رواية الاعمى الفصل السادس والسابع والثامن والتاسع بقلم ليلةعادل
رواية الاعمى الفصل السادس والسابع والثامن والتاسع بقلم ليلةعادل
البارت السادس
~*~```الاعمى بقلمى ليلة عادل*~```~
- البرنامج 9 م
مروان جالس يتحدث مع المذيعه ثم يذكر اميره ويتحدث انها هى سبب رجوعه وظهوره مر ثانيه ويشاور عليها وهى تقف خلف الكواليس والناس تصفقلها مع نظرات سعاده وخجل منها)
بركنج الساعه 11
بعد خروجهم من البرنامج يقف مروان واميره ومنير امام عربية مروان
منير ... ها تعرفى ترجعى لوحدك
اميره ... (بسخريه ) لا مش هعرف وهتوه انا ومروان والناس تدور علينا ويطلع علينا عصابه يضربونا ويغتصبونى (اثناء حديثها)
منير ... انا اسف والله اسف حقك على راسى مالكيش حل اقسم بالله
مروان ... هههههه بتجيب لنفسك الكلام
منير ... ههههههه تقريبا خد بالك من نفسك بالنسبه ليكى انتى هكتفى ب.. مع السلامه عشان مسمعش قصيده ردح بعدها
اميره ... ههه سلام
(داخل عربيه مروان اميرة تسوق مروان بجورها)
مروان ... سواقتك عكس شخصيتك
اميره ... ازاى
مروان ... هاديه
اميره ... هو انا مش هاديه
مروان ... خايف اجواب اسمع قاموس
اميره ... امممم تقصد ايه انى رغايه انى مجنونه انى تافهه وانىىىىى
مروان ... اقصد ان شخصيتك قويه اللى بتعوزيه بتنفذيه صبوره جدا رقيقه طيوبه جدعه بس مندفعه وعاطفيه زياده عن الازم
اميره ... ايه الكلام الحلو ده هشغلك اغنيه ههديها ليك
(تشغله اغنيه جنات بحبك تغنى معها وهو يضحك)
مروان ... جنات صوتها حلو
اميره ... ده بس اللى ركزت فيه صوتها حلو مركزتش بتقوله بحبك بحبك افهم بقا بحبببك
مروان ... هههههههههه عايز اطلب منك طلب
اميره ... انت تامر وانا انفذ
عايز ... تعملى ماجستير انتى شاطره موهوبه جدا لازم تكملى
اميره ... موافقه جدا
مروان ... بس بشرط
اميره ... كمان شرط
مروان ... انى اكون المشرف بتاعك فالماجستير
اميره ... اتحايل عليا شويه
مروان ... لا كدا هغير رايي ..
اميره ... ايه يا عم بهزر معاك خليك فرفش ونعنش كدا متبقاش قفوش يا مارميرو
مروان ... هههههههه مجنونه
اميره ... تعرف ان ضحكتك جميله اوى
مروان ... بس انتى احلى
- فيلا مروان الساعه 11م
عند وصول اميره ومروان الفيلا وقتها هيكون هادى مع ماجى فى الغرفه النوم ..... اميره ومروان يقفون امام باب الفيلا من الداخل
اميره .... هومحدش هنا ولا ايه
مروان ... اكيد نامو يلا رواحى انتى تعبتى معايا النهارده
اميره ... (بحب ) ياريت كل التعب يبقى جنبك هيبقى احلى تعب فالدنيا كفايه عليا انى معاك
(تدخل ماجى عليهم )
ماجى ... ايه ده حبيبى بيضحك لا ده احنا نعمل حفله بقى
مروان ... مش اوى كدا
ماجى ... (بقل زوق ) انتى هتباتى هنا ولا ايه
اميره ... لا هروح
ماجى ... اه انا افتكرت شفتك فين مش انتى البت بتاعت الفرح
اميره (بقرف ) ... البت؟؟
مروان (بستغرب ) ... انتى البنت اللى جت الفرح
اميره ... اه انا
مروان ... بتاعت 8 هتجيلك قريب
اميره ... اها
مروان ... لينا كلام بعدين ماشى
اميرة ... حاضر
مروان ... (ينظر الى ماجى ) اميره هتيجى كل يوم بعد كدا لانى انا اللى هشرف على الرساله بتعتها
ماجى ... ما هى كل يوم هنا من غير مناسبه مش فارقه كتير بس دى شكلها لعبيه مالهاش فالمذاكره هتتعبك
مروان ... لا دى كانت شاطره بتجيب امتياز معرفش مكنتش بشوفها ازاى
اميره ... عشان حضرتك تملى كنت لابس نظاره
مروان ... ههه نظاره
ماجى ... انا مش فاهمه
مراون ... انا فاهم المهم انها هتاجى كل اليوم
ماجى ... طيب
(..يدخل هادى)
هادى ... مساء الخير فين علماء الفلك
ماجى ... اشمعنا
هادى ... يجو يشوفو الشمس ويا القمر طالعين
ماجى ... بطل الشقاوه يا واد
هادى ... لا انا اقصد الشمس اللى جنبك دى
مروان ....( يشعر بالغيره ) اميره يلا عشان تقدرى تصحى بدرى لما توصلى طمنينى تقدرى تخلى العربيه معاكى
اميره ... لا معايا عربيتى كنت سيبها هنا يلا تصبحوعلى خير
مروان ... هستناكى بكرا
اميره ... (بسعاده) مش هتاخر اكيد
- فيلا مروان 8 ص
داخل مكتب مروان مروان يجلس على المكتب ثم تدخل عليه اميره
اميره... صباح الخير يا دكتور
مروان ... صباح الخير
اميره ... نمت كويس
مروان ... اه الحمد الله بقولك
اميره ... (تجلس ) نعم
مروان... انتى ليه مش قولتى انك البنت اللى جت الفرح
اميره ... ماجتش فرصه وحضرتك مسالتش موضوع مش مهم
مروان ... طب انتى تقصدى ايه من الارقام
اميره ... ولا حاجه مش فاكره تخاريف
مروان ... (بجديه )..اميره مبحبش الكدب
اميره ... طب اوعدنى انك ما تتعصبش ولا تغير رايك ونفضل كدا
مروان ... وعد
اميره ... ده كان رقم الكورسات بتاعتك انى هدخل المستوى ثامن مش هكتفى بسابع
مروان ... مش فاهم
اميره ... يعنى انت عارف مش اى حد بيوصل للمستوى ده
مروان ... مش مقتنع
اميره ... خلاص بقى حوار قديم انا اصلا مجنونه محدش بياخد على كلامى انت عارف
مروان ... ماشى
طبعا مروان عارف انها كذابه عارف انها هى اللى كانت بتبعت الهدايا . ثم تاتى لقطات سريعه لوجودها فى البيت هو بيذاكرلها واخرى يضحكون واخره هما فى الجامعه والمركز.. اميره قدرت ترجع مروان لحياته الطبيعيه قبل الحادثه بل قبل زوجه من ماجى قدرت فى وقت قصير ترجعه لضحكته ولهادئه من غير انفعال وغضب مره اكثر من 8 شهور .
لكن هل مروان اصبح يحبها هل شعر بمشاعرها ام هى مجرد طاقه ايجابيه ورجوع للحياه !!!!؟
- فيلا مروان الساعه 4م
اميره تجلس امام مروان تكتب على الالب توب الخاص بيها ثم تقفله ترجع ظهرها على الكرسى وتسكت ومروان جالس على الكرسى امامها يستمع لها ويشرب سجاره
مروان ... ها مش سامع صوتك ليه
اميره ... والمصحف تعبت وهنجت
مروان ... هندلع من لاول
اميره ... على فكره اسمى اميره خالد مش مروان عزت
مروان ... تقصدى ايه
اميره ... انى بتعب وافصل مش زيك يعنى انت ماشاء الله بتقدر تتواصل فى الهرى ده كتير
مروان ... هرى فى واحده كلها سنه هتبقى دكتوره تقول هرى
اميره ...(بسخريه ) طبعا بتابع ثقافه المجتمع المحيطة بيا
مروان ... ثقافه المجمتع المحيطة ..انتى فهمه الجمله اللى بتقوليها اصلا
اميره ... (تسخر من نفسها ) اكيد لاهههه تعرف عنى كدا انا تافهه اساسا هههههههه (بدلع ) يا دكتور
مروان ... نعم
اميره ... متجيب سجاره
مروان ...(بجديه وستغراب ) نعم انتى اتجنننتى
اميره ... فيها ايه عيب؟
مروان ... لا بس صحتك
اميره ... (تقف وتشد منه علبه السجاير) ايووووه يبقى تجيب دى وصحتك
مروان ... هاتى العلبه
اميره ... لا
مروان ... اميره متعصبنيش
اميره ... لا
مروان ... اوففف بلاش عند
اميره ... لا بردو
مروان ... (هيقوم يمسك ايدها يبصلها كانه شيفها بعد لحظات بتوتر ) ماتعمليش كدا تانى
اميره ... ما انا خايفه عليك انت ما تعرفش انا بخاف عليك ازاى انت اصلا متعرفش انت بالنسبه ليا ايه
مروان ... عارف
اميره ... عارف ايه
مروان ... انى دكتورك المفضل بتحبينى من ثانوى
(واثناء حديث مروان معها تقوله)
اميره ... انا بحبك
مروان ... ايه
اميره ... بحبك لا افتكرت اغنيه
مروان ... امممم مش ناويه تقرأى مزكراتك ليا
اميره ... لا ماى سيكرت
مروان ... وانا اللى فاكر اننا بقينا اصحاب
اميره ... يا سلام انت اصلا لحد دلوقتى ما دفعتش عربون الصداقه
مروان ... يعنى
اميره ... تحكيلى اي حاجه سر انت بس اللى تعرفها
مروان ... فهمت تعالي
اميره ... فين
مروان ... تعالى بس
يسير مروان واميره خلفه ثم يقف امام دلاب الهدايا
مروان (يشاور ابيده) ده سرى
عند مشاهد اميره الدولاب وترى هديها تسعد كثير من دخلها لكن لا تظهر اى شى لمروان
اميره (تتظاهر انها لا تعرف).. ايه ده
مروان ... دى سندريلا
اميره ...سندريلا؟
مروان ... او فيروز
اميره ... ههههه انت بتقول الغاز
مروان ... بصى هى فيروز عشان كل كارت بتبعته بتكتبلى فيه اغنيه لفيروز و سندريلا ... عشان معرفهاش
اميره ... ها مين يعنى
مروان ... معرفش كل اللى اعرفه انه حد بيحبنى اوى حد عايزدايما يشوفنى مبسوط بيفكر فيا كل لحظه مش بينسانى ...عارفه كل سنه بتبعت هديه في نفس الميعاد... مش قصه اغلى
اميره ... امال ايه
مروان ... الهديه فى قيمتها المعنويه مش الماديه ومعناها عندك البرواز (يشاور بيده ) ده شفتى صغير ازاى بس كتبت فى الكارت ده انا وانت هنكون فيه.. الساعه دى كانت عجبانى اوى لقيتها جيباها.. المصحف ده بعد الحادثه جبته معمول مخصوص لفاقدين البصر
اميره ... عميقه يعنى
مروان ... اه بتغيرى ؟
اميره ... انا احلى الهدايا بتعتى اعمق
مروان ... ده على اساس ايه بقا
اميره ... انى ميرو
مروان ... يا سلام على الثقه
اميره ... انا الثقه بالنفس ماشيه برجلين على الارض
مروان ... هههههههههههه يا سلام
اميره ... ومال ايه ههههه
مروان .. مجنونه
اميره ... بس عسل صح صح
مروان ...ههههههههههه فاقد الامل فيكى من زمان
اميره .. بحبك
مروان .. ( بستهبال) يابنتى والله عندى استعاد اجبلك جنات وتغنيلك الاغنيه بدل ما بتحبيها اوى كدا
اميره .. (نرفزه مش عارفه تعمل ايه فى الغباء ده )..عارف يا دكتور احيانا الوحد بيفقد اعصابه من الغباء او جبله الشخصيه اللى قصاده بيبقى عايز يديلو بشبشب على وشه
مروان .. غباء وشبشب
اميره .. اه بقولك تعال نكمل شغلنا هفقد اعصابى
مروان ههههههههههههههه يلا
هناك شكوي متكررة من عدم وصول باقي الاجزاء وذلك
👈للحصول على الجزء التالى علق ب 20 ملصقا ليصلك اشعار بجزء
ملحوظه محدش يسأل ع الباقي من الناس الي مش بتعلق
الباقي للمتابعين لصفحتي والي بيعلق ب 20 تعليق
#رواية_الاعمى
#بقلمى_ليلةعادل
البارت. السابع
#لاعمى
#بقلمى_ليلةعادل
شقه اميره 3 م
- يجلس الاب الام التى تعمل مهندسه معماريه واخوتها ياسمين وكريم شقيقها الاكبر باربع سنوات على السفره يتناولو الغداء
الاب ... اميره فين
الام ... لسه ماجتش
الاب ... انتى مش شايفه ان حياتها كلها بقت فى بيت الدكتور ده
الام ... ما هو اللى بيشرف على الرساله بتاعتها سيبها براحتها
الاب ... انا مش موافق على اللى بيحصل ده
الام ... خالد سيب اميره احنا ما صدقنا انها بقت عاقله انت مش شايف انها اتغيرت
الاب ... ازاى
كريم .. بقت تتكلم قليل بقت هاديه وعاقله كدا تحسها كبرت بطلت عصبيه وصوتها بقا واطى بصراحه مروان ده علمها الادب واضح انه مسيطر ههههه
الام ... انت ماشفتش بنتك حتى لبسها الغريب غيرته تحسها بقت حد تانى
الاب ... بس واخدها مننا يشكر انه غيرها بس
ياسمين ... بابا سيبها ونبى اول مره اشوف اميره فرحانه من قلبها من غير دموع وياس
الاب ... (مش عجبه كلام ) .. واضح ان فى اجماع طب لما الهانم تيجى خليها تجينى
الام ... مش هتكمل اكلك
الاب ... لا شبعت
( يتركهم ويخرج)
- فيلا مروان 4م
داخل المطبخ تقف اميره امام البتوجاز تقوم بعمل قهوه وتمسك تليفونها ومروان واقف خلفها ساند ظهره على الترابيزه ويضع ايده فى جيبه
اميره ... دكتور اغنيه من 5 حروف لعمر دياب ماتخفيش صح
مروان ... ازاى يعنى
اميره ... احسبها كدا
مروان ... احسبيها انتى كدا
اميره ... اه 6هههه سورى
مروان ... (يضع ايدو على وجه ويمسحوه على غبها ) 6 هتشل منك هبقى اعمى ومشلول والله منك انتى ساقطه حساب واملاء وعربى و كله
اميره ... ليه كدا بس
مروان ... معرفش عملتى القهوه
اميره ... ايوه
مروان ... طب يلا نكمل
(اثناء سيرهم )
اميره (طب استنى هات ايدك كدا )على فكره انا شطوره عرفت انها من 9
مروان ... بس هشش متتكلميش تانى لحد منوصل هناك والله هبداء انسى الحساب بسببك
اميرة .. ماشى يا دكتور مروان ماشى
يدخل مروان واميره حديقه الفيلا كان هادى وماجى يجلسون على كنبه امام حمام السباحه وتنام ماجى على صدر هادى هو يلعب بشعرها اول ما يدخلوا عليهم ماجى تتخض
اميره (بستغراب ) ناس غريبه
مروان ... هو ايه اللى غريب
اميره ... لا مافيش
تقوم ماجى مسرعه و تعدل نفسها هى وهادى ثم تساعد اميره مروان للجلوس و تجلس بجواره
ماجى ... ايه يا حبيبى عملت القهوه خلاص بقيت مدمن قهوه اميره
مروان .. (فى سره) ... هى قهوه بس ؟؟
هادى ... بصراحه انا حبيتها من ايدها مكنتش بشربها بس لما شربتها منها بقيت مدمن لومشربتش منها يوم بقلب زومبى
(نظرات غيره من مروان وماجى)
اميره ... دكتور
مروان ... نعم
اميره ... فى رحله كام يوم للسخنه ممكن نروح
ماجى ... (بعجرفه ) متروحى هو واصى عليكى
مروان ... لا يا ماجى بس عندنا رساله بنحضرلها وشغل بس مافيش مانع ممكن تروحى
اميره ... لا فهمتو غلط انا عايزاك تيجى معايا
مروان ... انسى
اميره ... ليه بس ده فرصه حلوه حضرتك مش بتخرج غير من اوضتك لاوضه المكتب اللى هى اصلا جوه اوضتك للجنينه وفين وفين لما بتروح المركز
ماجى (بسعاده )عندها حق روح وغير جو انا متاكده ميرو هتاخد بالها منك
مروان ... انتى شايفه كدا
ماجى ... اكيد
مروان ... هادى وانت رايك ايه ... يا هادى (هادى سرحان فى اميره) هادى
هادى ...اه روح
مروان ... طب ما تيجومعايا
ماجى ... انت عارف عندى افتتاح معرض
مروان ... وانت يا هادى
هادى ... لا انا مسحول فالشغل
مروان (يستغراب ) مسحول؟
هادى ... اه والله طالع عين اللى جابونى انا فاكس من الحوار ده انا هطير عندى حوار كدا هخلصه سلام سلام يا مكسرات
اميره ... سلام
ماجى ... هادى استنى
(يقوم هادى وماجى خلفه وبعد قليل )
مروان ... (ينظر مروان الى اميره) اميره
اميره ... نعم
مروان ... ايه رايك فى هادى
اميره .... صايع وشمال
مروان ... ههه ازاى يعنى
اميره ... معرفش بس هو كدا وبعدين حوار انه فضل فى انجلترا 15 سنه ده شكله مارحش مارينا ده مش بيتكلم كلمه توحد ربنا انجليش ... غير كسرت بوقه اسلوب كلامه.. الكلمات اللى بيستخدمها
مروان ... بس بس انتى دمرتى الراجل
اميره ... مش صح تحليلى
مروان ... 100% ده اللى مخلينى هتجنن
اميره ... تتجنن من ايه
مروان ... لا سيبك منى المهم لمبه وزومى جايين
اميره ... اه طبعا نفسى يتعرفو عليك زى منا اعرفك وبحبك
مروان ... هههه نفس الاغنيه
اميره .. ما انت عارف انى بحبها
مروان .. مدمنها وحياتك
اميره .. (بصوت دخلها ) مدمناك انت وحياتك
فيلا مروان 10 صباحا
حديقه الفيلا .. مروان يجلس وهو وماجى وهادى يشربون القهوه
هادى. يضع فنجان القهوه على ترابيزه و بنشاط ... انا هطير
عندى مشوار مهم
ماجى ... استنى يا هادى خد مروان معاك
مروان .. لا انا هستنى منير
ماجى ...انت مش رايح المركز
مروان ... اه
ماجى ... طب متروح مع هادى بدل ما منير ياجى يخدك وترجعوه تانى المركز
مروان ... مش عايز اتعبه معايا يمكن مش فى طريقه
هادى ... لا يسطا فى طريقى مافيش اى تعب
مروان ...(بستغراب ) يسطا ؟
ماجى ... (بتحاول تلم الموقف ) هههه شكلك اخدت على جو مصر بسرعه يا هادى
هادى ... اه طبعا
- مركز مروان 11 ص
منظر عام لمركز من الخارج ثم يصل مروان وهو بداخلة عربيه هادى ثم يخرج منها ويساعده هادى للخروج ثم يقفون امام العربيه
مروان ... شكرا يا هادى تعبتك
هادى ... لا مافيش حاجه
(ثم ياتى شاب فجاه يسلم على هادى)
الشاب ... اسامه ازيك ايه يابنى رجعت امتي من السعوديه
هادى (باستغراب ) حضرتك بتكلمنى انا انت اكيد بتشبه (ثم يغمزللشاب)
الشاب ... اسف
هادى ... ناس غريبه
مروان ... عادى بتحصل كتير شكرا
هادى ... على ايه تحب اطلعك
مروان ... شكرا عارف طريقى
يتركه مروان ثم يدخل داخل المبنى ثم يدخل غرفه مكتبه .
مكتب مروان
. مروان جالس على كرسى المكتب وهو يفكر فما حدث معه فى الخارج بحيره
ثم تدخل عليه اميرة وتقترب منه وتتحدث
اميرة ... ايه ده جيت
مروان ... لا لسه
اميرة ....لاوالله انت بتقلش
مروان ... لازم بقالى سنه اعرفك
اميره ههههههههه حضرت الحاجه
مروان ... اه فاضل بس اخلص شويه حاجات هنا عشان يبقى مش ورايا حاجه هناك
اميرة ... قشطات
لووعايزنى اكمل عشرين ملصق تحت البارت
يلا عشان نشوف ايه اللى هيحصل فى سخنه مع مروان واميره مين متحمس
#الاعمى
#بقلمى_ليلةعادل
البارت الثامن
من روايه الاعمى
بقلمى ليلة عادل ✍️🌹
الفندق فالسخنه الساعه 1م
يقف كل من مروان واميره وحمزه ونور فى راسبشن الفندق
حمزة ... ازيك يا دكتور والمصحف انا مبسوط انك جيت وفكيت
مروان ... متشكر انت اكيد حمزة
نور ... انت بقيت مشهور
مروان ... وانتى نور المشهوره بلمبه
نور ... واضح ان اميره مسيحلنا
مروان ...(ببتسامه ) اميره مش بتبطل كلام عليكم انا حبتكم منها من جدعنتكم معاها ربنا يخليكم لبعض
حمزه ... شكرا يا دكتور
اميره ... يلا كل واحد على اوضته دكتور
مروان ... نعم يا اميره
اميره ... تعالي عشان اوصلك اوضتك هى جنب اوضتى اى حاجه محتاجها بس قول ميرو لحظه هاجيلك
مروان ... تمام يا ست ميرو
(بعد ساعه غرفه مروان)
اميره تطرق الباب ثم يفتحلها مروان
اميره ..(بستغراب) ايه ده ملبستش
مروان .. تقصدش مقلعتش
اميره .. هههه يلا غير هدمك بسرعه عشان ننزل نبلبط فى بحر زى البط
مروان . (بمزح ) مش شايفه يا بطه اننا لسه جاين نرتاح بعدين نبلبط برحتنا ولا يه
اميره .. لالالا انا عايزه الحيويه وسرعه بتعت الشغل وهرى تبقى فى الصياعه كمان
مروان .. صايعه فى وحده تكلم دكتورها كدا
اميره .. اه انا يلا بقى
مروان .. حاضر هلبس وامرى لله وطلعلك منا عارف مش هخلص من زنك
اميره ..هههههه يلا بسرعه بس .. هستناك اهو
السخنه امكان مختلفه اوقات متفرقه
لقطات سريعه لمروان واميره واصديقها وهما يسيرون على بحر وهم يلعبون بلكوره وهم يعمون ويضحكون ويجلسون على شاطى البحرفقد قضى مروان ثلاث ايام اجمل ما يمكن مع اميره وكانو فى غايه السعادة
فندق السخنه الساعه 6ص
تقف اميرة امام باب غرفه مروان من خارج وتطرق الباب مره ثم مره اخره لكن مروان لا يجيب ..تقلق تطرق بشكل اكبر يزداد قلقها ثم تفتح الباب وتدخل فى قلق وخوف وتنادى عليه
اميره ... دكتور يا دكتور
مروان ..( يخرج عارى الصدر من الحمام ) فى ايه
اميره (تخجل جدا وتتحدث بتقطع ) انا بس اصل هو يعنى
مروان ... احنا رجعنا للهبل تانى
اميره ... لا اصل خبطت حضرتك ماردتش
مروان ... ها مسمعتش فى حاجه بعدين انتى صاحيه بدرى كدا ليه
اميره ...اصل عندى ليك مفاجأه
مروان ... بخاف من مفاجاتك
اميره ... لا متقلقش
مروان ... طب اكمل لبس وهطلعلك ماشى
اميره ... ممكن اخترلك اللبس
مروان ... اتفضلى
تفتح اميره الدولاب وتقوم بلبحث عن ملابس ثم تطلع بنطلون وقميص
اميره ... دول حلوين اوى تحب اساعدك
مروان ... لا هخلص وطلعلك
- شاطئ البحر الساعه ٦ص
تسير اميره وهى تمسك بايد مروان ثم يصلون على احد الترابيزات وكراسى البحر المفروض وكان على الترابيزه .. مشغل اغانى
اميره ... تنظر لمروان . اتفضل اقعد هنا (تساعد للجلوس)
مروان ... ماشى يجلس ...شكرا
( يدخل عليهم المتر ومع صنيه بها قهوة)
اميره ... تنظر لمتر .. حط الحاجه هنا روح انت
مروان ... انا مش فاهم
اميره ... ما تستعجلش
مروان ...(بسخريه ) جه اليوم اللى تقوليلى فيه كدا
-اميره تضحك ثم تقوم بتشغيل اغنيه فيروز انا لى حبيبى وحبيبى الى تعطى فنجان القهوه لمروان تجلس بلكرسى المجاور له ويتسطحون على الكراسى المنفرضه يستمعون للاغانى وهم ينظرون لشروق الشمس وسط البحر
مروان (ينظر لها ببتسامه ساحره) بجد متشكر اوى
اميره ... (بسعاده ) ده اقل شى
(بعد الاستماع للاغنيه بقليل تنظر اميره لمروان وتجلس )
اميره ... ممكن اسالك سؤال
مروان ...(بمزح ) الادب ده يخوفنى بس قولى
اميره ... هههههه انت ومدام ماجى ازاى اتجوزتو اصل بصراحه انت من مجره وهى من مجره مافيش اى تشابة بينكم
مروان ... ما هو ده السبب
اميرة ... ازاى
مروان ... الاختلاف
اميره ... ونبى.لا دى طلعت منك اوت
مروان ... ازاى
اميره ... لازم عشان نستمر نبقى متشابهين
مروان ... لا بلعكس
اميره ... ممكن توضح اكتر
(يقوم مروان ويجلس امامها )
مروان ... انا بحب الكتب و الشغل حياتى كانت روتنيه جدا كنت محتاج حد يخدنى لدنيا تانيه
اميره ... وماجى هى بقا اللى اخداتك
مروان ... اه
اميرة ... لا بص الاختلاف مطلوب طبعا لكن بنسبة , لان الاختلاف الزيادة بيولد المشاكل
مروان ... ازاى
اميره ... مثلا انا. بحب حاجه وانت بتحب حاجه عمرنا ماهنشارك بعض هتقولى لا انا مش بحبها هفضل انا بقا اعملها لوحدى وانت مش معايا هكرهك وهحس أنى لوحدى لان حبيبى مش معايا مش بيشركنى حاجاتى فهمنى
مروان ... اه فهمك. انتى الحب بنسبه ليكى انى اكلمك كل يوم وبعتلك رسائل حلوى وجيبلك ورد وبلونات. واخرجك كل يوم. واقولك كل شويه بحبك وبعشقك وكلام ده
اميره ... اكييد
.مروان ... ونحب نفس الاكل نسمع نفس الاغانى ونحب نفس الامكان نبقى متشابهين بكل شى كأننا واحد صح
اميره ... اه طبعا الاهتمام والتشابه مهم مش كل واحد يبقى مع نفسه ندخل فى قصة أنى اروح ادور على حد يشاركنى اللى بحبه وبدل ما الحكايه كانت اختلاف بقت خيانه
مروان ... امممم كملى
اميره ... يعنى انا بشوف ان الاختلاف بيولد مشاكل لان كل واحد فينا هيبقى ليه سكته وطريقه تفكيره. يعنى مثلا انا بحب اوى المسلسلات التركية انت لا, عمرك ماهتقعد معايا تتفرج عمرك ماهتهتم حتى تقولى ايه اللى حصل فى مسلسلك. انا مقصدش المسلسل باديك مثل
مروان ... فاهم قصدك , يعنى ده الحب والاهتمام من وجهه نظرك
اميره ... اه
مروان ... طب منا ممكن اشاركك حتى لو مش بحبها
اميره ... بمعنى
مروان ... اتفرج معاكى على المسلسل
اميره ... بس هتبقى بتعمله غصب عنك
مروان ... بعمله. عشان بحبك زى ما انتى. كمان ممكن تتفرجى على الماتش عشان بتحبنى
اميره ...امممم
مروان (برومنسيه وصوت هادى ).... يا حبيبتى الحب اكبر واعمق من كدا انا ممكن اجبلك جنينه ورد كل يوم واقولك بحبك وبعشقك , وكل يوم اخرجك فى مكان شكل بس هل ده كافى اكيد لا ,.هو اه مهم بس مش كفايه لان الحب مواقف اكتر من أنه كلام , احبك انى اكون سندك و ظهرك و امانك احبك يعنى لازم اكملك الناقص احبك يعنى اعوضك على اللى راح احبك يعنى اخليك ديما مبسوطه احبك ودى أهمهم انى اغيرك يعنى اخليك احسن وافضل
اميره.... ازاى
مروان.... يعنى مثلا لو شايف انك شاطره وموهبه فى حاجه انميهالك مش اسكت وأكبر وقولك برفو هتستفيدى ايه ولا شئ لكن لازم اقف جنبك لحد ما توصلى للنجاح ,وبعدين مين قالك بقى عشان نكون سعداء لازم تشابه. بالعكس هيبقي ملل انا بحب الكتب هنفضل كل خروجه نقرء كتب الهدايا كتب لكن لو مختلفين انا مره اوديكى حفله لمطرب بتحبيه انتى تجبيلى رواية وتقرائيها ليا يعنى اشركك عالمك. وانتى تشركينى عالمى نعمل لنفسنا عالم بتعنا احنا الناس تشفنا من بعيد مختلفين ويقول ازاى بس احنا بقمه السعاده. يارب تكونى فهمتينى بعد كل الرغى ده
اميره ... طبعا. يعنى انا ممكن اتجوزك .,.اقصد اتجوز حد نفس طبعك يعنى انت هادى وانا عصبيه انت عاقل انا مجنونه
مروان ...هههه طبعا ليه لا
اميرة. ... انت قولت الحب نغيربعض ونكمل اللى ناقص لان الاختلاف مطلوب
مروان ... ايو
اميره ... بس فى حوارك انت وماجى لا
مروان ... اشمعنا
اميره ... بص بقا الاختلاف مطلوب طبعا بس مش يبقا حد اقصى الشمال والتانى أقصى الجنوب
مروان ... بمعنى.
اميره ... بمعنى انى انا مش بحب الكتب العلميه بس مع ذلك كان عندى استعداد وقرتها معاك ماجى عمرها ما قرات كتاب.معاك ولاحتى روايه. لما بتقولها كدا بترفض .انا اتفرجت. معاك على الماتش. ماجى قالتك مبحبهوش.سبتك ومشيت ماجى بتشرب وانت لا مش بس كدا هى كمان بتحاول تعلمك يعنى بتنزلك لتحت مش بتطلعك ماجى مش بتحاول تروح عالمك ولا فى دمغها حتى انتم مش مختالفين انتم كل واحد فيكم بعيد عن تانى بمسافات
مروان ... امممم
اميره..لازم الطرفين يبقو عندهم الاستعداد انهم يحبو عالم بعض فعلا ويحسنوه مش يخربوه ويبوظو جماله انما مدام ماجى مافيش اى حاجه من دى. قولى انت حاجه واحده بس غيرتها فيك للأفضل قول. حاجه واحده شركتها معاك من الحاجات اللى بتحبها. انا بشوف انت اللى بتروح وبتحاول. وهى لا.... يعنى سكت
مروان... لو حد سمعك هيقول. انك غيرانه منها
اميره..... لا والله. هو ده ردك
مروان (مضايق يقف ) .....يلا نطلع ننام انا فصلت
اميره ... انت بتهرب
مروان ... اهرب. اهرب. من ايه
اميره ... معرفش
مروان ... يلا ننام
اميره ...(تقف ) والله. بتهرب. مش عايز تعترف انك غلط بختيارك
مروان.. (بنرفزه) ....انتى مش شايفه انك بتعدى حدودك و انك بتعدى كل الخطوط الحمرا مش عشان قربنا من بعض شوية ده يسمحلك انك تدخلى فحياتى بالشكل ده , اميره اتمنى. انك متنسيش انى دكتور مروان عزت وانك طالبه عندى فقط. لو كنت سمحتلك تقربى من حياتى شوية ده ميخلكش تنسى انتى مين وانا مين.. تصبحى على خير
اميره (بزعل )... خلصت بهدله واهانه يعنى
مروان (بهدواء).. انا مقصدش بس
اميره ... .ولا بس ولا حاجه. انا اللى اسفه عندك حق تسمحلى بقا اوصلك الاوضه ولا ده. خارج نطاق. حدودى
مروان ...(مضايق )..عمرك ما هتتغيرى هتفضلى عاطفيه ومتسرعة ومندفعه
اميره ... (مضايقه) افضل من انى اكون عديمه الاحساس. وكل حاجه. بحسبها بالعقل والمنطق ١+١=٢ ...يلا بينا
( تمسك ايده ويسير لداخل الغرف )
بعد دخول مروان الى الغرفه تقف اميره ومروان امام الغرفه
اميرة ... تصبح على خير
مروان ... وانتى بخير
( يدخل مروان يقفل الباب. بعد قليل تطرق اميره. الباب مره اخرى)
مروان ... فى حاجه
اميره.(بحسم )... اه بص بقى انا مصممه انها مش شبهك وان جوازك منها غلطه وأنها من مجره وانت من مجره ومستحيل تتقابله. زى الزيت والمياه مستحيل يختلطو ببعض. مهما عملت وحولت و انت تستاهل حد تانى. ماشى سلام
مروان ... سلام
(يقفل الباب ويقف خلفه. وهو يضحك)
مروان ... اقسم بالله مجنونه وعنيدة
فيلا مروان الساعه 2م
فى غرفه مروان فى الطابق لاول هادى وماجى فى الغرفه نايمين على السرير عليهم غطاء
هادى ... يييا كنتى وحشانى اوى جوزك ده رخم يعنى لازم يقولك تنامى جنبى محنا كنا حلوين
ماجى ...(بدلع )..ده على اساس انه فارق معاك منا معاك فى كل لحظه الصبح بلاتليه وبليل هنا
هادى ... يا قلبى بتوحشينى بعدين بغير عليكى انا مش مقتنع ان من وقت مانزلتى تحت مجاش جنبك
ماجى ... عنك ما صدقت
هادى ... والله
ماجى ... اعملك ايه عشان تصدق احنا فحضن بعض وهو جنبنا تحب انام معاك قصده عشان ترتاح
هادى ... هههههههه لا مش اوى كدا بس راعى انى بغير عليكى ... ميجو بقولك ايه
ماجى ... (بدلع) عايز ايه
هادى ... ماتقومى ترقصيلى
ماجى ... عنيه
شقه منير الساعه 5م
يقف فى البلكونه و يتصل منير بمرون
منير ...ايه يا حبيبى عامل ايه في رحلتك
مروان ... الحمد الله كانت عايزك والله
منير ... انا متاكد ان اميره قايمه بالواجب وواخده بالها منك
مروان ... طبعا انت عارفها
منير ... بقولك ايه
مروان ... ايه
منيره ... عايز العقد الارض عشان اروح الشهر العقارى اسجله
مروان ... هو فى المكتب استنى هجيلك بكره
منير ... لا خليك انت انبسط انا هروح عندك هى مش ماجى هناك
مروان ... لا عندها شغل كتير عشان المعرض بتعها اول الشهرمسافره الجوانه وهادى مسافر مع اصحابه حتى كيلا اجازه
منير... طب احنا كنا عايزين ننجز لحسن الراجل يغلى علينا
مروان ... طب بقولك ادخل من البوابه اللى ورا
منير ... يييييا زمان معملتش الحركه دى فاكر لما كنا بنتاخر ايام ثانوى وعشان ابوك ميهزقناش كنا بندخل منها
مروان ... ههههه ايام الشقوه دى تتنسى ىهههههههه روح وادخل من هناك وادخل من باب الخدامين زى زمان
منير ... تمام
- فيلا مروان الساعه8م
نشاهد منير وهو ينط مع على البوابه الخلفيه للفيلا ثم يسير ويذهب للباب الخدامين..وعند وصوله للداخل فى هول الفيلا يسمع صوت اغانى يقوم بنادء بصوت عالى على ماجى
منير ... مدام ماجى انتى هنا مدام ماجى
لكن بعد قليل جدا يسمع صوت ضحكة شاب؟ ياخذ القرار انه يطرق على الباب ثم تفتح ماجى وهى ترتدى لانجرى نوم وعليه روب
ماجى (بستغراب )... منير انت ازاى دخلت
منير (مصدوم ) ...من باب اللى ورا
ماجى (بعصبيه ) ...هو انت عشان مدير اعمال وصاحب جوزى ده يسمحلك انك تدخل بطريقه الحراميه دى لما ياجى مروان لينا كلام
منير (بسخريه ) ...مروان اللى قالى اعمل كدا لان حضرتك المفروض فى الجونه عشان المعرض بس واضح ان المعرض اتنقل اوضه مروان
ماجى ... تقصد ايه
منير ... ولا حاجه هو مروان رجع
ماجى ( بقرف ).... اكيد لا هيرجع من غير ما يقولك
منير ... اصل انا سمعت ضحكه شاب
ماجى (بستغراب ) ...شاب
منير (بتريقه )... اكيد ده فيلم يعنى ايه اللى هيدخل شاب اوضتك انتى و مروان
ماجى ... هادى
منير ... مش فاهم
(ثم يظهر هادى هو عارالصدر يرتدى بنطلون فقط)
هادى ... ايه يا عم منير عامل ايه
منير .. (باستغراب )... انت هنا انت مش مسافر
ماجى . (بقرف )..فى ايه يا منير انت مالك سافرنا مسافرناش انت بتدخل ليه وبتحقق كدا ليه معانا
منير ... اصل مروان فاكر انكم مسافرين
هادى ... غيرنا راينا قولنا نتسلي هنا ونحتفل عندك مشكله
منير.. (بسخريه واستغراب )... والله انتم بتتسلو كدا فى واضه النوم لا بصراحه اول مره اشوف اخوات مرتبطين ببعض للدرجه تحسهم متجوزين
ماجى ... اديك شفت يلا بقى عشان عايزين نكمل السهره
هادى .. (ببسخريه ).... ما تقعد معانا تسهر شويه ميجو عامله شويه حمام يستاهلو بوقك
منير ... لا انا هاخد الورق وهامشى
ماجى ... منير
منير ... نعم
ماجى ... سلام
يخرج منير بعد ما ياخذ الاورق من المكتب ولكن ماجى كانت تقوم بمراقبته من شباك الغرفه حتى يركب عربيته ويمشى
- عربيه منير
يجلس منير داخل عربيته وهو يفكر بما شاهده؟ ثم يقول لنفسه الواحد يامه هيشوف احنا داخلين على يوم القيامه ثم يسوق ويرحل
تفكروا ايه اللى هيحصل منير هيحكى لمروان اللى شافه والحقيقه هتظهر.
تابع
#رواية_الاعمى
#بقلمى_ليلةعادل
البارت التاسع
فيلا مروان 8م
داخل غرفه مروان ماجى تتحدث مع هادى
هادى ...( بتوتر) اوف داخل ازاى الحمد الله ماشفش حاجه
ماجى ... بقوه ... مالك خايف كدا ليه متسترجل
هادى ..(باستغراب )..استرجل ده لو جه قبلها بنص ساعه مكنش هيسمع ضحكه كان هيسمع حاجه تانيه كنا هنروح فى داهيه بقولك ايه انا همشى نرجع نتقابل زى زمان بشقتكم القديمه و ابقى قوللهم رجع انجلترا
ماجى (بجديه )... بلاش تخريف ده مش هيحصل انت فاهم
هادى ... انتى مش خايفه
ماجى ... (باستغراب ) واخاف من ايه
هادى ... من اللى حصل يوصل لمروان
ماجى ... (بلا مبالا) ما يوصل
هادى ... انتى بتستعبطى
ماجى ... لا بس عايز تشوف الاستعباط اللى على حق .. استنى عليا
تمسك تليفونها وتتصل بمروان وهى متعصبه وصوتها عالى
مروان ... ازيك
ماجى( عصبيه شديده )... انت اتجننت
مروان ... اهدى
ماجى (بعصبيه).. اهدى بدخل راجل غريب على مراتك فى البيت وعايزنى اهدى انت واضح ان العمى اقصر على دماغك
مروان (بنرفزه )... ما تهدى وفهمينى بعدين انتى مش فى الجونه
ماجى (بقرف )... غيرت راى ما روحتش تعبانه (بغضب ) هى دى مشكلتك
مروان ... طب ممكن تهدى و فهمينى اللى حصل
ماجى ... وانا قاعده فى امان الله انا واخويا نسمع شويه اغانى وبنتغده فاجاه القى اللى داخل يتسحب زى الحراميه ويقولى انتى مسافرتيش مين معاكى هو مال اهلو اصلا بعدين افرض كنت قاعدة برحتى قاعدة عريانه القى اللى داخل عليا
مروان ... انا والله مكنتش عارف بعدين ..انتى كلمتينى الصبح قولتى انك فى المطار وهادى سافر مع اصحابه واديتى لكيلا اجازه و هو كان محتاج اورق مهمه عشان الارض اللى انتى عايزها
ماجى (بهدواء ) ...طب انت شايف اللى حصل ينفع اسلوبه معايا كان زفت
مروان ... حقك عليا متزعليش انا هعرف شغلى معه
ماجى ... ياريت عشان ده بينسى نفسه
مروان ... حاضر بس قوليلى ايه اللى حصل وهادى ليه مسافرش
ماجى (بدلع وهدواء )... ولا حاجه يا روحى وانا فى المطار اغم عليا بعد ما فقت كلمت هادى قولته انت فين قالى انه فى اسكندريه قولته تعاله انا تعبانه.. مروان لسه مرجعش رجع وقعد معايا مانت عارف مش بحب اقعد لوحدى
مروان ... لا الف سلامه عليكى طب انتى بخير
ماجى ... لا
مروان ... ليه مالك
ماجى ... اصلك وحشتنى اوى الدكتور قالى دا نفسى انت عارف اول مره نبعد عن بعض خمس ايام بحالهم
مروان ... طب تحبى ارجع
ماجى ... لالا اوعي انا اتحمل بس انت لازم تنبسط ياروحى انت من وقت الحادثه مسافرتش وغيرت جو بعدين انت راجع بعد بكره و انا بقيت كويسة لما سمعت صوتك
مروان ... اممممم
ماجى ... لو فى اى حاجه هكلمك ... مروان
مروان ... ايوه
ماجى ... بحبك اوى
مروان ... وانا كمان
ماجى ... يلا روح انبسط لا اله الا الله سلام
مروان ... محمد رسول الله سلام
بعد ان اغلق مروان الهاتف مع ماجى يتحدث مع نفسه
مروان ...( بحيره ) اكيد لا .. اهدي بلاش جنان مافيش حاجه اكيد .. بس..لا اكيد لا...يارب انت عالم بكل شئ اظهر الحقيقه ونور بصرتى يارب
كان هادى اثناء حديث ماجى مع مروان فى زهول تام من هذه الحيه التى تتفنن على كل لون هل فى هذة الدنيا بشر مثلها و بجحتيها وقدرتها على التمثيل بهذه البارعه فهى لا تخشى ولا تخاف من شئ؟؟
ماجى ... مالك بتبص كدا ليه
هادى ... انا بخاف منك
ماجى ... ليه يعنى
هادى.. (بستغراب )... انتى مش شايفه نفسك دا انا صدقتك .دا انتى كنتى فى حضنى من شويه و لما سمعتك صدقتك وصدقت انى اخوكى
ماجى ... اتعلم
هادى ... حاضر
ماجى (بدلع ) ايه بقى هو مافيش حاجه كدا
(ثم تقترب منه كثيرا)
- فندق السخنه 9م
غرفه مروان ... يقوم مروان بتحدث مع حمزه فى التليفون
حمزة ... ايوه يا دكتور عامل ايه
مروان ... انا تمام بقولك هى اميره معاك
حمزة ... لا فى الاوضه بتعتها فى حاجه
مروان ... عايزك تسمعنى كويس وتركز معايا
حمزة ... حاضر
المرسى 8م
حمزة يمسك ايد اميرة ويسيرون فى طريق الموصل الى المرسي
اميرة .. (بستغراب ) انت وخدنى على فين
حمزة ... اصبرى
اميرة ... انت يابنى طب
حمزه ... اسكتى بقى
بعد ما يوصلو عند المرسي يقف حمزه امام احد اليخوت
حمزة ... يلا اطلعى
اميرة ... تصدق انا اللى غلطانه انى بمشى ورا كلام عيل زيك ( تمشى )
حمزة ... (يمسكها من درعها ) استنى يابت اطلعى ده نور والعيال جوا
اميره ... ازاى محدش قالى
حمزة ... هو حد شاف خلقتك من وقت موصلنا على طول مع دكتور مروان
اميره ... ههههه ونبى اومال مين اللى كان بيقعد على البحر معاكم
حمزه ... انتى رغايه اوى تعالى كدا
(يحملها حمزه على كتفه ويدخل اليخت)
اميره (بمزح وضحك ) بطل هزار والمصحف هنضرب حمزه اوعي
(يحملها حمزه حتى يصلوا داخل اليخت ثم ينزلها على سطح اليخت .. و يجرى مسرعا ويتركها فى اليخت فاجى يتحرك اليخت )
اميره .. (ترتعب) .. فى ايه ايه ده
- فجاه تضئ انوار اليخت تدريجيا تتفاجئ بالبلونات والورد والشموع و يقف فى الوسط مروان حامل بوكيه ورد بايده ويرتدى قميص وبنطلون وشكله زى القمر
اميره (ببتسامه رقيقه وزهول تقترب منه ) ايه ده دكتور مروان
مروان ... عشان تعرفى مش انتى لوحدك اللى بتعرفى تعملى مفاجات هو حمزة ساعدنى بس فكرتى لوحدى
اميره ... احلى مفاجاه فى حياتى والله عارف عمر ماحد عمل معايا كدا قبل كدا
مروان... (بمزح ) نحن نختلف عن الاخرون
اميره ... (برومنسيه ) بتتريق انت فعلا مختلف عن كل البشر مختلف عن اى حد فى حياتى
مروان ... اتفضلى (يعطيها الورد )
اميره ... ميرسى حلوى اوى
مروان ... انتى احلى منه اقرئ اللى مكتوب على الكارت
اميره ... تُشبهين البحر حين يتلطف بقوارب اللآجئين،هادئة بشكلٍ غير مفهوم" . الله حلوى اوى
مروان ... مش عايزك تكونى زعلانة منى من اللى حصل الصبح
اميرة ... ايه اصلا الحصل الصبح ؟
مروان ... ههههه تعرفى ان دى اجمل حاجه فيكى
اميرة ... هى ايه
مروان ... انك بتنسى كل شى بسرعه البرق يعنى مش بتشيلى فى قلبك
اميرة .. (بنظرات حب ) اشيل اشيل منك انت يبقى انت لسه متعرفش انت عندى ايه انت اغلى حاجه فى حياتى واقرب انسان لقلبى مقدرش ازعل منك مهما حصل
مروان ..(يغير الكلام ) ... ايه بقى رايك فى اليخت
اميره ... تحفه بجد انت اجرته ازاى
مروان ...(باستغراب) اجرت ايه
اميرة ... اليخت
مروان ... لا ده بتاعى كلمت بس الناس وجبوه هنا
اميرة ... لا واضح ان الشغلانه دى بتكسب لا ده انا اركز بقا
مروان ... ههههههههههه ركزى ياختى تحبى تلفى شويه فى اليخت
اميرة ... ياريت
مروان ... تعالى
شاطئ البحر 8م
تقف نور على البحر منتظره شخص ما ثم يظهر على وجهها الابتسامه ثم يدخل عليها حمزه
نور ... ايه عملت ايه
حمزه ... عيب عليكى كله تحت السيطره زمانهم بيتعشو وسط البحر وفى حضن النجوم والقمر بيشهدهم
نور ... ياسلام تفتكر عمل كدا عشان بيحبها ولاه يعنى عادى بيرضلها جزء من الجميل ,انا مش عارفه
حمزة ... لا طبعا انتى مش شايفه اهتمامه بيها ولاه كلامه معها ده بيتغير لما بيسمع صوتها .مروان اللى بيخوف اللى شخصيته قويه وعاقل,.معها بيبقى طفل صغير..كأن حاجه كانت تيه منه ولقها انا حاسس انه هيعترف النهارده
نور ... يارب بقى عشان نفرح
حمزة ... طب مش هنفرح بينا بقى انا خللت
نور ... لا هنفرح
حمزه ... احلفى
نور ... والله انا قولت لبابا انك عايز الفرح يبقى على اول السنه يعنى كلها شهرين
حمزة ... حيييياتى
(يخدها فحضنه ويلف بيها)
- اليخت الساعه 12ص
اميرة تقف على السور ووجهها الى البحر ثم تلف وجهها الى مروان وهوجالس على احد الكارسى
اميره... المنظر بجد من هنا يجنن عارف انا طول العمر ده ,عمرى مقعدت لحد وقت زى ده فى وسط البحر مجاش عليا الليل وانا فوسط البحر والنجوم والسما
مروان ... المهم انك تكونى مبسوطه
اميره ... طبعا مبسوط
(تقترب منه ثم تجلس بالكرسى المجاور له)
اميره ... ممكن طلب
مروان ... انتى النهارده تطلبى كل اللى انتى عايزة
اميرة ... ممكن نفضل مع بعض لحدما النهار يطلع....(تصمت قليلا) نفسى فى بدايت يوم جديد ياجى علينا واحنا مع بعض
مروان (يفكر قليلا ) اممممم موافق....بس مش خايفه على نفسك منى
اميرة ...(ههههه) مش للدرجه دى
مروان ( ببتسامه ومزح)... مش للدرجه دى ازاى انا اه اعمى بس حافظ اليخت حته حته هفضل اخبط فيه لحد ما اوصلك
اميرة ... على فكره انا مش بخاف منك انا بثق فيك وبحبك..قصدى يعنى بحترمك جدا
مروان ... وانا عمرى ماهخليكى تندمى على ثقتك دى... بس انا موافق بشرط
اميرة ... على حسب
مروان ... خلاص هخلى الراجل يلف
اميرة ... خلاص خلاص انت بتصدق انا بضحك معاك ايه هو
مروان ... تقرائيلى مذكراتك لما نرجع
اميرة ... ها افكر.. اممممم ..موافقه
شقه منير 2 ص
منير جالس فى الراسبشن يفكر عن ما شاهده فى منزل مروان تدخل عليه زوجته
لبنى ... مالك
منير ... مافيش
لبنى ... هو مروان عامل ايه لسه فى السخنه
منير ... اه هياجى بعد بكره
لبنى ... بصراحه اميره دى اللى مفروض تبقى مراته البنت وقفت جنبه وخرجته من الظلام اللى كان فيه
منير ...(بسخريه ) انتى عايزه مصاصه الدماء اللى فى البيت تقتلهم
لبنى ... ههههههههه عندك حق بس مش دى معرفتك
منير ... غلطه وهفضل طول عمرى ندمان عليها
لبنى ... بس صحبك بردو غلطان ليه مستمر معها مايطلقها حتى من قبل الحادثة وهى بتتعامل معه وحش ..وكمان رايح يشترلها ارض عشان تعمل جالرى عليها
منير ... قالها كتير بس هى بترفض اصلا قبل الحادثه كان مصمم كان راجع من المؤتمر على المحامى بس الحادثه
لبنى ... ربنا يهدي هالوه
منير ... يارب يلا بقى نروح ننام عشان تعبان
- اليخت
فى احد الغرف اليخت مروان متسطح على السرير واميره تقف بجانبه
اميره ... ها تحب اقرألك ايه النهارده
مروان ... نكمل الرواية
اميره ... ماشى يلا نام
مروان ... ماشى
(تساعده اميره على عدلة المخده )
اميره ... مرتاح كدا
مروان ... اه يلا ابدائى
( تجلس اميره على الكرسى المجاور للسرير ثم تقرء اميرة جزء من الرواية ثم تشاهد مروان وهو نائم ثم تنظر اليه بحب و بعد قليل يفتح عينه )
مروان ... انتى هتفضلى بصه عليا كدا كتير
اميرة (بزهول ) انت بتعرف منين لا بجد ههههه انا شكه فيك هتطلع مفتح وبتغفلنا صح
مروان ... ههههههههه تفتكرى
اميرة ... ياريت
مروان ... مش هتزعلى انى كنت بكذب عليكى طول الفتره دى
اميرة ... فرحتى بيك انك بتشوف هتنسينى كل حاجه انا بتمنى اليوم اللى ترجع تانى فيه تشوف,.مع انك بصراحه قبل الحادثه مكنتش بتشوف
مروان ...ازاى
(تقوم اميره وتنام بجانبه لكن بعيد عنه قليل )
اميره ... يعنى كنت كل ما اجى اسلم عليك او اكلمك مكنتش بتعبرنى خلاص كانى جربه
(مروان يلف جسمه وينام على جانبه ثم ينظر لها ببتسامه خفيفه)
مروان ... جربه ههههه اكيد مكنتش ببقى قاصد
اميرة ... منا عارفه بس بردو كنت لابس نظاره عميك عنى
مروان ... مالكيش حل عنيييده
اميرة ... مش هقولك تانى ان البنت العنيدة رزق.. ممكن اسالك سؤال
مروان ...اكيد
اميرة ... انت عارف انا مين
مروان ... بدانا فى الاسئله الغبيه
اميرة ... افهمنى صح
مروان ... حاضر ههههه فهمينى طيب
اميرة ... معرفش تملى مستعجل كدا فكر شويه قبل ما تتكلم
مروان ... والله ده انا بردو
اميرة ... سبنى ونبى دى فرصتى
مروان ... ههههههههه طيب
اميره ... اقصد عارف شكلى فاكر شكلى من الفرح
مروان ... يلا روحى نامى
اميرة ... بطل اسلوبك الرخم ده
مروان ... بطلى انتى لسانك الطويل ده
اميرة ... وحياتى عندك لتجاوب طب بلاش انا وحياة ماجى
مروان ... انتى فاكره ان حياتك عندى مش غالية؟
اميرة ... يعنى انا حياتى غالية
مروان ... انتى شايفه ايه ولاه انتى كمان لبستى نظاره !!
اميرة ... طب قولى
مروان .. شعرك طويل ليس- انتى خمريه شويه عيونك بونى وشك مدور شوية جسم صغير و قصيره
اميره ...(مزهوله ).. ايه ده انت عارفنى كدا ازاى ده شكلى دلوقتى
مروان ... اها
اميره ... لا بجد انت شيفنى
مروان ... هههههههه
اميرة ... بجد اصل ده شكلى دلوقتى انا شكلى اختلف عن الفرح كتير عملت تان وخسيت وغيرت تسريحت شعرى ولونه
مروان ... عرفت وخلاص
اميره... منير اللى وصفلك صح اعترف
مروان ... روحى نامى يلا
اميره ... فضولى هيقتلنى
مروان ... ههههههه
اميره ... طب ممكن طلب كمان
مروان ... طلباتك كترت
اميرة ... فرصتى بقى لازم استغلها
مروان ... استغلى يا ستى
اميرة ... اقعد معاك هنا والله ماهعمل صوت
مروان ... (بجديه ) لا مش هينفع طبعا بلاش جنان
اميره ... ايه جنان فى كدا بس محنا قاعدين اهو جنب بعض
مروان ... اسمعى كلامي قولى حاضر
اميرة ... ونبى
مروان ... قولى حاضر
اميره ... وحياتى
مروان (بحسم )... قولى حاضر
اميرة ... طيب حاضر اهو
مروان ... هههه ايو كدا تصبحى على خير
اميره ... وانت من اهل الجنه
(تخرج اميرة للخارج بعد قليل تدخل مره اخرى وتجلس بجانبه على سرير تنظر اليها بحب ولكنها تغرق فى النوم لكن اثناء وجودها كان مروان يشعر بها وبعد ان تنام يفتح عينه يبدا ان ينظر اليها كانه يرها ثم يقوم بلمس شعرها ووجهها بحب )
اليوم الثانى تستيقظ اميره بخضه من على السريرلان مروان ليس بجنبها تفكر ماذا ساتقول له عن نومها بغرفته تخرج اميره من الغرفه وتذهب الى سطح اليخت
اميره .... صباح الخير
مروان ... اخيرا صحيتى
اميره ... اه هى ساعه كم
مروان ... 10
اميرة ... تمسح عيونها ... انا تعبانه اوى عايزه انام
مروان ... تانى بتجيبى النوم ده كله منين تعالى افطرى
( مروان محضر لها فطار بشكل رومنسى)
اميرة ... تنظر بعينها على الترابيزه انا حاسه انى جوه مسلسل تركى
مروان ... ليه يعنى
اميرة ... اصل محدش بيعمل كدا غيرهم
مروان ... لا فيه كتير انتى بس اللى مش قابلتى حد كدا
اميرة ... انا قبلتك اهو
(ثم تجلس اميره على الترابيزه هى ومروان ليتناولو الفطار)
مروان... ها قوليلى رايك انا اللى عامله بايدى
اميره ... الله الاكل يجنن انت اللى عامله بجد
مروان ... اه والله , على فكره يا اميره مش معنى انى اعمى انى مقدرش اعمل حاجه بلعكس دى معلومه غلط , فى كتير من فاقدى البصر صنعوا معجزات
اميره ... طبعا عندك طه حسين وكتير من الامثلة الناحجه اللى استغلة اعاقتهم وصنعوا منها المعجزة
مروان ... اكيد
اميره ... بس انا بحس ان عشان توصل لده لازم يكون جنبك حد بيحبك وياخد بايدك ويساعدك لحد ماتوصل لده
مروان ... مش فى كل الحالات فى ناس عندها القدره لتحقيق ذاتها من غير ماحد يساعدها , مينفعش اوقف حياتى لانى لوحدى
اميره ... بس الانسان بيكون محتاج شخص يدفعوا ويقوية لو قابل مشكله فى وسط الطريق يرجعوا, ويقوله انت قادر على فعلها شخص يهون عليه مرارة الايام , و التعب اللى شافوا اثناء رحلته ويفرح لنجاحه بعد نهاية الرحلتة
مروان ... اكيد بس مش ضرورى يكون حبيب
اميره ... طبعا حبيبه صديقه اسريتة , المهم يكون الشخص ده بيحبك لذاتك بجد وعايزك دائما مبسوط
مروان ... بتاكيد ممكن بقى تكملى فطارك
اميرة ... حاضر هو يجنن اصلا تسلم ايدك
مروان ... ميرسى
- فندق السخنة 2م
داخل غرفه نور تجلس على سرير و تسند راسها هوهى تسمك التليفون تدخل عليها اميره
نور ... اخيرا جيتى
اميره ... (تقف امامها وبسعاده ) انا اسعد مخلوقة على وجه الارض
نور... لا تحكيلى بقا بتفاصيل
فيلا مروان 3م
ماجى فى المطبخ ومعها النجار يقوم النجار بتصليح الباب
ماجى ... عايزة تقفل الباب ده مش بس تغير الكالون
النجار ... ماشى يا فندم
(ماجى تتحدث مع نفسها يبقى يورنى هيدخل منين تانى
احد النيت كلب فى السخنه
اميرة تجلس على احد الترابيزات مع اصدقائه ومعها مروان والجميع يضحكون
اميره ... دكتور
مروان ... نعم
اميرة ... تسمحلى برقصه دى
مروان ... انتى اللى بتطلبى منى
اميرة ... ويبقى ليا اشرف لو قبلت
مروان ... لازم اقبل
تمسك اميره يد مروان ويقفون على المسرح ثم تبداء الموسيقى تشتغل و يرقصون اسلو على احد الاغانى الرومنسيه وهما ينظرون لبعضهم بكل حب ورومنسيه كائن مروان يراها لقد نست اميره العالم فكانت اجمل لحظه فى حياتها انه لاول مره تقترب من مروان بهذا الشكل ... بعد الانتهاء يصفق الجميع ثم يرجعو الى الترابيزه بعد جلوسهم باقل من دقيقه تشتغل بعض الاغانى الرقص يطلب منها ياسر صديق اميره الرقص معها
ياسر ... ميرو يلا نرقص
اميرة ... لا تعبانه مش قادره
ياسر ... لا مافيش كلام ده (يشدها بيدها )
اميره ... يا مجنون استنى
(ثم تقوم ترقص معه وسط الناس و الجميع يصقفون لهم لكن مروان كان غيران جدا جدا ومتعصب بعد ان انتهاء الرقصه ترجع و تجلس بجانبه)
ياسر ... اقسم بالله عالميه
اميرة ... ده انا كدا رقصت وحش عشان مش نايمه فاكره حفله الساحل لما فضلت ارقص لحد الفجر ومسحت كل البنات و بقيت الملكة
ياسر ... طبعا يا قلبى واحلى ملكه كمان (ثم يقوم بتقبلها فى يدها )
ياسر ... عارف يا دكتور
مروان ... ايه
ياسر ... ميرو دى احسن بنت بترقص صلصه فى الدنيا
مروان ... بضيق برفو طب انا هستاذن عايز انام
اميره ... لسه بدرى متخليك شويه
مروان... ( بعصبيه ) انا مقولتلكيش تعالى معايا
اميره ... طب استنى اوصلك
مروان ... انا عارف المكان لوحدى خليكى برقصك واصحابك
تجرى اميره خلف مروان تحاول ان تسند باى شكل لمساعده على الخروج للخارج بعد وصلهم للممر الغرف
مروان ... (بغضب يسحب ايده وزقها لكن ليس بقوه) ممكن بقى تسبينى قولتك باعرف اروح لوحدى
تزداد سرعه مروان هو يحسس على ارقم الغرف بايده. لكن اميرة بتجرى خلف مروان لتتحدث معه وهى مش فهمه حاجه لكن مروان متعصب جدا
اميرة ... دكتور مروان يا دكتور تمسك من دراعه
مروان ... يلتفت لها افندم
اميرة ... مالك ايه حصل
مروان ... ولا شئ محتاج انام ولاه ده مضايقك
اميرة ... لا بس الساعة لسه 8
مروان ... اعتقد انا مش صغير عشان تقوليلى انام امتى
اميرة ... هو فى ايه.. ايه العصبيه دى و بتتكلم معايا كدا ليه اصلا انا زعلتك فى حاجه
مروان ... ولا متعصب ولا حاجه بقولك تعبان عايز انام مابتفهميش
اميرة ... طب حاضر
(تمسك ايده لكن هو يقوم بسحب ايده من ايديها )
مروان ... انا بعرف اروح لوحدى
يتركها ويرحل تقف اميره مصدومه لا تفهم ماذا حدث تفكر ماذا تفعل تقف تراقب مروان حتى يدخل غرفته ويغلق الباب ... ثم ترجع الى اصديقا
يدخل مروان داخل الغرفته هو عضبان جدا و يقوم بتيكسر احد الكوبيات المتوجده على الترابيزه وتمتلى عيونه بدموع و يجلس على احد الكراسى ويضع يده على وجهه ويمسحوا
نيت كلب سخنه الساعه 8 م
تدخل اميره وتجلس مع اصدقائه وهى مضايقه جدا
حمزة ... فى ايه
اميرة ... معرفش بس متعصب اوى حد فيكم ضايقه منا عارفه انتم تضايقه بلد
نهله ... لا خالص بالعكس كنا عمالين نهزر معه بس هو كان مركز معاكى اوى وانتى بترقصى تقولى شيفك
اميرة ... اممم وامال ايه
ياسر ... ياستى فكك منه انبسطى انتى
نور ... ميرو كبرى بقا بعدين مافيش مبروك
اميرة ... على ايه
حمزه ... انا ونور هنتجوز اول السنه
اميرة ... بجد الف مبروك لا دا احنا نحتفل بقا
فندق السخنه الساعه 2م
يقف الجميع متجمعين امام احد البصات مروان واقف بجانب اميره ثم تمسك يده لمساعدته للركوب الباص .. تجلس اميرة بجانب مروان
اميره .. تنظر له هتفضل مكشر بوشى كدا كتير
مروان ... هكشر ليه
اميرة ... طيب مش نور وحمزة هيتجوزه اول السنه
مروان ... الف مبروك عقبالك
اميرة ... لا مش عايزه اتجوز
مروان ... ليه
اميرة ... بحب واحد بس مش سائل فيا بس بيعرف يرقص حلو اوى بيعمل مفاجات احلى
مروان .. ومين ده بقى
اميرة .. منا بقولك واحد بحبه اوى اوى من اولى ثانوى قمر كدا وكل بنات بتجرى وره بس سبحانه هو برج الاسد بس قالب على جوزاء
مروان .. معلش
اميره .. جوزاء والله ونفصام كمان
مروان ... اممممم طيب
اميره ... هموت وانام
مروان ... ليه انتى طلعتى امتى
اميرة ... بعد الفجر كنا بنحتفل بنور وحمزه بس عارف مش كنت مبسوطه كان فى حاجه نقصانى
مروان ... ايه هى
اميرة ... انت
مروان ... انا
اميرة ... اه انت كان نفسى تبقى معايا وبعدين لما طلعت فضلت افكر انا عملت ايه عصبك كدا وزعلك منى
مروان ... (يبتسم ) انا مقدرش ازعل منك بس صدقينى تعبت
اميرة ... بجد
مروان ... بجد
بعد قليل تنام اميرة لكن راسها تميل على كتف مروان ثم تفوق وتعدل نفسها ثم تميل فاتعدل نفسها بعد قليل تظهر وهى نائمه على صدرمروان وتمسك ايده وعندما تفوق دونه ان ياخذ مروان بالو تقوم بلف ايدها على وسطه ووتكمله نوم - عند وصول الباص القاهره يقوم مروان بافياقها
مروان .... اميرة مرمر احنا وصلنا
اميرة ... اه ايه ده بسرعه دى انا ملحقتش انام .,(بستهبال ) ايه ده سورى بجد معرفش عملت كدا ازاى
مروان ... ولا يهمك عادى
- ينزلون من الباص ثم يقوم الجميع بلقاء التحيه والسلام على مروان
حمزه ... سلام يا دكتور ... باى يا ميرو
مروان ... سلام ... مع سلامه يا ياسر
يمسك مروان يد ياسر ولكن ماسكه جامد جدا
ياسر ... سلام
(نظرات استغراب من ياسر على موقف مروان معه ثم يغمز له حمزه بعد ان يرحل مروان واميره فى العربيه الخاصه بمروان )
ياسر ... انا ما عملتش حاجه مالو ده
حمزه ... بس انا فاهم
ياسر ... فاهم ايه
حمزة ... يلا ياعم نمشى
#الاعمي
#بقلمي_ليلةعادل
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق