إسكريبت بقلم جنه جابر
إسكريبت بقلم جنه جابر
أنا مش عايز أكمل معاك.
ليه أنا عملتلك إيه أنا قصرت معاك في شئ!.
مقصرتيش بس أنا ولا مرة حبيتك أنا متجوزك علشان أهلي وقرراتهم بس أهو أمي راحت وأبويا راح وراها من الزعل.
مسكت فيه ودموعي بتهرب من عيني
نادر أرجوك علشان عيالك دول اللي ملهمش ذنب متعملش كدا.
أسف لازم أعيش حياتي.
زعقت بإنفعال
حياة إيه وعيالك سيبك مني عيالك اللي معدوش ال ٦ سنين ذنبهم إيه
وأنا كان ذنبي إيه أتجبر على الجواز دي.
إنت مكنتش كدا.
أديني بقيت كدا.
شد إيده من إيدي وبصلي بجمود
أنين إنت طالق.
سابني مع توهتي دي ونزل من البيت مش مستوعبة نادر إزاي
إتخلى عني بالسهولة دي أنا كنت بحبه بس هو طلع ميستاهلش ده ضړب بالسبع سنين اللي بينا عرض الحائط ومشي بصيت ورايا لقيت ليال و جاسر جايين ناحيتي وبيسألوني فيه إيه طيب أقولهم إيه بابا إتخلى عني وعنكم!
إنت اللي معرفتيش تحافظي على بيتك طفشتيه يا شيخه حرام عليك كنتي فكرتي في عيالك الأول شوفي مين هيصرف عليهم بقا.
سمعت الكلام القاسې ده وأنا قاعدة قدام ماما
يا ماما هو اللي جه فجأة وطلقني.
والله منه لنفسه كدا ولا إنت اللي طول عمرك مش مسؤولة ده بدل ما تشيليه في محنته أبوه وأمه توفوا.
إنت إزاي بتغلطيني بالشكل ده مش أنا بنتك
برضوا بتعامليني كدا ليه وكأن طلاقي ده حاجه مينفعش تحصل أبدا.
أه طبعا طلاقك ده غلطة مينفعش تحصل ابدا ولو كنتي جايه مستنيه مني أصرفلك على عيالك ف وريني عرض كتافك أحسن فلوسي على قد دوايا اللي بجيبه كل شهر.
وقفت وأنا بحط شنطتي على كتفي ناديت ل العيال وقولتلها
شكرا أنا ربنا معايا أحسن من أي حد.
شديت إيدي على إيد عيالي ومشيت بجر خيبة أمل جديدة حاولت أنزل بعدها أشتغل بشهادتي اللي هي كلية تجارة و إكتشفت إن كل اللي يعرف إني مطلقة بلاقي منه معاملة تقرف.
طلعت أخر اليوم البيت وأنا مش معايا ولا شغلانه فلوسي قربت تخلص بعد
ما بيعت دهبي حلقي وغوايشي ونسيت دبلتي اللي شيلتها من اليوم اللي إتهانت فيه في بيت ماما أو بمعني أصح إتطردت أنا وولادي.
ماما أنا وليال جعانين أوي ومش لاقيين حاجه ناكلها.
قومت وإتجهت للتلاجة لقيتها بالفعل فاضيه مفيهاش غير نص لمونة مرمية و طبق عسل إسود اللي فكرني بحياتي تماما كان كلها عسل بس إتضح إنه إسود.
خرجته وبصيت نظرة كدا لو فيه عيش ولقيت بالظبط رغيفين على قدهم حطيت الحاجه في صينية و إديتها لجاسر وأنا بمسح على ضهره.
أكل أختك وكل.
وإنت يا ماما مش هتاكلي.
لا يا حبيبي أكلت خلاص وشبعانة.
إبتسم وهو بيقولي
طيب.
دخلت الأوضة بفقدان شغف وأمل مين
يصدق من يوم وليلة حالي يتقلب كدا لمحت شئ بيلمع على الكومود وكان دبلتي إبتسمت وأنا بفكر هبيعها وأنزل أشتري خزين شهرين أو تلاته من الأكل وكمان أدفع قسط مصاريف الحضانة للعيال.
بالفعل تاني يوم إتجهت للصايغ وبيعت الدبلة لكن خطړ في بالي فكرة إنه أتخلص من نظرات الناس المقرفة ليا بما إني مطلقة وأشتري دبلة فلصو إشتريتها ولبستها و جيبت خزين البيت بالإضافة إني دفعت القسط فرحت جدا إنها إتيسرت.
مبطلتش أدور على شغل في الشوارع والمحلات و حظي مكنش في صالحي لحد ما لقيت شركة طالبة محاسبين ولكن سنهم المطلوب دخل في قلبي اليأس حبتين روحت وقدمت وأنا سايباها على الله يا تصيب يا تخيب.
مر
إسبوعين لحد ما لقيت تليفوني بيرن و صوت بنت بتقولي إني إتقبلت وهروح الانترفيو قبل ما أبدأ شغلي الفعلي.
يعني إنت خلاص يا ماما كدا هتشتغلي
أه يا قلبي هشتغل لازم أشتغل علشانكم.
ماما وبابا فين ما يشتغل هو ويسيبك معانا
بصيتلهم وقلبي دقاته بيتزيد پخوف أقولهم إيه لسه أطفال مش مستوعبين
بابا مسافر.
ردت ليال بزعل
أصلا وحشني حبة كتار أوي.
حضنتها
حبيبتي وهو وحشتوه إنتوا كمان.
هيرجع إمتا
معرفش مقاليش.
سكتوا بحزن
ماشي.
إسمك إيه أنا إسمي همس
إبتسمتلها
وأنا أنين.
حلو إسمك تيجي في البريك أعزمك على قهوة.
شكرا.
خلاص هستناك ونروح سوا الكافيه.
إتعرفت
على همس لطيفة ومرحة ديما بتخرج من أي موقف حتي لو جد نكته وجودها زي الهوا الساقع اللي بيخفف ڼار قلبي جميلة وده أكيد من جمال روحها وخفتها.
مالك مكشرة كدا ليه
العيال زمانهم طلعوا من الحضانه والمفروض اروح أخدهم ومع علم المدير الغتت اللي هتشاكل معاه دلوقتي ده مش عايز يطلعني.
غتت فعلا طيب ما تخلعي سري كدا ربعايه اتطمني عليهم وارجعي.
إزاي
تعالي هخرجك أنا خلصت شغل وهوصلك.
خلصتي بدري يعني.
اه منا هيتخصملي كدا كدا علشان رايحه أجهز نفسي ل خطوبة أخويا الكبير.
ضحكت
طب يلا بسرعة علشان العيال.
وصلتني الحضانة والدادة الخاصة بالحضانه كتر خيرها فضلت
قاعدة بيهم لحد ما أجي أخدهم عرفتهم علي همس وجابتلهم حجات حلوة و بعدها طلعتهم عند جارتي يلعبوا مع عيالها عقبال ما اخلص.
بدأت أحوش مبلغ لأجل فكرة إني أعرف قضية نفقة على نادر لأجل عيالي لأجل ياخدوا أبسط حقوقهم وهي إن والدهم يصرف عليهم.
همس متعرفيش محامي شاطر
أه أعرف طبعا.
متأكدة إنه شاطر
شاطر ويمشيلك القضية وتكسبي فيها كدا وانت مغمضة عينك.
طيب إديني تفاصيله لو تعرفي عنوان المكتب و إسمه إيه
إسمه أدهم محمد ويبقي أخويا بكل فخر و مكتبه عنوانه بسيط خالص أخر شارع..
السلام عليكم.
وعليكم السلام أهلا بحضرتك إتفضلي أقعدي.
قعدت قدامه وأنا
مستغربة مهندم على عكس همس تماما!
تحبي
تشربي إيه
أشكرك أنا جايه بخصوص القضية اللي حابة أرفعها.
إنتبه لكلامي وهو بيفتح ورقه
قضية إيه
نفقة.
رفع راسه من فوق الورق وهو بيبص لإيدي اللي فيها الدبلة
حضرتك متزوجة
مطلقة.
علق عيونه على الدبلة ف داريتها بإيدي إنتبه وبدأ يكتب التفاصيل.
طيب أخر سؤال قبل ما نرفع القضية هل حضرتك إتنازلتي عن المؤخر
رجعت بدماغي لورا وإفتكرت إن والدي رفض يكونلي مؤخر بحجة إنه بيشتري راجل!
أنا والدي مكتبليش لا آيمه ولا مؤخر.
يعني كدا مفيش مؤخر صداق
لا مفيش.
روحت من عنده وأنا الراحة النفسية متملكة مني هجيب حق أولادي وعلشان يعرف إن
الجواز مش لعبة بنت الناس مش لعبة أبدا.
ألو.
ألو أيوه يا أنين.
سمعت صوته وإتجمدت ف كمل
أنا بكلمك علشان أقولك حاجه واحدة أنا عاوز الشقة ومحتاجها عندك بيت أهلك روحي أقعدي فيه إعملي حسابك هاجي يا بليل يا بكرا بالكتير أخدها منك.
أنت إيه بجد حرام عليك اللي بتعمله في عيالك ده يا أخي.
قفلت الخط في وشه وأنا مش عارفة جايب كمية البجاحة دي من فين طيب مفكرش في عياله وشعورهم لما يشوفوا أبوهم بيخرج أمه من بيتهم!
تحكمت في أعصابي ومسكت موبايلي رنيت على المحامي وإنتظرته يرد وفي نهاية الرنات كانت السامعة إترفعت وسمعت صوت سكرتيرته
ألو.
ألو أهلا بيك يا فندم معاك سكرتيرة أستاذ أدهم.
كنت متصلة علشان أبلغ أستاذ أدهم بشئ ضروري وبلغيه إني مدام أنين صديقة همس.
طيب لحظة واحدة.
شوية وسمعت صوته بيتكلم
ألو السلام عليكم مدام أنين.
وعليكم السلام أستاذ ادهم.
إتفضلي.
نادر كان بيكلمني من شوية وشبه بيهددني إنه هياخد البيت ومحتاجه وعايزني أسيبه وأمشي أروح لأهلي.
إبتسم نص إبتسامة جانبية
بسيط بسيط متقلقيش من الكلام ده إنت هتجهزي وتروحي القسم و تستني هناك هبعتلك حد من مكتبي وهيتابع الموضوع معاك هيعملك تمكين بالشقة وبالمرة محضر بعدم التعرض وإنتهى الأمر.
إرتحت من الكلام لسه قدامي الطريق مش مسدود
تمام.
تمام مسافة السكة مع السلامة.
بعد ما عملت محضر التمكين وعدم التعرض طلبوا
نادر يجي يمضي على المحضر روحت من القسم وطمنت ليال و جاسر وخدتهم في حضڼي ونمت.
مرت أيامي متنقلة بين المحامي والقسم والنيابه وورق رايح ووراق جاي تعبت بس صبرت لأجل عيالي مصاريفهم بتزيد وطلباتهم بتزيد عليا لحد ما إتحدد معاد جلسه في المحكمة وأخيرا.
شهور مستنيه الجلسه ومعادها وأدي العيال داخلين الإبتدائية مصاريف تانيه ودنيا جديدة الشعور مختلف سؤالهم المتكرر عن أبوهم كتر.
وأخيرا معاد الجلسة جارتي إيمان سابت عيالها يلعبوا مع عيالي ونزلت معايا همس كانت معايا بس ماما مكانتش معايا أكتر واحده المفروض محتاجالها في الوقت ده بعد بابا نسياني بل تكاد تكون متبريه مني.
بدأت الجلسة وبدأ أدهم
يتكلم
سيدي القاضي حضرات المستشارين
أتقدم إليكم بدعوى النفقة لموكلتي الحاضنة أنين أحمد عبد الرحمن من الطليق نادر سيف الدين حسن وذلك لمشقة المصروفات عليها..
قرب من القاضي وحط ورق إثبات شغل نادر والقاضي حطها قدامه وكمل كلامه عن الورق اللي بين إيدين القاضي وإتدخل محامي نادر و إعترض.
سيدي القاضي ما يقوله الزميل ليس صحيح ف موكلي قد ترك العمل في شرم الشيخ منذ شهر.
ولكن سيدي القاضي هذه أوراق موثقه قدام حضرتك أهو شخص بقاله أكتر من ٧ سنين في شغله ده هيسيبه فجأه قبل الجلسه ب شهر
إتكلموا كتير لحد ما إنتهوا والقاضي أخيرا إتكلم
قضية النفقة تؤجل لإستكمال تحريات النيابة بخصوص دخل السيد نادر سيف الدين حسن رفعت الجلسة.
ومن بعد الجملة دي إتمرمطت سنه ونص في المحاكم متولطش منه جنيه واحد لأجل عياله الكل بيصبرني ولكن الحمل بيزيد عليا أمي مبترفعش التليفون غير علشان تشمت فيا ولكن من جهه تانيه أستاذ أدهم مسابنيش مع حالتي الصعبه دي وقرر مياخدش مني فلوس بعد كدا و همس علاقتي بيها قويت إتجوزت وفي طريقها تخلف وكل شويه تخاف وتقلقني عليها
إيمان علاقتي بيها قويت شغلي رغم صعوبته الا إنه ملجأي الوحيد يوم ما بتخنق كونت علاقات جديده و بقيت عارفه أنين مين وعايزه إيه الشحططته أه مره بس علمتني حجات كتير.
قعدت وهمس بتهديني في الجلسه اللي إتعاد فيها نفس الكلام وده بسبب لوع نادر اللي دوقني المر بكاسات شويه يسيب الشغل وشويه يرجعله وشويه يقول معايا فلوس وشويه يقول معيش ومحدش حاسس باللي أنا فيه!
خلاص يا أنين إهدي ربنا هينصرك المرة دي.
تفتكري إيه هو الحكم النهائي للجلسه دي
هتاخدي النفقه هتاخديها وتكسريه يا أنين مش هيفلت بعملته دي صدقيني أنا وأدهم وإيمان والعيال كلنا معاك وفي ضهرك متقلقيش.
دخل القاضي وكلنا وقفنا وبعدها قعدنا في مشهد معروف ومعتاد كنت بتهز وأنا بسمع الحكم النهائي.
قررت المحكمة حضوريا للحاضنة الأستاذه أنين أحمد عبد الرحمن بأخذ نفقة المحضونين كاملة من الطليق نادر سيف الدين حسن رفعت الجلسة.
محسيتش بنفسي غير وهمس بتحضني جامد خرجنا من المحكمة وأنا بداري وشي من الصحفيين اللي ديما بيكونوا هناك ومجرد ما
ركبت العربية لقيت همس بتمسك إيد أدهم
رن على وليد خليه يحصلنا على المستشفى.
كلنا إستغربنا وقولنا
ليه
وشها إحمر وهي بتتحمل الألم
علشان بولد.
براحة على ياسمين يا أنين هزعلك.
دي ستو أنا.
اللاه ستو أنا أنا إيه يا ستو أنا اللاه قلبي برتقان بصرة ملكك وإنت حرة تعصرية عصير.
ضحكت عليها
إنت مشكلة.
نزلت ياسمين اللي طلعت تجري تلعب مع ليال وجاسر ف بصيت لهمس
إستني أرن على إيمان تجيب معاها حجات حلوة وسناكس.
كنت رايحة أمسك الفون أرن عليها لقيت همس طلعت سکينه
من وراها زي مربوحة بالظبط وهي بتقول
فين الكبير يجي يطخك عيارين ونخلص.
لعبت بالسکينة فإيدها
طب مربوحة ولا مش مربوحة
مربوحة ونص كمان.
قعدت مكانها
بحسب يلا إنتهت الفقرة رني على إيمان يلا.
ضحكت وأنا بضغط على رقمها وكلمتها وبعد ما خلصت كلام لقيت ماما بترن عليا ف رديت عليها والجرس بيرن ورايا ف جاسر فتح و مرات أدهم جنة وعياله داخلين وراهم إيمان.
أيوه يا ماما فينك
تحت أهو نزليلي حد من العيال
يشغلي الأسانسير ركبي ۏجعاني ومش قادره أطلع ومش عارفه أشغله.
حاضر هنزلك جاسر.
نزلت جاسر يجيب جدته وبعد دقايق إكتملت القعدة أنا نايمة في حضڼ ماما والعيال بيلعبوا قدامنا وبناكل لب وبقيت البنات مستربعين وقاعدين يتكلموا ويرغوا وفجأه ماما إفتكرت اللي حصلي وعيونها دمعوا.
أنين أنا أسفة أنا كنت غلطانه سامحيني.
كلنا إتجمعنا حواليها وانا حضنتها
اللي صار صار وعدى خلاص وخلص المهم اللي جاي يكون أحلى فرفشي بقا.
لقينا همس طالعه بالسکينة مرة تانيه وهي مشغلة الأغنية
قلبك قرع يمد لبرا الچنازة حارة والمېت مفيش.
ضحكنا كلنا عليها وماما ضحكت وخدتني في حضنها.
إستأذنت منهم ودخلت المطبخ أصب العصير وأحضر الفشار عقبال ما الفيلم يبتدي حطيت إيدي على غطا الخلاط وأنا بشغله ودماغي رجعت بيا لليوم اللي همس قعدتني أنا وماما نتصالح سوا وحضنتني وكنت مشتاقة حضنها فعلا مهي أمي سندي اللي باقيلي بعد ما أبويا مشي!
يلا يا أنين الفيلم هيبدأ.
حاضر أوام أهو.
متتنازلش عن حقك مهما كان إسعى وراه مهما كان
التمن وهو هيسعالك برضوا ويرجعلك مهما لف
تمت
تعليقات
إرسال تعليق