روايه بناتى حياتى الفصل الثامن والتاسع بقلم ولا يحيى
روايه بناتى حياتى الفصل الثامن والتاسع بقلم ولا يحيى
بناتي حياتي
الحلقه الثامنه
احمد بستغراب : تجوزها بس لين لسه مخلصتش كليه دي لسه في اول سنه مستحيل عمي فؤاد يوافق يا سليم
سليم بعصبيه : وانا مافيش مستحيل هيوقف قدمي انا بحبها هتجوزها ياحمد هتجوزها وتكمل وهي في بيتي انا عمري ما همنعها وهساعدها كمان دا مجال شغلي هبقي معها خطوه بخطوه احمد انت لازم تساعدني
احمد : يابني انا معنديش مانع بس كمان انا مليش اني ادخل في حاجه زي دي كل الاقدر اعمله اني اقول رائي فيك بس القرار في الاول والاخر ل لين وعمي
سليم : لين موفقه وبتحبني بس لازم حد يوقف معنا ويقنع عمي فؤاد انت وسيلا ياحمد لازم تقفو معنا تساعدونا
( ويبعد سليم بعصبيه)
لو انت مكلمتش عمي فؤاد انا هروح اكلم حد من عمامها او جدتها او هسافرله بنفسي مهو انا هتجوزها يعني هتجوزها انا بحبها ياحمد بحبها اوووي
احمد ببتسامه : اهدي يابني وبطل تهور عمي فؤاد بطريقتك دي هيرفض وبعدين هو حد واحد بس اليقدر يقنعه
سليم بلهفه : قولي مين الحد دا وانا روحله واكلمه
احمد وهو بيقرب منه ويحط ايده علي كتفه : لين يا سليم هي بس التقدر تقنع عمي فؤاد و هي موافقه زي ما بتقول يبقي سيبها هي تتصرف بطريقه وفي الوقت ال هي تشوفه امناسب لين اكتر حد فاهم بابها ومامتها كويس رغم انها الصغيره بس اعقل من سيلا وعمي فؤاد بيثقه فيها وفي قرارتها ورائيها وهي هتعرف ازي تقنعهم بس اهدي انت عشان متخسرهاش
سليم بضيق : اخسر مين دا انا اولع في الدنيا كلها انا مستحيل اخسر لين لين ليه انا وبس ياحمد مش هتبقي لغيري ابدا
احمد يضحك : دا انت وقع علي بوزك بس ليك حق ما انا عارف بنات خالتي جامدين ما انا عيشت الانت عايشه بس انا بقي كنت هادي وبتصرف بعقل
سليم بضيق وهو بينفخ : هو انا بقي فيه عقل
وعند سيلا تصحي علي صوت باب الشقه بيخبط
سيلا بنوم : ايوه جيه اهو (وتبص من العين السحريه تقلي لين )
سيلا :ادخلي يا ازعاج
لين بستغراب : يا نهارك ابيض انتي لسه نايمه دي الساعه واحده يا بنتي
سيلا بتعب : يابنتي ارحميني مش كفايه امك لسه مسمعاني كلمتين عشان اتصلت وانا نايمه
لينبضحك وهي بتعقد : والله دي لو كانت هنا كان زمانها جيت جيبتك من شعرك هو انتي مش اتجوزتي يا بنتي مش تقومي تعملي غداء للرجل المسكين ال اتجوزك دا
سيلا وهي بتنام علي الكنبه : لا يا ستي مش هعمله غدا كلمني وقالي عزم اصحابه علي العشا هنا النهارده فانا ادب ليه مش هعمله غدا وسيبه جعان لحد العشا
لين ببتسامه : اصحابه مين دول العزمهم
سيلا : سليم ومحمد واسلام الناوي يفتح معهم المكتب الجديد جين عشان هيتفقه النهارده ان شاء الله كانو عاوزين يتقابله في مكان ويتكلمه فطبعا هو فرد صدره وعزمهم علي العشا هنا والنهارده مش مثلا يقولهم بكرا ولا ياخد رائي الاول لا بيحطني قدم الامر الواقع
لين :ياسلام وايه المشكله يعني ما بابي دايما يعمل كده ومامي عمرها ما زعلت وعلي طول بتكون مستعده قومي يا ستي و انا هساعدك مش انتي عندك كل حاجه في التلاجه
سيلا: ايوه ما انتي عارفه مامي وناناه ملين التلاجه والديب فريزر وكل شويه ناناه تبعتلي حاجه
لين : طب حلو اوي يلا بينا نبداء نجهز عشان نلحق
سيلا بتصنع التعب : والله يا لين انا تعبانه ومش عارفه مالي
لين بقلق : ليه يا حبيبتي مالك اجيبلك دكتور
سيلا بدلع : لا سبيني انام ساعه
لين تضربها علي كتفها : بتدلعي يعني طيب قومي ارتاحي وانا هتصل بناناه تبعت داده زينب عشان تغسل علينا ومنكركبش الدنيا وهبداء انا احضر علي ما هي تيجي وتكوني انتي فوقتي عشان تيجي تساعديني
سيلا وهي تبوس لين : حبيبتي يا لين هي دي الاخوات ولا بلاش
ورحت سيلا تكمل نوم ولين دخلت المطبخ و الاول جبت ورقه وقلم عشان تكتب هتعمل اكل ايه وكانت فرحانه ان سليم هيجي بليل وهي ال هتعمله الاكل فكانت عاوزه تعمل الاكل ال سليم بيحبه فتصلت بشروق
شروق : وانا بقول التلفون نور ليه
لين : علي فكره بقي انا زعلانه منك لا بتيجي عندي وال بتتصلي وانا افتكرت اني لما هدخل الجامعه هنا انت مش هتسبيني وهتفضل معايه كل يوم
شروق : والله عارفه اني مقصره معكي بس كنت مشغوله في الكليه بس متزعليش من بكرا هجيلك الجامعه ونفضل سوا
لين ببتسامه : اوكي ياحبيبتي هستناكي بقولك ليه شروق كنت عاوزه اعرف حاجه كده ممكن
شروق : تدفعي كام
لين تضحك : طول عمرك ماديه حقيره عموما هعزمك بكرا علي الفطار
شروق بفرحه : فطار وغدا وفي المكان ال اختاره
لين ببتسامه : بت انتي بطلي طمع بس ماشي يا ستي موافقه فطار وغدا
شروق : دا الظاهر انها حاجه مهمه اوي العاوزه تعرفيه دي عشان توفقي بسهوله كده خير يارب عاوزه تسألي عن ايه
لين بكسوف : كنت عاوزه بس اعرف ايه اكتر اكلها بيحبها سليم
شروق بضحك : ايوه بقي مدام فيها سليم ياريتني كنت طلبه فطار وغدا لمده اسبوع بس هو دا اخرت التسرع
لين بغيظ : انطقي يا بنتي بقي مش فاضيه لرغيك انا
شروق : ماشي يا ستي متزوقيش اكتر اكل بيحبه المكرونه بلبشامل و ورق عنب ويكون ال لمون كتير علي ورق العنب
بس تعالي هنا هو انتي بتسالي ليه
لين بضحك : انت مالك يا حشريه يلا باي
وقفلت بسرعه قبل ما شروق ترد وتفضل تسأل
بس سيلا كانت وقفه علي باب المطبخ وسمعت المكلمه وطبعا هي كانت حسه من زمان ان لين معجبه بسليم بس المكلمه دي حسستها ان فيه حاجه اكبر هي متعرفهاش فدخلت للين
سيلا وهي تقف جمب لين : ها طلع بيحب ياكل ايه
لين بخضه : يامامي ايه دا خضتيني انتي جيتي امتي مش قولتي هتنام
سيلا وهي بتبص لاختها : صعبتي عليه وقولت اجي اساعدك ها مقولتيش بيحب اكل ايه
لين وهي بتهرب من عنيها : هو مين دا
سيلا رفعت حجبها : الكنتي بتكلمي اخوته دلوقتي عشان تعرفي بيحب ياكل ايه
لين : اااه مهو انا قولت اعرف بقي هم بيحبه اكل ايه عشان نعمله ويعجبها واحمد يتبسط منك بقي و كده عشان هترفعي راسه قدم اصحابه ودي اول عزومه ليكي
سيلا : اه تصدقي صح بس ياتري بقي هتعرفي اسلام ومحمد بيحبه اكل ايه ازي
لين بستغراب : اسلام ومحمد مين ( فبصتلها سيلا وهي رفعه حواجبه فافتكرت لين ان في اتنين معزومين مع سليم)
لين : ا هااااا ما هم اكيد هيحبه يا المكرونه بلبشامل يا ورق العنب ما الكل بيحبهم اصلا يا سيلا
سيلا تقرب منها : لين اخلصي وبطلي لف ودوران وقولي ايه الحكايه من اولها
لين بتصنع الزعل : يووووه يعني انا غلطانه اني حبيت اساعدك طيب انا همشي واعملي لوحدك سلام
( ولفت عشان تمشي بس سيلا مسكتها من الشميز من قفها زي المخبر ما بيمسك الحرامي كده ههههههههه)
سيلا : لا يا عثل شغل القمص دا يمشي مع ابوكي مع امك مع العيله كلها لكن انا ممكن ارزعك قلم تعترفي من اول ما خرجتي من بطن امك انطقي يا لين ايه الحكايه
لين بخوف : هقول هقول والله خالص هقولك بس سبيني
سيلا تسيبها : اخلص قولي
بس الباب يخبط وينقذ لين
لين بفرحه : ايه دا الباب بيخبط انا هروح افتح وجيه
( وتيجي تمشي تروح سيلا شدها مقعدها علي الكرسي تاتي)
سيلا : لا ياختي اترزعي هنا هفتح واجيلك علي ما تجمعي افكارك كده وتشوفي هتبداء من اول ايه ماشي
ورحت سيلا تفتح الباب وكان احمد
احمد : حبيبتي وقلبي وعقلي ودنيتي الحلوه (ويروح بيسها )
سيلا : اهلا يا حبيبي جي بدري يعني
احمد : مهو بصرحه حسيت اني دبستك في العزومه كده من غير ما اقولك قبلها وكوني عمله حسابك فقولت ايه قله الزؤق دي انا لايمكن ابدا اسيبها تعمل الاكل لوحدها انا لازم اروح اساعدها وافضل وقف معها لاخر نفس بس انتي حضريلي مرياله من بتوع المطبخ بطقيه بتعهتا بقي زي الشيف الشربيني وانا ايه هوا هتلقيني لهلوبه في المطبخ يا ستو هانم
سيلا وهي بتضحك علي اسلوبه : والله وانت بقي بتعرف تعمل ايه يا سعدت الشيف
احمد: انا يا ستو هانم هعجبك خدي عندك انا بعرف اعمل السلطه الخضره واحسن واحد يعمل سلطه طحينه لا وخدي الكبيره بقي وكمان بعمل سلطه زبادي ايه روعه
سيلا بضحك : الله الله دي هتبقي عزومه عال العال وهنقضيها سلطه
احمد وهو بيشدها من وسطها ويقربها منه اوي : لا ما انا ممكن اقطع طماطم (ويروح بايسها علي شفيفها ) اقشر بصل (ويبوسها تاني) اقطع فلفل (ويبوسها تالت ) وممكن اتصل بيهم والغي ام العزومه دي من الاساس وادخل انا وانتي جوه في الاوضه ونعمل احلي شغل
سيلا وهي بتبعده عنها وهي بتضحك : انت مبتزهقش ابدا و بعدين اتلم لين جوه في المطبخ وبعدين يا سيدي متشكرين لخدمتك لين هتعمل الاكل معايه وكمان داد زينب جيه وهتساعدنا
احمد وهو يمسك بطنه : داد زينب اااه يا بططني اوعي يا سيلا تخليها تعمل الاكل دي بتحط دهن و وسمنه كتير اوي ابوس ايدك خليها بعيد خلي لين هي التعمله لين اكلها حلو اوي
سيلا تضحك اوي : لا متخافش هي هتغسل الاطباق علينا بس ملهاش دعوي بلاكل ويلا تعال ادخل سلم علي لين وروح ارتاح انت شويه قبل اصحابك ما يجو
ويدخل احمد وسيلا عند لين في المطبخ
احمد ببتسامه : اهلا اهلا بلعروسه
لين بستغراب : عروسه مين دي
احمد وهو بيضحك عليها وياخد تفاحه من جمبها ويقعد علي الرخامه قدمها وهي تبصله وهي مش فهمه حاجه
احمد : هو احنا دلوقتي عندنا عروسه غيرك ( ويبص لسيلا ) اسكتي يا سيلا مش فيه اتنين خطبه لين مني النهارده
لين : اتنين مره واحده اتنين مين دول ان شاء الله
احمد : اسلام ( ويقرب منها ويبص لوشها) وسليم
لين تفرح اول ما تسمع اسم سليم بس تتفاجاء باسم اسلام ال متعرفوش دا
لين : وهو مين اسلام دا ويعرفني منين اصلا عشان يخطبني هو ماشي يخطب اي حد كده
احمد وهو بيضحك : لا بس لقي اني سعيد مع اختك ولما عرف اني عزمهم وان سيلا طباخه شاطره فقالي لو عندها اخت جوزهالي
لين : اااه دا عاوز طباخه بقي
احمد ببتسامه ومكر : مهو سليم مسكتش وكان هيضربه (ويقرب منها) وبعدها قالي انه عاوزني اكلم عمي فؤاد عشان عاوز يخطبك
سيلا بستغراب : يخطبها انت بتكلم بجد يا احمد ولا بتهزر
احمد : هو الكلام دا فيه هزار يا سيلا والله هو دا الحصل النهارده
سيلا : بس لين لسه صغيره جواز ايه دلوقتي
لين بسرعه : لا انا مش صغيره ولا حاجه علي فكره
احمد بضحك وهو ينزل من علي الرخامه : ما هو برده قال كده (ورح غمز للين وخرج من المطبخ )
سيلا تقرب من لين : لين انا لازم اعرف كل حاجه وبتفصيل فهمه
لين تتنهد : انا اصلا كنت جايه النهارده عشان اتكلم معكي في الموضوع دا يا سيلا
سيلا : تمام يا لين نخلص العزومه دي ونتكلم انا وانتي
وفعلا بدا بتجهيز الاكل وكانت داد زينب حبه تحط لمساتها بس هم انقذو العزومه ووصل اصحاب احمد البت واحمد يستقبلهم
احمد : نورته البيت بس ايه دا هديه واحد انتم جمعتم فلوسها من بعض ولا ايه
فيضحكه الشباب بصوت عالي
محمد : ما احنا قولنا بقي مندخلش بايدنا فاضيه
احمد : لا يا راجل غرمتم نفسكم بصرحه وعلي كده بقي هتكمله بقي الشهر ازي منك ليه يا معفنين دا بدل ما كل واخد يدخل بحاجه
اسلام بضحك : ايه يا عم هو انت عزمني وعاوز حق الاكل قبل ما ناكله
سليم : احمد ربك يا عمنا وبعدين احنا جيبنها للعروسه اساس لو عليك ولا هنعبرك
احمد بضحك : واطي طول عمرك يا مان
ويضحكه الشاب سوا وتدخل سيلا وتسلم عليهم
محمد ببتسامه : متشكرين يا مدام سيلا واسفين جدا تعبناكي النهارده
سيلا : لا ابدا مافيش تعب انتم نورت البيت
سيلا : اخبارك ايه يا سليم و ازي طنط ومروه وشروق
سليم ببتسامه : بخير الحمد الله طمنيني عليكي انتي الواد دا عمل معكي ايه لو زعلك و حبه اخطفهولك انا جاهز
سيلا بضحك : متخافش معايه تلفونك هتصل عليك قريب وانت تنفذ
ويضحكه كلهم
سليم بجوع : بس ايه اخبار الاكل يا سيلا احسن احنا خارجنا من الشغل علي هنا ف ووقعين من الجوع
سيلا ببتسامه متقلقش هتاكل كتير بس عد صوابعك قبل الاكل
احمد عشان يغيظ سليم : لا الاكل النهارده حاجه تانيه خالص دي لين اختها ال عمله بنفسها هي هنا من الصبح وعملت نص الاكل وسيلا عمله النص التاني هي سيلا شاطره بس لين ممتازه اكلها اكتر من رائع
اسلام :ببتسامه والله مكنش في لازوم لتعب دا كله
سليم وشه احمر وبقي عاوز يضرب احمد بس ساكت بس وبيبص لاحمد نظرات توعد واحمد عمل يضحك عليه
سيلا تقوم عشان تخرج و تجهز السفره
سيلا : عن اذنكم هجهز الاكل
الشباب : اتفضلي
احمد بصوه عالي وهو باصص لسليم : سيلا خالي لين تيجي تسلم
سليم بغيظ ومقدرش يمسك نفسه فبص لاحمد بضيق
سليم : ما تتلم ياض احسلك طيب ورحمه ابويه يا احمد لو طرف بس ظهر شوف والله لولع فيك وما هيهمني حاجه انا بقولك اهو
يضحك احمد بصوه عالي بس الشباب مش فاهم حاجه
اسلام بستغراب : هو فيه ايه ماله دا
احمد بضحك : لا يا حبيبي متشغلش بالك ام قوم انا الحق نفسي العمر مش بعزقه
ويقوم يدخل المطبخ
احمد وهو بيوشوش لين : لين سليم بيقول لو شاف طرف منك هيولع فينا احنا الاتنين
لين : ازي يعني هو احنا مش هنعقد معكم علي السفره ( وتبصله بحزن) وبعدين هو مش عاوز يشوفني
احمد بضحك : لا مش كده هو اصله غيران عليكي و مش عاوز حد من العيال البره يشوفك
ويضحك ويخرج ولين تبتسم علي غيرت سليم
سيلا تقرب منها : في ايه هو بيقولك ايه
لين : هااااا اه بيقولي نجهز السفره ليهم لوحدهم وناكل احنا هنا اصله غيران عليكي عشان اصحابه قعده يتكلمه باعجاب عنك فقالي انا اصله خاف يقولك انتي تزعلي
سيلا بفرحه : يا حبيبي يا احمد هو لسه بيغير عليه
لين وهي بتضحك : طبعا طبعا دا غيران جدا
وفعلا يجهزه السفر ولين متفكرش تخرج بره المطبخ وكانت هي البتزوق الاطباق وسيلا بتنظم السفره وداد بتخرج الاكل
سيلا ببتسامه : اتفضله الاكل جاهز
ويدخله لسفره
اسلام : ايه دا كله تعبتم نفسكم والله يا مدام
سيلا : لا ابدا تعبكم راحه اتفضلو
محمد : هو حضرتك مش هتاكلي معنا وال ايه
سيلا وهي بتبص لاحمد ومبتسمه : لا معلش خليكم برحتكم انتم عن ازنكم
(وتخرج وهي بتغمز لاحمد وهو يبص ليها بستغرب و مش فاهم حاجه وال ليه مقعدتش تتعشا معهم بس يعقده والشاب يهجم علي الاكل وطبعا لين هي الكانت عمله الاكل البيحبه سليم ومرديتش حد يساعدها فيه او يمد ايده)
محمد :بسم الله ما شاء الله الاكل حلو اوي بجد
اسلام: اه تحفه وخصوص ورق العنب اصله عشقي بس معمول حلو اوي بجد
احمد وهو بياكل ويبص لسليم : اه ما لين هي العمله بايدها ومرديتش تخلي حد يساعدها فيه مش بقولك ممتازه
سليم يضرب رجل احمد وهو قعد جمبه واحمد يتالم بس وهو بيضحك
سليم بغيظ وهو بيبص لاسلام ال بياكل ورق العنب بأعجاب شديد
سليم : ايه يا عم اسلام خف يا باشا
(ويشيل ورق العنب من قدم اسلام واحمد يموت من الضحك)
اسلام بضيق : ايه ياض انت بتشيله الطبق من قدمي ليه ما قدمك طبق تاني
سليم وهو بيحط الطبق جمبه : لا معلش اصلي مليش غير في ورق العنب مبحبش باقي الاكل وانا جعان فهاكله كله كل انت حاجه تانيه
محمد باعجاب : خد مكرونه بشامل يا اسلام جميله اوي تحفه
فسليم يبوص لاحمد ال يعني بيساله لين العمله المكرونه وطبعا احمد فهم وراح ضحك وعمله ايوه براسه
سليم يشيل المكرونه من قدمهم : لا متكتروش من المكرونه خليكم في الاكل التاني احلي
محمد بغيظ : ايه ياض الغلسه دي هات المكرونه
سليم : ورحمه ابويه ابدا المكرونه والورق العنب
(ويبص لاحمد ويقوله هو في حاجه تاني فاحمد يضحك اوي يقوله لا هم بس )
سليم : طيب تمام اوي يبقي المكرونه والعنب بتوعي والباقي حلال عليكم كله واشبعه
ويفضله ياكل وسليم مخلش حد فعلا ياكل من الاكل العمله لين غيره هو بس رغم محاولتهم انهم ياخده منه الاطباق بس هو مرديش ابدا واحمد كان عمل يضحك ومش قادر يمسك نفسه
وتنتهي السهره ولين قعده مع سيلا وقالت ليها كل حاجه حصلت من وقت ما نزلو مصر بس طبعا في بعد الحاجات مقلتهاش زي معملت عواطف ليها واعتراف رامي بحبه
سيلا : بس يا لين جواز علي طول كده وبعدين دراستك هتعملي فيها ايه
لين : عادي يا سيلا زي دلوقتي هو الجواز هيفرق معايه في ايه وال هيعطلني ازي
سيلا: يابنتي هو انتي فكره الجواز سهل دا بيت ومسؤليه وطلبات مش بتخلص دا كفايه يعملك عزومه زي بتاعت النهارده دي
لين : طيب وايه المشكله ما انا معكي اهو النهارده طول النهار ورحت الكليه ورجعت عملت العزومه معكي هو دا عطلني يعني عن دراستي وبعدين هو هيعمل عزومه كل يوم
سيلا : لا مش كل يوم بس يا لين انتي هتقدري تعيش مع حماتك وبعدين انا اسمع انها صعبه جدا هتعيش معها ازي في بيت واحد
لين : انا ليه شقتي وبعدين هي هتبقي زي مامي وطبعا لازم احترمها بس انا ليه حياتي الخاصه انا وهو ومحدش هيدخل فيها وبعدين ما احنا عيشين اهو عند ناناه في بيت عيله وكلنا بنحب بعض جدا
سيلا : ام سليم مش زي ناناه يا لين وبعدين حتي ناناه رغم طبيتها انتي شايفه بتعمل ايه مع طنط سلوي لما بتزعل انكل فايز
لين : وكمان شايفه بتعامل مامي وطنط سناء وايمان ازي وشايفه بتعمل ايه في انكل فاروق لما بيزعل ايمان بصي يا سيلا انا ال في ايدي اخليها تحبني وانا الفي ايدي اخليها تكرهني وبعدين طول ما ابنها مبسوط وسعيد هي هتعوز ايه اكتر من كده المهم راحت ابنها
سيلا : واضح انك مقتنعه ومصممه بس ازي بقي هتقنعي بابي ومامي دول مستحيل يوافقه صعب جدا
لين بتتنهد : مهو عشان كده انا هسافر الكويت بعد تلات ايام لازم اتكلم معهم بنفسي وبوضوح
بناتي حياتي
الحلقه (٩)
سليم ولين بيتكلمه في التلفون بعد ما رجعت من عند سيلا
سليم بعصبيه : تسافري فين لا طبعا انا مش موافق انك تسافري وتسبيني
لين: مهو انا لازم اسافر يا سليم لسببين
سليم بضيق : لا يا لين مافيش سافر نهائي
لين بضيق : ما تسمعني يا سليم مينفعش تقول لا كده من غير ما تسمعني وتفهم
سليم: انا ال فهمه يا لين انك بسفرك هتبعدي عني وانا مش هسيبك تبعدي عني ابدا
لين ببتسامه : ما انا يا سليم مش سافره اقعد هناك بص يا حبيبي مهو عشان نتجوز انا لازم اكلم بابي والكلام دا عمره ما هينفع في الفون لازم اقعد معه هو ومامي ومتفتكرش انا اول ما اقوله هيوفقه لا طبعا دا انا هاخد وقت علي ما اقدر اقنعهم
سليم بتنهيده : طيب والسبب التاني ايه ان شاء الله
لين : فرح شوشو وانت عارف اني لازم احضر ه
سليم : فرح شوشو كمان 20 يوم يا لين وانتي بتقولي مسافره بعد بكرا يعني عاوزه تسافري بعد بكره وبعدين هترجعي تقولي مسافره لفرح شوشو
لين بضحك : لا طبعا انا مسافره من بعد بكرا لحد فرح شوشو
سليم بغضب : نننننننعم انت عاوزه تقعدي 20يوم بعيد عني
لين بضحك : لا 25
سليم بغيظ : لا دا انتي بتستعبطي بقي لا طبعا انتي لم هتسافري لفرح شوشو تسافري قبلها بيوم وتيجي بعدها بيوم يعني تلات ايام اهو ودا بس عشان وعدتك تحضري فرح صحبتك وفي تلات ايام دول تكلمي عمي غير كده انسي
لين بضحك : هو سلق بيض يا سليم مينفعش الكلام دا طبعا
سليم : هو دا العندي يا لين هم تلات ايام بس
لين : خالص ماشي بس مترجعش تقولي بقي مكلمتيش عمي وعاوز اتجوز واستنا انت لما بابي ينزل اجازه لاني مستحيل هقدر اكلمه واقنعه في تلات ايام دول
سليم بضيق : انتي بتهدديني يا لين والله انزل اخطفك من بيتكم دلوقتي واتجوزك عافيه وغصب
لين تضحك : طيب وليه كده بس ما الخطوط السلميه مفتوحه قدمنا بس حبيبي بيحب يعقد الامور وينشف راسه
سليم : 25يوم كتير اوي يا لين مقدرش
لين بهدوء : مهم ال 25 يوم دول يا سليم هم ال هيخلونا مع بعض علي طول يا حبيبي
سليم يتنهد : طيب موافق وامري لله بس هم 25يوم بس
لين بضحك :25 يوم بس
سليم : وترجعي وخده معاد عشان اقبل عمي ونتجوز
لين : ان شاء الله يا حبيبي
سليم : هتكلميني فيديو كل يوم سامعه ولبس ضيق ممنوع والفستان الهتحضري بيه الفرح اشوفه قبل ما تلبسيه فاهمه
لين بضحك : حاضر اي طلبات اخري يا فندم
سليم بضيق : انتي بتتريقي طيب مافيش سفر يا لين
لين بضحك : تاني صبرني يارب
لين تحجز لسفر بعد ما قدرت تقنع سليم وتكلم امير في التلفون
امير :لينو ازيك يا حبيبتي
لين : الحمد الله يا ميرو ازيك انت يا حبيبي
امير :مطحون يا لينو والله بفضل في الشغل عشان مروحش اصل البيت وحش من غيركم اوي وحشتوني والغريب ان البت سيلا وحشتني تصدقي
لين تضحك : متستعجلش هي جيه كمان 15 يوم عشان فرح شوشو و طلال
امير ببتسامه : طيب حلو وانتي يا جميل طبعا جيه معها
لين : لا يا قلبي جيه بكرا بس مقولتش لحد غيرك عاوزها مفاجاه للكل يعني اوعي تقول لمامي وبابي او لطلال احسن يقول للبنات
امير بفرحه : بجد والله دا احلي خبر سمعته دا انتي وحشتيني اوي بس هتعملي ايه في الجامعه
لين : متقلقش اختك مسيطره ومظبط اموري
اميربستغراب :مسيطره هو انتي بتعقدي مع سيلا كتير الايام دي ولا ايه
لين بضحك : فعلا اخدت عدوه منها وبقيت اتكلم زيها بس هاجي اعمل نقها عندكم
امير بضحك : هتنوري يا قلبي
وتقفل لين مع امير وتبدا تجهز الشنطه وتحط كل ال جبيته لشوشو من مصر والساعه واحده بليل وقبل سافرها ب 7 ساعات وهي بتجهز الشنطه تلقي باب الاوضه بتعتها بيخبط وتفتح ويكون عمها فاروق ولبس بدلته العسكريه
لين : خير يا انكل حضرتك ريح فين دلوقتي
فاروق : عندي شغل يا حبيبتي وعاوزك تطلع تنامي مع ايمان و صيبا علي مارجع ومش عاوز ماما تحس عشان متقلقش عليه وتفضل سهرانه
لين بخوف : حاضر يا انكل هقفل الشنطه واطلع بس هو حضرتك هتتاخر والشغل دا فيه خطر عليك
فاروق يحضنها ويبوس راسها : ان شاء الله خير يا حبيبتي والمكتوب علينا هنشوفه وبعدين انا عاوزك تطمني ايمان مش تقلقيها اتفقنا
لين : حاضر استودعك الله الذي لا تضيع ودائعه ربنا يحميك يا انكل
فاروق : ويحميكي يا حبيبتي يلا خدي المفتاح اهو وافتحي انتي عارف ايمان حمل وتعبانه ومش هتقدر تقوم تفتحلك
يلا مع السلامه
ويمشي فاروق وتقفل لين شنطها بسرعه وتطلع لايمان وتلقيها وقفه في البلكونه وبتبص علي عربيه فاروق وعنيها فيه خوف ودموع فتدخل توقف جمبها
ايمان حست بلين وقفه فقالت وهي دمعها نزله
ايمان : اول ما جيه يخطبني مكنتش اعرفه كان شافني في فرح بنت خالي وفضل فتره يعاكسني ويحاول يتقرب مني وانا اصده قولت لنفس دا شايف نفسه ببدلته وعربيته وغني واهله ناس معروفه في البلد وعشان انا بنت ناس علي قد حالهم فكرني صيد سهل فمدتيش وش بس لقيته بيتقدملي راسمي ومهموش انا بنت ناس غلابه علي قدهم ولقيته جاب مامته واخواته وجيه يتقدملي فرحت بيه اوي وقولت هتجوز ظابط قد الدنيا ولقيت اهله ناس طيبين ومتكبروش لا عليه ولا علي اهلي فوافقت بس حبيته في الخطوبه اوي ولما تجوزنا حبيته اكتر
( وتبص للين ووشها كله دموع وخوف عليه) بقالنا 7 سنين متجوزين وكل مره يخرج فيها كده روحي تخرج ومترجعش غير معه وافقت اجوزه عشان ظابط ودلوقتي بدعي ربنا كل صلاه وكل ركعه يجي يقولي انه ساب الشغل دا ( وتبتسم بدموع) عارفه يا لين اليوم ال مش بنام في حضن فاروق مش بحسبه من عمري اصلا فاروق حضنه حنين اوي يا لين
(وتعيط جامد في حضن لين )
لين وعينها مليانه دموع : ادعي ربنا يا ايمو وان شاء الله هيجي بسلامه وتفضلي في حضنه طول العمر ( وتبصلها وتبتسم وتمسح دموعها) وبعدين ايه الحب دا كله دا انتي بتقولي شعر عنه يا ايمو
ايمان تبتسم للين وتمسح دموعها ويفضله قعدين في البلكونه يتكلمه وايمان بتحكي عن فاروق وقد ايه هي سعيده معه وطبعا كل دا ليه تأثير علي لين ونفسها تجوز حبيبها وتعيش قصتها الخاصه
و وهم قعدين يلقه عربيه وقفت فيبصه عليها يلقي رامي
لين بستغراب : هو رامي كان فين كده انا بقالي كتير اوي مشفتوش
ايمان : ابله سناء بتقول انه طول الوقت في المستشفي بيرجع يغير وينزل دي زعلانه عشانه اوي بتقولي انه متغير وحزين تعرفي انه عاوز يسافر امريكا كلم محمد جوز ريهام و اخد ورقه معه هيقدمله في المستشفي البيشتغل فيها بس المره دي الحج فريد رافض ووقفله وقاله مافيش سفر وينسي الموضوع دا ( وتتنهد بزعل) انا مش عارفه ايه الغيره كده دا كان رفض فكرت السافر و لما جتله الفرصه دي مع محمد زمان مرديش يروح
لين تحس ان هي السبب في حالة رامي وقد ايه هو قلبه مجروح وانها الفتره الفاتت انشغلت بسليم وحياتها لدرجه انها حستش بكل التغير البيحصل لرامي وانه مختفي من البيت ومش بتشوفه
ايمان : قومي نامي يا حبيبتي انتي عندك سفر الصبح
لين ببتسامه : متقلقيش هنام في الطياره انتي مش هتنامي
شكلك تعبان
ايمان : لاما بقدرش انام غير لما اطمن علي فاروق
ويخبط الباب وهم قعدين وتروح لين تفتح وتلقي رامي
رامي بنظره كلها حب وشوق : ازيك يا لين
لين ببتسامه : الحمد الله يا رامي ايه فينك كده بقالي كتير مشفتكش
رامي ببتسامه : شغل المستشفي كتير الفتره دي المهم انا فاروق كلمني وقالي انك مسافره الساعه 8 فجيت عشان اوصلك لانه مش عارف هو هيرجع امتي وخاف يتاخر عليكي
لين : طيب متتعبش نفسك انت رجع متاخر واكيد تعبان انا ممكن اكلم سالم او احمد يوصلوني المطار وبلاش انت
رامي بحزن : انتي مش عاوزني انا اوصلك عاوزه اي حد غيري
لين : لا طبعا يا رامي مش كده ابدا انا قلقانه عليك بس انت لسه راجع وطول اليوم في الشغل واكيد عاوز تنام وترتاح
رامي بنظره الحب : لما اوصلك واطمن عليكي بنفسي هكون مرتاح الساعه 8 هنزلك ليكي اتفقنا
لين تهز راسه بلموافقه بس جوها زعل وخوف زعل من الحال الفي رامي بسببها وخوف من سليم لما يشوفها ركبه مع رامي وان هو الهيوصلها مش فاروق و هي متفقه مع سليم انه هيكون صاحي ويشوفها قبل ما تسافر
ويفوت الوقت وتيجي الساعه 8 وينزل رامي وياخد شنطتها وهي تسلم علي جدتها وعمها فريد و فايز وتخرج وهي قلبها عمل يدق وفعلا زي ما توقعت لقيت سليم قدم عربيته وقف وشاف رامي وهو بيحط الشنطه في عربيه و لقيت عنيه كلها غضب بس ماسك نفسه لان فريد خرج معها
فريد :صباح الخير يا سليم يابني
سليم بضيق :صباح الخير يا عمي (ويبص للين بغيظ) ازيك يا لين علي فين كده
فريد : رامي رايح يوصلها المطار مسافره كام يوم تحضر فرح صحبتها عقبالك
سليم : في حياتك يا عمي ان شاء الله عقبال رامي ازيك يا رامي فينك بقالك فتره مش ظاهر
رامي بضيق : الحمد الله في المستشفي دايما عندي شغل كتير
فريد : دا لسه راجع من ساعه والله ملحق ينام وصمم انه هو ال يوصل لين
( فريد بيتكلم بطيبه وميعرفش انه بكلامه دا بيولع نار جوه سليم ولين نفسه تقوله اسكت يا عمي هيولع فينا بس ساكته وخايفه من رد فعل سليم)
سليم بضيق اكتر : طيب ارتاح انت يا رامي مدام منمتش وانا اوصلها
رامي بضيق منه : لا انا مش تعبان متقلقش انت يلا يا لين
لين هزت راسها بلموفقه ومكنتش قادره تكلم فهي عارفه قد ايه سليم مضايق بس مش عارفه تعمل حاجه وقبل ما تركب يوصل فاروق
لين تجري لحضنه : الحمد الله اني اطمنت عليك قبل ما سافر
فاروق : معلش يا حبيبتي كنت انا الهوصلك بس الشغل بقي
(ويبص لسليم ال وقف هيولع) صباح الخير يا سليم
سليم ينتبه لفاروق : صباح الخير يا فاروق حمدالله علي السلامتك
فاروق : الله يسلمك (ويبص لرامي) هو الواد سالم مرديش يصحي ولا ايه
رامي : انا متصلتش بيه
فاروق : طيب ليه ماقولتلك صاحيه يوصلها وارتاح انت عشان منمتش
رامي بضيق : انا مرتاح كده مكنتش وبعدين مكنتش هطمن عليها اصلا مع سالم انت عارف سواقته وبعدين وانا عندي شغل في القاهره فهوصلها واروح يلا يا لين يا حبيبتي اتاخرنا
طبعا هو قال حبيبتي من غير قصد ومحدش خد باله منها غير سليم الكان هيولع من الغيره ولين الهتموت من الخوف وتركب لين ويمشي رامي بلعربيه وطبعا حال سليم في الوقت دا ال يلمسه ممكن يتحرق 😂
ويمشه بلعربيه وهم ساكتين لين قلقانه وعاوزه تكلم سليم ورامي كل شويه يبص عليها
رامي : بتحبيه
لين تتصدم من السؤال فتبص ليه بستغراب ومتردش
رامي ببتسامه حزن : انا عارف انك بتحبيه وعارف ان هو كمان بيحبك بس ياتري سليم هيقدر يحميكي ويحافظ عليك وعلي الحب دا
لين تبص للارض : اكيد هيقدر هو بيحبني اوي
رامي بحزن : وناوي علي ايه
لين : مسافره اكلم بابي عشان نتجوز
رامي : ربنا يسعدكم (ويبص من الشباك يحاول يمنع ال دموع تنزل من عنيه)
لين بحزن لحاله : انت عارف يا رامي ان مشاعرنا مش بايدنا
رامي ببتسامه ويبصلها : انا اكتر واحد عارف دا وعيشه يا لين
(ويرجع يبص لشباك ويمسح دمعه نزلت من عنيه ويرجع يبصلها ويبتسم )
رامي : لين انا معنديش اي اعتراض علي سليم هو انسان كويس ومحترم بس عندي ناصيحه ليكي بلاش تسكني في بيتهم مع اهله مش هترتاحي ما مامته اسكني بره افضل عشان ترتاحي وتعيشي سعيده
لين ببتسامه : مقدرش اطلب منه يسيب مامته واخواته البنات اكون انانيه يا رامي
رامي يبتسم ليها : كنت عارف ردك دا وعارف طيبتك وانك دايما بتفكري في غيرك قبل نفسك بس يارب هم يعرف لين وطيبه قلبها وقتها هيحبكي اوي واوعي عمرك تنسي اني في ظهرك دايما وسند ليكي وفي اي وقت هتحتاجيني هكون معكي وجمبك علي طول
لين ببتسامه : ربنا يخليك ليه يا رامي
ويوصله المطار ولين تركب وتوصل للكويت ويستقبلها امير بفرحه وسعاده ووهم في العربيه وريحين للبيت
امير : حمدالله علي سلامتك يا حبيبتي
لين : وحشتني يا ميرو
امير : انتي اكتر يا قمري
لين : حد عرف اني جيه
امير : مقولتش لحد زي ما اتفقنا متخافيش
لين : كويس اوي امير انا محتاجك توقف معايه وتساعدني
امير بقلق : خير يا حبيبتي مالك عاوزني اساعدك في ايه
لين : خير يا حبيبي متقلقش هحكيلك بس تعال نعقد في مكان قبل ما نروح البيت ونتكلم
ويعقده في كافتريا ولين تحكي لامير عن حبها لسليم وسبب مجيها للكويت
امير بستغرب : انا كنت حاسس ان قرار دخولك الجامعه في مصر ليه سبب بس مكنتش اتخيل انك عاوزه تجوزي دلوقتي انتي لسه صغيره اوي وقدمك الوقت طويل اصبري واتاكدي من مشاعرك مستعجله ليه
لين : اولا دخول الجامعه في مصر دا كان قراري بعد تفكير طبعا انا فكرت فيها يا امير انا كنت عاوزه ادخلت Auc عشان اخد منحه التفوق ولو كنت اخدت المنحها تفتكر بابي كان هيرضي يسبني اسافر وعيش لوحدي و مامي كانت هتستحمل بعدي وانا هقدر اعيش بعيد عنكم غير اني لما كنت عاوزه ادخلها وقتها سليم مكنش موجود في حياتي ولما بقي موجود وقلبي مرتبط بيه يبقي مش هقدر اسافر اكمل بره ف كده السبب الهدخل Aug عشانه الهو المنحه واني اسافر اكمل بره اتلغي يبقي كان لازم اغير طريقي كله واعيد حساباتي واظن ان الطريق الاختارته مناسب لظروفنا كلنا وان شاء الله هحقق فيه نجاح زي ال كنت عاوزه احققه بسافري ام عن مشاعري فانا متاكدها منها جدا
انا يا امير بحب سليم من زمان وحبي ليه لا هو مراهقه ولا مؤقت بلعكس انا من وقت ما اتاكدت من حبه ليه وانا بتمني ان سليم يكون شريك حياتي وبعدين من امتي وانت شايفني صغيره وبفكر زي المراهقين ما انت دايما بتقول لين كبيره وعقله وعارفه مصلحتها
امير ببتسامه : واضح انك واخده قرارك ومصممه عليه
لين : وخده قراري ايوه بس لو حد عنده رائي تاني هسمعه وانفذه بس اقتنع
امير بتنهيده وخوف عليها : عموما يا لين القرار في الاول والاخر ليكي انتي وعمي
لين : وانت عارف رائيك وموافقتك مهمين عندي ازي انت اخويه يا امير وعمري ما هاخد قرار انت مش موافق ولا راضي عنه
امير يمسك ايدها ويبتسم : انا كل اليهمني انك تكون مبسوطه ومرتاحه وتحافظي علي مستقبلك وتحققي احلامك ولو سعادتك مع سليم فانا هقف جمبك و هكون في ظهرك ومعكي في اي وقت
لين بحب وابتسامه : ربنا يخليك ليه يا حبيبي يلا بينا علي البيت بقي وادعيلي اعرف اقنع البشمهندس و الدكتوره
امير : معنديش شك انك هتقدري لانك لما بتبقي مقتنعه بحاجه بتوصلي ليها اصلك عنديه
ويضحكه ويقومه ويروحه البيت ويدخله برحه وبشويش ويكون فؤاد ومني بيتغدو وتدخل لين عليهم
لين : انا جيييييت
فؤاد يقوم يحضنها : حبيبتي جيتي امتي وازي
مني تحضنها يعد فؤاد : حبيبتي وانا اقول مبتردش عليه ليه قلقتيني عليكي يا مجنونه
لين : حبيت اعملهلكم مفاجاه وحشتوني اوي
وتعقد معهم علي السفر هي وامير
مني : مش كنت بتقولي جيه مع اختك
لين: شوشو زعلانه عشان كانت عاوزني اجهز جناحها في فيلا عند انكل حامد فحبيت اعملها مفاجاء واجي واجهزه ليها
فؤاد : انا اعرف ان تجهيز الجناح بداء امبارح
لين : اه ما انا اتفقت مع طلال هو بس بيفضي الجناح وانا هروح بكرا ان شاء الله وهبداء فيه
مني بضحك : انتي هتشتغل من قبل ما تتخرجي
امير بضحك : لا ودخله علي تقيله اوي ومش واخده اي شغل اول شغل جناح طلال ابن الشيخ حامد
لين بثقه : طيب بكرا تشوف لو انكل حامد مطلبش مني اغير ديكور الفيلا كله وانا ارفض مبقاش لين
فؤاد بضحك : وهترفضي ليه بقي
لين ببتسامه : مش فاضيه عندي كليه
والكل يضحك
مني : يعني شوشو عارفه انك هنا
لين : لا طبعا لا هي وال حد من البنات ومش عاوزه حد فيهم يعرف و انا هروح بكرا ان شاء فيلا انكل حامد وهشتغل في الجناح وانا كنت قولتلها هجي قبل الفرح باسبوع وان شاء الله الجناح هياخد مني 10 ايام بس
فؤاد بستغراب : 10 ايام بس ازي هتلحقي تجهزي ديكور ولسه هتاخدي المقاسات وتجيبي فرش وتعملي ستاير
لين ببتسامه : هو انا بلعب يا بابتي انا بقالي اسبوع عمله تصميم الديكور و مختاره الفرش وبيجهز والستاير بتتعمل وكله تمام يعني بكرا ان شاء الله هبدا الشغل الدخلي في الجناح
امير : وعرفتي المقاسات ازي بقي
لين بضحك : متقلش مش بقولك كله تحت السيطره والبركه في بليه واحد وبليه اتنين كنت اقولهم يعمله ايه وهم بيعمله فرفعه المقاسات ويروحه يدفعه العربون في الاماكن ال بتجهز الشغل ال انا اختارته
مني بستغراب : مين بليه دول اوعي تقولي الاء وصافي
لين بضحك : لا طلال وعدي
امير يموت من الضحك : شغلتي طلال وعدي صبيان عندك والله انت قادره وسرك باتع
لين : طبعا هو انا اي حد دا انا لينو
فؤاد : يعني انتي جيه بقي عشان صحبتك بس
فلين تبص لامير فيهز راسه يشجعها عشان تكلم
لين : لا لتلات اسباب
فؤاد يبص ليها ببتسامه : ايه هم بقي يا ليني ال تلات اسباب دول
لين ببتسامه : اولا وحشتوني وحبيت اشوفكم ثانيا عشان شوشو
وسكتت وهي بتبص ليهم بقلق
مني ببتسامه : واضح ان ثالثا سبب دا هو الاهم خير قولي
لين تبلع ريقها : في عريس متقدملي وانا موفقه
فؤاد ومني من الصدمه فضله فتره سكتين
مني بستغراب : عريس و موافقه عليه ازي يعني انتي لسه في اول سنه في الكليه انتي عاوزه تفضلي مخطوبه خمس سنين
لين : لا مهو مش عاوز خطوبه انا هتجوز واكمل وانا معه
فؤاد بضيق : دا انتي مقرره وجي تبلغينا ولا يمكن جيه تعزمينا علي الفرح
لين تبصله وتمسك ايده : لا يا بابي ابدا والله انا بس بوصل لحضرتك هو عاوز ايه والقرار في الاول والاخر ليك طبعا ( وتقوم تحضنه) يا بابي انا عمري ما هعمل حاجه انت مش راضي ولا موافق عليها
فؤاد يطبطب علي ظهرها برضي وهي تبوسه في خده وترجع تعقد مكانها
فؤاد : ودا مين بقي زميلك في الجامعه
لين وتبص ليهم : لا دا سليم المهندس سليم جارنا في المنصوره
مني : اخو شروق البيتهم قدم بيت ناناه
لين : ايوه هو يا مامي يعني حضرتك يا بابي ممكن تسال عنه عمامي وكمان هو صاحب احمد جوز سيلا ومن اصحابه الهيعمله شركه معهم و ممكن حضرتك تساله عنه اي حد
مني : انتي عاوزه تجوزي دلوقتي طيب وكليتك ودراستك
لين : مالهم يا مامي ما انا هكمل دراستي زي ما انا وبتفوق برده كل الهيفرق بس اني هكون متجوزه
مني : هو انتي فكره انه سهل كده وانك هتقدري تفتحي بيت وتدريس مع بعض
لين تبتسم : وليه لا وانا عندي القدوه العملت كده ونجحت وربتنا احسن تربيه حضرتك اتجوزتي بابي وانتي بتدريس وكان بابي كمان لسه بيحضر ال ماجيستر وسافرتم امريكا ودرستم وانتم متجوزين ونجحتم وبتفوق وكنتم لوحدكم من غير اهلكم ولا اي حد ورغم كده وقدرتي يا مامي تكملي وبقيتي دكتوره ومقصرتيش في اي حاجه لا بيتك ولا دراستك ولا فينا احنا
فؤاد : دا انتي جيه ومعكي كل الاجابات للاسأله الهنقولها
لين ببتسامه : فعلا يا بابي حضرتك عارف اني عمري ما هكلم في موضوع ويكون مهم لدرجه دي و انا مش مفكره فيها كويس اوي و اكون متاكده اني اقدر انجح ونفذه وانا بقول ليكم انا اقدر اكون زوجه مسؤله عن بيت وزوج وكمل داستي واتفوق فيها كمان زي ما مامي عملت زمان
مني : يا لين الحياه ايامنا كانت غير دلوقتي يا لين ايامنا كانت اسهل
لين : بلعكس يا مامي انا شايفه ايام حضرتك كانت اصعب اولا سافرتي بره وكنتم لوحدكم لكن انا هعيش جمبكم كلكم بيت ناناه وعمامي قدام بيت سليم وكمان و مامته واخواته هيبقي معايه في نفس البيت وسيلا كمان بيتها جمبي يعني مش هبقي لوحدي هلقي ويوم ما هحتاج حاجه هلقي الكل بيساعدني غير ان كل الاجهزه الكهربائيه الحديثه بتوفر في شغل البيت ومش هتاخد من وقتي ( وتسكت شويه وبعدين تبص لبابها) عموما يا بابي الرائي الاول والاخير لحضرتك و لمامي و لو شايفين حاجه تانيه واني غلط انا هسمع كلامكم وهنفذه علي طول بس ارجوكم تقنعوني وانا انفذ
فؤاد يبص لمني ويفضله سكتين ولين تبص ل امير ال يحاول يهديها ويبص لعمه منتظرين ردهم
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق