رواية بريئة أحيت لي قلبي الفصل السادس عشر والسابع عشر للكاتبة ريحانة الجنة
رواية بريئة أحيت لي قلبي الفصل السادس عشر والسابع عشر للكاتبة ريحانة الجنة
16=رواية بريئة أحيت لي قلبي للكاتبة ريحانة الجنة الفصل السادس عشر
تاني يوم الصبح سجي لسة قاعدة مكانها بتعيط. و دموعها مهديتش. و بعدين الباب خبط.
سجي: مسحت دموعها. ده اكيد مراد. اه اكيد هو. حيقولي انه كان مقلب. ايوة هو مقلب و حيصالحني. قامت بسرعة تفتح. و هي فاكراه مراد بس مكنش هو. كان عم صالح
سجي: عم صالح.
صالح: ايه يا بنتي. قوليلي يا بنتي ايه اللي حصل. و ازاي مراد طلقك و ايه اللي جراله. و ايه اللي كسر الاوضة كده و جرحه جامد كده.
سجي: بتعيط. والله ما اعرف ماعرفش احنا كنا كويسين و مكلمني في التليفون و فجاة لما رجع لقيته انسان تاني. معرفش ليه ايه اللي حصل. انا حتجنن مش قادرة اصدق ان مراد طلقني. مش قادرة اصدق.
صالح: ازاي بس انا شفت مراد في حالة مشوفتهوش عليها من سنين. لازم فيه حاجة حصلت. افتكري
سجي: والله ما حصل حاجة. صدقني. قولي هو في أوضته.
صالح: لا يا بنتي هو نزل من بدري و حتى باين عليه عينه ماشفتش النوم. بس قالي قبل ما ينزل انك لما تصحي احضرلك شنتطتك علشان معتز يوصلك اسكندرية.
سجي: عيطت. انا مش عارفة ازاي حقدر ابعد عنه. مش عارفة.
(في الشركة في مكتب مراد )
مراد: هو ايه اللي ازاي يا شريف. بقولك الغي كل حاجة ايه اللي مش فاهمه.
شريف: ازاي بس حضرتك داحنا جهزنا كل حاجة و لو لغينا حنخسر كتير.
مراد: و انت مالك هي فلوسك ولا فلوسي. اعمل اللي قولتلك عليه. اتفضل امشي. دلوقتي.
ميادة: مالك يا مراد بيه ايه اللي حصل
مراد: و انتي مالك انتي حتحسبيني انتي كمان. روحي شوفي شغلك.
ميادة: طيب انا بس عايزة اطمن عليك ايه اللي معصبك كدة و ايه الجرح اللي انتي رابطه ده. انا بجد قلقانة عليك.
مراد: يوووووه. و بعدين. كلمة كمان و مش حتقعدي فيها دقيقة واحدة. انتي سامعة. امشي روحي علي مكتبك.
مراد كان عامل زي الصقر المجروح مصدوم و قلبه بينزف من وجعه و كمان من حبه لسجي اللي لسة زي ماهو في قلبه. حتي مش عارف يكرهها.
في اسكندرية في بيت صفية الجرس بيرن.
صفية: تفتح مندهشة. سجي مالك و ايه الشنطة اللي معاكي دي
سجي: رمت نفسها في حضن خالتها و امها في نفس الوقت. مراد طلقني يا خالتوا. طلقني و سابني.
صفية: طيب اهدي. اهدي يا حبيبتي و تعالي اقعدي. بس و فهميني ايه اللي حصل.
سجي: انا ححكيلك. كل حاجة...
و بعد شهر عدي علي مراد و سجي اطول من سنين كتير كل واحد فيهم قلبه مجروح مراد كان بينام في أوضة سجي كانت وحشاه و نفسه يشوفها و في نفس الوقت مجروح منها او بمعني اصح موهوم لانه مايعرفش الحقيقة. و سجي كانت طول الوقت قاعدة في البلكونة تبكي و مستنية مراد يجي و ياخدها.
و في يوم مراد كان قاعد في المكان اللي بيقعد. فيه و قاعد علي العربية و بيسمع الاغنية دي و اللي كانت كل كلمة فيها بتوجعه اكتر ماهو موجوع، (احساس فظيع ) (امبارح كان معايا وعدني بألف وعد. و قالي من البداية حنعيش و نموت لبعض. حبيته بكل قلبي اكتر من اي حد. وفي يوم وفي ليلة سابني. انا خايف اموت بجد. احساس فظيع ان اللي روحك فيه يبيع واللي اشتريته في يوم يبيع وتوه ويا السنين. تفتح عنيك. تتلم احزانك عليك. تتهد احلامك فوقيك. وتقسمك نصين. امبارح كان معايا وعدني بالف وعد. علمني ازاي احبه وازاي علشانه اعيش. لكن ان انسي حبه دي اللي معلمهليش. عايش علي ذكرياته الوقت منسنيش ودي مأساة حياتي واللي مبتنتهيش. احساس فظيع ).
مراد كان طول ماهو بيسمع بيبكي و هو اللي دموعه مكنتش سهل انها تنزل
مراد: انا تعبان و مش عارف ليه لحد النهاردة مقتلتش الكلب اللي اسمه جاسر. و ليه مش عايز عيني تيجي في عينه. ايوة انا خايف يشوفني مكسور و هو اللي مراتي فضلته عليا. بس لا انا مش قادر لازم اروحله.
(في مخزن من مخازن مراد )
جاسر مربوط و مضروب. و متبهدل علي الاخر. مراد يدخل و يجيب كرسي و يقعد قدامه.
جاسر: مراد بيه ايه اللي حصل. انا بقالي هنا شهر و بنضرب و مش عارف انا عملت ايه و ليه كل ما بطلب اشوفك مش بترضي. ارجوك فهمني.
مراد: احمد ربنا انك لسة عايش. انا سيبتك تعيش بس علشان تجاوب علي أسألتي.
جاسر: اسئلة ايه انا مش فاهم حاجة.
مراد: انت ايه اللي بينك و بين سجي مراتي.
جاسر: انا مفيش حاجة بيني و بينها.
مراد: حتكدب من اولها. انت مش كنت معاها في اليوم اللي جابوك فيه هنا. و كنت بتقولها انها تتطلق مني بسرعة علشان تجيلك و تتجوزها.
جاسر: هي حكتلك. والله انا اسف مكنتش اقصد كده. انا مكنتش اعرف انها حبيتك. كنت فاكرها لسة بتكرهك زي ما كانت اول ما اتجوزتك. انا اسف.
مراد: حس انه مش فاهم حاجة. انت بتقول ايه يعني انت ماكنتش علي علاقة معاها.
جاسر: لا والله عمري ما كلمتها الا في الليلة دي. و كنت فاكر انها مش عايزاك و كانت صعبانة عليا.
مراد: ازاي مش انت اللي كنت جايبلها المنوم علشان تحطهولي. و كانت بتحكيلك كل حاجة بيني و بينها.
جاسر: لا طبعا. هي عمرها ما اتكلمت معايا في حاجة والا كنت عرفت انها بتحبك و مكنتش كلمتها.
مراد: حس انه متلخبط ومش فاهم. و مسك راسه. انت متاكد. جاسر قولي الحقيقة و انا اوعدك اني امشيك من هنا من غير ما أذيك. هي كانت بتحبك صح
جاسر: والله ابدا سجي دي انضف واحدة انا شوفتها في حياتي هي كمان قالتلي انها حتى لو مش بتحبك مش حتخونك مهما حصل.
مراد: طيب. و المنوم
جاسر: ده كان في اول يوم جت فيه و كمان هي وقتها ماكنتش تعرف حد ولا بتخرج كانت حتجيبوا ازاي
مراد: مش ممكن يعني سجي ماخنتنيش.
جاسر: لا طبعا. هي كمان زعلت اني كلمتها في الموضوع ده و قالتلي انها حتخليك تبعدني عنها و تخلي معتز هو اللي يوصلها
مراد: جاسر ارجوك قولي الحقيقة. بص انا بس عايز اعرف هي خانتني ولا لا. علي فكرة انا طلقت سجي. و لو قولتلي الحقيقة حخليك تروح تتجوزها. و صدقني مش حأذيك المهم اعرف الحقيقة.
جاسر: والله ماحصل و عمري ما كان في حاجة بيني و بين سجي ابدا و انا اليوم ده كان اول يوم اكلمها فيه في الموضوع ده. صدقني. ارجوك سامحني انت عارف. انا اهلي مالهمش غيري.
مراد قام و مشي و هو مش عارف يعمل ايه هو فعلا سجي مظلومة فعلا مخانتنيش. ولا جاسر بيقول كدة علشان خايف عليها مني. لا انا مش فاهم حاجة. انا عايز حد يفهمني انا حروح لفاروق. هو الوحيد اللي حقدر اتكلم معاه...
(في المستشفي ).
فاروق: معقول يا مراد كل ده يحصل من غير ما تقولي.
مراد: يا فاروق انا لا كنت بكلم حد ولا عايز اشوف حد. المهم قولي اعمل ايه اصدق جاسر ولا اصدق وداني
فاروق: بصراحة انا شايف انها لو كانت فعلا علي علاقة معاه كان قال بدل مايشيل الليلة لوحدوا. ده غير انك مسمعتش منها حاجة ولا عرفت هي قالتلوا ايه.
مراد: كنت خايف اقف اسمعها و هي بتخوني و ساعتها كان ممكن اقتلها. علشان كدة مشيت بسرعة. انا مش عارف افكر يا فاروق. اعمل ايه.
فاروق: طيب بقولك ايه انت ماتعرفش تليفون جاسر فين.
مراد: في المخزن مع الرجالة اللي معاه ليه.
فاروق: يعني انا بقول نفتحه و لو هي كانت علي علاقة معاه هنلقيها علي الاقل حاولت تكلموا من يوم اللي حصل. لانه اختفي فجاة.
مراد: تصدق ممكن. طيب انا حروح اشوفه و افتحه بسرعة.
فاروق: استني انا جاي معاك كمان انا عايزك لما تفتحه تخليه يكلمها و افتح الاسبيكر. و نسمع حتكلموا ازي وفايه
مراد: تعرف معاك حق. خصوصا انه غايب. بقالوا شهر من يوم اللي حصل
(في المخزن )
مراد. : التليفون مفهوش اتصال غير من اهله هما بس اللي حاولوا يكلموه و مفيش مكالمات، لسجي نهائي
فاروق طيب: اتصل علي سجي بسرعة.
مراد: انا بتصل بيها يا جاسر لو قولت كلمة غير اللي فهمتهالك. حيكون أخر يوم في عمرك.
سجي: تليفونها بيرن. الو.
جاسر: الو ايوة يا سجي. انا جاسر
نهي: انا نهي مش سجي. سجي تعبانة و مابتردش علي حد. في حاجة ابلغلها يا جاسر.
جاسر: ايوة ياريت تخليها تكلمني ضروري بسرعة.
نهي: طيب ثانية واحدة، سجي: ايوة يا جاسر هو انا مش قلتلك متتصلش بيا تاني بعد اللي قولتوا. ولا انت قلت خلاص هي اطلقت من مراد والسكة فضيت انا رديت عليك بس علشان اقولك لو فكرت تتصل بيا تاني مش حيحصلك كويس انت فاهم، و قفلت سجي و مراد كان نفسه يضرب نفسه. علي انه ظلمها و حتى مدهاش فرصة تدافع عن نفسها.
في عربية مراد.
مراد: سجي ضاعت مني يا فاروق انا ضيعتها. ضيعتها بإيدي. سجي كانت بتحبني و انا اللي جرحتها. اعمل ايه بس قولي.
فاروق: هي دي محتاجة كلام. تروح ترجعها طبعا.
مراد: ازاي بس انا طلقتها بالتلاتة.
فاروق: هههههه ما هو جاهلك انت و امثالك ده هو اللي موديك في داهية. انت طلقتها في مجلس واحد يا رب تقول انتي طالق 10 مرات بردوا حتتحسب طلقة واحدة. والا ماكنش حد غلب. بس مش دي المشكلة انت قولتلي انك مادهلتش بيها هي لسة عذراء مش كدة.
مراد: ايوة ما انا فهمتك اللي حصل
فاروق: تمام شوف يا سيدي. المطلقة البكر مالهاش عدة اصلا. و علشان ترجعلها لازم عقد جديد.
مراد: و هو مبسوط يعني انا اقدر ارجعها تاني. طيب اعمل ايه قولي اجيب ماذون ولا اعمل ايه
فاروق: ايوة تاخدها هي و ابوها و علي اقرب مأذون و تتجوزها من تاني بس كده خلصت.
مراد: الحمد لله انا كنت هتجنن كنت فاكر ان سجي خلاص راحت مني لابد.
فاروق: خلاص روحلها و هاتها و اوعي تسيبها تاني
مراد: انا حسافر اسكندرية دلوقتي
فاروق: طيب خاليها الصبح.
مراد: لا مش حقدر استني. دي وحشاني اوي.
فاروق: خلاص وصلني المستشفي و روحلها
مراد: معلش يا فاروق انزل خد تاكسي. انا مستعجل.
فاروق: اه يا ندل بعتني في ثانيه
مراد: ابيعك و ابيع الدنيا بحالها. دي سجي. يالا بقي انزل بسرعة.
و طار مراد علي اسكندرية علشان يشوف سجي. كانت وحشاه موت.
17=رواية بريئة أحيت لي قلبي للكاتبة ريحانة الجنة الفصل السابع عشر
مراد وصل اسكندرية في وقت قياسي كان حاسس ان قلبه هو اللي طاير مش العرببة و سافر لوحدوا من غير بادي جارد ولا حراسة و ماهتمش بأي حاجة غير انه يروح لحبيبته علشان كانت وحشاه و خلاص مش متحمل بعدها. مراد وصل عند بيت صفية خالت سجي و اول ما نزل من العربية و بيبص فوق شاف سجي كانت في البلكونة و اول ما شافته فرحت و جريت علي تحت بسرعة علشان تشوفه. و قبل ما مراد يوصل حتى لباب الاسانسير. كانت سجي نزلت.
مراد: سجي. انا أسف
سجي: جريت علي حضنه. مراد حبيبي. وحشتني اوووي. هنت عليك يا مراد تعمل فيا كدة.
مراد: ضمها اكتر. انا اسف حقك عليا. كنت غبي و حمار. و مافهمتكيش. سامحيني. والله كان غصب عني.
سجي: مسامحاك. حتي من غير ما اعرف ايه اللي حصل.
مراد: يعني موافقة اني ارجعك.
سجي: ابتسمت و هزت راسها. طبعا موافقة.
مراد: انتي تعرفي اني هرجعك بعقد جديد.
سجي: عارفة علشان احنا ما اتجاوزناش فعلا و انا لسة بكر.
مراد: امممم. واضح ان انا بس اللي كنت جاهل بالحاجات دي.
سجي: انتي ناسي اني بتاعة قانون ولا ايه. ده غير اني بقراء كتب كتير في الشريعة.
مراد: انت احلي حاجة حصلتلي في حياتي. سجي انتي كنتي وحشاني اوي.
سجي: حضنته اويييي. انت وحشتني اكتر.
مراد: اممم طب ايه حنفضل واقفين كدة و اللي طالع و اللى نازل بيبص علينا و بعدين حضرتك مش واخدة بالك انك نازلة بالبجامة و من غير حجاب.
سجي: يا نهار ابيض. انا نسيت خالص و نزلت كده انا اسفة بس فرحتي بيك لما شوفتك خلتني مفكرش في اي حاجة.
مراد: هههههه طيب يالا اطلعي حضري شنتطك بسرعة و انا مستنيكي.
سجي: طب تعالي اطلع معايا لحد ما البس.
مراد: لا يا حبيتي الوقت متأخر حستناكي هنا متتأخريش عليا.
سجي: بإبتسامة. مقدرش.
(في عربية مراد )
مراد: خلاص بقي حتفضلي زعلانة مني كده كتير. انا اسف والله اسف.
سجي: بتعيط. انا انا يا مراد تشك فيا. شوفت مني ايه يخليك تفكر في كدة.
مراد: كان غصب عني يا سجي انا اول ما شوفتك واقفة معاه في الجنينة و الدنيا ضلمة. عقلي راح مني مابقتش شايف ولا عارف افكر من غيرتي. و لما سمعت جاسر و اللي قالوا و حكاية المنوم دي. اتجننت اكتر. سجي انا حبي ليكي حب مش عادي علشان كده غيرتي عليكي مش حتكون ابدا عادية افهميني علشان خاطري و سامحيني.
سجي: مسمحاك. بس ده ميمنعش اني زعلانة منك اووي.
مراد: اممم طيب ممكن اصالحك باغنية. انا عارفك بتحبي الاغاني اللي بختارهالك.
سجي: مش عايزة اسمع حاجة. هاه.
مراد: طب بس اسمعي دي. و شغلها مراد (يالي زعلان مني لحماقي )(يا اللي زعلان مني و مخاصمني ومش عايز تاني تكلمني. واخد علي خاطرك قوي مني. يا حبيبي انا اسف. ده انت عمري و عمري مافيش بعده و مسهر عيني كدة في بوعده. ومطمن ليلي وانا مواعده وعامل مش عارف. سامحني يالي قلبي وعيوني مابطلوش عليك يسألوني. بلاش تسيبني وحياة هوانا سماح. يا حب عمري خاليك معايا بلاش تروح وتعند كفاية. تعالي شوف ايه بعدك حاصلي. يالي يالي زعلان مني ومخاصمني. لو سمحت سامحني المرة دي يا واحشني بشكل ماهوش عادي. بقي هنت عليك للدرجة ادي. قلبي عاشق علي بابك غني. وبيحلم يرجع للجنة. وحياة الحب اللي مابينا سامحني النوبة. ياالي زعلان مني. ).
مراد كان طول الاغنيةماسك ايديها و بيبوس ايديها. علشان تسامحه و بعد ماخلصت.
مراد: هاه لسة زعلانة ولا اشغلهالك تاني.
سجي: ابتسمت. لا خلاص ماهو انا عبيطة و بتضحك عليا بأغنية.
مراد: هههههه بصراحة انتي فعلا عبيطة علشان حبيتي واحد زية. بس عموما انا مش بضحك عليكي بأغنيه انا عايز اضحك عليكي بحاجات احلي كتير
سجي: بخبث. اممم حاجات ايه
مراد: هههه مش عارفة. عموما لما نروح حتعرفي.
سجي: لما اشوف.
مراد: طيب تعالي بقي في حضني وانا سايق علشان انتي واحشاني.
سجي: والله و لما نعمل حادثة بقي
مراد: خايفة علي نفسك ولا عليا.
سجي: و هي تفرق. ما انت نفسي و قلبي و روحي.
مراد: يا لهوي انا كدة حركن علي جنب والله و اللي يحصل يحصل. انا اصلا بتلكك.
سجي: هههههه لا خلاص انا حاجي في حضنك. و حتى لو مت اهو اموت و انا في حضنك.
مراد: حضنها. اوعي تقولي كدة انا افديكي بعمري كله. اه يا سجي لو بس تعرفي انا بحبك قد ايه. بس ان شاء الله الايام هي اللي حتعرفك.
و فضل مراد حاضن سجي و هو سايق حتى مش قادر يسبها تبعد عنه المسافة الصغيرة دي و وصلوا القاهرة. مقدرش يستني للصبح و راح لفهمي والد سجي و راحوا للمأذون و اتجوزها من جديد.
و مراد و سجي في أوضة مراد
مراد: تتلمي بقي و متتعبنيش معاكي زي المرة اللي فاتت انا والله بتقطع اصلا.
سجي: لا بقي المرة دي كمان. علي فكرة انا ابتديت اشك فيك. انت اكيد حكاية الستات دي كانت اشاعة.
مراد: ههههههه يا بنت اللذين. اشاعة
طيب ماشي والله لربيكي علي الكلمة دي بس مش النهاردة. بصي نكلم جد بقي. انا لازم اسافر كمان يومين ايطاليا شغل مهم و مع ناس مهمة و ماينفعش ااجل و كمان انا اول ليلة ليا معاكي مش ممكن تعدي كدة بسهولة دي لازم تكوم ليلة بالعمر كله. علشان كدة حنأجلها لحد ما ارجع اتفقني.
سجي: حتسافر. بس انا ملحقتش اشبع منك انت كنت واحشني اوي.
مراد: و هو حد قالك اني حقدر اسيبك. انتي حاتسافري معايا.
سجي: بفرحة. بجد يا مراد حسافر معاك.
مراد: بجد يا روح مراد. بس قوليلي انتي معاكي باسبور.
سجي: لا انا مسافرتش قبل كدة.
مراد: مش مهم الصبح انا حخدك و اعملك الباسبور. تعالي بقي علشان تنامي في حضني...
مراد: و سجي في حضنه. تعرفي انتي حبك ده نضفني من جوه خالاني اشيل السواد و الكره اللي كان جوايا. حتي الشهوة اللي بتكون جوه اي راجل خلاها مختلفة حبك خلاني اكتفي بس انك تكوني قدام عنيا و في حضني. الحب ده حاجة حلوة قوي و معرفتهاش الا علي ايدك. ربنا يخليكي ليه و اقدر اسعدك.
سجي: تعرف انا اول يوم جيت في هنا. عم صالح قالي كلمة غريبة مكنتش فاهمة معناها. ومفهمتوش غير دلوقتي بس.
مراد: قالك الراجل العجوز ده. ده حشري.
سجي: ههههه حرام عليك ده راجل طيب و بيحبك. بس قالي. يومها انا حاسس ان انتي النسمة اللي حتشق الجبل.
مراد: امممم مش فاهم يقصد ايه
سجي: بعد اللي انت قولتوا دلوقتي. فهمت انه يقصد بالجبل ده قلبك علشان كان قاسي و ناشف و محدش يقدر يدخلوا. و ان انا النسمة اللي حتشق الجبل ده و تدخل جواه.
مراد: ابتسم. ياه تعرفي انتي فعلا وصفتي اللي كان جوايا من اول يوم شوفتك فيه. عارفة انا لما جيت عندكم البيت أول مرة و اول ما لفيت و شوفتك. حسيت بنغزة في قلبي معرفتش سببها. كنت نفسي اقرب منك و احضنك و اقولك هو انتي حقيقة انتي. بجد ولا انتي ملاك. سجي انا عمري ماشوفت ملامح جميلة و بريئة زي ملامحك. خطفتي قلبي من اول نظرة
سجي: اومال ليه القسوة اللي كنت فيها دي.
مراد: اولا انا كنت قاسي مع كل الناس بس اللي عملتوا معكي كان لسبب غير القسوة. كنت عايزك باي شكل كمان لما رفضتيني كنت زي المجنون مستعد اعمل اي حاجة المهم انك تبقي معايا.
سجي: انا كمان كنت معجبة بيك و حبيتك من اول ماشوفتك بس قسوتك و اللي عملتوا معايا كان مخوفني منك. بس خلاص انا دلوقتي مبحسش بالامان غير و انا معاك.
مراد: طيب ممكن ننام بقي علشان انا خلاص حموت و انام انا بقالي شهر و اسبوع. مانمتش من يوم ماسبتك. كنت بنام كام دقيقة واصحي مفزوع علشان انتي مش معايا. عايز اخدك في حضني و انام و ارتاح
سجي: حاضر. نمت اهو...
تاني يوم. مراد اخد سجي وعملها الباسبور. و رجعها الفيلا و رجع هو الشركة علشان يخلص شغله بس كان قلقان عليها طول الوقت علشان لوحدها و الشغالين كانوا اجازة. و كان بيطمن عليها في التليفون.
مراد: حبيبتي قوليلي. عاملة ايه لوحدك.
سجي: هههههه متتخفش انا كويسة لو طلعلي العفريت حخوفه.
مراد: ههههه انتي حتقوليلي ده انتي هتوبيه.
سجي: كدة ماشي لما ترجعلي انا حوريك. استني عليا شكلك نسيت المقالب اللي كنت بعملها فيك
مراد: و انا مستعد اعملي اللي انتي عايزاه انا موافق. المهم عايزك تجهزي علشان انا قدامي ساعتين بالكتير و اكون عندك و اخدك و نتعشي برا. اوك
سجي: حاضر. حجهز و استناك في الجنينة. تمام.
مراد: بحبك.
سجي: ههههه. بحبك.
ميادة: مراد بيه. ياسر بيه عايزك
مراد: خاليه يدخل. بسرعة، ياسر حمد لله علي السلامة.
ياسر: انت عامل ايه. قولي ماسفرتش ايطاليا ليه كل ده.
مراد: معلش كنت مشغول الفترة اللي فاتت. بس خلاص انا كلمتهم و مسافر بعد بكرة
ياسر: زين كلمك ولا حد تاني
مراد: ما انت عارف التعامل كله مع زين
ياسر: عارف. بس عايزك تخلي بالك من زين. ده مش سهل و انت مبتدليوش ريق حلو. خليك لطيف معاه.
مراد: و هي يعني اول مرة ما خلاص احنا حفظناه و هو حفاظنا.
ياسر: بس ماتنساش اللي حصل المرة الاخيرة بينكم. انت اخدت منه البت صاحبته.
مراد: هههههه انا مش عارف هو كان زعلان ليه هي الاشكال دي يتزعل عليها. و بعدين هي اللي جاتلي الاوضة بالليل مش انا اللي روحتلها.
ده غير اني المرة دي حروح مع سجي يعني. مش حيكون فيها ستات نهائي
ياسر: اه سجي. قولي صحيح. هو انت ليه مطلقتهاش. لحد دلوقتي.
مراد: انا مش حطلقها. سجي حتفضل مراتي. و حبيبتي كمان.
ياسر: بجد. طيب كويس. قولي انت جاي النهاردة الزمالك ولا خلاص
مراد: لا يا ياسر ما انت عارف انا من يوم ما اتجوزت سجي و انا مروحتش هناك و بعدين يا عم حلال عليك. ده غير اني لازم امشي كمان ساعة بالكتير علشان عازم سجي علي العشا. الشغالين النهاردة اجازة. و هي لوحدها.
ياسر: طيب انا حمشي سلام.
مشي ياسر و هو مقرر يطلع علي فيلا مراد علشان سجي عايز يجرب اللي جربوا مراد وخالاه يتمسك بيها كدة. بس ياسر ميعرفش ان اللي غير مراد. هو الحب مش حاجة تانية. واول ما وصل لقي سجي قاعدة في الجنينة مستنية مراد
سجي: مين حضرتك.
ياسر: انا ياسر صاحب مراد. و اكتر من اخوه
سجي: بس مراد مش هنا.
ياسر: عارف و عارف كمان ان الشغالين اجازة.
سجي: نعم؟ طيب لما انت عارف ان مراد مش هنا جاي ليه.
ياسر: و هو بيقرب لسجي. جاي علشانك انتي انا عايز اجرب اللي جربوا مراد.
سجي: بترجع بعيد. انت اتجننت انت بتقول ايه. امشي من هنا بسرعة بدل ما اتصل بمراد و اقوله.
ياسر: شد منها التليفون ورماه في البيسين. اهو و ريني بقي حتكلميه ازاي. و سجي جريت و هو جري وراها.
مراد: في العربية. بيتصل بسجي، ردي ردي بقي متقلقنيش، يووووه مقفول ليه كدا ده كان لسة حالا بيرن.
و ساق مراد بسرعة و وصل الفيلا و اول ما وصل سمع صريخ سجي جري علي فوق بسرعة. و اول ما طلع لقي ياسر بيتهجم علي سجي و مقطعلها هدومها و ضربها.
مراد: اتجنن و نزل فيه ضرب.
مراد: اه يا بن الكلب. بتتهجم علي مراتي يا حيوان ده انا حقتلك. و طلع مراد مسدسه علشان يضربه و ياسر جري بس مراد ضربه بالنار و جت في كتفهه. بس ركب عربيته بسرعة و مشي. مراد رجع لسجي لاقاها قاعدة في ركن في الوضة و ماسكة نفسها و منهارة و بتعيط.
مراد: راح حضنها. حبيبتي انتي كويسة عمل فيكي ايه الكلب ده والله لقتله.
سجي: بتعيط. كان خلاص يامراد كان خلاص.
مراد: دمع. انا اسف انا مكنش ينفع اسيبك لوحدك. انا اللي غلطان. بس قوليلي عمل فيكي ايه.
سجي: بتاخد نفسها. لو مكونتش جيت كان عمل كل حاجة انا مكنتش قادرة عليه ده حيوان. حيوان.
مراد: وحياتك عندي لوريه والله لقتله و حتشوفي و طلع تليفونه، ايوه يا معتز. عايزك تاخد كل البادي جارد و تطلع علي فيلا ياسر، ايوة ياسر شريكي. انا عايز الكلب ده في المخزن بعد ساعة واحدة.
هو مضروب رصاصة في كتفه. سيبوه بيها لحد لما اجيلوا فاهم.
سجي: انت حتقتله بجد.
مراد: حقتله ده انا حشرب من دمه تعالي انا حوديكي المستشفي عند فاروق علشان اطمن عليكي و كمان مش حقدر اسيبك هنا لوحدك لحد ما ارجع.
سجي: مراد صدقني ملحقش يعمل حاجة انت جيت في الوقت المناسب.
مراد: لا يا قلبي انا مش حوديكي لفاروق علشان كدة انا عايز بس اطمن عليكي. الحيوان ده واضح انه ضربك وشك بينزف. و حتى لو كان عمل حاجة انتي ملكيش ذب الذنب ذنبي انا اني كنت مصاحب كلب زيه.
تعالي انا حشيلك.
فاروق: الحمد لله ماتخفش
هي سليمة بس هو حاول معاها.
مراد: و هو مش قادر يمسك دموعه.
الكلب. وحياه ابويا ما حخليه يعيش يوم واحد، ايوة يا معتز، تمام انا جاي مسافة السكة.
مراد: فاروق خالي بالك منها لحد ما ارجع علشان خاطري ماتسبهاش.
فاروق: ماتخفش. انا معاها. بس انت خالي بالك من نفسك.
مراد: ان شاء الله.
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق