رواية وعد زين كامل بقلم اسماء سعد
رواية وعد زين كامل بقلم اسماء سعد
-ميث وعد..
-نعم ي أنس..
-ممكن تقولى لبابا يخليكى الميث بتاعتنا..
-منا الميس بتاعتكم فعلا ي أنس..
-لا يعنى تدينا ف البيت..
-طب ليه ماتقولوش انت ي أنس
وبعدين م انا بديكوا ف المدرسة اهو..
-ماهو بابا مث بيقعد معانا ومث فاضى..
لا ي ميث مث بحب اخد ف المدرثه اصحابى بيتريقوا عليا..
-بيتريقوا عليك ليه ي حبيبى، وفين مامتك
-عثان بقعد لوحدى ومث بتكلم مع حد انا مث بحبهم، بابا قال انها طلعت فوق عند ربنا..
-حاضر ي حبيبى هقوله..
انا وعد، عندى 20 سنه، مُدرسه ف مدرسه ابتدائى، عايشه مع ماما وبابا، وماليش اخوات..
نرجع لقصتنا
خلصت كلام مع أنس وابتديت اشرح الدرس، وكنت بفكر ف أنس وازاى هقول لباباه،
أنس عنده اخت توأم اسمها حور بس الحقيقه هى مش زى أنس يمكن انضج شويه عن سنها الذى لا يتخطى ال 6 اعوام..
خلصت وروَّحت، طلعت شقتى وقعد اخبط ع الباب جامد،
-ي نااس ي اللى هنااا افتحوولى، ي خللق، ي هووو..
-ايه ي وعد انتِ كل يوم كده زهقتينا ي شيخه..
-ايه ي ام ابراهيم مش عاجبك العجب لييه، ده انا حتى عامله حس للعماره الميته دى جاتكوا خيبه..
-عامله دوشه ليه ي بت وبتتخانقى مع مين؟...
-ايه ي سُعاد كل ده لازم ارزع ع الباب عشان تسمعوا..
-بطلى لماضه ي بت وقولى كنتِ بتتخانقى مع مين..
-ولا بتخانق ولا حاجه ي سُعاد ده انا كنت بكلم ام ابراهيم جارتنا، مش عاجبها العجب وطالعه تتكلم، ورديت عليها وخليتها سكتت، ناس مابتجيش غير بالعين الحمرا..
-ي بت انتِ كل يوم تطلعيلنا بمصيبه..
-ايه ي حجوج مالك كده ده انا حتى بنتك قول عنى كلمه حلوه يجدع..
-لا يختى انا ماعرفكيش..
-هاااا بتتبرى منى ي سي على، والله عشنا وشوفنا الابهات بيتبروا من بنتهم..
فضلنا نهزر شويه لحد ما ماما راحت تجهز الاكل وانا دخلت غيرت وارتاحت شويه لحد ما الاكل يجهز..
بعديها بدقايق ماما ندهت عليا..
-يلا ي وعد الاكل جهز..
-حاضر ي ماما جايه اهوو..
طلعت وقعدت معاهم ع السفره وقعدنا نهزر شويه، قاطعتهم وقولتلهم..
-انا عايزه ادى درس خصوصي لبنت و ولد ف بيتهم..
بابا رد عليا..
-ليه ي بنتى ما انتِ بتديهم ف المدرسه؟!...
-ي بابا مش بيفهموا ف المدرسه وعادى دول اطفال يعنى..
-سيبها ي حج اهى تطلع شويه من الاوضه اللى كاتمه نفسها فيها دى، ومنها تجيب مصروفها وتخفف عليك حِمل المصاريف..
رد بابا وقال..
-طيب ي سُعاد هسيبها المره دى، بس تاخد بالها من نفسها..
-حاضر والله هاخد بالى من نفسي اووى، شكرا ي بابا ي عسل انتت..
وف سرى حمدت ربنا انهم وافقوا.. وف الحقيقه انا مش هاخد منهم فلوس بس سكت عشان يوافقوا
فوقت من افكارى ولاقيت ماما اتكلمت..
-اسكتى ي بت انتى بتعاكسي جوزى وانا قاعده، احترمينى حتى..
-الله الله انتى بتغيرى ي سُعاد اوعى بقى..
-ايوه طبعا مش جوزي لازم اغير عليه، اسكتى انتِ ماتدخليش..
-طيب ي سُعاد انا سيباكم خالص اهو عيشوا حياتكم..
-بس ي بكاشه
ضحكنا وانا سبتهم ودخلت عشان انام، بس ف الحقيقه ماعرفتش انام كنت بفكر ازاى هقول لبابا أنس وهكلموا ازاى وماوصلتش لحل،
تعبت من التفكير ونمت..
صحيت الصبح بدرى زى عادتى، اتوضيت وصليت، وماما ندهت عليا عشان افطر..
-يلا ي حبيبتى الفطار جهز..
-حاضر ي ماما جايه اهو..
طلعت قعدت فطرت معاهم وبعد ماخلصت، دخلت غيرت ونزلت،
استنيت تاكسي واول ما وصل ركبت، وبعد دقايق وصلت المدرسه،
اول ما دخلت شوفت انس وحور واقفين جمب شاب ف التلاتينات تقريبا ده باباهم..
روحت عندهم..
-ازيك ي انس عامل ايه..
-الحمدلله ي ميث، ده بابا اللى حكتلِك عليه..
-يارب دايما ي حبيبى، تمام ادخل انت فصلك وسيبنى مع بابا..
-حاضر
أنس وحور دخلوا فصلهم وانا فضلت مع باباهم..
-اهلا بحضرتَك، انا ميس وعد..
-اهلا.. انا زين
-اتشرفت بيك ي استاذ زين..
-أنس قالى انك عايزانى ف موضوع ايه هو؟!...
-اه كنت عايزه اكلم حضرتك وقولت لأنس يقولَك..
-اتفضلى سامعك..
-بص ي استاذ زين انا عايزه ادى انس وحور درس خصوصي ف البيت لأنى حاسه ان انس مش مُستجيب ف المدرسه وكمان ع طول قاعد لوحده ف انا هحاول اراجع معاه وهو لوحده حتى يقدر يستجيبلى وهو لوحده او هو واخته.
-امم.. تمام ماشي
هتاخدى كام ف الليله دى؟....
-لا ي استاذ زين انا مش بتكلم ف حكايه فلوس ولا عايزه فلوس
-تمام بس المواعيد هتكون ايه لأنى مش ببقى فاضي
-كل يوم الساعه 4
-امم كويس هكون ف الشغل
-تمام اتفقنا
عن اذنَك عندى حصه..
-اتفضَلى..
مشيت من قدامه وانا كنت عايزه امسكه من رقبته اخنقه ايه الراجل ده؟!...
ده مش راجل ده لوح تلج!...
اعععع نرفزنى ابن اللزينه..
دخلت الفصل وقعدت اشرح الدرس،
وكنت بحاول اخلى انس يطلع من المود اللى هو فيه بصراحه انا مش عارفه ليه منعزل وليه قاعد لوحده طول الوقت ليه مش بيضحك؟.
ليه مش بيهزر ويلعب؟.. وازاى باباه ساكت عليه كده؟...
-أنس ي حبيبى مالك ليه بتقعد لوحدك ومش بتلعب مع زمايلك؟...
-انا بحب اقعد لوحدى مث بحب العب مع حد..
-امم طب تيجى تلعب معايا؟..
-ماثى
-يلاا بسررعهه
خليته قام يلعب معايا وقعدت اهزر معاه وازغزغه واجرى وراه واستخبى وكان مبسوط جدااا وانا فرحت انه ضحك وبقى مبسوط..
-ميث وعد.
-ايه ي أنس فى حاجه؟..
-ممكن احضنك؟..
-اه ي حبيبى ممكن اووى تعالى..
حضنته جامد بصراحه انا اللى كنت عايزه الحضن ده مش هو وكنت فرحانه اووى انه بيستجيب معايا..
-ميث وعد انا بحبك اووى، ماتسبنيش زى ماما..
-وانا كمان بحببككك اوووى، متخافش ي حبيبى مش هسيبك..
حضنته تانى وعينى دمعت مش عارفه ايه اللى حصل خلى طفل يوصل للحاله دى،
بس انا لازم اعرف ايه اللى حصل..
-حوور تعالى ي حبيبتى عايزاكى..
-نعم ي ميس وعد..
-هسألك سؤال صغنون قد كده وتردى عليا ماشي؟..
-ماثي ايه هو السؤال ي ميس؟..
-هو انس ماله وليه بيقعد لوحده؟..
-ااه اصل لما عرف من بابا ان ماما راحت عند ربنا هو زعل ان معندوث ماما زى باقيت العيال وبقى عنده اتكئاب...
-قصدك اكتئاب؟....
-اه هو ده وبقى يقعد لوحده ف الاوضه..
-طب باباكى فين ليه مش بيقعد معاكم.؟..
-بابا مثغول ف الثغل وكل ما انس يطلب منه يقعد معانا يزعق ويقول انه هو مث فاضلينا ف انس يزعل ويفضل يعيط لحد مايجيلوا تثنجات (تشنجات) والداده هى اللى بتفضل معانا
-تمام ي حبيبتى روحي كملى لعب
(ملحوظه أنس وحور عندهم لدغه ف ال س وال ش ف عادى يعنى)
فضلت متنحه ازاى طفل يوصل للحاله دى و ازاى الاب يعاملهم كده ازاى جالوا قلب يسيب عياله ف الحاله دى..
فضلت شويه ع الحال ده لحد ما سهى صاحبتى جات وفوقتنى من صدمتى..
-ايه ي بنتى فينكك عماله اكلمك وانتِ ولا هنا سرحانه ف ايه؟..
-هاا.. لا ولا حاجه معاكى اهو..
-طيب احنا خلاص خلصنا المفروض نروح دلوقتي.. هتروحى ولا هتعملى ايه؟...
-اه هروح ارتاح شويه عشان الساعه 4 هروح ادى درس..
-تمام ي حبيبتى اشوفك بكرا سلام..
-سلام
مشيت سهى وانا لميت حاجتى ومشيت استنيت تاكسي واول ما وصل ركبت وكنت لسه ع نفس صدمتى مش عارفه اتخطى مش عارفه اصدق اصلا،
فوقت ع صوت السواق وهو بيقولى انى وصلت، نزلت وطلعت شقتى وخبطت،
ماما فتحتلى..
-تتحسدى مش عامله ازعاج زى كل يوم
ايه ده مالك ي بت فى ايه..؟..
-هاا لا مافيش تعبانه شويه هدخل ارتاح
-تمام ادخلى وهحضرلك الاكل
-لا ي ماما مش جايلى نفس انا هرتاح شويه وصحينى 3:30 عشان معاد الدرس
-تمام ي حبيبتى روحي
دخلت اوضتى ونمت ماحستش بحاجه..
___________________________
يَتبع....
صحيت ع صوت ماما وهى بتصحينى،
-قومى بقى تعبتينى الساعه قربت تيجى اربعه
-ايييهه؟!... ماصحتنيش من بدرى ليه ي ماما؟
-منا عماله اصحى فيكى من بدرى لحد ما صوتى اتنبح وانتِ ولا هنااا..
-معلش ي ماما والله مش عارفه نمت من التعب ماحستش بنفسى..
-طيب يلا قومى البسي بسرعه عشان متتأخريش
-حاضر
قومت غيرت هدومى ولبست دريس واسع ونزلت استنيت تاكسي، واول ماوصل ركبت وقولتله يوصلنى ع العنوان اللى زين قالهولى،
زين مين ده مافيهوش ريحة الزين ده راجل بارد مبوز ع طول مش عارفه شايف نفسه ع ايه الراجل ده..
بعد شويه..
فوقت ع صوت السواق وهو بيقولى اننا وصلنا، نزلت ومشيت شويه لحد ما وصلت لبيت كبير او يعتبر ڤله بس مش كبيره اووى شكلها رقيق جدا وحاوليها اشجار و ورد جميل اووى،
انا بحب الورد جداا ف دخلت اجرى ع الورد،
بس فجأه البواب وقفنى..
-رايحه فين ي استاذه؟ وعايزه مين؟..
-انا الميس بتاع حور وانس، كنت متفقه مع استاذ زين عشان اديهم درس وده المعاد...
-ااه اه تمام اتفضلى هما مستنيينك جوا..
-دخلت بس مادخلتش ع جوا دخلت ع الجنينه عشان الورد،
ف الحقيقه انا من عشاق الورد ولو شوفت ورد ف اى مكان لازم اروح امسك الورد واشمه تقولوا مدمنه ورد بس دى حاجه مش بإيدى اعمل اييييههه...
وفجأه....
-هو هو هو...
-يالهوى ايه ده... اعععععع..
ي نهار كللببب الحقووونىى، ي ناااس ي اللى هنااااا.. اعععع...
وانا بجرى فجأه اتشنكلت ف الدريس و وقعت..
اعععع.. غمضت عينى وفضلت مكانى.. خلاص فات الاوان مكانش يومك ي وعد هتموتى من عضة كلب ي وعد، قعدت اندب ع حظى..
فجأه لاقيت حد بيقولى قومى..
-قومى خلاص هو مش هيكلمك..
ده زين.. والله جه ف الوقت المناسب انقذنى ابن الايه..
-اااه اخيرااا.. قلبى كان هيقف..
-انتِ بتجرى ليه؟...
-عشان الكلب هيجرى ورايا وانا بخاف منهم..
-الكلب مربوط هيجرى وراكى ازاى؟..
-هااا؟..
-هااا اييه الكلب مربوط اهو بتجرى ليه..؟
-لا لا ماكنتش بجرى من الكلب ده انا كنت بعمل رياضه.. احمم يعنى حسيت انى عايزه اخس شويه ف جريت بس مش من الكلب..
-اااه قولتيلى... اممم طيب ادخلى انتِ ايه اللى دخلك الجنينه اصلا؟
-احم كنت عايزه اشم الورد..
-طيب ادخلى انس وحور مستنيينك..
-تمام
دخلت لاقيت انس وحور قاعدين دخلت قعدت معاهم..
-انوستى عاامل اييه واحشنى ي كوكو..
-الحمدلله ي ميث انتِ عامله ايه؟
-كويسه طول ما انت كويس ي انس، عامله ايه ي حور؟..
-الحمدلله ي ميس، هو انتِ اللى كنتِ بتصوتى برا؟..
-انتِ سمعتى؟؟..
-اه ي ميس ده انتِ صوتك كان عالى اووى..
-يالهوى ع الكسفه اقولهم ايه دلوقتي احمم لالا عادى ي حور..
-انتِ كنتِ خايفه من الكلب ي ميث؟
-اسكت ي أنس ده انا اترعبت منه
-مث بيعمل حاجه ي ميث ده طيب
-طيب ايه ي أنس ده كان هياكلنى
وفجأه قطع كلامنا زين..
-انس انت وحور ماتعملوش مشاكل انا رايح مشوار وهاجى..
-اقعد معانا ي بابا، دى ميث وعد جميله اووى..
-انا مش فاضى ي أنس للكلام ده.. سلام
لاقيت انس زعل حاولت الطف الجو
-ايه ده مالك ي أنوستى؟..
-مافيث ي ميث انا رايح اوضتى...
لاقيته جرى ع اوضته
-استنى ي انس.. هو فى ايه ي حور؟
-زعل عثان بابا مثى وقال مث فاضي
-امم طب تعالى ودينى اوضته كده..
طلعت معاها كان باب الاوضه مقفول خبطت ماحدش رد قلقت خبطت تانى برضو مافيش رد ف فتحت الباب لاقيته قاعد ف ركن الاوضه وعمال يعيط..
-مالَك ي انس فى اييه؟.. بتعيط ليه ي حبيبى..
خدته ف حضنى بجد زعلانه عليه اووى..
-اهدى ي انس وبطل عياط وقولى مالَك؟
-......
-اممم طيب بص تعالى نبقى صحاب ونحكى لبعض كل حاجه.. هاا مواافق؟..
-ماثى
-قولى مالَك بقى وليه بتعيط يإما هعيط معاك..
يرضيك اعيط؟.
-لا.. خلاص هقولِك..
انا بحب بابا بث هو مث بيحبنى ببقى عايزه يجى معايا المدرثه يوصلنى زى اصحابى بث هو بيقعد يقولى مث فاضي، ومث بيرضى يقعد معانا واصحابى بيقعدوا يتريقوا عليا عثان معنديث ماما توصلنى، وانا ببقى زعلان ف عثان كده بقعد لوحدى ومث بلعب مع حد عثان هما وحثين...
انا اتصدمت ازاى طفل يكون كاتم ده كله جوااه.. ازاااى بابااه يكون كده؟ هو ده اب اصلا؟..
-ي حبيبى خلاص تعالى نتفق اتفاق...
-ايه
-بص الصبح تستنانى قدام المدرسه وندخل مع بعض عشان اصحابك مايتريقوش عليك اتفقناا؟؟
-بجد ي ميث هتدخلى معايا؟!...
-اه ي حبيبى وكل يوم كمان..
-انا بحببكك اووى ي مييث
-وانا بموت فيك ي قلب الميث
يلا بقى عشان تاخد الدرس
نزلنا وقعدت اشرحلهم الدرس واتأكدت انهم فهموا وقعدت شويه معاهم وسيبتهم وروحت
ركبت تاكسي ووصلت البيت،
طلعت وخبطت، ماما فتحتلى
ماكنتش قادره اتكلم مع حد ف دخلت ع اوضتى ع طول
رميت نفسي ع السرير من كتر التعب او بمعنى اصح من الصدمه اللى انا فيها مش قادره اصدق ان طفل يشيل ده كله جوااه،
من كتر التفكير نمت ماحستش بنفسي
تانى يوم صحيت بدرى، صليت، وماما ندهت عليا
-يلا ي وعد عشان تاكلى...
-حاضر ي ماما جايه اهوو..
روحت فطرت معاهم كانوا قاعدين ساكتين حاولت اكسر الصمت ده
-مالك ي حجوج انتَ وسُعاد مالكوا ساكتين ليه؟
-احنا مستنيينك تتكلمى ي بنتى
-اتكلم ف ايه ي حج؟...
-ايوه ي بنتى اتكلمى انتِ من اول امبارح وانتِ مش ع طبيعتك احنا مش متعودين عليكى كده ف ايه مالِك.؟..
-عادى ي ماما مافيش حاجه شويه ضغط بس
-لا ي وعد انا عرفاكى ي بنتى من نظره عينك اتكلمى
-تخيلى ي ماما ان طفل لسه ماكملش ال 7 سنين يعانى من حاجات تخليه عنده اكتئاب وتجيله تشنجات بسببها
-مين ده ي بنتى وايه الحاجات دى!...
-انس ي بابا اللى قولتلكم هديله درس هو واخته، تخيل ي بابا مامته ماتت وهو بيتولد وده عمله أزمه ف حياته مابقاش يطلع من اوضته، بيقعد لوحده ع طول،
حتى ف المدرسه قاعد ورا لوحده، ولا بيلعب ولا بيتكلم ولا بيتحرك من مكانه اصلا،
لما سألت اخته قالتلى انه عنده اكتئاب ولما بيزعل بتجيله تشنجات،
ده غير ان باباهم معندوش وقت ليهم كل ما بيقوله اقعد معايا يقوله مش فاضى ويزعق فيهم،
واصحابه بيقعدوا يقلولوا انت معندكش ماما زينا...
-كللل ده الولد شايله جوااه؟!.....
-انا من ساعه ماعرفت وانا مش قادره اتخطى وبحاول اهزر معاه واطلعه من المود اللى هو فيه،
ببقى مبسوطه لما بيبقى مبسوط...
-ربنا يجازيكى خير ي بنتى.. ويجعله ف ميزان حسناتك...
-يارب ي ماما.
يلا سلام عشان هتأخر..
نزلت ركبت تاكسي ووصلت المدرسه وقفت استنيت انس زى ماقولتله،
بعد شويه عربيه جات وقفت وطلع منها انس وحور...
-انوستىىى حبيبىىى واحشنى ي كوكو..
-انتِ كمان وحثانى ي ميث..
-عامل ايه ي حبيبى؟...
-الحمدلله ي ميث
-يارب دايما ي حبيبى، عامله ايه ي حور وحشانى
-الحمدلله ي ميس وانتِ وحثانى اووى اووى
-ي روحي انتوا تعالوا ف حضنى..
حضنتهم وبعد شويه دخلنا المدرسه ودخلت بيهم الفصل
-روح اقعد ي انس انتَ وحور..
راحوا قعدوا مكانهم وانا اتكلمت
-كل الفصل يقوم يعتذر من انس، عشان انس زعلان منكم، ي حبايبى انس معندوش ماما عشان هى عند ربنا بس هى بتحبه وشيفاه ف محدش يقوله كده تانى، واللى هيزعله هيتعاقب...
كلهم راحوا اعتذروا منه وهو كان مبسووط ماكدبش انى كنت فرحانه لفرحته،
بعد شويه شرحت الدرس وخلصت وطلعت من الفصل..
وفجأه قاابلته قداامى؟...
-انتتت؟!.....
______________________________
يَتبع
-انتَ جييت هناا ازاااى؟ ولييهه؟ وامتى؟
-ايييه كللل ده؟
جيت عادى ي ستى ايه ماوحشتكيش؟
-لا ومش عايزه اشوف وشك ي وليد امشي بقى وسيبنى ف حااالىى..
-لا ي وعد انا مش هسيبك ع جثتى..
وليد ابن عمى واد رخممم مدلوق كده وانا مش بحب العيال التوتو دى، عيللل بااارد لازقلى ف كل حته اصله معلق ع كلمه بابا من واحنا صغيرين اننا هنتجوز، لسه راجع من السفر وجاى يشلنى
-امشي ي وليد بدل ما اصوت والم عليك الناس..
-هتشوفي ي وعد مين هيكسب ف الاخر..
نينينييينييي..
اخييراااا مشي عيللل بااارد ورخمم..
خلصت شغلى ف المدرسه وطلعت استنيت تاكسي ركبت وبعد شويه وصلت البيت خبطت ع الباب وماما فتحتلى...
-تعالى ي وعد شوفى مين عندنااا..
-مين ي ماما
-تعالى عمك محمد ومراته جوا وسماا بنتهم ووليد..
-اممم طيب
-ادخلى سلمى عليهم واقعدى معاهم لحد ما اجهز الاكل..
-حاضر
دخلت لاقيتهم كلهم قاعدين مع بابا
سلمت عليهم وقعدت معاهم..
-ازيك ي وعد والله كبرتى وبقيتى عروسه زى القمر، صح ي وليد؟!...
-ااه ااه ي ماما..
-تسلمى ي مرات عمى ده من زوقك..
بعد اذنكم هدخل اغير هدومى..
-تمام ي حبيبتى روحى..
-استنى ي وعد خودينى معاكى..
-تعالي..
دخلت انا وسما الأوضه غيرت هدومى وقعدنا نتكلم شويه لحد ما الاكل يجهز..
-عامله ايه ي سما والله وحشانى
-الحمدلله بخير وانتِ كمان والله بجد كنت فرحانه اووى ان احنا جايين عشان اقعد معاكى..
-خلاص بقى خليكى قاعده معايا وسبيهم هما يمشوا..
-ماما مش هترضي..
-متخافيش هخلى ماما تكلمهاا..
-اععع اشطااا اووى..
وبعد شويه ماما ندهت علينا..
-يلا ي بنااات عشان تاكلوا..
-حاضر ي ماما جايين اهوو..
يلاا ي سما بسرعهه عشان ده انا ع لحم بطنى من الصبح..
-يلاا ي ختى انتِ لسه مفجوعه زى ما انتِ ماتغيرتيش..
-ي بنتى الاكل ده جزء مهم ف الحياه..
-اهه مناا عاارفه ي حبيبتى اطلعى اطلعى..
قعدنا نضحك وطلعنا قعدنا معاهم..
-بتضحكوا ع ايه ي بنات ضحكونى معاكوا..
-اسكتى ي ماما دى وعد لسه مفجوعه زى ماهى..
-ي سمااا الل ي بتت اسكتىىى..
-ههههههه هفضحك..
-طيب ي سما والله ماشي..
-ههههه مش هتقدرى تعملى حاجه انا ف حمايه عمو صح ي عمو؟..
-صح ي قلب ي عمو..
-بقى كده ي على بتبيع بنتك، مااشي كلكوا اتفقتوا عليا يعنى...
-لا ي حبيبتى انا معااكى..
-ايوه بقى ي عمو محمد ي عسلل..
وطلعت لسانى لسما، وعماله اغيظ فيها..
كده تعادل انتِ بابا واقف ف صفك وانا باباكى واقف ف صفى..
-عادى ي حبيبتى انا ماما وعمو ومرات عمى واخويا واقفين معايا وانتِ معاكى بابا بس، وطلعتلى لسانها..
-لا ي ختى انا مع وعد..
-بقى كده ي وليد بتبيع اختك..
-اه
-امم طييبب ي سي وليد خليها تنفعك
-هتنفعنى ي ختى اسكتى انتِ
انا اتكسفت وسكت ايه الواد البارد ده جاته نيله،
المهم ضحكنا شويه،
وبعد كده هما اتكلموا عن الشغل والحياه، كلام كبار ماليش فيه انا اصلا طفله...
خلصنا اكل وقومت اشيل الاكل مع ماما،
كانت الساعه قربت تيجى 4 خلصت مع ماما ودخلت غيرت عشان اروح لأنس وحور.
-عايزين حاجه ي جماعه انا نازله..
-رايحه فين ي وعد؟!..
-وانت ماالَك؟؟؟
-رايحه فين ي بنتى؟
-رايحه لأنس ي بابا.. يلااا سلاام
-استنى هنااا انس مين اللى انتِ رايحااله؟؟...
وانتَ ي عمى ساكت ليه؟...
-انتَ ماالَك ي جدع انتتتَ؟.. بتدَّخل ف حياااتى لييه؟
انتَ مين اصلا عشان تدَّخل ف حياتى؟..
-اهدى ي وعد ي بنتى فى ايه ي وليد مالَك؟؟..
-هو ايه اللى فى ايه ي بابا انتَ مش شايف هى بتقول رايحه لمين..
-واحنا مالنا ي بنى ماتروح للى هى عايزه تروحله باباها ومامتها عارفين احنا مالناش دعوه..
-لا لينا ي باباا ليا انى بحبها ومش هخليها تبقى لحد غيرى..
-وانا مش بحبكك ي اخى افهممم بقىى، اناا ماشيه سلام..
مشيت وانا بلعن اليوم اللى جيت فيه ولاقيت عندى ابن عم زيه، انا مش بحبه الحب مش بالعافيه يعنى..
ركبت تاكسي وبعد دقايق وصلت لبيت زين دخلت لاقيت انس وحور قاعدين مستنيين..
-اناااا جييييتتت...
فتحت ايدى واخدتهم بالحضن..
-عاملين ايه وحشتونى ي كتاكيت...
-وانتِ كمان وحثتينا ي ميس..
-ازيك ي انوس عامل ايييه؟..
-الحمدلله ي ميث انتِ اخرتى ليه انا كنت خايف ماتجيش..
-معلش ي حبيبى مش هتأخر عليك تانى..
-ماثى
-كلتوا ولا لسه ي عيال؟..
-لا لسه داده فاطمه راحت تجيب طلبات..
-اممم طيب ايه رأيكم مانديش درس النهارده واعملكم تورطه..
-هييييهههه
الاتنين قالوها بصوت عالى وهما بيتنطتوا..
-بجد هعمليلنا تورطه؟..
-اه ي حبيبى هعملكم عايزها بطعم ايه
-انا عايزاها كريمه..
-لاا انا عايزهاا ثوكلاته..
-اممم خلاص نعمل نص كده ونص كده ايه رأيكم؟..
-مووافقيين..
-ماشي هى الداده هتيجى امتى عشان تحيبلنا حاجات؟..
-فى حاجات ف المطبخ ي ميس
-بصوا اقولكوا حاجه؟..
-ايه؟..
-اييه؟..
-ايه رأيكم تقولولى وعد بس من غير ميس يعنى هنا تقولولى وعد وف المدرسه تقولوا ميس عادى؟..
-بجد؟...
-اه بجد
-مووافقين
-ماشي يلا ورونى المطبخ فين
مشوا قدامى وكانوا ماسكينى من ايدى كانوا بيجرونى زى الجاموسه بس عادى يعنى فداهم ..
دخلت المطبخ وقعدت اجهز ف المقادير..
وبدأت اعمل التورطه وكنا عمالين نهزر واتبهدلنا دقيق والحقيقه انا كنت فرحانه انهم مبسوطين..
خلصنا التورطه وحطيناها ف التلاجه شويه..
-هيييههه خلصناااا.. وقعدت اتنطط انا وهما
وفجأه؟....
-انتوا بتعملوا ايييه؟...
وايه اللى مبهدلكم كدده؟..
-اص.. اصلل ان.. انااا.. يعنىىى.... كنت بعمل تورطه...
-تورطه ايه اللى بتعمليها انتِ جايه تدى درس ولا تدخُلى بيوت الناس وتعملى اللى ع مزاجك؟...
-بس انا فعلا كنت بديهم درس بس قولت افك عنهم شويه واعملهم تورطه...
-ماحدش قالِك تعمليلهم حاجه..
-فعلا عندَك حق..
عايز حاجه ي انس انتَ وحور..
-رايحه فين ي ميث؟؟..
-همشيى ي حبيبى ماليش مكان ف البيت ف لازم امشي..
-مث هتيجى تانى؟
-لا ي حبيبى مش هينفع اجى..
يلا سلاام
مشيت وانا قلبى واجعنى، مش ع نفسي لا ع انس وحور ازاى ده يكون باباهم اصلا..
استنيت تاكسي وركبت وبعد دقايق وصلت..
طلعت خبطت وليد اللى فتحلى..
يوووه مش وقتكك خااالص..
-اتأخرتى ليه كده ي هاانم..
-وانتَ مالَك؟.. حاجه ماتخصكش
-لا تخصنى ونص عشان انتِ هتبقى مراتى
-ده عند ام لطفى عاارفهاا.. وسع من وشيي كده عيل رخمم
دخلت لاقيت ناس قاعدين وف وسطهم شيخ او مش عارفه بس راجل عنده دقن ماسك نوته ف ايده او مش عارفه ده كشكول ولا ايه..
-مين دول ي ماما؟..
-هااا..
-هااا اييه ي مااما مين دوول؟....
-انا هقولِك مين دول ي حبيبتى..
ده المأذون ودول الشهود..
-مأذون اييهه؟ وشهود ايييه...؟
ماتتكلمى ي مامااا
-والله ي بنتى احنا لاقيناه جايبهم وماحدش عرف يعمل ايه..
-يلا ي حبيبتى ادخلى غيرى هدومك وتعالى عشان نكتب كتابنا...
-ده ع جثتى ي وليد..
وفجأه قاطعنى صوت رنه تليفونى..
-الوو..
-الووو ي وعدد انس تعبان واتحجز ف المستشفى وعايز يشوفِك..
-طب اهدى ي استاذ زين وقولى مستشفى اييه؟..
-مستشفى ****** تعالى بسررعه..
-حاااضر
قفلت ونزلت بسرعه حتى ماقولتش لحد انا رايحه فين سيبتهم ف صدمتهم ونزلت، ركبت تاكسي وقولتله يوصلنى ع العنوان..
-بسررعههه لووو سمحتتت
شويه ووصلت دخلت بسررعه وانا بجرىى،
روحت لموظفه الاستقبال..
-لو سمحتى فى طفل عنده 6 سنين لسه جاي من شويه فين اوضته..
-الاوضه رقم 5..
-تمام شكرااا..
طلعت اجرى لحد ماوصلت شوفت زين قاعد قدام الاوضه وع وشه علامات الحزن..
-استاذ زين فين انس؟..
-الحمدلله انك جيتى، ادخليله جواا بسرعه..
دخلت لاقيت انس متعلقله محاليل قلبى وجعنى عليه..
-مالَك ي انوستى؟... مالَك ي حبيبى
-ميث وعد انتِ جيتى...
-اه ي حبيبى، يلا خف بسرعه بقى عشان اعملك التورطه اللى بتحبهاا..
-يعنى مث هتثيبينى تاانى؟..
-لا ي حبيبى مش هسيبك متخافش
حضنته وعينى دمعت مش قادره استحمل انه تعبان ومتعلقله محاليل وهو لسه طفل..
-انس ي حبيبى انتَ كويس..
-.........
-رد ع بابا ي انس..
-لا ي ميث هو وحث ومث بيحبنى وزعقلك وخلاكى مثيتى وثبتينى..
-لا ي حبيبى هو حلو ماتقولش كده تانى هو بيحبك وبيشتغل عشان يجبلك اللى نفسك فيه ومتخافش ي عم انا مازعلتش وادينى قاعده معاك اهوو..
-بث هو مث بيحبك وعايزك تمثى..
بصيت لزين شويه.. ورديتت...
-متخافش ي حبيبى مش همشي..
نام انتَ وارتاح عشان تخف بسرعه ونروح ناكل التورطه..
-لا مث هنام عثان انتِ هتسيبينى وتمثي..
-لا ي حبيبى متخافش مش هسيبك انا قاعده جمبك اهوو..
ماثى..
نام وانا قومت من جمبه براحه وطلعت برا..
شوفت زين قاعد وحاطت وشه بين ايده الاتنين..
قعدت جمبه...
-هو ايه اللى حصل خلاه يوصل لكده...
-انس لما بيزعل بتجيله تشنجات بس المره دى جات شديده ومانخيره نزفت..
اتصدمت لييه طفل يحصل معاااه كددههه
قعدت اواسي زين وانا محتاجه اللى يواسينى..
وقطع اللحظه دىى هوو..
-انتتت ايييه اللى جاابك هنااا؟...
-جاى اخد مراتى......
يَتبع...
____________________________
بارت 3
-جاى اخد مرااتى...
-مراااتكك مين؟....
-الاستاذه اللى جمبك دى مراتى..
-لا ماتصدقهوش ده بيكدب..
امشي ي ولييد مش وقته..
-مش همشي غير وانتِ معايا..
-مش وقته ي وليد دلوقتي امشي..
-قولتلِك مش ماشى غير وانتِ معاايا..
مسِك ايدى ولسه هيشدنى..
-انتَ ازااى تتجرأ وتمسِك ايدهاااا؟...
-انتَ مين انتَ عشان تدَّخل؟!....
زين شد ايدى منه وفجأه لاقيت وليد وقع على الارض من اثر ضربة زين..
-انتَ عملتت ايييه؟...
انتَ ازاااى تضربه كدده؟..
-عشان مايتجرأش ويلمس حاجه مش بتاعته..
-ازاااى؟...
-احمم.. مش مهم...
-ميث وعد..
-ايه ي حبيبى ايه اللى قومك.. لييه طلعتت..
-انا افتكرتك مثيتى..
-لا ي حبيبى انا قولتلك مش همشي، تعالى ندخل جوا يلاا..
شيلته ونيمته ع السرير وقعدت جمبه، بعد شويه لاقيت زين دخَل..
-مين ده؟.. وعايز منِك اييه؟..
-احمم.. ده ابن عمى وعايز يتجوزنى بالعافيه بس انا مش عايزاه ومش بحبه..
-امم تمام...
-بعد اذنَك لازم اروَّح..
-اتفضَلى..
-انتِ هتمثى..
-هجيلك تانى خف انت بسرعه وانا هجيلك كل يوم..
-ماثى..
سيبتهم ومشيت طلعت من المستشفى وركبت تاكسي وصلنى للبيت طلعت خبطت ع الباب ماما فتحتلى..
-هو ايه اللي حصل ي وعد وماله وليد..؟..
-انا تعبانه ي ماماا وعايزه ارتاح، عن اذنِك..
-استنى هنا انا بكلمك.. اييه اللى حصل؟.. ومين اللى عمل ف وليد كده؟..
-اسأليه ي ماماا ايه اللى حصل وهو هيقولِك..
-ماتتكلمواااا.. هنتحايل عليكواا كتييرر
-الهانم جيبالى واحد يضربنى.. والله لاوريكى ي وعد..
-مكانش هيضربَك غير لما انتَ اتعديت حدودك..
-انا مش فاهم حاجه هتفضلوا تتكلموا بالالغاز..
-البيه ي بابا جالى المستشفى بيقول انه جاى ياخدنى ع اساس مراته..
-مستشفى ايه؟.. وكنتى بتعملى ايه ف المستشفى..
-انس تعب ي بابا وروحتله، والبيه جالى هناك وكان عايز ياخدنى بالعافيه ومسك ايدى جامد، وزين والد انس ضربه، انا ماكنتش جايبه حد يضربه بس هو اتعدى حدوده..
-انتَ عملت كده ي وليد؟...
-اه ي بابا عملت كده..
وفجأه لاقيت صوت كف نزل ع وش وليد من عمى..
-انتَ بتضربنى ي بابا؟؟؟..
-اضربك واكسر رقبتك كمان..
-ليه ي بابا انا عملت اييه؟...
-وكمان ليك عين تتكلم؟.. هو انا ربيتك ع كده؟..
من امتى بنغصب حد ع حاجه..
-بس ي باب...
-ششش ماسمعش صوتك...
احنا أسفين ي بنتى ع الحصل وانا هاخده ونمشي دلوقتي.. عن اذنُكم..
-مافيش حاجه ي عمى حصل خير..
-خليك ي محمد كمل اليوم معانا..
-ماينفعش ي على كفايا اللى حصلكم بسببنا.. عن اذنُكم..
مشيوا وبابا نزل معاهم يوصلهم وانا دخلت اوضتى وقفلت ع نفسي..
اترميت ع السرير، من التعب نمت وماحستش بنفسي..
«««««««««««««««««««««««««««««««««««««««««««««««««««««««««««««««
تانى يوم، صحيت صليت، وكلت، ونزلت روحت المدرسه مكانش عندى شغف لاى حاجه...
دخلت الفصل اشرح، وكان اليوم ممل من غير انس وحور خلصت شغلى بإرهاق...
نزلت ركبت تاكسي بس ماروحتش ع البيت روحت لأنس...
-ميييث وعدد انتِ جيتى؟...
-اه ي واحشنى اوووى عامل ايه؟...
-كويث..
-فين حور؟
-مع بابا راحوا يجيبوا حاجات ليا من براا...
-اممم وانتَ قاعد لوحدَك ف المستشفى...
-اه عادى بابا قال ان الرجاله مث بتخاف وانا راجل ي ميث اهو ومث خاايف..
-ي كووتى ع الراجل الصغنون ده...
-انا ثطوور ي ميث صحح؟...
-شطووور اوووى ي روحى...
-بابا جه...
-حووور عامله اييه؟..
-الحمدلله ي ميس وحثتينى اووووى...
-وانتِ وحشتيني اووى اووى قد البحر...
-بجددد قد البحرر؟..
-اه ي حبيبتى..
-انا زعلان منك ي ميث...
-ليه ي أنس؟...
-عثان انتِ قولتى لحور انها وحثتك قد البحر وانا لا...
ضحكت ع قمصه وقعدت احايل فيه ده انس بيه ماينفعش يزعلل..
-لا ي روحى وانتَ وحشتنى قد البحر وسمكاته..
-هييييههه... اكتررر منككك..
قعد يغيظ حور وانا قعدت اهزر معااهم واستأذنت وروحت..
ركبت تاكسي وبعد دقايق روحت البيت...
طلعت خبطت ماما فتحتلى..
-ادخلى ي وعد سلمى ع الضيوف...
-ضيوف ايه ي ماما.. انا عايزه ارتاح..
-ادخلى سلمى ع الضيوف ي وعد..
-طيب حاضر، ضيوف مين بقى ولا هسلم عليهم وانا مش عارفه هما مين...
-ده عريس متقدملك وجايب اهله ومستنيينك من بدرى ادخلى سلمى عليهم..
-برضو ي ماما انتوا مصممين؟....
-ي بنتى انا عايزه افرح بيكى...
-ي ماما انا مرتاحه كده ومبسوطه مش عايزه ادخل ف دايرة الجواز والمسئوليات دلوقتي..
-طب ادخلى سلمى عليهم وانا هبقى اقول لباباكى..
-حااضر ي ماااماا..
دخلت سلمت عليهم..
كان شاب ف العشرينات، مش طويل اووى، بس حلو مقبول، شعره طويل واسود، وهو ابيض،
مالحقتش ادقق اووى ف ملامحه عشان قعدت وبصيت ف الارض
(قال عامله نفسي مكسوفه قال هيهيهييي،ده هبل عاادى ي عزيزى القارئ)
ندخل ف موضوعنا..
قعدت وكنت عامله مكسوفه.... لاقيت ام العريس بتتكلم..
-ماشاء الله قمر اووى، ومحترمه..
انتى بتدرسي ي وعد؟...
-انا خلصت دراسه من زمان كنت بدرس تجارة انجلش، ودخلت معهد سنتين واتخرجت السنه دى الحمدلله، واشتغلت ف مدرسه ابتدائى عشان بحب الاطفال...
-اااه ماشاء الله...
هو انتِ هتكملى شغل بقى بعد الجواز؟...
-اه ان شاء الله، يعنى انا مش بتعبره شغل يعتبر برفهه عن نفسي مع الاطفال..
-ااه، بس احنا ي حبيبتى معندناش بنات تشتغل..
-ازاى يعنى؟..
-زى ماسمعتى، صح ي صلاح؟..
-اه ي ماما صح.. معلش ي عمى بس انا مراتى ماينفعش تشتغل..
كنت هتشل كنت عايزه اقوم امسكهم الاتنين اخبطهم ف بعض، وايه صلااح ده، ده عيلل ماشي ورا امه..
نرجع ل موضوعنا،
بابا رد عليه..
-ليه ي بنى؟...
-انا راجل برضو ي عمى..
-ااه راجل... معلش ي طنط لامؤاخذه ف الكلمه بس ابنك عيل مش راجل وماشي وراكى.. وانا مش موافقه.. وسيبتهم ودخلت جوااا...
ايه الناس الملزقه دى..
بعد شويه لاقيت بابا بيخبط..
-ادخل..
-ايه اللى انتِ عملتيه مع الناس ده؟...
-ناس ايه ي بابا دى ناس ملزقه وانا ماكنتش موافقه من الاول اصلا...
-امممم لاقيتى حاجه تتلككى عليها عشان ترفضي.. بنتى وانا عارفها..
-اشطااا عليكككك ي حجووج، بتفهمها وهى طايره...
-اُمااال يختى فكرانى اهبل يعنى..
-لا لسمح الله ماحدش يقدر يقول كده، ده انتَ عسسل ي عسسل انتتَ...
-اسكتى ي بت احسن امك تسمعنا..
-ايه ده ي حج انتَ بتخااف؟...
-دى امك ي بت لازم نخاف منهاا..
-بتقول ايه ي على؟...
-ولا حاجه ي حبيبتى بقول انك اجمل واحده ف العالم..
-اه بحسبب...
قعدنا نضحك وشويه وماما جهزت الاكل، كلت ودخلت نمت..
««««««««««««««««««««««««««««««««««««««««««««««««««««««««««««««
صحيت تانى يوم كان يوم الجمعه، صليت وقعدت اقرأ قرآن لحد ما ماما تجهز الفطار...
بعد شويه ماما ندهت علياا.. قفلت المصحف وصدقت..
-يلااا ي وعد الاكل جهز...
-حاضر ي ماما جايه..
-طلعت قعدت معاهم وكلت وقعدنا نهزر زى عادتناا.. الحقيقه بحب القعده دىى اووى وياارب ماتنقطع ابدااً...
خلصنا اكل وشيات الاطباق...
ودخلت اعمل شاى لينا..
عملت الشاى وطلعت وقعدنا نشربه...
-الا قوليلى ي وعد انس عامل ايه؟...
-والله ي بابا انا بحاول اطلعه من المود بحسه بيبقى مبسوط معايا وانا ببقى فرحانه اووى...
-ربنا يجازيكى خير ي بنتى.. هتروحيله النهارده؟..
-تسلملى ي بابا.. اه هروح اشوفه..
-تمام ي حبيبتى، هتروحى امتى؟
-يعنى شويه كده عشان اقعد معاهم شويه..
-ماشي ي بنتى ربنا يوفقك...
-حبيبى حبيبى..
-اسكتى ي بتت..
-حااضر ي سعاد سكت اهوو..
قعدنا نضحك وخلصنا الشاى، وقولتلهم انى رايحه لأنس..
دخلت لبست دريس ازرق وطرحه بيضه وكوتش ابيض...
وبصيت لنفسي ف المراايه، والله ي قمر ي نااس..
نزلت ركبت وروحت البيت عشان هو طلع من المستشفى النهارده...
دخلت وكانوا قاعدين برا ف الجنينه وزين قاعد معاهم...
-بخخخ...
-اععع مييس وعدد...
-عاملين ايييه ي كتااكييت؟...
-الحمدلله وحثتينى اووى ي ميث...
-وانتَ كمان وحشتنى اووى اووى قد البحر وسمكاته...
-بجدد ي ميث..
-بجد ي قلب الميث...
-انا بحبك اووى..
-وانا بمووت فييكك...
حضنته وبوسته من خده، وقعدنا نهزر بس انس قالى حاجه صدمتنى....
-ميث وعد...
-نعم ي حبيبى..
-ممكن تكوونى ماما؟...
___________________________________________________
يَتبع....
البارت 4
-ممكن تكوونى مامااا؟؟!...
-اي.. اييه انتَ بتقول ايه ي انس؟؟...
-عايزك تكونى ماما عثان انا بحبك اووى..
-ي حبيبى ماينفعش..
-ليه؟ انتِ حلوه صح ي حور؟..
-اه ي ميس خليكى ماما...
-طيب ممكن تقولولى ماما عادى..
-هتعيثى معانا؟....
-ماينفعش ي حبيبى..
لاقيته زعل وجرى ع اوضته...
-ي انس راايح فييين؟...
بصيت لزين وانا مش عارفه اعمل ايه...
روحت لأوضته قعدت اخبط ماحدش بيرد...
-ي انس ي حبيبى افتح...
طب افتح ونتكلم...
ي انس...
باباه خبط برضو مافيش رد..
-اكسر الباب ي زيين بسرعه...
زين كسر الباب ودخلنا لاقيناه واقع ف الارض...
-انسسس....
قووم ي انس، شيله وديه المستشفى ي زين بسرعه..
شاله ونزلنا ركبنا العربيه..
زين ساق وبعد دقايق وصلنا بسبب السرعه اللى زين كان ماشي بيها..
-دكتووور بسرعهههه...
-دكتوووور....
-اهدى ي استاذ انت ف مستشفى، ماينفعش كده وطى صوتك...
-ابنىىى بيمووت وبتقولى اوطى صوتى...
-اهدى ي زين،هااتوا دكتور..
الدكتور جه..، وشاف انس
-اهدوا ي جماعه مافيش حاجه دخلوه الاوضه...
دخلوه الاوضه واحنا استنينا براا..
زين كان منهار.. وانا كمان بس لازم اتماسك عشان حور..
-اهدى ي زين ان شاء الله هيكون كويس...
-انا مش عايز يجراله حاجه كفايه امه..
-ان شاء الله مش هيجراله حاجه...
قعدنا شويه وانا قعدت ادعيله واقرأ قرأن، وبعد نص ساعه الدكتور خرج...
جرينا عليه..
-دكتوور انس كويس صحح؟...
-ماتقلقش ي استاذ زين انس كويس مافيهوش حاجه..
-اُمال ليه حصل كده؟...
-ده اكيد يحصل لما يزعل، لكن النزيف اللى كان ف مناخيره كان قوى، ده غير ان عنده انهيار، بس هو كويس ماتقلقوش...
-نقدر ندخله؟...
-اه اتفضلوا...
دخلنا كان نايم ومتعلقله محاليل وبجد حاجه توجع القلب...
زين قعد جمبه وانا فضلت واقفه مصدومه...
اللى حصله ده بسببى انا اللى رفضت...
انا اللى خليته يوصل للحاله دى...
انا وحشه للدرجه دى...
طلعنى من شرودى زين....
-وعد...
-هااا نعمم...
-سرحانه ف ايه بكلمك من بدرى..
-لالا مافيش..
-طيب بطلى عياط هو هيكون كويس والدكتور طمننا..
-مش قادره مش قادره والله..
مش قادره اتخيله وهو كده..
ياريتنى انا مكانه، انا السبب ف كل اللى حصله...
-لا مش انتِ السبب.. ماتقوليش كده واهدى..
-انا عايزه اروح ممكن؟؟..
-بس انس هيسأل عليكى...
-مش قادره اتحمل اشوفه كده، اسفه هاجى لما يفوق..
-تمام تعالى اوصلك..
-لا خليك جمبه اوعى تسيبه.. انا هروح لوحدى، وخلى بالك من حور..
-تمام..
-مشيت وانا قلبى واجعنى بجد مش قادره...
مش قادره اتخيل انه حصله كده بسببى...
ركبت تاكسي وروحت، طلعت خبط ماما فتحتلى..
-انتِ جيتى ي حبيبت....
مالك ي وعد، بتعيطى لييه؟...
اترميت ف حضنها، وقعدت اعيط،
-ماالك ي بنتى ف اييه؟...
-انس ي ماما...
-مااله؟..
-ف المستشفى بسببى...
-بسببك ازاى؟... اهدى وفهمينى فى ايه؟..
-انس طلب منى انى اكون مامته، بس انا قولتله ماينفعش، زعل واغمى عليه ومناخيره نزفت، جرينا بيه ع المستشفى الدكتور قال انه عنده انهيار...
-ي حبيبى يبنى.. طب هتعملى ايه؟..
-هوافق ي ماما مش هستحمل يحصله كده تانى..
-طب وابوكى؟...
-حاولى تقنعيه ي ماما..
-هتتجوزى واحد متجوز ومخلف ي وعد؟..
ده انتِ كنتى بترفضى احسن رجاله..
هتتجوزى ده؟...
-اه ي ماما فيها ايه؟..
-مافيهاش براحتك ي بنتى...
-طيب ماما انا هدخل اغير عقبال ما تقنعى بابا عشان اروحله...
-طيب امرى لله...
دخلت غيرت وقعدت اعيط، مش عشان هتجوز من واحد متجوز ومخلف لا عشان انس...
اكتر حاجه واجعه قلبى ان بيحصله كده وكمان حصل كده بسببى...
فجأه الباب اتفتح جامد...
-فى ايه ي بابا... براحه
-براحه ايه انتِ فعلا عايزه تتجوزى من واحد متجوز ومخلف؟؟...
-اه ي بابا فيها ايه؟؟....
-وانا مش موافق...
-ي بابا بس....
-مابسش انا قولت قرارى ومش هرجع فيه...
-ي بابااا...
لاقيته سابنى وخرج..
-ي ماما حاولى تقنعيه..
-والله ي بنتى اتكلمت معاه كتير بس هو مصمم..
-طيب ممكن اروحله اطمن عليه؟...
-روحى ي بنتى ربنا معاكى...
نزلت وانا مش قادره افتح عينى من العياط..
ركبت وروحت المستشفى..
وطلعت ع اوضه انس..
دخلت لاقيتهم قاعدين، وانس فاق الحمدلله..
-انس انتَ كويس..
-مث تكلمينى تانى، انا زعلان منك...
-ليه بس ي انس؟.. ده انا بحبك..
-عثان انتِ مث راضيه تكونى ماما، وزعلتينى..
-طب انا اسفه...
-.....
قعدت اعيط..لاقيته طبطب ع ايدى...
-خلاص ماتعيطيث...
-يعنى انتَ مث زعلان..
-اه..
-هات بوسه طيب..
امووااهه
قعدت معاه شويه وقعدت اهزر معاه...
-هتكونى ماما صح؟...
-انس خلاص احنا قفلنا الموضوع ده..
كان لسه هيزعل..
-لالا ي زين انا موافقه...
-ايي.. اييه بجد انتِ موافقه؟...
-اه، فيه مشكله ولا انت مش عايز؟..
-لالا مافيش حاجه...
-هيييهههه...
قالوها انس وحور ف صوت واحد...
فرحت ان انس فرح...
-طيب عن اذنَك بقى عشان اتأخرت..
-اتفضلى...
مشيت، كنت بفكر ازاى اقنع بابا، ركبت وطول الطريق بحاول ادور ع طريقه اقنع بيها بابا...
بعد شويه وصلت، طلعت خبطت، ماما فتحتلى..
-ها ي بنتى الولد كويس؟...
-اه ي ماما الحمدلله، بس انا قولت لباباه انى موافقه...
-اه ما انا موت خلاص بتتصرفى من دماغك....
-ي بابا الواد تعبان...
-بلا بابا بلا بتاع طلاما بتتصرفى من دماغك وبتاخدى القرار من دماغك...
مافيش طلوع برا بعد كده ولا لشغل ولا حتى عشان تشوفيه...
-ماينفعش ي بابا.. انتَ من امتى كده؟..
-من النهارده...
لاقيته زقنى ف الاوضه واخد منى الفون، وقفل الباب عليا...
وسمعته وهو بيكلم ماما...
-هتفتحيلها عشان الاكل بس، ولو عرفت انها خرجت من ورايا هيبقى فيها طلاقك...
-بس ي على ماينفعش..
-انا قولت اللى عندى...
سابها ومشى..
وانا قعدت ع السرير، وفضلت اعيط..
عدى اسبوع من بعد اللى حصل، وانا لسه محبوسه، ومانعه الاكل..
««««««««««««««««««««««««««««««««««
عند زين...
عدى اسبوع ومش عارف اوصلها، وبرن عليها فونها مقفول..
ي ترى حصلها اييه؟...
-بابا هى ميث وعد مث هتيجى...
-هتيجى ي حبيبى بس هى تعبانه شويه..
والنبى ي داده خدى بالك منهم، انا هروح مشوار وجاى..
نزلت وركبت عربيتى.. وروحت للمدرسه اللى هى بتشتغل فيها... سألت سهى صاحبتها..
قالتلى انها ماجتش بقالها اسبوع،
قلقت اكيد حصلها حاجه..
عرفت منهم عنوان بيتها..
ركبت وروحت بيتها..
طلعت الدور اللى قالتلى عليه سهى، وخبطت..
ست كبيره هى اللى فتحت تقريبا مامتها..
-السلام عليكم، مش ده بيت الانسه وعد على؟..
-اه مين حضرتَك؟..
-انا زين والد انس..
-اه اتفضل..
-هى فين الانسه وعد مش باينه؟...
-اصل..
-اصل اييه؟..
-باباها حابسها...
-ليييه؟..
-عشان... يعنى.. عشان وافقت تتجوزك وهو مش موافق...
-مين ده ي سعاد؟...
-ده والد انس..
-اه انت البيه اللى بنتى وافقت عليك...
-اه انا..
-وجاى لييه؟..
-جاى اطلب ايد وعد من حضرتَك...
-وانا مش موافق...
«««««««««««««««««««««««««««««««««««««««««««««««««««««
عند وعد....
سمعت صوت عالى برا...
حاولت اسمع صوت مين...
ده هووو...
اه هوو زين...
جاى ليه ده؟..
حاولت افتح الباب عشان اشوف ايه اللى بيحصل..
كان الباب مفتوح، تقريبا ماما نسيت تقفله...
فتحته وخرجت..
-استاذ زين.. حضرتَك بتعمل ايه؟...
-جاى اطلب ايدك...
-انتِ ازاااى خرجتى؟...
وكان لسه هيقرب عشان يضربنى لاقيت زين مسك ايده...
-اهدى ي عمى مش كده..
-اوعى ايدك ي بنى ادم انتَ..
-ي عمى انتَ رافض ليه؟..
-ازاى عايزنى اوافق وانت راجل متجوز مخلف وبنتى لسه مدخلتش دنيا...
-ي عمى ده جواز صورى عشان انس ابنى..
-انا قولت قرارى ومش هرجع فيهه...
-بس انااا مواافقه......
يَتبع...
_____________________________________
البارت 5
-بس انا موافقه...
-انتِ بتعصينى ي وعد؟!
وبتصغرينى قدامه؟؟!....
-العفو ي بابا بس انا موافقه...
-وانا قولت مش موافق
-ي بابا الواد تعبان
-وانا مالى...
هو ينقذ ابنه ويورطك انتِ؟....
-ي بابا توريط ايه بس كده مش هتورط ولا حاجه
-لا هتتورطى رايحه توافقى ع واحد متجوز ومخلف اتنين....
-ي بابا والله هيبقى جواز صورى...
وبعد تلات شهور او اربعه هنطلق..
صح ي زين؟...
-ايوه ي عمى لحد ما انس يتحسن بس...
-........
-ماالك ي باباااا؟....
لاقيته قعد ع الكرسي، وعينه دمعت...
-بتعيط لييه؟..
ي بابااا..
-عشان انتِ اول فرحتى مش عارف ازاى هضحى بيكى كده؟...
-والله ي بابا مش تضحيه، صدقنى انا راضيه..
انا هعمل خير...
مش انتَ كنت بتقولى لو ف ايدك تنقذى شخص ماتتردديش لحظه....
طب اهو انا ف ايدى انقذ انس وانتَ مش موافق...
-قلبى واجعنى عليكى ي بنتى...
-لا ي حبيبى متخافش عليا وبعدين استاذ زين كويس....
بطل عياط بقى...
-يعنى اطمن؟...
-اه ي حبيبى اطمن...
لاقيته خدنى ف حضنه وفضل يعيط..
-انا اسف ي بنتى انى عملت فيكى كده..
-لا ي حبيبى انا مش زعلانه، ماحدش بيزعل من روحه، وانتَ روحي ي حج...
-انتِ بتثبتينى صح؟...
-الصراحه اه...
يالاااهوىى الحقنى ي حج سعاد جايه
-بتقولى ايه ي بت انتِ؟....
-هااا ولا حاجه ي سعاااد...
ده انتِ قمر...
-اه بحسب،
قومى ي بت من حضن جوزى انتِ ماصدقتى...
-اهو ي سعاد قومت....
-جدعه يختى...
-ها ي عمى موافق....
-اه ي بنى موافق وامرى لله....
-زغرطى ي سعااااد...
-لولولولولولللييييححح...
-ايه ي سعاد بقولك زغرطى تقوليلى ليح...
-اسكتى انتِ ي بت هما بيزغرطوا كده انتِ ايش عرفِك؟...
-هما مين ي سعاد؟...
-الستات ي بت..
-اااه طيب طيب...
قعدنا نضحك ونهزر، وزين كان مستغربنا كان باين ع وشه ههههه بس عاادى خليه يتجنن زي بقى وخلاص هههه...
زين كلم المأذون، وبعد نص ساعه وصل هو والشهود...
-انتِ موافقه ي بنتى؟....
-اه ي مولانه موافقه...
-انتَ موافق ي بنى؟....
-موافق ي مولانه، اتكل ع الله...
بعد دقايق سمعت الجمله المشهوره...
-(بارك الله لكما، وبارك عليكما، وجمع بينكما فى خير)
حسيت بنغزه ف قلبى بعد ما المأذون قال جملته..
بس حاولت مافكرش ف حاجه وافرح...
-ارقعيلك زغروطه ي سعاااد...
-لولولولولولولولللليييي...
بابا قام حضنى وعينه دمعت...
-خلاص بقى ي حج احنا اتفقنا...
-ماكنتش متخيل انك هتبعدى عنى بالسرعه دى..
-منا جمبك اهو ي حج الله...
-بس طولة لسان بقى...
-حبيبى حبيبى...
-خدى بالك من نفسك ي بنتى...
-حاضر ي بابا...
-خلى بالك منها ي زين ي بنى...
-ف عنيا ي عمى...
عن اذنكم..
خدنى ونزلنا وركبنا عربيته، كنت ساكته...
اصل هقول ايه؟...
قلبى مقبوض بس حاولت اتعامل ماينفعش اتراجع...
-سرحانه ف ايه؟...
-ها ولا حاجه...
-انس سأل عليكى وكان بيعيط عشان يكلمك....
-حصله حاجه تانى؟....
-لا متخافيش هو كويس..
انا كنت بقوله انك تعبانه..
-الحمدلله...
-انتِ بجد بتحبيهم ولا بتعملى كده وخلاص؟...
-هو ايه السؤال الغبى ده؟...
-ايييه؟؟!....
-هاا... لالا ولا حاجه...
يعنى حضرتك انا حاربت اهلى عشان اتجوزك لو ماكنتش بحبهم ماكنتش عملت كده...
-ليه انتِ بالذات اللى عملتى كده؟..
-حكمه ربنا بقى،
وبعدين انا بحب الاطفال..
-خايف تكونى عملتى كده شفقه ع انس...
-لا عمرى ما اعمل كده شفقه..
انا فعلا زعلانه عشانه وبتمنى انه يتعافى بس عمرى ما اتعامل معاه ع اساس شفقه...
-تمام، اتفضلى وصلنا...
نزلنا ودخلنا البيت..
انس وحور استقبلوناا..
-ميييث وعددد
جرى عليا وحضنى...
-انا افتكرتك مثيتى ومش هتيجى تانى..
-لا ي حبيبى مقدرش امشي واسيبك...
-ما انتِ هتمثى تانى...
-لا هعيش معاك ع طول...
-بجدددد؟....
-اه ي حبيبى...
-هييييهههه... هيييههه
قعد يتنطط وانا مبسوطه انه بقى فرحان...
شيلته ودخلنا جوا وزين شال حور...
-انتِ هتبقى ماما صح ي ميس..
-اه ي حور عايزين تقولولى ماما قولوا هكون مبسوطه...
ولو مش عايزين قولولى وعد..
احنا هنكون اصحااب..
-هيييهه مااثى
-ايه ده انس نام..
-طيب انا هروح انيمه ف اوضته...
-تمام..
روحت انيمه ف اوضته مسك ايدى..
ف نمت جمبه وقعدت اطبطب عليه...
حضنى ونام...
زين خبط ودخل عشان ينيم حور...
-انتِ ليه نايمه هنا؟...
-هااا...
-مش قصدى، قصدى يعنى اوضتك فوق...
-انس مش راضى يسيبنى ف هنام معاه هنا..
محتاج حاجه احضرلهالك؟...
-لالا ارتاحى..
تصبحى ع خير...
-وانتَ من اهل الخير...
خرج وانا نمت جمب انس...
تانى يوم..
صحيت، مالقتش انس وحور جمبى..
طلعت برا مالقتش حدد...
-ايه ده راحوا فيين؟...
خرجت الجنينه لاقتهم قاعدين...
-انتوا هناا وانا عماله ادور عليكم...
-مارضيناش نصحيكى...
-اممم حبيبى حبيبى...
-اييه؟...
-احم.. ولا حاجه..
كلتوا؟..
-تؤ لثه...
-عايزين تاكلوا اييه؟...
-اعملينا حاجه ع زوقك...
-امممم، ايه رأيكم نفطر ب جبنه وبيض ولبن...
واعملكم مكرونه بشاميل ع الغداء....
-هيييهههه
-هييييهه
قالوها انس وحور....
-بتعرفى تعمليها؟...
-اه طبعاا..
-طيب اما نشوف..
-عيب عليييك...
-طيب طيب... هنشوف...
-يلا نفطر عشان جعانه اووى...
-اه يلا واحنا كمان جعانين
-طب يلاا بسرعه وجريت وهما جروا ورايا...
-مخلف اتنين مجانين وهى اجن منهم...
-يلاااا ي باباااا...
-حاضر جاااى...
قعدنا ناكل، وكنت عماله اهزر معاهم...
خلصنا اكل وماما رنت..
-الوو ي ماما عامله ايه ي حبيبتى وبابا عامل ايه؟...
-بخير ي حبيبتى انتوا عاملين ايه وانس وحور كويسين؟...
-اه ي ماما كويسين الحمد لله..
-مين ي ماما وعد..
-دى تيته ي حبيبى، تاخد تكلمها؟..
-ماثى..
-خدى انس معاكى ي ماما..
-الو ي تيته..
-ايه ي حبيبى عامل ايه؟...
-كويث انتِ عامله ايه؟..
-بخير ي حبيبى..
حور عامله ايه؟
-كويثه
-يارب دايما تكونوا كويسين ي حبيبى...
ادينى ماما وعد..
-حاضر..
ماماااا وعدددد...
-نعم ي انوسه..
-خدى تيته..
-الو ي ماما..
-ايه ي حبيبتى...
-بابا عامل ايه؟..
-كويس اهو...
-يارب ديما...
-المهم انتِ جوزك عامل معاكى ايه؟؟
-كويس
-تمام ي حبيبتى انا مبسوطه انى اطمنت عليكى..
-ابقى سلميلى ع بابا..
-حاضر،
يلا سلام بقى عشان جوزك
-سلام ي حبيبتى..
-باباكى كويس؟؟
-اه الحمدلله..
-امم طيب انا هروح الشغل..
-ممكن تقعد النهارده من الشغل؟؟
-مش هينفع
-احم تمام..
مشي وانا روحت قعدت مع انس وحور ف الجنينه وقعدنا نهزر ونضحك واتمرجحت معاهم عادتشيي انا طفله هههه
الوقت عدى ومعاد الغداء جه..
دخلت اعملهم مكرونه بشاميل زى ما وعدتهم..
انس وحور ساعدونى..
كنا مبسوطين اوووى بصراحه انا مبسوطه اكتر منهم...
خلصنا المكرونه..
-هييييههه خلصنااااا...
-هيييهههه
-هيييهههه
قعدت اتنطط انا وهما،
وفجأه لقينا زين قدامنا...
يخربيتك بتيجى ف وقت مش مناااسب خاالص...
-بتعملوا اييه؟..
-احم كنت بعمل مكرونه..
-طيب انا جعان...
-هحط الاكل اهو استنونى ع السفره..
-ماما وعد
-نعم ي قلب ماما..
-هاتى بوثه...
-اموواااهححح..
عسسللل...
-الله الله ي استاذ انس.. بتبوسها هى وانا لااا...
-وطى..
-اهو ي سيدى..
-امواااههحح..
-يلااا يلاااا خلصوا فقرة البوس دى عشان تاكلوا..
-يلااا ي انس لحسن ماما تجرى ورانااا
-يلااا يلااا..
حطيت الاكل وقعدنا ناكل ف جو اُسرى جميل حقيقى كنت مبسوطه..
وعدت الايام واحنا مبسوطين
حقيقى حاسه بتغيير زين، بقى يهزر معاهم ويضحك، بقى يجى من الشغل بدرى ويقعد معاهم، بقى مهتم بيهم...
حسيت بتحسن انس مبقاش يزعل، وبقى يضحك ويقعد معانا، بقى يلعب مع زمايله ومابقاش يقعد لوحده..
يارب يكون كده دايما..
يَتبع...
________________________________________
البارت 6
-بتحبنى؟؟!....
ازاااى؟؟؟..
-اه ي وعد بحبك، بس صدقينى مش عارف ازاى، احساس غريب مش عارف بحس بشعور حلو، اول ما بشوفك قلبى بيفضل يدق
انا اول مره قلبى يدق لحد بالطريقه دى!..
-ازاى ومراتك الاولى؟...
-ماكنتش بحبها جواز صالونات زى مابيقولوا، قعدت معاها سنه، واتوفت
بس ماكنتش بحس بأى احساس تجاهها...
-وشهد؟؟
-شهد دى كانت بتلف ورايا ف كل مكان اروحه ماكنتش عارف اخلص منها ف قولت فرصه ادينى بتسلى كلمتها فتره ولما اتجوزنا ماكلمتهاش تانى...
بس هى كانت لسه ورايا ف قولتلها نتقابل امبارح عشان انهى معاها الموضوع ولما اتأخرت عليها جاتلى وزعقت زى ماشوفتى، بس انا نهيتها معاها...
-انتَ كسرت قلبها، انتَ كسرت قلب انسان...
-ربنا يسامحنى بس فعلا ماكنتش عارف انا بعمل ايه بس انتِ جيتى فوقتينى...
فوقتينى من اللى كنت فيه..
انا فعلا بحبك..
معرفش امتى، وازاى، ولييه؟؟....
كل اللى اعرفه انى حبيتك...
عيونى دمعت، وفضلت اعيط..
-بتعيطى ليه دلوقتي؟؟...
-مش عارفه...
خدنى ف حضنه وفضل يطبطب عليا لحد ماهديت..
-مالك بقى؟؟..
-هااا... لالا مافيش كنت مخنوقه بس...
-اممم... متأكده؟؟
-ااه..
-تمام انا رايح مشوار وجاى...
-مش هتروح الشغل؟؟
-لا..
-تمام..
مشي وانا قعدت اتنطط كنت مبسوطه اوووى...
-اعععع طلع بيحبنى..
طلع بيحبنىىى..
مش مصدقه...
بس ازاى هقوله ان انا كمان بحبه...
امممم مش هقوله دلوقتي، اما يكون عندى الشجاعه انى اقول هقول...
روحت اشوف انس وحور كانوا قاعدين بيلعبوا...
-بتعملوا اييه ي قروود؟؟....
-ي ماما بقى...
-ايه ي قلب ماما؟...
-مث تقوليلنا قرود...
-اممم اقولكم ايه طيب؟؟
ما انتوا قرود..
-اممم لا قولى قطط...
-اممم اتفقنا ي قططى...
بتعملوا ايه بقى؟؟
-انس جابلك هديه..
-ايه ده بجددد؟؟
-اه ي ماما ثوفى كده...
-هات اشوف بسرررعه...
فتحت العلبه كان فيها خاتم رقيق جدداا بس باين عليه فضه...
-جبته منين ده ي انس؟؟
-ده كان ف اوضة ماما...
هو وحث؟؟...
-لا ي حبيبى مش وحش..
بس دى حاجة مامتك ماينفعش اخدها..
-بس انتِ ماما دلوقتي...
قاطع كلامنا دخول زين...
-بتتكلموا ف اييه؟؟
-انس جابلى هديه بس ماينفعش اقبلها...
-هديه ايه؟.
وليه ماينفعش تقبليها؟؟.
-جابلى ده....
-جبته منين ده ي انس؟؟
-من اوضة ماما..
-تمام ي حبيبى...
خديه ي وعد...
-لا مش هينفع ده بتاع مامته...
-هى مالبستهوش، انا كنت جايبه ليها هديه بس هو كان رخيص بالنسبالها...
انا كنت ع قدى ساعتها..
ف مارضتش تلبسه...
-بس هو تحفففه جداااا...
-البسيه هيليق عليكى...
-خد لبسهونى...
-اييه؟؟
-لبسنى الخاتم ي زين....
-حاضر، هاتى ايدك...
مسك ايدى ولبسنى الخاتم...
حسيت بشعوور غرريبب..
توتر..
فرحه..
خووف..
مش عارفه احدده...
وشي احمر، وقلبى فضل يدق جاامد..
-لايق عليكى اووى..
-تسلم...
-ي مامااااا...
-نعم ي حبيبى..
-انا اللى جبت الخاتم، انا المفروض البثهولك...
-ههههه ااه صح ي حبيبى نسيت..
خد لبسهوونى..
لبسنى الخاتم وفضل يتنطط..
-هيييه لبست الخاااتم لماماااا هيييههه...
قعدت اضحك عليه انا وزين..
-طب يلا بقى عشان ننام..
-لسه بدرى ي مامااا..
-تؤتؤ مش بدرى، يلاا..
-يوووه، حااضر...
دخلوا ناموا..
وانا طلعت اوضتى بس وقفنى صوت زين...
-وعد....
-نعم..
-ممكن تيجى معايا الاوضه ثانيه...
-لييه؟؟
-عادى ي وعد مش هعضك يعنى...
-طيب..
روحت معاه اوضته بس قبل ما يفتح الباب غمالى عنيا...
-بتعمل اييه؟....
-خليكى مغمضه عينك لحد ما اقولك فتحى...
-لييه؟؟..
-غمضى بس...
-طيب...
عدت دقايق ومافيش صوت...
-روحت فييين؟....
-.........
-زيين....
-فتحىى...
فتحت عينى لاقيت الاوضه مليانه شموع وورد احمر كتيرر...
-اييه ده؟....
ده عشااانى؟....
-اه...
-الله انااا بحببب الورد اوووى....
-عاارف...
قعدت اتنططط وانا فرحانه...
وهو كان واقف ومبتسم..
-انت ليه عملت كده؟...
-عشان بحب اشوفك مبسوطه....
-انتَ بقيت كده امتى؟؟...
-لما دخلتى حيااتى...
غيرتينى 180%
-ف الوقت القليل ده؟...
-ااه...
-عايزه اقولك ع حاجه...
-سامعك...
-انااا...
-انتِ اييه؟....
-انا بحبك...
-اخيراااا...
اخيرا قولتيهاا..
كنت خايف لاتكونى مش بتحبينى زى ماحبيتك...
-مش عارفه امتى ده حصل..
بس احساسي وقلبى بيقولولى انى بحبك...
لاقيته شالنى وقعد يلف بيااااا....
-براااحه ي زيين هقع...
-زييين....
-عيون زيين...
-نزلنى..
-تؤتؤ...
-نزلنى ي زين...
-اهو ي ستى...
-احمم.. اناا هروح انام بقى...
-تنامى فيين؟؟..
-ف اوضتى...
-لا انسييي...
«««««««««««««««««««««««««««««««««««««««««««««««««««««««««««««««
بعد خمس سنين...
خلفت جوورى... والحقيقه كانوا احلى خمس سنين ف حياتى..
كنت مبسوطه اوووى...
زين اتغيير خاالص...
بقى رومانسي زياده عن اللزوم وبيهتم بكل تفصيله....
بقى يقعد معانا كتييرر...
انس وحور كبروا...
اقدر اقول انى قدرت احقق المستحيل...
او مش مستحيل اووى يعنىى..
بس قدرت اخلق عيله سويه...
نرجع لقصتنا...
-ي جووورىىى تعاالى هناااا تعبتينىى...
-تؤتؤ...
-ي بنتى بقى حرام عليكىىى...
-بتزعقى ليه...
-شوف بنتك ي زين مش راضيه تاكل وتعبتنى...
-جورى حبيبتى مش راضيه تاكلى ليه؟...
-عثااان انااا مث بحب الاكل ده...
-لييه بس دى ماما بتعمله حلووو...
يلا ناكل انا وانتِ...
-ماثى...
-لا والله يعنى معااه تااكلىى وانا تفرهضينى كده ي بنت القرده انتِ...
زين قعد يضحك...
-انتَ بتضحك ي زيين؟....
-اقولك اييه يعنى انتِ مسخره انتِ وعياالك...
-طيب ي زين انا ماليش غير انس ف البيتت ده...
ي انسسسس.....
سيبته بيضحك وروحت اشوف انس فين...
لاقيته قاعد مع حور ف الجنينه..
انس دلوقتي بقى عنده 12 سنه...
-انوستى...
-قلب انوستكك..
-ي كوتى ي كووتى...
تعالى خدلى حقى من ابوك...
-عملك اييه؟...
-بيضحك عليااا عشان بزعق لجورى...
-هههه ي ماما ما انتِ اللى عامله عقلك بعقل جورى، دى عندها اربع سنين ي مااماااا...
-انت برضو ي انس؟؟....
-ههههه
-طيب ي انسسس...
هاااا...
دبدبت ف الارض وطلعت فوق وهما قعدوا يضحكوا عليااا...
الحقيقه انا مبسوطه ان ربنا رزقنى بعيله جميله كده وبيحبونى...
وانا بحبهمم..
عدت الاياامم والسنين...
انس كبر وبقى دكتور..
وحور مدرسه زيي...
وجورى بقى عندهااا 18 سنه...
واحب اقولكم انى حاامللل...
يختااااىىىى...
-رايح فين ي انس...
-رايح الشغل ي ماماا..
-تمام ي حبيبى ربنا معاااك...
-تسلميلى ي احلى ماماا..
مشي وانا قعدت اقرأ ف كتاابى المفضل...
-بتعملى ايه ي قلبى؟....
-اممم قاعده بقرأ...
-طب تعاالى معايا الاوضه....
-ليييه؟...
-تعالى متخافيش مش هعضك...
-طيببب...
روحت الاوضه وغمى عنيااا...
-فتحى...
-ايييه دههه وررردد...
-ااه..
-اناااا بحبببككك اوووى....
شالنى وفضل يلف بياااا....
-وانااا بموووت فيكى....
تَمت
__________________________________________________________
#روايات_واسكريبتات_مميزه
#اسماء_سعد
#وعد_زين
تعليقات
إرسال تعليق