رواية ليالي الغول اقتباس من الفصل الأخير بقلم لوجي احمد

 

رواية الاعمى (الجزء الثاني)الفصل الرابع وعشرون والخامس وعشرون والسادس وعشرون بقلم ليلةعادل

رواية الاعمى (الجزء الثاني)الفصل الرابع وعشرون والخامس وعشرون والسادس وعشرون بقلم ليلةعادل

_*~الجزء الثاني

~من

روايه الاعمى2

بقلمى ليلةعادل*~_✍️🌹❤️

حلقه الرابعه وعشرون

خارج القاعه الزفاف

يخرج مروان خارج القاعة خلف خالد ويقوم بنداء عليه

مروان : دكتور يا دكتور من فضلك

خالد : ينظر له بحدة وقوة.. اسمع احنا بمكان عام وانا جوايا ليك كره وحقد لو اتوزع على الارض هينهيها امشى

مروان : ليه كل ده بص شوف بنتك سعيدة معايا و الكل سعيد ومبسوط ليه عايز تبقا كدا انهى اللعبة دى كفاية انت خسرت كل حاجه بيتك ومراتك وأولادك حتى نور اللى كانت معاك بقت ضدك فوق قبل فوات الأوان

خالد : ما بحبكش

مروان : متحبنيش كفاية انك تحب بنتك وتتقبل جوازها , لو مش عايز تتعامل معايا موافق متتعملش ,لكن كفاية بقى اصرارك على رفضك , واستمرارك فى تخريب بيت بنتك

ينظر خالد له ويقترب منه ويضع ايده بجيبه ويخرج صورة فوتوغرافية تجمعه بأولاده وزوجته

خالد : شايف كنا سعداء ازاى شايف الدفااا والابتسامة اللى من قلوبنا ويجى واحد زيك يخرب عليا كل ده انا مكنتش اول اب ولا اخر اب يرفض عريس جاي لابنته حتى لو مبرراتى مش مقنعة اعتقد كان لازم تحترمونى اكتر من كدا يمكن لو كنت لقيت احترام لرغبتى من غير زن ولعب وكدب كنت وافقت لكن عنادكم وعدم احترامكم ليا هو اللى وصلنا لده ثم .. يخرج من جيبه ولاعة ويقوم بإحراق الصورة

مروان : باستغراب شديد و باتساع عينيه .. انت بتعمل ايه !! ليه عملت كدا ... يقترب منه وبقوة.. اوعى تكون فاكر انى هاسمحلك تحرق حياتى زى ما حرقت حياتك , انا لحد اللحظة دى باحاول اكون مؤدب معاك عشان خاطر انك ابو مراتى وهتبقى جد اولادى قريب , لكن لو فكرت انك تهد عليا حياتى مره تانية صدقنى وقتها , انا اللى هاحرق العالم كله , اوعى تختبر وجعى على اميره لانك هتخسر

خالد : انت شايف كدا ده انا بكلمة واحدة خلتها تقلب عليك وتطلب الطلاق ولولا فريدة وموقفها كان زمانك بتعيطلى مش واقف بالقوة دي قصادى

مروان : بجديه وقوه ينظر بعين خالد.. عارف انا اتعاملت كتير مع ناس زيك كدا بالظبط , اوعى تنسى انى دكتور نفسي , انا فاهمك كويس اوى , وفاهم انك بتستغل ضعف اميرة نحيتكم , انا ممكن اتعامل معاك بالطريقة اللى تستحقها وألعب على نفس الوتر مع اميرة وصدقنى هتجيب نتيجة بس انا مش زيك مابصتش فى المياه العكره , لكن زى ما قولتلك انا بحاول اكون مؤدب معاك , لكن مش عارف لحد امتى هافضل كدا , مشكلتك يا دكتور انك مستضعفنى انا لو ساكت ٠٠٠فساكت لان اميره واقفة بينا وطبعا لانك راجل كبير زى والدي

يبتسم خالد له بخبث ومكر ثم يتركه ويذهب بصمت دون رد ينظر مروان له بعدم رضى ثم يدخل داخل القاعة مرة اخرى

القاعه

يجلس مروان بكرسى بجانب اميرة

اميره : كل ده

مروان : اتاخرت اوى كدا

اميرة : او يمكن انت اللى بتوحشنى بسرعه كدا

مروان : يقبلها من ايدها بحبك

اميره : تيجى نمشى

مروان : بابتسامه .. يلا

♥️____ليلة عادل____ ♥️

شقه حنين وادهم 12م

غرفه النوم

تقف حنين وادهم بمنتصف الغرفة يقترب ادهم من حنين و بحب

ادهم : مبروك

حنين: الله يبارك فيك

ادهم : مبسوطة

حنين : ابقى طماعة لو عوزت حاجه تانية من الدنيا, كفاية انك بقيت ملكى مش عايزة حاجه تاني , انا بحبك اوى يا ادهم طول عمرى بادعى ربنا يرزقنى براجل زيك والحمد الله ربنا تقبل دعائى

ادهم : ده انا اللى ربنا بيحبنى عشان رزقنى بيك يقبلها من جيبنها مع نظرات خجل منها مش ناويا تغيرى هدومك

حنين :اه هغيرها بس ممكن تطلع بره

ادهم : بمزح .. من اولها كدا اطلع بره دي, , بدايه مش مبشرة

حنين : تقصد ايه

ادهم : اقصد انى هاخد البيجاما وهطلع البس بره لما تخلصي نادي عليا متبصيش كدا عشان ناكل سوى مش عايزه تاكلي

حنين: لا هناكل بس ممكن بعد ما تغير تتوضى عشان نصلى ركعتين

ادهم : بابتسامة جميلة.. حاضر انتى تؤمرينى أمر وأنا عليا التنفيذ حبيبى انت والله يقبلها من ايدها ...وهو عند الباب .. بسرعه ها

بالفعل يقوم ادهم بتغيير ملابسه هو وحنين واداء الصلاة يقف ادهم وينظر لها

حنين : عقبال مانصليها بالحج انا وانت

ادهم : ان شاء الله .. هو انتى هتفضلى لابسه الأسدال ده كتير

حنين :لا هاقلعه ممكن تدير وشك

ادهم : ليه

حنين : لو سمحت

ادهم : بصى انا ممكن اتقبل كسوفك وخجلك وكل حاجتك اى يوم واى وقت غير النهارده

حنين : ادهم

ادهم : بضعف انا لما باسمع ادهم منك اهو اديارنا

تخلع حنين الاسدال و كانت ترتدى تحته قميص نوم طويل و روب

حنين : ممكن تلف

ادهم : ينظر لها بابتسامة ايه الجمال ده تعرفى ان اول مرة اشوف شعرك , انتى حلوه اوى ممكن اعمل حاجة ... , يقوم بفك شعرها ولمسه وتغير شكله , مع نظرات كسوف وخجل ثم يمسك ايدها ويقبلها من ايدها وخدها , مع نظرات حب متبادلة ثم يقوم بالاقتراب منها اكثر وو...

مشاهد سريعة اماكن متفرقة اوقات مختلفة فى جزر المالديف

نرى ادهم وحنين وهما يقضيان شهر العسل وهما فى غاية السعادة والانبساط وهما يلعبان الكوره وهما يجلسان على البحر ويعومان فيه وهما ينطان بالبراشوت وفى الليل يرقصان فقد قضى ادهم وحنين اجمل عشر ايام بالدنيا

المالديف 12 م

شاليه ادهم وحنين

تقف حنين امام السرير تقوم بتجهيز الشنطة ويدخل عليها ادهم يقترب منها ويقبلها من خدها يضمها من الخلف

ادهم : خلصتى

حنين : اممم كان نفسى نقعد كمان

ادهم : انا وعدتك انى في أقرب فرصة هاسافرك

بعدين مش أهم حاجة انى معاكى وجنبك وبحضنك

حنين : تتنهد بابتسامة ... كفاية والله كفاية تنظر له بحب بتحبنى

ادهم : يعنى مش عارفة

حنين : رد عليا

ادهم : بعشق التراب اللى بتمشى عليه

حنين : مبسوط معايا

ادهم : اكتر من السعادة بشوية وانتي

حنين : انت عارف لما تبقا مش عارف تعبر عن احساسك

انك يبقا جواك حاجات كتير نفسك تقولها بس مش عارف تعبر انا نفسي اوصلك انا مبسوطه وسعيدة قد ايه بس مش عارفة

ادهم : بس كدا انا هقولك حالا ازاى توصليلى لحظة كدا بس هتحطى حاجة في الشنطة تانى

حنين : لا خلاص

ادهم : حلو اوى ...يقوم بغلقها ويشيلها ويضعها على الارض ثم يقوم بحمل حنين

حنين : هتعمل ايه

ادهم : هاعرفك توصليلى ازاى انك مبسوطة٠٠٠٠٠

♥️____ليلة عادل____ ♥️

مركز مروان عزت 10 ص

يدخل مروان واميرة من بوابة المركز وهما يمسكون ايد بعض ثم يدخلان الى الاسانسير وعند خروجهم من الاسانسير يتفاجئان بعمل حفل من كل العاملين بالمركز لتهنئتهم بزفافهم مع نظرات فرح وسعادة منهم

اميره : بامتنان ... شكرا جدا

احد الدكاترة : الف مبروك يا دكتور مروان مبروك يا ميرو

اميرة : الله يبارك فيكى يا شوشو عقبالك

مروان :ميرسى يا شباب بجد فرحتونى جدا

معتصم : اتفضلو دى هدية اتمنى انها تعجبكم من كل اعضاء المركز

مروان : ميرسى

اميره : انا هفتحها

تفتح اميره الصندق تجد البوم صور ليها هى ومروان

اميره : باستغراب ايه ده جبتو الصور دى منين تنظر لمروان .. مروان بص الصورة دى كانت بانجلترا تنظر الى نور لكن نور تنظر الى الاعلى كانها لا تعلم شئ

اميرة : ماشى يا لمبه لما نروح بس .. حلو اوى بجد شكرا

شهد : لسه لسه فى تانى

اميره : بجد ..تدور جو العلبة اه لقتها صندق كبير اوى تجد علبه تفتحها تجد ساعتين فى منتهى الاناقه غالين جدا بداخلها صورتها بالساعة الرجالية والساعة النسائية صورة مروان ...بنظرات انبهار وسعاده ..اوف تحفة مين صاحب الفكرة

شهاب : انا

مروان : جميلة جدا ميرسى يا شهاب ميرسى للكل بجد مفاجأة جميلة ياريت كل واحد على مكتبه الحفلة خلصت و ورانا عملاء مينفعش يستنونا اكتر من كدا

بيغادر الجميع

مروان : يقترب من اميرة بابتسامه يمسك ايدها .. حمد الله على السلامة نورتى المركز هااا هتعملى ايه

اميره : مش عارفةهدخل المكتب وهاشوف هافتح رسالة الدكتوراة كدا أبص عليها بس مش هاقدر استقبل حالات او أدي محاضرات انا أووف النهارده

مروان : المركز ده احنا اللى شغالين عندك اللى عايزاه اعمليه

بقولك كل شوية تعالي اقعدي معايا رخمي عليا شوية

اميره : ماشى

تيجى تمشى يمسكها من ذراعها ويشدها اليه ويقبلها من خدها تنظر اميرة له بابتسامه وتخرج و يخرج مروان خلفها ويدخل مكتبه

- مكتب منير

كان منير ينتظر مروان فى مكتبه.. يقف منير عند ماكينة القهوه يقوم بعمل قهوة يدخل مروان عليه يجلس على الكنبة يقترب نحو منير وهو حامل بايده فنجانين قهوة يعطيه واحد ويجلس بجانبه

منير: كويس انك نزلتها خطوة حلوة

مروان : مش انا دي مدام فريدة

منير : هى لسه عندك

مروان : اه قاعدة معانا انا رافض انها تمشى الفيلا كبيرة بعدين هتروح فين

منير : خالد ده معمول من ايه ازاى هانت عليه مش فات اكتر من 20 يوم صح

مروان : اه توقعت بعد فرح ادهم يجى لكن لا .. قلبه جامد وحجر

منير : ربنا يعافينا ده جحود مش جمود فى كدا , دى فريدة دى ست عشرة على عشرة مافيش زيها جمال وثقافة واحترام وشخصية . مربية عياله احسن تربية عايز ايه ازاى هانت عليه كدا

مروان : هى منورانى في البيت بصراحة ووجودها مخلى اميرة هادية وراسية

منير : ربنا يهدهالك بقولك مافيش حاجة جاية في السكة

مروان : هو انا لحقت

منير : بمزح .. لا ماليش فيه انجز كدا وركز معها

مروان : والله مركز ومركز اوى كمان المهم ماتنساش بكرة تجيب لبنى و الاولاد معاك

منير : ماشى طب ايه انت مش عندك محاضرة دلوقت

مروان : اه يقف هاروح انا

(بعد ساعتين )

- تدخل اميره المكتب لا تجد مروان فيه تخرج للخارج تسأل السكرتيره

اميره : بيبو هو دكتور مروان فين

هبه : عنده محاضرة

اميره : اوكي ممكن تبلغيه انى بالكافيتريا

هبه : حاضر

♥️____ليلة عادل____ ♥️

الكافيتريا المركز 5م

تنزل أميرة الى الكافيترا اثناء بحثها على ترابيزة فارغة تجد ادهم جالس بمفرده تذهب اليه

اميره : بمزح ... جرى ايه يا عريس العروسة خلعت من اولها

ادهم : هههههههههه شفتي مسكين انا , عامله ايه فرحان انى شفتك اقعدى

اميره : ما بلاش لحسن يتحط علينا احنا مراقبين من جميع الاتجاهات ههههه

ادهم : عادى كنت محتاجة تشربى شاى مالقتيش اى ترابيزه فاضية قعدتي معايا

اميره : تجلس تخلع نظارتها وتضعها على الترابيزة ..

متأكد ان المهنه رئيس نيابة

ادهم : بيقولو كدا هههههههههه والله وحشانى متتصوريش انا سعيد قد ايه انى شفتك هنا وكمان شكلك اتحسن كتير وبتضحكي من هنا يشاور على قلبه

اميره : ما انت عارف خلاص انا وماما واخواتى رجعنا لبعض هو بابا بس لو يبطل عند ,لعلمك انا لسه زعلانة بس هاعمل ايه , لازم اكمل واعيش الانسان بردو مستحيل يكسب وياخد كل حاجة انت عارف لكل شى ثمن

ادهم : بصى بحكم خبرتى انكل خالد راجل عنيد جدا وصعب لكن صدقينى هى فترة , فترة وهاترجعه , بس مش هيبقى لطيف مع مروان زي ما لطيف معايا

اميره : عارفه ومتاكدة ان بابا مش هيعامل مروان كويس بس مش مهم , المهم يرجع واكيد مع الأيام والسنين هيغير رأيه زى نور, شفت كانت عاملة ازاى قعدت معايا 3 شهور بقت مغرمة بيه , واكتر واحدة بتدافع عنه ,ولولاها كان زمانى انا ومروان زى محنا

ادهم : زى مانتم مش فاهم

اميره : حوار كدا

ادهم : ممكن اعرف

اميره : يعنى طبيعى واحدة تعبانه نفسيتها مدمره خسرت اهلها هتبقى لطيفة مع جوزها

ادهم : فهمت نور بقا اللى فكتك

اميره : اممم

ادهم : طب والله كويس

اميره : سيبك منى عامل ايه مع حنين و جاى ليه

ادهم : حنين عندها شغل وانا خلصت بدرى قولت اخدها وانا مروح

اميره : تمام

يدخل عليهم مروان

مروان : ازيك يا ادهم

ادهم : الحمد الله ازيك يا دكتور

اميره : ايه خلصت

مروان : اه يا حبيبى لو مش وراكى حاجه يلا بينا

اميره : تقف تنظر له .. اوك يلا سورى يا ادهم بس مش عايزة اسيب ماما لوحدها اصل ماما قاعده معايا اليومين دول

ادهم : والله فرحتينى طب ممكن اعزم نفسى انا وحنين

عندكم نشرب شاي حابب اشوف طنط فريدة

مروان : اتفضل باى وقت

اميره : يلا سلام صح مش تنسى بوسلى حنين

ادهم : يشاور بايده سلام

يجلس ادهم على الترابيزه كانت اميره نسيت نظارة عينيها يمسكها ادهم ينظر لها بحب ويقوم بشم رائحتها يلمس النظارة بحب

♥️____ليلة عادل____ ♥️

سيارة مروان 5 م

يجلس مروان بسيارته يقوم بالسواقة يبدو على ملامحه الضيق وبجانبه اميرة

اميره : الحفلة كانت حلوه اوى

مروان : فعلا

اميره : انا محتجالك اوى الفترة الجاية الرسالة محتاجة شغل كتير عايزه انزل اشوف العينات اللى هجمعها

مروان : شوفى محتاجة ايه وانا معاكى كلمى مشرفتك كمان هتساعدك

اميره : تمام ... انت كويس

مروان : اممم كويس

بعد وصولهم للفيلا ينزل مروان دون ان يفتح لاميرة باب السيارة كعادته ويدخل على طول الى الفيلا مع نظرات استغراب من اميرة ,واثناء اليوم كانت اميره تحاول التحدث معه لكنه كان يجيب على قد كلامها ...وفى الليل

♥️____ليلة عادل____ ♥️

غرفه نوم اميرة ومروان 12 م

مروان متسطح على ظهره على السرير وهو يمسك هاتفه واميره تقف عند التسريحة تقوم بوضع كريم البشره على وجهها وايدها وتنظر لمروان بالمراية وهو غير منتبه لها ثم ترش برفان وتقوم وتقترب من السرير وتخلع الروب الذى ترتدى فوق بيجاما النوم و تجلس بجانبه

اميره : بتكلم مين

مروان : منير

اميره : اممم سلملى عليه

مروان : قفل متنسيش بكرة هو ولبنى معزمين على الغدا

اميره : هو استاذ منير محتاج عزومة ,ده بيته عموما ماتقلقش كله تحت السيطرة

مروان : تمام

يضع هاتفه على كومودينه ويغلق الاباجواره وينام ويعطيها ظهره

اميره : باستغراب ايه ده انت هتنام

مروان : اه تصبحى على خير

اميرة : مروان قوم اصحى كلمنى

مروان : بكرة عايز انام

اميره : بشده تخبط على كتفه ... بقولك قوم كلمنى

مروان : يفتح الاباجوره ويجلس .. نعم

اميره : مالك

مروان : مالى عايز انام احنا رجعنا الشغل لازم انام بدرى

اميره : بنرفزه .. مروان متستهبلش فى ايه من الصبح وانت فيك حاجة

مروان : والله مش انا اللى باستهبل انتى

اميره : انا

مروان : بشدة .. اميرة

اميره : والله صدفة يعنى اعمل ايه متزعلش بقى

مروان : لا هازعل وهاخد موقف عشان تبطلى تعملى اللى بيزعلنى

اميره : خلاص بقى بعدين ما انت عزمته على الشاى

مروان : بضيق .. هو اللى عزم نفسه عشان والدتك مع انه عارف انى مش بطيقه بس انسان رزل وسئيل وبجح كمان

اميره : طب بتتعصب عليا ليه

مروان : عشان انتى السبب

اميره : بدلع .. يالهوي على الغيران يا ناس والله باموت فيكى يا بيضه , انتي اللى بالقلب والروح والعقل ياختى عليكي شربات تقبله من خده

مروان : مفروض كدا خلاص اعديها

اميره: ايوة بعدين ما خلاص اتجوز اهدى اضحك بقى

مروان : لاء

اميره : وحياتى عندك تضحك

مروان : بحسم قولتك لاء, انا زعلان و واخد موقف

اميره : موقف ماشى.. خلاص انا هروح انام جنب ماما بقى عشان تاخدنى بحضنها

مروان : تاجى تقوم يمسكها من دراعها .. على فين

اميره : رايحه لماما مش انت واخد موقف خلى موقفك ينفعك

مروان : مش للدرجه دي انا واخد نص موقف بس

اميره : تجلس بجانبه و تضمه وتقبله من خده وتغنيله .. ماتجى هنا وانا حبك ,عشان اعيش على حسك , حبيبى ده انت الدنيا وانا اموت لو غيرى يمسك . ماتجى هنا خد فكره , ده انا بالنسبة لك بكره ,استاذه بندنيا مذاكرة , كمل روحك ده انا نصك هههههههههههه

مروان : ههههههههههههههه

اميره : بحبك .. قلبى انت والله , يلا بقى صالحنى

مروان : يا سلام انا اللى كنت زعلان

اميره : وانت زعلتنى مش كلمتنى وحش ؟ وكمان يا بو قلب جامد هنت عليك وديتنى ظهرك !

مروان : والله انا قلبى جامد

اميره : ايوه يلا قوم صالحنى

مروان : عايزه ايه طيب

اميره : قوم شلنى ولف بيا الاوضة

مروان : بتهزارى

اميره : تقف بمزح .. ايه العظمة كبرت يا دك مش قادر تشلنى

مروان : يقف يحملها بين ذراعيه .. انتى اكتر وحدة عارفه انى مكبرتش

اميره : طب يلا لف بيا الاوضه كلها

وبالفعل يقوم مروان يلف بيها الغرفه باكملها وهى تبتسم وتهز قدميها من الفرحة

مروان : ها

اميره : لفه كمان والنبى

مروان : حاضر

اميره : مروان انت بتخم انت ماروحتش هناك

مروان : حاضر بعد اللف بيها تحبى سيتك لفه كمان

اميره : ياريت لو مش هتعبك

مروان حاضر انا اقدر اقولك لاء

اميره : قلبى بقا والله تقبله من خده اثناء حمله لها

مروان : ها خلاص كدا ولا فى حاجة تانى محتاجة تحققيها

اميره : لا خلاص كدا تنزل بجانب السرير وتنظر له , مارو تيجى نعمل فيشار ونسهر نشوف فيلم ؟

مروان : طب والشغل

اميره : يوم مش هيأثر

مروان : بطلى دلع لاء يلا ننام

اميره : هعملك عصير فراوله وسندوتشات جبنه بالانشون اللى بتحبها

مروان : وشبسى

اميره : وبالكباب كمان

مروان : يحملها على كتفه ... يلا بينا

وبالفعل يقضى مروان واميره الليل معا , هما يشاهدون الافلام ويتناولون الفيشار ويحدفه على بعضهم .. ويجرون وراء بعضهم ويحدفون المخدات على بعضهم ويلعبون سوى , وهما فى منتهى السعادة. وفى صباح اليوم التالى نرى الغرفة , متبهدلة من الفيشار واقع على الارض وعلى الكنبه وكوبايات عصير فارغة على الترابيزه مخدات مرميه على الارض مع مشاهده التلفزيون شغال لكن دون صوت , ثم نرى اميره ومروان هما نايمين على الكنبه ... مروان معانق اميرة من الخلف ثم يرن هاتف مروان , يبدأ مروان بفتح عينيه على صوت هاتفه يحاول انه يجيب هاتفه من على الترابيزه ببطئ شديد دون ان تشعر اميرة به

مروان : بصوت منخفض ايه منير ... لا ممكن اتاخر ماشى سلام

يغلق مروان هاتفه ثم يقوم بإيقاظ اميرة بهدوء

مروان : حبيبى ميرو يلا قومي مع ملامسة وجهها بأطراف أصابعه مع اقتراب وجهه من وجهها بشدة ميرو

اميره : تفتح عينها بنوم مروان عايز انام

مروان : طب قومى ننام فوق

اميره : تلف وجهها بس بقى عايز انام مش قادره اقوم

ينهض مروان من على الكنبه ويقف ويرتدى شبشبه ثم يقوم بحملها واثناء حمله لها وصعوده على سلم تتحدث معه اميره

اميره : بس بقا عايزه انام اوعى نزلنى

مروان : هننام فوق

اميره : انت رخم على فكره

♥️____ليلة عادل____ ♥️

-غرفه نوم 9ص

يضع مروان اميرة على السرير تقوم اميره بغطاء وجهها من ضوء الشمس

اميره : اقفل الستارة دي

يذهب مروان ويغلق الستارة

اميره : تشيل اميره الغطاء من على وجهها وتنظر اميرة

لمروان .. ايه ده رايح فين

مروان : .. اثناء خلعه للتيشرت ... هانزل منا صحيت

اميره : لا تعال

مروان : عايز ايه

اميره : تعال بس

مروان : يقترب منها يجلس على سرير ايه يا حبيبى

اميره : تشده من ايده لينام بجانبها وتقوم تقبله من خده وتنام على صدره .. لا متسبنيش يلا نيمنى

مروان : انيمك

اميره : اممم

فيلا مروان واميرة 5م

غرفه السفرة

يجلس مروان واميرة وفريدة ومنير و اولاده وزوجته لبنى وصديق مروان رمزى وزوجته دينا و اولاده وعلى السفرة طعام على كل لون مع الاستماع الى ضحكتهم وتحدثهم

دينا : تسلم ايدك يا مرمر

اميره : ميرسى بس حقيقى فاطمة وماما هما اللى عاملين كل الحاجات الحلوة دي , انا كنت بتفرج بس

دينا : مابتعرفيش تطبخى

اميره : يعنى على قدى

دينا : ازاى يا ماما يبقى اكلك حلو كدا وما علمتيش مرمر

فريده : يعنى مكنتش بحب اتعبها وخالد كمان مدلع البنات

اوى يقولك البنات يقعدو ملوك طول ما هما فى بيت ابوهم

دنيا : ماشاء الله ربنا يخليكم لبعض

رمزى : انا سعيد انى اتعرفت عليكى يا اميره

اميره : انا كمان من زمان نفسى اتعرف على حضرتك جدا , وعلى كل اصدقاء مروان حضرتك عارف مروان كل حياته شغل ودراسة فانا حابه اغير من ده يعنى لان التوازن مطلوب ولا الحياه تبقى كلها شغل ولا تبقى كلها لعب

مروان : وانتى لسه مغيرتش منى

اميره : لسه فاضل شوية صغيرين

الجميع يضحكون

♥️____ليلة عادل____ ♥️

حديقه الفيلا 6م

يقف مروان امام حمام السباحة وهو يمسك بايده كوب من العصير يشاهد اميره وهى تلعب مع اولاد منير ورمزى وهو يبتسم تقترب منه دنيا وتقف بجانبه

دنيا : جميلة مراتك بس حركاتها طفولية

ينظر مروان لها دون تحدث باستغراب !!

دنيا : مقصدش انها وحشة لا هى لذيذة وخفيفة جدا اقصد يعنى تصرفاتها لا تليق بدكتور في الجامعة , وانها تبقى حرم الدكتور مروان عزت اكبر دكتور للعلاج النفسى بالشرق الاوسط

مروان : مش واخد بالى من قصدك اللى مش قصدك !

دنيا : مش شايف انها سبتنا وراحت بتلعب مع العيال الصغيره !

مروان : اممم وانتى بقى حكمتى عليها انها لعبيه ولا تليق تكون زوجة مروان عزت عشان بتضحك وبتلعب مع اولادكم ؟ هو انتى ما بتلعبيش معاهم ولا ايه

دينا : اكيد بلعب لكن اقصد

مروان : يقاطعها .. عايزاها تقعد حاطة ايدها على خدها يعنى ولا تعمل ايه ؟ مش فاهمك ؟ انا شايف انها بتعمل حاجة طبيعيه جدا مافهاش اى شى يعيبها , ده انا كنت مستنى اخلص العصير بتاعى عشان اروح اشاركهم فى اللعب ما تيجى !! يضع الكوبايه على الترابيزه ويتركها ويذهب عند اميره

مروان : لاعبونى معاكم

اميره : انت اللى هتغمي عينيك

مروان : ماشى

اميره : تعال لف تقوم اميرة بربط رابط على عين مروان واثناء محاولة رابطها تتحدث مروان متهزرش انزل شوية راعى فرق الطول ايو كدا ههه مستعد يلا

وبالفعل يشترك مروان معهم فى لعبه الغميضه مع الاستمتاع بضحكتهم بصوت عالى وسعادتهم وجريهم ورا بعض محاولا مروان ان يمسك احدهم .. ثم يشتركون بلعبة شد الحبل ويكونو فريقين ...فريق يتكون من اميره و اولاد منير ورمزى مع بعضهم مروان فريق بمفرده ... ويكسبون مروان يقضون ساعات بسعاده وفرحة

تقف دينا زوجه رمزى مع منيروزوجها يتحدثان

دينا : بصراحه مش لايقة عليه صغيرة اوى

منير : بالعكس انا شايف انهم مقطقطين

رمزى : هما بنهم كام 20 سنه

منير : 15

رمزى : كتير بردو بس مدام سعيد خلاص

منير : سعيد جدا انت عمرك شفت مروان كدا

رمزى :بصراحه لا هى غيرت منه كتير يعنى اللى يشوف مروان ايام ما كان مع شرين وريهام مايشفهوش دلوقت حتى ماجى مقدرتش تغير فيه حاجة ، اميره غيرته 180درجه

رمزى : ربنا يهنيهم ببعض باتمنى يفضلوا كدا انت عارف يا منير عاطف زميلنا اتجوز بنت بردو صغيرة كانت سكرتيرته وبعد كام سنة اطلقوا

منير : لا فى فرق اميره شبعانه اوى مش متجوزه مروان طمع عمرها ماطلبت منه حاجة اقولك من يومين اشترت لبس جابته من فلوسها مروان زعقلها عشان ماقالتلوش عارف قلتله ايه قالتله اتكسفت اطلب منك بعدين عادى كان بيحكيلى وهو بيضحك ومبسوط ، انت عارف ماجى كان بتطلب ايه فرق كبير, اميرة مختلفة صدقنى ، بعدين مروان شكله صغير وجسمه حلو الوحيد اللى لو وقف بوسطنا تحسه ابننا مش صحبنا

دنيا : ربنا يسعدهم

♥️____ليلة عادل____ ♥️

عند باب الفيلا يقوم مروان واميره بتوديع رمزى وزوجته واولادهم

اميره : كان نفسى تقعدو معانا اكتر احنا ما بنامش بدرى

رمزى : ده مروان بينام من 9

اميره : كان زمان كله ده بقى ماضى الدكتور دلوقتى بينام 3/4 الصبح كدا يعنى

رمزى : انا فخور بيكى ان شاء الله نبقا نظبط ميعاد تانى ونتقابل

مروان : ان شاء الله

رمزى : سلام

يقترب منهم منير ومعه لبنى والاولاد ينظر مروان لهم

مروان : رايح فين انت كمان ماتقعد

منير : لا ياعم عندى اجتماع الصبح والمدير بتاعي رزل مايعرفش اخوه فى الشغل

اميره : ربنا يكون فى عونك انتى هتقولى

منير : ربنا يهدى بقى

مروان : والله هتغنوا مع بعض ماشى متشكر

منير : يلا عايزين حاجة

تقاطعهم جنة بنت منير الصغيره (6 ) سنوات بابا انا عايزه اقعد مع ميرو

لبنى : لا يا جنة عيب هنروح واسمها طنط اميرة

اميره : بمزح ...طنط مين دى اللى طنط انا ميرو انا مش عايزه اطنطن انا

لبنى : ههههههههههههه معلش ماتزعليش يا ست ميرو

مروان : سيبى جنه يا لبنى

لبنى : هتجننك

جنه : لا انا بحب مروان مش هاعمل حاجة

اميره : خلاص سبيها هتخافى عليها

منير : ده كلام بايتة عند عمها جنة مافيش شقاوة اتفقنا

جنه : اتفقنا

لبنى : طب مروان تعال خدلها لبس انت عارف جنة

مروان : حاضر هجيب المفاتيح العربيه

هول الفيلا

جنه : ها يا ميرو هنعمل ايه

اميره : تيجى نلعب ببجي

جنه : معرفش العبها عندك بلاى استبشن

اميره : عندى بس مش انتى قولتيلى انك محوشه 395 جينه هنلعب عليهم الخمسين منك بمياه منى

جنه : اتفقنا

يذهبوا الى الغرفه (tv ) يقوم بلعب سوى بعد ساعه يدخل مروان عليهم وهو يحمل بايده شنطه

مروان : ها عاملين ايه

اميره : مارو تعال تعال وريلوا يا جنه

جنه : بص انا كسبتها وهى كسبتنى اكتر و تعطى ورق

مروان : يقراء الورقه .. انا جنه بنت بابا منير وماما لبنى وانا بكامل عقلى بكتب ان ميرو ليها 100 جينه عندى

ورقه تانيه انا جنه مره تانيه بقول ان ميرو مرات مروان حبيبى ليها 150 عندى

مروان: ههههههههههههه بتكتبيها ايه انتى اتجننتى يخرب عقلك اسيب البنت معاكى ساعة الاقيكى مكتبها وصل امانه امال لو سبتها لبكره هتعملى فيها ايه

جنه : منا كسبتها وهى بردو كتبتلى ورقة ان ليا معاها 100جنيه

اميره : تيجى الاعبك على الباقى

مروان : لا انا اللى هلاعبك يا نصابة

اميره : تعال

مروان : يجلس بجانبها على الكنبه بس نلعب فيفا

اميره : لا ده كدا نصب رسمي بقى انت عارف ماليش فيها خالص بص نلعب مصارعه

مروان : ماشى

وبالفعل يلعبون سوى وتكسبه اميره

اميره : ههههههههههههههه خسر يلا يا جنه اكتبى

مروان : جيم كمان ماكنتش مركز

اميره : طيب ماشى مش محسوب اهو اخر كرم .. بس هتلعب على هدومك على تيشرت وقميص اوك

مروان : اوك

يلعبون مع بعض وسط ضحك و مره اخرى تكسبه اميره

اميره : القاضيه ههههههههههههههههههههههههههههههههههههه

جنه : كسبتك تانى كسفتنا

مروان : ضحكت عليا دى نصابة كبيرة

جنه : هى اللى نصابة والا انت اللى ما بتعرفش تلعب

مروان : خلاص يا جنة

اميره : ههههههه هاطلع انا اظبط لبسها وهغير هدومى ماشى

مروان : ماشى يا حبيبى تخرج اميرة تاخد معها الشنطة .. ينظر لجنة تيجى نلعب زى زمان

جنه : ماشى

يظل مروان يلعب مع جنة يقوم بزغزعتها ويجرى وراها بعد نصف ساعة تنزل اميرة وهى ترتدى بيجاما ساتان

اميره : جنة يلا اطلعى غيري هدومك واغسلى أسنانك ونامى

جنه : لا انا عايزه اقعد مع مروان شوية

اميره : لا الوقت اتاخر بكرة اقعدى معه براحتك

جنه : على فكرة مروان ده خطيبى من قبل ما يتجوزك وقالى لما اكبر وابقى كبيرة هيتجوزنى صح يا مروان

مروان : هههههه صح بس احنا اتفقنا لما تكبرى

جنه : وانا بقا لما اوصل لسنك هبقا لسه صغيره وحلوه وانتى كبيره ووحشة وبتنامى بدرى زى ماما

اميره : هههههههه ماشى يا جنة طب ابقوا اعزومنى على فرحكم ها ههههههه يلا بلاش شقاوة اطلعى فوق غيرى هدومك مروان هينام عشان هيصحى بدرى

جنه : ماشى تقبل مروان بخده وتذهب تصبح على خير يا مروان

مروان : وانتى من اهله يقبلها من خدها

بعد خروج جنة

اميره : يلا انت كمان مش هتطلع

مروان : يقف امامها بابتسامة يقوم بملامسة شعرها ..تعرفى انك هتبقى مامي حلوة اوى يقبلها من خدها

اميرة : بجد

مروان : طبعا بجد

♥️____ليلة عادل____ ♥️

غرفه النوم 1ص

يستعد مروان للنوم واميرة تتمدد على السرير يطرق الباب وتدخل جنة

جنه : انا عايزه انام بحضن مروان

مروان : تعالي

تذهب جنة وتنام بالمنتصف وتقوم اميره تقف

مروان : رايحه فين ؟

اميره : هنام بالاوضه التانية عشان تنامو براحتكم

جنه : لا يا ميرو انا عايزة انام جنبك انتي كمان

مروان : اه يا ميرو وانا كمان ده طلب جماهيرى كلنا عايزين ننام جنبك بعدين انتي كلك على بعضك قد كدا مش واخدة مساحه

اميره : تجلس على السرير ... اتلم عشان انا بحاول أعملك برستيج قدامها

مروان : ههههههه حاضر

تنام اميره بجانبهم وجنه فى المنتصف بحضن مروان

جنه : مروان احكيلى حدوتة زى زمان

اميرة : ايه ده مارو انت بتعرف تحكى حواديت ؟

جنه : اه وحلوة اوى احكيلها بتعت قطر الندى

اميره : ايه ده الله يلا احكى انا كمان عايزة اسمع قطر الندى يلا يا مارو

مروان : حاضر صلو على النبى كان فى بنت اسمها قطر الندى عايشه مع اخواتها وكل واحدة عندها فرخة لكن بتاعت قطر الندى كانت بتبيض بيضة دهب.....

يقوم مروان بحكى الحدوتة لكن جنه تنام واميره مازلت تستمع لكن عندما يرى مروان ان جنه قد نامت يعدلها ويغطيها يلا يا حبيبى ننام

اميره : ماليش دعوه انا عايزة اكمل الحدوته انا اعيل منها

مروان : هتصحى على الصوت هحكيهالك بكرة

اميره : تطلع شفايفها مثل الاطفال .. لا ماليش دعوة دلوقت

مروه : هتصحى

اميره :بدلع كدا مخصماك

مروان : يا حبيبى ما صدقنا نامت بكرة وعد هحكيهالك

اميره : لا تحكيلى اتنين

مروان : حاضر اللى انتى عايزاه يقبلها من ايدها وينام

♥️____ليلة عادل____ ♥️

غرفه نوم مروان 9 ص

تقوم اميره بمساعده مروان بارتداء كاجيت البدلة و ربط الجرافته واثناء ربط الجرافته تتحدث معه

اميره : حبيبى بعد ماهروح جنه هروح مع ماما تجيب حاجات من الشقة

مروان : مش هتيجى المركز

اميره : تؤ

مروان : ماشى يا حبيبى انا لازم امشى عشان متاخرش يقبلها من جبينها وايدها ويخرج خارج الغرفة

♥️____ليلة عادل____ ♥️

شقة د / خالد 3م

تدخل اميره وفريدة شقتهم وهى مظلمه مثل اخر يوم تركتها فريدة تفتح اميرة الانوار تنظر اللى شقتهم

اميره : هو بابا مسافر

فريده : لا بتسألي ليه

اميره : يعنى شكل الشقة مترتب اوي

فريده : تعالى بس نجيب الحاجه اللى عايزينها

اميره : حاضر

غرفه نوم فريده وخالد

تجلس اميره على السرير تقف الام عند الدولاب

فريده : انتى هتقعدى قومى عشان نخلص بسرعه

اميره : حاضر دقيقه بس دخت فجأة

فريده : تقترب منها وهى تحمل بيديها ملابسها .. ايه هنسمع خبر حلو قريب

اميره : ايه ده هو لحقت احنا ما بقلناش شهرين

فريده : ممكن مش بعيد انتى لازم كل شهر تجيبى اختبار حمل وتشوفى

اميره : ماشى بس انا متاكدة مافيش حاجه

فريده : بتاخدى منع حمل

اميره : لا بس انا اجازة من النهاردة

فريده : امممم ليه كدا نفس أفرح فرحينى

واثناء حديثهم يدخل خالد عليهم الغرفة تنظر فريدة له بارتباك وحزن تنظر اميرة خلفها لنظر الام تجرى مسرعة وتقوم بضمه

اميره : بابا وحشتنى عامل ايه انت كويس

خالد : الحمد الله انتى كويسة

اميره : بقيت كويسة لما شفتك تقبله من ايده

خالد :يطبطب على شعرها .. ربنا يسعدك يابنتى

اميرة :طب انا بره ماشى

تنظر اميرة للأم بعينيها وهي عند باب الغرفه ثم تخرج وتغلق الباب يقترب خالد من فريدة وينظر لها

خالد : عامله ايه يا فريدة

فريده : الحمد الله

خالد : يجلس على السرير بجانب فريدة و بنبرة عتاب وحزن ..هنت عليك تسبينى طول الفترة اللى فاتت دي , هان عليكى تسيبى بيتك كل ده , اوعى تكونى فاكره انى كنت طول الفتره دى ساكت , انا كنت عمال أسأل الشيوخ والأزهر على اليمين , للاسف عرفت انه وقع لانى قولته وانا فاهم وعارف بقول ايه , وانك كمان وقعتى وانتى عارفة العواقب , غير الكلام اللى سمعته انى ظالم وظلمت بنتى , واللى عملته ميرضيش ربنا, اوعى تكونى فاكره انى كنت باجى الشقة وانتي مش فيها , انا مدخلتش الشقة من وقت ما سبتيها , كل يوم بعدى بالعربية مرتين ثلاثة من قصاد العمارة , على امل اشوف عربيتك راكنه , و اول ما شفت عربية اميرة راكنه فهمت انكم فوق , انا اسف يا فريدة

انا مكنتش اقصد كل ده , انا مش قادر افهمك , انا خايف على اميرة , بنتى حبيبتى مش عايز حبها يزلها بالشكل ده , انا كنت عايزها لادهم لان ادهم اللى بيحبها عمره ما هيزعلها, هيخاف لانه هيبقا متأكد انه لو فكر يزعلها هتمشى , لكن مروان حاطط في.بطنه بطيخ صيفى , مهما عمل اميرة هاترجع , هتزعلها شهر اتنين وفى الاخر هترجع

فريده : انا مش فاهمة انت ليه واخد الصورة الوحشة كدا عن مروان , انا نفسى تغير فكرتك دى

خالد : انا خلاص اعلنت هزيمتى انا مقدرش على زعلك ولا يرضينى زعلك , انا ماأقدرش افرط فيكى كله الا انتي ,

انا عندى اموت ولا انك تبعدى عنى , انتى مش ام ولادى وبس انتي , حبيبتى كل ماليا بالدنيا

فريده : يعنى انت فاكر انه سهل عليا ابعد عنك كل ده , فاكر إنى كنت عايشة مبسوطة وسعيدة, يمكن كنت ببان قصاد ولادنا انى جامدة , لكن انا من جوايا بأنهار , لكن اسفة , مش هاقدر اوافقك واستمر على سكوتى , وانا شايفاك بتدوس على اغلى حاجه عندنا

خالد : حاضر يا فريدة هاعمل كل اللى انتي عايزاه . بس ارجعى بيتك

فريده : يعنى هتسامح اميرة وترضى على جوازها

خالد : اه لكن ليا شرط

فريده : تانى يا خالد ايه هو

خالد: مش هقدر ادخل مروان البيت هى تيجى بأى وقت واحنا نروحلها لكن مروان مايخشش بيتى

فريدة : ليه بس ياخالد حرام عليك ..

خالد : بلاش تبقي طماعة

تطرق اميرة الباب

خالد : تعالي يا مرمر

اميره : انا حاسة إن المناقشة طولت مش محتاجين طرف ثالث يصالحكم

خالد : انا مقدرش على زعل ست الكل وست الناس

اميره : بمزح ..ايوه بقا يا خالوده حمد الله على السلامة كنت فين يا راجل مختفى بقالك فترة

خالد : شقية انتى شقية , انا قولت لماما انى سمحتك ورضيت على جوازتك لكن مروان مايدخلش البيت

اميرة : شكرا يا احلى وأعظم اب بالعالم تقبله من يده بس مش فاهمة يعنى ايه مروان مايخشش البيت

فريده : بابا يقصد انك تيجى بأى وقت وهنزورك بس مروان ميجيش معاكى

اميره باستياء تفكر و تتنهد بعدم رضا... حاضر يا بابا اللى تؤمر بيه

خالد : ممكن بقا تاخدى بعضك وتروحى

اميره : حقك حقك يا حج بقالك اكتر من 20 يوم مشفتهاش

فريدة " بص البنت بقت مجرمة

خالد : هو جديد عليها دى ام لسان

اميره :طب بوسة وحضن كبير بقا عشان امشى

♥️____ليلة عادل____ ♥️

فيلا مروان واميره 6م

تجلس اميرة عند حمام السباحه , تنزل قدميها بالمياه , تفكر وهى محتارة بعد قليل يدخل عليها مروان ويقف خلفها لكن اميرة لا تشعر بوجوده , يجلس مروان على ركبتيه ويلف يده حوالين خصرها ويقربها منه ويضمها من الخلف ويقبلها من رقبتها بنعومة تبتسم اميرة تسند راسها على صدر مروان , ثم يقوم مروان بعدل قدميه لكى تجلس اميرة بين قدميه وينزل قدمه هو الاخر فى مياه حمام السباحه ويتحدثان

مروان : بنعومة .. رجعتى امتى

اميره : من بدرى

مروان : امال مدام فريدة فين

اميره : اتصالحت مع بابا

مروان : ينظر لها .. احكيلى

اميره : اممم جه واحنا هناك اتكلمو سوى وصالحها ورضي عن جوازنا وسامحنى

مرروان : باستغراب ... انتي بتتكلمى جد

اميره : اه والله

مروان : طب انتي عادى كدا

اميره : شلت ايدك ليه هاتها تضعها حولين وسطها ترجع راسها للخلف ... بس مش عايزك تيجى البيت يعنى بالمختصر المفيد هو قبل جوازنا لكن رافض التعامل معاك

مروان : مش مشكله المهم انه راضي عنك ده كفاية

اميره تعدل نفسها تنظر له.. يعنى انت مش زعلان ؟

مروان : لا والله ما أنا زعلان , زى ما قبل جوازنا وسامحك , شويا وهيتقبلنى ويتعامل معايا .. يلمس وجهها بلطف وحب الايام والسنين بتغير وتداوى متخفيش

اميره : ربنا يهديك يا بابا بقى يقبلها مروان من جبينها ويضمها

♥️____ليلة عادل____ ♥️

شقه شرين ٢م

تخرج شرين من الحمام وهي ترتدى بورنس حمام وتبتسم ثم تنظر امامها اتجاه السرير كنت متاكدة انك هتيجى مش قولتلك شيرى محدش يقدر يقولها لا ودايما هى اللى بتكسب بالاخر يلا قوم البس بدل ماتتاخر وتخليها تشك فيك مش عايزها تشك فينا خصوصا انت عارف بتكرهنى قد ايه

♥️♥️♥️♥️♥️♥️♥️♥️♥️♥️♥️♥️♥️

استوووووووووووووب

ياترى شيرين كانت بتكلم مين

ومين دي اللى بتكرهها

وخالد هيعمل ايه مع مروان

بجد يعنى كدا المسرحية انتهت ولا ابتدت

اللى عايز يعرف يتابع

الى اللقاء بالحلقة القادمة من روايه الأعمى2

التفاعل بقى وحش جدا جدا

مع ان الحلقات قوية جدا

فاياريت محدش يبخل بكومنتات كتيييييرة ولايك

#الجزء_التانى_من_روايةالاعمى2

#تأليف_ليلةعادل

الجزء الثاني

من

روايه الأعمى2 ❤️✍️🌹

الحلقه خمسه وعشرين

فيلا مروان واميره ٢م

حديقه الفيلا

تجلس اميره مع شهد ونور على الشلت فى الحديقه ثم يدخل عليهم مروان تقوم اميره تقف وتذهب اليه وهى تبتسم

اميره : وحشتنى شكلك تعبان

مروان : انتى كمان وحشتينى اوى يقبلها من خدها.. محتاج انام لانى نايم متأخر لحد كدا

اميره : فدايا مش كفايه انك سبتنى يوم الاجازه ونزلت ها عارف لو اخدت شغل تانى يوم الاجازه، هاعضك وأنيمك على الكنبه

مروان بمزح ..لا انا مش قد نوم الكنبة استنى هاروح اسلم

يقترب مروان من نور وشهد

مروان : عاملين ايه

شهد : الحمد الله يا دكتور

نور : انت ايه اخبارك و البت اميره عاملة ايه معاك

مروان : زى الفل امال فين ميمى

نور : نايمه فوق

مروان : هشوفها وأصحيها

نور : لو صحتها هاقعدك بيها

مروان : وانا عايز اقعد بيها عن اذنكم

شهد : تنظر لاميره .. ماتروحى توصليه

اميره : ليه هيتوه هههههههه

شهد : يابنتى روحى ساعديه وهو بيلبس

اميره: تنظر لنور البت شهد دى هادلع جوزها. من موقعى هذا باقول يا بختك حاضر يا ستى هاطلع واساعده وأدلعه

غرفه نوم اميره ومروان

تدخل اميره الغرفه خلف مروان وهى تبتسم مرمورى ثم تقف وتنظر باستغراب باتساع عينيها

احدى المستشفيات بالقاهره 5 م

نور واميرة ومروان وشهد يقفون بالممر وعلى وجههم الخوف نور تبكى بحرقه واميره تقوم بالطبطبه عليها لتشعرها بالاطمئنان يخرج الدكتور

دكتور : الحمد الله مافيش حاجه خطيرة اللبن بس كان ملوث

أو أوضح انه منتهى الصلاحية الحمد انها مشربتش كتير ورجعت

نور: تمسح دموعها اللبن ماكنش منتهي الصلاحيه اهو معايا تخرج من حقيبة ايدها اهو شوف

شهد : طب ممكن يكون حصل ازاى

الدكتور : مين اللى عمل اللبن

اميره : انا

الدكتور :الادوات كانت نضيفة

اميره : طبعا

الدكتور : خلاص احنا هنحلل اللبن ده ونتاكد من كل شى حمد الله على السلامة

نور : تقترب من اميرة .. متأكده ان الحاجه كانت نضيفة

اميره : اه والله العظيم

نور : ياربى ايه اللى حصل بس محدش يحكى لحمزة حاجة

❤️___ليلةعادل___ ❤️

فيلا مروان واميره 4م

تدخل اميره الفيلا يبدو على ملامح وجهها الحزن والضيق وعينيها بها دموع تجلس على الكنبه وتبدأ تبكى بسكون يقترب مروان منها ينظر لها باستغراب

مروان : فى ايه الحمد الله اميره كويسه يمسح دموعها يقبلها من ايدها اهدى يا حبيبى

اميره : انا اللى كنت هابقى السبب لو كان جرالها حاجه انا مش هعملها حاجه تانى

مروان : اهدى بس يضمها اليه يطبطب عليها ويتحدث

هي ممكن تكون اكلت حاجة من على الارض. ده طبيعى لانها بدات تتحرك بعد كدا عينكم عليها متسبوهاش لوحدها.

اميره: مش هاقرب منها تانى انت مشفتش نظرة نور صحبتى وانا عارفاها

مروان. مش قصدها طبيعى دى بنتها اول ماتبقي أم هتبقى زيها واكتر. ممكن بقى تهدى يقبلها مره اخرى من ايدها

اميره : تمسح دموعها. نسيت اسالك شغل ايه ده اللى جه فجأه

مروان: جلسه خاصه مريض انفصام مستحيل اقوله لا وايه متعدد الشخصيات

اميره : لا استنى اهدى كدا واحكيلى

مروان : حاضر

❤️___ليلةعادل___ ❤️

شقه شهاب 1م

شقه على الطراز الحديث جدا تعكس شخصيه شهاب المجنونه والمستهتره نرى على كرسى البار شهاب يجلس يبدو انه مخمور ويشرب سيجارة بعد قليل تخرج من الغرفة ..شهد وهى ترتدى قميص شهاب المخطط ثم تقوم بعناقه وتقبيله من راسه يبتسم لها شهاب ويمسكها من ايدها لتجلس امامه

شهد : كفايه بقا .. تاخذ منه الكاس وتضعه على البار

شهاب :كفايه ليه انا عايز انبسط

شهد : والكاس اللى هيبسطك

شهاب : بتبقيش بارده

شهد : شهاب انا خايفه

شهاب : من ايه يا بيبى

شهد : من اللى حصل بينا انا مش فاهمه ازاى طوعتك

شهاب : يشد كرسيها ويقربه منه.. لانك بتحبينى

بعدين ماكنش نفسك تحسي بده معايا

شهد : بس فى الحلال

شهاب : ما ده حلال

شهد : عرفى

شهاب : مش الجواز اشهار وانا اتجوزتك وسط شلتى وكمان عملنا ليكى حفله بعدين قولتلك اصبرى شويه عشان احاول اقنع اهلى بيكى بعدين ايه تقل الدم ده فى وحده يوم صبحيتها تبقى كدا امال فين الكلام الحلو فين المشاعر فين الحضن فين البوس فين السرير يحملها ويدخل غرفته

فيلا مروان واميره 6م

غرفه مكتب مروان

بجلس مروان على كرسيه الهزاز يقراء كتاب ثم يطرق الباب تدخل اميره تقوم بعناقه وهى تقف خلفه وتقبله من خده يمسك مروان ايدها ويجلبها امامه وتجلس اميره على قدميه

اميره : مارو انا كلمت ادهم وهو جاى بالطريق

مروان : ماقولتلوش ليه ان والدتك مشيت

اميره : اتكسفت اصله قالى انه بالطريق يلا قوم البس بقى

مروان :والله عيل بجح

اميره : تقف معلش عشان خاطرى اتحمله النهارده بس عيب في بيتك تقبله من خده يلا قوم تشده من ايده ويخرجوا خارج الغرفه

❤️___ليلةعادل___ ❤️

فيلا اميره ومروان 9 م

حديقه الفيلا

يجلس كل مروان واميره وحنين وادهم يضحكون بصوت عالى لكن كان يشعر ادهم بالغيرة من مروان

حنين : ههههههههههه حرام عليكى بس كفايه مش قادره

اميره : مش بتتكلم كدا بتبلا عليها مثلا

حنين : انتى بتقلديها بالظبط بس كفايه تريقه على الناس انتى هتخلفى عيال متخلفه كدا

اميره : بمزح . لا منا ناويه اول ما أحمل أتوب

حنين : هههههه اعتقد يا دكتور مش محتاج تلفزيون اميره ماشاء الله عليها مسلياك كفاية خفه دمها هى من زمان وهى كدا انا بحب قعدتها يييا بقا لما تتجمع مع نور وحمزة

مروان : ههههههههه دى حقيقة

ادهم : الديزاين هنا جميل اوى زوقك يا ميرو

اميره : اه

ادهم : فيها من دم روف بتاع العماره طبعا الدكتور عمره ما راح هناك

مروان : فعلا لكن ها طول الشرف ده قريب جدا ماخلاص ولا ايه يا حبيبى يمسك ايدها

اميره : طبعا اول حاجه هانعملها اصلا

ادهم : هيعجبك بس عارفة يا ميرو فى حاجة بردو مختلفة مش عارف ايه ممكن روح المكان

اميره : اه كتير بس هنا احلى كتير البول مع الزرع و منظر النيل ادى للمكان روح اجمل بكتير

مروان : ينظر لها بس ؟

اميره : يا خرابى انا أقدر وطبعا عشان انت موجود يا قلبى

حنين : ربنا يحفظكم يارب , ميرو حافظى بقا على اللى انتى فيه ده , غيرك بيتمنى يوصل للربع اللى وصلت ليه , حققتى كل حاجه , اتجوزتى الراجل اللى سنين بتحلمى بيه , وبقيتى ناجحة بشغلك , ورجعتى لاهلك زى ماعرفت

اميره : الحمد الله , ماتخفيش ده انا مصدقت مش مجنونه اضيع كل ده من ايدى بسهولة , بقولكم تشربو نسكافيه ؟؟

ادهم : يقف .. لا كفايه احنا لازم نمشى

مروان : يقف .. ليه يا ادهم بكره الجمعه مش اجازة

ادهم : اها نعوضها مره تانية سلام يا ميرو سلام يا دكتور يلا يا حبيبى

سياره ادهم 10 م

يقوم ادهم بسواقة السيارة وبجواره حنين لكن يبدو على ملامحه الضيق

حنين : مالك يا حبيبى فيك حاجه

ادهم : لا بس عندى صداع

حنين : الف سلامة عليك

بعد قليل تنام حنين على كتف ادهم مثل ماكانت تنام اميرة على كتفيه عندما تقوم بعمل هذه الحركه ينظر لها ادهم باستغراب ثم يرى ادهم صورة اميره بحنين يركن سيارته

حنين : فى ايه ركنت ليه

ادهم :تعرفى انى بحبك اوى وانك اجمل قضية وأهم قضية دخلت حياتى نفسى تحسي بيا باتمنى ييجي اليوم وتحبينى ربع الحب اللى بحبهولك

حنين : بسذاجة وحب .. انا كمان بحبك والله بحبك

ادهم : بجد بتحبينى

حنين : والله بحبك

يقترب منها ادهم يقبلها من ايديها ويضمها بشوق اثناء معانقته لها

حنين : هنتاخد اداب كدا يا حضرة الظابط استنى لما نروح

ادهم : ينظر لها بحب .. هو حد يقدر خللي حد يهوب من العربيه شوفي هاعمل ايه

حنين : طب يلا سوق

يرن هاتف ادهم يقوم بالرد وعندما ينهى المكالمه ينظر بجانبه مره اخرى يجد حنين يكتشف ان التى كانت بجانبه حنين وليست اميرة , وكان مجرد خيال فقد تأكد ادهم انه مازل يحب اميرة ولا يستطيع نسيانها مهما حدث , و لكنه يستاء من نفسه ومن الذى فعله ينظر لها باستياء وتنزل دمعة من عينيه ثم يقوم بالسواقة واثناء سيره

ادهم : حبيبى معلش سمير عايزنى هوصلك واروحله

حنين : هتتاخر

ادهم : لا

حنين : هستناك

وبالفعل يقوم ادهم بتوصيل حنين الى البيت , ثم يقوم باللف بسيارته هو مخنوق وحزين يتذكر كل شى فعله مع اميرة وحنين .... لا يعرف ماذا يفعل برغم كل شى فهو مازال يحب اميرة ولا يستطيع ان ينساها , و كان الشعور الذى بداخله لحنين مجرد انبهار واعجاب , هروب من حب اميره

شقه ادهم 12 م

عندما يصل ادهم الى شقته يجد حنين تنتظره وهى ترتدى فستان رقيق وقصير وتضع مكياج ومحضره عشاء رومانسى

حنين : كل ده

ادهم : اسف ايه الجمال ده كله

حنين : تعال نتعشى مستنياك

ادهم : اسف يا حبيبى مش قادر صداع تعبنى اوى هنام يمكن يروح

حنين : بحب وخوف : طب خد مسكن اعملك حاجه نروح للدكتور

ادهم : متخفيش كدا مجرد صداع هنام هبقى كويس يقبلها من جبينها تصبحى على خير ويتركها ويدخل ينام

❤️___ليلةعادل___ ❤️

مركز د / مروان 1 م

مكتب اميره

تقوم اميره بالكتابة على اللاب الخاص بها ثم يطرق الباب يدخل مروان

مروان : بتعملى ايه

اميره : بنرفزه وسخريه .. تفتكر انت ايه انا كان مالى ومال وجع الدماغ ده , انت السبب مش مسمحاك فضلت تزن عليا تقولى انتى موهوبه وشاطره لازم تعملى ماستر وانا زى الهبل وافقت , عشان ابقى جنبك , طب ماشى عادى موافقه بردو قضالي مصلحة حلوة , انا بقى كملت دكتورة ليه ؟ قولي ليه ؟ مش الدبله اهى ! هات ايدك وأهي ؟ اهم,حاجة حققت حلمى الكبير مستمره ليه بالهري ده ؟

مروان : يجلس على كرسى امامها هههههههههههههه هدي بس عايزه ايه

اميره : مش عايزه اكمل

مروان : وده ينفع ما خلاص فاضل على الحلو تكه يا تكه

اميره : بقولك ايه اطلع بره انت اللى بتلعب

بدماغى وبتخلينى اكمل بالحاجات الوحشه دي , انت جاي ليه اصلا مش عندك محاضرة

مروان : ادينى فرصه اتكلم اسكتى

اميره : وانا ماسكك ماتتكلم اتفضل اتكلم انت محسسنى انى رغايه مش مدياك فرصه تتكلم اتكلم سمعاك ساكت ليه

مروان : ههههههههه مجنونه بس بموت فيكى .. تعالى اعزمك على الغدا بره شوفيلنا مطعم من مطاعم الاكل السريعه اللى مبحبهاش نتغدى فيها , اهو بضحى عشان خاطرك

اميره: باستياء ....مرمرتى انا آسفه بابا عزمنى على الغدا

مروان : ماانتى كنتى هناك امبارح طويل اليوم , وكمان بتى معاهم, نتغدى سوى وروحي ها ايه رأيك ؟ اظن حل حلو ؟

اميره : باستعطاف ..معلش يا مروان عشان خاطرى والنبى بلاش بابا يزعل منى انا ماصدقت فك متزعلش

مروان : يتنهد .. ماشى بس مافيش بيات تانى ماشى النهارده اخر يوم

تقوم وتجلس على قدميه وبدلع

اميره : زعلان

مروان : يشاور برأسه تؤ

اميره : هاكل نص بطن نكمل سوى ايه رايك

مروان : ماشى

اميره : بتحبنى

مروان : بحبك

اميره : تقترب من اذنه .. وانا بموت فيك

يتبدلون النظارات بابتسامة ثم تقوم اميره بتقبيله من خده وتحط ايديها حولين رقبته تقرب راسه من صدرها

شقه / خالد 6 م

-الراسبشن

تجلس اميره واسرتها واصدقائها نور وحمزة وادهم ايضا فقد قام خالد بعزم ادهم على الغداء

خالد : لا نور كمان قطعت معايا بقت تقولى انكل

نور :تقوم من جانب حمزة وتجلس على سن كرسى الانتريه وتضع يدها على خالد .. انا اقدر يا بابا بس غصب عنى والله سامحنى

خالد : سمحتك عشان تعرفو ان قلبى كبير

حمزه : ماتيجوا ناخدلنا كام صور

كريم : يلا

يقوم حمزه بالتقاط صور كثير لهم ثم يقوم بتنزيلها على الفيس بوك لكنه قد تناسى ان مروان صديق عنده واثناء جلوس مروان بمكتبه وهو يمسك هاتفه يرى الصور يقوم بمشاهدتها بابتسامه ولكن فاجأة يرى صور ادهم معهم وصور اخرى وهو بجانب اميرة يضحكون يغضب جدا جدا ثم يقوم بالاتصال بمنير

❤️___ليلةعادل___ ❤️

فيلا مروان واميره 10 م

غرفه مكتب يجلس مروان ومنير على الكنبه يبدو على ملامحه الغضب

منير: زى ما قولتلك اسمع منها , بعدين انا شفت الصور عاديه يعنى مفهاش حاجه

مروان : ما بتكلمش عن الصور , بتكلم عن وجود ادهم يعنى انا اقعد هنا وادهم هناك

منير : مش هى قالتلك ان ده شرط ابوها وانت قولتها مش مهم

مروان : كنت عايزنى اقولها ايه , منا لازم اقولها كدا , لكن انا من جوايا مضايق ,بعدين انا مشكلتى دلوقت فى ادهم

منير : لما تاجى افهم منها اهدى , بلاش تخلى غضبك يخليك تغلط

مروان : عشان كدا كلمتك عايز اطلع كل غضبى قبل ماتيجى

منير : كل اللى عايزك تعمله دلوقت , اول ماتيجى خليك عادى , بعدين اسالها استنى كدا انا سامع صوت شكلها جت

تفتح اميره الباب عليهم

اميره : بسعادة .. استاذ منير ايه المفاجأة الحلوه دى تقترب منه وتسلم عليه والله ليك وحشه مابشفكش خالص .. انت ما بتجيش المركز ولا وايه

منير : انتى عارفه بقا احنا اخر السنة ومشغول جدا بتقفيل الحسابات والارباح

اميره : ربنا معاك ايه يا دك مافيش وحشتينى تذهب تجلس بجانبه

مروان : انبسطي

اميره : جدا اوعى تكون اكلت من غيرى , والله اكلت نص بطن , مع ان فريده كانت عاملة ديك رومى ورقاق يخطفه القلب , ولا المحشى يالهوي يغمى عليك من جماله

منير : ارحمى معدتنا

اميره : ودي تيجى منا جبت معايا عشر دقايق بس اغير , واجهز الاكل

مروان : خالى فاطمة تعمل اللى عايزاه

اميره : فاطمه مين صلي على النبى دي نامت من 8 هاغير هدومى وجاية

استاذى العظيم اوعى تمشى

منير : انا بيات بعد الديك ده

اميره : قشطات تقوم اميرة تذهب لخارج الغرفة

منير: ينظر لمروان .. مروان فك البت راجعة مبسوطة متعكننش عليها

مروان : يعنى انت مش شايف ان ليا حق اتعصب وتجنن

منير : ليك حق بس هى مالهاش ذنب اسمع منها

مروان : افتح معها انا الكلام

منير : اه هو احنا هانعمل زى العيال الصغيرة نستنى نشوف , مادام عرفت واجهها

مروان :ماشى انت قومت ليه اقعد

منير : لا قوم اطلعلها وكلمها بالراحة

غرفه النوم

بعد تبديل اميره ملابسها وارتدائها ملابس بيت اثناء فتحها الباب تتفاجئ بمروان امامها

اميره : بسم الله خضتنى سبت استاذ منير وطلعت ليه

مروان : لا منير روح

يدخل الاوضه ويجلس على اخر السرير

اميره : تقترب منه تقف امامه .. ليه كدا انا بحب اقعد معه اوى

مروان : اميره اقعدى عايز اتكلم معاكى شوية

اميره : تجلس باستغراب تمسك يده .. فى ايه مالك

مروان : اناشفت الصور

اميره : اممم فهمت .. والله العظيم اقسم بالله انا اتفاجئت بيه زى زيك ,وانا قاعدة مع ياسمين لقيت اللى بيخبط بنفتح لقيته هو بابا عازمه على الغدا والله هو ده اللى حصل

مروان : من غير حلفان انا مصدقك بس ده ينفع ?

اميره : اعمل ايه طيب

مروان : امشي

اميره : مجاش بدماغى والله خفت من بابا يزعل

مروان : اميره لو سمحت بلاش الحته دى بالذات , انا ما بعديش فيها, انا راجل غيور غيور اوى , ولانى بحبك اوى فاغيرتى عليكى مجنونه , تقولى عليا مجنون ٠٠رجعي٠٠ امتلاكى , انا كدا مش هعرف اكون غير كدا

اميره : انا اتكلمت انت عجبنى زى مانت , مطلبتش منك تتغير , انا اسفه ممكن متزعلش , ممكن تنزل تاكل معايا والله ما اكلتش عشانك يلا

مروان : مش هقدر انا حقيقى مخنوق , ومتعصب مش عارف هاقدر اسيطر على غضبى لحد امتى

اميره : ليه بس كل ده , انا فاهمة , حقك تضايق ان بابا بيتعامل مع ادهم عادى , و رافض التعامل معاك , بس انا ذنبى ايه , قولي اعمل ايه , انا مقدرش اعترض مش عايزة اخسر بابا , ولاحمل خناق ومشاكل تانى , ولا اقدر اشوفك كدا قولى اعمل ايه

مروان : يمسك ايدها وبلطف ..اميرة انا فاهم , فاهم كل شئ ومقدرالموقف اللى انتي فيه , بس انتى كمان قدرينى وقدرى احساسى , غصب عنى , صعب عليا المرة دي اتخطى الموقف بكل سهولة , وكأن شئ لم يكن

,بصي انتى سبينى النهاردة اهدى وبكرة اوعدك انى هكون احسن

اميره : حاضر هسيبك على راحتك طب ممكن تاكل

مرون : مش جعان كلى انتى

اميره : حاضر تقبله من راسه و تذهب

و عند باب الغرفه تقف ثم تفتح الباب وتنظر لمروان بحزن واستياء .. انا اسفة , اسفة على كل شى بس لازم تعرف انى بحبك اوى وان زعلك ميهنش عليا ولا يهون عليا اشوفك كدا

تنزل اميره على السلم وهى مستاءه وحزينة وعيونها بها دموع لا تعرف ماذا تفعل فاخالد مازال يحاول ان يفعل اى شى ليبعد اميرة عن مروان , لا تعرف اميرة هل تقف بوجه الأب الذى هو كل شى بالنسبة لها ام تقف مع زوجها وحبيبها

تنزل اميره على سلم وتتجه الى الحديقه وتجلس على المرجيحة وهى حزينة ترجع شعرها المنسدل للخلف ثم تمسك هاتفها تفتح صور شهر العسل مع مروان وهما بغاية السعادة ثم تفتح صورها مع اسرتها ايام زمان..كان مروان واقف فى بلكونه غرفه النوم ينظر لها بحزن فهو ايضا لا يعرف ماذا يفعل بداخله بركان يغلى لكن يعلم ان اميرة مالهاش اى ذنب

صباح اليوم التالى كانت اميرة مازالت تجلس

بالحديقة على المرجيحة

و كان مروان جالس على كرسى بداخل غرفه النوم

- حديقه الفيلا 7ص

تدخل فاطمة على اميرة وهى تجلس

فاطمه : ايه اللى مصحيكى بدرى كدا يا مرمر مش عوايدك

اميره : اصل نمت بدرى صباح الخير يا دادا

فاطمه : صباح القشطه والهنا بس شكلك تعبانه ياحبيبتى مالك

اميرة : انا كويسة ممكن تحضري الفطار عقبال ماأصحي مروان

فاطمه : حاضر يا حبيبتى

تدخل اميرة داخل الفيلا خلف فاطمة لتصعد السلم لكن عند صعودها بقليل ينزل مروان وهو يرتدى ملابس خروج قميص و بنطلون

اميره : كنت طالعه أصحيك

مروان : صحيت

اميره : رايح فين انا قولت لفاطمه تحضر الفطار

مروان : عندى محاضر بالجامعه ساعه 8 بقولك متستننيش على الغدا

يخرج مروان خارج الفيلا يترك اميرة وسط حيرة وضيق

احد الكافيهات بالقاهره 1 ص

تجلس اميره ونور وحمزة على احد الترابيزات يشربون الشاى والنسكافيه ويبدو على ملامح اميره الحزن والضيق

اميره : بس انا حاسه اوفر

حمزة : لا طبعا اى راجل هيعمل زى ما عمل واكتر

نور : وهى ذنبها ايه يعنى

حمزه : ياستى ولا هى ولا هو غلطانين لكن الموضوع يضايق

اميره : يعنى اعمل ايه دلوقت

نور : بمزح . سربي فاطمة والخدامين واعملى عشوه حلوه , على قميص كدا كدا شفتشى , وكلمه حلوة على نظره سهتانه

طب مروان و وقع بالمحظور هههههههههه

حمزه : اسمعى كلامها بقت خبره

اميره : ههههههههههههه

احد المولات القاهره 2 م

نرى اميره وهى تشاهد الفتارين وتقوم بشراء ملابس نسائية ورجالية ثم تجلس فى احد الكافيهات داخل المول

الجرسون : تطلبى ايه يا يا فندم

اميره : لاتيه

الجرسون : حاجه تانى

اميره : شكرا بعد مغادرة الجرسون واثناء انتظار اميرة يتم ارسال رسالة لها من رقم مجهول

(حقيقى انتى صعبانة عليا اوى بعد كل السنين دي والحب ده يخونك مع واحدة متسواش ركزى ودورى وراه هتعرفى الحقيقة معلش لازم يحصلك كدا بعد اللى عملتيه بادهم ) تقراء اميره الرسالة وسط استغراب شديد تقوم بالاتصال بالرقم لكنه مغلق تحاول اميرة ان تهدى بصوت داخلى اكيد حد بيضيقنى ممكن تكون شرين والله لو هى لاندمها

❤️___ليلةعادل___ ❤️

فيلا مروان واميره 6 م

تدخل اميره الفيلا وهى تمسك بايدها شنط ثم تطلب من احد الخدم مساعدتها لتطلعهم الغرفة تقوم اميرة بتجهيز الغرفه بشكل رومانسى وقد أعدت طعاما بايدها ثم اخذت حمام ساخنا ثم ارتدت لانجرى وفوقيه روب ثم تضع القليل من المكياج وترش البرفان وتجلس تنتظر مروان عندما تسمع صوت سيارة تقوم بتشغيل الشموع واطفاء نور الغرفة يدخل مروان الغرفه عندما يرى ما قامت به اميرة يبتسم ويغلق الباب يقترب منها تحاوط اميرة ايديها على رقبة مروان وهو يحاوط يديه على خصرها

اميره : انا اسفه حقيقى اسفة عارفة ان المفروض كنت اتصرف بشكل اذكى لكن غصب عنى متزعلش لانى مقدرش على زعلك ممكن تسامحنى

مروان :اخر مرة

اميره : اخر مرة

مروان : لو اتحطيتى بالموقف ده تانى كلمينى وانا اقولك تعملى ايه

اميره : حاضر تقبله من ايده بحبك

مروان : يضمها وهى بحضنه .. وانا بموت فيكى

اميره : تبتعد قليلا تمسك ايده تعال بقى شوف انا عملالك ايه هتاكل صوابعك وراه

مروان : تؤتؤ بعدين

اميره : مش جعان

مروان : جعان بس جعان اميرة يشدها نحوه ويقبلها من شفايفها ويتبادلون القبلات وو..

بعد مرور وقت

نرى اميرة تنام على صدر مروان ويبان ظهرها عارى والجزء العلوى لمروان ايضا وتغطى اميره نصف ظهرها بالغطاء ويقوم مروان باللعب بشعرها ويتحدث

مروان :انا هسافر 3 ايام بس

اميره : بالنسبة ليا 3سنين

مروان : خلاص تعالى معايا

اميره : مش هاعرف بعد بكره السيمنار بتاعى

مروان : اوعدك انى هكلمك كل يوم يقبلها من خدها وايدها

اميره : بموت فيك

اليوم التالى

يقف مروان امام المرايه وهو يرتدى ملابس الخروج ويقوم بارتداء ساعة ويسرح شعره يسمع صوت هاتف اميرة الذي يتم ارسال لها عدة رسايل ورا بعض على الواتس اب ثم مرة اخرى يقترب من الهاتف ليتوقف الصوت لكنه يرى رسايل من ادهم يتحدث بجروب الشلة

يغضب مروان ويقبض على الهاتف بقوة تخرج اميرة من الحمام وهى ترتدى بورنس حمام وتنشف شعرها وتتحدث

اميرة : انا هاروح ابات عند ماما لحد ماترجع تشيل الفوطة من على وجهها تقترب من مروان بابتسامه اصلى مقدرش اقعد هنا من غيرك تنظر باستغراب لمروان الذي ينظر لها بضيق .. مالك

يرفع مروان هاتف اميرة ويطلعها على الرسايل

مروان : ايه ده

اميره : بتوتر وتقطيع بالكلام تبتلع ريقها .. ايه ده ده ده هافهمك اسمعنى بس

مروان : بقوة ونرفزة قولتلك اطلعى من الجروب باحترام مظبوط . تستغفلينى وتفضلى فيه عايزة تفضلى مع حبيب القلب يضربها بقلم بقوة تقع على الارض يرفعها من دراعها يقربه له

اميره : مروان انت اتجننت

مروان : حاجتين ما باسمحش فيهم يا اميره الكدب والخيانة يضربها بقلم مره تانية تقع على الارض يرفعها ويقربها إليه

اميره : بدموع .. مروان انت فاهم غلط

مروان : حاولت احترمك وأتعامل معاكى باحترام وأديكى ثقتي لكن الظاهر الاحترام ماينفعش معاكى والظاهر انك محتاجه تتربي من أول وجديد انا بقى هربيكى

اميره : مروان لا

يزقها مروان على السرير ويقوم بضربها بقوة

شقه د / خالد

تقف اميره امام المراية تسرح شعرها وتضع مكياج وترتدى فستان بكم طويل وكان يوجد خدش فى وجهها وجبينها تفتح الام الباب تطلب اميره منها ان تقفل لها السوسته تنظر الام الى ظهرها تجد علامات ضرب تلتفت اميره للام بعينها يلا بسرعه هتاخر ده سمينار يا ماما

فريده : ايه اللى بظهرك ده

اميره : وقعت من على السلم

يدخل خالد عليهم تحاول اميره ان تقفل السوسته بسرعة قبل ان يلاحظ الاب

فريده : خالد بص كدا على ظهرها اكتبلها حاجه بدل ما ظهرها متبهدل كدا. فى حاجه بجسمك كدا تاني

اميره :لا

خالد : فى ايه

اميره : مش مستهله يا بابا انا لازم امشي

خالد : اصبرى ورينى ظهرك

اميره : حاضر

تلف اميرة بجسمها ويفتح الأب السوسته ينظر باتساع عينيه

خالد :ضربك

اميره : لالا وقعت من على السلم

خالد : انتى فكرانى مغفل مش عارف الفرق بين الضرب والوقوع

يمسك هاتفه ويقوم بالاتصال بمروان

خالد : بغضب وقوة.. انت ازاى تمد ايدك على بنتى

هى كلمة ورقة طلاق بنتى توصلي انت فاهم

اثناء تحدث خالد مع مروان يرن جرس الباب تذهب اميره لفتحه كان شخص غريب

الشخص: مدام أميرة خالد فين

اميره: انا حضرتك

الشخص :طب انا معايا ...

استوووووب

_*~الجزء الثاني

~من

روايه الاعمى2

بقلمى ليلةعادل*~_✍️🌹❤️

الحلقه السادسه وعشرون

شقه د / خالد 9 ص

تقف اميرة امام المراية تسرح شعرها وتضع مكياج وترتدى فستان بكم طويل وكان يوجد خدش فى وجهها وجبينها تفتح الام الباب تطلب اميرة منها ان تقفل لها السوسته تنظر الأم الى ظهرها تجد علامات ضرب تلتفت اميره للام بعينيها

اميره : يلا بسرعة هاتأخر ده سيمنار يا ماما

فريده : ايه اللى بظهرك ده

اميره : وقعت من على السلم

يدخل خالد عليهم تحاول اميرة ان تقفل السوستة بسرعة قبل ان يلاحظ الاب

فريده : خالد بص كدا على ظهرها اكتبلها حاجة بدل ما ظهرها متبهدل كدا فى حاجة بجسمك كدا تاني

اميره :لا

خالد : فى ايه

اميره : مش مستاهلة يا بابا انا لازم امشي

خالد : اصبرى ورينى ظهرك

اميره : حاضر

تلف اميرة بجسمها ويفتح الأب السوسته ينظر باتساع عينيه

خالد :ضربك

اميره : لالا وقعت من على السلم

خالد : انتى فكرانى مغفل مش عارف الفرق بين الضرب والوقوع

يمسك هاتفه ويقوم بالاتصال بمروان

خالد : بغضب وقوة.. انت ازاى تمد ايدك على بنتى هى كلمة ورقة طلاق بنتى توصلي انت فاهم

اثناء تحدث خالد مع مروان يرن جرس الباب تذهب اميره لفتحه كان شخص غريب

الشخص : مدام أميرة خالد فين

اميره : انا حضرتك

الشخص : طب انا معايا ورقه طلاق ممكن تمضى عليها

اميره : تنظر له باتساع عينها ويغمى عليها

فيلا مروان واميره 8 ص

يظهر مروان نائم على السرير وبجانبه فتاة لكن لم يظهر وجهها ثم يرن هاتف مروان كان منير يفتح مروان عينه ببطئ يجلب هاتفه من الكومودينه

مروان : بنوم .. ايه يا منير اه نايم .. بخضه ... بتقول ايه اقفل اقفل

يقوم مروان من على السرير بسرعه ويرتدى بنطلونه بسرعة ثم يقترب من السرير ثم يقترب من الفتاة فجأه يظهر وجهها

انها اميرة

مروان : اميرة اميرة قومى بسرعه

اميره : بنوم .. بكرة بكرة

مروان : بكره ايه .. بصوت عالى اميرة قومى اتاخرت على الطيارة

اميره : تفتح عينيها تنظر لمروان تحاول ان تستوعب تضع ايدها على خده ..مروان

مروان : فوقى معايا وركزى معلش قومى حضريلى الشنطة لحد ماألبس اتأخرت على الطياره

اميره : طيارة امبارح .. تصمت قليلا تحاول ان تستوعب ان اللى شافته كان حلم .. فجأه تزوقه .. اوعى كدا .. تجرى على المرايه تنظر لجسمها وظهرها .. انا كويسة صح تقترب من مروان انت كويس وانا كويسة واحنا كويسين واحنا فى البيت صح مع بعض وانت مروان واقف قصادى .. بابتسامه تحضنه

مروان : اميره ابوس ايدك مش وقتك فوقى يا ماما متأخر على الطيارة

اميره : تنظر له باتساع عينيها وفجأه تصرخ بجنان ... التليفون تجرى اميرة على هاتفها تقوم بفتح الواتس اب تخرج من الجروب الذى يوجد به ادهم . بسرعه وتمسح الجروب ورقم ادهم

مروان : ينظر مروان لها وهو مش فاهم اى حاجة ثم يدخل الحمام ويغسل وجهه واثناء قيام مروان بارتداء ملابسه يتحدث .. يارب نعقل شوية وتركزى معايا شوية , بعدين البسى حاجة ماتقفيش قصادى كدا مش هاسافر بالشكل ده

اميره : ايه البس تنظر لنفسها وباتساع عينيها وجدت نفسها عارية تماما تنظر لمروان يانهار اسود تشد الغطاء تلفه على جسمها انت عايز احضرلك الشنطة صح

مروان : فوقتى حمد الله على السلامه بسرعه بقى

اميرة : دقيقة واحضرهالك

تقترب أميرة منه و تمسك ايده طلعت بتوجع اوى يا دك ربنا يجعل كلامنا خفيف عليها ثم تقوم بعناقه والله انا بحبك اوى

مروان : بابتسامه هههههههههه والله وانا بحبك بس ارحمينى مش هاسافر كدا

اميره : حاضر

تقوم اميرة بتحضير الشنطة اثناء ارتداء مروان ملابسه كانت اميره تنظر له وتبتسم ثم تذهب تقبله من خده كل شويه وتقوله انا بحبك على فكرة كان مروان يضحك على طريقتها بعد الانتهاء تقترب منه

اميره : ها خلصت

مروان : معلش يا حبيبى صحيتك بس مافيش وقت

اميره : ايه ده كنت هاتمشى من غير ماتسلم عليا ده انا كنت جتلك اسوان عضيتك من خدك ، اول ماتوصل المطار كلمنى اول ماتوصل اسوان تكلمنى فاهم

مروان : حاضر هتوحشينى اوى هافتقدك جدا وهافتقد اصحى من النوم على جنانك الحلو ده

اميره :تضع ايدها على خده ... هو انت لازم تسافر

مروان : للاسف

اميره : تتنهد تبعد قليلا طب يلا امشى بقى مش هاقدر اشوفك وانت بتمشى هاغمض عينى الاقيك مشيت يلا .. تغمض عينيها .. 123

..تفتح تجده امامها ويبتسم لها تبتسم له يشدها مروان اليه يقوم بمعانقتها وتقبيلها عدد قبلات بخدها ويقول لها بحبك

❤️____ ليلةعادل____❤️

شقه نور وحمزه 4 م

الراسبشن

تجلس نور واميرة على الكنبه بجانب بعضهم براسبشن يتحدثان

نور : هههههههههههههههههههههه يخرب بيت عقلك

اميره : والمصحف لحد ما مشى وانا مش مستوعبة انه حلم

نور : طب انتى بجد كدا مش هتبقى معانا بالجروب

اميره : مش احنا لينا جروب بتعنا احنا بس خلاص فكك من اللى كان فيه ادهم يا ستي انا مش عايزه ازعل مروان مني وحسيت ان الحلم ده اشارة من ربنا عشان أخرج منه , انا فعلا غلطت انى سمعت كلامك وفضلت بالجروب ومسمعتش كلامه , انا كدا فعلا بأخون ثقته فيا , عارفة مروان عمره ما فتش فى تليفونى حتى لما تليفوني بيرن وبيدهونى ما بيبصش على الاسم انا اوقات بطلب منه يشوف مين بيرن , بعدين ادهم لسه بيحبنى مش شايفه نظراته

نور : صح المهم بكرة بقى ركزى عشان يوافقوا على الرسالة

اميره : ان شاء الله عملتى ايه بتحليل ميمى

نور : نزلت جبتهم مافيش حاجه تصدقى مافيش حاجة باللبن

اميره : الحمد الله مستغربة ليه

نور : لان نتيجة التحليل مادخلش دماغى انتى لما طلعتى شفتى ايه

اميره : الباب كان مفتوح مروان جنبها هى عمالة ترجع وهو واقف جنبها مش عارف يعمل حاجه ، ممكن تكون اكلت حاجه من على الارض اهدى كدا مافيش حاجة ايه جالك وسواس قهرى نعالجك يا لمبه

نور: لما ربنا يكرمك هتعرفى شعورى

اميره : يارب يا نور نفسى اخلف من مروان اوى اوى

نور : ان شاء الله يا حبيبتى

نرى مشاهد سريعة خلال الثلاث ايام لاميرة وهى تجلس ببيت اهلها وهى تحضر لسمينار بتاعها ثم حضور المناقشة وموافقة اللجنة على الرسالة

من جهة أخرى نرى مروان وهو يقوم بحضور المؤتمر وايضا اتصال اميره به باليوم اكثر من مرة وهو ايضا ويتحدثو فى الليل مكالمه فيديو

مدينه اسوان 5م

مظهر خارجى لمدينة اسوان الجميلة والاثار المصرية العريقة ثم مبنى احد الفنادق من الخارج مع حركة السواح و العاملين فى الفندق ثم داخل غرفه مروان بالفندق

❤️____ ليلةعادل____❤️

غرفه مروان 5 م

يدخل مروان غرفة نومه ثم يخلع جاكيت البدلة ويجلس على السرير ويخرج هاتفه من جيبه ويقوم بالاتصال بأميرة لكنها لا تجيب

بصوت داخلى مابتردش ليه؟ يرسل لها رسالة صوتية ... ايه يا حبيبى انتى فين ردي بقى وحشتينى انا خلصت وطلعت الاوضة هاخد شاور عشان لو كلمتينى و مرادتش عليكى اموووواه ..

يضع هاتفه على الكومودينه يتصل بخدمة الغرفة ليطلعوله الغداء بالغرفة ثم يدخل الحمام ويأخذ حمامه واثناء اخذه الشاور تخرج اميرة من الدولاب وهى تبتسم وتضع ايدها على فمها تخرج له ملابس وتضعها على السرير وتبدل مكان الهاتف وتدخل مرة اخرى الدولاب يخرج مروان وهو يلف الفوطة على خصره يجد الملابس على السرير ينظر باستغراب ويهرش برأسه وهو مش مستوعب

بصوت داخلى أكيد طلعتهم وناسى ولا ايه

ثم يرتدى ملابس البيت بنطلون وتيشيرت

يطرق الباب يقوم يفتح كان الجرسون معه الغداء يأخذ منه مروان الغداء ويشد الترابيزة حتى يصل للسرير يأخذ هاتفه ويجد ان اميره لم ترى الرسالة يتصل بيها مرة اخرى لا ترد

بصوت راحت فين نايمة ولا ايه أكلم مدام فريدة هاكلمها بالفعل يتصل بفريدة تقول له ان اميرة نايمة يشعر بالاطمئنان اثناء محادثة مروان مع فريدة كانت اميره بداخل الدولاب تضحك وتقول بصوت داخلي الله عليكى يا فيفى

تبدأ اميرة بعمل اصوات لتخيف مروان يضع مروان المعلقة ينظر حواليه

مرون : باستغراب ..ايه الصوت ده

يكمل أكل يسمع مرة اخرى يقف ينظر حوله يذهب عند الباب كانت اميرة خرجت من الدولاب واستخبت ورا السرير ثم تقوم باخذ قطعة فرخة من طبق مروان

يرجع مروان لايجد الفراخ بالطبق

مروان : يبتلع ريقه .. بسم الله فى ايه

تقوم اميره بفتح النور وتغلقه اكثر من مرة وهي بتضحك وتضع ايدها على فمها مع استمرارها لعمل اصوات تخيف مروان يقف مروان وتقف اميرة خلفه وفجأة

اميرة.... مررررررروان

مروان : بفزعة اييه ياخذ نفس ويمسح وجهه انتي

اميره : تفضل تضحك وتتنطط ههههههههههههههه ايه رأيك حلوه المفاجأة مارو انا ميرو مالك هههههه ياحرام انت لسه مصدوم بس حلوة الفراخ ههههه يجلس مروان ينظر لها

مروان : والله حرام عليكى اللى بتعملي فيا ده بعد الخضة دي ماتفكريش فى العيال

اميره : تجلس على قدميه .. بس متنكرش انها عجبتك

مروان : لا وحشة وحشة اوى كمان و اوعى كدا يحدفها على السرير

اميره : كدا طب ماشى لحظة بس

مروان : هتعملى ايه

اميره : هتشوف

تبعد ترابيزة الاكل عن السرير ثم تقف امام مروان تقترب منه تقوم بمزغزغته

مروان : بس بطلى

اميره : لا أهو هههههههه

ينام مروان على ظهره من زغزغة اميرة له يحاول ابعادها لكن لا يعرف

تعتلى اميرة مروان وهى مازالت تقوم بمزغزغته

مروان : خلاص بقى ثم يضع يده على خدها ويرجع شعرها المنسدل للخلف الذى يلامس وجهه واميرة مازالت تعتليه وهو نايم على ظهره

مروان : بنظرات كلها حب وحنان .. ايه المفاجأة الحلوة دي جيتى امتى

اميره : الساعة 2 اتفقت مع منير ان اول ماتدخل الفندق يقولي أستخبي... عجبتك

مروان : هههههه احلى مفاجأة بس انتي مجنونة حد يعمل كدا

اميره : اه انا

مروان : والله . يقوم بمزغزتها

اميرة : بس بقى بطل تعضه من كتفه بدلع

مروان : ههههه لا من غير عض هههه

تنظر اميرة له تمرر اصابع ايدها على خده وحشتنى اوى اوى

ويتبدلان النظرات بابتسامة وحب وعشق

مروان : بحبك

يلف يديه حول خصرها ويقربها منه اكثر و يقبلها من خدها ويضمها

اليوم التالى

نرى مروان نايم على السرير بمفرده ثم تقترب اميرة منه وهى ترتدى ملابس خروج

اميرة : مارو مروان يلا قوم بقى نمت كتير

مروان : بنوم حبيبى سبينى انام تعبان

اميره : لا ماليش دعوة تمسكه من ايده يلا بقى قوووم

مروان : بطلي شقاوة هاخرجك بالليل ... يلف مروان ظهره

اميره : انت كمان بتلفلى ظهرك طيب

تطلع على السرير وتقف تفضل تتنطط علي السرير وهى تنادى على مروان , مروان مارووو ,يلا قوم بقى , يلا قووووم ماررررو

يفتح مروان عينه على اميرة وهى بتنط على السرير ويضحك ويشدها من رجلها ويوقعها على السرير ويضمها

مروان: بس خلاص قومت ههههههههههههه انت شقية شقية ومستحيل تعقلى

❤️____ ليلةعادل____❤️

اماكن مختلفة اوقات متفرقة بمدينة اسوان

نرى مروان واميره وهما بيتفسحو فى مدينة اسوان الجميلة وزيارتهم للأماكن السياحية هناك والمتاحف وتصويرهم ثم ركوبهم مركب صغير فى النيل ووصولهم الى جزيره هناك ثم نزولهم والاستمتاع بالتراث الاسوانى القديم ورقص اميرة مع البنات على احدى الاغانى النوبية وبعد مرور الساعات وسط ضحك وسعادة من اميرة ومروان

نرى اميرة ومروان وهما قاعدين على صخرة كبيرة امام النيل تمسك اميرة ايد مروان

ثم يعدل نفسه وينظر لها بابتسامة

مروان : تيجي مانرجعش

اميره : تنظر له بجد ينفع نقعد شوية انا مبسوطة اوى هنا

مروان : اممم هانقعد لحد ماتزهقى

اميره : مش هازهق طول منا معاك تقبله من ايده تنظر ليده وتضحك هههههههههه

مروان : بتضحكى على ايه

اميره : اصل افتكرت حاجة

مروان : ايه

اميره : اصلي بصراحة حلمت انك ضربتنى علقة سخنة

مروان : بابتسامة .. ضربتك علقة سخنة طب ماهو حلو ده

اميره : لا دماغك راحت فين ضربتنى ضرب بجد اقلام وكدا

مروان : باستغراب .. ضربتك ازاى ده متأكدة كنت انا شفتينى

اميره : اه انت والله

مروان : مستحيل متحلميش بيا كدا تانى

اميره : مش عايز تعرف السبب

مروان : تؤ لان مستحيل اعملها مافيش سبب في الدنيا يخلينى اعملها

اميره : مهما كان

مروان : امم عندك شك شايفانى مش راجل ولا ايه , اصل اللى بيضرب مراته ده مش راجل وكمان انسان ضعيف بيسقط قوته بكائن اضعف منه

اميره : انت مش فاهم اصلي كنت باكلم ادهم فى الحلم من وراك

مروان : امممم فهمت بس انتي كلمتيه كتير وعمري ماعملت كدا فى حاجات كتير ممكن اعملها غير الضرب مثلا ازعل اتجنبك اعتبرك هوا لكن ضرب ايه ده مش اسلوبى خالص

اميره : تنظر له بابتسامة .. هو انا بحبك من شويه انا اخترتك دونن عن العالم كله وتحديت الدنيا لانى عارفة مين هو مارو تضمه بحب

❤️____ ليلةعادل____❤️

(بعد مرور اسبوعين)

غرفه مروان فى فندق اسوان 10ص

تقف اميره وهى ترتدى بيجاما نوم شورت وتشيرت حملات و تقوم بوضع الشاى فى الفناجين يخرج مروان من الحمام ويقترب منها ويعانقها من الخلف يقبلها من خدها تلتفت اميرة براسها له و تقبله من خده ثم تأكله قطعه من التوست وهو مازال معانقها من الخلف

مروان :حلو اوى

اميره : تلتفت له تمسك فنجان الشاي وتعطيه له يلا تعال افطر

يجلس مروان على الكرسى تذهب اميره للكرسى المجاور له لكن بحركة سريعة يشدها مروان من خصرها لتجلس على قدميه

اميره : هههههههه مجنون

انت بقيت مجنون

مروان : انتى السبب

اميره : انا ...هتظلمنى يا دك

مروان : ايوه انتى اللى جننتينى وخلتينى مجنون اميرة

اميره : ههههه طب يلا افتح بوقك يا مجنون اميرة تاكله قطعه من الساندوتش همم هههه حلوة

مروان : يقبلها من شفايفها قبلة خاطفة... أوى

اميره ههههههه مارو انا نفسى اسألك سؤال

مروان : اسالى

اميره : طب اوعى

مروان : اسألي وانتي كدا

اميره :بابتسامة ماشى هو انت كنت بتبقى كدا مع ماجى كنت بتدلعها كدا

مروان : ليه السيرة الوحشة دي على الصبح

اميره : عشان خاطرى و متكدبش عليا عشان هاعرف واقصد في الاول ايام الجواز شهر العسل وكدا يعني

مروان : يضع ايده على شعرها يمرر اصابع ايده على خدها ثم تقبله اميرة من اصابعه وبابتسامة ونظرات كلها حب وعشق يتحدث ..

وحياتك عندى والله العظيم كل حاجة بعملها معاكى مختلفة عمري ماكنت كدا ولا عملت كدا مع غيرك , اه اكيد ماكنتش معاها وحش بس كنت عادي عادي اوى , مش زيك خالص مكنتش ملهوف عليها زيك ولا بشتاقلها زيك ولانفسي احطها قصاد عينى 24 ساعة ومازهقش منها , عارفه كداب اوى اللى قال ان الستات كلها واحدة فى العلاقة و ماتفرقش عن بعض , لا مستحيل مختلفة ميه فى الميه , وانا معاكى ببقى سعيد اوى ببقى مش عايز اوقف عايز افضل حاسس معاكى الاحساس ده , عايز افضل جزء منك وانا معاكى و جواكى حسيت احاسيس عمرى ماحستها مقدرش اوصفهالك لانها تتحس , لان مهما حاولت اوصفلك مش هاعرف , انا بحبك اوى كل ما ابص بوشك بحمد ربنا على النعمة دي ، عارفة لو قالولى ناخد منك كل حاجة مقابل ان نسيبلك اميرة هوافق انتى كل مااملك انتى كل حياتى , كل حاجه ليا انا ماليش غير فى الدنيا دي ، يقبلها من ايدها

اميره : تنظر له وعينيها بها دموع .. والله العظيم اللي انا عايشة فيه ده ولا فى الاحلام , والله أجمل بكتير من اللى حلمت بيه وتمنيته ربنا يخليك ليا يارب .. تقبله من خده بحبك تقبله مره تانيه من خده والمصحف بحبك ثم تقبله من خده مرة ثلاثة والله العظيم بحببببببااااك

المركز د/مروان فرع اكتوبر..1م

مكتب شرين

تقف شرين عند ماكنة القهوة تتحدث لم يظهر وجه الذى تتحدث معه

شرين : مش عارفة عجباك فى ايه وكمان أخدتها معاك السفارية

تقترب منه .. ببطئ وهى تبتسم وتعطى له فنجان القهوه ويظهر وجهه.... أنه شهاب

شهاب : عجبانى وزة جديدة عليا ...ماجربتش النوع ده قبل كدا

شرين : بس مش لدرجة الجواز

شهاب : هههههههههههه جواز هو ورق الكراسة بقى اسمه جواز انا لما لقيتها وافقت قولت على البركة و الورقتين معايا هاقطعهم في أي وقت لو فكرت تبلغ هاتخسر انتي ناسية انا مين

شرين : امال كنت سايق التقل عليا ليه

شهاب : أصلى ماليش بالنسوان اللى دماغها شغالة ولا لعبهم

انا مش قدك بصراحة ولا قد ألاعيبك بس لما عرفت ان كل غرضك انك تنبسطى شوية قولت وماله فى حد يقول للنعمة لا

شرين : هتعمل ايه مع شهد

شهاب : اهى موجودة والله طيبة ومطيعة بتدلعنى

شرين : بس مش زيي

شهاب : ايش جاب الوز مع الديناصور

❤️____ ليلةعادل____❤️

احد المطاعم باحد البواخر النيليه 4م

يجلس خالد معه ادهم يتناولان الغداء يبدو على ملامح ادهم الحيرة

خالد : انا مش فاهم ايه كمية الخوف دي , انا مش عايزك تبقى ضعيف كدا قصادها . ,لازم تبان انك زوج حمش

ادهم : يا انكل انا نفسى اجي معاكم لكن خايف حنين تعرف وتزعل , بعدين هو مروان هيوافق اني اجي معاكم

خالد : وايه دخل مروان , مروان مش جاي , انا مجمع الناس اللى بحبهم وبس بعدين خلاص متجيش براحتك انا عزمتك وانت شكلك من وقت ماتجوزت مش عايز يكون فى علاقة بينا

ادهم : ابدا يا أنكل, لكن حضرتك عارف بعد التطوارت اللى حصلت من جواز اميرة وجوازي خلت الموضوع فيه حساسية

خالد : اممم عظيم والحساسية دى , ليه مكنتش بجروب الشلة, اللي ولا مروان ولا حنين يعرفوا عنه حاجة

ادهم : باستغراب شديد وارتباك ... حضرتك عرفت منين

خالد : بمكر ..مش مهم , انا اقصد زى ما انت واميرة مخبيين عليهم انكم بجروب سوى , وعاملين جروبات فاك , عشان تبين قد ايه انتم بتخافو على زعلهم , ممكن تطلع الرحلة و متقولهاش

ادهم : طب واميرة رأيها ايه

خالد : لا سيب أميرة عليا , اميرة دلوقتى متقدرش تقولى لا , بتخاف على زعلى جدا ومستعدة تعمل أى حاجة , اى حاجة عشان خاطرى , ها موافق

ادهم : موافق

خالد : كمل اكلك .. ياخذ القليل من الشوربه ثم ينظر له , قولى يا ادهم ايه رأيك بالراجل اللى بيتجوز على مراته .. يعنى معه ولا ضدد

ادهم : والله يا انكل ده شرع ربنا , لكن لازم يعرف مراته يا تقبل يا ترفض , ولو رفضت , وده طبعا حقها , ممكن ينفصلوا بهدوء , لكن هو لازم يحاول يحبها يادى لنفسه فرصة وليها عشان لا يظلمها ولا يظلم نفسه

خالد : ولو فشل انه يحبها ومازال حابب الست التانية يعمل ايه

ادهم : يبقى ينهى علاقته بمراته ويسيبها لراجل تانى يستحقها ويسعدها

خالد : بابتسامة شر .. يعنى انت ممكن تتجوز مرة تانية تتجوز على حنين

ادهم : عمرى ما فكرت بالموضوع ده بس ااا

خالد بابتسامة ماكرة .. يبقى انت معندكش مانع

انت ما بتكولش ليه كل , كل كل الاكل هنا حلو اوى , هابلغ بموعد السفر لما نحدده

❤️____ ليلةعادل____❤️

فيلا اميرة ومروان 5 م

تدخل اميرة من بوابة الفيلا بسيارتها ثم تركنها وتنزل منها وهى تحمل بايدها علبه وبوكيه ورد فاليوم هو عيد ميلاد مروان 43

اميره : تتحدث مع الخادمة بالانجليزية .. ممكن تجيبى الحاجه اللى بالعربية

الخادمة : حاضر

اميره : هو دكتور مروان فوق

الخادمة : ايوة يا فندم

اميره : تمام اتفضلى انتي

تصعد اميرة السلم وهى تدندن بأغنيتها المفضلة شايف البحر شو كبير لفيروز .. ثم تدخل غرفة النوم كان مروان يجلس على الكرسى الهزاز يقرأ احد الروايات لكن مروان لا يشعر بها تقترب أميرة منه ثم تقوم بأخذ الكتاب من ايده وتخرج من الصندوق بلوره تقوم بتشغيلها

ينظر مروان لها بابتسامة ويمسك من ايدها البلورة

اميره : كل سنه وانت طيب

مروان : وانتى طيبة يا حبيبى

اميره : عجبتك

مروان : يقبلها من ايدها طبعا

اميره : تعطيه بوكيه الورد .. اقرأ الكارت

مروان : انت لست عاديا فى حياتى ولست احساسا عابرا,ولست أى انساان بالنسبة لي .. انت فى قلبى شئ يفوق نبضى

اميره : بحبك

مروان : يقف ينظر لها بابتسامة ساحرة مع ملامسة وجهها برقة ... مهما بصيت لعيونك اللى سحرانى دي , ولوشك اللى زى الملاك ده , ماشبعش منه ولا منك ابدا , نفسى اخدك جو حضنى وأخبيك عن كل العيون , تعرفى ان بصة واحدة ليكى دواء لاى مريض , بس انا انانى مش هاكتب الدواء ده لحد يقبلها من جيبنها وياخذ راسها الى صدره ثم تنظر له بابتسامة وتبتعد عنه

اميره : وراك حاجه بليل

مروان : تؤ انا منورك اليوم كله اجازة

اميره : ماشى عشان عندى ليك مفاجأة حلوة طب مش قولتلى ايه رايك

مروان : ينظر بعينه .. فستان جديد جميل بس بقى احلى لما لبستيه

اميره : مش واخد بالك تهز شعرها

مروان : مغيرتيش لون شعرك

اميره : لا التسريحة بس جبته على جنب

انت بتبص كدا ليه ده مغرمنى قد كدا

مروان :بمزح .. كنت قولتيلى وانا كنت غيرتهولك

اميره : هههههههههههه رخم

فى الليل تقوم اميرة بعمل حفلة صغيرة لها هي و مروان بمناسبة عيد ميلاده لم يحضرها احد هى وهو فقط

الراسبشن

أجواء احتفالية بسيطة. بالونات تزين المكان وعلى ترابيزة الانتريه تورته وانواع من العصير الطبيعي

تجلس اميرة وهى ترتدى فستان قصير لكنه جميل جدا ومروان بنطلون وقميص على كنبة الانتريه يحتفلون بعيد ميلاده الثالث والأربعون

اميره بمرح ....يلا حالا بالا بالا هنوا أبو الفصاد حيكون عيد ميلاده الليلة أسعد الأعياد فليحيا أبو الفصاد ههههههيي

يلا طفي الشمع و اتمنى امنية

يقوم مروان باطفاء الشمعة

تنظر اميرة له بابتسامة

اميرة : اتمنيت ايه

مروان. مع ملامسة وجهها .. اننا نبقى ثلاثة السنة الجاية واحنا بنحتفل

اميره : ان شاء الله يا حبيبى ممكن تغمض عينيك يغمض عينه يلا فتح

مروان : ايه ده

اميره : افتحها

يفتح العلبه يجد سلسلتين فضه واحدة بحرف M

والتانية حرف A

مروان : ما انتى جبتيلي هدية الصبح

اميره: لا بتاعة الصبح دي هدية كل سنة بتاعة سيندريلا

لكن دى بتاعة ميرو مراتك وحبيبتك

مروان : هههه ماشى يا ميرو

اميره : ها عجبتك انا عارفة انك مش بتلبس سلاسل بس يعنى ممكن تغير من قناعتك عشاني

مروان : أوعدك هلبسها هنا بس مش هاقدر أخرج بيها بره

اميرة : وده كفاية

مروان : يللا تعالى لبسهالى

تقوم اميرة وتلبس مروان سلسلة حرف A وهو كمان يقوم بتلبيسها سلسلتها اللى على حرف M

اميرة : كل سنة واحنا دايما مع بعض

مروان : يااارب يا قلبي

ايه مش عايزه ترقصي

اميره : يلا

يمسك مروان هاتف ويشغل اغنية

ينظر لأميرة و يمسك ايدها قربها منه بنظرات كلها حب

للاغنيه دى ليكي انتي

يقومان و يرقصان على. احد الاغانى الرومانسية (صابر الرباعى اجمل نساء الدنيا)

اجمل نساء الدنيا جوه عيوني انتي

اجمل نساء الدنيا انتي يا حبيبتي

خدني الغرام خدني لحكاية حب حلوة

عشت ليها شفت فيها اجمل حياة

انا مش مصدق نفسي انك بين اديا

من يوم ما حبك خدني مش بتنام عنيا

جوايا شوق قد الحنان اللي فعنيكي

روحي فيكي نظرة ليكي هي الحياة

اجمل نساء الدنيا في عنيا انا

ويقضيان وقت جميل سوى فى حب وسعادة

بعد الانتهاء من الحفلة اثناء صعود اميرة ومروان على السلم يرن هاتف اميرة كان بجيب مروان

اميره : تليفونى ده

مروان : امسكي

اميره : الو ايه يا شهد اه بتقولى ايه تنظر اميرة لمروان باتساع عينيها تبتلع ريقها

استووووووب

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا