رواية كسر القلب الفصل الرابع 4 بقلم داليا منصور الفرجانى حصريه
رواية كسر القلب الفصل الرابع 4 بقلم داليا منصور الفرجانى حصريه
#الفصل_الرابع....
صابرين وهي بتجري على في وسط الناس وتصرخ وتنادي بأسم فرح الكل بصلها وصعبت عليهم ست من اللي واقفين بتقول بسرعة:
- رايحة وين عاد يابتي خدي هنيه دي مش خيتك فرح واصل دي ست من العزبة اللي جنبينا عاد...
صباح بعد مكانت بتصرخ قالت براحة:
- الحمد لله قلبي كان هيقف يا خالة يعني فرح بخير وانا عشوفها تاني..
مربوحة بخبث قدام كل اللي موجودين:
- انا صعبان عليا استاذ عابد مراته ياحبت عيني سابته وهربت هي وعشيقها وقال ايه رايدانا نفكر انها انتهت من الحياة علشان منحاسبهاش لكن احنا صعايدة والشرف عندينا فوق الكل...
سناء بخبث:
- معاكي حق ياما بجد كيف فرح اختفت كده الا لو كانت هربت مع عشيقها من البلد كلياتها..
عابد بصلهم بخبث وهو بيقول:
- انا كنت زعلان وعدور عليها لاكن حاسس ان كلامكم زين قوي انا مراتي مكنتش على بعضها الفترة الاخيرة وكانت بتغيب عن الاوضة بتاعتنا يوميا وتيجي البيت متأخر قوي من غير منطلب منها حاجة حتى الخلفة لم كنت بقولها ليه اتأخرنا كانت ترفض تروح معايا نتعالج او نسأل على الخلفة بحجة انها خايفة عليا...
ست بحزن:
- يا جماعة انتوا عتتحدتوا على فرح يعني اخلاق واحترام وادم دي مش اي بنت دي كل العزبة تتمنى كلمة منيها بس مش تصاحبها بنت كانت تساعد الغريب قبل البعيد...
صابرين ببكاء:
- خيتي عمرها متعمل حاجه عفشه خيتي كانت تقدر الغريب قبل البعيد جيتوا دلوقتي عتتحدتوا عليها وعلى شرفها بالباطل يا خلق...
مربوحة بخبث:
- لو كلامك صوح فينها تعرفنا الصح من الغلط وتسكت لسانا على الحديت عنها بالباطل كيف انتي مـ عتقولي يا مقصوفة الرقبة...
عابد بخبث قرب على مربوحة وهو بيقول:
- انا خابر يا عمة انك زعلانة قوي على فرح لكن متزعليش عليها واصل دي خاينة وانا عمري مهسامح واحدة خانت العيش والملح وخانت اسيادها...
مربوحة بصت على بنتها وغمزتلها قربت سناء وهي بتقول:
- الله يعينك يا عابد بيه الصراحة قلبي عيتقطع عليك قوي كيف المرة اللي فضلتلها على بنات الصعيد كلياتهم تخونك وتهرب اكده انا لو مطرحها معملش اكده واصل بالعكس اقعد عند رجلك ومزعلكش واصل...
عابد بخبث وفهم طريقتهم:
- لاع يا سناء انتي كيف خيتي وانا عحترمك قدام الخلق كلياتهم لكن خيتك انا معسامحهاش واصل...
والكل مشى وعابد قال بعصبية:
- عتكون فين يعني انا رميتها بيدي كيف غابت اكده فرح دي كيف القط بسبع ترواح انا زهقت منها عاد...
جليل من وراه:
- قولتلك طريقك واعر مصدقتنين عاد لكن دلوكيت لازم ندور عليها ونلقيها ونخلص عليها قبل محد يعرف بوجودها عاد...
صالح بكره:
- عتكون فين عاد هي مستحيل تخرح من اهنيه لوحدها واصل يا حد ساعدها او هي هربت من اهنيه لحالها لكن ده مستحيل واصل...
.... عند فرح خلصت ترتيب البيت وخرجت تجيب لوازم البيت وكانت معدية قدام بيت نور فجأة..
- فرح انتي رايحة فين في وقت زي ده لوحدك..
فرح:
- رايحة اجيب وكل من الصبح عماله انضف ونسيت اجيب الوازم دي ...
نور:
- معاكي فلوس تجيبي بيهم اكل..
فرح بتوتر:
- اه معاكي والحمد لله خير ربنا سابق يا استاذ تور اشوفك بعافية...
ومشيت وهو خرج وراها من غير متشوفه لقاها دخلت محل دهب...
فرح وهي في محل الدهب بتقول:
- رايده حد اهنيه يشتري مني الخاتم ده...
الراجل بترحيب:
- اهلاً بيكي يا مدام اتفضلي...
فرح بحزن:
- رايده ابيع الخاتم ده يعمل كام امال...
الراجل بتاع الصاغة مسك الخاتم ووزنة وقال:
- اتفضلي الفلوس وفاتورة البيع يا مدام..
هزت فرح راسها وخرجت تجيب اكل ليها وقفها نور وهو بيقول:
- انتي ازاي تبيعي دهبك..
فىح بحزن:
- ده كان جيبهولي اللي كان جوزي يمكن جه اوانه علشان استنفع بيه واعيش اليومين دول...
نور زعل عليها وبعدين قال:
- طب تعالي اوصلك بيتك علشان انا عندي مهمة ولازم اروح بسرعة...
فرح هزت راسها ومشيت قدام وهو مشى وراها بكتير واول مطمن انها وصلت سابها وراح شغله...
فرح كانت داخلة العمارة فجأة بنت وقفتها وهي بتقول:
- انتي بقى البنت المطلقة اللي ساكنه هنا جديد بس باين انك اطلقتي...
فرح استغرلت وهي بتقول:
- مش فاهمه ومين حضرتك لتقولي عني كده...
سهر بكره:
- انا اللي انتي عاوزة تاخدي منها حاجة مش من حقك أبداً..
فرح باستغراب:
- عاخد منك ايه عاد يا حرمة اتخبلتي اياك همي ابعدي من اهنيه وسبيني امشي في طريقي...
سهر بكره وهي بتزقها والأكل وقع منها وبتقول بكره:
- انا لم اكون بكلمك يا بت انتي تقفي وتحترميني لأن مش هتبقى بنت ذيك تتحداني وتاخد مني حب عمري واسكتلها لاء افهمي كويس واعرفي انك هنا مجرد واحدو مطلقة وبس...
فرح كانت بتقوم بتعب لكن شافت حد بيسندها ويقولها:
- قومي يا استاذة براحة وانتي قايمة...
بعدت فرح بسرعة وكان بيناولها الكياس وهو بيقول:
- انتي كويسة دلوقتي فيكي حاجه...
سهر من وراه:
- يا نحنوح روح شوف خطيبتك يا خويا فوق وبطل نحنحة ماشي...
كريم بتوتر:
- سهر ايه اللي جابك هنا وليه بتعزبي البنت دي كدا...
سهر بخبث:
- بعزب مين يا كريم غور من وشي سهى زمانها مستنياك فوق وسيبلي انا القطة عوزاها في كلمتين..
كريم سابهم وطلع لكن كان بيقول في سره:
- انا مش مصدق ان في بنات كدا دي لهطة قشطة والله العظيم وكفاية عنيها عليا بجد سهى مين اللي شبه الغفير دي والله...
فرح كانت داخله مسكتها سهر من اديها وهي بتقول:
- ها سمعتي كلامي كويس وابعدي عن نور نهائي مفهوم...
فرح فهمت وقالتلها:
- انا مفيش بيني وبين استاذ نور حاجه واصل ده بالنسبة ليا ظابط وشخص ساعدني وانا شخصيا ممنونة ليه قوي ومش عنساله فضله واصل..
سهر بخبث:
- تمام يا مدام فرح مش كدا...
.. وسابتها ومشيت وفرح قعدت على السلم وفضلت تبكي وتقول:
- انا منين مروح بلاقي طرق مسدودة قدامي انا زهقت قوي مريداش اعيش العيشة العفشة دي واصل انا رايدة ارجع بلدي مع خيتي ونعيش احالنا ومش رايدين املاك والا ارجع لجوزي والا اجي اهنيه تاني...
بعدين قامت ومسحت دموعها ودخلت العمارة وكانت ماشية من قدام شقت نور وامه واخته شافت الشخص اللي قومها داخل الشقى وسهى بترحب بيه قوي قالت في سرها:
- ياريت كان في تعامل ليا معاكي كنت حزرتك من اللي عتشوفيه مع راجل عنيه زايغة قوي وبالذات مع الحريم..
ودخلت شقتها ورصت الأكل وقعدت تاكل بسرعة لانها مكنتش كلت من يومين...
عند عابد كان داخل من باب القصر نجمة وقفته وهي بتقول:
- عابد عملت ايه عاد واخبار مراتك ايه ماتت صح قول وفرح قلبي...
عابد بزهق بس اتصنع الزعل:
- مرتي مخبرش وينها يا نجمة بس الكل بيفدقول انها هربت مع عشيقها وعتوهمنا انها ماتت كرمال نترحم عليها لكن انل لو ده صوح مش هسيبها واصل...
نجمة بخبث:
- عندي حل ليك....
عابد بصدمة:
- وايه هو الحل يا نجمة......
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق