رواية الاعمى (الجزء الثاني)الفصل الثانى وخمسون والثالث وخمسون بقلم ليلةعادل
رواية الاعمى (الجزء الثاني)الفصل الثانى وخمسون والثالث وخمسون بقلم ليلةعادل
_*~الجزء الثاني
~من
روايه الاعمى2
بقلمي ليلةعادل*~_✍️🌹❤️
الحلقة الثانية والخمسون
أحد المستشفيات 2ص
نرى مروان واقف امام إحدى غرف العمليات يبدو عليه القلق والخوف يخرج الدكتور من العمليات يقترب مروان منه بسرعة
مروان : اميرة عامله ايه
الدكتور : انا آسف خسرنا الطفل
مروان : المهم أميره
الدكتور : الحمد الله بخير
مروان : انا عايز اشوفها
الدكتور : هى نايمه
مروان : ممكن اشوفها امتى
الدكتوره : ننقلها الأوضه وأدخلها
غرفة اميرة
يدخل مروان الغرفه وعيونه مليئة بالدموع مع الاستماع لدقات قلبه وملامح الخوف التي سكنت وجهه يقترب ببطئ كانت اميره نائمه على السرير يمسك ايدها ويقبلها
مروان : ليه عملتي كده فى نفسك ليه بتوجعيلى قلبي عليكي ليه .. يلامس وجهها باطراف اصابعه بحب.. لما تقومي بالسلامه لازم اعاقبك .. يقبلها من خدها ثم يأخذ الكرسي يجلس بجانبها وينظر لها بحب
(فلاش باك قبل ٣ايام)
ملجأ الزهور ١م
غرفة مديرة الملجأ
نرى مروان يجلس على الكرسي الأمامي للمكتب مع مديرة الملجأ
مروان : يعنى مافيش أى معلومات
المديره: زى ما قولتلك يا دكتور البنت دي تاني يوم كانت اختفت سرقت المبلغ اللي حطيته وهربت
مروان :حضرتك اللى كنتي ماسكه الملجأ وقتها
المديره : اه
مروان : طب صورتها فين
مديره :احنا بنعدم اى ملف بعد ٥سنين ملحقش يتعملها ملف بقولك هربت تاني يوم
مروان : شكرا
يخرج مروان للخارج
تمسك المديرة هاتفها وتتصل بشخص ما
الو زي ما توقعتي لسه خارج من عندي طبعا صدقني فين باقي الفلوس ماشي سلام
سيارة مروان ٢م
كان يجلس أدهم ينتظر مروان فى سيارته ثم يدخل مروان سيارته يبدو على ملامح وجهه الضيق يرجع ظهره ورأسه على الكرسي ينظر أدهم له
أدهم : ايه
مروان : هربت من تاني يوم بس انا حاسس انها بتكذب
أدهم : حاسس ولا متأكد
مروان : بيأس ينظر له مش عارف يرجع برأسه للخلف ..حقيقى مش عارف من كتر الضغط مابقتش قادر أفكر بشك بكل الناس حتى فيك
أدهم : مروان لازم تتماسك لو حاسس انك هتبدأ تغلط ارتاح انت وسيبلي أنا الموضوع ده متخفش انا مستحيل أتهاون
مروان : عايزني ارتاح وأنا عارف ان اميرة مهددة
أدهم : مقصدش لكن
مروان : هتعمل ايه دلوقت
أدهم : لو وصلنا للعيال دي هنوصل لمجدي ومجدي هو الحلقة المفقودة للغز ده
مروان : ما تدخل تتكلم معها وتشوف بتكذب والا لأني فاقد كل تركيزي حقيقي مش قادر أقيم
أدهم : كنت هعمل كدا بس. شوية..... كدا كدا انا هراقبها
♥️____ليلة عادل____❤️
شقة منير ٥م
السفرة
نرى مروان ومنير واسرته يتناولون الطعام لكن يبدو على ملامح مروان الضيق والإرهاق والشرود أثناء تناوله الطعام كان ينتبه له الجميع وينظرون لبعضهم فهما زعلانين عليه. ثم تاخذ جنى قطعة فراخ بالشوكه
جنى : مروان خد دي من ايدي
ينظر مروان لها بابتسامة ويأكلها
مروان : سفرة دايمة يا حبيبي يقف
لبنى : ايه يا مروان كل ماكلتش حاجة
مروان : الحمد لله با لبنى تسلم ايديكي
لبنى : هو انا مش عارفة أكلتك
مروان : والله الحمد لله. منير هستناك فى البلكونه
يتركهم ويبتعد ويذهب الى البلكونه تنظر لبنى لمنير
لبنى : شكله تعبان أوي
منير : كويس انه لسه واقف على رجله من وقت ماتجوز وهو فى مشاكل ومصايب تهد جبل خلصي أكل واعمللنا شاي
البلكونه
يدخل منير على مروان البلكونة كان يقف مروان وينظر للأمام
منير : لبنى هتعملنا الشاي
ينظر مروان له و يهزر رأسه ماشي
منير : موصلتش لحاجة
ينظر مروان له بيأس ثم يجلس على كرسي
مروان : كل ما أقول خلاص هتتفك تتعقد اكتر ، انا عامل زي لاعيب الكوره اللي عمال يجري يجري جوه ماتش كل مايقرب من الكوره تبعد عنه ، لحدنفسي اتقطع خلاص
منير : انت مش متأكد ان اللي بتعمله كده البنت اللى اسمها شيماء
مروان : ايوة
منير : طب ما هي يا صحبي اتحلت، بعدين شوقي معاك ومتابع وأدهم كمان
مروان : اه بس انا تعبت يا منير الضغط النفسي والعصبي اللي عايشه مابقتش قادر عليه ، تعب أميرة من ناحية والمجهول ده من ناحية ، مش قادر نفسي أنام مرتاح يوم.. نفسي أخلص من الكابوس ده ، عمال اتظاهر بقوة قدام أميرة لكن انا من جوايا بانهار
منير : بص أميرة أمرها سهل تخليها تعمل العملية وانتهت
مروان : مش راضية
منير : تعملها غصب عنها جبلها حبوب اجهاض وحطهلها بعصير
مروان : ايه اللى بتقوله ده مستحيل اعمل فيها كده
منير : ما هي اللي مش عايزة افتح معها الموضوع تاني، لو رفضت ، نفذ اللى قولتلك عليه ، على الأقل هاترتاح من مشكلة أميرة ، ويفضالك المجرم ده يبقى دماغك وتفكيرك كله على حاجة واحدة
مروان : نفسي اشوفها سهلة زيك كده
منير : انا مش شايفها سهلة ،عارف انها صعبة ، لكن عايزك تمسك نفسك... انهيارك وتشتتك هيخليك تغلط أصلب طولك يا مروان العاصفة المرة دي شديدة و محتاجة كل قوتك
مروان : يتنهد أنا هامشي
منير : مروان انا كنت عايز أسألك على حاجة
مروان: ايه
منير : ليه أدهم
مروان : مستغرب من كده
منير : آخر حاجة كنت أتوقعها ،إنك تحط ايدك بايده
مروان : بيحبها ، بيحبها يا منير ،حقيقة اللى مش هأقدر اخبيها ،ادهم مش هاينام ولا هايرتاح إلا لما يوصل للمجهول ، اللواء شوقي من وقت الرسايل موصلش لحاجة ، حتى وصلها بعد كتير ، معذور عنده مصالحه وشغله ، عنده أولويات تانية ، لكن أدهم هيحط الموضوع فى أولوياته هيبقى رقم واحد ، لأن عاطفته اللي هتحركه ، قلبه وعقله هيتجمعوا عشان يوصلو للي عايز يأذي أميرة
منير : انت للدرجة دي بتحبها
مروان : وأكتر ، عندي استعداد اعمل أي حاجة.. أي حاجة ،عشان تبقى بخير ،وأمان، لو اضطريت أحط ايدى فى ايد الشيطان نفسه هعمل كدا من غير تردد
منير : سلمها لله ، وانا متأكد انك هتوصل لأنك طيب ومراتك طيبة
مروان : انا همشي مش عايز اتأخر عليها أميرة كل يوم بحال
منير : مراتك دي لو الواحد مش عارفها كويس كان قال عليها بتبلبع حبوب ، امبارح سلمت عليا ٦مرات
مروان : تصدق نفس احساسي لدرجة اني اتجننت وبصيت بالأدويه بتعتها
منير : هى مجنونة بس مش لدرجة المخدرات
مروان : يلا سلام
♥️____ليلة عادل____❤️
فيلا مروان واميرة ٧م
غرفه tv
تجلس أميرة مع فريدة والولاد يشاهدون التلفزيون ثم يدخل مروان عليهم ومعه وردة باللون الأحمر وشكولاته
مروان : مساء الخير
فريدة : مساء النور عامل ايه
مروان : الحمد الله يا ماما فريدة حضرتك عاملة إيه وانكل خالد
فريدة : كلنا بخير تعال اقعد
ينظر مروان لفريدة ويتكلمون بالعين وبالإشارة
مروان :مالها
فريدة : لسه مرجعه وكانت دايخه
ينظر مروان بضيق وبأسف يتنهد
فريدة : تعال أقعد جنبها. بصوت عالي. اتعشيت يا مروان
مروان : لا
فريدة : هروح أشوف فاطمة وأحضر الرضعه للولاد
مروان : ماشي
يجلس مروان بجانب أميرة وينظر لها يضع يده على خدها ويجذبه نحوه
أميرة : تؤ بس
مروان : انا جيت
أميرة :واخده بالي
مروان : يجذب خدها نحوه مره تانية بقولك انا جيت
أميرة : بطل عايزة اشوف الفيلم
مروان : انا ولا الفيلم
أميرة : الفيلم
مروان : كده ماشي انا زعلان
لا ترد عليه
مروان: اممم يعطيها الورده والشكولاتة
أميرة : ميرسى تقبله من خده اسكت بقى خلينى اركز
مروان : مافيش فيلم فى مروان يغلق التلفزيون ويضع رأسه على قدميها كان وجهه عند بطنها يقبلها من بطنها عاملة ايه
أميرة : كويسة
مروان : ينظر مروان لها بحب متأكدة
اميره: بابتسامه امم عارف مين هو اللي مش كويس ينظر لها بعينيه.... انت ايوه انت، مروان انا مش قادرة اشوفك كده ، انت شكلك تعبان ومجهد اوي
مروان : انا كويس. يقبلها من ركبتها ويرفع رأسه ويجلس يفتح ذراعيه تنام أميرة على صدره ويضمها ويقبلها من رأسها. اهو طول ما انتي جوه حضني كده وبالابتسامة دي و أنا كويس انا ماببقاش كويس غير وانتي. كويسة
أميرة : على ميرو يادك تنظر له ثم تقبله قبله خاطفه فى شفايفه وتقف تمسك ايده تعال معايا يقف ويخرجوا خارج الغرفة ويصعدو السلم ويدخلو غرفتهم
غرفة النوم
تقف أميرة امام مروان وتقوم بخلع ملابسه واثناء فكها ازرار القميص تتحدث
أميرة : فى علاج جديد سمعت عنه لازم اجربه معاك بالاوقات اللي زي دي ، مهدئ للاعصاب ارفع ايدك
تقلعه تشيرته الذى يرتديه تحت القميص تمسكه من كتفه وتعدله ليلف ثم تدفعه من ظهره بلطف وبالراحة لينام على السرير ينام على بطنه ثم تجلس فوق خصره وتقوم بعمل مساج له وأثناء قيامها بعمل مساج تتحدث كان يبدو على ملامح مروان الاسترخاء بصوت هادي جدا وحنون
أميرة : التفكير الكتير فى أدق التفاصيل بيخلي الإنسان يتعب ، لدرجة ان ممكن يوقفلك كل قدارتك العقليه عن التفكير ، بتبقى مشوش ذهنيا ،مش قادر ولا عارف تاخد قرار ، الضغط النفسي والعصبي والذهني مخليك شايف كل حاجة من اتجاه واحد ، وبكده انت خسرت المعركة ، معركتك للبقاء ، وبقيت سجين لأفكارك السلبية ، سجين للخوف وللقلق ، ولو واحد فيهم امتلكك ، انت وقتها مش بس ضعت انت كمان هتبقى انهزمت شر هزيمة ، قلة النوم وعدم الراحه هيبقوا اعز أصدقاء ليك ، مروان انت لازم تهدى لازم تدي عقلك اجازة عشان تقدر تكمل ، لان اللى بتعمله ده مش هيحل شئ ، بلعكس هيبعدك اكتر عن اللي انت عايز توصله ، تقترب من أذنه انا بحبك معندش أي إستعداد انى اخسرك ، إقوى عشاني يا مروان
يلف مروان بجسمه لها ويجلس ويضع ايده على خدها ويلمس رقبتها
مروان : انا كمان بحبك معنديش إستعداد اخسرك يضع رأسه على كتفها تحاوط أميرة ذراعيها عليه وتطبطب على ظهره بعيون بها دموع. ، نبره حزن وياس وخوف يتحدث
مروان ... انا تعبان اوي تعبان اوي يا أميرة كل ماأحس اني قربت ،الاقي نفسي رجعت للصفر ، تايه فى الزحمه ، عامل زي طفل صغير ، تاه من ايد امه ، وعمال يبص فى ملامح كل وحدة بتعدي على أمل انه يلاقيها ، ومالقهاش ، ولا بقى عارف يرجع ولا يمشي يكمل طريقه ، انا عمري ما كنت فى ضغط عصبى زى الضغط ده ، كل حاجة حوليا بتقع قصاد عنيه مش قادر ولا عارف اوقفها انا مهزوم
تنظر أميرة له بعيون مليانة دموع وبابتسامه تمسح دموعه وتضع ايدها على خده
أميرة : طول محنا سوى ومع بعض مافيش حاجه هتقدر تهزمنا، لاننا بنقوى ببعض .. تقبله من كفه .. عشان خاطري اهدى انا مش قادرة اشوفك كده.
،مروان : عايزاني أبقى كويس
أميرة : أكيد
مروان : نزلي اللي في بطنك
أميرة : بعدم رضا تتنهد.. مافيش فائدة
مروان : اديني سبب مقنع لتمسكك بيه
أميرة :ممكن عشان ابني مثلا حتة منك ومني
مروان : أميرة مش هقولهالك تاني انا أقدر اعوضه لكن مقدرش اعوضك والله ماهقدر انتي أهم عندي منه
عندنا غيروه ونقدر نجيب غيره انتي تعبانة
أميرة : والله محدش تعبني غيرك انا هروح احضرلك الحمام عشان تاخد شاور دافئ يهدي اعصابك
مروان : أميرة
تقاطعه بسرعة
أميرة : بحسم.. مروان مش هقولك تاني لو فتحت معايا الموضوع ده تاني هتيجى مش هتلاقينى وده قرار ولو هتوصل للطلاق هروح احضرلك الحمام
ينظر مروان لها بعدم رضا يمسح وجهه وفمه ويتنهد بصوت داخلي يتحدث
مروان : مخالتيش اختيار تاني يا أميرة يأخذ هاتفه و ينظر بالحمام كانت أميرة تقوم بتحضير الحمام له وغير منتبهة يذهب ويدخل البلكونه
مروان : الوو ازي حضرتك .. الحمد لله .. أنا كنت عايز اجي النهارده العيادة محتاج اتكلم مع حضرتك فى موضوع ماشي 10 تمام ياريت أميرة متعرفش شكرا... سلام
أميرة : وهي عند الدولاب ... مروان يدخل الاوضه
مروان : ايه يا حبيبي
أميرة : انا حضرتلك الحمام وطلعتلك لبس عايز حاجة تاني
مروان : لا يا حبيبي شكرا
أميرة : هروح انا اشوف الولاد وأحضرلنا العشا
مروان : ماشي
الراسبشن
يجلس ومروان وهو يرتدي ملابس خروج وكانت بجانبه فريدة على الكنبه واميرة والأولاد على الأرض وتقوم أميرة باللعب معهم
مروان : انا هروح مشوار
أميرة : تنظر له هتروح فين
مروان: ميعاد شغل
أميرة : دلوقتي الساعه ٩
مروان : مش هتأخر لو عوزتي حاجة كلميني
يتركهم ويخرج تقف وتنظر له
فريدة : شكلك مزعلاه..... على السفرة مكنش بياكل كويس
أميرة :ولا مزعلاه ولا حاجة وهو اللي مزعلني
فريدة :ازاي
أميرة : هفهمك
تقوم أميرة بالنداء على أمل ومنة
أمل: ايوه يا فندم
أميرة : خدو الاولاد وطلعوهم اوضتهم
بعد مغادرتهم تجلس أميرة بجانب فريدة
أميرة : عايزني انزل البيبي
فريدة : عنده حق
أميرة : انتي كمان يا ماما
فريدة : اميرة انتي ليه مستهترة
أميرة : مستهترة عشان عايزة أحافظ على ابني
فريدة : مستهترة بصحتك ، هو خايف عليكي ، بتعاندي مين يا أميرة ، بتعاندي مروان عشان ما تبنيش قصاده انك غلط وهو صح ، مع إنك عارفة كويس إنك تعبانة، وإنه فعلاً الحمل ده لازم ينزل
اميرة : ايه يا ماما اللي بتقوليه ده
فريدة : انا حفظاكي يا بنتي عارفة انك واخده الموضوع عند مع مروان ، ومعانا كلنا مش عايزة تطلعي غلطانة حتى لو على حساب حياتك
أميرة : والله العظيم أبداً أنا مش كده بس فعلا انا حاسة اني مش تعبانة التعب اللى يستاهل اني أقتل ابني بايدى ، مروان اصلا شخصيته قلوقه جدا بيخاف عليا من اقل حاجة ، لو دبوس شكني بالنسبة ليه سكينة ، هو كده فانا متفهمه جدا شخصيته ومتقبلها، بس لو خوفه الزيادة ده هيخليه يتجنن يبقى لا لازم افوقه
فريدة : انتي ما بينفعش معاكي غير خالد، هو اللي بيقدر عليكي ،انتي عشان جوزك محترم سايقه فيها ، والله انتي عايزه تاخدي علقه من مروان ، عشان تفوقي من العوج ده ، لو عملها فى مرة والله ما هغلطه ، أنا هطلع أقعد مع الولاد
تتركها وتغادر
تنظر لها أميرة بضيق وبصوت خلاص كلكم بقيتو محللين نفسيين قال بعانده اما أشوف بقى راح فين تمسك هاتفها وتتصل به. انت فين هاتيجي امتى اممم ، ماشي. مروان افتح كام لا ليه ..بتشخط فيا كده .. رخم سلام ماشي يا مروان هعرف مخبى ايه وبتخرج تروح فين
♥️____ليلة عادل____❤️
عياده دكتورة النساء ١٠م
يجلس مروان على كرسي الأمامي للمكتب ويغلق هاتفه
مروان : مع حضرتك
الدكتوره : انا هعمل كده لأن أميرة سلامتها عندي أهم بكره ممكن تجيلى المستشفى تاخد الحبايه
مروان : هيبقى في خطر عليها
الدكتورة : لا خالص هيجلها مغص زي مغص البريود أو زيادة شوية وبعدها هيجلها نزيف ، بس لازم تجبها بسرعة خليها تبقى واكله كويس وشاربة لبن يعنى عشان تبقى كويسه يومها
مروان : ممكن تعرف
الدكتورة :هي ممكن تعرف لو حد قالها غير كده متقلقش
مروان : لو حطيته فى اللبن عادي
الدكتورة : اه هى هيجيلها نزيف بعد ٣ساعات
مروان : تمام
الدكتورة : جرب تاني معها يمكن توافق
مروان : أكيد هجرب شكرا يا دكتورة
فيلا مروان واميرة ١١م
الحديقة
تجلس أميرة على المرجيحه امام النيل وتشرب عصير وتضع السماعات فى اذنها وبعد قليل يدخل مروان الفيلا يجد نور الحديقه منور يفتح باب الازاز ويخرج للخارج يشاهد أميرة تجلس يقترب منها ويجلس بجانبها
تشيل أميرة أحد السماعات تنظر لمروان كنت فين
مروان : كنت بالشغل
أميرة : لدلوقتي
مروان : اممم أمال ماما فريدة فين
أميرة : نامت
يرن هاتف أميرة المتصل شهد
أميرة : ايه يا حبيبتي الحمد لله لا مش هاجي انا اجازة اسبوع.... مروان تنظر له يشاور برأسه اه جاي ماشي سلام
مروان : عايزه ايه
أميرة : بتشوفنى هروح بكره ولا لا
مروان : سالتها على المستشفى
أميرة : مستشفى مصر الدولى
مروان: تيجي نروح نزوره بكره
اميرة :ممنوع
مروان : نجرب يمكن بتقولك كده عشان خايفة تدفعي حاجة
أميرة : زى ماتحب
مروان : يقف وينظر لها أنا هطلع انام عندي محاضرة على 8 الصبح
أميرة : تصبح على خير
مروان : اطلعي معايا
أميرة : مش هنام دلوقت
مروان : اقعدي جنبي لحد منام بعدين انزلي
أميرة : حاضر
غرفة النوم
نرى أميرة تتمدد على السرير وهى ترتدي بيجاما قطن وكان مروان ينام على صدرها وهي تضمه وتقوم بملامسة شعره بحب وهما متغطيين لكن كانت تظهر رأس مروان من الغطاء وبعد قليل تحاول ان تتسحب بدون صوت وتضع رأسه على المخده بهدوء وبرفق ثم تأخذ هاتفه من على الكومودينه و تتسحب للحمام وتغلق الباب عليها. تقوم بالتفتيش به بفتح المكالمات الصادرة والواردة ورسائل الفيس والواتس... بصوت مافيش حاجة أمال بيروح فين يمكن مسحهم اوفف تؤ بس مروان مش كده لا مستحيل أكيد شغل تتنفخ ثم تخرج خارج الحمام وتضع هاتفه على كومودينه وتنام بجانبه وتقترب منه وتضمه من الخلف ثم تقبله من رأسه وتنام
♥️____ليلة عادل____❤️
مستشفى مصر الدولي ١م
نرى مروان واميرة وهما يسيران فى ممر المستشفى
ثم يتحدث مروان مع موظف الراسبشن
مروان : لو سمحت فى مريض هنا اسمه
مصطفى رجب عباس
الموظف : الدور الرابع غرفه ١٢٠
مروان : شكرا
غرفة ابو شهد
يطرق الباب ثم يدخل مروان واميرة الغرفة نرى رجل فى السبعينيات يتمدد على السرير ويعلق المحاليل
أميرة : السلام عليكم
مصطفى : عليكم السلام
مروان : انا دكتور مروان ودي تبقى
مصطفى : عرفكم..... حضرتك مدير شهد وهى تبقى أميرة صديقة شهد اهلا وسهلا اتفضلو
يقتربو منه ويجلسان على الكراسي
مروان : انا آسف جدا كان المفروض ازورك من بدري لكن حضرتك عارف الزيارة كانت ممنوعة
مصطفى : اه لسه من يومين خرجونى من الرعاية شكرا يا بنتي على اللي بتعمليه مع شهد
أميرة لا ياأنكل متقولش كده شهد زي اختي
مصطفى : هى بتحبك جدا
يدخل الدكتور ومعه الممرضات
مروان : طب نمشى احنا دلوقت وهنجيلك تاني ألف سلامة عليك. بعد اذنك
أثناء سيرهم فى الممر
أميرة : انت هتحطله كام
مروان: ٥٠ ألف
أميرة : حلوين
سياره مروان
تأخذ أميرة المفتاح من مروان وتفتح الباب وتجلس مكان السائق
مروان : إيه ده
أميرة : انا اللى هسوق. اركب
يركب ويجلس بجانبها
مروان : ناوية على إيه
أميرة :مفاجأة
السخنه ٧م
يصل مروان واميرة الى مدينة العين السخنه... ونرى أميرة ومروان يسيرون فى المرسى وهما يمسكان يد بعض ثم يصلان الى يخت مروان يصعدو اليخت ثم يتحرك
مروان : اخر جنانك ده ايه
أميرة : بقالنا كتير مقعدناش سوا لوحدنا ماتخفش الولاد عند ماما وبابا وانت عارف بيحبوهم قد ايه تضع ايدها على خده تعال اوريك عملالك ايه تمسك ايده ويدخلان الغرفة
نرى غرفة مزينه بالشموع والورد صورهم التى اخذوها فى الجزء الأول عندما كانو باليخت
أميرة : فاكر كان من أجمل الأيام اللي عشتها مش قادرة أنساه بكل تفاصيله تمسك ايده ويجلس على السرير وتجلس على قدمه
اميره : كان أول مرة أقرب منك ، فضلت ابصلك وانت نايم ، بعدين روحت فى النوم ههههه فاكر لما قعدت توصفني وانا مكنتش مصدقة
مروان :فاكر
أميرة : وصفتني ازاي
مروان : فضلت احاول افتكرك ، افتكرت كلامك وانتي بتقوليلي كنت بقعد فى اول بينج انا اللي عملت البحث عن التفكير الايجابي وعجبك.... في الفرح حاولت بس بسبب انك بتغيري شكلك كتير معرفتش منير وصفك ليا على اللي قدرت أجمعه عرفت شكلك
أميرة :اممم طب قوم نرقص
تشغل أميرة أحد الأغاني الرومانسيه ويرقصان سوا
أميرة : متفك التكشيره دي
مروان : انا مكشر
اميرة : امم عامل كدا.. تكرمش وجهها مثله
مروان : يضحك ههههههه أنا عامل كده
أميرة : بمزح .. اه والله يعني عملالك جو رومانسي وشموع وكده رجالة نكديه صحيح بتقولو علينا احنا اللى نكديين
مروان : يضع يده على خدها بحبك
اميرة : وانا بموت فيك تضمه ويضمها بشدة ثم ينظران لبعضهما بحب ثم يرفع ذقنها له ويقبلها ويتبادلان القبلات الساخنه... وووو
بعد وقت نرى أميرة نايمة على صدر مروان مروان يتمدد وهو مستيقظ و يمسك بيده حبة وينظر لها ثم ينظر لاميرة أنا آسف انتي اللى اضطرتيني أعمل كده
♥️____ليلة عادل____❤️
شقه عمرو (مجدي) ٥م
يجلس عمرو على الكنبه يشاهد أحد الأفلام ثم يرن الجرس يذهب لفتحه.....انها المرأة المجهولة
عمرو : اتأخرتي
المرأه المجهوله لحد ماعرفت اجبلك الفلوس تحدفها له ثم تدخل وهنا يزال الستار عن وجهها.... نعم انها شهد
نعم فشهد هى المرأة المجهولة هي شيماء.... هي التي قامت بعمل كل هذا ، لكن لماذا كل هذه الكره لأميرة هل فقط لانها تغار منها لأنها حاقدة عليها.. لانها تريد ان تتزوج من مروان أم هناك شيء اخر تخفيه سنعرف......
تدخل الشقة وتنظر حولها... الى الصور. والى الأوراق
شهد : مش بقولك غبي ايه ده شايل كل ده هنا دي تهمة
عمرو :محدش يعرف مكان الوكر الإستراتيجي بتاعي مش شقتي... دي لمقابلات الشغل
شهد :تجلس على الكنبه تحدف له علبة برشام برشامك تعبان البت محصلهاش أي حاجة انت مديها منشط جنسى ولا ايه اناعايزهم. يطلقو مش يقربو. من بعض
عمرو : يا بيبي هدي اعصابك دي أول أسبوع والتانى مش عايزه...... الثالث شويه اه شويه لا هو بيلعب فى الهرمونات و بالدماغ وبعدين ننزل بالمرحلة الأصعب تنسى وتزغلل وصداع هتبقى عصبية مش طايقة حد..... دي ممكن تنسى و تخرج من غير بنطلون هههه
شهد : هي طلعت حامل
عمرو : بس عشان كده
شهد : عشان كده ايه
عمرو : أكيد بتاخد حقن تثبيت. وفيتامينات الدوا مش مأثر فيها
شهد : تقصد إن الأدوية دي بتبطيء المفعول
عمرو : بالظبط
شهد : انا عايزة حاجة من الآخر
عمرو : معايا حاجة حبة وحدة منه هتسفرها ..يصفر... بس خدي بالك هتسقط و ممكن تموت لو مكنتش يومها واخده باقي الادويه بتعتها
شهد : تسقط والا تغور في داهية انا مش عايزة علاقتهم تقوى، انا مستفزة منها اوي يا عمرو مافيش حاجة نافعة معها ، ولا عايزة تكسرها كل ماعمل حاجة تقوم وتقف أقوى من الأول ، البت جبروت برغم كل ده متهزتش ، ورايحة تسافر معه وتقضيلي يوم معه في اليخت كنت عايزه اولع فيها ، معرفش اعمل ايه تاني كنت فاكره اني خلتها تخاف طلعت غبية يمكن خافت يوم اتنين لكن رجعت عادي ولا كأن حصلها حاجة
عمرو : انتي غلطتي لانك حربتيها هي ، أميرة جنبها مروان ، وبيعشقها روحه فيها مستحيل يسيبها كده ، غير طبعا أدهم باشا اللى مستعد يفديها بحياته ، وأبوها وأمها اخواتها اصحابها ، معها ناس تساندها... الغبي يا شبح اللي يحارب واحد جنبه ناس تحبه ويوم ما يقع يشده ويقف جنبه ، ده اللي حصل مع أميرة
شهد : والحل هتفضل ديما هي اللي كسباني
عمرو : بصي أنا اللي فهمته اميرة نقطة ضعفها اهلها ومروان أأذيها فيهم , لكن إنك تمسحي رسالة تحرقي دولاب شقة حاجات يتزعل عليها ساعة وخلصت أأذيها بحد تتوجع عليه وتتكسر بيه
شهد : انا كنت مبسوطة وهي خسرانه ابوها وفضلته على مروان كنت بتلذذ وهى مدمرة نفسيا لكن كان فى حاجة مخبياها معرفش ايه هي كسرة عينيها ، حولت اعرفها بس البت قوية محكتش لحد ولا لمروان ، عشان متتكسرش قصادهم انا كنت خلاص رسمت الخطة اللي هقرب منه تاني لولا انه رجع ومقدرش على بعدها معرفش بيحب فيها ايه
عمرو : اقتلي حد من العيال
شهد : عايزنى أأذي ولادي ، دول ولادي انا ومروان. جزء منه بعدين مقدرش اشوف مروان ولا حتة منه متآذي ،دول ولادي أنا مش ولادها هي
عمرو: الله ولادك هههههه طب اقتليها مش كنتي هتقتليها مع شهاب
شهد : اه وبنت الكلب طلعت منها زي الفل يدوب كسر بإيدها ، شهاب عاملي الجدع وانقذها مش بقولك محظوظة حظ عوالم
عمرو : مش هقولك تانى اميرة كتير بيحبوها أصحابها أهلها مروان أدهم والكل عنده استعداد يفديها بروحه انتي مش شايفة حضرة الظابط بيعمل ايه
شهد : أدهم ده النهارده هنسمع خبره عشان يبقى يحبها حلو
عمرو : بتكرهيه ليه
أدهم شايف حنين أحسن مني مش هنسى كلامه عني مع اميرة
فلاش باك
كافي فى أحد المولات
تجلس أميرة و أدهم على أحد الترابيزات لكن نرى شهد تقف بالقرب منهم دون ان يشعرو بها
أدهم :احب مين انتي مجنونة يا أميرة جوزيها ياسر
أميرة : فى الامارات أجيبه منين بعدين مالها شهد زي القمر
أدهم : فين اللي زي القمر دي بتحط كيلو مكياج على وشها
أميرة : هغيرلك استايلها
أدهم : انتى بتكرهيني ليه عايز أفهم
اميرة : لو بكرهك مش هقربك من شهد يابني والله جدعة وشاطره وبتموت في الدلع دي بتقولي المفروض تغسلي رجلين مروان أول مايرجع من الشغل، وتقلعيه وتلبسيه وتهشكيه هههههه وحاجات بتحسسني أني ست مهملة والمصحف
أدهم : هههههه بردو لا انا بعرف اغسل رجليا مش عايز حد يغسلهالي يا ستي
اميرة : اديها فرصة طيب
ادهم : اميرة فكك مش استايلي بعدين انا قربت من حنين وحاسس بحاجة كده من ناحيتها
اميرة : بجد
أدهم :اه
اميرة : وش فقر خليك فى حنين بقولك ايه أهي جاية لم الموقف لحد ما تمشي
أدهم : حاضر
المشهد الحالي
عمرو : انتى مريضة تقتلي واحد عشان مش استايله مانتي مش استايلي هتقتليني
شهد : عمرو وديني لو ما قفلتش بوقك بعد٣ايام هخلي السوشيال ميديا تعرف قصتك العثور على جثة القاتل المأجور فى ظروف غامضة
عمرو : صلى على النبي يا شبح وابلعي ريقك يفتح كيس الفلوس جبتي الفلوس منين
شهد : فى غيرها
عمرو :طب هتعملي ايه العيال عايزين فلوس تاني
شهد : متجيب العيال اللي حرقو الشقة
عمرو : مالهمش بالدم
شهد :خلاص ظبط معهم
عمرو : هتجيبى الفلوس منين
شهد : الفلوس دى اخر حاجة انت نسيت ان الراجل اللى عشت معه ومات كان مليونير
عمرو : تقصدى القواد اللي اتجوزك باسم الحب وكان عايز يشغلك بالشمال وانتي قتلتيه وورثتيه
شهد : ما انت عارف الحكاية اهو.... عارف يا عمرو انت الوحيد اللي عارف قصتي انت وعم مصطفى والوليا بتعت الملجأ لو حد فيكم نطق انا هنتهى
عمرو :صحيح انتي عملتى معها ايه
شهد : شفت جشع الوليا قطعت الأوراق بمليون جنيه
عمرو : متخلصي عليها
شهد : متخفش لو فكرت تفتح بوقها هقتلها
عمرو : ها اكلم الناس وأظبط معهم حضري بس نص أرنب
شهد : كلمهم. ما هي فلوس حرام بتروح فى الحرام تضحك ههههه بس استنى اقولك امتى. عشان ما بيخرجش غير معها
عمرو : جربي حطلها الحباية دي لو محلصش المراد. نقتلها ووقتها قربي منه
شهد : ده اللى هيحصل
_____ليلة عادل_____ ❤️
فيلا مروان واميرة 3م
حديقة الفيلا
تجلس شهد ونور واميرة على الشلط ويشربون العصير
أميرة :العصير طعمه حلو أوي فاطمة دي جامدة
شهد : فعلا جميل انا نفسى اخد اجازة طويلة زيك
أميرة : انا ليا دلال على مارو بس مش للدرجة دي... مروان بالشغل ميعرفش أبوه ده بيزعقلي لما بغلط بالشغل وبينسى أني مراته ههههه
نور : هتقوليلي ده لسه خصملي يومين
أميرة : كويس انها جت على يومين بردو خللي بالك واعمليله حساب
شهد : امال زياد وادم فين
أميرة : نايمين فوق
شهد : انا بحبهم اوى لسه بينامو معاكم بالاوضه
نور : انتي عرفتي منين
شهد : أميرة حكتلي
أميرة : والنبي انا بقيت بنسى انا قولت ايه ومقلتش ايه ساعات معانا وساعات لا على حسب
شهد : بس خدى بالك مينفعش يبقوا معاكم بالاوضه لو حصل بنكم علاقة
أميرة : لسه ثلاث شهور ونص الكلام ده لو 6شهور
شهد : لا بيحسو دول وهما فى بطنك بيحسوا
نور : شهد بتتكلم صح الدكتورة بردو قالتلي كده
أميرة : ماشي
شهد : تشرب بوق عصير بس مطولتيش فى السخنه
أميرة : روحنا يوم واحد ورجعنا تاني يوم بس ، مارو كان تعبان أوي عشان كده قولت اخده يفصل ويغير جو
شهد : والله جوزك ده ليه الجنة على طول مزعلاه انا بقالي فترة بشوف شكله مشتت وأعصابه تعبانة
نور : لازم يتعب مراته مهددة بالموت
شهد : ربنا يخليهولك ويحفظلك ولادك
بعد كام ساعه فى الليل
المطبخ
نرى مروان يقف امام البوتجاز ويقوم بتسخين اللبن لأميره ثم يضعو بكوبايه ثم يخرج من جيبه حبه ويضعها بالبن ثم يقلبه ويخرج خارج المطبخ
غرفه نوم مروان واميرة ١٠م
تجلس أميرة فى البلكونة المطلة على الحديقة ثم يدخل مروان الغرفة عليها وهو يحمل فى يده اللبن وهو يبتسم ثم يدخل البلكونة
مروان: ميرو. سخنتلك اللبن
يجلس بجانبها
أميرة : بابتسامه تسلم ايدك يا حبيبي
ترفع الكوبايه على بوقها لتتناولها ...
❤️_____ليلة عادل_____ ❤️
فى منتصف الليل
غرفة نوم أميرة ومروان ١٢ص
نرى أميرة تجلس على السرير تمسك بطنها يبدو على ملامح وجهها انها تتألم بصوت
أميرة : اااه فى ايه مالك بس ، زعلان ليه ، بس بقى ، بابا لو شافني كده ، مش هيسكت
يفتح مروان الباب تعدل نفسها بسرعه وتمسك التليفون
مروان : بابتسامة هيطلعوا بيحبو السهر زيك
أميرة : المهم نامو
مروان : يجلس بجانبها .. اخيرا مالك
أميرة : كنت بشوف فيديو مؤثر. هنام تصبح على خير تقبله من خده
ثم تعطي ظهرها ينظر مروان لها باستغراب
ينام بجانبها ويضمها من الخلف يضع رأسه فوق رأسها ثم يقبلها
مروان :انا دفعت النهارده الفلوس لوالد شهد
أميرة : ماشي ربنا يجعله بميزان حسناتك يارب
مروان : متأكدة إنك كويسة
أميرة : تجز على أسنانها امممم اه
بعد وقت قليل
تعض أميرة على اصابع ايدها بألم ثم تقوم وتدخل الحمام
الحمام
نرى أميرة تقف فى الحمام وهي تبكي وتضع ايدها على بوقها حتى لا يستمع مروان لأنينها وبعد دقائق
تخرج خارج الحمام وتذهب للبلكونه تقف وتاخذ نفسها ترجع شعرها للخلف ثم تشاهد أحد الأطفال فى حمام السباحة باتساعه عينها تنظر. ثم تفتح باب الغرفة وتجري تخرج للخارج وتنط فى حمام السباحة تنظر يمين ويسار لا تجد أحد يقترب مروان منها مسرعا فقد شعر بها أثناء جريها
مروان : بخضه فى إيه
أميرة : تنظر له بخضه أنا شفت حد من الولاد غرقان هنا
مروان :ايه
أميرة : بقولك شفت حد من الولاد غرقان
مروان : طب هاتي ايدك
أميرة تنظر حولها كان هنا أنا متأكدة
مروان مافيش حاجة اهدي هاتي ايدك
تعطيه يدها ويسحبها.
أميرة : والله شفته
مروان : مصدقك اكيد حلم وربطيه بالواقع. تعالي بس عشان الجو برد
يدخلوا الفيلا. ويصعدو السلم
أميرة :عايزة اشوفهم
غرفة الاطفال
نرى أميرة تقف بجانب السرير و تنظر لهم وتضع ايدها على وجههم
مروان : اطمنتى يلا هيجيلك التهاب لو مغيرتيش
يأخذها من ايدها ويدخلو غرفتهم
مروان : خليكي واقفه هنا
يقوم مروان باخراج فوطه من الدولاب ثم أخرج ملابس لها ثم يقترب منها ويقوم بتقليعها ملابسها وتنشيفها بالفوطة وأثناء تنشيفه لها تنظر أميرة له بابتسامة
أميرة : بتتعامل معايا كأني بنتك
مروان : ما انتي فعلا بنتي
أميرة : تلف ايدها على رقبته بس انا عايزك جوزي دلوقتي مش بابا
تقبله من شفايفه يتبادلان قبلات وفجأة تبتعد أميرة عنه وتضحك
مروان : بتضحكي على إيه
أميرة : اصلي شيفاك اتنين مروان واحد مروان اتنين
مروان : لا.... الله مالك
أميرة : هههههه بقيت ثلاثه
مروان : طب البسي هاتبردي.
أميرة : تؤتؤ انا حرانه أوي هنام كده
كانت ترتدى ملابس داخلية فقط تدفعه برقة و ترجع بظهرها للسرير وتنام على ظهرها تفتح ذراعيها لمروان ليقترب منها يقترب منها وهو يبتسم ثم ينظران لبعضهما ثم يقوم مروان بتقبيلها يتبادلان القبلات أثناء تقبيل مروان لها من رقبتها تتغير ملامح أميرة باستغراب تدفعه مرة واحدة
أميرة : انت ازاي تعمل معايا كده ...
تشد الغطاء تغطي نفسها ... ده جزاتي أني بثق فيك شكرا يا دكتور
مروان : باستغراب ايه
أميرة : عمري متخيلت انك تعمل كده معايا انت فاكر عشان قبلت اني اجي بيتك ونقعد سوا يخليك تفتكرني كده
مروان : بستغراب افتكرك كدا ، فى ايه مالك يااميره
أميرة : انا عمري ماهعمل كده غير لما تبقى جوزي حتى لو بحبك
مروان :مش هتعملى كدا ، غير وانا جوزك.... يصمت قليلا يفهم ... يبتسم... اااه انتي. تقمصتى شخصيتك قبل جوازنا ..اممم يقترب منها ..طب متقولي انك هتستعملي نوع من انواع الفانتازيا الجنسية عشان أتجاوب معاكي مش أفضل مذبهل كده
أميرة : بستغراب شديد فانتازيا ، فانتازيت ايه
مروان : انا بحبك اوى يقترب منها يحاول تقبيلها
أميرة : تنظر لنفسها بستغراب ثم تنظر له.. هو انا قاعدة ليه كده ايه اللي حصل مش كنا نايمين حتى كان عندي مغص.... حبيبي من فضلك ساعدني البس حاسة اني دايخة اوي وبردانه أوي
ينظر مروان دون فهم فى تقلباتها الكثيرة التى حدثت لها بسرعة يقوم بمساعدتها دون فهم ثم تنام وهو مازال لا يفهم شئ يجلس على الكنبه ويتحدث بصوت داخلى وعلى ملامحه الحيرة
مروان : دى هلاوس ، جتلها من ايه
وبعد ساعة تقوم أميرة على ألم في بطنها
أميرة : اااه
يقترب مروان منها بسرعة
مروان : بلهفه مالك
أميرة : مغص فظيع اااه مش قادرة كلم الدكتور شوف ينفع اخد مسكن ولا لا
مروان : تعالي اوديكي مستشفى
أميرة : مش مستاهلة هدخل الحمام كلمها
مروان : اجي معاكي
أميرة : لا
تدخل أميرة الحمام وتقف أمام المرايه تمسك بطنها بعد ثوانى تنظر الى الأسفل تجد نفسها تنزف باتساع عينيها تنظر. ثم تقوم بالنداء على مروان
أميرة : بصوت عالي وخوف .. مروان الحقني
يدخل مروان بخوف. فى ايه ينظر يرى الدم الذي ينزل منها ثم يجرى عليها ويحملها
(نرجع للمشهد الحالى عندما كان مروان بالمستشفى)
❤️_____ليلة عادل_____ ❤️
المستشفى ٣ص
غرفة أميرة
نرى مروان مازال يجلس يمسك يد أميرة.... ثم تبدأ أميرة بفتح عينيها
أميرة : بألم اااه تحاول تقوم يقوم مروان بسرعة ويسندها لتجلس ويجلس بجانبها
مروان : حمد لله على سلامتك يا حبيبتى يقبلها من ايدها ورأسها
أميرة : ايه اللي حصل
مروان : تعبتي شوية. وجبتك هنا
أميرة : البيبي حصله حاجة
ينظر مروان لها بأسف ويبتلع ريقه بارتباك
مروان : يعنى المهم انك قومتي بالسلامة
أميرة :بدموع .. بعد كل ده ... ده انا اتحملت عشانه كتير ليه متمسكش بيا زي ما تمسكت بيه
يضع مروان يده على خدها وبحنان ينظر بعينيها حبيبتي متقوليش كده من أول ما الطفل ده بدأ يكبر ببطنك وهو تاعبك مكنش خير ليكي وانتي كنت بتكابرى وتكذبى ،القوي يا أميرة مش بس اللى يعترف بسوء اختياره قصادالناس ، لا القوي في اللي يقدر يواجه نفسه ويعاتبها وانه يحارب كل افكاره الغلط ويعترف بيها قصاد نفسه مش قصاد الناس
أميرة: أنا كنت عايزاه عشان اللي بيعمل كده يعرف قد ايه انه ولا حاجة اننا فرحانين وبنسافر وعايشين حياتنا عادي وهنخلف كمان تاني
مروان : جميل ده بس مش على حساب صحتك
أميرة : انت كلمت ماما
مروان : لا مكلمتش حد. منير بس عشان يجبلي فلوس انا شلتك وجريت بيكي حتى اخدت عربيه الحرس نسيت كل حاجة ده انا اتصلت بمنير من تليفون الممرضة
أميرة : امال هو فين
مروان : بره ممنوع اكتر من فرد يدخل هروح ابلغ الدكتور انك قومتي
أميرة : ماشي اشربلك حاجة انت وشك اصفر أوي
مروان : حاضر ارتاحي لحد مرجع
اميرة : متتصلش بيهم دلوقتى
مروان : حاضر
يخرج مروان خارج الغرفة يجري منير عليه
منير : ايه يا حبيبي
مروان : فاقت. ينظر للممرضة. لو سمحت بلغي الدكتور إن أميرة فاقت
الممرضة : حاضر
منير :كويس انك ادتها البرشامه
مروان : مادتهاش حاجة
منير : ايه
مروان : مقدرتش
فلاش باك
❤️_____ليلة عادل_____ ❤️
فيلا مروان واميرة ١٠م
بلكونه غرفة النوم
نرى أميرة ترفع كوبايه اللبن على فمها ومروان ينظر لها ويجز على أسنانه قبل ان تشرب يمسك الكوباية
مروان : استني
اميرة : فى ايه
مروان : نسيت احطلك عسل
أميرة : عادي مش مهم
مروان : مش مهم ازاي مش عايزة تحتفظى بيه يبقى تمشي على التعليمات هروح أحطلك عسل
أميرة : كبر دماغك مش من يوم متتعبش نفسك
مروان: هخس يعنى هاتي
أميرة :طيب امسك بالراحة عليا ابقى سخنه تاني
يخرج مروان خارج الغرفة تنظر أميرة باستغراب ثم تمسك هاتفها
المطبخ
نرى مروان يدخل المطبخ ثم يحدف كوبايه اللبن بلحوض ثم يخبط بايده بضيق
المشهد الحالي
منير : سبحان الله نفس اليوم
مروان : بس هى مش مظبوطة من بدري تحس عندها هلوسة
منير: مش فاهم
مروان : هفهمك
غرفة أميرة
نرى الدكتور يقوم بالكشف على أميرة
الدكتور : لا احنا بقينا عال ده كده هكتبلك خروج
مروان : يعني مش محتاجة تقعد
الدكتور : تفتكر لو محتاجة تقعد هكتبلها خروج
مروان : مقصدش بس ااا
الدكتور : انا فاهم..... دكتورمروان ممكن تيجى معايا ثواني
مروان : حاضر منير خليك معها
منير : حاضر متقلقش
يخرج مروان مع الدكتور ويجلس منير على الكرسي المجاور للسرير
منير :بمزح .. ها يا ميرو. مش تهدي بقا هتجيبي السكر لصحبى والله
أميرة : انا عملت حاجة
منير : بمزح ...اه مظلومة هههه ياناس
مكتب الدكتور
نرى مروان يجلس على الكرسي الامامي لمكتب الدكتور
الدكتور : انا حابب أسألك على حاجة لكن اتمنى انك تكون صريح وكل ماتكون صريح ده هيبقى فى مصلحة أميرة
مروان : فى ايه يا دكتور
الدكتور : هو أنت غاصب مدام أميرة على الحمل
مروان : أنا خالص.. دي حتى كانت تعبانة والمفروض كانت تنزله لكن هى كانت متمسكه بيه
الدكتور : هو فى عندها مشاكل أوحاجة تعباها نفسيا
مروان : هو فى ايه
الدكتور : انا آسف لكن لازم ابلغك احنا لقينا نسبة مخدر كبيرة فى دم مدام أميرة وواضح انها بتاخدها من مدة
مروان : إيه اللي حضرتك بتقوله ده
الدكتور : متقلقش النوع ده مابيدمنش بسرعة ومع الأدويه اللي كانت بتاخدها قلل نسبة تفاعله
مروان : ازاى انا عارف كل الأدويه دي بتاخدها قصادي
الدكتور : ممكن كانت مخبيه جوه العلبه دوا من بتعتها , طبعا كانت بتسبها قدامك عشان تطمن
مروان : لو جبتلك كل الأدويه بتعتها ينفع تحللها وتعرف انهي نوع
الدكتور : طبعا
مروان : شكرا لو سمحت الكلام ده يبقى بنا. انا ينفع اروح بيها دلوقتي
الدكتور : اه طبعا وبعد كام ساعة ممكن تاكل وتمارس حياتها بشكل طبيعى بس على خفيف
مروان : شكرا
غرفة أميرة
مروان : حبيبتى قادره نروح ولا نستنى بكرة
أميرة : اه ياريت
مروان : ماشي يلا.. يسندها منير شوف الحسابات
منير : حاضر
❤️_____ليلة عادل_____ ❤️
فيلا مروان واميرة ٧ص
غرفة نوم اخرى
يفتح مروان باب الغرفة كان يحمل أميرة يضعها على السرير برفق تدخل فاطمة خلفه
فاطمة : طمني
مروان : الحمد لله
أميرة : دادا جبيلى زياد وآدم وحشوني
مروان : هجبهملك بس مترضعهمش
أميرة : ماشي
يخرج مروان مع الدادا
مروان : ماما فاطمة صحي أمل ومنه خليهم مع أميرة ومعلش ابعتى للست اللى بتنضف خليها تيجى تنضف الاوضه والحمام وخليكى واقفه معها انا نازل مشوار مهم. وهرجع
فاطمة : حاضر
يدخل مروان الغرفة وهو يحمل الطفلين
مروان : نقول لماما سلامتك
أميرة : يا روح ماما تحملهم وتقبلهم
مروان : هانزل مشوار وراجع
أميرة : رايح فين
مروان: المستشفى الإجراءات نسيت أكملها
أميرة : ماشي. انا هكلم ماما لو جيت قفشت عليك شوية كبر مخك
مروان : حاضر يقبلها من رأسها. تفطرى كويس فهمه
أميرة : حاضر
❤️_____ليلة عادل_____ ❤️
المستشفى
مكتب الدكتور
يجلس على الكرسي الأمامي للمكتب مروان على وجهه الارتباك يدخل الدكتور ويجلس بالكرسي الذى أمامه
الدكتور : هو ده
يمسك مروان منه علبة الدواء وينظر لها بضيق ويجز على أسنانه ويقبض عليها فهى علبة الدوا التى اعطاها خالد لأميرة
❤️_____ليلة عادل_____ ❤️
فيلا مروان واميرة ١م
غرفة النوم
تجلس أميرة وخالد وفريدة مع بعضهم وتقوم فريدة باطعام أميرة
أميرة : ماما والله خلاص مش قادره هرجع
خالد : كلي انتي نزفتي كتير
أميرة : والله ما قادرة
خالد : مش عايز بعد شهر اسمع انا حامل لازم تاخدى وسيله
اميره : متقلقش انا حرمت
يدخل مروان
مروان. : مساء الخير
فريدة : تعال شوف مراتك اللي محدش قادر عليها دي
يقترب منها ويجلس بجانبها
مروان : مزعلة ماما ليه
أميرة : والله أبداً خلصت الإجراءات
مروان : اه انكل خالد ممكن تيجى معايا عايز حضرتك بموضوع
خالد :ماشي
اميرة : ماتتكلمو قصادنا
مروان : حاجة سر بنا
أميرة : وده من امتى
خالد : يلا سيبك منها مش هتخلص منها
اميره : ميرسى ياحج هعرف بردو اخفلكم بس
يخرجو للخارج
فريده : تفتكرى مروان عايز خالد بايه
اميره : تخرج شفايفها ..معرفش
فريده : انا هنزلهم. كملى اكلك
مكتب مروان
يجلس خالد كنبه و مروان على كرسى ويتحدثون
خالد : يمسك علبة الدوا ...مخدرات..انا مش قادر افهم مين شايل كل الكره ده لأميرة
مروان : حضرتك جبت الدوا منين
خالد : انا جيبهم معايا من المانيا
مروان : واضح انه اختار الدوا ده بالأخص لأنه عارف كويس ان علاقتنا فيها مشاكل
خالد : حتى لو بنا مشاكل ، هو ازاي يفكر أني ممكن اذى بنتي كده
مروان : احنا لازم نسرع حركتنا لانه للاسف هو مسابقنا بخطوات انا هكلم أدهم واحكيله
خالد : أدهم عمران
مروان : اه
تدخل فريدة عليهم ثم تجلس بجانب خالد على الكنبه
فريدة : ها. عايزه افهم فى إيه بينكم من غير كدب
مروان : لقوا نسبه مخدارت فى دم أميرة حد بدللها الدوا عشان كدا كانت تعبانة بشكل ده
فريدة : بستغراب شديد ..مخدرات هى وصلت للمخدارت لا كدا كتير..... حقيقي كتير والله ،حرام اللي بيحصل لبنتي ده
خالد : من غير انفعال يا فريدة احنا محتاجين نفكر بهدواء مين ممكن يكون يعمل كده
فريدة : من الواضح جدا انه حد ذكي حد قادر يخترقنا وقدر ينتصر علينا
مروان : ماما فريدة انا مش هسكت وهدفعو الثمن
فريدة : سمعت الجملة دي كتير اوي وبردو مقدرتش تحميها يا مروان
مروان : انا مش قادر احميها
خالد : فريده متكبرهاش
فريدة: تقف وبشدة .. بسببكم انتم الاتنين بنتي اتأذت ، بنتي حياتها بقت على المحك... أب غيور انانى فضل ياذى بنته لحد مهدلها بتها ، وزوج مش عارف يحمى مراته ويعيشها بأمان ،انا بقى هحمى بنتى منكم انتم الاتنين ومن المجرم ده
مدام محدش فيكم قادر يحميها انا هحميها بمعرفتى
مروان : ماما فريدة انا فاهم حالتك ومقدرها لكن ارجوك الانفعال دلوقتي وبعدنا عن بعض مش هيفيدنا
خالد : فريدة ايه حصلك انتي كنتي عاقله كنتي اكتر واحدة بدافعي عنه
فريدة : مظبوط بس بعد كل اللي حصل خلاص. انا هاخد بنتي وأسافر لحد ما توصلو للمجرم ده.. انا عايزه بنتي تعيش بأمان
تخرج للخارج
خالد : متزعلش منها
مروان : مش زعلان انافاهم حقها تعمل اكتر من كدا انا هكلم ادهم ييجى لازم بكره نوصل لمجدى ده
غرفة اميرة
تدخل فريده الاوضه على اميره وهى متعصبه جدا كانت اميره تتمدد على السرير
فريدة: اميرة قومي البسي احنا هنمشي
أميرة : بستغراب نمشي فين مالك يا ماما
يدخل خالد ومروان
مروان : ماما فريدة اميرة مش هتسيب بيتها انا هحميها
فريدة : وانا مش عايزة اقولك تاني
خالد : فريدة خلاص
أميرة: تقف وتقترب منهم ...فى إيه
فريدة : بضيق .. فى إنك كنتي بتاخدي مخدرات ، فى إنك مهددة بالموت بأي لحظة ، مطلوب مني أني اسكت وأسيبك عايشة مع واحد مش قادر يوفرلك الأمان ، اكيد مش هسيبك تعيشى لحظه تانيه فى البيت ده ، يلا البسي هى كلمة.... البسي بقلك
أميرة : ماما سبيني مع مروان لوحدنا. ماما من فضلك
خالد : يلا يا فريدة سبيهم سوا
تخرج فريدة مع خالد
ينظر مروان لأميرة وبخوف
هتسبيني وتسمعي كلام مامتك
أميرة ....
استووووب
آلجزء التانى
من
روايه الأعمى2
بقلمى ليلةعادل ❤️🌹✍️
الحلقه الثالثه وخمسون
فيلا مروان واميرة ١م
غرفة نوم
ينظر مروان لأميرة بخوف وارتباك وبصوت يرتجف
مروان : هتسبيني وتسمعي كلام مامتك هتسبيني وتمشي
تنظر أميرة له بدموع تشاور برأسها لا
تقترب منه وتضع ايديها على خده تنظر بعينيه ثم تاخذه رأسه وتضمه يضمها مروان بشدة ويتحدث وهي بحضنه
مروان : انا آسف يا أميرة آسف لو مكنتش قادر أوفرلك الحماية الكافية لكن اوعدك من اللحظه دي والله العظيم ماهخلي حاجة تمسك ، حياتي مقابل حياتك ينظر لها ويضع ايديه الاتنين على خدها ..انا والله ماساكت انا مابنمش ولا هتهنى إلا لما أوصله
أميرة : عارفة يا مروان والله عارفة ، عارفة انه غصب عنك لو بايدك حاجة تعملها هتعملها
مروان : أميرة انتي مش حاسة بالأمان معايا
أميرة : انا ما بحسش بالأمان إلا معاك بس مش هنكر اني أنا خايفة ، .. تبتعد عنه قليلا .. خايفة على ادم وزياد ، خايفة عليك ، خايفة على بابا وماما واخواتى ، ، خايفة عليكم ، خايفة يأذيني فيكم انا مش خايفة على نفسي ، مروان ده قدر يدخل البيت ويغير الدوا ويحرق الدولاب قادر يوصل لأدق تفاصلنا ، انا بقيت بشك بنفسي
مروان : انا يمكن أكتر من مرة أقولك دي آخر مرة أنه يقرب ليكي ، بس بقسملك بالله ان المرة دي آخر مرة ، لو مقابلها حياتي يا أميرة ،اوعدك اني مش هخليه يقرب منك ولا من ولادنا ولا من حد مننا ، كل اللي عايزه منك انك متسبنيش مهما حصل انا محتاجلك جنبي أوي أوعي تتخلي عني فى يوم أو تحسي انك متعريه وانتي بحضني
أميرة : بمزح عمري ما هسيبك ده أنا مصدقت اتجوزك هههه يبتسم مروان لها .. اضحك كله هيبقى تمام انا واثقه فى ربنا . تحضنه و طبطب عليه. متزعلش من ماما هى خايفة عليا
مروان : مش زعلان هي عندها حق تعمل أكتر من كدا هو قدر ينتصر عليا لكن مش هخليه ينتصر تاني يضمها وقبلها قبله طويلة برأسها
الراسبشن
تدخل أميرة وهى تمسك يد مروان.... كانت فريدة تجلس على الكنبه ومعها خالد
فريدة : مالبستيش ليه
أميرة: انا مش هسيب بيتى وجوزي يا ماما
فريدة : انتي ليه مش قادرة تفهمي انك فى خطر طول ما انتي مع مروان
أميرة : أنا فى خطر فعلا ، بس هبقى فى خطر أكبر لو بعدت عن مروان ، ماما هو قادر يوصل ليا فى أى مكان ، مروان مالوش علاقة... بعدين فين كلامك لازم تفضلي مع جوزك مهما حصل متسبيش بيتك
فريده: ده لما جوزك يقع بمصيبة ولا يفلس مش لما تبقي مهدده بالقتل
مروان :ماما فريدة صدقيني احنا لازم نحط ايدنا فى ايد بعض مش نتخلى عن بعض الانفعال مش هيوصلنا لشىيء بلعكس هو كدا هيحقق اللى عايزه
فريدة : انا مش عارفه اقولك إيه حقيقي مش عارفه لو بتحبها خاف عليها حرام عليك يا مروان اللى بتعمله فى بنتي ده
خالد : فريدة مروان ملهوش ذنب ياريت تبطلي الإنفعال و الخوف الزياده مش هيفيدنا عايزين نقعد ونفكر بهدوء
تنظر فريدة لهم وتخرج
أميرة : ماما استني
خالد: سبيها هي متعصبة دلوقت لما تهدى نتكلم معها
أميرة : مروان كلمها
مروان : متخفيش انا هكلمها بس خليها تهدى
خالد : مين يعرف المشاكل اللي كانت بيني وبين مروان
تجلس أميرة على الكنبه
أميرة : الكل عارف
خالد : ليه مشكتوس بشهد بتاجى عندكم كتير
مروان: شكيت فيها بس اللي عرفته ان أميرة محكتلهاش تفاصيل قصتنا متعرفش الدولاب ولا باس ورد بتاع اميرة وحاجات تانيه كتير
اميرة : ايوه اللي بيعمل كدا عارف أدقّ التفاصيل
خالد : مستحيل أصدق انه نور او حمزة او حد من اخواتها بردو. شرين متعرفش صح
مروان : تعرف بس عمرها مجت هنا ولا أدهم
خالد: ما يمكن حد من اللي شغالين عندكم. بينقل المعلومات
مروان : مافيش هنا غير فاطمة طبعا دي استحال دي زي أمي
تسمع اميرة صوت ولادها بيبكوا فى الجهاز
أميرة : انا هطلع اشوفهم
تخرج اميرة
خالد : فهمني بقى إيه حكاية ادهم
مروان : هقولك
♥️_____ليلة عادل____♥️
شقة عمرو (مجدى) ٣م
يفتح الباب وينظر امامه ويبتسم
عمرو : شكلك اخدتي على المكان
شهد : سقطت
عمرو : مبروك
تدخل وتجلس على الكنبه
شهد : محصلهاش حاجة
عمرو : مش من أول حباية يا شبح
شهد : انا مغلوله منها أوي
عمرو : زورتيها
شهد : لسه
عمرو : بقولك ايه يا شبح ما الدكتره كان قصادك مقربتيش منه ليه
شهد : وقت الملجأ
عمرو: اه و قبل مايتجوزها
شهد : وقت الملجأ كان رخم أوى كل همه يثبت للدكتور بتاعه إنه صح ، أنا لما هربت نسيته بس كنت متغاظه إنه الوحيد اللي اكتشف كدبي عشان كده اخدت عنده كورسات بس وقتها كنت لابسه نقاب ، وفهمت الحاجات اللي غلطت فيها ، لما جت فرصه اني اشتغل عنده ،اشتغلت مكنش بدماغى حاجة بس لما قربت منه وعرفته حبيته ، لما عرفت اللي بيعمله للزفته دي ، قولت في رجاله كدا.... في رجاله تحب كل الحب ده وتقابله بالاستهتار ده ، دي عامله زي اليويو ولا بتحترمه وكمان بتخونه مع أنه مخلص ليها أوي عمري مشفت راجل مخلص كدا
عمرو : حلي بعينيك يعني لما شفتي اللي بيعمله عشانها
شهد : وتمنيته ليا كل مرة كنت بحاول أبعدهم يقربو أكتر. انا نفسي أسأله بتحب فيها ايه ولا التاني ده
عمرو : يمكن ظابطه الأداء معه
شهد : مروان مش شهواني طب ما ادهم بيحبها ومقربش منها
عمرو : انتى عرفتي منين انه مش شهواني
أميرة هى اللي حكتلي
عمرو : امممم أكيد فيها حاجة تتحب
شهد : ولا حاجه بقولك تافهة ومش مسؤولة ولا تعرف يعني ايه راجل مسؤول منها
عمرو : ما يمكن عشان كدا
شهد : بس مروان مش من الرجاله دي
عمرو : اهو طلع منهم انتي اللي حللتى غلط متنسيش انه اكبر منها بكتير وماعاشي حياته ولا سنه فهو عايز يعوض اللي انحرم منه معها وجوه سنها
شهد : مراهقة متأخرّة
عمرو : بالظبط
شهد : لا هو بيحبها كدا وخلاص بيحبها من غير اسباب يا بختها ولا حسد نافع معها ولا مؤامرات ولا تهديد معرفش اعملها ايه تاني
عمرو : اقتليها
شهد : هو ده اللى هيحصل
عمرو : انتي مش كنتي هتقتلي ادهم
شهد : اه بس انشغلت بحوار سندريلا .... حوار ادهم عايز تكتيك لأنه ظابط و أي غلطه بمشنقه
❤️_____ليلةعادل_____ ❤️
مديرية أمن القاهرة ٣م
مكتب ادهم
يجلس ادهم على كرسي مكتبه ومروان وخالد على الكراسي الأمامية للمكتب ويتحدثون
ادهم : فرغت الكاميرات
مروان :مفهاش حاجة
ادهم : انت حاطت الكاميرات فين
مروان : الفيلا كلها جوه وبره
ادهم : اوضة النوم
مروان : لا محطتش لأن مافيش حد غريب بيدخل اوضه النوم
خالد : بانفعال... انا مش فاهم احنا هنا عشان نوصل لحل يخلينا نجيب المجرم ده من رقبته ، ولا نقعد نبص لبعض و نمصمص بشفايفنا ونتسأل أسئلة مالهاش لازمة غير تضييع الوقت ما لو هو وصل لحاجة فى الكاميرات مكنش جه لعندك
ادهم : والله يا دكتور مش انت اللي هتعرفني شغلى انا عارف بعمل ايه كويس
خالد : وليه ميكنش انت ورا كل ده
ادهم : ماليش مصلحه لكن انت عارف مين اللي له مصلحة
خالد : تقصد ايه
ادهم : انت فاهم وانا عارف إن مروان فاهم و عارف
مروان : ممكن نهدى.. هوه ده اللي هو عايزه نرمي التهم على بعض
خالد : انامش مضطر استحمل سفالة البني آدم ده فى ضابط أكفأ منه ممكن يساعدنا
مروان : بشدة دكتور لو سمحت ادهم وصل لحاجات كتيرة ممكن نركن اي حاجة شخصيه على جنب ها يا ادهم هنعمل ايه دلوقتي
ادهم : انا شاكك بالبنت اللي اسمها شهد انت ازاي مشكتش فيها بت مريبة كدا و مش مظبوطه
مروان : انا كمان شكيت فيها بس أميرة أكدتلي انها متعرفش أي حاجة
ادهم : بس كانت موجودة في كل مصيبة حصلت دي حتى كانت حاضرة الجلسة اللي أنت رفدت حنين فيها لما لقيت الكاتر
مروان : انا عارف كل ده. شكيت فيها بسبب ده وراقبتها لكن موصلتش لحاجة
ادهمّ : احنا هنراقب الكل حتى نور و حمزة ومنير كل واحد بيدخل الفيلا عندك.. على فكرة انا وصلت للعيال بتوع الموتوسكل
مروان :طب مقبضتش عليهم ليه
ادهم : انا عرفت مين هما لكن الأماكن اللي هما فيها دلوقتي لسه ، قربنا متقلقش
مروان : مقلقش. ازاى واحنا كل ما بنقدم خطوة هو بيطلع سابقنا بخطوات
ادهمّ : مش عايز يأس هي اميرة كويسه البرشام ده أثر عليها
مروان : لا.
ادهم : البرشام ده اكيد اتغير بأوضة النوم اسأل أميرة لو حد من أصحابها طلع الاوضه بحجة يشوف الولاد او أى حد
مروان : هسألها
♥️_____ليلة عادل____♥️
شقه د / خالد ٨م
تجلس فريدة على الكنبه يبدو عليها الضيق وعيونها بها دموع تمسك بايدها ألبوم صور. تشاهد صور اميرة وهى لسه طفلة رضيعة وأخرى وهي صغيرة وأخرى وهي أكبر. مراحل عمرها المختلفة وصور العائله كلها مع بعضهم ثم يطرق الباب تذهب لفتحه تجد خالد ومعه مروان تنظر لمروان بضيق وتتركهم وتذهب للراسبشن
خالد : مروان جاي بنفسه يعتذرلك يا فريدة
فريدة : تلتفت له ويعتذرلي أنا ليه ، يعتذر لأميرة , كلنا لازم نعتذرلها، لاننا مقدرناش نحميها حتى من نفسنا من أنانيتنا وحبنا الامتلاكي ليها ،خلناها صيدة سهلة لأني حد عايز يأذيها وأهو هي اللي بتدفع الثمن
مروان : يقترب منها مدام فريدة أنا عارف اني قصرت ، عارف اني سبتله ثغرات قدر يدخل منها ، بس لازم تفهمي انها حتى لو كانت فضلت هنا كان نفس السيناريو هيحصل ، لأنه حد مننا حد احنا بنحبه وبنثق فيه ، استغل ثقتنا ليه ، ودخل وزرع زرعته المسمومة وسطنا ، وادينا بنحصدها ، صدقيني بعدنا عن بعض هايأذى أميرة أكتر ، احنا لازم نحط ايدينا كلنا فى ايد بعض، ونحاربه بحبنا وقوتنا وانا متأكد اننا هننتصر
تقترب فريدة منه تنظر بعينيه بعيون بها دموع
فريدة : انازعلانة منك احنا مش اتفقنا تقولي ماما هو عشان اتعصبت عليك شوية بقيت طنط هي والدتك لو عايشة وتعصبت حبة عليك هتقولها طنط
مروان :أكيد لا
فريدة : تضع ايدها غلى خده أمال ايه متزعلش مني يا مروان غصب عني انا خايفة عليها مش أول مره يبقى بينها وبين الموت شعرة
مروان : متعتذريش انا فاهم ومقدر انا مش عايزك انتي اللي تزعلى مني وتاخدى مني موقف انا خايف والله خايف عليها انا حقيقي آسف بس انا أوعدك بشرفي إن دي آخر مرة حاجة تمس أميرة
فريدة : اتمنى
خالد : فريدة احنا هنروح نقعد مع اميرة لازم كلنا نبقى جنب بعض
فريدة : ماشي هروح أحضر الشنطة
فيلا مروان واميرة ٨م
يدخل مروان الفيلا يحمل بايده شنطة سفر ومعه خالد و فريدة ثم يقوم بالنداء على فاطمة
مروان : ماما فاطمة ماما فاطمة
تقترب منهم فاطمة
فاطمة : انت جيت حمد لله على السلامة
مروان : أمال أميرة والولاد فين
فاطمة : أميرة أكلتها وأدتها الدوا ورضعت الأولاد وناموا
مروان : من بدري
فاطمة : اه ييجي من ٢ كدا
مروان : طب ممكن تحضرلنا العشا واعملى حساب أميرة
وكلمي أمل ومنه ياجوا بكرة
فاطمة : حاضر
ينظر مروان لخالد وفريدة
مروان : انا هطلعلكم الشنطة فوق وهصحي اميرة
فريدة : ماشي
يصعد مروان السلم ويجلس خالد وفريدة فى الهول على الكنبه
فريدة : راضي عنه انت أوي
خالد : مش ده اللي كنتي عايزة اني أديله فرصة
فريدة : فجأة... طب يبقى خطوة خطوة مش مرة وحدة
خالد : هو ولا ده عاجبك ولا ده عاجبك
فريدة : انا طالعة اغير هدومي تتركه وتصعد السلم
♥️_____ليلة عادل____♥️
غرفة اميرة ومروان
يدخل مروان الاوضه يفتح النور. وينظر لأميرة بابتسامة وهى نايمه ثم يخرج هاتفه والمفاتيح من جيبه ويضعهم على الكومودينه ويقترب منها ويضمها من ظهرها وينسد رأسه على رأسها ويقبلها من رأسها ثم يضمها أكتر يقوم بطبطبه على كتفها أثناء إيقاظه لها بصوت هادي جدا حبيبي حبيبى ميرو يقبلها من خدها مرمر
اميره : بنوم وهى مغمضه عينها امم انت جيت
مروان : امم صباح الخير بليل
اميرة :جيت امتى
مروان : لسه حالا.... عندي خبر ليكي حلو أوي
اميرة : ايه هو... قبضت على القاتل
مروان : هو حلو بس مش للدرجة دي. ماما فريدة معايا
تلتفت اميرة و تنظر له
أميرة. احلف
مروان والله
اميرة بسعادة الله انت أحلى زوج بالدنيا أجمل مارو في العالم بموت فيك تضمه وتقبله عدة قبلات فى خده كدا الواحد ينام وهو مرتاح
مروان : نوم ايه يلا ننزل تحت
اميرة : تؤ هنام تلف ضهرها
مروان : بصى انا ما نمتش من إمبارح ولا اكلت ولا شربت وتعبان جدا فا كفايه
اميره : تضع ايدها على خده حاضر هنزل معاك اوعى. تخرج من تحت البطانيه ييييح الجو سقعه ده هات الجكيت اللي هناك ده يعطيه لها. ميرسي ترتديه يلا بينا
مروان : هتسيبي الولاد هنا
اميرة : اه معايا الجهاز
شقة ادهم ٨م
يجلس ادهم في الراسبشن ويلعب بهاتفه كانت بجانبه حنين تشاهد التلفزيون
حنين : ادهم ما تيجى نسافر
ادهم : معلش يا حبي مش هقدر عندى قضية كبيرة الأيام
حنين :ماشى. بقالك فترة مش بتخرج مع الشلة
ادهم : اه نور الحمل تعبها
حنين : هى حامل تاني
ادهم : عقبالك يا روحي
حنين : يارب
ادهم : انا هدخل آخد حمام
حنين : ماشي
يدخل ادهم الحمام ويخلع تيشرته ثم يتذكر عدم أخذ الفوطة معه يخرج ولكن يستمع الى صوت حنين وهى تتحدث
حنين : لا انا اللى هقبلك مش الدكتورة شرين انا عايزة علبتين من الدوا المرة دي ماشي بنفس الميعاد... سلام
يقترب أدهم منها وعلى ملامح وجهه الاستغراب
ادهم : دوا ايه
حنين برتباك. دوا. انت مش كنت بتستحمى
يمسكها ادهم من شعرها وبغضب انطقي دوا ايه بقى انتي اللي كنتي بتدى المخدارت لأميرة آخر حاجة كنت أتوقعها انه انتي اللي وره كل ده
حنين : بدموع أوعى ياادهم انت مش فاهم حاجة
ادهم : بغضب انتي بتستغفلينى انا مكنتش متخيل انك بالقذاره دي ،.. يضربها بالقلم. وحيات امك لوريكى هاخليك تتمنى الموت ومطلهوش بقى انتي تضحكي عليا أنا بعد كل الثقة دي ليه ليه عملتي كدا ليه كل الغل والكره ده انطقي قبل ماتجنن أكتر من كدا عملتي فى اميرة ليه كدا
حنين : بقوة تدفعه عنها .. أوعى يا ادهم اميرة مين... بتتكلم فى إيه
ادهم يمسكها مره اخرى من شعرها ويقربها منه انطقي يا حنين ليه عملتي كدا الغيرة مش للدرجة دي
حنين : غيرة ايه الدوا ده بتاعي أنا أنا عندي ورم بالمخ
يفك ادهم يده من عليها وينظر لها ايه.. بتقولي ايه
تمسح حنين دموعها. هى دي الحقيقة اللي بقالي حوالي سنة مخبياها عليك
يجلس ادهم على الكنبه بعيون بها دموع
حنين : كان بيجيلي صداع روحت كشفت ، اكتشفت المرض الدكتور قالى ان عندى ورم حميدي بالمخ والمفروض أعمله عملية اشيله بيها ، بس انا خايفة مرعوبة لأنه ممكن أفقد فيها صوتى او اتشل رفضت لجأت للمسكنات بس المسكنات ما بقتش نافعة عشان كدا كنت باخد الترامادول لأنه الوحيد اللى. قدر يخفف الألم... دكتوره شرين اللي ساعدتني لأني مكنتش عارفة أجيبه منين مرة وانا بكشف قابلت شرين
فلاش باك قبل سنة
♥️_____ليلة عادل____♥️
احدى عيادات المخ والأعصاب ٦م
تخرج من غرفه الدكتور حنين كانت تجلس شرين فى الإنتظار تقف و تقترب من حنين
شرين :حنين ايه اللى جابك هنا
تنظر حنين لها بارتباك
احد الكافيهات
تجلس شرين وحنين على احدى الترابيزات يتحدثون
شرين : متخفيش كدا ده حميدي احمدي ربنا اعملي العمليه هتبقى زى الفل
حنين : ممكن اتشل
شرين : الدكتور قال بنسبه٣٠٪
حنين :. ٣٠٪ أني هخرج عاجزة فهمه يعنى ايه اخرج على كرسى بعجل وقضى حياتى على كرسى بعجل لالا مستحيل مش هاعمل العمليه
شرين : ادهم موافقك
حنين : ادهم ميعرفش محدش يعرف غير وعد صحبتي. ارجوك متقوليش لحد.
شرين : سرك فى بير انا اختي كان عندها كانسر كانت بتاخدله أقراص مخدره تيمو.. زيك.. كانت رافضه تتعالج خايفه جوزها يسيبها لما شعرها يقع
حنين : انا عايزه منها ارجوكي ساعديني
شرين : انتى. موضوعك اسهل حميدي صدقينى أنا حاسة انك هتخرجي زي الحصان بطلي خوف.. جمدي قلبك
حنين : مستحيل أعمل العملية وأخرج مشلولة وأخلي حب أدهم يتحول لشفقه
شرين : ياريته يستاهل
حنين : تقصدي ايه
شرين : ولا حاجه انا هجبلك الدوا
حنين : ياريت الدوا بتاع دكتور مبقاش نافع
شرين : انا عارفه ليدار مخدرات كان بيجيب لأختي التيمو
حنين : ماشي كلميه ونتفق معه
المشهد الحالي
حنين : وفعلا بدأت تجبلي المخدر ده بس قالتلي لازم ناخد احتياطتنا.... ناخد على الواد اللى بيدينا البرشام صور ليه وهو بيبع لناس تانيه عشان نبقى بالأمان. عشان عرف انك جوزى خافت يبتذنا اتفقت مع واحد وأخدنا الصور عليه بس هى دي الحقيقة
ادهم : يقف ويقترب منها وعينيه مليانة دموع. انتي ازاي تخبي عليا ازاي... انت مجنونه انا جوزك. انتي ازاي تخبى عليا ازاي شايله كل ده جوة قلبك للدرجة انا أعمى. مخدتش بالي. من وجعك انا آسف يا حنين حقيقى آسف انتى هتعملي العملية وهتقومى بالسلامة وهنخلف وهنعيش سوا حياة سعيدة الحياة اللى تستحقيها مفهوم
حنين : لا يا ادهم مش هعملها
ادهم : هتعملي العملية وهترجعي وتقفي على رجلك فهمه انا معاكى متخفيش
حنين : واتشل وأبقى على كرسي بعجل
ادهم : هتخرجي سليمة انا متأكد متخليش الخوف يمتلكك حنين انا مش هينفع أخسرك هنكلم الدكتور ونشوف هيقول ايه وإلا عايزاني ازعل يضمها اليه بشدة ويطبطب على ظهرها. تنظر حنين له
حنين : مخدارت ايه اللي اميرة كانت بتاخدها
ادهم : موضوع كبير
حنين: احكيلي
ادهم : متشغليش بالك
حنين : انا عايزة اعرف انت اتهمتني ليه مع اني مشفتهاش من أكتر من سنة
ادهم : فى حد عايز يقتل اميرة يعنى فاكره الحادثه بتعت شهاب كانت بفعل فاعل... حريق الدولاب بتاعها.... الشقه بتعتها كانت هتفتح فيها عيادة اتحرقت واكتر من حادثة..... آخر حاجة كانت الدوا بتاخده للحمل اتبدل و اتحط مكانه مخدر خلاها نزلت البيبي
حنين : ده مين اللي بيكرهها أوي كدا
ادهم : مش عارفين
حنين : انا واميرة كنا أصحاب قبل ماتتجوز... هي بنت طيبة أوي وجدعه. أجدع وحدة فى الشله بتعتها. لما حد بيطلب منها حاجة لو آخر جنيه بجيبها بتديله..... مين بيكرهها كدا. صعبانة عليا والله
ادهم يمكن غيرة وحقد
حنين ممكن حد بيكره مروان عايز يأذيه فيها
ادهم : تؤ ده احتمال مستبعد لان مافيش أىي حاجة حصلت لمروان ممكن حد يشوه سمعته او مثلا يحرق المستشفى بتعته او فرع من المراكز بتعته. اللي بيعمل كدا قاصد اميرة
حنين : انت اللي ماسك قضيتها
ادهم لسه مش قضية الموضوع شخصي لحد دلوقتي. لأن ده شغل مباحث اصلا مش نيابة مروان لجألي عشان أساعده يعني يوصل لأي طرف خيط
حنين : مروان
ادهم : تخيلي
حنين : ده جريء أوي و قوي أوي
أدهم : ليه
حنين : يعنى صعبة على أى راجل يطلب من خطيب مراته السابق يساعده
أدهم : انا لو مكانه هعمل اكتر من كدا عشان أحافظ على حياة مراتي المسألة دلوقتي مش غيرة وكبرياء دى حماية لحياة بني ادم... بعدين سيبك من الأمور دي خلينا فيكي... بكره لازم نروح للدكتور
حنين : موافقة بس بشرط
أدهم : أأمريني أمر
حنين : كمل قضية اميرة
أدهم : لا أنا هشوف ظابط كفؤ. وثقة يتابع انا دلوقتي عندي الأهم
حنين : مروان جالك وعشمان فيك أكيد هو لف وعمل كل اللي يقدر عليه موصلش لحاجة مالقاش غيرك فى الاخر. حرام انت كمان تتخلى عنه بصراحه هو صعبان عليا
أدهم : عايزاني أكمل
حنين : أكيد اعتبرها قضية مهمه عندك اكيد مكنتش هتسبها صح
أدهم : صح
حنين :خلاص الراجل جالك وكله عشم فيك بعد كل الأبواب متقفلت بوشه ومدلك ايده حرام انت كمان تتخلى... مش يمكن لو وقفت جنبه ربنا يكرمنى بالعمليه
ادهم : حاضر ان شاء الله. انتي طيبة أوي يا حنين
حنين : انا بثق فيك
ادهم : وانا اوعدك اني هبقى قد ثقتك.. يضمها ويقربها منه
♥️_____ليلة عادل____♥️
فيلا أميرة ومروان ١٠م
الراسبشن
يجلس الجميع فى الراسبشن ويتحدثون
أميرة : ماما زعلانة مني
فريدة : مش زعلانه منك انا خايفة عليكي
أميرة : انا مش.خايفه لانكم جنبى تمسك ايدها طول ما انتم جنبي خلاص
♥️_____ليلة عادل____♥️
أحد المستشفيات
نرى مشاهد سريعه جدا لحنين وهى تقوم بعمل فحوصات واشاعات وكان معها أدهم
مكتب الدكتور
يجلس الدكتور على مكتبه وحنين وأدهم على الكراسي الامامية للمكتب
أدهم :كدا نقدر نعمل العملية امتى
الدكتور : خلال اسبوع
حنين : بالسرعة دي
الدكتور : بالعكس احنا متأخرين أوي. كويس ان أدهم قدر يقنعك
أدهم :لو الموضوع محتاج سفر. بره مصر نسافرها
الدكتور : خالص بالعكس الموضوع بسيط حنين اللي خايفة بزيادة
حنين : لازم اخاف انا ممكن أفقد شئ عزيز عليا
الدكتور : وانا بقولك متخفيش
أدهم : شكرا يا دكتور
يخرجان سوا ثم يرجع أدهم تاني
أدهم : اسبقينى على العربيه
حنين : ليه
أدهم : هسأل الدكتور على حاجة
يرجع أدهم ويدخل المكتب
ادهم : دكتور ارجوك طمني فى أى حاجه خطر عليها
الدكتور : متقلقش المفروض كنا عملنا العملية من زمان بس مافيش مشكلة كله خير
أدهم : شكرا يا دكتور
♥️_____ليلة عادل____♥️
مركز د/ مروان ١٠ص
يدخل مروان واميرة المركز وهما يمسكون يد بعضهم تراهم شهد تقترب منهم وهما يقفان أمام الاسنسير
شهد : صباح الخير
أميرة : صباح النور عامله ايه
شهد : تمام ازيك يا دكتور
مروان : الحمد لله
يدخلون الاسنسير
شهد : ها يا ميرو كدا رجعتي المركز
أميرة : لا ده انا جاية آخد شوية ورق مهم
شهد : امم بس انتي شكلك تعبان أوي
أميرة : اصلي نزلت البيبي من يومين
شهد : ايه ده ازاي متقوليش
يخرجون من الاسانسير
أميرة : محبتش أقلق حد ده اخواني نفسهم عرفو امبارح. نور لسه متعرفش... اوعي تتكلمي. هى تعبانة مش عايزة ازعلها
شهد : سلمتك يلا عن اذنكم
مكتب مروان. يدخلوا المكتب تجلس أميرة على مكتب
مروان : مش ملاحظة إن شهد كانت موجوده فى معظم الحوادث اللي حصلت ده غير اننا منعرفش أى حاجة عنها
أميرة : هو انت شاكك فيها
مروان : انتي مش شاكه فيها
اميره : أنا بشك فى نفسي عارف مشكلتي مع شهد
انها متعرفش حاجة يعني هى كانت موجوده يوم الدولاب بس متعرفش حكايته متعرفش الباس ورد. ماتعرفش قصتنا
مروان : مش مبرر يا أميرة شهد كانت موجوده بكل حادثة حصلت حتى يوم ما بنت نور تعبت ، كاتر حنين حريق الدولاب. الباس ورد سهل تجيب هكر يفتحه , أكيد لو طلعت هي اللي بندور عليها يبقى بتفهم بالهكر ، هقولك على حاجة يوم ما أخذت حبوب الهلوسه هي كانت معايا دخلت دقيقه أدتها كتاب وبعدها منير دخل ممكن فى للحظة اللي لفيت فيها حطته. مخدرات بتعتك انتي تعبتى من مخدر معين وبردو كانت موجودة يومها
أميرة : خوفتني أوي انت صح حقيقي كل مشكلة كانت شهد حضراها
مروان : يوم ما البيبى نزل. ايه اللي حصل يعنى مسبتهاش لوحدها خالص
أميرة : كنا قاعدين بالجنينه معظم الوقت وشربنا أكتر من حاجة سوا واتغدينا سوا
مروان : طلعت شافت الولاد
أميرة : لا بس هى كانت جيبالي عصير. بحبه مش بلاقي النوع ده كتير. بس نور شربت منه
مروان : انتى ازاي مقولتليش الكلام ده قبل كدا
أميرة : معرفش
مروان : ده كان معلب ولا
أميرة : اهاا
مروان : مش عايز أظلمها بس لازم ناخد احتياطتنا قوليلي هى صحبتك اللي كانت حامل جت عندنا قبل كدا
أميرة : بتسأل ليه
مروان : اصل حوار انها كتبت اسمك ده. مش داخل دماغي. أصلا ممكن تألف اسم محدش بيطلب بطاقه بالكشف ها مين هي
أميرة : شهد
مروان : شهد كانت حامل من مين
أميرة : شهاب
مروان : انتى ازاى ما بتقوليش كل الحاجات دي ازاي يا أميرة
أميرة : انا وعدتها
مروان : انا دلوقتى شكي زاد أوي فيها
أميرة : استنى بس مش عمو مصطفى ده ابوها واحنا شفناه والبنت اللي بتدور عليها اسمها شيماء ويتيمه
مروان : بس عم مصطفى وقتها مذاكرش انها بنته قال شهد بتتكلم عنك كتير يمكن معرفة
اميرة : اسمها على اسمه يا مروان
مروان : يتنفخ بضيق
طبطبت أميرة على ظهره اهدى بس انا متاكدة اننا قربنا تقبله من خده اهدى بلاش توتر تضمه. وتطبطب على رأسه تقبله منها
♥️_____ليلة عادل____♥️
فيلا مروان واميرة ٦م
تجلس اميرة براسبشن تلعب مع أحد الاطفال ثم يطرق الباب تذهب لفتحه وهى تحمله تجده أدهم تنظر باستغراب
اميره : أدهم انت اتجننت انت جاي لحد هنا مروان هنا امشي بسرعة متعمليش مشكلة معه انت ازاي تيجي
يدخل مروان عليهم اتفضل يا ادهم تنظر أميرة باستغراب
مروان : أدهم بيساعدنى يا أميرة كلمته عشان موضوع شهاب
أميرة : لا والله
مروان : طب ممكن توعي من قصاد الباب عشان يدخل
أميرة : آه اتفضل
ادهم : مساء الخير أتمنى مكنتش اتأخرت
مروان : فى الميعاد..
حبيبي ممكن تخلى فاطمة تعملنا قهوه... مظبوط يا أدهم صح
أدهم : اه
مروان : يلا يا ميرو
أميرة : لحظه واحدة انتم انتم ازاي مع بعض
مروان : بعدين بعدين من هنا يا أدهم اتفضل
مكتب مروان
يجلس أدهم ومروان على الكراسي الأمامية امام بعضهم وكانت اميرة بالخارج تسترق السمع
أدهم : محكتلهاش
مروان : كنت ناوي احكلها لما نحط ايدنا على حاجة ملموسة
ادهم : انا الفتره الجايه مش هقدر اكون معاك بنفس التركيز لأن حنين تعبانة وهتعمل عملية لكن متخفش مش هسيبك
مروان : الف سلامة عليها مالها
أدهم : عندها ورم حميدي بالمخ
مروان : لا اله الا الله طب الدكتور قالك إيه
ادهم لازم عملية
مروان : لا الف سلامة عليها خلاص انسى الموضوع ركز مع مراتك هي محتجالك اكتر من أي وقت
ادهم : متقلقيش انا واخد على الضغوط اللي من النوع ده مش أول مرة بابا الله يرحمه كان تعبان جدا وبردو كنت مركز بالشغل المهم ها فهمني إيه حوار شهد
مروان : هقولك
بعد خروج أدهم و توصيل مروان له.... تقف تقترب اميرة منه وهى تحمل زياد على حمالة الصدر
أميرة.. أدهم يا مروان
يقترب منها. يبتسم دوما هاتي المجرم ده .يحمله حبيب بابا. يقبله من خده غغغغ ايه قول بابا بابا بردو غغغغ هههههههه يقبله
أميرة : انا بكلمك على فكرة
مروان آه أدهم يا أميرة إيه المشكلة
أميرة : إيه المشكلة انت اللي بتسأل فين المشكلة
مروان : اميرة انا ممكن اعمل أي حاجة عشان سلامتك
اميرة : بس مش أدهم
مروان : حتى لو أدهم ،..... ادهم قدر يوصل لحاجات كتير اللواء شوقي مقدرش يوصلها .. يقترب منها ويضع أيدها على خده اميرة انا عندي استعداد اعمل أي شئ عشانك حتى لو الحاجة دى ضد مبادئي وقناعتى المهم سلامتك بعدين انا مش شايف فيها حاجة اني أتعامل مع ادهم هو محترم وظابط شاطر جدا
اميرة : عارف كل مرة بتثبتلي فيها اني كنت صح لما ضيعت عمري عشانك كان عندي بعد نظر تقريبا.... انا بحبك أوي يا مروان بحبك أوي أوي تضمه وتقبله من خده تيجى نسافر انا وأنت والولاد بس نروح البيت اللي على البحر سرنا اه هيبان اننا معندناش دم بس عادي
مروان : هههههه موافق تحبي تروحي امتى
اميرة : بكره إيه رأيك نخلي ماما وبابا هما كمان يسافرو يروحوا يقعدو بشقة اسكندرية
مروان : فكرة حلوة اوي
أميرة تعال نقولهم دلوقت
مروان يلا
♥️_____ليلة عادل____♥️
اوضهtv
يدخل مروان وأميرة الاوضه ويجلسان بجانب بعضهم على الكنبه كان يجلس خالد وفريدة يشاهدان التلفزيون ومعهم زياد
خالد : أدهم مشي
مروان : اه
أميرة : حضرتك عارف
خالد : طبعاً
أميرة : وانتي كمان عارفة يا ماما
فريدة : لا
أميرة : اممم
مروان : مش هتقوللهم
أميرة : اه. ماما بابا ايه رايكم تاخدو مفتاح شقه مروان تروحو تقعدو يومين بسكندرية
فريدة. دلوقت
أميرة : امم غيرو جوا احنا بقالنا فترة تعبانين أوي... انا كمان هاخد مارو ونسافر
خالد : فعلا احنا محتاجين نرتاح ونريح اعصابنا ونعمل تجديد فى خلايا مخنا يمكن نقدر نوصل لحاجة
أميرة : هو ده يا خالود
فريدة : هتاخدى آدم وزياد معاكم
أميرة : اه
فريدة : خدى بالك منهم عشان الجو تقللهم
أميرة : حاضر
♥️_____ليلة عادل____♥️
البيت البحري ٢م
يصل مروان وأميرة الى البيت البحري كل واحد منهم يحمل طفل على حمالة الصدر
مروان : حمد لله على السلامة يا حبايبي.. آدم زياد احب أعرفكم على بيت احلام ماما ميرو
أميرة : وبابا اللي حققه. هو اللي نفذ كل حاجة فيه مانسيش أى تفصيله
مروان : ومش ذنبي ان مافيش سرير ليكم هى اللي محلمتش بيكم
أميرة : بصراحه انا قولت المكان ده عشان نهرب من العيال ونروق على نفسنا
مروان : احنا هنروق بس مع زياد و آدم
أميرة : مش مهم يلا تعال شغللنا الدفايه ظبطلنا الدنيا
مروان : اعملي معايا
أميرة : اااه مش عارفة دخت فجأة
مروان : لا والله ابدا هتعملي معايا يلا حطي زياد ويللا على الشغل
أميرة : زوج مفتري
مروان : جدا يللا
وبالفعل يقومان بتنظيف البيت ثم تشغيل الدفايه والجراموفون على أحد اغاني عبد الوهاب ثم نراهم وهما يتناولون الطعام واخرى يلعبون مع اولادهم وفي الليل
يجلسان بجانب بعضهم أمام الدفايه ويلعبان الكوتشينه
مروان : انتى بتخمي
أميرة : انت اللى مش بتعرف تلعب
مروان : طول عمرها الكوتشينه بكومى واحد
أميرة : دى القديمة
مروان : يا شيخه
أميرة : اه
مروان : انتى بتنصبي مش لاعب معاكي. يرميهم على الأرض
أميرة : برفعت حاجب وتبريق أمسك الكوتشينه و العب احسنلك
مروان : لا انا هطلع انام
أميرة : دلوقت
مروان : الساعه ١ يلا نخطفلنا ساعتين قبل ما يصحوا الفجر
أميرة :عندك حق يلا. يقفان عندما يمشى مروان تمسكه أميرة من يده
أميرة : اييه رايح فين شيل
مروان : أشيل
أميرة : ايوه شلني
مروان : أمرك يا ست ميرو
يحملها ويصعد بها السلم ثم يضعها على السرير بجانب زياد و آدم.... كان يفرش على الأرض بطانيه ومخده ثم يتمدد مروان عليها
أميرة : مرتاح كدا
مروان : امم
أميرة: مش بردان
مروان : تؤ اللحاف مدفيني انتي بردانه
أميرة : تؤ تصمت قليلا مارو
مروان : نعم.
أميرة : هو ينفع نعمل اوضه تانية هنا
مروان : ممكن تحت نقفل جزء
أميرة : تعال نعمله عشان الولاد ربما تخدم تانى معانا
مروان : احنا ممكن ناخد جزء من الجنينه
أميرة : ممكن نشوف المهندس
مروان: يلا تصبحي على خير
تصمت قليلا
أميرة : مارو مارو مروااان
ا
مروان : اممم
أميرة : نمت
مروان : هنام
أميرة :اصلي مش عارفة كدا تلف على السرير وتقع بجانبه ايه ده انا جيت هنا ازاي تنام على صدره وتضمه
مروان : اطلعي نامي على السرير عشان ظهرك
أميرة :انت كمان ظهرك
مروان :انا راجل
أميرة : يا سلام. انا عايزه أنام بحضنك ممكن
مروان : ممكن يقبلها من رأسها ويضمها
أميرة : انا بنبسط اوى لما باجى هناا
خلال اسبوع
نرى حنين تحضر نفسها للعمليه وكان ادهم يحضر معها الفحوصات كما كان يتابع البحث عن القاتل. كان يذهب الى القسم يقوم بالبحث فى الحاسب اللي عليه اي دليل. يراقب شهد ومنير ونور وحمزة والجميع
يوم العملية
أحد مستشفيات القاهرة
يقف أدهم امام غرف العمليات ويبدو على ملامح وجهه الضيق والقلق والتوتر ومعه اسره حنين ووالدته ثم يظهر مروان نعم فامروان حضر العمليه فهو يقوم برد جميل الادهم فهو يعلم برغم مرض حنين لكن ادهم لم يتركه فى العاصفه لوحده.
يقترب مروان من ادهم ويطبطب على ظهره ينظر ادهم له
مروان : متقلقيش هتقوم بالسلامه
أدهم :لو حصلها حاجة مش هسامح نفسي
مروان : صدقنى هتقوم بالسلامة وهترجعلك تفائل وادعيلها
ادهم: يارب. شكرا يا مروان انك جيت و وقفت جنبى من الصبح
مروان: متشكرنيش ده واجب كفايه اللي انت عملته يعني فى عز ازمتك فضلت معايا يصمت قليلا
واضح اننا هنفضل مرتبطين ببعض يا أدهم جميل كل واحد فينا هيفضل برقبة كل واحد فينا
أدهم : بنصف ابتسامة الظاهر كدا مافيش مهرب
مروان : ان شاء الله هتقوم بالسلامة
بعد قليل
ثم يخرج الدكتور يقترب منه الجميع
الدكتور : مبروك العملية نجحت
أدهم : هنقدر نشوفها امتى
الدكتور :مجرد ماتفوق من البنج
أدهم : طب بالنسبه لموضوع الشلل
الدكتور : هنعرف لما توفق
بعد عدد ساعات
غرفة حنين
يجلس الجميع بالغرفة ثم تبدأ حنين ان تفتح عينيها
يقترب منها أدهم. ويبتسم
أدهم.:حمد الله على السلامة
حنين : الله يسلمك انا صوتي موجود
أدهم : آه موجود
حنين تحاول ان تحرك رجلها لكن .....
استوووووب
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
الفصل الثانى وخمسون والثالث وخمسون بقلم ليلةعادل رواية الاعمى (الجزء الثاني)الفصل الثانى وخمسون والثالث وخمسون ب…){kind=link}
تعليقات
إرسال تعليق