رواية الاعمى الفصل الحادى وعشرون والثانى وعشرون والثالث وعشرون بقلم ليلةعادل
رواية الاعمى الفصل الحادى وعشرون والثانى وعشرون والثالث وعشرون بقلم ليلةعادل
روايه الاعمى
ليلة عادل ✍️🌹
بارت واحد وعشرون
شقه اميره 7م
يوم كتب كتاب
فى الراسبشن مظاهر احتفاليه بسيطه مع حضور الاهل ولاصدقاء متجمعين على ملامحهم السعاده مع الاستماع للاغانى ثم يدخل مروان معه منير داخل الشقه يقوم بستقبالهم الاب ومعه ادهم
ادهم ... ببتسامه ...ازيك يا دكتور مبسوط انك جيت
مروان ... مبروك يا عريس
الاب ... (بقرف ) نورت
مروان ... منور باهلو
ادهم ... اتفضلوا
منير ... اميره فين
ادهم ... لسه بتلبس
(ثم يجلس مروان ومنير على احد الكراسى)
مروان ... منير
منير ... ايه يا حبيبى
مروان ... لما اميره تخرج عرفنى
منير ... حاضر
داخل غرفه اميره-
اميره لابسه فستان سواريه طويل باكمام لكنه مثير تقف عند المرايا تظبط الروج و نور تقف بجورها ...ثم تدخل عليهم الام
الام ... ايه يا ميرو خلصتى ادهم برا
اميره ... اه خلصت الماذون جه
الام ... لسه ... (تقترب منها تبوسها ) ... مبروك يا حبيبتى عقبال مشيل عيالك
اميره ... لسه بدرى اوى
الام ... بدرى مين انا عايزه على اخر سنه اشايل زياد
اميره ... هههههههههههههه طب يلا
(يخرجو الى الخارج)
الراسبشن-
زغاريت من الجميع ثم يقترب منها ادهم فى نفس اللحظه يقف مروان ومعه منير ولكن ملامح الحزن تبداء تسكن فى وجه مروان
ادهم ... ايه الحلوة دى يقبلها من ايدها
اميره ... ( بخجل ) ... انت احلى يا حبيبى ...... تنظر بجانبها ... ايه ده الدكتور مروان جه تعال نسلم عليه
(تذهب اميره هى وادهم الى المكان الذى يجلس فيه مروان)
اميره ... شكرا انك جيت
مروان ... مكنش ينفع ماجيش مبروك .. مبروك يا ادهم
ادهم ... الله يبارك فيك
اميره ... الله يبارك فيك عقبالك
منير ... مبروك يا ميرو
اميره ... الله يبارك فيك
منير ... مش كنتى تقولى ان هيبقى فى موزز كنت عملت حسابى
اميره ... ههههههههه انت اختار وانا اظبطك معها
منير ... اتفقنا
ادهم ... حياتى تعالى اعرفك على سيادة الؤى
اميره ... يلا يروحى
ثم تبداء الاغانى وسط فرح من الجميع ويرقصون ثم تاتى والدة ادهم بالشبكه يمسك ادهم ايد اميره يبداء بتلبسها الشبكه بعد الانتهاء يقوم بتقبلها من جبينها -مروان كان يجلس هو ومنير بقرب منها ينظر لهم كائنه يراهم بحزن وغيره
منير ... يلا نمشى
مروان ... ليه
منير ... يعنى احسن شكلك مضايق
مروان ... لاء مش مضايق لازم اتحمل غلتطى , ولازم اتوجع زى ما وجعتها , لازم اشوفها وهى بضيع منى لازم احس بكل وجع حسته لازم ادوق نفس الكاس , لازم يا منير
(ثم يدخل الماذون)
مروان ... متقولش ان الماذن جه
منير... لاء جه
(يذهب ادهم لمروان )
ادهم ... دكتور ممكن البطاقه
مروان ... اه طبعا .اتفضل (يخرجها من جيبه )
ادهم ... خليك مستريح لما نخلص هجبلك الدافتر لحد عندك
مروان ... ماشى
(يتم كتب الكتاب وسط هدوء من الجميع ولكن اثناء كتب الكتاب مروان كان يتخيل انه مكان ادهم و انه اصبح يرى بعد الانتهاء يقوم الاب باخذ الدافتر ليمضى عليه مروان ثم يقوم ادهم بحضن اميره ولف بيها وسط فرحه وزغرايت من الجميع وسعاده على ملامح اميره وادهم
(بعد قليل من كتب كتاب )
مروان ... يلا نمشى
منير ... ماشى
(عند قيامهم تراهم اميره وتذهب اليهم )
اميره... رايحين فين لسة فى جاتو وعشاء وشكولاته الفرح
مروان ... مبروك اتمنى من قلبى ليكى السعاده
اميره ...(بقرف ) مى تو خليكم شويه
منير ... معلش اصل بنتى تعبانه لازم اروح
اميره ...(باسف ) لا الف سلامه (ثم تنظر الى مروان ويتغير ملامح وجهها وصوتها وبسخريه ) شكرا يا دكتور انك جيت شهد على كتب كتابى اصل كنت خايفه متجيش مكناش هنلقى شاهد ميرسى
مروان ...(بنرفزه ) يلا يا منير
(ترجع اميره وهى تضحك ضحكه سخريه الى ادهم)
- شقه مروان 10 م
يدخل مروان الى غرفته ويقفل الباب جامد وهو مضايق ومتعصب
الدادا ... ايه مالو
منير ... خدى بالك منه الايام دى
الداد ا ... ما هو اللى عمل كدا فى نفسه
منير ... عيل غبى
الدادا ... طب وايه الحل
منير ... مافيش حل اتجوزت
(واثناء حديثهم يسمعو صوت ضجه داخل غرفه مروان يجرو عليه)
منير ... مروان فى ايه
مروان ... ( يبكى ) ... خلاص راحت منى للابد يا منير خلاص , كل حاجه حلوى ضاعت منى , كل اللى حصل النهارده كان مفروض يبقى ليا انا مش هو , هى بتعتى انا
منير ... مروان خلاص مالوش فايده دموعك وندمك انت اخترت
مروان ... اللى اخترته هوالصح بس قلبى وجعنى.., اوعى تكون فاكر انى ندمان بالعكس لو الزمن رجع بيا لورا هختار نفس الاختيار , بس قلبى وجعنى
منير ... مش عارف اقولك ايه , معرفش انت ليه ساكت كدا كان لازم ترفض انك تروح من الاساس
مروان ... انا استحق كل حاجه بتعملها فيا استحق الاذى والوجع , كل حاجه بتعملها فيا انا مرحب بيها , المهم انها تبقا مبسوطه عايزها تبقا سعيده وبس , حتى لو موتى وجرح قلبى على ايدها شرف ليا
منير ...(بغضب ) انا مش عارف انتم بتعملو كدا ليه فى بعض , انت بتحبها وهى بتحبك اخرعندكم ده
ضيعكم انتم الاتنين
- شقه اميره 1ص
(اميره فى الغرفه تخلع ملابسها ثم تطرق الام الباب)
اميره ... اتفضل
(تدخل الام على ملامحه الاستياء والغضب )
الام ... ايه اللى عاملتى ده
اميره ... عملت ايه
الام ... ازاى تعزمى مروان ازاى اصلا تخليه يشهد على جوازك
اميره ...(بلا مبالاه وهى تعلق الفستان فى الدلاب ) ايه المشكله دكتورى ولازم اعزمه
الام ... انتى بتساهبلى طب مافكرتيش ايه شعور ادهم
اميره ...(تقفل الدلاب وتنظر لها ) ادهم عارف ووافق
الام ... وضحكتى عليه ازاى بقا
اميره ...(مضايقه ) فى ايه يا ماما مالك
الام ... انتى بتغلطى انا كنت فاكره انك نسيته وفعلا هتعيشى حياتك عادى بس طلعت غلطانه
اميره ... انا بردو مش فهمه ايه اللى مزعلك
الام ... اللى مزعلنى ان بنتى بضيع , وبتضيع جنبها انسان مالهوش اى ذنب غيرانه بيحبها
اميره ... مش فاهمه
الام ... اميره انتى بتظلمى ادهم معاكى متخليش انتقامك من مروان يخليكى تكسرى قلب انسان كل ذنبه انه حبك
اميره ... (بثقه ) انا بحب ادهم , مروان مين ده اللى افكر فيه اصلا , ده بقا ماضى واتنسى خلاص , غلطت عمرى اللى الحمد الله بصلحها بعدين افرحى بنتك اتجوزت
الام ... اتغيرتى
اميره ... ده شى يفرحك انا مش بقيت هبله زى زمان , بالعكس انا بقيت قويه محدش بعد كدا هيقدر ينزل دمعه منى
الام ... تصبحى على خير
(تخرج الام وتغلق الباب)
نادى المعادى 2م
اميره تقف عند التراك وترى امامها شاب فاقد البصر ومعه زوجته تسرح فى خيلها تتخيل نفسها مكانهم هى ومروان و بعد لحظه تفوق
(تقول لنفسها فوقى بطلى هبل ثم تدخل عليها نور )
نور ... ايه بتكلمى نفسك
اميره ... اتاخرتى ليه
نور ... معلش ايه اللى عاملتيه امبارح ده
اميره ...(بضيق ) هو فى ايه مالكم خلاص نسيتو اللى عاملو فيا
نور ... لاء هو يستاهل الشنق انا بتكلم عليكى وعلى ادهم اميره انتى كدا بتظلمى ادهم مش مروان , يعنى حرام ادهم محترم اوى بيحبك بجد ميستحقش منك انك تاخديه مجرد اداه لانتقامك من مروان
اميره ... صدقينى بحبه مش قصدى كدا
نور ... انتى بتضحكى على نفسك انتى ماشيه بسكه غلط اظن كفايه
تسرح اميره...و بصوت داخلى تتحدث , هو لسه شاف حاجه التقيل جاى ورا لازم اعذبه زى ما عذبنى لازم انسيه طعم الراحه والنوم لازم ادمره
نور ... انتى يابنتى
اميره ...(نرفزه ) ييييو بقولك ايه لو مغيرتيش الحوار همشى
نور ... خلاص طيب اهدى متتعصبش عليا تعال نقعد نشرب حاجه فى الكافيتيريا
- شقه اميره 12ص
غرفه اميره- اميره نائمه على السرير وتتحدث مع ادهم على التليفون
اميره .. قولى يا باشا بقى بقالك 5 ساعات مختفى ليه
ادهم ... والله يا ام زياد روحت على طول ونمت ولسه صاحى
اميره ...(باستغراب شديد ) ام زياد
ادهم ... مش نفسك تسمى زياد
اميره ... تصمت تتذكر حديثها مع مروان على التليفون فى احد المرات
ادهم ... ايه روحتى فين
اميره ...لاء معاك يا حبيبى , اه بحبه دومى معلش هدخل التوليت واكلمك
ادهم ... ماشى
(بعد ان تغلق التليفون تقف اميره امام المرايا وتكلم نفسها )
اميره ... ايه مالك انتى نسيتى اللى عامله فوقى ده حتى الرحمه ميستهلهاش
- شقه مروان 2 م
البلكونه- مروان يجلس فى البلكونه يشرب قهوه ثم تدخل عليه فاطمه وهى تحمل بايدها علبه هدايا
فاطمه ... مروان جتلك العلبه دى
مروان ... (بزهول) ... علبه . افتحيها بسرعه
فاطمه ... فيها شكولاته وكارت
مروان ... مكتوب ايه
فاطمه ... استنى .. مكتوب هجرك مؤلم انا اعلم ..ولكن هجرى مميت وستعلم
مروان ... (بحزن وبصوت داخلى ) ... انا عرفت خلاص (ثم يتحدث لفاطمه ) هاتى العلبة من فضلك يا ماما فاطمه اتصلى بمنير خليه ياجى
فاطمه ... حاضر
- مركز دكتور مروان 10ص
مكتب مروان مروان يجلس على كرسى المكتب ثم تطرق عليه الباب اميره
مروان ... اتفضل
اميره ... ازيك يا دكتور
مروان ... الحمد الله
اميره ... كنت جايه اخلص باقى الاجراءت بتعت فسخ العقد قولت اجاى اسلم عليك
مروان ... لسه مصممه تسبينا
اميره ... (تجلس ) اه جالتى عروض افضل من هنا
مروان ... زى ما تحبى
اميره ... عجبتك الشكولاته
مروان ... اى حاجه منك بتعجبنى
اميره ... (بسخريه ) اصل لقيتك مشيت قبل متاكل الشكولاته فقلت لازم ابعتلك دا انت شاهد على كتب كتابى
مروان ... هههههه مش هتتغيرى
اميره ...(نظرات كره وانتقام ) اضحك ولسه بكرا هتضحك كمان
مروان ... ماشى .. انا معنديش مانع كل اللى ياجى منك حلو او وحش , لو سم على قلبى انا موافق , سواء ضحكتينى او بكتينى انا موافق , مش هزعل
اميره ...(باستغراب وسخريه ) اممم ومين بقا اللى قالك زعلك فارق معايا اصلا , اوكلك على بعضك كدا فارق معايا ههههههههه ضحكتنى والله
مروان ... المهم انك كويسه ومبسوطه انا كدا مرتاح انك سعيده فى حياتك
اميره ... بصراحه مبسوطه جدا انت متعرفش ادهم بيحبنى ازاى , ولاه بيعمل معايا ايه , وبصراحه انا بشكرك جدا اول شئ انك علمتنى كتير , وغيرت فيا حاجات اكتر , وكمان ركز اوى فى اللى جاى , انك رافضت الجواز منى
مروان ... امممم صح لازم تبقى اقويه , مش اى حاجه سواء كانت كبيره او صغيره تضعفك او توقعك , لسه الدنيا قدمك انتى لسه متعلمتيش حاجه من الدنيا ومن الناس
اميره ... اه صح انا بصراحه بعد ما فكرت لقيت كلكم كان عنكم حق , ايه اللى يخلينى اتجوز واحد اكبر منى فى السن هههه يعنى كنت هبله , واكتشفت كمان ان حبى ليك كان وهم زى حب الفانز لاى فنان مجنون بيه , يعنى اكيد كنت هطلق منك وكنت هندم , لكن حبى وعلاقتى بادهم حاجه تانيه مختلفه ميه فى الميه
مرواه ... امممم كملى
اميره ...( تقوم بغيظه)عارف ادهم بيحبنى اوى اوى وانا كمان بقيت مغرمه بيه , اول ما بيخدنى فى حضنه بحس انى فى عالم تانى فى حضنه بالقى الامان , اول مره احسه مع حد غير بابا , ههه يالهوى عليه بقا لما بيشوف حد بيعكسنى ييتجنن وانا بفرح اوى اوى ,(بسخريه ) انت حتى دى مكنتش هتقدر تعملها هتشوف اللى بيعكسنى ازاى سورى يعنى
مروان ... لاء عادى انتى صح
اميره ... ربنا يخليه ليا يارب ويقدرنى ان اقدر اسعده انا فعلا اسفه ليك على كل كلامى معاك
مروان ... اى كلام
اميره ... انى بحبك وانى طلبت منك فرصه انا كنت مغفله بجد , بجد شكرا انك فوقتنى من الوهم ده , معرفش لو كنت سبتنى ووفقت على العلاقه الفاشله دى اللى مفهاش اى تكافئ دى كان هيحصل ايه , يلا على العموم انا مش عايزه اطول عليك همشى , اصل انا ودومى هنسافر سوى السخنه وناويه اعملوه مفاجئه حلوة , نسهر للصبح ونبداء يوم جديد سوى يلا سلام يا دك (تقف)
مروان ... هو مش ده كتب كتاب بس
اميره .... اه
مروان ... امال هتسافرو لوحدكم ازاى مينفعش على فكره
اميره ... بقرف .. ميخصكش على فكره بعدين مش يمكن مكتفناش بكتب كتاب وخلينها حاجه تانيه
(اثناء حديث اميره كان مروان هادى جدا يستمع لها لكن بداخله قلبه ينزف)
مروان ... اميره عايز اقولك حاجه صغير انا ( يصمت قليلا ) انا قلبى ليه الشرف ان جرحة و موتة يكون على ايدك
اميره ... وانا مش هناولو الشرف ده سلام
بعد ان تخرج يخبط على المكتب بايده بغضب ثم يرمى جميع الاشياء اللى على المكتب .........
عند خروج اميره خارج بوابه المركزه تلتقى بمنير
منير ... عامله ايه
اميره ... الحمد الله
منير ... كنت عايز اتكلم معاكى شويه
اميره ... بخصوص
منير ... لما اقابلك هعرفك
اميره ... بقله زوق ... والله الايام دى مش فاضيه مسافره لما ارجع سلام
منير ... ماشى سلام
ينظر لها باستغراب على طريقتها معه ثم يدخل داخل المركز
#الاعمى
#بقلمى_ليلةعادل
روايه الأعمى
بقلمي ليلة عادل ✍️🌹
البارت
اتنين وعشرين
شقه اميره 11م
غرفه اميره.
اميره تجلس على كرسى مكتبها تفكر ثم تاخذ من على اخر مكتب نوت بوك تفتحها ثم تفر فى الأوراق الفارغه تنظرلها ببتسامه حزينه ثم تتحدث بصوت داخلى بنبرة الم وحيره ... يا ترا مره دى هكتب فيكى ايه ؟ ذكريات واحلام هتوصلنى على فين !!!!
تفتكرى كنت غلطانه لما حلمت طب غلطت انى اتمنيت!!! معرفش ... حقيقى معرفش ..كل اللى عارفه أن كل اللى انا فيه بسببك ... بسببك انا بقيت كدا .. ثم تنظر امامها وتتغير نبرة صوتها ..انا تهبلت ولا ايه هههه انا بعاتب نوت بوك هههههه يلا بسم بالله تاخذ القلم وتفتحه ثم تبدأت ان تكتب
تكتب التاريخ ثم نقطه من اول السطر
تحاول أن تكتب اى شئ لكنها لا تعرف تتردد لكن بعد لحظات تغلق النوت وتقول مره دى لا لا مافيش مذاكرات تانى
ثم يتم ارسال رساله لها من مروان تفتحها وتقرائها
قـدْ تجد مع غيري ما لم تجده معي .. لكن .. !
لـن تجد مَع غيري ما كــاااان لـك مَـعِي
تبتسم اميره ابتسامه بسخريه وتبداء أن تكتب رساله
تريديني ان انسى وان ارجع لك كما كنت من قبل
وكأنك ما كســـــــــــــــرتني وما اذللت نفسي
نعم احسستها بل عشتها دقيقة بدقيقة
اياماً ليتني امحيها من ذاكرتي وانساها
ليتني انام واغمض عيني من غير ان اراها
ليت الايام تمر وانسى نفسي وانساها
انكسرت وهزمت بداخلي لانني يوماً احببتك
لن اقول ماذا اعطيتك
ولكن اتعرف بت اكره اللحظة التى جمعتنا سوياً
اكره الابتسامة التي خرجت لك من شفتاي
اكره نفسي لانها احبت جماداً اصم لايشعر ولا يحس
غلطت نفسي كثيراً وماذا جنيت
جنيت عذاباً وحزناً يملأ حياتي حتى اصبحت بلا معنى
كلما افكر فيك اجد حزناً مرسوماً على وجهي
ولكني اعدك
بأنك ستندم يوماً على فراقي
يوماً سوف تجني ثمار ما فعلته بي
اعدك بأنني امحيك من حياتي لانك لم ولن تكون فيها بعد الان
سلام ايها الأعمى
شقه مروان11
الراسبشن
يجلس مروان مع منير على كنبه بجوار بعضهم بملابس بيت كان يمسك منير تليفون مروان
منير .. بعتت حاجه
مروان .. بلهفه ... افتحها بسرعه قولى كتبه ايه
منير.. انت مقعدنى معاكى عشان اشتغلك مرسال
مروان ... بغضب... منير
منير ... خالص ياعم بتتعصب ليه استنى. .. يفتح منير الرساله.... يبدأء بقراءه ...كان اثناء قراءه الرساله كان مروان قلبه يبكى بداءت ملامح وجه تتحول تدريجيا لحزن ....
منير .. سلام ايها الأعمى بس مافيش تانى.
مروان ... ماشى انا هدخل انام
منير .. احنا مش اتفقنا هنقعد شويه نتكلم انا محتاج اتكلم معاك
مروان .. يقف وسير نحو غرفته بحزن أثناء سيره بعدين بعدين ثم يدخل غرفته يغلق الباب
منير .. ينظر له و يتنهد بعدين بقا فى اميره ومروان لازم دوال , اشفلى حل فى عندهم ده
(بعد خمس ايام)
العين السخنه 12م
اميره تجلس على بحر تمسك بايدها مج نسكافيه ثم يدخل عليها ادهم
ادهم ... ببتسامه .... حبيبى
اميره ... (تمسك ايده ويجلس بجانبها) واخيرا صحيت بتنام كتير اوى زى هههه
ادهم ... لا انتى اللى صاحيه بدرى امال فين كريم
اميره ... انا لما بسافر مش بعرف انام وكريم لسة نايم شوف المنظر يجنن صح
ادهم ... يغزلها ... البصه لعيونك احلى
اميره ... هتفضل تدلعنى كدا كتير
ادهم ... انا مش هعمل حاجه غير انى ادلعك وبس
(يدخل عليهم المتر حامل قهوه)
ادهم ... شكرا حطها هنا
المتر ... حاجه تانى
ادهم ... ينظر لها عايزه حاجه
اميره ... تو
ادهم ... ينظر للمتر. ... شكرا
اميره ... على الريق كدا
ادهم ... زى ما انتى على الريق بتشربى نسكافية
اميره ... ههههههه الافيونه بتعتى دى اشرب القهوة و نروح نفطر
ادهم ... مش هنستنا كريم
اميرة ... كريم قصاده للعصر
(اثناء حديثهم تشتغل اغنيه لفيروز)
ادهم ... ماشى يا حياتى
(تسرح اميره مع الاغنيه ثم تتخيل وجه مروان فى ادهم )
ادهم ... ايه رايك نعمل الهانى مون فى المالديف
اميره ... (عندما تفيق ) لاء
ادهم ... ليه لاء دى جميله جدا
اميره ...(برتباك ) اقصد ليه لاء بقولك يلا نطلع انا جعت
ادهم ... ماشى
اميره ... (اثناء سيرهم للدخول للمطعم ) بقولك تعال ننزل القاهره
ادهم ... ليه مش كنا هنقعد يومين احنا لسه جاين امبارح
اميره ... اصل افتكرت شويه حاجات لازم اعملها
ادهم ... هتعملى ايه مع كريم
اميرة ... نخلص فطار واكلمه وهو حر يرجع معانا او يستنى
ادهم ... خلاص نفطر وننزل
فندق السخنه 3 م
فى غرفه كريم - اميره تجلس على السرير وكريم يقوم بغسل وجه
اميره ... اخيرا صحيت
كريم ... والله تعبان بس اعمل فيكى ايه مقدرش ارفضلك طلب
اميره .... يخليك ليا يا قلبى .. بقولك هتنزل مصر معانا ولاه هتقعد تكمل انت
كريم ... (بستغراب يخرج من الحمام ويقف امامها ) ... ننزل ازاى يعنى
اميره ... عادى زهقت
كريم ... (ينظر لاميره بستغراب ودهشه ) ... ايه يا بنتى الجنان ده احنا لحقنا نقعد يوم ,. يعنى مسيبانى بيتى وشغلى , عشان مسبكيش لوحدك فى الاخر منكملش يوم حتى
اميره ... ما انت عارف اختك مجنونه
كريم ... بستغراب ... طب وادهم موافق كدا عادى
اميره ... ايوه موافق انجز هتاجى معايا ولاه لاء
كريم ... وانا ايه اللى هيقعدنى لوحدى انا جاى عشانك طب ممكن افطر ونمشى
اميره ... ماشى هستناك تحت مع ادهم باى
بعد خروج اميره يتحدث كريم مع نفسه اما نشوف اخرتها ايه مع الجنان ده الله يكون بعونك يا ادهم
عربيه ادهم 8 م
اثناء رجعهم من السخنه وكريم وراهم بالعربيه الخاص به اميره تنام على كتف ادهم يستمعون الى اغانى , ثم يرن تليفون اميره المتصل منير
اميره ...(تعدل نفسها ) الو
منير ... ازيك يا مرمر
اميره ... الحمد الله
منير ... رجعتى
اميره ... بتسال ليه
منير ... محتاج اشوفك
اميره ... بكره نتقابل فى النادى على ساعه 4 يناسبك
منير ... تمام
اميره ... سلام
ادهم ... عايز ايه ده
اميره ...مش عارفة ممكن عشان يقنعنى ارجع المركز
ادهم ... طب انتى مش عايزه ترجعى ليه سبتيه ليه
اميره ... عشان اتفرغلك يا عمرى انا
ادهم ... بحبك
اميره ... وانا بموت فيك سبنى انام بقا (تنام على كتفه )
ادهم .... هههههههه ماشى
شقه مروان 10 م
مروان فى غرف مكتبه .. يقف عند الدلاب الهدايا يمسك بايده احد هدايا اميره هو سرحان ثم يدخل عليه منير
منير ... عامل ايه النهارده
مروان ...(يضعها مكانها ) هكون عامل ايه يعنى
منير ... خلاص هنسافر اول الشهر
مروان ... (يسير حتى يصل ويجلس على كنبه ) عملت اللى قولتك عليه
منير ... انت متاكد من الخطوة دى
مروان ... ايوه انا ماليش حد هنا الشغل هقدر اخلصو بتليفون
منير ... يعنى مش هترجع تانى
مروان ... مش عارف بس اللى اعرفه مش دلوقتى خالص
النادى المعادى 5 م
منير يجلس على الترابيزه ينتظر اميره ثم تدخل عليه اميره
منير ... ما لسه بدرى الميعاد 4 مش 5 الا ربع
اميره ... (بقل زوق ) والله مش فاضيه ياريت تقولى انت عايزنى فى ايه بسرعه وريا مواعيد
منير ... طب اقعدى
اميره ... (تجلس ) ها
منير ... طب مروان وزعلانه منه وعارف السبب انا بقا ليه بتكلمينى كدا
اميره ... مروان مين ده اللى يزعلنى انا فعلا مشغوله وريا حاجات كتير هتجوز كمان شهر ونص
منير ... انتى هتتجوزى ادهم بجد
اميره ... ههههههه على فكره احنا بالفعل متجوزين
منير ... انتى مش بتحبيه
اميره ... هى مصر كلها ليه اجمعت على الهبل ده كلكم بقيتو محللين نفسين
منير ... واضح انه مش راى لوحدى
اميره ... عايز منى ايه
منير ... مروان بيحبك وتعبان اوى
اميره ... الف سلامه مفروض اعمل ايه يعنى
منير ... اميره اوعى تكونى صدقتى مروان ده قالك كدا بس عشان فاكر ان لما يتجوزك هيظلمك معه
اميره ... فعلا تفكير منطقى وصحيح
منير ... اميره (قبل ان يكمل كلامه )
اميره ... استاذ منير لو جيبنى هنا عشان تكلمنى عن مروان يبقى ياريت حضرتك تنهى المقابله , عشان انا وقتى ميسمحش انى اتكلم فى التفاهات دى
منير ... باباكى جه وقابل مروان
اميره ... والله وايه المشكله
منير ... قاله كلام صعب جدا
اميره...(بسخريه) هههه انا متوقعه اللى قالو بابا قالو ابعد عن بنتى عشان انت راجل كبير واعمى وهو وافق على طول ,(يتبدل نبره صوتها وملامحه بشكل حاد وقوى ) بقولك ايه صحبك لو فعلا بيحبنى زى ما بتقول كان اتمسك بيا اكتر من كدا , كان عمل المستحيل عشانى واتحدى العالم وكل حاجه , وانا كنت هبقا معه وهقف فى وش اى حد , انا كان عندى استعداد اقف فى وش اهلى لو رفضو لكن هو ضعيف ومش بيحبنى , انا اللى غبيه اللى مشيت ورا قلبى لحد ماضيعت عمرى , كفايه بقا لحد كدا سبنى بقا اصلح غلطى , واعيش الباقى من عمرى مع اللى بيحبنى
منير ... انتى متعرفيش مروان بيحبك قد ايه , مروان بيتقطع من جوا ...اه تفكيره غلط انا معاكى , بس والله بيحبك انا جاى بطلب منك تديه فرصه واحده , مروان مش قادر يشوفك وانتى مع غيره
اميره ... اممممم
منير ... مش مصدقه (يطلع لها تليفون ويوريها فيديو) ... امسكى شوفى ده
اميره ... ايه ده
منير ... اتفرجى بس
(تشاهد اميره الفيديو , فيديو به مروان هو ينام وهو حاضن القميص اللى كانت ترتدى فى احد المرات )
منير ... مش ده القميص بتاع مروان اللى كنتى لابسه وانتى عنده
اميره ... تقريبا
منير ... لاء مش تقريبا هو , مروان مش بينام غير وهو فى حضنه
اميره ... افهم من كدا انه بيحبنى وندمان !
منير ... ايوه ما ده اللى عايز افهمهولك
اميره ... بسعاده الانتصار... ييييا انت كدا ريحتنى الله يريح قلبك
منير ... هتعملى ايه
اميره ... هكلم ادهم وهقدم الفرح عشان يطلع من الفرح يرمى نفسه فى النيل هههههه
منير... بتقولى ايه
اميره ...شعور بلانتصار وسعاده... اللى انت سمعته انت فاكر انى هضعف وابكى واجرى على حضنه ههههههه كان زمان , خلاص اميره بتاعت زمان ماتت يوم ما قطعت شرينها عشان واحد ميستهلش , اللى قصدك دى انسانه تانيه النهارده يوم ميلادى بجد فرحانه فيه فرحه متتوصفش , يييا ولسه الندم والعذاب جاى اكترواكتر , هو لسه شاف حاجه انا هدوقه نفس الكاس انا هخليه يتمنى الموت وميطلوش عن اذنك (تقف )
منير ... مروان هيهاجر
اميره ... ياريت عشان البلد تنضف
(تتركه وتذهب )
ياترا ايه اللى ممكن يحصل
#الاعمى
#بقلمى_ليلةعادل
رواية الأعمى بقلمي
ليلة عادل ✍️🌹
البارت الثالث وعشرون
شقه اميره 11 م
غرفه اميره - اميره تجلس على السرير وتحكى لنور كل ماحدث وتضحك بصوت عالى
اميره .... هههههههههه والله يا بنتى عملت كدا كان نفسى تشوفى منظروه .... ايوه فعلا يستاهل ........اه ......ولسه هوريه هو لسه شاف حاجه
(تدخل عليها الام)
الام ... (بزهول ) ... انتى عملتى كدا فى مروان
اميره ... فى ايه
الام ... (بغضب) ... بقولك انتى عاملتى كدا
اميره ... نور اقفلى هكلمك بعدين..(باستغراب تنظر لها )فى ايه يا ماما
الام ... اللى سمعته ده بجد
اميره ... اه فيها ايه يعنى انا فعلا مش بحبه كان لازم اشكره , بعدين مالك كدا قلبك عليه كدا ليه ده حقير ميستهلش حتى الشفقه
الام ... مش هقولك ليه عملتى كدا , بس كل اللى هقولهولك حطى نفسك مكانه وانتى ست عملتى حادثه واتعميتى وحصلك نفس اللى حصله كنتى ترضى يتعمل فيكى كدا
اميره ...( تقف ) اوعى تكونى فاكره ان مروان ده اعمى العين لاء ده اعمه القلب والاحساس ده جبله متخفيش اوى على احساسه ده معدوم الاحساس
الام ... والله ده مبرر عشان تشمتى فى مرضه
اميره ... انا ما شمتش فى مرضه انا قولته فعلا كنت هتشوف اللى بيعكسنى ازاى , هو انا بكدب مثلا ما دى حقيقه بعدين هو مزعلش انتى بقا متعصبه كدا ليه
الام ... انتى بتعملى كدا ليه
اميره ...(بغضب ) لانى بكرهه انا لازم اعذبه زى ما عذبنى لازم اخليه يشوف الويل واحرق قلبه ادوقه نفس الكاس , متزعليش اوى كد عليه ازعلى على بنتك واحده غيرك كانت وقفت جنبى وساعدتنى لحد ماجيب حقى
الام ... اساعدك فى الغلط
اميره ... لاء مش غلط
الام ... انتى كمان عميه القلب زيه
اميره ... ليه عميه القلب انا روحت واترجيته , وهو بعنى حتى مكلفش خاطره يسال عليا يشوف اذا كان جرالى حاجه ولاه لاء
الام ... مش انتى بتقولى انك نسيتيه وبتكرهى
اميره ... طبعا
الام ... بتروحيله ليه
اميره ... مروحتش غير مره
الام ... انتى كدابه انتى لسه بتفكرى فيه طب ليه اتجوزتى واحد انتى مبتحبهوش
اميره ..(.بقرف ورفع حواجب ) مش بكدب وبحب ادهم وبعدين انتى مالك كدا بدافعى عنه اوى كانه ابنك , بقولك ايه مالكيش دعو بيا انا حره بتصرفاتى هو مش عينك محامى ليه , ياريت مدخليش نفسك تانى فى اللى ملكيش فيه دى حياتى وانا حره (تفوم الام بضربها بالقلم)
اميره ... (بصدمه وانفعال ) ... انتى بتضربينى بالقلم عشان مروان
الام ... (تمسك من كتفها بشده وغضب ) واكسرقبتك كمان , مش عشان مروان عشان بقيتى قليلة الادب وبتردى على امك وبتكلمها بلاسلوب ده , عشان بقيتى ظلمه بقولك ايه لو مش عقلتى , مش هيبقا قلم وبس
اميره ... ( بعصبيه تنزع ايد الام ) ... انتى اول مره تضربينى عشان الانسان اللى دمر حياتى , وكنت هموت نفسه بسببه عشان الانسان اللى اذانى وداس على قلبى
الام ... (بغضب )لانك غبيه بعد معرفتى انه بيحبك وعمل كدا عشان شايف ان من الافضل انك تبعدى عنه , وتعيشى مع حد تانى فى سنك ومش عاجز ضحى بحبه , وانتى بردو مستمرة وبتستغلى ده , لاوكمان بجحتك تخليكى تجبيه يشهد على جوازك , وعماله تظلمي واحد تانى فك حبل المشنقه من حولين رقبتك و ذنبه الاسود وقعه فيكي وحبك , تقدرى تقوليلى ادهم ذنبه ايه فى حوارك انتى ومروان
اميره ... قولتك بحبه بحبه وان مروان ده بقا صفحه وتقفلت
الام ... لو صفحه وتقفلت ليه بتجرى وراه وعايزه تاذيه
اميره ... حقى مش انا اللى اسيب حقى
الام ... انتى اتجننتى انا هقول لابوكى يشفله صرفه فيكى , عامله تدوسى على الناس وبضيعى نفسك والكل معاكى , انتى لازم تطلقى من ادهم انا مش هسمح لبنتى تضيع انسان معها ذنبه انه حبها , انتى زى مروان بالظبط معندكيش قلب ولارحمه اللى مروان بيعمله معاكى بتعمليه فى ادهم
اميره ... انتى ازاى مش قادره تفهمينى , انا بكرهكم كلكم محدش فهمنى ولا حاسس بيا بقولك قولى اللى عوزاه انا مش هبطل اذي فى مروان ها مهما حصل
(يدخل الاب على صوت الزعيق )
الاب ... اطلعى برا يا فريدة
الام ... خالد
الاب ... اطلعى برا
(بعد خروج الام)
اميره ... ايه جاى تكمل
الاب ... (بعقل ) لاء انا فاهم شعورك كويس والوجع اللى جواكى , بس مينفعش تعملى كدا احنا اخلاقنا مش كدا مينفعش تهينى حد وتعايريه بمرضه
اميره ... (بهدء لكن بقوه ) ادام دى مش اخلاقنا انت بقا روحت ليه وكنت بتعايره ولا ه ليك حلو ووحش ليا ولاه انت ايه رايك
الاب ... (يصمت قليلا) ... انا روحت فعلا كنت خايف عليكى بس معايرتوش بمرضه انا عرفته بس مكانته كويس
اميره ...(بسخريه ) اممم عرفته مكانته انه اعمى وكدا ههههههههه ضحكتنى
الاب ... انا كان لازم اعرفه انه حرام يظلمك معه يبقا انانى جدا لو فكر يربطك بيه , الحب مش انانيه الحب تضحيه واسعاد الاخر حتى لومقابل السعاده دى تعاسته
اميره ... (بحزن ) بابا انا مش بعتبك هو لو كان بيحبنى كان حارب عشانى , ووقف وواجه الدنيا كلها مهما انت قولت وعملت معه , بس هو ضعيف واستسلم من اول قلم و بعنى , اصلا محبنيش عشان يعمل عشانى حاجه يا بابا
الاب ... بس ماتنسيش هو انسان عاجز
اميره ...(بكسره وحزن ) مش مبرر اللى بيحب حبه بيقويه بيعمل المستحيل عشان اللى بيحبه , بس انا اللى حبيته يا بابا , انا اللى رخصت نفسى انا اللى رميت نفسى عليه واتزللت ليه انا يا بابا انا , انا اللى فضلت سنين احلم بيه واتمناه واجرى ورا سراب واوهام الحب الافلاطونى , وصحيت على كابوس مخيف انا بكرهه بكرهه مش هسيبه غير لما افش غلى فيه
الاب ... طب فكرى اقعدى مع نفسك هتلقى اللى بتعمليه غلط , بلعكس انتى لما متعبريهوش هتقتليه اكتر لكن كدا انتى عامله ليه اهتمام صدقينى
اميره ...(بحسم ) بص بقا اللى بعمله ده سواء صح او غلط مش هبطل اعمله لاخر نفس فى عمرى , هفضل ازل فيه وضايقه انت مش متصور انا فرحانه ازاى لما عرفت انه بيحبنى , خلاص هعرف اخد حقى منه هعرف اعذبه واشربه من نفس الكاس , انا مش هسيبه غير هو يتمنى الموت بردو مش هناولهوله
الاب ... للدرجه دى
اميره ... واكتر انا لو مشفتهوش ندمان قصاد عينى هيجرالى حاجه , عارف انا لوندمانه على شئ فى الحوار ده هيبقى على ادهم بس , لانه فعلا اتاخد فى الرجلين وفعلا اتظلم معايا وده اللى وجعنى بس , لكن اللى اسمه مروان ده ولا حاسه باى حاجه ليه ولا رحمه ولا شفقه . , واسمع بقا الخلاصه عشان تبقا فاهم انت وماما , مافيش حاجه ولاحد فى الدنيا هيوقفنى عن اذيته انتم فاهمين
الاب ... لاء انت كدا محتاجه للدكتور باسرع وقت
اميره ... مش لوحدى كلكم معايا
(ينظر لها ويخرج الاب من الغرفة)
غرفه الاب ولام –
بعد انتها والد اميره بلحديث معها يدخل الى غرفه نومه وكانت تجلس على السرير الام فريده يبدو على ملامحه الغضب
الام ... ها عملت ايه
الاب ... (يجلس بجانبها )اميره اعصبها تعبانه جدا
الام ... انت ليه مش قولتلى انك روحت لمروان
الاب ... وقولك ليه
الام ... من حقى دى بنتى زى ما هى بنتك
الاب ... كان لازم اخليه يبعد عنها
الام ... وهو بعد وبنتك ضاعت , و بسبب زيارتك دى حياه بنتك ادمرت
الاب ... اوعى تكونى فاكره ان انا السبب وانى هبقا الشماعه , لاء هو لو شريها وبيحبها وعايزها كان هد الدنيا عشنها
الام ... خالد متكدبش على نفسك انت عارف كويس مروان عمل ليه كدا , مروان بيحب بنتك بجد وبنتك لو لفت الدنيا بحلها مش هتلقى حد يحبها قده , هو سبها برغم حبه ليه عشان عايزها تعيش حيتها مع حد مش عاجز وفى سنها
الاب ... وده تفكير صح وسليم جدا , انتى ترضى لبنتك تعيش مع واحد عاجز وقد ابوها ها , يفضل ربطها بيه ولاهيقدر يديها حقوقها و كلها عشر سنين يبقو اخوات
الام ... مروان مش كبير اوى كدا ومحافظ على نفسه كويس , انت عارف ومتاكد ان كل كلامك ده مش صح , بس للاسف انت اتصرفت بانانيه
الاب ... الانانيه لو كان سمع كلامها ووافقها على الغباء ده , لكن هو طلع راجل عاقل فكر صح ونفذ صح , عارف كويس ان لو اتجوزها بيحكم عليها بالمشقه
الام ... هى كدا مش فى مشقه
الاب ... هتبقى بخير هى عشان لسه فى الاول لما تتجوز هتنسى , كلنا بننسى
الام ... صدقنى الموضوع ده مش هينتهى على كدا وهتقول فريدة قالت تصبح على خير
النادى المعادى 8م
اميره تجلس على ترابيزه سرحانه ثم يدخل عليها ادهم
ادهم ... يا حبيبى وحشتينى
اميره ... انت كمان
ادهم ... شكلك هنا من بدرى
اميره ... اه
ادهم ... انا جعان جدا اوعى تكونى اكلتى من غيرى
اميره ... لاء ماليش نفس
ادهم ... ليه كدا فى حاجه مضيقكى
اميره ... لاء عادى يعنى ماليش نفس
ادهم ... متاكده
اميره ... (بنرفزه ) ... ايوا انت هضيقنى بالعافيه.. اسفه يا ادهم اصل عندى ضغوط فى الشغل
ادهم ... ولا يهمك ها طمنينى عليك
اميره ... كويسه وانت
ادهم ...عندى قضية صعب مطلع عينى
اميره ...ربنا معاك
ادهم ...سيبك منى انتى وحشتينى اوى اوى ييا نفسى اغمض عينى وفتح القى شهر ده عاده
اميره ... ها ادهم ممكن نروح
ادهم ... انا ملحقتش اقعد معاكى
اميره ... معلش تعبانه والله
ادهم ... (بخضه ) سلمتك مالك حاسه بايه
اميره ... ماتتخضش كدا بس منمتش كويس وعندى صداع
ادهم .. سلمتك يا حياتى تمام يلا بيا
احد معارض الاثاث 3م
اميره ادهم واقفين يختارو غرفه نوم فى احد معارض الاثاث
ادهم ... ايه رايك فى الاوضه دى
اميره ... اه كويسه
ادهم ... عجباكى يعنى
اميره ... سرحانه
ادهم ... حياتى
اميره ... ايو معاك فى ايه قولتك حلوة
ادهم ... مالك يا اميره بقالك فتره متغيره على طول سرحانه مش بقيتى تتكلمى معايا زى الاول انا مزعلك فى حاجه
اميره ... لا والله انا مقدرش ازعل منك بس هو ضغط شغل حتى عندى مؤتمر كمان يومين
ادهم ... متاكده
اميره ... (تطبط على كتفه ) والله يا حبيبى مافيش حاجه والاوضه تجنن......بقولك ايه مافيش كتالوج هنا
العامل ... اه فى يا فندم لحظه اجبهولك
ادهم ... نفسى اعرف بس مالك
اميره ... (تقترب تضع ايدها على وجه ) حبيبى انا بخير
ادهم .. تمام
شقه مروان 4م
فى المكتب- مروان يجلس على كرسى المكتب ويدخن السجائر ومعه منير
منير ... يابنى كفايه سجاير انا تعبتلك
مروان ... مش عجبك اطلع برا
منير ... ردك بارد زيك......ها هتحضر المؤتمر
مروان ... لاء
منير ... ليه الناس كلمونى كتير ونفسهم تروح
مروان ... وانا قولتك اعتذرلهم
منير ... اميره هتحضر
مروان ... بجد
منير ... طبعا
مروان ... هى وحشتنى اوى بس لا ء مش هروح بردو
منير ... طيب براحتك
-الفندق 6 م
يدخل مروان ومعه منير داخل الفندق ثم الى احد القاعات لحضور المؤتمر يقوم بستقبال مروان احد الدكاتره الكبار
الدكتور ... شكرا لانك وفقت على الدعوة
مروان ... الشرف ليا
الدكتور... اتفضل يا دكتور
تظهراميره وهى تجلس فى الصف الاول تتفاجئ بمروان يقترب منها و يجلس منير ومروان فى الكرسى المجاور لها مروان بجانبها
منير ... ازيك يا ميرو
اميره ...(بستغراب ) انتم هنا ازاى وليه
مروان ان... لو مش انا اللى هاجى مين اللى هايجى برايك
اميره ... (بقرف ) اه صح سورى
مروان ... انتى دايما كدا مندفعه
اميره ...(بقرف ) مالكش دعوه
مروان ... ميرسى
اميره... يو ولكم
( اثناء استمعهم للمؤتمر)
اميره ... ( بصوت واطى ) ... اوف هيخلص امتى ده انا صدعت
مروان ... ههههه
اميره ... ( تنظر لمروان بقرف ثم ترجع وتتحدث تانى ) ... اوف ياعم اخلص يخربيت راغيك
مروان ... امال انتى لما تقومى هتقولى ايه
اميره ... هما سطرين ايه كميه الرغى دى ومصحف نسيت اللى قالو فى الاول
مروان ... هههههههههههه ركزى ركزى
اميره ... فصلت منه والله .....بعدين انت بتكلمنى ليه اصلا مالكش دعوه بيا
مروان ... الدعوه تخص المؤتمر
اميره ... ايه القرف ده ..المفروض اضحك...ايه الالش الرخم دة
مروان ... (بحزن) ... اصل نسيت الالش .اللى كانت بتعلمهولى مابقتش معايا
تنظر اميره لها بحزن دون ان ترد عليه ثم يقوم إحد الدكتور يقف المنصه يتحدث ثم يقول وتشرفنا المعيده اميره خالد بكلمه
مروان ... دورك جه
اميره ... استنى بقا عليا هتشوف ابداع
مروان ... مستنى اهو
(تطلع اميره على المنصه)
اميره ... احب اشكر دكتور مازن على دعوتى للحضور هنا النهارده والثقه دى وسط اكبر دكاتره فى الوطن العربى والعالم , انا مش هطول عليكم بس حضرتك كنت بتتكلم عن التكنولوجيا ووسائل التواصل الاجتماعى وتأثرها , وان بسببها باظت علاقات كتير وده فعلا صح , لكن ليه كلنا بنركز على الجانب السلبى فقط مش مركزين على الجانب الايجابى , انا بشوف انها زى ما بتهد علاقات بتبنى علاقات , انا كونت صدقات كتيرة منها احنا اللى بايدنا نخليها سلبيه او ايجابيه , احنا بايدنا حريه الاختيار واصحاب القرار فى كيفية استخدمها , بدل ما نقول للناس ابعد عنها مجرد كلام عن السلبيات ونكتفى بده , المفروض اننا نعطيهم افكار وبدائل يعملها او كيفة استخدمها بشكل صح , لان محدش هيقف عن اسخدمها دون وجود بدائل اخرى , وده من خلال البرامج والاعلانات واعتقد حضراتكم اكفئ منى بده , المهم اننا مينفعش نفضل ننقاش فى موضوع ونسيبه عايم من غيرما نعرف الناس يعملو ايه وشكرا
( يسفق لها الجميع ثم تنزل من على المنصه تجلس)
مروان ... هههههههههههه انتى مكنتيش محضره كلام
اميره ... هو كان باين
مروان ... جدا انتى بتفكرى تكملى صح و تعملى داكتوراه
اميره ... ايه مشبهش
مروان ... لاء تشبهى هتبقى دكتوره سكره
اميره ... اتريق لما تطلع ونشوف كلامك انت هيبقا ايه
مروان ... بتتحدينى
اميره ... للاسف مقدرش
مروان ... ايوا كدا ارفعى الرايه
اميره ... لا يا حبيبى انا ممكن اتحدك باى حاجه بس الحته دى للاسف لاء يلا حظوظ
مروان .... ههههههههههههههه سبيلى حاجه انجح فيها من نفسى ههه , بس والله كان حلو عشان طالع من قلبك عجبنى
اميره ... بجد
مروان ... اه والله
اميره ... شكرا
(بعد الانتهاء من المؤتمر)
- الفندق 11 م
اميره تقف امام البوابه الخارجيه تتحدث مع ادهم فى التليفون
اميره ... طب مش تتاخر بقا
(ثم يدخل عليها منير ومروان)
منير ... ايه يا مرمر واقفه ليه هنا
اميره ... مستنية ادهم
مروان ...عربيتك فين
اميره ... فى الصيانه
مروان ... تعالى نوصلك
اميره ... مستنية جوزى ياجى ياخدنى
مروان ... لاء هنا مافيش عند المكان مقطوع
اميره ... وعندك ليه قولتك مستنية جوزى بعدين مالكش دعوه بيا
منير ... مروان هروح انا اجيب العربيه
مروان ... طيب
اميره ... وانا همشى شويه
-تخرج اميره خارج بوابة الفندق وتبتعد قليلا ومروان خلفها يسير خلف صوتها
مروان ... شويه فين احنا فى الصحرا بطلى جنان
اميره ... خايف عليا
مروان ... اسمعى الكلام المكان مقطوع
اميره ... مالكش دعوه بيا قولتك انا قولتك قبل كدا انى عقابك فى الحياه ها
مروان ...(يمسك ايدها ) مش هنا عقبينى فى اى مكان تانى هنا لاء ممكن نعقل شوية
اميره ... اعقبك قولتك انت مش شغلنى اصلا اوعى كدا (تشيل ايده )
مروان ... اميره تعالى هنا يووو (يمشى مروان وراها)
اميره ...ممكن اعرف جاى وريا ليه ها
مروان ... (يمسكها من ايدها) ... متنرفزنيش عليكى قولت اسمعى كلامى مافيش عند اقفى
(يمسكها من كتفها بشده )
اميره ... اوعى كدا قولتك ما تدخلش فى حياتى (يدخل عليهم 3 شباب على موتسكل )
احد الشباب ... الحقى فى مزه هناك اهى
الشاب الثانى ... يلا ننزل نجبها
الشاب الثالث ... ايه الجمال ده مصلحة ولاه مروحه
ولكن مروان بحركه تلقائيه يمسك دراع اميرة ويلفها ورا ظهره و يحيط باذراعه وجسمه بأميرة لإخفائها وراء ضهره عن الهجامين لاجل عدم اختطافها من ايديه مع صراخ من اميره اثناء هجومهم عليهم وتنادى اميره على منير وفجاه ياخذ مرروان ضربه بسكين فى بطنه لكن يظل متماسك ويقوم ثم ياخد ضربه على راسه لكن اثناء سقوطه جاء منير والامن يجروان عليهم ويفرو هؤلاء الشباب يسقط مروان فى حضن اميره تصرخ
اميره ..... مروان انت كويس رود عليا
مروان ... (بصوت هادى ومتعب ) ... انتى كويسه ها
اميره ... (تبكى وبخوف )... ايو ليه عملت كدا مروان فتح عينك مروان
(لكن مروان يغم عليه)
منير ... ايه اللى حصل
اميره ... الحقنى شباب طلعو علينا و ضربو مروان
منير ... اوعى ارفع معايا بسرعه
يدخلون العربيه ويرحلو بسرعه تجلس اميره على الكنبه وتضع راس مروان على رجلها وتبكى ... بسرعه يا استاذ منير
منير ... امال كان فين الامن
اميره ... معرفش بقا سوق بسرعه
😶😶😶😶😶
ايه اللى هيحصل ياترى
#الاعمى
#بقلمي_ليلةعادل
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق