رواية ليالي الغول اقتباس من الفصل الأخير بقلم لوجي احمد

 رواية كسر القلب الفصل الاول والثاني والثالث بقلم داليا منصور الفرجانى حصريه 

رواية كسر القلب الفصل الاول والثاني والثالث بقلم داليا منصور الفرجانى حصريه 

#الفصل_الاول.... 

- اخر يوم ليكي يا وش الفقر هخلص منيكي النهاردة بأي طريقة.. 

وبعدين قرب عليها وهي بتغسل في الترعة ومش واخدع بالها منه وزقها في الماية وهي بتقول بصراخ.. 

- الحقني يا عابد بغرق هموت طلعني ابوس يدك... 

عابد بضحك وهو بيقول: 

- ريداني اطلعك ليه اتهبلت اياك انا مصدقت اخلص منيكي يابت الفلاحين يا وش الفقر.. 

فرح بصدمة وكانت بتغرق وتقول: 

- انا.. بغرق خرجني من اهنيه ابوس يدك يا عابد أنا مرتك كيف بتعمل معايا كده.. 

عابد بكره قرب على طرف الترعة ونزل على ركبته وهو بيقولها: 

- معلشان انتي مرتي بعمل كده فيكي والا مكنتش مطر اخلص منيكي واصل واقولك على حاجة كمان انتي طالق بالتلاته كومان ياوش النحس ... 

فرح ببكاء وهي بتقول: 

- خرجني وبعدين طلقني كيف مانت رايد يا عابد بس ابوس على يدك خرجني من اهنيه... 

عابد بصلها وقال بضحك: 

- فوقي انا مش رايدك انا هتجوز ومرتي الجديدة مش ريداكي في بيتي واصل حتى لو مطلقة مريداكيش تتكتبي على اسمي واصل... 

بص عليها وهو بيقول بخبث: 

- اشوف وشك بخير يا فرح زعلت عليكي قوي علشان جمالك ده خسارة فيه انك تروحي بالطريقة العفشة دي بس غصب عني أنا قصاد الفلوس اتخلى عن امي بذات نفسيها.... 

عابد سابها ومشى وفرح بتغرق وعماله تعوم وهي مش عارفه وبتطلع راسها على وش الماية وبتنزل.... 

في مكان تاني كان راكب العربية بتاعته وماشي في طريق اراضي وبيتكلم في التليفون وبقول: 

- يزن خالي بالك كويس من القضية دي لأنها مهمة جداً ولازم نعرف مين السبب في تهريب الكمية دي كلها... 

يزن: 

- انا من رأي اننا نزرع في وسطهم حد لأننا كدا مش عارفين ازاي نوصلهم.. 

نور كان لسه هيتكلم بس فجأة وقف لم شاف في حد بيغر ق قال لـ يزن بسرعة.. 

- اعمل اللي تعمله بس سلام دلوقتي... 

وقفل مع يزن ونزل من العربية وراح اتجاه الترعة وشاف بنت بتغرق... 

نور بزعيق: 

- انتي مين وايه اللي جابك هنا.. 

فرح بصعوبة في التنفس بسبب كمية الماية اللي استنشقتها وبتقول: 

- ابوس يدك خرجني من اهنيه بموت.... 

نور مستناش ونط في الترعة علشان يخرجها ووصلها بصعوبة وخرجها بس كان اغمى عليها... 

نور بخوف: 

- انتي ياست انتي قومي مش بتصحي ليه.. 

فرح كان مغمى عليها وشعرها الأصفر الطويل مغطي وشها واول مـ نور شال شعرها من على وشها قال بصدمة: 

- بسم الله ماشاء الله تبارك الرحمن جنية دي والا ايه اصل مفيش حد بالجمال ده دي شعرها ووشها لواحده يهبل ياترى لون عيونها ايه.... 

وفضل يعملها اسعافات اولية ومفاقتش بسبب خبطه في دماغها بتنزل قوي شالها وجرى بيها ركبها العربية وساق بأقصى سرعة على المستوصف اللي جنبهم.

... في مكان اول مرة نروحه كان قاعد على الكرسي وساند راسه وبيدخن وهو بيقول بفرحه: 

- خلصت من وش الفقر يا جليل خلصت منيها عاد معتش هشوف وشها ده تاني واصل وبالنسبة لأرض أبوها أنا اللي هورثها لأني زوج المرحومة... 

وضحك بصوت عالي جليل قال باستغراب: 

- كيف هتورثها وانت اللي خلصت عليها بيدك اتخبلت عاد ياولدي.. 

عابد بضحك: 

- محدش يعرف الحديت ده غيري انا وانت بس مين هيقول على سري عاد ولو خرج هيكون مني او منك بس.. 

جليل بخوف: 

- يعني معنتكشفش واصل يا ولدي.. 

عابد بكره: 

- لاع متقلقش معتتكشفش واصل هي دلوقيت زمان روحها طلعت لخالقها والصبح خبرها عيوصل ليا هنيه... 

جليل وهو بيقول بتوتر: 

- بس في ورث صابرة اختها كيف هتورث وهي موجوده.. 

-هديهم دي... وخرج ورقه مبصوم عليها ودي كانت ورقه نقل ملكية واداها لجليل... 

جليل اتصدم وقال: 

-  مخك ده يا ولدي كيف السم مش مخ راجل عيفكر عاد انا مش خابر كيف عايش معانا كده... 

عابد ضحك جامد فجأة سمع خبط على الباب خلى عبد الجليل خبى الورف في القفطان بتاعه وقال.. 

- ادخل ياللي عتخبط.. 

دخلت بنت لابسة عباية بلدي ولافه الترحة وداخله تتمايع وتقول.. 

- عابد بيه جيت ميتى كنت عدور عليك بقالي كتير قوي..

عابد بحب: 

- قلب عابد وكبده من جوه.. وبص على جليل وقاله.. 

-روح انت يا عمي جليل وانا هاجي عندك كمان عشر دقايق رايدك في موضوع مهم عاد.. 

- اوامرم يا ولدي... 

وخرج جليل وقربن نجمة عليه وهي بتتدلع وتقول: 

- اتوحشتك قوي يا ولد عمي ياترى خلصت من بنت الفلاحين دي والا لساتها عتسمم حياتنا عاد.. 

عابد بخبث: 

- متقلقيش خليتها تمشي منحياتنا نهائي يا حب القلب انتي يا قمر.. 

نجمة بخبث: 

- متكسفنيش عاد يا ولد عمي عتكسف من حديتك اللي عيدوخني دي.. 

عابد بغمزة: 

- حديتي اللي عيدوخك والا عابد يا بت عمي امال.. 

وكان لسه هيقرب عليها جريت نجمة ناحيت البا وهي بتقول: 

- بكفيالك كلام معسل ياولد عمي من اهنيه ورايح معدخلش اهنيه واصل غير بعد جوازنا قدام العالم كلياتها.. 

وخرجت وعابد كمل شرب سجاير وهو بيخرج دخان من بقه ويقول: 

- دورك التاني يابت عمي... 

وضحك.... 

.... في المستوصف وغيرولها هدومها علشان كانت مبلولة كانت فرح نايمة في الأوضه دخل نور وشافها نايمة وكانت ملاك... 

نور دخل وقعد جنبها وهو بيتأمل ملامحها ويقول: 

- دي شبه القمر في تمام بدرة سبحان من خلق وابدع بس اول مشافها فاقت سألها بخوف: 

-انتي بخير دلوقتي.. 

فرح بتعب: 

- اه الحمد لله متشكرة ليك قوي يا استاذ مش عارفه اقولك ايه جميلك دي فوق رقبتي للعمر كلياته وحنا الصعايدة اللي يقدم لينا يده في الشدة مننسهوش في الفرح واصل... 

نور كان في عالم تاني كان سرحان في لون عنيها اللي اول مفتحت كانت عبارة عن تحفة فنية مع شكل شعرها الأصفر المبلول وهدوم المستشفى ... 

فرح وهي بتتكلم بتعب: 

- فين عقلك يا استاذ انا بقولك شكرا لأنك خرجتني من الترعة.. 

نور فاق وهو بيبتسملها: 

- لا شكر على واجب بس ازاي انتي كنتي واقعة في الترعة في الوقت المتأخر ده وايه اللي جابك هنا في الوقت ده 

فرح بحزن: 

- زوجي اللي عمل فيا كده قلبه بقى حجر لدرجة رماني اهنيه في الوقت المتأخر علشان يتجوز واحده تانية وطلقني وكان رايد يخلص عليا .... 

نور بعصبية: 

- ايه اللي بتقوليه ده ازاي يعمل كدا فيكي وانتي ساكته معملتيش حاجه.. 

فرح بحزن: 

- مش هقدر اعمله حاجه عاد انا حقي ربنا هيجبه ليا .. 

نور بحزن: 

- طب هتروحي فين اوصلك بدل مسيبك هنا لواحدك في اامستوصف ده وهو أصلاًشكل الدكاترة بتوع الصعيد هيقفلوا بدري.... 

فرح بحزن: 

- بوي مات ومعنديش غير عمتي وجوزها وخيتي لصغيرة مريداش اشيلهم حملي واصل.. 

نور بتفكير: 

- طب انتي هتروحي فين.. 

فرح بحزن: 

- مخبرش انا رايده ابعد  من اهنيه بأي طريقة عاد مريداش اقعد في مكان فيه الراجل اللي معندوش ضمير عاد ده رمى مرته في نصاص اليالي في الترعه وكان رايد بخلص عليها رايدني ارجعله ليخلص عليا والا ايه عاد.. 

نور بتفكير: 

- ايه رايك تيجي معايا... 

قرح بصدمة: 

#استوووب.. 

.... ياترى ايه اللي هيحصل مع فرح؟ وهل فعلاً نور شاب كويس والا مش كويس؟ و عابد هيعمل ايه لم يعرف ان فرح مراته عايشة؟ انتظروني في الحلقات الجاية ولو الفصل جاب ريتش هنزل الفصل التاني فوراً.... 

#الفصل_التاتي 

- ايه اللي عتقوله ده يا ولد الناس أنا اه جوزي طلقني بس ده ميدكش الحق تفكر فيا كده... 

نور باقناع: 

- انتي فهمتي ايه انا لسه منقول من القاهرة لهنا بس بسبب اهلي مش هقدر وهرجع تاني القاهرة ايه رايك تروحي معايا واشوفلك بيت على قدك او تقعدي مع امي واختي كمان يعني متقلقيش.. 

فرح فكرت في الموضوع ووافقت وفعلا خدها وركب العربية وهي ركبت جنبه وهو راجع القاهرة وكلم الرائد ماجد وهو بيقول: 

- اخبارك ايه يا ماجد بيه.. 

ماجد: 

- الحمد لله يا نور انت اخبارك ايه وعامل ايه في الصعيد دلوقتي.. 

نور  : 

- مانا بكلمك علشان الموضوع ده عاوزك تنقل ورقي تاني وترجعني القاهرة كام يوم كدا عبال ما اظبط الموضوع علشان عندي شغل ضروري.. 

ماجد: 

- انت عارف يا نور دي امر من القيادة العليا مليش ايد فيها بس هحاول اشوفلك حل في الموضوع ده... 

نور: 

- تمام ماشي وانا في انتظار حضرتك مع السلامة... 

وقفل مع الرائد ماجد وكمل سواقة في العربية وبعد اكتر من ٦ سعات وهو سايق كانت الساعة ٥ الفجر وارتفع الأذان في كل الجوامع فرح قامت وهي بتردد الأذان بصلها نور وهو بيقول بابتسامة: 

- شكلك متعلقة بربنا قوي من طريقتك كنتي نايمة وصحيتي على الأذان بااظبط رغم تعبك.. 

فرح بحزن: 

- ربنا ليه حق علينا في كل امورنا يا حضرت الظابط  لازم نديله حقه زي مهو ادانا حقنا واكتر كومان... 

نرو بابتسامة: 

- طب خليكي هنا في العربية عبال منزل اصلي وارجع تاني ومتخافيش مش هتأخر وهقفل عليكي العربية بالمفتاح... 

هزت فرح دماغها ونور قفل الباب بمفتاح العربية ودخل الجامع يصلي وهي غمضت عنيها.... 

.. في بيت باين عليه انه قديم في الصعيد كانت خارجة بنت في عمر ١٣ سنة وهي شايلة الصينية بتاعت الأكل... 

ست من اللي واقفين: 

- بت يا صابرين عاملة ايه عاد يابت.. 

صابرين بحب: 

- بخير يا خالة وانتي كيفك وكيف خال ممدوح.. 

الست: 

- بألف عافية يابتي امال خيتك فرح مشوفتهاش من يومين امال كنت رايده منيها طلب كانت وعداني بيه تجبهولي قبل اكده يا بتي.. 

صابرين باستغراب: 

- مخبراش والله يا خالة خيتي ليه اتأخرت اكده دي مكنتش بتتأحر علينا واصل.. 

الست بخوف: 

- جيب العواقب سليمة يارب ماشي يابتي انا هدخل وابقى ارن عليها تاني جايز ترد عليا... 

مشت صابرين ووصلت الأرض عند عمتها وصلت وحطت صينية الاكل سمعت حد بيقول وراها.. 

- حطي الوكل وهمي روحي نادي عمك يابت يا صابرين.. 

صابرين وهي بتهز دماغها: 

- حاضر يا عامة بس كنت رايدة اسألك حاجة.. 

مربوحة: 

- ايه يا بتي ايه اللي رايدة تقوليه.. 

صابرين باستغراب: 

- خيتي فرح مش باينة بقالها يومين قلبي متوغوش عليها قوي رايده اطمن عليها يا خالة... 

مربوحة بردح: 

- وه وه  رايده ايه يا وش الفقر انا مصدقت اخلصت منيها رايدانا ندور ونحوم لترجع حدانا تاني ايه فقدتي مخك امال... 

صابرين بحزن: 

- يا خالة دي كانت معتتأخرش عني واصل وبتيجي تشوفني يوميا يا خالة كيف تغيب عني مرة واحدة كده... 

مربوحة بزهق: 

- هتروح فين امال دي شبه القط بسبع ترواح مش خابرة كيف العمدة جوزها لأبنة زينة الشباب كلياته وبنتي قدامه كيف معيشوفهاش اتعمى اياك... 

صابرين بعصبية: 

- انتي معترحميش بقواك خايتي فيها حاجة تقوليلي جواز وما جواز ايه مخك ده كيف عيفكر.. 

مربوحة بعصبية مسكت صابرين من شعرها وهي بتهزها جامد بعصبية: 

- انا مالي ومال خيتك انا مشغول بالي على فلوس الشهر اللي عوقت ومجابتهمش واصل والله لسأل عليها واطين عيشتها ومعسبهاش واصل غير لم تديني الفلوس والا انا هقعدك اهنيه شفقة... 

وزقتها راجل من وراها: 

- في ايه عاد يا مربوحة ليه عتقسي على البت كده دي متستاهلش اللي عتعمليه ده البت لساتها صغيرة وكمان بت اخوكي المرحوم.. 

مربوحة بكره: 

- خوي اللي خد ارضي وحرمني منها عاد بس ربنا خدلي حقي منيه ومات هو ومرته وسابلي ارضي وارضه انا اللي افلحها وكمان سابلي بلوتين ممنهمش عازة.. 

صالح باستغراب: 

- مش خابر ايه اللي عتعمليه ده دي بت اخوكي والتانيه كومان ليه عتعملي كده وخليتي بتك كمان فيها حقد ناحيتهم... 

مربوحة بكره: 

- ملكش صالح عاد انا خابرة كيف اتعامل مع ولاد المرحوم زين اطلع منيها انت عاد... 

صالح سابها وقعد على الأرض ياكل وصابرين جرت على البيت تبكي ومربوحه فضلت تشتم في بنات اخوها ونفسها يخرجوا من حياتها بأي طريقة.. 

... في بيت الظابط نور فتح الباب ودخل وهو بيقول: 

- ماما انتي فين سهى.. 

سهى جت جري وهي حضن نور وتقوله: 

- نور انت جيت وحشتني قوي غبت عننا اسبوع كامل والله ليك وحشة.. 

نور بهزار:

- بطلي يا بكاشة قال وحشتك قال يابت دانتي استقبلتي الشنطة قبل متستقبليني علشان تعرفي جبتلك ايه.. 

ست من وراهم: 

- يابني بطل كلامك ده مع اختك تزعل منك ربنا يخليك ليها وتجبلها اللي نفسها فيه والا ايه يا حضرت الظابط... 

نور بحب راح باس ايد امه وهو بيقول: 

- كده واكتر يا ست الكل ربنا يخليكي ليا يا اجمل حاجة في حياتي كلها... 

امه خرجت من حضنه وهي بتبص وراه شافت بنت شكل هدومها تدل انها مش من القاهرة قربت عليها وهي بتقول: 

- مين دي يانور تعرفها يابني.. 

نور: 

- اه ياما دي فرح بنت يتيمة من الصعيد وجوزها طلقها وكان هيموتها.. 

سهى قربت عليها باستغراب وهي بتقول: 

- بس انت ايه داخلك يا نور مش فاهمة متسيبها في بلدها جايبها هنا ليه... 

نور باحراج وهو بيبص على فرح ورجع بص لأمه وهو بيقول: 

- ميصحش كدا يا سهى دي مهما كان ضيفتنا الكام يوم دول لغاية لم نلاقيلها مكان تقعد فيه.. 

سهى بغرور: 

- اه مكان تقعد فيه قول كدا بقى دي ست الحسن والجمال مراتك والا شا قطها اصل مستحيل ست محترمة تيجي في الوقت ده مع شاب ولوحدهم وتسافر من الصعيد لهنا ايه هبل والا ايه... 

نور بعصبية: 

- ايه اللي بتقوليه ده يا سهى بتشكي فيا أنا وفي الست المسكينة دي اول مره اعرف تفكيرك كدا... 

امه : 

- يابني مش شايف شكلها البنت جميلة وكانت متجوزة واطلقت وانت شاب عازم وهتقعد معاك في مكان واحد ميصحش القانون والشرع بيقول كدا والا انا هعلمك يا حضرت الظابط... 

نور بزهق: 

- يا ماما انا مش.. 

وقفته فرح وقربت على أم نور وهي بتبكي وبعدين بصت على سهى ونور وهي بتقول: 

- كتر خيرك يا حضرت الظابط بس انا مش هقعد اهنيه واصل ميصحش اقعد في مكان مش مرغوبة فيه عاد انا هخرج.... 

وبصت لأم نور وهي بتقول: 

- متخافيش يا خالة انا مكنتش هقعد حتى لو انتي وافقتي انا هنيه لهرب من الجبروت اللي عمله فيا جوزي لكن اكلف ناس فوق طاقتهم لع مهرضاش بكده واصل اشوفك بخير يا خالة أم نور... 

وبصت على نور وهي بتقول: 

- تسلم يا حضرت الظابط انك وقفت معاي لحد كده معطلكش... 

وكانت هتخرج سمعت حد بيقول:

#استوووب 

ياترى فرح هتعمل ايه وليه؟ وليه ام نور واخته كارهين فرح؟ اشوفكم بخير في الفصل الجاي.. 

#الفصل الثالث.... 

- انتي هتروحي فين وانتي لا عندك معارف والا قرايب يابنتي... 

فرح بحزن: 

- ارض الله واسعة يا خالة واكيد هو جابني اهنيه لسبب انا مدراش بيه... 

نور قرب وعليها وهو بيقول: 

- خليكي هنا ربع ساعة عبال ماجي... 

وسابهم وخرج فرح كانت واقفة سهى كانت بتبصلها بكره وتقول في سرها: 

- ياترى عاوزة ايه من اخويا شكلك عاوزة توقعيه لشوشته لم يخالف كلام امه لأول مرة كده شكل قصتك عبرة وجوزك رماكي وجاية ترمي بلاكي على اخويا.

ماجدة بابتسامة وهي بتقرب على فرح وتقول: 

- عاملة ايه يابنتي اقعدي وانا ادخل اجبلك حاجه تشربيها.. 

فرخ: 

- لاع مريداش حاجة واصل كل اللي رايداه انكم تسامحوني علشان بوظتلكم فرحتكم برجوع ولدكم.. 

سهى غيرة: 

- اتمسكني يابت شكل قصتك كبيرة وجاية ترميها على اي حد والسلام مش عارفه والله ليه جوزك يرميكي ويطلقك وكان عاوز يخلص عليكي طلاما انتي بريئة... 

فرح بحزن خرجت بره البيت وهي ماسكة شنطتها نور شافها جرى عليها وهو بيقول: 

- انتي رايحة فين يا بنتي اتفضلي ده مفتاح شقتك الجديدة... 

فرح ببكاء: 

- مريداش منك حاجه واصل يا حضرت الظابط خالي فلوسك وشقتك لنفسك مريداش حاجه منك وانت متشكرة ليك قوي انك ساعدتني وجميلك هيفضل فوق راسي العمر كلياته.. 

نور استغرب وهو بيقول: 

- طب انتي فيكي ايه مانتي كنتي بخير امي واختي قالولك حاجه.. 

فرح هزت راسها بلاء وهي بتقول: 

- محدش قال حاجه واصل بس انا مريداش اقعد اهنيه ميصحش انا هشوفلي مكان بعيد  عن اهنيه اقعد فيه كام يدم اكده عبال ما الأمور تهدى واعرف ارجع الصعيد... 

نور بهدوء: 

- ياستي اعتبريني مأجر ليكي وخدي المفتاح ومنين الفلوس متحضر اديهالي اي خدمة... 

فرح وهي باقول في سرها: 

- هتروحي فين يا مخبولة عاد انتي معندكيش مطرح تروحي فيه والراجل عيقدملك مساعدة بتنكريها امال بس امه واخته مش رايديني معاهم... 

نور وهو بينادي عليها: 

- روحتي فين يا فرح اتفضلي المفتاح اهو والشقة جنبنا بشوية روحي بقى ومبروك عليكي.. 

فرح هزت راسها وهي بتقول جواها: 

- انا خايفة قوي من القدر اللي عيتحكم فيا عاد مريداش قلبي يحرقني اكتر من اكده... 

.. ومشت فرح في شقت نور كانت امه واخته قاعدين واخته بتقول بعصبية: 

- جايبلنا مطلقة وبيقعدها هنا معانا ليه فاكرني هبلة معرفش ان دي اكيد مراته ومتجوزها في السر... 

ماجدة بحزن: 

- انا خايفة قوي ابني زينة الشباب والف بنت تتمناه يتجوز واحدة مطلقة... 

سهى بكره: 

- مش هسمحلها تعمل كدا وتاخد نور مننا ولو حصل مش هنسيبها في حالها أبداً... 

ماجدة جواها بتقول: 

- ليه القدر بيعيد نفسه ابوك برضه جاب ست مطلقة وخدته ومشت من هنا بعد فترة من قعدتها جنبنا خايفة تخطفك زي متخطف ابوك يا نور... 

......... عند فرح فتحت الباب ودخلت الشقة واول مدخلت كحت جامد وحطت اديها على بقها وقفلت باب الشقة وبتدور على الكبس بتاع النور لقته وقادت النور وهي بتقول: 

- وه البيت مترب قوي عايز سبوع كلياته تنضيف بس احسن من قعدت الشوارع يا فرح همي ونضفيه... 

راحت في اتجاه الشباك فتحته والشمس جت في البيت وبدأت تنضف البيت وهي..... 

... عند عابد كان قاعد في وسط اهله ومستني الغفير يجي يقوله الخبر فجأة الغفير جاي ببجري وهو بيقول: 

- عابد بيه الحقني شوفنا ست غرقانة في الترعة... 

عابد قام مخضوض وهو بيقول: 

- ست اكيد دي فرح عدور عليها من امبارح وغايبة عني هم قوام نشوفها هي والا لع... 

نجمة سعت الكلام قالت في سرها: 

- يافرحت قلبي اليوم يوم فرحي على عابد انا لو طلع الخبر ده صوح هظغرط والم العالم كلياته ظغريط... 

ست من وراها: 

- نجمة يابتي واقفة كده ليه امال همي عندنا شغل ياما قوي مخببراش راحت فين فرح كانت عتشيل عننا شوي راحت فين وش الفقر دي مخبراش... 

نجمة بخبث: 

- انا هنيه يا خالة بس انا سمعت حاجة مش عارفه عتنبسطي والا عتزعلي اياك... 

هدية باستغراب: 

- همي قولي يابت ايه اللي رايده تقوليه امال مخلي وشك كيف القمر وبتضحكي كده... 

نجمة بفرحة: 

- فرح يا خالة بيقولوا لقوها في الترعة غرقانة واحتمال تكون ماتت امال... 

هدية بصدمة: 

- يامري ايع اللي عتقوليه ده يابت انتي فرح كيف راحت عالطرعة وليه تغرق وهي بتخاف من الماية قوي.. 

نجمه باستغراب: 

- مالك امال يا خالة اللي يشوفك اكده ميقولش انك كنتي تكرهي العما والا تشوفيها ايه الحب حبك دلوقيت... 

هدية سابتها وهي ماشية وتمتم وبتقول: 

- هتفضلي طول عمرك كيف الجموسة معتفهميش حاجة واصل انتي فالحة في حبك لعابد اللي هيوديكي ويوينا كلياتنا في الطين... 

نجمة بحزن: 

- الله يسامحك يا خالة عاد انا قولت افرحك وياي بس الظاهر كنت غبية انتي مبتفرحيش ليا واصل انا اروح  لأختي جايز تقولي اعمل ايه وكيف اوقع عابد ويهم ويتجوزني علطول... 

.... عند عابد كان الكل ملموم حولين الترعة وبيخرجوا الست اللي وشها مدارى بالطرحة واول مخرجوها عابد بقلب بيضحك وبيقول في سره: 

- أخيراً هفرح بأملاكي الجديد ياوش الفقر انا من اليوم ورايح هخلص من اسمك ووشك اللي عيحسسني بندم لم اعمل معاكي حاجه عاد... 

وقرب علي الست ورفع الطرحة وقال بصدمة: 

- ايه ده.... 

عند صابرين اخت فرح كانت قاعدة ومستنية خبر عن اختها اتفأت بزهرة صحبتها بتجري وهي بتقول: 

- الحقي يا صابرين هيقولوا انهم لقوا خيتك غرقانة والبلد كلياتها في الترعة.. 

صابرين بصريخ: 

- يلهوتي ايه اللي عتقوليه ده خيتي مستحيل تتركني واصل يا زهرة خيتي مستحيل تتركني.. 

زهرة كانت بتبكي وتقول: 

- ابوس يدك متصرخيش كده وتعالي معاي جايز تكون حد تاني امال... 

مربوحة من وراهم: 

- ايه يا وش المصايب عتصرخي ليه عاد... 

صابرين بصريخ وهي بتلطم على وشها: 

- خيتي عيقولوا انها واقعة في الترعة يا عمة خيتي بتروح مني... 

مربوحة بلا مبالاة: 

- وانا اعمل ايه عاد هي لو ماتت ريحت وارتاحت هنعمل ايه يا وش الفقر... 

صابرين سابتها وجريت على الترعة وهي بتصرخ وزهرة وراها بتحاول تهديها مربوحة وهي شيفاهم خارجين بتقول بكره... 

- بت ياسناء انتي يا مقصوفة الرقبة... 

سناء جرت وهي بتقول: 

- نعم ياما رايده ايه مني عاد معرتحش في ام البيت ده عاد.. 

مربوحة بفرحة: 

- بيقولوا غارت من اهنيه يابت حقك وهتعيشي عيشت اللي متوعى تتسمى عوزاكي تتشيكي وتتصعبني وتتمكيجي وتدوري على عابد ولد العمدة والا ايه عاد... 

سناء بخبث: 

- امرك يا ست الكل اللي ريداه هعملهولك بس كيف هتوقعي عابد ده كيف القطر وبيحب فرح قوي ياماي... 

مربوحة بخبث: 

- كيف ما وقعت ابوكي وخدته من مرته الأولانية هخليكي تتجوزي عابد وتاخديه بعين تضحك وعين تفرح يابت ريداكي تتعلمي من امك عاد بطلي تبقي كده مخك كيف الحديد معيتفكش واصل غير بالنار الله يحرقك.. 

سناء بخنقة: 

- اعمل ايه عاد ياما البت فرح كانت كيف القمر وعابد بمجرد مشافها ريل عليها قوام ومشافش حد غيرها واصل كيف بقى هوقعه عاد.. 

مربوحة بخبث: 

- واهي غارت في داهية وريتي هتعملي ايه دلوكيت.... 

#استوووب ياترى ايه خطة مربوحة واية اللي هيحصل مع فرح؟ اشوفكم بخير يا اجمل متابعين... 

#داليا منصور الفرجاني.. Dalia Mansuor 

#كسر القلب

#الفصل الثالث

تكملة الرواية بعد قليل