؟ أنا عمري ما حسيت بحاجة وطلعت غلط ، مش انت الي عملتها ، استحالة
= بقولك أنا الي قتلت ، أنا اعترفت وانا الي هتحاسب ، سبيني في حالي بقي! ، يباشا
_ أنا عارفة انك عرفت اني ظابط ، اصل مستحيل واحد في ذكائك ميكشفهاش
= عليكي نور يباشا ، وانا قولت كل الي عندي في النيابة ، ايه نزلك؟
_ من أوائل دفعتك خمس سنين ، وسمعتك زي الدهب وعمرك ما أذيت حد ، يوم ما تأذي تقتل؟ مظنش
= اهو الي حصل ، واه كنت محتاج فلوس
_ أنا هساعدك يا احمد ، ساعدني نمسكهم أنا مش هعرف اعمل اي حاجة من غيرك
= أنا الي عندي قولته متتعبيش نفسك
خرجت من الزنزانة وروحت مكتب الريس
° قالك بالسرعة دي!!
_ أنا شايفة أننا نفرج عنه
° انتي جاية تقوليلي كده؟ ، أنا كنت فاكرك هتعرفي أعوانه وتقوليلي خطة للقبض عليهم ، مش تيجي تقوليلي اغبي قرار سمعته منك
_ يفندم المتهم دا برئ
° دا اعترف ، والاعتراف سيد الأدلة يا حضرت الظابط ولا مدرستيهاش دي؟
_ بس أننا نعدم واحد برئ ونسيب المتهمين الحقيقين دا مش الي درسناه بردو يا فندم!
° أنا مقدرش أخالف القانون ، انتي بتطلبي المستحيل
_ أحنا هنخرجه ونتابعه اول ب اول ، اكيد المجرمين الحقيقين هيقابلهم ولو حتي مرة واحدة ، يفندم دي فرصتنا للقبض علي المتهم الحقيقي
° وايه خلاكي متأكدة أنه مش مذنب زيهم ؟
_..
° هتقوليلي احساسك ؟ تاني؟
_ أنا حليت خمس قواضي قبل كده ب احساسي يفندم وحضرتك عارف أنه بيطلع صح
° بس انتي في مكان المفروض احساسك فيه يبقي ميت وتمشي ورا العقل والأوراق والأدلة الي قدامك
_ علي مسؤوليتي يفندم
° نعم؟
_ هنخرجه علي مسؤوليتي
° انتي عارفة لو طلع مش برئ انتي جزائك هيكون ايه؟ ، هتتوقفي عن العمل وتتحولي للتحقيق وهتطردي من الشغل
_ عارفة ، ومصرة أنه يخرج ، لو قدامي لو حتي واحد في المية أني ألاقي الحقيقة هعمل كده
°..
_ ارجوك يفندم ، ارجوك ساعدني احل القضية دي
الغلطة ب فورة ، مفيش مجال للغلط ، الغلطة ب مستقبلي كله .
نزلت الزنزانة وبصتله _ انت هتخرج النهاردة
= اخرج؟ ، هخرج ازاي ؟
_ هتخرج علي مسؤوليتي
= يا باشا الي بتقوليه دا جنان ، مستقبلك هيضيع
_ وانا متأكدة انك معملتش حاجة ، ساعدني ألاقي الي ورطوك ، لو ساعدتني القضية دي هتخلص وهتنقذ أرواح اطفال كتير تانية
= أنا معرفش حاجة ، وقولتلك قبل كده اني أنا الي عملت كده
_ انت متعرفش تعمل حاجة
= وانتي متعرفنيش
_ أنا عندي حاسة سادسة ابهدل بيها القسم ب الي فيه ، انت لازم تتكلم ، لازم تقولي هما مين ، اوعدك اني هحميك
=..
_ انت هتخرج ، أنا لو معرفتش احل القضية دي حياتي هتنتهي
= وانتي بتعملي في نفسك كده ليه؟
_ عشان اجيب حق الطفل الي اتقتل وابرد قلب أهله ، وعشان أنا حالفة قسم بعد ما اتخرجت من الكلية وعاهدت نفسي مخافش ، أحمد أنا متأكدة انك راجل كويس ، وعارفة إن ليك ظروف خلتك تيجي وتعترف علي نفسك ، بس صدقني أنا هعرف احميك محدش فيهم هيعرف يعملك حاجة
= أنا معنديش حاجة أقولها
_ طيب ، إجراءات افراجك بتتم
= انتي راحة فين؟
_ لو مش هتساعدني أنا هعرف أحلها ، بس يكون في علمك لو اتفصلت أو جرالي حاجة وربنا ما هحلك عشان نبقي علي نور
خرج ، كنت بروحله بيته تقريباً كل يوم بس من غير اي فايدة ، مكنش راضي يعترف ب أي حاجة ، برغم إنه متهم في قضية زي دي بس انا عمري ما شوفت راجل ملامحه بالبراءة والهدوء دا ، ازاي عاوز يقنعني أنه يقتل ؟ وليه احساسي بيه قوي اوي كده كأني اعرفه من زمان ؟
طلعنا قعدنا علي السطح _ قولي صحيح انت ليه مشتغلتش ؟
= انتي عارفة عني كل حاجة ؟
_ عيب عليك ملفك عندي
= محدش كان راضى يشغلني ، مفيش فرص عمل ، يمكن عشان كده عملت الي عملته
_ ليه مصمم تشتال حاجة مش انت الي عملتها؟
= انتي الي مصممة متصدقيش
_ عشان قولتلك اني حاسة..
= يباشا مينفعش تحسي ، انتي بتضيعي نفسك وشغلك ، محدش هيعمل الي بتعمليه دا ، القضية كانت اتحلت
_..
= انا ميرضنيش تتأذي بسببي ، أنا همشي معاكي دلوقتي وترجعيني القسم وتخلصي شغلك ويا دار ما دخلك شر
_ ابقي مغفلة لو خليتهم يعدومك
= وانتي يعني خايفة عليا ؟
_ اه خايفة عليك
سكتنا احنا الاتنين ، ايه الي قولته دا؟ وليه اصلا اخاف عليه؟ وليه مش عارفة إجابة أي سؤال بسأله لنفسي؟
_ بطل تبصلي ، أنا بشوف شغلي مش اكتر ، أنا عاوزة انزل عشان الدنيا بردت ،
نزلنا تحت وعملنا شاي = الشاي يباشا
_ مش هتتكلم بردو ؟ ، طب لو حد شافني داخلة خارجة من عندك كل يوم يقول عليا ايه؟
= خلاص متجيش تاني
_ طب والريس الي مستنيني احل القضية يا اما يجلدني دا ايه ؟
ضحك = انتي غلطانة انك خرجتيني من الأول
_ أنا عارفة أنهم زمانهم مهددينك أو ماسكين عليك حاجة
= انتي مبتتعبيش يباشا؟
الباب خبط ، كان راجل ، شكله مريب ، لابس اسود
بصلي ° الظاهر إني جتلك في وقت مش مناسب
= لاء دي قريبتي ، تعالي
° كنت عاوزك في كلمة كده لو مش هضايق الحلوة
_ لاء ابدا ، أنا كنت ماشية
خرجت برا وطلعت موبايلي ، كنت موصلة جهاز تصنت وسيبته في وسط الكنبة ، يعني لما رأفت الهجان
° انت خرجت ازاي؟
_ قالوا القضية اتقفلت لعدم كفاية الأدلة
° نعم يا اخويا؟ دا انت اعترفت هو فين دليل اكتر من كده؟ ولا انت قولتلهم غير الي اتفقنا عليه؟
_ قولتلهم والله ، أهل العيل راحوا وشهدوا اني برئ واني مش الي شافوه بياخد الواد
° يعني شافوني انا؟
_ محدش عارف أنه انت
° الظاهر انك مش خايف عليها
اتوتر _ أنا عملت كل الي قولتولي عليه
° لو رجلي جت في حاجة صدقني هنفذ الوعد الي وعدهولك
مشي من عنده ف استنيت لما اختفي وخبطت علي الباب _ مين دا يا احمد؟
= سبيني في حالي اعملي معروف
سمعنا صوت وقع في الأوضة ، جري ودخل وخرج
= أمي..
دخلت لقيتها واقعة علي الارض ، طلبت الإسعاف بسرعة وجم شالوها ، كانت دخلت في غيبوبة سكر بس فاقت بعد ما خدت العلاج ، روحنا البيت تاني ، قعدنا في الصالة ومامته دخلت ترتاح
= مريم
_ مريم؟ ياه دا الألقاب اتشالت وروحنا في داهية
= أنا آسف مش قصدي
_ بهزر يعم ، قول فيه ايه؟
= أنا متشكر ، أنا مش عارف اشكرك ازاي انك لحقتي امي
_ ربنا يخليهالك ، معملتش حاجة
= بتهيقلك ، انتي انقذتي اغلي حاجة عندي
_ لما وقعت قدامك حسيت انها هتروح منك؟ ، دا نفس احساس اهل الطفل الي اتقتل يا احمد ، بس انت لحقتها هو معرفوش يلحقوه
= أنا حاولت ألحقه والله حاولت بس معرفتش ، كانوا اسرع مني وكانوا مكتفني وشوفت كل حاجة ب عنيا ومعرفتش اعمل حاجة
_ أهدي طيب أهدي ، حصل ايه ؟
= يومها سمعت حمادة وهو بيصرخ ومرة واحدة صوته اختفي ، جريت علي مصدر الصوت لقيت..
= لقيت ايه ؟
_ لقيت عبده الي شوفتيه عندي واخده ومسلمه لناس تانية ونزلوا بيه مخزن ، نزلت وراهم عشان ألحقه بس كتفوني لما شافوني ، والله يا مريم حاولت ، والله كان غصب عني
= وبعدين؟
_ هددوني إن فتحت بوقي هيقتلوا امي ، كنت عارف أنه اسهل حاجة بالنسبالهم يعملوا كده ، ف روحت سلمت نفسي علي أساس أنه أنا عشان احميها
= عارف شكلهم؟
_..
= عارف شكلهم يا احمد مش كده؟
_ عارفهم ، بس عبده عمره ما هيتنطق لو مسكتوه أو حتي عدمتوه مش هيفرق معاه
= يبني هو انا تلميذة؟ هنمسكه متلبس
_ ها؟
= تساعدني؟
_ أنا افديكي ب روحي يا مريم
= امممم ، يعني تاخد بدالي رصاصة مثلا؟
_ لاء مش للدرجاتي بالسلامة انتي
ضحكت = حمدالله علي سلامة مامتك ، بكرة نتكلم اكون عملت خطة كويسة
روحت القسم بسرعة وقولت للريس الي حصل وبدأنا نرسم خطة ، هنكون محتاجين ايه؟ طفل عشان شغلهم يمشي تاني وقوي تحاصر المكان ، جبنا ابن اخت ظابط معانا ، كل حاجة بقت جاهزة .
روحت وشرحت ل احمد كل حاجة واديته الطفل وقولتله اني هبقي متبعاه اول ب اول
° انت أيه الي جابك؟
_ محدش راضي يشغلني بعد ما عرف الي حصل وممعييش قرش ، أنا عاوز اشتغل معاكم
° انت؟ وانت تعرف تعمل حاجة من الي بنعملها؟
_ أنا جايب واد معايا برا ، بس ليا النص يعبده
° نص مرة واحدة ؟ الربع وانا والي معايا الباقي قولت ايه ؟
_ آمين
° طيب ، هاته وانزل المخزن وانا هكلمهم يجوا ومعاهم العدة واجيلك
نزلوا المحزن وأحمد قعد وقعد سليم علي رجله
° اي المكان دا يا عمو ؟
_ متخافش يا حبيبي أنا معاك ، اقرأ قرآن في سرك وطنط مريم زمانها جاية
° تقضي علي الاشرار؟
_ دي هتعدمهم العافية
المكان بدأ يتجهز وحطوا الكاميرات ، القوي دخلت بسرعة بعد ما هما مسكوا السكاكين
= المكان كله محاصر ، نزلوا الي في ايدكم
احمد شد الطفل عنده وفجأة طلعوا مسدسات وبدأوا يضربوا نار ، اتقتل فيهم واحد واتقبض علي اتنين ، الرابع وقف ورايا _ مريم حاسبي
الطلقة جت فيه هو! ، الظباط قبضوا عليهم وانا نزلت علي الارض = أحمد ؟ أحمد انت سامعني؟
_ مكنتش هسامح نفسي لو جرالك حاجة
= اسعاف بسرعة ، اطلبوا الإسعاف ، احمد استحمل شوية خليك مفتح عينك ، خد نفس بالراحة و..
_ مش هيلحقوا يوصلوا
= لاء لاء مش هيجرالك حاجة ، احمد ؟؟؟
الاسعاف وصلت بس كان نزف كتير ، اتنقل للمستشفى ، قعدنا تلت ايام بين عملية و علاج ونقل دم وإنعاش! ، فاق ، أخيراً .
= مريم؟؟ ، أنا فين؟
اتنفست ب راحة _ في المستشفى ، انت كويس؟ حاسس ب حاجة؟
= أنا الحمد لله كويس
_ الحمد لله يارب
= انتي قلقتي عليا ؟ مريم هو انتي كنتي بتعيطي؟
_ أنا ؟؟؟ طب بلاش هبل في الكلام أنا عمري ما عيطت
= لاء أنا فاكر انك عيطتي والله
_ يبقي الطلقة أثرت علي دماغك
= يخربيت الجحود ، ربنا مش مقدرك تقولي حاجة حلوة ، طب قوليلي المهم ، اترقيتي؟
_ اترقيت ، صرفولك مكافأة كبيرة اوي ، شكراً يا احمد ، وشكراً انك أنقذتني ، خدت بدالي رصاصة!
= خدتي بالك؟ ايه رأيك في النطة؟ ولا امير كرارة في مجده
ضحكت _ لاء الصراحة عجبتني
بعد اسبوع خرج من المستشفى ، بدأ يدور علي شغل وبردو ملقاش رغم أنه أوائل دفعته ، لاء دا انا مضطرة اتدخل بقي مدام الذوق مش جايب همه
= يعني الشركة بجد قبلتني؟
_ بقولك الCV بتاعك محصلش
= مريم ؟؟؟؟
_ حطيت المسدس علي دماغ المدير بقولك ايه مدخلنيش في تفاصيل ادخل مكتبك
قربنا من بعض ، بقي اقرب حد ليا! ، حسيت مع احمد حاجات اول مرة أحسها ، مكنتش معاه ست قلبها ميت ميهمهاش الا شغلها ، كنت معاه بنت رقيقة ، بنت مكنتش متخيلة أنها جوايا ، وحبيته! كانت بالنسبالي حاجة غريبة وكنت بنكر شعوري تجاهه بس ازاي عنيا تنكر؟
_ نعم؟
= ديت ، ننزل خروجة أنا وأنتي
_ انت فاكرني من بنات الزمالك ولا ايه؟
= أنا عندي شغل
_ أنا مش جاية ، اقفل واتمسي وقول يا مسا
= بعتلك اللوكيشن متتأخريش بقي
ديت ايه؟ احنا فين ؟ وفين مبادئي ، فين اساسياتي ، فين الدولاب ؟
لبست فستان! لاء دا انا اتجننت رسمي بقي وحاجة قلة ادب وولهانة وبتاع؟ ، دا احنا بدأنا نخيب دا لو مكناش خيبنا فعلاً ،
_ اول مرة اشوفك لابسة فستان
= لاء مهي دي اول مرة ألبس فستان فعلاً ، الهيبة راحت
_ بس شكلك.. تحفة
ابتسمتله ف النور قطع ، النور جه بس كنت قلبت الطربيزة وقعدت وراها وطلعت المسدس من الشنطة
= اتحامي يا احمد عملية اغتيالي
_ مريم؟
= اعدائي كتروا ، عرفوني ازاي ؟ انا المفروض متنكرة في صورة أنثي
_ مريم ؟
= اقلب طربيزة جمبي مفيش وقت لو جرالك حاجة هزعلك
بصيتله وهو واقف معاه علبة وفاتح بوقه
= ايه دا؟
_ دي مفاجأة والمفروض دي فكرة عشان اتقدملك!
= ها؟ ، اقسم بالله ؟
قومت من مكاني _ جبتي المسدس دا منين؟ انتي نازلة ديت بمسدس؟
= طب اعمل ايه ، بقولك مهددة
بص ل مدير المكان _ معلش هي مش قصدها تقلب الطربيزات ، هي بس اتوترت ، لما تتوتر بتجيب المكان عاليه وطيه معلش أنا آسف ، اقعدي
قعدت وانا بعدل هدومي = وانت يوم ما تعمل مفاجأة تعمل إن النور قطع ؟ ، ما طبيعي احس إن فيه كارثة
_ أيوة فعلا انا الي غلطان
= كنت بتقول ايه بقي؟
_ لاء فكك خلاص مفيش منه ، دا نور قطع واتشقلبتي امال لما اقولك بحبك هتعملي ايه
= ايه؟ قولت ايه؟
_..
= لاء أنجز بالله عليك عشان أنا عندي مأمورية الصبح
_ لاء قومي روحي بجد
ضحكت وبصتله = مريم ، أنا بحبك تتجوزيني؟
_..
= اوعدك اني هعمل أي حاجة عشان اسعدك وهفضل دايما جمبك ومعاكي
_ طيب اديني فرصة افكر
= مش هينفع والله ، نوح وداليدا مستنين
_ نوح وداليدا مين؟
= عيالنا ، باباكي فاضي امتي؟
____
° ماما ، ماما ؟
فوقت علي صوته ولبس الشغل كنت مسكاه في ايدي
_ أيوة يا حبيبي؟
° اللبس دا بتاعك ؟
_ أيوة ، مامتك كانت اشطر ظابط شرطة
° وليه سبتي الشغل؟
_ عشانك ، لما جيت الدنيا قولت..
= تتهدي بدل ما تاخديلك رصاصة تمددك واحتاس أنا بالعيال؟
ضحكت _ نوح حبيبي روح اغسل ايدك عشان احط الاكل
= الشغل وحشك؟
_ اوي
غمز = بس مريلة المطبخ عليكي أحلي
_ بفكر انزل الشغل تاني
= مريمممم؟؟؟ تاني؟؟؟؟؟؟
_ قال قولي يا احمد تاخد بدالي رصاصة؟
مريم سمير 🤍.
تعليقات
إرسال تعليق