رواية اتجوزت عجوزه الفصل التاسع 9 بقلم محمد طه حصريه في مدونة قصر الروايات
ت
رواية اتجوزت عجوزه الفصل التاسع 9 بقلم محمد طه حصريه في مدونة قصر الروايات
#البارت_9_بعنوان (إختطاف)
#أتجوزت_عجوزه
#بقلم_محمد_طه
_مراد بغضب..المعلومات اللي وصلتني بتأكد إن البنت حامل..يعني البنت حملت منك يا غبي
_آسر بعدم إستيعاب..حملت إزاي..مستحيل تكون حملت..أكيد المعلومات دي غلط..ما أنته عارف يا حاج إني كنت متجوز قبل كده وما خلفتش..وعملت تحاليل والتحاليل أثبتت إني مستحيل أخلف
_مراد بجديه..أنا عارف كل ده..ولما المعلومات وصلتني..قولت إن دا ممكن يكون ملعوب من الحكومه عشان أبو الطفل يحاول يوصل للبنت والحكومه تقدر توصله بكل سهوله..لكني أتأكدت فعلا إن البنت حامل..وحامل منك..بقلم..محمد طه
_آسر بصدمه..وهتعمل إيه دلوقتي..هن،قتل إبني وحفيدك..أنا مستحيل أق،تل إبني..وف نفس الوقت مستحيل أسيبك تق،تله
_مراد بجديه..البنت دي لازم تختفي
_آسر بغضب وتحذير..البنت دي اللي هيقربلها يبقي بيعاديني
_مراد بغضب..يا غبي أنا مش قصدي إنها تختفي يعني تمو،ت..أنا قصدي إنها تختفي من قدام الحكومه..لأنها طول ما هيا قدام الحكومه..
فيه خطر عليها وخطر علينا
_آسر بجديه وغضب..جهز خطه خطفها وأنا جاهز للتنفيذ
_مراد بجديه..الخطه جاهزه..بس محتاجين بنت معانا
_آسر..بالليل هجبلك عشرين بنت..أختار منهم اللي تعجبك
_مراد بغضب..ال عشرين بنت اللي هتجيبهم دول..
مفيش ولا واحده فيهم تنفع..لأن دول كلهم مش شاطرين غير ف أوضه النوم..إنما يخرجوا من أوضه النوم يغرقو ف شبر ميه..إحنا عايزين بنت ناصحه ودماغها تكون شغاله..عشان لو أتزنقت ف أي موقف تعرف تتصرف من غير ما تلفت الإنتباه
_آسر بسخريه..ودي هنجيبها منين يا حاج..نعمل إعلان ف الجرايد..بقلم..محمد طه
_مراد بسخريه..لأ جرايد إيه..مفيش حد دلوقتي بيقرأ جرايد..إحنا نعمل إعلان ف السوشيال ميديا (ويتكلم بغضب) أنته هتهزر..هوا دا وقت هزار..
وبعدين اللي إحنا عايزينها مش عايزينها تكون بنت صغيره..عايزينها ست كبيره
_آسر بسخريه..يبقي نطلع بقي على دار المسنين نخطفلنا واحده من هناك (ويتكلم بجديه)ما تقول يا حاج إنك عايز تشغل دريه معانا..بس نصيحه مني ليك بلاش تدخل أمي معانا ف شغلنا..عشان دي بالذات هتفضحنا
_مراد بنظره غضب..ممكن ما تقترحش أي حد تاني بقي.. عشان ما تجبليش الضغط (ويتكلم بجديه) إحنا هنستعين ب عجوزه
_آسر بعدم إستيعاب ورفض..عجوزه اللي من شويه كنت بقولك إنها حكومه وبتدور وراك..أنته أكيد بتهزر يا حاج..دي حتي لو مش حكومه زي ما حضرتك بتقول..دي بالذات ما ينفعش تعرف حاجه عننا وعن شغلنا
_مراد بكل هدوء يطلع سيجاره ويولعها..ومين قالك إن إحنا هنعرفها حاجه عن شغلنا..إحنا هنخليها تساعدنا من غير ما تعرف أي حاجه..يعني هتبقي زي الأطرش ف الزفه
_آسر بهدوء..هيا مين دي اللي هتبقي زي الأطرش ف الزفه يا حاج..أحب أفكرك بكلامك من شويه.. عجوزه دي بنت دماغها شغاله وناصحه..وقولت إنها أنصح مني أنا شخصيا
_مراد بإصرار..عشان كده انا أخترت عجوزه..وأنا هعرف إزاي أستفاد منها..وهعرف إزاي أخليها زي الأطرش ف الزفه..أنته بس ما تحطهاش ف دماغك.. وأتعامل معاها طبيعي..بقلم..محمد طه
(وأخد مراد إبنه آسر وراح عند عجوزه)
_مراد بإبتسامه خفيفه..مساء الخير يا عجوزه
_عجوزه بإبتسامه..مساء الخير يا مراد..مساء الخير يا اللي إسمك آسر
_مراد..عالفكره لما كنتي متنكره ف دور ست عجوزه.. أنا والله صدقتك وكنت مقتنع إنك عجوزه فعلا..لحد ما آسر قالي الحقيقه
_آسر..والله أنا كمان كنت مصدق إنها عجوزه..لحد ما هيا أعترفتلي
_عجوزه..التنكر دا بيكون هوايه..وأنا من وأنا صغيره بحب أتنكر وأزاول اللي قدامي..بس طبعا من غير ما أذي حد أو أخوف حد
_مراد..عشان كده يا عجوزه أنا عايزك ف موضوع مهم جدا
_عجوزه..وأنا تحت أمرك يا مراد..خير عايزني ف إيه
_مراد..عايزك تعملي أمي
_عجوزه باندهاش واستغراب..ودي هعملها إزاي دي (وتتكلم ف سرها) مصيبه لا يقولي رضعيني..دا إيه العيله اللي أنا وقعت فيها دي
_مراد يقطع سرحانها..هوا إيه اللي هتعمليها إزاي..
هتتنكري ف دور ست عجوزه وتبقي أمي
_عجوزه باندهاش وعدم فهم..وبعد ما أتنكر وابقي أمك..إيه اللي بعد كده (وبصت ل آسر) ركز معانا عشان أنا هبقي جدتك
_آسر..أنا مش فاهم حاجه خالص
_عجوزه بسخريه..يعني أنا اللي فاهمه..بس إبني مراد حبيبي هيفهمنا كل حاجه
_مراد..كل الحكايه إن أنا فيه واحد صاحبي كل ما يكلمني..يقولي أنا عايز أشوف ست الكل..يبقي هات ست الكل معاك وأنته جاي..لحد ما صدعني..ف إنتي هتعملي أمي ونروح نزوره..بقلم..محمد طه
_عجوزه..لأ وماله..نخليه يشوف ست الكل بس كده (وتسكت شويه) بس فيه مشكله بسيطه
_مراد..مشكله إيه
_عجوزه..أنا لما بتنكر ف دور ست عجوزه..بيبقي لساني طويل وبشتم كتير..وإيدي كمان بتبقي طويله وبضر،ب كتير
_مراد بإبتسامه..لا مشكله ولا حاجه..يبقي أشتميني..
وآسر حفيدك هيبقي معانا..يبقي أضر،بيه براحتك
_عجوزه..وفيه مشكله كمان
_مراد..مشكله إيه تاني
_عجوزه..لما ببقي متنكره ف دور ست عجوزه..بقول نكت قليله أدب
_مراد بضحكه عاليه..دا إنتي مصيبه يا عجوزه (وسابهم ومشي)
_عجوزه بصوت ست عجوزه..شوف قليل الأدب ساب أمه ومشي من غير ما يبوس إيدها (وفجأه ضربت آسر بالقلم) سمعاك وأنته بتشتم ف سرك..ما أنا لو كنت عرفت أربي أبوك كان عرف يربيك (وقامت ضرباه بالقلم تاني وآسر خاف وجري من قدامها وهوا بينده على أبوه...........
_ويتبع........
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق