رواية ليالي الغول اقتباس من الفصل الأخير بقلم لوجي احمد

رواية الاعمى (الجزء الثاني)الفصل السابع وعشرون والثامن وعشرون والتاسع وعشرون والثلاثون بقلم ليلةعادل

رواية الاعمى (الجزء الثاني)الفصل السابع وعشرون والثامن وعشرون والتاسع وعشرون والثلاثون بقلم ليلةعادل

_*~الجزء الثاني

~من

روايه الاعمى2

بقلمى ليلةعادل*~_✍️🌹❤️

الحلقه السابعه والعشرون

فيلا مروان واميره 12ص

بعد الانتهاء من الحفلة اثناء صعود اميرة ومروان على السلم يرن هاتف اميره كانت بجيب مروان

اميره : تليفونى ده

مروان : امسكى

اميره : الو ايه يا شهد تمام مالك

شهد : لو مروان جنيك متوضحيش

اميره : بتقولى ايه تنظر اميرة لمروان باتساع عينيها ينظر مروان لها بعينه فى ايه

اميره : تضحك .. يخربيتك هههههه ماشى بتقولي ايه مش سامعة استنى هاكلمك بره تنظر لمروان حبيبى هاطلع اتكلم برة مافيش شبكة

مروان : ماشى

تخرج اميرة للخارج الى حديقة الفيلا

حديقه الفيلا

تقف اميرة امام باب الازاز تتحدث مع شهد فى هاتفها

اميره : ايه يا حبيبتى فى ايه قلقتينى

شهد : لا متقلقيش اوى كدا مش عايزاكى تتكلمى قصاد مروان انا عارفاكى هبلة

اميرة :بمزح شكرا يا شهد عايزة ايه ولو طلعتى عايزنى بحاجة تافهة هاعملك بلوك يا هاسكى عشان بتتصلى بأوقات غلط

شهد : ادينى فرصه اتكلم ، ميرو انا محتاجة حاجة منك

اميره : ايه يا قلبى

تدخل اميره داخل الفيلا كان مروان يجلس على السلم الداخلى للفيلا ينتظر اميرة عندما يراها تقترب منه يقف

مروان : خير

اميره : لا مافيش عايزه فستان من عندى

مروان : بس كدا

اميره : هى حساسة وبتتكسف وحياتى يا مارو لو شفته عليها اوعى تحسسها انه بتاعى انا هاسبهلها اصلا خالص

مروان : حاضر فين تليفونك

اميره : اهو

ياخذ مروان منها الهاتف ويقفله ويضعه بجيبه

اميره : ده ليه ده

يحملها مروان بين ذراعيه اثناء صعوده بها السلم يتحدثوا

مروان : اصلى كنت عايزك بموضوع مهم جدا مش عايز حد يزعجنا تانى

اميره : موضوع ايه

مروان : هاقولك فوق

اميره : مابتشبعش انت مواضيع خالص

مروان : انتى اللى مابيتشبعش منك اعملك ايه شوفيلك حل بعدين انتى بتشبعى منى ولا ايه

اميرة : بدلع ...بصراحه لا

مروان : حياتى انا

يدخل الغرفه ويغلق الباب خلفه بقدميه وو.وو.

❤️_____ليلةعادل _____❤️

مركز د / مروان عزت 1 م

احد قاعات الانشطة بالمركز قاعة واسعة بها عدد قليل من الكراسى وترابيزات الاطفال تزين بالالوان ولكن متوفر فيها كل وسائل الامن والأمان لحماية الاطفال ,تجلس حنين على احد الترابيزات ومعها شهد فقد طلبت شهد من حنين ان تحضر معها هذه الجلسات لكى تتعلم منها

شهد : جلسة النهارده هتكون ايه

حنين : هتكون للتواصل البصري , دى تعتبر الجلسة الرابعة لفارس

شهد : تمام هاقعد هنا عشان اقدر اركز

تجلس على احد الكراسى امام المكتب مباشرة ..

شهد : تفتكرى انا هاستفيد من الجلسات اللى عمالة احضرها معاكى دي ولا باضيع وقتى

حنين : اكيد هتستفادى العملي اهم من النظرى المهم تكونى حابة المجال ده

شهد : حابة جدا عشان كدا هاعمل رسالة الماجستير فيه

حنين : بس انتى كدا هتبعدى اوى عن مجال د/ مروان والشلة

شهد : عشان كدا حاسة ان المركز هنا فى مجال التربية الخاصه مافهوش ناس كتير بنفس كفائتهم التركيز الاساس على المرضى النفسيين مش على الاطفال اللى عندهم مشاكل عقلية

حنين : لالا فى يابنتى بس اصلا اساسيات المركز للمرض النفسى هو الدكتور فتح فرع للتربية الخاصة من كام سنة كانت فكرة اميرة اصلا

شهد : اميرة ممتازة

حنين : فعلا وانتي كمان ممتازة وعندك طموح وهدف ربنا معاكى

يدخل عليهم الطفل فارس بعمر 6 سنوات يجلس بالكرسى بجانب حنين وينظر لها

حنين : تعال اقعد هنا برافو يلا نبدأ .. تعرض عليه صور لاحد اجزاء الجسم .. يلا يا فارس أذن اسمها ايه يا فارس أذن هى فين

فارس : يمسك ودانها اهى

حنين : برافو.. فين اذن فارس فين لا اقعد مكانك يلا فين لا سيب الورق بصلى بصلى فارس فين اذن فارس فين

فارس :يمسك ودانه أهي

حنين : برافووو تصقف له تقوم بلصق صوره مكافأة له بعد انتهاء الجلسة

تخرج حنين من الدرج ورقة وقلم لتكتب بها لكن يقوم الطفل بفتح الدرج الآخر ويأخذ منه كتر تنظر حنين له بخوف وهلع تقف شهد

شهد : حنين اهدي

تقف شهد وراء الطفل دون ان يشعر بها تحاول حنين جذب انتباهه

حنين : بخوف وقلق ... فارس احنا قولنا مناخدش حاجه مش بتاعتنا مظبوط يلا رجعها مكانها حطها على المكتب يلا يا فارس عشان حنين متزعلش

بسرعة تشد منه شهد الكتر لكن الطفل خدش نفسه عندما يعلم اهل الطفل بالحادثه يقوم بعمل مشكله كبيرة جدا فى المركز

فى ممر احد الادوار

الاب : بغضب انا هأقفلكم المركز ده .. بقى احنا جايبينه هنا عشان يتعور

الام : ازاى تحطى سلاح زي ده بمكان فى أطفال

حنين : باستياء ... يافندم محصلش حاجه وفارس بخير

الاب : لا احنا كنا هانستنى لحد مايحصله حاجة فين المسؤول

يدخل مروان عليهم بثقة وجدية

مروان : مساء الخير دكتور مروان عزت صاحب المركز

الام : حضرتك غني عن التعريف واحنا جينا المركز هنا عشان اسم حضرتك لكن اللى حصل ده

مروان : بجديه ..اللى حصل هو شى بالتأكيد خطأ والخطأ عندى مش مقبول , لكن انا باسمى وباسم المركز باعتذر عن الخطأ الغير مقصود ده , وانا هابحث لحد معرف ازاى ده حصل , أكرر اعتذارى , انا أمرت ان كل جلسات فارس الجاية مع الاختبارات هتكون هدية من المركز ليكم , ده طبعا شئ بسيط بالنسبة للي حصل , وانا اوعدكم ان اللي غلط هيتحاسب

الاب : بس انا ابني كان ممكن يموت

منير : طبعا ده كان مستحيل يحصل يافندم , الكتر ده صغير جدا ومش حامى بنستخدمه هنا لقطع الصلصال للأطفال وورق الفوم , ولأن فارس مسكه بشكل قوى عور نفسه انا مش بأبرر الغلط ,الغلط غلط , واعتقد دكتور مروان بنفسه اعتذر ليك ووعدك انه مش هيسيب المتسبب بالمشكلة دي

الام : خلاص ياوليد لكن لو ده حصل تانى

مروان : مستحيل غلطة زي دي تحصل تانى عن اذنكم معاهم يا منير ودكتور حنين اتفضلى معايا

- مكتب مروان

يدخل مروان وحنين خلفه ولكن يبدو على ملامح مروان الانزعاج والغضب يتلفت مروان لها ينظر لها بضيق

مروان : بصى يا حنين انا بقالى سنين كتير عامل سلسلة مراكز مروان عزت للعلاج النفسي وتعديل السلوك سنين يمكن نص عمرك , بابني فى سمعتى وسمعةالمركز والمستشفى ماينفعش بعد السنين دي تيجي وحدة مستهترة تضيع كل ده عشان هى مش قد المسؤلية اللى اتحطت فيها

حنين : بدموع واستياء .

يا دكتور انا والله ماأعرف الكتر ده جه ازاى

مروان : بشدة.. ده عذر أقبح من ذنب , يعنى لو كنتى قولتى الولد شده من ايدي كنت تفهمت وعديت , لان ده شئ وارد بشغلنا , كنت هاكتفى انك ماتقوميش بعمل جلسات للنوع ده من الاطفال , لكن عذرك يا دكتورة سخيف , وغير مقبول , حنين احتراما للسنين وملفك النضيف , انا هاكتفى انك تقدمي استقالتك وهاصرفلك مكافئة محترمة لانك عارفة كويس اللى بيمشى من هنا مرفود مالهوش مكان بأي مركز او مستشفى تانية

حنين : حاضر انا اسفة بس اقسملك ان قبل ما أدخل الجلسة بصيت على المكان كويس وأمنته لاني عارفة كويس الطفل واللي ممكن يعمله و ماكنش في حاجة

مروان : بشدة وحسم ... اتفضلى يا حنين انا خلصت كلامي

تخرج حنين وهى منهارة من العياط

, بعد قليل من خروج حنين اثناء جلوس مروان يتم ارسال رسالة لمروان من رقم مجهول

ياترى اميرة فين دلوقت يا دكتور ينظر مروان للرسالة باستغراب شديد يقوم بالاتصال بالرقم لكنه مغلق ثم يقف عند شباك غرفته يفكر يبدو على ملامحه الغضب ثم يقوم بالاتصال بأميرة لكن قبل ان يرن يقفل بصوت داخلى انت مجنون اكيد حد بيستظرف او هي بتعمل فيك مقلب من مقالبها المجنونه اهدى وروح كمل شغلك

❤️_____ليلةعادل_____ ❤️

مركز مروان 2 م

مكتب مروان

مروان يجلس على كرسى مكتبه يطرق الباب تدخل اميرة

اميره : دكتور مروان عزت فاضي

مروان : ميرو تعالي يا حبيبى

اميرة : تقترب منه تقف امامه وبمزح .. ايه اللى انا سمعته ده مش الشخصية التانية دي كنت قتلتها ههه رجعت تانى ليه

مروان : يقوم ويقف امامها غلطت ولا لا

اميره : بس حنين شاطرة مش عشان غلطة صغيرة واردة بشغلنا تعمل كدا انت قاسى اوى يا دك

مروان : غلطة كان هيضيع فيه روح بنآدم

اميره : بردو قرارك كان قاسي

مروان : باقولك انسى خليكى معايا يمسك ايدها بعين مولعة بالحب ووحشتينى

اميره : وانت كمان انا قولت اجي اسلم عليك قبل ماأروح الجامعة عندى محاضرة

مروان : يمسك ايدها يقبلها منه يتبادلان النظرات ثم يحاوط مروان ايديه حول خصر اميرة يقربها منه ثم يقرب وجهه من وجهها كاد ان يقبلها يطرق الباب تبتعد اميرة بسرعة

مروان :بضيق ... اتفضل

منير : ميرو

اميرة : بابتسامة ..استاذ منير عامل ايه

منير : كويس والله انا مش بحب مراتك دي من شوية الوحيدة اللى بتحترمنى بتقولى يا استاذ والله يا بنتي انتي متربية وتستاهلى تتحبي

اميره : ههههههههههه والله وانا بحبك جدا

مروان : بغيرة .... هو فى ايه ما تهدو

تقترب اميرة من مروان وتضمه وتنظر لمنير صاحبك ده غيور اوى

منير : والله وهو معاكى انتي بس بيتحول مصاص دماء كدا حتى معايا , بت انتى اهمدى انتى هتبقى السبب انى اخسر صاحبى اول مرة يغير على واحدة منى

اميره : ههههه ما بردو عنده حق ميرو يتغار عليها تنظر لمروان بدلع ولا إيه تقبله من خده بأموت فيك يادك .

مارو انا همشى عشان ما أتاخرش تقبله من خده استاذ منير سلام

منير : سلام

بعد خروج اميرة

يجلس منير على الكرسى الامامى للمكتب ها قولتلها

مروان : عاملهلها مفاجأة

منير : تمام

❤️_____ليلةعادل_____

شقة ادهم وحنين 5م

الراسبشن

تجلس حنين على كنبة الانتريه وهى تبكى بحرقة وبعد قليل يفتح أدهم الباب وهو يغنى ويبدو انه سعيد عندما تسمعه حنين تمسح دموعها بسرعة وتقوم باستقباله

حنين : ايه الجمال ده كله شكلك مبسوط

ادهم : جدا

حنين : ايه حليت القضية اللى كانت شغلاك

ادهم : ياريت ده انا شكلى هاسافر كام يوم للتحقيق

حنين : مش ده شغل المباحث

ادهم : وشغلنا بردو مالك شكلك معيط

حنين : ابدا ده كنت بشوف فيلم مى بى فور يو

ادهم : كان شغال خسارة انا بحبه

حنين : نشوفه تانى

ادهم : ماشى أنا هادخل اغير

حنين : احضرلك الغدا

ادهم : اثناء ذهابه لدخول غرفته لا اكلت بره

❤️_____ليلةعادل_____

جامعه القاهره 5م

تقوم اميرة بإعطاء محاضرة للطلاب بعد قليل يرن هاتفها لكنها تغلقه وتستكمل المحاضرة وبعد الانتهاء مع حركه خروج الطلاب تاخذ اميره هاتفها تجد مروان مرسل لها عدة رسائل تتصل بيه

اميره : اسفه جدا كنت بالمحاضرة .. عامل ايه ...ايه انا اكتر واتحداك .ههههههههه لا خلصت اه معايا عربيتى ماشى هاستناك لما تقرب من البوابة كلمنى اخرج

امام بوابة جامعة القاهره ينزل مروان من عربية (اوبر)

سياره اميرة

تجلس اميره بسيارتها تنتظر مروان ثم يركب مروان بجوارها

اميره : عامل ايه تقبله من خده

مروان : تمام يا حبيبى يلا اطلعى على المكان ده يعطيها

اللوكيشن

اميرة : هى فين عربيتك

مروان : اطلعى وانتى ساكتة

اميره : لا عايزه افهم

مروان : انا قولت اطلعى

اميره :لا

مروان : قولى حاضر

اميره : لا

مروان : بابتسامة طب بعد اذنك اطلعي يا حبيبتى وبطلي لماضه

اميره : لا تصمت قليلا وتضحك ههههه اهدى خلاص باهزر معاك حاضر

تقوم اميرة بالسواقة حتى تصل الى المقطم

❤️_____ليلةعادل_____ ❤️

المقطم 7 م

تنزل اميرة و مروان من السيارة وهى لا تفهم شئ ثم يقوم مروان بربط رابط على عينيها

اميره : فى ايه

مروان : هتعرفى دلوقت ... يمسك مروان يد اميره ويسيران قليلا ثم ينزع مروان الرابط امام احد السيارات

(رولز رويس دوان )

اميره : تنظر لها بانبهار .. تحفة عربيتك الجديدة مبروك ألف مبروك يا حبيبى تقبله من خده حلوه أوى ماشاء الله ..

دك .. بليز ممكن اخد لفه بيها

مروان : بابتسامة يعطيها مفتاح مبروك عربيتك الجديدة اتمنى تعجبك

اميره : عربيتى مروان بجد

مروان : بجد

اميره : بس ليه انا معايا عربيتى دى غاليا اوى

مروان : الغالى يرخصلك

اميرة : بس بردو دى بفلوس كتير اوى كلفت نفسك

مروان : بابتسامه والله لو العربيه معموله بالماظ قليلة عليكي انتي مقامك كبير أوى

اميره : يا روحى تضمه وتقبله من خده عدة قبلات

مروان : يلا اركبي

اميره : تدخل السيارة وتنظر الى جمال تصميمها من الداخل ثم تنظر لمروان وتشاور له للركوب بجانبها ثم تقوم بسواقة السيارة

❤️_____ليلةعادل_____ ❤️

فيلا مروان واميرة 7م

تنزل اميرة من سيارتها الجديدة ومروان من سيارة اميرة القديمة ثم يمسكان يد بعضهما يدخلان الفيلا تتفاجأ اميرة بوجود خالد

اميره : بابا تجرى مسرعة تنط عليه تحضنه

خالد : بس يا مجنونة مش هتعقلى تتجوزى تخلفى وهتجيبى عيالك طولك هتفضل طفله عامله ايه

اميره : الحمد لله , بس لاء لاء النهارده يوم مش عادى الصبح دكتور ثروت عبد القادر يكرمنى وبعد الظهر عربية وبالليل بابا ييجي بيتى يارب ااا

خالد : ايه مش لقيا دعوة حققتى كل طموحاتك

اميره : يارب افضل سعيدة مبسوطة كدا على طول وأتصور مع حماقى هههههههه

مروان : ههههههههه حماقى

اميرة : ماانت عارف انى بحبه ...تعال يا بابا اوريك مروان جابلي ايه بس اوعى تقولى اخدها لفة وأتمنظر على الدكاترة اصحابى

خالد : انتى يابت

اميره : بهزار معاك يا خالود تعال معايا

يخرج خالد مع اميرة ويذهب معها الى مكان ركن السيارت

خالد : جميلة

اميره : دى تهوس

خالد : عربيتك ماكنتش وحشة عربيتك مش أى حد يقدر على تمنها لازم تقولي الحمد لله

اميره : فاهمة ده , بس ده مايمنعش انى افرح بالعربية حلوة دي

خالد : افرحي يا حبيبتى وتهني تعالي بقا ندخل جوة محتاج اتكلم معاكى شوية وتشربينى حاجة

اميره : تشرب مين ده احنا هنعشوك نتعشى نحبس بكوباية شاى وأقعدك بقا بالحديقة الغناء وتشوف زوق بنتك ام لسان البكاشة

وبالفعل يقوم خالد بتناول العشاء معهم لكنه كان لا يهتم بالكلام مع مروان بالرغم من محاولة مروان التحدث معه

حديقة الفيلا

خالد : فعلا القعدة مجنونة زيك انت وشلتك الفلتانة بقولك احنا رايحين الجونة اسبوع عشر ايام خدى اجازة اخواتك ظبطو جدول شغلهم على نص شهر يناسبك

اميره : مش عارفة لازم بكرة اشوف الجدول المشكله داخلين على امتحانات مش هاقدر اعتذر عن محاضرات الكلية

خالد : امممم خسارة ده حتى ولاد خالتك عائشة راجعين من امريكا

اميره : بجد يا نهار ده انا بقالى سنين مشفتهمش

مروان : خلاص روحي وانا هاخد المحاضرات مكانك

خالد : اهو الدكتور حلها

اميره : باستغراب .. ايه ده هو انت مش هتيجى معايا

خالد : اعتقد الدكتور مشغول مش هيقدر ييجى

مروان : بالظبط مين هياخد شغلك

اميره : نشوف اى دكتور ياخدها عايزة تبقى معايا عشان خاطرى

خالد :خليها مرة تانية يا اميرة يكون الدكتور مظبطها قبلها

انا هامشى

اميره : ماتخليك قاعد وبات معانا .بكره معنديش محاضرات بالجامعة , مش هاروح المركز ممكن يا دك.. اخد اجازة بكرة

مروان : عشان خاطر دكتور خالد بس

خالد : هاوافق بس بشرط تنامى بحضنى

اميرة : بس كدا ياريت تبقا كل الشروط بالجمال ده يا خالود

خالد : بكاشه انتى بكاشه

غرفه نوم اميره ومروان

تبدل اميرة ملابسها وترتدى بيجاما كان مروان يجلس على السرير تقترب من مروان وهى تحمل بنطلون وتيشرت

اميره : حبيبى زعلان

مروان : امممم نص نص

اميره تضمه وتقبله من خده وتتحدث معه وهى بحضنه.. اول مره بابا يدخل بيتى بعد جوازنا من فضلك ماتزعلش

مروان : مش زعلان

اميره : بحبك

مروان : وانا بموت فيكى

اميره : ماتجيب بوسه بقى يقبلها من خدها تصبح على خير

مروان : وانتى من اهل الجنة

تخرج اميرة خارج الغرفة

يذهب مروان لينام على السرير لكنه لا يستطيع النوم يتقلب يمين ويسار لا يعرف ان ينام ثم يقوم ويأخذ الغطاء وينام على الكنبة

بعد مرور يومين تسافر اميرة بالفعل الى مدينة الجونة لكنها سافرت هى واختها ووالدتها ونور وحمزة بالطيارة وكريم و زوجته وخالد وادهم بالعربية و كانت اميرة لا تعلم بوجود ادهم

❤️_____ليلةعادل_____ ❤️

الجونه 2م

غرفة نوم اميرة

اميره تتحدث مع نور

اميرة : ازاى متقولليش انه جاى

نور : ماعرفتش غير امبارح والله وكنت فاكراكي تعرفى

اميرة : لو مروان عرف هيزعل منى أوى انا لازم ارجع انا هاكلم بابا بس بالليل يكون ارتاح ولا أكلم مروان أقوله لا انا خايفة اوى

نور : كلميه واحكيله عشان مايزعلش

اميرة : حاضر

تقوم اميرة بالاتصال بمروان لكن لا يجيب لكن فى المرة الثالثة يجيب

اميره ما بتردش على طول ليه بجد طب خلص وكلمنى لا لا اصلك وحشتنى قولت ارغى معاك شوية ماشى لا لسه هنتغدى دلوقت وانت كمان ماتنساش تاكل باى يا حبيبي

نور: ماقولتلهوش ليه

اميره : فى محاضرة

نور : تعالي ننزل نتغدى دلوقت وبالليل قوليله على رواقة

اميره : ماشى

وبالفعل تنزل وتتناول الغداء مع اهلها لكن كان يبدو على ملامحها الانزعاج حاولت اميرة ان تكمل اليوم لكن كانت تحاول بكل الطرق ان تتجنب ادهم

وفى الليل كانت تقف اميرة على شاطئ البحر تفكر ماذا تفعل لكن يراها خالد يقترب منها وينادى عليها

شاطئ البحر ١ص

خالد : اميرة

تلتفت له اميره بابتسامة

اميره : بابا لسه صاحي

خالد : يقف امامها.. اه مالك مش عجبانى طول اليوم ساكتة كدا مش على طبيعتك

اميره : بصراحة متضايقة

خالد : من ايه يا حبيبتى

اميره : عشان مروان كان نفسى يبقى هنا خصوصا أما لقيت ادهم

خالد : بصى يا أميرة انا وافقت على جوازك و وافقت انك ترجعى البيت لكن لو سمحت احترمى رغبتى انا ما بحبش الراجل ده ماتحلميش باكتر من كدا مفهوم ها هتتحكمو بقلبى كمان هتخلينى أحبه بالعافية

اميره : لا طبعا بس يا بابا حضرتك ليه عزمت ادهم يعنى ماينفعش تجيب أدهم وترفض وجود مروان اللى هو جوزى

خالد : انا بحب ادهم بحب الراجل ده لانه وقف جنبك وانتى ظلمتيه

اميره : بابا حبه زى ما انت عايز وقوي علاقتك بيه براحتك بس دلوقتى انا بقيت ست متجوزة مايصحش ابدا يجمعنى مكان مع ادهم خصوصا ان ده بيضايق مروان اوى

خالد : انا فاهمك كويس انتى صح انتى عارفة انا بحب ادهم من زمان و بحب اخده معايا بالمناسبات العائلية زى حمزة ونور باعتبره زيهم فرد من العائلة

اميره : انا فاهمة والله ومقدرة بص اعزمه بس بلاش تجيبنى بلاش تخلينى انا وهو متجمعين بمكان واحد مروان بيغير بيتضايق بابا حضرتك اكيد مترضاش ان بيتى يتخرب

خالد : لا طبعا يا حبيبتى مايرضنيش ازاى تقولى كدا ربنا يسعدك هو عامل معاكى ايه صحيح

أميرة : بابتسامة الحمد لله بصراحة يعنى لو طلبت اكتر من كدا ابقى طماعة بيعمل اى حاجه عشان يسعدنى

خالد : ربنا يسعدكم يارب طب انتى ناويا تعملى ايه هتقعدى ولا هتنزلى

اميره : هانزل القاهره بكرة بابا متزعلش والنبى

خالد : يطبطب على ايدها بلطف .. ازعل ليه يا حبيبتى مدام جوزك بيضايق خلاص بس انتى فهميه يهدى شويه بلاش جنون الغيرة ده كل واحد فيكم اتجوز وعاش حياته وانك اختارتيه هو وان برده ادهم عمره ما تخطى حدوده ولا ايه

اميره : بصراحة اه

خالد :.. تمام انا هسيبك تنزلى مادام دي رغبة مروان لازم نحترمها انا عذره متجوز قمر لازم يبقى مجنون بيه

اميره : انا بحبك اوى يا بابا تضمه

خالد: يلا اطلعى نامى عشان تصحي الصبح تسافري

والله كان نفسى تقعدى حتى يوم بس مادام انتى مصممة خلاص صحينى اوصلك المطار

اميرة : ان شاء الله تتعوض

الجونه 2م

على الشاطئ يجلس حمزة وادهم ويتحدثان

ادهم : انا هاطلع انام

حمزه : لا اقعد انا ماصدقت نقعد لوحدنا عايزك بموضوع

ادهم : فى ايه

حمزه : انت جيت ليه الرحلة

ادهم : انكل خالد عزمنى بتسأل ليه

حمزه : انت مش قارئ دماغ انكل خالد ولا ايه

ادهم : مش فاهم

حمزه : مجبتش حنين ليه

ادهم : هتيجى ازاى وهما مش اصحاب اوى هيبقى فى كسوف

حمزة : ادهم انت مصدق نفسك سامع كلامك ...يصمت قليلا .. ادهم انت اتجننت انت لسه بتحب اميرة وعشمان تبقى ليك , اخص عليك , انا بردو عامل ادورها بدماغى وأقول ادهم ذكى , بس اكيد مش واخد باله من اللى انكل خالد بيعمله , اتاريك فاهم وعارف كويس وعاجبتك اللعبة وكمان اشتركت فيها

ادهم : غصب عنى حاولت , وفشلت, لما عرفت حنين افتكرت خلاص نسيت وهأفوق , بس مجرد ماكنت بشوف اميرة , بقيت بشوف عينيها هي بشوف وش اميرة فى حنين, اعمل ايه كل ما بشوفها قلبى بيجرى عليها قولت اسرق معها شوية لحظات لو بالكدب , انا قرفان من نفسي , عارف اللى بعمله غلط ومايصحش , حنين ماتستلهش بس والله غصب عنى مش عارف ولا قادر ابطل احبها

حمزة : يبقا انت ماحولتش كفاية , لازم تحاول تانى وثالث وعاشر , ماينفعش , انت بنفسك شوفت برغم اللى عمله انكل , بردو مروان اللى كسب ادهم انت محترم وجدع , ماتخليش قلبك يبقى اقوى من أخلاقك وعقلك ويتحكم فيك بالشكل ده , انت بتظلم حنين معاك وبتظلم نفسك بتجرى ورا سراب , خليك مع اللى بتحبك , انت حاولت تحبها ؟

ادهم : بنبره حزن .. والله حاولت ,والمصحف حاولت , ودينى حاولت بس اميرة مسيطرة عليا , اعمل ايه

حمزة : ببساطة اول ما انكل يعزمك ارفض , أو هات مراتك معاك وتخرج من جروب الشلة وتعمل لأميرة ان فلو من كل شئ , ده الأول خطوة تانية خد مراتك واطلع بيها اجازة طويلة , والأهم ماتحولش تعرف اخبار اميرة من نور فاهم

ادهم : حاضر

❤️_____ليلةعادل_____ ❤️

فيلا مروان 10 ص

غرفه النوم

تدخل اميرة الغرفة وهى تجر حقيبة السفر خلفها , تجد مروان نائم على الكنبة تقترب منه ببطئ دون صوت تجلس بجانبه ثم تلمس وجهه بحب تقبله من خده , يفتح مروان عينيه بابتسامة يقوم يجلس امامها ويقوم بملامسة وجهها بحب

مروان : بابتسامة عشق . حمد الله على السلامة جيتى امتى

اميره : حالا نايم على الكنبة ليه

مروان :معرفتش انام على السرير من غيرك انتي مش كنتى هاتقعدى عشر ايام

تعدل اميره نفسها وتضع راسها على صدره تنظر له برومانسية وتتحدث ..اصلك وحشتنى انا بحبك اوى اوى بجد, وانا هناك دايما كنت على بالى , ساكن خيالى لكن ده ماكنش كافي , كان نفسى تبقا جنبى حقيقى مش خيال ,عارف يا حبيبى يا احلى كلمه حبيبى قولتها , وانا معاك وشايفاك قصاد عينى , بأنسى كل شئ بأنسى كل الدنيا ,باحس انى مالكة الدنيا , كل شى حلمت بيه وتمنيته لقيته فيك , لما بابص لعينيك ولضحكتك باحس احساس غريب بس جميل , مالهوش وصف من كتر جماله , باخاف , باخاف ييجي يوم واخسرك وتبعد عنى , تمسك ايده انا بحبك اوى

مروان : انا كمان بحبك اكتر من روحي , بحبك لانك الهوا اللى باتنفسه , بحبك لانك سبب وجودي بالدنيا ,عيونك وبسمتك هما اللى بيدونى الشجاعة للاستمرار, واللى بيدونى الامل ان بكره احلى!!هو وجودك جنبى , حبك هو وطنى , هو الشمس اللى بدافينى ,ومأواي وأماني , عشان كدا ماتخفيش انك تخسرينى لانه مستحيل, الحب ده هو ظل يا اميرة ,هو كل شى أملكه بحياتى , هو عيونى اللى بشوف بيها , اذا بيوم من الايام حاول حد يفرقنا مش هايقدر لان حبنا اقوى من اى شئ , عشان كدا اوعى تخافي ابدا , خليكى قوية زي ما بعرفك , لان الضعف مايلقش عليكى ,لان العشق يشبهلك انت وبس

اميره : تنظر له بحب بحبك يا روح قلبى وعمر اميرة بأعشقك يا نور عين وحياة اميرة بحبببببك

مروان : وانا والله بحبك بحبك بحبك يقوم بمعانقتها بشدة

❤️_____ليلةعادل_____❤️

حديقه الفيلا 10 م

تجلس اميرة على المرجيحة وهى ترتدى ملابس البيت ثم يدخل عليها مروان بايده صينية بيها مجات نسكافيه يضعهم على الترابيزه التى بجانبهم ثم يجلس بجانب اميره تنظر اميره له وتبتسم

مروان : نمتي كتير انتي النهارده

اميره : تعبانه جدا من السفر

مروان : مالحقتيش تروحى اصلا

اميره : اممم تنام على كتفه تصمت قليلا ثم تعدل نفسها بزاوية مروان و تنظر له بارتباك ... مروان انا عايزة احكيلك حاجة حصلت بس خايفة

مروان : ينظرلها باستغراب.. خايفة

اميره : اه خايفة منك

مروان :باستغراب شديد .. خايفة منى أنا

اميره : اوى كمان

مروان : بضيق .. انتى ازاي تقولي كدا ماينفعش تخافى منى في ايه , ليه بتتكلمي كدا

اميره : بخوف وتوتر .. اوعدنى الأول انك متتعصبش ولا تعمل حاجة تخلينى اندم انى حكتلك لانك لو عملت حاجة هتخلينى اخاف اقولك اى حاجة بعد كدا

مروان : بقلق ..اميرة فى ايه

تقف تسير قليلا بتوتر تنظر له بكل توتر وخوف تبتلع ريقها ..

اميرة : بصراحة ادهم كان هناك عشان كدا رجعت بس والله والله ماكنت اعرف حتى كلمتك اقولك زى ما قولتلى انت كنت مشغول فقررت انى ارجع عشان مازعلكش تانى

يقف مروان و يقترب منها بابتسامه بحب وحنان يضع ايديه الاتنين على خدها ويتحدث ... هششش بس ايه كل التوتر والخوف ده انا مش عايزك تخافي منى بالشكل ده تانى , انا لما طلبت منك تعرفينى , كان عشان اقولك تعملى ايه وتتصرفى ازاى , مش عشان تخافي كدا منى , انا محبكيش تخافي منى بالشكل ده , يضمها اليه يقبلها من جيبنها يطبطب على كتفها بعد قليل ينظر لها فهمينى اللى حصل

اميرة : زى ما قولتلك لما روحت لقيته جاى مع بابا وكريم

مروان : دكتور خالد وافق انك ترجعي ببساطة

اميره : اه ده هو اللى وصلنى للطيارة

مروان : والله

اميره : والله كنت مرعوبه يزعل منى بس الحمد الله طلع فاهم منا قولتله انك رافض وجود ادهم قالى ماشي مدام جوزك رافض لازم نحترم رغبته وانه طبعا مايرضهوش ان بيتى يتخرب

مروان : امممم بصوت داخلى انت بدأت تلعب على الوتر ده ثم ينظر لأميرة حبيبى انا مش زعلان يقبلها من ايدها برقه انا هاطلب منك طلب

اميره : اطلب

مروان : ممكن وانتى بتتعاملي مع الدكتور خالد تنسى انك اميرة خالد بنته وتتعاملي كدكتورة اميرة

اميره : اشمعنا

مروان : ركزى فى التفاصيل حللى بين السطور فهمانى عشان خاطرى لانى مش هاقدر احارب لوحدى

اميره : باستغراب ..انا مش فهماك بعدين انا مش باعرف احلل الناس اللى بحبهم زيك ما باعرفش ابقى دكتور معاهم العاطفة بتغلبنى

مروان : وحياتى حاولى عشان مانخسرش بعض

اميره : بشدة واستغراب ..فى ايه يا مروان ليه بتتكلم كدا عن بابا كانه شيطان على فكرة باقولك هو بنفسه قالي انتى صح وفعلا ميصحش انى ابقى مع ادهم انت ظلمته اوى المرة دي

مروان : بقوه ..والله انتى متأكدة أميرة أبوكى بيلعب على وتر مش حلو وانتى مش فاهمة

اميره : بضيق .. وانت بقى اللى فاهمه

مروان : بشده وقوه .. ايوه فاهمه ومش هانوله اللى فى باله , بس ساعدينى , ايه لبستى النظارة اللى كنت لابسها زمان ولا ايه , شيلى الغشاوة اللى على عينيك وفوقى

اميره : بنرفزة .. انا مسمحلكش تتكلم عن بابا كدا انت فاهم واوعى كدا

تتركه وتدخل الفيلا

يقف مروان قليلا يبدو على ملامح وجهه الاستياء ثم يصعد خلفها

غرفه نوم مروان واميرة

يدخل مروان الغرفه كانت اميرة تنام على السرير ينظر لها مروان بعدم رضا ثم يلف وينام بجانبها

اميره... تجلس على السرير تنظر لمروان روح نام على الكنبة عشان مضايقه منك

مروان : بلاش هبل

اميره : بنرفزة وشدة .. هتقوم ولا اقوم انا

مروان : بتتكلمى جد ولا ايه

اميره : اه

مروان : حبيبتى اهدى

اميره : بنرفزه ..انت هاتقوم ولا لا

مروان : خلاص بالراحة ماتزعليش كدا

ياخد مروان المخدة والغطاء ويروح ينام على الكنبة

اميره : بسخرية.. عشان تتعلم تتكلم على اهلي باحترام بعد كدا قال حللى شخصيه باباكى هى دي آخرة اللي تتجوز دكتور نفسى

مروان : انا سامعك على فكرة

اميرة : كويس انك سامعنى وعارف انك بتتعاقب يادك ومافيش تصبح على خير

مروان : بصوت داخلى غبيه وهضيعينا بس انا مش هأنولك الى انتى عايزه يا دكتور ولا هاخليك تهد حياتى وتحرقها وتاخد اميرة منى انا صحيلك يارب قوينى

❤️_____ليلةعادل_____ ❤️

اليوم التالى

غرفه نوم مروان واميرة

تنام اميرة على السرير كانت الكنبة فارغة بعد قليل تبدأ اميرة تفتح عينيها ثم تنظر على الكنبه تجدها فارغة تقوم تقترب من الحمام ببطى تجده فارغ بصوت داخلى راح فين هو مش مفروض يصالحنى ماشى يا مروان والله لأعضك تدخل الحمام وتغسل وجهها وتخرج من الغرفه واثناء نزولها على السلم ترى فاطمة تصعد

اميره : دادا صباح الخير

فاطمه : صباح القشطه يا قشطه كنت طالعه اصحيكى

اميره : لا خلاص صحيت ممكن تحضرى الفطار

فاطمه : جاهز يا حبيبتى ومروان مستنيكى بالجنينه عشان تفطرو سوى

اميره : ماشى

تخرج اميرة خارج الفيلا الى الحديقة

حديقه الفيلا

مروان يجلس على كنبه امام الترابيزه

على ترابيزة الفطار تجلس اميرة بالكرسى المجاور له

مروان : مافيش صباح الخير يا حبيبى

اميره : لا

مروان : ماشى

اميره : هات ايدك

مروان : ايدى ليه

اميره : كدا

مروان : اهى

تمسك اميره ايد مروان وتعضها جامد

مروان : بالم واستغراب .. اااااه يشد ايده منها انتى مجنونة فى ايه

اميره : لسه عارف من زمان

مروان : ليه طيب عملت ايه منا اتعاقبت خلاص

اميره : لا عشان صحيت ونزلت ماصحتنيش عاملى مقموص ومطلع فاطمه تصحينى ماتتكلمش معايا تانى ماشى واوعى كدا عديني تيجى تقوم يشدها مروان يقعدها على قدميه

مروان : رايحه فين

اميره : بدلع .. اوعى انا مخصماك

مروان : ينظر تعرفى انى بحب الدلع ده اوى

اميره : بابتسامه .. اوى اوى

مروان : اوى اوى ينظر لها برمانسيه يقرب وجهه من وجهها جدا مع تبادل نظرات الحب ثم يقبل ايدها ثم يقبلها من شفايفها تبتعد اميرة عنه

اميره : بس فاطمه تشوفنا

مروان : انا شكلى هارفدهم كلهم عشان اخد راحتى معاك يا صغنن بقولك انا حاسس انك لسه زعلانه ماتيجى اصالحك فوق

اميره : لا انا اتصالحت شكرا مش عايزه اطلع فوق

مروان : لالا انا مش مقتنع لازم اصالحك

اميره : تقف بمزح .. وانا قولت لا مش هأطلع

مروان : يقف امامها مابلاش اطلع لوحدك احسنلك

اميره ترجع خطوه للخلف .... لا

مروان : افتكرى انى قولتلك بلاش

اميره : وانا قولتلك لا مش هاطلع ... تطلع لسانها له

مروان : كدا طيب ييجى يشدها تجرى منه

يفضلوا يجرو ورا بعض فى الجنينه مع الاستماع لضحكتهم ثم تمسك اميرة خرطوم المياه تفضل ترش على مروان ثم يشد مروان من ايدها الخرطوم ويرش عليها مياه اثناء لعبهم مع بعض

يقترب منهم ...؟؟؟؟؟

استواب

الجزء الثاني

من

روايه الأعمى2

بقلمى ليلةعادل ❤️✍️🌹

الحلقه الثامنه والعشرون

حديقة فيلا مروان وأميرة 12م

اثناء جري أميرة ومروان ورا بعضهم ورشهم على بعض المياه يقتر.ب منها ... خالد تنظر لها اميرة بابتسامة تجرى عليه خالد يشاور بايده اوعى تغرقينى

اميره : ايه المفاجأة دي أنت مش كنت بالجونة

خالد : انا كنت طالع عشان خاطرك

مروان : ازيك يا دكتور خالد

خالد : اه اهلا ينظر لأميرة اطلعى غيرى هدومك عشان متبرديش البسى لبس خروج عشان اخدك نفطر بالمطعم اللى بتحبيه

اميره : ماشي بس المرة دي حضرتك تفطر معانا فاطمة حضرت الفطار

خالد : حاضر

اميره : عن اذنك مش هتأخر

مروان : عن اذنك يا دكتور

خالد : اتفضلوا

غرفة مروان وأميرة

بعد استبدال اميرة و مروان ملابسهم وارتداء ملابس خروج كاجول تقترب اميرة من مروان وتقوم برش برفان له وتبتسم ثم تشب و تقبله من رقبته

مروان : عايزه ايه اخلصى

اميره: هو لازم ادلعك لغرض ما

مروان : انا حافظك امتى بدلعينى حب وامتى بدلعينى عشان عايزة حاجة عايزة ايه قولي

اميرة : ممكن تبقى لطيف مع بابا مهما كلمك وحش وحياتى

مروان : من غير ماتقولى يلف ايده حولين خصرها يقربها له يقبلها من خدها ثم ينظر لها انا مقدرش أتعامل مع بابا مراتى الحلوة وحش حتى لو اتعامل معايا وحش

اميره : طب يلا عشان ما نتأخرش عليه

مروان : يلا

الحديقة

يجلس خالد امام الترابيزة بعد قليل يدخل عليه مروان واميرة وهما يمسكان ايدين بعض تجلس اميرة بجوار مروان على الكنبة

خالد : ماعندكمش شغل النهاردة ولا ايه

اميرة : لا الجمعة والسبت اجازة

خالد :و انت يا مروان اجازة

مروان : اه

خالد: كويس واميرة عاملة معاك ايه اكيد واجعة دماغك بشقاوتها

مروان : بالعكس انا بحب شقاوتها

خالد : هايل

اميره : يلا نفطر

وبالفعل قضى خالد اليوم كله معهم لكن كان خالد يتعامل مع مروان كاغير عادته كان بيتعامل معه بشكل لطيف

المركز د / مروان 9 ص

كافتيريا المركز

تجلس أميرة ومعها نور وحمزة على احد الترابيزات مع الاستماع لصوت ضحكاتهم ويقومو بتناول الفطار... يدخل عليهم شهاب

شهاب : حماتى بتحبنى بس انا مش بحب بنتها

يجلس ...ميرو

اميرة : تنظر له عايز ايه

شهاب : عربيتك

اميره : لا انا مش مستغني عنها ماكملتش بيها اسبوع

شهاب : دي بقلبى

حمزه : امال عربيتك فين

شهاب : بره انا عايز لفة بالعربية يا ميرو , خارج مع بنت تونسية مهلبيا صاروخ وعايز اتمنظر عليها , هى مش الأصحاب لبعضها ولا إيه

اميره : عايز تشقط بعربيتي على اخر الزمن

شهاب : لا هى مشقوطة جاهزة , بعدين يعنى حمزة لو طلبها هتقوليله لا

اميرة : حزومى ده يطلب بس اديلو عينية ,و تنازل حالا عن العربية حمزة ده حمزة متأكد ان العربية هترجعلى من غير خربوش

شهاب : عيب عليكي

اميرة : انا مش عارفة ليه انا مش صاحبة شريرة ,و بأرفض لأصحابي طلباتهم امسك والنبى خد بالك منها

شهاب : طول عمرك جدع يا صاحبى , ماتخفيش العربية بقلبى قولتلك

يرن هاتف اميرة

اميره : الو حبيبى كويسة لا بالمركز النهاردة باشميل لا هاجى استنونى ياسمين وكريم جايين لا ده انا اخلص المحاضرة وهاجى جري حاضر سلام تنظر لشهاب العربية تبقى عندى الساعه 3 عشان اهو معزومة على الغدا

شهاب : عيني

شقه شهاب 2م

تفتح شهد بالمفتاح باب الشقة وتدخل لكنها تنظر تجد بعض إزاز الخمر ملقى على الارض وبعض الكاسات الفارغة والممتلئة على البار

تنظر باستياء ثم تذهب الى غرفة النوم لم تجد شهاب تقوم بالاتصال به عندما يرد يخبرها انه سوف يتاخر تقوم شهد بتنظيف الشقة وتقوم باعداد طعام وعندما ياتى شهاب تقوم باستقباله

شهاب : ينظر بعينه هى عزة جت

شهد : مين عزة

شهاب : واحدة كدا بتيجى تنظف

شهد : تؤ انا

شهاب : انسي بقا الجو ده فى ناس مخصوص للحاجات دي انضفى يا شهد , انتى جيتي ليه مش ميعادنا بكرة

شهد : ايه المقابلة دي فى ايه

شهاب : أصل متخانق مع بابا

شهد : ليه تعال نقعد هنتكلم واحنا واقفين

يجلسان على الكنبة في الراسبشن

شهد : احكيلى

شهاب : مش عاجبه تصرفاتى

شهد : عنده حق مينفعش حد بمركزك يعمل التصرفات الطايشه دي

شهاب : بأقولك ايه مش عايز قلبة دماغ فكك مني

شهد : طب متيجى نتجوز وتبعد عن باباك

شهاب : يعنى انا بقول ايه و هي بتقول ايه انتى غبية بقولك أبويا مش طايقنى جواز ايه انسي كل الهبل ده

شهد : تقف بغضب هبل انت ناوي تتخلى عني

شهاب : لا انتي غبية هي مش طالبة غباء انا همشى ماتتصليش بيا تاني عيلة نكدية كدك القرف

وبالفعل يترك شهاب شهد وسط حيره فقد تغير معها

لكن شهد ماذا ستفعل هنعرف ومن جهةاخره خلال 20 يوم كانت اميرة تذهب بشكل شبه يومي عند أهلها وتبات ايضا بحجة ان فريدة مسافرة وخالد يريد ان يعمل مفاجأة لفريدة كان مروان متضايق لكن لا يظهر هذا الشئ

فيلا مروان وأميرة 10 م

تدخل اميرة الفيلا يبدو على ملامح وجهها الارهاق كان يجلس مروان بحديقة الفيلا تراه من باب الازاز تذهب اليه تقترب منه تقبله من خده

اميره : عامل ايه

مروان : جاية بدرى

اميره : خلصت هموت وأنام تعبانه جدا هتيجى ولا قاعد

مروان : هاجى

غرفه النوم

بعد تبديل اميرة ملابسها تقترب من السرير كان مروان يتمدد على السرير تنام اميرة بجانبه وتضع راسها على صدره يقبلها مروان من راسها ويحاوط ذراعيه حول رقبتها

مروان : ها هتنزلي تجيبي حاجة تانية مع باباكى

اميره : منا قولتله انا فصلت ياسمين هتكمل

مروان : وهو كمان بياخد ياسمين

اميره : بمزح اه ما عماد كلمني قالي والنبي روحي انتي وسبيلى مراتى وحشتني ههههههه

مروان : انا مش فاهم حاجات ايه اللى بتشتروها

اميرة : بابا بيغير شوية بالموبيليا عايز يعمل لماما مفاجأة

مروان : يعنى مافيش بيات تانى هناك

اميرة : بابتسامة.. اه ماما راجعة بكرة

مروان : بمزح .. كويس بقى انا كنت خلاص جبت اخري بصراحة

اميره : باستغراب ..اشمعنا

مروان : اشمعنا ... يعنى لانك كتير كنتى بتسبينى وتباتي عند دكتور خالد ولا بتتغدي معايا ولا باشوفك خالص وحشتينى

اميرة : انا اسفة بس بابا كان لوحده ماينفعش نسيبه ولا ايه

مروان : مش زعلان بس خلاص بح مافيش تانى

ينظر لها بنظرات كلها حب واشتياق ..تعرفى انك وحشتينى اوي اوي يقبلها من خدها ثم من جبينها ثم من خدها مرة اخرى بعشق ثم يعدل نفسه وينظر لها بلوعة حب ثم يقرب وجهه لها كاد ان يقبلها من شفايفها تبعد أميرة وجهها قليلا ينظر مروان لها باستغراب ؟

اميرة : معلش يا حبيبى تعبانة لفيت كتير مع بابا النهاردة مش قادرة

مروان : بضيق .. انتى عارفة بقالي قد ايه محروم منك 15يوم

اميره : انت عاددهم

مروان : لازم اعدهم باستغراب ..هو انا موحشتكيش ولا إيه

اميره :اه وحشتني بس بجد مش قادرة ماتزعلش بقى تقبله من خده تصبح على خير تعدل نفسها وتنام على المخدة

مروان : بضيق وانت بخير ينظر مروان لها ويتنهد

مروان : وانتي بخير

حديقة الفيلا 11 ص

تخرج اميرة وهى ترتدى ملابس خروج من باب الازاز الى حديقه الفيلا تنظر بعينها تبحث عن حد ثم تضع ايدها في جيبها تتغير ملامح وجهها بضيق وتتنفخ فقد نسيت هاتفها فى الغرفة كعادتها تجد الخادمة وتسألها

اميرة : دكتور مروان فين

الخادمة : عند الاسطبل

اميره : شكرا

تذهب اميرة عند الاسطبل ترى مروان واقف يطبطب على رأس احد الخيول تقترب منه وتبتسم

اميره : بمزح .. عايز العضه فين

مروان : بابتسامه ينظر لها والله يا فندم فضلت اصحيكى انتى مرضتيش تقومى وشتمتينى

اميره : بلاش كدب

مروان : بمزح والله العظيم هذا حصل

اميره : بس يا كداب

مروان: لحظة يا ظالمانى يفتح هاتفه على احد الفيديوهات بصي

تمسك اميرة منه الهاتف تنظر له باستغراب و ابتساع عينيها بيوريها فيديو وهو بيصحيها ومش عايزة تقوم

اميره : بمزح ..ده فعلا هذا اللى حصل وصحيتنى

مروان : شفتى

اميره : والله ما فاكرة حاجة

مروان : شكلك كان تعبان اوى وماصدقتى نمتى مكنتيش بتنامى عند دكتور خالد

اميره : لا خالص كنت بنام عادي بس امبارح لفينا كتير تقترب منه تمسك ايده بابتسامة مارو حبيبي ماتزعلش

مروان : باستغراب ... من ايه

اميره : من اللى حصل امبارح يعنى بس فعلا كنت تعبانة بابا خلانى الف لف السنين

مروان : يقترب منها اكثر يحاوط ايديه على خصرها ويشده نحوه بابتسامة ..عمرى ماأزعل انتى بس وحشاني اوي يقبلها من خدها ينظر لها هو بابا كان عارف انك رجعتي بيتك امبارح

اميره : يعنى ايه

مروان : قوليله هروح النهارده

اميره : اه صحيت بدرى لاننا كنا بننزل بعد العصر ما انت عارف قولتله لازم اروح النهارده عشان بقالى 4 ايام مشفتش مرمورى فلازم ننزل بدرى

مروان : امممم قولتيلى بصوت داخل اما راجل غبى صحيح ما اكيد مش هيحصل امبارح هيحصل بكره بعدو هاموت وأعرف بتفكر ازاي وهتستفاد ايه

اميره : ايه روحت فين

مروان : معاكى يا حبيبى ينظر بعينه لها هو انتى لابسة ليه كدا رايحة فى حتة

اميرة : بدلع تمسك ايده .. مارو

مروان : لا مش هتروحى

اميره : وحياتي

مروان : انا مالحقتش اقعد معاكي

اميره : مروان ماما راجعة من السفر لازم أسلم عليها وحشتني

مروان : روحى بكرة

اميره : وده ينفع

مروان : اه ينفع

اميره : دي ماما

مروان : بضيق .. وانا جوزك وليا حق عليكي زى اهلك ولا ايه

تنظر له بضيق ثم تلف وجهها تنظر للخيول وهى تتحرك ثم تنظر لمروان بضيق

اميره : انا عايزة اروح لماما اشوفها لانها وحشتنى تقترب منه تمسك يده وحياتى توافق عشان انا مش حابة أمشى وانت مش راضى وازعلك تقبله من خده مش هأتاخر وعد ماشي

مروان : يتنهد حاضر روحي اتفضلي

اميره : انت احلى مارو بالدنيا تقبله من خده

مروان : هاستناكى على العشا

اميرة : مش هأتاخر على العشا

شقه شرين 5م

تنام شرين على السرير على صدر شهاب

شرين : انت خلاص ناويت تخلع

شهاب : مش بالظبط بس بدأت ازهق

شرين : طب اوعى تزهق منى

شهاب : مقدرش قوليلى صح ناوية تعملى ايه بالموضوع اللى حكيتهولى

شرين : الخطة ماشية زى ماأنا عايزة

شهاب : انتى يتخاف منك هتستفيدي ايه

شرين : ولا حاجة بس على الأقل ماخليش حد يعلم عليا وخصوصا عيله زى دي

شهاب : مش خايفه منى اروح اقولها

شرين : تقف تذهب وتقف امام المراية وبضحكة سخريه عالية ههههههههههه تنظر له ماتقول بس انت لسه قايل يتخاف مني

شقه د / خالد 6 م

تجلس اميرة بالراسبشن مع الاب والام واخواتها ومع الاستماع لصوت ضحكاتهم

فريدة : بس حقيقى مفاجأة جميلة انا فعلا كنت بفكر أغير الارسبشن والمكتب

اميره : لازم يعجبك ده انا لفيت لف يلا أسبكم انا

خالد : رايحة فين

اميره : هامشى

خالد : ما تباتى النهارده وامشى بكرة

اميره : خليها مره تانية عشان مروان

خالد : هو مش عايزك تباتى هنا ولا ايه

اميره :لالالا خالص بس عشان الفترة اللى فاتت كنت هنا على طول

خالد: تمام على راحتك روحي عشان ماتزعليش جوزك طبعا طاعة الزوج واجبة

أميره : تجلس بجانبه بابا حضرتك زعلت

خالد : لا يا حبيبتى

اميره : خلاص انا هاقعد

فيلا مروان واميرة 7 م

غرفه النوم

فقد حضر مروان الغرفة بشكل رومانسي جدا فقد قام بتحضير الشموع والورد وتزيين السرير بشكل رومانسى بعمل قلب بالورد الأحمر وتحضير الطعام بايده اثناء تشغيله الشموع يرن هاتفه ينظر بابتسامة متصل حبيبى

مروان : ايه يا حبيبى مجتيش ليه مستنيكى تبدأ أن تتغير ملامح وجهه الى الضيق والانزعاج .. ايه .. يعنى ايه ..ماشى لا سلام

يغلق مروان هاتفه يجز على أسنانه ويقبض على يده ثم يقفل الشمعة باصبعه

اليوم التالى

فيلا مروان واميره 2م

غرفه النوم

تدخل اميره الغرفه تجدها فارغة لا ورد لا شموع كأنه لا يوجد حفلة فلا تعلم أميرة عن ما قام به مروان فى الليلة الماضية من أجلها فقد أزال مروان كل مظاهر الحفلة تدخل أميرة وتجلس على السرير تفتح حقيبة ايدها تخرج الهاتف تتصل بمروان

اميرة : الو انا جيت حاول ما تتأخرش بقى ماشى سلام

تذهب اميرة للحمام وتغير ملابسها ترتدي بيجاما قصيرة توب وهوت شورت وتشغل التلفزيون وتشاهده بعد كام ساعة يدخل عليها مروان الغرفة تنظر أميرة له

اميرة : بابتسامة مارو وحشتنى

يقترب منها مروان يجلس بجانبها ويقبلها من خدها

مروان :عامله ايه

اميره : تمام وانت

مروان : كويس

اميره : يومك كان حلو

مروان : اه

اميرة : اتغديت

مروان : لا

أميرة : طب هانزل اخلي فاطمة تحضرلنا الغدا يرن هاتف أميرة متصل الأب

اميره : ايه يا حبيبى بجد انت تحت ههه اه صحيين لسه 8 هههههههه ماشى

مروان : أبوكى تحت

اميرة : داخل بالعربية على الفيلا

تقوم و تذهب عند الباب قبل فتحها الباب يقوم مروان بسرعة يمسك ايدها

أميرة رايحة فين

اميره : بابا تحت

مروان : واخد بالى هاتنزلى كدا

أميرة : تنظر الى نفسها ثم تنظر لمروان .. اه عادى ده بابا

مروان : اسف مافيش نزول كدا

اميره : بتهزر

مروان :لا

اميرة : مروان بطل رخامة

مروان : بجدية.. مافيش نزول كدا تحت البسى حاجة يلا

اميرة : بعدم رضا اوف بقى ايه الرخامة دي

تروح عند الدولاب تخرج بيجاما ستان وترتديها بسرعة ثم تقترب من مروان

اميره : بسخريه ها حلو كدا ولا البسلك نقاب كمان رخم والمصحف

تفتح الباب وتنزل ينظر مروان لها بضيق يقبض على ايده ويجز على أسنانه يكلم نفسه بصوت وبعدها معاك بقى يفضل رايح جاي بسرعة بالغرفة وهو متضايق بصوت داخلى وبعدها معاك بقى أعمل ايه

لا اهدى يا مروان اهدى ماتخربش حياتك هو بيلاعبك اوعى تقع خليك قوى اميرة مش فاهمة حاجة اوعى تخليه يهزمك ثم يقف بصوت ويتنهد يااارب

يخرج مروان خارج الغرفة وينزل ويذهب عند الراسبشن كانت تجلس اميرة على كنبة وخالد على كرسى مجاور لها ينظر مروان بابتسامة

مروان : ازيك يا دكتور خالد ايه المفاجأة الحلوه دي

خالد : كنت جنبكم هنا قولت اعدي

مروان : ياريت تعدى على طول يجلس مروان بجانب اميرة ايه يا حبيبى مش تحضري العشا عشان بابا يتعشى معانا

اميره : عيب عليك قولت لفاطمة

مروان : يقبلها من ايدها حبيبتى

ينظر لخالد بجد يا دكتور يا زين ما ربيت أدب وأخلاق وجمال بجد زوجة هايلة ينظر لها بحب يلف ايده حولين راقبتها يعنى مش عارف اوصفها بجد شكرا ليك لانك السبب بوجود اميرة بالدنيا

خالد : اه

تدخل فاطمة عليهم

فاطمة : العشا جاهز

اميرة : يلا يا بابا

السفرة

اثناء تناولهم العشا كان مروان يتعمد ان يطعم أميرة بايده مع نظرات خالد لهم بضيق

بعد تناول العشاء وجلوس خالد معهم بعض من الوقت

خالد انا هامشى

مروان لا خليك لازم تبات

خالد : مره تانية

مروان : ليه بس ينظر لأميرة ماتقولى حاجة يا حبيبى

اميره : اه يا بابا خليك وحياتى

خالد : مرة تانية

مروان : يكح مروان ينظر حبيبى معلش ممكن تجبيلى مياه

اميرة : حاضر

بعد ذهاب اميرة يقترب مروان منه

مروان : عجبنى الوتر اللي بتلعب عليه بس تفتكر هيجيب نتيجة

خالد : بخبث هو لسه ماجبش ده .. ده واضح انه جاب لدرجة خلى دكتور كبير فى مكانتك العلمية والثقافية وفى سنك ده تتصرف تصرفات شاب مراهق بس احب اقولك الأداء كان فاشل المهم أحسن من اداء الفترة الجاية احنا لسه فى البدايات

مروان : ليه بتعمل كدا هاتلي سبب مقنع بنتك سعيده معايا أدينى سبب للي بتعمله غير انك انسان مريض متكبر سايكوباتى

خالد : وانا هأوريك المريض هيوصلك لإيه يا دكتور يا عاقل

تدخل اميرة

اميره : اتفضل

مروان : تسلم ايدك يشرب قليلا وهو ينظر لخالد

خالد : انا همشى بس هاجى تانى ميرو انا يوم الخميس عازم عمك اسماعيل على الغدا لو تحبى تيجى يا حبيبتى

اميره : لا هاجى ده واحشنى اوي بس الخميس ده اللي بعد بكرة

خالد : اه

اميره :تنظر لمروان باستياء ثم تنظر للأب هاجى ان شاء الله

خالد عن اذنكم

بعد خروج الأب ينظر مروان لأميرة بضيق

مروان : ايه هاجي دى مش هتروحي فى حتة

اميرة : بنرفزة هو فى ايه ايه الاسلوب اللى انت بقيت بتتكلم بيه من امتى بتقولى روحي فين وتعالي والبسي وأصلا مش عارفة ليه اسكت وقابلة بالوضع ده

مروان : بقوة وجدية .. وطي صوتك بتتكلمى كدا ليه

اميرة : عشان انت بقيت مستفز

مروان : انا بردو

اميرة : اه عايز تمنعنى من أهلى ولا ايه مروان انا غيرك انا ليا حياة تانية غيرك محور حياتى مش انت وبس

عندى بابا وماما واخواتى وأصحابى لازم أشوفهم ويشوفونى

مروان : حلو اوى واظن اني ما بأمنعكيش منهم سايبك تباتي وتروحي براحتك طول الشهر اللي فات بس كدا كتير زي ما بتهتمى بحياتك التانية اهتمى بحياتك الأولى

اميره : وانا مش مهتمية بيك انت أنانى أنانى أوى وانا آسفة لنفسي لأني بأتناقش معاك

تيجى تمشى يشدها يقربها إليه

أميرة : مروان اوعى لكن يحاوط مروان ذراعيه حوالين خصرها ويقربها له

مروان :بحب انا مش أنانى انا بحبك انتى بقالك فترة بعيدة عني على طول هناك وحشتيني

اميرة : بس فيها إيه لما أشوف عمو

مروان : مافهاش حاجة بس بقالنا كتير ماقعدناش سوى زى زمان مش واخدة بالك

اميره : واخدة بالى وانت واحشتنى أوى أوى كمان بس مروان افهمنى انا ماأقدرش اقول لبابا لا ماأقدرش أقوله لا مش هاجى انا خايفة منه يزعل منى تانى ويقاطعنى انا ماصدقت انه رضي عننا مش حابة ان بابا وماما يحصل بينهم مشكلة بسببي فهمت بقى فتعالى على نفسك واتحمل شوية عشان خاطرى

مروان : حاضر يا أميرة هاتحمل ثم ينظر لها بابتسامة حب واشتياق ..بس اللى مش هاتحمله خالص دلوقتي يحملها بين ذراعيه هو انا ماحكتلكيش الموضوع اللى كنت عايزك فيه اول امبارح ببجاماتك اللي بتتعبني نفسيا و كليا دي

كورنيش النيل 6م

تقف اميرة بسيارتها بأحد الشوارع على النيل تنزل منها ثم تقوم بعمل مكالمة

اميرة : انتي فين اه خلاص شفتك .. تقترب أميرة من شهد وتقبلها التى يبدو على ملامحها الحزن .. مالك يا شهد

شهد : تعالي نقعد

تجلسان على احد المقاعد على النيل

شهد : اميرة انا وحشة ردي عليا

اميرة : بالعكس انتي زى قمر ليه بتقولى كدا

شهد : اصل شهاب اتغير معايا

اميره : شهاب مين شهاب مراد

شهد : اه

اميره : يخربيت عقلك

بقى سبتي رجالة مصر كلها رايحة تعجبي بشهاب

شهد : ماله شهاب

اميره : اسباب كتير يعنى ابسط حاجة بتاع بنات هو انتى من امتى ارتبطي بشهاب

شهد : لا هو قالي معجب بس شكله غير رأيه عامل حجته استايلى وأهله

اميره : انتي معجبة بيه

شهد : بصراحة اه

اميرة : ولا تزعلي نفسك انا هخليكى تهوسيه

شهد : ازاي

اميره : سبيلي نفسك انتي بس

وبالفعل تأخذ اميرة شهد الى احد المولات الكبيرة وتقوم بشراء لها ملابس كثيرة واكسسوارات ثم تاخذها للكوافير لتغير شعرها وبالفعل تقوم اميرة بتغيير استايل شهد وقص شعرها وشكلها اصبح أجمل بكتير من قبل

فيلا مروان واميرة 8 م

تدخل اميرة باب الفيلا تجد احدى الخادمات امامها

اميرة : ازيك هو مروان فوق

الخادمة : لا لسه مجاش يا فندم

اميره : طب اعمليلي نسكافيه لحد ما أغير هدومى

الخادمة : حاضر

غرفه النوم تجلس اميرة على الكرسى تقوم بقراءة إحدى الروايات ثم يدخل عليها مروان

مروان : حبيبى .. يقترب منها يقبلها من خدها ويجلس بجوارها

اميره : اتأخرت كدا ليه

مروان: قابلت ناس صحابى من زمان وعزمناه على حفلة الأربعاء الجاية انا باحجزك أهو من قبلها

اميرة : هههههههه ماشى , اوعى تكون أكلت من غيرى ادبحك

مروان : انا اقدر هاغير هدومى

بعد تبديل مروان ملابسه

مروان : ها يا ميرو تحبى ننزل نتعشى الأول ولا هتفرجينى على عرض الازياء انا ملك ايديكى

اميره : باستغراب ..عرض أزياء ايه

مروان : انتى مش اشتريتى لبس النهاردة

اميره : انا لا خالص

مروان : ازاى انا جالي رسايل من البنك بالسحب

اميره : ايه ده سورى يا مارو انا اتلغبطت وسحبت من كريدت كارد بتاعتك بكرة وعد هارجعهملك اسفه جدا غلطة حقيقى مش مقصودة

مروان : بلاش هبل

اميره : اصل انا ماصرفتهمش على نفسى

مروان : جبتى لنور هديه عادى

اميرة : لا لشهد

مروان : شهد

اميره : بص تعال نتعشى واحكيلك

نادى المعادى 2 م

تجلس اميرة و نور على احد المقاعد ثم يدخل عليهم أدهم

نور : تقف .. كل ده والله لو مكنتش بحبك كان زماني بعتك يلا بقا انا هاموت من الجوع

ادهم :استني بس عشان انا مش هاقدر اقعد معاكم

نور : يعنى مقعدنا كل ده بعدين تمشى

ادهم : حنين كلمتني حماتى عندنا

اميرة : ماتخلع

نور : مش عايز وجع دماغ بأقولكم غمضي عينك انتى وهى

نور : مش وقتك جعانة

اميره : اخلص يا ادهم هتاكلنا

ادهم : انا مصاحب رجالة والله امسكى ياختي انتي وهية ...يعطيهم علبة صغيرة بها سلسلة فضة

نور : ميرسى حاجة تانى

اميرة : معلش يا ادهم نور بتتحول لما بتجوع بتقلب زومبى

ادهم : هههههه واخد بالى يلا سلام انا

اميره : ميرسى على الهدية باي

نور : يلا ياختى انتي هتقعدي

اميرة : بالراحة حاضر يلا

فيلا مروان واميرة 8م

غرفة النوم / تقف اميرة عند التسريحة تمسك بايدها السلسلة ثم يقوم مروان بمعانقتها من الخلف ينظر بعينه الى السلسلة

مروان : شكلها جديدة

اميره : اممم هدية

مروان : اممم زوقها حلو مين جبهالك

اميره : تلتفت لها بمزح ... من غير عصبية وشعننة وتحول ونظرات عادل أدهم اللى بتخوفنى

مروان : اوعى يكون اللى بدماغى

اميره : بابتسامة ... بص يعنى لو بيبدأ بحرف الالف يبقى هو

مروان : ده بمناسبه ايه

اميره : هو كان مسافر و جاب ليا انا ونور هدية

مروان : هى جميلة

اميرة : يعنى هتسبنى البسها ومش هتزعق

مروان : اممممممم أصل بقيت بحاول اتقبل وجود ادهم باشا بحياتنا

اميره : تقوم بمحاوطة يديها حول رقبته وبدلع ... مع اني حاسة انك بتتريق وانك مرقد على حاجة يا دك بس هاصدقك

يحاوط مروان يديه حول خصرها و يقربها منه .. انتى ظالمة الدك اوي

اميره : والله

مروان : والله

ينظرمروان لها بشوق ثم يقوم بتقبيلها بشوق واثناء تبادلهم القبلة يقوم بحمل اميرة على وسطه و يقوم بملامسة رقبتها وينزع السلسلة بايده ويرميها على الأرض ثم يدوس عليها بقدميه..... وووووو

صباح اليوم التالى

يظهر مروان وهو يقف امام التسريحة ويرتدى ملابس خروج تيشرت وبنطلون ويقوم بارتداء ساعة ورش برفانه الخاص به كانت اميرة نائمة على السرير تبدأ أميره بتفتيح عينيها ينظر مروان لها بالمراية ويبتسم ثم يذهب إليها ويجلس بجانبها

مروان : بابتسامة يقبلها من ايدها صباح الجمال

اميره : بنوم اممم صباح الخير هية الساعة كام

مروان : ينظر بساعته .. 8 اخلى فاطمة تحضرلك الفطار واستناكي

اميره : مش قادرة هأنام

مروان : ايه يا روحي سلامتك حاسه بايه اجبلك دكتور

اميرة : تؤ تعبانة من جيم امبارح أصله كان جامد شوية

مروان : انا مستعد اعوضك بجيم تانى اخف

اميره : لالالا ميرسي اوى لحضرتك

مروان : ههههههه طيب ماتنسيش الحفلة ها بالليل الساعة 8

اميرة : حاضر قرب كدا تقبله من خده بحبك

مرون : انا ممكن اعتذر عن المحاضرة عادى

اميره : بطل بقا يلا قوم عشان ماتتأخرش

جامعه القاهرة 4 م

داخل احدى قاعات المحاضرات يقوم مروان بالقاء محاضرة يبدو عليه التركيز

مروان : طب انا كدا خلصت الفصل الرابع المرة الجاية هاستلم الأبحاث اللي طلبتها فين الليدر .. تقف احد الطلبة ينظر مروان لها ... انتى مسؤلة على لمهم تمام اتفضلوا

يخرج مروان خارج القاعة ثم تقوم اميرة بالاتصال به يقف مروان بجانب الحائط يرد على هاتفه

اميره : ما بتردش ليه

مروان : اسف يا حبيبى موبايلي كان صامت لاني بالمحاضرة

اميره : ماشى يا قلبى , مارو انا عايزه اقولك حاجة

مروان : بمزح ... ايه يا نور عينى نفسك بجيم تانى

اميره : ما تتلم بقا خلينى اقولك الكلمتين اللى عايزك فيهم

مروان : بابتسامة... عمري ما شفت وحدة بتتكسف من جوزها

اميره :بمزح ودلع مش انت قولتلى بتحب كسوفي اوي وكسوفى ده اللى بيغرغر بيك

مروان : ههههههههه بيغرغر بيا هههه هو من جهة بيغرينى فهو بيغرينى اوي

اميرة : هههه ماتبس بقا يابني ناسيتنى كنت هاقولك ايه اه افتكرت بدلع مرمورى

مروان : نعم يا قلب مرمورك

استواب لحد هنا

ياترى ايه حصل واميره هطلب من مروان ايه

وايه هيحصل بالحلقات الجايه

الجزء الثاني

من

روايه الأعمى2

بقلمى ليلةعادل ❤️✍️🌹

الحلقه التاسعه والعشرون

فيلا مروان مروان 8 م

يجلس مروان بهول الفيلا وهو يرتدى بدلة انيقة جدا ويغلق هاتفه يبدو انه كان يتحدث مع شخص ما ! على ملامحه الانزعاج بعد قليل يدخل عليه منير

منير : ايه يا حبيبى جهزت امال فين اميره

مروان : يقف يلا احنا عشان منتأخرش

منير : طب واميرة

مروان : مع باباها وقالتلى مش هاتعرف تيجى يلا احنا

شقة باهر احد اصدقاء مروان 10 م

نستمع الى صوت موسيقى هادئة حركه خروج ودخول وعند دخول مروان الحفلة يستقبله باهر صديق مروان

باهر : بسعادة .. اخيرا والله مش مصدق انك قبلت انك تيجى عارفك مالكش بالحفلات

منير : بمزح ... لا ده مروان اتغير عن زمان

باهر : انت زى مانت الزمن يروح وييجى عليك وانت زى ماانت مجبتش مراتك ليه

منير: هو انا عمرى جبتها ينظر حوليه ما انت عارف الحفلات الحلوة دي ممنوع دخول لبنى

باهر : هههههههه مافيش فايدة مش هتعقل مالك يا مروان وانت كمان فين مراتك كان نفسى اتعرف عليها

مروان : بضيق .. تعبانة كانت لابسة وجاهزة لكن جالها صداع

باهر : الف سلامة طب احنا هنفضل واقفين البيت بيتكم

منير : ينظر حوليه بقولك ايه انا هالفلي لفة محتاجني بحاجة

مروان : لا روح انت

منير : ينظر امامه ايه ده كاميليا عاش من شافك يرحل معها

ينظر مروان أمامه ويذهب ويجلس بركن بعيد هاديء لكن كانت تراقبه من بعيد شرين عندما تجده بمفرده تذهب اليه

شرين : يضايقك لو قعدت معاك

مروان : اتفضلي

شرين : امال فين اميرة

مروان : تعبانة

شرين : بخبث .. سلامتها صحتها على قدها, كل ما أسأل عليها غايبة ,أو تعبانة ولا مراتك دلوعة وبدلع عشان انت المدير

مروان : لا يعطيها اهتمام .. ماتوقعتش انك تكوني بالحفلة انتى تعرفي باهر

شرين : انت نسيت ان كل اصحابك كانو اصحابي

مروان : اممم

شرين : مش ناوى تقولى مالك

مروان : انا كويس

شرين : على شيرى

مروان : مش فاهم

شرين : من وقت ماتجوزت بأبص بعينيك عمرى ماشفتك سعيد , دايما مش مرتاح .. تمسك ايده مروان انت تستاهل وحدة تعرف قيمتك كفاية اللى حصلك , انا عارفة قدايه اميرة بتحبك لكن مش قادرة تسعدك دايما سيباك لوحدك اوعى تنكر عينيك فضحاك

مروان : يسحب ايده ... انا سعيد مع مراتي جدا , وبحبها , وهي عارفة قيمتى كويس ,انا عاشق تراب رجليها اللي بتقوليه ده اوهام

شرين : امال مش معاك ليه

مروان : بشدة وحسم ... شرين ماتخلنيش اتعامل معاكي بأسلوب تاني مش هيعجبك لحد اللحظة دي بأحاول احترمك يقف عن اذنك

سيارة مروان 12 م

يقوم منير بالسواقة ومروان بجانبه

مروان : منير وقف شويه هنا

منير : حاضر

يقف منير بالسيارة أمام النيل ثم ينزلان من السيارة يبدو على مروان الاستياء والغضب يقف منير بجانبه ويضع يده عليه

منير : انت كويس

مروان : متقلقش عليا

منير : كلمت اميرة

مروان : ما بتردش اكيد مشغولة معاهم

منير: يطبطب على ظهر .. طب اهدى

♥️_____ليلة عادل _____♥️

مركز د/ مروان 9 ص

تدخل شهد من بوابة المركز وهى فى غاية الاناقة والجمال بشعر قصير وجميل وتضع القليل من المكياج كاغير عادتها وأيضا لا ترتدى عدساتها التي كانت ترتديها باستمرار عندما تراها نور تتحدث معها

نور : انبهار ...ايه ده ايه ده الله الله على الجمال جامد اللوك ده اثبتي عليه

شهد : اهو غيرت العدسات والمكياج اللى مش بيعجبكم ,خلعت انثى الهاسكى

نور : والله مهما تعملي بنفسك هافضل اقولك انثى الهاسكى

شهد : طب يلا ندخل الاجتماع

غرفة الاجتماعات / يجلس مروان على رأس الترابيزة وحوليه العاملين بالمركزومنير بجواره

مروان : منير فين الأوراق اللي طلبتها

منير : مع اميرة

مروان : هى اميرة فين

شرين : بمكر .. هو مش المفروض تبقى عارف هى فين مش مراتك ,هى مش بتنزل معاك الصبح ولا ايه

مروان : دون اهتمام لها ..طب نبدأ احنا لحد لما الدكتورة اميرة تيجى

بعد انتهاء الاجتماع

شرين : مروان ممكن تشرب معايا فنجان قهوة

ذ

مروان : ماشى

مكتب شرين/ تجلس شرين ومعها مروان على كراسي

المكتب الامامي يتحدثان

شرين : ها مالك مش عاجبنى اليومين دول

مروان : ضغط شغل

شرين : ضغط شغل قولتلى هاقوم أعملك قهوة اثناء قيامها بعمل القهوة بمكر انت قولتلى أميرة مجتش ليه

مروان : بابتسامة خبث .. انا اصلا ماقولتلكيش

شرين : تقترب منه وتعطيه الفنجان .. وياترى ماجتش ليه

مروان :باستنكار .. شاغلك اوي تعرفي

شرين : شاغلنى انك ماجتش مع مراتك مع انكم بنفس البيت

مروان : ليه

شرين : بحبك ويهمنى امرك

مروان : بابتسامة ... من غير لؤم يا شرين انا هأريحك اميرة بايتة عند اهلها زيارة عائلية , وكلمتنى واعتذرت على تأخرها , فى أى معلومة حابة تعرفيها انا عايزك تهدي ماتشغليش دماغك كتير عشان ماتتعبيش , ركزى بشغلك بحياتك احسن ليا وليكي .. يقف وبشده وقوه.. مش هأقولك تانى لحد اللحظة دي انا بحاول محترمك واكون مؤدب معاكى ..ميرسى على القهوة

شرين تقف بخبث ... انت ديما فاهمني غلط انا خايفة عليك ده احنا بينا عشرة عمر

مروان: بابتسامة خبث .. انا فاهم فاهم قلبك قد ايه كبير وحنين عن اذنك

شقه د/خالد 11م

غرفة نوم اميرة / تنام اميرة على السرير بالقرب منها هاتفها لكنه بوضع الصامت يقوم مروان بالاتصال بها ثم تدخل عليها والدتها معها مج تفتح الستائر تفتح اميرة عينيها

اميره : بانزعاج .. ماما اقفلى الشمس

فريده : يلا قومى ساعه 11 مش عندك شغل

اميره : بخضة .. بتقولى كام

فريده : تقترب منها وتجلس .. 11

تقوم أميرة مسرعة .. يا نهاار اسود الاجتماع تمسك هاتفها يا نهااار اسود مروان اتصل بيا 10 مرات ماصحتنيش بدرى ليه تقوم اميرة بالاتصال بمروان لكنه لا يجيب مروان مش بيرد ده هيولع فيا تفتكري هيرفدنى

فريدة: ههههههه في راجل يرفد مراته البسي بس بسرعة ويلا

♥️_____ليلة عادل _____♥️

-مركز د/ مروان 12م

غرفة مكتب مروان

يجلس مروان بمكتبه يقوم بقراءة احد الكتب ثم تدخل عليه اميرة

اميرة : مارو حبيبى دك الجميل تقترب منه واحشتنى

يرفع مروان عينيه ينظر لها ويغلق الكتاب ويضعه على المكتب ثم يرجع الكرسى قليلا للخلف تنظر اميرة له بخجل واستسماح

اميره : تجلس على كراسى الامامى وتنظر له انا اسفة أصل فضلت سهرانة انا واخواتى لحد الفجر نمت ومحدش صحانى

مروان : فطرتى

اميره : لا

مروان : هأطلب فطار يمسك هاتف مكتبه ويطلب من السكرتيرة هبة الفطار و ينظر الى اميرة انبسطي هناك

اميره : اممم انت زعلان عشان ماجتش معاك الحفلة والله بابا طب عليا قالي يلا معرفتش اقوله حاجة

مروان : عارف ما انتي قولتيلي امبارح وانا قولتلك تمام مش زعلان ها ناوية تتغدي معايا ولا دكتور خالد عزمك على الغدا زى كل يوم

اميرة : لا ماعزمنيش

مروان : اممم غريبة يبقى اكيد هيعزمك على العشا

اميرة : هو فى ايه

مروان : اميرة ممكن تسلمي كل شغلك لمنير خليكى انتي بالتدريس ومالكيش علاقة بأي شيء يخص الادارة

اميره : دي اول غلطة ليا

مروان : وانا مش هستنى يكون فى غلطة تانية

اميره : هتعقبنى عشان غلطت مره وحده

مروان: ليه بتسمى عقاب. اولا ده مش شغلك ولا تخصصك ، كنتى بتعملى فوق شغلك ، فلازم كل شى يرجع لمحله الصح

اميره : انت شايف كدا

مروان: اه

اميره : مروان هو انت كويس

مروان : اممم كويس

اميره : متاكد

مروان : متاكد

اميره : اممم طب انا بمكتبي

مروان : والفطار

اميره : تقف ... بعدين افتكرت ان عندي جلسة محتاجة احضرهاكويس عن اذنك

بعد خروج اميرة خارج المكتب ينظر مروان باستياء ويجز على أسنانه يرجع ظهره للخلف بضيق ويتنهد

- أحد المطاعم بأحد البواخر النيلية 4م

تجلس حنين معها ادهم على احد الترابيزات وعليها طعام يبدوعلى ملامح ادهم الضيق والسرحان ويقوم بمسك الشوكة لكنه لا يأكل شيء

حنين : مالك يا حبيبى ما بتاكلش ليه مش انت اللي اخترت المكان

ادهم : انا كويس بس في قضية شغلاني جدا مش عارف أحلها

حنين : تمسك يده ... ماتحكيلي يمكن اقدر اسعدك

ادهم : انت ما بتروحيش الشغل ليه

حنين : لسه واخد بالك

ادهم : اسف حقك عليا انتي عارفه شغلي مع انه مينفعش اخلي حاجة تشغلني عنك بس انتي هاتسمحيني صح

حنين : بابتسامة .. ايه كل ده انا بأهزر معاك بناغشك , .. تضع ايدها على ايده وبلطف ...حبيبى انا فاهمة والله مقدرة وعارفة ان شغلك صعب وبياخد من طاقتك وتفكيرك , انا بس مش عايزك تضايق , بخصوص شغلى أنا اخدت اجازة طويلة عشان أفضالك مش عايزة حاجة تشغلني .. عنك تقبله من يده

ادهم : ينظر لها باستياء ..انتي سعيدة معايا يا حنين مش ندمانة

حنين : طبعا سعيدة لازم اكون سعيدة مش جنبي اجمل راجل بالعالم , الرجل اللى قلبي بيدوب فيه وبأعشقه بجنون , لو السعادة بتتكلم اعتقد انها مش هاتعرف توصف قد ايه انها سعيدة , السعادة سعيدة انها جنبك

ادهم : تنزل دمعة من عينيه ربنا يخليك ليا

حنين : ممكن تاخد دي من ايدي والله هتحل القضية انا متاكدة انا واثقة فيك ,افتح بوقك يلا

ادهم : بابتسامة حزينة.. حاضر

شقه د/ خالد 5م

تجلس اميرة بالبلكونه ومعها فريده

فريدة : اميرة مش شايفة انك شبه كل يوم هنا حبيبتى ماينفعش انتي اتجوزتي

اميرة : مش فاهمة

فريدة :لا انتي فاهمة كويس على فكرة انا مش مبسوطة انك مستسلمة لخالد كدا

اميرة : خايفة يزعل منى

فريده :وانا اللى بقولك سبيه يزعل

بنرفزة خفيفة انا مش فاهمة هو بيعمل كدا ليه انا حقيقي حاسة إني بقيت عايشة مع واحد تانى مش هو ده الراجل اللى اتجوزته وعشت معه أكتر من 33 سنة

اميرة : بخوف ودموع تمسك ايد فريدة وتقبلها ماما والنبي ماتعمليش مشاكل مع بابا بسببي تانى اقسم بالله ما هأتحمل ده والنبي يا ماما متعمليش حاجة انا بأقدر على مروان

فريدة : مروان مش هيصبر كتير مافيش راجل يتحمل ده

اميرة : ما يستحملش بس انا مش هأقدر أكون سبب انك تخسرى بابا ابوس ايدك اوعي تتكلمي معه

فريده : لا حول ولا قوة الا بالله مش عارفة اقولك ايه

حسبي الله ونعم الوكيل. تاخد فريدة اميره بحضنها وتطبطب عليها

♥️_____ليلة عادل _____♥️

- احد الكافيهات بالقاهرة 6م

يجلس مروان ومعه منير يتحدثان يبدو على ملامح مروان الانزعاج

مروان :مش قادر أمثل اكتر من كدا , اني عادى , اني الراجل اللى بيضحي عشان الست اللى بيحبها تبقا سعيدة , كان ممكن اتحمل لو لقيت منها اى رد فعل اى مقاومة أى اعتذار, لكن هي موافقة و متقبلة البعد

منير : ماتمنعها قولها لا دي مراتك

مروان : اتخنقت من كتر المشاكل والخناق, اعصابي تعبت فى نفس الوقت مش قادر اتعامل بهدوء وبمنطق

منير : من غير خناق قولها , خليها وقت تانى يا حبيبتى النهارده هنخرج حجزت مكان , تابع معها سياسة الدلع والرومنسية

مروان : عملت كدا , كانت بتعتذر بابا معلش وحياتى اسفة , ماأقدرش اقوله لا , انا خايف يا منير اميرة عمالة تدوس وتدوس وتاخد من صبري و اناصبرى نفذ

منير : الحل الوحيد انك تتكلم معها قولها انك بتضايق ,وان بقا ليها حياة وبيت و انك ليك حق عليها زيهم , وان كدا الموضوع وسع منها , تروح كل اسبوع مره وتبات غير كدا مافيش ده حقك

مروان : مش هتوافق وهيحصل مشكلة هى خايفة تخسر باباها تانى , قالت آجي على مروان , وانا مش قادر اتحمل اكتر, منير هو انا راجل مش كويس انا انانى انا ظالمها المفروض اكون أهدى من كدا

منير : بالعكس انت اتحملت كتير وبرهنت كتير عن حبك واخلاصك , انت اتظلمت معها كتير , اتكلم معها حط النقط على الحروف ,لان لو فضلت ساكت وجاي على نفسك ,

اناحافظك هتيجى فى مرة وتنفجر فيها وهتبقا النهاية

احد الكافيهات المطلة على الهرم 6م

يجلس ادهم على احد الترابيزات ويبدو انه ينتظر شخص ما

بعد قليل تدخل اميرة الكافيه تنظر بعينيها كانها تبحث عن احد ترى ادهم تنظر باستغراب تقترب منه

اميره : ايه الصدفة دي

ادهم : اميرة

اميره : تجلس ايه بتعمل ايه هنا

ادهم : مافيش مستني دكتور خالد

اميره : بابا اداك معاد هنا وانا كمان بأتصل بيه مش بيرد

ادهم : وانا كمان هو فى حاجة

اميرة : انا كدا قلقت كلمه كدا تانى لأن موبايلى هيفصل

ادهم : حاضر يقوم بلاتصال بيه .. بيرن رد الو ايوة يا انكل مستنيك زى ما قولتلي اه اميرة معايا اه اه تمام مافيش مشكلة مره تانية لا مافيش حاجة سلام

اميره : قالك ايه

ادهم : جاله حالة طارئة

اميره : هو كان عايزنا فى ايه اصلا

ادهم : ما قالش حاجة هو كل اللى قالهولى انه عايزنى فى موضوع يلا اسيبك انا

اميرة : ليه ماتخليك قاعد معايا نشرب حاجة ونمشى انا ريقي ناشف

ادهم : ماشى عجبتك السلسلة

اميره : جدا زوقك حلو عامل ايه مع حنين

ادهم : الحمد الله مبسوط معها ها عاملة ايه مع مروان دلوقتي

اميره : الحمد الله هو قدر يحتوينى ويحتوى حالتى النفسية بشكل جميل , ..بلمعان عين وحب... هو اصلا كل شيء جميل, عارف مروان ده حاجة كدا شبه أبطال الروايات اللي بقرأها اللي تحسهم مش موجودين بالواقع بالخيال بس, بحبه أوى

ادهم : انتى تستاهلى انك تعيشي روايه ناجحة كلها حب ,وكل الابطال اللى فيها يقطعو نفسهم عشان يوصلو لقبلك

اميره : وانت كمان تستاهل تبقا بطل لرواية بابتسامة أدهم صدقنى انت قلبك جميل ياأدهم

♥️_____ليلة عادل _____♥️

سياره مروان 8م

يقوم مروان بسواقة سيارته متوجه الى بيته لكن يتم ارسال رسالة له من رقم مجهول مره اخرى يركن مروان بجانب الطريق ويرى الرسالة

الرسالة : اتمنى تكون الصورة عجبتك يطلع على صور يجد ادهم وأميرة وهما يجلسان بكافيه الهرم ينظر الى الصور بغضب ثم يحاول ان يهدأ و يقوم بالسواقة

فيلا مروان واميرة 10 م

غرفه النوم

تجلس اميرة وهى ترتدى ملابس خروج امام التسريحة تقوم بتصفيف شعرها ثم يدخل عليها مروان تنظر اميرة له من المرايا بابتسامة

مروان :مساء الخير يتقرب منها يقبلها من راسها

اميرة : تلف بالكرسي و تنظر نحوه وهو يجلس على السرير..

اتعشيت مع منير

مروان : لأ... ها بابا كان عايز ايه

اميرة : مجاش تصور ده انا حتى لقيت أدهم كان مديلو ميعاد بردو بس جاتله حالة طارئة

مروان : طبعا قاعدتى مع ادهم

اميره : المشوار كان طويل وهما عشر دقايق

مروان : بعدم رضا .. دقيقة زى ساعه ماتفرقش المبدأ واحد بصي انا مش عايز اتخانق معاكي , لاني تعبت من كتر المشاكل , كويس انك لابسة ادينى عشر دقائق اخدلى شور سريع والبس نخرج نتعشى بره

اميره : ماشى بس بعد مانخلص تودينى عند بابا

مروان : ليه

اميره : هبات هناك النهارده

مروان : معلش خليها مرة تانية,احنا هنطلع على مرسى علم بعد العشا

اميره : باستغراب .. مرسى علم دلوقت اشمعنا

مروان : طقت بدماغى هنروح بالطيارة هتطلع 6 الصبح هانقعد اسبوع

اميره : طب شغلك محاضراتك

مروان : عادى منير هيتابع

اميرة : تبتلع ريقها وتذهب نحو مروان بدلع تجلس على قدميه .. مارو قلبى

مروان : مادام مارو وقلبى يبقا فى حاجة

اميره : بابتسامة..ممكن تخلي السفر وقت تانى

مروان : ليه

اميره : اصل بصراحة بابا عزمني على السفر

مروان : فين

اميره : ايطاليا انت عارف اني بحبها

مروان : عادى نروح ايطاليا و نقابلهم هناك

اميره : بس يعنى انت وبابا

مروان : عادى هو لازم بقا يتقبل وجودى لأن انا بقيت واقع

اميرة : تقف وتنظر له ..طب ماتخليها مره تانية

مروان : لا

اميرة : هو ايه اللى لا

مروان : يقف بنرفزة خفيفة.. مافيش سفر مافيش بابا مافيش مرواح النهارده وهاتقعدى تتعشي معايا وبعد مانخلص سهرتنا هنطلع ننام سوى فوق

اميره : ايه الاسلوب ده انت بتعمل ليه كدا

مروان : انتي شايفة اللى بتعمليه ده طبيعي ,مرواح كل يوم هناك وبياتك هناك بصفة مستمرة عادى , وجود ادهم عندكم عادى

اميره : بغضب .. اه عادى أهلى انت عارف انى بحبهم جدا وبخصوص ادهم انا مقدرش اقول لبابا دخل مين بيتك ومين لا

مروان : بشدة وحسم .. بردو مافيش مرواح النهارده

اميره : انت عايز تمنعنى من اهلي ولا ايه

مروان : بنرفزة .. اميرة ماتخلقيش مشاكل من الهوا

انا بقول مافيش النهارده

اميرة : بنرفزة .. هاروح وبراحتي واللى عندك اعمله , ورينى بقا هتمنعني ازاي

تذهب وترتدى حذائها واثناء ارتدائها ينظر مروان لها بضيق تقف اميرة وتنظر بقوة

اميره : بحسم وغضب انا نازلة

مروان : انتى راضية على اللي بتعمليه ده

اميره : بنرفزة والله لو مش عاجبك طلقنى

مروان : اطلقك هى وصلت لكدا

اميرة :بضيق وحزن ... قولتلك مليون مرة , افهم حس

انا مقدرش اخسر اهلي تانى , ولا اكون سبب ان بابا وماما يخسرو بعض بسببى, انت ليه مش مقدر التضحيات اللى ضحتها عشانك , مش قادر تتحمل شويه وتصبر , منا ياما اتحملت وصبرت , ضحي شوية عشان خاطرى , منا ياما ضحيت عشانك , بس انتم كدا رجالة انانية بتفكر بنفسها وراحتها وبس الطرف التانى طظ

مروان : انا اسف انتي صح انا مزودها مش هامنعك تاني اعملي كل اللى شايفاه صح

اميره : مقتنع

مروان : طبعا مقتنع أهلك أهم

اميرة : طبعا أهم .. انا ماشية تصبح على خير سلام

ينظر مروان لها دون تحدث وبعد خروج اميرة خارج الغرفة يخبط مروان يده بقوه بغضب فى مرايه الدولاب فاتتكسر المرايه من شدة الضربه وتنجرح ايد مروان وتنزف دم

-خلال شهرين كانت المشاكل كثيرة بين مروان واميرة بسبب بياتها المستمر ببيت اهلها وسفرها معهم ,وأيضا وجود ادهم معهم بصفة مستمرة كان يغضب مروان جدا لكن اميرة كانت تخاف ان ترفض لوالدها اى شيء

♥️_____ليلة عادل _____♥️

جامعة القاهره 4م

تجلس اميرة فى غرفة مكتبها فى الجامعة ثم تدخل عليها نور

نور : ميرو خلصتى

اميره : تنظر لها . تعالى اقعدى

نور : مالك

اميره : مش عايزه اروح , مروان بقا نكدي اوى مش فاهمة ليه , مش قادر يفهم اني ماقدرش ازعل بابا

نور : تجلس .. اميرة انتي مزوداها اوى بصراحة, انتي بقيتى ست متجوزة ليكى بيتك وحياتك ,بقيتى مستقلة بذاتك بقيتي مسؤولة من راجل ماينفعش استمرارك انك تباتي وتروحى هناك بالشكل ده كل يوم , لازم تعملى بالنس بين وجودك ببيتك , وبيت اهلك , انا مش شايفة اى مبرر لوجودك هناك كل يوم

اميرة : غصب عني خايفة بابا يزعل تانى , هو اللى بيتصل بيا وأحيانا بييجى ياخدنى , بس عارفة الأول مروان كان بيتخانق دلوقتي بيسكت بيقولى طيب سكوته ده مخوفنى

نور : حقه زهق بابا خالد مش هيزعل لو قولتيله مش هينفع اجي , بلاش تخلقي مشاكل تافهة مع جوزك قومي قومي روحي وصالحيه

اميرة : نور انا مش هاقدر اخسر اهلى تاني انا اهون عليا أخسر مروان واهلي لا مستحيل اعمل كدا بنفسى مره تانية

نور : ياستى مافيش خسارة ولا حاجة, الموضوع بسيط يومين هنا يومين هناك بعدين اربعة ببيتك يومين عند اهلك مرة فى مرة الموضوع هيمشى

♥️_____ليلة عادل _____♥️

فيلا مروان واميرة 6م

غرفة المكتب يجلس مروان على الكرسى الأمامي للمكتب سرحان ثم تدخل عليه اميرة

اميره : بمزح ... بخخخخخخخخخ تقترب منه وحشتني كدا تخلع وتسيبني يا دك

مروان : حمد الله على السلامة مش قولتي هتباتي عند ياسمين

اميره : منا غيرت رأيي تجلس على قدميه قولت اني انا ودك بقالنا كتير مسهرناش بكرة اجازة ايه رأيك

مروان : راضية عني يعني النهارده

اميرة : طول عمرى راضية عنك يا دك تضع ايديها الاتنين على وجهه وحشتنى وحشتك

مروان : وحشتينى

اميرة تقف .. تعرف انا وحشنى اوى اميرة بتاعت زمان وحشنى انى ابقا مجنونه اتكلم كتير كل كلمة بافيه طق , معرفش الشراب اللى لابس بقالى حبة كتير ده انفصام ولا جوزاء

مروان : يقف يمسك يدها يقبلها من ايدها وبابتسامة انتى جميلة بجميع احوالك وانا بحبك وانتى مجنونة ونكدية ومتقلبة بكل احوالك بحبك ومقدرش استغنى عنك

اميره : وانا والله العظيم بحبك متيجى نهرب سوى

مروان : طب وبابا

اميرة : ما خلاص بقا بطل

مروان : انا خايف بس يزعل منك

اميرة : انت هتبطل ولا اتحول عليك

مروان : لالا انتى كدا فله يضمها ليه ينظر الى عينيها بحب يعنى أجهز اوراق السفر

اميره : اممممم ....تقترب قبل ان تقبله يرن هاتفها ..

مروان : ينزل ايده روحي ردي

اميرة :تمسك يده تلفها حولين خصرها .. تؤ مافيش اهم منك ,تقبله من شفايفه برقه ثم ينظران الى بعضهم بحب ثم يتبادلان القبلات مرة اخرى برومنسية ونعومة ثم تنظر اميرة له بابتسامة ويضع مروان جبينه على جبينها وهما مغمضين عينيهم بعد قليل تفتح اميرة عينيها تبعد وجهها عنه.. لحظه .. تفتح حقيبة يدها تخرج منه نوت بوك وقلم اتفضل ياخذها منها..عارف كانو افضل صديق ليا عمرهم ماخذلونى .. انا عايزك كل ماتلاقى نفسك مضايق او فى حاجة نفسك تقولها مش قادر او مش عارف تقولها اكتبها هنا , حتى لو انا مش قادرة اكون جنبك بالشكل الصح , بس حابة اكون ساعدتك انك تخرج اللى جواك ,فاعايزك ديما تخلي القلم والنوت بوك دول معاك دايما ,اكتب فيها اى فكرة مش هينفع انك تحكيها , لما تيجى تكتبهم ارجوك تستخدم القلم والنوت بوك دول عشان أحس دايما اني معاك وبشارك حتى اللي مش قادر تقوله ليا

مروان : ينظر لها بعشق .. انا مشاركك حياتى ونفسى و كل شيء , مش هاشاركك سري, بعدين انتى سري وتفكيرى , انتي الكلام اللى مش قادر اقوله ولا أوصفه ,انتي الحاجة اللى مخبيها جوايا , لو هاكتب حاجة هنا هيبقا انتي

اميرة حبى وحياتى يضمها اليه

اليوم التالى

غرفة نوم اميرة ومروان 1م

تنام اميرة على السرير وكان مروان بجانبها. ينظر لها بحب وعشق بعد قليل تبدأ اميرة بفتح عينيها ببطيء.

تجد مروان. ينظر لها تبتسم

أميرة :صباح الفل

مروان: بابتسامة صباح الورد

اميره: صاحي من بدرى

مروان: من نص ساعة

اميره : نص ساعة

مروان : اممم كنت بأتفرج عليكي ، مكنتش عارف انى وحشك اوى كدا

اميره : واكتر ، اكتر بكتير من اللى حسيته

يقترب و ينام على صدرها. تحاوط اميرة ذراعيها حول رقبته يقبلها مروان من رقبتها برقة ثم يبدأ مروان بالتحدث وهو نايم على صدرها

مروان: بحنان .. انا بحبك بحبك أوى يا اميره يقوم بتقبلها عدد قبلات متقطع فى خدها وجبينها وراقبتها وشفافيها ثم ينظر له انا بحبك ، بحبك وخايف اخسرك خايف اوي

أميرة... بستغراب تخسرني

مروان : ينام على صدرها طبط اميره على راسه. بصوت حزين يرتجف ياس خائف .. انا مقدرش أتخيل حياتى من غيرك بس ماتعمليش كدا تانى عشان مابقتش تنفع طريقه إنك كل فترة تقضى يوم زى امبارح معايا عشان تشحنينى مابقاش ينفع مابقتش قادر انا عارف انك فاهمة وعارفه كل حاجه انتي اختارتى انك تقسي على الأضعف بس الأضعف بيقولك كفاية مابقتش قادر ينظر لها بحب ساعدينى انى افضل قد الثقة اللي شايفها بعينيك دي كفاية ضغط ارجوكى يا أميره

تجلس اميرة

اميرة بحزن ويأس عيون تسكنها الدموع . عارف انا نفسى بايه. نفسى أموت وأريحك انت وبابا لأني أنا كمان ما بقتش قادرة ولا عارفة أرضي مين فيكم تضع ايدها على خده تقترب منه أنا كمان بحبك أوي وحبك عمره ماقل في قلبي بالعكس بيزيد بس ...

مروان بس ايه

اميرة : ولا حاجة تقبله من خده وتضمه ثم تنظر له وتقبله من شفايفه. ويتبادلان القبلات الساخنة وووو....

♥️_____ليلة عادل _____♥️

أحد الكافيهات بالقاهرة ٨م

يجلس خالد على احد الترابيزات ينتظر شخص ما بعد قليل تدخل عليه ...

ينظر خالد لها

خالد : ميعاد مظبوط خير اتمنى يكون الموضوع اللى عايزاني فيه يستاهل

الشخص : صدقنى مش هاتندم ابدا

استووووووب

ياترى مين دي اللي مع خالد

واميرة هتعمل ايه مع مروان هتفضل مستسلمة لأبوها ...

ومروان هيصبر والا هياخد موقف ...

آلجزء التانى

من

روايةالأعمى2

بقلمى ليلةعادل ❤️🌹✍️

حلقه ثلاثون

احدى الكافيهات ٢م

تجلس شرين مع شهاب على احد الترابيزات ويتحدثون

شهاب : تعرفى انا مستغرب اوى

شرين : مستغرب ايه

شهاب : انه قبل بالسرعة دى

شرين : كان لازم يقبل. لان هدفنا واحد

(فلاش باك قبل كام شهر)

أحد الكافيهات بالقاهرة ٨م

يجلس خالد على احد الترابيزات ينتظر شخص ما بعد قليل تدخل عليه شرين

قال خالد : ميعاد مظبوط خير اتمنى يكون الموضوع اللى عايزاني فيه يستاهل

شرين : صدقنى مش هاتندم ابدا انا عرفت انك بتكره مروان ونفسك اميره تتطلق منه برغم انى هموت واعرف السبب اصل بصراحة راجل زى مروان ده مايتسبش سيبك منه انه غنى أوى وعنده فلوس مالهاش اخر والجميل انه معندوش حد يورثه لانه وحيد مين يعنى هيورثه عمه خاله اصلا العلاقة بينهم مش قد كدا بس مروان حقيقة شخصية ماتتسابش وحمول راجل بجداللى زيه خلصو وهو ده اللى مخلينى أجرى وراه وبأتمنى منه كلمة لأنى متأكدة انه طول ما أنا معه هيبقى راجل معايا انت بقى ايه اسبابك بنتك سعيدة معه وهو بيتمنلها الرضا ترضى

خالد :يشرب القليل من ماء ثم ينظر لها ... لسه مقولتليش طلبتينى ليه

شرين : بضحكة مكر بعيد عن الاسباب بس احنا هدفنا واحد انت تطلق بنتك من مروان وانا اتجوزه انا هقولك ايه هي مفاتيح مروان اللى ما بيسامحش فيها ومن جهة تانية اقرب انا منه لما بنتك تهمله

خالد : تفتكرى انا ممكن اوافق وانتى عايزة تاذى بنتى

شرين : امال انت بتعمل ايه ما انت عمال تأذى فى بنتك وتدمرلها حياتها بكل انانية بس انا مقدرة حالتك اتعاملت كتير مع النوع اللى زي حضرتك يا دكتور انت مريض بمرض اسمه سيكوبتك انت سايكوباتى متحكم بتلذذ فى أذى اقرب شخص ليك انت مش بتكره مروان انت بتكره بنتك عايز تنتقم منها انها اختارت مروان فابتنتقم منها بانك تدمرلها حياتها وتقولها أهو مصبرش عليكى بما انه دكتور وفاهم عجبنى ذكاءك وبما انه مش فارق معايا وان هدفى هو الطالق هساعدك

خالد : بس من غير ماحاجة تهوب ناحية بنتى

شرين : متقلقش

المشهد الحالى

شرين :طب هو وعنده سببه انت بقى ساعدتنى ليه ولا انت كمان بتحبها

شهاب : هى بصراحه حلوة وطعمه بسكوته كدا فى نفسها بس مش استايلى انا بحب الستات الملفوفة الطويلة

هههههههههه انا ساعدتك عشان الكلام اللى قولتيه عن مروان. بصراحة مكنتش متصور انه كدا ده طلع داهية عاملي فيها محترم ده انا طلعت جنبه ملاك عايز اميرة هى كمان تشوف حقيقته هى جدعة وطيبة أوى. أطيب واحدة بالشلة ماتستهلش تعيش مغفلة كدا

شرين : كلكم مخدوعين فى مروان محدش يعرفه قدي

انا اللى شفت وشه التانى

شهاب :طب هتعملي ايه الفترة الجاية

شرين: هقولك

شقه حنين وادهم 10م

يقف ادهم هو وحنين بالبلكونة المطلة على النيل يشربون الشاى

حنين : هترجع بكره الشغل

ادهم : بقالى شهر اجازة

حنين : شكرا يا حبيبى على الاجازة الحلوة دي انا فعلا كنت محتجالها جدا ممكن كل فترة نعمل زى الرحلة دي حتى لو يومين

ادهم : حاضر

مركز د/مروان 1م

فى ممر المركز كان يسير شهاب لكى يدخل قاعة المحاضرات لكن تراه شهد تجرى نحوه

شهد : شهاب شهاب

شهاب : يلتفت لها .. ايه عاملة ايه

شهد : انا كويسة عندك جلسة

شهاب : اه فى ايه

شهد : انا خلصت كل شغلى ايه رأيك نخرج سوى بعد ماتخلص

شهاب : انا مش فاضي خليها وقت تانى

يتركها ويذهب تنظر شهد لشهاب وهو يتركها ولتغيره معها باستغراب شديد بعد قليل تدخل عليها اميرة

اميره : واقفه كدا ليه

شهد : لا مافيش اصل كنت بكلم شهاب عنده جلسة

اميرة : قالك ايه طبعا اتهوس بجمالك

شهد : بضيق .. اتهوس لدرجة انه مخدش باله من اى حاجة

اميره : بتتكلمى جد

شهد : شكل اللى عملناه واللى صرفتيه طار بالهوا

اثناء تحدث شهد يصل لأميرة رسالة

اميره : اثناء فتحتها لهاتفها .. متقوليش كدا ده عايز تكتكة

تنظر الى الرسالة من رقم مجهول

(مروان مايستهلش حبك واخلاصك اسأليه كان فين الصبح )

بصوت داخلى .. وبعدين بقى .. بعد قليل يتم ارسال رسالة لها بصورة مروان وهو مع احدى الفتيات تنظر للصور باتساع عينها ثم تنظر لشهد

شهد : مالك

اميره : مافيش اسبقينى على الكافتيريا انا هاروح اشوف مروان

شهد : طيب

مكتب مروان

يجلس مروان مع منير يتحدثان وكان واضح عليهم السعادة تدخل اميرة عليهم وهى متعصبة

اميره : مروان عايزة اتكلم معاك شويه لوحدنا

منير: طب انا بمكتبى يا حبيبى

يخرج منير

مروان : يقترب منها .. مالك

اميره : هات تليفونك

مروان : باستغراب..تليفوني ليه

اميره : بغضب ..اخلص هات تليفونك

مروان : طيب بالراحة يجلبه من على مكتبه يعطيه لها يجلس مروان على سن مكتبه ينظر لأميرة و هى تفتش بهاتفه بعد قليل .. ها خلصتى

اميره : تنظر له ..انت كنت فين الصبح

مروان : هو فى ايه

اميره : بغضب .. ماتعصبنيش انا على اخري هى كلمة كنت فين

مروان : خرجت أفطر بره انا ومنير

اميره : بضحكة عالية بسخريه .. والله هو منير شعره اصفر وطويل وبيلبس بلوزات حمرا ؟؟

مروان : بستغراب شديد ... ايه !

اميرة :بعصبية وغضب ... هوريك يا كداب يا خاين

تفتح هاتفها وتطلعه على الصور .. اتفضل يمسك مروان الهاتف وينظر الى. الصور. اثناء تحدث اميره معه ..

اميره :بنرفزه... اخر حاجة كنت أتوقعها انك تعمل كدا , تخوني انا مع دي , طب استنضف شوية, انا عمالة أقول أكيد لاء مستحيل مروان يعمل كدا , ده اكيد حد بيوقع , وعايز يبعدنا عن بعض , رسايل تجيلي كل شوية ومكالمات قذرة, و انا بأكبر دماغى ,وفى الاخر تطلع حقيقة, طبعا مش قادر تدافع عن نفسك ....بغضب وسخريه .. ايه اتشليت خلاص

مروان : بهدوء ويقوم يمسك هاتف مكتبه يتصل بهبة ..

هبه كلمي مستر معتز خليه ييجى حالا

اميره : بضيق .. ايه شريكك بالجريمة اكيد نصاب زيك

إلعب غيرها

يطرق الباب

مروان : اتفضل

يدخل احد الاشخاص يبدو فى اوائل الخمسينات ومعه فتاة التى بالصورة تنظر اميرة لها باستغراب يذهب مروان يقف بجوار اميرة

مروان : معتز صديقى من زمان ودي بتكون هنا بنته, شفنا بعض صدفة النهاردة ياااه اكتر من 10 سنين مشفتهوش من وقت ما هنا كانت قد كدا , أهي هية دي اميرة يا سيدى اللى خطفت قلبي

معتز : ازيك أحب أبلغ ليكى تحياتى على تغير مروان ده شيء مستحيل كان يحصل

اميرة : اهلا يا فندم ازاي حضرتك إزيك يا استاذة هنا

مروان : هنا فى سنة تانية اداب السنة دي هتنزل

تدريب معانا يلا عايزن نشوف اميرة تانية

اميره : طبعا اكيد واحسن شفتهم النهارده وانت بتفطر مع منير

مروان : امممم

معتز : ان شاء الله هنعرف بعض اكتر واكتر وتحكيلنا ازاي قدرتى تغير مروان بالشكل ده

اميره : ان شاء الله

معتز : يلا يا هنا

اميره : ليه لسه بدرى خليكم نشرب قهوة مع بعض

معتز : خليها مرة تانية احنا هنتقابل كتير سلام

هنا : شكرا يا دكتور ان شاء الله من اول الاسبوع هانتظم

مروان : ان شاء الله

بعد خرجهم

اميرة : تنظر لمروان باستياء .. انا اسفة بس حط نفسك مكاني مش اول رسالة تجيلى , انا مكنتش بأحب اقولك

مروان : وريني الرسايل كدا

اميره : تعطى الهاتف .. ماتتعبش نفسك مقفولة , وبصراحة طلبت من ادهم يدورلى عليه بس طلعت كل الأرقام دى معمولة ببطاقات ناس متوفية

مروان عارف

اميره : بستغراب شديد ..عارف ازاى !

مروان : يعطيها هاتفه افتحى الاسكرينات شوفى كدة

اميره : تنظر الى هاتفه باستغراب وزهول .. ايه ده انت كمان كان بيجيلك رسايل ومقولتش ليه

مروان : افتكرته مقلب الأول لما تكرر بدأت ابحث عرفت انه حد عايز يوقع بنا لدرجة كان بيبعتلى صورك لما بتتقابلى مع ادهم

اميره : طب انت هتسيبه مستمر باللى بيعمله

مروان : اكبر ضربة للشخص ده اننا سوى وماسكين فى بعض قوتنا بتضعفه

اميره : أنا معاك بس مش عايز تعرفه مين ده , وترميه بالسجن ويبقى عبرة

مروان : مش عايزه ياخد مساحة فى تفكيرنا اكبر من حجمه, وبالتأكيد انا مش هأسيب الموضوع يعدى عادى بسهولة كدا

اميره : ايوة يعنى هتعمل ايه

مروان : هاقولك

❤️______ليلةعادل_____ ❤️

سياره اميرة ٥م

تقوم اميرة بالسواقة وهى تسمع احد الاغانى وتقوم بالغناء معها و اثناء سيرها يشاور لها احد سائقي السيارات بجانبها تنظر له دون اهتمام ثم يقترب منها احد سائقي الموتسكلات ويقوم بالمشاورة لها وتنظر له بضيق ثم يقترب منها اكثر اثناء سيرهم و يخبط لها على شباك الازاز بشدة تركن السيارة وتفتح شباك إزاز السيارة

وتنظر له بشدة وضيق

اميرة : فى ايه

سائق المتوسكل : الزيت بيسرب يا ابله

اميره : ايه تنزل اميرة بسرعة من السياره تنظر لها بخوف

ينزل الشاب من المتوسكل ويقترب منها

الشخص: ماتخفيش يا ابله ممكن عيب بالصيانة

شخص اخر : ماتركبيش بقى واتصلي بأحد ييجى ياخدك

اميرة : بخوف شكرا

تفتح باب السيارة و تأخد منها حقيبة يدها

شخص اخر : ابعدى بقى لحسن تنفجر

اميرة : باتساع عينيها تنفجر يا نهااار

تبتعد اميرة والجميع

تقوم بالاتصال بمروان لكنه كان بالجامعة فى المحاضرة اثناء قيامه بشرح المحاضرة يرن هاتفه يخرجه من جيبه ينظر للاسم و يقفل لكنها ترن مرة أخرى عليها يقفل ويضع على البينج

اميره : مروان رد بقى ترسل له رسالة صوتية مروان رد بسرعة فى مشكلة

ثم تتصل بيه مره اخرى ينظر مروان للاسم باستغراب بصوت داخلى فى ايه يعتذر من الطلاب انه لازم يرد يخرج خارج القاعة

مروان : الو

اميرة : مروان الحقنى

مروان : بخضة فى ايه

اميره : الزيت بتاع العربية فك مش عارفة اعمل ايه أنا خايفة اوى

مروان : بخضه .. انتى كويسه حصل حاجة

اميره : انا كويسة ماتخفش

مروان : اقفى بعيد عن العربية ممكن تولع فى اي لحظة

اميرة : الناس قالولى بعدت اعمل ايه انا خايفة اوي

مروان : اركبي تاكسى روحي على الفيلا انا هأعتذر عن المحاضرة وجاي حالا

اميره : طب العربية

مروان : سبيها ابعتيلى اللوكشن عشان ابعته للمكانيكي

اميره : حاضر مروان لو سمحت ماتتأخرش

❤️______ليلةعادل_____ ❤️

فيلا مروان واميرة ٦م

حديقه الفيلا

تقف اميره امام حمام السباحة يبدو على ملامح وجهها الخوف بعد قليل يدخل عليها مروان وعلى ملامح وجه القلق تشعر اميره به تنظر خلفها يقترب مروان منه ويضمها بشده ويطبطب على راسها ينظر لها ثم يقبلها من خدها يأخذ راسها على صدره و يطبطب على شعرها بعد دقائق قليلة

مروان : انتى كويسة

اميره : الحمد لله مروان تخيل كان ممكن اموت

مروان : يقاطعها ويضع اصابع ايده على شفايفها هششششش اوعى تقولى كدا تانى اوعى سمحتلك تقوليها مره لكن اوعي تقوليها تانى فاهمة يضمها بشدة الى قلبه

شقه شهاب ٦م

كانت شهد محضره اجواء رومانسية لشهاب تزين الشقة بشموع والورد ترتدى فستان قصير مثير محضرة طعام بشكل جميل

يدخل شهاب من باب الشقة ينظر بعينيه تقترب منه شهد

شهد : عجبتك المفاجأة

شهاب : يقترب منها حلوة زيك

شهد : تعال تمسك يده حتى يصل الى السفرة انا عاملة كل ده بايدى استأذنت بدرى يلا قوللي رأيك

شهاب : يجلس ياخذ بالشوكة صوباع ورق عنب.. اممم طعم يا طعم بقولك ايه مش هينفع اتأخر

شهد : انا بقالى اسبوعين بحاول اشوفك

شهاب : مشغول اعملك ايه

شهد : فى ايه يا شهاب متغير كدا ليه معايا

شهاب : يا ستى انا ولا متغير ولا متنيل مبحبش التلزيق انا بحب الحرية ابقا على راحتى ماتخنقنيش

شهد : الكلام ده تقوله لو انا اي حد لكن انا مراتك

شهاب : يقف ويبتعد قليل ثم يلتفت لها .. شهد انا مابقتش مرتاح . كنت فاكر جوازنا هيقربنا لبعض يخلى علاقتنا كويسة شكلي , طلعت غبى , طلعت بحط حبل على رقبتى , بقولك ايه يا شهد انا اتجوزتك عشان انبسط مش عشان تخنقينى, لكن لو فضلتى زنانة ونكدية هجيب ام الورقة اللى واجعة دماغي بيها وأقطعها, فكك منى كدك القرف عيلة نكدية

شهد : تقترب منه وبحزن .. دلوقتى بقيت قرف بعد ما أخدت اللى انت عايزه

شهاب : اللى انا عايزه انتي هبله ياماما انا بأشوف نسوان اجمل منك الف مره وعملت معاهم زى ماعملت معاكي بالظبط من غير جواز

شهد : امال عملت كدا ليه معايا

شهاب : صنف جديد عليا

شهد : بتقضيها يعنى

شهاب : اسم الله عليكى يا قطة لسه واخده بالك, بصى يا شهد خلينا حلوين مع بعض نفرفش نسافر نقضيها ,وانا مش هاحرمك من حاجة الفلوس اللى عايزاها هدهالك المكان اللى نفسك تروحيه شاوري بس , غير كدا متحلميش , ماتخفيش , عارف دكاترة كويسين هيرجعوكي زى ما كنتى , انا هامشى وفكرى على مهلك

يخرج شهاب ويترك شهد تقف منهارة مش عارفه تعمل ايه

❤️______ليلةعادل_____ ❤️

مركز د / مروان 10ص

نور : طب المكانيكى قال ايه

اميرة : قطع بسير حاجة كدا مافهمتهاش

حمزه : اكيد شهاب عشان تبطلي تدهاله

اميره :اكيد يعنى مش قصده ما كان ممكن يكون هو اللى راكبها

نور : بضيق ..اهو جه. تنظر لشهاب وبشده .. انت يالا مش تاخد بالك من الامانة اللى معاك

شهاب : يجلس فى ايه

اميره : اول امبارح لما اخدت منك العربية وانا مروحة بيها سربت زيت بس الحمد لله

جت سليمة

نور : لا مش سليمه انتى كان ممكن يجرالك حاجة

شهاب : انا اسف يا اميرة بس انا معملتش حاجة بالعربية صدقينى

اميره : يابنى انا عارفة يلا الحمد لله

شهاب : طب انا لازم امشى دلوقتى

❤️______ليلةعادل_____ ❤️

عربيه شهاب ١٠ص

يقوم شهاب بالسواقة يبدو على ملامح وجهه الضيق والغضب يمسك هاتفه ويقوم بعمل مكالمة

شهاب بنرفزه الو انتي فين. بقولك انتى فين. طب انا جاى

شقه شرين ١١ص

تجلس شرين براسبشن بعد قليل يطرق الباب تذهب لفتحه كان شهاب يبدو عليه الغضب والانزعاج

شهاب : بنرفزة وغضب شديد ايه يا شرين بتسلمينى انا عايزة تلبسهالى. بعدين قولتلك دم لا فاهمة

شرين : فى ايه

شهاب : بغضب هتستعبطى

شرين : بنرفزة ما تفهمنى

شهاب : ايه اللى عملتيه مع اميره ده انا وافقت اشترك معاكى باللعبة عشان تتجوزى مروان وتاخدي حقك منه مش عشان تاذيها ولا وكمان تعملى كدا وانتى متاكدة انى باخد عربيتها. يعنى اول واحد هيتشك فيه انا. ايه عايزة تخلصي منى لا انتى ماتعرفنيش ده انا احرقك

شرين : بضيق .. ايه اللى بتقوله ده اخلص منك ليه اهدى وفهمنى لانى مش فهماك

شهاب : عايزه تفهمينى مش انتى اللى لعبتى بخرطوم الزيت بتاع عربية أميرة

شرين : باستغراب شديد ..خرطوم ايه وزيت ايه

شهاب : شرين

شهاب : يابنى والله منا مش هأقتلها يعنى مالك انا اخرى اللى بأعمله بس لكن دم ماليش فيه بعدين ممكن يكون مشكلة فى الصيانة مش لازم بفعل فاعل حصلها حاجة

شهاب : لا الحمد الله بقوة وشدة ونبرة تحذير ..وعموما هيبان لو عرفت انك ليكى يد مش هارحمك وانسى اللى بنا ماشي وانا بره اللعبة دي من النهارده سلام يخرج شهاب ويتركها

شرين : بنرفزة عيل غبى صحيح

فيلا مروان واميره ١١م

حديقه الفيلا

تجلس اميرة بحديقة الفيلا امام النيل و تضع هاند فرى وتسمع اغانى وتقوم بشات مع اصدقائها يدخل عليها مروان

مروان : حبيبى بقولك فين باسبورك

اميره : تنزع احد السماعات .. بتقول ايه

مروان : باسبورك فين

اميره : مع بابا بتسأل ليه

مروان : بضيق .. بيعمل ايه هناك

اميره : نسيته من اخر مرة

مروان : طب ممكن تجيبيه

اميره : اوك بس خليها شوية اصله بابا مخطط للسفر لدبي

مروان : بغضب ..وانا اخر من يعلم كنتى ناوية تحكيلى امتى

اميره : اهدى بس هى ماجتش فرصة بعدين اكيد كنت هعرفك يعنى

مروان : امتى وانتى فى المطار

اميره : تنفخ ... بعدين بقى قولتلك كنت هاعرفك اكيد

مروان : يقف و بحسم ... طب مافيش سفر

اميرة : هو بمزاجك

مروان : بجديه وحسم ... اه من هنا ورايح مافيش دخول وخروج إلاباذنى , انا سكت زمان عشان كنت مقدر حالتك النفسية واللى حصل , بس انك تدوسي على رجولتى ده , مش هيحصل ابدا

اميره : تقف تنظر بعينيه وبسخريه ... ورجولتك برايحة فين وجاية منين

ماتزعلش , بابا كان عايزنا نسافر دبى لتيتا وانا اصلا رفضت مروان ماتخلقش مشكلة

مروان : بسخريه ... هى المشاكل جديده علينا ؟ ده من يوم الفرح واحنا بمشاكل , انا تقريبا اتجوزتك شهرين ومتقطعين كمان , يا اما مكتئبة, يا نكدانة , يا بايتة عند اهلك ,يا بحضن بابا يامسافرة , حقيقى جوازة جميلة وتفرح , ده انا كنت بأقعد معاكي وانتى مش مراتي اكتر من كدا

اميره : بشدة ... والله لو مش عاجبك طلقنى

مروان : بقت زى اللبانه كلمة الطلاق فى بوقك يا أميرة

بنبره تحذير .. انا مش هأستحمل كتير ماتختبريش صبرى لانك هتتفاجأي و يتركها ويغادر

غرفه النوم

تدخل اميرة الغرفه تجد مروان نايم على جنبه ومغمض عينيه ويضع ايده تحت رأسه بآخر السرير تنظر بعينيها بضيق وحزن و تذهب الى الجهة الاخرى وتنام على جنبها وتعطيه ظهرها يفتح مروان عينيه و كانت اميره تفتح عينيها أيضا

بعد قليل تلتف وتقترب من مروان عندما يحس بيها مروان يغمض عينيه ترفع اميرة رأسها تنظر له تجده مغمض عينيه

اميره : مروان مروان انت نمت اول مرة تنام بعيد كدا عني ومتاخدنيش بحضنك كل مرة كنا بنتخانق كنت بتقولي دي حاجة ودي حاجة

للدرجة دي زعلان ,حقك علية انا عارفه والله بس اقسملك انك ظلمنى ومش فاهمنى , الموضوع اكبر بكتير من اللى انت فاهمه ,يمكن مش هتفهمنى دلوقت بس هييجى وقت وهتفهمنى وهتعرف ليه بأعمل كدا, انا والله بحبك اوى , مكنتش اتمنى ان دي تبقى حياتي معاك , انا اسفة, تقبله من خده تقوم و تخرج خارج الغرفة, يفتح مروان عينيه وتنزل دمعة من عينيه

وبصوت داخلي

مروان : لا يا اميرة مش هاجى وراكى مش قادر انا قلبى زعلان منك ، انتى خليتى قلبى زعل منك لأول مرة

غرفه اخرى بالفيلا

تقف اميرة بالبلكونة المطلة على حديقة الفيلا وهى تبكى بحرقة ثم ترجع شعرها للخلف بعد دقائق قليلة تنظر للخلف الى باب الغرفة تنتظر ان مروان ياتى خلفها لكنه لم ياتى تنظر بحزن ويأس بعد قليل تشعر بدوران تسند ايدها على السور ثم تشعر بغثيان تجرى مسرعة على الحمام وتتقيأ ثم تغسل فمها وتضع ايدها على بطنها يبدو على ملامح وجهها انها تشعر بألم تخرج وتدخل غرفة نومها تفتح النور وتقوم بالبحث بدرج الكومودينه لكن اثناء بحثها يفتح مروان عينيه ينظر لها

مروان : بتعملى ايه

اميره : بدور على المسكن

مروان : ليه

اميره : اصلى.. تشعر بغثيان مره اخرى تجرى مسرعة على الحمام وتقوم بالقئ يجرى مروان خلفها ويقف بجانبها يضع ايده على ظهرها يطبط عليها .. بعد غسل اميرة فمها ينظر مروان لها

مروان : اكلتى ايه بره

اميره : مش فاكره تقريبا الفطار بس بعدين حاسة بدوخة تضع ايدها على راسها

مروان : طب تعالى معايا يحملها بين ذراعيه ويخرج بيها خارج الحمام ويضعها على السرير يقترب مروان منها

مروان : حاسه بايه

اميره : بطنى وجعانى ودايخه كدا

مروان : هاروح اعملك حاجة دافية

قبل ان يقوم مروان تمسك اميره يده وبأسف

اميره : انا اسفة

ينظر لها دون تحدث ويخرج للخارج تنظر اميره له بحزن ثم تقترب من الكومودينه الاخر وتفتح الدرج تبحث عن مسكن لكنها لم تجده تتنفخ بعد قليل يدخل مروان الغرفة وهو حامل بايده كوب نعناع يجلس على السرير ويضع على كومودينه

مروان : لما يبرد شويه اشربيه هتبقى احسن بكرة هاخدك للدكتور

اميرة : مش لازم

مروان : بنرفزه .. هو ايه اللى مش لازم قولي حاضر مابتعرفيش تقولى حاضر

اميره : حاضر بالراحة بتعصب ليه كدا هو المسكن اللى كان هنا ماشفتهوش

مروان : رميته

اميره : ليه بس حرام عليك

مروان : عشان انتى بتاخديه كانه ملبس ، بعدين انتى بتاخدى المسكن ده لتعب واحد معين ، وده مش وقته خالص ..انتى معدتك تعبانة بسبب أكل الشارع اللى عايشه عليه ولازم تروحى للدكتور

اميره :حاضر اللى انت عايزه ممكن ماتتعصبش اهدى تمسك ايده انت لسه زعلان منى

مروان : اشربى النعناع برد

اميرة : ماجوبتنيش

مروان : وانا بقولك اشربى نعناع برد برد خلاص يا اميرة

تنظر اميرة له بحزن وعين تسكنها الدموع وتشاور برأسها حاضر

❤️______ليلةعادل_____ ❤️

فيلا مروان واميره 1م

غرفه النوم

يقف مروان امام التسريحة يقوم بارتداء الساعة وتظبيط ملابسه ثم يطرق الباب

مروان : اتفضل

الخادمه : دكتور فى واحد ساب العلبة دي للدكتور اميرة

مروان : حطيها هنا

بعد خروج الخادمة يقترب مروان وينظر الى العلبة بتردد بصوت داخلى افتحها ولا !! اممم ..

هافتحها ... يقوم مروان بفتح العلبه يجد باسبور اميرة وتذكرة سفر ٤/ ميعاد تاشيرة للسفر الى دبى بعد يوم غد يغضب بشده ويقوم بقطع التذكره والباسبور واثناء قطعه يتحدث بصوت .فكرانى بهزار ماشى تبقى تورينى هتسافري ازاى عشان تبقي تحطينى قدام الامر الواقع تانى يحدفه على الارض ويخرج خارج الغرفة>

سياره اميره٢م

تقوم اميره بالسواقه وهى تسمع اغانى تغنى معها ثم يرن هاتفها

اميره : ايه ياخالود وانت كمان لا انا لسه مروحة كان عندى محاضرة .. الله عليك وعلى مفاجأتك حاضر سلام

فيلا اميره ومروان

هول الفيلا

تدخل اميرة الفيلا تقوم بالنداء على فاطمة

اميره : دادا يا دادا

فاطمه : تخرج من المطبخ ... حمد الله على سلامتك احضرلك الغدا ولا هتستنى مروان

اميره : لا هاستنى بقولك بابا بعتلى علبة هى فين

فاطمه : بالاوضه فوق

اميرة : طب انا فوق لحد ما مارو يبجى

غرفه النوم

تدخل اميرة الغرفة وتضع حقيبة يدها على السرير تنظر حولها لا تجد العلبة بصوت داخلى فين دي مش قادرة انزل تانى تذهب للتسريحة لكنها تجد الورق ملقى على الارض تنظر له باستغراب ثم تقوم بالنداء على فاطمة بغضب

) تذهب فاطمة اليها مسرعة

اميره : دادا مين اللى استلم الحاجة

فاطمه : نعمة وديتهم لمروان فى حاجة

اميره : لا مافيش ممكن تروحى انت

تذهب عند السرير وتفتح حقيبه يديها لتطلع هاتفها وتتصل بمروان لكنه لا يجيب اكثر من مرة

اميره : بغضب .. ما بتدرش عليا انا , وبتقطعلى الباسبور ماشى والله لواريك تاخذ حقيبة ايدها وتخرج للخارج

❤️______ليلةعادل_____ ❤️

جامعه القاهره 4م

داخل احد قاعات المحاضرات يقوم مروان بشرح محاضرة واثناء شرحه تدخل عليه اميرة

اميره : تقترب منه وبهدوء ..دكتور مروان لو سمحت عايزاك

مروان : مش فاضي اتفضلي دلوقت

اميرة : تقترب منه اكثر وتمسك يده .. مروان لو سمحت اخرج معايا خمس دقايق

مروان : بحسم .. قولتلك لا اتفضلى

اميره : كدا.. تعلي صوتها ... خالص يا دكتور اتفضل انت وشوف المشكلة دي وانا هانهى المحاضرة.. تنظر للطلبه ..انا اسفه جدا بس دكتور مروان حصله ظرف طارئ لازم يمشى حالا شكرا

ينظر مروان لأميرة باتساع عينيه بغضب شديد من الموقف الذى وضعته فيه يمسكها من ذراعيها بشدة و يجز على أسنانه ويقول بصوت واطى لكن قوي امشى قدامى من سكات.. يلا يلا

يأخذ مروان اميرةعند سيارتها لتركبها وهو فى حالة غضب غير طبيعية لكنه يحاول ان يمتلك نفسه قصاد الناس بعد ان تركب اميرة سيارتها تقوم بسواقتها ومروان خلفها بسيارته عند وصول البيت تنزل اميرة مسرعة من سيارتها وتدخل الفيلا وتصعد السلالم وهى تجري خائفة من مروان لانها تعلم جيد معنى نظرات مروان تلك تدخل غرفتها وتغلق الباب بالمفتاح وعند وصول مروان خلفها بدقائق قليلة يحاول مروان فتح الباب لا يعرف ثم يقوم بالطرق على الباب بشدة

مروان : بغضب شديد ..اميرة افتحى

اميرة : لاء

مروان : بأقولك افتحي الباب

اميره : انت مش شايف نفسك مش هافتح اهدى الأول

مروان : بغضب شديد .. بقولك افتحى انا على اخري

اميره : وانا مش هافتح غير لما تهدى

مروان : كدا طيب يقوم بكسر الباب بقدميه

اميره : تنخض وخوف وترجع خطوات للخلف .. يا نهااار اسود كسرت الباب انت اتجننت

مروان : يقترب منها وبغضب باتساع عينيه ينظر لها .. ايه اللى عملتيه ده

انا مروان عزت اشهر دكتور علم نفس بالوطن العربى بعد العمر ده كله والسمعة دي تيجى عيلة صغيرة زيك تحطنى بالموقف ده

اميره : انت اللى ... يقاطعها

مروان : بنرفزة... هشششش ولا نفس سامعة ولا نفس

مش عايز اسمع نفسك سامعة

اميره : تستجمع نفسها وهى بداخلها ترتعب .. والله فاكرنى هاخاف من صوتك ده

مروان : بغضب .. اسكتى اسكتى يكسر احد الفازات بجانبه .. مش عايز اسمع صوتك فاهمة .. بتعملي كدا ليه عايزه ايه قولي عايزه ايه

اميره : بنرفزة .. مالك فى ايه ,عملت ايه ,عادى بتحصل ماتكبرش الموضوع , انا قولتلهم ببساطة الدكتور لازم يمشى لان عنده مشكلة, بعدين انت اللى خلتنى اعمل كدا , رنيت عليك كتير وبعت رسايل وطلبت منك تخرج معايا رفضت , بضيق .. انا تقطع باسبورى ! ايه عيلة صغيرة ؟ , انت فاكر لانك جوزى ده يديك الحق تتحكم فيا , مش فاهمة عشان موقف صغير عملته مش متحمل , كل ده غضب

طلع يا دكتور يا كبير وشك الحقيقى طلع ماتخبيش , بتقطع باسبورى ليه ايه التفاهة دي

مروان : لانك ما بتحرميش نفذتى اللى بدماغك كنت هاتسافرى من ورايا

اميره : بضيق .. بابا اللى عمل كدا قولتلك مقدرش أزعله مني ,حس بقا حس وشوف انا عملت ايه عشانك ؟

يقاطعها مروان وبضحكة سخرية ونظرات تقليل

منها..

مروان : حافظهم حافظهم كلهم تحبي اسمعك

أميرة هانم ضحت بايه عشاني , اكتر من 11 سنة بتجرى ورايا , وانا مش شايفك ,غيرتى شكلك تخنتى خسيتى وانا مش بأحس , هدية كل سنة من واحدة غامضة مافكرتش ادور عليها , لالا والكبيرة بقى, عرفت ان مراتى بتخونى سكتت , سكتت عشان خافت عليا من الحقيقة , لفيتى حبل المشنقة حولين راقبتك عشانى , لان اهون عليكى تتشنقى من انك تشوفينى مكسور ,عملتى ايه تانى !! اه قطعتي شرايينك عشانى , ظلمتى ادهم باشا اللى حبك بصدق , اخترتينى بدل اهلك , اتخانقتى من صديقة عمرك عشانى, تضحيات كتير اوى الحقيقة , مش عارف اقولك ايه , بس انتى اللى اختارتي كل ده , انا ماأجبرتكيش على حاجة, انتي اللى ضيعتى عمرك على وهم ,انا مقولتلكيش حبينى مجتش قولتلك لفى حبل المشنقة حولين رقبتك , عشانى انتى عملتي كدا بمزاجك انا مالي , مع انك ببساطه كان ممكن تقولى الحقيقه وهتكونى شجاعه بردو , بس انتى اللى اختارتى ده , تهورك اللى خلاكى توافقى على ادهم ,ضعفك اللى خلاكى تنتحرى مش انا, اهلك !! انتى ماخترتنيش انتى مختارهم من زمان هما واصحابك وادهم , انا حافظ كل تضحياتك صم ,وكل شى عملتيه عشانى عارفه يا اميرة , انا بقى معملتش اى حاجه خالص صح ....

(بضيق وصوت مخنوق ) انا ولا مستحمل قلة احترام ابوكى , ولا جنانك ولاطريقتك المستفزة وتقلباتك المزاجية, شوية عايزنى شويه لا , ولا تحملت انك تعقبينى على حاجه ماليش دعوه بيها , ولا انى اتحمل عمايل ابوكى اللى من بعد ماتجوزنا وهو بيحاول بكل الطرق انه يبعدنا عن بعض والأغرب انك عارفة وساكتة وقابلة كأنك موافقه على اللي بيحصل

انتي بس يا اميرة اللى بتضحي , انتى بس اللى بتحبى , انتى بس اللى بتتوجعى , انتى عظيمة ومافكيش غلطة , انتى الصح ديما و مابتغلطيش ابدا , انتى مافيش حد زيك بالدنيا , انتي فوق وانا تحت , انتى ملاك وانا شيطان , انتى الست اللى بتحب وتشترى وانا الراجل اللى بايع , عارفة انا ايه يا اميرة انا أسوأ واحد على وش الارض بنصف ابتسامة و سخرية... وماأستهلش وحدة زي

اميرة خالد فى حياتى انا اقل من انك تبقى معايا ومراتى

كانت اميرة اثناء حديث مروان معها

كانت تنظر له بذهول لا تصدق ما تسمعه تستمع لكلماته الجارحة وهى صامتة لا تبكى وفجأة

اميرة : طلقنى

ينظر مروان لها باتساع عينه

اميره : بشدة بقولك طلقنى

مروان : دون تردد ..انتي طالق

استوووووووب

تفتكرو هى دي النهاية

طب اللى حسته اميرة مجرد تعب فعلا عادى ولا فى حاجة هتبان قدام

 تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا