رواية الاعمى الفصل الثامن عشر والتاسع عشر والعشرين بقلم ليلةعادل
رواية الاعمى الفصل الثامن عشر والتاسع عشر والعشرين بقلم ليلةعادل
روايه الأعمى
بقلمي ليلة عادل
البارت الثامن عشر
شقه مروان 10 ص
يجلس مروان فى البلكون يدخن السجائر ويشرب قهوه فى الطفايه الكثر من اعباب السجاير وثم يدخل عليه منير
منير ... مش كنت بطلتها
مروان ... (بلا مبالا ) عادى يعنى
منير ... هتفضل كدا لحد امتى
مروان ... كدا ازاى
منير ... عموما هو اختيارك ولازم تتحمل نتيجته
مروان ... انا مش فاهم انت بتتكلم عن ايه
منير ... ولاحاجه .. هتنزل المركز
مروان ... لاء محتاج ارتاح شويه
منير ... لحد امتى هتفضل مرتاح اصل الموضوع طول
مروان ... (بنفعال)... فى ايه يا منير انا مش من حقى ارتاح
منير ... طب ليه العصبيه دى
مروان ... اسالتك مستفزه
منير ... انا اللى اسالتى مستفزه ولاه انت اللى افعالك تستفز الحجر
مروان ... انا مش هدخل معاك فى نقاش
منير ... اهرب براحتك
(يتركه مروان يخرج خارج البلكونه)
- شقة اميره 7م
تخرج اميره من غرفتها وتتجه الى المطبخ ثم تاخذ احد الساككين وتخبيها فى ملابسها وتدخل الغرفه مره ثانية - اميره تقف فى وسط الغرفه ثم تاخذ احد صور مروان و تنظر لها وتبكى ثم تتحدث مع الصوره
اميره (بحزن وعتاب ) ... يرضيك اللى حصل فيا ده حتى ما كلفتش خاطرك تسال عليا ولو بتليفون تشوف اذا كان جرالى حاجه ولاه لاء , للدرجه دى ماليش اى قيمه عندك !! ياخساره حبى وسهرى واحلامى اللى ضاعت فى حبك , طب قولى اعمل ايه اعيش ازاى من غيرك انت سبتنى واخدت معاك قلبى وروحى وحياتى , انا لما قولتك انى مقدرش اعيش من غيرك كنت بقولها بجد (تتغير نبره صوتها وبحسم ) مبروك عليك انت كسبت التحدى ...
(ثم تقطع شرينها)
- الراسبشن
تخرج الام ( فريده ) من المطبخ ومعها صنيه بها سندوتشات وكوب لبن وتتاجه الى غرفه اميره واثناء سيرها كان يجلس خالد الاب على كرسى الراسبشن يقراء كتاب عندما يرها
الاب ... مش هتاكل
الام ... تنظر له .. سبنى اجرب واطمن عليها بالمرة
الاب ... ادخلى بس متتغطيش عليها
الام ... حاضر
تدخل الام الى الغرف اميره , تتفاجئ ان اميره تقع على الارض ترمى الصنيه وتجرى على اميره ثم ترا الدم تنادى على الاب بخوف وزعر
الام ... خالد خالد الحقنى ..اميره
(يدخل الاب الى الغرفه مسرعا )
الاب ....(بخضه ). فى ايه ايه ده هاتى اى حاجه اوقف الدم بسرعه
تقوم الام وتعطيه احد الاشربات ثم يقوم بربطها ويحملها ويذهب الى المستشفى الخاصه به
- مستشفى دكتور خالد 8 م
الام تقف فى الخارج متوتره وتدعى ربنا ثم يخرج الاب خارج غرفه تجرى عليه الام
الام ... ايه يا خالد طمنى
خالد ... الحمد الله لحقنها
الام ... الحمد الله
الاب ... (بغضب ) بنتك اتجننت رسمى كل ده عشان الزفت اللى اسمه مروان
الام ... بتحبه ولازم تشفلك حل انا مش هستنى لما بنتى تضيع منى
الاب ... (باستغراب ) عايزانى اروح اقوله وانبى تعال اتجوز بنتى
الام ... فيها ايه مصلحة بنتك اهم
الاب ... مصلحة بنتى انها تتجوز واحد بسنها مش قد ابوها اللى عامله صح
الام ... خلاص يا خالد سيب بنتك لحد ما تموت وساعتها هتندم
( ثم تذهب الام وتدخل الى الغرفه )
-غرفه اميره فى المستشفى
الاب والام فى الغرفه يجلسون على الكنبه االتى بجوار سرير اميره ثم تبداء اميره بتفتيح عينها ببطئ
اميره اااااااه ايه اللى حصل.......تتذكر ثم ... (تلتفت بجسمها الى الجانب لاخر)
الاب ... طبعا مش قادره تحطى وشك فى ووشى
الام ... (تقوم وتجلس جنبها وتقبلها ) ... خلاص يا خالد الحمد الله المهم انها بخير كدا يا مرمر للدرجه دى مش عايزه تقعدى معانا
اميره ... اسفه يا بابا والله مش عارفه ازاى عملت كدا حقك عليا حقك عليا يا ماما
الاب ... ربنا يهديكى المهم محدش يعرف اللى حصل ده حتى اخواتك هنقولهم تعبتى من قلت لاكل
الام ... هى هتخرج امتى
الاب ... النهارده اطمن بس عليها اكتر
- مركز دكتور مروان للعالج النفسى 9ص
داخل احد القاعات دكتور مروان يلقى محاضره لكنه مشوش وفاقد تركيزه ياتذكر اميره ثم يعتذر عن المحاضره ويخرج خارج القاعه ويذهب الى المكتب
مكتب مروان فى المركز الخاص به مروان يجلس على الكرسى المكتب ثم يدخل عليه منير
منير ... لا احنا مش هنرجع تانى للصفر
مروان ... يابنى مرهق عادى يعنى
منير ... مروان ما تضحكش على نفسك انت تعبان من بعدها
مروان ... (بعصبيه ) ... ولا تعبان ولا حاجه ايه انا بقيت دكتور مروان عزت اشهر دكتور عالج نفسى فى شرق الاوسط والعالم من غيرها
منير... عارف بس ياريت انت اللى تخليك فاكر
شقة اميره 12 م
تستقبل ياسمين اميره ووالدها ووالدتها عند الباب وبلهفه
ياسمين ... فى ايه ايه اللى حصل
الاب ... مافيش اميره ضغطتها وطى من قلت الاكل بس
ياسمين ... انتى كويسه
اميره ... الحمد الله يا سمسم
الام ... خلاص يا ياسمين سيبى اختك ترتاح يلا يا مرمر ادخلى ارتاحى لحد محضر الغدا
اميره ... حاضر
الام ... ياسمين مع اختك
ياسمين .. (تسند اميره بغضب) تعالى يا مرمر الله يقطعك يا مروان يارب
لقطات سريعه فى شقه اميره خلال اسبوعين هى مش عارفه تنام وهى تجلس فى اى مكان فى الشقة على السفره وهى تشاهد التلفزيون و هى تنظر الى المرايا ترى مروان , فى يوم وهى فى غرفتها تصرخ
اميره ...(بعصبيه ) ... ابعد عنى بقا كفايه سبنى اعيش (ثم تنظر الى البرواز والصور وهى تقف فى وسط الغرفه ,.ثم تقوم باخذ كرتونه كبيره من تحت السرير وتضع فيها جميع صور مروان والتى تجمعها بيه ايضا , والبرواز وكل الهدايا ثم تمسك مذكراتها وتفتح احد الصحف التى مدون بها زكريتها معه تبكى , ثم تضعها مع الباقى ثم تخرج خارج الغرفه وتذهب
سطح العماره اميره 10م
تقف اميره فى سطح العماره امام الكرتونه و بايدها ولاعه وتبكى تتذكر بعض كلمات القاسيه التى قالها مروان لها
(انا ما بحبكيش.. اعملك. ايه مش ذنبى ...متحسبنيش عن خيالتك واوهامك ..مش انتى الست اللى اتجوزها) (تمسح دموعها )
اميره ... انا قولتك انت صفحة ملعونه فى حياتى ولازم احرقها
(ثم ترمى الولاعه وتحرق كل شى فى الكرتونه)
- شقه اميره 10 م
بعد نزول اميره من السطح تفتح باب الشقه كانت الام وياسمين يجلسو براسبشن ثم تدخل اميره ووجهها عليه اسود وايدها
الام ... (بخضه ) كنتى فين
اميره ... حرقته حرقته خلاص
(ثم تذهب الى غرفتها اثناء سيرها تقول نفس الكلمه) ...
انا حرقته يا ماما حرقته خلاص (ثم تغلق الباب ) (الام تقف تنظر حزينه الى بنتها)
ياسمين ... بحزن .... ماما لازم تشوفى حل ... بقولك ما تكلمى بابا نسافر ايطاليا هى بتحبها
الام ...هى اختك محتاجه سفر
ياسمين ... نجرب مش هنخسر حاجه
الام ... طيب هكلمه
(بعد مرور ثلاث اسابيع)
- ايطاليا امكان محتلفه اوقات مختلفه
وبلفعل تذهب العائله الى ايطاليا مدينه (البندقيه / فنسيا ) مظهر خارجى لشاورع المدينه وجمالها الساحر تظهر لقطات سريعه لاميره والعائلة وهم يخرجون فى الشاورع وجالسون فى المطعام وكفيهات لكن اميره كانت طول الرحله سرحان لا تتحدث مع احد مكسوره هم لا يعرفو ماذا يفعلو
فندق ايطاليا 11م
غرفه اميره - تطرق الام الباب وهى ترتدى ملابس خروج ثم تفتح لها اميره وهى ترتدى ملابس بيت بنطلون وتيشرت
الام .. لسه مالبستش
اميره ..( تدخل لداخل الغرفه والام خلفها ) ماليش نفس اخرج
الام .. لحد متى
اميره .. صدقينى معنديش اجابه ماما ممكن نرجع
الام .. عشان تفضلى مكتئبه
اميره .. ده على اساس انى هنا فى منتهى سعاده بص صدقينى مره دى غير انا هبقى بخير
الام ... ماشى انا هروح اقول لخالد ربنا يهديكى يا بنتى
تخرج الام وتغلق الباب ثم تتغير ملامح اميره قليلا لقوه !!
مطار القاهره الدولى 1م
الاب والام وياسمين واميره واقفين امام موقف السيارات ويقوم احد الاشخاص بتحميل الشنط ثم يركبو العربيه وترحل
شقه مروان 5م
تقوم الام بزيارة مروان فى بيته تطرق الام الباب ثم تفتح لها الدادا
الام ... مساء الخير دكتور مروان هنا
الدادا ... ايو نقوله مين
الام ... المهندسه فريدة
الدادا ... حاضر اتفضلى لحظه واحده
تدخل الدادا على مروان وهو يجلس فى غرفه فى المكتب على الكنبه وهو يفكر يبدو على ملامحه الحزن يرتدى ملابس البيت بنطلون وتيشرت
الدادا ... مروان فى واحده اسمها فريده عايزك
مروان ... مهندسه فريده خليها تتفضل بسرعه
تدخل الام داخل الغرفه و يقوم مروان بستقبالها
الام ... خليك مستريح ازيك يا دكتور اسفه جدا انى جيت من غير ميعاد
مروان ... حضرتك تاجى فى اى وقت تشربى ايه
الام ... ولا حاجه انا عايزه اتكلم معاك ممكن
مروان ... طبعا ماما فاطمه اعملى لمدام فريده قهوه مظبوطه
الدالد ... حاضر وهعملك انت ليمون يروق اعصابك
(بعد خروج الدادا تجلس الام على الكرسى المجاور للكنبه)
الام ...( باستغراب ) عرفت منين ان قهوتى مظبطه
مروان ... انا مابنساش اى حاجه اميره بتقولها
الام ... للدرجه دى
مروان ... اميره انسانه غاليه جدا عليا وبحترمها جدا
الام ... كويس انك فتحت الموضوع
مروان ... خير
الام . .. سؤال وتجاوبنى عليه بكل صراحه انت بتحب بنتى ؟
مروان ... انا
الام ... رد عليا ارجوك وصارحنى
مروان ...(يبدء ان تتغير نبره صوته لحزن) انا مخنوق وهى مش معايا , تحسى حضرتك ان فيه حاجه اساسية فى حياتك انتى متعودة عليها وفجأة تضيع منك تختفى , زى روح الانسان لما بتروح الانسان بيموت , انا كده واحد ميت ميغركيش اللى انتى شايفاه انا واحد ميت , ولكن اسف مش هقدر ابقى انانى وافكر فى نفسى وبس , انا مستهالهاش ولا استاهل حبها ليا
الام ... (بإنهيار وعياط ) ... بنتى هتموت منى يادكتور
مروان ... اكيد هتبقى كويسه واحسن من الاول
الام ... بنتى قطعت شرايين ايديها علشان فكرت للحظه انها مش هتبقى معاك تانى , انا عمرى ما اترجيت حد لكن علشان بنتى متضيعش منى اعمل اى حاجه ارجوك يادكتور
مروان ... (بخضه) ... ايه هى كويسة ارجوكى متخبيش عليا هى بخير
الام ... ما تقلقش هى بخير لحقنها الحمد الله
مروان ... (بعصبيه) ... هتفضل متهوره ومجنونه مش هتعقل
الام ... مروان على فكره حرقت كل حاجه تخصك وسافرنا بس حتى واحنا هناك تايها مش معانا انا عايزك تتجوز اميره
مروان .... مدام فريدة صدقينى شرف ليا انى اتجوزها , شرف لاى راجل فى الدنيا ان اميره تكون مراته , بس حضرتك شايفه ظروفى هى تستاهل انسان افضل
الام ...(بستغراب ) ظروف ايه انا بترجاك انا مش فاهمه انت ليه رافض كدا مع انك بتحبها
مروان ... (بنفعال ) ... لانى اكبر منها ب 15 سنه و كمان فاقد للبصر , ايه ذنبها تربط نفسها بواحد عاجز , ايه ذنبها تاخد واحد عاجز مش شايف حتى البنت الوحيدة اللى حبها ازاى تقدرى تقوليلى ازاى , اميره من حقها تتجوز شاب فى سنها يسعدها انا ابقا انانى لو وفقتها على اللى عايزه
الام ... عارف ان بينى وبين خالد 10 سنين وكمان خالد عنده سكر من قبل الجواز اكيد حضرتك عارف ان السكر يورث
مروان .. مدام فريدة دى حاجه ودى حاجه ... (قبل ان يكمل كلامه)
الام ... ( بحكمه ). مروان بص انت راجل محترم جدا بنتى من وقت ما عرفتك وهى بتتغير للافضل بتعلى , انا بشوف ان هو ده الحب الحقيقى الحب اللى يغيرنى للافضل مش بالهدايا وانه كل يوم يكلمنى بساعات , انا طول عمرى بدعى لبناتى ربنا يرزقهم برجاله اللى ديما يقفو معاهم ويعلو من شئنهم ويتقو الله فيهم وانا مش هلقى احسن منك لبنتى
مروان ...(بحزن ) مدام فريده دى شاهده والله اعتز بيها بس صدقينى مش هقدر , مش تقليلا من قيمه اميره لاء , ربنا واحده يعلم هى بنسبه ليا ايه بس انا ابق انانى لو وفقت
الام ... انا مش عايزه اجابه دلوقتى فكر ورد عليا
مروان ... (بحزن شديد) ... اقسملك لو انا بظروف تانيه كان زمانى متجوزها من زمان , بس الحمد الله على كل حال
الام ... عارف انا كنت فاكره ان حب بنتى ليك ملهوش حد , طلع حبك ليها اكتر بكتير عن اذنك
(تخرج الام خارج المكتب ثم يبكى مروان )
... ويقول يارب قوينى
عايزين تعرفه ايه اللى هيحصل تابع
رجاء محدش ينسى يحط الليك
#الاعمى
#بقلمى_ليلةعادل
روايه الاعمى
بقلمى ليلة عادل ✍️🌹
البارت التاسع عشر
نادى الظابط 2م
تجلس اميره على احد التربيزات تشرب عصير وهى سرحانه وكان يمشى بقرب منها ادهم ثم يشاهدها من بعيد فيتقدم نحوها ويقف بجانبها
ادهم ... عامله ايه
اميره ...(تنظر باستغراب وببتسامه ) ادهم ازيك
ادهم ... الحمد الله ممكن اقعد معاكى
اميره ... (تشاور بايدها وبتسامه ) طبعا اتفضل
ادهم ... انتى عضوه هنا
اميره ... لاء قطعه تذكرة
ادهم ... ههههههههه ممكن نعرف سبب تشريفك فى نادينا المتواضع
اميره ... بصراحه لان ده المكان الوحيد اللى متاكده ان محدش هياجى فيه يعرفنى
ادهم ... ليه
اميره ... محتاجه اقعد لوحدى
ادهم ... (يقوم من على الكرسى ) اسف عن اذنك
اميره ... اقعد اقعد مقصدش
ادهم .. مش عايزاكون مضايقك
اميرة ... لالا بالعكس اقعد بقا
ادهم ... (يجلس ) ماشى ايه احكيلى عاملتى ايه الفتره اللى فاتت
اميره ... سافرنا ايطاليا
ادهم ... واو
اميره ... ايه نظره الحقد دى
ادهم ...(بمزح ) بحسدك بصراحه انا هموت على اجازه مش عارف نفسى اروح حتى جمصه
اميره .... جمصه هههههههههه بقولك انت اللى مش حابب تسافر متمثلش معلش يعنى البلد مش هتخرب لو سيادة وكيل النيابه ادهم عمران اخدلو اجازه يومين
ادهم ... ههههههههههه بصراحه اه اصلى غلبان وسنجول ومش لقى حد ياجى معايا , اصحابى بيجو بمراتتهم يا البنات اللى مرطبتين بيهم وانا بقعد عزول
اميره ...يا حرام صعبت عليا خلاص هتبرع وجاى معاك
ادهم ... اكون ممنون لسعاتك يا فندم هههههههههههه
اميره ... (بالاطة) ... العفو
ادهم ... هههه احكيلى بقى عامله ايه دنيتك ماشيه ازى
اميره .. والله تمام هو موضوع فعليا صعب كل متفكر ان كان بيبنى وبين حبل المشنقه شعره اموت من الخوف
ادهم .. اميره انتى اللى خلقتى الشعره دى بكدبك
اميره .. بقولك ايه غير الموضوع انا جاى اغير جو
ادهم .. طيب انتى ليكى فى البولنج
اميره .. امممم عمرى ما جربنه
ادهم .. طب تاجى معايا واعلمك
اميره .. موافقه بس بشرط
ادهم ... اللى هو
اميره .. للى هو بعد متعلمنى نلاعب بعض ولما اكسبك وهكسبك مافيش كلام تنفذلى اى طلب اطلبه منك
ادهم .. بس كدا اعتبرى نفسك كسبتى من دلوقتى
اميره .. قشطات يلا بينا
- صاله البولنج 5 م
يقوم ادهم بتعليم اميره العبه وهم يضحكون واثناء شيل اميره الكوره تقع منها وتقع معها ويضحكون جدا واخره وهو ينظر لها بتسبيلة واعجاب بعد الانتهاء
اهم .. ببتسامه ايه ده وامال لو بتعرفى كنتى عملتى ايه
اميره ..هههههه يعنى انت مخسرتش نفسك
ادهم هههههههههه لا طبعا
اميره عينى فى عينك
ادهم .. اهو ههه ها ايه بقى الطلب
اميره .. بص انا بفكر ارجع اذاكر وخلص الرساله فايعنى محتاج اروح مصلحه السجون وكدا قابل حالات ممكن تساعدنى
ادهم ... بس كدا
اميره ... بس كدا
ادهم ... حاضر
اميره .. متشكره جدا
شقه اميره 8 م
تدخل اميره الشقه والام تجلس فى الراسبشن ومعها ياسمين
الام ... ايه يا مرمر كنتى فين
اميره ..(.تجلس ) روحت النادى حتى قبلت ادهم
الام ... هو ادهم عضو
اميره ... لاء روحت نادى تانى
ياسمين ... ياسلام على الصدفه
اميره ... بنتك دى خفه جدا
ياسمين ... المهم ايه اللى حصل
اميره ... ولا حاجه اتكلمنا شويه وبس
ياسمين ... ماما احنا لازم نعزمه على الغدا الراجل كان جدع مع مرمر ماسبهاش
الام ... طبعا هقول لخالد
لقطات سريعه لاميره وادهم وهم يجلسون فى النادى و يتحدثون واخره وهم يتحدثوا على التليفون ويضحكوان واخره وهو معها فى السجن وهى تقوم بمقابله المساجين واخره لاميره وهى بتذاكر)
ادهم -
ادهم كان يساعد اميره للخروج من حالتها النفسيه السئ ظل بجانبها يساعدها ويهتم بها وبتفاصلها حتى اصبحت افضل واقوه - ولما لا فهو يحبها من اول نظره عندما راها عند دخولها عليه المكتب فاميره اصبحت حلمه الجديد – لكن هل ادهم اصبح حلم اميره الجديد سنعرف
شقه اميره 4م
غرفه السفره ادهم معزوم على الغدا , يجلس ادهم واميره والاب والام وكريم وياسمين وعلى ترابيزه طعام على كل لون
الام ... اتمنى يكون الاكل عجبك
ادهم ... طبعا يا استاذه فريده جميل جدا تسلم ايدك
الام ... استاذه مين احنا فى القسم قولى طنط فريده انت قد كريم
ادهم ... حاضر
الاب ... قولى بقا يا ادهم انت عامل ايه فى شغلك
ادهم ... الحمد الله مافيش قواضى صعبه الايام دى
ياسمين ... يبقا تاخد اجازه تطلع معانا الساحل مرمر قالتلى انك بقالك فتره ماخدش اجازه
ادهم ... اه فعلا بس
الاب ... مافيش بس تعال انت بقيت من العائله ولاه ايه يا مرمر
اميره ... اه طبعا يا بابا بعدين هو قالى انه هيسبقنى فى العوم وانا بتحداه
كريم ... نصيحه اهرب
ادهم ... ههههههههههههه اشمعنا
كريم ... بتعرف تعوم حلو اوى ونفسها طويل
اميره ... يخربيت النق هغرق كدا
ادهم ... متخافيش هنقذك
اميره ... لاء كدا كتير كفايه مره
ادهم ... مهما تقعى فى مشاكل انا جنبك متخفيش انا مستعد انقذك فى اى وقت
(نظرات من الجميع )
الام ... خلاص هنظبط كدا عشان شغل خالد فى المستشفى والعياده ونقولك
ادهم .. تمام
الام .. كمل اكلك
(وبلفعل بعد ايام قليله تذهب العائله واصديقاء اميره وادهم الى الساحل الشمالى فاولدها يمتلك شالية مطل على البحر هناك نره لقطات سريعه لاميره وادهم وباقى العائله وهم بيعومو وهما قاعدين على البحر وهما خارجبن وعلى ملامحهم السعاده فهم قضى اربع ايام فى منتهى الجمال - اميره اصبحت تضحك مثل قبل وكانت دائمه التواجد مع ادهم هل اصبحت اميره تبادل ادهم نفس الشعور؟ هل نسيت حبها العظيم لمروان ؟ هل نجح ادهم سنعرف؟
- الساحل الشمالى 10 م
الشاليه - على شاطئ البحر تجلس اميره وهى تسمع اغنيه (ادى الربيع ) لفريد الاطرش وتندمج معها - وكان يقف على نافذه الشاليه المطل على البحر ادهم يرقبها وهو يشرب سجاره ثم يقوم بحدفها و يذهب اليها ببطى يسير نحوها وهى لا تلحظه
ادهم .. زوقك حلو اوى
اميره ..(ببتسامه ) .. تقصد غريب اوى
ادهم (يجلس بجانبها ) ..ليه بتقولى كدا
اميره .. مبقاش حد من جيل ده بيسمع لاغانى دى قليل اوى اللى لسه بسمعهم
ادهم .. عندك حق بس ده ميمنعش ان بجد زوقك حلو على فكره انا مستمع جيد للاغانى القديمه خصوصا العندليب وعبد الوهاب
اميره.. (بمزح ) ونبى انا قولت عليك بتفهم من اول مشفتك
ادهم .. هههههه ميرسى (يصمت قليلا وينظر الى البحر ثم ينظر لها وبتردد ) اميره كنت كنت عايز اقولك حاجه
اميره .. اكيد اتفضل (تقفل الاغنيه )
ادهم (بثقه ولكن بنظرات رومنسيه ) بصى انا راجل تغرى اوى ماليش بتحويرو كلام بتاع شباب دلوقتى انا قبل مجيلك قعد مع د/ خالد وتكلمنا فى الموضوع بخصوصك
اميره (تلتقت انفسها ) اللى هو
ادهم .. طلبت ايدك منه بصى يا اميره ولدك ولدتك وثقين فيا جدا لدرجه انهم مقعدنى هنا معاكم وانا مش من العائله يعنى لسه عرفنى فامينفعش اخون ثقتهم بيا عشان كدا كلمت ولدك قبل مقعد معاكى
اميره .. وانا محترمك جدا بس
ادهم .. من غير بس انا فاهم كل شى بس محتاج فرصه فكرى وانا مستنى ردك
اميره .. ادهم
ادهم .. يقف خاليكى واثقه اى ان كان قرارك متوقف عليه حاجات كتير وانا مش عايز اضغط عليكى بكلام مش هيفدنا بشى اعتقد لما اسيبك تفكرى من غير ضغط افضلنا عن ازنك
بعد رحيل ادهم تجلس اميره تنظر له هو يسير محتاره ثم تنظر للبحر محتاره تضع ايدها على وجهها ثم جيبنها وتمسحه ثم ترجع ظهرها للخلف ثم تقوم بتشغل باقى الاغنيه وهى بحيره
احد الكفيهات 8م
داخل الكافى - يجلسوا احد الترابيزات اميره ونور وحمزه يتحدثوان
حمزه ... بصراحه راجل جدع كويس واقف معاكى وبيدعمك وكان فى الرحله ايه عبد الحليم فى نفسه الشرطه طلعت رومنسيه هههههه
اميره ... هههههههه جدا بس بردو مش بحبه
نور ... ليه يعنى يابنتى ما تادي فرصه
اميره ... انا خلاص قلبى مات
حمزه ... ليه بس كدا عيشى حياتك تجربه وتعلمتى منها
اميره ... تجربه قاسيه بقولكم انا مش عايزه افتكر حاجه المهم ها هتتجوزه امتى يخربتكم
حمزه ... اتلمى انتى بقا عشان انا مش عارف اتجوز بسببك
اميره ... هههههههههه اتلكك بيا يا واد اتلكك امتى بجد
نور ... الاسبوع اللى جاى كتب الكتاب والفرح الخميس اللى بعدو
اميره ... بجد الف مبروك ايوا كدا خلونا نفرح , وانا كمان رسالتى كمان شهر يعنى تتجوزه بسرعه عشان تحضرو المناقشه
حمزه ... طبعا يا روحى ده انا جايبلك زماره بتعت الماتش عشان نحتفل بيك يا دكتور يا جامد يا مشرفنااااا (يقرصها من خدها بدلع )
- شقه مروان9 ص
البلكونه - يجلس مروان فى البلكونه مربى دقنه باين عليه التعب والحزن على الارض الكثير من عئاب السجائر وعلى الترابيزه الكثير من فناجين القهوه يدخل عليه منير
منير ... مروان مش هتنزل المركز
مروان ... لاء
منير ... طب اقول ايه للناس بتوع البرنامج
مروان ... مش موافق.
منير ... لا اله الا الله....لحد امتى طيب
مروان ...(بغضب ) فى ايه
منير ... فى انك كل يوم بترجع الف خطوة لورا انت بتعمل فى نفسك ليه كدا مش ده اختيارك
مروان ... (بنفعال شديد) ... ايوا ايوا اختيارى ومش قدو خلاص ارتحت مش هو ده اللى عايز تسمعه سبنى بقا
منير... (بنفعال ) ... لاء مروان مش هو ده اللى عايزاسمعه انا بس عايزك تكون اقوى من كدا
مروان ... (بحزن وتمتلى عيونه بدموع ) ..انا تعبان يا منير تعبان بجد
شقه اميره 8 م
(العائله كلها براسبشن)
الاب ... ها يا اميره فكرتى
اميره ... بابا انا لسه خارجه من قرف
الاب ... ما ده اللى هينسيكى القرف
اميره ... انا لو ارتبطت بادهم هبقى بظلمه هو ما يستهلش ده
الاب ... الراجل طلب ايدك منى انا مارضتش اقوله حاجه غير انى اخد رايك واحنا رجعنا بقلنا فتره من الرحله لحد امتى
كريم ... سبها لحد متناقش الرساله عشان تقدر تفكر صح
الاب ... ماشى
اميره ... المهم محدش ينسى فرح نور حمزه بكره ها انا هبقا مع نورمن الصبح تعالو انتم
- شقه مروان 2 م
غرفه نوم مروان - مروان واقف يرتدى بدله جميله وشكله زى القمر ومازل بدقن وينتظر منير
منير... ايه يا مروان
مروان ... عايزك تودينى فرح حمزه و نور
منير ... اتعزمت
مروان ... لاء بس انت معزوم
منير ... بلاش
مروان ... هقف من بعيد نفسى اسمع صوتها احس بوجودها جنبى بس بقولك محدش يشفنا
منير ... طيب اعمل فيك ايه دماغك دى العنيده دى
- احد الحدائق 3 م
فى احد الحدائق مظاهر احتفال حركه من الجميع وهم فى منتهى السعاده فرح كبير وزغريت واغانى شغاله نور ترتدى فستان فرح فى غايه الجمال وحمزه يرتدى بدله سوده وشكلهم زى القمر واميره ترتدى فستان بسيط وشكلها جميل تقف اميره بجوار نور وحمزه هى بتضحك وكان يقف مروان من بعيد هو ومنير لا حد يلحظ وجودهم
مروان ... ها احكيلى لبسه ايه عاملة ازاى
منير ... فستان كشميرى وقط بس طويل شكلها زى القمر احلى من العروسه بتضحك مع حمزه
مروان ... (يبتسم ) ... الحمد الله.........كمل
منير ... دخل عليهم ايه دى
مروان ... ايه
منير ... ده الظابط ادهم واقف مع اميره وشكله واخد عليها اوى
مروان ... (يشعر بالغيرة) ... ازاى يعنى
منير ... (يسكت ) ... يعنى بيضحك معها
مروان ... متكدبش عليا حاطت ايدو عليها صح
(فى نفس اللحظه يطلب الدجى برقص سلو )
مروان ... ايه اللى حصل
منير ... يلا يا مروان مالهاش لازمه الوقفه دى
مروان ... (بعصبيه) ... ايه الحصل
منير ... بيرقص معها
مروان ... (نظرات حزن عيونه تمتلاء بدموع) ... كمل
منير ... عادى بيضحكو سو
مروان ... اممممممم
منير ... طيب يلا نمشى بقا
مروان ...عايزاسمع صوتها روح كلمها
منير ... طيب استنى هنا تعال كدا عشان متشفكش (يقف خلف احد الاشجار )
(يذهب منير الى اميره هى ترقص مع ادهم)
منير ... ميروووو
اميره ... استاذ منير والله وحشنى جدا
منير ... وانتى عامله ايه اسف ازيك
ادهم ... الحمد الله ميرو هستناكى هناك
اميره ... ماشى
منير ... تعال نقف كدا على جنب
اميره ... حاضر
(يمشون شويه يقفون قريبا من المكان الذى يقف في مروان)
منير ... ها قوليلى عامله ايه فى الرساله
اميره ... اهو خلاص هنقشها كمان اسبوع لازم تاجى طبعا
منير ... اكييد هو ايه هنسمع مبروك قريب
اميره ... احتمال طلب ايدى اكتر من مره وانا بفكر مستنى بس اخلص الماجستير
منير ... مبروك مقدما
اميره ... مش اوى كدا ههههههههههه
(يدخل عليهم ياسر)
ياسر ... انتى يابنتى وقفه هنا و نور بتسال عليكى
اميره ... اسفه لازم اروح لمبه هتبهدلى عادى مش هيهمها فرح
منير ... روحى عقبالك
اميره . شكرا
ثم يذهب الى مروان - مروان يقف لكن عيونه بها دموع وحزين
منير ... ها سمعت
مروان .... اممممممم يلا
منير ... مش هتقول حاجه
مروان ... يلا
منير ... (بحزن)... حاضر هات ايدك
(بعد مرور اسبوع)
احد القاعات فى الجامعه القاهره 10 ص
اميره تقوم بمناقشه الرساله وسط حضور العائله والاصداقاء وادهم .. اميره تقف عند المنصه , والجميع يجلسون يستمعون اليها وعندما تنتهى
العميد ... تم منح للدرجه الماجستير للطالبه اميره خالد الشريف بتقدير امتياز مع مكتب الشرف
(يسقف لها الجميع)
اميره ... ممكن اقول كلمه.............احب اشكر كل الناس اللى وقفت جنبى ودعمونى بحب اشكرهم فرد فرد , اهلى واصحابى و كل الاساتذه الكرام اللى واثقت فيا وخلونى اكمل بعد المشكله اللى حصلتلى وبعد اعتذار د مروان عن الاشراف عن الرسالة.
(تصمت قليلا .... عيونها تمتلئ بدموع وبحزن )
كان نفسى يكون معايا النهارده شخص عزيز عليا جدا بسببه انا واقفه هنا , هو اصلا صاحب الفكره انى اكمل بس شكله حتى دى استكترها عليا انه يبقا جنبىّ ! (ثم تصرخ وبجنان ) انا بقيت دكتوررررررررررررررة
(ثم تنزل من على المنصه وتجرى الى العائله والاصداقاء وادهم ثم يقومو بعناقها وتهنيئها كان يقف من بعيد مروان و معه منير يشاهدها كان يبتسم فرحان بها وعند سماعه ما قالته عنه تحولت الابتسامه الى حزن
مروان ... يلا نمشى
منير ... انا مش فهمك طلبت مننا ليه ناجى هنا مدام مش هتقولها مبروك حتى
مروان ... كان نفسى اشوفها وهى بالروب وهى بتتكرم وبتنجح وبتكبر
منير ... (نرفزه ) انا معرفش انت ليه بتعمل فيك وفيها كدا
مروان ... يلا نمشى قبل ما حد ياخد بالو
منير ... يلا
-داخل القاعه مره اخره اميره هى تقف بجانب ادهم
اميره ... (بمتنان ) شكرا بجد انك حضرت معايا شكرا على كل حاجه عملتها معايا الفتره اللى فاتت و دعمك ليا
ادهم ... (بحب) ... شكرا ؟ هو فى بنا شكرا , اميره انتى غاليا عليا اوى وبحبك , انا فرحتى بيكى ما تتوصفش انك رجعتى قوية زى زمان
اميره ... (نظرات خجل) ... طب ايه مش هنمشى
ادهم ... يلا
(بعد مرور فتره)
؟؟؟؟؟
ايه اللى هيحصل
روايه الاعمى
بقلمى ليلة عادل ✍️🌹
البارت عشرين
شقه مروان 5 م
مروان يجلس فى البلكونه يدخن سجاير ثم يدخل عليه منير
منير ... مارو عامل ايه يا حبيبى
مروان ... الحمد الله
منير ... عندى خبر ليك حلوى اوى
مروان ... خير
منير ... (يجلس امامه على على سن الترابيزه ) بص بقا فى دكتور فى انجلترا بيعالج نفس الحالات اللى زى حالتك دى وعامل عمليات كتير ونجحت
مروان ..(بياس ). تانى عمليات تانى لاء يا منير مش هجرى ورا سراب مره تانيه بعدين انا خلاص اتعودت
منير ... هتخسر ايه لو جربت انت مش نفسك تشوف اميره
مروان ... اوى
منير ... خلاص يبقا نسافر ونجرب
مروان ...عندك حق فعلا لازم اعملها عشانها عشان اشوفها وهرجع على شانها
منير ... ارجع عشان نفسك وحياتك مش عشان اميره
مروان ... اميره هى مستقبلى وحياتى لو هعمل العمليه يبقا عشنها هى
منير ... بقولك مش فارق معايا تعملها ليه ولمين المهم تعملها انا هبداء فى الاجراءات
مروان ... ماشى
- العربيه اميره 8م
اميره تسوق وتجلس بجورها نور
اميره ... مش فهمه احنا رايحين فين
نور ... سوقى بس لحد العنوان اللى قولتك عليه
اميره ... حاضر
- باحد الكافيهات المطلى على النيل 8م
تنزل اميره من عربيتها ومعها نور– ثم يسيرون حتى وصلهم الى باب الكافى وقبل دخول اميره الى الكافيه تقوم نور بربط اسكرب على عين اميره
اميره ... (باستغراب ) بتعملى ايه يابت
نور ... استنى بقا امشى معايا
اميره ... اما نشوف اخرتها ايه معاكى .اوعى اقع
نور ... متخفيش
(عند دخلهم الى الكافيه تتركها نور )
اميره ... (تقف اميره بمنتصف ) ها وبعدين روحتى فين نور يابنتى .
تشيل الرابط تتفاجى بوجود جميع الاصدقاء والاهل وادهم ومعه اصدقائه من الشرطه والكافيه يمتلاء بلونات والورد والشموع نظرات زهول وفرحه من اميره ثم يقترب منها ادهم ويعطها بوكيه ورد)
اميره ... (ببتسامه خفيفه) ... انت اللى عملت كل ده
ادهم ... (نظرات حب) ... (ثم يرقع الى ركبته ويخرج خاتم من جيبه ويطلب منها الزوج)
ادهم ... (برومنسيه ) اتمنى ويبقا ليا الشرف انك تقبلى ان تكملى معايا الباقى من عمرى بحبك
اميره ... (بنظرات صدمه مع ابتسامه ) ... اكيد موافقه
(ثم يلبسها الخاتم ويقوم بحضنها وحملها ويلف بيها مع نظرات فرح من الجميع)
- شقه نور وحمزه 11 م
, اميره ونور وحمزه يجلسون فى الراسبشن
اميره ... انا بجد عايزه اضربك
نور ... ليه يعنى
اميره ... والله حطتينى فى موقف صعب انتى بتستهبلى
حمزه ... انتى مفروض تفرحى غيرك بيتمنى يحصل معه كدا
اميره ... لا والله يابنى انا وفقت عشان اتكسفت مكنتش عارفه اعمل ايه مفروض كنتم عرفتونى بس اعمل فيكم ايه
حمزه ... ليه يعنى ادهم كويس وبيحبك و شاريكى بجد جربى بقا تبقى مع اللى بيحبك كفايه الحصل
نور ... مالهوش لازمه الكلام ده يا حمزه
اميره ... هو عنده حق لازم اعيش حياتى مع اللى يحبنى كفايه وجع قلب
بقلمى ليلة عادل
احد البواخر على النيل 6 م
اميره تجلس على احد الترابيزه فى انتظار ادهم و تلعب بتلفونها وتشرب قهوة نعم اميره اصبحت تشرب قهوه بعد كرها الشديد لها ! بعد قليل يدخل عليها ادهم
ادهم ... حبيبى اسف جدا والله على التاخير
اميره... لا يا قلبى مافيش حاجه ..... ها يلا نطلب اكل انا جعانه جدا
ادهم ... ما الهانم مابتفطرش والساعه دلوقتى 6 المغرب لازم تجوعى
اميره ... خلاص بقا هههههه
ادهم ... متر
المتر ... افندم
ادهم ... ها هتاكلى ايه
اميره ... استيك مشوى مع بطاطس محمرا وشربه كريمه
ادهم ... وانا زيها
المتر ... هتشربه حاجه
ادهم ... حياتى تشربى حاجه
اميره ...(تنظر للمتر وتفكر ) امممممممم ممكن بيبسى
المتر ... حاجه تانيه
اميره ... شكرا
ادهم ... ها قوليلى بقا عامله ايه
اميره ... انا تمام بقيت اشرب قهوه زيك
ادهم ... اخدت بالى دى حاجه تفرحنى اوى عارفه انى من اول مره شفتك فيها خطفتى قلبى
اميره ... ازاى
ادهم ... اول ما دخلتى عليا للحظه قلبى انخطف حسيت احساس غريب مش عارف اوصفه , بس فوقت نفسى بسرعه عشان مينفعش , بقيت كل مره اطلب اشوفك عشان التحقيق افضل اعد قبلها من 1لى 10 واخد نفسى عميق عشان مبوظشى الدنيا
اميره ... (ببتسامه ) للدرجه دى
ادهم ... واكتر كمان .عارفه انا كنت بدعى كل يوم ليكى فى كل صلاه انك تاخدى برائه انا مكنتش هسامح نفسى لو كنتى دخلتى السجن
اميره ... طب لو فعلا انا اللى كنت قتلها
ادهم ... مش عارف بس كنت هدعى بردو ربنا يخفف عنك الحكم كنت هزعل اوى ان احساسى خانى للاول مره
اميره ... ده انا بخاف اشوف فرخه بتدابح اقتل ههههههههه
(يدخل عليهم المتر معه الطعام بعد ان يقوم بوضعه على الترابيزه يرحل... تمسك اميره طبق الشربه تبداء أن تتناوله وكذلك ادهم ثم تنظر له
اميره ... تنظر لادهم ..بقولك ايه رايك نكتب الكتاب مع الخطوبه
ادهم ... طبعا موافق جدا
اميره ... قشطات
ادهم ... باستغراب بس اشمعنا
اميره ... عادى مش كدا كدا الفرح كمان 3 شهور هى هى ولاه انت مش حابب
ادهم ... انا عايز اتجوزك حالا بس قولى اه الشقه جاهزه فى ظرف يومين العفش يتظبط
اميره ... مش دى قصه بس انا محتاجه اظبط حاجات عندى
ادهم ... انت بس وقت متحبى عرفينى انا جاهز
اميره ... تمام ........ ادهم
ادهم ... أامرينى
اميره ... انت قرات كل حاجه فى المزكرات؟
ادهم ... اه
اميره ... اممممممم
ادهم ... بتسالى عشان مروان صح
اميره ... اه
ادهم ... بصى انا ماليش اى حق اتكلم معاكى فى الماضى , انا ليا فى دلوقتى وانا متاكد ان طول فتره رفضك ليا او تاجيلك للموضوع كان بسبب مروان
اميره ... دى حقيقه بعدين اكتشفت مع الايام ان حبى لمروان كان حب اهبل , زى حب اى فانز للفنان المفضل ليه , يعنى توهم حب مش حب حقيقى , لكن احاسسى معاك مختلف
ادهم ... (يمسك ادهم ايدها) وانا اوعدك انى مش هخليكى تندمى على اختيارك ليا
اميره... وانا واثقه انى عمرى ما هندم
ادهم .. عارفه حتى لو كان حبك ليا جزء بنسبه صغير بنسبالى حاجه كبيره اوى , انا بحبك اوى اوى يا اميره وعايز اكمل معاكى الباقى من عمرى , انا كل يوم بحمد ربنا انك فى حياتى بدعى ربنا انه يقدرنى واقدر اسعدك (يقبلها من ايدها )
اميره ... (بخجل) .... ربنا يخليك ليا
ادهم ... ويخليكى ليا ... (ثم يبوسها من كفها)
اميره ... (بابتسامه) ... ها خلاص هقول لبابا عشان نظبط كل حاجه
ادهم ... تمام
اميره... هههههههههه يلا ناكل لان الاكل جلد
ادهم ... اغيرهولك
اميره ... لاء يلا كل افتح بوقك اهم ههههههه
ادهم ... بتاكلى ابن اخوكى انتى هههههههه
اميره ... مش عجبك رومنسيتى
ادهم ... عجبنى يا فندم انا اقدر بحبك والله ههه
اميره ... ايوا كدا ههههههههههه
تقوم اميره بزياره مروان لدعوته للخطوبه)
بقلمى ليلة عادل
شقة مروان 3 م
اميره تقف على تطرق الباب ثم تفتحلها فاطمه
اميره ... السلام عليكم ازيك
الداد ... الحمد الله وانتى
اميره ... الحمد الله .. . هو دكتور مروان هنا
الدادا ... اه فى المكتب اتفضلى
(فاطمه تطرق الباب على مروان واميره تقف بجانبها )
مروان ... ادخل
فاطمه ... وقفه كدا ليه اتفضلى البيت بيتك
اميره ... متشكره ازيك يا دكتور
(نظرات سعاده من مروان والابتسامه على وجهه ثم يقف ليسلم عليها)
مروان ... مرمر عامله ايه ... (يمد يده لكن اميره لم تمد يدها )
اميره ... الحمد الله اسفه انى جيت من غير ميعاد ... (ثم تقعد)
مروان ... ( بحزن ينزل يده يقعد) ... لاء متقوليش كدا تاجى فى اى وقت
الدادا ... تشربى ايه
اميره ... قهوه مظبوطه
مروان ... (بستغرب) ... قهوه
اميره ... اصل ادهم بيحبها
الدادا ... مين ادهم ده
اميره ... خطيبى
الدادا ... ربنا يخليكم لبعض عن اذنكم
(تخرج للخارج )
مروان ... بس انتى كنتى بتكرهيها
اميره ... حبتها عشانه
مروان ... للدرجه دى
اميره ... (بسخريه ) ... اه سمعت كلامك قولت ادخل عالمه وهو يدخل عالمى حيث نكون عالم ثالث لا يعرفه احد سوانا ملئ بالحب والسعاده
مروان ... برفو الف مبروك
اميره ... شكرا انا جايه عشان اعزمك انت واستاذ منير على حفله الخطوبه
مروان ... اه
اميره ... اتمنى انك تاجى متعملش زى الرساله
مروان ... كنت تعبان
اميره ... انا قولت كدا
(يدخل عليهم منير)
اميره ... والله وحشانى جدا جدا
منير ... انتى بكاشه مكنتى سالتى
اميره ... (بسخريه ) انا اللى التليفون بيفصل من كتر سؤالك
منير ... ههههههههههه مش هتتغيرى
اميره ... واتغير ليه انا كدا عسل
مروان ... اكيد اوعى تتغيرى ...( اميره لاتنظر له ولا تهتم بكلامه)
اميره ... انا جاى اعزمك على خطوبتى
منير... مبروك ادهم طبعا
اميره ... اه
منير... ربنا يسعدكم
اميره ... يارب (تنظر لمروان ) دكتور مروان
مروان ... نعم
اميره ... كنت عايزك ت (قبل ان تكمل كلمها يرن تليفونها المتصل ادهم
اميره ... اسفه لازم ارد
مروان ... اتفضلى
اميره ...(بدلع ) ايه يا حبيبى وحشتنى ....لاء انا اكتر ....ههههههه....لاء بعزم الناس ........اه عند دكتور مروان اهو .. الله يسلمك ...لاء حاضر مش هتاخر عليك ...ايه حبيبى ههههه وانا بموت فيك... سلام ايوا معاك ايه ...لسه كنت هقوله ماشى يلا خد بالك من نفسك مش هتاخر عليك باى يا قلبى
(اثناء حديثها كان مروان يستمع لها وهو مضايق وغيران جدا)
اميره ... بيسلم عليكم
مروان ...الله يسلمه
اميره ... معلش اصل احنا متفقين ننزل نشوف حاجات
مروان ... ولا يهمك
اميره ... دكتور كنت عايزه اطلب منك طلب بس ارجوك متكسفنيش
مروان ... اتفضلى
اميره ... انت عارف انى بعزك جدا وبتمنى من حضرتك تشهد على جوازى
منير... مش لسه بدرى
اميره ... لاء ده يوم الخطوبه
مروان ... (بصدمه) ... بسرعه دى
اميره ... اه الفرح كمان 3 شهور
مروان ... (بتوتر )... مبروك بس كنتى استنى يعنى شويه السرعه مش مطلوبه فى الجواز
اميره ... لاء بالعكس مدام الحب موجود خلاص
مروان ... اقصد يعنى ... (قبل ان يكمل كلامه)
اميره ... معلش لازم امشى
مروان ... (بلهفه) ... بسرعه دى خليكى شويه
اميره ... معلش عشان بنظبط حاجات انا وادهم.متتاخروش الخميس المغرب ها فى البيت عندنا سلام سلام يا استاذ منير
(تخرج من الباب)
منير ... (يجلس ) اتغيرت اوى
مروان ... بتربينى
منير ... ازاى
مروان ... عايزه توجعنى
منير ... هتروح لازم
منير ... هتقدر
مروان ... لازم اقدر ..منير لو سمحت سبنى لوحدى
منير ... حاضر
(يجلس مروان لوحده حزين يدخن السجائر)
#الاعمى
#بقلمى_ليلةعادل
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق