نوفيلا العزيز ونعش ابوى الفصل الثالث 3 بقلم شيماء طارق حصريه في مدونة قصر الروايات
نوفيلا العزيز ونعش ابوى الفصل الثالث 3 بقلم شيماء طارق حصريه في مدونة قصر الروايات
الجد :ولد ولدي يبقى بيغير على مرته من جده شفت يا ولدي هي دي اخرتها؟!
عزيز بزعل قال: إيه اللي انت بتقوله ده يا جدي انا متجوز تقى علشان عم حسن وجوازنا لحد دلوقت على الورق إيه اللي انت بتقوله ده انا بقولها كده علشان تطلع اوضتها تريح شويه هي كانت حاسه ان هي تعبانه من شويه وانا قلتلها تطلع تريح قبل ما تتحدت وياك!
تقى راحت سايباه وماشيه وعزيز راح لف وش وقف عند الشباك اللي في آخر القصر تقى كانت زعلانه في الاول بس أول ما لقيت عزيز باين عليه الحزن راحت عليه علشان تشوف هو في إيه.
قالت وهي بتقرب بخطوة: مالك بيك إيه شكلك ما عجبكش حديت جدك هو باين عليه طيب ومليح قوي وانا استريحتله؟!
عزيز رد من غير ما يبص: الغريبه ان انا كنت مستغرب قوي ان جدي تعامل وياك اكده هو ما بيدخلش حد القصر الا الناس الراقيه من الطبقه الاولى بس غريبه قوي ان قلبه ارتاحلك واتعامل وياكي عادي وانا كنت خايف من الموضوع ده
انا كنت فاكر ان هو هيهزقني أول ما يعرف ان انا اتجوزت من بنت عامل عندي في الشركه انا عم حسن طبعا مش اي حد انا كنت بعتبره كيف ابويا الله يرحمه بس برده عقل جدي قديم شويه علشان كده كنت خايف مني!
تقى قالت بصوت مليان بالحزن: هي أيام واول ما نخلص من موضوع خالد تقدر تطلقني ويا دار ما دخلك شر ولو جدك قبل بالامر الواقع دلوقت او أنت قبلت بيه ممكن بعد ما الازمه دي تعدي تطلقني وتشوف واحده من الطبقه العليا وتتجوزها؟!
لف ناحيتها، وبنبرة واطية لكن حزم: اول حاجه انتي مش هتهمل القصر اهنا واصل ثاني حاجه يا بت عم حسن الراجل الطيب اللي انا بعتبره كيف ابوي ما فيش حد هيقدر يقرب منك واصل لانك مرتي وانا ما بقاش راجل لو ما حمتش مرتي اللي هي مسؤوليتي انت فاهماني ثاني حاجه يا ستي انا كنت رافض الجواز من اساسه ومرتي كانت فقيرة قوي كانت من عيله على قدها وانا اتجوزتها
انا عمري ما بصيت للمال لان الانسان بيتعرب باخلاق ومش بفلوسه؟!
تقى قالت وهي بتبعد بنظرها: انا خابره انت ليه مخليني اهنا بس مع الوقت هتهملني وهتنسى وصيه ابوي وأنت مستحملني بس علشان وصيته دلوقت حاسس بالمسؤوليه انا اهنا عايشه كويسه وكل حاجه مجابه ليا بس عشت في بيت ابويا كانت حاجه ثانيه اهنا بالنسبه لي السجن بس واسع حبتين ما اعرفش حد ولا بعرف اطلع بره يعني حبستي في دار ابوي كيف حبسه اهنا بس الفرق ان في دار ابوي مكان انا عارفاه واتربيت فيه وانا صغيرة؟!
قرب منها خطوتين، وقال بنفس الثبات: تقى الحديت خلص انا مش رايق اسمع منك الحديت ده واصل وحتى لو مش مرتاحه هناك في القصر كفايه انه حميكي من غدر الديابه اللي بره اللي رايدين ياكلوا لحمك وانت حيه اهنا تنامي وترتاحي وسيبي كل حاجه على ربنا ثم عليا؟
كلماته نزلت على قلبها زي نسمة برد على جرح مولّع.
مش حب...
🌙 بالليل في اوضه تقى
تقى كانت قاعدة لوحدها ولفه جسمها بالبطانيه وهي قاعده وبتفكر في عزيز وخالد ابن عمها وفي ابوها اللي راح منها في غمضه عيني وسابها للدنيا الغداره اللي ممكن في اي وقت تغدر بيها.
وفجأة الباب بيخبط خبطتين .
فتحت... لقيت "عزيز" واقف، مش باصص جوّا، باصص في الأرض.
قال من غير ما يرفع عينه: دي الحاجات اللي كانت تخص عم حسن جبتها لك قلت يمكن طول ما هي وياكي تفكرك بيه وتديك الامان؟!
مدّ إيده، وهي خدته، وإيديها بترتعش...
قالتها بصوت ضعيف وفي حزن، لكن كانت أول كلمة فيها راحة.
"شكرًا
عزيز اول ما شايف الدموع بتلمع في عيون تقى وهي حاضنه حاجات ابوها قالها :
لو رايده تيجي تقعدي وياي انا وجدي إحنا قاعدين في الجنينه؟!
تقى بحزن: لا مش رايده اروح مطرح انا هفضل اهنا؟!
عزيز: لو نزلتي وقعدت مع جدي شويه والله هتنسي الدنيا وما فيها يلا تعالي؟!
تقى وهي بتبص لحاجه ابوها وبعد كده حست ان عزيز عايزها فعلا تنزل تقعد معاه رغم ان هي ما كانتش عايزة تقرب منه لان عارفه ان هي في الاخر قلبها هيتوجع لان ده راجل من اول يوم شافها فيه وهو قايل لها ان هو كان بيحب مراته مش هيحب غيرها لدرجه ان هو دفنها في جنينه القصر علشان تكون قريبه منه حتى بعد ما ماتت مش عايزها تكون بعيده عني.
تقى :حاضر هحط الحاجه دي جوه وهاجي وراك طوالي؟!
وقت المغرب تقى نزلت علشان تقعد مع عزيز وجدو يوسف
الجد يوسف قاعد و ماسك عصايته، وعينيه على عزيز وتقى اللي قاعدين وكل واحد فيهم في دنيا تانيه
الجد وهو بيبص لهم وبيشرب كوبايه الشاي وبيقول: هو في إيه يا ولاد انتم مش واخدين بالكم من الايام بتجري ولا إيه ما ينفعش سكوتكم ده انا رايد حفيد في اقرب وقت؟
عزيز قال بهدوء: بصي يا جدي انا خابر ان انت وياك حق في كل حاجه بتقولها بس انا وتقى جوازنا على الورق بس لان دي كانت امانه عمي حسن وانا لا يمكن اؤذيها واجي يمتها لحد ما وصلها لبر الامان وكمان أنت خابر اني كنت بحب مرتي... وعمري ما هقدر انساها بسهوله فيا ريت يا جدي ما تفتحش الموضوع ده وياي مره ثانيه علشان ما توجعش قلبي؟!
الجد رفع حاجبه وقال وهو بيبص في عنيّه: إيه الحديت اللي بتقوله ده يا ولد هي مرتك واللي ماتت ربنا يرحمها وتبقى في الجنه ان شاء الله حديتك ده مش رايد اسمعه مره ثانيه!"
تقى بحزن وهي بتبص لعزيز وشايفه فيه راجل في كل المميزات بس للأسف هو مش هينفعلها طول ما هو لسه بيفكر في مراته وبنته وبرده رجعت نفسها حتى لو عزيز نسي مراته وبنته بس برده في فرق بينهم شاسع وهو الحسب والنسب هي بنت حسن العامل البسيط وهو ابن عيله الدمنهوري اللي البلد كلها بتعمل لهم الف حساب.
تقى قالت بحزن : عزيز عنده حق يا جدي إحنا اهنا علشان وصيه ابوي مش اكثر ما تحملهوش فوق طاقته يعني الموضوع مساله وقت وهو هيهملني اول ما يحس اني بقيت في امان ؟!
اما عزيز حس بوجع في قلبه من كلام تقى هو مش فاهم ليه زعل اما هي قالت كده فغير كلامه وقال
: خلاص يا جدي يا ريت ما تفتحش الحديت ده تاني علشان ما تفكرنيش باللي راح وانا ما صدقت اني روقت شويه!
الجد بصوت عالي وكلامه في وجع :
أنا نفسي أضحك... أفرح... أشوف طفل بيجري ف القصر، يقولّي يا "جدو" واشيله على ظهري والعبه كيف ما كنت بلاعبك وأنت صغير يا ولدي هو انت ليه رايد تحرمني من الاحساس ده ده انا خلاص يا ولدي رجلي بره ورجله جوه يعني ممكن في اي وقت اروح للي خلقني وهكون زعلان منك علشان محققتليش امنيتي الأخيرة ؟!
تقى بصتله بحنية وقالت:
ربنا يديك طولة العمر... يا جدي ما تقولش على حالك اكده انت إن شاء الله هتعيش كثير وهتربي احفاد احفادك كمان؟
الجد سكت، ، وقال بصوت واطي لكن مليان معنى: انا رايده اقولكم حاجه اللي انا شايفه في عيونكم الجوازة دي مش مجرد ورقتين يتكتبوا وخلاص انا خابر ان هي هتكون ورقتين اتكتبوا علشان يربطوا قلوبكم ببعضيها وده اللي هتشوفه يا ولدي وانت يا بنتي انا خابر اللي قلبك طيب ومليحه ومريتي بحاجات كثير وده اللي واضح عليكي بس ربنا هيشيلك الخير وهيكون وياك ولدي عزيز ؟
عزيز بص في الأرض، وكأنه بيهرب من نظرة الجد، وقال: يا جدي اللي بيني وبين تقى هي اتفاق مع عم حسن وبالنسبه لقلبي هو خلاص راح مع مرتي ومع بتي ومش هيرجع ثاني وعمري ما هفكر في الموضوع ده ومستحيل افكر في اي ست مكان مرتي الله يرحمها؟
تقى عينيها دمعت وهي مش عارفه هي ليه زعلت بس قالت بصوت ضعيف وهي بتحاول ان هي تخفف الموضوع شويه لان الجو كان متوتر جدا:
يا جدي يا عزيز عنده حق همل لحاله بقى انا رايده اروح اوضتي علشان تعبانه قوي ومش رايده تحدت في الموضوع ده ثاني؟!
طلعت تقى الجناح بتاعها وهي حزينه جدا وباين عليها ان هي تاثرت بكل كلمه كان عزيز بيقولها هو فعلا موعدهاش بحاجه بس هي من اول دقيقه شفيته فيها شافت فيه الراجل اللي ما شافتهوش قبل كده ما حستش بالامان في حياتها غير معايا بعد ما ابوها ما مات هو اللي كان في ضهرها وحست باهتمامه ومن أول ما شافها كان بيهتم بيها وعمل كل حاجه كويسه معاها وما حاولش يجرحها من وقت ما عارفها .
فجاه دخلت الخدامه وهي بتكلم عزيز بصوت واطي وبتقول له
الست اللي بتخدم ف المطبخ، لقت ورقة تانية مرمية ورا الجنينة... مكتوب فيها نفس الكلام الغريب."
عزيز قام فورًا، خاد الورقة، وقراها بصوت واطي:
اللي فاكر نفسه بيمتلكها... ما يعرفش إنها مش ملك لحد.
لسه اللعبة مابتدأتش.؟؟؟؟
عزيز عينيه احمرت من الغضب وهو بيفكر هو مين اللي بيعمل كده ممكن يكون خالد بس هو هدده كتير واكيد خالد مش هيكون عنده جراة
ان هو يدخل القصر لان القصر بقى متامن من كل مكان
يعني استحاله اي حد غريب يدخل بيبص على الجناح اللي فيه تقى وبيبص لجده وكلمه عصب جدا.
الجد لاحظ، وقال:
فيه إيه؟
مالك يا ولد
عزيز بعصبيه نصيبه يا جدي؟!!!!!
تابع......؟!
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق