روايه بناتى حياتى الفصل الحادى عشر والثانى عشر بقلم ولا يحيى
روايه بناتى حياتى الفصل الحادى عشر والثانى عشر بقلم ولا يحيى
روايه بناتي حياتي
الحلقه (١١)
في بيت فايز بعد ما قالهم عن طلب سليم لايد لين
سلوي بحقد : بقي سليم عاوز يتجوز لين بيضلك في القفص يا مني انتي وبناتك امك كانت دعيلك
سميه بستغراب : في ايه يا ماما مالك مستغربه كده ليه هو سليم يطول واحده زي لين طيب دا انا زعلانه ان لين هتوافق دا يغور من وش امه واخته مروه
سها: اه والله مش عارفه لين ازي توافق عليه وازي هتعرف تتعمل مع امه دي
سلوي بضيق : امها معلمها ياخيبه منك ليها عرفت ازي توقع الواد في شهرين قعدتهم هنا واد حلو مهندس عنده فلوس علي قلبه قد كده مش انتم قعدين في وشها بقالكم سنين مافكرش يبص ليكم طلعين خيبين لامكم ابقي اقعده ياختي منك ليها معها هي واختها واتعلمه
فايز بضيق: استغفرك ربي واتوب اليك لله الامر من قبل ومن بعد
سلوي بضيق : ايه يا راجل مالك هو حد كلمك
فايز: يا سلوي يا تقولي كلمه كويسه يا تقفلي بقك هي لين نقصها حاجه عشان توقع عريس دي بسم الله ما شاء الله عليه زي ما بيقوله مال وجمال واخلاق وعلم وتربيه ناقصه ايه عشان تقولي بتصاد عرسان
سلوي بغضب : ياخويه مالك كده قعد تعد في محاسن بنت اخوك طيب قول علي بناتك هم اولي بنفخه الانتي فيها دي
ويدخل سالم البيت
سالم : سلام عليكم
الجميع : وعليكم السلام ورحمه الله وبركاته
فايز : كنت فين يا سالم المعرض مقفول من الساعه 9 رحت فين
سالم بتسامه : خرجت مع اصحابي شويه يا بابا
فايز: طيب يابني اكلت ولا تخلي حد من اخوتك يحضرلك العشاء
سالم : لا مش جعان دلوقتي شويه كده
سلوي بغيظ : مش لين اتخطبت يا سالم
فايز : ياسلوي اسكتي وسيبي البنت في حالها
سالم بستغراب : ايه دا هو الكلام بجد ولا ايه انخطبت لمين
سميه : سليم اتقدم لعمي فؤاد وعمي نازل بعد بكرا عشان يقابله
سلوي بضيق : لا تقدم لعمك وال نيله البت هي الوقعته وراحت لابوها قالتله يجي يجوزها خافت يهرب من ايدها
فايز بضيق : استغفر الله العظيم ياوليه اتقي الله عندك بنات كلامك هيعقدلك فيهم
سلوي بعصبيه : هو انا جيبت حاجه من عندي مش دا الحصل
سها: ناناه قالت ان هو قال لاحمد جوز سيلا ولما احمد سافر قال لعمي فؤاد
سلوي بتريقه : وهي ستك هتقول غير كده مهي لازم تداري عليهم ياختي تداري عليهم
سالم : هو سليم كويس ومحترم بس امه واخته اعوزه بالله وبعدين دي امه بتغير عليه من اصحابه الرجاله امل هتعمل ايه في لين
سلو : ايه دا انا فكرتك هتزعل
سالم بستغراب : وانا ازعل ليه
سلوي: مش كنت عاوز تجوزها
سالم : انا قولت عاوز بنت مؤدبه ومحترمه وجميله وتكون في نفس الوقت شيك ورقيقه وملقيتش حد بلموصفات دي غير لين فقولت يوم ما فكر اتجوز هخطب لين بس مش معني كده اني ازعل لا افرحلها واتمني تكون سعيده طبعا وربنا يعوض عليه بقي ولقي واحده زيها
سلوي بغضب: هو ايه الملقتش واحده بلمواصفات دي غير لين امال اخواتك دول ايه دول احسن منها مليون مره
سالم بضحك : ايه الهبل دا بقول اتجوزها هو انا هتجوز اخوتي
سلوي تقلع الشبشب وتحدفه بيه بس يوطي وميجيش فيه
سلوي : هبل يا جزمه بتقول علي امك هبله
سالم بتصنع الصدمه : هي حصلت لشبشب وجزمه في نفس ذات ال لحظه لا ام قوم ادخل اوضتي اكرملي
سميه وسها : واحنا كمان هندخل اوضتنا احسن
ويخرج سالم راسه من باب الاوضه
سالم : ربنا يصبرك يا حج فايز و لو عاوز تجوز تاني انا موافق و ممكن اروح معك اخطبلك
سلوي تحدفه بفرده الشبشب التانيه بس يقفل الباب بسرعه
فايز بضيق : انا كمان هقوم انام وانتي خليكي قعده لوحدك وبلمره نامي هنا انا هقفل عليه بلمفتاح
ويقوم يمشي وسلوي قعده تاكل في نفسها
سلوي بحقد وكره : طيب يا مني ام ورتك انتي وبناتك وهو كويس ان بنتك هتقع في ايد عواطف ودي بقي الهخليها تخلصه القديم والجديد منك انتي وبنتك
وفي بيت فريد
سناء: مالك يا فريد بتفكر في ايه
فريد بحزن : الواد رامي متغير وشكله زعلان كده ومموت نفسه في الشغل مش عارف ايه المغيره
سناء: والله انا لسه كنت بقول لماما نفس الكلام وقالتلي جوزيه
فريد: وانا كنت بفكر في كده وكنت عاوز اخطبله لين بس نقول ايه بقي في النصيب
سناءبحزن : انا البنت دي طلعه من عيني كان نفسي اخدها ليه من زمان ومرديتش اتكلم قولت هيقوله صغيره بس
فريد يسكتها : ما بسش يا سناء ادعلها ربنا يسعدها وان شاء الله ربنا يوعده بلاحسن
سناء: ربنا يهدي سرها ويكتبلها الخير ويهديك يا رامي يابني ويريح بالك
ايمان وفاروق والجده
الجده : ايه يا ايمان الحمل المره دي مطول كده انا حسه انك عديتي معادك
ايمان: مش عارفه والله يا ماما وتعبت وكل يوم اتقل عن اليوم القابله
الجده : ابقي خدها يا فاروق لدكتور اطمن عليها
فاروق : مهي كانت لسه عنده بس هي المش راضيه تمشي علي الوصفه (ويغمز لها )
ايمان تغبطه في كتفه وتبرقله
الجده بضحك : يا واد اتلم واحترم نفسك انا قعده معك
فاروق بضحك : هو انا قولت حاجه انتي البتفهمي صح 😂
ايمان: مقولتليش يا ماما مين الهيجي مع سليم وهو بيخطب لين
الجده بضيق : يوووه اسكتي يا ايمان بتفكريني ليه انا كل ما افتكر ان الوليه العقربه امه هتيجي ونبقي قريب قلبي ينقبض
ايمان : خير يا ماما ربنا يهديها وان شاء الله هتحب لين
لين اصلا اي حد يعرفها يحبها
فاروق : وبعدين سليم راجل يا ماما وهيعرف يتصرف مع امه
الجده : ربنا يسترها يابني انا لولي لين قالتلي قبل ما تسافر و شوفتها فرحانه وبتحب الواد كنت قولت لفؤاد ابعد عن الجوازه دي بس ميهونش عليه اكسر قلبها وربنا يخلف الظنون ويقدملها الخير
ايمان وفاروق : يارب
ويعدي اليومين ويوصل فؤاد وعيلته كلها ويكون في استقبالهم فاروق وسالم ويوصله المنصوره وطبعا لين تلقي سليم وقف مع عمها فريد مستني قدام البيت
فريد ببتسامه : حمدالله علي السلامه
فؤاد وهو بيحضن اخوه : الله يسلامك برده تعبت نفسك ووقف مستني يا حج فريد في الشارع
فريد : هوفين التعب دا انا بكون مبسوط لما بترجع وتبقي وسطينا
سليم وهو بيقرب : حمدالله علي السلامه يا عمي
فؤاد يبتسم لانه شاف لين مكثوفه ومسكه في ايد مني : الله يسلامك يا سليم ازيك وازي ولدتك واخواتك
سليم ببتسامه : بخير الحمد الله حمدالله علي سلامه يا طنط ازيك يا سيلا نورتي يا لين
وطبعا لين وشها كله احمر ومش عارفه تنطق
مني ببتسامه : الله يسلامك يا سليم ازيك يا حج فريد
فريد : الحمد الله يا دكتوره يلا تعالو اتفضله ندخل للحاجه
فاروق واحمد وسالم يقربه من سليم ويوقفه وسطيهم ويمسكه من ايده الاتنين زي المغبرين
فاروق وهو رافع حاجبه وبيبص لسليم : تصدق ياض يا سليم
انا اول مره اخد بالي ان دايما وانا بجيبهم من المطار القي يا سبحان الله عربيتك بايظه وانت وقف تصلحها
سالم بضحك : ووهم مسافرين كمان كانت برده بتبوظ ووقف يصابحها
سليم بغيظ : وسعو كده هيطلع قبل ما اخد معاد من عمي
احمد بضحك وهو مسكه: تعال بس عاوزك في موضوع
بس يفك نفسه منه و يجري يلحق فواد قبل ما يطلعه لباب البيت الداخلي
سيلم: عمي فواد لو سمحت
وطبعا الكل يوقف يشوف سليم هيقول ايه
سليم ببتسامه : لو سمحت كنت عاوز اخد معاد من حضرتك عشان اجيب عمامي واجي
سيلا برخامه : هتيجي ليه يا سليم ها عاوزين ايه
الكل يضحك ولين عاوزه تطلع بس سيلا ورشا وسها قفلين الطريق عليها عشان متطلعش
مني بضحك : بنت اسكت
فريد بضحك : طيب تعال فوق يابني هنتكلم علي الباب كده
سليم :متشكر يا عمي فريد مش دلوقتي النهارده بليل بقي ان شاء الله لما جيب عمامي واجي
فؤاد بضحك : يااا دا انت مستعجل اوي طب سيبني اخد نفس
سليم ببتسامه : ما احنا هنيجي متاخر تكون حضرتك ارتحت
الكل يضحك علي استعجال سليم
فؤاد ببتسامه : طيب يا سليم هستنكم بس بكرا ان شاء الله الساعه 8 حلوه كده
سليم ببتسامه : متشكر يا عمي وبكرا ان شاء الله هنيجي اتفضل حضرتك ارتاح
ويطلع وهم بيضحكه علي استعجال سليم ويرجع سليم ل فاروق وسالم واحمد الوقفين يضحكه عليه
احمد : ما كنت تطلع تنام في حضن عمي لبكرا احسن يهرب
سليم : يهرب مين انا هقعد علي باب بتكم الهيخرج هعوره
ويفضله الشباب يهزره ويضحكه
وعند الجده وبعد السلام
الجده : يعني هيجي هو وعمامه بس بكرا
فؤاد : مش عارف هو قال هجيب عمامي بس اكيد هيجب ولدته معه
سناء : ربنا يتملها بخير يارب ويبعد عنها الشر
مني: يارب يا سناء ادعيلها دايما كده
فريد : لين بت حلال وان شاء الله ربنا هيسعدها ويكتبلها الهير
سلوي بضيق : وسليم عريس لقته غني وعنده فلوس قد كده علي قلبه وصغير ومهندس
فؤاد بضيق شديد : لين بنتي حلم لاي شاب وربنا بيحبه الهتكون من نصيبه ولو علي الغني فهي عندها اليكفيها وفي الاغني منه كتير اتقدملها بس انا يهمني ال هيسعده بنتي والهيعرف يحافظ عليها
امير ليغير الموضوع : هو بابا فين هو لسه مجاش
سميه وهي قعده جمبه ومسكه ايده: في المعرض عشان سالم كان هو ال يجيبكم وعمي فريد هنا فهو الهيقفل بس قال هيجي بدري
ويدخل رامي يكون راجع من المستشفي ومعندوش خبر باي حاجه
رامي : سلامه عليكم
الجميع : وعليكم السلام ورحمه الله وبركاته
رامي بستغراب : عمي فؤاد ايه المفاجاه دي حضرتك وصلت امتي محدش قالي انكم هتوصله النهارده كنت قبلتكم
فريد: هو انت بقي حد يشوفك طول اليوم في المستشفي وبتيجي البيت ولا وش الضيف
فؤاد : ربنا يوافقك ويكرمك يارامي بس متتعبش نفسك اوي كده انت لسه صغير عيش حياتك
رامي وهو بيحض امير : وامير كمان هنا تتحسد يابني تنزل مرتين في تلات شهور
اميرببتسامه : لا وجي وهعقد هنا علي قلبك علي طول
راميبضحك : ايه دا بجد هو عمي طردك من الشركه ولا ايه
فؤاد وهو بيضحك : هو انا اقدر استغني عن امير دا هو الشايل الشغل كله بس هيمسك الفرع الجديد في القاهره
ويعقده كلهم يتكلمه ويضحكه
سلوي بتغيظ رامي : هتحضر قرايه الفتحه بكرا يا رامي ولا عندك شغل
رامي بصدمه ويبص للين بسرعه ويرجع يبص ليهم : فتحة مين
سلوي ببتسامه شر: هو محدش قالك ولا ايه مش بكرا سليم جي عشان يخطب لين
رامي يبص للارض وبعدين يبتسم بحزن : مبروك يا لين وطبعا هحضر احنا عندنا كام لين
لين بحزن لحاله : ميرسي يا رامي وعقبالك ان شاء الله وتكون عروسه جميله زيك وتستهلك
رامي يبتسم ويسكت ويبص ليه بعين كلها حزن رغم الابتسامه ال بيحاول يرسمها علي وشه وليه حسه بألمه وقلبها وجعه عشانه وبصت في الارض عشان متشوفش تعبه وكان امر واخد باله فغير الكلام وفضل يرغي مع رامي
ويفضله يتكلمه شويه والبنات مسكين لين تريقه وهزار لحد ما اليل جيه فلين فهربت منهم ودخلت اوضتها والكل يدخل عشان ينام بس فؤاد ميعرفش ينام ويروح للين
لين وهي قعده بترسم ومبسوطه لقيت الباب بيخبط
لين : ادخل
فؤاد يفتح الباب
فؤاد ببتسامه : لقت نور الاوضه شغل قول تبقي صاحيه
لين توقف وتتبتسم : ايوه يا بابي سهرانه خير في حاجه
فؤاد يروح يعقد جمبها علي السرير ويقعدها
فؤاد: لا يا حبيبتي الظاهر اني تقلت في اكل فبطني وجعاني شويه جددتك عمله كل الاكل البحبه فنوم هرب مني
لين بخوف : سلامتك يا حبيبي تحب اعملك حاجه دافيه
فؤاد : لا يا حبيبتي متتعبيش نفسك انتي كنتي بترسمي ولا ايه
لين بكثوف : يعني بشخبط كده
فؤاد ببتسامه : دا فستان فرح شكله حلو اوي (ويبصلها بحب اب) وهيبقي احلي لما تلبسيه انتي
لين تنام في حضنه : ربنا يخليك ليه يا بابي
فؤاد بحزن : كبيرتي يا ليني وهتجوزي وتبعدي عن حضني
لين ترفع وشها وتبصله : انا عمري ما هبعد عن حضنك وال هكبر وهفضل لينك انت وبس
فؤاد ببتسامه :يعني اتصل علي سليم اقوله ميجيش بكرا
لين بضحك : لو هتنام معايه هنا كل يوم وهتاخدني في حضنك موفقه بس شوف هتقول ايه لمامي
فؤاد بضحك : لااااا كله ال زعل مني انا اجوزي ارحم
لين بضحك : انت الرجعت في كلامك اهو مش انا
فؤاد ببتسامه : انا المهم عندي تكوني سعيده انتي واختك
(ويبصله )انت متاكده ان سليم هيقدر يسعدك
تعقد لين وتبص ليه: سليم طيب وحنين وبيحبني وانا كمان يا بابي بحبه وان شاء الله هكون سعيده وانا معه
فؤاد يحط ايده علي وشها بلمست اب و حب : وانا المهم عندي اشوفك مبسوطه وشوف الفرحه ال موجوده في عنيكي دي دايما
ويرجع ينام وياخدها في حضنه
فؤاد : عارفه يوم ما اتولدتي كانت مني لسه في السابع وكنا في الكويت ولقيتها تعبانه جريت بيها علي المستشفي كنت خايف اوي
لين ترفع راسها من علي صدره وتبص ليه : كنت خايف عليه
فؤاد ببتسامه : لا كنت خايف علي مني طبعا هو انا كنت لسه شوفتك
لين تضحك : بقي كده اوعدنا يا رب
فؤاد وهو بيفتكر ونظره الاب في عينه : بس اول ما خرجو بيكي وكنتي عمله تعيطي جامد وادوكي ليه و اول ما شلتك انكمشتي كده واستخبيتي في صدري وبطلتي عياط ساعتها بس قلبي فضل يدق جامد وخوفت عليكي ولما خدكي مني بقيت ماشي ورهم من هنا لهنا ونسيت الدنيا بحالها وبقيت عاوز اطمن عليكي وبس وفضلت طول اليل قعد بيكي ووخدك في حضني
لين بحب : انت احسن بابي في الدنيا ربنا يخليك لينا يا حبيبي
وينام فؤاد ولين وهم بيتكلمه وتنام لين في حضن فؤاد
والصبح باب شقه فؤاد بيخبط ومني تروح تفتح
مني : صباح الخير يا فاروق
فاروق : صباح النور يا منمن هو فواد لسه نايم ولا ايه
مني بستغرب : هو مش تحت عند ماما انا صحيه ملقتوش نايم قولتصحي بدري ونزل
فاروق : لا مش تحت انا لسه طالع من عندها
مني : استني اسأل لين يمكن تعرف هو راح فين
وتدخل تلقي فواد في نايم ووخد لين في حضن فتبتسم اوي وتخرج لفاروق
مني : تعال يا سيدي شوف اخوك
فاروق يدخل الاوضه شفهم ضحك وطلع الموبيل وصورهم
مني : فؤاد فؤاد اصحي
فتصحي لين علي صوة مامتها
لين : صباح الخير يا مامي
مني : صباح النور يا حبيبتي فؤاد اصحي بقي
فؤاد يقوم يلقي انه في اوضه لين ومني وفاروق وقفين ولين لسه في حضنه وبتبصله وتضحك
فؤاد بتصنع الصدمه : ايه دا انا فين وايه الجبني هنا ومين الفي حضني دي انا اتجوزت عليكي ولا ايه يا مني
فيضحك فاروق ولين بصوه عالي ومني تحدفه بلمخده وهي بتضحك
ويمر اليوم علي استعداد وفرحه وقلوب بدق وتيجي الساعه 8 و الوقت المنتظر ويدخل سليم وعمه انور وعمه منير و عواطف و شروق
الجده : نورتي ياام سليم جيران العمر دا كله وتزورينا مرتين تلاته بس
عواطف بضيق : دا نورك يا حجه انا والله ما بنزل خروجي قليل قعده طول النهار اشوف طلبات العيال
عواطف : ازيك يام رامي وانتي يام سالم عمله ايه ازيك يا مني معلش هقول يا مني علي طول معندكيش ولد انادي بيه
سلوي تضحك وتكتمها ف سناء تخبطها في رجلها عشان تسكت والجده تضايق
الجده بضيق : البيحب ينادي عليها بيقولها يا دكتوره مني دي دكتوره وشهادتها من امريكا
مني ببتسامه : عادي يا ماما واي حاجه تقوليها ام سليم حلو بس حتي لو ناديتي باسم بنت من بناتي بكون فخوره بيهم جدا الحمد الله الاتنين الكل بيحلف بيهم وباخلقهم وهنروح بعيد ليه انتي جيه لحد بيتي عشان تطلبي بنتي مني
عواطف بغيظ : اااه ربنا يفرحك بيهم يا حبيبتي هو انتم مقعدنا بعيد عن الرجاله ليه الكلام دا قديم اوي مش نعقد معهم كده عشان نسمع بيقوله ايه
مني ببتسامه بارده : تعالي اتفضلي نعقد مكان ما تحبي
وتدخله الجده و عواطف ومني الصالون القعد فيه الرجاله
فؤاد : اهلا اهلا اتفضلي يا حجه
عواطف : اهلا بيك يا حج فريد معلش قولنا نعقد معكم ولا فيه مانع
فريد: مانع ايه البيت بيتك تنوري مكان ما تحبي
عواطف : تسلم يا حج فريد طول عمرك رجل زؤق وطيب
فريد: ربنا يكرمك دا من اصلك
طبعا سليم كان مضايق من دخول عواطف وخايف جدا من تصرفتها
وتدخل سيلا عشان تقدم التحيه
انور عم سليم : بسم الله ما شاء الله عروسه زي القمر عرفت تختار يا سليم
احمد ببتسامه : لا يا عمي دي مراتي انا يعني ممنوع الاقتراب او التصوير
فيضحك الكل
فؤاد بضحك : دي سيلا بنتي الكبيره
منير : ماشاء الله ربنا يخلي ويسعدك يا بنتي بصرحه يا بشمهند فؤاد سليم ابن اخويه عرف يختار البيت الياخد منه ناس محترمه وسمعه زي الالماظ طول عمركم
فايز : الله يكرم اصلك ياحج انتم كمان ونعمه الناس
وتدخل سها وهي معها الجاتو
انور : بسم الله ما شاء الله اكيد دي العروسه
فؤاد يضحك : لا دي سها بنت فايز اخويه
انور بضحك : الله هو انا مش هشوف العروسه بدل ما انا هخطب بنتكم كلهم كده
فؤاد ببتسامه : لا ازي قوم يا امير يا حبيبي نادي اختك لين
امير : حاضر
منير : وهو امير ابنك يا بشمهندس فؤاد
فؤاد : امير ابن فايز اخويه وزي ابني وهو اخوه سيلا في الرضاعه
فايز : فؤاد اخويه هو المربيه امير من وهو صغيرمع بناته وشغال في شركته وكان عايش معهم في الكويت
انور : ونعمه التربيه ماشاء الله
وهنا تدخل لين وهي مسكه في ايد امير وتكون جميله جدا ورقيقه وهي لبسه فستان نبيتي رقيق ضيق من فوق وواسع من الوسط وصل لحد الركبه وشوز نبيتي كعب عالي ومسيبه شعرها الطويل الوصل لاخر ظهرها وميكب رقيق جدا كانت جميله ورقيقه
فؤاد : تعالي يا لين اهي العروسه يا حج انور
انور بنبهار بجمالها : الله واكبر بسم الله ماشاء الله ربنا يحميكي ويحرسك من العين يا بنتي زي القمر
لين ببتسامه رقيه : ميرسي يا انكل
مني : تعالي يا لين سلمي علي الحجه عواطف
لين تقرب من عواطف ف وهي قعده ومرجعه ضهرها لورا ومتبصش عليها تمد ايدها لقدم فلين تسلم بايدها مع ابتسامه صغير
الجده تضايق : ايه يا حجه مش عاوزه تحضنيه وتمسكيها كده زي ماري منيب وتتاكدي انه كله طبيعي
فكل يضحك بس سليم يحس ان عواطف كثفت لين وحس ان فؤاد اضايق ووشه اتغير
ولين تسلم علي منير ويتكلم عن جمالها زي انور
ولين تكثف تسلم علي سليم فتروح تعقد جمب جددتها بس سليم يروح يقف قدمها فتكثف ومش عارفه سليم وقف قدمها ليه
سليم ببتسامه : انتي مسلمتيش عليه علي فكره
فكل يضحك
فؤاد : قومي سلمي علي سليم يا لين
فتقوم تقف قدمه عشان تسلم عليه
سليم يبص لفؤاد : بعد اذنك يا عمي حضرتك عارف اني جي النهارده اخطب لين وانا بصرحه عاوز اعمل حاجه بشوفها في الافلام من زمان
وينزل علي ركبته قدمها وقدم كل القعدين وقدم عواطف الكانت هيجلها سكته قلبيه 😂😂😂😂 ويطلع علبه بخاتم الماظ جميل من جيبه وهو باصص ليها بحب
سليم ببتسامه : تجوزيني يا لين
لين تكثف وتبص لفؤاد ومني العجبهم ال سليم عمله واعتبره رد علي العواطف لطريقه سلامها علي لين ورح فؤاد محرك راسه ليها بلموفقه فضحكت
لين ببتسامه : موفقه
فيبتسم سليم اوي ويمسك ايدها ويلبسه الخاتم ويبوس ايدها برقه وحب قدم الكل وهو لسه رقع قدمها ولين تكثف وعواطف وشها احمر وضغطها عالي 😂😂
تفتكره عواطف هتسكت علي كده دا بقي نعرفه الحلقه الجايه
روايه حياتي بناتي
الحلقه (١٢)
بعد ما لين لبس الخاتم والكل بارك ليهم وقراه الفاتحه وطبعا البنات كلهم كانو وقفين ومبسوطين بلين وبل عمله سليم
سيلا لشروق: الواد سليم اخوكي دا دماغ شاف ابويه وشه قلب بسبب امك رح قام وظبط اليله ولحق نفسه ولبسها الخاتم
شروق بضحك : شوفتي وش ماما عمل ازي اول مره اشوف ال لون الفحلقي
ويضحكه هم الاتنين
منير : مبروك علينا يا بشمهندس فؤاد
فؤاد ببتسامه : الله يبارك فيكم يا حج احنا اتشرفنا بيكم
عواطف بضيق : مش نتكلم في المهم وال ايه يا حج انور
فؤاد يبصلها : اتفضلي يا حجه عواطف عاوزه تقولي ايه
سليم خاف انها تكلم رح سابق قبل ما عواطف تكلم
سليم : يعني يا عمي ماما عاوزه تعرف الفرح هيكون امتي حضرتك عارف انا عاوز نتجوز علي طول
فؤاد : انت جهز يا سليم لجواز
سليم بضحك : ايوه جهز اقوم اجيب المازون حالا لو توافق
فيضحك الكل
منير : احنا جهزين يا يا بشمهندس بس نعرف طالبتكم شبكه ومهر ومؤخر وكله واحنا تحت امركم و عروستنا تتتاقل بلدهب واحنا عنينا ليه
فؤاد ببتسامه : انا يا حج منير بديكم بنتي وانا معنديش اغلي من بناتي فكل الحاجات دي مش مهمه بنسبه ليه المهم بنتي تكون مرتاحه وسعيده وسليم يشيلها في عينه
عواطف ببرود : برده لازم نعرف طلبتكم يعني عاوزين شبكه بكام
فريد بهدوء : الشبكه دي هديه العريس لعروسته وبتبقي علي حسب تقديره ليها احنا مبنتكلمش فيها
سليم ببتسامه : وانا لو اطول اجيب القمر من السما عشان خاطر لين هجيبه لين وتنزل تختار احسن شبكه تعجبها وانا هجيبه
عواطف طبعا تبص بغيظ ليه وتبرق
فؤاد ببتسامه : انت هات الشبكه علي زؤقك و بنفسك وقدمها للين دي هديتك زي ما قال الحج فريد
عواطف بضيق : طيب والفرش هتجييه ايه واحنا نجيب ايه بس اعمل حساب ان سليم هو الجايب الشقه يا بشمهندس
فاروق بغيظ : مهو طبيعي الشقه العريس البيجبها
عواطف ببرود : لا في عرايس هي البتجيب الشقه وساعاتها العريس هو البيفرش الخشب كله
فؤاد ببتسامه : طيب تمام اجيب انا الشقه للين وانتم افرشه الخشب كله
عواطف بخضه : شقه ايه التجيبها سليم عنده شقته دا عنده بيت كامل عاوزه يسكن بره
فؤاد : مش حضرتك بنتقولي العروسه بتجيب الشقه
عواطف : لا دا لو معندوش شقه بس سليم عنده ومش هيبعد عني و يسكن بره انا بقول اهو
سليم يبص لعمه عشان يتكلم ويلحقه
انور يبرق لعواطف : استني يا حجه عواطف هو مش انا موجود وبتكلم لو سمحتي اسكتي بص يا بشمهندي فؤاد
ولسه هيكمل كلامه بس فؤاد قطعه
فؤاد بضيق : معلش بدون قطع كلامك يا حج انور اصلا انا مش بحب الكلام دا لانه بيجيب مشاكل وبيشيل النفوس من بعض بس انا عندي كلمتين للحجه عواطف انا اقدر يا حجه اجيب فيلا لبنتي مش شقه ومن الصبح يبقي مفتاحه في ايدها بس انا هوفق اجوز لين في بيتك عشان ابنك شاريها وبيحبها وسليم لما سالت عليه عرفت انه رجل وهيحافظ عليه وهوقف انها تسكن في بيتك كمان عشان ميبعدش عنك لانه لو ملوش خير فيكي عمره ما هيكون ليه خير في بنتي ام بقي عن الخشب والفرش والكلام ال ميسواش دا ف دي في الاول والاخر شقه سليم ولين ودي حياتهم وهم الهيعيشه فيها ف الاتنين هينزله سوا ويشتره اليعجبهم وسليم لازم يكون عمل مزانيه لجوازه و ال ينقص لين هتكمله هي معها فلوسها في الفيزا بتعتها ويتفقه برحتهم وبعدين الاتنين لازم يدبره امور بيتهم ويمشو علي حساب دخل سليم وبعدين هم مهندسين ديكور يعني مش هيحتاجه رائي حد في ترتيب ولا اختيار فرش بيتهم الاتنين لازم يعرفه ازي يمشو امورهم لوحدهم من غير تدخل من حد
سليم ببتسامه : انا موافق علي كلام عمي فؤاد وهنزل انا ولين نختار ونفرش بيتنا
انور : ونعم الرائي يا بشمهندس ومتزعلش من الحجه هي متقصدش
فؤاد : يا حج انور لين هتدخل بيتها وهتعيش وسطكم واتمني ان الحجه ام سليم تعتبريها بنت من بناتها مش مرات ابنها
عواطف برخمه : اااه طبعا ان شاء الله
سليم : طيب يا عمي معاد الفرح امتي
فؤاد :بعد ما لين تخلص امتحانات السنه دي يعني بعد اربع شهور تكون خلصت امتحانات والشقه جهزت تمام كده يا سليم
عواطف بضيق وهي حسه ان ابها بيروح منها : طيب و المؤخر مكلمناش عنه عاوزين مأخر كام
لسه فؤاد هيرد وهو غضبان بس سليم سابقه ورد بسرعه لانه حس ان فؤاد جاب اخره وهيرفض
سليم بغضب ويبص لامه : هكتب اعلي مؤخر ممكن يكتب يا ماما هكتبلها مليون جنيه لانه هيبقي مجرد حبر ورقم علي ورق ملوش اي لازمه عندي لاني عمري ما هسيب لين
فؤاد يهدي ويبتسم لسليم
فاروق ببتسامه وهو بيبص ل عواطف ال اتغاظت من ابنها : راجل يا سليم
انور بفرحه : علي خيرت الله وربنا يجمع بينهم بلخير يارب ايه يام فريد مافيش زغرده منك كده يا باركه
وتزغرد الجده والكل يبارك للين وسليم وينتهي الاتفاق علي خير الحمد الله
وينزل سليم وعمامه وعواطف وشروق وتدخل عواطف بيتها وهي مضايقه ومخنوقه ومتسلمش علي عمام سليم وهو وقف مع عمامه يوصلهم
منير : ياساتر يا رب هي امك دي لسه متغيرتش بعد العمر دا كله
انور : اسمع ياسليم يابني انت وخد بنت من احسن البيوت واحسن ناس والراجل ابوها استأمنك علي بنته يعني تراعي ربنا فيها وافتكر ان عندك اخوات بنات وابعد امك عنها اوعي تظلم بنات الناس معك متعصيش امك بس متجيش علي بنت الناس يا حبيبي خليك راجل كده زي ابوك الله يرحمه
سليم ببتسامه : حاضر يا عمي ان شاء الله وانا متشكر اوي علي وقفتكم معايه
منير وهو بيضربه علي كتفه بهزار : ايه يا واد الكلام البتقوله دا انت ابننا وابن الغالي الله يرحمه
يلا يا حبيبي ربنا يتملك علي خير ويسعدك ( ويبص علي بيتهم ويضحك) وادخل استلقي وعدك من امك بقي
سليم بضحك : ما تخدوني معكم يا عمي
انور بضحك : لو طردتك ابقي تعال بات عندي
ويمشي انور ومنير ويقف سليم يتنهد وبعدين يبص علي بيت لين ويبتسم ويدخل بيته وهو بيتشهاد😂😂
عواطف دخلت البيت كانت مروه قعده بتاكل لب وتتفرج علي التليفزيون دخلت عواطف والغضب مالي وشها ورمت نفسها علي الكرسي
شروق وهي حاسه ان فيه بركان هيولع : انا هدخل اغير هدومي
وقامت تهرب علي اوضتها من غضب مامتها
مروه بتريقه : كنت عارفه انك مش هتعرفي تعملي حاجه البت المفعوصه دي لفت عقل ابنك خالص وهتاخده منك
عواطف بضيق وعصبيه : الواد اخوكي البت سحرت له لا دا مش طبيعي البت دي سحر ليه انا لازم اجيب شيخ يقراء عليه انا ابني بيضيع مني
مروه بكره : بكرا تشوفي لما يجوزها هتعمل فينا ايييييه
دخل سليم وسمعها
سليم بغضب : هتعمل ايه يا مروه ما بتطلي الحقن ال عمله تديها دي في ايه عمله تسخني تسخني بطلي حقد بقي هو انا مش اخوكي انتي بتكرهيني ليه كده
عواطف بغضب : تكرهك بتقول علي اختك بتكرهك اه ما احنا البقينا نكرهك وست الحسن واهلها البيحبوك صح يا سليم
سليم بضيق : عاوزني اقولك ايه وانتم بتكرهو تشفوني مبسوط اليوم ال انا بتمنه من زمان اختي مترضاش تيجي معايه وامي عاوزه تبوظه وبتنكد عليه فيها حرام عليكم بتعمله فيه كده ليه
ويدخل اوضته ويسيبهم وهو مضايق
عواطف بضيق : لاااااا ابني بيضيع مني انا لازم القي حل مش هسيبه لحتت البت دي تاخده مني
وتاني يوم وفي بيت سليم وبعد ما سليم خرج راح شغله
عواطف بغيظ : سحرت للواد يا ام سالم ابني بيقول ان احنا بنكرهو
سلوي : معلش ياختي البت اكلت عقله هو انتي هتقوليلي علي مني وبناتها وعاميلهم
عواطف بدموع : دليني ياختي اعمل ايه انا محلتيش غير واد واحد قوليلي يا حبيبتي اتصرف ازي
سلوي بخبث : بصي يا ام سليم انتي اسكتي ولمي الدور واعملي نفسك مبسوطه وفرحانه قدم ابنك و اوعي يحس انك زعلانه او عاوزه تفرقيهم عن بعض
عواطف : وسيبه يتجوزها
سلوي : اه سبيه ايه يعني يتبسط بيها يومين ويفرح وبعد ما ينول الهو عاوزه رجعيه انتي لحضنك بقي وزهقيها في عيشتها و هي البت مدلعه اصلا ومش هتستحمل العيشه وانت اظهري حبك ليها قدم ابنك وان البيت مفتوح ليها وبينك وبينها كرهيها في نفسها وعمليها انها غريبه وسطيكم وملهاش مكان وطلعي روحها وساعتها هي الهترفض تعيش معكم ويبقي الغلط منها هي قدم ابنك انتي فتحه بيتك وبتعمليها علي انها بنتك وهي المش عاوزه تعقد معكم وكرهكم فساعتها يبقي العيب فيها هي ويكرها ويطلقها
عواطف : يالهووو ويبقي ابني مطلق
سلوي بستغراب : وايه يعني ميطلق هو رجل مش هيعيبه حاجه والف بنت تتمني ابنك وساعتها بقي انتي تجوزيه علي مزاجك وهو وقتها مش هيعترض وهيسمع كلامك بس شطرتك انتي بقي تعرفي ترسمي قدم ابنك انك فرحان ومبسوطه بيها وهي تزهقيها في عيشتها طول ما هي لوحدها معكي وساعتها مش هتستحمل دي بت مدلعه وكل طلباتها بتتنفذ ووخده علي الخروج والسفر والفسح والفلوس انتي بقي احبسيه في بيتك هنا
عواطف : طب والفلوس الابن هيصرفها دا جيب ليها امبارح خاتم الماظ امل هيجيب الشبكه بكام وعفش بكام
سلوي بتريقه : خاتم ايه الزعلانه عليه ياختي وفلوس ايه دي هي واختها عندهم ايش وشويات وهتجيلك بيهم في بيتك هنا وهيبقي كله لابنك ويوم ما تقول لابوها انا عاوزه اطلق خليهم يتنزله عن كل حاجه ليها عندكم اسمعي كلامي يام سليم اظهري قدم ابنك انك فرحانه وسعيده وسيبيه ياختي يتبسط يومين احسن لو وقفتي ضده ممكن يعاند ويسبيك ويروح يسكن معها بره وابوها عنده استعداد يجبلها قصر مش شقه
عواطف بتفكير : عندك حق يام سالم والله انا هعمل كده واكسب ابني واسيبه يتبسطله يومين ايه يعني مهو شاب بردع
سلوي ببتسامه خبث : ايوه كده اوعي تخلي حتت البت دي تاخد ابنك اسمعي مني انا هقوم بقي احسن حماتي تسأل وتعرف اني هنا وانتي بقي جري ناعم مع اهلها الفتره دي احسن امبارح الكل قلق منك واعملي نفسك فرحانه كده وروحي صالحيهم وارسمي الطيبه و الرضي
عواطف : حاضر ياختي متشكره يام سالم وربنا يبعد عنك الشر ال انا فيه ويعقدلك البتعمليه معايه في ولادك ياختي
سلوي ببتسامه : دا انتي حبيبتي يام سليم يلا سلام عليكم
وفي الجامعه ولين كانت رجعت ومقرر تنتظم تاني في محاضراتها ووهي قعده مع امنيه وداليا وبتصور منهم المحاضرات الفاتتها
امنيه : خالص كده تمام كل الفات خدتيه
لين ببتسامه : ميرسي يا امنيه انك مش نسيتي تجبيهم زي االانسه داليا
داليا : يا بنتي انا قولت مستحيل تيجي انتي خطوبتك كانت امبارح وتيجي النهارده
لين : طبعا ومن هنا وجي في انتظام انا لازم اجيب تقدير كبير احسن بابي يلغي جوازي
ويضحكه البنات اوي ووهم قعدين تيجي شروق عليهم
لين ببتسامه : ايه دا شروق عندنا يا مرحبا يا مرحبا( وتقوم تسلم عليها وتبوسها )
شروق : اهلا ب مرات اخويه الغاليه
لين تضحك : لسه مبقيتش مرات اخوكي ياختي
شروق ببتسامه : باعتبار ما سيكون يعني
لين : طيب تعالي يا لمضه لما اعرفك بي اصحابي دي امنيه ودي داليا ودي بقي صديقتي عمري شروق وتبقي اخت سليم
البنات يسلمو علي بعد ويعقد شويه وبعدين شروق ولين يقومه عشان يروحه
ووهم عند عربيه وقفه في برك الجامعه
شروق : ايه يا بنتي ريحه فين
لين : اركبي مش انتي مروحه
شروق بستغراب : اركب ايه عربيه مين دي
لين ببتسامه : عربيتي
شروق :يا بنت الذينا جيبتيها امتي دي
لين : يا ستي دي عربيتي الكانت في الكويت ولما كنت هناك بابي نزلها ولسه وصله الصبح فجيت بيها بدل المواصلات
شروق : الله خالص نلف شويه بقي واعملي حسابك هتوصليني كل يوم
لين بضحك : حد اقالك اني السواق الخاص بتعك يا هانم
شروق : ايوان مش مرات اخويه ولازم اشتغل شغل الحموات عليكي
لين بضحك : لا بليز كفايه طنط ومروه عليه
شروق تضحك :دول مش كفايه طول كتير وزياده ربنا يكون في عونك يا بنتي
لين بضحك : طب ياختي اركبي اركبي
ويركبه العربيه ويتحركه
لين بقلق : شروق هو حصل حاجه امبارح بعد ما روحتم من عندنا
شروق بهروب : لا محصلش حاجه ليه بتقولي كده
لين : اصلي استنيت سليم يكلمني امبارح بس متصلش ولا حتي الصبح اتصل عليه فخوفت يكون حصل مشكله مع طنط او زعل من حاجه
شروق : لا يا حبيبتي دا كان فرحان اوي بس تلقي ماما فضلت تكلم وترغي معه لحد ما نام منها
لين بصت ليها وابتسمت بس حست ان في حاجه وشروق خبت عليها عشان متزعلهاش
ويوصله البيت وينزله من العربيه
لين : ما تيجي تعقدي معايه فوق شويه يا روقه
شروق : هجيلك بليل بقي احسن بنام علي نفسي
لين: اوكي يا حبيبتي هستانكي يلا سلام موقت
وتدخل لين بيتهم بس تلقي عواطف قعده هي ومامتها وجدتها وسناء وسلوي وايمان
لين بخوف: سلام عليكم
عواطف بفرحه مصطنعه : وعليكم السلام اهلا بعروسه ابني القمر تعالي يا حبيبتي في حضني
لين تستغرب من التغير دا وتبص ل مني
مني ببتسامه : ادخلي يا لينو سلمي علي طنط
تدخل لين وتقوم عواطف وتاخدها بلحضن
عواطف : بدر منور ما شاء الله عليكي ربنا يبعد عنك العين
الجده بستغراب : سبحان مغير الاحوال يام سليم
عواطف ببتسامه : خالص بقي يا حجه خلي قلبك ابيض والله ما كان اقصدي ازعلكم دا انا عنيه لسليم ومراته
مني : تسلم عينك يام سليم وربنا يخليكي ليهم
عواطف : تسلمي يا دكتوره يام قلب ابيض وخالص زي ما اتفقنا بقي بكرا عندنا علي العشا كلكم
سناء: يجعله عامر يام سليم
عواطف : وانتي يا ايمان اوعي تقولي تعبانه ومش هعرف اجي البيت قصاد البيت اهو هستناكي
ايمان ببتسامه : ان شاء الله حاضر من عنيه
عواطف : تسلم عنيكي ويقومك بسلامه يا رب
عواطف وهي بتقوم : يلا هقوم انا بقي عشان احضر الغدا زمان شروق جت وسليم علي وصل احضرلهم الغدا احسن مبيعرفوش يعمله حاجه لنفسهم خالص لازم انا الاعمل كل حاجه بايدي
سلوي بخبث : ربنا يديكي الصحه يام سليم وتفضلي تعمليلهم كده
عواطف : تسلمي يا حبيبتي يا غاليه
عواطف تقوم وتحضن لين تاني قدم الكل وتقولها : اوعي يا لولو تزعلي مني انا زي ماما دا انتي هتبقي مرات الغالي وغلاوتك من غلاوته
لين ببتسامه : مقدرش ازعل من حضرتك يا طنط وربنا يخليكي لينا
عواطف ببتسامه انتصار : يلا سلام عليكم
وتخرج وتقوم مني وسناء وسلوي معها ولين قعده مصدومه من التغير دا
لين بستغراب : ناناه هي طنط الكانت هنا دي مامت سليم ولا حد شكلها
الجده وايمان يضحكو بصوت عالي
الجده : لا هي يا بنتي بس متعرفيش وقعت علي دماغها ولا ايه الحصلها وجت عشان تعتذر وترضينا
ايمان : ربنا يهديها يا ماما اكيد سليم شد عليها بعد العملته امبارح
الجده : شكله كده هو الواد راجل وانا كده اطمنت عليكي يا حبيبتي تعالي في حضني تعالي اهو كده اقولك مبروك بجد
وتروح لين لحضن الجده وهي مبسوطه
تدخل مني وسناء وسلوي بعد ما وصله عواطف
سناء : شوفتي يا مني اهو كنتي مش مرتاحه ربنا حب يطمنك والست حست بغلطها وندمت وجيت لحد هنا عشان تعتذر ليكم
مني براحه : الحمد الله يا سناء دا انا والله مانمت طول اليل وعمله ادعي ربنا
الجده : مهو عشان دعكي دا ربنا هيحميهم ويحرسهم يا مني
مني تحضن لين : يارب يا ماما يارب يحميهم ويسعدهم
سلوي في نفسها : افرحي يا مني انتي وبنتك وبكرا اشوف دموعكم
وتطلع لين اوضتها وهي مضايقه ان سليم متصلش بيها من امبارح
لين لنفسها : لا مش هتصل المفروض اول اتصال بعد الخطوبه يكون منه هو مش انا
وتقوم تاخد شور وتصلي فرضها وتنام
وعلي الغدا والكل متجمع تحكي ليهم الجده تغير عواطف واعتذارها ليهم وعزومت العشا ال عملها عشانهم
فؤاد براحه : الحمد الله والله انا امبارح كنت اكتر من مره ابقي هرفض وقولهم معنديش بنات للجواز بس ابص للين اسكت عشان متزعلش
فاروق : بس سليم يا فؤاد امبارح كان رفض الهي بتعمله و كسافها اكتر من مره وحاول يصلح ال بتعمله وهو واضح انه كلمها وشد عليها وكلامه جاب ناتيجه اهو
فريد: ربنا يهدي الحال ويهدي سرها ويسعدها ويكتبلها الخير
الكل : امين يارب
سليم رجع وهو مضايق من موقف مامته واخته وعارف ان لين زمانها زعلانه بس مش حابب يكلمها عشان متحسش بضيقه وتعرف الحصل ويدخل بيته ويلقيهم قعدين فيدخل اوضته من غير ما يسلم بس تدخل وره شروق
شروق : ايه يا سليم مالك دخلت اوضتك علي طول وماسلمتش علي حد
سليم بضيف : سبيني يا شروق ونبي يعني عجبك العمله امبارح اسعد يوم في حياتي ينكده عليه كده دا انا مكثوف اكلم لين
شروق : هي فعلا سألتني عليك واحنا جين في العربيه وكانت مضايقه انك مكلمتهاش
سليم بحزن : مش عاوز اكلمها وتحس بضيقي وبعدين انتي مشفتيش بابها امبارح كان مضايق ازي انا حسيت اكتر من مره هيقولنا مع سلامه معنديش بنات ليك
شروق : معلش يا حبيبي اهي عدت علي خير بس صالح انت لين بلاش تزعلها في اجمل يوم في حياتها هي ملهاش ذنب
سليم : عندك حق بس هو انتي شفتيها فين
شروق : رحتلها النهارده كليتها ورجعت معها بعربيتها
سليم بستغراب : عربيتها هي لين جابت عربيه
شروق : دي عربيتها وهي في الكويت وعمي فؤاد نزلها ليها عشان تروح بيها الكليه مخدتش بالك العربيه الحمرا ال 4&4 الوقف تحت
تدخل عواطف عليهم وتقطع كلامهم
عواطف وهي بتقرب من سليم وتروح حضنه : مبروك يا حبيبي ومتزعلش مني انا بس خايفه عليك مش اكتر بس مدام هي الهتسعدك انا راضيه وموفقه وانا يا حبيبي رحت ليهم النهارده وصالحتهم وعزمتهم كلهم بكرا هنا علي العشا
سليم بستغراب : بجد يا ماما رحتلهم وعزمتيهم
عواطف : اه والله يا حبيبي وممشت غير وكلهم راضين وموفقين وشوفت لين كمان وصلحتها هو انا ليه بركه غيرك يا حبيب امك
سليم يفرح ويحضنها : ربنا يخليكي ليه يا ست الكل ايوه هي دي عطوفه حبيبتي ال ميهونش عليها تزعلني
شروق لنفسه : اقطع دراعي لو مكنتش لعبه وفي سر وناويه علي مصيبه
سليم بعد ما مامته رايحته قرر انه لازم يصالح لين فينزل يشتري ورد وبلونات وشكولاته ويروح يحطهم علي عربيتها ويزوقها بشكل حلو اوي ويبعت لها شروق عشان تنزلها
شروق : يلا يا لين بقي بطلي رخمه هنشتري حاجه ونرجع علي طول
لين بحزن : مليش مزاج اخرج والله يا شروق خليها بكرا
شروق : بكرا امتي مش انتم معزمين عندنا
لين : ايوه صح نسيت
شروق ببتسامه : طيب قومي بقي عشان خطري
لين : حاضر يا ستي مهو واضح اني جيبت العربيه لوجع دماغي
شروق بضحك : هخليكي تعلميني السواقه وابقي اخده منك وخليكي قعده في البيت
لين بضحك : لا اوصلك احسن مش مستغنيه عن عربيتي
وتنزل لين وشروق ولين تخرج تلقي العربيه متزوقه وسليم وقف جمبها وبيضحك وغمازتينه ظهرين ودا دوخ لين يقرب منها
سليم : وحشتيني
لين بحركه شفيفه زي الاطفال : زعلانه منك
سليم يضحك : بلاش الحركه دي احسن هبوسك وقول لعمي هي ال تحمرشت بيه
لين بكثوف : سليم خليك مؤدب
سليم : ما انتي ال بتعملي حركات بتجنني وانا مش مستحمل بقي
شروق : ايه يا اخونا نحنو هنا راعو مشاعيري شويه يخرب بيت كده
لين وسليم يضحكه
سليم : يلا يا حبيبتي تعالي خديني لفه بلعربيه اشوفك بتعرفي تسوقي ولا هنقضيها في الاقسام
لين بضحك : ااقسام يا حبيبي انا بسوق من وانا عندي 10 سنين
سليم : قولتي يااا ايه شوفتي انتي اهو ال بتنحمرشي بيه
شروق تقف في النص : يا عمنا نحنا هنا
سليم : يا ساتر خالص يا غلسه سكتنا يلا يا لين خدينا لفه
لين : تؤ تؤ مينفعش اخرج معك من غير ما اقول لبابي تعالو نعقد في الجنينه ونبقي نخرج يوم تاني
سليم يفرح اوي برد لين ويحس ان دي ال هتحافظ عليه
سليم ببتسامه : حاضر يا حبيبتي تعالي نعقد جوه
ويدخله وهم بيبصه لبعض بحب وفرحه
شروق : استني خدي معكم قفص الجوافه
لين تبص ليها بستغراب : ايه قفص الجوافه دا
شروق : انا ياختي وقفين تحبه في بعض ولا اكني هنا
ويدخله وهم بيضحكه ويقضي السهر وينزل الكل يقعد معهم
وتاني يوم يروحه العشا والكل يستغرب من مقابلة عواطف واهتمامها بيهم و بلين خصوصا لدرجه ان سليم كمان استغرب التغير دا وطبعا السهر لازم متخلاش من الاكشن
والمره دي كان الاكشن من ايمان ال جالها الم الولاده وهم قعدين بيتعشو والكل بقي بيجري من صريخها ورحه كلهم معها المستشفي
والحمد الله ولدت وجابت ولد سمه محمد علي اسم ابو فاروق الله يرحمه
و يمر الوقت في هدوء وسعاده وعواطف قدرت تقنع الكل انها اتغيرت بس من جوها كره وغضب وكل شويه تقعد مع سلوي ال تفضل تملي دماغها بكره والانتقام من لين
وتخلص لين امتحانات وخالص الفرح قرب 😍
واستنوني بكرا في الفرح ونشوف بعد الفرح السعاده والحب هيستمرو ولا الكزه والحقد هينتصر
جاري كتابة الفصل الجديد للروايه حصريا لقصر الروايات اترك تعليق ليصلك كل جديد أو عاود زيارتنا الليله
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق