رواية ليالي الغول اقتباس من الفصل الأخير بقلم لوجي احمد

 رواية غصون الفصل الثالث والرابع بقلم يارا عبد العزيز حصريه

رواية غصون الفصل الثالث والرابع بقلم يارا عبد العزيز حصريه 

الفصل الثالث 

" و ااااه حاسبي جوزك ياخد باله "

دي كانت محتوى المسدج التانيه اللي وصلت بعدها بثواني معدوده 

يونس بص للرسالتين بغضب مفرط و مشفش اي حاجه قدامه 

رمى الفون بكل قوته ليسقط أرضا و هو متفتت لقطع من اثر الرمي و قوه يونس عليه 

_غصون بصيت للفون و بعدين بصيت ليونس و جسمها كله بقى بيترعش بخوف و هي شايفه تحوله 

عيونه بقيت حمره من الغضب و عروقه برزت 

بمجرد ما شافته كدا دمعت بخوف شديد منه و جريت بسرعه و هي بتحاول تهرب منه 

_كان بيحاول يتحكم في غضبه عشان ميأذيهاش 

لكن مقدرش 

مين الراجل اللي يستحمل على نفسه ان رساله زي دي تتبعت لمراته!!!!

رساله بتحمل كل معاني الاهانه... ليه 

مقدرش يسيطر على نفسه و جري عليها بسرعه قبل ما تفتح الباب و مسكها... من شعرها بكل قوته و اتكلم بغضب و صوت عالي اتفزعت على اثره 

= مين دا!

مكانه فين 

اسمه ايه 

قولي بدل ما امـوتك.... في ايدي 

مين داااااااا!!!!

انطقي

اتكلمت ببكاء و صوت مرتعش من فرط خوفها 

= و الله العظيم ما اعرف هو مين!

بصلها بفحيح و زقها... على السرير 

حسيت بضلوعها اتكسرت من قوه زقته ليها 

مسكت جسدها بالم و دموعها نزلت بغزاره 

اتكلمت بصوت عالي و بكاء 

= يعمي 

ماما حد يلحقني يا ناااااس

_جريوا كلهم على اوضه غصون بعد ما سمعوا استغاثتها بيهم 

و قلوبهم مليانه بالخوف و خصوصاً رأفت و منى 

_اتكلمت غصون بدموع و جسمها كله بيترعش بخوف 

حسيت بدوار شديد و الصوره قدامها بقيت منغمشه 

ميلت على السرير مغشيا عليها 

دخلت منى بخوف شديد و راحت قعدت جانبها و اتكلمت بدموع و هي بتهز وشها برفق 

= غصون فوقي يبنتي 

عملت فيها ايه يا يونس حرام عليك و الله بنتي ما عملت حاجه منكم لله

نواره بغضب 

= يعني و هو كان عاملها ايه!

بنتك بتدلع يا منى 

منى اتجاهلتها لانها مكنتش شايفه قدامها غير غصون اللي مغمى عليها قدامها 

زاد خوفها لما حاولت تفوقها بكل الطرق بس بدون اي جدوى 

يونس كان واقف بيبصلها بخوف و خصوصاً بعد ما منى حاولت تفوقها كتير بس معرفتش 

دخل غرفه الملابس و جاب عبايه مفتوحة و طرحه و لبسهملها تحت نظراتهم

 و شالها من على السرير بسرعه و اتكلم بحده 

= مش عايز اي حد يجي معايا

انا هاخدها المستشفى 

منى بغضب 

= يعني ايه محدش يجي معاك!

 انا عايزه اطمن على بنتييي 

كامل بحده 

= منى خلاص هو جوزها و هيعرف ياخد باله منها 

خرج يونس متجاهل كلامهم اللي مكنش ليه اي لازمه بالنسباله 

نزل و حاطها في العربيه من ورا و ساق بسرعه جنونيه 

وصل المستشفى و دخلوا بيها الاستقبال 

كان واقف جنب الدكتورة و هي بتفحصها و مركز بنظره عليها 

اتكلم بحده و صوت متلعثم 

= لو مش عارفه تفوقيها قولي و انا اشوف واحدة غيرك 

متسبيهاش كدا بقالك ربع ساعه بتفوقيها و مفيش فايده!!!

الدكتوره بخوف من لهجه يونس اللي برغم انها كانت فيها رعشه الا انها كانت مليائه بالغلظه و الحده اللي اي حد يخاف منها 

اتكلمت بخوف 

= ممكن اعرف ايه اللي حصلها بالظبط

ضغطها وطي اوي و مش هتفوق الا لما يرفع 

هز راسه بخوف و اتكلم بحده 

= ماشي يلا ارفعيه متسبيهاش كدا 

بدأت الدكتوره تعلق محلول لغصون و مشيت 

يونس فضل قاعد جنب غصون و متابع المحلول و مستيناه يخلص بفارغ الصبر 

بعد مرور نصف شاعه 

بدأت غصون تفوق تدريجياً بارهاق 

لاقيت يونس واقف قدامها 

اتعدلت بارهاق و اتكلمت بدموع و صوت مرتعش 

= و الله ما اعرف حاجه يا يونس 

متضربنيش.... يا يونس انا معرفش حاجه 

يونس جري عليها و اتكلم بخوف 

= انتي كويسه

هنادي على الدكتوره تيجي تشوفك 

اتكلمت بشهقات و هي بتبصله بخوف 

= انا عايزه اروح البيت عند ماما

مش عايزه افضل هنا معاك 

انا خايفه منك 

كلكم عايزين تعاقبوني على حاجه انا معاملتهاش و الله العظيم انتوا كلكوا ظالمني و انا مستحيل اسامح اي حد فيكم

فكرت لما جدي يقولك تعال موت... غصون هتقف جانبي باعتبارك ابن عمي و اخويا الكبير

انا مكنتش شايفه غيرك السند بعد بابا الله يرحمه بس انت كمان زيهم 

انت بتقسى عليا اكتر منهم!!

مقدرش يتحكم في غضبه وقتها 

اتكلم بغضب مفرط خلاها تخاف اكتر 

= اكون ليكِ السند في الغلط 

اسقفلك على انك ضيعتي شرفك.. 

كمل و هو بيطلع الصور من جيبه و بيرميها في وشها و بيتكلم بغضب 

= اكون السند على دول 

و لا على الرسايل و لا على العلامات اللي في رقبتك و لا الحاجات اللي لسه احنا منعرفهاش 

انتي اللي حطيتي نفسك في كل اللي انتي فيه 

بدل ما تشكريني لان بسببي انتي دلوقتي لسه عايشه 

انا لو مكنتش اتجوزتك كان جدي قتـلك...

جايه دلوقتي تلومني انا 

انا اللي انتشلتك من مصيرك اللي انتي عارفه كويس كان هيكون ايه 

مسكت في ملايه السرير بخوف و جسمها اتنفض بقوه 

شافها كدا جري عليها و اتكلم بخوف 

= غصون انتي كويسه 

اهدي 

أتكلمت بانهيار و هي بتبعده عنها 

= ابعدددد عنيييي 

انا مش كل شويه هفضل اقولك انا بريئه و انت تفضل تسمعني نفس الكلام 

ياريتك كنت موتني... ارحم بكتير من اللي انا فيه دلوقتي 

قالت كلامها و شالت المحلول من الكانيولا اللي في ايديها 

جت تقوم من على السرير قعدت تاني بتعب 

مسك كتفها و اتكلم بهدوء

= استني هنادي الدكتورة الاول 

كانت لسه هتتكلم بس قاطعها و هو بيتكلم بحده 

= انا مباخدش رأيك

خليكي قاعدة دقيقه و رجعالك 

بصتله بعتاب و دموع ليبادلها نظراته بحده 

مشي بسرعه ينادي للدكتوره 

مددت على السرير و غمضت عينيها بارهاق و هي حاسه بدوخه شديده 

دخلت الدكتوره و بدأت تفحص غصون اللي كانت مغمضه عينيها بتعب 

اتكلمت الدكتورة بهدوء 

= الضغط رفع شويه بس لسه واطي 

حاولي تهدي شويه عشان صحتك اول اما المحلول يخلص امشي 

بعد منتصف الليل 

وصل يونس مع غصون 

منى نزلت بسرعه بمجرد ما سمعت صوت عربيته 

جريت على غصون و اتكلمت بلهفه 

= عامله ايه يحبيبتي 

غصون بهدوء

= كويسه يا ماما 

منى بهدوء و هي بتمسك ايديها 

= تعالي هتنامي معايا انهاردة عشان اخاد بالي منك 

رفع حاجبه بأستغراب و اتكلم بحده 

= و انا عيل صغير مش هعرف اخاد بالي منها!

منى بحده 

= اااه هي تعبت و اغمى عليها بسببك 

غصون هتعقد معايا انهاردة لحد اما تبقى كويسه 

يونس بحده 

= انا ساكت بس احتراما لعمي الله يرحمه 

بنتك دلوقتي بقيت على زمتي يعني انا اللي احدد تعقد فين و انا عايزاها معايا

و مش من الاصول خالص يمرات عمي انك تاخدي مراتي مني يوم فرحنا 

رأفت جيه و سمعهم 

اتكلم بهدوء 

= ساعديها يمرات اخويا تطلع جناح جوزها 

هزيت منى راسها بقله حيله 

يونس كان لسه هيمشي وراهم بس قاطعه رافت اللي اتكلم بهدوء 

= عايزاك شويه 

يونس بصله بانتباه 

اتكلم رأفت بهدوء

= انا سبتها تطلع جناحك عشان مصغركش قدام مرات عمك 

بس خليك فاكر انت اتجوزت غصون ليه يا يونس 

رفع حاجبه باستغراب و اتكلم بسخريه 

= هههههههه

متخافش مش هيحصل حاجه 

و انا فاكر كويس اوي انا اتجوزت غصون ليه 

قال كلامه و مشي من قدامه 

قاطعه رأفت و هو بيتكلم بحده 

= انا طول عمري واخد طريق العلم بعيد عن القسوه و الانانيه اللي جدك علمهولك 

بس قسما بالله لو عرفت انك قربت من بنت عمك غصبن عنها و ندمتني على قرار جوازك منها و انك استغليت الموضوع دا هزعلك مني جامد يا يونس 

ابتسم بسخريه و فضل واقف مكانه من غير ما يبصله و اتكلم بهدوء 

= شهرين بالظبط و هطلقها حلو كدا 

هز رأفت راسه بهدوء 

= تمام

في غرفه حامد

نبيله كانت بترمي كل حاجه في الاوضه بغضب مفرط 

اتكلمت بغضب 

= ممـ.وتهاش و خلصنا منها ليييه!!!

طول عمره قاسي و معندوش قلب ايه اللي حصل 

معقول يكون بيحبها!!

حامد بنفي 

= معتقدش 

ابوه هو اللي منعه

نبيله بغضب 

= انت متعرفش يونس و لا ايه 

يونس محدش يقدر يمنعه عن اي حاجه هو عايزاها جده نفسه ميقدرش يقف قصاده 

يونس لو وقف في صف غصون احنا كدا هنخسر كل حاجه يا حامد لازم نشوف حل و نبعدهم عن بعض 

لازم يكرهها و ميحبهاش ابداا 

هز حامد راسه بشر... و اتكلم بخبث

= متخافيش يقلبي 

هنخلص من الاتنين في اقرب وقت

دخل يونس الجناح بتاعه 

كانت غصون نايمه في حضن منى 

اول اما شافته داخل قامت و خرجت من الجناح من غير ما تتكلم

بص يونس لطيفها بحزن و اتنهد بقوه 

قعد جنب غصون و حط ايديه على رقبتها 

بربشت عينيها بالم

عرف انها صاحيه 

اتكلم بهمس 

= متخافيش مش هعملك حاجه 

الدكتوره قالتلك اهدي عشان متتعبيش تاني 

حطيت راسها على المخده بارهاق و عينيها راحت في النوم 

فضل يحرك ايديه على رقبتها و بيفكر بشك و هو بيبص للعلامات و اتكلم بهمس

= مستحيل العلامات دي تكون اتعملت بمزاجها!!!!

كور ايديه بغضب و قام من مكانه 

نزل بسرعه و طلع بعربيته 

وقف قدام مدرسه غصون و دخل السوبر ماركت المجاور للمدرسة 

اتكلم بهدوء و هو بيحط قدام صحاب المحل 

= يونس البسيوني 

عايز اشوف تسجيلات الكاميرا اللي قدام المحل 

صاحب المحل بص للفلوس بفرحه و بدأ يفتح تسجيلات الكاميرا في الساعه اللي قال عليها يونس 

لاحظ عربيه وقفت في اخر الشارع بعيد عن المدرسه بعض الامتار 

و بمجرد ما غصون اتحركت ناحيتهم خدوها بدون ما اي حد يحس بيهم لانهم خدروها بسرعه قبل ما اي حد يحس بيهم 

كور ايديه بغضب مفرط و اتكلم بغضب 

= خد اسكرين للواد دا و ابعتهولي يلا بسرررعه 

هز صاحب المحل راسه بخوف شديد و بدأ ينفذ كل اللي أمره بيه يونس 

طلع من المحل و ركب عربيته و رن على واحد من رجالته 

= هبعتلك دلوقتي صوره تقب و تغطس و تجبهولي انهاردة 

فضل ما يقرب الساعتين بيلف بعربيته و هو في قمه غضبه 

منتظر ان رجالته يرنوا عليه 

رد على فونه بسرعه بمجرد ما ارن 

و ساق عربيته بسرعه جنونيه 

وقف في مكان شبه مقطوع 

كانوا رجالته منتظراينه و معاهم الراجل اللي خطف... غصون 

اتكلم بحده 

= امشواا انتوا

مشيوا الرجاله و مبقاش موجود غير يونس و الشخص دا 

راح يونس عنده و اتكلم بغضب 

= غصون البسيوني عارفها 

برق الشخص عينيه بخوف شديد 

يونس بغضب مفرط و هو بيطلع مسدسه... و بيحطه في راسه 

= مين اللي قالك تعمل كدا 

عملت فيها ايه انطقققققق 

بصله الشخص بخوف شديد و اتكلم بتلعثم 

= انا معرفش انت بتتكلم عن ايه 

و معرفش البنت اللي انت بتقول عليها دي

يونس بغضب مفرط 

= انت هتستعبط يروووح امك 

الكاميرا جايبك و انت بتاخدها و بتخدرها 

الراجل بتلعثم 

= انا اللي عملت كدا من نفسي 

عاجبتني و دخلت دماغي و هي متتفوتش 

كور ايديه بغضب مفرط و ضربه... بقوه في وشه و اتكلم بفحيح و هو بيمسك شعره و بيرجع دماغه لورا 

= انت يالاااا انا مش رايق لكدبك 

تخطفها و تصورها و تبعت الصور و تبعتلها رساله و كل دا عشان عاجبتك 

مين اللي زققك عليها يالاااا انطققق بدل ما اطلع.... بروحك 

اتكلم بتلعثم و بكاء و هو بيعقد تحت رجله 

= ابوس... ايديك لو قولت هو مين هيموتني...

انا كنت عبد المأمور و مش هقدر اقولك على اسمه ارجوك ارحمني 

ضر.به يونس في بطنه ليقع على الارض بجسده كله 

اتكلم يونس بلهفه و هو بينزل لمستواه 

= قول و انا هأمنك 

لو مقولتش انا اللي هخلص... عليك انت اكيد عارف مين يونس بسيوني و يقدر يعمل فيك ايه 

بلع لعابه بخوف شديد و كان لسه هيتكلم بس قاطعه الرصاصه.... اللي انضرب... بيها 

يونس بصله بصدمه و فضل يبص وراه و في كل المكان 

نزل لمستوى الشخص دا بس لسوء حظه روحه كانت طلعت و مات....

ركب عربيته و مشي بسرعه و غضب و هو بيفكر في مين ممكن يكون عمل كدا و يا ترى قربوا من غصون و لا لأ 

رجع البيت و دخل 

اتكلم بحده للخدامه 

= جمعي كل البيت هنا 

ظبط الفلاشه على اللاب بتاعه و وصله على الشاشه و استناهم 

نزلوا كلهم بما فيهم غصون 

يونس بصلها بحزن 

اتنهد بحزن و اتكلم بهدوء 

= اكيد كلكم مستغربين انا جمعتكم ليه 

هتعرفوا كل حاجه دلوقتي 

بدأ يونس يشغل شريط الفيديو بتاع تسجيل كاميرا الماركت اللي جنب المدرسه 

بصوله الجميع بصدمه كبيره

اتكلمت منى بدموع و هي بتحضن غصون 

= كنت متأكده 

انا قولتلكوا كلكوا ان بنتي مظلومه عرفت يعمي 

غصون كان معاها حق هي فعلا اتخطفت 

يحبيبتى يبنتي 

كامل بحده 

= عرفت توصل لي اللي عاملوا كدا

هز يونس راسه بالنفي 

اتكلم كامل بحده 

= ابعت هات الدكتوره تيجي و تطمننا عليها 

غصون اتنفضت بخوف شديد و هي في حضن منى 

يونس راح عندها و مسك ايديها 

بصتله غصون بخوف و هزيت راسها بالنفي و اتكلمت بصوت متحشرج 

= مش عايزه يا يونس 

قبل.... راسها بحنان و اتكلم بهدوء 

= غصون مراتي و دي حاجه تخصني انا و هي و انا مستحيل احاطها في موقف زي دا

مش ذنبها كل اللي حصلها 

كامل بغضب 

= يبقى تطمننا انت و من غير اعتراض 

انت لسه قايل مراتك و اللي بطلبه دلوقتي طبيعي 

عايز توديها لدكتوره أو انت اللي تتأكد المهم بالنسبالي اعرف و اطمن على حفيدتي 

يونس بحده 

= بس اللي المفروض يفرق بالنسباله هو انا و انا راضي

غصون بصتله بحزن حسيت بشفقه و عطف في نظراته و شعور بالقله و انه مجبور عليها و مضطر يستحمل اللي مفيش راجل يستحمله لمجرد انها بنت عمه 

حسيت بمشاعر كتير بشعه و صعبت عليها نفسها و كل اللي بيحصلها 

لاقيت نفسها بتمشي من قدامهم و طلعت اوضتها بسرعه و هي بتعيط 

اتنهد يونس بغضب مفرط و هو بيبص لجده 

دخلت الاوضه بتاعتها بسرعه و قفلت الباب بالمفتاح و نزلت بجسده كله ورا الباب و انهارات بقوه و هي بتفتكر كل اللي حصلها 

فاقت على. صوت تخبيط على الباب من منى اللي اتكلمت بخوف 

= غصون افتحي يحبيبتى 

افتحي و نتكلم متخافيش يروحي محدش هيقدر يجبرك على حاجه 

فضلت تعيط بقوه و مش قادره تتكلم لحد اما نامت مكانها من العياط 

فتح يونس الباب بكل حرافيه و دخل و معاه منى لاقوها نايمه ورا الباب 

اتكلم يونس بهدوء و هو بينزل لمستواها 

= ممكن تسبينا لوحدنا أنا هشيلها و ادخلها الجناح بتاعي 

منى بخوف و هي بتبص لغصون 

= غصون مش هتقدر تستحمل اللي جدك قاله و خصوصاً دلوقتي 

انا عارفه انه حقك بس استنى كام يوم لحد اما تهدا ارجوك يا يونس

شالها و اتكلم بهدوء و هو بيخرج من الأوضه 

= متخافيش عليها هي معايا في امان 

قال كلامه و خرج من الاوضه و دخل الجناح بتاعه 

حاطها على السرير برفق و جاب مرهم و دهن رقبتها برفق 

اتكلم بهمس غاضب

= مش هسكت الا لما اعرف مين اللي عمل كدا و هدفعه التمن غالي اوي

مدد جسمه جانبها و فضل يبصلها لحد اما نام 

صحي الصبح و بصلها كانت لسه نايمه قام و دخل الحمام 

صحيت غصون و اتعدلت على السرير

اتنهدت بغضب لما اكتشفت انها في جناح يونس 

قامت و دخلت الحمام وقفت قدام الحوض و غسلت وشها 

انصدمت بشده لما لاقيت انعكاسه في المرايا 

التفتت بخجل مفرط و هي شايفه واقف قدامها و لافف منشفه حول خصره و صدره العاري... اللي بينزل عليه قطرات المياه مع عضلاته اللي زادته وسامه 

اتكلمت بخجل مفرط و توتر

= ااا انا مكنتش اعرف انك هنا هخرج دلوقتي معلش 

كانت لسه هتمشي بس مسك ايديها و وقفها قدامه 

حاوط خصرها بايديه و همس جنب ودنها 

= عامله ايه دلوقتي 

بصتله بخجل و اتكلمت بارتباك 

= كويسه ممكن تبعد عشان عايزه اخرج 

د.فن... وشه في رقبتها و طبع قبلا.ت متفرقه عليه 

مسكت في كتفه بضعف و غمضت عينيها 

اتكلم بهمس في وسط قبلا.ته

= هعمل كل اللي اقدر عليه عشان اعرف مين اللي عمل كدا و هاخد حقك منه و قدام عينيك 

هزيت راسها بهدوء و بعدته عنها بصعوبه و جريت بسرعه من قدامه 

كان عامل زي المغيب بص لطيفها بضيق و خرج وراها 

دخلت خديت شاور و خرجت 

اتكلم بهدوء 

= يلا عشان هننزل نفطر معاهم 

غصون بتوتر

= امممم مش عايزة انزل ممكن 

هفطر هنا 

هز راسه بتفهم و اتكلم بهدوء 

= هنفطر هنا هطلب الفطار هنا 

بس متاخديش على كدا كتير انتي لازم تواجهي 

هزيت راسها بهدوء و دخلت غرفه الملابس 

في الاسفل 

دخلت واحده القصر مستغله غياب الغفر عن البوابه الرئيسيه 

لاقيت واحدة من الخدم 

اتكلمت بحده 

= يونس فين

الخدامه بصتلها باستغراب و اتكلمت بهدوء

= هو فوق في الجناح بتاعه 

حضرتك مين!

تحبي نديله خبر ان فيه حد عايزاه 

مي بغضب و دموع 

= مين معاه في الجناح بتاعه 

انطقيييي 

نزلت نبيله و بصتلها بخبث و اتكلمت بهدوء و هي بتبص للشغاله 

= روحي انتي شوفي شغلك 

مشيت الخدامه و هي بتبص لمي باستغراب 

اتكلمت نبيله بخبث

= هيكون مين معاه يعني عريس و لسه في شهر العسل بتاعه اكيد مراته 

بتصلها مي بدموع و كانت هتقع لولا ايد نبيله اللي مسكتها 

اتكلمت نبيله بسخريه 

= اسم الله عليكي 

الجناح بتاع يونس الجناح اللي في الوش بس يا رب تلاقيه صاحي اصل سهرته انبارح كانت صباحي 

طلعت مي بغضب و هي حاسه برجليها مش شايلها 

في الجناح 

خرجت غصون من غرفه الملابس و اتكلمت بخجل

= انت لسه ملبستش ليه!

يونس بهدوء 

= اممم انا مرتاح كدا 

بحب اقعد كدا 

تعالي افطري 

قعدت جانبه على الكنبه و كان جسمها بيترعش من خجلها و توترها 

اتكلمت بخوف

= هتعمل اللي جدي قالك عليه 

مسك ايديها و كان لسه هيتكلم بس قاطعه مي اللي دخلت من غير اي استئذان و اتكلمت بغضب و دموع 

= انت اتجوزت عليا يا يونس!!!

يُتبع....

غصون لو حد سحرالها بقله الحظ مش هتبقى حياتها كدا بجد 

دا باينه مرار طااافح 🙆‍♀️"))

الفصل الرابع 

دخلت مي الاوضه و بصيت ايد يونس اللي ماسكه في ايد غصون بغيره و غضب بعدت ايديه عنها بغضب و اتكلمت بدموع 

= بقولك انت اتجوزت عليا!!!!

ما تنطقققق 

مين دي!!!!

كملت و هي بتطلع صور كتب كتاب يونس و غصون و بترميها في وشه 

= و ايه دا!!!!!

ما ترد عليااا قولي ان كل دول غلط كدب اللي عيني اللي شافته و انا هصدقك 

يونس بحده و هو بيمسك معصم ايديها 

= مي اهدي 

انا فعلا اتجوزت غصون بس.....

قاطعته و هي بتتكلم بغضب مفرط و بكاء 

= اتجوزتها!!!!

ليييه دي اخرة اني حبيتك 

الكل قالي بلاش دا قاسي و صعيدي و هياخدك انتي البهيمه الاولى و بعدين هيجر وراكي التلاته و يقولك دا حقي 

بس انا اللي كدبتهم و اتجوزتك 

و طلعت زيهم بني ادم زباله... و حقير.... و 

بقلمي يارا عبدالعزيز 

قاطعها و هو بيضربها.... بقوه بالالم على وشها 

اتكلم بفحيح و هو بيقرب منها و بيبصلها بغضب 

= الزمي حدودك و انتي بتتكلمي عني 

و الله العظيم لولا اني مراعي الظرف اللي انتي فيه دلوقتي لكنت ندمتك اوي على اللي انتي قولتيه 

بصتله بصدمه و هي بتحط ايديها على خدها 

بصيت لغصون بغضب مفرط و مسكتها من شعرها بقوه و اتكلمت بغضب 

= بتضربني... عشان دي!!!!

و الله ما هخليها عايشه ثانيه واحده خاطفه الرجاله 

غصون بصيت ليونس بدموع و منطقتش 

هي مصدومه من فكره ان يونس متجوز اصلا و حاسه بكتله من الذنب على قلبها 

كانت لسه هتتكلم بس قاطعها يونس و هو بيبعد مي عنها و بيتكلم بغضب 

= انتي اتجننتي...

ما تسكتي بقى و افهمي 

مي بغضب و بكاء

= افهمم ايه!

انت بعد اللي عاملته خلتلي اي حاجه افهمها 

انا مي السيوفي تسوي واحدة صعيديه جاهله زي دي بيا و تتجوزها عليااااا 

يونس بفحيح

= اللي انتي بتتكلمي عنها دي تبقى بنت عمي و مراتي 

انتي لو بتسكتي هفهمك لكن انتي نازله اهانه فيا و في اهلي من ساعه ما جيتي 

مع انك عارفه كويس اوي انا ممكن دلوقتي اتصرف معاكي ازاي 

غصون بدموع 

= و الله العظيم انتي فاهمه غلط 

انا و يونس اتجوزنا بس .......

قاطعتها مي و هي بتتكلم بغضب مفرط 

= مش عايزه اسمع صوتك 

اطلعي برااا اوضه جوزي 

بقولك اطلعي برااااا 

كملت كلامها و هي بتدخل غرفه الملابس و بتاخد هدوم غصون 

شالتهم على ايديها و رمتهم قدام الباب

كانت لسه هتمسك ايد غصون و تطلعها برا

بس وقفها يونس اللي مسك ايديها بغضب 

كان لسه هيتكلم بس قاطعته غصون و هي بتتكلم بدموع و غضب 

= ابيه سيبها لو سمحت 

انا هنادي حد من الخدم يلمى باقي حاجتي و هروح اقعد في اوضتي 

قالت كلامها و كانت لسه هتخرج بس وقفت لما لاقيت الكل متجمع 

اتكلم كامل بغضب 

= مين دي اللي عايزه تطردك من اوضه جوزك!!!!

مي بغضب 

= مراته 

مراته اللي اتجوزها من سنه و استغفلها و قالها همهد لاهلي موضوع جوازي منك و هعرف الكل اني متجوزك و في الاخر اكتشفت انه متجوز عليا 

بصولها الجميع بصدمه ما عدا نبيله و حامد

و منى بصيت لغصون و مسكت ايديها بحنان 

اتكلم كامل بغضب مفرط و هو بيبص 

= الكلام دا صح!!!!

يونس بحده 

= ايوا صح مي مراتي 

و انا مقولتش لاني عارف ان محدش هنا هيقبلها اتجوزتها و هي عايشه معايا في القاهره 

كامل راح عنده و وقف قدامه و اتكلم بغضب

= انت اتجننت شكلك 

انت عارف كويس اوي ان محدش عندنا يتجوز برا الصعيد 

و انت روحت و اتجوزت واحده من البندر منعرفش اصلها و لا فصلها البنت دي انت لازم تطلقها حالا متكسرش بخاطر بنت عمك 

يونس بغضب 

= بنت عمي دي انت عارف كويس اوي انا اتجوزتها ليه

غصون مكنتش اختياري و انا مينفعش اظلم مراتي عشانها أو عشان اي حد 

انا قولت لبابا ان شهرين بالظبط و هطلق غصون عشان محدش يمسها بأي كلمة سوء 

هطلقها و بعدين هاخد مي و نرجع القاهره 

منى بحده 

= و بنتي مش مرميه عليك يا يونس باشا 

بنتي مليون واحد يتمنى ضفرها و انت اصلا متستاهلهاش 

و اظن الكل عرف ان بنتي مظلومه و انها اشرف من الشرف 

و لا اقولك ليه نستنى شهرين انت تطلقها حالا و تاخد مراتك اللي رميت هدوم بنتي على الباب دي و اهانتها... و تمشي 

نواره بغضب 

= منى دا بيت يونس و هو ليه فيه اكتر منك انتي و بناتك 

بقلمي يارا عبدالعزيز 

كامل بغضب 

= بس انتي و هي 

شهرين بالظبط و تاخد اللي جت دي و تمشي من القصر هنا 

انا مستحيل اقبل بيها من حريم البيت هنا 

يلا كل واحد على اوضته 

مشيوا كلهم من الجناح و مبقاش فاضل غير يونس و مي 

اتكلم بحده و هو بيبصلها 

= اللي عاملتيه من شويه دا انا مش هعديه و كلامك اللي انتي قولتيه مش هنساه 

مي بدموع و هي بتحضن خده بايديها

= يعني انت عايزيني اعرف انك متجوز عليا و اسكت 

انت بتاعي انا و بس يا يونس و مفيش واحدة في الكون تقدر تشاركني فيك أو تاخدك مني 

كملت بحده 

= انت فاااهم 

اتنهد بغضب و اتكلم بهدوء 

= لو كنتي سمعتني كنتي عرفتي اللي حصل بالظبط 

مي بهدوء 

= تمام فهمني 

ايه السبب اللي خلاك تتجوزها 

يونس بحده 

= مش هينفع اقوله دي حاجه تخص غصون 

بس كل اللي اقدر اقولهولك اني مش بحبها و كلها شهرين و هطلقها 

وجودك هنا ملوش اي لازمه امشي و انا بمجرد ما اطلقها هرجع 

مي بغضب مفرط 

= و الله !!!!

ارجع عشان اسيبك معاها لوحدكم انا مش همشي من هنا غير و انت معايا و مطلقها 

انت هتعيش متجوزها قدام الناس و بس 

مش هسمحلك تقرب منها و لا يتقفل عليكم باب و انتوا لوحدكوا و دا اللي عندي 

ابعت اي حد من الخدم ياخد باقي حاجتها من هنا و البنت دي متهوبش ناحيه الجناح دا و لا ناحيتك و الا و الله العظيم هزعلها جامد و انت عارفني كويس لما بقلب على حد 

اتنفس بغضب مفرط و اتكلم بحده 

= اعمل اللي تعمليه انا ماشي

لو فضلت معاكي بأسلوبك دا كمان خمس دقايق مش ضامن هعمل فيكي ايه 

قال كلامه و خرج ، بصيت لطيفه بغضب مفرط و دخلت غرفه الملابس تلم باقي حاجة غصون 

في غرفه غصون 

كانت قاعدة على السرير و بتحرك رجليها بتوتر و خوف و كلام يونس في دماغها و مش راضي يروح من بالها 

حسيت بالم من رفضه ليها بالشكل دا و من فكره انه متجوز واحدة تانيه غيرها 

حسيت بغصه في قلبها و دموعها نزلت بتلقائية 

منى راحت عندها و حطيت ايديها على كتفها و اتكلمت بحنان 

= متزعليش نفسك يحبيبتى انتي كدا كدا مش بتحبيه يعني يروح و ايه اللي فيها 

غصون بدموع و هي بتهز في رجليها بغضب 

= صح انا مش بحبه 

ليه ازعل!!!

ربنا يوفقه 

منى لاحظت حالتها اتكلمت بشك 

= انتي زعلانة عشان اتعصبت عليكي و الله لدفعها التمن غالي اللي تتجرأ و تتعامل كدا مع بنت نبيل البسيوني 

دخلت جوا حضن منى و فضلت تعيط بقوه و هي حاسه بالم شديد في قلبها 

اتكلمت بشهقات 

= انا مخنوقه... اوي يا ماما حاسه بكتله على قلبي 

يا ريت كان يونس موتني... كنت هرتاح من كل اللي انا فيه دلوقتي 

يونس كان معدي من قدام الاوضه اول اما سمع صوت عياطها وقف 

دموعه نزلت بتلقائية و هو بيبصلها 

حس بغصه في قلبه بمجرد ما شاف دموعها بالشكل دا

ضرب.. ايديه في الحيطه بغضب 

و مشي بسرعه و هو بيحاول ينفي كل الافكار اللي جت في دماغه 

وقف و سند بايديه على تربزين السلم و بص للدور الأرضي بشرود و اتكلم في نفسه 

= حسيت بقلبي مش قادر ينطق اني هطلقها 

انا عايزاها 

يواااه فوق انت متجوز مينفعش تظلم مي معاك 

انت قولت انك مش هتسمح لقلبك أنه يمشيك و هتبص لمصلحتك في النهايه خليك ماشي بعقلك و حاول تبعد عن. غصون 

قال كلامه و دخل الجناح بتاعه لاقى مي بتدي للخدامه هدوم غصون و الهدوم اللي كانت واقعه على الارض الخدامه شالتها 

قعد على الكنبه بشرود و بمجرد ما الخدامه خرجت 

مي راحت عنده و اتكلمت برقه 

= انا اسفه يحبيبي 

عارفه اني زودتها بس اعمل ايه بحبك و بِغير عليك مش هتتكرر تاني و هعقد هنا مؤدبه و هستحمل عشانك 

قالت كلامها و دخلت جوا حضنه و دفنت... وشها في رقبته و اتنفست ريحته بعمق 

= بحبك اوي يا يونس

حاوط ضهرها بايديه بتردد و اتكلم بهدوء 

= مين اللي بعتلك الصور اللي معاكي 

طلعت من حضنه و اتكلمت برقه 

= مش عارفه لاقيتهم على باب الڤيلا و من ساعتها و انا اتجننت و جيت على طول 

مرضتش اقول لبابي عشان ميتعصبش و يأذيك.... عشان تعرف انا بحبك اد ايه 

بقلمي يارا عبدالعزيز 

اتكلم بحده 

= كنتي قولي يا مي 

انا مبخافش من حد و تاني مره متتكلميش معايا بصيغه التعالي دي تاني انتي فاهمه 

هزيت راسها بخوف و اتكلمت برقه و هي بتلعب في زراير قميصه 

= فاهمه 

على فكره انت وحشتني اوي 

كملت كلامها و هي بتمسك ايديه و بتقومه 

= تعال معايا هنسيك كل الكلام اللي قولته 

قام معاها و هو بيحاول يمحي صوت قلبه اللي رافض قربها 

و كأنه كان مموت.. قلبه من ساعه ما اتجوزها و يوم ما فاق رفض قربها 

قعدوا على السرير و حضنته بعمق 

دفن... وشه في رقبتها و وضع قبلات... متفرقه عليها 

اتكلمت مي بهدوء و هي بتغمض عينيها 

= انت مقربتش من غصون صح 

هز راسه بالم و بعد عنها بسرعه و هو حاسس بالم لاول مره يحسه بالشكل 

اتكلم بهدوء 

= انا عايز انام حاسس اني تعبان شويه 

اتنفست بغضب و اتكلمت بحده 

= بتهيألي اننا الصبح و انت لسه صاحي 

اتكلم بتوتر مقدرش يداريه 

= اااه هخرج اشوف الاراضي و المصنع من ساعه ما جيت مروحتش هرجع بليل 

قال كلامه و مشي 

لاقى نفسه بيروح اوضه غصون 

ملاقهاش موجوده في اوضتها 

بص للخدامه اللي بتحط حاجة غصون في غرفه الملابس و اتكلم بحده 

= غصون هانم فين!

الخدامه باحترام 

= نزلت مع الست منى المطبخ من عشر دقايق 

هز راسه بهدوء و نزل لاقها واقفه لوحدها قدام البوتاجاز و بتعمل اكل 

اتكلم باستغراب و هو بيقف جانبها 

= بتعملي ايه هنا!

اتكلمت بهدوء منافي تماما للبركان اللي جواها 

= بعمل اكل 

يونس بهدوء 

= انتي فعلا ملحقتيش تفطري كنتي قولتي لحد من الخدم انتي كنتي في المستشفى انبارح و اكيد تعبانه 

اتكلمت بحده 

= لا انا كويسه 

اتمنى تكون صالحت مراتك و ياريت متكونش لسه زعلانة 

و اااه يا ابيه احنا ممكن نطلق من بكره و متخافش من كلام الناس انا هعرف اسكت اي حد يتكلم عليا كويس 

يونس بغضب 

= بس انا قولت شهرين 

و بعدين ايه ابيه اللي انتي ماسكها دي!!

اتكلمت بحده 

= برجع الامور لطبيعتها انت اخويا الكبير و هتفضل كدا لنهاية عمرنا 

عايز حاجه اعملهالك 

هز راسه بالنفي و اتنفس بغضب و خرج من المطبخ 

بصيت لطيفه بدموع و كملت في الطبخ و هي متعصبه 

في غرفه مي

كانت بتتكلم في الفون بغضب 

= الموضوع طلع صح و طلع فعلا اتجوز انا مش عارفه اعمل ايه 

= اممم مش قالك هيطلقها كمان شهرين 

خلاص اصبري 

و بعدين انتي زعلانة كدا ليه ما انتي متجوزاه عشان فلوسه 

مي بغضب 

= لا يا مراد انا بجد عايزه يونس يمكن في الاول اتجوزته عشان فلوسه و عشان كل البنات كانوا هيموتوا... عليه و انت عارفني مقبلش غير بالكاريزما 

بس انا بعدين لاقيت نفسي مقتنعه بيه و عايزاه و مستحيل اسمح للبنت دي تشاركني فيه 

انا بكلمك دلوقتي عشان تشوفلي حل 

انت ابن عمي و مضطر تقف جانبي

مراد ببأبتسامه 

= اكيد طبعا 

بس فيه حاجه لازم تعرفيها الاول 

جاسر رجع من لندن انهاردة 

اتكلمت بتلعثم و بدأت تعرق بخوف

= ايه!!!

طب سألك عليا 

لو سألك عليا اوعى تعرفه اي حاجه عني انت فاهم

مراد بشك

= ماشي 

المهم دلوقتي مرات جوزك حلوه

مي بغيره 

= عاديه 

انا احسن منها طبعاً 

مراد ببأبتسامه خبث 

= دي تبقى صاروخ بقى ادام اتكلمتي بالطريقه دي 

بس متخافيش هخلصك منها اصل ابن عمك ميحبش يضيع الصورايخ من ايديه 

غصون كانت واقفه في المطبخ و بتعمل الاكل و بتحط فيه كل غضبها 

كانت دموعها نازله بتلقائية 

فجأة لاقيت يونس داخل المطبخ 

كانت لسه هتتكلم بس مسكها من ايديها و شدها عليه 

و قبلـها... بعنف...

برقت عينيها بصدمه و حاولت تبعده عنها بس حاوط خصرها و مسكها بتحكم 

اتحولت قبلته... قبله... شغوفه 

ثبت رقبتها بايديه و دفن... وشه في عنقها و قبلها... بلهفه بعد ما لاقها بتحاوط كتفه بايديها 

فتحت عينيها و بعدته عنها بكل قوتها و اتكلمت بغضب

= اطلع براااا 

اطلع براااا بقولك 

اتنفس بغضب منها و من نفسه و اتكلم بحده 

= مش عايز اسمع منك كلمه ابيه دي تاني لو اتقالت تاني هزعلك مني جامد 

قال كلامه و طلع برا المطبخ 

مي كانت واقفه برا و بتبصله بغضب و كره.. 

اول اما شافته خارج استخبيت 

قعدت غصون على كرسي السفره بغضب و فضلت تعيط 

قاطعها صوت تسقيف مي اللي دخلت و اتكلمت بسخريه 

= برڤوا 

مُمثله رائعه ارفعلك القبعه و الله 

بينتي انك البريئه و ان جوزي هو اللي بيجري وراكي 

قالت كلامها و راحت عندها مسكت فكها بقوه و اتكلمت بغضب 

= عاجبه فيكي ايييه هااا 

فيكي ايه احسن مني 

غصون حاولت تبعد عنها بس معرفتش بسبب قوتها

مسكت مي ايديها و وقفتها قدام البوتاجاز 

بصيت للزيت اللي على النار... و بصيت لغصون بكره و شر 

و في ثانيه كانت مسكت الطاسه و رمتها... على رجل غصون و 

يُتبع... 

عايزين تفاااعل حلو بقي

توقعاتكم بقى اللي جاي دمااار 😲)

تكملة الرواية بعد قليل 

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا