رواية بريئة أحيت لي قلبي الفصل الثاني عشر والثالث عشر للكاتبة ريحانة الجنة
رواية بريئة أحيت لي قلبي الفصل الثاني عشر والثالث عشر للكاتبة ريحانة الجنة
12=رواية بريئة أحيت لي قلبي للكاتبة ريحانة الجنة الفصل الثاني عشر
(في مكتب مراد في شركته )
مراد تليفونه يرن. مازن اخو مراد
مراد: مازن ازيك عامل ايه و بابا طمني هو بقي كويس.
مازن: ازيك يا مراد. مراد بابا تعبان اوي و كل يوم يطلب انه يشوفك وانا قولتلك كتير و انت مابتجيش
مراد: معلش يا مازن انت عارف الشغل و المجموعة. صعب اني اسافر خالص.
مازن: يا مراد احنا آخر مرة شوفناك من سنتين. معقول لا انا ولا بابا وحشناك.
مراد: ازاي بس وحشتوني بس. خلاص يا مازن انا الشهر اللي جاي حاجي اشوفكم.
مازن: الشهر اللي جاي يا مراد بقولك بابا بيموت و نفسه يشوفك.
مراد: بيموت ايه بس يا مازن انت مش قلتلي ان حالتوا استقرت.
مازن: مراد بابا عنده كانسر و في مرحلة متأخرة يعني مش مرض عادي و ممكن يموت في اي وقت.
مراد: حاضر يا مازن ححاول اجي في أقرب وقت. سلام.
مراد: اعمل ايه بس اسافر ازاي و اسيب سجى. انا مقدرش يعدي يوم من غير ماشوفها. اوففف. طيب هي ممكن ترضي تسافر معايا. بس دي فاضلها شهر و نص علي الامتحانات و صعب تسافر. اعمل ايه بس.
ميادة: مراد بيه. ياسر بيه. هنا وعايز حضرتك.
مراد: خاليه يدخل، اهلا ياسر تعالي.
ياسر: ازيك يا مراد. ايه يا ابني بقالك كتير مش بتيجي شقة الزمالك. و لا بشوفك خالص.
مراد: معلش انا بس مشغول اليومين دول. و بعدين انا خلاص مش حروح شقة الزمالك دي تاني و كمان حبيعها.
ياسر: شقة ايه اللي تبعها دي انت ناسي اننا شركة في كل حاجة
مراد: احنا شركة في الشغل. مش في الممتلكات.
ياسر: خلاص لو حتبعها انا اشتريها.
مراد: خلاص ابقي خلص مع المحامي.
ياسر: قولي صحيح انت عامل ايه مع البت بنت فهمي. شكلك مبسوط معاها اوي علشان كدة مش عايز تيجي شقة الزمالك.
مراد: ماسمهاش بت. اسمها سجي و بعدين و انت مالك اعمل اللي اعمله.
ياسر: ابدا اصل بقول مادمت انبسط معاها. باصي لخوك. ده احنا اخوات برضوا.
مراد: الدم غلي في دماغوا. انت اتجننت اباصي مين. دي مراتي.
ياسر: احنا حنضحك علي بعض مرات مين. ما انا و انت عارفين انت اتجوزتها ازاي و ليه. و مدامت خلتك تقعد جنبها الفترة دي تبقي عرفت تبسطك. ادهالي بقي شوية. ولا انا مليش نفس.
مراد: جري علي ياسر و مسكه من هدومه. انا لولا العشرة و الشغل اللي بينا. كنت قتلتك دلوقتي. سجي دي مراتي و لو جبت سيرتها تاني حيكون اخر يوم في عمرك.
ياسر: نزل ايد مراد. كدة يا مراد تقتلني انا علشان واحدة لسة عارفها من كام شهر بس.
مراد: ياسر لو جبت سيرتها تاني يبقي تنسي كل اللي بينا حتى الشراكة حنفضها فاهم.
ياسر: كدة. ماشي. عموما انت اخويا و صاحبي و انا محبش ازعلك. انا اسف. انا كنت جاي اقولك اني كمان اسبوع مسافر الصين علشان اخلص ثفقة الادويه المخدرة. و حقعد هناك شهر او اكتر
مراد: ترجع بالسلامة.
ياسر: بس اعمل حسابك. اول ماارجع انت لازم تسافر ايطاليا تخلص. ثفقة الاسلحة انا مش حعمل كل حاجة. لوحدي انت من ساعة ما اتجوزت و انت سايب كل الاتفقات عليا و ده ماينفعش.
مراد: طيب ما تبقي تسافر انت. انا مش حينفع الفترة اللي جاية دي اسافر خالص.
ياسر: لا طبعا انا منفعش. الناس بتاعت ايطاليا دي بالذات مبتثقش غير فيك انت. و دول مينفعش نتاخر عليهم. دي مافيا يا مراد يعني انا و انت ممكن نتصفي انت فاهم.
مراد: اوفففف. ماشي لما اشوف.
مشي ياسر و مراد كان حاسس انه مخنوق و ان كل الحاجات دي ممكن تبعدوا عن سجي
نزل مراد
جاسر: اتفضل يا مراد بيه.
مراد: جاسر معلش انا عايز ابقي لوحدي شوية. روح انت و السواق.
جاسر: بس ده خطر تمشي لوحدك. طيب علي الاقل امشي وراك بالعربية التانية.
مراد: لا يا جاسر قلتلك عايز ابقي لوحدي، و مشي مراد و راح المقطم في مكان عالي و بعيد و هادي. و بيفكر.
مراد: هو انا امتي حقولها اني بحبها، انا لازم اقولها كل حاجة مش قادر اخبي اكتر من كدة. هي لازم تعرف اني بحبها بجد مش زي ماهي فاكرة بس هي ممكن تكون مابتحبنيش. لا هي بتحبني بس خايفة مني و مش واثقة فيا. بس انا كل لما اجي اقولها. فجاة مش بقدر و الكلام بيروح مني.
و قعد مراد علي العربية من قدام و هو بيسمع الاغنية دي ( حاجة مستخبية لحماقي )(في جوا قلبي حاجة مستخبية كل اما باجي اقولها فجأة مش بقدر. قدام عنيك بقف وبنسي ايه يتقال. ليه كل مرة يجري فيها كدة ليا. ودي هي كلمة واحدة بس مش أكتر. والكلمة دي عندي فيها راحة البال. حبييييتك يوم مالتقينا لما حكينا. اول كلام. حبييييتك واحلف علي اده تسمع زيادة انا مش بنام. حبييييتك. الناس في عيني حاجة وانت حاجة تانيه. عندك مشاعري حتى خدها واسألها. انا صعب اعيش حياتي وانت لحظة بعيد. احساسي بيك في ضعفي قواني. كانت حياتي ناقصة جيت تكملها. فرحة لقايا بيك بتبقي زي العيد. حبييييييتك يوم مالتقينا لما حكينا. اول كلام. ) و مراد لسة قاعد. تليفونه رن. مازن.
مراد: في ايه يا مازن ما لسة مكلمك من شوية.
مازن: الحقني يا مراد
مراد: مالك يا مازن. انت بتعيط
مازن: منهار و بيعيط. بابا مات يا مراد بابا مات.
مراد: دموعه نزلت و هو مش مصدق. انت بتقول ايه انا كنت جايلوا والله كنت جاي اشوفه. ليه ليه مات اقبل ماشوفه ليه.
مازن: يا مراد. قولتلك بابا محتاجك بس انت قلبك قسي حتى علينا. عموما انا خلصت كل اجرءات المستشفي و حجزت في طيارة بكرة الساعة 8 الصبح انا لازم ادفن بابا في مصر. بابا مش ممكن يدفن في الغربة يا مراد
مراد: عندك حق وانا حكون مستنيك في المطار.
قفل مراد وحس انه محتاج سجي تكون جنبه في الوقت ده محتاج يكون في حضنها و يبكي. اخد عربيته و راح علي الفيلا و لما وصل سجي كانت مستنياه زي كل يوم في البلكونة و اول لما شافت عربيته فرحت و استنته يجي يغلس عليها زي كل يوم. مراد راح و خبط عليها
سجي فتحت و اول ماشافت مراد وشه حزين و عنيه كلها دموع
سجي: مراد مالك انت بتعيط.
مراد: رمي نفسه في حضنها. بابا مات يا سجي. بابا مات. مات من غير ماشوفه. انتى كان عندك حق لما قولتي عليا مش بني آدم و معنديش قلب انا فعلا كنت قاسي حتى علي اقرب الناس ليا
سجي: اخدته في حضنها و طبطبت عليه. بس يا مراد متعملش في نفسك كدة. ده قضاء ربنا
مراد: تعرفي هو كان عايز يشوفني وانا اللي ماسفرتش علشان اشوفه عارفة ليه
سجي: ليه.
مراد: علشانك. كنت خايف ابعد و اسيبك. انا محتاجك جنبي يا سجي اوعي تسبيني علشان خاطري. انا مقدرش استغني عنك.
سجي: متخفش انا جنيك و مش حسيبك. بس انت اهدي و قوم اتوضي و صلي و ادعيلوا ان ربنا يرحموا. و اقرأله قرأن
مراد: بص لسجي بخجل. بس اناعمري ما صليت ولا حتى بعرف اتوضي.
سجي: اتصدمت. معقول يا مراد واحد في سنك عمره ماصلي ولا مرة
مراد: انا عمر ماحد علمني ولا قالي صلي. ولا حتى عمري فتحت مصحف.
سجي: متفاجأة. علشان كدة كان قلبك قاسي و ضلمة. الانسان طول ماهو بعيد عن ربنا عمره مايكون مرتاح. عموما انا ممكن اعلمك و اقولك ازاي تتوضي و تصلي.
مراد: بجد يا سجي حتعلميني.
سجي: ايوة تعالي معايا علي الحمام. بس استني. انت قبل ما تتوضي انت لازم تكون، تكون. مش ااه...
مراد: في ايه يا سجي ماتكلمي علي طول
سجي: يعني اقصد. انت يعني كنت مع ستات او حاجة.
مراد: اقصدك يعني نمت مع حد.
سجي: ايوة هو انت يعني لازم تقولهالي في وشي كدة. انت مابتتكسفش.
مراد: كسوف ايه بس دلوقتي يا سجي. و عموما لا انا من يوم ما اتجوزنا و انا معملتش كدة.
سجي: فرحت من جواها. طيب تعالي معايا.
و اخدت سجي مراد و علمته ازاي يتوضي و ازاي يصلي و حفظته كمان الفاتحة و الاخلاص علشان يصلي بيهم لحد ما تحفظه غيرهم. مراد اول ماصلي و هو ساجد لقي نفسه بيبكي بحرقة مبقاش عارف هو بيبكي علي ابوه ولا علي نفسه و تقصيره في حقها انه حرم نفسه كل السنين دى من متعة الصلاة و مكنش متخيل انه حيرتاح كدة و بعد ماصلي.
سجي: مراد انت لازم تنام و ترتاح انت حتصحي بدري علشان تروح المطار و كمان لسة قدامك بكرة يوم طويل. دفنه وعزا.
مراد: سجي انا عايزك معايا بكرة انا اول مرة اتحط في الموقف ده و مش عارف حتصرف ازاي انا حتى لما ماما ماتت كنت صغير. معرفش حاجة. ممكن.
سجي: حاضر حاجي معاك. متقلقش
مراد: طيب ممكن تخليكي جنبي لحد ما انام. انا مش عايز اقعد لوحدي.
سجي: ابتسمت. حاضر حقعد جنبك لحد ما تنام. تعالي.
مراد: نام في سريره و فضل ماسك ايد سجي. و سجي فضلت قاعدة جنبه لحد ما نام. سجي: حاست ان مراد صعبان عليها و ان التربية اللي اترباها هي السبب في اللي وصله. و قبل ما تقوم باسته من راسه و راحت أوضتها.
(في الصباح )
مراد صحي علي صوت خبط الباب. قام فتح لقي سجي لابسة وبتبتسم.
سجي: صباح الخير
مراد: بإبتسامة. صباح النور. انتي ايه اللي صحاكي بدري و ليه مدخلتيش علي طول من غير ماتخبطي.
سجي: اولا احنا مش بدري الساعة 6 يعني يادوب تاخد حمام وتلبس و نروح المطار. ثانيا انا ماينفعش ادخل من غير ما خبط. في حاجة اسمها آداب الاستأذان.
مراد: الكلام ده حاسس اني انا المقصود بيه. صح
سجي: امممم يعني حاجة زي كدة. المهم اتفضل ادخل خد حمامك والبس بسرعة.
مراد: حاضر. طيب ادخلي اقعدي لحد ما اخلص.
سجي: لا معلش مش حينفع انا حستناك في أوضتي.
مراد: سجي انتي لسة بتخافي مني.
سجي: اااااممم. لا بص انا حستنك متتاخرش.
و مشيت سجي و مراد ابتسم و اتنهد. و قفل الباب و دخل علشان يجهز نفسه، و شوية و هو بيلبس. الباب خبط.
مراد: ادخل. سجي ايه ده انتي اللي عملتي كل ده
سجي: دخلت و معاها صنية فيها فطار و قهوه لمراد، ايوة انت امبارح ماتعشتش و كمان ماينفعش تنزل من غير ما تفطر. و الشاغلين لسة نايمين. فأنا روحت حضرتلك الفطار.
مراد: قرب منها و مسك ايديها و باسها بكل حنية. انتي كنتي فين من زمان.
سجي: اتكسفت. احمممم ممكن بقي تفطر علشان منتأخرش.
مراد: حاضر علشان خاطر عيونك
و فطر مراد و سجي مع بعض و اخدها في عربيته و راحوا المطار.
(في المطار )
سجي: اهدي يا مراد انت لازم تبقي متماسك اكتر من كدة.
مراد: مش قادر يا سجي انا عمري ما كنت اتخيل انا اقف استني استقبل ابويا في صندوق. مش قادر مش قادر.
سجي: علشان خاطري. اهدي. بص في واحد جاي علينا و في شبه كبير منك. تعرفوا.
مراد: مازن.
مازن: حضن مراد وزهو بيبكي. بابا مات و سابني لوحدي يا مراد.
مراد: اوعي تقول كدة انا معاك. انت نسيت اني اخوك الكبير.
مازن: مين دي
مراد: بص لسجي. دي سجي مراتي
مازن: انت اتجزت يا مراد
من غير ما تقولنا. ده بابا كان نفسه اوي يشوفك بتتجوز. ليه يا مراد حرمته من اليوم ده.
مراد: معلش يا مازن. حبقي احكياك بعدين. المهم خليك هنا مع سجي و انا حروح اخلص كل حاجة علشان نلحق نصلي عليه. و ندفنه.
مازن: قعد جنب سجي. انا أسف مقولتلكيش مبروك.
سجي: لا علي ايه اصلا مش وقته. البقاء لله.
مازن: كان زي مراد و يمكن اكتر و معرفش يرد. و هزلها راسه.
و خلصوا كل حاجة و سجي كلمت باباها و خالتها صفيه و جوزها و نهي علشان يجوا يعزو مراد. و اليوم خلص و كان طويل و باليل بعد العزا.
سجي: مراد. ممكن نهي تقعد معايا يومين لحد ما العزا يخلص. اصل انا لوحدي و في ناس كتير بتيجي.
مراد: طبعا يا سجي. انتي بتستاذني. ده بيتك. و نهي اختك. نهي انا أسف علي اي حاجة حصلت قبل كدة مش عايزك تكوني زعلانة.
نهي: كانت عارفة من سجي كل حاجة و ان مراد اتغير. لا مفيش حاجة انا مش زعلانة ابدا اللي فات مات.
مراد: متشكر. واضح انك ملاك زي اختك. عن ازنكم اروح اشوف مازن.
نهي: تصدقي كان عندك حق انا مش مصدقة بجد ان ده مراد. معقول
سجي: و هي بصة عليه لحد ما مشي و مبتسمه. اه معقول مراد اتغير و بقي انسان جديد. طيب و حنين. و رقيق
نهي: امممم واضح انك حبتيه اوي.
سجي: حبيته بس ده انا بموت فيه و نفسى افضل معاه علي طول و مسبهوش ابدا. مراد ده بقي روحي يا نهي.
نهي: و ليه مش بتقوليله و تصارحيه.
سجي: خايفة يكون. قربه مني ده علشان حاسس بتغير معايا و بس وزميكنش بيحبني. تعرفي انا نفسي اوي اكون معاه و اكون مراته بجد. بس خايفة انه بعد ده ما يحصل يزهق مني و يسبني. علشان كدة ببقي بعيدة عنه. علشان افضل معاه اطول وقت ممكن.
نهي: للدرجة دي بتحبيه
سجي: و اكتر بكتييييير.
13=رواية بريئة أحيت لي قلبي للكاتبة ريحانة الجنة الفصل الثالث عشر
مازن: معقول انت تعمل كدة يا مراد. خسارة بنت في جمال ورقة سجي يتعمل فيها كدة.
مراد: انا عارف و صدقني انا ندمت اني اهنتها و غصبتها بالطريقة دي. بس ده كان في الاول لكن دلوقتي انا بحبها والله بحبها اوي يا مازن. و نفسي اعوضها عن الطريقة اللي اتجوزتها بيها.
مازن: و ايه اللي مانعك.
مراد: خايف. خايف اقولها و اصارحها اني بحبها وتكون هي مابتحبنيش.
مازن: متفتكرش. دي امبارح كانت طول الوقت عنيها عليك و كانت شكلها خايفة عليك اوي. انا اخت بالي.
مراد: حتى لو زي ما بتقول ممكن ده يكون لاني صعبت عليها من الحالة اللي كنت فيها. او يمكن علشان انا اتغيرت معاها لكن مش حب.
مازن: ايوة بس انت كده بتظلم نفسك و تظلمها. افرض انها بتحبك زي ما انت بتحبها يبقي بتضيعوا علي نفسكم وقت و انتوا بعيد عن بعض. و لو مش بتحبك يبقي انت لازم تخيرها اذا كانت تفضل معاك او تطلقها و تسبها تعيش حياتها بدل ما هي كدة لمنها متجوزة ولا منها مش متجوزة.
مراد: لا اطلقها. مش ممكن انا مقدرش استغني عنها. علشان كدة بقولك خايف اصارحها. و دي تبقي بداية النهاية. بالنسبة ليا. انا عايزها تفضل معايا اطول وقت ممكن. سجي دي روحي. انت متعرفش امبارح لما معرفتش اشوفها في المرايا بالليل علشان نهي كانت نايمة معاها في الاوضة. كنت حموت. ولا عرفت انام. علشان كده النهاردة صممت ان نهي تقعد في أوضة لوحدها.
مازن: تعرف نهي فيها كتير من سجي. تحسهم تؤام. نفس البياض و العنين و الضحكة.
مراد: ههههه فعلا بس سجي احلي كتير.
مازن: هههههه كنت عارف انك حتقول كده.
و عدي الشهر اللي فاضل و امتحانات سجي و نهي. و خلوصوا. و ده كان أخر يوم امتحانات. و مراد و سجي و نهي و مازن بيتغدوا علي السفرة
نهي: اخيرا انا مش مصدقة الامتحانات خلصت. انا كنت خلاص حطق.
سجي: هههههههه لما انتي تقولي كدة يا بتاعت فنون جميلة انا اقول ايه. قانون و جنائي و هم.
مراد: فعلا انتي تعبتي اوي الشهر اللي فات ده كل يوم مذاكرة لحد الفجر ماكنتيش بتلحقي تنامي.
سجي: قربت من مراد. و انت عرفت منين ان انا كنت بذاكر لحد الفجر
مراد: احممم من نور اوضتك كان بيبقي منور في التراس و بشوفه.
مازن: ايه رأيكم بقي بمناسبة ان انكم خلصتم امتحانات وان انا مسافر بكرة نحتفل النهاردة بالليل.
سجي: حفلة ايه بس و عموا مبقالوش شهر ونص بس متوفي.
مازن: خلاص بقي يا سجي. مش هنا في مصر بتقولوا الحي ابقي من الميت. و كمان بابا ماكنش بيحب النكد.
مراد: مازن معاه حق يا سجي انا كمان عايز احتفل بيكي.
نهي: احنا كمان حنعمل حفلة صغيرة في الجنينة احنا الاربعة بس. هاه يا سجي. قولتي ايه.
سجي: بصت لمراد و ابتسمت. خلاص اللي تشوفوه
مازن: ايوة كدة. و بالمناسبة دي انا حغنلكم بالليل.
مراد: انا بقول نلغي الحفلة دي خالص شكلها حتقلب بغم.
سجي و نهي: ههههههههه
مراد: و شوش سجي. تعرفي ضحكتك حلوة اووووويي.
سجي: اتكسفت و ابتسمت. طب اسكت بقي بدل ما الغي الحفلة بجد.
(بالليل في الجنينة )
نهي بتحكيلهم عنها هي و سجي و بيضحكوا كلهم
مازن: مش ممكن سجي يطلع منها كل ده مش مصدق.
نهي: ههههه اه والله دي كانت بتعمل فيا كل مقلب و مقلب. بيطلع من عيني علي فكرة يا مراد ميغركش انها هادية كدة دي سوسة.
مراد: هههههههه انتي حتقوليلي ما انا مجرب مقالبها. و مال علي سجي. فاكرة مقلب الحمام واللي عملتيه فيا.
سجي: هههههه اه بس انت كمان قليت أدبك فاكر.
مراد: أدب ايه بس اللي قليته. انتي لو تعرفي انا كنت عايز اعمل فيكي ايه بعدها مكنتيش قولتي كده.
سجي: داست علي رجله.
مراد: ااه كدة ماشي. حسابنا بعدين
مازن: ايه بتتوشوشوا في ايه كدة و سايبنا
مراد: و انت مالك يا غلس واحد و مراتوا. انت ايه اللي حشرك.
مازن: كدة ماشي. يلا بقي علشان انا حغني.
مراد: والله لو فكرت تعملها لحطك في العربية و ابعتك المطار من دلوقتي بس
سجي: هههههه حرام عليك يا مراد سيبه يغني
مراد: علي جثتي هي ناقصة غم.
مازن: كده ماشي. خسارة فيكم والله انا غلطان. طيب ممكن بقي اطلب حاجة. انا عايز ارقص سلوه. وبما ان حضرتك حترقص مع مراتك ممكن ارقص مع نهي.
نهي: بس..
مازن: قوللها يا سجي.
سجي: خلاص بقي يا نهي مازن مننا و علينا و كمان هو مسافر بكرة خليها عليكي
نهي: اوك ماشي. بس لو قل عقله كده ولا كده. هو حر انا معرفش ابويا في الحاجات دي.
مراد: خالي بالك يا بني من نفسك. احسن اخوك مجرب
مازن: ههههههه ربنا يستر. ممكن بقي يا مراد تخترلنا اغنية علي زوقك نرقص عليها اصل مليش مزاج ارقص علي اجنبي وبقالي كتير مسمعتش عربي.
مراد: اوك. انا حشغلوكوا اغنية بحبها كان نفسي ارقص عليها يوم فرحي بس مليش نصيب. و شغل مراد اغنيه (وماله. لعمر دياب)
مراد: مد ايده لسجي تسمحيلي.
سجي: ابتسمت. و مسكت ايده.
(وماله لو ليلة. توهني بعيد و سيبنا كل الناس. انا يا حبيبي حاسس بحب جديد ماليني ده الاحساس. و انا هنا جنبي اغلي الناس انا جنبي احلي الناس. حبيبي ليلة تعالي ننسي فيها اللي راح تعالي جوة حضني و ارتاح. دي ليلة تسوي كل الحياه. وماله ليلة و لولا حبك حعيش لمين حبيبي جاية اجمل سنين. و كل مادا تحلي الحياه. حبيبي المس ايديا علشان اصدق اللي انا فيه. ياما كان نفسي اقبلك بقالي زمان. خلاص و ححلم ليه. ما انا هنا جنبي اغلي الناس. جنبي احلي الناس. حبيبي ليلة تعالي ننسي فبها اللي راح) و فضل مراد حاضن سجي طول الرقصة و هما الاتنين باصين في عنين بعض و كأن كل واحد فيهم كان هو اللي بيغني للتاني. و فضلوا كده و ماحسوش ان الاغنية خلصت و مراد.
كان خلاص بيقرب من سجي و هي كمان كانت عايزاه يقرب و في اللحظة اللي كان فيها خلاص حيبوسها. سمعوا صوت مازن
مازن: علي فكرة يا جماعة الاغنية خلاص خلصت.
مراد: غمض عينه و هو بيجز علي سنانه. الله يخرب بيتك عيل فصيل مش وقتك خالص.
سجي: اتكسفت و بعدت. احممم عن اذنكم انا حروح اشوف نهي. و مشيت
مراد: ضرب مازن علي دماغه انت ايه اللي جابك دلوقتي انت مش كنت
بترقص مع نهي في اخر البيسين ايه اللي جابك هنا يا بايخ.
مازن: هههههه اعمل ايه بس ماهي نهي طلعت عيني ولا عرفت ارقص معاها بترقص معايا و بيني و بنها 2متر.
مراد: هي اخت مين. ما انا عارف. بس برضوا مكنش وقتك دي كانت اول مرة احس انها عايزاني و مش مجبرة و انا بعمل كدة. امش بقي من قدامي جتك الارف.
و قعد مازن و مراد يضربوا في بعض و مازن زق مراد في البيسين
نهي: الحقي مازن و مراد و قعوا بعض في البيسين. تعالي نروح نشوفهم.
مراد: بيغرق مازن. انا حموتك و اخليك تقول حقي برقبتي علشان تحرم تزوقني تاني يا حيوان.
مازن: يطلع يا خد نفسه. خلاص خلاص، خلاص، سجي قوليلوا خلاص هو بيسمع كلامك.
سجي: هههههه خلاص يا مراد. كفايه علشان خاطري.
مراد: ساب مازن. علشان خاطرك بس حسيبه و لو اني متغاظ منه الفصيل ده
سجي: ضحكت علشان عارفة انه يقصد انه مازن قاطعهم و هما مع بعض
مازن: جه من ورا مراد و غطسه جامد و مراد نزل تحت و مازن فوقه.
سجي: اتخضت. مازن لا يا مازن سيبه علشان خاطري نفسه يا مازن بجد بلاش الهزار ده. لو سمحت
مازن: ساب مراد وطلع من المياه. انا سبته علشانك بس صعبتي عليا اخليكي ارملة بدري كده.
مراد: قرب من حرف البيسين. و بص لسجي و هو بيبتسم. ايه خوفتي عليا. مش انتي كان نفسك اموت علشان ترتاحي مني و من غلستي.
سجي: احممم. استني حجبلك فوطة من هنا.
نهي: عن اذنكم انا طالعة انام
سجي: اتفضل الفوطة احسن تبرد.
مراد: مش حخودها الا لما تقولي خوفتي عليا بجد
سجي: وبعدين معاك خد الفوطة بقي لتبرد
مراد: مد ايده. ومسك ايد سجي و شدها في المياه معاه.
سجي: هاه. مراد انت فعلا مجنون. ايه اللي عملتوا ده.
مراد: عايزك تعومي معايا شويه
سجي: دلوقتي. كدة بهدومي. انت بجد غلس.
مراد: حضنها. ايوة غلس. و بحب اغلس عليكي انتي و بس. سجي انا. انا، عايز اقولك حاجة مهمة. انا...
سجي: ايه نسيت حتقول ايه. انا طالعة و لما تفتكر ابقي تعالي قول.
مراد: شدها و باسها. جامد و بقوة. و بعد شوية بعد عنها و اخد نفسه.
سجي: اتكسفت. مراد ماتعملش كدة تاني فاهم.
مراد: ليه مش انتي مراتي.
سجي: انت مش قولت انك عايز تطلقني و تتجوز واحدة تانيه. تعرف تدلعك.
مراد: سجي انا دلوقتي بكلمك بجد. انتي عايزة تطلقي. عايزة تسيبيني. لو ده اللي انتي عايزاه. انا مستعد اعمله.
سجي: انا مش عايزة حاجة و مطلبتش منك حاجة. اعمل إلى انت عايزه و اوعي بقي. انا لازم اطلع اغير هدومي. و طلعت سجي
مراد: انا مش فاهم يعني فعلا هي عايزاني ولا لا. ما خلاص يا مراد دي كان فاضل تقولهالك بصراحة. خلاص انا كدة اتأكدت. كدة احضرلها بقي المفاجاة اللي في بالي. علشان لازم افرحها. مش حستني اكتر من كده. انا خلاص مش قادر ابعد عنها.
بس يا تري القدر حيسبهم يفرحوا ولا ايه اللي ممكن يحص
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق