سكريبت جبروت امرأه الفصل الثالث بقلم منى عبد العزيز
سكريبت جبروت امرأه الفصل الثالث بقلم منى عبد العزيز
وصلوا الشقه بعد سفر اكتر من
ست ساعات وصلوا الشقه مدحت قال… حمدالله على سلامتك يحروحي نورتي محافظة البحر الأحمر كلها.
سعاد بتعب… الله يسلمك انا تعبانه اوى نفسي احط راسي على المخده وانام مش قادره افتح عينيا.
مدحت بارهاق من السواقه… مين سمعك انا كمان مبقتش قادر افتح عينيا هغير وانام ولما اصحي ابقي انزلي اجيب جبن وعيش وشويه معلباات للعشا.
ناموا وقامت سعاد على صوت رسايل كتير وراء بعض وصوت حد بيكتب فتحت عيونها شافت مدحت مديها ضهره ومغطي نفسه كامل وبيكتب على التليفون
كلمت نفسها وقالت…انا عندي احساس مليون في الميه ان في حاجه معاك مش عوزني اعرفها من وقت ما رجعت من عند امك وانت مش على بعضك غمضت عينيها وهمست لنفسها… انا هشغل بالي ليه يكون زى ما يكون ،انا انام وارتاح وبعدها يحلها اللي لا يغفل ولا ينام.
عدى اسبوع ورجع مدحت الشغل وهم قاعدين بيتغدوا جتله رسايل على التليفون سعاد بستغراب اول ما قام… على فين يا مدحت انت مكلتش اقعد كل واي حكاية الرسايل اللي من وقت ما دخلت البيت وهي مواقفتش.
حك راسه من وراء وقال انتي عارفه ممنوع نفتح التليفون او نستخدمه في الموقع بسيبه في العربية ومن التعب باجي اريح شويه وبعدين افتحه فاكيد الرسايل توصل وراء، بعضها.
سعاد حركت شفيفها لقدام ورفعت كتفها ونزلته وكلمت نفسها… اممم وكل الرسايل وتس ويدخل الاوضه ويقفل عليه يا اما ينزل بحجه نسي حاجه في العربية ويقعد بالساعه ويطلع على وشه ابتسامه مليه وشه ياخبر بفلوس مكنش سعاد بنت سعديه ان معرفتش ايه مشقلب حالك كدا.
سعاد بصت لمدحت وقالت له… مدخت بقولك ايه رايك بدل الاجازة اللي اخدتها من غير مرتب دى وانا قاعده في الشقة اقدم على نقل هنا في مجلس المدينه واهو اشتغل واشغل نفسي وبنفس الوقت مرتبي ما يقفش.
مدحت وشه اتقلب وقال بلجلجه… لو هتقطعي اجازتك معنديش مانع ترجعي شغلك بس مش هنا زى ما قولت لك يوم ما جينا احتمال انقل الموقع الجديد والشركة تدى الشقه لمهندس تاني وعلى العموم انا هنزل ضروري كمان يمين القاهرة مشوار صد رد كدا هسافر بالطيارة عشان مش هقدر اسوق رايح جاي في نفس اليوم ابقي كلمي مديرك في الشغل واطلبي منه تقطعي الاجازة.
سعاد لسه هتكلم بيعد مدحت ودخل البلكونه اول ما تليفونه رن بنغمه اول مرة تسمعها وقفل الباب وراه جريت على اوضه النوم وفتحت شيش البلكونه بشويش ووقفت تسمع كلامه اللي قال فيه … ايوا يا ماما انا جاي بكرة بعد ما اخرج من الشغل زى ما قولتي حجزت تذكرة طياره بس هاجي بهدوم الشغل عوزك تنزلي انتي وقمر تشتريلي بدله شيك وجزمه وبرفان هحولك الفلوس الصبح اول ما انزل للشغل.
سكت مدحت اول ما امه اتكلمت وبعد شويه رد عليها وقال… إزاي ياماما اغير في بيتي المشوار من المطار للبيت يجي ساعة ونص لكن لعندكم ساعه الا ربع يدوب اخد شور والبس ونلحق نروح معادنا وارجع الحق معاد طيارة العودة.
سكت مرة تانيه يسمع كلام امه ورد عليها… بابا طول اليوم في محل الاجهزة الكهربائية الجديد وبعديها يا اما على القهوة يا اما بيلف على المحلات اللي مأجرها يعني مفيش منه خوف هنروخ ونرجع وهو لسه مجاش، بقولك ايه ياماما معندكيش صورة تانيه للعروسه اصل ملحقتش اشوف الصورة اللي بعتيها من كام يوم حزفتها بسرعه اول ما سعاد دخلت عليا الأوضه.
سعاد حطت ايدها على بقها من اللي سمعته ودموعها نزلت غمضت عينيها وبتكتم في صوت شهقاتها اللي زادت بعد الللي سمعته مرة تانيه… بقولك ياماما هي أميرة عرفتهم انها هتعيش معايا هنا في البحر الأحمر ولا لاء انا معنديش استطاعه اشتري شقه ولا ااجر حتى، ماصدقت سعاد قالت تقطع إجازتها وهتنزل عشان اعرف اوضب الشقه واشتري عفش جديد والباقي مصاريف الفرح والمهر، لو ازنقت في قرشين ابقي استلفهم من بابا.
سكت مرة تانيه وقال بعدها… قصدك اخد من سعاد بس سعاد معندها ش فلوس ناسيه انها بعت دهبها وقت ما اشترينا البيت.
سكت مرة تانيه وقال بعد امه ما خلصت كلام وقال… مش وقته ياماما افكر في بيع البيت اشوف العروسة الاول ان عجبتني ودخلت دماغي هحاول باي طريقه اقنع بيها سعاد تبع البيت ولو نصيبي مكفاش مصاريف هاخد من نصبها، انا عارف ومتأكد اني لو طلبت نصبها كامل مش. هترفض بالعكس هتدهولي كله ناسيه انها كانت رفضه اكتب البيت باسمها وصممت، اكتبه مشاركه مع انها دفعه تلت تربع المبلغ.
سكت مرة تانيه وقال بعدها… مش بشكر فيها ياماما انا بعرفك قد ايه هي بتحبني وعندها استطاعه تقيد صوابعها العشرة شمع عشاني.، يلا دلوقتي هقفل معاكي اتاخرت ورجلي وجعتني من وقفه البلكونه والدنيا برد شديد مش عاوز اتعب وكمان مش عاوز سعاد تاخد بالها.
سعاد مسحت دموعها وبسرعه خرجت من الاوضه رجعت قعدت مكانها وحاسه بروحها هتخرج من مكانها وبقهر عضت شفايفها واكلمت بحرقه… بقا كل دا يحصل وانا نايمه على وداني بقي بالسهوله دا تبيع عشرتي وهتجوز عليا يا مدخت بقي بعد سبع سنين بهدله واهانه وقهر غير صبري على قله الخلفه والعيال واقول ربنا رايدلك متبقيش، ام وحب مدحت يغنينا عن الف عيل يقوم الغدر مايحيش غير منه بس اقسم لازم اخد حقي وشقي سبع سنين عشتهم في زل وقهر واهانه من امك واختك بس اتاكد انها تعرف الموضوع دا ولا لاء.
مسحت دموعها اول ما مدحت دخل الصالة قرب منها وبخضه قال… مالك يا سعاد يا حبيبتي بتبصيلي كدا ليه وباين عليكي معيطه.
سعاد بتوتر بقت بدور على حجه وقالت… اصل خالو اتوفي وماما كلمتني وقالت لي صعب عليا اصله مخلفش ومعندهوش حد غيري وغير ماما، واولاد عمه يعني ماله وثروته كلها هياخدها ولاد عمه هيشركوا ماما في مبلغ كبير اوي.
مدحت بستغراب… اول مره اعرف ان عندك خال غني.
سعاد ضحكت جواها بسخريه وقالت لنفسها قبل ما تكلم مدحت… ولا انا وحياتك دا حياله خال امي من بعيد، رفعت صوتها وقالت… كان مسافر برة ولما تعب نزل مصر من كام يوم النهارده اتوفي بقولك ايه يا مدحت مش واجب نروح نعزي واقف جنب ماما كام يوم مهما كان دا اخوها. او روح عزيها انت واقف جنبها.
مدحت بسرعه… للاسف مش هقدر انا مشواري صد، رد وانتي لو عاوزة تنزلي معنديش مانع، احجزلك في السوبر جت واهو بعد العزاء تروحي تقطعي الاجازة وبعدين ترجعي تلمي حاجتك وترجعي تعيشي مع مامتك طول ما انا هنا.
سعاد هزت راسها وقالت بهمس لنفسها… ههه طيب داري الفرحه اللي هتنط من عينيك وهزت راسها وقالت… اوك يا مدحت احجزلي بس بعد بكرة وانا هلم هدومي وحاجتي كلها ويبقي مشوار واحد.
مدحت بفرحه قال… من عينيا يا سوسو بقولك انا هدخل انام عشان هصحي بدري ياريت تظبطي تليفونك على المنبه عشان تصحني بدري.
سعاد ضحكت بسخريه ومسحت دمعه نزلت من عينيها وهي شيفاه داخل اوضه النوم وطاير من الفرحه قالت وهي ماشيه بشويش ناخية اوضه نومهم سمعته بيكلم امه… الو ايوا ياماما الصورة وصلت وشفتها اي الجمال دا ولا جسمها حاجه زى عارضات الازياء دا انا من ساعة ما شفت الصورة وهاين عليا احجز طيارة مخصوص واجي وعارفه شكل دعواتك استجابت سعاد خالها مات وهتنزل بعد يومين عشان العزاء وهتستقر عند امها طول الفترة اللي هكون فيها مع العروسه هنا في البحر الأحمر ولما العروسه تحب تزور اهلها ابقي اجبها البيت تقضي يومين وبعدين ترجع لامها.
سكت لما امه اتكلمت ورد عليها وقال..*لا ياماما منستش الاتفاق هجبها بعدين كام اسبوع تقضيهم مع امها وبعديها كل ما تقول البيت ترجع تعيش فيه عشان تعبت من البهدله في المواصلات من بيت اهلها للشغل اقولها مش هامن عليها الاوة كنت بنزل كل اسبوع دلوقتي هنزل كل شهر مش هينفع تقعد لوحدها واقنعها تعيش معاكي وبكدا يبقي برضاها من غير ما تاخد بالها من حاجه.
سكت تاني لما امه اكلمت ورد عليها… لا بلاش اميرة تدخل في المكالمة انا عاوز انام عشان هروح الشغل بدري عشان اعرف اخرج بدري والحق الطيارة.،
امه اتكلمت هو رد عليها وقال.. لا متقلقيش هي فاكره انه مشوار تبع الشغل وخصوصا اني هرجع في نفس اليوم،.
رد على كلام امه… لاء مش هينفع اخد اجازة اليومين دول هاجل الاجازة لو حصل نصيب واتجوزت اخد شهر عسل وكدا.
رد على كلام امه… لا طبعاً انساكي ازاي انتي ومرمر اختي حبيبتي انا هحجز لكم على نفس الرحله يا اما تخدوا مبلغ الرحله تعملوا بيه اللي انتم عاوزينه، ماما كفاية كلام كده يدوب اخذ شور سريع قبل ما انام واي كلام عندك اجلي لبكرة لما اجي اغير هدومي سلام بقي دلوقتي سعاد قاعده بره ممكن تجي تنام.
سعاد رجعت قعدت مكانها عملت نفسها مشغوله بالمسلسل في التليفزيون خرج مدحت راح الحمام اول ما اتاكدت من صوت الماية جريت على اوضه النوم واخذت تليفون مدحت وفتحته بعد ما دخلت الرقم السري اللي حفظته من كتر ما بتشوف مدحت بيدخله من غير ما ياخد باله من انها مركزة معه وعملت تحويل للرسايل والصوره اتصدمت من الكلام المكتوب بينه وبين اخته وبسرعه حزفت الشات على انه هو اللي حزفه وﺣطت التليفون مكانه اول ما سمعت صوت باب الحمام بيفتح اتمددت على السرير وعملت نفسها هتنام وبتتاوب دخل مدحت اول حاجه عملها بص على التليفون وقال لها… هتنامي بدري يعني كل ليله بتنامي بعد اتناشر.
سعاد بسخريه قالت… الساعة عدت اتناشر ونص بس شكلك مش واخد بالك من الساعة اللي واخد عقلك يتهنا بيه يا رب.
مدحت نام مكانه وبصدق قال… يارب ايوا والله اللي واخد عقلي يتهنا بيه.
سعاد بمكر… اللي هي مين بقي.
مدحت بلجلجه… مين غيرك يا سوسو اللي وخده عقلي وقلبي كمان زعلان عشانك ياقلبي وبفكر هعمل ايه بعد ما تعودت على وجودك جنبي ليل ونهار ربنا يصبرني بقي على الفترة اللي جايه لحد ما اتعود على الموقع الجديد.
سعاد سخريه… متقلقش انت بتاخد على الناس بسرعه بس اوعك تدلق اول ما تشوف الموقع الجديد فيطمعوا فيك.
مدحت بستغراب… ادلق على الموقع الجديد قصدك ايه.
سعاد… مقصديش غير كل خير يا مدحت يعني تشتغل بحماس وزميلك يركنوا شغلهم عليك وتشتغل لهم وتجي على صحتك وترهق نفسك وهو هو الموقع مافرقش بين قديم وجديد الفرق المادة الخام، المتريال والجودة وحسن الاستخدام.
مدحت ادير بص لها وقال… ولله ما مفاهم حاجه من اللي بتقوليه دا نامي نامي .
بعد ما اتاكدت من انه راح في النوم اخدت تليفونها وخرجت للصاله قريت الرسايل بينه وبين اخته دموعها نزلت غصب عنها وهي تقراء الكلام ردته بصوت هامس…
اميرة كتبه… متعرفش انبصت ازاي لما عرفت من ماما انك اقتنعت بكلمها ووفقت على العروسه لو تشفها يا مدحت هتجنن حاجه كدا وهم مشفتش في جمالها ونعوميتها ورقتها بسكويته حتى امها متتخيرش، عنها.
مدحت رادد عليها… معقولة في بنت بالجمال دا يا اميرة ولسه مجوزتش وتفتكري هتوافق عليا وانا متجوز.
اميرة… طبعاً هتوافق انا مفهماهم كل حاجه ليهم شروط هتقولهالك وقت زيارتك ليهم.
تاني يوم قالت له… مش عارفه اتصل بيك واعرفك الجماعة ردوا وقالوا ايه علاء اجازة ولازق في البيت طابق على نفسي لا عارفه اكلمهم ولا اتصل بيهم عشان ما يعرفش حاجه، هو وبابا مش لازم يعرفوا لحد ما تتجوز والموضوع يتم، اول ما تجي فرصه اكلمك هكلمك.
مدحت رد عليهم وقال… علاء جوزك معاكي ما يعرفش دا عينه تدب فيها خزوق راشق في اي ست حلوة هو انا هنسي نظراته لسعاد وكلامه دا الحيوان راح اتقدم لامها من كتر ما عينه زايغه.
أمل بغل…. ماتفكرنيش من يومها واخنا قطعين رجل حماتك وبناتها من البيت عند ماما، لان ابوك ما يفرقش عن علاء حاجه، انت ناسي ماما فركشت كام جوازة ليه لحد دلوقتي، دا راشق في اي سن المهم تبقي حلوة تفتكر ليه ماما وافقت انك تشتري البيت الجديد وتنقل، عشان ابوك اللي ليل نهار سايب المحلات واجر نصها والنص التاني قفلهم بحجة انه تعب وانت رافض تمسك المحلات معه بس طبعا عارفين انها حجج فارغه والبيه ابوك عينه من ست سعاد رايح يتغني في ادبها واخلقها جاي يمدح في جمالها، لدرجه قال لماما لو عنده ولد تاني كان جوزه وحده من اخوتها ولما قال الكلام دا للهانم مراتك ضحكت وقالت له… للاسف كل اخواتها اجوزوا من سنين مفيش غير امها، تعرف رد عليها وقال ايه… مستعد يدي لابوها مليون جنيه ويطلق امها ويتجوزها، راحت الهانم منشكحه اوى وقالت… بابا استحالة يفرط في ماما لو بمية مليون دا بيعشقها تلاتين سنه عمره ما زعلها ولا قالها كلمة تجرحها، ابوك بقي يسكت لاء قال لها ليه حق امك نايتي بدوب مينفعش تنجرح ولا تزعل دى تتحط في نيش وتتعامل معاملة خاصة حتى خلفتها زيها لولي عارفك بتحبي شغلك واني اتعرفت عليكي فيه وخطبطك لمدحت ابني كنت صممت تسيبي الشغل واحطك في بترينه ومنعت حد يقربلك بما فيهم مدحت ابني.
مدحت… دا كان بيهزر معها يا أميرة، انتي ناسيه انه فضل ورايا كام يوم لحد ما اخدني الحي لمكان شغلها عشان اشوفها وبصراحة قالي… يابني دي كامله والكمال لله وحدة اخلاق وجمال ودين وكل الشغالين معها بيحلفوا بحياتها وأ خلقها وتدينها، دى تقريباً بتنخطب كل ساعة انا سالت عنها وعن اهها وعرفت انهم ناس متدينين وهي اصغر اخوتها ورفضة الجواز لحد ما تجهز نفسها وتساعد ابوها في مصاريف جهاز اخوتها لانهم مش موظفات وبسم الله البنات بيتجوزوا وحده وراء التانيه في سنه وحده جوز اربعه وازنق في حهازهم.
اميرة… تفتكر هو عمل كدا عشان سواد عيونك لاء يا خويا دا باين كدا انه اتقدم لها وهي، رفضت قام اقنعك تجوزها عشان تبقي قدامه انت ناسي انه هو اللي كل شوية يقنعها تسيب الشغل في الحي وتروح تشتغل معه محاسبة و يدفع ليها قد مرتبها عشر مرات، تفتكر دا ليه دا معلهاش معاك انت، ابنه ولا معايا، ولا مع جوزي المتنيل على عينيه اللي بريل على اي ست.
مدحت… اصوري عندك حق وانا اللي كنت فاكر هو طلب منها كدا عشان يقنعني اسيب شغلي واشتغل معه وبيقول لسعاد كدا عشان تقنعني واروح اشتغل معاه.
اميرة… دا انت طيب اوي تلاقي الهانم هي اللي قالت لك كدا.
مدحت… فعلا سعاد الللي قالت ليا، ولما قولت لها توافق قالت انها مرتاحه في شغلها وكمان ملتزمة مع زميلها بجمعية جهاز فرحها متقدرش تسيب الشغل ولا تاخد اجازة، لحد ما باقي الادوار تخلص وكل اللي عنده مناسبه يقفوا جنبه.
أميرة بسخريه كتبت وحطت انميشن ضحك وقالت… انت غلبان الهانم ضحكت عليك دى قالت كدا عشان خافت لما تسيب الشغل تتحرم من نظرات الرجال وريالتهم عليها، عرفت ليه بقي مش عوزين بابا يعرف.
مدحت بذهول… انا مش مستوعب ازاي بابا يبص لمرات ابنه لا لا انتي مكبره الموضوع لو عينيه منها مكنش خطبهالي، دا طلبني وقالي انزل حالا وححز لي تزكرة الطيارة يومها واخدني من المطار على شغلها ومسبنيش غير لما كلمتها واخد عنونها من مديرها لما رفضت تدهونا.
اميرة… اهو دا ياكد كلامي ابوك معرفش يخدها لنفسه ادهالك انت وقال نص العمى ولا العمى اهي تبقي قدام منه احسن ما تروح من ايده.
مدحت… لا كدا عندك حق بابا مش لازم يعرف لحد ما الموضوع يخلص ولا اقولك مش هعرفه خالص انا بعد كلامك دا اكيد مش هامن عليها لو سبتها قاعدة معه حتى لو كنا كلنا موجودين هبقي شاكك.
اميرة… دا كلام ماما بردة قالت تجوز اماني وتاخدها معاك في السر من غير ما بابا وعلاء جوزى يعرف الاتنين اسود من بعض عينيهم زيغه ومش بعيد واحد فيهم يبوظ الجوازة وياخدها لنفسه.
مدحت… خلاص انا موافق، انا بعد كلامك عن بابا وسعاد مابقتش اطيق ابص فى وشها ولو عليا ابعتها القاهرة تاني بس خايف من بابا خلاص بقيت مش هامن ليه.
اميرة… خالي بالك بقي الايام الجايه طول ما سي زفت علاء قاعد في البيت انا مش هعرف اكلمك صوت فدايما خلي الفون معاك عشان اعرفك الجديد.
مدحت… بقولك ايه معاكي صورة للعروسه شوقتني اشوفها من كلامك انتي وماما عنها.
اميرة… هروح لها البيت واقنعها تصور نفسها صورة على طبعتها عشان تشوف جمالها على طبيعتها من غير مكياج ولا لبس خروج.تشوف القالب بخيرة.
مدحت بلهفه… ابعتلها وانا هستنى مش هطلع الشقه دلوقتي لحد ما تبعتي.
اميرة… لاء طبعاً مش هينفع دلوقتي خالص يومين تلاته انت فاكرها هتوافق كدا بالساهل دا انا هروح لهم البيت واقنعها انت فاكرها زى سعاد تقولها ابعتي صورة تقوم تصورلك نفسها وتبعتها لا يا حبيبي اماني غير.
سعاد رمت تليفونها جنبها على الكنبة دموعها بتنزل مبقتش قادرة تشوف قدمها من الكلام المكتوب، بعد شوية مسحت دموعها وبقهر في كلامها قالت… بقي دى اخرتها يا مدحت اختك بتخوض في عرضي وانت بدل ما دافع عني بتاكد كلامها وكمان مش طايق يبص في وشي بقي انا سعاد اللي الكل يحلف با خلاقها وجمالها، انت واختك تهنوني كدا واسكت، لا والله العظيم ما انام الليله دى الا وانا وخده حقي منك انت وامك واختك، وبعدها لو اتجوزت عشرة ولا يفرق معايا.
قامت وقفت تتمشي في الصاله رايحه جايه راحت وقفت عند باب اوضه نومها تبص على مدحت قالت… نايم مرتاح ولا كانك عملت حاجه بس ورب الكعبة يا مدحت لاخليك تتمنى تغمض عينك ما تقدر من اللي هيتعمل فيك انت وجوز الحربيق.
رجعت قعدت على الكنبه ومسكت الفون وفضلت تدور على ارقام التليفون لحد ما لقت الرقم اللي عوزه رنت عليه اول ما جلها الصوت قالت… الو يحيى معك سعاد بتاعت الحي كنت محتاجك بخدمة ضروري و هديك اللي انت هتقول عليه بس في البحر الأحمر.
ابتسمت بفرحه وقالت معقوله يعني انت في شرم الشيخ كويس اوى هبعتلك عنوان هتقف قدام العمارة هتلاقي عربية شيفروليه حمراء رقم 123 غ س ل هتقطره وتخبط العربيه واول ما ينزل يشوف الخبطه عوزاه يعدي واحد وعشرين يوم في السرير متجبس.
ـ سكتت تسمعه وبعد ما خلص كلامه قالت… من جهة غالي فهو كان غالي، الخلاصة هتعمل اللي قولت عليه ولا عيشه شرم والسياحة نسوك المطرية وايام الازالات.
يحيى اتكلم وسكتت وقالت … ابعتي رقم التحويل و هحولك نص المبلغ دلوقتي الباقي اول ما توصلني صورته في المستشفى.
خلصت كلام مع يحيى وحولت المبلغ وجاتلها رسالة منه بوصول المبلغ وقالت… دا امك دعيالك اوي يا مدحت ومسهله ان شاء الله الباقي يبق مسهل.
بصت في الساعة وقالت كويس اوي مجتش،اتناشر يعني أبوك لسه سهران بس لازم اجيبها له بطريقة تخليه يبرد حرقة قلبي فيك وفي جوز الحرابيق مشيت ناحيه أوضه، النوم تأكدت من نوم مدحت وقفلت الباب بشويش وراحت اوضه النوم الصغيرة ورنت عليه اول ما رد قال… اهلا اهلا الغالية مرات ابني عاملين ايه يا ست البنات.
ببحرقه يكت، وقالت… عمي في موضوع مهم بس اوعدني بعد اللى هتعرفه وتشوفه بعيونك ما تصرفش غير لما تتصل بيا ونفكر هنقول ايه.
ابو مدحت قال… قلقتني يا بنتي في ايه وحصل ايه خلاكي تبكي بحرقة كدا مخلي صوتك بيطلع بالعافيه.
سعاد… في رسائل هرسله لحضرتك واتس ياريت بعد ما تقراها ترن عليا.
قفلت مع ابو مدحت وبعتت له واتس الرسايل اللي حولتها لنفسها من فون مدحت وبعد دقيقتين جالها اتصال فتحت بسرعة عشان صوت الرنات ما تصحيش ممدحت ردت على ابوه اللي متعصب ومذهول من اللي قراه وقالت… حضرتك قريت.
ابو مدحت… سعاد مين اللي كاتب الرسايل دي وليه بعتهالي انا هجنن مش مصدق ان اللي قريته دا حقيقي .
سعاد… دول نص اللي قالوه النص التاني للاسف مايصحش تشوفه وكمان لان لو شفته مش هتتمالك اعصابك.
ابو مدحت… سعاد فهمني كل حاجه لان انا عقلي هيشت مني جيبي الفوله وامته الكلام ده حصل.
سعاد… للاسف معرفش من امته بس ربنا بيحبني الرسايل شفتها من ساعة ونص ومن وقت ما قرتها وانا هجنن.
من مستوعبه الكلام اللي اتقال.
ابو مدحت… لما انتي هتجنني انا اعمل ايه اموت بقي انا اللي حاجج بيت الله وعيني عمري مرفعتها للحرام واول ما شفتك وشفت اخلاقك وانا بتعامل معاك في الشغل وقد ايه عندك ضمير جوزتك ابني قولت دي اللي تنفع تبقي مرات ابني اثق فيها على ابني وبيتي في الاخر مراتي وعيالي يطلعوني هلاس وعنيا زيغه وبتاع حريم وكمان راجل بطال ببص على عرض ابنه انا لازم اطربقها على دمغهم والليلة دى هكسر عضمهم وبعدها هخلي كلاب السكك ينهشوا فيهم.
سعاد بسرعه قالت… لا لا متسرعش يا عمي انا هبعتلك صورة شفها وبعدها هقولك تعمل ايه تادبهم بيه ومش بعيد نسمع خبرهم مرة وحده
بعتت الصورة قال لها اول ما الصورة وصلته وشفها وقال… اي البنت دي هي دي العروسه دى شبه حلاوة المولد. هم اتعموا في عيونهم، بصي يا سعاد يا بنتي انا مش ابومدحت بقولك انتي خسا رة في ابني الغبي.
سعاد… عمي ابنك مبقاش يهمني انا عوزة اعرف هتعمل ايه.
ابو مدحت… هي محتاجه مفهومية بكرة همشي وراهم واول ما يوصلوا بيت العروسة حطب عليهم زى القضاء وابوظ لهم الجوازة.
سعاد اتنهدت بضيق وقالت… وتفتكر كدا تكون اخدت حقك وحقي منهم بقي بعد الاهانه واتهامهم حضرتك بتهمه دنيئه زى دي وكل اللي جه في بالك تبوظ الجوازة تفتكر مش يقدروا يعملوها من وراك ويروحوا مرة تانية ووقتها يتفقوا على جواز على طول من غير ما نعرف احنا منعرفش اميرة مفهماهم ايه عن حضرتك.
ابو مدحت …. عندك حق بقولك ايه اكيد عندك الحل مدامك قولتي كدا، قوليلي ايه هو.
سعاد… حضرتك تجوز العروسة وقبل ما تقول لاء ازاي حضرتك من وقت ما شفت صورة البنت وحضرتك مش عارف ترفع عينك من عليها، انا كست وعملتها قبل منك، هتقولي هيوفقوا تجوز راجل قد ابوها وابو اللي متقدم لها.
سعاد… هتوافق في نفس اللحظة هتتقدم فيها بحسبه صغيرة هتعملها هي واهلها اختاروا مدحت على اساس انهم بعد عمر طويل هيورث حضرتك، مهندس بترول بيقبض شيء وشويات وبرده دا كلام اميرة وامها لكن لو انت اتقدمت لها هتحسبها معها صاحب الورث نفسه بعد عمر طويل ليها ورث غير اللي هتخده منك ولو خلفت عيل ولا اتنين هيبقي ليها نص الورث لوحدها يعني كسبانه وبقي مع كلمتين من حضرتك، ووعد بمهر كبير ولا محل يكتب باسمها هتقولك نكتب فوري.
ابو مدحت بفرحه باينه في صوته… بس مفيش وقت دول حسب الرسائل عندهم معاد الساعه خمسه وانا معرفش العنوان.
سعاد… مش قلت لحضرتك الصورة اخذت عقلك العنوان اميرة كتبه في الرساله اللي مع الصورة.
ابو مدحت بتهته… نبيه يا سعاد عندك حق البنت شغلت عقلي بس بردة انا اخاف اتجوزها البنت حلوة وصغيرة وانا قربت على الستين.
سعاد بسخريه همست لنفسها… دا انتم عيله زباله بس خليني اجريك لحد موصل للي عوزاه وافضلكم كلكم، رفعت صوتها وقالت له… عمي اظن مش بالسن حضرتك جنب مدحت تبان اخوه وبعدين في رجاله عندهم تمانين سنه بيتجوزوا ويخلفوا وحضرتك لسه سبعة وخمسين سنة، يعني في عز شبابك فكر عشان لو مش موافق تاخد حقك منهم ومتردد ابن خالي بيدور على عروسة ودا بقي شاب مكملش التلاتين عنده ارض بملايين ورثها من ابوه حتى ماما ورثت معه ارض بعشرة مليون جنيه تخيل انت بقي هو وارث قد ايه غير شركة استيراد في دبي ومكتب سفريات يعني فرصه مش هتسبها البنت واهلها، انا في البداية كنت هقوله على البنت، بس قولت بعد كلامهم وخضهم في عرضي وعرضك وطلعونا لاموخذة دمك هيكلك وتاخد حقك.
ابو مدحت… لاء لاء انا هتقدم لها اول ما انهار يشقشق هكون عندها انا مش مروح البيت هبات في المكتب عشان مش ضامن نفسي لو روحت مطربقش البيت على ام اربعه واربعين اللي في البيت هي وبنتها.
سعاد ابتسامة اترسمت على وشها قالت… خلاص نقراء الفاتحه على اللي يخون ان اتفقنا دا والمكالمة دى حد يعرفها وكمان محدش يعرف اني سبب معرفتك بالعروسة وانك عرفتها عن طريق ناس شكروا فيها وانت جيت اتقدمت عن طريقهم وليك عليا محدش يعرف من ناخيتي انك اتجوزتها غير بعد ما تعمل الفرح وتدخل كمان.
ابو مدحت… نقراء الفاتحه.
بعد ثواني قال آميننن، سعاد قالت… خلاص هقفل دلوقتي عشان مدحت ممكن يصحي عمي مش هوصيك.
ابو مدحت… تصبحي على خير يا وش السعد.
قفلت سعاد وبضيق قالت… غور حسبي الله ونعم الوكيل فيك وفي مراتك وابنك وبنتك كلكم زباله مرضي بس لازم اخد حذري وامسح الرسايل بني وبينه من عندى وعنده بحيث اضمن انه ما يخونش بس المكالمة دا مش بعيد يكون مسجلي، بس لا بلاش توتري نفسك يا سوسو الراجل اتهوس من ساعة ما شاف الصورة، ركزي بقي في الباقي هتعملي ايه مع اميرة.
خذت تليفونها ومشيت ناحية اوضة نوم مدحت ابتسمت بسخريه لما لقته لسه نايم ومشيت ناحيه الدولاب خرجت هدومها وحاجاتها وقعدت تعبيهم مدحت قام على دوشه وصوت حركه قام بص عليها وقال… في اييا سعاد ايه الهبد والرزع دا عاوز انام عندي شغل كتير بكرة وعاوز اقوم فايق.
سعاد… بلم هدومي عشان هتزا مصر الصبح ماما اتصلت طلعت اكلمها عشان مصحكش لفتها منهارة مش عارفه تتصرف المحامي قال لها تمضي على بيع حته ارض طبعاً انا وقفتها ادى ارض بملاين وكمان المحامي مستعجل ويدوب بلغها من كام ساعه بوفاة خالي بدبي.
مدحت اتعدل وقعد على السرير وقال لها… انتي بتكلمي جد يا سعاد انتي عندك خال غني.
سعاد… مليونير عاش عمرة كلة بدبي واجوز اجنبيه ومنزلش مصر من عشرين سنة واتوفي من يومي والسفارة اتوصلوا مع ماما وعرفوها بوفاته وورثه.
مدحت… مليونير والارض اللى بتقولي عليها دى فين وليه مستعجل على بيعها.
سعاد وهي بتقفل الشنطه… الارض في الساحل الشمالي بيقول في رجل اعمال هيشتريها يعمل عليها قرية سياحية، بس استعجالة مريب.
مدحت… الساحل الشمالي مرة وحدة هو عارض عليها كام فلوس.
سعاد بمكر… عشرة مليون طبعاً انا قلت لها متمضيش متوافقش على البيع لحد ما اسافر اشوف الارض وموقعها واسال على سعر المتر بكام وبعدها نشوف نبيع ولا لاء.
مدحت ركز على ركبه وقال… سوسو حبيبتي سافري لمامتك عزيها ووسيها واصبري على موضوع السفر للساحل يومين تلاته هخلص شغل ضروري واخدك ونسافر الساحل اخاف تسفري لوحدك.
سعاد في نفسها… خايف اسافر من هنا للقاهرة وحدي و دلوقتي خايف اسافر الساحل اه منكم با مدحت صنف زباله موردش عليا ندلته.
ابتسمت وقالت… ياحبيبي يا مدحت خايف عليا بس تعرف اقتراح رائع اهو نقضنا يومين نغير جو ونشوف الأرض لو موقعها كويس اي رايك نعملها احنا قرية سياحية تبقي بتعتنا.
مدحت بلع ريقه وقال… حلو وانا هقول لبابا يدخل معانا شريك عشان السيوله.
سعاد… بلاش عمي يا مدحت عاوزة المشروع دا يبقي ليا انا وانت كفاية ماما هتكون شريكه واخواتي.
مدخت… اوك تعالي نامي كام ساعة قدامك سفر ومحامي وليله مختاجه دماغ فايق.
سعاد بكره حولت تبتسم… نام انت ياروحي انا هروح الاوضه التانيه انام ولو ماما رنت ابقي ارد عليها ومقلقكش.
مدحت… تقلقيني ايه تعالي نامي وردي برحتك هو مين اصلا هيجيله نوم بعد اللي سمعه دا.
سعاد نامت وادته ضهرها وبتضحك بسخريه وقالت… نام يا يا مدحت قدامك هم ما يتلم بكرة.
بعد وقت من التفكير نامت والصبح بدري قامت على صوت خروشه فتحت عينيها بخضه لما لقت مدحت قاعد قدمها على السرير وبيقول لها… حبيبتي انا نازل رايح الشغل حجزت لك سوبر جت الساعه عشرة ونص هيتحرك، اول ما توصلي ابقي طمنيني. وحولي مامتك متقلش لخد من اخولتك غلى موضوع المحامي الاه يقنعوها انت عارفه ظرفهم صعبة وامك طيبه وهتوافق عشان ترضيهم.
سعاد بصت له وقالت… كويس اوي انك فكرتني مش عارفه من غير كنت هعمل ايه مجاش في بالي ابدا موضوع اخواتي يدوب الحق اغير هدومي وانزل احط رصيد واتصل على ماما اعرفها.
مدحت مد ايده بتلفونه وقال… تليفوني تحت امڕك اتصلي بيها وابقي سبيه هنا.
سعاد… اوك قولي الرقم السري بتاعه على ما اخد شور سريع واجي اكلمها.
مدحت قال لها… رقمة سبع اربعات انا همشي دلوقتي وانتي خدي تاكسي للموقف وابقي ابعتلي طمنيني.
خرج مدحت بسرعه سعاد فتحت التليفون وشافت المحادثات مع امه واخته في شات جماعي حكلهم عن الارض والمشروع ضحكت بهستريا وهي بتقراء… كلام امه… وافق. على المشروع يامدحت انا مستعده اديك دهبي وكل الفلوس اللي معايا وتشاركها في بنا ء القرية السياحية دا هيكسب ملايين
ابتسمت سعاد بخبث وقالت وماله ليه لاء واهو نبقي طلعنا بقرشين مظبوطين.
اتصلت سعاد بامها وقالت لها… ماما بقولك ام مدحت هتتصل بيكي تعزيكي في في قريبك اللي مات من كام يوم، حولي تجاريها في الكلام وتردي عليها الله يرحمه قطع بيا كنت عوزاه هو بدخل عليا ارض ايه وفلوس ايه هو في بعد الاخ.
امها… وليه دا كله.
سعاد… هعرفك اول موصل المهم تعملي زى ما قولتلك انا كلها كام ساعه وهكون عندك وافهمك كل حاجه.
قفلت مع امها واتصلت على يحيى وقالت… يحيى اي الاخبار.
يحيى… انا وراه اهو اول ما تجي فرصه هزنق عليه واعمل اللي طلبتيه
سعاد… رجله بس محتاجه ايده اليومين دول وميمنعش تديله كام بوكس في بطنه ودشدش منخيرة.
يحيى… اوك يا ست الكل تخبي ابعتلك صورته بعد ما يكسر ولا قلبك الطيب مش هستحمل.
سعاد… ياريت بس الاهم ما يخدش باله من انك ماشي وراه.
يخيى متقلقيش سلام دلوقتي المكان دا مناسب اوي للمهمه.
سعاد… بدلت هدومها واخدت شنطتها وتليفون مدحت معها ونزلت شورت لتاكسي وبعد وقت ركبت الاتوبيس جالها رساله على تليفوها فتحتها بسرعه ضحكت وهي شايفه يحيى باعت صورة مدحت مرمي على الارض بيصرخ من اللي حصله.
مسحت الصوره وحولت ليه باقي المبلغ وقغلت التليفون بعد ما خرجت خط التليفون وكسرته ورمته وقالت… كدا آامن نلعب بقي على تليفون البيه وبعتت رساله لامه… ست الحبايب باركيلي سعاد سفرت لمها وانا كلها كام ساعه وهبقي عندك متنسيش تشتري بدله شيك وميهمكيش الفلوس واشتري شكولاته من اغلي نوع وبوكيه ورد خلو ندخل بيه على الجماعه.
امه ردت وقالت.. عقبال ما ابركلك على جوزك يا حبيبي
ومن عينيا بس انا بقول نشتري حاجه دهب كمان ندخل بيها.
سعاد شرقت اول ما قرت حتن دهب وقالت… اشتري ياماما اهو كله راجع ليا بعدين.
امه… ماشي يا مدحت تجي بالسلامه دلوقتي يدوب الحق انزل اعدي على اميرة واخدها ونروح المول نشتري كل اللي قولت عليه.
بعد وقت وصلت سعاد بيت امها وعرفتها كل حاجه وقالت لها… ماما جيبي تليفونك اتصل على حمايا اشوف عمل ايه.
اخدت التليفون رنت على رقم حماها وقالت… ها ياعمي عملت ايه.
ابو مدحت… رقم مين دا انا في الطريق ليهم اهو وكمان خليت واحد معرفه في منطقتهم يسالي عليهم وعرفت عنهم كل حاجه البنت كانت مخطوبه وسابت خطبها من كام اسبوع مع انهم كانوا محددين الفرح وخطبها اتخانق خناقه كبيره معهم في الشارع وقال انهم لقوا صيدة كبيرة عشان كدا رموله حجته كلها.
سعاد… دا رقم ماما وعلى حسب كلامك يبقي دي الوقت اللي اميرة كلمتهم فيه عن مدحت حضرتك هتعمل ايه هتكمل ولا.
ابو مدحت… هكمل طبعا البت دخلت دماغي وانا بقي لما احط حاجه في دماغي بعملها واكيد انتي عارفه وشفتي اقنعتك ازاي تجوزي مدحت، وكمان انا موجوع من كلامهم ولازم اربيهم ومفيش حاجه هتربيهم غير اتجوز البنت اللي اختروها بنفسهم هأدبهم ادب شرعي.
سعاد…. ابقي طمني اول ما تخرج من عند العروسة وان شاء الله تفرحني بخبر جوازك منها.
ابو مدحت… هتكوني اول الحاضرين عشان تخدي حقك منهم بس اعملي حسابك يا سعاد دول عيالي يعني مهما كنتي غاليه عندي مش هيبقوا في غلوتهم انا سمعت كلامك عشان حسيت بوجعتك والاهانه اللي اتوجهت لينا غير كدا استحالة كنت هقف ضد ولادى وامهم.
سعاد بخبث… طيب تحب تشوف اخر محادثه مع العيال وامهم ولا بلاش اعكنن عليك وانت رايح للعروسه هبعتهالك على الواتس بعد ما تبشرني بموافقه وتحديد الفرح .
بعد ساعتين، جالها اتصال من رقم حماها وقال… كان عندك حق وفقوا على طول حتى من غير ما يشوروا بعض كأنهم كانوا مستنيني بس ليهم شرط كتب الكتاب بعد ما ينقلوا من الشقه لشقه جديده خايفين من خطبها الاولاني هم مقلوش بس دا اللي فهمته، من كلامهم.
سعاد… حضرتك قولت ايه..
ابو مدحت… قولتلهم يجهزوا عفشهم وآخر النهار هخدهم لشقه عندي في عمارتي الجديدة وابوها ما صدق الراجل قال… كلم المأذون والمحامي عشان يكتب الكتاب وعقد الشقة.
سعاد… مبروك ياعمي اي مساعدة مني انا تحت امرك على فكرة انا قطعت اجازتي ورجعه شغلي من تاني.
جات الساعة خمسه وتليفون مدحت مبطلش رن امه واخته ورسايل منهم وسعاد تضحك.
تاني يوم حماها اتصل بيها وقال… سعاد باركيلي كتبنا الكتاب عند المأذون من دقايق وزي ما اتفقت معاكي قافل تليفوني من امبارح واول ما فتخته لقيت مليون رنه من ام مدخت واميرة تفتكري عرفوا.
سعاد بمكر… اكيد راحوا بيت العروسة وعرفوا أنهم نقلوا واكيد سالوا الجيران وقالوا لهم على موصفاتك، نصيحه مني خد عروستك وسافر شرم الشيخ ولا السخنه قضي كام يوم عسل قبل ما يعرفوا وينكدوا عليك وخليك قافل تليفونك او اشتري خط جديد عشان ما توقفش شغلك.
بعد كام ساعة نزلت سعاد من بتها اشتريت خط جديد واخدت رقم حماتها من تليفون مدحت واتصلت عليها وقالت… طنط طمنيني على مدحت برن على تليفونه مش بيرد ودلوقتي الفون اتقفل خالص ومش عارفه اتصل عليه كلمك، ياريت تطمنيني وتقوليله اني هسافر الساحل المحامي جه تاني وجايب عرض للارض وماما بتقول فرصه كبيرة خليه يرن على رقم ماما تليفونى وقع مني وانا نزله من التاكسي.
ام مدحت… مدحت في المستشفى تعبان اوي.
سعاد ابتسمت بخبث وبلهفه رسمتها في صوتها.. هق تعبان ازاي خصل ايه انا سيباه كويس اوي ماله يا طنط، وهو في البحر الأحمر ولا فين.
امه… رجله اليمين مكسورة والشمال صباعه الكبير مشروخ منه لله اللي كان السبب من امبارح بيرن عليكي مش بتردي لولي حافظ رقمي واتصل بيا مكناش عرفنا نوصله ودلوقتي انا واميرة عنده في المستشفى، هنا في القاهرة نقلنه في عربيه اسعاف عشان نبقي جنبه.
سعاد بتهز راسها بفرحه قالت لها… اسمها اي المستشفي خمس دقايق وهتلاقيني عندكم يا حبيبي يا مدحت.
بعد ما قفلت مع امه شورت لتاكسي قالت للسواق… وراحت المستشفى وقالت لام مدحت اللي اول ما شفتها قالت… هم دول الخمس دقايق اللي قولتي عليها جايه بعد ساعة ونص.
سعاد رفعت ايدها بالاكياس وقالت… رحت بيتنا جبت هدوم بيتي لي
مدحت ولبس خروج وعملتله شوربه واكل وجبت سندوتشات ليكم اكيد ما اكلتوش من امبارح.
اميرة دخلت الاوضه مخدتش بالها من سعاد وقالت… برن على تليفونها وتليفون امها حتى ابوها مش بيردوا مش عارفه في ايه دول كانوا من اول رنه يردوا.
امها قالت بسرعه… سلمي على سعاد مرات اخوكي وسيبك من صحبتك الدكتورة هي هتكون اشطر من الدكاترة البي هنا.
سعاد من غير نفس وقفت سلمت على اميرة ورجعت قعدت جنب مدحت مسكت ايده وقالتله الف مليون سلامه عليك ياحبيبي انت وقعت على رجلك ولا ايه حصل.
مدحت بتعب… لاء دا واحد ابن حرام كسر عليا في الطريق وخبط عربيتي نزلت اشوف في ايه ولسه بكلمه لقيته نازل عليا وفين يوجعك والطريق فاضي محدش نجدني منه غير لما اغم عليا.
سعاد… منه لله البعيد مبلغتش عنه الامن.
مدحت ل… لا طبعا انا ناقص شوشرة غير لا في كاميرا ولا شهود يبقي قلة البلاغ احسن، ركبت العربية وسقتها لحد المستشفى بصعوبة وبعدها اتصلت على ماما نقلوني بلاسعاف لهنا، سيبك مني ماما قالت انك هتسافري الساحل مش قلنا نصبر نسافر مع بعض
سعاد بمكر… اخواتي عرفوا واقنعوا ماما دول لوله انا قولتلهم نسافر ونسال ونعاين الارض كانوا خلصوا كل حاجه وبعوها، بس المحامي قال ان الارض تستاهل اكتر من عشرة مليون وكمان متقسمه مربعات كل قسم ينفع يتنفص عن القسم اللي جنبه ويتباع لوحده انا قولت لماما تقسم الارض علينا احنا الاربع بنات وونصبها تخليه على جنب ههاخد نصيبي ونصبها وابنيه او اسيبهم واول ما يجي مشتري يدفع مبلغ كويس هبعله مع اني مستخسرة نصيب اخواتي ولو معايا فلوس كنت اخدت نصيب وحده من اخواتي بالمرة.
مدحت… هز نصبها يجي كام كدا.
سعاد… يجي اتنين مليون وشويه.
مدحت بص لامه… اي رايك يا ماما نشتري نصيب اختها على نصيب سعاد وامها ونبني قريه سياحة كبيرة.
امه…. المبلغ كبير لو ابوك بس يرد كنت قولتله وهو شاطر وعارف اكتر مننا اهو يعرف يتمن الارض.
سعاد بخبث… هو عمي فين صحيح.
ام مدحت… تليفونه مقفول واميرة راحت المحل العمال قالوا قلهم عنده سفريه ضروري هيستورد صنف جديد كام يوم وهيرجع مع انه ما قلش لنا.
سعاد… الغايب حجته معه على العموم انا هفضل قاعده مع مدحت وحضرتك روحي ارتاحي شويه وابقي تعالي باتي معه عشان مقدرش ابعد عن ماما حد من جواز اخواتي يستغل الموقف ويخدها لصفه.
مدحت بسرعه… بقولك يا سوسو ايه رايك نبيع البيت بتعنا دا يجيب مليون ونص ودهب ماما واميرة وعربيتي اهم يعملوا مليون كمان يبقوا اتنين ونص اشتري نصيب اللي تبع من اخواتك.
سعاد بخبث… بس البيت هياخد وقت على ما يتباع غير انت تعبان ومش هنعرف نبيعه من غيرك انت ناسي اننا شركه فيه.
مدحت … سهلة ابعلك نصيبي بعقد بيع وممكن نقدم طلب لبشهر، العقاري يجوا هنا و لو على المشتري جاهز، مصطفى السمسار كان قلي من فترة في مشتري عجبه البيت ومستعد
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق