رواية ليالي الغول اقتباس من الفصل الأخير بقلم لوجي احمد

رواية الاعمى (الجزء الثاني)الفصل الحادى والثلاثون والثانى والثلاثون والثالث والثلاثون بقلم ليلةعادل

رواية الاعمى (الجزء الثاني)الفصل الحادى والثلاثون والثانى والثلاثون والثالث والثلاثون بقلم ليلةعادل

```*~الجزء الثاني

من

روايه الأعمى2

بقلمى ليلةعادل ❤️🌹✍️*```~

الحلقه واحد وثلاثون

اميرة : طلقنى ...

ينظر مروان لها باتساع عينه ...

اميره :بقولك طلقنى

مروان : دون تردد ..انتي طالق

تنظر اميرة له باستغراب وباتساع عينها انه قد فعلها وقام بتطليقها فعلا ، بعد ثوانى تستجمع اميره نفسها وبدون تردد تقوم بضربه بكف على وجه ، و تنزل دمعة من عينيها تصمت قليلا ثم تقترب من مروان اكثر وتمسح دمعتها .. وتنظر الى عينيه بتحدى وقوة وتقول ..

اقسم بالله , والله العظيم , مابقاش اميرة خالد الا ماندمتك على كل كلمه قولتها وعلى استخفافك بقلبى وبمشاعرى بالبساطة دي والأيام بينا يامروان

والله لخليك تبكى بدل الدموع دم اوعى .. تزوقه من صدره بقوة

تتركه وتذهب عند الدولاب وتقوم بفتحه واخراج ملابسها

مروان : بصوت مكتوم .. بتعملي ايه خليكي ده بيتك انا اللى هامشى

اميره : تنظر له بحدة.. بيتك مش بيتى ,بعدين انت فاكرنى ممكن اقعد فى مكان انت كنت فيه , ممكن تطلع بره عشان اغير هدومى انت دلوقت طليقى ماينفعش اقعد معاك

ينظر مروان لها بضيق يخرج خارج الغرفة و بعد خروجه تجلس أميرة على السرير تبكى بحرقة وانهياار

شقه د/ خالد 6م

الراسبشن

يجلس خالد وفريدة على كنبه الراسبشن يشاهدان احد الافلام وبعد قليل يسمعوا جرس الباب تذهب فريدة لتفتحه تتفاجئ بأميرة ومعها حقيبة سفر ويبدو على ملامحها الحزن وعيونها حمرا جدا

اميرة : مروان طلقنى يا ماما طلقنى تقوم بعناقها وتبكى بحرقة

فريده : اهدى تعالى

يقترب خالد منهم

خالد : فى ستين داهية بتعيطى ليه امسحى دموعك مش بنت خالد الشريف اللى تعيط وتبقى ضعيفة كدا

اميره : صعبان عليا نفسي ياماما ده بيعيرني بحبي ليه ومشاعري مش مصدقة

خالد : تعالى يا حبيبتى اقعدى وفهمينى

تجلس اميرة بمنتصف الأب والأم بكنبة الراسبشن كان الأب ضممها بحضنه وهى تتحدث

فريدة : مش تسألها اطلقتى ليه مش يمكن هى اللى غلطانة

اميره : بنرفزة ..انتى لسه بتدافعى عنه وواخدة صفه

فريده : فهمينى

اميرة : قطع الباسبور بتاعي روحتله الجامعه اسأله رفض يخرج يكلمنى اتجنن لانى دخلت عليه السكشن ولاغيت المحاضرة

فريدة : انتى شايفة اللى عملتيه صح

اميرة : استني اسمعي

فريدة : سمعاكي كملي

اميرة : طبعا روحنا شدينا الطبيعى بتاعنا بس الأستاذ , هاني فى مشاعري بيقولى انا مغصبتكيش على حاجة انتي ضحيتى بمزاجك , بابا انا مش عايزة منه حاجة انا سبت العربية اللى جبهالى واللبس , وهأتنازله عن كل حاجةاحنا مش محتاجين منه حاجة

خالد : ماتخافيش انا هاكلم رأفت ونرجعله حاجاته , المهم انك متزعليش عادي تجربة وعدت ولازم نتعلم منها ماتخليش حاجة زي دي تكسرك انتي بنت خالد

اميرة : انا زعلانة لانى ماكنتش متعشمه فيه كدا

فريدة : تنظر الى الأب .. ماتكلمه يا خالد وافهم منه مش عايزين نخرب البيت بعدين بنتك غلطانة ماكنش يصح ابدا انها تعمل كدا ...عيب أوي

اميرة : تنظر للأم بضيق .. انتي عايزاه يقلل منى؟

خالد : بقوة ينظر لأميرة.

لا عاش ولا كان اللي يقلل منك , انتي فوق واللي عايزك لازم يلحس التراب ,عشان يوصل ليكى , وغلاوتك عندي لأجيبلك حقك ادخلى اوضتك وارتاحى واضحكي انتي في بيتك يلا يا حبيبتي

تقوم اميرة وتذهب الى غرفتها

فريدة : بنتك غلطت وبدل ماتعقلها تشجعها

خالد : وهو مغلطش لما اتسرع وطلقها .عايزانى اعمل ايه أروح اقوله والنبى تعال و رجع بنتي

فريد : ماأقصدش كدا بس افهم منه ده خراب بيوت , الطلاق مش سهل

خالد : بلا مبالاة .. لا سهل عادي غار فى داهية.. بكره يجيلها سيد سيده , بنتى فى بيت ابوها ملكة متوجة واللى عايزها يجيلها لحد عندها ,مروان لو شارى وعايز يعتذر ييجى اهلا بيه لكن انا ولا هأتصل ولا هأعمله اعتبار , بنتى كرامتها عندي اهم من روحي فاهمة يا فريدة , قومي ادخللها هى محتجالك اكتر مني دلوقت

فريدة : بلاش كرهك ورفضك لمروان يخليك تنسى الأصول

خالد : هى الاصول انى اروح اكلم واحد طلق بنتي وسابها تنزل من بيتها بشنطة هدومها هى الايه اتقلبت

فريده : خالد انت عارف بنتك وطولت لسانها وانا متأكدة ان بنتك عملت اكبر من اللى حكته , ولو مروان قال كلمة بنتك قالت عشرة, ماهي تربيتك نسخة منك تقف وتنظر له احنا عايزين نحل المشكلة مش نكبرها احنا الكبار اللى بنلم مش بنبعتر ربنا يهديك يا خالد .. انا داخللها

غرفه اميرة

تجلس اميره على السرير تبكى بحرقه ثم تدخل الام تغلق الباب خلفها تجلس فريد أمامها تنظر لها

فريدة : مروان طلقك ليه

اميرة : ما انا قولتك عشان لاغيت المحاضرة

فريدة : لا فى حاجة اكبر من كدا

اميره : تصمت قليلا مافيش

فريدة : انا متاكدة في اسباب تانيه بعدين انا مش مقتنعه ان استسلامك لخالد زمان ، خوف انه يزعل منك او اننا نتخانق بسببك متأكدة انك مخبية حاجة مخبية ايه يا بنتى وليه وافقتى انك تهدى بيتك بتحمي مين

اميره : ايه يا ماما اللي بتقوليه ده انا ومروان كنا بنتخانق كتير وانا مش باحب احكى غير إني اكتشفت بعد جوازنا اننا مش متفاهمين

فريده : والله كدابة بس اسمعى انا مش هأهدى الا لما اعرف انتى ليه اتغيرتى كدا مع مروان ولو طلع خالد السبب وقتها هيبقى نهى كل شى بينا

تمسح اميرة دموعها تقترب من فريدة

اميره : مافيش حاجة صدقينى بابا مالهوش ذنب

فريد : اتمنى من قلبى تكوني صادقة بكلامك

شقه منير 6م

كان يجلس منير وأولاده وزوجته فى الراسبشن يشاهدو احد الافلام يسمع جرس الباب

منير : خليكى هأفتح انا يقوم

ويفتح الباب ... مارو تعال ابن حلال لبنى عامله صينية مسقعة من اللى بتحبها باستغراب مالك

مروان : بصوت مخنوق ..عايز اتكلم معاك لوحدنا

منير : تعال على المكتب

لبنى : ازيك يا مروان اميرة عاملة ايه مجبتهاش معاك ليه

مروان : مرة تانية ان شاء الله

منير : لبنى محدش يدخل علينا

- مكتب منير

- يجلس مروان على الكنبة ومنير على كرسى بجانبه

منير : قلقتنى مالك

مروان : طلقت اميرة

منير : باستغراب .. ايه هببت ايه

مروان : مش عارف عملت كدا ازاي عصبتنى انفجرت فيها طلقتها

منير : طب اهدى ونتكلم

مروان : بحزن وصمت وضيق .. مش عايز اتكلم

انا مش ندمان انت فاكرنى ندمان لا ،المفروض ده اللى كان يحصل من فتره, اللى عملته ده الصح , الحياة بينى وبينها كانت كل مادا بتسوء, حاولت أنسى وأعدى وأكبر دماغى واقنع نفسى انه غصب عنها, لكن ماقدرتش , تسميها انانية تسميها عدم تحمل او انى مش قد المسؤلية ولا أستاهل حبها

سميها زى ماتسميها , لكن انا مقتنع اني صح , اصلك مش عارف حاجة , وانا مابحكلكش كل حاجة, اميرة اتغيرت اوي حتى لو لسه بحبها , انا مش ندمان ..يصمت قليلا .. بقولك ماتكلمها شوفها فين ماتقولهاش انى معاك انا بس عايز اطمن عليها بردو كان فى بنا عشرة انت عارف اميرة متهورة ممكن تعمل حاجة فى نفسها يعنى بردو كانت مراتى وماينفعش

منير : من غير كل المبررات دى حاضر

يمسك منير هاتفه يتصل بأميرة

مروان : افتح الاسبيكر

اميره : الو

منير : ميرو عاملة ايه

اميره : تمام وحضرتك

منير: الحمد الله , انتى مع مروان اصل بكلمه مش بيرد محتاجه فى حاجة مهمة

اميره : لا والله انا عند بابا

منير: طيب سلامي ليهم لو وصلتي لمروان قوليله اني عايزه مش عايزة حاجة

اميره : شكرا سلام

منير: مع السلامة

منير ينظر لمروان .. ها اطمنت

مروان : اممم

منير : اعملك ليمون

مروان : لا قهوة

منير : حاضر يطبطب على قدميه روق كدا بس وكله هيبقى تمام

يخرج منير خارج الغرفة... يمسح مروان وجهه ورأسه الى الخلف ثم يخرج هاتفه من جيبه , ويفتح صوره هو وأميرة , ينظر لها بابتسامة حزن وتغلغلت الدموع عينيه يقوم بالتقليب فى الصور ثم يقف عند احدى صور اميرة بمفردها , يقوم بعمل زوم للصورة الى وجهها ينظر له بكل حب يقوم بملامسة الشاشة باصبع يده على وجهها بكل شوق .. بصوت داخلى من دلوقتى وحشتينى اوى و حاسس بفراغ كبير جوا قلبى ، قلبى اللي بيقول آه وألف ااااه حاسس اني تايه ووحيد من غيرك , ولسه معداش ساعه على الفراق امال هأعمل ايه فى اللي جاي !!!

يتنهد ويمسح دموعه يغلق هاتفه ويضعه على الترابيزة

شقه د / خالد 8م

غرفة نوم اميرة

تقف اميرة امام النافذة وهي

تبكى ثم يطرق الباب يدخل خالد معه كوب لبن تنظر اميرة له وتمسح دموعها وتقترب منه بنظرات كلها حقد ولوم وكراهية

اميره : المفروض كنت جبت شربات مش هو ده اللي انت عايزه , مش هو ده اللى كنت بتحارب عشانه , قولي صح عجبك ادائي قصاد ماما

,عجبك ادائى وتمثيلي طول الكام شهر اللى فاتو , ها قولي عجبك , ايه رأيك قدرت اقنع الكل إنى مهملة و إنى بأضحى عشان ماأخسركش إنى مستهلش مروان , ايه رأيك أبهرتك صح

، انت وصلت بيا لدرجة اني وصلت مروان انه يطلقنى , وكرهنى ,عارف ليه انا كنت كل شوية بأطلب منه الطلاق , عشان انا زهقتله ,هو من حقه يعيش سعيد مع وحدة تانية تقدر تسعده من غير مشاكل ومؤامرات من غير حماه حقود مريض ولا ايه يا دكتور خالد

ينظر لها خالد بقوة يرفع ايده لكى يضربها لكن بحركه سريعه من اميرة قبل ان يضربها بالقلم تمسك ايده بقوة و تنظر فى عينيه

اميره : لا... كفاية أقلام اللىى أخدتها فى قلبى يا دكتور خالد

أنا خلاص اللى كنت خايفه عليه راح

تتركه وتخرج للخارج

مركز د/ مروان عزت 10 ص

تدخل اميرة من بوابة المركز وهي في غاية الاناقة والارتياح ولا يبدو عليها اى شى يراها منير ثم يقوم بالاتصال بمروان

منير : انت فين

كان يجلس مروان على الكرسي الهزاز بمكتبه يبدو علي وجهه عدم النوم ..

مروان : بالفيلا

منير : طب اميرة جت المركز وشكلها عادى

مروان : يقوم ويقف باستغراب ... ايه متأكد

منير : واقفه قدامى بتهزر مع معتصم

مروان : طب اقفل انا جاي حالا

يقترب منير من اميرة

منير : يقترب منها ميرو عاملة ايه

اميره : بابتسامة استاذ منير عامل ايه انا تمام

منير : الحمد لله , ممكن نتكلم شوية

اميره : حاضر

معتصم : طب انا بالكافتيريا هاستناكى

اميره : اوك تنظر لمنير تحب نروح مكتبى ولا مكتبك

منير: اللى يريحك

اميره : يبقى مكتبى تفتح باب مكتبها اتفضل

- مكتب اميرة

تجلس اميرة على الكرسى الامامى لمكتبها ومنير امامها

منير: قوة.. ولا هروب..

اميره : تبتسم نصف ابتسامة .. تقبل الوضع

منير : بالسهولة كدا

اميره : اممم , كنت عايزني ازعل واعيط وأقطع شريانى !! طب بعدين , انا عيطت امبارح , والنهارده ، تقبلت الوضع , وقولت لازم اعيش وأكمل ماينفعش أوقف حياتي بعدين ده اختيارى وانا متحملة نتيجته

منير : مش مصدقك

اميرة : بص يا استاذ منير الحياة بينى وبين مروان الفترة الأخيرة كانت صعبة كلها مشاكل ولا أنا ولا هو مجبرين نتحملها يمكن اللى عمله مروان الحاجة الوحيدة الصح اللى عملها من فترة

منير : يقترب منها .. اميرة مروان كان مضايق بسبب معاملتك معه , كمان وجودك عند اهلك شبه كل يوم مع وجود أدهم ضايقه , اى راجل طبيعى مش هيتحمل ده , بعدين فى واحدة عاقلة تعمل اللى عملتيه

اميره : جيت لمربط الفرس , صاحبك عمل كل ده عشان شكله قصاد الطلبة , مروان طلع بيهتم بشكله الاجتماعى اكتر بكتير من أى شيء , بعدين يا استاذ منير وفر جهدك اللى قاله مروان صعب يداوى ،بعدين اعتقد هو قد كلمته وانا كمان قدها ,طلاقنا هو الحل الصح للمهزلة اللى كنا عايشينها

نادى المعادى 12م

- تجلس نور وحمزة على احد المقاعد يتحدثان

نور : انا مش مصدقة ...

مشكلة انها مش عايزه تتكلم انا خايفة عليها ده مش رد فعل اميرة أبدا

حمزه : انا بقا مش خايف عليها لان لأول مره أشوف اميرة قويه كدا ومتأكد انه تحليلي صح

نور : احنا لازم نتكلم معها مش هأقدر اسيبها كدا

حمزة : نور سبيها لحد ما هي تتكلم اسمعي منها

أميرة دلوقت محتجالنا اننا نخرجها بره الدوامة دي

مش كل شوية نكلمها ونفكرها بمروان

مركزد / مروان عزت 1م

حديقه المركز

تجلس اميرة ومعها شهد على احد المقاعد ويمسكون بأيديهم كوبايات عصير

شهد : على فكره الطلاق ده موقعش

اميره : يعنى ايه

شهد :هو كان متعصب فاموقعش

اميرة : انا وقعته

شهد : ازاى

اميره : حتى لو فكر يرجع انا هارفض , بس هو مش هيرجع انا حافظة مروان المهم سيبك مني عاملة ايه مع شهاب

شهد : ولا حاجة زى ما هو

ده بقى اسوأ

اميرة : ماتفكك منه أصل شهاب ده ماينفعكيش خفيف كدا هيتعبك ظبطى مع مروان نكدى زيك هههههه

شهد : ههههههه بتهزرى والله ياريت كل الرجالة زى مروان راجل فيه كل المواصفات

شكل وشهره وخفه دم ولا صوته طريقته وأسلوبه صبور انا لو راجل والنبى ما أتحملك 3 دقايق على بعض

اميره : بغيرة ورفعت حاجب .. ما تهدي لسه فى بقايا مشاعر جوايا

شهد : ايو كدا غيري

اميره : انا لسه بحبه بحبه اوى يا شهد بس قلبي زعلان منه اوى الكلام اللى قاله جرحنى ، تصمت قليلا المهم هأكلملك شهاب

مكتب مروان

يجلس مروان على كرسي مكتبه بعد قليل يدخل عليه منير

مروان : ينظر له كنت عندها

منير : يجلس .. اه انت عايز ترجع ؟

مروان : لو عايز اكمل مكنتش طلقتها

منير : انتم فعلا محتاجين اجازة من بعض بس مكنش نفسي تبقى بالطريقة دي

مروان : لو لينا نصيب هنرجع هى كويسة

منير :مش عارف بس هى قوية اقوى بكتير منك يمكن تمثيل بس نجحت فيه

يطرق الباب تدخل شرين

شرين : منير دكتور معتصم كان بيدور عليك

منير : هاروحله ..ينظر لمروان هشوف الموضوع ده وأجيلك

بعد خروج منير وغلق للباب , تجلس شرين مكان منير بنظرات خبث ولؤم

شرين : لما سمعت الخبر ماصدقتش يا حرام قصتكم كانت جميلة ده انا كنت هأقولك نعمل برنامج تحكي قصتكم كانت هتجيب ملايين المشاهدات

مروان : معلش بوظتلك خططك انتى عايزة منى ايه يا شرين من الاخر

شرين : عايزاك , ماتجرب هتخسر ايه

مروان : منا جربت زمان ومنفعناش , خلينا اصحاب احسن , انا شكلى زوج فاشل , ما بعرفش احافظ على الستات ولا بأعرف اخليهم ,يتحملوا انهم يكملو معايا

شرين : مروان اوعى تشكك فى نفسك انت ممتاز, بس طريقتك قديمة ماتنفعش بالزمن ده , ومصيبتك يوم ماقلبك دق واختار اخترت بنت صغيرة حتى لو اميرة كويسة وفيها مميزات هيفضل فرق العمري عامل مشكلة كبيرة , صعب يبقى فى توافق بينكم

مروان : بالعكس طول منا وهى بعيد عن الناس بنكون فى قمة سعادتنا , حقيقى مش عارف ليه وصلنا لكدا, بنصف ابتسامة حزن .. لكن المهم النتيجة اننا مبقناش سوا

شرين : هو لو عزمتك على الغدا هتقول عليا بأصطاد فى المياه العكره

مروان : هحاول اعمل نفسي مش واخد بالي لاني بصراحة ماكلتش من مبارح

شرين : يبقا يلا بينا

مروان : يلا

بعد خروج مروان ومعه شرين يتحدث مع السكرتيرة هبة

مروان : هبة انا هأمشى احتمال مأرجعش لو فى حاجة كلمي منير

هبة : حاضر يا فندم

شرين : هأجيب شنطتى وأجيلك

مروان : هأسبقك على العربية

يذهب مروان للاسانسير ويقف أمامه وأثناء انتظاره ,تقترب اميرة وتقف بجانبه ينظر مروان لها لكن اميرة لا تهتم ثم يدخلان الاسانسير , فى نفس اللحظة تقوم اميرة ومروان بالضغط على زر الاسنسير , مع ملامسة اصابع يدهم ينظران لبعضهما ثم تنظر اميرة امامها اثناء تواجدهم بداخل الاسنسير كان مروان يريد ان يتحدث معها لكن متردد جدا عند نزولهم تخرج اميرة للخارج يخرج مروان خلفها يقوم بالنداء عليها

مروان : اميرة اميرة

اميره : تلتفت له .. فى حاجة

مروان : لا بس كنت عايز اقولك النهارده الفيلا هتكون فاضية

اميره : وانا قولتلك انا مش هأقعد فيها ومش عايزة حاجة ابقى فضى نفسك لان المحامى هيكلمك عشان التنازل

مروان : باستغراب .. تنازل ايه

تدخل شرين عليهم تمسك مروان من كتفه يلا مروان

اميره : بكره هتعرف مش عايزة ااخرك عن اذنكم

مروان : اتفضلى

شرين : مش يلا

مروان : يلا

يفتح مروان باب السيارة لشرين ثم يدخل ويسوق ويغادر

شقه نور وحمزه 4م

الراسبسن / يجلس ادهم مع نور وحمزة يتحدثون امامهم اطباق كيك وشاى

نور : هى اتكلمت وحكت بس مش اميرة فهمنى

ادهم: فاهمك يمكن رافضة بتهرب من اللى حصل

حمزه : انا بقول كدا طبعا انت قلبك مش سايعك من الفرحة

ادهم : على اساس انها هتفتحلى احضانها ياخذ طبق الكيك ويتناول منه قليلا انا عرفت حظى خلاص

نور : وماله حظك زى الفل حنين فلة ومحترمة والأهم بتحبك اوى و بتتمنالك الرضا ترضى

ادهم : هو ده اللى تعبنى احساسي انى بظلمها , متستهلش منى كدا انا مستحقهاش

نور :مش عارفه اقولك ايه اصل القلب معلهوش سلطان ياريتنا بنقدر نتحكم فى قلوبنا كانت حاجات كتير اتغيرت انت الأهم متحسسهاش بس بحاجة

ادهم : حنين بترضى باقل شيء اقولك لو جبتلها لبانة بالنسبلها ألماظة مجرد انى افتكرتها كفايه بس انا بأمثل ده , خايف تحس

حمزه : انت لسه بتكلم اميرة

ادهم : لا بقالى شهرين ماعرفش عنها حاجة حتى لما انكل بيعزمنى بأرفض

حمزه : خد بالك لانه هيلعب على الوتر ده الفترة الجاية بشكل اشرس لان خلاص الملعب فضى وحنين مش مسبباله اى مشكلة لانه ضامن انك بتحب اميرة

ادهم :انا بحب اميرة بس عمرى ماهتجوزها انا قادر امنع نفسى انى ماتجوزهاش لكن قرار حبي مش بايدى زى ما نور قالت القلب مالهوش سلطان المهم خليكم جنبها اميرة محتجالكم الفتره دي

- مكتب المحامى رافت ( محامي خالد)

يجلس خالد ومروان والمحامي رأفت بمكتبه

خالد : اتفضل راجع الورق كويس اعتقد مافيش حاجة جبتها لابنتى مارجعتلكش

مروان : ينظر للمحامى ... بعد اذنك ممكن تسبنى مع دكتور خالد شويه

رافت : اكيد انا برا لحد ماتخلصو

بعد خروج المحامى ينظر مروان لخالد بعمق وببتسامة خبيثة

مروان : دكتور خالد اعتقد دي اول مقابلة نتقابلها بشكل صريح في وش بعض ,بعد الفرح .من اول يوم وحضرتك بتحارب عشان توصل للقعدة دي , المرة دي هزمتنى عرفت توقعنى لعبتها على الوتر المظبوط , واميرة بكل سذاجة كانت ماشية وراك خايفة لتخسرك , وانا متحملتش طاقتي انتهت

خالد : مش ذنبي ان نفسك قصير

مروان : مظبوط

خالد : ياريت نخلص , لان كلامك ولا هيودى ولا هيجيب

مروان : صح , انا كنت فاهم وانت بتكتبنى الأوراق دي , عشان تختبرني حيلة فاشلة, اللى بالورق ده كلام فارغ , اميرة تستحق اكتر بكتير من كدا , ده حقها انا مش عايز حاجة

خالد : وهى متنازلة عن حقها ده , مش عايزة حاجة منك ولا عايزة حاجة تفكرها بيك

مروان : مش مهم توافق لكن ده حقها شرعا وقانونا بعد اذنك مبروك عليك قدرت تكسب الحرب

خالد : قولتهالك زمان متقفش على أرض من الازاز هتاخدك وتبلعك

مروان : بنصف ابتسامة حزينة.. صح انت كلامك صح المهم تكون مبسوط بالنتيجة واللى وصلت ليه بنتك عن اذنك

فيلا اميرة مروان 10 م

يدخل مروان غرفته بعد رجوعه من عند المحامى , يجلس على السرير على ملامحه الانزعاج , يقوم بمسح وجهه ثم يقوم بوضع هاتفه على الكومودينه والساعة ثم يتسطح على السرير , ويغمض عينيه فجأة تظهر اميرة وهى تنظر له بابتسامة خلابة و تقوم بتمرير اصابع يديها على وجهه برقة ونعومة يفتح مروان عينيه بذهول

مرووان: بستغراب شديد انتى هنا !!!!

تظل تنظر له بابتسامة ثم تتنهد وتذهب بعيدا عنه وتخرج خارج الغرفة وهى تجري مع الاستماع لصوت ضحكات اميرة الجميلة والنداء على مروان .. مروان مارو ههههه يجرى مروان خلفها ينظر حوليه لكنه لم يجدها يتنهد يرجع للغرفة ويدخل الى الحمام لياخذ حمامه يقف امام المراية ويقوم بمسحها , فجأة تظهر اميرة فى المراية وهى تقف خلفه و تبتسم له ثم تضمه من الخلف , ينظر مروان بسرعه خلفه لا يجدها , يفتح الحنفية ويغسل وجهه وينظر الى المراية بقوة وضيق ويجزعلى أسنانه ويقبض على يده , يحاول ان يمسك دموعه ثم يقوم بخلع التيشيرت ويذهب لاخذ حمامه ,بعد الانتهاء يرتدى مروان ملابس البيت تيشيرت وبنطلون ويتسطح على السرير على ظهره ويضع يده الاثنين تحت راسه يسرح قليلا ويتذكر اميرة

فلاش باك

غرفه النوم مروان واميره

مروان متسطح على السرير على جانبه بعد دقايق تتسطح اميرة بجانبه وتاخذ يده وتحطها حولين خصرها وهو معانقها من الخلف ويقرب وجهه من رقبتها و يتحدث

مروان : بمزح .. كان فى واحدة كدا تقولى مروان ماحبش حد ينام جنبى ولا يلزق فيا كدا ! مش واخدة على كدا عارفاها ؟

اميرة : لا معرفهاش

مروان : ولا لما كنت بأغلط وأدخل الاوضة من غير ما أخبط كانت بتتحول عليا

اميره : تلتفت باتجاهه.

انت هتبطل ولا اخلي الشخصية التانية تحضر حالا

مروان : انتى بتقفشى ليه بأضحك معاكي

اميره : ايوه كدا ههههههههههههههه

المشهد الحالى

مروان يتنهد اوفففف يتقلب وينام على جنبه ثم يتقلب يمين ويسار وعلى بطنه يتذكر مره اخرى

فلاش باك اخر

غرفه النوم

مروان اميرة يجلسان بجانب بعضهم على السرير واميرة تضع راسها على صدر مروان و مروان يحط إيده حولين رقبتها ويتحدثان

مروان : ينظر الى قدميها بمزح .. انتى بتلبسى مقاس كام 35

اميره : تؤ 37

مروان : انتى صغيرة اوى 150سم صح

اميره : 155 لوسمحت

مروان : هتفرق يعنى ؟؟ . ياه 28 سم فرق وانا بقول فى اتب بداء يطلعلى ليه

اميره : اعملك ايه يعنى ؟

مرزان : بمزح . بعدين المشكلة مش بالطول ، لا انتى كلك على بعضك قد كدا , بصى لو حطيت ايدى كدا على وشك كدا .. يضع يده على وجهها .. اختفيتى , يعنى مش عارف بصراحه ايه ده, بصى بقا لو(يعتليها ) عملت كدا انتي اختفيتى مافيش اميرة هههههههههه راحت اميرة

اميره : بمزح ههههههه طب اوعى انت مسترفع نفسك هههههه انت اللى طويل بزيادة

مروان : يرفع نفسه قليلا وهو مازال (يعتليها) وينظر لها بابتسامة. انا ..183 بس انتي اللى اوزعة وصغننه

اميره :اتخن شويه يعنى

مروان : لا انتى عجبانى وانت كدا يا صغنن انت

ثم يقوم بمداعبة انفها بانفه بحبك

- المشهد الحالى

يقوم مروان ويجلس وينفخ بضيق ويمسح وجهه يتحدث بصوت .. لا احنا مابدأناش في ايه ! يقوم ويقف ينظر الى

السرير ثم ياخذ مخداته ويخرج خارج الغرفة

سياره اميرة 10م

تقوم اميرة بالسواقة ويبدو على ملامح وجهها الحزن وعيونها تسكنها الدموع حتى تصل الى حد الامكان إلى النيل تركن سيارتها وتنزل منها حتى تصل الى شجرة كبيرة يبدو انها قديمة تقترب منها وتجلس تحتها وتنظر الى النيل تتذكر كل شى حدث معها ثم تبكى

فلاش باك قبل كام شهر

شقه د / خالد 5م

مكتب خالد

يجلس خالد على الكرسى الأمامى للمكتب وهو يقرأ أحد الكتب وبعد قليل تدخل عليه اميرة

اميره : بابا انا هامشى

خالد : ما بتباتي النهارده

اميره : مش هينفع ما قولتش لمروان

خالد : كلميه

اميره : تجلس امامه ..معلش يا بابا خليها وقت تانى بعدين مش هينفع اجي كل يوم هاجي بعد كدا يوم الاربعاء بس لان مروان بيبقى طول يومه بره مش بيرجع قبل 10 وبيرجع مش شايف قصاده وبينام وانا مش عندى غير محاضرة هارحلها ليوم تانى وأقضي اليوم كله معاكم وأبات وهاروح الخميس بعد الشغل غير كدا مش هأعرف فأنا هأقوله وهو مش هيعترض أنا متأكدة

خالد : ايه جوزك مش عاجبه انك بتصلي رحمك وتزوري اهلك ايه عايز يحرمك من اهلك شوفتى هو ده اللى كنت خايف منه كنت متاكد انه هياخدك مننا عايزك زيه من غير اهل وحيدة

أميرة : بضيق .. ما كفاية يا بابا مروان مش كدا وعمره ماكان كدا بالعكس مروان بيحب علاقتي بيكم جدا و نفسه يبقى كدا مع اولاده بابا أرجوك كفاية متخليش الحوار بينا ياخد شكل تانى

يقف خالد ينظر لها بقوة

خالد : انتى ازاي يا بنت تكلمينى كدا

اميرة : تقف وتنظر له بقوة لأن حضرتك مصمم انك تخرب عليا حياتي... بنبرة حزن وعين تسكنها الدموع .. عمري ما تصورت ان حضرتك كدا لما مروان قالي حللى شخصية والدك رفضت وتخانقت معه ماقدرتش أصدق للحظة انك كدا ، بس لما لقيت المواقف بتتكرر و ادهم اللى بييجى صدفة وتصميمك إنى أبات وإنى آجي خلانى أشك لحد ماقررت انى أركن عواطفي وأتعامل معاك بشكل تانى , فاجئتنى يابابا مستحيل جوازى من مروان يخليك كدا ويغيرك بالشكل ده والا انت كدا وانا ما اعرفش , حقيقة هاتشل من التفكير صدمتي كبيرة فيك , كفايه يا بابا انا مش حابة مروان يشوفك بالصورة دي , كفاية الصورة اللي هو واخدها

وأنا بحاول إنى اغيرها

يجلس خالد بنصف ابتسامة خبث ويضع رجل على رجل وبنبرة. تهديد غير مباشرة وتحذير

خالد : من يومين كنت قاعد على الفيس قرأت قصة مؤلمة جدا, عن دكتور مشهور أوى فى الوطن العربى سمعته زى البيريلنت قال ايه مراته كانت بتخونه.. تصورى

ولأ ، كمان مراته ما استكفتش بكدا فجورها خلاها تجيب عشيقها وتعيشه مع جوزها كأنه اخوها سنه ونص تخيلى

وهما مستغفلينه سنة ونص فضيحة , حقيقى فضيحة

أنا لو منه أقطع شريانى وأدفن نفسى بالحياة.. سمعته بقت فى الأرض والا الصور اللى بيعملها الشباب بتوع اليومين دول (يضحك بسخريه )هههه ضحكتنى بصراحه مغفل ,صحيح مغفل , ولا يمكن مكنش مالي عينها اصل الناس بقى عندنا بمصر هيقولو كتير وهيتكلمو كتير هيبقى لبانة فى بوقهم في نفس الصفحة قرأت قصة تانيه عن بيت كله حب ودفى انهم اطلقو بعد 33 سنة تصوري عارفة السبب ايه ان بنتهم كانت بترفض تروح عندهم باستمرار فضلت تبنى بيتها على هدم بيت أهلها ولا فكرت بأمها ولا اخواتها أنانية صحيح خايفة على جوزها وزعله حقيقي باسمع قصص كتير اكملك بقيت القصص اللى قرأتها .

اه صحيح نفس الدكتور ده ليه قصه تانيه قال ايه ياستى لقوا

كانت اميرة تستمع الى خالد وهى بحالة صدمة تنظر وتستمع لكلماته باتساع عينيها بذهول تام فهو تهديد غير مباشر بتفتيش الماضي وتدمير سمعة مروان وهدم بيتها تبكى اميرة بصمت ثم تقاطعه اميرة بسرعة مشاورة بايدها و تقول كفاية مش عايزة اسمع الباقي

خالد : اه صح متأخرة يلا روحي لحسن مروان يزعل

اميرة : لا هبات خلاص انا اصلا كنت هبات بس كنت بهزر معاك ياخالود

خالد : عاقلة يااميرة ويعجبنى فيكي انك اعقل أولادى واحبهم لقلبي

يتركها ويغادر بحالة صدمة كاملة

المشهد الحالى

كانت أميرة مازالت تجلس تحت الشجرة تبكى بحرقة شديدة تتذكر كل شى حدث معها وجنون الاب وتعاملها مع زوجها بقسوة ليس فقط خوفا عليه من فعل شيء له من جنون خالد وايضا تضحيتها بيه لكى يطلقها ويبتعد عنها لكى يعيش الحياة التى يستحقها بسعادة وهدوء حتى لو على حسابها وهذا ما جنته اميرة

لكن هل ستستمر على الصمود هل ستقوى على المقاومة والتمثيل بهذه البراعة التى وصلت بها ان الجميع صدقها انها مهملة و مستفزة حتى مروان

أم سيكون للقدر رأى آخر سنعرف لاحقا

خلال بكاء اميرة تبدأ ملامح وجهها ان تتغير ببطى من بكاء الى استغراب تشم رائحة شخص يقترب منها تلتفت للخلف باتساع عينيها يقترب منها ...

فلاش باك قبل كام شهر

فيلا مروان واميرة 8م

غرفة النوم

كانت اميرة تجلس على السرير وهي ترتدى بيجاما قصيرة تقوم بالشات مع نور وتضحك كان مروان بجانبها يرتدى ملامس بيت و ينظر لها بضيق وغيرة

مروان : هى مش كانت معاكي الصبح

اميره : اه بس بتحكيلي حاجة مهمة

مروان : بقالها 37 دقيقة ونص بتحكيلك

تنظر اميرة لمروان باستغراب : 37 دقيقة

مروان : ونص

اميرة : لازم النص طبعا هههههههه

مروان : هتتريقي.. بصي عارف انك بتحبى نور اكتر مني

بس يعنى مايمنعش انك تقعدي معايا حبة كدا وانا اقعد وحيد مستني نظرة من حضرتك

اميره :بحبها اكتر منك !!!

انت بتغير من نور يا يامارو , مش حلوة في حقك يا دكتور مروان عزت انت اكبر من كدا

مروان : انا بأغير عليكى مني ، من نفسى

اميرة : ايه التشبيه ده

أول حاجة كانت بتحكيلي حاجه مهمة بالرسالة بتاعتها كنت بأساعدها خد شوف الشات تانى حاجه ماعنديش أهم منك طب انا بقى هأثبتلك انك أهم من أهم حاجة عندى هشاركك سر حتى نور ما تعرفهوش

مروان : ايه ده بقى

تقف اميرة

اميره : قوم البس وانا هوريك

مروان : ماشى

احد الأماكن على النيل

تأخذ اميرة مروان الى الشجرة

التى أمام النيل

اميره : هو ده سرى

مروان : مش فاهم

اميره : تقترب من مروان .. مره وانا فى اولى اعدادى ماما جبتنى انا ونور وتماره اخت حمزه جنينه اللى هناك دى ..تشاور بايدها ... واحنا بنلعب فى المرجيحه وقعت تماره اتعورت حسيت انى السبب انها متكملش اليوم مع انها كانت اكتر واحده فينا متحمسة زعلت من نفسي انى السبب استأذنت ماما هاتمشى شوية جيت هنا وقعدت تحت الشجره دي فضلت أعيط جامد ، بعدين شد انتباهي اتنين صيادين فضلت أتفرج عليهم افتكرت ان المكان فيه سحر لأنه بينسي الوجع كنت باجى هنا بقى كل ما أزعل باستمرار لما كبرت فهمت ان اللى خلانى أنسى تمارا مش سحر المكان قد ما شدنى الصيادين بس كنت خلاص. أقنعت اللاشعور اللي جوايا ان المكان ده هو اللى بيهدينى

مروان : طب ليه ماحكتيش لنور

اميره : ماعرفش حقيقى

ماعنديش اجابه يمكن ربنا عمل كدا عشان يوم زي ده

مروان : انا مش محتاج اثبات انا واثق بقيمتي عندك انا بس بحب اناغشك

يضحكوا سوا ويضمها اليه....

المشهد الحالى

تقف اميرة تنظر أمامها باتساع عينيها ثم يقترب منها مروان تجري اميرة مسرعة إلى حضنه يقوم مروان بضمها

اميره : كنت عارفة انك هتيجي واني مش هأهون عليك

مروان : انتى ليه ماقولتليش

اميرة : تنظر له باتساع عينها عرفت منين يرفع يده و يطلعها على المذاكرات

مروان : ليه خبيتى عليا ليه ، ليه يا اميره

اميره : تبتعد قليلا بدموع وضيق وصوت يرتجف

حزين يائس لاحول له ولا قوة..

كنت عايزنى اقولك ايه ان بابا بيهددنى بيك , وهيخلى سمعتك بالأرض , مكنتش عايزك تشوف بابا بالصورة دي كفاية انت شايفه شيطان كمان تشوفه كدا , خفت اتعرى قدامك اكتر من كدا , بابا اللي المفروض ظهرى وسندى بالدنيا , اللى لما اتخانق معاك اجرى بحضنه عشان يجبلى حقى ,منك ، يعمل كدا فيا ، حسيت ان ظهري هيتكسر , اكتر ما هو مكسور قولت أحافظ على صوره الوهمية الكدابه عشان مايصغرش بعينك اكتر من كدا ،محدش فهمنى. ولا هيفهم يعنى. ايه ست ظهرها ينحى كدا قدام جوزها ،ان سندها فى دنيا هو اللى بيدمرها ونازل طعن وكسر فيها

اللى انا عايشه ده واللهى صعب اوى ما بقتش قادره ، انا قلبي وجعني اوى أوي تعبانه مش عارفه اعمل ايه

يشدها مروان بحضنه ويضع ايدها على قلبه يطبطب عليها وعيونه مليئة بالدموع

مروان : انا جنبك ماتخفيش انا سندك وظهرك أبوكى وحبيبك وجوزك وكل حاجة ماتخفيش انا اللى بأقوى بيكى والله اوعى تخافي كدا ولا تحسي انك مكسورة فاهمة

ترفع اميرة رأسها لاعلى وتنظر لمروان

وفجأة......

_*~الجزء الثاني

~من

روايه الاعمى2

بقلمى ليلةعادل*~_✍️🌹❤️

الحلقه الثانيه والثلاثون

المشهد الحالى

تقف اميرة تنظر باتساعة عينيها امامها ثم يقترب منها مروان تجرى اميرة مسرعه على حضنه يقوم مروان بضمها

اميرة : كنت عارفه انك هتيجي واني مش ههون عليك

مروان : انتى ليه مقولتليش

اميره : تنظر له باتساع عينها عرفت منين يوريها المذاكرات

مروان : ليه خبيتى عليا ليه

اميرة : تبتعد قليلا ودموع وضيق وصوت يرتجف حزين يائس لاحول له ولا قوة .. ..كنت عايزنى اقولك ايه ان بابا بيهددنى بيك , وهيخلى سمعتك بالأرض , مكنتش عايزك تشوف بابا بالصوره دي , كفايه انت شايفه شيطان كمان تشوفه كدا , خفت اتعرى قدامك اكتر من كدا , بابا اللى مفروض ظهرى وسندى بالدنيا , اللى لما اتخانق معاك أجرى بحضنه عشان يجيبلي حقي , يعمل كدا فيا حسيت ان ظهرى هيتكسر , اكتر ما هو مكسور قولت أحافظ على الصورة الوهمية الكدابة عشان مايصغرش بعينك اكتر من كدا

انا قلبي واجعنى اوي تعبانه مش عارفه اعمل ايه

يشدها مروان بحضنه ويضع ايدها على قلبه يطبطب عليها وعيونه مليئ بدموع

مروان : انا جنبك متخفيش انا سندك وظهرك ابوكى وحبيبك وجوزك وكل حاجه ماتخفيش انا اللى بأقوى بيكي والله

اوعى تخافي كدا ولا تحسي انك مكسورة فاهمة ترفع اميرة رأسها وتنظر لمروان بابتسامة

وفجأة

يقترب منها أحد البائعين ويقول ...تشربي حاجة يا انسة

تنظر اميرة له باتساع عينيها وتبتلع ريقها

اميره : ايه

الشخص : تشربي حاجة

اميره : تمسح اميرة دموعها لا شكرا

فقد كان كل ما رأته مجرد خيال وليس حقيقة

تضم اميرة قدميها الى بطنها تسند رأسها على قدميها و بصوت داخلي حزين ياس .. الحمد لله انه مش حقيقة الحمد الله , ان شاء الله ماحدش هيعرف سري أبدا مهما حصل وبالأخص مروان , مستحيل اني أتعرى قدامه مستحيل احس قدامه انى ماليش ظهر ولا سند لازم احافظ على الصورة الوهمية دي , لازم احميه من بابا واللى عايز يعمل فيه , حاجة زي دي هتكسر مروان للأبد هو أصلا لحد اللحظة دي بيعانى مهما قالها بلسانه إنه نسي وتخطى , لكن انا شايفة وحاسة انه لسه متخطهاش ولسه موجوع , مستحيل اخلى بابا يفتح دفاتره القديمة دي ويأذيه مهما كلفنى الأمر

شقه د / خالد 11م

تجلس فريدة فى الراسبشن يبدو عليها الانزعاج

بعد قليل يدخل خالد تذهب اليه

فريده : عملت ايه

خالد : ولا حاجه رافض ياخد حاجاته عامل نفسه راجل

فريدة : اظن ان الدنيا مش سايعاك من الفرحة

خالد : مش فاهم

فريده: انت فاهم كويس

خالد : انا ماليش دعوه ببنتك هى صاحبة القرار , هى اللى قررت تتجوز وقررت تطلق هى حرة

فريده : بس ماتنكرش ان ده اللي بتتمناه من زمان

خالد : اه لاني شايفه من البداية انه غير مناسب لأميرة وأهي اتأكدت بنفسها ممكن تحضرى العشا

فريده : بغضب .. حاضر ياخالد حاضر بس لو عرفت ان ليك يد فى اللى حصل متلومش غير نفسك

❤️______ليلةعادل ______❤️

احد الفنادق بالقاهره 1ص

مظهر عام للفندق من الخارج ثم يظهر مروان وهويسوق سيارته ثم , يركنها امام بوابة الفندق , ويعطى المفتاح للعامل , ويدخل للداخل ويتحدث مع موظف الاستقبال

مروان : لو سمحت عايز أوضه او سويت اى حاجة

المؤظف : كام يوم يا فندم

مروان : يومين اسبوع مش عارف

المؤظف : تمام يا فندم ممكن البطاقة

مروان : اتفضل

- غرفه مروان بالفندق

يدخل مروان الغرفه يبدو عليه الضيق والحزن ثم يفتح باب البلكونه المطله على النيل ويدخل بها يخرج هاتفه من جيبه ويتصل بمنير

منير: بنوم .. ايه يا حبيبى فى حاجة

مروان : تعال عايزك

منير : ماينفعش بكرة انا عايز انام

مروان : معلش يا منير هبعتلك اللوكشن ماتتأخرش

منير : حاضر

شقه منير 1 ص

غرفة النوم

يجلس منير على السرير وبجانبه زوجته لبنى متسطحه تنظر له بنوم

لبنى : مروان

منير : انا هقوم ألبس وأروحله معلش يا لبنى اعمليلى فنجان قهوه لحد ما ألبس

لبنى : تجلس حاضر ايه رأيك أكلم اميرة

منير : يقف ينظر لها استنى شويه هما الاتنين دلوقتى معندين

لبنى : بس صاحبك شكله حن

منير: هو لسه بيحبها بس مش قابل تصرفاتها روحي اعملي القهوه عشان ما أتأخرش عليه

أحد فنادق القاهرة 2 ص

غرفة مروان

يقف مروان ومنير فى البلكونه يتحدثان ويبدو على ملامح مروان الضيق

مروان :بنبرة حزن وخوف وضعف . مش قادر يا منير كل مكان بيفكرنى بيها , صورتها مش بتفارق خيالى , مش عارف انام ولا آكل , من وقت ماطلقتها كل ما أغمض أحلم بيها , حتى لما خرجت مع شيرين افتكرت هأقدر أعدي مقدرتش , في نص الطريق اعتذرت منها و روحت

منير : ماتردها

مروان : بحسم ... لا

منير : عند

مروان : بحزن عيون بها دموع .... مش عايز أكرهها مش عايز كل الحب ده يتحول فى لحظة لكره , بس فى نفس الوقت مش قادر ادخل الفيلا من غيرها , صوت ضحكتها مش بيفارق ودانى صورتها بكل ركن فى البيت مش قادر, طيفها بيحاوطنى بكل مكان

منير : طبيعى ده يكون شعورك, لأنك بتحبها مرحله وهتعدي صدقنى , لكن بلاش تعمي قلبك يا مروان , أميرة غلطت مافيش جدال بس ماتوصلش للطلاق انا مارضتش أتكلم معاك وقتها قولت اسيبه يهدى بس انت كبرت الموضوع

مروان : وهو يعض صوابع يده بضيق..لما تدخل عليا المحاضرة وتلغيها وانا واقف من غير ما تعملي أي احترام عادي عيل صغير انا

منير : لا مش عادى بس اتعصب ازعل مش توصل للطلاق

مروان :لو مكنتش طلقتها كانت هتسبنى لان مش ده كل اللى حصل بس

منير : امال ايه اللى حصل , انت بتبص كدا ليه نيلت ايه قول انا كنت واثق انا هتقلب عليها قولتلك يا مروان ماتحوش واجهها انا عارفك لما بتسكت وتعدي مرة فى مرة هتبقى وحش ,ايه ضربتها

مروان : تؤ

منير : امال , بقولك تعال ندخل جوه الجوه برد , وفهمنى بالراحة

مركز د / مروان عزت 1 م

كافيتريا المركز

تجلس اميرة على أحد الترابيزات بعد قليل يدخل عليها شهاب ويجلس

شهاب : عامله ايه هبة قالتلي انك عايزانى

اميره : انت بتحب شهد

شهاب : حكتلك

اميره : شهد بنت كويسه اوي سيبك انها صاحبتي بس فعلا جميلة من جوة وطيبة وغلبانة وبتحبك

شهاب : قالتلك ايه

اميره : انك بتخلع

شهاب : عيله نكديه يابنتى بابا وماما رافضين عشان فرق الطبقة الاجتماعية انا مش عايز احسسها انها اقل مني , وهي زنانة اوى عشان كدا مكنتش بأخرج كتير معها

اميره : بجد مافيش حاجة تانى , يعنى شهاب مراد حب

شهاب : هو شهاب مراد مش انسان

اميره : طب هتعمل ايه

شهاب : عادى هتتحل خليك انتي بمشاكلك غريبة انتي بعز أزمتك بتفكرى بغيرك

اميره : بلطف ... لانى بحب شهد اوى غلبانة نفسي تبقى سعيدة ومبسوطة لانها تستاهل ده اوعدنى انك متزعلهاش ابدا

شهاب : اوعدك

❤️______ليلةعادل ______❤️

يمر شهر على انفصال اميرة ومروان عن بعضهم

كانت اميرة لاتذهب للمركز باستمرار بسبب امتحاناتها بالجامعة لكن كانت تحاول ان تتظاهر بالقوة كأنه لم يحدث شىء معها , عكس مروان تماما , فكل يوم يمر كان الندم يلاحقه ويظهر على ملامحه بشكل كبير لكنه لم يحاول حتى أن يرجع لها , وكانت شيرين فى هذه الفترة تحاول ان تقترب من مروان وكانت تضايق اميرة بالعمل لكن اميرة كانت تحاول ان تتحملها بجميع الطرق

مركز د/ مروان عزت 9 ص

يظهر مروان وهو يقف عند الاسانسير قبل ان يدخل يشاهد اميره قادمة وهى مغيرة لون شعرها اللى اللون النحاسى وترفع شعرها لأعلى (ديل حصان ) ترتدى جيبة قصيرة لحد الركبة لونها احمر وبلوزة كات بيضاء بخطوط حمراء بالطول وحقيبة ظهر

اميره : صباح الخير

مروان : صباح النور ينظر بعينيه الى ماترتديه بنصف ابتسامة .. واضح ان الاكتئاب فى أعلى مرحلة

اميره : تنظر له دون فهم .... سورى !!!

مروان : هو بصراحة اللوك جميل جدا لون شعرك حلو اوى الاستيل نفسه عليكى تحفه بس ايه اللى انتي لابساه ده ؟

اميره تنظر برخامة دون ان تتحدث وتدخل الاسانسير يدخل مروان خلفها ويوقف الاسنسير

اميره : باستغراب ... ايه اللى عملته ده وقفت الاسنسير ليه ؟

مروان : بضيق ... ايه اللى لبساه ده ؟ من امتى بتلبسي قصير؟

اميره :انت مالك ألبس براحتى

مروان : انتى مش شايفه ان الجيبه قصيرة أوى محبكيش تلبسي قصير كدا ماشفكيش لابسه كدا تانى فاهمة

اميره : باستغراب ... محبكيش وماشفكيش ده على أساس ايه يا دكتور

مروان : انى يصمت قليلا لانى دكتورك و لانك لسه بشهور العده محبكيش تلبسى كدا

اميره : دكتورى. ولسه بشهور العده اممم قولتلى عموما عجبانى .. بسخريه ... بعدين مين اللى بيتكلم ده انت كنت متجوز واحدة لو مشيت بقميص نوم بالشارع أرحم من اللى كانت بتلبسه دى كانت بتمشى من غير هدوم ..

مروان : ماتقرنيش نفسك بحد اقل منك

اميره : مابقارنش نفسى بحد بس بأرد على كلامك..ثم تشغل الاسنسير

مروان : ومين بقا قالك انى ماكنتش بأعترض على لبس ماجي

اميره : بسخريه .. ايه ده انت كنت بتعترض بس مكنتش بتاخد موقف ..اوكيه

مروان : بلاش اسلوبك الاستفزازى ده

اميره : انا عملت حاجة دلوقت ..مش هأقولك تانى انى برد على كلامك يا دكتور مروان عن اذنك

تتركه وترحل يقف مروان ويجز على أسنانه ويقبض يده بغضب ثم يخرج خارج الاسنسير ويتجه لمكتبه اثناء سير اميرة لمكتبها تنادى عليها احدى الموظفين (وتطلعها على بعض الاوراق ولكن سرعان ما تتحول ملاح اميرة للغضب الشديد و تذهب لمكتب مروان وتقتحم مكتبه دون ان تطرق الباب

مكتب مروان

يجلس مروان على كرسى مكتبه واميرة تقف امامه يبدو على ملامحها الغضب تمسك بايدها بعض من الاوراق

اميره :بصوت عالى وغضب ... ممكن تفهمنى ايه ده

مروان : بشدة ..انتى صوتك عالى ليه

اميره : بنرفزه .. رد على سؤالي ايه, ماترفدنى أكرم والله

انا ألف مركز يتمناني

مروان : يقف امامها بقوة وجدية ..وطي صوتك فى ايه ؟

اميره : ايه ده ايه الجدول ده وبعدين قبضي 200 جنيه أجيب بيهم شيبسي وترمس

تدخل شيرين عليهم دون ان تطرق الباب

شرين : بسخرية...وممكن تجبيلك حاجه ساقعة تبلعي بيها

اميره تلتفت لها باستغراب دون تحدث , تذهب شيرين وتجلس على الكرسى الامامى للمكتب وتضع رجل على رجل ..... وتتحدث

شرين : انا المسؤولة هنا مش مروان , كلامك معايا انا , انتي معظم الشهر اللي فات يا دكتورة كنتى غايبة . طبيعى يكون ده مرتبك , احنا هنا مش فاتحنها جمعية أهلية

اميره : اممم وبالنسبة للجدول !

شرين : بسخرية...هي مش دي محاضراتك اللى متأجلة

شغلك ولا شغل غيرك ماتتكلمي , بعدين مش انتي أكفأ دكتورة هنا وريني اثبتي ...باستهزاء ... انتى دكتورة فاشلة مش قد المكان ولا المكانة اللي انتي فيها احمدى ربنا اني مش رافدتك لحد دلوقت

اميره : بأي صفة

شرين: تقوم وتقف أمامها بقوة ... مديرتك

اميرة : مديرتى قولتيلى اممم , انتى بتقولي انا فاشلة ومش ملتزمة ومش قد المكان اللى أنا فيه

شرين : بشدة .. بالظبط ولآخر مره بوجهلك إنذار لو اتأخرتى تاني هتترفدي وياريتك تتاخري

اميرة : امممم بصي انا اتحملتك كتير طول الشهر اللى فات , كمان قلبك قاعد وبتشتمينى فى وشي , لحظة خدى جنب كدا ... تقترب من مروان بنظرات كلها اغراء وتقول دكتور ممكن ورقة

مروان : ايه

اميره ،:بصوت ونظارات اغراء .. ورقة

مروان : يبتلع ريقه اه حاضر يجلب أحد الاوراق من على مكتبه يعطيها لها

اميره : بنظرات اغراء اكثر بحركه شفايف .. وقلم

مروان : حاضر يعطيها القلم وهو هيمان فيها

تكتب اميرة بالورقة ثم تعطيها لمروان تطلب منه ان يمضى عليها

اميره : ممكن تمضي

مروان : ايه

اميره : الورقة تمضى على الورقة

مروان :اه طيب ينظر للمكتوب بالورقة و يفوق ويبدأ بتمالك نفسه ... ايه ده

اميره : بجدية وقوة .. امضي على الورقة... امضي

مروان بضيق يمضي على الورقة ... اهو مبسوطة

اميره : .. انا كدا بره المركز

مروان : اه

اميره : يعنى مافيش عليا اى سلطة

مروان : لا

اميرة : بابتسامة..حلو .. تنظر لشرين وتقرب منها وتتحدث .. بصى انتي من وقت ما عرفتينى وانتى عمالة تدوسي وانا كنت عملالك خاطر واحترام عشان خاطر الرجل الكبارة ده تشاور بايدها على مروان.. وانتى مافيش ,عمالة تخلصى من مخزون صبرى وانا صبورة اوى بس لما بأقلب بأبقى وحشة و سأيلة ..بحدة وحسم ..شرين يا قدرى مش أميرة خالد اللى فاشلة ومش قد المكانة اللى هي فيها وفجأة تقوم بضربها بالقلم بقوة وقسوة على وجهها

شرين : بذهول و باتساع عينها وغضب ... انتي بتضربينى انا يا حقيرة

تقوم برفع ايدها لتضرب أميرة لكن سرعان ما يمسك مروان يد شرين بقوة

مروان : بقوة وانفعال ... شرين هتعملى ايه

شرين : بنرفزة.. هأعمل ايه مش شايف

مروان : بقوة.. ماتخلقش ولا هيتخلق اللى يقدر يمد ايده عليها طول منا عايش سامعة

شرين : بقوة.. تشد ايدها من ايده ماشى تنظر لأميرة.. والله لأدفعك ثمن اللى عملتيه غالى تذهب عند الباب قبل ان تخرج

اميره : تقوم باغاظتها.. شوشو الباب وراكى بليز

تغلق شرين الباب بعنف

تذهب اميرة وتجلب ورقة الاستقالة وتقطعها وتضحك يقترب منها مروان وينظر لعينها

مروان : اوعى تكونى افتكرتى انى موافق على اللى عملتيه

اميره : مش مهم توافق المهم اللى عملته قصادها غير كدا طظ عن اذنك عندى مرضى ماينفعش أتأخر عليهم ..

باي يا دك

تخرج اميرة للخارج ويقف مروان ينظر لها اثناء خروجها بغضب ويجز على سنانه

❤️______ليلةعادل ______❤️

عيادة احد دكاتره الباطنه 4 م

تجلس اميرة أمام مكتب الدكتورة وتتحدث معها

اميره : يعنى التحليل مافهاش حاجه امال الوجع اللى بأحسه ودوخه و ترجيع ده انا افتكرت نفسي حامل والله

ساره : التحليل بثبت انك سليمه اميره بصراحه انتى زعلانة من حاجه او عندك مشاكل قولى يمكن اقدر اساعدك

اميره : عايزة تقولى اللى انا فيه نفسى

ساره :بالظبط

اميرة : تمام اذا كان كدا تبقى بسيطة

نادى المعادى 5م

يجلس الأصدقاء الثلاثة على احد الترابيزات ويبدو على ملامحهم السعادة وتتعالى ضحكاتهم

نور : تستاهل البومة دي ماعرفش مروان ما رفدهاش ليه بت مش المركز باسمك

اميره : اه

نور : مفروض ترفديها

اميره : لا طبعا انا مش عايزة من مروان حاجة

حمزه : هو ماحولش يكلمك من وقت الطلاق

اميره : العادى لما بنتجمع بمحاضرة كدا كلام بالخفيف بتسأل ليه

حمزه : مستغرب

نور : انا متأكدة انه ندمان بس بيكابر نفسه وهيموت ويرجعلك

اميرة : بياس .. يمكن بس لحد اللحظة دي ماحولش. .. بنبره حزن وغيون بها دموع ... تعرفى انه وحشنى اوى حاسة ان فى حاجة كبيره ضاعت مني المشكلة انى ساعات بأنسى اننا مطلقين وبأغير عليه و يفضل يبصلى كدا.... بأفتكر

الاصعب بأبقى شايفاه اون لاين وهأموت و اكلمه اسأله انت كويس أكلت برغم انه جرحنى اوي بقلبى بس تصمت قليلا

تتنفخ وبنرفزة ....والله لو حد فيكم فتح معايا كلام عن مروان لأقطع معه فاهمين

حمزه : اهدى طيب مش مستاهله عصبية يا ميرو

يدخل عليهم ادهم ومعه حنين يقف حمزة لاستقبالهم

حمزة : عامل ايه وحشنى يقبله اقعد ازيك يا حنين

نور : مش قادرة اقوم اسلم على حد

ادهم : خليك عامله ايه ينظر باستغراب لأميرة ايه ده معرفتكيش

اميره : ايه رأيك حلو

ادهم : وحش اوي

اميره : ايه

ادهم : جيبه بنت اختك دي

حنين : انتى رجعتى تانى لعلمك دى كانت هبا اوى ايام الجامعة دى مرة لبست لبس الايموز مجنونه بس لا جميل لون شعرك حلو اوى مخليكى قمر

اميرة : انا قمر بجميع حالاتي ماتقعدو واقفين ليه

يجلسون

ادهم : بس ليه التغير ده

اميره : زهق ..فراغ ههههههههههههه انت عارف احنا بعد الطلاق بنحلو

حنين : طلاق ايه

اميره : ايه ده ماتعرفيش انا اطلقت

حنين : امتى

اميره : بقالى شهر 10ايام بالظبط

حنين : تنظر لادهم ماقولتليش يعنى

ادهم : عادى يعنى مجاش بدماغى كنت مشغول

نور : تحاول ان تغير الموضوع .. بقولكم تعالو نلعب بولينج والى يكسب يعزمنا على كباب

ادهم : ماتقولى اعزمنا على كباب يا ادهم من غير لف ودوران

نور : انت عارف الأقساط والبت واخدة فلوسنا .. تشاور بايدها على اميرة .. والبت مسكينه دى قبضت النهارده 200 جينه , فيعنى احنا شله شحاتين كحيانين نريد ان ناكل بعض من الكباب يا باشا مصر

ادهم : بمزح ...هههههه هو فى ايه خلاص هتشحتى يلا هأعزمكم

حنين : ادهم انت نسيت ميعاد الدكتور

ادهم : باستغراب شديد .. دكتور ايه

حنين : دكتور الأسنان كمان نص ساعة .. تقف .. كان نفسنا نقعد معاكم بس متعوضه يلا يا حبيبى

ادهم : اوك سلام

بعد أن يرحلو

نور : هههههههههههههه ادهم لبس

حمزه : بضيق .. ليها حق مش ناوى يعقل وانتي خفى وانتي كمان بتهزارى ليه ماتخفى انتم بتستعبطو

اميره : بتتعصب كدا ليه انا مالى مراتك اللى عزمتك ولازقه بحياتنا ماتكلمها هى

نور : انا هأروح ألعب اى حاجة عشان مش طالبه نكد عيال مقرفة

(بعد كام يوم )

بعد مرور ايام قليلة جدا من موقف اميرة مع شرين كان هناك حفله سنوية لأفضل دكاتره فى مركز ومستشفى د / مروان كانت الحفلة فى احدى الفنادق الكبرى

❤️______ليلةعادل ______❤️

مظهر خارجى للفندق ثم داخل احد القاعات من الداخل مظاهر احتفال بسيطه لكنها جميله جدا حركه دخول وخروج موسيقى هادئة جدا ثم نرى مروان وهو يرتدى بدلة انيقه جدا جدا وشكله زى القمر و يقف هو ومنيرمع احد الاشخاص يتحدثون ثم تدخل اميرة ومعها نور وهى فى غاية الجمال ترتدى فستان أحمر طويل عارى الاكمام وتضع القليل من المكياج وترفع شعرها المنسدل الى اعلى تخطف الانظار باطلالتها وخصوصا نظرات مروان الذى عندما رآها امامه زادت سرعة ضربات قلبه ولمعت عينيه

دخلت اميرة القاعه وبدأت تتجول وتسلم على الجميع بابتسامتها الجميلة التى تخطف القلب ومداعباتها ومزاحهها مع أصدقائها والاستماع لصوت ضحكاتهم

بعد قليل توقفت اميرة امام النافذة الإزاز المطلة على الحديقة الخارجية بعد دقائق قليله يراها مروان تقف بمفردها يقترب منها

مروان : واقفة لوحدك ليه

اميره : تنظر له عادى انت عامل ايه

مروان : كويس وانتى

اميره : الحمد الله

ينظران لبعض قليلا بصمت ثم تبتسم اميرة نصف ابتسامة وتنظر امامها

مروان : ممكن تقوليلى كنتى بتضحكى ليه

اميره : تنظر له بنبره حزن .. الزمن ده غريب غريب اوى يعنى اصل لو كنا قبل ان تكمل كلامها تقترب منه احد الفتيات وتضع ايدها على كتف مروان

الفتاه : مروان مش يلا

تنظر اميرة لهم بغيرة كيف لها ان تضع ايدها عليه هكذا

مروان : اه حاضر ينظر لأميرة عن اذنك

تنظر اميرة له بحزن كيف له ان يوافق ان يتركها وحدها بهذه البساطه ثم تنظر امامها تحاول اميره بكل الطرق ان تمسك دموعها لكنها تنهار واثناء تحدث مروان مع الفتاه ينظر لأميرة فهو يشعر بمشاعرها وغيرتها عليه وضيقها لأنه تركها وغادر مع فتاة غريبة

ثم يضع مروان ايده على قلبه الذى يشعر بالألم به بسبب ما تمر بيه اميرة بسببه الآن وبسبب دموعها التى تنهار بسببه .

ومن ناحية اخرى كانت اميرة انهارت تماما من البكاء لكن ابتعادها عن الناس كان سبب ان لا يشعر بها احد إلا مروان فتقوم اميرةبضم ايدها والطبطبه على نفسها لكى تهدأ لكن مروان يعتذر من الحديث ويقترب من اميرة مرة اخرى ولكى لا يشعرها بالاحراج قبل ان يصل لها أخذ يكح تستمع اميرة له فتمسح دموعها بسرعة تنظر له

مروان : مذيعة

تنظر اميره لها دون فهم

مروان : دى المذيعة عايزة تعمل حديث معايا بقالها اكتر من يومين بتكلمنى ما صدقت شفتنى

اميره : بجد طب كويس

يقترب منهم منير

منير : يلا عشان الحفله هتبدأ

اميره : هاروح انا اظبط الميكاب بتاعى عن اذنكم

منير : مالها شكلها معيطة زعلتها ولا ايه

مروان : يشاور برأسه لا

منير : امال

مروان : فهمت غلط يلا احنا

وبالفعل يذهب كل من مروان ومنير ويجلسان على الكراسى ثم تبدأ الحفلة تقترب اميرة تنظر بعينيها تبحث عن كرسى فارغ لكن كان كرسيها بجوار مروان تذهب تجلس بجانبه

اميرة : فاتنى كتير

مروان : لا

احد الدكاتره على المنصه .. ويسعدنا ان نعطى جائزة افضل دكتور لهذا العام للدكتورة. اميرة خالد

اميره : ايه ده بجد مكنتش متوقعة

بسعادة تقوم وتصعد المنصه مع نظرات سعادة من مروان لها فهو سعيد بها انها نجحت وكبرت واخدت هذه الجائزة

اميرة :بجد مش عارفه اقولك حاجه كنت محضره كلام كتير لكن فخورة اني من التيم وورك ده واني بأتكرم من اساتذتى حقيقى فخوره انى معاكم بأشكر الدكتور ديفيد والدكتوره آن و الدكتور مروان على دعمهم ليا وتصويتهم ليا حقيقي شكرا

فى حديقه الفندق

تقف اميره مع نور يتحدثان ثم يقترب منهم مروان

نور : مروان

اميره : ايه

مروان : مبروك يا لمضه

اميره : هو مش انت اللي صوتلي

مروان : مين قالك مش يمكن صوت لغيرك

اميره : المهم النتيجة اني أخدت دي شايفها

مروان : ههههههههههههه المفروض نديكى جايزة افضل وحدة بالعالم فى اللماضه

نور : طب ميرو هأروح انا اشوف حاجه نشربها عن اذنك يا دكتور

اميره : ماشى

مروان :اميره هو انتى مسافرة فى حته او هتطلعي أوراق رسمية الأيام دي

اميره : انا لا خالص ايه السؤال ده

مروان : اصل دكتور خالد كل يوم بيكلمنى عشان أبعتلك ورقة الطلاق

اميره : باستغراب شديد بابا بيكلمك ما أعرفش عن الموضوع ده

مروان : اممم بيكلمنى كل يوم. ، ده لسه قفل معايا حالان انا قولت اكيد فى سبب

اميره : لا بس هو فعلا انت ليه مابعتهاش فات اكترمن شهر

مروان : مش فاضى اعمل ايه لما افضى هأبقى اشوف

اميره : اوك عادي مش فارقة معايا

يقترب منهما شاب وسيم

الشاب : بنظرات اعجاب مساء الخير ازيك يا دكتوره اميره

اميره : اهلا

الشاب: انا باسم اخو الدكتورة ابتسام

مروان : ايوه عايز ايه منها يا أخو دكتوره ابتسام

الشاب : عايز ارقص معها

مروان : بضيق نعم

الشاب : عايز ارقص معها واصلا انت بتدخل ليه بكلمها هى

مروان :بشده ونرفزه بتدخل ليه انت عبيط ولا بتستعبط

الشاب : افندم

مروان : بقولك ايه يا اخو دكتوره ابتسام امشى قبل ما أفقد اعصابى

اميره : تحاول ان تلم الموضوع ..انا مش بأرقص مع حد ماعرفهوش

الشاب : عادى احنا فيها نتعرف

مروان : بسخريه ..عايز تتعرف عليها عجباك اممم يمسح مروان فمه عايز تتعرف على مراتى بحركه سريعه يقوم بضربه بالبوكس بقوة شديدة ويوقعه على الارض ثم يشد مروان اميرة من ايدها يلا

تذهب اميرة مع مروان وهو شددها من ايدها حتى يصلوا الى الباركينج ثم تسحب اميرة ايدها

اميره : بضيق اوعى كدا انت شددنى كدا ليه

مروان : بنرفزة وغيرة..لا والله واللى حصل جوه ده عجبك انتي اصلا ايه اللى لابساه ده طبيعى لازم تتعاكسى باللى انتى عملاه فى نفسك ده

اميره : انت متعصب كدا ليه فى ايه هو شكله مايعرفش حاجه

مروان : بنرفزه .. لا والله عشان مايعرفش انك مراتى كان المفروض اسكت , عايزانى اصقف يعنى وهو بيتغزل فيكى وانا واقف ولا اقف اصوركم وانتم بترقصو ماتردى

اميره : مروان احنا مطلقين على فكره

مروان : يصمت قليلا بضيق وقوه وشده .. صح بس انا قولتك انتى لسه فى شهور العدة لما تبقى تخلص انتي حره فى تصرفاتك ولبسك فاهمة

اميره : انا مش هأرد عليك

تركب سيارتها وتذهب يقف مروان متضايق يجز على أسنانه ويقبض على يده

بعد مرور كام يوم

❤️______ليلةعادل ______❤️

فيلا مروان واميرة 5م

تدخل اميرة بسيارتها الفيلا وتقف بها امام البوابة ثم تطرق الباب لم يفتحلها احد تفتح حقيبه ايدها وتطلع المفتاح وتفتح كان الطابق الأول مظلم تقوم بالنداء

اميره : فاطمه يا دادا ..الظاهر محدش هنا

تصعد السلم ثم تفتح باب الغرفه تتفاجأ بمروان امامها وهويرتدى لبس بيت يتبادلان النظرات باستغراب

اميره : بتقطيع الكلام اصلى كنت جاى اخد شويه حاجات اسفه انى جيت من غير ميعاد انت قولت انك مش هنا خمس دقائق مش هأزعجك

مروان : ينظر مروان لها الذى يبدو على ملامح وجه الارهاق بلاش هبل

يبتعد قليلا من امام الباب تدخل اميرة وتقف عند الدولاب يجلس مروان على السرير تحاول اميرة ان تشب لجلب حقيبة السفر من اعلى لا تعرف... تشب مرة ثم مرة يقترب منها مروان ويقف خلفها

مروان : عايزه انهى شنطة

اميره : الشنطة السودا

يجلبها مروان ويضعها على السرير ويجلس بجانبها تذهب اميره لجلب ملابسها من الدولاب واثناء وضعها لملابسها فى الحقيبه كانت تنظر لمروان باستغراب فهو يبدو على ملامح وجهه التعب والارهاق تقترب منه

اميره : هو انت كويس

مروان : اه

اميره : ماشى

تكمل ما تقوم بيه وهى مازالت تنظر لمروان ثم تقترب منه وتقف امامه مباشرة مروان انت كويس

مروان : كويس بس شكلي داخل عليا دور برد كنت نازل

اعملي حاجه دافيه

اميره : هى فاطمه فين والخادمين

مروان : مديهم اجازة

اميره : ليه

مروان : مش قاعد هنا

اميرة : قاعد مع منير

مروان : لا بالفندق

اميره : باستغراب فندق ليه

مروان : انا هأنزل اعملي حاجة دافيه اعملك معايا يقف مروان لكن يشعر بدوار ويجلس تمسكه اميرة من يده بخضة

اميرة : مروان مالك تضع ايدها على خده بخضه واتساع عينها يا نهاااار يا مروان انت مولع فين الترمومتر اللى هنا

تذهب للحمام وتفتح حد الأدرج تاخذ منه الترمومتر ترجع لمروان

اميره : افتح بوقك تضع فى فمه حاسس بايه

مروان : انا كويس اهدى

اميره : كويس واضح اوى تاخذ الترمومتر تنظر له بخضه حرارتك 39 قوم معايا اوديك للدكتور

مروان : انا كويس هآخد شاور ساقع وهأبقى احسن اهدى انتي

اميره : بلاش عند

مروان : مابحبش اروح للدكاتره وانتي عارفة

اميره :ايه شغل الاطفال ده تمسكه من ايده وتشده قوم معايا بقى

مروان :بتلقائيه شديده ..يا حبيبى انا كويس ماتقلقيش كدا صمت ثوانى..نظرات متبادله يبتلع مروان ريقه بتقطيع بالكلام ...انا انا كويس يا اميرة

اميره : مافيش فايده طب يلا افرد نفسك

تقوم اميرة بعدل المخدة تقترب من مروان جدا اثناء عدلها له المخده كان شعرها يلامس وجهه مع نظرات اشتياق من مروان والاستماع لدقات قلبه تنظر اميرة له

اميره :مرتاح كدا

يشاور مروان برأسه : اه

تفتح اميرة حقيبة ايدها وتخرج هاتفها تقوم بعمل مكالمة

مروان : ماتتصليش بحد

اميره : ممكن تسكت قولت مش عايز دكتور مش هأوديك اهدى كدا ..الو ازيك يا ساره بأقولك عايزاك فى خدمة ... ماتتأخريش بقى

مروان : هتجبيلى دكتورة على اخر زمن

اميره : هههههههه ايه التفكير الضيق ده مش بتاعك من السخونيه صح

مروان : انا حاسس انى بروح اصلا

اميره : تجلس بجانبه تضع ايدها على خده وتمرر الف سلامة عليك هأرجعلك تانى

تخرج اميرة خارج الغرفة وتنزل اميرة وتدخل المطبخ وتفتح الثلاجة وتاخد منها مياه ساقعه وطبق تصعد السلم وتدخل الغرفة كان مروان مغمض عينيه تضع الازازه على الكومودينه تدخل الحمام تفتح الدورج تاخذ فوطة صغيرة ثم تخرج وتجلس بجانب مروان على السرير تبدأ بعمل كمادات مياه ساقعه يفتح مروان عينه

مروان :شكرا تعبتك معايا

اميره : انا عايزه اتعب مالكش دعوة استنى سارة بتتصل شكلها تحت هأنزل افتحلها

تنزل اميرة تقوم بفتح الباب لساره تصعد ساره معها واثناء صعودهم على السلم يتحدثان

اميره : شكرا يا سو انك جيتي

تدخل اميرة مع سارة الغرفة

ساره : الف سلامه عليك يا دكتور

مروان: الله يسلمك

وبالفعل تقوم ساره بالكشف على مروان بعد الانتهاء تنظر لاميره مافيش حاجه خالص

اميره : امال السخونيه دى ايه والتعب اللي بجسمه دى حرارته 39 يا سارة

ساره : هو برد لكن انا ميالة لتشخيص اخر السبب فى ظهور الأعراض دي و بيعمل سخونيه وتعب جسدى

اميره : اللى هو ايه

ساره : ألم نفسي زيك كدا الترجيع ووجع معدتك اللى من مده ده ، يعنى لو مكنتش شفت اللهفه وخوفك عليه كنت قولت زعلانين من بعض عشان كدا فى الالم النفسى ظهر على جسمك بس الحمد الله الامور عال ماشاء الله , عموما انتم دكاتره علم نفس اكيد بتفهمو بالحاجات دى اكتر منى وبتعرفو تعالجوها ازاى , تنظر لمروان انا هأديك حقنه مخفضة للحراره ومسكنه هاتهديك تنظر لأميرة اعمليلوا كمادات ممكن الحراره تعلى بالليل اديلوا من الدواء ده انتي بتعرفي تدى حقن يا اميرة مظبوط

اميره : اه بابا معلمنى

تعطى ساره الحقنه لمروان ثم تنظر لاميره

ساره : تمام اعمليوا بقى اكل مسلوق زى ما قولت حاولوا تتخطو الحاجة اللى وجعاكم لان مادام وصلتو للمرحلة اللى انتم فيها دي أكيد لازم تفوقو عن اذنكم

اميره : حاضر

سارة : خليكي معه عارفة طريقى

بعد خروج الدكتورة سارة تجلس اميرة على السرير

اميره : بضيق تحب اديك رقمها

مروان : رقم مين

اميرة : سارة اللى الابتسامة فجأة بقت من هنا لهنا وعمال تبصلها بعينيك اللى كنت هتاكلها بيهم

مروان : انا حرام عليكى انا قادر ابص انا شايفك بالعافية

اميره : لا والله

مروان : مش وقت غيرة اعقلى

اميره : تصمت قليلا انا مغرتش خالص واغير ليه اصلا اقصد بس عيب هى فاكرة اننا لسه مع بعض

مروان : فاهم فاهم

اميرة : تصمت قليلا هتبقى كويس ارتاح بقى هأنزل انا اعملك اكل

مروان : روحى انتي انا هأكلم فاطمه تيجي

اميره : هششش اسكت شوية هأنزل انا نام شوية لحد ما آجي تقف تنظر بزهق تتنفخ

مروان : فى ايه

اميره : هأغير هدومى عشان ابقى على راحتى

تذهب عند الدولاب تفتح تخرج بيجاما قطن طويلة ثم تدخل الحمام وتلبسها وتخرج تنظر لمروان هأنزل انا مش محتاج حاجة

مروان : لا

اميره : اشغلك التلفزيون ولا اقولك انت نام وارتاح لحد ماجى ماشى

مروان : ماشى بقولك ممكن ماتزوديش الملح يعني

انا النهارده مريض

اميره : بابتسامه مش هأحط اصلا هسيبك انت تحط بنفسك يلا غمض عينك

وبالفعل تنزل اميره وتقوم باحضار الطعام لمروان فراخ مسلوقه وشوربه خضاركان مروان غلبه النوم ثم تصعد اميرة وتدخل الغرفة وهى حاملة بايدها صينية بها الطعام تضعها على اخر السرير وتقوم بايقاظ مروان بهدوء

اميره : مروان تقترب اكثر وتضع ايدها على خده مروان يفتح مروان عينيه ببطىء .. يلا قوم كل

تساعده اميرة على الجلوس ثم تقوم اميرة بإطعام مروان بنفسها

مروان : خلاص مش قادر

اميره : دى بس

مروان : بجد مش قادر شويه وآكل تانى

اميره : ماشي

يقوم مروان من على السرير تنظر له اميرة باستغراب

اميره : رايح فين

مروان : هأدخل الحمام

اميره : ماشى استنى تقف اميرة و تسنده من وسطه حتى تصل للحمام

مروان : رايحه فين

اميره :هاجى معاك

مروان : ازاى يعنى

اميره : فى ايه

ينظر مروان لها ثم تنظر اميره له تتذكر انهم مطلقين

اميره : اقصد اجاى معاك اولعلك النور افتكرت ايه

تفتح اميرة النور

اميرة :هأستناك هنا

يدخل مروان الحمام وتقف اميرة تنتظره بعد قليل يخرج مروان تسنده حتى يصل للسرير وتساعده على النوم ثم تاخذ هاتفها وتقوم بالاتصال بنور

اميرة : الو نور تمام وانتى بقولك انا بايته عندك النهارده لو بابا سألك قوليلوا نمت فى الحمام اى حوار .. بعدين هافهمك ياستى بعدين بقى سلام

مروان : اميرة روحى انا كويس عشان مايحصلش مشكلة

اميره : تحب اعملك ينسون ولا ليمون

مروان : اسمعى الكلام

اميرة : ماشى خليها ينسون الاول

❤️_____ليلةعادل ____❤️

تخرج خارج الغرفة

وبعد مرور الوقت فى الليل كان مروان نائم واميره تجلس بجانبه تقوم بمتابعة حرارته لكنها ترتفع مره اخرى تقوم اميره بعمل كمادات لمروان لكن اثناء قيامها بعمل كمادات يقوم مروان بالخطرفه تنتبه اميرة للكلام

مروان : وحشتينى اوى يا اميرة وحشتينى انا بحبك ، حاسس بفارغ من غيرك ، اااه انا زعلان منك ، قلبى زعلان منك اوى انك وصلتينى انى اتهور واطلقك ليه عملتى كدا ليه خلتينى اعمل كدا ، اااه انا بحبك اوى انا مش قادر اعيش من غيرك سامحينى , يفتح عينه يمسك ايدها سامحينى انا بحبك ماتسبنيش يا اميرة خليك معايا ماتمشيش ها عشان خاطرى اوعى تمشى وتسبينى تانى مش قادر اعيش من غيرك

اميره : مش هسيبك مش هسيبك

تنظر اميرة له بعينين مليئة بالدموع ثم يغمض مروان عينه مره تانيه تكمل اميرة عمل كمادات له وهى تبكى عليه وعليها

اليوم التالى

تظهر اميرة تجلس على كرسى بجانب مروان وتضع راسها على صدر مروان ونائمة فقد غالبها النوم ومروان نائم على ظهره وبعد قليل يبدأ مروان بفتح عينيه يجد اميرة بهذا الوضع يبتسم ثم يمرر ايده على شعرها بهدوء جدا ثم ياخذ القليل من خصلات شعرها ويقوم بشم رائحته وتقبيله ثم يضع يده على راسها يطبطب عليها تشعر اميرة به

تفوق ويسحب مروان ايده بسرعة

اميره : بنوم ايه ده انا نمت صحيت امتى

مروان : حالا

اميره : تضع ايدها على خده تجسه اه الحمد لله الحرارة نزلت انت كويس دلوقت

مروان : الحمد لله شكرا يا اميرة تعبتك وسهرتك

اميره : يا سيدى انا عايزه اتعب تعبك راحه

تقف اميرة

اميره : هأروح اغسل وشى ماشي

تدخل اميرة الحمام وتقوم بغسل وجهها وتخرج كان مروان يجلس على السرير

اميره : يلا قوم معايا أغسلك وشك

مروان : انا بقيت كويس على فكرة

اميره : اسمع الكلام بقى تمسك ايده تشده

تدخل بيه الحمام وتقوم بغسل وجهه بايدها ثم تنظر له

اميره : اغسلك أسنانك كمان

مروان : اميرة انا خفيت

تمسك اميرة الفرشة

اميره : يلا اعمل سنانك كدا

مروان : كدا ههههههه بس

ييجى يخرج تشده من ايده

اميره : يلا بقى بعدين اقعدلي هنا عشان اطولك

مروان : حاضر والله ما قادر اناهد معاكى

يجلس مروان على مقعد الحمام وبالفعل تقوم اميرة بغسل اسنان مروان

اميره : تيجى احلقلك دقنك

مروان : على اساس لو اعترضت هتسكتى اعملى اللى انتى عايزاه فيا

تبتسم اميرة وتقوم بحلاقة دقنه وبعد انتهاء اميرة من الحلاقة وخروجهم خارج الحمام تساعد مروان للتمدد على السرير

اميره : هأروح انا البس بقى

مروان : بلهفه هتسبينى وتمشى يصمت قليلا اقصد خلاص هتمشى

اميره : لا هأغير هدومى واعملك فطار وهأمشى عشان بابا بس هجيلك تانى أطمن عليك

تدخل اميرة الحمام وتقوم بتبديل ملابسها ترتدى فستان خروج بسيط ثم تقف امام التسريحه وتصفف شعرها مع مراقبة مروان لها ونظرات حب واشتياق بعد الانتهاء تنزل المطبخ وتقوم بتحضير الفطار ثم تصعد السلم تدخل الغرفة تجد مروان مغمض عينيه تبتسم وتضع الصينية على الكومودينه تجلس بجانب مروان الذى كان يشعر بوجودها ويسمعها ايضا

اميره : ايه كل النوم ده يا دك بتعوض السنين اللى فاتت ولا ايه

تقترب منه اكثر مروان مروان انت نمت بجد تقرب وجهها اكثر له ..انا آسفة... حقيقى اسفة انت كمان وحشتنى اوي اشتياقي ليك بيقتلنى بالدقيقة الف مرة ، نفسى احكيلك كل حاجة بس مش عارفة تقبله من صدره بعشق ، بحبك بحبك اوى ..

تقبله من رقبته ثم تنظر الى تفاصيل وجهه بكل حب وعشق ثم تقترب اكثر وأكثر تريد ان تقبله لكن تتردد

تبتلع ريقها بنظرات كلها حب واشتياق تقترب حتى تلامس شفايفها شفايفه لكنها تتراجع و تبتعد قليلا لكن فجأة يفتح مروان عينيه ويمسكها يقربها منه تنظر اميرة له باتساع عينها وبحركة سريعة جدا يحاوط مروان ذراعيه حوالين خصرها ويلفها حتى تصبح هى التى تنام على السرير على ظهرها وهو فوقها (يعتليها) يقوم بتقبيلها من شفايفها بشوق ثم يقول اثناء تقبيله لها بنبرة اشتياق وحب

بحبك بحبك يا اميرة قلبي بحبك أوي ثم ينزل الى رقبتها واثناء تقبيله لها تتحدث اميرة وتقول مروان بلاش مروان وحياتى بلاش اوعى تحاول ان تدفعه لكن يشبك مروان اصابع ايده باصابع ايدها

و يرد مروان ويقول اثناء تقبيله لها .. وحشتينى يا اميرة وحشتينى اوى ثم يقبلها من شفايفها مره اخرى ترد اميرة عليه وتقول وانت كمان وحشتنى اوى اوى تضعف اميره وتستسلم لقبلات مروان التى تنهال عليها واشتياقه لها الذى تبادله هى ايضا بنفس الاشتياق واكثر ويتبادلان القبلات الساخنه والأحضان ثم تقوم اميرة بمساعدة مروان بخلع تيشيرته لكى يستمتع مع حبيبته وحب عمره و بعد قليل على اخر لحظه قبل ان .... فجأه تقوم اميره بدفع مروان عنها بقوة وتاخذ فستانها الذى قام مروان بخلعه لها عندما كانت بين احضانه وتجرى اميرة مسرعة خارج الغرفة ينظر مروان لها وهى تتركه بهذه الوقت باستغراب و ضعف ودموع وحزن مع الاستماع لدقات قلبه واخذ نفسه بشكل سريع

يتحدث بصوت حزين موجوع بتعمل فيا كدا ليه بتعمل فيا كدا ليه.. يخبط على السرير بايده بقوه بتعمل فينا كدا ليه , ليه بتعذبينى كدا يضع رأسه على المخدة ليه بتعذبى قلبي معاكى ( يبكى بشدة ) بتعملي فينا كدا ليه , ليه يا اميره بتوجعيلى قلبى .... يبكى .. انا لازم اعرف بتعملى كدا ليه بعد ثوانى يمسح دموعه انا متاكد ان فى سر مخبياه عنى تغيرك وكلامك وراه حاجه لازم اعرفها

بعد ثلاث ايام

ظلت اميره لا تذهب الى المركز والجامعة تخجل من ان ترى مروان أو ان يجتمعوا بأى شكل لكن عندما تذهب اميره الى المركز يحدث شى غريب

❤️______ليلةعادل ______❤️

المركزه 10 ص

اثناء سير اميرة بالممر تراها هبة سكرتيرة مروان

هبه : دكتوره اميرة

اميره : هبوش عامله ايه

هبه : تمام الورق ده ليكى

اميره : شكرا

غرفه مكتب اميرة

تفتح اميرة الأوراق تجدورقة رفدها تنظر باستغراب شديد فتسكن الدموع فى عينيها و تمسك نفسها تفكر ان مروان قامه برفدها بسبب ماحدث معهم فى اليلة ماضيه وتركها له فى هذا الوقت

ثم تقوم بجمع حاجاتها تطلب من أحد العاملين ان يجلب لها بعض الصناديق ولم حاجتها بها لكن اثناء مرور مروان بجانب غرفة مكتب.أميرة ينظر ثم يدخل

مروان : حمد لله على السلامة

أميرة : شكرا

مروان : ايه ناوية تغيرى ديكور مكتبك

اميره : مش حلوه الطريقه دي خالص انت أكبر من كدا

مروان : طريقة ايه بأسألك سؤال عادى

اميره : انت بردو مصر ، مروان انا بحترمك جدا وهتفضلى بعينى دكتور مروان عزت استاذى اللى بحترمه جدا جدا

لو سمحت بلاش تعمل كدا عشان انت اكبر من كدا

يدخل العامل تنظر اميره له وتقول ياعم صالح نزل الصندوق ده بعد اذنك واطلعلى تانى تاخد الباقى

مروان : استنى ياعم صالح اطلع انت واقفل الباب وراك ينظر لاميره فى ايه لكل ده بسالك سؤال طبيعى هتكونى بتفضى مكتبك ليه مثلا

اميره : بضيق .. انت اللى فيه ايه ده انفصام يعنى ولا ايه انت مش رفدتنى

مروان : انا انامستحيل اعمل كدا

اميره : لا والله تمسك الأوارق تعطيها له مش خطك ده مش امضتك دي

يمسك مروان الورقة من ايدها وينظر لها باستغراب ثم يفكر ويجز على أسنانه ويكرمش الورقه ويخرج بسرعه تجرى اميرة خلفه

مكتب شرين

يفتح مروان المكتب وعلى وجهه الانزعاج والضيق

مروان : بنرفزه انتى ازاي تعملي كدا انتى اتجننتى

انا الدكتور مروان عزت ازاي تفكرى تلعبى عليه بتمضينى على ورق رفد اميرة وانا مش واخد بالى والله لولا انك وحدة ست مش عارف كنت عملت ايه

شرين :انا معملتش كدا

تدخل اميرة تنظر بصمت

مروان : بشده قولتلك انا بحاول ابقى محترم معاكي انتى اللى مصره تخلينى ابقى مش مؤدب معاكي اطلعي بره ماشفش وشك بالمركز تانى

شرين : والله ما عملت كداانا مش غبيه عشان اعمل كدا يا مروان

مروان : بحسم وقوة دقيقه يا شرين لو مخرجتيش هأطلب الامن يرموكي بره

شرين : مروان والله ما أنا

مروان : يعطيها ظهره وبشده ..فضلك45 ثانية

تمسك شرين حقيبه ايديها.. حاضر بس والله ما أنا مقدرش أعمل معاك كدا لانى هاخاف منك ،بس ركز بقى

لان طلعت مش لوحدي ماشاء الله حبايبكم كتير تقترب من اميرة تخبط على كتفها ابقى دورى معه يا حلوة

بعد خروج شرين تنظر اميرة الى مروان الذى يبدو على ملامح وجهه الغضب الشديد ويقوم بالقبض على يده بشدة

اميره : اهدى حرام عليك ايدك تقترب منك تمسك ايده تحاول ان تفتحها ثم تشبك ايدها بايده لأجل ان يهدى تنظر له

اميره : اهدى

ينظر مروان لها بضيق يجز على سنان بتعملي كدا ليه ها

اميره : يبدو على ملامح وجهها انها بتتألم مروان ايدى

تحاول ان تفك ايدها لكنه قابض عليها بقوة

مروان : بتتألمى دوقي شوية من الألم اللى معيشاني فيه دوقى وجعي ووجع قلبي عليكى

اميره : بضيق وقوه تنزع ايدها وتزوقه بقوة قولتلك اوعى

تيجى تخرج بحركة سريعة يجرى مروان ويقفل الباب بالمفتاح ويقف امامها

مروان : مش هسيبك تمشى قبل ماتقولولى مخبيه ايه عليا انا سمعتك وحسيتك في ايه ومشيتى ليه

اميره : عشان كان لازم امشى عشان ماكنتش عايزه ده

مروان : كدابه انتى كنتى عايزانى زى ماكنت عايزك

اميره : بضيق.. لو كنت عايزاك كنت هأكمل مكنتش سبتك بس شكل السخونيه اثرت عليك

مروان : اميره انا ....

يطرق الباب

اميرة : مروان افتح الباب بقولك افتحه

يفتح مروان الباب كانت شهد

شهد : ايه ده كنت فاكره الدكتورة شرين هنا

اميرة : كويس انك جيتى عن اذنكم

شهد : هى مالها

مروان : مافيش كنتى عايزه حاجه

شهد : لا يا دكتور اسفه لو هاتدخل ممكن تحاول ترجع لأميرة اميره بتحبك اوى بجد مايغركش اللى هى بتعمله قصادك بس ديما بشوفها بتبكى وهى ماسكة صورتك ماعرفش سبب المشكلة ، بس اكيد حبكم قادر انكم تسامحوا بعض ماتزعلش منها والله لو لفيت مش هتلاقى زى اميرة ولا حب اميرة ليك ، العلامة اللى بايدها على الاقل تشفعلها ماتستغربش انا سألتها عرفت انها بسبب انها انتحرت عشانك قبل كدا اللى يحب الحب ده لازم يتسامح

مروان : المهم هى اللي تسامحني يا شهد

شهد : هتسامحك لانها بتحبك اطلب منها انك عايز ترجع اكيد هتوافق لو رفضت مره التانيه هتوافق

احد الكافيهات ٨م

تجلس شرين مع خالد يتحدثان

شرين : انا قولت اعرفك لأن واضح ان فى طرف ثالث معانا على الخط بس شكله عايز يتخلص من اميرة مش قاصد يفرق بينهم بس

خالد : تفتكرى مين

شرين : هو ده اللى لازم نعرفه وبسرعة

الجزء الثاني

من

رواية الأعمى٢

بقلمى ليلةعادل ❤️🌹✍️

الحلقه ثلاثه وثلاثون

احد المطاعم داخل احدى البواخر النيلية 6م

يجلس مروان ومنير على احد الترابيزت و على ترابيزة الطعام , يقوم منير بتناول الطعام لكن مروان يمسك

الشوكه وسرحان ينتبه منير له ويتحدث

منير :ها تفضل لحد امتى كدا مدام لسه بتحبها ارجعلها , هى برضو عملت معاك حاجات كتير تغفرلها الموقف اللى عملته معاك

مروان : بصوت مكتوم مخنوق...مش هتوافق انا جرحتها أوى يا منير , انا غلطت فى حقها اوى مكنتش لازم اتعصب كدا , ماتحملتش مع انها اتحملت عشاني كتير ,تعرف هى أحسن منى زمان لما دخلت حياتى كنت سخيف معها كنت كتير ببقا قليل ذوق معها مع انه معنديش مبرر لكن هي اتحملت مش بس اتحملت لا ساعدتنى انى اغير من نفسى انا ماقدرتش اتحمل حاجة عارف و متأكد ان باباها السبب فيها

منير : وانت كنت هتعمل ايه طبيعى انك ترفض وضع غلط انا مش عايزك تحس انك غلطان بالشكل ده انتم الاتنين مشتركين بده

مروان : بس انا كنت لازم اصبر شويه حتى ماكنتش طلقتها كنت مشيت بعدت

منير : دي عندك حق فيها كان لازم تمسك نفسك بس خلاص اللى حصل حصل انت عايز ترجعلها لسه بتحبها لسه بعينيك اميرة

مروان : عارف يا منير كل ما بأبص بوشها بأحس اني قادر أتنفس بأحس براحة وامان , بأحس انى قادر عالوثوق بالناس وبالستات مرة تانية, بدموع ... انا اتاكدت انى مش قادر اعيش من غيرها , اميرة هى الست اللى عايز أكمل الباقى من عمرى معها , واخر دقيقه فضلالي فى حياتي تبقى معها , تكون هى اخر حاجة عينى تشوفها

ينظر منير الى دموع صديقه وصوته الذى يرتجف صوت العاشق المشتاق لكن لا يعرف ماذا يفعل ....

مركز د / مروان 12 م

فى ممر المركز كانت اميرة تسير ومعها احد الدكاتره ولكن اثناء مرورها من امام مكتب مروان تلتقى بيه وهو يدخل مكتبه ينظر لهم مروان باهتمام ويتحدث معهم

مروان : مساء الخير يا دكاتره عاملين ايه

الدكتوره : الحمد الله وحضرتك

اميره : الحمد لله ازيك يا دكتور حمد لله على سلامتك

مروان : الله يسلمك

الدكتورة : طب اميرة انا هاروح انا عشان متأخرش عن اذنك يا دكتور

مروان : اتفضلي .. ينظر مروان لأميرة باهتمام .. عامله ايه

اميره : تمام

مروان : ممكن نتكلم شوية

اميرة : طبعا اتفضل يا دكتور

مروان : لا انا عايز نتكلم بره

اميره : باستغراب .. بره ليه , ليه بره , ليه مش هنا

مروان : عشان نكون على راحتنا

اميره : واحنا مش هنبقى على راحتنا هنا !!

مروان : عادى ايه المشكلة يعنى لو روحنا كافيه

اميره : أقابلك بره بصفة ايه

مروان : باستغراب .. بصفة ايه !!

اميره : اه بصفتك دكتور مروان عزت أستاذي اللى انا بأحترمه جدا ولا بصفتك مروان مارو الدك

مروان :بنصف اببتسامة .. بصفتي الدك

اميرة : يبقا لا

يجز على أسنانه وبسرعة , يمسك مروان اميرة من كتفها بقوة يفتح باب مكتبه ويدخلها فيه ويغلق الباب

❤️___ليلةعادل____ ❤️

- مكتب مروان

اميرة : بنرفزة خفيفة ...ايه ده ايه ده على فكره بقا انا ممكن ازعق وأخلى منظرك وحش وأحرجك

مروان : هي اول مرة

اميره : لاء يا حبيبى المرة اللى فاتت اللى انت واخدها اوى على كرامتك , انا مثلت قصاد الطلبة وعملت نمرة قصادهم وصوتى سمع اخر المدرج , ان عندك مشكلة كبيرة ولازم تمشي دلوقت ها , كأن امك الله يرحمها رجعت تانى

مروان : أمك !

اميره : مامتك يعنى

مروان : هههههههه

اميرة : اضحك اضحك

مروان : كل مادا بأكتشف فيكي حاجة جديدة

اميره : معلش

مروان : بمزح ..عندك عرق شرشحة صغير فظيع والله خايف يكبر... محدش هيعرف يلمك

اميره : الف سلامة

مروان : بشدة .. ماتبس بقى

اميرة : عايز ايه

مروان : نتكلم

اميره : امال احنا بنغنى دلوقت

مروان : يتنهد و ينظر لأعلى... يارب صبرنى هو ابتلاء من عندك وانا راضى بيه وأحمدك بس صبرنى يارب

ينظر لأميرة ممكن تقعدى ممكن

اميره : بزهق ..تنفخ ثم تجلس على الكنبه وبزهق ..أهو اترازعت عايز ايه اخلص

مروان :يجلس بالكرسي المجاور لها .. قوليلى سبب مقنع مخلينى مستحمل معاملتك دي

اميرة : ببساطه لأنك تستاهلها

مروان : انتي شايفه كدا

اميرة : انت شايف غير كدا

مروان : انا عارف انى غلطت بس انتى كمان غلطتي انتي مش حاسه انك غلطانه خالص

اميره : اه غلطت

مروان : انك حبيتينى اكيد

اميره :بالعكس عمرى ماندمت إنى حبيتك , ده حبي ليك هو اللي علمني , لولا المواقف والمحن اللى حصلتلى فى حبك , ماكنتش زمانى بقيت أميرة اللي قاعدة معاك دلوقت , فهمت الدنيا صح , فهمت مقاييس الدنيا , انها بتاخد كتتتتير اوى وتدينا فتافيت , فهمت ان مش كل شئ اخده على صدرى وأزعل وأثور , ولا أضحى بكل شئ , ولا كل حاجة أعملها لآخر نفس ,.. بنصف ابتسامة ساخرة ...لأنى لو عملت عكس كدا هآخد قلم على وشى يجيب أجلي , انا عارفه ان كلكم مستغربينى , والنبي انا نفسى مستغربانى , كنت فاكره انى هأعيط بقى وأتشحتف وأقضي ليالي عذابي معاك , بس فعلا تانى يوم لقيتنى عادى, ماعرفش ده بقا نضج ولا تعود على الجراح والخوازيق , والنبي ماعارفه , بس اللي متأكده منه انى مرتاحه بقالي كتير مارتحتش كدا

مروان بحزن ... يعنى مرتاحه وانتى بعيدة عني

اميره : مش بالمعنى اللى وصلك مش عارفه افهمك بس صدقنى اللى عايزه بلاش

مروان : بندم وحزن .. ليه بلاش انا بقولك انا مش قادر على البعاد أكتر من كدا , انا ندمان من يوم ما سبتيني وانا مش عارف اعيش حياتى مرتاح, انتى مشيتى واخدتى معاكى كل حاجة حلوه, الحاجة اللي مخليانى عايش ,.هتصدقينى لو قولتلك من يومها وانا بأموت , افتكرت انى هبقى عادي هأزعل شويه لان فى بنا عشرة , بس كنت بأشوفك بكل حاجة , ظلك كان بيطاردنى فى كل مكان, فى كل ركن شايفك , سامع صوت ضحكتك همستك , كأنك بتقوليلى انا اه مشيت بس هأفضل ساكنة جوه احلامك وخيالك وعقلك , هأفضل موجودة مهما حاولت مش هتعرف تبعدنى , ...يمسك ايدها ينظر لها بحب .. انا بحبك , بحبك مش قادر ابعد اكتر من كدا انا بكلمك وانا عشمان فيكى عشمان فى أميرة انها تسمحنى للمره الف تعالي نرجع نحاول تانى انا متأكد اننا هننجح ايه رايك

اميره : بدموع وحزن .. مش هأقدر انا اسفه , كلامك كسرنى و كسر قلبى

تيجى تمشي يمسكها من كتفها ويقف أمامها وينظر لها

مروان : بكسرة والدموع واستسماح .... انا انا عارف اللى قولته صعب , بس انتى كمان افهمى وحسي باللى كنت فيه وقتها , حسي بمشاعري وحالتي , اميرة انتى كنتي بعيدة أوى عني , كل مادا بتبعدى, وانتى مش واخدة بالك , حاولت أحذرك لكن انتي كان أسهل حاجه عندك كلمة طلقني , مش عاجبك طلقنى انا كدا طلقنى , الكلمة دى كانت بتوجعنى , كنتى بتحسسينى انى ماليش قيمة عندك , عادى انك تمشي مش فارق معاكي , مع انى مكنتش بأطلب منك حاجه غلط , انا بأطلب من مراتى تمنع علاقتها براجل تانى , بأطلب من مراتى تبقى معايا , تقعد معايا تاكل معايا تنام بحضنى , مع ذلك دوست على كرامتى ورجولتى وقبلت , اديتك مبرراتك كلها , ابوها اللى بيعزم ادهم هتعمل ايه موقف اتحطت فيه غصب عنها انا واثق فيها , معلش أبوها هو اللى بيطلب منها تيجى وهى خايفة تزعله , لولا انه كرهك كان ممكن تروح وتيجى ومعاها , ومعلش ومعلش ومعلش وانتى مش مقدرة ده , ماتعرفيش ده كان قد ايه بيجرحنى وبيقتلنى , انا كنت بأسكت مش عايز ازعلك , بس انتى ماقدرتنيش غصب عنى طلع الكلام ده منى وقتها , مش مبررر اكييد انا غلطت وبأكرر اعتذاري وأسفي ,انا عارف ولا مليون اعتذار يكفى

اميرة : تمسح دموعها ..مروان انت عارف انت عندى ايه , بس انا كل ما بشوفك بشوف نظرة السخرية والمعايرة اللى كانت بعينيك يومها , انى قد ايه انا كنت هبلة قد ايه كنت بلا كرامة وعقلي تافه , لما جريت ورا راجل بحبه وهو ما يعرفش اني عايشة , حسستنى قد ايه اني صغيرة اوووى , لو انت قادر تتخطى ده انا لا, وغلاوتى عندك بلاش تبوظ علاقتنا , انا مبسوطة اني المرة دي بأتعامل معاك من غير خناق وعند وتحديات

مروان :مدام زعلانة اوي كدا ورافضة ترجعي , ليه فضلتي قاعدة معايا وماسبتنيش يوم ماكنت تعبان هتقولي عشان العشره وانت كنت مريض ماينفعش أسيبك هأوافقك ليه سبتينى ابوسك ليه سيبتى نفسك لحد اللى حصل

اميرة :محصلش حاجة على فكرة

مروان : بس كانت هتحصل وانتي مشيتي على اخر لحظة

اميره : عايزة امشى

مروان : انتى بتحبينى يااميرة وعايزاني بس بتكابري وانا هأرجعك

تتركه و تذهب عند الباب قبل ان تفتحه

مروان :بقوه وتحدى.. انا مش هيأس وهأرجعك . وهأكمل حياتي معاكي وبيكي وبأتحداكي... يقترب منها ويقف امامها .تتحديني

اميره : مابلاش

مروان : بثقه .. خايفه تخسري

اميره : بثقة شديدة. أميرة ما بتخسرش

مروان : يبقى خايفه ليه ؟

اميره : بابتسامة .. خايفة عليك

مروان : لو كسبتك هتنفذى اللى عايزه ولو

اميره : لا يا دك انت عارف ولو التانية دى بتعتي.. انا

مروان : موافق

اميره : مش عايز تعرف الرهان على ايه ولا بقيت متسرع زاى

مروان : على ايه

اميره : لو خسرت ماشفش وشك بحياتى تانى. تسافر تبعد

مروان: تنزل دمعة من عينيه يمسحها. موافق

اميره : عندك مهلة للانسحاب

مروان : انسحب ليه وانا الكسبان

اميره : ههههه ثقة فى نفسك

مروان : بحب ..ثقه فى ده .. يضع ايده على قلبها. انا متاكد انى ماهنش عليه

اميره : وانا قبلت التحدى

مروان : وانا

اميره.: بانتظارك عن اذنك عندى محاضرة

تخرج اميره تغلق الباب يقف مروان لا يعرف ماذا يفعل متوتر ومرتبك ثم يذهب الى منير بمكتبه

- مكتب منير

منير يجلس على كرسى مكتبه يكتب بللاب توب ثم يدخل عليه مروان دون ان يطرق الباب

منير :. ابن حلال انا عايزك

مروان : بعدين عايزك بموضوع مهم

منير : لا الشغل أهم

مروان : يجلس على كرسى امامه .. بعدين قولتلك.

انا عملت حاجه كدا بس مش عارف غلطت ولا لا

بس عايزك تساعدنى بحاجة انت الوحيد اللى هتعرف تعملها

منير : ماشى

❤️___ليلةعادل____ ❤️

شقه كريم 10م

غرفة النوم

تجلس اميرة على السرير تتذكر حديثها مع مروان فهى تريد ان ترجع لكنهاخائفة عليه من خالد رجوعهم لبعض لن يغير شيء فالمشكلة الاساسية مازالت قائمة , بعد قليل يطرق الباب يدخل كريم تنظر اميرة له بابتسامة يجلس امامها

كريم : عاملة ايه يا حبيبتى

اميره : الحمد الله

كريم :بابا كلمنى كان بيسأل هترجعى امتى لأنك ما بترديش

اميرة : هو اتصل اصل الفون صامت قولتله ايه

كريم : قولتله هي لما تزهق هتمشى يقترب منها وبحنان اميرة صارحينى هو بابا رجع يضايقك تانى بابا السبب انك تطلقي

اميره : اكيد ماما قالتلك ليه كلكم مصرين انى سبت مروان عشان بابا

كريم : اصل عمايلك زمان ماكنتش طبيعية وانت مش هبلة ولا صغيرة عشان ماتبقيش واخدة بالك ان وجودك باستمرار غلط

اميره : بضيق ... كريم انا مش جاية اقعد يومين عشان تكلمنى بكلام فارغ زى ده , انا تعبانة انا مشيت من ضغط ماما مش يبقى ماما من ناحية وانت من ناحية تانية

كريم : خلاص اهدي انا بس مستغرب كل الحب ده راح فين فجأة كدا , هو ماحاولش يكلمك

اميره :لا

كريم : للدرجة دي المشاكل قادرة تدمر الحب الكبير

اميرة : بياس وتقتل كمان

يفتح كريم ذراعيه لها تبتسم وتنام على صدره ثم تقبله بخده ثم تنام على صدره مره اخرى يقبلها من راسها و ويطبطب على شعرها

كريم : انا جنبك يا حبيبتى ماتخفيش

❤️___ليلةعادل____ ❤️

مركز د / مروان 1 م

مكتب اميرة

تجلس اميره على مكتبها وأمامها نور تتحدثان

نور : ماتكلمى مروان

اميره : بتهزارى انا اصلا عايزة اتجنبه قدر الامكان عايزنى أروحله واطلب منه يساعدنى عشان يقولك بقى بتعمل كدا عشان عايزة ترجع وبتلكك

نور : انتى هبلة مستحيل مروان دماغه مش كدا مروان عاقل بعدين هو الوحيد اللى هيقدر يساعدك

اميره : خايفه يفهم غلط

نور : ولا غلط ولا حاجة هو ماحاولش خالص يرجع يعنى يعتذر اى حاجة

اميره : لا

نور : مع اني بأشوف نظراته ليكى بيبقى هياكلك بعينيه

طب اليوم اللى بيتي معه ماحصلش حاجة اى حاجة

اميره : يابنتى كان تعبان ومحموم

نور : غريبة .. المهم عشان تعرفي تخلصي موضوعك ده الوحيد اللى هيخلصه مروان روحي وجربي

مكتب مروان

يجلس مروان على مكتبه امام اللاب توب يطرق الباب

مروان : وهو يكتب.. اتفضل

تدخل اميرة

اميره : مساء الخير

يرفع مروان عينيه بابتسامة يغلق اللاب

مروان : انهارده عيد ولا ايه

اميره :ليه يعنى

مروان يقترب منها بنظرات كلها حب يمسك ايدها يقبلها

منها .. يعنى عشان ميرو فى مكتبي

اميرة : تسحب ايدها ممكن نتكلم جد شوية

مروان : ما انا بأتكلم جد

اميرة : مروان لو سمحت بطل ,انا كنت عايزة منك خدمه صغيرة انت الوحيد اللى ممكن تساعدنى بص انا محتاج أأجل الرسالة شوية مضغوطة جدا انا عارفة انك من ضمن اللجنة فلو سمحت ساعدنى انت عارف الدكتورة نهى صعبة اوى لازم عذر مقنع عشان توافق

مروان : أميرة حرام تأجلى انتي فضلك حاجات بسيطة

اميرة : أهم جزء لسه ماخلصتوش تعبانة دماغي واقفة ممكن تساعدنى

مروان : مالك

اميره : تضع اصابع ايدها على جبينها ... هنا مضغوط مش قادرة

مروان : طب ماتشاركينى يمكن اقدر اساعدك

اميره : منا اهو بأشاركك

مروان : بحب يمسك ايدها ويضعها عند قلبه ويضع يده فوقها .. بس انا طماع عايزك تشاركينى كل حاجة حتى ضغطك خلينا نضايق سوا بدل ما أنتي متضايقة لوحدك كدا

اميرة : تسحب ايدها بضعف.. لو ليا خاطر عندك اسكت ارحمني لو مش هتقدر تساعدني... قول

مروان : حاضر يا اميرة مش هأضغط عليكي سيبي الاوراق هنا وانا هتصرف

اميره : شكرا يا دكتور عن اذنك

يمسك مروان ايدها تنظر اميرة له

مروان : حاولى تفصلى بين حياتك الشخصية وحياتك العملية ماتغلطيش غلطتي

اميرة : صدقنى بأحاول عن اذنك

❤️___ليلةعادل____ ❤️

نادى الضباط 4م

يجلس خالد على احد التربيزات بجانب حمام السباحة بعد قليل يقترب منه ادهم وهو يرتدى ملابس رياضية ينظر لخالد بضيق وعدم الرضا

ادهم : ازيك يا انكل

خالد : ايه يا سعادة رئيس النيابة مش عايز تشوفنا

ادهم : يجلس ...لا بس مش فاضي الأيام دى

خالد :بضحكه خبث .. ايام ايه قول شهور , 3شهور مظبوط , كل ما أكلمك ترفض تيجى , طب زمان عشان كنت بتحترم مروان , واللى ما تقبلوش على نفسك ماتقبلوش مع غيرك ,بس بعد الطلاق ايه حجتك , ده انا قولت بعد ما سمعت الخبر السعيد ده لازم تقرب الود و الوصال

ادهم : لا ما انا نويت اقطع حبل الوصال يا انكل , انا اذيت اميرة وانا مش واخد بالي , بس والله كان غصب عني , كان نفسي اسرق دقائق معها , حنين كمان ماتستهلش منى كدا , أرجوك كفاية تستغلنى انا ماعرفش زمان ليه كنت ساكت ,بس جه الوقت اللى بأقولك فيه كفاية , كفاية استغلالك ليا وكفاية تضيع اميرة , اميرة تستاهل اننا نضحى عشانها حتى بسعادتنا , ارجوك عيد تفكيرك

خالد : بقوه وشدة ..انت ازاي تكلمنى كدا ده انا أنهيك

ادهم : اسف يا انكل بس حضرتك اللى أجبرتنى على الطريقة دي ...يقف ...أميرة ومروان هيرجعو لبعض لو مش دلوقت بعدين وانا اكيد هاييجي عليا الوقت وأبقى سعيد مع مراتى لكن وقتها حضرتك هتبقى وحيد لانك خسرت كل الناس

حب بنتك واحترامى خساره يا انكل ييجى يمشى يتراجع وينظر لخالد بقوه اه صح .. يقترب منه .. بقوة .. بلاش نبره التهديد دي لانى ما بتهددش عن اذنك

❤️___ليلةعادل____ ❤️

احد المطاعم بالقاهره 8م

تجلس اميرة على احد الترابيزات تنتظر شخص ما بعد قليل يدخل أدهم

ادهم : اسف لو اتأخرت

اميره : ولا يهمك عامل ايه

ادهم : انتى اللى عامله ايه

اميره : كويسة

يقترب منهم الجرسون

الجرسون : تشربوا ايه

اميرة : نشرب ايه ايه , انا جعانة انا عايزة فيليه مشوى وصوص

ادهم : و ممكن اخد انا ستيك مع بطاطس

اميره : وانا كمان هاخد بطاطس باللشيدر

الجرسون : حاجه تانى

ادهم : سلاطة بقى ميرو تشربى حاجة

اميره : لا

ادهم : شكرا

يرحل الجرسون تخرج اميرة من حقيبه ايدها دواء تاخذ من

ادهم : ايه ده

اميره : مسكن

ادهم : ماترجعى

اميره : مش هو السبب ده التهابات بسبب أكل الشارع

ادهم : اممم

اميره : بابتسامة سخريه ..بعدين انت طلبت تقابلنى عشان تقولى ارجعى لمروان

ادهم : لا بس كنت هأقولك لو محتاجة حاجة قوليلى اساعدك او بالمعنى الادق احكيلى اللى حصل وانا هأساعدك

اميره :باستغراب ايه ده مش فاهمة

يدخل عليهم الجرسون ثم يضع الطعام على الترابيزه يبدأون فى تناوله

اميره :اثناء تناولها البطاطس .. ها ماجوبتش فى ايه

ادهم : قابلت دكتور خالد النهارده يعنى كان بيحاول معايا زى زمان لكن أثناء كلامنا كان فى نبرة تهديد

اميره : تتنهد ثم تضع الشوكه تمسح فمها اكيد انت فهمت غلط بابا هيهددك ليه

ادهم : اثناء تناوله الطعام يبتسم نصف ابتسامه بسخريه يشرب القليل من المياه ثم يضع الكوبايا على الترابيزه و ينظر لأميره مش هقولهالك تانى انا ظابط مش بياع طماطم يا اميرة , فى حاجة انتى مخبيها

اميره : هاخبى ايه يعنى

ادهم : ماعرفش

اميره : ايه اللى ممكن اكون مخبياه يعنى اكيد دماغك جابتك لفكره ما

ادهم : اااه هأقولك قولت اكيد دكتور خالد ضغط عليكي زى ماحصل زمان انه يحرمك من طنط وكريم وياسمين

اميره : بص يا ادهم انا من كام شهر لما طلبت منك انك ترفض لما بابا يعزمك لانى مش هأقدر ازعله منى وانت الوحيد اللى تقدر توقف المهزلة دي انت وافقت واعتذرت على اللى فات وكنت قد وعدك ليا انا احترمتك جدا فا بلاش نظرية المؤامرة دي اكيد بابا مش بالأخلاق دى وهو خلاص تقبل مروان ميرسى على العشا تقف

ادهم : يقف وينظر لها ..مع ان ردك اكدلي شكوكي بس هأصدقك

اميره : شكوك شكوك ايه عذراك ظابط بقى وشغل المؤامرات رقم واحد بخيالك

ادهم : انا مش هأتكلم تانى ولا هأسأل لان الاجابه عرفتها خلاص مسكين مروان وقع فى شباك دكتور خالد مع انه دكتور كبير لكن للاسف وقع اميرة لو ليا خاطر قد كدا عندك خلينى اساعدك

اميره : سلام يا ادهم

تترك اميره ادهم وهو ينظر لها بعدم رضا ثم يفتح محفظته ويضع فلوس على الترابيزه ويرحل

سيارة اميره 9م

تقوم اميره بالسواقه اثناء سيرها يرن هاتفها المتصل لبنى

اميره : ازيك

لبنى الحمد الله وانتى يا ميرو

اميره بخير

لبنى انا عيد جوازى بعد بكرة لازم تيجى مش عايزه اعذار

اميره : كل سنه وانتم طيبين اكيد هاجى ان شاء الله

لبنى : هأستناكى

شقه شهاب 8 م

يجلس شهاب على البار يتناول كاس ثم يطرق الباب يذهب يفتحه يجد شرين

شهاب : ايه اللى جابك

شرين : طب مدخلنى

يبتعد قليلا تدخل وتغلق الباب

شهاب : عايزه ايه ماقولتلك خلاص انسى اللى بينا

شرين : انت اللى حطيت الورق مظبوط

ينظر شهاب لها ويضحك ويشرب كأس يجلس على البار

شرين : تجلس بكرسى المجاور له مش قولتلك بتحبها

شهاب : ينظر لها بابتسامه ماكنتش عارف انك غبية

شرين : تقصد ايه

شهاب : هقولك

❤️___ليلةعادل____ ❤️

شقه منير 10 م

اجواء احتفال بسيطة حركة فى المكان الاستماع الى الاغاني ثم تدخل اميرة وهى ترتدى فستان بسيط وجميل وتضع القليل من مكياج وشعرها منسدل تمسك بايدها شنطة هدايا تدخل تستقبلها لبنى

لبنى : ميرو تقبلها

اميره : مبروك اتفضلى

لبنى ميرسى يا حبيبتى

يدخل مروان ويقف خلفها

لبنى : باستغراب جايين مع بعض

مروان : تؤ صدفه كل سنة وانتى طيبة يا لبنى فين منير

لبنى : انا عارفة

اميره : لا انا عايزاكى مسيطرة اكتر من كدا

لبنى : علمينى مجننى طول 17 سنه جواز

اميره : بس كدا عيني

مروان : بتتفقوا على صاحبى وانا واقف

اميره : اذا كان عاجبك

مروان عاجبني هواحنا قدكم بس لا لبنى غلبانه ,احنا مش قدك ولا قد لسانك يا متر ونص

لبنى: فى حد بينادى هاروح اشوفه

اميره : اتفضلى تقترب من مروان وتنظر له .. مروان خف ها خف عشان برستيجك قصاد الناس يا دك

مروان يقترب منها اكثر .. والمصحف وحشتني

اميره : هى ايه

مروان : طريقتك دى يا لمضه

يقترب منهم منير

منير : ازيكم يا عصافير الحب

اميره :كويسين يا ملك العيون

منير : باستغراب ملك العيون

اميره : العيون الزايغة يعنى لازم أوضح

مروان : احمد ربنا انها جت على الكلمة دي

منير : انت هتقولي هى مفهاش الا لسان

تقترب منهم جنه تقوم بحضن مروان يحملها و يقبلها من خدها

جنه : وحشتنى يا مروان عامل ايه

مروان : انا كويس

اميره : ازيك يا جنه

جنه : ميرو

تحدف نفسها عليها تحملها اميره لكنها تلامس يد مروان مع تبادل نظرات بشكل سريع

جنه : انا هاجى ابات معاكم عشان انام بحضنكم ومروان يحكيلنا حدوته حلوه زى المره اللى فاتت

اميره :ماشى بس انا بايته عند بابا وماما

جنه : ليه

اميره : وحشونى روحت اقعد شوية

جنى : طب هترجعى امتى عشان اجاى اقعد معاكم

قبل ان تتحدث اميرة يجاوب مروان بسرعه

مروان : قريب جدا يا جنه اميره هترجع بيتها قريب اوي وتنامو انتم الاتنين بحضنى وأحكلكم الحدوده

جنه : ماشى

تنزلها اميره تنظر لمروان بعينيها ثم تتركه بعد مرور الوقت

كانت اميره تجلس على احد الكراسى وماسكه هاتفها فجأة تجرى عليها جنه وهي ماسكة بايدها كوب عصير

جنه : ميرو ميرو توقع العصير على الفستان

اميره : جنه حرام عليكي

لبنى : انتى يا بنت مش تحاسبى

اميره : بس ماتزعقلهاش مش قصدها

لبنى : انا اسفه يا اميرة ادخلى الاوضه دى تشاور بايدها نضفى الفستان

اميره : مش مهم انا هامشى

لبنى : ازاي ..تشدها من ايدها .. ده لازم تنضفيه... ابدا

اميره : ياستى مش هانضف هأروح

لبنى : ازاى احنا لسه مقفلناش الشمع

تفتح الاوضه تزوق اميرة وتقفل عليها تنظر اميره للباب وتتحدث بصوت هو فى ايه ثم تبدأ ان تشعر بشى تلف تنظر امامها

اميره : ده مش ملك العيون الزايغه ده ملك الاشتغلات طب اوك موافقه على الاشتغاله ليه فستان اول لبسه يحصله كدا ده بمرتبى كله مانجا ما بتطلعش اهئ اهئ

مروان : بابتسامه ..عادى ما انتى مابوظيلى بدله باضعاف مرتبك

اميرة : تقترب منه .. لا لو سمحت انا كان نفسي احس ان زوجة متكاملة وعايزه افرحك يعنى اغسل وأنضف والكلام ده

مروان : هههههه فاكر شكلك وانت جايه بنظرات بريئه ومعاكى ورده وساعه بتحبنى قد ايه يامارو ههههه فهمت على طول فى مصيبه بتحاولى تخبيها هههههه ياريتك غسلتى القميص والبنطلون لا تخوضى التجربه فى بدله جديدة مالبستهاش غير ساعتين

اميره : هى اللى جت فى ايدى

مروان : انا اللى هموت واعرفه القميص ليه طلع احمر مش اسود

اميره : اه منا غسلت البيجاما الحمرا اللى بتحبها معهم

مروان : التوب دى

اميره : اه

مروان : اللى بتتربط من فوق

اميره : بالظبط

مروان : بمزح اللى مجرد محط ايدى كدا تتفك لوحدها ااااه بحبها اوى كانت بتسهل عليا حاجات كتير

اميره : برفعت حاجب ..اتلم ها بعدين خليها تفتح الباب بقى عايزه اروح

مروان : مش لما نخلص كلامنا

اميره : اللى هو

مروان : يقترب اكثر منها .. ليه مش عايزه ترجعى

اميره : قولتلك لسه زعلانة

مروان : لا فى سبب تانى

اميره : مافيش

مروان : بنظرات كلها حب اميره انا بحبك وانا متاكد انك لسه بتحبينى وعايزانى ليه بتكابرى ادينى رجعت وندمان وبتأسف عايزه ايه , ايه اللى يرضيكي وانا اعمله بس قولى

اميره : تسحب ايدها وبدموع ونرفزه مروان ارحمنى ابوس ايدك ارحمنى ماتضغطش عليا اكتر من كدا

مروان :بحب وحنان انا مش فاهم حاجه انتى بتعملى كدا ليه

اميره : بدموع متعملش كدا

مروان : معملش ايه

اميره : بنرفزه ودموع ماتبصليش كدا

مروان : ماعرفش ابصلك غير كدا يصمت قليلا اميرة فى ايه مالك

اميره : بدموع فى انى مش عايزة ارجع بس افتح الباب يامروان

مروان : لا هترجعى وهتعرفينى مالك انا مش عايز ارجعك بالعافيه , وحقى انتى مخلصتيش العده انا ممكن افتح الباب وقول انى رديتك وخلصت

اميره : هتقبلها على نفسك

مروان : اه لو ده السبيل الوحيد عشان ارجعك هعملها وأرجعك لانى متاكد انك عايزانى بس بتكابرى

اميره :بضعف ودموع وقل حيله .. لو بتحبنى وحياتى افتح الباب وسيبنى امشي مروان سيبنى امشى ارجوك

مروان : فهمينى ليه

اميره : بنرفزه افتح الباب

مروان : للدرجه دى

اميره : بدموع ونبرة ضعف وخوف ونرفزه خفيفه .. سيبنى أمشى افتح الباب وارحمنى لو بتحبنى سيبنى امشى مش هأقدر اقاوم اكتر من كدا

مروان : هسيبك تمشى لان كل اللى عايز اعرفه عرفته وحسيته, يقترب منها وينظر بعينها ..عارفه وحسيته امتى يوم ما كنتى جوه حضنى فى اللحظة اللى فيها مستحيل يبقى وجود للكذب او الحيل مكان , يومها كان كل حته فيكى كانت عايزنى ومشتقالي بتقولي بحبك

يفتح الباب اتفضلى امشى بس هنتقابل تانى وقريب اوى

تتركه اميرة وتخرج مسرعه للخارج وهى تبكي

الفندق 4 م

غرفه مروان بالفندق

يقف مروان بالبلكونه المطله على النيل بعد قليل يطرق الباب يفتح مروان يجد ....

الشخص :عامل ايه

مروان : بخير اتفضلى حقيقى فرحت لما شفت مكالمتك اثناء سيرهم للوصول لراسبشن الغرفة حقيقى مش مصدق انك كلمتينى عامله ايه

استواب لحد هنا

 تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا