رواية ليالي الغول اقتباس من الفصل الأخير بقلم لوجي احمد

 

رواية الاعمى (الجزء الثاني)الفصل الرابع والاربعون والخامس والاربعون والسادس والاربعون بقلم ليلةعادل

رواية الاعمى (الجزء الثاني)الفصل الرابع والاربعون والخامس والاربعون والسادس والاربعون بقلم ليلةعادل

سيارة اميرة 1م

تقف اميره امام سيارتها يقترب منه شهاب قبل ان تفتحها

شهاب : اميرة

اميره : تلتفت له نعم

شهاب : عايز نتكلم شوية

اميره :بقوة .. مكنتش عارفة ان مقابلة ادهم هتخوفك كدا , بص يا شهاب مافيش كلام بنا انت قفلتها زى الدومنا بعدين مروان مش حابب اننا نكون اصحاب وانا كمان محبش يبقى ليا صديق بأخلاقك

شهاب : نتكلم , بعدين تقررى يمكن كلامي يعجبك ويبقا فى مصلحة لصحبتك

اميرة : تفكر قليلا ثم تنظر له اتفضل

بعد دخلوهم السيارة اميرة

اميره : اتفضل ايه ربنا هداك

شهاب : نروح مكان نقعد عشان نتكلم على رواقة

اميرة : طيب

تسوق اميرة سيارتها وشهاب بجوارها يرن هاتفها المتصل ادهم

اميرة : اه.. أنا كنت بمؤتمر أنت عامل ايه .. اه ...ما هو معايا أهو ...هنروح كافيه هنا بأكتوبر ... هبعتلك اللوكيشن دلوقت ها ..وصل ... هههههههههههه ،سوري بعتلك المكان اللي أنا فيه ..مش الكافي استنى داخلة .. على اشارة مش عايزة الرخص تتاخد ..اصبر هههه منا مصحباك لأجل هذه المواقف هههههههههههه ...اصبر بجد

لكن أثناء سيرها بالسيارة وهما داخلين على تقاطع والاشارة صفراء لتهدئ السرعة تحولت أحمر حاولت أميرة ان تهدئ السرعة لكنها لم تجد فرامل تنظر اميرة لشهاب بفزع

أميرة : بفزع .. شهاب الحقني مافيش فرامل

شهاب : بخضة بتقولي ايه

اميره : تبكى مافيش فرامل

ادهم : اميرة فى ايه الوووو

شهاب : ايه يمسك فرامل اليد

ادهم : الووووووووووو

لكن اميرة لا تجيب على أدهم فخوفها نساها المكالمة

فاتجه ادهم بسيارته لمكان الذي بعتته اميرة

اميرة : تبكي مافيش فرامل بردو هنموت خلاص

شهاب : شششش اهدى ارفعي رجلك من على البنزين بشويش

اميرة : ايه

شهاب : اميرة أبوس ايدك اهدي وركزي اهدى بالراحه مش هنموت هنطلع من العربية سالمين بس اعملى زى ما قولتك ارفعي رجلك بالراحة من على البنزين

اميره : حاضر حاضر كدا

شهاب : ايو كدا افتحي باب العربية وانزلى بسرعة

اميره : بخوف ودموع ..ايه انا خايفة

شهاب : اسمعي الكلام و اهدي اميرة اهدي ونطي

اميره : طب انت هتعمل ايه

شهاب : هنط وراكي اخلصي مافيش عربيات بالشارع نطي و حطي ايدك حوالين راسك وانتى بتنطي بسرعة

وبالفعل ترمي اميرة نفسها من السيارة يقوم شهاب ويجلس مكانها على كرسي السواقه لكن بمجرد جلوسه تدخل فيه عربية نقل من التقاطع الجانبي وتخبط السيارة بقوة وتقلبها

- جامعة القاهرة

ممر أحد الأدوار يقف منير ومعه مروان وشرين يتحدثون ويضحكون بعد قليل يرن هاتف مروان

مروان : الو .. ايوة د/مروان عزت مع حضرتك خير .. ايوة يا فندم ..تبدأ ملامح وجهه ان تتغير مع نظرات استغراب على ملامح شرين ومنير

مرون : انتي بتقولي ايه يقع التليفون من يد مروان تملأ الدموع عينيه ويختل توازنه كاد ان يقع يجري عليه منير ويسنده

منير : مالك فى ايه ينظر مروان له دون تحدث

أحد المستشفيات الخاصة بالقاهرة 6م

أحد الغرف

نرى اميرة تجلس على السرير ويبدو على ملامحها الخوف والذعر والدموع وتملأ وجهها وجسمها الكدمات و ويقوم الدكتور بعمل جبس بدراعها الأيسر , و بعد قليل يدخل ادهم على وجهه الخوف , يجرى عليها وبلا ارادة عانقها بشده الى قلبه ولكن اميرة ساكنة لم ترفع ايدها تنظر له بهلع ودموع بعد قليل ينظر لها ادهم انتي كويسة ها ...

تشاوراميرة له برأسها بنعم , يتبادلان النظرات بعد قليل يستجمع ادهم نفسه وبخجل , انا انا اسف م مم مكنتش اقصد

اميره : تطبطب على كتفه انا كويسة بس معرفش شهاب حصله اه

ادهم : ايه اللى حصل

اميره : لما كنا بنكلم مالقتش فرامل

ادهم : الحمد الله انك بخير انا كنت هتجنن وانا سمعك بتتكلمى مع شهاب مش بتردي

اميره : نسيت كل حاجه كنت مرعوبة يا أدهم بيني وبين الموت شعرة

ادهم : الحمد لله انك بخير

اميره : الحمد لله أدهم.. انا متشكرة وفي نفس الوقت اسفة بس انت لازم تمشي لان مروان زمانه جاي مش هينفع يشوفك انك جيت قبله

ادهم : من غير أسف يا اميرةانا فاهم المهم اني اطمنت عليكي ...هستأذنك بس أكلمك بالليل عشان اطمن عليكي تاني

اميرة : كلمني اى وقت شكرا ليك يا أدهم

يبتسم أدهم لها ويخرج

وبعد قليل من خروج أدهم وانتهاء الدكتور من عمل جبس لأميرة تتمدد على السرير يدخل مروان ومنير وشرين الغرفة دون طرق الباب يجرى مروان عليها بخوف شديد وتوتر وقلق ويضمها بشدة دون تحدث فاعينه التى كانت تتحدث وتحكى كل شى يشعر به ، بعد ثوانى ينظر لها يضع يده على خدها ويقبلها من جيبنها قبله طويلة ثم ينظر لها ويضع رأسها على صدره ويطبطب على شعرها... ألف سلامة عليكي ياقلبي الف سلامه عليكى ،كنت هموت من خوف عليكى انت كويسه ها كويسه تشاور براسها نعم

يقترب منير

منير : حمد الله على السلامه يا ميرو

اميرة : الله يسلمك

مروان : ايه اللى حصل يا حبيبى طمنينى. انا مش فاهم حاجه

اميره : معرفش كنت بالعربية و معايا شهاب بعد مخلصنا المؤتمر مالقتش فرامل بس شهاب قالي ارفعى رجلك من على البنزين بشويش ونطي و قبل ما ينط هو جت عربية من حارة وخبطته بعدها مش فاكرة حاجة صحيت لقيتني هنا ومحدش عايز يعرفني شهاب عامل ايه

مروان : يضمها بشدة عيون تغلغلها الدموع الحمد لله يارب الحمد لله انك بخير الحمد الله

شرين : قالولنا فى العمليات انا هخرج اشوفه

اميرة : انا كمان عايزه اروح

مروان : اميرة انتى تعبانة

اميره : هتعب اكتر لو سبت دماغي للتفكير ساعدني نطلع برة

منير : انا هروح مع شرين ونطمن ونطمنك ماشي

اميره : ماشى

شرين : ياريت تطلبي حاجة لمروان لانه من وقت ما سمع الخبر وهو مش على بعضه ووشه ألوان

تخرج هي ومنير خارج الغرفة

أميرة : تمسح دموعها وتمسك من ايده .. تعال يا حبيبي نشرب حاجة فى كافتيريا

مروان : انا كويس يضع ايده على خدها انتي متاكدة إنك كويسه

اميره : والله كويسة الحمد لله

يضمها مروان الى صدره بالقرب من قلبه ويطبطب على شعرها بعد الشر عنك ياقلب مروان

يدخل الدكتور

الدكتو: عاملة ايه دلوقت

اميره : شهاب عامل ايه

الدكتور لسه بالعمليات.. حاسة بايه في حاجة وجعاكي

اميره : وجع بجسمي كله

الدكتور :هنمشى على انت بيوتك يومين ،انتي من شدة الوقعة جسمك تعبك حتى الكسر اللى بدراعك بسيط لكن مافبش اى خوف

مروان : ممكن تخرج امتى

الدكتور : حالا

مروان : يعنى هي مش محتاجة تفضل تحت الملاحظه

الدكتور : لا هى شويه كدمات بسيطه واضح انها نطت من العربيه والسرعه كانت هاديه

مروان : شكرا

الدكتور : حمد الله على سلامه

يخرج الدكتور

اميرة : مروان عايزة اطمن على شهاب

مروان : لسه بالعمليات

اميره : وحياتي ريحني

مروان : حاضر يا حبيبى تعالي

وبالفعل يمسك مروان يد اميرة السليمة ويخرج خارج الغرفة ويقفان امام غرفه العمليات

بعد ساعة

امام غرفة العمليات يخرج الدكتور من العمليات وكان قد وصل الى المستشفى والد ووالدة واخوات شهاب كانت اميره تقف وهى تسند ايدها على مروان

الدكتور : بأسف .. البقاء لله

صراخ ودموع من الكل

اميرة تنظر لمروان بذهول ودموع : انا السبب انا

مروان : هششش يضمها اليه

يدخل عليهم ظابط الشرطه

الظابط : حضرتك اللى كنتي معه بالحادثة

اميره : تمسح دموعها وتاخذ نفسها ..ايوه

الظابط : ممكن تحكيلي اللي حصل

اميره : كنا بالطريق والاشارة كانت حمرا جيت اهدي مالقتش فى فرامل حتى شهاب مسك فرامل اليد بردو مكنتش موجوده

الظابط : كنتم جايين من البيت

مروان : لا يا فندم دكتور اميرة كانت بمؤتمر دولي هي والدكتور شهاب بعد المؤتمر مخلص كانو رايحين مشوار مع بعض يعنى الفرامل لحد ما اميرة وصلت المؤتمر كانت موجودة

الظابط : انت مين

مروان : انا دكتور مروان عزت والدكتورة اميرة تكون زوجتى

الظابط : تمام احنا مش هنقدر نقفل المحضر بالوقت الحالي لان فى شبهة جنائية لحد منشوف تقرير المعمل الجنائي النهائي رأيه ايه ياريت حضرتك متسافريش الفترة الجايه ... البقاء لله يلا يابني

اميرة : تنظر لمروان انا مش فهمه حاجه دماغي هتنفجر ممكن يتهموني فيه

مروان : لا طبعا

اميره : امال فى ايه

مروان : لانها حادثة حاجة طبيعيه انك تتسألي

متخفيش انا جنبك يلا بينا نروح عشان ترتاحي

❤️_____ليلةعادل_____ ❤️

فيلا مروان وأميرة 8م

تجلس اميره على السرير يقوم مروان بمساعدتها لتغير ملابسها بعد الانتهاء تتمدد اميرة على السرير

مروان : هروح اخلى فاطمة تحضرلك العشا

اميره : تمسك ايده مش ليا نفس

مروان : يجلس يمسك يدها بحنان..حبيبى مينفعش لازم تاكلى عشان تاخدى الادويه عشان تخفى بسرعه عشان خاطرى هناكل سوى ايه رايك

اميره : من فضلك متغصبش عليا انا تعبانه انت فاهم انا كنت بايه مين ممكن يعمل كدا انا عمري ماأذيت حد فى حياتي مين بيكرهني كدا ... تبكي

مروان : يمسح دموعها بس بس ايه كل الدموع دى والخوف ده ، مش انا جنبك ومعاكى ازاى تخاف وتعيطى كدا ، وانا معاكى، بعدين ايه افلام الاكشن اللى عايشه فيها ، دى مشكله صيانه بتحصل كتير عادى جدا بطلى تدلعى عليا ،والله خوفت عليكى عايزه اثبتلك تانى ، ها بعدين مين ده اللى يكره ميرو ميرو تتحب بس

اميره : انت بتقول اى كلام على فكرة عشان متخوفنيش وانت من جواك مرعوب

مروان : لا مافش اى كلام من ده ومش خايف هخاف ليه مافيش حاجه , بلاش شغل الافلام ده قولتك يقبلها ..من راسها هنزل لفاطمه تحضرلنا العشاه وهو عند الباب ميرو متفكريش انا مستحيل اسمح ان حاجه تاذيكى خليكى واثقه

يخرج مروان من الغرفة ويغلق الباب خلفه و, عند نزول مروان من على السلم يرن جرس باب الفيلا تذهب احد الخدم لفتحه كانت فريده وخالد واخوات اميرة ياسمين وكريم يجرون وهم فى حالة خوف وتوتر

فريده : مروان اميره فين

مروان : اهدو مافيش حاجة الحمد لله هي فوق بالأوضه اتفضلو اطلعولها ... يتركوه دون تحدث ويصعدو على السلم مسرعين ينظر مروان للخادمة حضري العشا واعملى لأميرة عشا مخصوص وطلعيه فوق

الخادمة : حاضر

- غرفة اميره

تفتح فريدة باب الغرفة دون طرق

اميره : باستغراب .. ماما

يجرون عليها تقوم فريدة وياسمين بعناقها

فريده : انتى كويسة بخير

اميره : الحمد لله اهدو طيب أنا كويسه

خالد : يقترب منها ويضع يده على شعرها متأكدة حاسة بايه قوليلى

أميره : بابا والله كويسه

كريم :يقترب منها باهتمام ايه اللي حصل

يدخل مروان عليهم

خالد : بشدة ينظر لمروان انت ازاي متقوليش ان بنتي عاملة حادثة

اميره :بسرعة .. انا اللى طلبت منه

كريم : ازاي يعنى

اميرة : خفت تتخضو ....بعدين حاجة بسيطة

فريدة : كل ده وبسيطة ايه اللي حصل

اميره : تنظر لمروان وهى تتحدث اه العربية عملت حادثة

خالد : ازاي فهمينى

اميره : دخلت في عربية جاية من حارة بسرعه

خالد : يعنى العربيه فراملها مكنتش مفكوكه

اميره : تبتلع ريقها ..عرفت منين

فريده : مش مهم عرفنا منين المهم دلوقتى ازاي ده حصل

اميرة : عيب صيانة صح يا مروان

مروان : اه طبعا هتكون ايه غير كدا انا اسف يا دكتور خالد اني متصلتش انا كنت هكلمك بكرة لأن الوقت متأخر

فريدة : بشدة .. لو الفجر تكلمني دي بنتي سامع

مروان : حاضر انا اسف

تطرق الخادمة الباب وهو مفتوح

مروان : ادخلي حطي الصينية هنا , تضعها على الكومودينو تقف ياسمين تجلب الصينيه على السرير

اميره : مش جعانة

خالد : هو ايه اللى مش جعانه هتاكلي غصب عنك عشان المضاد الحيوي مش عايز دلع أكليها يا فريدة.. ينظر لمروان .. وانت تعال معايا تعال يا كريم معانا

كريم : حاضر هطمن اكتر على أميرة وهاجى وراكم

خالد : اتفضل يا استاذ قدامي اتفضل

يخرج مروان وخلفه الأب

اميرة : كريم انزل معاهم والنبي

ياسمين : متخفيش اكيد بابا عايز يعرف ايه اللى حصل

اميرة : معلش انزل برضو

كريم : حاضر هنزل سلامتك يا حبيبتى يقبلها من جبينها ويخرج

فريده : ..تمسك فريده المعلقة يلا افتحي بوقك ... وتقوم بإطعام اميرة

❤️_____ليلةعادل_____ ❤️

- حديقة الفيلا

يجلس خالد ومروان فى الحديقة على الترابيزه يتحدثان

خالد : ممكن افهم اللى حصل ده حصل ازاي

مروان : حقيقى انا مش فاهم بس اميرة بتقول ان الفرامل مكنتش موجودة

خالد : بشده .. الموضوع ده فى حاجه مش مظبوطه لو كان المقصود انت محدش هيرحمك من ايدي

مروان : هو حضرتك ليه بتكلمني بالنبرة دي

خالد : بقوة .. مفروض اكلمك بأنهى نبرة يا استاذ وانا بنتي كانت هتروح مني النهارده

مروان : دكتور خالد انا عمري ماهسمح ان اميرة تتأذي وانا متأكد ان هيطلع مشكلة فى صيانه

خالد : بنبرة تحذير وشدة... ادعي انها تطلع مشكله بالصيانة فعلا لان لو طلع حاجه تانية والله هتشوف اللى عمرك ماشفته مني , اللى فات حاجة واللى جاي حاجه تانية

يدخل كريم عليهم

كريم : انا قولت آجي أقعد معاكم شوية انتم تمام

مروان : ينظر مروان له تمام

غرفه نوم مروان واميره ١١م

نرى مروان يصلي وهوساجد أخذ يشكر الله على سلامة اميرة وانها خرجت من الحادثة بخير وأخذ يبكى بشدة ووجهه تغرقه الدموع تخرج اميرة من الحمام تنظر لمروان وتجلس على السرير ينهى مروان صلاته و يمسح دموعه بسرعة ويرفع السجادة من الارض ويضعها على مؤخرة السرير ويجلس بجانب اميرة

مروان: بحب وحنان وتأثر. بقيتى أحسن

اميره :اممم مروان مالك فيك ايه

مروان : مالي

اميره :,عيونك حمرا اوي انت كنت بتعيط تمسك ايده حبيبي انا كويسة

مروان: بعيون تغرقها الدموع وتأثر ووجع قلبه وخوفه الشديد الذى يبان على ملامح وجهه لحد اللحظة دي مش قادر استوعب ان ممكن حاجه تاخدك مني حتى الموت ، ان كان ممكن اخسرك ، مجرد ما جتلى المكالمه ان العربيه اتقلبت شفت الدنيا سودا ، و قلبى وجعنى بشكل غريب و حسيت حياتي اتهدت انهارت فى لحظه. حسيت بمشاعر متلخبطه بس كلها وجع والم مالهوش وصف ، النهارده اتأكدت ان قلبي بيدق عشانك.... وجودك اللى مخليني عايش ، مخلي قلبى يدق ، انتي روحي يا أميرة مجرد محسيت انك هتضيعى مني روحى رفضت الحياة ، لانك انتي الحياة ، انا مقدرش اتخيل حياتى من غيرك يمكن الكلمة دي قولتها كتير. وحسيتها ، لكن المرة دي الشعور مختلف بشكل كبير ، يمكن لانها اول مرة اللى. فعلا حسيت فيها انك خلاص ضعتي مني ، مجرد ما شفتك قاعده وبخير حسيت ان روحى رجعت تانى ، انى ارتحت ، مجرد ماخدتك بحضنى حسيت ان عالم رجع تانى ، ونور رجع لعينى تانى ، ...يمسك ايدها ويقبلها من كفها ويضع ايدها على خده وايده فوقها .. اميرة انا عايش عشانك مش عايز غيرك انتي جودك بيخلى مروان عايش ، انتي اللي تملكي تسعديه وتملكى تخليه حزين ، انا بحبك اوي ، اللى جوه بقلبى. والله أكبر بكتير من الكلام اللي بقوله أوأعبر عنه.

عشان خاطري خلي بالك من نفسك اكتر من كدا لو بتحبينى. حافظي على حياتك اكتر من كدا

تشاور اميرة براسها حاضر يضمها اليه بشده ويقبلها من راسها واثناء تواجد اميرة بحضن مروان

تتحدث

اميرة: حبيبي انا كويسة مافيش حاجة صدقنى ، مافيش اى حاجه تقدر تفرقنا عن بعض ،انا كمان مقدرش اتصور حياتي من غيرك ، تمسك يده وتضعها على قلبها وتنظر له

ده بيدق عشانك بس...النفس اللى بيخرج منك وراه نفس بيخرج مني. مستحيل يخرج وانت مش موجود

تمرر اصابع ايدها على وجهه تنظر بعينيه ممكن تضحك بقى ومتخفش كدا انا كويسه طول ما أنت كويس ، مكنتش عارفه انك بتحبني كدا يا دك ، بس بردو انا بحبك اكتر بكتير تقبله من خده وتنظر له عشان خاطري اهدى بقى انا كويسة والله ، طول ما انت جنبى وبشوف ضحكتك الحلوه دى وانى وجوه حضنك اللى بينسبنى عالم ...اممم .ولو فضلت خايف كدا وقلقان كدا مش هبقى كويسه تختار ايه

ينظر لها مروان ويتحدث. سمحينى انا اسف عارف انى لازم اكون اقوه من كدا ،ومكنش ضعيف ، حتى لو جويا ضعيف لازم اتظاهر بقوه قصادك بس مش عارف انتى ضعفى حقيقى انا ضعيف من غيرك كل مفتكر اللى حصل قلبي بيوجعنى بيموتنى ، بحبك اوى يقللها من ايدها

اميرة بضحك : أقولك حاجة تعرفك انك نحس

مروان: نحس

اميره :النهارده كنت هعملك مفاجأة مستنيها من زمان

مروان :ايه هي

اميره: كنت هشيشك النهارده

مروان: شكلها مش مكتوبلي

اميرة : مين ده والله ابدا أفك الجبس بس ...ده من اهم احلامي ولازم احققه ايوه كدا اضحك ضحكتك بتخلي ده مبسوط

مروان : والله وجودك بحياتى وضحكتك هى اللى مخلياني عايش ومخليه لحياتي معنى

يقبلها من شفايفها ويضمها اللى قلبه

❤️_____ليلةعادل_____ ❤️

فيلا مروان واميرة 10ص

- حديقه الفيلا يجلس مروان واميرة على الترابيزه يتناولان الفطار بعد دقايق يدخل عليهم محضر معه فاطمة

فاطمة : الاستاذ عايزك يا اميرة

تلتفت أميرة له ثم تقف ومروان يقف بجانبها ايضا

اميره : بقلق .. فى ايه

المحضر : عندك استدعاء للنيابة

مروان : تمام ينظر لأميرة التي يبدو على ملامحها الخوف والقلق حبيبي امضي متخفيش

تقوم اميرة وتمضي على الورقة ويغادر المحضر ومعه فاطمة تجلس اميرة على الكرسى ينظر مروان لها ويجلس على قدميه ( يقرفص) يمسك يديها يرجع شعرها المنسدل للخلف وبحنان ...

مروان : ليه كل الخوف اللى بوشك ده ....هو مش انا جنبك ازاي تخافي وانا معاكي يا عمري

اميره : تتنهد .. غصب عنى خايفة يتهمونى فيه

مروان : حبيبي ازاي !!

انتي كنتي معه اكيد النيابة هتفرغ الكاميرات وهيشوفو كل حاجة متخفيش اطمني ده اجراء روتينى كام سؤال بس

اميرة : هتاجي معايا

مروان : طبعا يا حبيبتى وهكلم محامي ... يقبلها من جيبنها يطبطب على رجلها ليشعرها بالاطمئنان .

❤️_____ليلةعادل_____ ❤️

شقه نور وحمزة 3م

الراسبشن / تجلس نور وحمزه على كنبه واميرة على الكرسي يتحدثون

اميره : اتصل بيه يا حمزه مش عايزة اتاخر انا جاية من ورا مروان

حمزه : لسه مكلمه قالي على أول الشارع اثناء حديثهم يرن جرس الباب

نور : اهو جه قوم افتحلو يا حمزه

يفتح حمزة الباب كان أدهم

حمزه : يصافحه بالايد تعال

- داخل الراسبشن

ادهم : السلام عليكم عاملين ايه ها عامله ايه يا ميرو دلوقت

اميره : الحمد الله

نور : بلهفه ...والنبي طمنا و فهمنا الدنيا

ادهم : يجلس بكرسى مجاور لاميرة ينظر لنور بصي انا فهمت الموضوع والملابسات القضية اطمنو اميرة معلهاش حاجة

نور حمزه : يشعران بالاطمئنان .. الحمد الله

اميرة : طب واللى فك الفرامل

ادهم : لسه تقرير المعمل الجنائي مطلعش ممكن بكره يكون طلع وانتي هناك متخفيش شوية اسئلة و هتروحي اجراء روتيني متقلقيش

نور : مش مفروض الكاميرات اللي في مبنى المؤتمر تتفرغ

ادهم : كل مكان العربية اتحركت فيه او اتواجدت فيه لازم يتفرغ كاميراته ابو شهاب مش ساكت

اميره : بس انا اللى كنت مقصودة مش شهاب

أدهم : ممكن مروان

نور : باستغراب .. مروان

ادهم : اممم حد عايز ينتقم من مروان فى اميرة خصوصا بعد الحريقة والرسايل فى حاجة غلط

اميره : مروان معتقدش مروان عمره ما اذى حد

حمزه : طب ادهم انت شايف ايه.. نعمل ايه

ادهم : لازم تكلمى مروان يركب كاميرات بالفيلا جوة وبره متسوقيش عربيات الفتره دي وخليكى فى اوبر الفترة الجاية او تجيبى سواق

نور : تفتكر عشان عربيتها قديمة ممكن الصيانه او عيب بالسستم زى ما مروان قال

ادهم : ايه الهبل ده ما هى كانت سليمة بصي مش عايز نسبق الاحداث نستنى ..انا متابع الموضوع ... ينظر لاميرة.... اميرة متخفيش اجراء روتيني كلمتين وهتروحي لانك صاحبة العربيه بس متخفيش انا جنبك مش هسمح لأي حد ولا أي حاجه انها تاذيكى طول منا عايش انتي عارفة انتي عندي ايه

نور: تغير الموضوع تشرب ايه

حمزه : يشرب ايه خدى ميرو وحضرولنا الغدا وانت تعال نقف في البلكونه شويه يامجنني

❤️_____ليلةعادل_____ ❤️

-مديرية الأمن 10ص

مكتب وكيل النيابه/ تجلس أميرة على الكرسي الامامي يبدو عليها التوتر ومعها المحامى

المحامى : يعطيه ورقة.... ده تقرير يوضح يا فندم , ان دكتورة اميرة عندها اصابات تستدعى العلاج اكثر من 21 يوم , وكاميرات المراقبه أوضحت, ان الله يرحمه شهاب كان لديه النيه للخروج خارج السيارة, لكن لسوء حظه ملحقش , بسبب تصادم سيارة موكلتي بسيارة نقل , وده تقرير اخر يوضح تاريخ اخر مره قامت موكلتى باجراء صيانة لسيارتها , والتاريخ كان السنة دي زي ما سعتك شايف , اعتقد مافيش اى شى يدين دكتورة اميرة لأن كل حاجة اصبحت واضحه

وكيل النيابه : مفهوم ينظر لاميره .. دكتورة انتى عندك خصومة مع حد ؟

اميره : ابدا

وكيل النيابة : شهاب ؟

اميره : معرفش مكناش أصدقاء لدرجة انه يحكيلى حاجه شخصية

وكيل النيابه : شهاب اللي طلب منك تنطي

اميرة : ايو قالي ارفعى رجلك بشويش من على البنزين عشان العربيه تهدى بعدها فتحت الباب ونطيت عقبال مرفعت راسى من شدة الوقعه شفت الحادثة

وكيل النيابه : تمام شكرا اتفضلى امضي على اقوالك , لو سمحت متسافريش خارج مصر الفترة الجاية الا بعلمى

اميرة : حاضر

تخرج اميرة خارج غرفة مكتب وكيل النيابه ....كان بانتظارها مروان ومعه حمزه وكريم ونور و فريدة وخالد ومنير يقترب منها مروان بلهفة

مروان : طمنينى

اميره : سألنى شويه اسئلة بس

نور : يابنتى مش قولتلك متخفيش

خالد : ينظر للمحامى ممكن تقولي اللي حصل

المحامى : ولا حاجه يا دكتور هما سؤالين وخلاص عشان يعرف يقفل القضية لأن سيادة السفير مش ساكت ابنه برضو لكن بنسبه كبير هاتتقيد ضد مجهول

خالد : لكن الفرامل كانت مفكوكه بفعل فاعل

المحامى : لو فى حاجه غلط الحكومة مش هتسكت

فريده : المهم ان بنتي تبقى بامان

المحامى : ماتخفيش يا فندم .. ينظر لمروان ..أي حاجه تانى يا مروان

مروان : لا شكرا يا حسن تعبتك

المحامى : لا ده شغلي

حمزه : يلا انا هعزمكم على سوشى بمناسبة الخبر السعيد ده

اميره: لا انا تعبانة دراعى وجعنى اوي

نور : الف سلامه عليكى يا قلبى انا هروح عشان ميمى وهجيلك بالليل ماشي

اميرة : ماشي يا حبيبتى سلام باي زومى

حمزه : سلام

خالد : احنا كمان هنروح وهنجيلك بالليل

اميرة : ليه تعالوا معايا

فريدة : هنروح نشوف عمر تعبان نجيلك بليل

اميره : اه فكرتينى هكلم ياسمين لما نروح

❤️_____ليلةعادل_____ ❤️

- فيلا مروان وأميرة 1م

تدخل اميره ومعها مروان تقوم باستقبالهم فاطمة

فاطمه : خير طمنوني

مروان : الحمد لله

فاطمه : الحمد لله هعملكم شوية سندوتشات لحد ما الغذا يجهز (تتركهم وتغادر )

اميرة : مروان ممكن تساعدني اطلع الاوضة

مروان : بس كدا يقوم بحملها انت تؤمر يا صغنن

يصعد مروان السلم وهو يحمل اميرة بين ذراعيه ثم يفتح باب الغرفة ويضع اميرة على السرير برفق ثم يقوم بخلع حذاءها ومساعدتها لتتمدد وعدل المخده خلفها

اميرة : شكرا تعبتك معايا

مروان :انا عايزك تتعبينى مالكيش دعوة, ها هتعملي ايه

اميره : هقعد استنى الغداء بقولك ممكن تجبلي الشاشه هنا

مروان : يجلس بجانبها.. لسه رجلك وجعاكي

اميرة : مجرد ما مفعول المسكن بيروح بحس بوجع

مروان : الف سلامة عليكي يا حبيبى يومين بس والكدمات دي تروح ... يقف هخلي فاطمه تحضر الغدا وطلعه هنا , ماشي هغير هدومي واجيب الشاشه مش هتغيرى هدومك تحبي اساعدك

اميره : لا بعدين بعدين

مروان : ماشي مش هتاخر عليكي

❤️_____ليلةعادل_____ ❤️

شقه شرين 2م

نرى شرين تقف فى البلكونه وتشرب نسكافيه وهى ترتدى ملابس بيت وبعد قليل يطرق الباب تذهب لتفتحه تجد خالد

شرين : طول عمرك مواعيدك مظبوطه يا دكتور

خالد : مين اللى عمل كدا ببنتي

شرين : بضحكة ساخرة طبعا فاكر اني انا اللى عملتها

خالد : لو مش انتى اكيد تعرفي مين

شرين : انا عارفة انى واخدة دور الست الشرير برواية بنتك بس مش لدرجة القتل معنديش مصلحة اقتلها ولا هي ولا شهاب بعدين ما يمكن عيب صيانة

خالد : التقرير اكد انها بفعل فاعل

شرين : وبرضو الحادثة اتقيدت ضد مجهول ...بعدين من امتى الحنية دي

خالد : انتى فاكرانى ايه انا ممكن اعمل اي حاجه الا اني اقتل بنتى

شرين : ده انت اللى عملته فيها ألعن من القتل انت فاكر ايه انت لو كنت قتلتها احسن بكتير من اللى عملته فيها انت قتلتها وهى حية

خالد : قصره انتي مالكيش يد باللي حصل

شرين : لا

خالد : هصدقك مش عايز اشوفك تاني حتى لو صدفة

يتركها ويرحل

شرين : شرفت ونورت يا دكتور

❤️_____ليلةعادل_____ ❤️

فيلا اميرة ومروان 5م

الراسبشن/ تجلس اميره ومعها مروان على كنبه الانتريه تسند اميرة راسها على كتف مروان وهو يقوم بقراءة كتاب لها باللغة الفرنسية يقوم بترجمته بعد قليل يدخل عليهم الأب والأم ... تنهض اميرة و تقترب من الأب والام وهى سعيدة

اميرة : ايه الجمال ده والنبي أعملها كل يوم

خالد : لحسن مروان يضايق

مروان : بالعكس انا بفرح جدا لما بتشرفونى بزيارتكم بعدين ده بيت اميرة يا دكتور خالد وبيت اميرة يبقى بيت اهلها انا اللى ضيف هنا

فريدة : كلك ذوق يا ابني

اميرة : اتفضلو اقعدو واقفين ليه

خالد : الدكتور قالك ايه طمنيني

اميرة : الحمد الله هفك الجبس كمان اسبوعين هو حضرتك ماسفرتش ليه

خالد : اسافر ازاي وانتي بالظروف دي اطمن عليكي الأول

مروان : انتم هتتغدو معانا

اميرة : ايوة لازم

خالد : .. وياترى دوقتى الدكتور من أكلك

اميره : اه ساعات بعمل اكل

خالد : وايه رأيك

مروان : اكيد جميل

خالد : يبقى لسه ما دقتش رزها المعجن

مروان : لا دقته وحبيته لدرجة انى مابقتش اكله غير كدا

فريده : تقترب من خالد بصوت منخفض اهدى عليه شوية بلاش شغل الحموات ده

خالد : مابحبهوش ولا عمري هحبه

حديقة الفيلا

بعد ذهاب الاب والام الى بيتهم تجلس اميرة ومروان بحديقة الفيلا قرب النيل يستمعان الى اغاني فيروز ويشربان القهوة ويستمتعان بغروب الشمس مع بعضهما لكن بعد دقايق تدخل شهد

شهد : اميرة

تلتفت اميره لها ثم تقف لاستقبالها

اميرة : لسه فاكره

شهد : والله كنت تعبانة حتى مكنتش بروح المركز اسالي الدكتور

اميرة : مروان مارحش من وقت الحادثه تعالي اقعدي تجلس شهد بجوار اميره

مروان : طب حبيبى انا هدخل جوا هخلى ماما فاطمه تعملكم حاجه تشربوها

بعد مغادره مروان و دخوله الفيلا

شهد :بحزن ودموع ... برغم اللى حصل واللى عمله , مجرد معرفت محستش بنفسى الا وانا بالمستشفى , هتصدقيني لو قولتلك انا حزينة عليه مع انه كسرنى وطعني فى اكتر شيء يوجع الست ,فى كبريائي وكرامتي مع ذلك مش قادره امنع نفسى من الحزن عليه ولا عن ألم قلبي

اميره : حاسه بيكى شعورك هو شعوري يمكن انا اكتر منك لاني انا كنت معه شفت نظرة الخوف فى عينيه, ضعفه وهو بينه وبين الموت شعرة , واللى زود من حزني انى حاسه ان انا المفروض اللي اكون مكانه

شهد : بعد الشر عنك

اميره : انا فعلا يا شهد اللى كنت مقصودة كانت عربيتي انا انا مش هو

شهد : طب الدكتور رأيه ايه

اميره :رأيه منعنى من السواقه ركب كاميرات بكل مكان فاضل يركب فى اوضه النوم ,الجارد اللى وقفين بره ما شفتهمش , رجع يدور على اللى بيبعت الرسايل لانه واثق ان كلهم مربطين ببعض الرسايل الحريقة العربية مش معقول صدفة

شهد : هو كدا ماشي صح لان اكيد فى خيط بيربط بنهم , انتي خدي بالك من نفسك بلاش التهورات بتعتك انتي هتفكى الجبس امتى وشلفطتك دي هتروح امتى

اميرة :.. اسبوعين , مع اني هموت وأفكه , امبارح اتخنقت مع مروان عشان عايزه افكه مش عارفة انام ..بمزح ... قعد يحول بعينيه و تقمص شخصية استاذ زكي رستم فى فيلم نهر الحب , ويقولي اكبري اعقلي هتفضلي طفلة كدا كتير انتي بقيتى ست متجوزه ومسؤولة وحاجات كدا كبيرة اوي عليا , روحت معليا لافيل النكد ونيمته على الكنبه

شهد : هههههههههههههههه يخربيت عقلك ضحكتيني بس شكلكم اتصلحتوا

اميرة : اسمها صالحتوا ههههههه انا اللى صالحتوا

شهد : انتي فظيعة مستحيل تتغيري بجد مروان ليه الجنة بسببك

❤️_____ليلةعادل_____ ❤️

سياره مروان 4م

تجلس اميرة بجوار مروان يقوم مروان بالسواقه.. اميرة تقوم برفع ايدها يمين وشمال وهى سعيدة جدا انها اخيرا فكت الجبس

اميره : بسعادة ... اخيرا هعرف انام براحتي بقى انا مبسوطة

مروان : طب اهدى عظمك لسه طري

اميره : بقولك ايه اسكت انت مكنتش حاسس بيا , مش فاهم يعنى ايه تفضل مشعلق ايدك كدا وانت نايم ,اطلع بينا على ماك انا بقى قررت أحتفل... بعدها تاخدني على اى مطعم فرايد اتشكن ,وبعدها تطلع على محل السوري اللي بحبه , وبعدها تطلع على سينا بوم ,وبعدها تطلع السوبر ماركت هجيب كل حاجة اتحرمت منها , وبعدها هنروح خلاص كفايه كدا

مروان : هههههههههههههه ليه منكمل لف

اميره : بص انا فى أسعد لحظات سعادتى ماشي يلا اعمل اللي قولتلك عليه من غير مناقشة لحسن انزلك هنا

مروان : ليه وعلى ايه مش مستغني عن نفسي ولا قادر انام على الكنبه النهارده

❤️_____ليلةعادل_____ ❤️

احدى الكافيهات على النيل 6م

يجلس مروان ومعه منير على احد الترابيزات ثم يدخل عليهم الجرسون ويضع فنجانين قهوه ويرحل

منير: طب رأى سيادة اللواء ايه

مروان : نفس رأيك فى حاجة غلط قالي لازم اركز في الدايره القريبة مني

منير: انت معرف اميره

مروان : مش عايز أخوفها هي لسه لحد دلوقت متخطتش الحادثة أوقات بتقوم من النوم مفزوعة

منير : انا مش عايزك تحكي لحد اى حاجة من اللي بتعمله , خصوصا اميرة ولا ليا حتى , خللي خطوتك سرك لنفسك , متقولوش حتى بصوت عالي , ممكن يكون حد مهكرتليفونك , حسابك لان متاكد اللى بيعمل كدا قريب اوى

مروان : تفتكر

منير : افتكر اوي الموضوع مش سهل الموضوع دخل فيه دم ياصحبي

مروان : هتجنن مين ممكن يبقى عايز يعمل كدا وليه اللي متاكد منه ان اللي بعت رسايل هو اللى حرق الدولاب هو اللى لعب بفرامل العربيه وهدفه واحد انه ينتقم من اميرة

منير : وممكن منك عارف انت قد ايه بتحبها عايز يوجعك بيها

مروان: يتنهد بيأس مش عارف يا منير انا هتجنن , خايف عليها أوي لدرجة اني مابخلهاش تروح اي مكان الا وانا معها

منير : ان شاء الله هتتحل وهنوصل للي بيعمل كدا

(بعد مرور شهر ونصف على فك الجبس)

فيلا مروان واميرة 8م

يدخل مروان من باب الفيلا ثم يصعد على السلم ويدخل داخل غرفة النوم ولم يجد اميره يقوم بالنداء عليها لا تجيب يقف فى البلكونه المطله على الحديقه لكنها غير متواجده بها ايضا , يقوم بالاتصال بها لكنها كعادتها تترك هاتفها على الكومودينه يتنفخ مروان وينزل مره اخرى يقوم بالنداء على فاطمة

مروان : فاطمه فاطمه

تخرج فاطمه من المطبخ

فاطمه : نعم يا حبيبى

مروان : اميرة فين

فاطمه : فى الجنينه لسه كنت مطلعلها شاى من شوية

مروان : لا مش بجنينه

فاطمه : لاء ازاي ! تقترب من باب الازاز المطل على الجنينه تنظر منه باستغراب .. الإ هى راحت فين صح صح !! تكنشي راحت عند الاسطبل عشان كدا مش شيفنها !

مروان : فى الجو ده ؟ هروح أشفها يفتح مروان باب الازاز ويخرج منه ويذهب عند اسطبل الخيل يدخل مروان لداخل الاسطبل يجد اميرة تجلس على التبن وتقوم باطعام احد الأحصنه تفاح تشعر بأقدام مروان وهو يقترب نحوها تنظر له بابتسامة

مروان : انتي هنا وانا عمال ادور عليكي

اميرة : هروح فين يعنى , ما انت مقعدلى درفه بره لو خرجت هيقولك

مروان : اممم هو انتي حد يقدر عليكى ..يطبطب على وجه الفرس ..شكلك انتي و ورد بقيتو اصحاب

اميره : جدا كلهم على فكره غزل وبحر , زينه دى بقى قلبى هي وسكر

مروان : طيب نصيحة الخيول بتغير مدلعيش حد وتأكليه والتانى شايفك

اميره : انا عارفه ان الحيونات بتغير انا اكلتهم كلهم ماتخفش

مروان : مش بردانه

اميره : تؤ زهقانه.... مروان بجد زهقت فات شهرونص على فك الجبس , سبنى أنزل المركز و الجامعه خلينى أخلص رسالة الدكتوراه اللى مش عايزة تخلص دي

مروان : منا لسه كنت مخرجك اول مبارح يصمت قليلا , طب متزعليش تعالي دلوقت نخرج شوفي المكان اللى نفسك فيه ونروحه

اميره : هو لازم اخرج معاك انا حاسة انك حبسنى... دى حتى ماما مابتخلنيش اروح غير وانت معايا

مروان : يجلس بجانبها يمسك ايدها يا حبيبتى ابدا انا خايف عليكي واعتقد من حقي اخاف بعد اللي حصل

اميره : المفروض انا اللي اخاف

مروان : طب قوليلى اعمل ايه

اميره : خليني بكره انزل المركز عشان منزلش من وراك , ونروح سوا ونرجع سوا عشان خاطري مش هيخطفونى وانا جوه ..تقبله من خده بدلع .. ها موافق ...مارو مرمورى وحياتى وحياة ميرو لتوافق

مروان : حاضر , حاضر يا مغليبانى حاضر

اميره : روحي انت يا ناس تقبله من خديه عدد من القبلات ورا بعض بدلع .. يلا بقا عشان بردت

مروان : دلوقتى بردت يلا ...يقفو ينظر لها ... ايه ماقومتيش ليه

اميره : هو انا ينفع ادلع عليك وخليك تشلنى لحد الاوضة

مروان : امممم بس انا ما بعملش حاجة ببلاش وانتي عارفه

اميره : انت هتقولى شيل بس ونبقى نتفاهم هناك

مروان : يحملها بين ذراعيه .. ولو اني حاسس انك

هتضحكي عليا عشان انا راجل طيب بس ماشي

اميره : اثناء سيره بهاوهو يحملها ... انت دايما ظالمنى يا دك

❤️_____ليلةعادل_____ ❤️

مركزد/ مروان 10

مظهر خارجى للمركز ثم تتوقف سياره مروان بعد لحظات ينزل مروان واميره من السياره يمسكان يد بعضهما ويدخلان داخل المركز ثم يقفان عند الاسانسير ويدخلان داخله

مروان : هتعملى ايه

اميره : مش عارفة هشوف بس وحشني أوى جو إني أحاضر بس لسه هشوف دنيتي والجدول لكن اكيد اليوم كله هيكون تحضير

مروان : ينظر بالساعة ثم ينظر لها عندي محاضرة الساعة 11 هتخلص 1 تعاليلي بعد ماخلص

اميرة : حاضر

يخرجان خارج الاسانسير ويقفان امام باب مكتب اميرة

مروان : بقوه وحسم .. متخرجيش من مكتبك غير لما تعرفيني , حتى لو هتروحي توليت فهمه , ومابهزرش لو عندتى ومسمعتيش كلامي يا اميرة والله مهتنزلي تانى

اميره : فى ايه اهدى تمسك ايده اهدى بالراحة حاضر مش هروح فى حته على فكره خوفك ده موترني ومخوفني اوي

مروان : وانا عايزك تخافي عشان تبطلى تهور

اميره : ميرسى اوي يا دك ممكن ادخل مكتبي بقى

مروان : اتفضلي

اميرة : بمزح .. ما تدخل تبص لحسن يكون فى حد حطتلي قنبلة جوه هههههههه

مروان : بجديه .. هتهزرى والله اروحك

اميره : تفتح باب مكتبها ببببس انا هدخل باحترامى قرب شويه قرب كمان تقبله من خده اهدى ....هاطلبلك ليمون بالنعناع ماشي عشان يهديك يا مجنون باي.. تدخل وتغلق باب غرفتها

مكتب اميرة

تجلس اميرة على مكتبها وتقوم بالكتابه على اللاب توب يطرق الباب ثم يدخل عليها عامل البوفيه وهو معه صينيه بها سندوتشات مياه غازيه بيبيسى

اميرة : حط الحاجة على التربيزه واتفضل

لكن اثناء خروجه تدخل عليها نور

اميره : تعالي تعالي اقعدي حماتك بتحبك مع انى اشك

نور : تجلس على الكرسي الأمامي للمكتب اخيرا مروان فك الحظر عنك

اميره : تقوم تجلس امامها ..مروان بقى حاجة فظيعة بيخاف عليا بشكل تعبني نفسيا تاخذ السندوتش تبدأ بتناوله

معرفش عنده هواجس ان فى حد عايز يموتنى

نور : انا مش فهمه انت ازاي واخدة الموضوع بالبساطه دي ايوه فى حد كان عايز يقتلك

اميرة : حرام عليكي انتم بترعبونى ليه

نور : لاء انا مش بخوفك لكن بفكرك خدي بالك من نفسك بلاش تهور الموضوع جد

اميرة : تبتلع ريقها ... طب كلي طعم السجق حلو

نور : على الصبح كدا

اميره : وانا جايه بالعربيه شميت ريحته طلبت معايا , طعمه جميل كلي جايبه بزياده كنت عاملة حساب مروان بس مش خساره فيكي يا لمبتى

نور : الف هنا , انتى عارفة مابكلش على الصبح غير اكل خفيف, والنبي مروان ده طلع شبح خللى أميرة خالد اللى كان فطارها بعد العصر يبقا الصبح وكمان سجق وكبده استني استني هى مش الدكتورة منعاكى من القرف ده

اميرة : زهقت كل ده محصلش حاجة , بقالي اسبوع موقفه الأدوية ولا حتى بقيت بهتم اسأل مروان بياخدها وإلا لا... سبتها على ربنا

نور : ياختى متستعجليش ده مرار

اميره : بس نفسي أجربه

نور : ان شاء الله هتجربي يا حبيبتي

❤️_____ليلةعادل_____ ❤️

أحد كافيهات القاهرة 4م

تجلس شرين ومعها حنين على أحد الترابيزات تتحدثان

شرين : متقلقيش هو قالي ربع ساعه وجاي

حنين : ماكنا اتقبلنا أحسن في المكان اللي قبلنا فيه قبل كدا

شرين: بالعكس لما تكون قصاد الناس بمكان عام أفضل

حنين : تعرفي انا أول مرة اعمل حاجه كدا مش أخلاقى لكن غصب عني وخايفة

يدخل عليهم رجل يبدو فى الثلاثنيات يرتدى ملابس انيقة ويجلس معهم

الشاب : مساء الخير

شرين : ده حسام يا حنين

حنين : باستغراب .. حسام هو ده

حسام : اه عذرك يا استاذة أصلهم ديما بيطلعونا فى الأفلام مضروبين بمطاوي او تحت عنينا اسود مع ان يا استاذة طباخ السم عمره مايدوقه بعدين احنا لازم نطور

حنين : هايل

شرين : جبت الصور

حسام : جبتى انتي الفلوس

شرين : تخرج من حقيبتها ظرف وتعطيه له

حسام : امممم عشان كدا بحب اتعامل مع الطبقة المستحمية, يعطيها ظرف اتفضلي دى الصور ودى الفلاشة هدية من حس

شرين : طب يا حس متشكرين على الواجب ده فين الامانة التانية

حسام : ظرفك التاني وتاخدي امانتك التانية

❤️_____ليلةعادل_____ ❤️

مركز مروان ساعه 2 م

احد القاعات تقوم اميرة بإعطاء جلسة جماعية

تجلس اميرة على احد الكراسي فى منتصف دائرة من الكراسي يجلس عليها مرضى الإدمان وتقوم بإعطاء جلسة لهم بعد فتره قصيرة تبدأ ان تشعر بدوار تقوم بشرب مياه تكمل الجلسة لكن بعد لحظات ترجع مره اخرى تشعر بدوار قوي تعتذر عن الجلسة وتخرج تدخل مكتبها تفتح زرار الجكيت الأول وتجلس على الكنبه يدخل عليها عامل البوفيه

اميره : عايزه اى عصير بلبن جوافة فراولة بس بسرعة يخرج العامل ترجع اميرة ظهرها للخلف تسند راسها على ظهر الكنبه تغمض عينيها بعد قليل يطرق الباب يدخل مروان ينظر بعينيه باستغراب ويقترب منها وهى مازالت لا تشعر بوجوده ويجلس على سن الترابيزه التى امامها

مروان : مع ملامسة وجهها بأطراف اصابعه نظرات حب ثم ينفخ فى وجهها تفتح اميرة عينيها باستغراب تجد مروان امامها ينظر لها بابتسامه

اميره : مروان ... تعدل نفسها تضع ايدها على رقبتها تلفها يمين ويسار ... انت هنا من امتى

مروان : خمس دقايق عارف لو انا صاحب عمل شرير كان زماني رفدتك يا هانم على نومك كدا

اميره : بمزح ..ارفدنى أبوس ايدك ارفدني , انا بقيت سكلانس اوي يا مروان عشان اديت محضرتين حاسيت بدوخه مع ان فطرت الصبح كويس جدا

مروان : لسه حاسه بدوخة

اميرة : لا بس معنديش طاقة بقولك ايه كلم البوفيه شوف مطلعوش العصير ليه

مروان : حاضر

يقف مروان ويذهب عند مكتب اميرة ليقوم بالاتصال بالبوفيه واثناء اتصال كان ينظر لاميره بابتسامة ويقبلها على الهواء تبتسم اميرة له و تقف لكن سرعان ما شعرت بدوار شديد وتقع على الأرض ينظر مروان لها باتساعه عينيه بصدمة ثم يرمى السماعة ويجرى مسرعا إليها ويحملها وينيمها على الكنبه . قم يقوم بفتح حقيبة يدها يأخذ منها برفان يقوم برشه على ايده ثم يقرب يده من أنفها يمررها امام انفها تبدأ اميرة بتفتيح عينيها

مروان انتى كويسه ايه اللي حصل

اميره : مش عارفه الدوخة مسكاني اوي

مروان : تعالى نروح للدكتور

اميره :لا مش هروح

مروان : بشده وحسم .. يعنى ايه مش هروح لا هنروح ومش عايز عند يلا

اميره : أفهم انا ...فهمت ايه اللي تعبني كدا , تعب بنات

بتبصلي كدا ليه بكلمك جد اتصل خليهم يجبولي أي عصير بلبن وهبقى كويسة يلا

مروان : يتنفخ يمسح وجه بعدم رضا ... حاضر

❤️_____ليلةعادل_____ ❤️

فيلا مروان وأميرة 8م

غرفه النوم تتمدد اميرة على السرير وبجانبها مروان وضع رأسها على صدره ويضع ذراعيه على كتفها ويمسك ايدها بيده الاخرى ويشاهدان التلفزيون

مروان : بقيتى احسن

اميره : اممم جدا بطل انت تخاف عليا كدا

مروان : معرفش ابطل اخاف عليكي انا بخاف عليكي اكتر من نفسي فلوسمحتي ممكن تاخدى بالك من نفسك شويه

اميرة : حاضر تقبله من خده

مروان : يارب تسمعى الكلام وتبطلي تعنديني

اميره : تعدل نفسها تبتعد عنه قليلا وتلف بجسمها باتجاهه تنظر له و انا أوعدك واعتقد اني من وقت ما رجعنا وانا اتغيرت ولا

مروان : تؤ انتى متغيرتيش انتي رجعتي اميرة اللي اعرفها يقترب منها بابتسامه ساحرة.. رجعتي مرمر.. اللي مجنناني بشقوتها وجنانها يقبلها من ايدها

اميره : تعرف انا احيانا بشتاق لمارو القديم الرزل ابو قلب حجر اللي كنت بأتمنى اسمع كلمة بحبك منه

مروان : انتم كدا الستات مابيعجبكمش العجب

اميره : هههههه عارف لما كنت بروح من عندك , كنت بقعد اتخيل انك قلت لى وانا كمان بحبك وتخدني بحضنك يييا هههههههههههه طول عمرى بتخيلك محترم يعنى مافيش خيال منهم صحيت لقيت شعري منعكش

مروان : ههههههههههه تاني انتي والنعكشه تانى

اميره : ههههههههههههههههه ما خلاص اثبت انك حتى فى الخيال محترم , عارف انا سألت نفسي انا ازاي عمري ماتخيلتش مروان كدا , مع ان تخيلتك بتحضني وتبوسني بس عمرى متخيلت الاكتر من كدا !! لما حللت ده فهمت

مروان : وفهمتى ايه

اميره : ان حتى اللا شعور رافض يشوفك بصور دى , شايفك ديما امان محافظ عليا , حتى لو بتحبني , عشان كدا عمري ماخفت منك واحنا لوحدنا , عارف لما بوستني لما كنا بانجلترا على قد , ماحسيت بشوقك ليا , بس حسيت بنفس اللحظه ان عمرك ما هتأذيني , مأمنالك بشكل غريب

مروان : عارف عشان كنت جاف وشديد معاكي يومها , يمكن مكنتش شايفك بعيني لكن قلبىي كان شايفك وحاسس بيكى ,كنت خايف مطلعش قد ثقتك دى خفت عليكى مني خفت أضعف

اميره : بس انا كنت واثقة انك مش هتضعف تقبله من ايده تنام على صدره

مروان : يقبلها من راسها الساعة بقت 9 هاتي مسلسلك

اميرة : أيوة صح اوعى كدا هات الريموت يعطيها الريموت تقوم اميرة بالبحث على قناةثم تضع رأسها على صدر مروان ويشاهدان سوا

❤️_____ليلةعادل_____ ❤️

غرفه نوم مروان واميره10 ص

تخرج اميرة من الحمام وهى تلف فوطة حولين جسدها المبلل تجلس على السرير تمسك كوبايا اللبن التى كانت على الكومودينه تشرب قليلا ثم تمسك هاتفها وتتصل بمروان

اميرة : ايه يا حبيبى تؤ من شوية هشوف كدا محاضرت بالجامعه بس حاضر هآخد الجارد معايا سلام تغلق هاتفها وتضعه على السرير بجانبها تشرب القليل من اللبن ثم تضعه على الكومودينه مره اخرى تقف وتسير قليلا نحو التسريحة لكنها تشعر مره اخرى بدوار تمسك رأسها لكنها تقع على الأرض وبعد نص ساعه تفوق اميرة تسند ايدها على كرسى تسريحة و تقف تاخذ نفسها تتكلم بصوت فى ايه ايه بيحصلى يمكن عشان موقفه الفيتامين ولا ايه اكلم مروان لأ مش هينزلني تاني هكلم نور وبالفعل تقوم بالاتصال بنور تقوم نور بالذهاب لها

غرفة نوم أميرة ومروان 12 م

تجلس اميرة على السرير وهى ترتدي بيجاما ونور على كرسي التسريحه

نور : مش عايزه تراجعي

اميرة :لا

نور : نفسك فى اكلة معينه

اميره : لا

نور : امممم طب تفتح حقيبة ايدها وتقف امام اميرة واعطتها علبة امسكي

اميره : ايه ده

نور : بسخريه .. مصاصة هيكون ايه اختبار حمل يلا ادخلي جربي فى ثلاثة غيره هنجربهم كلهم

اميره : بس انا مش حامل

نور : ليه مش بتقولى خالتو مجتش بقالها فترة

اميره : تقريبا معرفش ما بحسبش

نور : طب يلا اسمعي الكلام

اميره : طيب

تدخل اميرة الحمام تقوم بعمل الاختبار تخرج لنور بعد دقائق عندما ترى نور اميرة تفتح الباب تقترب منها وتقف امامها ها طمنينى تقف اميرة و هي مذهولة لا تتكلم انتى يابنتي ما تنطقي

استووووب

غرفة نوم اميرة ومروان 12 م

تجلس اميرة على السرير وهي ترتدي بيجاما ونور على كرسي التسريحه

نور : مش عايزة تراجعي

اميرة :لا

نور : نفسك فى اكله معينه

اميره : لا

نور : امممم طب تفتح حقيبة ايدها وتقف امام اميرة واعطتها علبة امسكي

اميره : ايه ده

نور : بسخريه .. مصاصة هيكون ايه اختبار حمل يلا ادخلي جربيه فى ثلاثة غيره هنجربهم كلهم

اميره : بس انا مش حامل

نور : ليه مش بتقولي خالتو مجتش بقالها فترة

اميره : تقريبا معرفش ما بحسبش

نور : طب يلا اسمعى الكلام

اميره : طيب

تدخل اميرة الحمام و تقوم بعمل الاختبار تخرج لنور بعد دقائق عندما ترى نور اميرة تفتح الباب تقترب منها وتقف امامها ها طمنينى تقف اميرة وهي مذهوله لا تتكلم

انتي يابنتى ما تنطقي ورينى كدا تنظر نور الى الاختبار ثم تنظر لأميرة بابتسامة

معمل التحاليل 2م

تجلس نور واميرة على احد الكراسى يبدو على ملامح اميرة القلق نور تطبطب على قدميها

نور: يابنتى اهدي متخفيش

تقترب منهم فتاة هى تمسك بايدها التحليل تنظر الى اميرة

الفتاه :مدام اميرة خالد

اميره : ايوه

الفتاه : مبروك بوزتف (positive)

تنظر اميرة لنور بسعادة تقوم نور بمعانقتها

فيلا مروان واميرة 4م

تدخل اميرة من باب الفيلا وهى سعيدة جدا تستقبلها فاطمة ومعها احد الجاردات

فاطمة : اخيرا جيتي كنت حاطة ايدى على قلبى انا والغلبان ده عارفه مروان لو عرف هيعمل فينا ايه

اميره : دادا مروان مش هياجى قبل 8

فاطمه : واللى عملتيه مع الغلبان ده

اميره : بمزح ... هو اللى رخيص وبياجى بكوبايه شاي هههههههه متخفوش بقى انا جيت اهو دادا عايزك بحاجة لوحدنا

فاطمه : حاضر اخرج انت اوعى تقول لمروان انها سهتك وخرجت

يخرج الجارد تنظر اميرة لفاطمة وهى متحمسة وسعيدة

اميرة : دادا مستعدة

غرفة نوم اميرة ومروان 6 م

تقف اميرة هى تقوم بربط البلونات وتزين الغرفه بالورد وهى ترتدي فستان قصير حمالات وتضع القليل من المكياج بعد قليل يطرق مروان الباب ويدخل

مروان : اتاخرت

اميره : نص ساعة بس هاسامحك

مروان : ينظر بعينيه على اميرة وجمالها .. ايه الجمال ده يقبلها من ايدها

اميره : عجبتك

مروان : طول عمرك عجبانى يا روحى

اميره : طب لاوضه

مروان : ينظر بعينيه على الغرفه .. أوي أوي

اميره : ممكن تغمض عينيك

يغمض مروان عينيه تمسك اميرة يده وتسير به حتى تصل الى السرير يقفو امامه كانت اميره تضع على السرير وردة وبجوارها حذاء طفل رضيع تعدل جسم مروان ليقف امام السرير مباشرة ... يلا فتح

مروان : بابتسامة ينظر للحذاء باستغراب يحسس

وجهه ...اممم ايه ده؟

اميره : نعم هى ما وصلتش ؟

مرون : مش فاهم جايباها لعمر اعتقد صغيرة

اميرة : لا ارجوك فتح مخك وركز بالأجواء وشكلي والجزمه ها !!

مروان : طب ساعديني

اميره اساعدك !! تفكر قليلا تمسك ايده وتضعهاعلى بطنها تبتسم وتنظر له .. ها ؟

مروان : طب من غير عصبيه انا هحلها

اميره : فى ايه يا مروان ما بتشفش فيديوهات انستا

مروان : بشوف بس معداش عليا الكلام ده قربيها ده انا مارو حبيبك الدك

اميره : امممم يعنى الجزمة الصغيرة بتعت بيبى وحطيت ايدك على بطني تفتكر ايه

مروان : ما انا بصراحة مش عايز اصدق اللى جه بدماغى من وقت ماشفت الشوز لحسن يطلع مش هو وأزعل

اميره : بدلع تقترب منه .. طب ما يمكن يطلع صح

مروان : ياخذ نفسه..أصلك لسه امبارح قلتي حاجة متنفعش مع اللي جه بدماغى

اميره : لا طلع مافيش حاجة

مروان : احلفي

اميره : والله

مروان : يضع ايده على فمه تبدأ دموع الفرح تسكن عينيه بتوتر وصمت وارتباك ... اميرة انتي حامل ؟؟

اميره : دموع مع مزح .. اخيرا حمد الله على السلامة

مروان : بدموع وعدم تصديق ...قولي والله

اميرة : بدموع .. والله انا حامل وكلها 9شهور تبقا ابو زياد او تالا على حسب يعنى

مروان : اى حاجة المهم انه منك

يشدها اليه بشدة

يقوم بعناقها ويقوم باللف بيها ثم ينزلها وينظر لها بحب ويضع ايديه الاتنين على خدها يقبلها من جبينها قبله طويله وياخذ راسها عند قلبه ثم ينظر لها مرة اخرى بعيون بها دموع

مروان : انا مش مصدق انتي متاكدة

اميره : ايوه منا بصراحه روحت عملت تحليل وتأكدت

مروان : وقالك انك حامل بجد

اميره : اه والله مالك

يضع ايده على بوقه بعدم تصديق بعيون تغللها الدموع الفرحه يسير يمين ويسار بسرعة ثم يقترب منها ويضع ايدو على بطنها يعنى هنا موجود ابنى منك

تشاور اميره برأسها اه ياخذها مروان بحضنه مرة اخرى ويلف بها ثم ينزلها بفرحة شديدة

اميره اخيرا حققت كل احلامها فقد شالت فى احشائها طفل من الرجل الذى تعشقه بجنون , فقد عاشت كل امنية وكل حلم كتبته بمذكراتها , وبرغم المشاكل , وبرغم كل محاولات ابعادهم عن بعض , فقد صار حبهم اقوى واعمق الآن عن قبل, الآن ابرز حبهم طفل يشتركون فيه سيربط بينهم اكثر واكثر , لكن ماذا سيحدث هل ستدوم هذه السعادة , فنحن نعلم الكل مازال يخطط ومازال ذلك الشخص المجهول طليقا ويطاردهم !

ياترى مين دة ؟؟؟؟؟؟؟؟

❤️_____ليلةعادل _______❤️

عياده دكتورة النسا 6م

تنام اميرة على السرير وبجانبها الدكتوره تقوم بعمل سونار لها ومروان يقف بجانب اميرة ويمسك ايدها يبدو على ملامحه التوتر والفرحه و ينظر الى الشاشه

الدكتورة : ماشاء الله شايفه النقطة دى تشاور بايدها هو ده البيبى احنا كدا وصلنا للاسبوع الرابع

اميره : بابتسامة جميل اوى هو بنسمع صوت نبضه امتى

الدكتوره : بعد الاسبوع السادس

يقبلها مروان عدد قبلات من جبينها بسعاده

الدكتوره .... احنا كدا خلصنا تمسح الجيل من على بطنها .. اتفضلي تعالي معايا

تجلس الدكتورة على كرسى مكتبها ويقوم مروان بمساعدة اميرة في النزول من السرير وعدل ملابسها ثم يذهبان ويجلسان على كراسي المكتب أمامها

الدكتور : بصى التحاليل كويسة وماشاء الله نسبة الهيموجلوبين فى تحسن , لكن انا محتاجه انها توصل للطبيبعى 12-16 لان الجنين بيتغذى منك فاحنا هنغير الكورس اللى كنا ماشيين عليه هناخد فيتامينات اقوى مع حديد وكالسيوم ليكى وللبيبي مع حقن تثبيت كمان بلاش حركه كتير نوقف الرياضه تنظر لمروان انت كمان يا دكتور اجازة لمده شهرين

مروان : شهرين؟

الدكتورة : عشان مرمر ضعيفه شويه

مروان : تمام..... دكتورة هي كانت بتدوخ كتير الفترة اللي فاتت و اغمى عليها مرتين فى خطر عليها

الدكتور : ده شيء طبيبعى جدا فى فترات الحمل الأولى الاغماء والقئ والنوم الكتير ده طبيعي خصوصا ان اميرة ضعيفة

اميرة : طب فى خطر علي البيبى

الدكتور: لو سمعنا الكلام مش هيكون فى خطر وان شاء الله هنتابع مع بعض كل شهر

اميره : حاضر تقف شكرا يا دكتورة

الدكتورة : الف مبروك

مروان : عن اذنك

سياره مروان ٧م

يفتح مروان باب العربيه لأميرة وتدخل وتجلس بجانبه ثم يركب مروان بجانبها

اميرة : ما تطلع بينا على أى محل مشاوي

مروان : نروح نطلب فى البيت

اميرة : تعرف انا مكنتش عايزه اخدك معايا عشان عارفة انك هتجننى على فكرة قالتلي اتحركى وعيشى حياتك عادي

مروان : بخاف عليكي

اميره : ماشى حلو احساسك جميل انك تخاف عليا بس انت كدا اوفر

مروان : حاضر هوديكى المكان اللى انتى عايزاه

اميره : بعد منخلص اعمل حسابك هنروح لماما عشان نقولها الخبر الحلو ده

مروان : لسه معرفوش

اميره : الاخبار الحلوه دي مينفعش تتقال بالتليفون يا دك

مروان : عندك حق يا احلى ماما بالدنيا يقبلها من ايدها ثم يسوق

❤️_____ليلةعادل _______❤️

شقة د/خالد ٩م

- تجلس فريدة فى البلكونه على المرجيحه وهى تشرب فنجان قهوه ثم تسمع جرس الباب تقوم تفتح تجد اميره مع مروان

فريده : كويس انكم جيتو انا قعده لوحدي

اثناء دخولهم تتحدث اميرة

اميره : فريدة

فريدة : نعم

اميره : عندى ليكى خبر ممكن يخليكى يغمى عليكى

فريده : قولى عملتى ايه

اميره : تمسك ايدها اقعدى هنا كدا

تجلس على الكنبه ...اميرة تقف امامها ومروان يجلس على كرسي بجانبهم

فريده : فى ايه قلقتيني

اميره : ماما مستعده بجنون .... انا حااااااامل

فريده : مش معقول

اميره : والله لسه جايين من عند الدكتور

فريده : تقف يا حبيبتى الف مبروك تقوم بعناقها وتقبيلها من خدها ها نبطل جنان وشقاوة نعقل خلاص انتى بقيتى ام شقاوة زمان دي تبطليها تنظر لمروان انا عايزك تبقى شديد معها بعد كدا دلع زمان ده تبطله فاهم

اميرة : والمصحف بحس انك أمه هو وحماتي انا , انا بنتك على فكرة

فريده : لازم اقف معه كفاية خالد عليه وبعدين انا متاكدة انك مجنناه بشقوتك , المهم احنا لازم نكلم خالد ونفرحه

اميرة : ايوه يلا

وبالفعل يقومو بالاتصال بخالد فيديو كول

اميرة : خالود عامل ايه

خالد : بنتى الشقية الحمد الله

مروان : ازيك يا دكتور خالد

خالد : اه اهلا

اميره : بابا قلبك جامد

خالد : طول عمرى يا بكاشه

اميره : طب استعد للخبر ده

خالد : مستعد

اميره : بابا انا حامل

خالد : فعلا

اميره : طلعت من عند الدكتور لهنا على طول ، فرحانه اوي

خالد : مبروك يا حبيبتى ان شاء ربنا يكملك على خير ابقى ابعتيلى الاشاعات والتحليل

اميرة : حاضر تعال بقا بسرعة عشان نحتفل مش تنسى هدايا زياد

خالد : حاضر انا لازم اقفل باليل هكلمك

اميره : سلام

خالد : مبروك يا مروان سلام

مروان : الله يبارك فيك بعد غلق الهاتف

اميره : ماما متاجي تقعدي معانا بدل ما انتي لوحدك كدا

مروان : ياريت ياماما فريدة

فريده : لا اقعدو انتم هنا معايا

اميرة : موافقه ايه رأيك

مروان : طب دكتور خالد

اميره : مش هيحصل حاجة

فريده : خليكم هنا لحد ميرجع بعدين امشوا

اميره : تنظر لمروان خلاص بقى وافق عشان خاطر فريدة

مروان : والله انا عادى المشكلة عند الدكتور خالد عموما تمام نروح بس نجيب لبس لينا

اميرة : انت أحلى ماروو وأجمل دك ...بالدنيا تقبله من خده

فريده : حتى مروان مسلمش من بكشك

اميره : هو واخد على كدا من زمان

❤️_____ليلةعادل _______❤️

غرفه اميرة 9 م

تقف اميرة امام مراية الدولاب وهى معريا بطنها وتحسس عليه وتبتسم بعد ثوانى يدخل عليها مروان و يضمها من الخلف ويضع ايده على بطنها ويحسس عليه تبتسم اميرة له وتنظر له بالمراية تسند رأسها على صدره وتتمايل وهي تتحدث ويضع مروان راسه على كتفها ويقبلها من خدها ويتحدث

مروان : بتعملي ايه

اميره :بشوف البيبى بتخيل كدا لما بطنى تكبر هتبقى ازاي كمان بحاول استوعب اني بقيت حامل منك , من دكتوري المفضل اللى جرانى وراه اكتر من 11 سنه وبعد معرفته فضلت اقنعه بيا سنتين ،وانى مش بس خليته يحبنى ويتجوزنى كمان هجيب منه طفل يكمل فرحتنا ،مش مصدقه ان كل احلامى اتحققت فجأه كدا

مروان : والله انا اللى مش مصدق انى هبقى بابا من أعند بنت بالدنيا من بنوته اللى خطفتنى من اول لحظه شفتها

وهى سكنه هنا

تلتفت له وتنظر له بحب وتحاوط ذراعيها على رقبته وهو يحاوط ذراعيه على خصرها

اميرة : حاسس بايه

مروان : مش عارفه اللى جوايا اكبر من الفرحة

اميرة : انا قلبى مبسوط اوي انا اكتر وحدة محظوظه انك بقيت ليا وبقى ليا طفل منك

مروان :يضع ايده على بطنها تؤتؤ انا اللى محظوظ انك دونا عن رجالة العالم اتكتبتى تبقي مراتى انا وبتعتي انا كمان هبقى اب منك انتي يا أحلى واغلى نصيب في الدنيا

ينظر لها مروان و يبتسم لها ويضمها ثم يحملها ويضعها على السرير برفق ثم يقوم بملامسة خدها باطراف اصابعه تقبله من اصابعه ثم يقبلها قبلة طويلة بحب من بطنها ثم يضع مروان رأسه على بطنها وتضع اميرة ايدها على شعره وتمرر اصابعها

اميرة : بتعمل ايه

مروان : عايز اسمعه

اميره : اممم

مروان : ايوه انا باباه اكيد هيكلمني وهيرد عليا استني كدا ايه بتقول ايه

اميره : قالك ايه

مروان :تؤتؤتؤ حبيب بابا حاضر متزعلش هشدهالك من ودانها اللمضة دي

اميرة : انتم بتتفقو عليا من دلوقت بيقولك ايه بقى ان شاء الله

مروان : بيقولى خلي ماما ترحمنى من اكل الشوارع خليها تأكلنى أكل صحي بقى تعبت

أميرة :بمزح ..والنبى انت مش ابن بطنى يا ولا انت ابن ابوك ههههههههههههههه والنبي لأعضك انت وابوك

يقبلها مروان من بطنها بحب و رومنسية ثم يعدل رأسه وينظر باتجاهها بحبك

اميره : بموت فيك

❤️_____ليلةعادل ______❤️

شقه ادهم وحنين 4م

الراسبشن

يجلس ادهم على الكنبه وهو يمسك هاتفه يتحدث مع نور وحمزة بجروب الواتس وعندما عرف الخبر ان اميرة حامل ينصدم يبان على ملامح وجه الحزن تغلغلت الدموع عينيه و يغلق هاتفه ويقوم ويدخل غرفة نومه يغلق الباب خلفه ويضع هاتفه على الكومودينه يمسح وجهه ويتسطح على السرير على ظهره ويضع يده خلف رأسه ويغمض عينيه

فلاش باك من الجزء الاول

شقه أدهم القديمة 5م

في البلكونه

يقف أدهم مع اميرة فى البلكونه يتحدثان

اميره :تعرف انى عندى استعداد أسكن مع طنط عشان منظر النيل ده

ادهم : انا وعدتك انى مش هرتاح غير لما اجبلك شقة زى اللى بتتمنيها انا لو أطول اجبلك نجمة من السما هجبلك يمسك ايدها يقبلها منها عارفه نفسي فى ايه

اميره : ايه

ادهم : بعد مانتجوز بشهر ادخل الشقة الاقيك عاملة مفاجأة حلوة عشان تسمعينى أحلى خبر في الدنيا انك حامل مني يييا يا أميرة قلبي متعرفيش بأتمنى اليوم ده ازاي لان الطفل ده هيربط بنا اوي

اميرة : مستعجل انت اوي

ادهم : بعشق عشان بحبك نفسي أخلف منك

المشهد الحالي

يفتح ادهم عينيه وهي غرقانه بالدموع ويجلس على السرير ويمسح دموعه تدخل حنين الغرفة

حنين : ادهم مالك

ادهم : يبتلع ريقه مافيش

حنين :مافيش هروح اعمل شاي اعملك معايا

حنين : ماشى

يقوم ادهم ويقف عند الباب وينظر لها

ثم يذهب ادهم الى المطبخ وهو منزعج جدا ثم يكسر أحد الكوبايات

شقه د / خالد 7 م

نرى اجواء احتفال بسيطة للاحتفال بحمل اميرة وسط فرحة من الجميع فكانت الحفلة للأهل وللأصدقاء المقربين فقط تقف اميرة مع ياسمين وشهد ونور ويبدو على ملامحهم السعادة ويضحكون

نور : انتى اول شهرين ثلاثة بالكتير هتحسي بتعب و دوخه معظم الأكل هتقرفى منه وفي اكل عمرك مكنتى بتحبيه هتحبيه

اميره : مستحيل آكل باميا

نور : والنبي هتكليها وممكن نفسك تهفك على كوارع كمان زي منا نفسي هفتنى على فسيخ ساعه 2 بليل

ياسمين : ومجرد ما تدخل بالرابع او الخامس مش هتعرفي تنامى على بطنك

اميره : دى نومتى المفضلة انتم بتكرهونى بالخلفه ليه

ياسمين : ولما تولدي بقى ولا اقولك خليكى بسنه اولى حمل احسن

يضحكون بصوت عالى

شهد : بجد يا نور اكلتى فسيخ 2 بليل

نور : وصحيت حمزة طبعا مستحيل يلاقى بس معرفش بقى فضلت منكده عليه لحد 10 الصبح لحد مجبلي

اميره : هههههههههههه انا عايزه اعملها بمروان اشوف رد فعله هعملها فيه النهارده عشان اشوف وقت الجد هيعمل ايه

نور : جوزك ياختى طيب وغلبان هيقولك حاضر وهيعملك اللى عايزاه

شهد : فعلا دكتور جنتل مان

نور :ربنا يخليكم لبعض

اميره : بس انا خايفه اوى

شهد : من ايه

اميرة : من اللى عايز يقتلنى ده انا مرعوبة على البيبي اوي

ياسمين : متخفيش احنا كلنا جنبك

شهد : هو مش مروان جابلك بودي جارد

اميره : اه ومابيخرجنيش غير وانا معه ....هو الحمد الله الدنيا مستقره من وقت الحادثةانا بتظاهر بالقوة لكن انا خايفة وخوفي ذاد لما حملت

نور : طبيعى وكل مادا كل ما يكبر ببطنك هتخافي اكتر

شهد : يابنتى انتي لازم تبلغي البوليس اكيد ده حد قريب منكم وبطلي تحكى لحد حاجة

ياسمين : والله كلنا بنقولها كدا بس غبية

اميره : بنت... اختك الكبيرة عيب

ياسمين : يا شيخ روحي كبيرة بس دماغك صغيرة وهضيعى نفسك بسذاجتك دي , انا لازم أخلى مروان ينشف عليكي شوية

اميره : والله بطلت احكى بقولكم غيرو الموضوع انا دلوقتي حامل و فرحانه اوي اوي انى بقيت حامل من دكتور مروان اللى كان نفسى بس يعرف اسمي

شهد : صح ايه حكاية الدولاب

اميرة : يا ستى انا بحب مروان من ثانوى وهو مكنش معبرنى كنت كل سنه بجبله هديه بعيد ميلاده ,7 سنين وهو مافيش , المهم بعد الحادثة قدرت أقرب منه ، شفتي الدولاب اللي تحرق ،كان محتفظ بكل الهدايا بتعتى بكل كارت فيه، حتى الورد اللى كنت ببعته محتفظ بيه

شهد :مش عارفة اقولك ايه اكيد اللى بيعمل كدا حاقد عليكي وفاهم كويس ان الدولاب ده غالي عليكم

اميرة : وبعدها معاكم بقى انتم بتحرقو دمي ليه , انا هروح اقعد مع مارموري

تقترب اميرة منهم وتقف أمام مروان الذى كان يجلس مع منير ولبنى وكانت جنى تجلس على قدم مروان

اميرة : ممكن تقومي من على رجل جوزي عشان انا بغير

جنى : ده خطيبى من قبلك اصلا بعدين كلها عشر سنين ونتجوز

اميره : والله ماشي يا جنى خلاص مش خليكى تلعبى مع النونو

جنى : مش مهم هلعب مع مروان وهخلى مروان يجبلى نونه وألعب بيها مش عايزة نونتك

اميره : هههههههههههههههههههه نو كومنت قفلتيها

يضحك الجميع بصوت عالى تجلس بجانب مروان

لبنى : ها يا ميرو احساسك ايه بعد الخبر الحلو ده

اميره : مش عارفه جوايا مشاعر متلغبطه ومتوتره احساس انك هتبقى مسؤولة عن طفل هاتجبيه للمجتمع وتربيه حاجة تخوف , رسك كبير بس حلو اوى , انا من زمان نفسي اخلف , من وقت محبيت مروان تمسك ايده تنظر له بحب وسعادة الموضوع ده من أهم اهدافي وكنت بتمنى بس.. مجرد ماحصل مع الفرحة الكبيرة خوفت , خوفت اوي اشتراك كم مشاعر مختلفة على قد ما هو مزعج وغريب بس حلو فهماني

لبنى : طبيعي دي احاسيس طبيعيه وكلنا حسينا بيها خصوصا مع أول طفل

اميرة : عارفة ان كل الستات بتحس كدا لكن لما تبقي ماما من حد انتى بتحبيه اوي احساس بيكون اجمل بكتير انا فرحانة اوي

مروان : لا انا اكتر

اميره : لا انا اكتر وبتحداك يا دك

منير : ربنا يقومك بالسلامه

اميره : يارب

تدخل عليهم فريدة

فريده : انتم قاعدين هنا يلا قومو عشان نطفي اول شمعة لأول بيبى لبنتى اللمضه

اميره : مش هيكون اخر بيبى تنظر لمروان ولا ايه

مروان : وعدتك هجبلك الأربعة

اميره : ايوة ولدين و بنتين

مروان : بالظبط هههههههههههه

وبالفعل يقومو باكمال الحفلة وسط فرحة وسعادة من الجميع

❤️_____ليلةعادل ______❤️

فيلا مروان واميرة 2 بص

غرفه النوم

نرى مروان نايم على السرير واميره تتمدد وتلعب بهاتفها ثم تنظر لمروان الذى غرق بالنوم تنظر له تبتسم تبتلع ريقها

اميرة : مروان مارو بصوت أعلى يا مروان

مروان : بنوم امممم

اميره : نفسي فى مانجا

مروان : ماشي بكره بكره

اميره : هو ايه اللى بكره مروان تخبطه على كتفه قوم بقى

مروان : يفتح عينيه ايه يا حبيبى فى ايه

اميره : بقولك نفسى فى مانجا

مروان : يدعك عينيه دلوقت

اميره : اممم

مروان : طب ما تشوفي بالتلاجة

ميره : تلاجه ايه احنا بالشتا

مروان : اه صح مايمشيش معاكي برتقال

اميره : تؤتؤ يلا قوم عايز زياد يطلع فيه مانجايه

مروان : لا طبعا ميرضنيش هقوم حاضر (يقوم ) ممكن تعمليلى قهوه عشان افوق

اميره : اااه مش عارفه مالي دايخه

مروان : قولى مش هعمل يا مروان من غير تمثيل

اميره : هههههههههههههههههه

مروان : اضحكي ده انتي بديتيها من اول شهر شكله هيبقى مرار

اميره : بزعل . تقصد ايه بقى خلاص مش عايزه حاجة

مروان : لا يا روحى مقصدش انا بس بقصد ان الهرمونات عملتها من بدرى

اميره : والله لا زعلانه

مروان : لا متزعليش مقدرش على زعلك حاضر هروح البس وأجبلك اللى عايزاه يقبلها براسها

يدخل غرفه الملابس وياخذ بنطلون وتيشرت ويضعهم السرير ويذهب عند الحمام قبل مايدخل تقف اميرة

اميره : مارو

مروان : ايه

اميره : تقوم وتقف امامه اثناء خلعه ملابسه.. والله خايفة اقولك ترمى على يمين الطلاق

مروان : فى ايه

اميره : ههههههههه بصراحه انا بمثل مش عايزه حاجه بس كنت عايزه اشوف هتعمل ايه لما الموقف ده يبقى بجد

مروان : بتهزرى

اميره : سوري

مروان : مصحيانى 2 بليل وبالاخر تقوليلى سورى

تقترب منه وتقبله من خده

اميره : معلشى وحياتى خلاص امووواه خلاص اضحك

مروان: يعض على شفايفه انتي عارفه انا نفسى اعمل فيكى ايه دلوقت

اميره : ههههههههههه عارفه بس انا محميه

مروان : صح انتى محميه من ده , لكن مش محميه من ده

يحملها يضعها على السرير ويقوم بزغزغتها

اميره : خلاص خلاص حرمت والله كنت عايزه اشوفك هاتهتم ولا لا

مروان : والله 2 بليل

اميره : خلاص بقى

مروان : ماشى هسمحك عارفه لو عملتها تانى انتى عارفه هعمل ايه

اميره : بحبك

مروان : وانا بعشقك يقترب منها ويعانقها تنام اميره على صدره

اميره : انا فرحانة اوي لحد اللحظة دى مش مصدقه انى هبقى ماما انى بقيت حامل منك حاسه انى بحلم تتحدانى

مروان : تؤ لأني فعلا انا فرحان اكتر ..فرحتك مش قدى

تعدل اميره نفسها تسند ايدها على صدره

اميره : ايه الثقه الجامدة دي

مروان بتأثر ..انا كنت هموت على طفل منك , بعد الشهور والايام والساعات , بتمنى الوقت اللى هتيجى تقوليلى اسعد خبر فالدنيا, الخبر اللى هيغيرلى حياتى , انا لوحدى يا اميره , نص عمري عشته لوحدى , ماما ماتت وانا كنت لسه 2اعدادى , وبعدها بابا مات وانا عندى 20سنه , وانا من وقتها لوحدى , ماليش حد غير منير , مهما كان منير قريب منى واكتر من اخ ليا , لكن لما يبقى جنبك حد من لحمك ودمك بيكون احساس مختلف , لما اتجوزت ماجي , برغم اشتياقي الشديد لاحساس العائله والبيت , لكن مكنش جويا الشعور اللي حاسه معاكي , الشغف والاشتياق معها مكنش موجود , ولما عرفتك وحبيتك , شعوري بالاحتياج لطفل وعائله زاد اكتر بكتير عن الاول , بقى نفسي يبقى ليا طفل منك , منك انتي بالذات , وأحس بشعور العائلة والدفاا معاكي انتى , مش عايز احسه مع حد غيرك , لما جيتى سمعتينى اجمل واعظم خبر فالدنيا , مكنتش مصدق , لحد اللحظه دى مش مصدق , تقريبا هفضل مش مصدق لحد ما ياجى وألمسه بايدى وأضمه لقلبى , عارفه احساس لما ربنا يكرمك من واسع , انك تعيشى اجمل قصه حب فالدنيا زى الافلام , و كمان تتجوزو, ومراتك دى تبقى اعظم زوجة فالدنيا , ومش عارف تعملها ايه من كتر ما هى عظيمة وجميلة , كانها جايه من عالم تانى مش من الارض , ملاك بصورة انسان , و كمان تهديك بأكبر هديه فالدنيا , طفل صغير جزء منك ومنها, الطفل اللى هيكمل حبكم وسعادتكم , انا حقيقى اسعد مخلوق على وجه الارض دلوقتي واتحدى

اميره : مع ملامسة خده باطرف اصابعها انا زعلانه منك

مروان : زعلانه منى

اميره : اممم عشان بتقولى مفتقد احساس العائله , امال انا ايه , روحت فين مش انا عيلتك , مش انا مامتك واختك واخوك وباباك وصحبك ومراتك وحبيبتى وام العيال وكل حاجه

مروان : اكيد انتى كل حاجه ليا يا ام العيال

يضحكون سويا ثم يضمها مروان الى قلبه ويطبطب على شهرها ثم يقبلها من راسها بحب

اميره : انا بحبك اوى , يمكن معرفش اقول كلام جميل زيك بس والله انا بحبك انت هنا تشاور على قلبها وهتفضل انا على طول

مروان : بس انا مش هنا بس انا كمان بقيت هنا يضع ايده بطنها انا ساكن هنا وكل يوم هكبر لحد مخرج للدنيا بصورة طفلة جميلة واخد جمالك اللي خطفنى وعنادك اللى مجننى وكل حاجه فيكى

اميره : بس انا عايزه ياخد منك عقلك وهدوءك ...دكتور مروان عزت الرزل الجامد ههههه عشان لو طلع عصبي زيي ممكن تاجى تلقينا قتلين بعض ههههههههههههههه

مروان : لا وعلى ايه الطيب احسن

اميره ييا بقى لو يطلع مزز زيك يا محطم قلوب العذارى وفارس احلامهم ههههه وامشى بوسطهم فخوره كدا والبنات تتغاظ مني هههههههههه

مروان : بحبك يا مجنونه

اميره : وانا بموت فيك

تقبله من شفايفه برقة ثم تضمه

بعد مرور شهر ونصف فاميرة الان اصبحت بنصف الشهر الثانى

❤️_____ليلةعادل ______❤️

مركز د / مروان 2 م

مكتب مروان

يجلس مروان مع منير يقوم بتناول القهوه

منير : هى عامله ايه دلوقت

مروان : الحمد الله الحمل مستقر

منير : ما وصلتش لحاجة

مروان : لا انا هتجنن

منير : مشكتش فى حد من اصحابها

مروان : يمسك دماغه اصحابها

منير : انت مالك

مروان : مش عارف جسمى سخن فجأة حاسس بصداع

منير : اشرب مياه

يتناول القليل

مروان : ليه بتقول أصحابها

منير : لان اللي عمل كدا دخل بيتك ...حريقه الدولاب اللى بمكتبك

مروان :هيعملوا كدا ليه تفتكر حد من الخدامين

منير : بس اكيد اللى بيعمل كدا اشتراه واكيد اللي بيعمل كدا مخطط صح وذكى انت كويس مالك

مروان : مش عارف هدخل الحمام

يدخل مروان الحمام وينظر بالمرايه كان يبدو على ملامحه التعب ويغسل وجهه

بصوت داخلى فى ايه ايه الاحساس ده مع الاستماع لدقات قلبه انا اول مرة أحس بكدا

❤️_____ليلةعادل ______❤️

فيلا مروان واميرة 3م

غرفة النوم

يدخل مروان الغرفة كانت اميرة تجلس بالبلكونه وهي ترتدى بيجاما ستان تشعر بيه اميره تقف لاستقباله بابتسامة لكن كانت ملامح مروان متغيرة وصوته متغير اشبه بالمساطيل

اميره : ايه ده جيت بدري

مروان : اممم جيت مالك انتي حلوه كد ليه النهارده

اميره : والله

مروان : اممم

اميره : انا طول عمري حلوة يا دك

مروان : عارف يا روح الدك انك حلوة اوى ومشطشطه اوي يجذبها اليه بشدة ويقوم بتقبيلها من شفايفها ثم يقوم بدفعها بقوة على الحائط وتقبيلها بقوة اكثر من شفايفها ورقبتها لكن سريعا اميرة تدفعه بعيدا عنها

اميره : مروان مش هينفع نسيت كلام الدكتور

مروان : انا عايزك ماليش دعوة

اميرة : ايه مالك انت بتتكلم كدا ليه

مروان : بتكلم ازاي

اميره : معرفش صوتك نظراتك حتى طريقتك وانت بتبوسني مختلفه مش مروان عامل زي اللى مبلبع حاجة

مروان : انتي بترغي كتير اوى

يقوم بتقبيلها مرة اخرى بقوة وعنف اكثر لكن تدفعه اميرة مره اخرى

اميره بشدة : مروان مالك ايه الطريقة دي قولتك مش هينفع فى ايه

مروان : هتمنعينى من حقي ولا ايه

اميرة : اكيد لا بس

قبل ان تكمل كلامها

مروان : انا عايز انام معاكي

اميره : باتساع عينيها انت بتقول ايه

مروان : بقوه بقولك عايز انام معاكى

ثم يقوم بدفعها بقوه نحو السرير وووووو

.. وبعد مرور وقت نرى البيجاما التى كانت ترتديها اميرة على الارض ممزقة كانه قد تم نزعها من عليها بالقوة , وملابسها الداخلية منتزعه ايضا على السرير ..

السرير منعكش بشكل شديد ثم يظهر مروان وهو نائم على ظهره على السرير بمفرده ...عاري الصدر وحزام بنطلونه مفكوك وتظهر علامات خربشه على رقبته وصدره بعد قليل يبدأ مروان بفتح عينيه ويقوم بدعك عينيه ينظر حوله يبدو عليه الاستغراب ينظر حوله ثم يجلس

مروان : ايه اللى جبنى هنا يمسح عينيه وينظر بتركيز حوله انا فى البيت ازاي ثم يقوم بالنداء ..اميرة اميرة اااه بصوت أعلى يا اميييرة ما بترديش ليه ينظر لنفسه ايه اللى انا فيه ده يقوم من على السرير بيدو عليه عدم الاتزان لكنه يقع على الارض وبعد مرور وقت يفوق مروان و يفتح عينيه ينظر حوله وهو مازال على الارض ثم يدعك عينيه وباستغراب شديد .. انا ايه اللى جبنى هنا , انا مش كنت بحمام المركز يقوم ويقف يمسك دماغه وظهره يبدو عليه انه يتألم ..اااه ايه التعب ده ...حبيبى اميرة ثم يخلع حزامه ويحدفه على الارض

يخرج خارج الغرفه وهو يمسك دماغه و يقوم بالنداء مره اخرى عليها اميره يا اميره انا مش قادر ..

لكن اثناء سيره بالممر يسمع صوت بكاء يخرج من غرفه اخرى يقترب من الغرفة ببطىء ثم بسرعة و باتساعه عينيه وبخوف يقف امام الباب يحاول يفتح لكنه قامت اميرة بغلق الباب على نفسها من الداخل

مروان :بخوف وقلق وخضه يطرق الباب بقوة .. اميرة افتحى فى ايه بتعيطى ليه انتى كويسه افتحى , يطرق بشده اكثر اميره ردى ..بتعيطى ليه يابنتى افتحي , اميره , ثم يقوم بكسر الباب ويدخل عليها كانت اميرة بتبكى بشكل هستيرى وتجلس بآخر السرير لكن عندما يقرب ترجع قليلا يبدو عليها الخوف منه

اميره :بضيق .. ايه جاي تكمل علية مستكفتش باللى عملته

يقترب منها بعدم استعاب , ويضع ايده عليها لكنها تبعد جسمها ... اثناء تحدث مروان معها كان لسانه تقيل قليلا يبدو على ملامحه التعب وعدم فهم شيء

مروان : اكمل ايه

لكنها لا تجيبه تنظر له بضيق

مروان : فى ايه مالك يا اميره , ردى عليا بتعيطى ليه , اميرة ردى فى ايه بشده متردي عليا فى ايه بتعيطى ليه

اميره : بشده وقوه ..انت متزعقليش انت فاهم , اوعى تزعقلى واتفضل اطلع بره مش عايزه اشوفك قدامى , هيعمل نفسه مش فاكر قال

مروان : مش فاكر ايه

اميره : والله

مروان : اميره انا تعبان مش قادر اناهد معاكى قولى مالك

اميره :طبعا لازم تبقى تعبان

مروان : طب عشان خاطرى فهمينى فى ايه بالراحه , انا مش فاكر انا جيت هنا امتى , وظهرى وجعنى وعندى صداع وصحيت لقتنى نايم على الارض وانت بتعيطى فى ايه انا مش فاهم حاجه

اميره : في ده تخلع جاكيت البيجامه ينظر مروان باتساع عينيه الى جسمها المتخربش وعلامات الزرقه على جسمها

مروان بذهول تام : ايه ده ازاي ده حصل , مين عمل فيكي كدا

اميره : والله هتعمل نفسك مش فاكر انك اللى عملت كدا

مروان : بذهول واتساع عينيه ..انا عملت فيكي كدا

تنظر له بضيق ولا ترد

مروان : انا مستحيل اعمل كدا

اميره : فعلا مكنتش انت , كان واحد تانى معرفهوش ومحبش اعرفه , معرفش انت ازاى تعمل كدا فيا , ازاى هنت عليك تعمل كدا .. تبكي اكثر

مروان : ينظر لها بحزن وضيق من نفسه ..انتى بتقولي ايه اكيد فى حاجه غلط انتى بتهزري.... عاملة فيا مقلب صح

اميرة :بغضب مقلب تحب اوريك بقية جسمى اوريك الدكتور المحترم عمل ايه فى مراته

مروان : بتقطيع كلام وبضيق انا انا مش فاكر حاجة, انا اخر حاجه فكرها لما كنت بالمركز مش عارف امتى جيت هنا

اميره : مروان اطلع بره انا كل مابصلك افتكر اللى حصل

مروان : انا مش فاهم ولا عارف -ازاى عملت كدا بس انا اسف حقك عليا والله ما هتحصل تانى متزعليش منى اميرة ارجوكى ما تبصليش كدا

اميره : من فضلك وبكل هدوء اطلع بره لو سمحت... تصمت قليلا مش هتطلع يعنى طيب هطلع انا

تقوم وتخرج خارج الغرفة ينظر مروان لها بضيق ثم أخذ يبكى ويضرب على دماغه ويبكى اكثر

غرفة نوم اميرة ومروان

يدخل مروان الغرفه يبدو على ملامحه الحزن والضيق فهو منزعج من نفسه بسبب ما فعله معها فقد قام باخذها بقوة وعنف دون ارادتها وهي حامل أيضا وليس هذا فقط بل كان عنيف معها فهو اشبه بالاغتصاب ... يدخل الغرفة ينظر لها يرى ملابسها التى على الارض وعلى السرير ينظر بضيق من نفسه ينظر الى السرير المكرمش وملابسها الداخليه الممزقة يقبض على يده ويجز على أسنانه بقوة , ثم يقوم بلم ملابسها ووضعها بسبت الملابس بالحمام

غرفه اخرى

تقف اميره امام التسريحه ثم تدخل عليها فاطمه وهى تحمل بايدها ملابس خروج لاميره

فاطمه : عايزة حاجه تاني

اميره : لا شكر يا دادا

فاطمه عمل ايه مزعلك منه كدا

اميرة : مافيش حاجه يا دادا

فاطمه : هتخبى عليا

اميره : هو بس غيرته الأوفر اللى بضيقنى

فاطمه : يا حبيبتى بيحبك بيحبك اوى وبيخاف عليكى بعدين لازم يعمل كدا عشان ابن الحرام اللى عايز ياذيكى متزعليش منه انا متاكده انه هيصلحك ونا هشدهولك من ودانه ماينفعش يزعلك كدا وانتى حامل

اميره : ماشى

فاطمه عايزه حاجه اعملهالك

اميره : شكرا

تقوم اميره بتبديل ملابسها واثناء خروجها من الغرفة تلتقي بمروان

مروان : رايحه فين

اميره : متخفش مش هسيب البيت انا رايحه للدكتور

مروان : طب هاجى معاكى

اميره :لا

مروان : من فضلك انا عايز اطمن عليكى

اميره : قولتك لا يعنى لا

مروان : طب اهدي من غير عصبيه , ممكن ما تروحيش لوحدك خدي الجارد معاكي ممكن

اميره : طيب

تتركه وتنزل من السلم يتنهد مروان ويخبط يده بقوة على تربزين السلم ، ثم يدخل الغرفه ويجلس على كرسيه الهزاز وهو منزعج متوتر يمسك دماغه ثم يمسك هاتفه ويبحث بجوجل عن الاعراض التى شعر بيها ثم يقوم بالاتصال بصديق له

بعد مرور وقت

تدخل اميره الفيلا كان مروان يجلس على الكنبه عندما يرها يقوم و يقترب منها بسرعه

مروان : طمنينى

اميره : الحمد الله

مروان : يعنى انتى كويسه والبيبى كويس

اميره : الحمد لله

مرون : قولتها ايه

اميره : اننا مستحملناش ومقدرانش نوقف نفسنا بس

مروان : وقولتلك ايه

اميره : كشفت عليا ولقيت ان البيبى كويس , قالتلي تحاولو تمسكو نفسكم شويه بعد كدا

مروان : شافت جسمك

اميره : لا حولت انى مخلهاش تشوف حاجة فى اى حاجة تاني

مروان : اميره انا مقصدتش اعمل كدا ولا كنت بوعيي

اميره : بشدة وانا قولتلك عارفه

مروان : ممكن نتكلم بأوضتنا عشان محدش يسمعنا لو صوتنا علي

اميره : لا

مروان : يتنهد من فضلك يا اميره عشان خاطرى لازم نكلم فوق

اميره : تتنفخ اتفضل

يصعدو السلم وعند الممر

اميره : انا مش هدخل الأوضه

مروان : ماشى نقعد بأي أوضه تانيه بالمكان اللى يريحك

تقوم اميره بفتح باب احد الغرف تدخل وتجلس على السرير تنظر لمروان

اميره : عايز ايه لو فاكر اللى عملته ده هعدهولك عادى تبقى بتحلم

مروان : بتأثر وضيق وندم .. انا مش عايزك تعديهولى عادى , اتعصبى وغضبى وخدي اي موقف عايزاه , انا استحق ده , الجرم اللى عملته فيكى , يستحق ده واكتر , انا قرفان من نفسى , كل مفتكر شكل جسمك وانى انا اللى عملت فيكى كدا , ببقى نفسى اضرب نفسى وأعاقبها لانى السبب بده , انا اسف , والله اسف

اميره : اسف ! فى حاجات حتى الاسف صعب يدويها

مروان : انا عارف ده , قوليلى طيب ايه يرضيكى وهعمله

لاتجيبه اميرة تنظر له بضيق

مروان : طب ممكن تقرأي ده .. يعطيها ورقة

اميره : ايه ده

مروان : تحليل

اميره : ما بعرفش اقرأ تحاليل طبية

مروان : اعرضيها على دكتور خالد او اى دكتور تعرفيه

اميره : فى ايه يعنى

مروان :تحليل بيثبت انى واخد جرعه lsd نوع من انواع حبوب الهلوسه بيفصل الواحد عن الواقع ممكن تقرأي عنه عن النت مش بس كدا كمان فى جرعه منشط جنسى

اميره : عايز تفهمنى ان حد حطلك المخدر ده بحاجة , وانت شربتها وانت مش واخد بالك

مروان : عندك تفسير تانى للي حصل

اميره : معرفش

مروان : امال مين اللى يعرف يا اميره طب معاكى هاخد منشط جنسي , مع انى مش محتاج وانتي عارفه ده كويس ,لكن هفضل معاكي للاخر اتجننت واخدته , هاخده وانا عارف انه ممنوع أقرب منك , طب ماشى اخدته , هاخد حبوب هلوسه ليه متتكلمي

اميره : بحيرة وقلة حيلة .. معرفش معرفش

مروان : لازم تعرفى انى مستحيل أعمل كدا وان الحاجة دى اتحطلى بحاجه شربتها وانا معرفش

اميره : بقلة حيلة ويأس وعدم فهم .. معرفش تبكى معرفش حقيقي- معرفش اللي اعرفه حاجه واحده شكلك وقتها وكلامك معايا , دموعى وانا بترجاك تسبنى ، مقومتى ليك عشان تبطل اللى بتعمله ,عشان اوقفك وانت مافيش حاجة عايزه توقفك , توقف الوحش اللى كنت فيه وقتها , حولت اضربك , خربشتك , برضو مافيش فايده , كل ما أقومك كل ماعنفك بيزيد , استسلمتلك بلاخر عشان دي الطريقة اللى ممكن تخلى جنونك وعنفك يقل , وبعدها اترميت على السرير وغبت عن الوعي فضلت اضربك , مكنتش حاسس بضربى ليك كانك دخلت بغيبوبه وبعدها سبتك وجيت هنا

مروان :بدموع وندم واسف وضيق ..انا آسف.. يقبلها من ايدها . عشان خاطري سمحينى .. يقبلها مرة اخرى من كفها , سمحينى على غلطه ما قصدتهاش , ومستحيل كنت اعملها ,انا والله اسف على اللى مريتى بيه , ,عارف وفاهم ان الاسف مالهوش قيمه ولا هيعوضك عن اللى شفتيه بس انتى اكيد متأكدة انه مستحيل مروان يعمل كدا معاكي...

اميرة حبيبتى يا اغلى من روحي وحياتى يا ام ابنى عشان خاطرى والله ما هتكرر يقبلها من ايدها سمحينى

اميره : تمسح دموعها تاخذ نفسها ..مش هتتكرر تاني تقولها لو عملتها بوعيك بمزاجك لكن اللى حصل ده كان غصب عنك يعنى احتمال حدوثه تاني وارد , مش قادره افهم مين ممكن يكون حطلك حاجة زي دي انت ايه اخر حاجة فاكرها

مروان : انا دماغى هتشت , نفسى افتكر اى حاجه انا اخر حاجه فكرها انى كنت بشرب قهوه وحسيت فجأه ان جسمى سخن , دخلت الحمام وغسلت وشى , مش فاكر بقى غير انى صحيت لاقتنى على الارض هنا, الجزء ده ممحمي تماما, فى فجوة زمنيه بين وجودي بالمركز ووجودى على الارض مش فاكر حاجه انا خايف ارد على منير يقولى انى بهدلت الدنيا

اميره : على فكره النهارده الثلاث مش الاثنين انت نايم من امبارح من العشا تقريبا

مروان : جيت امتى

اميره : تقريبا كانت 3 هو مين عملك القهوة

مروان : البوفيه

اميره :مين اللى ممكن يكون عمل كدا

مروان : انتى بتسألى

اميره : هيستفيد ايه

مروان : عشان تسبينى لانه فاكر انك مش هتسمحينى لما اعمل كدا

اميره : و كمان يخلينى انزل البيبى يبقى ضرب عصفرين بحجر( بخنقه ونرفزه ويأس) ايه ده بجد مين بيكرهني كدا انا تعبت وزهقت مؤامرات هاعيش حياتى امتى بشكل طبيعى , بجد تعبت والله العظيم تعبت تبكى بشده

مروان : يجذبها اليه ويضمها هشششش بس اهدى متخلهوش يوصل لهدفه... ضعفك هيقويه

اميره : بس انا تعبت مابقتش قادره مش هستنى لما يأذى البيبى الله حلمنا بيه

مروان : وانا مستحيل اسمح ان حد يأذيكى او يأذي ابننا

اميره : انت هتكدب على نفسك هو فعلا نجح انه يأذينا مش مره ولا اتنين هو اثبت ان قادر يوصلنا باى مكان وأى وقت ده دخل بيتنا وحرق الدولاب دخل مكتبك وحطلك مخدرات مسح رسالة الدكتوراة فك فرامل العربيه وتسبب بقتل شهاب هو قادر يقتحم حياتنا بشكل كبير , مروان انا بقيت بشك بكل الناس اصحابى الخدامين حتى فاطمه بشك بنفسي انا تعبانه , بتظاهر ان مش فارق معايا بس مش قادرة أمثل اكتر من كدا

مروان : انا عندى حل

اميره : ايه هو

مروان : هنمشى من هنا ومحدش هيعرف مكانا حتى اهلك لحد منشوف حل

اميره : هنروح فين

مروان : البيت اللي على البحر محدش يعرف مكانه صح

اميره : صح

مروان : متأكده

اميره : اه والله حتى ماما ونور

مروان : احنا هنمشى النهارده مش هنرجع دلوقت خلاص غير لما نوصل لخيط يوصلنا لابن الك.... ده

اميره : بس بس هو هيعلمك تشتم

مروان : موافقه ولا ايه

اميره : مش عارفه

مروان : بقوه وشده هنحضر الشنط ونمشى ومش هنقول لحد مكانا يا اميره ، ولا جنس مخلوق فهمه وده قرار مافيش مناقشه فيه

اميره : تتنهد طيب قوم معايا ساعدنى نحضر الشنط

تقف تاجى تمشى يمسكها مروان من دراعها ويقربها منه

مروان : اميره سمحتينى من هنا يضع ايده على قلبها

اميره : قلبك بيقولك ايه

يبتسم مروان لها ويضع ايديه الاتنين على وجهها وبدموع

مروان : اوعدك ان دي اخر مرة اخليه ينتصر علينا يقبلها من جبينها ثم يضمها بشدة

بعد اسبوع

فقد سافر مروان واميرة الى بيتهم الذى اشتراه مروان على البحر دون علم او اخبار أحد بسفرهم

❤️_____ليلةعادل ______❤️

شاطى البحر 8 م

نرى اميره تجلس على الكرسى امام البحر وهى ترتدى ملابس بيت وعليها شال و بجانبها الغرامافون تستمتع الى احد اغانى محمد فوزى (طير بينا يا قلبى) وبجانبها كرسى فارغ وامامها نار مشتعلة ...بعد قليل يقترب مروان وهو يحمل بايده فناجين هوت شوكولات يعطى اميره مجها ثم يجلس بجانبها

مروان : بحب الاغنيه دي جدا

اميره : انا من عشاق فوزي اغانيه وألحانه ليها طعم تانى

مروان : عجبك الهوت شوكليت

اميره : تسلم ايدك يا حبيبى

تنظر الى البحر بعد ثوانى تنظرلمروان وتتحدث بارتباك

اميره : مروان انا ماما وحشتنى بعدين احنا سافرنا فجأه زمانهم بيدورو علينا لازم نطمنهم

مروان : اميرة احنا اتفقنا

اميره : بس دي ماما وبابا مستحيل حد فيهم يأذينى

مروان : متأكدة

اميره : تقصد ايه ؟

مروان : مقصدش حاجة بس ممكن يكون فى حد مراقب تليفوناتهم

اميره : معرفش بقى انا عايزة اكلمهم واطمنهم عليا ووحشونى جدا وعمر وحشنى وياسمين ونور وكريم , مش هقولك تانى يا مروان انا محور حياتى مش انت بس انا عندي اهلي , انا غيرك

مروان : بشده وهو يجز على أسنانه انا خايف عليكى .. بصوت اعلى وبقوه افهمي بقى انا بخاف عليكى

اميره : خاف عليا من اى حد الا اهلى , تقف وبشده انا ماليش دعوه , انا عايزه اكلمهم ... مروان انا عايزه تليفونى وهاته بمزاجك بدل مااوصله ووقتها مش هيبقى تليفون بس انا همشى كمان

مروان : ايه العصبيه دى اهدى انا كنت مستني الوقت المناسب وخليكى تكلميهم لما ننزل السوبر ماركت بكره ونشترى تليفون وخط جديد و تقوللهم مسافرة بره مصر مع مروان مش عارفه هنرجع امتى مش اكتر من كدا فهمه

اميره : ايه يا عم جو الاكشن ده

مروان : بشده هو ده اللي عندى مافيش غيرو سمعه

اميره : انت بتشخط ليه

مروان :مش بشخط بس بفهمك اللى هيحصل سمعه

اميره : اوفففف سمعه حاضر ومش شاربة معاك الهوت شكولاته هروح اشربه لوحدي والمصحف انت جوز رخم اوي كمان

❤️_____ليلةعادل ______❤️

اليوم التالى

تظهر اميرة تجلس على الارض امام الدفايه وتتحدث بهاتفها الجديد

اميره : لا شويه كدا ..متابعه مع دكتورة هنا... حاضر سلميلي عليهم كلهم تاني باي تنظر لمروان حلو كدا

مروان : برافو بتبهرينى ديما بتمثيلك

اميره : مروان توتر والله

مروان : تحكمات ولا توتر ارسي على صفة

اميره : الاتنين يا رخم

مروان : هموت وأقصلك من لسانك حته

اميره : بدلع اهون عليك يا دك

مروان : طبعا لا يا ام العيال

اميره : ههههههههه قشطات يا ابو العيال

❤️_____ليلةعادل ______❤️

شقه كريم 5 م

تجلس فريده وخالد وكريم وزوجته وياسمين براسبشن ويتحدثون

كريم : يعنى هترجع امتى

فريده :معرفش

امنيه : وهى تعطى طبق كيك لفريدة ماقلتلكيش مسافرة فين يا طنط

فريده : تؤ حسيت انها مش عايزه تقول فامحبتش ألح عليها

ياسمين : ايه ده بقى وهو مروان هياخدها مننا ولا ايه متقول حاجة يا بابا

خالد : بلاش تدخلوني عشان كلمتى بتزعلكم

كريم : انا من رأيي مدام هي بخير ومبسوطه خلاص بعدين اميره اول مترجع هتدوشنا بحكاياتها

خالد : ربنا يسعدها

بعد مرور كام اسبوع

عياده دكتورة النساء

تنام اميره على السرير مروان يقف بجانبها ويمسك ايدها وكان يبدو على ملامحه التوتر وتقوم الدكتور بعمل سونار لاميرة لكنها يبدو على ملامح

الدكتوره الاستغراب شديد ايه ده ازاى

مروان : فى حاجه

الدكتوره: لحظه تكمل عمل السونار. وتنظر له بدقه اكثر

تنظر اميره لمروان بخوف ثم تقبض على يده بشده من توتر

اميره : دكتور بيبى فى حاجه

الدكتوره : هو فى

مروان : بخضه فى ايه

الدكتوره : فىىى

استووووواب

``_الجزء الثاني

من

روايه الأعمى2

بقلمى ليلةعادل ❤️🌹✍️```

_*

الحلقه السادسه واربعون

عياده دكتور النساء٦م

تنام اميرة على السرير مروان يقف بجانبها ويمسك ايدها وكان يبدو على ملامحه التوتر وتقوم الدكتور بعمل سونار لأميرة

الدكتوره : لا ماشاء الله الجنين صحته زى الفل

اميرة : احنا نقدر دلوقتي نسمع صوته

الدكتوره : اه اسمعي كدا اسمع يا دكتور

اميره : صوته حلو سامع يا حبيبي.. الله يقبلها مروان من جبينها وهو يحسس على وجهها

الدكتور انتم مش ملاحظين حاجة

مروان : فى ايه

الدكتوره : ما تتوترش كدا انا اقصد ان ده مش صوت نبض واحد نبضين

اميره : يعنى ايه

الدكتوره : نبضين يعنى جنينين

اميره : اميره باتساع عينيها تقصدى انهم توينز

الدكتور : مبروك هيجلكم توأم زي القمر

مروان :حضرتك متأكدة

الدكتوره: بص كدا اهم ده جنين وده جنين

بفرحه شديد يقوم مروان بتقبيل اميره من وجهها بالكامل عدة قبلات بفرحة وسعادة تخرج من قلبه بعدم تصديق ثم يقبلها من ايدها مبروك يا روحي ينظر الى الشاشه ثم ينظر لها. طلعوا توأم يقبلها مره اخرى من جبينها عدد قبلات

اميره : مروان انا مش مصدقة

الدكتوره: هههههههههههه الف مبروك ممكن تقومي

تقوم الدكتورة وتجلس على كرسى مكتبها ثم تعدل اميرة ملابسها وتجلس ثم تضع ايدها على خد مروان .

اميره. انا مش مصدقة بجد حاسه إني بحلم

مروان : لا بجد يقبلها من خدها عدد قبلات ثم يشدها الى صدره ويضمها بحبك اوي اوي من اللحظه دى طلباتك اوامر عليكي الامر وبس. مش مصدق يقبلها مره اخرى عدد قبلات بجميع وجهها ويضمها بشدة

بعد ثوانى

اميره : مروان بس احنا فى العيادة

يبتعد عنها ويأخذ نفسه ثم يساعدها للنزول من السرير وتظبيط ملابسها ثم يجلسان على الكراسى الاماميه المكتب

مروان : بخجل انا اسف يادكتور بس الفرحه نستني

الدكتور : لا انا واخدة على كدا

اميره : طيب يا دكتور هنعمل ايه

الدكتور : ولا حاجه هنمشى على نفس الادويه وهنوقف الابر

اميره : اخيرا ده انا كنت بموت منها

الدكتور : معلش كله يهون بس لازم تهتمى بأكلك كويس انتي دلوقتي شايله روحين انتم اصبحتوا ثلاثه فامفيش تهريج لازم اكل صحى وخضار وفاكهه

اميره : يعنى ممنوع من الفاست فود

الدكتور : مش ممنوعه لانك بشهور وحم لكن الاعتماد ميكنش عليه فاهم يا مروان تاكلو عادى بس الاساسى معانا اكل صحي خضار بروتين فاكهة مفهوم

مروان : متقلقيش

الدكتور : وانت خلاص اتفك

الحظر عنك ممكن تمارسو حياتكم الزوجية عادي جدا زي قبل الحمل

مروان : تمام حاجة تاني

االدكتور : لا انا بالنسبه ليا كدا كله تمام ومعادنا الشهر الجاي

مروان : ان شاء الله انا كنت عايز اطلب من حضرتك طلب

الدكتورة : اتفضل

مروان : احنا مجناش وحضرتك متعرفيش عننا حاجة من اخر مره ممكن تكلمى مدام فريده تسأليها

الدكتورة : ليه

مروان : من فضلك متسألنيش عن الاسباب بتمنى حضرتك تنفذي طلبي

الدكتوره : حاضر انا معرفش عنكم حاجه تنظر الى اللاب توب ثم تقوم بمسح اسم اميرة من السجل , وادى الاسم اتشطب تمام

مروان : شكرا جدا

الدكتورة : العفو مبروك يا ميرو

اميره : الله يبارك فيكي

اثناء خروج مروان واميرة عند الباب

اميره : استنى بقى انت قولت عليا الطلب وانت تنفذ

مروان حصل

اميره :شلني لحد العربية

مروان : بس كدا عيونى. يا قلب مروان

يحملها.

اميره : مروان يا مجنون نزلني بهزار معاك انا بنغشك

مروان : هى كبرت بدماغي بقى

اميرة : الناس نزلني

مروان : لا يعني لا ولحد العربية

اميره : انت اتجننت خلاص

وبالفعل يسير مروان وهو يحمل اميره كانت الناس تراقبهم بعيونهم ويضحكون واميرة كانت بتحاول تداري وجهها بكتف مروان

ينزلها مروان عند السيارة

اميره : انت مجنون والله

مروان : مجنون بيكى يا أم العيال المرة دي بجد

سياره مروان

تجلس اميره بيساره مروان ومروان بجانبها يسوق

اميره : مروان انا عايزه اقول لماما

مروان : هنقولها بس ممكن مش دلوقت

اميره: مروان ما تعكننش عليا فرحتى

مروان : يقترب منها ويضع ايده على خدها بتثقي فيا وإلا لا

اميرة : طبعا

مروان : خلاص يبقى استني

اميرة : ماشي بس مش هستنى كتير

مروان : انا محتاج بس يومين يومين مش اكتر

اميره : ماشي

البيت البحرى ١٠م

يصل مروان واميرة الى البيت تصعد اميره السلم ثم تدخل الغرفة المعلقة تحدف نفسها وتنام على ظهرها على السرير يقترب منها مروان وهو يبتسم تفتح اميره له ذراعيها ليقترب منها وينام على صدرها وبالفعل يقوم مروان بالتسطح بجانب اميرة والنوم على صدرها ثم تقوم اميرة بتقبيله من راسه وتمرير وجهها على شعره

اميرة : نسميهم ايه يعنى لو ولاد نسميهم ادم وزياد

مروان : ايوه

اميره : طب لو بنات

مروان : ينظر بعينيه لها انتي عايزه تسمى ايه

اميره : مش عارفة اتفاجأت يارب يطلعو ولاد هو انت بتحب بنات اكتر وإلا ولاد

مروان : بحبك انت اكتر يقوم بمزغزتها

اميره : بس بكلمك

مروان : عادى مش فارق المهم يبقى ليا ابن او بنت منك

اميره : انا فرحانة.. فرحانه اوي

ينظر مروان لها مع ملامسة اطراف اصابع يده وجهها

مروان : كلها 6 شهور الا اسبوع وابقى بابا من اجمل بنوته بالعالم يقبلها من ايدها ثم يتبادلان النظرات يقترب منها اكثر ويقبلها برقه ونعومه ثم تنظر له اميرة

اميرة : مصدقت انت

مروان : اعمل ايه وحشتينى كنت مستنيها على نار ما وحشتكيش

اميره : تؤتؤ

ينظر مروان لها باستغراب

اميرة : اثناء فكها ازرار قميصه اصلي انا زيك ماليش فى النظري بحب لما احكي عن اشتياقي احكى عملي على طول يتبادلان النظرات قليلا ثم يقوم مروان بتقبيلها بحب واشتياق يتبادلان القبلات الساخنه.. وووو

شقه مروان اسكندريه ٨م

شقه راقية جدا على التراث الكلاسكي تعكس شخصيه مروان لوحات تزين الحائط

انتيكات. يدخل مروان اميره الشقة تقف اميره براسبشن وتنظر لمروان وتتحدث

اميره : انت عارف ان دي اول مرة أدخل الشقة

مروان : عارف ايه رايك

اميره : جميله اوى شبهك ، هى دى الشقه اللى جيبت فيها

شرين

مروان : حبيبي. الموضوع ده من اكتر من ٢٢سنه انا كنت ١٩ سنه تقريبا وقتها كنت في تانية جامعة

اميره : ده انت كنت باد بوي وانت صغير

مروان : يعنى مش بالظبط

اميره : تلف براسبشن وهى تنظر بعينها على تفاصيل الراسبشن. ثم تلتفت لمروان

اميره : ده فى بيانو هنا

تذهب وتجلس عليه تقوم بفتحه

اميره : مارو انت بتعرف تعزف بيانو

يقترب مروان ويقف خلفها مباشرة

مروان : تؤ

اميره : امال جايبه ليه

مروان : عشان الديكور

اميره : اغنيلك

مروان :غني

اميره : بمزح .. حم حم. لازم اسلك زوري

مروان : بمزح اعملك ينسون يا فنانة

اميره : بعدين بعدين. تحب تسمع ايه

مروان : بمزح انا بحب كل اغاني حضرتك بس الاغنيه اللى قبل الاخيرة اللى كنتي لابسه فيها جاكيت اسود والدنيا ضلمه

اميره : ها اللى فيها مطر دي

مروان : هي ممكن اسمعها

اميره : بمزح شوف الاغنيه دي مابغنهاش غير للغوالى وانت الدك بتاعى فلازم. اغنيهالك بصوت غنائى. وهى تعزف تغنى بمزح

مارو يا اجمل مارو فى الدنيا ، اننى احبك جدا وجدا تانى ، ههه وانك يا مارمورى اجمل حاجة فى حياتي ، ومجننى من ثانوى ههههه ثم بجنان. مروان مروان يا اجمل مروان بالعالم يا حبي الوحيد والامل الجديد

مروان بمزح وهو يضحك لا كدا يا فنانه دخلنا بأغنيه تانية

اميرة : يعنى اللى بغنلهم احسن منك هههههه

مروان : بحب يلف ايده على رقبتها ويقربها منه تنظر اميره له بابتسامة ثم يقرب مروان وجهها منه

مروان ..مجنونه والله يقبلها من شفايفها قبلة خاطفة اكتر حاجة بعشقها فيكى جنانك وخفة دمك يقبلها من جبينها. قطتى انتى. اهى خفت دمك دى اللى بتشفعلك اى حاجه بتعمليها معايا يقبلها مره تانيه من جبينها ياخذ راسها بحضنه ثم تقف اميره أمامه تضع ايدها على خده

اميرة : احنا ليه مابنجيش هنا

مروان : هناجي على طول مدام عجبتك

اميره : عجبنى اوى منظر البحر من هنا تحفه انا بحب اسكندريه

تاجي نتعلم بيانو

مروان : فكرة حلوة اوي

اميره خلاص اول متفك الحظر عنى نشوف حد يعلمنا تصمت قليلا انا عايزه اشوف الاوضه

مروان : انهي اوضه

اميرة : الاوضه بتعت الحسنة

مروان : انتى مجنونه والله يابنتى العفش اتغير. ياجي عشر مرات من وقتها بقولك من اكتر من ٢٢سنه

اميره : برفعت حاجب قولتلى فين للاوضه

مروان :حاضر من هنا

اميره: ما كان من الأول

مروان : معلش اسف لحضرتك يا اميرة هانم. اتفضلى معايا

يصعد. السلم. ويذهبو للغرفه

غرفه النوم

تدخل اميره ومروان يقف بجانب الباب يشاهدها وهى تنظر للغرفه بعد قليل تجلس اميرة على السرير وتنظر لمروان

اميره :اممم لا حلو المكان وجنبك بحر وصوت التش والنسيم امم

يقترب مروان منها ويجلس وهو يبتسم

مروان : غيرانة من حاجة من ثلاث ارباع عمرك ، عارفه وقتها كنتى كام سنه ٧/٨سنين

اميره : ان شاءالله كنت لسه بتعلم اقعد على بوتي ، لازم اغير. يعنى لو كان الموضوع العكس مكنتش هتغير يعنى مثلا لو أدهم اا

قبل ان تكمل كلامها يقاطعها بسرعة

مروان : بشده وغيرة.. هنتجنن ولا ايه قولتلك مليون مرة محبش الهزار ده ولا الأمثله اللي من النوع ده

اميرة : انت بتشخط ليه

مروان : ،بقوة ...لانك عارفة ان المواضيع اللي زى دى بضايقنى وانتى مصممه تضايقينى .. قولتلك انا بغير حتى الماضي بغير منه ، مش عايز اعرف ولا اسمع ان حد غيري لمسك ، همسلك سمعك كلام حلو ،قالك بحبك ، جبلك ورد ، سمعك اغنيتك المفضله ، بغير عليكي بيقى نار جوايا بتكلنى لما بتتكلمي

تقوم وتجلس على قدمه وتنظر له بحب

اميره : انا كمان بغير اكتر منك غيرت من ماجي لما كنت بشوفك معها ، لما تخيلتك وانت معها وانها حست نفس اللي حسيته معاك , صبرت نفسي قولت كانت مراته ، لما عرفت موضوع شرين كل فتره افتكر وتخيلكم ببقى نفسى اجيب سكينه وأدبحك لانك حسيت ده مع حد تاني

مروان : مرر ايدو على شعرها بحب .. مين قالك انى حسيت باللى بحسه معاكي معهم ، مافيش مجال للمقارنة، صح ماجي كانت مراتى وحلالي، لكن اللى كنت بحسه معها مجرد متعه اللى بيحسها اى راجل ، لكن انتى حاجه مختلفه احساس يتحس وبس مستحيل اقدر اوصفه جنه كانى دخلت الجنه وانا على الأرض ، اما شرين والله ما حسيت اى حاجه معها

اميره : بردو زعلانه

يضع ايدو على خدها بنظرات كلها حب

مروان : انتي اللى يتغار منك

يقبلها من راسها بعشقك يا اميرة بعشقك وبعشق كل حاجة فيك بعشقك

ياخذ رأسها ويقربها منه

(بعد يومين )

شقه اسكندريه

غرفه النوم

تظهر اميرة وهى نايمة على السرير بمفردها

كان بالخارج براسبشن

نرى مروان وهو يقوم بتعليق البلونات لكن بهدوء شديد بعد الانتهاء من تزيين البيت بالورد والبلالين ثم يذهب الى المطبخ ويفتح التورته ويضع بها اربع شمعات على شكل زوج وزوجة وطفلين يضعها على السفره مع باقى الطعام فكان على السفرة جاتو مينى بيتزا وكيك وعصائر طبيعيه ومياه غازية ثم يخرج مروان للخارج

يسمع صوت جرس الباب يذهب لفتحه

كانت فريدة وخالد وياسمين وكريم ونور وحمزة

فريدة : فى ايه يا مروان وايه المكان ده

مروان :مافيش حاجه انا بس حبيت انكم تشوفو اميرة و نحتفل كلنا

نور : انتم مش مسافرين بره مصر

مروان : رجعنا من يومين

كريم : ليه مقولتوش

مروان عشان المفاجأة يلا بس من غير صوت اميرة متعرفش حاجة وهى نايمة.. ممكن

خالد : اتفضل يا استاذ ام نشوف اخرتها معاك يا روميو

ينظران الى الراسبشن والذي قام به مروان للاحتفال باميرة

فريدة : شايف عملها ايه

خالد : خلاص يا فريده انا

وعدتك هديله فرصة

يصعد مروان السلم ومعه نور وكريم وياسمين

يفتح باب الغرفه تقترب نور من السرير

نور : مارميرو

ياسمين : العاقله اللى فينا

كريم : لو مصحتيش انتي عارفه انا بصحيكى ازاي

اميرة : بنوم مروان بس

نور : مروان مين انا لمبتك قومي

تفتح اميرة عينيها بضيق ما قبل ان تكمل كلامها بتساع عينيها تدعكهما

اميره : انتم بجد مش بحلم

كريم : غالبا بتحلمى

اميره وحشتونى تعانقهم كلهم ايه المفاجأه دي

ياسمين : هو فى غيرو بتاع المفاجات

تنظر اميرة لمروان بحب تقف وتضع ايدها على خده وتضمه شكرا

مروان تعالى بقى عشان نطفي الشمع ونقولهم

اميره : بحماس يلا

ينزلون من السلم تجرى اميرة على الاب والأم وتضمهم

مروان : ممكن كلنا نقف على السفره

ياسمين : يلا

يقفون على السفرا

اميره : مش ملاحظين حاجة

خالد : خير

اميرة فى بيبهين مش بيبي واحد

فريدة : بذهول بجد

اميره :اه والله

كريم :. احلفي

اميرة والله

ياسمين. اخيرا. الله نفسى اوي بجد يبقى ليا توأم

يضمها كلهم بشده ويقومو. بمباركتها وسط سعادة وفرح من الجميع

وتعدي الساعات ويقضيان وقت سعيد عائلة ودفا

فكان شرط مروان ان اميرة تشاهده خارج المكان الذى يجلسان فيه خوفا ان احد يعرف مكانه

شقه اسكندريه ٥م

يجلس مروان فى البلكونه المطله على البحر. وبعد قليل تدخل اميره وهى تحمل صنيه بها فنجان قهوة. وكوب لبن وتحت بطها البوم صور عند دخولها البلكون تقوم بالنداء على مروان

اميرة : حبيبى ممكن تاخد منى

يتلفت مروان لها بسرعه ويقف ويأخذ منها صينيه

مروان : تسلم ايدك يا حبيبى

تجلس بجانبه وتنظر لها.

اميرة : بص لقيت ايه

مروان: يييا لقيتيه فين

اميره :ا لاوضه بتعت والدك وولدتك. انت عارف انا فضولية فدخلت اتفرج عليها لقيت صندق فتحته لقيت ده. ولقيت ده كمان تطلع من جيب بيجاما شارب بيبى

اميره : بتاعك

مروان : اممم

اميره : جميل. ممكن احتفظ بيه

مروان : الشقة وصاحب الشقة تحت امرك

اميره : تعالى بقى فرجنى على صور فى ناس كتير معرفهاش ماكنوش بالالبوم اللى فرجتنى عليه

مروان. تعالى

تسند اميره راسها على كتف مروان يقومان بمشاهدة الصور ونرى مروان وهو يقوم بتحدث معها ويعرفها من بالألبوم ثم جت احد الصور

اميرة : ودى مين

مروان : ريهام

اميره : كانت محجبه. شكلها محترم متجوزتهاش ليه اصلا قعدتم قد ايه

مروان حوالي ٧شهور

اميره : ليه سبتو بعض

مروان :لانها كانت عايزانا نتجوز وانا مكنتش عايز اشيل مسؤليه زي دى كانت عندى اهداف تانيه اهمها اخد ماجستير وافتح عيادة باسمي

اميره : كنت عايز تركنها جنبك سنين

مروان : ايه المشكله منا علاقتي بيها كانت جديه مش بلعب

اميره : بس لازم كل فتره تاخد خطوة

مروان : مكنتش بفكر كدا وقتها

اميره ينهار ده انت مكنتش انت وقتها مش مروان اللى قصادى ده

مروان : وكنت وقتها صغير يا اميرة معنديش حد ينصحنى. ويزين صوتى من دماغى كنت شايف الحياه من اتجاه واحد هدف واحد الواحد كل ما بيكبر بتختلف الحياه بعينه حكمه على الأمور بتختلف حتى الأهداف

اميره : مظبوط بس انا كدا اتشجع فى امل

مروان : امل فى ايه

اميرة : انى هعقل لما اوصل لسنك وابقى ست كومل

مروان هههه لا انتي مستحيل تتغيرى. انتى هتفضلي مجنونه وطق لحد متكملي ١٠٠سنه

اميره للدرجة دي

مروان دى حقيقه بعدين انا عايزك كدا تفضلي كدا طول العمر بشقوتك وجنانك وعنادك

اميرة تقترب منه ثم تقترب من اذنه بحبك

مروان ييييا بقالك كتير اوي معملتيش الحركه دي

اميره هعملهالك على طول

مروان : وعد

اميرة : وعد

يضمها مروان الى صدره ويقبلها من جبينها قبله طويله

مركز د مروان ٢م

الكافتيريا

تجلس نور وحمزه على أحد الترابيزات يشربون شاى ويتحدثون ثم تقترب منهم شهد

شهد عاملين ايه

حمزة : تمام اقعدي

شهد تجلس كلمتو اميرة

نور اه الحمد الله كويسة

شهد: ما هى كلمتنى بس ما قلتش هى فين بصراحه احسن خلى بقى الزفت اللي بيعمل كدا يتهد

نور :احنا لازم نتعاون وندور عليه هو حد قريب

شهد : انا شكه بالخدامين

حمزه : نفس تفكيرنا بس عرفنا انها مشتهم مافضلش إلا فاطمة ودي دادا مروان من وهو ببطن امه يعني مستحيل

شهد :لا بلاش نستبعد حد كلهم تحت النظر

نور : مظبوط

شهد : طب هنعمل ايه

نور : اول حاجه لازم ندور ورا اللى مسح الرسالة نشوف كاميرات المراقبة تانى مش بس عند اميرة لا بكل مكان اميرة دخلت فيه اللاب

شهد : صح لان ممكن تكون كانت بأي مكتب حد فينا ولا فى القاعه واستغل ان اميرة مشغولة ومسحها

نبدأ امتى

نور : اميره تكلمنى تاني وتسألي مروان على اليوم اللي المهندس قاله

شهد تقصدى يوم المسح

نور اه

شهد ماشى. نور امانه خليني معاكي انا نفسى اساعد اميرة انا مدينالها بحجات كتيرة نفسى اعملها حاجه زى ما عملت معايا

حمزه : متخفيش يا شهد احنا محتجين بعض اميرة محتاجة لكل واحد بيحبها يقف معها

البيت البحرى ٥م

تدخل اميرة البيت وتقف براسبشن ثم ترفع نقابها ويبدو على ملامحها الارهاق

اميره : بمزح تصدق انا مش عايزه اشفهم تانى مالو الفيديو

مروان : عارف اني تعبتك بس انتى عارفه وفاهمه

اميره : عارفة تمسك ايده بطل انت تبقى متوتر كدا وقلقان كدا

مروان : مش هرتاح لحد ما اشوفه بالسجن

تطبطب اميرة على كتفه وتضمه الى. حضنها

بعد مرور شهرين

البيت البحرى ٧م

نرى اميرة ومروان يجلسان بجانب بعضهم على الكنبه وهما يشاهدان التلفزيون على احد الافلام العربيه القديمة وهما يأكلان سندوتشات ماك و كانت بطن اميرة عليت فهي الآن بالشهر الخامس واثناء تناولها تنظر لمروان

اميره : بزهق. مروان انا زهقانه

مروان :. تاجى نخرج

أميره : هنروح فين

مروان : اى مكان تحبيه

اميره : مروان احنا لازم ننزل مصر

مروان: اميره احنا اتفقنا

اميره : اتفقنا اننا هنقعد شويه مش عمرنا كله هنفضل هربانين من. وهم

مروان : لا مش وهم هو موجود وقريب جدا كمان

أميره : ماشى بس مش هنفضل طول عمرنا خايفين وهربانين كدا. بعدين انا زهقت

مروان : منا عمال اتحايل عليكى نسافر

اميره : مش هاهاجر يا مروان. انا مش هسيب اهلي واصحابي وذكرياتى. بعدين انا مستحيل اوصله اننا خايفين اوى كدا منه

مروان : اميرة انا خايف عليكى. وخايف على الولاد.

أميره : انا كمان مش هنكر اني خايفة بس الهروب مش حل احنا لينا حياتنا اهلنا أصحابنا شغلنا

مروان : زهقتي مني

اميره : انت عارف انه انا لو هعيش عمرى كله اصحى وأنام ومشفش غيرك. ده اسعد شىء بالنسبة ليا. بس دلوقتى الدنيا اختلفت فى اطفال جابين انت كمان سايب شغلك وحياتك لازم نرجع. بعدين انا بقيت فى الخامس محتاجة ماما جنبى محتاجين نبدأ نشترى لوازم البيبى و المناقشه بتعتى كمان عشر ايام محتاجة احضر لها ومحتاجك جنبى محتاج تدربنى على المناقشه وعلى أي سؤال ممكن يتسألي

مروان : بحيره مش عارف

اميره : بص انت زود الجاردات وانا أوعدك وعد شرف. واقسملك انى مش هحكي أي حاجه تاني حتى نور وماما

ولا هروح اى مكان الا معاك وبعلمك. تمسك ايده عشان خاطرى يا مروان لازم نرجع ونعيش حياتنا طبيعي بعدين احنا لازم نوصل ليه.... وجودنا هنا مش هيوصلنا ليه

مروان : حبيبتى انا هنا معاكى بس مش ساكت. انا بدور ومش هبطل غير لما اوصل انا مش عايز بس اشغلك وأوجع دماغك انا محتاج منك تركزي بصحتك وصحة البيبى وبس

اميره : حاضر. ها. هتعمل ايه

مروان :حاضر يا اميرة هعملك اللى انتي عايزاه انا مقدرش على زعلك

اميره : تقترب منه وتضمه بحب وتقبله من خده عدد قبلات

روحى انت والله العظيم

مروان :بس هيبقى فى شروط لازم تلتزمي بيها

اميره :حاضر

تقبله من خده ثم تاخذ بطاطسيه وتطعمها له

بحبك ثم تضمه

وبالفعل ينزل مروان واميرة القاهره

خلال عشر ايام نرى اميرة وهي تقوم بالتحضير والمذاكره للمناقشة و نرى مروان وهو يساعدها ويقوم بتدريبها على المناقشة

بعد مرور عشر ايام

احدى القاعات فى الجامعة ١١ص

نرى مظاهر احتفال بلونات وبانر كبير. عليه اسم اميرة وصورتها......

جميع اسرة اميرة وأصدقائها ومروان يجلسون على كراسى. وعلى وجههم السعاده وخصوصا مروان ...

ثم نرى اميرة تقف على الاستيدج تقوم بمناقشة رسالة الدكتوراه مع لجنة الاشراف وبعد الانتهاء

يقف الجميع.

احد الدكاترة تم منح الطالبة اميرة خالد الشريف. شهادة الدكتوراه بتقدير امتياز مع مرتبة الشرف .....

فرحة من الجميع. وتصفيق حار يذهب مروان بسرعة عليها ويضمها بشده ويقبلها من وجهها عدد قبلات ثم يأخذ راسها الى صدره ثم ينظر لها يقبلها من جبينها ويضمها مره تانية تقترب منهم فريدة وخالد

فريدة : ممكن أبارك لبنتي

مروان : اه طبعا اسف

تقوم اميرة بمعناقة الأم. ثم الأب ثم اخواتها ثم أصدقائها

بعد انتهاء الحفل يأخذ مروان اميرة الى اليخت

اليخت على النيل ٦م

اميره : ليه جبتنى هنا. انا بصراحة عايزة اروح تعبت بقالي يومين منمتش. فرحانة اوي تقف تنظر له بسعادة مروان. بقيت دكتور زيك مش لقب بس بجد.. اخيرا

تنط فرحانه اوي

مروان : بخوف بس بس بلاش هبل اهدى

اميره :متخفش عليا. يييا بجد شكرا لولاك مكنش كل ده حصل الفضل ليك يا حبيبي بعد ربنا

مروان : انا وعدتك مش هسيبك غير وانتى احسن وأشهر منى

اميره :تضع ايدها على خده. انا بحبك اوي اوي يا عمري

مروان : وانا بعشقك تعالي بقى. يسيران قليلا ثم يقوم مروان بربط اسكارف على عينين اميرة

اميره: ليه كدا

مروان: هتعرفي حالا

عندما تدخل اميرة ويصعدو سطح اليخت. نرى مظاهر احتفال جميلة و ورد وبلونات وصورة اميرة بالروب

وجميع الأصدقاء والأهل. وتورته كبيره عليها صورتها ومكتوب فيها الف مبروك. يا صغنن

يشيل مروان الاسكارف من على عينيها تنظر اميرة لم تصدق ....بفرحة شديدة

اميرة : ايه ده بجد انتم مش روحتوا

نور : ايه رأيك صدقتي... صح اننا اندال.

حمزه : الفكره دي. سيناريو. واخراج دكتور مروان عزت

كريم : احنا كنا بنسمع الكلام بس

تنظر اميره لمروان بفرح وعيون بها دموع. وتضمه بشده وتقبله من خده

ياسمين : تعالي طفي الشمعة

فريده : اتمنى أمنية

اميرة : اتمنيت...ثم تطفىء الشمع

حمزه : ها اتمنيتى ايه

اميرة : انكم تفضلوا بحياتى لاخر يوم بعمري بجد انا مش ببقى سعيدة غير وانتم معايا. كلكم عارفين هى دي الحياة اللى بتمناها. اننا كلنا نبقى سوى وسعداء عائلة واحدة

كريم : ان شاء الله يا حبيبتى

وبالفعل يقضون اجمل الساعات مع بعضهم وسط سعاده وفرحة وحب. فامروان يحاول بجميع الطرق ان يسعد اميرة ان يعوضها عن كل شى كل حزن مرت بيه يريد ان يحقق لها جميع احلامها التى دونتها بمذكراتها

شقه منير ٥م

يقف مروان ومنير فى البلكونة يشربان الشاي

منير. بس اللى عملته صح. ماكنتش عايزك ترجع

مروان : اميرة زهقت

منير : احنا لازم نعمل حاجة احنا عمالين نتفرج وهو عمال يضحك علينا

مروان : انا بعد اللى حصل آخر مره قولت لازم اخدها وأبعد وأفكر بهدوء أهم شىء ابعدها عن أى خطر عشان كدا مرضتش اقول لحد مكانا ، سمعت كلامك. فعلا اكيد الشخص ده مراقب تليفونا أنا كنت عامل زى المفتش كرمبو

منير :بصراحة حالتك كانت غريبة خفت عليك يا صاحبي كنت هالحقك على البيت رنيت عليك كذا مرة وانت ما ردتش

عرفت مين اللى حطلك الحبوب

مروان : لأ خايف اتهم حد وأشيل ذنبهم الطقم كله اقل واحد شغال من ٧سنين. مش عارف اعمل ايه للأسف مافيش اي كاميرات بلمطبخ

منير : انا ركبت بنفس اليوم كاميرات وماقولتش لحد. وفضلت اسأل بطريقة غير مباشرة حد جه هنا غريب دكاتره بتاجى تاخد حاجه من هنا سألت عم مختار انت عارف معانا من ١٥سنه. وعارف كل واحد

مروان : وقالك ايه ...

ينظر منير له باسف وضيق

مروان : عموما خطوه كويسة

منير : الحمد الله يومها. اخرك زعقت لهبه وزقتني

مروان : الحمد الله

منير : كويس بردو اول مروحت اغمى عليك ده لو كنت بوعيك كنت ممكن تعمل اى حاجة لاميرة

مروان : امم .. ربنا يعدي الأيام الجاية على خير

منير : يطبطب على ظهره ماتخفش انا جنبك وبظهرك

مروان : ربنا يخليك ليا يا حبيبى طول عمرنا اخوات ياصاحب عمري

أماكن مختلفة اوقات متفرقة

(مشاهد سريعة خلال شهرين)

نرى مروان واميره وهما يقومو بشراء ملابس البيبى. فكان يبدو على ملامح وجوههم السعاده والفرحة وخصوصا مروان فنحن نعلم ان هؤلاء الاطفال هما كل شيء بالنسبة له فهما عائلته التى كان يتمناها فكان يريد ان يشترى كل شيء لهما

فيلا مروان واميرة ١٠م

نرى مروان جالس فى هول الفيلا على الكنبه وهو يقرأ احد الكتب وبعد قليل تفتح اميرة باب الفيلا بالمفتاح و كانت تحمل بايدها اكياس عندما يراها مروان يقف لاستقبالها ويذهب اليها ويحمل الاكياس عنها.

مروان : حمد الله على السلامة يا حبيبتى. يقبلها من جبينها

أميرة : الله يسلمك اوعى تكون أكلت... جبت أكل معايا

مروان : ده كلام مستنيكى يا روحي

اميرة : ماشى تعال معايا أغير هدومى. ووريك اشتريت ايه لادم وزياد.

مروان : ماشى بس انا هوريكي حاجة الأول

اميرة : ايه

مروان : تعالى بس

يمسك ايدها ويسندها من ظهرها

ويصعدا السلم يصلا الى الغرفة المجاورة الى غرفة نومهم. ثم يطلب مروان من اميرة ان تغمض عينيها وبالفعل تغمض اميرة عينيها.... يفتح مروان الغرفة فكان مروان محضر لها مفاجأة فقد قام بشراء غرفة أطفال وتحضيرها فنرى غرفة أطفال متكاملة فى منتهى الجمال. سريرين اطفال. وتزين الغرفة بالالعاب والصور تفتح اميرة عينيها باتساع

اميرة بفرحة : الله حلوة اوي عملتها امتى

تدخل الغرفة وتنظر بعينيها اللى جمالها ثم تنظر لمروان بجد تحفة اوي ده انت منستش حاجة

مروان : عجبتك

اميره : اوي يا قلبي

مروان : فى حاجة كمان عملتها

اميره : ايه هي

مروان: تعال يمسك ايدها ويدخلوا غرفتهم تجد سرير ا

أطفال لكن كبير قليلا

مروان :قولت اجيب سرير هنا بردو عشان متأكد اننا مش هنقدر نخليهم يناموا بعيد عننا

اميره : فعلا حلو اوي يا مارو جميلة الشخليل دي هقعد ألعب بيها

مروان بضحك : منا جيبهالك انتى

اميره : هههه رخم. تضمه. ربنا يخليك ليا يا روحى لا ربنا يخليك لينا محنا بقينا ثلاثة

مروان : احلى ثلاثة فى العالم. انتم كل عالمي يقبلها من جبينها ويضمها الى قلبه

كوبرى قصر النيل منتصف الليل ٣ص

اجواء شتوية هدوء يعم المكان والظلام ايضا لكن يضاء الكوبري بالانوار والكشافات ثم نرى مروان واميرة يجلسان على احد الكراسى امام بعضهم و بجانبهم نار مشتعله ويرتدون ملابس شتويه. وتقوم اميرة بأكل بطاطا

اميره : شوف لو انا مجنونه وبدلع فا انت بقى. اجن مني بقى اانا قولتلك مروان نفسي في بطاطا على النيل والجو بيشتى ونار جنبنا تروح تقولي يلا. يعنى لو قولتلك عايزة اكل زلابيا على شاطئ اسكندريه كنت هتعملها

مروان : طبعا طلباتك أوامر يا ست ميرو انت ما عليكى الا تحلمي وانا انفذ بعدين انا قولتلك انا هدلعك بس

اميرة : ايوه دلعني بس. افتح بقك. تطعمه حته

مروان : بعشقك يا اميرة يمسك ايدها و يقبلها منها. بعشقك وبعشق كل حاجه فيكي عايز افضل بصصلك كدا على طول يمكن أشبع منك كل ما ببصلك وببص لبطنك. بحس بسعادة لو اتوزعت على العالم اكيد كل الشر هينتهي

اميره : تضع ايدها على خده. وانا الله العظيم بحبك اوي اوي وبموت فيك وبعشق حتى التراب اللى بتمشي عليه بحبك يا دكتور ياللي بسبب حلقة منك غيرت كل حياتي وكل اهدافي

بحبك بحبك بصوت عالي جدا بحبببببك يشدها مروان عليه ويضمها ويقبلها من خدها

مركز د/مروان ١٠ص

مكتب مروان

مروان يجلس على كرسي مكتبه وهو يرتدى بدلة أنيقة وتجلس امامه فتاة جميلة شعرها أصفر. ترتدى جيب قصيرة وعليها بلوزة كات تتحدث مع مروان باللهجة اللبنانية

مايا : دكتور مروان عن چد. حضرتك بتاخد العقل عنا بلاچبال كتير كتير بيحبوك. چيت من قبل عل بيروت

مروان : اه مرتين

مايا : ان شاء الله بتيچى مرة تانية

مروان : ان شاء الله.

مايا : خلص بخبرك بموعد البرنامچ هلا لازم روح تقف كتير كتير. انبسط بشوفتك والحديث معك

يقف مروان ويقترب منها لكي يوصلها الى الباب

مروان : انا أسعد

تطرق أميرة الباب وتدخل تنظر اميرة لمايا. من فوق لتحت بعينيها. ثم تقترب

اميرة : صباح الخير

مايا : اهلين.... صحيح دكتور مروان انت متچوز

اميره : بغيرة اه متجوز و وهيبقى أب مشفتيش الفرح على سوشيال ميديا

مايا : لا

اميره : خساره ابقى ادخلي على يوتيوب وتفرجى عليه

مايا : بشوف ليش لا

اميره : برفعت حاجب ..اه اتفرجى ده حتى كلها شهرين والدكتور يبقى ابو زياد

مايا : ابو زياد

اميره : بسخريه وغيره اي عنا لما الرچال بيتچوز ويخلف بيقولوله أبو محمد ابو احمد ابو اسماعيل هو بقى ابو زياد

مايا :والله چد ، مهضومة كتير مين هاي المهضومة

اميرة : حبيبتى والله عارفة اني مهضومه ، ده حتى هو بيموت بهضمتى انا ام زياد

مايا : شو

اميرة : سخريه .. ايه السمع مالو.... ام زياد. المودام يا حبيبتى تضع ايدها على بطنها مش شايفه ولا ايه

مايا :والله ماشا الله يادكتور مرتك كتير مهضومة وحلوة

اميره : ربنا يخليكي عارفة

مروان: طب مايا نبقى نتكلم بقى

مايا : خلص ان شاء سلام. كتير انبسط انى اتعرف عليكي يا ام زياد

تنظر اميرة وتضحك لها ضحكه رخمه تخرج مايا وتغلق الباب خلفها تنظر اميرة لمروان برفعت حاجب

أميره : مين اللى شبه عصاية المقشه اللي. شعرها نصه طاير دي

مروان : ههههههه دي شبه عصاية المقشه بردو

اميره : اه المقشة احلى كمان

مروان : ههههههههههههه مجنونه

اميره : بتضحك ليه

مروان : بحب اتفرج عليكي وانتى غيرانه كدا.

يحاوط ذراعيه حول خصرها وبحب و رومنسيه ... لازم تعرفي حاجه واحدة انك حبيبتى ومراتى وام اولادى. وان عيني عمرها متقدر تشوف غيرك. ولا فى أي ست تملى عيني غيرك

اميرة : امممم ثبتتنى انت كدا... فجأة تقوم وتدوس على قدمه بقوة

مروان :اااه ليه كدا

اميره : عشان تبقى تضحكلها حلو والضحكة تبقى من هنا لهنا

مروان : مفترية والله يشدها عليه يعض على شفايفه. بحبك بردو

المقطم ١١م

سياره شرين

تجلس شرين فى سيارتها تنظر لأحد يبدو عليها التوتر بعد قليل يقترب شاب. ثم يفتح الباب

شرين بخضه ايه ده

الشاب : مالك يا أبله لا اجمدي مش عايز قلبك يبقى ضعيف

شرين : انا عمر ما كان قلبي ضعيف

الشاب : ماشى يا شرس

شرين : فين الحاجة

يخرج الشاب علبه دواء ويعطيها لها تمد ايدها لتاخذه

شاب : لا الفلوس الأول

تنظر له شريم بضيق تفتح حقيبة ايدها وتطلع مبلغ من المال وتعطيه له

شرين: اتفضل

الشاب :تسلمي خدي بالك حباية واحده باليوم اكتر من كدا. هنقرأ الفاتحة

شرين : مفهوم اتكل انت

الشاب : معايا صنف من الاخر يخليكى طايره بسما

شرين: لا مش عايزة

شاب : انا فى الخدمة

ينزل الشاب. تفتح شرين العلبة ترى حبوب وتبتسم وتسوق سيارتها. ثم تتصل بحنين

شرين : انتى فين. طب لازم اقبلك بكره أنا جبتلك الحاجة ماشي نفس المكان. سلام

فيلا مروان واميرة ٢ص

غرفة اميرة ومروان

نرى مروان نائم على ظهره وتنام اميرة على صدره لكن مفتحه عينيها ثم تعدل نفسها تنام على جنبها ثم على بطنها تبتعد عن مروان وتنام على جنبها تلف على جنبها الاخر بزهق

مروان : بنوم بطلي فرك ونامي

اميره : مش عايزه انام

تعدل نفسها وتنام على جنبها وتعطيه ظهرها

مروان: جربى بس نامى اقرأي قرآن و نامي

أميره : مش عايزه انام

مروان : بنوم قومى اتفرجي على التلفزيون

اميرة : زهقت مافيش حاجة حلوة

مروان : العبي ببجي

اميرة : لسه مخلصة

مروان : كلمي نور اى حد

اميرة : كلهم نامو

يقترب مروان منها ويعانقها من الخلف وياخدها بخضنه ويقبلها من راسها.

مروان : يلا نامي

اميرة : لا قوم انت اقعد معايا

مروان : يا حبيبى عندي اجتماع 8 الصبح عايز انام كويس

تلتفت له وترفع نفسها قليلا

اميره : ماليش دعوة انا وإلا الاجتماع

مروان : بطلى دلع مش هينفع تدلعي النهارده

اميرة : اوففف طب متكلمنيش تاني ويلا قوم نام على الكنبه تخبطه على كتفه قوم بقا مش هنام جنبك امشي على كنبتك يلا قوم

يقوم مروان ويجلس

مروان : عايزة ايه

اميرة : اقعد معايا

مروان : حرام عليكى والله العظيم اللى بتعمليه ده نفسي انام ٥ ساعات على بعض طبعا الهانم اجازه بتنامي طول النهار وتصحصحى بليل

اميرة : اخص عليك كدا طب زعلت وبجد امال فين امرك يا ست ميرو. وهدلعك لو مش انا اللى ادلعك يبقى مين. يا كداب

مروان : ما هو يا ميرو مش معقول طول ٧ شهور ونص. اللى فاتو تصحيني الفجر. حرام عليكي محتاج اجازة يوم

اميره : خدها أى يوم تاني النهاردة لا

مروان : حاضر اديني قومت ها مخططة لايه وحيات ابوكي يا شيخه ما تطلبيش حاجة خارج حدود الفيلا والله ولا قادر البس ولا اسوق

اميرة : لا انا بردو مش قادرة اعملك نسكافيه يصحصحك

مروان : لا ها يلا ..هنام منك

اميرة : ادينى فرصة افكر.. يا ستار

مروان : طب هخطف حلم سريع لحد ماتشوفي

اميرة : لا خلاص تعال نعمل كيكة

مروان : دلوقت

اميرة : اه يلا

مروان : اتفضلي... اه يا كريم قولتلي بس انا مصدقتكش

اميره : بتقول حاجة يا حبيبي

مروان :لا يا روحى. بقول بحبك

اميرة : وانا كمان باموت فيك

المطبخ

اميرة : يلا مارس موهبتك

مروان : لا هتعمليها معايا. هعلمك

اميرة : موافقة جدا أجبلك الدقيق

مروان : تانى ما بلاش

اميرة : هجيبه

تفتح اميرة الرف. تجد الدقيق

اميرة خسارة طلع قريب

مروان : يلا هاتى البيض تجلب اميرة البيض من الثلاجة

يقف مروان خلفها ويمسك ايدها وهى تخفق البيض. ويخفقه معها مع النظرات و ابتسامه كل منهم ثم احضر الدقيق ووضعه مع البيض والفانيليا

لكن اثناء تحضير مروان لقالب الكيك تضحك اميرة عليه

مروان : بتضحكى ليه

لا تجيبه وتستمر بالضحك

ينظر مروان بهاتفه يجد دقيق على خده

مروان : كدا طب أهو

يقوم برش عليها ثم تقوم اميرة بالرش عليه يتبادلان رش الدقيق على بعض وسط الضحكات العالية والفرحة والسعادة

وبعد قليل يظهر مروان واميرة و الدقيق يملأهم فقد اختفت ملامحهم من كتر الدقيق الذي عليهم

مروان : خلاص خلاص استسلمت يمسك ايدها بس خلاص رفعت الراية يأخذها الى حضنه

غرفة النوم

يجلس مروان واميرة على السرير بعد تغيير ملابسهم وأخذ حمام وكان على السرير صينية بها كيك وشاي

مروان : فاطمه هتصحى ترجمنا

اميره : انا هعمل نفسى شجرة ههههههههههههههه

مروان : ههههههههه سبينى ادوق الكيك عشان اشوف حلو وإلا...

اميرة : انت اللى عامله

مروان : تؤ انتي انا كنت بباشر بس ...يأخذ قطعة... اممم جميل

أميرة : بجد

مروان : افتحى بوقك يطعمها.

اميرة : تصدق اه فعلا جميلة و سكرها حلو اوي.. تسلم ايدي هى بقت كام

مروان : ٤

اميرة : اوف هتنام

مروان : لا خلاص بقى هستنى الفجر نصلي سوا .بعدين نقعد شوية والبس وأنزل

أميرة : ماشى.... انت دلوقتي كرهني

مروان : بتعجب كارهك

اميرة : امم عشان صحيتك

مروان : أهم حاجة عندي هي راحتك مادام انتي مرتاحة خلاص

اميرة : بذمتك لو كنت اتجوزت واحدة تانية مش كان زمانك حياتك معها باردة مفهاش اي أكشن ولا كان ألفتلك اغاني ولا ضحكتك زيي

مروان :ولا صحتني الفجر. عشان أعملها كيكة

اميرة : كانت ٢على فكرة

مروان : تفرق طبعا

اميرة : ايوه طبعا ههههههه مارو ماتزعلش مني

مروان : انتى مجنونه ازعل منك.....ده أنا بموت فيكي

تقترب منه ثم تقترب من أذنه بحبك يبتسم مروان لها ويقبلها من أيدها ثم ينظر لها ويتبادلان النظرات. ثم يأخذ مروان الصينية ويضعها على الكومودينه

أميرة : هتعمل ايه لسه عايزه اكل

مروان : بعدين هشرحلك طريقة كيكة احلى

يقترب منها يلامس وجهها بأطراف اصابعه بحب و عشق ويتبادلان النظرات ثم يقبلها مروان من ايدها ثم خدها ثم من شفايفها لكن سريعا تبتعد اميره عنه

اميره : مروان. استنى استنى مش هينفع

مروان : ايه اللى مش هينفع متهزاريش

اميره : تعبانه والله مش هقدر

مروان : انتى وحشتينى اوى انتى عارفه بقالى كام يوم بعيد عنك ٢٣يوم ونص

برغم اشتياق اميره القوى له لكنها كانت لا تقدر على فعل اى شئ كانت تنظر له وهو يتحدث بشتياق كاد ان يخرج من قلبها فهى تريده اكثر منه كانت تنظر الى عضلاته المفتوله التى. كبرت عن ما سبق على شفافيه الى وجهه بكل اشتياق لكنها لا تقدر. فنحن نعلم انها تحمل فى احشائها طفلين. فتكمل حديثها وبداخلها. نار. تشتعل. لكنها تخفيها

اميره : باسف واستياء انا اسفه

مروان : يتنهد يارب تولدى بسرعه بقى عشان انا خلصت

تنظر له اميره بابتسامه. وتقبله من خده وتنام على صدره

جامعه القاهرة ٢ م

مكتب مروان

يجلس مروان على الكنبه ويرجع رأسه للخلف ومغمض عينيه ...بعد قليل يدخل عليه منير ويجلس بكرسى بجانبه ويضع ايده على قدمه

منير: نايم كدا ليه

مروان : مابنمش كويس. والله يا منير

منير : فعلا شكلك مرهق جدا. انت اللي عامل بنفسك كدا

مروان : اعمل ايه طيب اقولها لا

منير : لا بس مش كل حاجة ماشي.. حاضر .. اكيد نص اللي بتعمله دلع مافيش واحدة بتتوحم ٧ شهور ونص

مروان : عارف ان المعظم دلع. انا ببقى عارف امتى. بتدلع وامتى بجد ، بس لازم يا منير ادلعها واعملها كل حاجة عايزاها .. كفاية اللي شافته الفترة اللي حبتنى فيها وكنت بعيد ولا حاسس بيها ، والفترة اللي والدها كان ضاغط عليها و المجهول اللى بيطاردنا ، اميرة تعبت كتير وقاست اكتر. لازم اعوضها. مش هموت لما أصحى بالليل. اعملها حاجة عايزاها ولا اسبها تدلع شوية عليا ، صدقنى يا منير انا بكون سعيد ومبسوط ومش بضايق ابدا وهى بتعمل كدا. اقولك في أيام كانت ما بتطلبش حاجة انا بعمل من نفسي

منير : ربنا يخليكم لبعض هي فاضلها كدا .شهر ونص

مروان : اه

منير : ان شاء الله تقوم بالسلامة وتفرح بي البيبي

انت كمان تستاهل كل خير يا صاحبي

فيلا مروان واميرة ٨م

تجلس اميره على السرير تقرأ كتاب ثم يخرج مروان من الحمام وهو لافف فوطة حولين خصره فقط ....عندما تراه اميرة ترفع عينيها وتنظر له باعجاب واشتياق نظرات كلها اثارة ورغبةثم تقف وتقترب منه وتقف امامه وهو يقف امام الدولاب يخرج ملابسه

اميره : اسفه يا حبيبى انسجمت بالكتاب نسيت اطلعلك لبس

مروان: ولا يهمك انا بطلع اهو

تقرب له أكثر مع ملامسة كتفه باطراف اصابعها

اميره : بمزح ودلع .. مصلحة ولا مروحة

مروان : ههههههه ايه

اميره : ثم تمرر اصابعها على صدره حتى بطنه

عضلاتك كبرت شوية شويتين مع انك مكنتش محتاج جسمك كان جميل

مروان: اه منا زودت تمرين وعليت الدمبل

اميره : ليه

مروان : كدا أحسن. ولا ايه

اميره: باثارة.. بصراحة أحسن اوى اوى. هو انت ليه ما بتلبسش بالحمام عايز تغريني

مروان باستغراب : اغريكي

اميره : امممم عشان انت بقى عندك عضلات وسكس بكس جامدة وانا كورة ههه يلا روح البس بسرعة بدل ماتصحى تلاقي شعرك منعكش

مروان : يلف ايده حولين خصرها يقربها منه اكثر. لو النعكشه على ايدك فانا احب اوي

تنظر اميرة له وتقف على قدميه وتشب

مروان : هتعملي ايه

اميره : هنعكشلك شعرك تقبله من شفايفه بحب وشوق ثم يتبادلان القبلات الساخنة. ..ووو

وبعد وقت نرى اميرةومروان على السرير مغطيين أجسامهم بالغطاء وتنام اميرة على صدره

مروان : عجبنى الهرمونات اللى اشتغلت دي خليكي كدا على طول بلاش هرمونات بتعت ٣/٤ الفجر ...

عايزه كيكه ..عايزه كشرى.. عايزه اكل حمص الشام على النيل.. لا.. ولازم على النيل.

اميره : والبطاطا

مروان : اه ههههه جننتينى الكام شهر اللى فاتو. انا باسمع الوحم بيقعد شهر اتنين انتي من اول ماعرفتى انك حامل وانتي بتتوحمى. نصهم كذب و نصب ....صح

اميرة : اكيد ههههه

مروان : يعض بشفايفه أكيد زغزغها مروان من جانبها

اميرة : بس لحسن احرمك من الهرمونات دي وأشغلك التانية

مروان بمزح : انا اسف يا ست ميرو

اميره : ايو كدا رجاله ما بتجيش غير بالعين الحمرا

يضحكان سوا

بعد مرور أشهر الحمل

اليوم الموعود (الولادة )

فيلا مروان واميره ٨م

هول الفيلا

تجلس اميرة ومروان على الكنبه.... تنام اميرة على صدر مروان. يحاوط مروان ذراعيه علي رقبة اميرة و تشبك اميرة اصابع ايدها بايد مروان التى يلفها على رقبتها ، ويد مروان الاخرى على بطنها وايد اميرة الاخره فوقها

كما كانت تجلس فريدة ونور معهم. ويبدو على ملامح الكل التوتر والخوف بعد قليل تقترب فريدة من اميرة

فريدة : اميرة مش حاسة بحاجة

اميرة : تؤ

فريدة : مغص وجع. اي حاجة

امبره : هههههه والمصحف لا هخبى عليكم ليه بعدين وسع كدا انت.

تعدل نفسها قليلا انا حاسة انكم قاعدين بعزا فى ايه انا. المفروض هبقى مامي كمان ساعه وإلا اتنين ثلاثه هههههه على حسب الفرج

ههههههههه

نور : بجدية ..بت انتي انتي واخدة الموضوع بهزار ليه. عارفه لو جه الظهر ومحصلكيش طلق هتولدي قيصري

اميرة :ماشى هعمل. ايه ربنا عايز كدا. اموت نفسي

نور:. هو طبعا لو قمت ضربتها قصادك هتزعل

مروان : لا لالا ارجوكي قومي اضربي عشان لو انا اللى عملتها هتولد عن المأذون

فريدة: يا بنتي اعقلي

اميرة : اعملكم ايه ، ايه المطلوب انام على صدره تاني وأفضل قعده مستكينه وأحط ايدي على خدي وأعيط

فريده : لا طبعا .... عجبني هدوئك لكن اهدي واعقلي

اميره : حاضر. انت مش عايز تقول حاجه انت كمان

مروان : لا خلينى ساكت احسن

نور : اميرة

اميرة : بقولك ايه انزلى من على المسرح واسكتي بقولكم ايه هى العصبيه احيانا بتخلي الوحدة يجلها طلق مظبوط

مروان : طبعا واخده المعلومة من الفيلم الهندى اللى شفتيه امبارح

اميرة : بالظبط

فريدة : يعنى احيانا

اميره : حلو مروان استفزني

مروان :باستغراب اعمل ايه

اميره : استفزنى اعمل اي حاجة من اللى بتعصبني

مروان : بجدية اعقلي

اميره : بعصبية وانت شيفنى مجنونه ان شاء الله ولا ايه.

محصلش حاجه استنى هقف و أعلى الاداء.

مروان : ،هههههه هتقعدى وتعقلى وإلا لا ؟،

اميره : بعصبيه مش هعقل بقى وبراحتي بقا. استنى كدا. تتغير ملامح وجهها باتتساع عينيها

مروان :مالك

أميرة : معلومات الافلام نفعت شكلها فى نغزة تصمت قليلا مروان الحقني ااااااه

مروان يقف ...وبقلق ... أميرة

يجرى مروان عليها ويسندها ثم يقوم بحملها ويخرج بها خارج الفيلا وخلفهم فريدة ونور

قامت فريدة بالاتصال بخالد لتبليغه الخبر

المستشفى ١٠م

غرفه العمليات

نشاهد اميرة نايمة على السرير ومروان بجانبها يمسك ايدها مع الاستماع لصرخات اميرة ودموعها. كان مروان يحاول تهدئتها وعيونه تملأها الدموع فهو متألم على ألمها ووجعها وصرخات الألم التي تخرج منها بعد قليل تلد أول طفل ثم نرى ابتسامة مروان واميرة. يقوم مروان بتقبيلها

ثم تبدأ اميرة ان تلد الطفل الثاني

لكن فور ولادة اميره الطفل التاني فجأة تتوقف أميرة عن الصراخ والبكاء و تغمض عينيها ويرتفع صوت الجهاز ويقل نبض القلب

ينظر مروان بخوف شديد وخضة وباتساع عينيه

مروان : أميرة مالك في ايه ينظر للدكتورة ..ايه اللى حصلها فى ايه...

الدكتورة تقترب منها تحاول ان تفتح عنيها تشاهد الشاشة النبض بينزل

مروان : بخضة فى ايه كانت لسه كويسة و بترد عليا

الدكتورة : طلعوه بر?

تحاول الممرضة ان تمسكه وتخرجه

لكن يدفعها مروان بقوة و عصبيه عنه وبخوف. مش هطلع بره فى ايه.

يقترب من اميره وبدموع. وخوف شديد... اميرة مالك يمسك وجهها اميره رد عليا يا حبيبتى مالك تحاول الممرضة مسكه لكنه يدفعها مره تانية بقوة

مروان : مش هاخرج إلا لما أطمن عليها

الدكتورة : مروان مينفعش كدا اطلع بره لو عايز اميرة تبقى كويسه?

تمسكه الممرضات وتحاول اخراجه بالقوة لكنهم غير قادرين على لجم جموحه وجنونه وقوته فهو لا يريد ان يترك اميرة بهذا الوضع فهو خائف عليها فقد نسي اولاده والعالم كله. فكان كل مايهمه ان يطمن على حبيبته ان ترجع مرة تانيه الى وعيها ...فهو لا يفهم.

لما غابت اميرة عن الوعي

وأثناء محاولة اخراجه خارج غرفه العمليات ودفعه من قبل الممرضات

فجأه.. ينظر مروان باتساع عينه

استووووووب

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا