رواية غصون الفصل الثالث عشر والرابع عشر بقلم يارا عبد العزيز حصريه
رواية غصون الفصل الثالث عشر 13بقلم يارا عبدالعزيز (جديده وحصريه فى مدونة قصر الروايات)
الفصل الثالث عشر
كانت بتجري بخوف شديد لحد اما اتصدمت في عربيه من العربيات الموجودة في في الجراچ
بصيت على فونها و شنطتها اللي وقعوا على الارض بخوف و
نزلت لمستواهم تاخدهم
خدتهم من على الارض و اتنهدت بارتياح كبير و هي بتفتح الفون و بتتأكد من الفيديو اللي صورته
كانت لسه هتمشي بسرعه بس وقفت و هي بتترعش بخوف شديد لما لاقيت حد بيسحبها لتلتصق بضهره العريض
بصيت قدامها لاقيت مي واقفه و مربعه ايديها بشر...
و جاسر اللي ماسكها بتحكم و حاطط المسدس... في رقبتها
جاسر كان أول مره يشوفها
بصلها بتوهان في ملامحها ، رعشتها و خوفها صوت انفاسها اللي كان بيعلو و يهبط بسرعه كل دا جننه... فيها اكتر
فاق على صوت مي اللي اتكلمت بغضب
= على فين يغصون
تفتكري اننا هنسيبك بعد اللي سمعتيه
انا كدا كدا مكنتش محتاجه سبب عشان اخلص... منك من اول يوم شوفتك فيه في حضن... جوزي و انا كنت عايزه اخنقك... بايديا و دلوقتي جت الفرصه
راحت عندها و كانت لسه هتاخد المسدس.. من جاسر بس انصدمت لما لاقيت جاسر بيبعد بغصون عنها
كانت لسه هتتكلم بس قاطعها جاسر و هو بياخد الفون من غصون اتكلم بغضب مفرط و هو بيوجه المسدس... ناحيه رقبتها
= افتحيه يلاااا
بقلمي يارا عبدالعزيز
خديت غصون الفون بخوف و فتحته
فتح جاسر الفون و مسح الفيديو و وقعه... على الارض بقوه لينكسر... لميه قطعه
بصتله غصون بدموع و خوف شديد
اتكلم جاسر بخبث و هو بيحرك المسدس... على جسدها...
= انتي عارفه كويس اوي ان من غير الفيديو دا انتي مش هتقدري تثبتي علينا اي حاجه بدليل انك صورتيه
انا مستعد اسيبك دلوقتي و مش هعملك اي حاجه بس قسما بالله لو فتحتي بوؤك باي حاجه من اللي شوفتيها دلوقتي لهكون مخلص... عليكي انتي و يونس مااشي يحلوه
هزيت راسها بخوف و اتكلمت بدموع
= حاضر بس سابني ارجوك
جاسر بصلها بمشاعر كتير غريبه عليه
مكنش عايز يأذيها... مع انه كان ناوي على اذيتها... بس بمجرد ما شافها مقدرش يسيطر على نفسه و لاقى نفسه بيرجع لورا
سابها و هو بيبصلها تحت نظرات الاستغراب من مي اللي مش فاهمه تصرفاته
بمجرد ما جاسر ساب غصون جريت بسرعه برا الجراچ
مي بصتلها بغضب و راحت وقفت جاسر و اتكلمت بغضب مفرط ممزوج بخوفها
= انت اتجننت... ازاي تسيبها تمشي بعد اللي شافته!!!!
دي ممكن بكل بساطه تروح تقول ليونس و. هتكون نهايتي انا و انت يونس مش هيرحمنا
جاسر ببرود
= مش هتقول حاجه
لو كانت واثقه ان يونس هيصدقها مكنتش صورت الفيديو مش هتنطق طول ما هي مش معاها دليل ضدنا...
اتكلمت مي بغضب و خوف
= غصون بتحب يونس و مستحيل تسكت عن كل اللي شافته
انت مشوفتش شكلها كان عامل ازاييي
انا بجد مش مصدقه انك سابتها كدا و مش مقتنعه باي حاجه انت قولتها
اسمع يا جاسر انا كنت عايشه مع جوزي بسلام لحد اما انت ظهرت و كل اللي بيحصل دلوقتي بسببك و انا معنديش اي استعداد اني اخسر... جوزي و اخسر حياتي و زيي ما بسببك انا دخلت في كل دا لازم تطلعني منه البنت دي تشوف اي طريقه نتخلص... منها بيها و للابد و لو انت اللي معملتش كدا انا اللي هخلص... عليها بنفسي
هز راسه بشرود و صورتها لسه قدام عينيه
مي بصتلها بغضب و مشيت بسرعه ورا غصون
غصون كانت ماشيه و بتبص وراها بخوف شديد و هي بتتخيل ان فيه حد منهم وراها و هيموتها....
كانت الدموع في عينيها و جسدها كله بيترعش بخوف و مشهد مي و جاسر خانقها... على يونس
كانت بتمشي بسرعه لحد اما خبطت بجسد عريض
غمضت عينيها و هي بترتعش بخوف
فاقت على صوته المليئ بالحنيه و العشق
= انتي كويسه!
فتحت عينيها و بصتله بدموع و في لحظه كانت دخلت جوا حضنه و مسكت فيه بقوه و عيطت بانهيار و رعشه جسدها موقفتش
حاوط ضهرها بايديه و اتكلم بخوف و حنان
= مالك يغصون!
ايه اللي حصل اهدي و قوليلي فيه حاجه حصلت معاكي
قال كلامه و بدأ يربط على ضهرها بحنان لحد اما حسيت بالامان و هديت
طلعت من حضنه و هي بتبصله بدموع
حاوط خدها بايديه و اتكلم بخوف و نبره حاده
= انتي عامله كدا ليه!
فيه اييه!!!!
كانت لسه هتتكلم بس قاطعتها مي اللي وقفت قدامها و بصتلها بشر...
ارتعشت غصون بخوف
اتكلم يونس بخوف و حنيه
= ايه يا غصون انا سامعك
اتكلمت ببكاء و هي بتفتح ايديها و بطلع بقايا فونها
كانت شبه منهاره اتكلمت بشهقات
= تلفيوني اتكسر....
اتنهد براحه و اتكلم بحنان و هو بيمسك ايديها
= عامله كل دا عشان حته تلفيون!!!!!
و ايه اللي فيها هجبلك واحد احسن مليون مره منه
قال كلامه و حضنها بقوه و قبل... راسها بحنان متجاهل مي اللي كانت واقفه بتبصلهم بغضب مفرط مكنش همه غير انه يمتص خوفها و يحاول يهديها
مسكت غصون فيه بقوه و بصيت لمي بكره و حده و مي بدالتها نظراتها بشر... و غضب
غمضت عينيها و دفنت.. وشها في صدره اكتر و بتحاول تحس بالامان في وجوده
مي كانت واقفه بتبصلهم بغيره و غضب و في لحظه كانت بعدت غصون عن حضن يونس و اتكلمت بحده
= ايه اللي جابك هنا!
يونس بهدوء و هو بيبص لغصون
= خلصت بدري و قولت اجاي عشان اوصلكم البيت خلصتم و لا لسه
مي راحت عنده و حضنته و اتكلمت برقه و هي بتغيظ غصون
= هنبقى نيجي في وقت تاني نختار كل الهدوم يحبيبى بس بعد ما نعرف نوع البيبي الاول
يلا عشان انا تعبت انهاردة و محتاجه ارتاح
قالت كلامها و مسكت ايديه و مشيت و غصون مشيت وراهم بغضب
بقلمي يارا عبدالعزيز
وصلوا القصر و يونس دخل غرفه المكتب و مي طلعت الجناح بتاعهم
بمجرد ما دخلت غصون دخلت وراها
اتكلمت مي بسخرية و هي بتقف قدامها
= بعد اللي حصل متوقعتش منك الصراحة انك توريني وشك معايا في مكان واحد
اييه مش خايفه اموتك....
ربعت غصون ايديها و اتكلمت بسخريه
= و الله انتي اللي المفروض متورينيش وشك بعد اللي عرفته عنك بس نقول ايه بقى مفيش دم...
مي بغضب مفرط
= متفكريش اني هخاف بعد اللي عرفتيه انا ممكن بكل سهوله انكره و انتي مش هتقدري تثبتي عليا اي حاجه فخافي على نفسك لانك لو فتحتي بوؤك هتخسري و خسارتك هتكون حياتك
قربت غصون منها و اتكلمت بحده
= و انا مستحيل اسمحلك تأذي... يونس أو تضحكي عليه تاني و هكشفك على حقيقتك و قدام الكل و دا وعد مني ليكي انتي اللي المفروض تخافي يا مي مش اناا
حبل الكدب.. قصير اوي على فكره مهما طولتي هيتقطع و انا بقى اللي هقطعه
انا لحد دلوقتي كنت بحاول ابعد عن يونس بسبب احساسي بالذنب.. اني خدته منك و اني مليش اي حق فيه
بس بعد اللي شوفته انتي اللي متستاهليش تكوني معاااه
مي ببأبتسامه سخريه
= هههههههههههه
ايه دا دا غصون طلعت بتخربش اهي القطه البريئه بس للاسف يحبيبتى اختارتي الشخص الغلط عشان تخربشيه لاني بقتل...
و بعدين متنسيش اني حامل بابن يونس و ان الوحيدة اللي ليها الحق فيه هي انا
غصون ببرود
= مش لما يكون ابنه!
الا صحيح يا مي يبقى ابن مين اللي كان معاكي و لا ......
مي بغضب
= اخرررسي دا يبقى ابن يونس جاسر كان مسافر و لسه راجع في اليوم اللي عرفت فيه اني حامل و انتي ممكن تتأكدي بنفسك من المطار
يعني اللي في بطني دا يبقى ابن يونس و انا امه و لو انتي بجد خايفه عليهم هم الاتنين تسكتي و مش هقولك تاني عشان مأذيكيش...
ابتسمت غصون بسخريه و سابتها و مشيت
دخلت اوضتها و فضلت تعيط بانهيار و هي بتفتكرهم مع بعض اتكلمت بغضب
= اااه يا بنت الـ****** و الله ما هرحمكم
لازم الاقي طريقه اكشفهم بيها فكري يغصون فكري كويس اكيد هتلاقي طريقه يا رب ساعدني
حسيت بدوار شديد
حطيت ايديها على فمها و مسكت معدتها بالم..
اتكلمت بارهاق
= مش وقته اتعب خالص
كملت بتفكير
= كاميرات الجراچ ايوا اكيد جابتهم انا لازم اروح اشوفها
قالت كلامها و خرجت بسرعه برا القصر
ركبت عربيه من العربيات و طلعت بيها على المول
كان قاعد جانبها واحدة صاحبتها
اتكلمت هدير صاحبتها باستغراب
= جايبني هنا ليه يبنتي
روحتي خدتيني من البيت على ملى وشي و مقولتليش عايزيني في ايه
اتنهدت غصون بعمق و اتكلمت بهدوء
= بصي انا لازم اشوف كاميرات المراقبة بتاعت جراج المول دا
انتي كنتي قولتي ان ليكي واحد قرايبك شغال هنا قوليله هو اكيد هيساعدنا
هدير باستغراب
= امممم بس هو ممكن ميرضاش خالص
غصون بترجي
= حاولي يا هدير حاولي هيرضى باذن الله يلاا
دخلوا المول و بدأوا يشوفوا الكاميرات بمساعده قريب هدير
اتكلمت غصون باستغراب
= فيه مكان في الجراچ مش موجود
= الكاميرا اللي في المكان دا مش شغاله للاسف
خلاص كدا احنا لازم نخرج دلوقتي عشان انا متأذيش...
غصون بصتله بقله حيله و دموع
اتنهدت بغضب مفرط و خرجت برا المول و معاها هدير
اتكلمت هدير باستغراب
= فيه ايه يغصون ممكن تفهمني يمكن اقدر اساعدك
غصون بدموع و ارهاق
= مفيش
انا هوصلك و ارجع القصر قبل ما حد يعرف اني خرجت تعالي يلا
كانت لسه هتفتح العربيه وقفت و هي حاسه بدوخه قويه
سندت بايديها على العربيه و هدير مسكت ايديها و اتكلمت بخوف
= مالك يغصون انتي تعبانه!!
بقلمي يارا عبدالعزيز
غصون بارهاق
= شويه ااه بس هبقى تمام عادي بقالي كدا اكتر من شهر و بتروح عادي
هدير بغضب و خوف
= شهر يغصون!!!
شهر و ساكته على نفسك تعالي يبنتي نكشف و نطمن عليكي
غصون بارهاق
= اممم انا مش عايزة اتأخر بعدين هبقى اروح بصي نروح بكره بعد ما نخلص مدرسه المهم دلوقتي يلا نمشي
رجعت غصون القصر و دخلت الاوضه بتاعتها
قعدت على السرير و هي بتفكر في طريقه تكشفهم بيها
فاقت على خبط الباب
اتكلمت بغضب
= ادخل
دخل يونس و قعد جانبها على السرير و اتكلم بحنان و هو بيزيح شعرها خلف اذنها
= عامله ايه دلوقتي
اتكلمت بدموع
= كويسه
خدها في حضنه و همس بحنان
= لسه بتعيطي!
فداكي مليون تلفيون
طب بصي انا جابتلك ايه
طلع علبه تلفيون من جيبه و اتكلم ببأبتسامه
= دا احدث اصدار على فكره احسن من اللي كان معاكي
خديت منه الفون و اتكلمت ببأبتسامه و هي بطلعه من العلبه
= واوووو
بس دا غالي اوي على فكره
ابتسم بعشق و خد منها الفون و رن على رقمه
اتكلم بحنان
= اول رقم رنيتي عليه رقمي سجليه بقى مااشي
بصتله بدموع وقعدت على ركبتها قدامه و حاوطت رقبته بايديها و اتكلمت بهمس و هي بتدفن... وشها في رقبته
= انت اجمل شخص راجل في العالم
متستاهلش ابداا اي حاجه وحشه تحصلك بس اوعدك اني هبعدك عن اي اذى...
حاوط ضهرها بعمق و اتكلم بعشق و هو بيتنفس ريحتها
= تعرفي انك وحشتني اوي
عايزاك ديما في حضني كدا يغصون ينفع متبعديش عني
لما بخرج برا الحضن دا بضيع
كانت لسه هتتكلم بس غمضت عينيها بخجل مفرط لما لاقته بيحرك ايديه على خصرها بحنان
بعدت بسرعه و خجل و اتكلمت برقه
= جابته بكام بقى
فهم انها مش عايزه قربه منها ليبتسم بالم و اتكلم بهمس
= مش لازم تعرفي المهم انه عاجبك
عن اذنك
قال كلامه و قام من قدامها وقف و اداها ضهره و كان لسه هيمشي بس مسكت ايديه و وقفت قدامه
رفعت نفسها لمستواه و اتكلمت بهمس و هي بتحضنه بعمق و بتغمض عينيها
= انا مش عايزة احس اني بالرخص... دا عندك
غمض عينيه بالم... و اتكلم بحده و هو بيمسكها بقوه
= بطلي تضحكي على نفسك انتي عارفه اني عمري ما شوفتك كدا انتي قبل ما تكوني مراتي متنسيش انك بنت عمي انا اخاف عليكي من نفسي يغصون و لو انا شايفك كدا كنت انا اللي هبعد
ابتسمت بحب و اتكلمت بتلقائية
= اومال انا ايه!
قبل... عنقها بعشق
بعدها قليلا عن حضنه و قبل... كل انش في وجهها بحنان
سند بجبينه على جبينها و انفاسه تعلو و تهبط بسرعه
شالها و وضعها على السرير بحنان و ضمها لصدره بقوه و عشق ليأخذها معاه الى عالمهم الخاص بهم
في المساء
كانت غصون بتبص ليونس اللي نايم بعمق و محاوطها بقوه
بتبصله و هي بتبتسم بعشق و بتحرك ايديها على خده بحنان
بعدت عنه بصعوبه و خجل و لبست التيشرت بتاعه اللي واقع على الأرض
كانت لسه هتقوم بس مسك ايديها و شدها و وقعها في حضنه
همست بخجل
= يونس!
همس بعشق و هو بيقبل... عنقها
= امممم نعم
اتكلمت بخبث و هي بتبعد عنه
= هو انت بتحب مي!
سكت شويه
اتكلمت ببأبتسامه
= انهارده سألتني هتطلقوا امتى صحيح الشهرين خلاص بيخلصوا هو احنا هنطلق أمتى
اتنهد بغضب و اتكلم بأستغراب
= اممم انتي شايفه اللي احنا فيه دلوقتي مناسب انك تسألي السؤال دا
اتكلمت بدموع و هي بتدخل جوا حضنه و بتحاوط كتفه بايديها
= يعني نهايه اللي بيحصل دا ايه
هتبعد عني صح
اتكلم بهمس و هو بيقبل... شعرها
= اشششش بطلي عياط متفكريش في اي حاجه وحشه و انتي معايا احنا دلوقتي مع بعض و دا المهم
قبلت.. صدره برقه و اتكلمت في نفسها
= مش هسمحلك تبعد عني
انت من حقي انا و بس هي اللي هتخرج برا حياتنا و قريب اوي كمان
فاقت عليه و هو بيضم شعرها كله على جنب واحد و بيدفن.. وشه في عنقها من الجانب الاخر و بيحاوط ضهرها بعمق
اتكلمت بهمس
= تصبح على خير
اتكلم بهمس و هو بيتنفس ريحتها
= و انتي من اهله
فضل يحرك ايديه على ضهرها لحد اما حس بانتظام انفاسها
عرف انها نامت بصلها و ابتسم بعشق قبل.. كل انش في وجهها بعشق و عنقها و ايديها
بص للتشيرت بتاعه اللي لابسه
لبس بنطلونه و دخل اوضتها و جبلها هدوم و لبسهلها و خد قميصه و دثرها في الغطاء جيدا
طلع برا الاوضه و هو بيبصلها بعشق و دخل الجناح بتاعه
اتكلمت مي برقه بمجرد ما شافته
= كل دا في اوضه المكتب
هز راسه بهدوء و فرد جسمه على السرير
اتكلمت مي باستغراب
= هتنام كدا بالتشيرت اللي جاي بيه من برا
قرب التشيرت من موضع انفه و هو بيبتسم بعشق تحت نظرات الاستغراب من مي اللي راحت عنده و حطيت راسها على صدره اتنفست بغضب لما شميت ريحة القميص و لاقيت ريحه غصون
اتكلمت في نفسها بغضب
= و الله ما هرحمك انتي اللي لعبتي في عداد عمرك
بعد ضهر اليوم التالي
غصون كانت واقفه مع هدير صاحبتها قدام باب المستشفى
اتكلمت بضيق
= امممم هدير تعالي نمشي دي دوخه مش مستاهله انا مش بحب ادخل مستشفيات بخاف تعالي نروح اي كافيه نشرب اي حاجه
هدير بحده
= لا هندخل و لو مدخلتيش معايا هقول لطنط منى بقى و هي تتصرف معاكي
اتكلمت غضون بلهفه
= لا خلاص بلاش ماما مش عايزة اخوفها تعالي ندخل و امري لله
دخلوا المستشفى و غصون قطعت تذكره كشف و فضلت منتظره دورها
اتكلمت الدكتورة بهدوء و هي بتعقد على مكتبها بعد ما فحصتها
= انتي لسه مكمله التمناتشر صح
اتجوزتي بدري كدا ليه
غصون بصتلها باحراج
أتكلمت الدكتوره بهدوء
= متجوزه من اد ايه
غصون بخوف
= من شهر و نص مثلا
هو فيه حاجه حضرتك قلقتيني هو انا عندي حاجه
الدكتوره ببأبتسامه
= لا متخافيش اوي كدا تعرفي تكلمي جوزك دلوقتي عايزه اتكلم معاه في شويه امور
غصون بلعت لُعابها بخوف و اتكلمت بدموع
= انا كدا قلقت اكتر
ايه علاقه جوزي باللي عندي ممكن حضرتك توضحي اكتر
الدكتوره ببأبتسامه
= انا عايزه اقابله عشان اديه شويه تعليمات المفروض تمشوا عليها لانك سنك صغير دلوقتي على الحمل فلازم شويه تعليمات كدا تاخدوها انتوا الاتنين عشان الحمل يكمل على خير
غصون بصتلها بصدمه و اتكلمت بحده
= حمل!!!
يُتبع.....
غصون بدأت تبقى اقوى بس يا ترى هتقدر على التعابين اللي في حياتها و لا ايه اللي هيحصل و هتتصرف ازاي مع موضوع حملها؟!!!
الفصل الرابع عشر
انكمشت ملامحها بصدمه و اتكلمت بحده و هي مش مستوعبه الكلمه اصلا
= حَمل!!!
انتي بتتكلمي بجد
متأكده يعني ممكن يبقى التشخيص غلط
الدكتوره بهدوء
= لا انا متأكده
بس لو انتي عايزه تتأكدي ممكن تعملي تحليل دم.. بص هو هيطلع نفس النتيجه
انا بقالي فتره في المجال دا و مر عليا كتير من حالتك مشكلتي بس دلوقتي مع سنك
هنعمل شويه فحوصات عشان نطمن هكتبلك عليهم دلوقتي و المره الجايه تعالي بيهم و يكون جوزك معاكي
هزيت غصون راسها و هي لسه مش مستوعبه
اتكلمت بلهفه
= طب اكتبيلي التحليل اللي اتأكد منه اني حامل الاول
هزيت الدكتوره راسها و ادتها اسم التحليل راحت معمل المستشفى و عاملته و هي بتدعي تكون النتيجه سلبيه
كانت قاعدة منتظره النتيجه و بتهز رجليها بخوف
مسكت هدير ايديها و اتكلمت باستغراب
= هو انتي ليه زعلانة يغصون!!!
انتي مش عايزة بيبي لو خايفه من كلام الدكتورة عشان سنك الطب دلوقتي اتقدم و اكيد هنلاقي حل
اتنهدت بعمق و اتكلمت بدموع و خوف
=مكنتش عايزه يبقى فيه حمل دلوقتي
انا حياتي اصلا في خطر.... يا هدير
هبقى انا و هو انا بجد مش عارفه اعمل ايه يا رب التحليل يطلع سلبي مكنتش عامله حساب الحمل دا خالص و مكنش في دماغي
بقلمي يارا عبدالعزيز
هدير باستغراب
= حياتك في خطر.... ازاي!!!
انا مش فاهمه حاجه
غصون احكيلي يمكن اقدر اساعدك عشان انا بجد مش فاهمه اي حاجه من اللي بتقوليها
غصون بدأت تحكيلها كل حاجه تحت نظرات الصدمه الشديده من هدير اللي بمجرد ما سمعت بلعت لُعابها و اتكلمت بخوف
= امممم
بس دول مش ساهلين خالص و انتي مش ادهم انتي لازم تسكتي يا غصون
أتكلمت غصون بغضب
= مستحيل
انا لو سكت يبقى بشاركهم و انا مستحيل اسمحلهم يأذوا... يونس أو يفضلوا بيضحكوا عليه كدا
هدير يونس عايزيني هو ااه مقالهاش بس تصرفاته بتقول أنه عايز يبقى معايا بس بسبب الظروف اللي هو فيها مش عارفه ياخد قرار مفكر انه كدا يبقى بيظلمها هي و اللي في بطنها قاعد بيفكر في واحدة اصلا متستاهلوش
و انا بقى مش هسكت الا لما اكشفها قدامه حتى لو هموت...
بس المشكله دلوقتي في اللي انا فيه دلوقتي يا رب يطلع سلبي
هدير كانت لسه هتتكلم بس قاطعها الممرض اللي خرج بنتيجه التحاليل و هو بينادي على اسم غصون
جريوا عليه و غصون خديت منه النتيجه
اتكلم ببأبتسامه
= الف مبروك يمدام
حضرتك حامل في بدايه الشهر التاني
غصون بصتله بحزن و فتحت النتيجة و اتأكدت
اتنهدت بعمق و شرود
فاقت على صوت هدير و هي بتتكلم بلهفه
= اسمعي يا غصون
متقوليش لاي حد خالص دلوقتي على موضوع حملك لحد اما تكشفيها لانها لو عرفت ممكن تأذيكي...
الحل الوحيد اننا نشوف حد يراقبها و نمسك عليها دليل و نوريه ليونس مااشي
غصون بتفكير
= مااشي
بس نشوف مين يراقبها انا معرفش اي حد ممكن يعمل كدا
هدير بتفكير
= انا هتصرف المهم دلوقتي متعرفيش حد مااشي و متخافيش انا جانبك
هزيت غصون راسها بخوف و مشيوا
رجعت القصر و قعدت في الجنينه بشرود
دموعها نزلت بتلقائية و هي بتحط ايديها على بطنها
= المفروض افرح بوجودك و لا اخاف عليك
عايز اعرف يونس بوجودك اوي و اشوف رد فعله بس عشان مصلحتك هستنى شويه
رجعت راسها لورا و غمضت عينيها بارهاق و هي لسه حاطه ايديها على بطنها
فتحت عينيها و حطيت الشنطه على الكرسي جانبها و قامت تتمشى جنب البسين و هي بتفكر
فاقت على ايد بتوقعها في البيسين
اتفزعت بخضه و خوف شديد
فضل جسمها ينزل و هي بتحاول تقاوم عشان متغطسش في المياه بس بدون اي جدوى
نزلت في المياه بكل جسمها... مكنتش عارفه تاخد نفسها
دخل يونس بالعربيه بتاعته و لمحها جري عليها بسرعه البرق
و رمى نفسه في المياه
طلعها من المياه و رفعها على سطح المياه و هو بيحاوط خصرها بايديه و بيتكلم بخوف شديد
= غصون انتي كويسه
سندت براسها على كتفه و حاوطت كتفه بايديها و هي بتتكلم بدموع
= مش عارفه اخاد نفسي
طلعني من المياه
هز راسه بخوف و شالها و طلعها من المياه بسرعه
فضل شايلها و طلع بيها اوضتها و قعد جانبها و مسك ايديها و اتكلم بلهفه
= احسن دلوقتي و لا نروح المستشفى
حطيت راسها على رجليه و اتكلمت و هي بترتعش
= بردانه اوي و خايفه
انا مش عارفه ايه اللي حصل انا كنت ماشيه و فجأة وقعت
بردانه اوي يا يونس
حط راسها على المخده برفق و دخل غرفه الملابس جابلها هدوم
اتكلم بلهفه و هو بيقعدها قدامه
= غيري الهدوم دي عشان تدفي يلا
بصتله بخجل و اتكلمت بتلعثم و ارهاق
= هقوم البس في الحمام
قالت كلامها و قامت بسرعه من قدامه و هي حاسه بدوخه
كان ملاحظ تعبها دخل وراها و قفل الباب
اتكلمت بخجل
= فيه حاجه!
قرب منها و همس بحنان
= هساعدك عشان انتي تعبانه و انا مش هطمن عليكي و انتي لوحدك
اتكلمت بخجل و هي بتبعد
= امممم انا كويسه و هعرف لوحدي الموضوع مش مستاهل متخافش عليا
تجاهلها و هو بيقربها منه و بياخدها في حضنه
اتكلم بهمس و هو بيخلعها... هدومها تحت خجلها الشديد
كانت انفاسها بتعلو و بتهبط
خلص هدومها اللي فوق و كان لسه هيكمل بعدت عنه بخجل و اتكلمت بدموع من فرط خجلها
= لو سمحت اطلع انا هكمل لو سمحت
هز راسه بهدوء و مسح دموعها بحنان و قبل.... اسفل عينيها و طلع من الحمام
قعد على السرير و طلب الخدم من الفون الارضي
= اعملي شوربه و اي مشروب دافي و طلعيه اوضه غصون
قال كلامه و قفل المكالمه و انتظرها تخرج
خرجت و هي لسه بترتعش
جري عليها و ضمها لصدره و ساعدها تعقد على السرير و اتكلم بحنان و هو بيحضنها بقوه و بيمسك ايديها بيحاول يدفيها
= شويه و هتدفي
قال كلامه و رفع عليهم الغطا
حطيت راسها على صدره و مسكت فيه بقوه و فضلت تتنفس بقوه تحت نظرات الخوف منه
همس بخوف
= نروح المستشفى و لا اطلب دكتورة
بقلمي يارا عبدالعزيز
اتكلمت بخضه و هي بتمسك فيه
= لا انا كويسه لما هدفا هبقى كويسه مش عايزه اروح المستشفى
هز راسه ببعض الخوف و ميل على وشها قبلها... بعشق و هو بيغمض عينيه
غمضت عينيها و هي بتستشعر قربها منه
فاقت عليه و هو بيثبت رقبتها بايديه و بيقبل... كل انش في وجهها بعشق و كان لسه هيقرب اكتر بس فاق على صوت الخدامه اللي خبطت على الباب
اتنهد بغضب و فتح عينيه
بصلها لاقها بتبصله بخجل و لسه ماسكه فيه
اتكلم ببأبتسامه و حنان
= هاخد منها الاكل و رجعالك
بعدت عنه بخجل مفرط و احراج منه
بصيت لجسمه و عضلاته اللي بارزه حتى و هو لابس هدومه بهيام
خد الاكل من الخدامه و راح قعد جانبها
لاقها بتبصله بالطريقه دي اتكلم ببأبتسامه
= لسه بردانه
هزيت راسها بالنفي و هي لسه شارده فيه
اتكلمت بهمس
= انت قمر اوي يا يونس!
احممم انا جوعت هات الاكل
بصلها بشرود و خد صنيه الاكل و بدأ يأكلها تحت نظرات الخجل منها
مقدرش يقاومها حط الصينيه على التربيزه جانبه و حاوط خصرها بحنان و هو بيدفن... وشه في رقبتها ليأخذها معاه الى عالمهم الخاص بهم
في المساء
صحيت غصون و هي بتبص ليونس بدموع و حزن
اتكلمت بهمس و هي بتحرك ايديها على خده
= بكون معاك في السر و كأننا بنعمل جريمه... نفسي تبقى ليا انا و بس بس مش عارفه اطلعها من حياتنا ازاي
قالت كلامها و قبلت... خده برقه
خديت القميص النومي بتاعها و لبسته و قامت
كانت لسه هتروح الحمام بس وقفت بعد ما لمحت حد بيجري في الجنينه من شباك البلكونه
جريت على البلكونه و فتحتها و وقفت فيها لاحظت مي و هي ماشيه بتتسحب في الجنينه
بصتلها غصون بلهفه و دخلت غرفه الملابس بتاعتها بسرعه و لبست و نزلت بسرعه و هي بتبص ليونس اللي كان نايم بعمق
نزلت الجنينه و لمحت مي و هي بتخرج برا القصر و بتطلع بالعربيه
وقفت غصون تاكسي و طلعت وراها
اتكلمت غصون بخوف
= خليك وراها لو سمحت بس من غير ما تحس بيك
وصلت مي قدام عماره و طلعت و غصون خرجت من التاكسي و هي بتبصلها بغضب
= اكيد جيت تقابله
بس لازم اتأكد الاول
راحت عند البواب و اتكلمت بهدوء و هي بتديله فلوس
= متعرفش اللي لسه طالعه دلوقتي رايحه عند مين
البواب ببابتسامه
= طلعت الدور التاني عند جاسر بيه
هي بتيجي هنا كتير
اتنهدت بغضب و مسكت فونها و رنيت على يونس
يونس كان نايم بعمق بمجرد ما سمع رنين هاتفه صحي
بص بأستغراب لما ملاقش غصون جانبه
بص لفونه و رد بسرعه بعد ما لاقى رقمها قدامه
أتكلمت غصون بلهفه
= يونس هبعتلك عنوان تجيلي عليه بسرعه مااشي
يونس باستغراب
= عنوان ايه!
و انتي روحتي فين اصلا!!!
اتكلمت بخوف
= مش وقته المهم تيجي بسرعه الموضوع مهم
قالت كلامها و قفلت المكالمه
قام بسرعه و خوف من ان يكون حصلها حاجه لبس هدومه و نزل بسرعه ركب عربيته و طلع على العنوان اللي بعتتهوله
وصل للمكان لاقها واقفه قدام العماره
اتكلم بحده و هو بيروح عندها
= انتي ازاي تخرجي في وقت زي دا لوحدك و موضوع ايه اللي انتي جايبني عشانه انا مش فاهم حاجه
غصون بهدوء
= تعال معايا و انت هتفهم كل حاجه
قالت كلامها و مسكت ايديه و طلعوا قدام باب شقه جاسر
اتكلمت غصون بخوف
= اكسر... الباب
بصلها باستغراب و اتكلم و هو مش مستوعب
= فيه ايه يغصون انا بجد مش فاهم اي حاجه
غصون كانت لسه هتتكلم بس قاطعها الباب اللي اتفتح و خرج منه جاسر
جاسر بصلهم بصدمه كبيره و كان نظره متوزع ما بينهم و ما بين الشقه
زق يونس بقوه و جري على تحت
يونس بص لغصون بعدم فهم و غصون بصيت لجاسر بغضب و كانت لسه هتتكلم بس قاطعها مي اللي كانت خارجه بقميص النوم و بتتكلم برقه
= نسيت محفظتك ي.....
قاطعت كلامها لما شافت غصون و يونس واقفين قدامها و يونس كان بيبصلها بفحيح و عينيه حمره من الغضب
كان لسه هيروح عندها بس دخلت الشقه بسرعه و خوف شديد و قفلت على نفسها باب الاوضه بالمفتاح
يونس كان عامل زيي الاعمى وقتها
اتكلم بغضب مفرط و هو بيضرب... الباب برجليه
= يولاد الـ*****
مفكره ان الباب اللي قفلتيه دا هيمنعني عنك افتحي
كانت بتلبس هدومها بخوف شديد و بتحاول تلاقي مخرج من اللي هي فيه
كان جسمها كله بيترعش و هي حاسه بنهايتها خلاص قربت
فتح يونس الباب بكل قوته و راح عندها و مسكها من شعرها بقوه و اتكلم بفحيح
= تعالييي بقى انا تخونيني... يا زباله... مفكره انك هتقدري تفلتي انا هخلص... عليكي و عليه
مي بخوف شديد و بكاء
= هفهمك و الله دا هو ....
بقلمي يارا عبدالعزيز
قاطعها و هو بيقعدها على السرير و بيضربها... بكل قوته بالكفوف على وشها و هو عامل زي الاعمى
اتكلمت غصون بخوف و دموع
= كفايه يا يونس هتموت... في ايديك
متنساش انها حامل في ابنك
يونس بغضب مفرط
= ابنييييي و بعد اللي شوفته دا هصدق ان اللي في بطنها مني هي تستاهل الموت...
غصون بغضب و بكاء
= بس هو بجد ابنك انا اتأكدت بنفسي سابها و فكر في ابنك ارجوك يا يونس متوديش نفسك في داهيه عشانها
قالت كلامها و بعدته عنها بالعافيه
مي استغلت بعد يونس عنها و في لحظه كانت جابت السكينه.... من طبق الفاكهة و حطتيها في رقبه غصون
أتكلمت بغضب مفرط و بكاء
= هموتها... و هحرق... قلبك عليها لو مسبتنيش امشي من هنا دلوقتي
يونس بصلها بغضب و كان لسه هيقرب منها بس بعدته لما ضربته... بالسكينه... في ايديه
اتكلمت غصون بخوف و بكاء
= يووونس
ابعدي عنييي يونس
مسك ايديه مكان الجرح.. و هو بيتأوه بالم مي استغليت انشغاله و خديت غصون و خرجت بيها برا الشقه و كانت لسه هتنزل السلم بس لاقيت يونس وقف و اتكلم بغضب مفرط و ارهاق
= ابعدي عنها احسنلك
اتكلمت بغضب
= مش هموت... لوحدي يا يونس هي كمان هتموت... معايا هي متستاهلش تبقى معاك محدش هيحبك ادي و الله العظيم هو اللي هددني... و انا مكنتش عايزه اخونك... تعال نفتح صفحه جديده و انا هسبها تعيش
كان بيقرب منها و هي بتبعد لحد اما وقعت هي و غصون من على السلم و معاها غصون يونس بصلهم بخوف شديد و اتكلم بخوف
= غصون!!
نزل بسرعه و حط ايديه على درجة السلم قدام غصون و شالها بس كانت فقدت الوعي اما مي ففضلت لحد اما نزلت الدور الارضي نزلت و هي فاقده للوعي و بتنزف... من دماغها
يونس كان شايل غصون على ايديه
حاطها في العربيه بسرعه و كان لسه هيطلع بس افتكر غصون و هي بتقوله ان اللي في بطن مي يبقى ابنه
جري بسرعه و شالها من على الارض كانوا كل اللي في العماره حواليها
حاطها في الكنبه اللي ورا و طلع على اقرب مستشفى سايق بسرعه جنونيه متجاهل المه.. و مفيش في دماغه غير غصون و ابنه اللي في بطن مي
وصل اقرب مستشفى و دخلوا بيهم غرفه من غرف المستشفى و بدأوا يعملوا الاسعافات الاوليه
نقلوا مي غرفه تانيه عشان يخيطولها... جرحها... فيها
يونس كان واقف قدام باب اوضه غصون بخوف شديد
بمجرد ما خرجت الدكتورة جري عليها
اتكلمت الدكتورة بهدوء
= متخافش الاتنين كويسين
مي احنا نقلنها غرفه تانيه و فيه دكتور دلوقتي بيخيطلها جرحها و بالنسبه لمدام غصون هي كويسه اغمى عليها بس من الارهاق و الخضه
يونس بخوف
= و الجنين
الدكتوره بهدوء
= ما انا قولتلك مدام غصون كويسه و الجنين كويس في بطنها
يونس بأستغراب
= لا انتي فاهمه غلط اللي حامل مي اللي الدكتور دلوقتي بيخيطلها الجرح...
فتحت الدكتورة باب الاوضه و شاورت على غصون و اتكلمت بتساؤل
= مش دي مدام غصون
هز يونس راسه بالايجاب و هو بيبص لغصون بخوف
فاق على صوت الدكتورة و هي بتتكلم بهدوء
= يبقى انا كدا فاهمه صح مدام غصون اللي حامل
انما مدام مي اللي نقلنها اوضه تانيه مش حامل
يونس برق عينيه بصدمه كبيره و اتكلم و هو مش مستوعب
= ازاييي
انتي اكيد فاهمه غلط يمكن بسبب الوقعه... اجهضت.. بس هي حامل
الدكتوره بضيق
= حضرتك مفيش اي حاجه من اللي انت بتقولها مدام غصون حامل في شهرين اما مدام مي مفيش حمل نهائي هي بس فيه نزيف... من دماغها من اثر الوقعه مش اكتر
يُتبع....
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق